Waah...kya update diya hai bhai, samajh me nahi aa raha hai kin shabdo se tareef karu?.
2010 ka scene apne sath dhamake lekar aaya hai. Hamare sabhi bhaiyo ka isko padhne k bad yahi pehla sawal hoga, ki kya wo shakhs arjun hai ? Aur agar hai toh aisa kya hua hai iss bich ?
Wese agar hum ye maan kar chale ki wo arjun hi hai toh fir ye sawaal aata hai ki ye mrs.gaur kaun ho sakti hai. Agar behno me baat kre toh itna pyaar aur fir nakhre se wo baat kehna " Tere baap ko hath chadhne de beta, taange todd dungi main unki. Itna tang karte hain na". Inke swabhav ko jante huye toh ek hi naam aa raha h dimag me aur wo
alka didi. Ha agar koi bahari yuvti ho to baat alag hai, kyuki bich me samay ka gap boht hai aur ho sakta h kisi se itna lagav ho gaya ho iss bich.
Aur inka wo baat kehna ki 'tum zinda ho' . Matlab kya sablog ye samajhte hai ki ye mar gaya hai?. Agar esa hai to iss baat ko hum 2012 se jod sakte hai ki sablog samajh rhe honge 2 maut huyi hai, lekin asal me ye shakhs zinda hai aur maut sirf uss tasweer wali ladki ki huyi hogi jisko iss shakhs ne bhi 'apna pehla pyar' kehkar sambodhit kiya hai.
Wese iss yuvti ki shadi agar kisi dusre parivar me huyi hai toh ese me uska Abhi se ye kehna ki 'wo tumhare papa hai' boht badi baat hai.
Fir zikr aata hai abeer aur nandita, jisme abeer to ek jaan chidakne wale dost samajh aata hai jo apne dost ko iss dukh se nikalne k liye kuch bhi karne ko tayyar hai.
Wese pata nhi kisi ne dhyan diya ya nhi lekin 'Nandita' naam ka zikr pehle bhi aa chuka hai 2003 ki uss jhalak me,unki teacher Mrs Nandita k roop me jisse Bhaskar pyar karta tha.
"Sardar saale tu gaand he dekhta rahio sabki. Nandita pyaar karti hai mujhse aur college ke baad main shaadi karne wala hu us se.", Bhaskar ne Jooni se dandi lete hue apni baat batai toh Sartaj ne lund se hath hata lia.
"Raaje tu thik hai? Woh talaakshuda hai aur uski pehle he ek 5 saal ki beti hai.", Sartaj ko jawaab Jooni se mila
Ye dono nandita ek hi hai iss baat ki taraf mere dhyan isliye bhi gaya kyuki iss update me nandita bhabhi ne jaisa kaha ki,
Itni boodhi matt karo mujhe, maan lia badi hu lekin rishtey me chhoti hu
Main bhi kabhi akeli maa thi aur is duniya ko main jaanti hu
Mrs. Nandita ki bhi ek 5 saal ki beti thi aur Nandita bhabhi ka ye kehna ki mai umar me badi hu lekin rishte me choti.
Lekin fir wahi baat ke waha to Bhaskar tha to yaha Abeer kaise?.
Saal 1998
Udhar punjab me ricky ko sahi raste pe lakar ek aur parivar ko bikharne se bacha liya arjun ne sath hi unke dil me apne liye alag hi pyar bana liya hai.
Yaha inder ji k ghar par priyanka aur aarti didi k saheliyo ki bheed lagi huyi hai. Ye jasleen toh badi fast hai yrr, 2-2 baar gaal par pyar ankit kar diya.
Afsaana ke husn ka boht khubsurati se zikr kiya hai.
Jaggi se bhi mulakat hogyi toh aur isne to apni behen ki man ki murad bin mange hi poori kardiya arjun ko use ghar chhodne ka bolkar. Waha jasleen k ghar pahuchkar arjun ne bhi iss baat par mohar laga di wo apne se pyar karne wale ko kabhi ruswa nahi karta.
Fir rukh hua afsaana ke ghar,
Afsaana ke saamne aate hi jo bechaini baar bar ho rahi hai arjun ko aur wesa hi kuch haal afsaana ka bhi hai aur jis tarah ke khas rishte ki shuruaat dikhayi ja rhi hai toh ek sawaal ka jawab milta hua nazar aa raha hai.
Wese maine socha tha ye baat mai hi chhedunga lekin
aka3829 bhai aur
aman rathore bhai me pehle hi ye baat keh diye.
Agar 2010 me dikhaya wo shakhs arjun hai aur inayat uski beti, toh uski maa shayad afsaana hi hogi. Aka bhai me 2 logo ko bola lekin Zubeida ke sath jis tarah se ek badi behen aur margdarshak wala rishta ban gaya hai to mujhe nahi lagta hai ki unko ginti me lena chahiye. Ha afsaana k sath zarur ek alag tarah se judti huyi dor dikhayi de rahi hai.
Lekin fir se ek sawal aa jata hai jo uss shakhs se Nandita bhabhi ne kaha tha ki 'apne pehle pyar ki aakhiri nishani' . Agar wo arjun hai to pehla pyar sunte hi hume 2 naam yaad aate hain
Komal aur ritu didi. khair ab pata nahi ki bhavishya me kya chipa hua hai.
Zubeida ke sath mulakat pe kya tippani karu,samajh me nahi aa rha hai. Jese ek adrishya aur benaam rishta dono ko ek dusre se jod raha hai. Jaha ek wo ladki hai jiske sath pata nahi konsi ghatna ghati huyi hai jiska dard apni painting me dikhaye huye hai aur apne andar samete huye hai,jisne apni banayi paintings kabhi kisi ko na dikhaya wo iss ladke ko pal me dil se pehchan kar apne karyasthal me le chali. Wahi dusri taraf arjun hai jisne khud bhi unki painting ko dekh kar unme chipe dard ko jo shayad kabhi koi aur na dekh paya, wo ek nazar me dekh liya. Aur jo arjun ateet me huye akelepan aur dukh ko kabhi darshata hi nahi aur na hi kisi ko uska doshi jatata hai, usne bhi apna saha dard aur akelapan iss anjaan ladki ke samne kuch hi palo ki mulakat me zahir kar diya, jo shayad wo apne kareebi logo ke sath bhi nahi karta. Pata nhi kya connection hai indono me jo zubeida bhi arjun ki us baat me chupe dard ko pehchan use gale laga baithi.
Aakhirkar punjab ka ye safar in yaado ke sath khatam ho hi gaya. Jaha na jane kitne rishte ban gaye hai logo se, kitni nayi bhavnao ko mehsus kiya, jo naye anubhav yaha se mile hai. Ye sab usko wapas yaha aane par majbur kardenge. Har pal intezar rhega aane wale palo ka kahani me. Ab ye sirf ek kahani nahi rahi, hamare zindagi ka hissa ban gayi hai jo hamare dilo me basi hai ❤?.