You are using an out of date browser. It may not display this or other websites correctly.
You should upgrade or use an alternative browser.
You should upgrade or use an alternative browser.
- Status
- Not open for further replies.
Nice update bhaiUpdate 184 (2)
Vivaah-Purva
Sanjiv ki hone wali biwi Radhika ke pariwar ka sankshipt parichaya.
Somnath Dutt (55)Radhika ke Tauji /Vidhayak-Karbori
Meenakshi Dutt (50) Radhika ke Taaiji /karobari Mahila
Mohit Dutt (30) beta/karobar me maa-baap ke sath
Vidhya Dutt (29) bahu
Nikita Dutt (27) beti/Naami 5 sitara Hotel ki malkin
Subhash Chandar Dutt (51) Radhika ke Pita/Prakhyat Dava karobari
Devika Dutt (47) Radhika ki Maa/Karobari mahila
Radhika Dutt (26) beti/Police adhikari
Akhil Dutt (24) beta/ Manmauji
Urvashi Gaur - Devika Dutt ki behan/Radhika ki choti mausi
Suresh Gaur - Subhash Dutt ka sahdhu aur Rajesh Sharma (Arjun ke mama) ka sala.
Pihu Gaur (19) - Suresh-Urvashi ki eklauti santaan aur Radhika ki mauseri behan
Parthiv Vashisht - (44) Devika aur Urvashi ka bhai. Radhika ke mama
Mala Vashishth - (39) Parthiv ki patni aur Radhika ki maami
Jahan Pandit ji ke pariwar me mehandi-haldi ki rasam unke ghar pe he ho rahi thi, sage sambandhiyon ke beech wahi Dutt pariwar ne apni bitiya ki in sab rasmo ke liye XXXX shehar se bahar apne bade farmhouse ko chuna tha. Delhi marg par thoda andar ki taraf sthit unka ye vishal farmhouse jitna harabhara tha utni he behtareen imaraat thik beech me bani thi. Kayi ekad me faila hua farmhouse lagbhag 100 se jyada logo ki chehal-pehal ka gawaah tha. Aam, dhaak, aanwle, shisham, popular aur neem jaise vriksho ka ghantatva itna adhik tha ki bahari ki garmi se jaise ye jagah achhoti he thi.
Ghumavdar sadak jo pathhar se bani thi, uska failaav lagbhar har taraf tha. Is par he chal kar kareeb 30 car ek nirdharit jagah bade he karine se khadi ki gayi thi aur aalishaan imarat se pehle he tennis aur badminton ke court bane the, jo filhal nishpraan se the. Neeli tile se bana ek bahot he lamba chauda tarantaal thik imarat ki bagal me tha lekin court ki tarah shaant na ho kar ye filhaal chatri-table aadi se sajaya ja raha tha.
Subhash ji ne beshak ye farmhouse ek araamgaah ki tarah banaya tha lekin samay samay par isme badlaav karte rehne se ye ek aalishan sampatti ka roop le chuka tha. Ek hajaar gaj se upar rakbe me bani 2 manjila imarat me 5 sitara hotel jaisa vatavaran tha aur yahi par madhur sangeet ke sath sath sabhi log Radhika ki mehandi rasam ka lutf utha rahe the. Darjano khaane ke stall, utne he baire jo logo ko thanda-garam ke sath sath chaat-pakwaan aadi pahucha rahe the.
"Bade papa, iski kya jarurat thi? Dekhiye mere liye sabse jaruri tha aapka aana aur pehle he aapne bahot kuch gift kar diya hai toh ab ye kyun?", Somnath Dutt jo is pariwar ke mukhiya si hasiyat rakhte the, chahe ghar alag alag shehro tha, unhone andar pravesh karte ke sath sabse pehli mulaqaat apni bhatiji se he ki thi. Radhika ek aalishan se gadde par 2 mehandi lagane wali yuvtiyon ke beech baithi kisi apsara si lag rahi thi. Uske ird-gird uski kuch saheliyan aur rishtey ki behne bhi bade chaav se mehandi lagwati dikhi. Somnath ji ne kisi aur se bhent kiye bina sabse pehle Radhika ko he 5-6 gehno ke dibbe supurd kiye aur ek thaali bhar ke note. Ab tak Subhash ji ke sath unki dharampatni Devika ji aur Somnath ji ki biwi Meenakshi bhi muskurati hui yaha aa chuki thi.
"Hum kaam se samjhauta kar sakte hai bitiya lekin tumhare khaas pal me he agar hum shamil na ho toh fir bade papa kaise kehlayenge? Aur ye gift nahi hai, pyaar hai jo aajkal ke sunaar dibbo me band kar dete hai. Haan ye thaali me shagun hai jo hamari bitiya apne hatho se Devi maa ke mandir ka pehla daan dengi.", Somnath beshak raajneeti me ek majboot hasti tha lekin gaahe bagahe wo pariwarik shagal-mele me bhi shamil ho jata tha. Aaj toh uski eklauti bhatiji ki rasam thi jiska khaas mehatva tha.
"Mandir? Ab kaunse mandir me jana hai humne bade papa?", Radhika ke gaal par aaye baalo ko Nikki ne he muskurate hue peeche kiya aur wo bhi sunn ne lagi thi ki uske pita ji kya keh rahe hai. Aamantrit mehmaan toh uphaar aadi dene ke baad kahi business ki charcha me lage the toh kahi mahilaye apne kisso me uljhi thi. Is sabke beech ek baat samaan thi ke harek vyakti khaane ka bharpoor lutf le raha tha. Ladki wale the aur agle din vivaah, jis wajah se ye karyakram din me he rakha gaya tha aur sirf khaas khaas log he aamantrit the.
"Bitiya, mandir me jana nahi hai. Mandir banwana hai aur hum ye aisa is liye kar rahe hai kyonki mannat maangi thi. Jab bhi ghar ki koyi beti byaah kar jaayegi toh hum Devi maa ke naam se aashram aur mandir ka nirmaan karwayenge. Jitne yaha thaali me hai utne ki parchi main Subhash (Radhika ke pita) ki jeb se bhi waha lagawaunga. Hahaha..", Ek surakshakarmi bahot bada laal-safed gulaab ka guldasta liye inke kareeb aa khada hua toh Somnath ne wo apne hatho se apne chote bhai aur uski biwi ki taraf badhaya.
"Bhai sahab.", Subhash ji ne bas itna he kaha tha ke Somanath ne naa me gardan hila kar wahi unki baat kaat di.
"101 phool hai Subhash aur sabhi jivit. Aaj ke din ki yaad me ye sabhi is farmhouse ke udhyaan me lagwa do bhai. Hamari kyaari ka sabse khoobsurat phool toh hamari dono betiyan hai lekin inhe paani dete aata rahunga yahi soch kar ki inka sambandh hamari Radhika bitiya se hai. Meenakshi tum Vidhya bahu ko bulwa kar uske mehandi lagwao. Devika, business ke masle toh chalte he rehne hai lekin ye din aaj hai aur sirf aaj.", Somnath vicharo se beshak ek kattar vyakti tha aur raajneetik munafe ke liye jaatiye vichaar rakhta tha par uska riti-riwajo me atoot vishwas tha. Apne bhai ki biwi ko bhi jaise ishara kar diya tha ke ghar me har byahat ke bhi mehandi lagegi hai.
"Ji jeth ji. Aaiye didi aur Nikki tum bhi aa jao Vidhya bitiya ko le kar.", Devika mehmano ke dekhrekh karna chahti thi lekin ab usko bhi jaise purusho se alag karke ek jagah he simit kar diya tha.
"Haan toh Subhash, garmi itni hai aur tumne yar yaha whisky chalwa rakhi hai?"
"Bhai sahab sabhi kareeb dost aur partners hai. Chutti ke sath sath beti ke function me shamil ho rahe hai..."
"Arre bhai tum ho nire he jhandu. Garmi ka matlab toh yahi hua na ke thandi beer veer mangwao bhai, uske baad khaane peene ka intjaam dekhte hai. Ye Delhi wale Singla caterers hai na?", Ab Subhash ji bhi hans diye the apne bade bhai ke aise masti bhar majaak par. Itne gambhir mahol ke baad jaise iski kalpana na thi unhe aur iske sath he aagya ka turant paalan hua. Ghoomte tehalte hue Somnath ka parichaya khud Subhash ji sabhi se karwa rahe the. Security walo ko yaha se bahar karke khaane peene ka aadesh de diya gaya tha.
"Aye munna.. Arre tum toh bade time baad najar aaye.", Suresh Gaur ne inhe dekhte he raah badalne ki sochi thi lekin der se. Tab tak Somnath ne usko dekh kar pehchaan liya tha aur awaaj bhi aise di ki poore haal me sabko sunaai padi. Apni biwi Urvashi aur beti Pihu ke sath wo jhoothi muskaan liye idhar aa chala.
"Paaye laagu bhai sahab.", Khisiyata so wo itna he bol paaya tha aur Urvashi apne jija Subhash ko namastey karti hui hans kar ek taraf ho gayi. Uski beti Pihu ke bhi sar pe hath firate hue Somnath ne aashirwad dene ke sath kaha.
"Jug jug jiyo apne pita ka khoon piyo. Hamari gudiya raani toh sachmuch badi ho gayi hai. Wo udhar dekho tumhari Radhika aur Nikita didi ke mehandi lag rahi hai, chalo in pyaare pyaare haatho pe tum bhi lagwao. Lagaogi na?", Somnath ji ka kehne ka andaaj he itna nirala tha ke Pihu ke sath sath Subhash ji bhi hansne lage.
"Ji dadda ji. Fir main lagwane ke baad sabse pehle aapko dikhaungi.", Pihu itna keh kar hath hilati hui wahi chal di jaha baaki sabhi thi.
"MD sahab nahi aaye Suresh babu?", Ab thoda gambhir lehje me Somnath ne kaha tha aur ek chuski lete hue unki aankhen bade dhyaan se Suresh ko dekh rahi thi.
"Ji papa Bombay se chale hai thodi der pehle. Waise aap aane wale the papa se milne?", Suresh ki taraf khud he Subhash ji ne beer ka gilaas badhaya jiske peeche khud Somnath ji ki marji thi. Thanda gilas pakadte he jaise Suresh thoda sehaj hua.
"Wo kaam unse nahi hoga Suresh kyonki main unhe atche se jaanta hu. Collector rate se 50 guna upar daam dene ko tayaar hu lekin tumse jameen ka wo chota sa tukda nahi nikalwaya gaya? Hum jameen aur is se jude karobar me dakhal nahi rakhte aur yahi wajah hai ki tumhare karobar ko hamesha samarthan diya hai. Uske maalik Motilal ko mare bhi kitne he saal ho chuke hai, kaagaj nikalwaye the humne bhi 5 saal pehle. Kabje wala case hota toh hum tumhe kehte bhi na lekin itne bade vyavsaayi ho, bhu-maafiya ki tarah aur ye kaam nahi ho raha.", Somnath baat karte karte apne bhai aur Suresh ko hall se kuch bahar le aaya tha. Subhash ji bhi bade gor se sunn rahe the is masle ko. Suresh se toh kuch kehte he na ban pa raha tha.
"Main kuch madad kar sakta hu bhai sahab? Relation toh mere bhi hai kuch HUDA aur DDA me agar jameen in dono me se kisi ek ke daayre me aati hai toh.", Subhash ji ke kehte ke sath he Suresh ne jawaab diya.
"Bhai sahab, XXXX me maine wo 40 ekad jameen 2 din me aapke liye tayaar karwa di thi kyonki waha mere sath prashashan bhi tha aur paise ka jor bhi. Ye dedh ekad ka tukda na prashashan dila sakta hai aur na paisa. Aap mujh par jo marji penalty laga dijiye, party fund me 5-6 crore toh main abhi de deta hu lekin us jameen ke maamle se khud papa ne mujhe dur rehne ko kaha hai jabse uske naye maalik ka pata laga hai.", Suresh ne iske baad ek saans me he baaki bachi beer khali ki aur agla gilaas baire se le liya.
"Kaun hai ye naya maalik aur kisi ke marne ke baad aise kaise koyi dava thok sakta hai? Hum toh khud sarkar me hai yaha bhi aur Rajasthan me bhi. Bhajan bhai sahab tak baatchit hai hamari beshak Shekhawat ji ke maadhyam se lekin kayi baar lambi mulakaat bhi hui hai. Naye maalik ko jaante ho tum?"
"Bhai sahab, Motilal Sharma pita tha Rameshwar Sharma ke aur waaris ki jagah unhe us jameen ka care-taker he dikhaya gaya tha. Power of attorney unke pas thi aur ab uska maalik hai unka pauta Arjun Sharma. Ye Rameshwar Sharma wahi hai jinke pariwar me Radhika ja rahi hai aur Arjun uska devar hoga kal se.", Suresh ne daant peeste hue jab ye baat kahi toh Somnath ke chehre par alag he chamak aa gayi.
"Waah re kismat. Diye tale andhera wali baat ho gayi. Waise ek baat toh maan ni padegi ki wo pariwar daulat me humse aur tumse kahi kam hoga lekin jahan baat taqat, rasookh aur prashashan sehyog ki hoti hai toh unka koyi todd nahi. Wo Shankar.. Dr Shankar he hain na Pandit Rameshwar ji ka beta?" , Somnath ji ne jis tarah apne chhote bhai ki taraf dekhte hue ye naam liya tha tatkaal unhone haan me gardan hila di.
"Chota mooh aur badi baat bhai sahab lekin agar mamla Shankar bhai se juda hai toh baat bina madhyast ke he ki jaaye toh behtar rahega. Main unke bete se bhi mila hu jiska naam Suresh ne liya. Arjun Shankar bhai ka he beta hai. Ek baar toh maine usko apni Diya bitiya ke liye maangne ka bhi vichar banaya tha. Aap shaadi ke baad khud he mulakaat kar lijiyega Shankar bhai se.", Subhash ji ne is dauran dur se he apne aate hue mehmano ka abhivadan kiya. Suresh bhi sar hila raha tha.
"Haan yahi thik rahega bhai. Waise bhi sher ke sath seedhi baat ke siwa koyi dusra rasta bhi nahi hota. Chalo kam se kam Suresh tumne aadha kaam toh kiya. Subhash tum jara baaki mehmano ka jayeja lo, mere bhi kuch pehchan wale aa rahe hai toh main unhe samay deta hu. Suresh, tumne atcha kaam kiya.", Somnath wahi gilaas liye aage badh gaye lekin Suresh ke chehre par nakhushi saaf jhalak rahi thi. Wo bhi apna sa mooh liye ek pehchan wale vyavsaayi ki taraf chal diya jabki Subhash ji bas muskurate rahe. Jaise unhe pata tha ki sher se seedhi mulakaat bhi sher he kar sakta hai aur ek neta aksar yahi chook karta hai.
.
.
"Tum toh apne sasural me sabhi ko jaanti hogi Radhika?", Mehandi ke shtaan par ab kayi aasan lag chuke the. Sabhi mahilaye kate hue phalo, chaat aur thande ka lutf leti hui baaton ke sath sath mehandi bhi lagwa rahi thi. Yaha Radhika ki dono baahen kohni tak gehri mehandi se saji thi aur ab uske khoobsurat pero par ye dohraya ja raha tha. Uske kareeb is waqt Urvashi, Nikki aur Radhika ki 2 saheliyan thi. Har yuvti aadhunik hone ke sath sath gorvarn aur kisi apsara he thi. Paise ki chamak damak ke sath har tarah ka aishwarya jo tha inke yaha. Urvashi ki baat sunn kar Radhika ne aankhe nachahte hue haan me sar hilaya.
"Ab Sasural me jo hai unhe toh jaan na jaruri he hoga mausi. Waise mere se pehle toh shayad aap he parichit hongi waha se. Sanjiv ki chachi ke maayke me he toh aapki nanad vivahit hai na?", Radhika ke baat sunn kar Nikki ki bhi dilchaspi badhi aur wo thoda kareeb aa baithi jaise ye guftgu raajdar hone wale ho.
"Haan wo Pooja didi ki shaadi Rekha ji ke bade bhaiya se ho rakhi hai na. Lekin main jyada kisi ko nahi jaanti siwaye Rekha didi, unke husband aur bete Arjun ke. Husband aur bete se toh mili bhi sirf 2 he bar hu. Lekin pariwar ke baare me bahot suna hai. Waise tumhari mehandi hadd se jyada sundar lagi hai Radhika. Photo toh banti hai iski.", Urvashi hansmukh mahila thi aur bade gharane ki bahu hone ka kuch prabhaav chhod kar wo jindadil ghulne milne wali mahila thi.
"Mausi, yaha har taraf ye camera wale ghoom toh rahe hai. Abhi abhi 2-3 photo nikaale hai aapke peeche khade photographer ne. Haan toh aapne kya suna hai unke pariwar me aur ye Arjun Aaru ek he insaan hai na?", Radhika sab bhula kar bade dhyaan se apni mausi ko dekhne lagi. Uski saheliyan bhi is charcha ka hissa bann ne lagi jab ladke ka jikar hua.
"Haan wo uske ghar ka naam hai Aaru aur sach kahu toh tum Diya ke barabar hoti toh pakka Arjun par marr-mitt jaati.. hahaha.. Majaak kar rahi hu kyonki hum dost bhi hai. Rekha didi jaise dil ki badi atchi hai waise he unka beta bhi hai. Aur sachmuch handsome bhi bahot hai wo. Tum nahi mili?", Radhika ne toh sapasht naa he kar di.
"Kya wo ladka sachmuch itna handsome hai aunty? Aur Radhika tune bataya nahi ki tera devar bhi hai jiski tareef usko na jaan ne wale bhi kar rahe hai? Thodi der pehle yahi naam toh tere papa le rahe the jab main idhar aa rahi thi. Arjun!", Ye Radhika ki aadhunik saheli thi jo safed frock suit me kisi pari si dikh rahi thi. Nikki toh usko aise ghoorne lagi jaisi khaa he jaayegi.
"Wo tere type ka nahi hai Arshi. Sharif sa kam umar ladka hai, school going.", Nikki ne khulasa kiya toh Radhika ki bhanve chadh gayi.
"Oho, matlab mujhe chhod kar sabhi ko pata hai uske baare me. Aur mausi aapne toh pariwar ke baare me aage bataya bhi nahi.", Radhika ne fir se Urvashi par dhyaan kiya jo muskura rahi thi.
"Apne he ghar me suna hai maine tere sasural ke baare me. Papa (Sasur) khud kehte hai ki wo ghar apne aap me ek misaal hai aur us ghar ka har vyakti samaaj me yogdaan dene wala jo har kisi ki sahyata karta hai. Suna toh ye bhi hai ki log jaise apni pahoch ka bakhaan karte hai wahi ye badi shakshiyate Sh Rameshwar ji se salah karti aksar najar aati hai. Sanskaar ke sath sath shiksha aur harek vyakti ko apne fainsle rakhne ki prathmikta hai udhar. Kul mila ke maine sirf aur sirf atcha he suna hai waha ke baare me. Haan Arshi, Arjun ko dekhne se kahi bhi ye nahi lagega ke wo ek 18-19 saal ka ladka hai. Jija ji (Subhash ji) se bhi aadha foot uncha hoga aur jaisi kisi kahani se nikal kar koyi yodha saamne aa khada ho.", Urvashi ne aankh maarte hue Radhika ki saheli se aisa kaha tha jo ab aur jaan ne ko utsuk ho rahi thi lekin Devika ji, jo peeche khadi abhi abhi ki baat sunn rahi thi unhone apni behan ko waha se chalne ko kaha.
"Urvashi, mere sath chal jara. Dono ek ek hath par heena lagwate hai. Dusre se kaam bhi karne padenge aur maine kuch baatein bhi karni hai.", Devika ji ke aisa karne par Radhika rokti rahi lekin uski maa ne dharya rakhne ka ishara diya aur chali gayi.
"Huhh.. Aur Nikki ki bachi ab sach sach bata sabkuch.", Radhika ne bina laag lapet ka kaha tha.
"I've a huge crush on him. Hey don't get angry. Dost hai bas aur haan maine jiske baare me tujhe bataya tha wo yahi hai. Lekin bas dosti tak he hai. Baaki kal milne he wali aur sath rahegi he. Arshi, teri daal nahi galne wali Radhika ke devar ke sath. Bahot pahuchi hui cheej hai wo aur uska rishta bhi pehle se ho chuka hai. Chal wo photographer bula raha hai tujhe tere mehandi shoot ke liye.", Radhika kuch kehti us se pehle Nikki ne sabhi baaton par viraam lagate hue usko uthne ka kaha. Ye bhi ek naya shauk chadha tha ameero ko jisme har rasam ki alag photography ki jaane lagi thi. Radhika ke sath uski saheliyan bhi chal di, uske gown ko ghutne tak upar uthaye. Ab Devika ji ki taraf waisi he charcha chalu thi.
.
.
Ghar ke bahar wale aangan me is waqt Hussain sahab Umed aur Narinder se kisi charcha me vyast the. Unke paas barabar he kursi par Walia ji aur Daleep ji bhi viraajmaan the jaise kuch majedar baatein jaari ho. Sabke chehre par muskan thi aur hatho me thanda sharbat. Galiyare se Zubeidaa ek surkh laal kameej aur chust safed salwar pehne bahar nikli toh aate ke sath usne Narinder ji se sawaal kiya.
"Narinder chacha ji, ye Arjun kaha hoga? Andar dikha tha lekin fir jaane kaha gayab ho gaya?", Sabhi ko hath jodd namastey karti hui Zubeidaa najro se Arjun ko he dhoond rahi thi. Pehli baar tha ki usne sar se odh kar safed dupatta gale me liya hua tha. Aksar wo apne hisaab se he rehti thi lekin yaha ke mahol ko dekh wo waise he dhalne ki koshish me thi.
"Zoobi bitiya, tumhe wo dikhe toh pakad kar idhar he le aana. Maine bhi andar jaate he dekha tha aur kaam se awaaj bhi lagaai lekin pata nahi kaha gayab ho gaya?", Narinder ji pyaar se usko Zoobi he bulate the aur Zubeidaa bhi unke saamne jaise koyi aupcharikta na karti.
"Aisa kya kaam padd gaya hamari shehjadi ko Arjun miyan se? Arre hume toh apni dusri gudiya ko dekh kar hairat ho rahi hai. Hamesha dubki rehne wali Afsu bhi kuch der pehle yaha se hansti khelti ja rahi thi. Inder bhai, usko toh kuch din yahi rakh lo aur ye Arjun mere waha bhejo. Hamari begam tak humse dua salaam karne ki jagah bhatije ke sath gappe lada rahi thi.", Hussain ji ne ye baat kehne ke sath seedhiyon ki taraf najar ki toh mooh se bas itna he nikla 'masha-allah'
Arjun ek aadhi baah ki chust safed kameej, jo shayad tagde sharir ki wajah se chust he lag rahi thi aur kasi hui neeli jeans pehne inki he taraf chala aaya. Geele ghungrale baal bata rahe the ki wo abhi naha kar he aaya hai aur kundal hilte hue unki lambaai ka khulasa kar rahe the.
"Kaise ho uncle? Namastey chacha ji.", Walia sahab ko peeche se gale lagane ke baad usne Hussain sahab ko pranaam kiya aur fir Daleep ji ko bhi. Umed ji ne toh Arjun ki kamar me hath daal kar usko apni goad me he baitha liya tha. Unke liye toh ye ladka abhi bhi unka munna he tha.
"Hussain sahab, sirf aapki begam he nahi. Sahab ne toh hamari sardarni bhi humse juda kardi hai. Jab ye aa jaye toh humari kadar he nahi rehti. Lekin mera sher putar hai he pyaar ke laayak.", Walia ji ne uska gaal khinch kar waise he laad jataya.
"Meri toh main bataunga bhi nahi aap logo ko. Lekin hai mera bhi ye ajeej beta. Mausi se mila ya nahi?", Ye Daleep ji the aur Arjun ne Umed ji ki goad me baithe hue he jawaab diya.
"Aap logo ko ajaadi dilwa deta hu ye kya kam hai chacha ji? Peeth peeche yahi toh kehte rehte ho ki main toh apni wali se pareshan ho gaya.."
"Hatt badmaash kahi ka.. Chal khada ho aur ye jo khadi ghoor rahi hai pehle is se mil le.", Narinder ji ne peeth par dhol jamate hue Arjun ko khada karke Zubeidaa ki taraf dhyaan karwaya toh wo turant gambhir ho gaya.
"Maine kaha tha na ke 12 baje market chalna hai. Dekho 12:30 ho chuke hai aur mujhe nahi lagta ke tum meri help karne wale ho.", Zubeidaa sachmuch thodi gussa thi aur Arjun ne kaan pakad kar apni car ki taraf daud laga di.
"Main car nikal raha hu, aapne kuch samaan leke chalna hai toh le lijiye.", Yaha Arjun apni kaali Lancer ki taraf aaya toh uske peeche Ashok ji ki car khadi thi aur waha chabhi bhi nadarad thi. Wo pareshan hota abhi idhar udhar he dekh raha tha ki apne pita ko apni taraf aate dekha. Jo shayad hath dhone ja rahe the.
"Tere 12 kyu baje hue hai?"
"Papa, wo fufa ji ne car yaha khadi kar di aur meri aise nikal nahi sakti. Didi ko market leke jana hai.", Arjun ne Zubeidaa ki taraf dekhte hue kaha aur Shankar ji ne hanste hue ek car ki chabhi uski taraf badha di.
"Aise time me teri car ghar ke andar kyu khadi ki hai? Tu ye le ja aur apni wali ki chabhi mujhe de. Main in dono ko bahar nikalwata hu.", Shankar ji ne ford ki chabhi di thi aur Arjun ne thank you kehne ke sath he Zubeidaa ko chalne ka kaha.
"Purse hai teri jeb me?", Ab is sawaal par Arjun ke paanv wahi ruk gaye the aur wo apne muskurate hue pita ko dekh jhemp gaya jinke hath me uska purse tha. Shankar ji dekh rahe the ki aaj bhi waha Rekha-Krishna ki he tasvir thi.
"Sorry papa, wo car me he reh gaya tha.", Arjun ne purse pakadte hue jawab diya.
"Koyi baat nahi main samajh sakta hu. Jab bhi kaam jyada ho toh wahi waqt hota hai savdhan rehne ka. Araam se jana aur market me time lage toh didi ko lunch karwa ke lana. Filhal ghar me jyada kaam nahi hai aur baaki sab yaha hai kaam dekhne ke liye.", Shankar ji ne baat kehte hue apne hath pe bandhi wo bhoore chamde ki Swiss made ghadi apne bete ki kalaai par bandh di. Arjun bhochakka sa dekh raha tha ke ye kya hai. Ye ghadi toh Shankar ji ko itni ajeej thi ki kabhi kisi ko hath tak lagane na dete the.
"Jo baat maine abhi kahi hai wo agar samajh naa aaye toh is ghadi ko dhyaan me rakhna. Jab kaam seconds ka ho toh pehle tayaari me ghante lagana taaki chook na ho aur agar kaam ghante ka ho toh har second ki ehamiyat samajhna. Ye kar liya toh choti moti bhool nahi hongi. Waise ye tum par jyada janch rahi hai, mujhe metal wali leni chahiye.", Shankar ji ne jyada na rokte hue Arjun ki baah thapkaai aur fir hath dhone bathroom me chale gaye. Arjun dhanyawaad na keh saka.
"Chalo bhi mister, main sab le aayi hu.", Ab tak Zubeidaa apna purse liye gate pe aa khadi hui thi. Arjun bhi uski taraf badha tha ye madhosh karne wali gulaab si sugandh jaise saanso me sama gayi. In dono ke saamne Romela aa prakat hui. Safed dhili si bina baah ki kurti aur pindaliyon se niche tak lambaai wali araamdayak skirt me. Khule mehakte baal aur naam-matra sa makeup kiye wo kisi bhi swapansundari par bhaari thi.
"Arjun beta, apni aunty ko bhi market le jao. Inhe bhi apne kapde uthane hai waha se.", Ye Rekha ji bhi sath he thi jinki baat Arjun kabhi taal na sakta tha.
"Main Vivaan ke sath chali jaungi Rekha. Bacho tum log jaao, mujhe waha kaafi time lag sakta hai.", Romela ne inkaar kiya toh Zubeidaa bolne se ruk na saki.
"Nahi aunty ji, mujhe bhi company mil jayegi. Aap bhi sath he chaliye.", Ab Romela ne aage kuch na kaha aur wo neeli ford ki pichli seat par aa baithi. Arjun driver seat par baithne se pehle Zubeidaa ke liye darwaja khol kar usko baitha chuka tha. Aur in teeno ko jaate hue ek taraf Rekha ji aur Preeti dekh rahe the wahi Col sahab ke ghar ke bahar se Vivaan bhi. Romela ne ghar pe tayar hote hue bhi apne pati se baat na ki thi lekin kuch aisa bhi na kaha tha jis se dil dukhe.
Idhar Shankar ji bathroom se hath dho kar bahar nikle toh apni biwi ke sath Preeti ko dekh kar muskura diye. Preeti bhi taar se toliya utha kar unki he taraf chal di aur Rekha ji ghar ke bheetar.
"Meri beti toh har baat ka khayaal rakhne lagi hai abhi se. Waise main naraaj hu tumse.",Shankar ji uske hatho se toliya le kar hath mooh saaf karte hue bole.
"Wo kyu bhala uncle?", Vivaan bhi ghar me dakhil ho rahe the aur Shankar ji ko dekh garamjoshi se mile.
"Aap toh jaise umar ko darkinaar kiye baithe ho bhaiya. Aur kya baatein ho rahi hai meri is pari ke sath?"
"Kamre me band rehne wale boodhe hote hai kaka ji aur ye tumhari pari na pehle meri beti hai. Waise hone wali bahu bhi. Tu subah aaya aur ab uth raha hai? Ye chehre pe safedi nahi khoon ki kami ho gayi hai. Thoda dhyaan rakha kar apna aur apne time table ka. Preeti beta, tumhari aunty se kaho ke aam-panna bhijwa de.", Preeti ka sar sehla kar usko andar bhejte hue wo Vivaan Puri ko sath liye wahi chal diye jaha unke bhai bandhu baithe the. Preeti ab utna sharmati nahi thi aise sambodhan par lekin apne pita ke saamne ye lafz sunn kar wo gulabi hoti hui daud gayi.
"Kya batau Shankar bhaiya, bahar na sansadhano ki aadat lag jaati hai. Life utni practical nahi rehti aur bas yahi wajah hai aadat bigadne ki. Kaise ho Inder bhaiya.? Hello Umed bhai.", Ab tak 2 aur kursiya yaha lag chuki thi jin par ye dono baithe aur Vivaan baithne se pehle sabhi se gale lag kar mila tha.
"Toh fir kyun pagal ho raha hai America me? Yaha kya kami hai aur agar business he shuru karna hai toh idhar kar le. Kam se kam pariwar toh sath hoga.", Shankar ne samjhane ke hisaab se aisa kaha tha lekin baithak se bahar nikalte Rameshwar ji ne jaise ye baat sunn li thi. Wo abhi Dharampal ji aur Krishneshwar ko sath liye vivah sthal ki tayaari dekhne nikal rahe the. Unki mulakaat bhi nirdharit thi Nirmal Singh aur Kapoor ke sath.
"Haan tu isko bhi idhar he bula le. Waise Vivaan tere kaan main aa kar khinchta hu.", Vivaan turant uth kar unke charan sparsh karke gale mila.
"Oh tau ji, kaan bhi idhar he hai aur main bhi. Aap jitna chahe khinch lena baaki meri taai mere sath hai. Kaisi ho taai ji.?", Baithak se Kaushalya ji bhi Pandit ji ka rumaal aur najar ka chasma liye bahar aayi toh wo bhi apne bhatije se bade pyaar se mili. Najar utaarne ke baad unhone he apni pati ko jawaab diya.
"Haan main bhi dekhu tere kaan khinchne walo ko. Lo ji, apne kaan pe ye chasma chadha lena kyonki jarurat padegi jab kagaj padhoge. Tu chal mere sath Vivaan aur in gappiyon ko lagane de apni mehfil.", Kaushalya ji hamesha se aise he toh rehti thi. Baaki sabhi hans diye the siwaye Rameshwar ji ke. Fir aakhir me wo bhi muskurate hue bahar nikal chale.
.
.
"Tumse help chahiye thi Arjun.", Market me Zubeidaa ko uske matlab ki dukan par chhod kar Arjun Romela ke sath us taraf ja raha tha jaha Romela ne kapde bann ne ke liye diye the. Aise ekant me Romela ne gambhir awaaj me charcha shuru ki. Dono ki he aankhon pe dhoop ke gehre chasme the.
"Aapko toh bas keh dena chahiye aunty. Aap jaanti hai main kabhi bhi mana nahi karunga siwaye ek kaam ke."
"Tum abhi tak wahi atke hue ho? Aur wo main khud kar lungi tumhare sath kyonki haq hai mera. Ye thodi serious baat hai beta.", Romela ne jaise he beta kaha toh Arjun ki raftar kam ho gayi. Ab wo bade dhyaan se Romela ko dekh raha tha jiske chehe par najre dhaki hone ke bawjood athaah dard ke bhaav the jinhe chaah kar bhi wo chhupa na saki.
"Aap bas kahiye aur main wo har kaam karne ko tayaar hu jis se aapke dil ka dard kam ho sake.", Arjun ne is baar paidal chalte hue Romela ka hath apne hath me thaam liya tha.
"Tumse mujhe bahot pehle he baat kar leni chahiye thi Arjun lekin mujhe laga tha ke sabkuch thik ho jayega waqt ke sath. Par main galat thi."
"Ye Preeti se judi hai?"
"Haan kyonki Preeti meri aur Vivaan ki beti jo hai. Pata nahi tum isko kaise samjhoge ya mere baare me kya raaye akhtiyaar karoge lekin main ek asafal patni hu aur is se bahot kuch kharaab ho sakta hai bhavishya me.", Romela baat kehne ke sath gheri saans bhar kar jaise himmat juta rahi thi.
"Main samajh chuka hai aap kaha bol rahi hai. Lekin usme aap galat nahi ho sakti, kisi bhi surat me aap galat nahi hai. Galti uncle aur Alisha aunty se hui hai aur jahan tak main samajh raha hu ye galti abhi bhi ho rahi hai. Renuka bua se meri thodi he der pehle is baare me baat hui thi. Ghar me sirf aap he nahi gayi thi us waqt, wo bhi apne kamre me thi jab ye dohraya gaya lekin unhone iski bhanak nahi lagne di. Aur mujhse kaha ki main aapki madad karu. Aap nishchint rahiye aunty aur shaam ko sangit me jara mera sath dena. Alisha aunty ko Vivaan uncle ki najro me agar khol kar na rakh diya toh mera naam bhi Arjun Shankar Sharma nahi. Ho sakta is tarah se unki najro me main galat ho jau lekin aapke aur Preeti par us aag ko nahi jaane dunga jis se bhavishya par sankat mandraye.", Romela bhochakki si apna tanaav bhool kar bas Arjun ko he ghoore ja rahi thi. Jis baat ko le kar wo khud itne tanaav me thi Arjun pehle se he uske samadhan par lag chuka tha.
"Tum jokhim le rahe ho Arjun. Koyi aur hal bhi ho sakta hai is problem ka. Vivaan ne agar ye sehan na kiy toh?"
"Unhe karna he hoga. Wo ek jimmewar pita hai aur us se pehle unhe sabit karna hoga ki wo aapke pati hai. Aap dono ne pyaar kiya tha aunty aur agar pyaar ka anjaam rishta banane ke baad bikharna hai toh fir pyaar ka wajood kabhi tha he nahi. Raaste se bhatke hue ko wapis laaya ja sakta hai lekin jo jaan boojh kar wapis naa aana chahe usko Alisha kehte hai.", Arjun ne chasma utaar kar aankh maarte hue kaha toh Romela ke khoobsurat chehre par bhi ab nirasha ki jagah muskaan thi.
"Waise main fir bhi haq le kar rahungi."
"Wo Preeti decide karegi aunty. Haan aap us se na judi hoti toh shayad pehal main he kar deta lekin is rishtey me meri dor Preeti ke hath hai. Chaliye aap yaha apne kapde chek karwaye main wapsi me aapko lene aata hu. Zubeidaa didi akeli kahi pareshan na ho jaaye.", Arjun ne Romela ko uske gantavya par pahuchane ke sath he wapsi ka rukh kiya. Arjun ke bhaav bata rahe the ke wo jaise Alisha ke sath aisi he mulakaat karne ko aatur tha. Ritu, Preeti aur Alka ne toh apni apni tarah se pehle he Alisha ka varnan tafseel se kar diya tha. Aakhiri keel Renuka bua ne jadd di thi kuch samay pehle aur ab Arjun ke paas siwaye machhli ki aankh bhendne ke dusra koyi lakshya na tha, shaam ke karyakram me.
Nice update bhaiUpdate 185
Vidrohi
"Dekh bhai Gajju, ab shaadi kal hai toh mehmano ki aavabhagat toh humko he karni padegi. Sabhi log toh sangeet karyakram pe aane nahi wale aur humne bhi yahi plan kiya tha ke jitna ho sake isko simit logo me he kiya jaaye. Isliye mujhe toh ek baar Col uncle ke hotel pe sab taam-jhaam dekhne honge. Waha bhi demand hongi aur Sangwan wale farmhouse pe kuch doctor dost rukwaye hai maine aur waha Inder ke bhi kuch mehmaan hai.", Yaha filhal shaadi me aaye mehmano ke araam aur suvidha ki charcha jaari thi aur Shankar ne apna paksh rakhte hue kaha.
"Haan toh ye jaruri bhi hai lekin abhi bhi bahot se kaam baaki hai Bhole. Walia ji ke sath Dharampal bhai aur Daleep bhai idhar ka dekh lenge, itne main community center par apne security wale aur driver laga deta hu. Ab ghar ki ladies toh shayad he kisi mehmaan par dhyaan de kyonki unhe toh apni rang-putaai se fursat nahi milne wali. Waise bar toh chhat par he lagwaya hai na Inder?", Umed ki baat par Walia ji ke sath Daleep Singh ne bhi sehmati de di. Narinder ne bhi haan karke bata diya tha ke intjaam gharwalo ki najar se alag he kiya hai.
"Chalo ye bhi thik hai aur 2 car jara extra rakhni padengi. Aisa na ho ke mauke par jaane ya aane me koyi chhot jaaye.", Shankar ne aam ka pana tray se uthate hue Preeti ka aankhon se shukriya kiya.
"Preeti bitiya, jara apni behno se charcha kar lo aur fir dekho ke wo log driver ke sath jaayengi ya koyi hai jo car jaanta hai.", Narinder ji ne yahi par ek kaam poora karne ki koshish ki. Preeti bhi jaise iske liye tayaar he thi jaise un logo me is baat ka fainsla ho chuka ho.
"Wo Tara didi ne kaha tha ke 7 log safari me aa jayenge unko mila kar aur 3-4 log Arjun ki car se. Par Arjun se abhi confirm nahi kiya hai kyonki wo shayad busy ho sakta hai.", Preeti ki baat khatam hote he Shankar ji ne lancer ki chabi Preeti ki taraf badha di. Jisko lete hue wo soch me padd gayi kyonki ye chabi toh sirf Arjun ke pas aur jyada se jyada Ritu he rakhti thi.
"Socho matt aur isko apne pas he rakho. Annu bitiya ya Menaka chala legi. Kam se kam ab tumhe nirbhar nahi rehna kisi pe. Arjun ke pas motorcycle hai agar wo kahi vyast hua toh. Nahi toh koyi bhi gaadi le jayega wo waha.", Shankar ji ne toh baat he muka di thi lekin Preeti ko sankoch karte dekh wo muskura diye.
"Ye bhi tumhari he hai beta aur aisa toh nahi ki isko Arjun ke siwa koyi chala nahi sakta. Jaanta hu ki usne aajtak apni ye car kisi ko di nahi. Lekin kisi ne maangi bhi toh nahi aur wo iska bura nahi maanega. Chaho toh safari koyi aur chala lega."
"Nahi nahi uncle wo baat nahi hai. Mera matlab tha ke Arjun motorcycle pe..."
"Abhi se itna sochne lagi ho? Hahaha.. Tum log bas ab kisi pe nirbhar matt rehna. 12 log aise manage ho jaoge aur 4-5 Aarti ki saheli wali car me. Baaki sabki jimmewari unke pati-devar ya bhai apne aap lenge. Kyun bhai Inder?", Shankar ji ne hanste hue jaise ye baat kahi Preeti bhi muskurati hui andar daud gayi. Baaki sab bhi aise pal me khush bhi the aur chehre par parichit muskurahat bhi.
"Aye ladki, thoda toh dekh liya kar ya aankhon me kuch farak hai.", Ye awaaj karkash aur bharpoor gusse se bhari thi chahe utni unchi na sahi. Preeti galiyare se andar he bhaagi thi ki dining wali taraf se ekaek saamne aayi Madhulata se halka sa takra gayi. Sparsha kuch jyada na tha lekin Madhulata jaise darne ki wajah se apna aapa kho gayi. Preeti ko sehma hua apne saamne khada dekh jaise wo chup na reh saki lekin ye awaaj kuch had tak bhitar wale aangan aur yaha baithe purusho ko jarur sunaai de gayi thi.
"Sorry aunty ji. I'm extremely sorry. Aap ekdum se he is taraf se aa gayi.. Aapko lagi toh nahi?", Preeti ne jaise he hath jode car ki chabhi niche ja giri. Bahar bhi kaali lancer ki too-too ki awaaj 2 baar goonji.
"Bas le de kar yahi toh aata hai sabke. Sorry bol dena.. bas.. Gharwalo ne nahi sikhaya hoga ki kisi ke ghar jaate hai toh waha kaise naap-tol kar kadam rakhne chahiye.", Ab tak Maalti (Guddi) bhi is taraf aa chuki thi aur uske peeche Rekha ji ke sath Ruchi bhi. Lekin Madhulata ki baat sunn kar un neeli-hari aankhon ke kinaro se ludhakte moti bata rahe the ki Preeti kis kadar aahat hui hai.
"Maaf kar dijiye aunty ji. Maine jaanboojh kar nahi kiya.. ", Uski hichkiyan bas wahi kaabu kar rahi thi aur agar abhi koyi Preeti ko apne seene se laga leta toh yakeenan uska rudan charam par pahuch jana tha. Jyadatar log ya toh khaane me vyast the ya fir mehmano ke sath kamre me. Lekin Rekha sadhi chaal se thik un dono ke beech aa khadi hui. Preeti ko apne sath lagane ke baad unhone he Madhulata se kaha.
"Bachi hai Madhulata ji aur bache aise awsar par aksar he thoda jyada he khush rehte hai. Preeti ki taraf se main maafi maangti hu. Aap mehmaan hai aur aapko kasht ho toh ye hume atcha nahi lagega.", Rekha ji ki baat khatam hone tak Madhulata bhi najre jhuka chuki thi aur Richa ki sehanshakti bhi jawaab de gayi.
"Maa, ye sab kya hai? Aap choti si he baat par .. Sorry Preeti, Sorry Aunty ji. Baat itni badi bhi nahi thi ki aapko sorry bolna pade. Ghar me chehal pehal ho toh aisa har taraf hota he rehta hai. Chalo Preeti tum mere sath chalo.", Richa aage kisi se bhi najre milaye bina Preeti ko lagbhag khinchte hue he upar ki aur chal di. Lekin is drishya ko 2 aur aankhon ne dekha tha jo swayam Shankar Sharma ki thi. Apni biwi ko apni premika se maafi dekh jaise unhe thes pahuchi thi aur mudda kuch bhi na tha. Aakhir Preeti koyi gair toh na thi lekin is waqt unhe bhi mahilao ke beech kuch kehna thik na laga.
"Rekha, jara badi bhabhi ko bulana. Unke peehar se mehmaan aaye hai.", Shankar ji iske baad wapis mudd gaye.
"Maafi ki baat nahi hai Rekha. Bas humari taraf bacho ko thoda daayre me rakha jata hai aur mujhe bhi pata nahi tha ke wo ladki ghar me kuch jyada he mehtva rakhti hai. Khair, tumse mil kar atcha laga. Kal shaadi me mulakaat hogi.", Madhulata itna keh kar Maalti ke sath bahar ki taraf chal di aur unke peeche he Lalita ji. Bijender aur Anupama ne filhal yahi rehna tha isliye bas yahi log Chandro Devi ke sath gaanv wapis ja rahe the. Rekha ne bhi hath jodd kar muskaan ke sath he vida kiya tha inhe lekin iske baad wo seedha apne kamre ki aur chal di. Preeti ko Richa wahi leke gayi thi.
"Wo ladki meri bahu bann ne wali hai aur us se pehle wo is ghar ki sabse choti beti hai Lata. Maanta hu tumhe kuch thes pahuchi bhi hogi lekin bacho ke sath tumhe thoda toh lachila rehna chahiye. Apna dhyaan rakhna.", Ghar ke bahar driver car liye tayaar tha aur sabse aakhir me baithne ja rahi Madhulata ko dabe swar me Shankar ji ne swayam he cheta diya tha ke apne ravaiyye me kuch badlaav jarur laaye.
"Toh yahi samajh lo ke apna maan kar he daant diya. Baat yahi khatam."
"Main bhi yahi keh raha hu Lata. Baat bas yahi khatam ho jaaye. Atcha taai, aap nischint ho kar jaaye. Bache aaj yahi rahenge aur driver haveli he rukega. Sushila, sehra tu he karegi toh thoda samay se nikal lena kal.", Shankar ne yaha bhi spasht kar diya tha ke badi hone ka farz Sushila ne he ada karna hai. Jo muskurati hui hath hila kar agli seat par ja baithi.
"Chinta na kare. Madhu ne pehle he bata diya tha manne jab Raju se baat ho rahi thi roti pe. Chaal tu kaam dekh tere dost aaye laage hai.", Sachmuch Gulati, Bhuppi aur Sangwan ek he car me yaha aa pahuche the. Shankar bhi inhe hath hila kar apne mitro ki taraf ho liya. Inki car chal chuki thi.
"Guddi, ke hoya tha?", Car ke chalte he Chandro devi ne sabse pehle yahi poocha. Guddi unki bagal me thi aur Guddi ke is taraf Munni khidki ke pas.
"Kuch na hua maa ji. Bas wo ek bachi galiyare me thoda Munni se takra gayi thi. Inta kuch na hoya aur Munni ne bera na tha ke wo Shankar bhai ki hon wali bahu hai.", Guddi jyadatar chup he rehti thi lekin sawaal ke jawaab toh usko bhi dene he padte the.
"Munni, beta thoda sa samajik hona seekh. Ek lugaai ki beijjatti pe mahabharat ho chuki hai aur jaan gayi na ke wa bhi Arjun ki lugaai thi ar ya bhi Arjun ki hai. Baalak toh nyu he khele koode kare, bura na manya karte. Aapna mood thik rakhiye eb.", Chandro Devi ne aadat se viprit bahot he narmi se apni bahu ko samjhaya tha.
"Je ghute tha mera waha maa ji toh jab nikalan laage wa chhori aa bhidi. Bas fer bera na chalya. Manne baat jadi khatam kar di thi lekin Shankar ki bahu us chhori khatir hath jodd gayi ya kuch janchi koni. Aisi lugaai ho toh fer .."
"Munni, is se aage ek bhi baat na kahiye. Dekh bebe (behan) jo saamne se hath jode hai wo baat ne rokna chahve hai aur hath aksar taqatvar he jode kare hai. Kyonki taqat se nuksaar ka sirf usne he andaja hove hai. Hum mehmaan the isliye maan mila aur wo ladki ghar ki hon wali bahu toh Rekha ne saaf pata hai ke uske upar baat aayi toh mamla bigad sake hai. Shankar ne toh aaj tak tere se kade hatth na kari lekin wo bhi samjha ke gaya. Dil pe na liye koyi bhi baat aur Rekha sabki ijatt kare hai toh tu chahe usne naam se bula lekin thoda pyaar se. Samajhdar aur padhi likhi hai tu, sundar bhi. Waise he reha kar, atcha lagega.", Sushila ne paani ki bottle ka dhakkar khol kar hanste hue wo Munni ki taraf badhai toh pehle thoda nakhre lekin baad me choti si muskaan ke sath usne wo bottle le kar hontho se laga li.
"Samajhdar toh hai bas kade kade iske taar hil je hai.", Is baar ye baat Guddi ne kahi thi aur baaki dono ke chehre par hansi aa gayi.
"Meri ya goongi bhi bolna jaane hai. Chaal pehla Sudarshan se mil leva fer ghar ki aur.", Chandro Devi ne ab driver ko aage ka rasta batana shuru kiya toh wo bhi us taraf he chal diya jaha wo chahti thi.
.
.
"Aise kya dekh rahe ho? Waise toh tumhare pas 2 pal na nikle mujhse baat karne ke aur waha har cheej khud pasand karke dilwa rahe the. Aur in najro ko kaabu me rakha karo mister.", Arjun ne Zubeidaa ko har wo cheej dilwa di thi jo wo chahti thi lekin uske sath sath apni taraf se bhi shringaar ka bahut kuch. Zubeidaa ki ummeed se aadhe samay me he Arjun ne wo sab dilwa diya tha aur ab dono log restra me ek kone ki table pakad kar apne order ki pratiksha kar rahe the. Arjun bade dhyaan se Zubeidaa ki khoobsurti ko apne jehan me sanjo raha tha aur uski baat sunn kar thoda sa jhempte hue bola.
"Aap na wakai kisi behte paani si ho. Har kuch aap ke upar suit karta hai. Main yahi dekh raha tha ke is se pehle maine jo dekha tha wo sach tha ye ab jo saamne hai wo. Fir paani ki prakriti dhyaan aa gayi aur upar se aap artist ho ye yaad nahi tha. Waise hamara shehar utna bhi bada nahi hai jitna aapka lekin shayad jo bhi liya hai us se kaam chal jayega.", Zubeidaa ke chehre par surkh muskaan aa chuki thi Arjun dwara diye sambodhan se.
"Haan kaam toh chal he jaayega aur mujhe nahi pata tha ke tum bhi artist ho. Matlab mujhe kya pehan na chahiye ye main kal se soch rahi thi lekin tumne jaise tasvir pehle he bana rakhi thi. Atcha taste hai tumhara chahe thoda sa traditional he sahi. Lekin tumne abhi tak meri baat ka jawab nahi diya. Kya dekh rahe the?"
"Aapko bataya toh abhi. Bas yahi dekh raha tha aur rahi baat traditional wali toh jo insaan bematlab ki samajik nitiyo se pare ho wahi toh asli insaan hota hai. Haan main ye bhi dekh raha tha ke aap itni sundar hai.. mera matlab mujhe ye pata hai lekin aaj aap jyada sundar lag rahi hai.", Arjun khud he khisiya gaya apni baat kehte hue aur is beech baira Zubeidaa ke liye chane bhature aur Arjun ke liye ek lassi ka gilaas le aaya tha. Zubeidaa ne bhi halki sharam aur muskaan ke sath wo badi si plate aage khiska kar dono ke darmiyaan kar li.
"Tum jarurat se jyada he chalu ho mister. Main tumse 5 saal badi hu aur tum khullamkhula mujh par he line maar rahe ho? Afsa hoti toh maan bhi leti aur waise tum toh bandhe nahi hue us pyaari si firangan ke sath.? Wo bala ki khoobsurat hai. Dekh ke he lagta hai langoor ke hath angoor lag gaya ho.", Ishare se he Zubeidaa ne Arjun ko apne sath khaane ko kaha aur wo mana na kar saka. Bas uski baat sunn kar kuch pal khamosh raha aur bhature ka ek niwala todd kar usko he dekhne laga.
"Arre itna nervous hone ki jarurat nahi hai. Main taang khinch rahi hu tumhari aur hum dono dost hai toh ye sab normal samjho. Bilkul ullu he ho tum.", Zubeidaa ne apne hath se he niwala Arjun ke mooh ke saamne kar diya. Arjun ne haan kehne ke sath wahi niwala Zubeidaa ki taraf wapis karne ke baad apne hath wala chane me bhigo kar khaane ka upkram kiya.
"Agar humne ye sab kiya na toh wo dosti wali baat bahot peeche reh jaayegi, duniya ki najro me. Dekho jara aapki right side me wo dono ladke aur unke aage wali table par baitha wo joda humko he dekh raha hai. Lekin aapne ye toh sach he kaha ke main Preeti ke sath bandha hua hu. Mujhe khud ko shayad ek hadd me rakhna chahiye.", Ek khali gilaas me aadhi lassi udel kar wo gilas Zubeidaa ki taraf badha kar Arjun ne fir se khaane par dhyaan kiya. Ab Zubeidaa kuch pal khamosh rehne ke baad boli.
"Bewkoof ho tum aur utne he apne aap me uljhe hue. Kabhi is tarah socha hai ki agar koyi tumse niswarth pyaar kare toh tum uska dil todoge ya fir usko tasalli doge? Arjun, daayre me reh kar siwaye ek simit duniya ke kuch haansil nahi hota. Apne pyaar par vishwaas rakho aur jo tumse jude unhe apne sath rakho. Har insaan kuch paane ki chahat nahi rakhta. Wo bas samay ya bhaavnaye prakat karke badle me kabhi kabhi ek kandha chahta hai. Kabhi kabhi ye sab pariwar, pyaar ya us dost se nahi mil sakta jiski soch aur rishtey ki seema simit ho. A bound person is more like a dead one but the only difference is that he stays above the coffin and the dead one inside it. Lekin dono ka daayra bas kabar tak he toh hai.", Zubeidaa toh Arjun se bhi jatil thi lekin uska najariya kahi jyada vistaar liya hua. Arjun itni gehri baat sunn ne ke baad itna he keh saka.
"Thank you. Pata nahi lekin main samajhta hu ki aap jaise duniya ko jis najar se dekhti hai wo vidrohi hone ke bawjood kahi behtar hai."
"Hahaha.. Vidrohi matlab rebel..! Lekin agar hum aise na ho toh kya hum sahi zindagi jee sakte hai? Mujhe sawaal karne ki aadat thi bachpan se aur jab mujhe jawab nahi milte the toh maine khud he unhe dhoondna shuru kiya. Pareshaniya hui Arjun aur kayi baar toh aise lamhaat aaye jinme jaise mera sabkuch he daanv par lagne wala tha. Par maine khudko badla nahi aur iska natija ye nikla ki mere aaspas ka mahol mere hisaab se dhala aur agar aisa nahi hua toh unhe maine tavajjo na di. Tum apna samaaj ho aur isko kisi aur ke liye mat badalna, behtar karna bas. Rahi baat pyaar, rishtey aur aise he maslo ki toh jo tumhara hai wo tumhe samjhega aur jo nahi hai uske sath budhapa gujaar lo lekin ateet me bayaar-e-ishq na hoga.", Apni aadhi adhuri urdu par wo khud he khilkhila kar hansne lagi thi. Honto se lassi ki ek boond thuddi ki taraf raftaar pakadti us se pehle he Arjun ne wo apni ungli se hata di. Zubeidaa is sparsh se ek pal ke liye shaant hui par fir se muskura di.
"Main samaaj hu, mera khud ka samaaj. Haan yahi toh hu main. Main aapke he jaisa hu lekin thoda daayro me rehna bhi padta hai."
"Utna jaruri bhi hai baba. Jo kisi ko nuksaan na de wo kaam matt karna bas. Baaki agar koyi tumhe majboor kare badalne ke liye toh samajh lo wo tumhe nahi jaanta. Atcha ab humko chalna chahiye yaha se. Jin logo ka tum vaasta de rahe the wo bade dhyaan se dekh rahe hai hume. Pakka dimag me drawing bana li hogi inhone ki hum dono wahi hai jo lag rahe hai. Hehehe..", Zubeidaa ne tissue se hath saaf karne ki koshish ki toh Arjun ne rok liya.
"Khana plate me nahi bachna chahiye. Bas thoda he baaki hai aur khatam karke chalte hai. Jisko jo sochna hai sochne do, farak nahi padta.", Aur ab Arjun ne khud he Zubeidaa ko apne hatho se khilaya. Aur ye usko pasand bhi aaya.
"Hmm.. bas is se jyada ijhaar matt karna nahi toh maine tumhe mana na kar sakungi. Waise bhi lagbhag dulhan ka libaas toh dila he chuke ho aur kahi ...", Zubeidaa ne baat beech me chhod kar jo hansna shuru kiya Arjun toh bas us bedag se chaand ko dekhta he raha. Kitni befikar lekin sanjida thi Zubeidaa. Aur jiwan ke prati uski soch vidrohi toh katai na thi. Wo jiwan ka saar kisi bhi kathit rishi-muni ya samaajsevi se behtar jaanti thi.
"Mister, ab chale ya aise he dekhte rahoge? Aur tum ho bahot chalu.", Zubeidaa ne aankh dabate hue Arjun ko jhempne par majboor kar diya tha.
"Ab lagta hai ke aapke sath pehle he time bita lena chaiye tha. Aur sachmuch hume thoda jyada he time lag gaya, Romela aunty intjaar kar rahi hongi."
"Saasu maa bolo bache saasu ma. Ye aunty waunty nahi chalta yaha India me. Aur rahi baat time na bita paane ki toh tension na lo. Atche se bitayenge aur jald he. Filhaal toh unhe le lete hai, garmi me laal he ho chuki hongi wo toh."
"Waise Romela aunty bhi ek atchi artist hai. Atchi se matlab aapko unka kaam jarur dekhna chahiye.", Arjun ne bahar aane ke baad car me baithte he vatanukulan chalu kiya aur Zubeida ke aate he car aage badha di.
"Fir toh wapsi me main unke sath he baithne wali ho. If you don't mind driving alone here.", Zubeidaa ko ye jaankar hairaani hui thi aur chitrakaari uska junoon he thi.
"Haan isliye toh bataya maine. Waise aapne ye nahi bataya ke hum jaldi he kaise milne wale hai?", Car wahi aa ruki thi jaha Arjun ne Romela ko chhoda tha. Romela bhi jaise car ko dekh dukaan se bahar he aane lagi. Uske hath me 2 bade bag the jis wajah se Arjun bahar nikalne laga lekin Romela ne ishare se andar he rehne ko kaha. Zubeidaa niche utar kar jawaab deti hui Romela ki taraf he chal di.
"Punjab jo aa rahe ho tum 24 ko. Main wahi aaungi tumse milne.", Aur Arjun bas dekhta raha. Ab 2-2 khoobsurat vidrohi uski he taraf aa rahi thi, hatho me bag liye. Vishisht, khoobsurat aur sankeern samaaj ko dhatta batane wali 2 chitrakaar.
Bawla akhil
New Member
- 63
- 192
- 33
Awesome update BhaiUpdate 185
Vidrohi
"Dekh bhai Gajju, ab shaadi kal hai toh mehmano ki aavabhagat toh humko he karni padegi. Sabhi log toh sangeet karyakram pe aane nahi wale aur humne bhi yahi plan kiya tha ke jitna ho sake isko simit logo me he kiya jaaye. Isliye mujhe toh ek baar Col uncle ke hotel pe sab taam-jhaam dekhne honge. Waha bhi demand hongi aur Sangwan wale farmhouse pe kuch doctor dost rukwaye hai maine aur waha Inder ke bhi kuch mehmaan hai.", Yaha filhal shaadi me aaye mehmano ke araam aur suvidha ki charcha jaari thi aur Shankar ne apna paksh rakhte hue kaha.
"Haan toh ye jaruri bhi hai lekin abhi bhi bahot se kaam baaki hai Bhole. Walia ji ke sath Dharampal bhai aur Daleep bhai idhar ka dekh lenge, itne main community center par apne security wale aur driver laga deta hu. Ab ghar ki ladies toh shayad he kisi mehmaan par dhyaan de kyonki unhe toh apni rang-putaai se fursat nahi milne wali. Waise bar toh chhat par he lagwaya hai na Inder?", Umed ki baat par Walia ji ke sath Daleep Singh ne bhi sehmati de di. Narinder ne bhi haan karke bata diya tha ke intjaam gharwalo ki najar se alag he kiya hai.
"Chalo ye bhi thik hai aur 2 car jara extra rakhni padengi. Aisa na ho ke mauke par jaane ya aane me koyi chhot jaaye.", Shankar ne aam ka pana tray se uthate hue Preeti ka aankhon se shukriya kiya.
"Preeti bitiya, jara apni behno se charcha kar lo aur fir dekho ke wo log driver ke sath jaayengi ya koyi hai jo car jaanta hai.", Narinder ji ne yahi par ek kaam poora karne ki koshish ki. Preeti bhi jaise iske liye tayaar he thi jaise un logo me is baat ka fainsla ho chuka ho.
"Wo Tara didi ne kaha tha ke 7 log safari me aa jayenge unko mila kar aur 3-4 log Arjun ki car se. Par Arjun se abhi confirm nahi kiya hai kyonki wo shayad busy ho sakta hai.", Preeti ki baat khatam hote he Shankar ji ne lancer ki chabi Preeti ki taraf badha di. Jisko lete hue wo soch me padd gayi kyonki ye chabi toh sirf Arjun ke pas aur jyada se jyada Ritu he rakhti thi.
"Socho matt aur isko apne pas he rakho. Annu bitiya ya Menaka chala legi. Kam se kam ab tumhe nirbhar nahi rehna kisi pe. Arjun ke pas motorcycle hai agar wo kahi vyast hua toh. Nahi toh koyi bhi gaadi le jayega wo waha.", Shankar ji ne toh baat he muka di thi lekin Preeti ko sankoch karte dekh wo muskura diye.
"Ye bhi tumhari he hai beta aur aisa toh nahi ki isko Arjun ke siwa koyi chala nahi sakta. Jaanta hu ki usne aajtak apni ye car kisi ko di nahi. Lekin kisi ne maangi bhi toh nahi aur wo iska bura nahi maanega. Chaho toh safari koyi aur chala lega."
"Nahi nahi uncle wo baat nahi hai. Mera matlab tha ke Arjun motorcycle pe..."
"Abhi se itna sochne lagi ho? Hahaha.. Tum log bas ab kisi pe nirbhar matt rehna. 12 log aise manage ho jaoge aur 4-5 Aarti ki saheli wali car me. Baaki sabki jimmewari unke pati-devar ya bhai apne aap lenge. Kyun bhai Inder?", Shankar ji ne hanste hue jaise ye baat kahi Preeti bhi muskurati hui andar daud gayi. Baaki sab bhi aise pal me khush bhi the aur chehre par parichit muskurahat bhi.
"Aye ladki, thoda toh dekh liya kar ya aankhon me kuch farak hai.", Ye awaaj karkash aur bharpoor gusse se bhari thi chahe utni unchi na sahi. Preeti galiyare se andar he bhaagi thi ki dining wali taraf se ekaek saamne aayi Madhulata se halka sa takra gayi. Sparsha kuch jyada na tha lekin Madhulata jaise darne ki wajah se apna aapa kho gayi. Preeti ko sehma hua apne saamne khada dekh jaise wo chup na reh saki lekin ye awaaj kuch had tak bhitar wale aangan aur yaha baithe purusho ko jarur sunaai de gayi thi.
"Sorry aunty ji. I'm extremely sorry. Aap ekdum se he is taraf se aa gayi.. Aapko lagi toh nahi?", Preeti ne jaise he hath jode car ki chabhi niche ja giri. Bahar bhi kaali lancer ki too-too ki awaaj 2 baar goonji.
"Bas le de kar yahi toh aata hai sabke. Sorry bol dena.. bas.. Gharwalo ne nahi sikhaya hoga ki kisi ke ghar jaate hai toh waha kaise naap-tol kar kadam rakhne chahiye.", Ab tak Maalti (Guddi) bhi is taraf aa chuki thi aur uske peeche Rekha ji ke sath Ruchi bhi. Lekin Madhulata ki baat sunn kar un neeli-hari aankhon ke kinaro se ludhakte moti bata rahe the ki Preeti kis kadar aahat hui hai.
"Maaf kar dijiye aunty ji. Maine jaanboojh kar nahi kiya.. ", Uski hichkiyan bas wahi kaabu kar rahi thi aur agar abhi koyi Preeti ko apne seene se laga leta toh yakeenan uska rudan charam par pahuch jana tha. Jyadatar log ya toh khaane me vyast the ya fir mehmano ke sath kamre me. Lekin Rekha sadhi chaal se thik un dono ke beech aa khadi hui. Preeti ko apne sath lagane ke baad unhone he Madhulata se kaha.
"Bachi hai Madhulata ji aur bache aise awsar par aksar he thoda jyada he khush rehte hai. Preeti ki taraf se main maafi maangti hu. Aap mehmaan hai aur aapko kasht ho toh ye hume atcha nahi lagega.", Rekha ji ki baat khatam hone tak Madhulata bhi najre jhuka chuki thi aur Richa ki sehanshakti bhi jawaab de gayi.
"Maa, ye sab kya hai? Aap choti si he baat par .. Sorry Preeti, Sorry Aunty ji. Baat itni badi bhi nahi thi ki aapko sorry bolna pade. Ghar me chehal pehal ho toh aisa har taraf hota he rehta hai. Chalo Preeti tum mere sath chalo.", Richa aage kisi se bhi najre milaye bina Preeti ko lagbhag khinchte hue he upar ki aur chal di. Lekin is drishya ko 2 aur aankhon ne dekha tha jo swayam Shankar Sharma ki thi. Apni biwi ko apni premika se maafi dekh jaise unhe thes pahuchi thi aur mudda kuch bhi na tha. Aakhir Preeti koyi gair toh na thi lekin is waqt unhe bhi mahilao ke beech kuch kehna thik na laga.
"Rekha, jara badi bhabhi ko bulana. Unke peehar se mehmaan aaye hai.", Shankar ji iske baad wapis mudd gaye.
"Maafi ki baat nahi hai Rekha. Bas humari taraf bacho ko thoda daayre me rakha jata hai aur mujhe bhi pata nahi tha ke wo ladki ghar me kuch jyada he mehtva rakhti hai. Khair, tumse mil kar atcha laga. Kal shaadi me mulakaat hogi.", Madhulata itna keh kar Maalti ke sath bahar ki taraf chal di aur unke peeche he Lalita ji. Bijender aur Anupama ne filhal yahi rehna tha isliye bas yahi log Chandro Devi ke sath gaanv wapis ja rahe the. Rekha ne bhi hath jodd kar muskaan ke sath he vida kiya tha inhe lekin iske baad wo seedha apne kamre ki aur chal di. Preeti ko Richa wahi leke gayi thi.
"Wo ladki meri bahu bann ne wali hai aur us se pehle wo is ghar ki sabse choti beti hai Lata. Maanta hu tumhe kuch thes pahuchi bhi hogi lekin bacho ke sath tumhe thoda toh lachila rehna chahiye. Apna dhyaan rakhna.", Ghar ke bahar driver car liye tayaar tha aur sabse aakhir me baithne ja rahi Madhulata ko dabe swar me Shankar ji ne swayam he cheta diya tha ke apne ravaiyye me kuch badlaav jarur laaye.
"Toh yahi samajh lo ke apna maan kar he daant diya. Baat yahi khatam."
"Main bhi yahi keh raha hu Lata. Baat bas yahi khatam ho jaaye. Atcha taai, aap nischint ho kar jaaye. Bache aaj yahi rahenge aur driver haveli he rukega. Sushila, sehra tu he karegi toh thoda samay se nikal lena kal.", Shankar ne yaha bhi spasht kar diya tha ke badi hone ka farz Sushila ne he ada karna hai. Jo muskurati hui hath hila kar agli seat par ja baithi.
"Chinta na kare. Madhu ne pehle he bata diya tha manne jab Raju se baat ho rahi thi roti pe. Chaal tu kaam dekh tere dost aaye laage hai.", Sachmuch Gulati, Bhuppi aur Sangwan ek he car me yaha aa pahuche the. Shankar bhi inhe hath hila kar apne mitro ki taraf ho liya. Inki car chal chuki thi.
"Guddi, ke hoya tha?", Car ke chalte he Chandro devi ne sabse pehle yahi poocha. Guddi unki bagal me thi aur Guddi ke is taraf Munni khidki ke pas.
"Kuch na hua maa ji. Bas wo ek bachi galiyare me thoda Munni se takra gayi thi. Inta kuch na hoya aur Munni ne bera na tha ke wo Shankar bhai ki hon wali bahu hai.", Guddi jyadatar chup he rehti thi lekin sawaal ke jawaab toh usko bhi dene he padte the.
"Munni, beta thoda sa samajik hona seekh. Ek lugaai ki beijjatti pe mahabharat ho chuki hai aur jaan gayi na ke wa bhi Arjun ki lugaai thi ar ya bhi Arjun ki hai. Baalak toh nyu he khele koode kare, bura na manya karte. Aapna mood thik rakhiye eb.", Chandro Devi ne aadat se viprit bahot he narmi se apni bahu ko samjhaya tha.
"Je ghute tha mera waha maa ji toh jab nikalan laage wa chhori aa bhidi. Bas fer bera na chalya. Manne baat jadi khatam kar di thi lekin Shankar ki bahu us chhori khatir hath jodd gayi ya kuch janchi koni. Aisi lugaai ho toh fer .."
"Munni, is se aage ek bhi baat na kahiye. Dekh bebe (behan) jo saamne se hath jode hai wo baat ne rokna chahve hai aur hath aksar taqatvar he jode kare hai. Kyonki taqat se nuksaar ka sirf usne he andaja hove hai. Hum mehmaan the isliye maan mila aur wo ladki ghar ki hon wali bahu toh Rekha ne saaf pata hai ke uske upar baat aayi toh mamla bigad sake hai. Shankar ne toh aaj tak tere se kade hatth na kari lekin wo bhi samjha ke gaya. Dil pe na liye koyi bhi baat aur Rekha sabki ijatt kare hai toh tu chahe usne naam se bula lekin thoda pyaar se. Samajhdar aur padhi likhi hai tu, sundar bhi. Waise he reha kar, atcha lagega.", Sushila ne paani ki bottle ka dhakkar khol kar hanste hue wo Munni ki taraf badhai toh pehle thoda nakhre lekin baad me choti si muskaan ke sath usne wo bottle le kar hontho se laga li.
"Samajhdar toh hai bas kade kade iske taar hil je hai.", Is baar ye baat Guddi ne kahi thi aur baaki dono ke chehre par hansi aa gayi.
"Meri ya goongi bhi bolna jaane hai. Chaal pehla Sudarshan se mil leva fer ghar ki aur.", Chandro Devi ne ab driver ko aage ka rasta batana shuru kiya toh wo bhi us taraf he chal diya jaha wo chahti thi.
.
.
"Aise kya dekh rahe ho? Waise toh tumhare pas 2 pal na nikle mujhse baat karne ke aur waha har cheej khud pasand karke dilwa rahe the. Aur in najro ko kaabu me rakha karo mister.", Arjun ne Zubeidaa ko har wo cheej dilwa di thi jo wo chahti thi lekin uske sath sath apni taraf se bhi shringaar ka bahut kuch. Zubeidaa ki ummeed se aadhe samay me he Arjun ne wo sab dilwa diya tha aur ab dono log restra me ek kone ki table pakad kar apne order ki pratiksha kar rahe the. Arjun bade dhyaan se Zubeidaa ki khoobsurti ko apne jehan me sanjo raha tha aur uski baat sunn kar thoda sa jhempte hue bola.
"Aap na wakai kisi behte paani si ho. Har kuch aap ke upar suit karta hai. Main yahi dekh raha tha ke is se pehle maine jo dekha tha wo sach tha ye ab jo saamne hai wo. Fir paani ki prakriti dhyaan aa gayi aur upar se aap artist ho ye yaad nahi tha. Waise hamara shehar utna bhi bada nahi hai jitna aapka lekin shayad jo bhi liya hai us se kaam chal jayega.", Zubeidaa ke chehre par surkh muskaan aa chuki thi Arjun dwara diye sambodhan se.
"Haan kaam toh chal he jaayega aur mujhe nahi pata tha ke tum bhi artist ho. Matlab mujhe kya pehan na chahiye ye main kal se soch rahi thi lekin tumne jaise tasvir pehle he bana rakhi thi. Atcha taste hai tumhara chahe thoda sa traditional he sahi. Lekin tumne abhi tak meri baat ka jawab nahi diya. Kya dekh rahe the?"
"Aapko bataya toh abhi. Bas yahi dekh raha tha aur rahi baat traditional wali toh jo insaan bematlab ki samajik nitiyo se pare ho wahi toh asli insaan hota hai. Haan main ye bhi dekh raha tha ke aap itni sundar hai.. mera matlab mujhe ye pata hai lekin aaj aap jyada sundar lag rahi hai.", Arjun khud he khisiya gaya apni baat kehte hue aur is beech baira Zubeidaa ke liye chane bhature aur Arjun ke liye ek lassi ka gilaas le aaya tha. Zubeidaa ne bhi halki sharam aur muskaan ke sath wo badi si plate aage khiska kar dono ke darmiyaan kar li.
"Tum jarurat se jyada he chalu ho mister. Main tumse 5 saal badi hu aur tum khullamkhula mujh par he line maar rahe ho? Afsa hoti toh maan bhi leti aur waise tum toh bandhe nahi hue us pyaari si firangan ke sath.? Wo bala ki khoobsurat hai. Dekh ke he lagta hai langoor ke hath angoor lag gaya ho.", Ishare se he Zubeidaa ne Arjun ko apne sath khaane ko kaha aur wo mana na kar saka. Bas uski baat sunn kar kuch pal khamosh raha aur bhature ka ek niwala todd kar usko he dekhne laga.
"Arre itna nervous hone ki jarurat nahi hai. Main taang khinch rahi hu tumhari aur hum dono dost hai toh ye sab normal samjho. Bilkul ullu he ho tum.", Zubeidaa ne apne hath se he niwala Arjun ke mooh ke saamne kar diya. Arjun ne haan kehne ke sath wahi niwala Zubeidaa ki taraf wapis karne ke baad apne hath wala chane me bhigo kar khaane ka upkram kiya.
"Agar humne ye sab kiya na toh wo dosti wali baat bahot peeche reh jaayegi, duniya ki najro me. Dekho jara aapki right side me wo dono ladke aur unke aage wali table par baitha wo joda humko he dekh raha hai. Lekin aapne ye toh sach he kaha ke main Preeti ke sath bandha hua hu. Mujhe khud ko shayad ek hadd me rakhna chahiye.", Ek khali gilaas me aadhi lassi udel kar wo gilas Zubeidaa ki taraf badha kar Arjun ne fir se khaane par dhyaan kiya. Ab Zubeidaa kuch pal khamosh rehne ke baad boli.
"Bewkoof ho tum aur utne he apne aap me uljhe hue. Kabhi is tarah socha hai ki agar koyi tumse niswarth pyaar kare toh tum uska dil todoge ya fir usko tasalli doge? Arjun, daayre me reh kar siwaye ek simit duniya ke kuch haansil nahi hota. Apne pyaar par vishwaas rakho aur jo tumse jude unhe apne sath rakho. Har insaan kuch paane ki chahat nahi rakhta. Wo bas samay ya bhaavnaye prakat karke badle me kabhi kabhi ek kandha chahta hai. Kabhi kabhi ye sab pariwar, pyaar ya us dost se nahi mil sakta jiski soch aur rishtey ki seema simit ho. A bound person is more like a dead one but the only difference is that he stays above the coffin and the dead one inside it. Lekin dono ka daayra bas kabar tak he toh hai.", Zubeidaa toh Arjun se bhi jatil thi lekin uska najariya kahi jyada vistaar liya hua. Arjun itni gehri baat sunn ne ke baad itna he keh saka.
"Thank you. Pata nahi lekin main samajhta hu ki aap jaise duniya ko jis najar se dekhti hai wo vidrohi hone ke bawjood kahi behtar hai."
"Hahaha.. Vidrohi matlab rebel..! Lekin agar hum aise na ho toh kya hum sahi zindagi jee sakte hai? Mujhe sawaal karne ki aadat thi bachpan se aur jab mujhe jawab nahi milte the toh maine khud he unhe dhoondna shuru kiya. Pareshaniya hui Arjun aur kayi baar toh aise lamhaat aaye jinme jaise mera sabkuch he daanv par lagne wala tha. Par maine khudko badla nahi aur iska natija ye nikla ki mere aaspas ka mahol mere hisaab se dhala aur agar aisa nahi hua toh unhe maine tavajjo na di. Tum apna samaaj ho aur isko kisi aur ke liye mat badalna, behtar karna bas. Rahi baat pyaar, rishtey aur aise he maslo ki toh jo tumhara hai wo tumhe samjhega aur jo nahi hai uske sath budhapa gujaar lo lekin ateet me bayaar-e-ishq na hoga.", Apni aadhi adhuri urdu par wo khud he khilkhila kar hansne lagi thi. Honto se lassi ki ek boond thuddi ki taraf raftaar pakadti us se pehle he Arjun ne wo apni ungli se hata di. Zubeidaa is sparsh se ek pal ke liye shaant hui par fir se muskura di.
"Main samaaj hu, mera khud ka samaaj. Haan yahi toh hu main. Main aapke he jaisa hu lekin thoda daayro me rehna bhi padta hai."
"Utna jaruri bhi hai baba. Jo kisi ko nuksaan na de wo kaam matt karna bas. Baaki agar koyi tumhe majboor kare badalne ke liye toh samajh lo wo tumhe nahi jaanta. Atcha ab humko chalna chahiye yaha se. Jin logo ka tum vaasta de rahe the wo bade dhyaan se dekh rahe hai hume. Pakka dimag me drawing bana li hogi inhone ki hum dono wahi hai jo lag rahe hai. Hehehe..", Zubeidaa ne tissue se hath saaf karne ki koshish ki toh Arjun ne rok liya.
"Khana plate me nahi bachna chahiye. Bas thoda he baaki hai aur khatam karke chalte hai. Jisko jo sochna hai sochne do, farak nahi padta.", Aur ab Arjun ne khud he Zubeidaa ko apne hatho se khilaya. Aur ye usko pasand bhi aaya.
"Hmm.. bas is se jyada ijhaar matt karna nahi toh maine tumhe mana na kar sakungi. Waise bhi lagbhag dulhan ka libaas toh dila he chuke ho aur kahi ...", Zubeidaa ne baat beech me chhod kar jo hansna shuru kiya Arjun toh bas us bedag se chaand ko dekhta he raha. Kitni befikar lekin sanjida thi Zubeidaa. Aur jiwan ke prati uski soch vidrohi toh katai na thi. Wo jiwan ka saar kisi bhi kathit rishi-muni ya samaajsevi se behtar jaanti thi.
"Mister, ab chale ya aise he dekhte rahoge? Aur tum ho bahot chalu.", Zubeidaa ne aankh dabate hue Arjun ko jhempne par majboor kar diya tha.
"Ab lagta hai ke aapke sath pehle he time bita lena chaiye tha. Aur sachmuch hume thoda jyada he time lag gaya, Romela aunty intjaar kar rahi hongi."
"Saasu maa bolo bache saasu ma. Ye aunty waunty nahi chalta yaha India me. Aur rahi baat time na bita paane ki toh tension na lo. Atche se bitayenge aur jald he. Filhaal toh unhe le lete hai, garmi me laal he ho chuki hongi wo toh."
"Waise Romela aunty bhi ek atchi artist hai. Atchi se matlab aapko unka kaam jarur dekhna chahiye.", Arjun ne bahar aane ke baad car me baithte he vatanukulan chalu kiya aur Zubeida ke aate he car aage badha di.
"Fir toh wapsi me main unke sath he baithne wali ho. If you don't mind driving alone here.", Zubeidaa ko ye jaankar hairaani hui thi aur chitrakaari uska junoon he thi.
"Haan isliye toh bataya maine. Waise aapne ye nahi bataya ke hum jaldi he kaise milne wale hai?", Car wahi aa ruki thi jaha Arjun ne Romela ko chhoda tha. Romela bhi jaise car ko dekh dukaan se bahar he aane lagi. Uske hath me 2 bade bag the jis wajah se Arjun bahar nikalne laga lekin Romela ne ishare se andar he rehne ko kaha. Zubeidaa niche utar kar jawaab deti hui Romela ki taraf he chal di.
"Punjab jo aa rahe ho tum 24 ko. Main wahi aaungi tumse milne.", Aur Arjun bas dekhta raha. Ab 2-2 khoobsurat vidrohi uski he taraf aa rahi thi, hatho me bag liye. Vishisht, khoobsurat aur sankeern samaaj ko dhatta batane wali 2 chitrakaar.
tabishqureshi
Well-Known Member
- 2,862
- 6,979
- 158
Raghav1997
Banned
- 1,060
- 4,840
- 143
Bilkul Enigma bhaiya ye to sheegra ati sheegra hona chahiye aise khushiyon ke mauke pariwar mai bahut samay ke baad aate hai. Ye to pakka kariyega please.Enigma bhaiya dekho apny shadi k ghar mn preeti ko dukhi kardiya ab sangeet mn arjun ka kuch special karna banta hy preeti k liay jeesy osky sath dance
- Status
- Not open for further replies.