Sona
Smiling can make u and others happy
- 13,403
- 20,577
- 228
Fantastic update sirUpdate # 10
Karan ne subah se raste tak ki sari ghatna kah dali . Kavya ki hasi choot gayi aur pal bhar me dono bhai bahan cheekh kar bed se door khade ho gaye . Karan aur Kavya jab tak baat kar rahe the 1 cup chai aur aadhe pakode gayab ho gaye .
Kavya - yye kkaise hho sakta hai ? Kahan gayi meri chai aur aadhe ppakode ?
Karan - abb hua yyakeen meri haalat par .
Kavya - hhaaan ... bhago yahan se ... maa ko bataate hain sab .. bbhooot hai yyahan .. bbhooot .
Karan aur Kavya darwaaje ki taraf bhage par darwaaja band ho gaya aur kamre me kuchh aisa najaara dikha ki Karan to Karan Kavya bhi palkein jhapkana bhool gayi .
Kavya - Kkaran ye kaun hai ? Kahi mai khwab to nahi dekh rahi hoon ?
Karan - mujhe nahi pata .
Karan aplak samne khadi uss saundarya ki moorti ko dekhe ja raha tha jo khoobsurat safed libaas jisme chandi ke taar aur sitaare timtima rahe the pahne huye Karan ke kamre me beecho beech khadi in dono ko hairat ki najron se dekh rahi thi . Ji haan wo ladki bhi in dono ko hairani se dekh rahi thi .
Kavya - ho na ho ye pakka koi boodhi - khoonkhar chudail hai jo bhes badal kar hame khane aayi hai .
Kavya ne rote huye kaha par Karan abb bhi uss ladki ko ek tak dekhe ja raha tha .
Karan - mujhe to kuchh bhi samjh nahi aa raha hai , kya koi sach me itna khoobsurat ho sakta hai ?
Kavya - samjhna kya stories me nahi padha kya badsoorat budiya chudail khoobsurat ladki ban kar aati hai aur .... aur .... sabko maar kar kha jati hai aur khoon se nahati hain jawaan banne ke liye .
Kavya ne Karan ko uss ladki ko ghoorte dekha to uske baal kheenchti huyi boli jisase wo uske moh se bahar aa jaaye . Kavya ka aisa karna kaam bhi aaya kyu ki Karan sundarta ki moh Maya se bahar aakar wahan se bhagne ke liye darwaaja kholne ki koshish karne laga .
Karan - Kavya ye darwaja khul kyu nahi raha hai ?
Kavya - dekho bola tha na maine isi bhootni ki karistani hogi . ruko mai sabak sikhati hoon ise .
Itna kah kar Kavya ne paas pada lamp uthaya aur poori taakat se feink kar uss ladki ko mara lekin lamp us tak pahunch hi nahi balki wapas apni jagah par rakh utha . Ladki ki aankhein abb bhi hairaani se in dono ko dekh rahi thi lekin abb wo Karan aur Kavya ki ore badhne lagi to apni maha bahadur Kavya ek cheekh ke sath behosh ho gayi .
Karan Kavya ko samhal nahi paya aur wo farsh par oundhe muh gir gayi Ladki ye sab dekh kar thoda sa mayoos swar me boli .
Ladki - hamse dar kyu rahe ho tum dono kya ham darawne dikh rahe hain .
Uski awaaj yun thi jaise kisi veerane me ghunghru chhanak uthe ho . Jaise aasmaan se achanak moti jharne lage ho . Jaise kaano me shahad ghul gayi ho . Karan ne aaj tak itni meethi awaaj nahi suni thi . Lekin Karan ki to haalat kharaab thi ladki se .
Karan - kkkkaun ho tum mera matlab hai aaaap ?
Ladki - hamara naam Rajkumari Swara hai . Ham paristaan ki sabse chhoti Raj pari hain .
Ladki ne Royal style me garav se kaha .
Karan - waahh aaur mai chutiyaaa hoon , hai naa ?
Swara - ham samjhe nahi ?
Karan - look madam aap jo bhi ho yahan se chali jaayein kyu ki na mujhe aap ke jhooth par yakeen hai aur na hi mai karne wala hoon .
Swara - lekin ham jhooth nahi bol rahe hain Karan .
Karan - mmai kaise maanu ?
Swara - kaise dilayein ham yakeen ?
Pari ne bebasi se kaha .
Karan- ok pari ho aap to apni chhadi aur pankh dikhaiye ?
Karan me abb thodi thodi himmat aa rahi thi . Karan ne Swara se baat karte huye Kavya ko uthana chaha lekin agle hi pal Kavya bed par thi wo bhi sheet odh kar jaise kaafi der se so rahi ho . Karan bhauchakka sa dekhta rah gaya jabki Swara ne bolna jari rakha .
Swara - chah kar bhi nahi dikha sakte hain kyu ki ham bina Rani maa ki ijaajat ke iss dharti par aaye the to saja ke taur par pankh aur hamari jadui chhadi wapas le li gayi hai .
Karan - mujhe kya lena dena inn bakwaas baaton se . aap jo bhi ho mujhe kyu pareshan kar rahi ho . Please yahan se chali jao .
Swara - ham nahi ja sakte hain .
Karan - kyu paristan se tadipaar ho gayi kya ? ( daant pees kar )
Swara - ham chori se apni saheliyon ke sath jungle me ghoomne aaye the par uss raat aap ko musibat me dekha to hamse nahi raha gaya . Ham aap ko bacha kar aap ke ghar to le aaye par hamari saheliyan hame chhod kar bhag gayi aur Rani maa ne hame saja ke taur par yahi chhod diya . Abb aap ke siwa kisi ko jante to nahi hain isliye aap ke hi saath rahenge hamari saja poori hone tak .
Pari ne siskna shuru kar diya . Karan ko uska rona bahut hi jyada bura lag raha tha par wo abb bhi samjh nahi paya tha ki manjra kya hai .
Karan - aap please yahan se kahi aur jakar roiye aur mai nahi aane wala aap ki baaton me . Jo jadu hai aap ke paas usi ko istemaal kar ke kaat lijiye apni saja lekin jaiye yahan se .
Karan jor se chillaya .
Swara - ye jadu to sirf aap sab ki hifajat ke liye hai iska istemaal kar ke ham jaa nahi sakte naa hi kisi se lad sakte hain . Agar ham lalach me karenge to bhi jaadu kaam nahi karega . Isi liye do din se bhookhe hain ham aur kuchh kha bhi nahi pa rahe hain . Ham waise bhi jaadu seekh hi rahe the aur ye niyam todne wali galti ho gayi hamse .
Karan - waah pari wo bhi learning period wali man kar raha sir fod loon apna . Mujhe nahi sunni abb koi bhi bakwaas . Chali jao yahan se abhi ke abhi .
Karan aankhein band kar ke cheekha . Awaaj sun kar Karan ki maa aa gayi . Unhone asaani se Karan ke room ka door khol liya . Maa ki awaaj sun jab Karan ne aankhein kholi to samne se Swara gayab thi . Karan ne rahat ki saans li . Maa ne Kavya ko hilaya aur daant kar boli .
Maa - ye koi samay hsi sone ka utho aur khana banao .
Kavya ne angdaayi li aur uth kar baahar jane lagi . Karan ne usase thodi der pahle huyi ghatna ke baare me poonchha lekin wo poori tarah bhool chuki thi . Karan ke liye ye kisi sadme se kam nahi tha . Wo akela tha jo is ghatna ke baare me yaad rakh paa raha tha baki ke dono yani Rohan aur Kavya sab bhool chuke the .
Karan ka dam ghutne laga to wo chhat par jakar tazi hawa me pareshan sa idhar udhar tahalne laga . Tahlte huye Uski najar chhat ke doosre kone me gayi to wahan Swara kone me baithi thi aur badi badi neeli aankhon se Karan ko hi dekh rahi thi . Din ki roshni me uska saundraya kayi guna badh gaya tha . Karan ne aaj tak isase masoom chehra nahi dekha tha . Karan ko Swara ke Pari hone par jara bhi yakeen nahi tha . Uske bhi hisaab se ye koi jaadui chudail wagaira thi baawjood iske wo apni aankhein uspar se nahi hata pa raha tha . Usko nahi pata tha ki iss roop ke chakkar me usko aage chal kar naa jane kaun kaun se din dikhai padne wale the .
Karan ki heroine pari hogi?
Karan usse irritate bi ho ra or attract bi
Dekhte swara kaise yakeen dilayegi karan ko ki wo pari hai
Waiting for next update
