2 ghante ka varnan main is se behtar nahi de sakta tha bhai. Haan sholey ya Ram Gopal Verma ki aag maine bilkul nahi likhi thi kyonki yaha par unka koyi kaam nahi tha.
1. Daadi bhi maa samaan hai aur paute ko kushti ki jagah maut ke saamne dekhegi toh dil kaanp he uthega. Kyonki wahi haal hath jode Rameshwar ji ka bhi tha aur waisa Shankar ka bhi.
2. Entry dhamakedar matlab ki patakhe toh nahi jalne chahiye the kyonki iski ummeed toh kisi ko bhi nahi thi siwaye Arjun aur Sambhav ko. Jab poori janta he Sreedhar ke saamne jhuk gayi aur wo rani ke sath Rameshwar ji ko bhi khari bhasha suna gaya toh rasookh toh bilkul hoga us vyakti ka. Aur wo haivaan tha lekin sabse bada kaise hua jab kaam toh wo bhi kisi ke niche kar raha tha?
3. Pehla bhaag Jasleen par likha kyonki wo jaruri hissa hai, aise he bedakhal nahi kiya ja sakta kisi bhi kirdaar aur us samay ko jiska abhaas pichle update me de diya gaya ho.
4. Jis tarah se public bataai gayi thi waisa he vishaal mela bhi bataya ki waha jhoole, khel aur mele jaisa he mahol hai lekin akhada simit tha sirf chuninda logo ke beech jiska gheraav pehle he gaanv ke prehri kar chuke the. Is jagah ko bacho ya sadharan varg ke saamne kyun laaya jata? Haan baad me baate hongi par varnit hai ki akhade ke gird 500-600 log the. 15-20 nahi.
5. Ritu ka rona ek bhavna hai aur wo royegi jab uska pyara bhai chotil hoga. Pasli par maar aur mooh pe khoon kaun dekh sakta hai? Is se ye bhi saaf hai ki Sreedhar koyi gali ka gunda nahi tha. Rudra ek split personality hai jo agar bekaabu ho toh fir Ritu aur Arjun waise nahi dikhenge jo unka alag sach hai.
6. Gaanv me 100 kirdaar honge aur maine unhe chaupal pramukh, mitra aur jaruri naamo ke sath dikhaya bhi fir chahe wo Punjab wale SI he kyun na ho. Kaksha me 48 bache hai toh hum usko class bol dete hai jab kisi se uski charcha karte hai. A for Aashish se le kar Z for zile singh tak likh kar aadha page naam se he bhar de toh kahani kaha reh gayi bandhu? Matlab ye toh maine register he rakh diya saamne.
7. Ab Sambhav ji ki entry sidha Akhaade me hui aur aisi bheed evam garam mahol me main camera kar du Sambhav se anjaan Purnima ji par jinko uske baare me lesh matra pata nahi.? Bhai asthi visarjan nahi dekhna chahte kya? Matlab emotions ki jagah main Shahrukh Khan aur jaya bachchan dikha di jo apne bete ko paal pos ke bada karti hai, helicopter ki awaaj se ghar me aane ka pata lag jata hai toh thaali leke saamne khadi milti hai.
8. Kushti ka itihas toh 50 baras pehle he khatam ho chuka tha bhai aur Saarang ek usool wala insaan hai jisne dobara kadam nahi rakha sandhi hone ke baad. Jo vyakti saamne se Rani Prabha ko kaat sakta hai kya wo kaayaro ki tarah yaha ladne aayega? Rajyavardhan kar sakta hai par uske hath me kuch nahi. Uski galti nikli toh Saarang ko jhukna padega. Character toh samajhna he chahiye dost.
9. Ab aapko commentary bakwas lagi toh main uske liye maafi chahunga kyonki wo sirf ghoshna thi aur jaruri mehmaano ka swagat. Maamle ki sanginta dekh kar he isko baaki sabse alag rakha gaya tha chahe bheed 15000 ki ho. Wo sab kabaddi me hona chahiye kyonki waha 16 gaanv ke team bhidengi. Ye mudda sirf 2 gaanv ko ek karne aur Shahi pariwar ka tha.
10. Haan ab karte hai mudde ki baat. Dipa bhabhi ke jiwan par sawaal nahi uthaye maine dikhaya ki Dilbaag us par akele me hath uthata hai. Emotions ek dada paute ki beech chahe wo pagdi ho ya patra ka samay. Meena kya hai aur Arjun uske peeche kaise? Arjun aashram se shishya ke roop me kaise aaya? Mele ki dargaah par Arjun abhi tak nahi gaya jabki pehle wahi jana tha. Janta ke beech ab is baat par kya asar hoga aur mehal par kya? Komal bhi mukhiya ka haq rakhti hai, kaise.
Maaf karna bhai agar meri baat ka aapko bura laga ho ya samjhane ke tarike se. Kyonki main koyi atcha lekhak nahi hu aur meri kisi kahani par film nahi bani hai pehle. Duniya se thoda prithak rehta hu aur kabhi kabhi sensitive ho jata hu jab ek sandesh ko aap likhte waqt khud nahi dohraate ki kya uske shabd uchit hai?
Maaf karna bhai aur main no ball kya kisi bhi ball par sixer nahi maarta. Jo likhta hu usme main kabhi koyi badlaav nahi karta kyonki ye jis hisaab se buni hai pehle introduction se waisi he 650 update tak jaayegi. Maa ko rona, kisi apne ki mrityu, jiwan ki thokar, amaryadit sambandh aur unke parinaam ke sath niyati ki saja. Sab waisa he likha jaayega. Haan shabdo ke chayan me sudhaar karunga, likhna seekh raha hu kyonki peshevar nahi hu.
Sadhuvad
k intezaar mein bhi hai....
