Update 149
Chahat - 2 (a)
"Udhar kahan chale? Ab ye mat kehna ki tumhe bhi kirtan me baithna pasand hai?", Vinni jaise he Arjun ke sameep khadi hui, wo ghar ke andar jaane laga. Vinni itne waqt me ek baar bhi Arjun se dhang se mil bhi na paayi thi aur ab uske pas sahi mauka tha. Ghar ki sabhi mahilaye aur yuvtaiyan baithak me chal rahe kirtan me shamil thi, aas-pados ki mahilayo ke sath.
"Meri pyaari Vinni didi, main toh khud is shor se bachne ke liye aap logo ke kamre me ja raha hu. Chalo agar sath chalana hai toh.", Arjun ka aisa jawaab sunn kar jo khushi Vinni ke chehre par is waqt thi, jaise Arjun ne uske dil ki baat he kar di.
"Haan, mujhe bhi ye sab pasand nahi lekin jab sabhi idhar hai toh main akeli bhi kya karti? Ab tum mil gaye ho....", Arjun se wo itna kehte kehte he khamosh ho gayi. Yaha gate par ye neeli esteem car aa ruki thi aur in dono ki najar he us se bahar aate aadmi aur aurat par atak gayi. Sughad sharir ki wo mahila behad gori thi, ausat kad ke sath. Vyakti mehngi jeans aur collar wali tshirt ke sath dhoop ka chasma lagaye tha, jo bahar nikalte he usne apni saamne wali jeb me rakh liya.
"Ae ladke, jara car se samaan nikal kar kamre me rakho.", Arjun ko wo vyakti jaise aadesh de raha tha ye sunn kar Vinni ka para apni hadd se jyada chadh gaya. Wo kuch bolne ko he hui thi lekin Arjun ke jawaab ne usko wahi rok diya.
"Ji chacha ji, namastey. Ye bhi kehne wali baat hai bhala? Namastey chachi ji.", Arjun dwara unhe chacha chachi kehna jaha Vinni ko shaant kar gaya wahi wo vyakti thoda jhemp gaya apne he kahe shabd par. Mahila ne sapaat chehre se najre jhuakye hue he Arjun ko pratiuttar me namastey bola. 2 bag pichli seat se nikalte hue Arjun unhe liye mehmaan kamre me dakhil ho gaya. Vinni bhi rasoighar chali gayi thi paani laane.
"Tum ho Shankar bhai ke ladke?", Ye vyakti jaise alag he mitti ka bana tha aur kahi se bhi Rameshwar ji ke is sansar wale kisi sadasya jaisa na tha. Joote kholne ke baad unhi hatho se Vinni dwara laya paani ka gilas pakadte hue usne ek sarsari najar Vinni par maari aur mooh me he paani ghumane lage.
"Ji chacha ji, Arjun naam hai mera. Aap thoda araam kijiye main chai leke aata hu aapke aur chachi ji ke liye. Bhai (nanha bacha) toh shishi ka doodh nahi peeta na?", Arjun dwara us navjaat ko bhai kehne par ye aadmi thodi shekhi se bola.
"Coffee bana dena agar aati ho toh. Lagta hai sabhi bhajan-kirtan me vyast hai aur tum bhi behno me reh kar ghar grehasthi seekh rahe ho. Tumhara bhai apni maa ka he doodh peeta hai toh uska ahaar uske pas hai.", Vinni toh paani dete he idhar se chali gayi thi aur ab Arjun bhi dono gilas liye nikal gaya.
"Ji, main taai ji ki taraf chali jau? Niketan so raha hai.", Pehli baar ye mahila kuch boli thi aur wo bhi jaise dabi hui awaaj me.
"Haan chali jao.", Itna keh kar ye vyakti 2 takiye sirhane lagata hua pasar gaya. Bacha chain se so raha tha aur mahila yaha se bahar aangan me nikalti hui pehle bathroom gayi aur phir baithak me, jaha sabhi bhajan-kirtan me vyast the. Kuch he samay baad ghar me pravesh karte Shankar aur Inder bhi seedha is mehmaan kamre me dakhil ho gaye.
"Kya haal hai tere Bindiye?", Narinder ji ne toh aate ke sath he panja is vyakti ki jaangh par chhaap diya tha. Is masti bhari mulakaat me in janaab ke chehre par bebasi ke sath jhoothi khushi bhi aa gayi.
"Aahh.. Inder bhai.. Main toh badhiya he hu..aap sunao. Kaise ho Shankar bhaiya?", Uski halat dekh kar Shankar ji ne apna pyaar nahi jataya Narinder ki tarah. Bas hanste hue usko ek taraf sarkate hue bagal me baith gaye.
"Vinod, tu toh aaj dopehar tak aa raha tha? Waise personality toh gazab ho gayi hai teri aur car bhi top model.", Ye vyakti Krishneshwar ke suputra Vinod Sharma the aur in dono ke chhote chachere bhai. Abhi tak wo apni jaangh masal raha tha lekin tareef sunn kar thoda khush ho gaya.
"Wo jaruri kaam padd gaya tha bhaiya Hotel ka, isliye deri ho gayi aane me. Ab raat ruk ke he jana padega. Waise bhi Inder bhai ke sath beer peene ko milegi toh badhiya he hua.", Beer wali baat sunn kar Narinder bhi kareeb hote hue Vinod ki jaangh sehlane laga.
"Bada businessman aur hamare jaise berojgaro ke sath beer ki khwahish? Chalo itna toh jugaad he lenge tere liye, meri jaaneman. Waise aaj toh Raju bhai bhi mood me hai, pichle ghar he chalte hai. Tu mil le gharwalo se aur naha dho liyo. Umed beer aur murga le kar udhar he aayega seedha.", Abhi wo aur baatein karte lekin Arjun ko tray me 4 cup coffee laate dekh baatein rok di.
"Waah, mera beta toh ye sab kaam bhi karne laga. Aaj tere hath ki coffee bhi pee kar dekhte hai.", Narinder ji ne Arjun se tray le kar bister par rakhi toh ek cup kaali coffee ka bhi tha.
"Thank you yar, mujhe badi talab thi is black coffee ki. Vinod, ye Arjun hai. Hamara beta aur Arjun tere chacha ji toh chale jayenge chachi ko chhod kar. Apne chhote bhai ka poora khayaal rakhna, bacho ki bahot si jarurat hoti hai.", Shankar ji aaj thik purane avtaar me the jaha wo hamesha Arjun ke sath aatmiyata se pesh aate the. Arjun ne bhi khushi se haami bhar di.
"Ji papa. Aur dono bathroom me toliye rakh diye hai. Andar wale me aapke kapde bhi, maa ne bataya tha ke aap naha kar doctor dada ji ke ghar jaane wale hai.", Arjun ne baat karte hue us masoom se gol matol bache par nigah ki jo halke halke hontho ko hila raha tha neend me.
"Haan sahi yaad karwaya yar. Inder tu bhi naha le phir Vinod ko bhi sath le kar Sangwan chacha ke farmhouse chalte hai.", Arjun toh chala gaya tha aur Shankar ji ne ab baaki dono se kaha.
"Ab waha kyu? Jab party apne pichle ghar me hai toh farmhouse nahi jana."
"Abe sunn toh liya kar bhai. Waha samaan rakha hai kuch jo leke aana hai. Us farmhouse pe kal se kaam chalne lagega kyonki shaadi wale mehmaan bhi waha rukenge. Chal tu coffee khatam kar aur Vinod, papa bhi aa gaye bahar. Coffee khatam karke mil lena unse, bagiche me he baithe hai.", Shankar ji yaha 5-10 minute aur baithe aise he baatein karte hue. Udhar Arjun ko sath liye ab Vinni ghar ke sabse khaas kamre me thi. Ye wahi kamra tha jaha ab Komal didi rehne lagi thi, Ritu-Alka ke kamre ke sath juda hua wo khaas kaksh.
"Vinni didi, ye aapko kya hua?", Arjun sthirr khada tha aur uske seene se Vinni kass kar lipti bas khamosh thi. Vinni ke bahupash me qaid Arjun bhi kuch kuch unki halat samajh raha tha lekin ye waqt pyaar ke liye munasib bhi nahi tha.
"Aap kuch toh boliye didi. Ghar me sabhi hai is waqt aur mera is kamre me aapke sath hona galat kehlayega agar kisi ne dekh liya toh."
"Tumhare pas time he kab hota hai? Aur mujhe kisi ke dekhne ya aane ki koyi parwah nahi lekin ab aur duri bardasht nahi hoti.", Vinni ke khoobsurat chehre par aaya dard uski chahat ke sath dard bhi dikha raha tha. Ek pal ke liye Arjun ne bhi sabkuch bhulate hue, unka chehra dono hatho me thaam liya. Khud he Vinni ne honth aage badhate hue Arjun ke hontho se mila diye. Kashish se bhara ye chumban sirf sparsh ki chahat tha.
"Sorry. Raat ko main mere he kamre me sone wala hu, aap barabar wale kamre me sone aa jana.", Arjun ne is baar khud he Vinni didi ko baahon me liye kaha tha. Vinni ke dil ko ab kahi sukoon aaya aur wo kuch pal aise he us majboot seene se lagi is ehsaas me doobi rahi. Wo koyi sharirik milan ke liye lalayit na thi, bas Arjun ke sath kuch ekaant palo ki chahat thi.
"Thik hai, mujhe bhi atchi neend ki jarurat hai. Tara ke sone ke baad main tumhare pas chali aaungi.", Arjun ne bhi is baat par sehmati dedi. Ab dono he sannyatt the halki masti karte hue Arjun ne Vinni didi ke ubhre hue thos kulho par hath jama diye.
"Pata nahi neend aayegi ya udegi. Waise he sona padega jaisa pichli baar..."
"Chhiii.. gande kahi ke. Tumhe raat ko thik karti hu main aur ye hath jyada he nahi ghoom rahe?", Maja Vinni ko bhi aa raha tha Arjun ki harkato se lekin sharam se gaal gulabi bhi ho rahe the. Arjun ne thodi aur aage badhte hue wo naram phoola hua hissa panjo me daboch liya.
"Abhi toh aap seene se lagi hai nahi toh ye hath toh is se bhi jyada soft jagah jana chahte the. Waise raat ko toh khud aap unhe mere hatho me pakdane wali ho.", Arjun ka ishara Vinni ke motte chucho se tha jo apne aap me he khaas the. Chharhare lambe sharir par Vinni ke wo motte stann bahar se utna nahi pata chalte the jitna nirvastra awastha me.
"Kar lena jo karna ho tumhe, main toh khud chahti hu ki tum aise he mere sath raho. Waise wo tumhara chacha badtameej hone ke sath sath tharki bhi hai. Jaise usne tumhe bulaya tha, mera dil kar raha tha ki goli maar du. Kameena apni biwi ke saamne bhi mujhe taad raha tha. Hain kaun wo jaahil?", Ab baaton ka rukh badla toh Arjun bed ke kinare baith gaya, Vinni ko apni jaangh par baithate hue. Chehre par hansi thi aur ek hath Vinni ke makhmali gaal par.
"Oh meri pyaari didi, itna gussa matt kiya karo aur wo chhote dada ji ke bete hai Vinod Sharma. Eklaute hai aur laadle bhi, toh hukum chalane ki aadat padd chuki hai. Main khud unse pehli baar mila tha aaj, jabse bada hua hu. Lekin jaankari thi ki wo kaun hai. Waise bura mujhe bhi laga tha jab wo aapko dekh rahe the aur unki biwi, Anamika chachi sharminda hoti najre jhuka rahi thi. Lekin jaane do na kyu mood kharaab karti ho aap apna.", Arjun ka ek hath unki peeth se hota hua kamar ko pakde tha jis se Vinni bilkul chipki hui thi ek taraf se. Wo motta ubhaar dheele top ki wajah se utna bada nahi dikh raha tha lekin Arjun ke hontho se bas ek inch dur tha. Arjun ki saansein waha lagne se Vinni ne apna ubhar uske chehre se sata diya.
"Uski toh halat kharaab karke rahungi, tum dekhte raho bas. Tumhara chacha hai toh main bhi bhatiji lagi na lekin phir bhi ghur raha tha, ab jalwe dikhati hu aur uske baad halat dekhna apne chacha ki. aahhhh.. ", Vinni jaise mann he mann kuch thaan chuki thi aur jaise he Arjun ne kapde ke upar se us ubhar ko chooma sharir kaamp gaya. Vinni ne khud he Arjun ka chehra apne dono kabutaro ke beech dabate hue ek aur maadak siski di..
"Bas karo yar Vinni didi. Kirtan khatam hone wala hoga, toh aap niche jao. Mujhe ghanta bhar sone dijiye, phir raat ko pyaar kar lena jitna dil kare.", Arjun ne kulho par halki chapat lagate hue unhe uthne ka ishara kiya toh wo hansti hui uth khadi hui.
"Raat ko bas tayaar rehna. Kar lo araam, main jara dekhu wo tharki chacha kya gul khila raha hai.", Vinni aankh maarne ke baad kamre se nikal gayi aur Arjun bhi hansta hua takiye ko seene se lagata bister par leit gaya. Ye bister uski pyaari Komal didi ka tha aur unki mehak hamesha sukoon deti thi Arjun ko. 2 minute me he aankhen bojhil hote hote band ho chuki thi. Neend ki sakht jarurat bhi thi us sharir ko.
.
.
6 baje kirtan khatam hua toh aas-pados ki mahilaye dhire dhire karke bahar nikalne lagi. Annu ke mata ji bhi aaj yaha aaye hue the jo Rekha aur Lalita ji se baat karti hui bahar darwaje tak aa gayi thi. Krishna ji ko Malhotra aunty aur unki beti apne sath he ghar le gayi. Saroj bhabhi bhi Madhuri Priyanka ke sath baatein karti hui unhe liye apne ghar ke aangan me chali aayi. Mehmaan kamre ke darwaje par khada Vinod sabhi ko dekh raha tha.
"Komal bitiya, taai ji kaha hai?", Vinod ne aangan me ab sirf 5-6 yuvtiyon ko khade paya toh kamre se bahar idhar he chala aaya. Yaha Komal didi Akanksha aur Rupali se kuch baat kar rahi thi. Wahi unke pas he Preeti bhi Akanksha ke kandhe par hath rakhe muskurati hui unki baaton ko sunn rahi thi lekin Vinod chacha ki awaaj par Komal didi palti toh Akanksha yaha se nikal chali Rupali ko apne sath liye. Preeti ne hath hila kar 'bye' ka ishara kiya toh waisa he jawaab mila.
"Chacha ji, daadi ji toh abhi abhi Papa ke sath Kashyap uncle ke gayi hai. Wo aunty ko BP ki problem hai thodi isliye.", Is dauraan Vinod bade dhyaan se Preeti ko bhi dekh chuka tha jo unhe namastey kar rahi thi.
"Atcha atcha. Main toh bas aise he pooch raha tha kyonki mila nahi hu abhi tak unse. Waise ye bitiya toh waha gaanv bhi aayi thi Ritu ke sath?", Vinod ko Preeti pehchaan me aa gayi thi beshak waha wo jyada mil nahi saka tha in sabse lekin is ladki ka aakarshan ek ghante me he uske sar chadh gaya tha waha.
"Ji, Preeti col dada ji ki pauti hai aur Arjun ka rishta iske he sath he hua hai.", Komal ne ek line me he sahi parichaya de diya tha Preeti ka aur Ritu dwara bullet start karne par Preeti uske peeche ja baithi. Vinod hairat se wo laal badi motorcycle aur uspe sawaar Ritu ko dekhne laga.
"Didi, 10-15 minute tak aa rahe hai apni he market se. Tailor se kapde laane jaruri hai, 7 baje dukaan band ho jayegi aur kal Somwar hai.", Ritu ne toh Vinod chacha par koyi dhyaan he na diya tha, jaise wo waha maujud he na ho. Komal dwara haan karte he wo dug-dug karti Rani badi shaan se galiyare se hoti bahar wale gate se nikal gayi. Annu ki mata ji bhi mooh par hath rakhe hansne lagi thi Ritu ko bullet chalate dekh.
"Beta is ladki ko toh Shankar bhai ne kuch jyada he sar chadha rakha hai. Aisa toh ghar me ladke bhi nahi karte aur humare khandaan ki bahu betiya sanskaro se rehti hai.", Vinod chacha ko toh jaise Ritu ka vyavahar chotil kar gaya tha lekin us se jyada thess lagi thi Preeti aur Arjun ke rishtey ki baat jaankar.
"Ritu ko papa ne nahi chacha ji, daadi ji ne khud kaha tha motorcycle seekhne ke liye. Sanjiv bhaiya jyadatar bahar hote hai aur Arjun ka routine bhi vyast rehta hai. Daadi ji ke liye ab Ritu bete jaisi hai aur isme dada ji ki bhi sehmati hai. Aap chai-coffee lenge kuch?", Komal bhi ab jyada baat nahi karna chahti thi apne is chacha se. Baat sunn kar bura toh laga tha lekin Komal hamesha he shaant rehti thi.
"Na chai-coffee ki jarurat nahi hai Komal, tumhare chhote bhai ne bana di thi mere liye. Khair jab tauji-taaiji ki sehmati hai itni ajaadi ke peeche toh mera kehna he kaha banta hai.", Unka jawaab sunn kar Komal apni maa aur taai ji sath he andar chali gayi. Alka aur Richa abhi bhi baithak me gappe haank rahi thi Marina, Ruchi bua aur Anamaika ke sath, jo ab apne bete ko goad me liye doodh bhi pila rahi thi. Vinod tehalta hua Arjun ki car tak chala aaya.
"Atchi car hai na Vinod beta? Ye dono he Arjun ki hai lekin neeli usne apne bade bhai ko shaadi ke uphaar me de di. Ye wali uske liye khaas hai, jo tere tauji ne gift ki hai thode samay pehle.", Vinod dekh raha tha ki car ko tala nahi laga tha, beshak chabi nahi lagi thi. Ye kaali car bilkul chakachak thi aur Kaushalya ji ki baat sunn kar pehle toh usne charan sparsh kiye phir narmi se apni dil ki bhadaas nikalne laga.
"Kya taai ji, 18 ka hua hai wo ladka aur 2-2 car, wo bhi mehngi wali. Wo toh automatic model hai, jo jyada mehnga hai. Aapko nahi lagta ki ek ladke jarurat se jyada he diya ja raha hai?", Kaushalya ji apne bhatije ki baat sunn kar muskura di. Unhe Vinod ki tabiyat ke baare me atche se pata tha
"Sabkuch uska he hai toh kam kya aur jyada kya beta? Diya usko lekin usne toh wo bhi sabme baant diya. Pichle ghar ko khud he apni chaachi (Krishna) ke naam kar diya usne aur tu kehta hai ke hum usko de rahe hai. Tere bete ka bhi hissa chahta hai wo Delhi wale project me.", Vinod ab aur jyada aahat hua tha ye sunn kar ki Arjun sabkuch aise baant raha hai. Usko toh pehle he is baat se narajgi thi ki uske baap ne apne hisse ki aadhi jameen bhi Arjun ke naam likh di thi jisko wo bechne ke sapne dekhta rehta tha.
"Ek jeb se nikaal kar apni he dusri jeb me daalna kabse daan ho gaya taai ji. Chalo chhodo ye sab toh aap bade logo ne dekhna hai. Waise taau ji se keh ke mera XXXX shehar wala kaam he karwa do aap. Meri toh maan nahi rahe lekin aap kahengi toh wo jameen pass karwa denge. Bade jija ka bhi paisa laga hua hai udhar.", Ye apni nayi jugat bhidane laga tha Vinod, jisko aaye abhi ghante se kuch samay he upar hua tha.
"Shaadi ke baad ho jayega tera kaam lekin pehle bata deti hu jo bhi baat ho poori batayega. PreetPal (jija) pe toh ratti bhar yakeen na hai mujhe, lekin tera business hai isliye main unko raaji kar lungi. PreetPal se wo pehle he naraaj hai aur tu ek aur dhanda us karamjale ke sath karne laga hai. Soch samajh ke kariyo jo bhi karna hai.", Kaushalya ji ki khari khari sunn ke bhi Vinod ko atcha he lag raha tha. Ek yahi thi jo usme aur apne bacho me farak nahi karti thi.
"Tabhi toh aap meri maa se bhi badhkar ho taai ji. Nischint raho, main bas waha bhi hotel he banane wala hu poore kaayede ke sath. Waise Shankar bhai nahi aaye wapis. Aapke sath he gaye the."
"Aa raha hai Shankar bhi abhi Inder ke sath. Sanjiv se kuch baat kar rahe hai dono he bahar.", Abhi Kaushalya ji ne itna kaha tha aur teeno vyakti gate se andar chale aaye. Sanjiv ne bhi Vinod chacha se paanv chhu kar mulakaat ki.
"Teri wali car ki chabi dede Sanjiv, chalane me maja aata hai usko.", Shankar ji ne cielo ki chaabi maangi toh Sanjiv ne turant unhe thama di.
"Kahi jaana ho toh Esteem le jaiyo, humko thodi der bhi ho sakti hai.", Narinder ji ke aisa kehne par Kaushalya ji ne apne dono beto ki taraf ghoor kar dekha aur is beech Vinod ki najar phir se ghar me ghusti us laal bullet par gayi jisko dekh uski taai ke chehre se gussa gayab ho gaya tha.
"Ab yahi baaki tha bas. Kahi gir gayi toh ek taang par chalogi baaki umar.", Shankar ji hans kar keh rahe the Ritu ko aur unko badi khushi hui thi apni beti ke is swaroop ko dekh kar. Ritu ne jis kushalta se dohra stand lagaya tha wo dekh Narinder ji ne jawaab diya.
"Meri beti hai ye Shankar, double stand tere se bhi badhiya laga diya farsh pe aur tu keh raha hai ye motorcycle girayegi. Waise tum na poori sardarni lagti ho beta ye chalate hue, janchti hai.", Preeti kapdo ka bag liye sar pe dupatta kiye muskura rahi thi aur Ritu ne chabi apni daadi ko pakdate hue kaha.
"Chacha ji, sikhane wale ne kaha tha ke kuch bhi bada nahi hota agar dil ke sath sath sahi technique aur dhyaan se kaam kiya jaye. Ye bullet ab mujhe car se bhi jyada atchi lagti hai chalani, jaise dada ji ko lagti thi.", Apni daadi ke gale me baahen daal wo Pandit ji ka jikar karti jaise unke bhi maje le rahi thi.
"Chal pagal kahi, ki kuch bhi bolti rehti hai.", Kaushalya ji ko bhi sabse adhik sneh Ritu se he tha aur har naye din ke sath wo koshish karti thi is ladki ko jyada se jyada khush rakhne ki.
"Waise ye sab aadmiyon ke shauk hote hai, meri baat ka bura naa maan-na taai ji. Main bitiya ke khilaf nahi hu lekin samaaj me thoda galat prabhav bhi padta hai itni ajaadi ka.", Bas yahi kami thi Vinod ki aur kaha bhi unke saamne jo Ritu ke liye ek lafz nahi sunn sakte the. Dono bhai toh khamosh he rahe kyonki maa maujud thi aur ye chachera bhai tha.
"Tere tauji ko jab chott lagi thi toh Shankar meri goad me hua karta tha Vinod. Mere pita ji ne beshak mera byaah jaldi karwaya tha lekin car sikhate waqt ladka ladki ka farak nahi kiya tha. Us time wahi shiksha kaam aayi thi apne pati ko hospital le jaane ke liye. Aur meri beti 10 aadmiyon pe bhaari hai hunar-dimag ke maamle me toh main isko baand ke na rakhti chahe baaki kisi ko main bina sar dhake ghar se na nikalne du. Jo layak hai, haq uska.", Itna keh kar wo Ritu aur Preeti ko sath liye bheetar galiyare me chali gayi. Apni maa ke aakhiri lafz sunn kar toh Shankar ji ka bhi mooh khula reh gaya tha.
"Tu udta teer le liya kar hamesha. Ladkiyan hamesha ladko se behtar hai Vinod aur tu bahar nikal thoda apni dohri maansikta se. Ab chal nahi toh kahi thaanedar ke hathe chadh gaya toh murga bana denge.", Narinder ki yahi khaasiyat thi ki wo mahol ko kharaab nahi hone dete the. Shankar ne bhi jyada kuch kahe bina car ki taraf kadam badha liye.
"Taai ji ke aage kisi ki chalti bhi kaha hai bhai. Maine toh bas isliye kaha tha ke wo motorcycle hai. Scootry ya car se mujhe pareshani nahi. Waise ye wali car le chalo Shankar bhai.", Vinod ne kaali lancer ki taraf ishara karte hue apni itcha jataai toh Shankar ne naa me gardan hila di.
"Hath bhi lagana mana hai isko Vinod. Wo sirf Arjun ki hai aur wo apni behan ke siwa iski chabi kisi ko nahi deta. Car toh car he hai yar, phir main udta teer kyun lu teri tarah?", Ab Vinod ko toh bas Arjun aur uski behan he apne sabse bade dushman najar aa rahe the. Kar kuch sakta nahi tha kyonki Shankar ka bhali bhanti pata tha usko. Chupchap car ki pichli seat pakad li aur teeno nikal liye kaam par, jiske baad unki apni mehfil bhi sajne wali thi.
"Vinni didi, sachmuch khatarnak ho aap. Haalat dekhni thi Vinod chacha ki ek baar. Hahaha", Ritu andar Vinni ke gale lagti hui hans rahi thi aur Preeti ke sath sath waha Aarti, Tara aur Komal bhi maujud thi is samaya.
"Tabhi toh tujhe motorcycle le jaane ka kaha tha maine. Ghatiya soch wala aadmi kabhi bhi aurat ko apne se aage dekh he nahi sakta. Aur tujhe tokna matlab daadi ji ke sath sath Shankar chacha ko bhi tokna. Main uski halat dekh rahi thi jaali wale darwaje se. Hahaha.. tharki ganwaar kahi ka.", Vinni ne khud saamne na aa kar ye jaal bichhaya tha Vinod chacha ke liye.
"Vinni didi, aapne shayad ek baat par dhyaan nahi diya.", Sabhi Alka ke chehre ki taraf dekhne lagi.
"Aisa kya dekh liya tumne jispar dhyaan nahi gaya?", Vinni ne turant sawaal kiya kyonki Alka gambhir thi is samay.
"Vinod chacha gaanv me bhi Preeti ko ghoor rahe the didi aur aaj bhi jab Preeti waha Komal didi ke pas khadi thi toh unki najre Preeti par he thi. Alka ne ye atche se pehchaan liya.", Ritu ki baat wahi thi jo Alka kehne wali thi.
"Haan. Aur wo Akanksha ko bhi dekh rahe the. Thoda dhyaan rakhna hoga is baat ka kyonki gaanv me toh pata lag he gaya tha ke ye harami insaan hai lekin khud fansne ki jagah nirdosh ko he galat saabit kar dete hai.", Alka ke is bade khulase se Aarti bhi hairat me padd gayi.
"Vinod chacha ki kundli hai Aaru ke pas aur wo yaha baithe sabhi se jyada samajhdar hai. Tum logo ki ye shararte jarur kuch aisa waisa karwa dengi lekin Aaru pehle se kuch soch kar baitha hai.", Komal didi ke is khulase par baaki sab unko dekhne lage. Wo jyada nahi bolti thi aur jo kehti thi uska saboot hamesha unke pas hota tha.
"Matlab ki baat kuch aur bhi hai?", Vinni ke is sawaal par Komal ne kandhe uchka diye.
"Nahi pata ke baat kya hai lekin wo Sanjiv bhaiya se dabi awaaj me bahot si baatein kar raha tha aur un dono ke pas alag alag files thi. Vinod Sharma ka jikar tha sabse pehle page par. Aaru kya kar raha hai ye pata lagana toh mumkin nahi par wo pehli baar milte hue bhi Vinod chacha ko pehchan gaya tha. Tum log waise he raho jaisi rehti ho, uska kaam bigad sakta hai kisi ki galti ki wajah se.", Komal didi ki baat se Tara ittefaaq rakhti thi.
"Haan, Richa bhi Arjun se kuch alag he baatein kar rahi thi. Sunai toh nahi diya lekin dono badi saavdhani se baat kar rahe the. Waise bhi ye mama toh ab shaadi se 2 din pehle he aane wala hai, bhaad me jaaye.", Tara ki baat par sabhi hansne lagi toh Ritu ne Preeti ko lapet liya sabke saamne.
"Tu bhi bahot se gul khila rahi hai Preeti. Ab jara bata bhi de kya chal raha hai tera Arjun ke sath? Detail na sahi lekin itna toh bata sakti hai ke kuch khaas hain na.", Preeti sharam se sikudne lagi thi is baat par. Arjun ne itni savdhani barti thi lekin Ritu kaise jaan gayi ye Preeti ko samajh nahi aa raha tha.
"Wo.. wo.."
"Kya wo wo laga rakha hai yar.. Tera boyfriend hai aur bindaas bol jo bolna hai.", Tara ne haunsla diya toh Preeti ne ek line me he sabkuch keh diya.
"Tuesday ko sabhi log ja rahe hai toh Arjun ke sath meri date hai us din.", Aur wo turant uth kar bhaag gayi is kamre se, sabko hairaan chhod kar.
"Oh teri. Ye billi toh badi shatir nikli yar. Aur Tuesday ko sab log kaha ja rahe hai?", Tara ne ab Ritu ki taraf dekhte hue poocha.
"Mandir aur fir uske baad gareebo ko bhojan bhi karwana hai. Daadi ne thodi der pehle he bataya tha mujhe ki sabhi ja rahe hai parso savere 5 baje siwaye Arjun ke. Lekin ye dono toh itne khaas din kuch aur he plan banaye baithe hai. Billi se jyada toh chooha (Arjun) chalaak hai yaha.", Ritu ko bhi ye baat nahi pata thi in dono ki.
"Hahaha.. tu hairaan kyu hai darling? Preeti ki pehli date hai Arjun ke sath, atchi baat hai na.", Alka maje le rahi thi aur usko pata tha ki Ritu ko ye atcha laga hai lekin bhanak nahi lagne par hairaan thi.
"Main bhi ruk jaati hu phir toh.", Aarti ne masoomiyat se kaha tha.
"Na darling, un dono ko tumhare experience ki jarurat nahi padne wali. Mushkil se toh Arjun waqt nikaal raha hai iske liye, tu ruk gayi toh uski rahi sahi himmat bhi jawaab de jayegi.", Tara ne Aarti ko apne sath lagate hue masti ki.
"Iska matlab tha ke kahi Preeti ko jarurat..."
"Chhii.. bahot gandi ho yar tum Ritu. Main chali niche kaam karwane tum lagao gappe. Chalo Komal didi.", Aarti jhempti hui uth kar chalne lagi toh Alka ne uske motte kulho par thappad raseed kar diya. Maansal hissa idhar udhar hila toh Aarti ki bhi 'aahhh' nikal gayi.
"Sudhar ja yaar.. aahh.. Raat ko batati hu tujhe.", Aarti pichwada masalti hui Komal ke sath niche chal di, jaha bahot kaam baaki tha. Aise he ye sab bhi apne kapde badal kar ya toh padhai me lag gayi ya niche kaam karwane chali aayi. Arjun abhi bhi andar wale kamre me maje se soya pada tha, din duniya se bekhabar apne meethe sapno me.
.
.
Kramash
