Update 129
Muthbhed (1)
"Arre ye kuch alag nahi ho raha? Lagta hai ye log samajh he nahi rahe ke ye kya karwa rahe hai.", Yaha Sombir Singh ki haveli ke aangan me sab rasmo ke baad ab var-vadhu phere lene lage the. Rajkumar ji ne he baap ki sabhi rasme nibhai thi Sushila ki maujdgi me. Pati ke na hone par khud Sushila Singh ne ye adhikar apne is bhai ko diya tha jiska nirvaah Rajkumar ji ne dil se kiya. Golu ke sath aaye dost khushi khushi me jyada he somras pee gaye the toh phero ke waqt Umed ke na hone par Rameshwar ji se aagya le kar Sushila ne he Arjun se Golu ko sambhalte hue phere karwane ko kaha tha. Ritu, jo abhi Preeti ke sath he idhar aayi thi wo anjaane me he Richa ke gale me hath daale hairat se bas wahi keh gayi jo uski khaas najro ne dekha tha.
"Samajh toh kisi ko bhi nahi aa raha lekin Babita didi ki khushi toh dekho jara. Itni der se Arjun yaha nahi tha tab toh aise baithi thi jaise jabardasti ye shaadi ho rahi hai. Ab itni khush hai jaise phere manchahe ho gaye.", Ritu is awaaj ko sunn kar bhochakki reh gayi. Bedhyani me Preeti ki jagah wo Richa ke gale me hath daale khadi aur uski baat sunn kar wo Babita ko dhyaan se dekhne lagi.
"Ye chal kya raha hai Richa didi? Lagta hai aap bahot kuch jaanti ho.", Ritu ne khud ko sambhalte hue sawaal kiya lekin Richa ne apne hath me uski hatheli thaamte hue ek baar chehre ko dekha aur fir dheemi awaaj me boli.
"Waise ye 'Meri Ritu' wala chakkar kya hai? Babita didi toh ja rahi hai ab tum toh pas ho mere. Aur didi vidi chodo Richa bulaya karo. Ab batao."
"Kya hoga 'meri Ritu' ka matlab.? Arjun mera sabkuch hai kyonki jab saal bhar ka tha tabse sirf mere he toh sath raha hai. Mera khilona bhi wahi tha us waqt aur aaj bhi hum dono ek he hai. Ab aap batao ke ye saamne chal kya raha hai?", Ritu ne jo bhi kaha tha wo sab sach tha aur Richa bhi samajh gayi thi ki inke beech majboot niswarth pyaar, bhai-behan wala. Lekin fir wahi baat poochne par Richa ne idhar udhar dekha. Preeti ko mandap me baithe dekh dhimi awaaj me Ritu ke kaan me kaha.
"Babita didi ki jaan basti hai Arjun me. Aur aaj jaise unke mann ki muraad poori ho rahi hai. Tum Arjun ki sagi behan ho toh jyada khul kar nahi keh sakti aur upar se Preeti ko bhi pata nahi chalna chahiye.", Richa ne jin lafzo me ye kaha toh wo paryapt the Ritu ko samjhane ke liye ki chakkar kuch gehra he hai.
"Aisa pehli baar nahi ho raha, aapki jaankari ke liye bata deti hu. Aap bhi toh behan he hai fir kya hichkichana."
"Matlab?", Richa ne ek baar fir mandap ki taraf dekha toh Babita aage chal rahi thi aur Golu ko sahara diye Arjun peeche.
"Ye tedhi kheer hai, jaane kya kya karta firta hai lekin itna pata hai ke Arjun ki gopiyan aur bhi hai.", Ritu ki baat par Richa ko andar he andar ek alag si bechaini hone lagi thi. Babita didi ne bhi toh kaha tha ke wo jaise pyaar karta hai ladki diwani ho he jaati hai.
"haan.. Haan ek aur bhi hai jisko main jaanti hu. Muskaan. Kisi ko kehna matt tum, hum baaki baatein wahi karenge tumhare ghar.", Richa ne apni maa ko idhar he aate dekha toh Ritu ko savdhani se alag hone ko kaha. Lata bhi inke barabar aa khadi hui, ab wo shaant thi.
"Aunty, main kursi la kar du aapko?", Ritu ne Lata ko khade dekh kar aupcharikta se poocha toh Lata ka jawaab alag he aaya.
"Bitiya tum mehmaan ho hamari, haan ye baat toh unhe poochni chahiye jo haveli ke hai.", Richa apni maa ki baat sunn kar galiyare ki taraf turant nikal gayi,kursi laane. Lata ko baat karne ka mauka mil gaya tha kyonki andar ki sabhi halki kursiya toh pehle he aangan me thi.
"Toh Arjun ki jaan tum me basti hai? Bahot pyaar karta hai wo tumse."
"Nahi aunty ji, meri jaan usme basti hai. Uski jaan aur bhagwaan hamari maa hai. Baaki pyaar wo sabhi se karta hai. Waise aap kabhi hamare udhar nahi aayi, Richa didi toh parso aa rahi hai. Aap unke sath kuch din waha aa jao.", Ritu ne jo nyota diya toh usko sunn kar Lata ka mann khamosh he ho gaya. Kaha toh wo us ghar me ghusne ki jugat lagati firti thi aur yaha saamne se ye masoom si ladki usko aamantrit kar rahi thi.
"Haveli se bahar sirf maa ji ke sath lekin tum aa sakti hu mujhse milne. Waise tumhari baat sunn kar toh lagta hai ke tumhari mummy sabse jyada apne bete ko he pyaar karti hai. Kahi ladka hai aur wo bhi chhota is wajah se toh nahi?", Ritu toh is baat par hansne he lagi thi. Idhar Richa bhi ek plastic ki kursi idhar le aayi.
"Aunty ji, maa toh kisi me bhi farak nahi karti. 4 bhai-behan hai hum unse lekin unke liye mere chacha ji ki dono beti aur tauji ke bhi 3 bache hamare barabar he hai. Richa didi se he pooch sakti hai ke wo toh inhe bhi utne pyaar se he mili thi. Haan, Arjun unka munna hai na toh wo abhi tak maa ke saaye me he rehta hai.", Ritu ke jawaab ne toh Lata ko thoda uljha ke rakh diya tha. Rekha ka sthaan beshak Lata ki najro me kuch na tha lekin apni he beti ko pyaar dena unke dwara aur ye 4 bache. Wo kursi par baith toh gayi lekin phero ki taraf dekhte hue mann ki baat pooch he li.
"Maine toh suna tha tum 3 bhai-behan ho."
"Haan pehle 3 the ab 4 hai aunty. Rupali meri humumar hai aur unke pita ke gujarne ke baad papa ne usko hum me shamil kar diya. Ab wo sagi behan hai hamari aur Arjun ke sath he school jaati hai. Daadi ji bula rahe hai toh main abhi aati hu.", Ritu itna keh kar apni daadi ke pas chali gayi jo Babita-Golu ko aashirwad dene ke baad ladka-ladki ko shagun de rahi thi.
"Tune toh na bataya Richa ke tujhe Rekha ne laad ladaya?", Bhrukuti tann gayi thi ek baar toh Lata ki lekin awaaj dabaye he wo apni beti se sawaal karne lagi.
"Gale me chain daal di thi pehli he baar me Rekha aunty ne aur koyi farak nahi kiya mere sath. Waise aap badi jaankari le rahi thi Ritu se. Dhyaan rakhna wo ladki uski he aulaad hai jiski main hu. Pistol aise pakdi thi jaise usko is sabka bahot pata hai.", Richa aur aag me ghee lagati hui mandap me chali gayi. Sabhi ladka-ladki ko uphaar de rahe the aur Arjun gate par khade canter me samaan dalne walo par dhyaan rakh raha tha. Lata ko bhi haveli ki bahu aur ladki ki chachi ke hisaab se waisa he karna pada jaise Kaushalya ji ne karwaya. Bas ek yahi mahila thi jinke aas-pas jana Lata ko sirf ghabrahat deta tha.
"Oh Arjun, chal apni bebe ko car me baitha. Bhai goad me leke baithaya kare hai mandap se gaadi tak.", Sushila Singh ki is roubdaar awaaj aur aise aadesh par Kaushalya ji bhi hansne lagi thi aur Pandit ji Col sahab ke kaan me kuch kehte hue thahake lagane lage.
"Bua ek toh jara didi ko dekho aur upar se inke ye bhaari kapde. Matlab aaj ghar apne paanv par nahi jaane dena chahti mujhe. Waise ye toh ro bhi nahi rahi vida hote hue?", Arjun ne majaak me he ye sab kaha tha aur Babita udaas chehra banati apni maa ko dekhne lagi.
"Tere kaan kheenchne padenge. Agli dur nahi ja rahi kahi aur rona kisliye, nayi shuruaat hans ke honi chahiye. Dhyaan se uthaiyo.", Kaushalya ji bhi khadi ho kar Babita ke kareeb aa gayi. Rajkumar ji ne Golu ko sahara diya hua tha aur Arjun Babita ke kareeb aate he kaan me kuch bolne ke baad seedhe hath ko kulho se kuch niche tikate hue bade araam se uthaye dhire dhire chalne laga. Vastro ka uchit dyaan rakhte hue.
"Maa ji, Arjun mere he naam kar do. Itne araam se Babita ko uthaye hai toh haveli bhi dhang se sambhal lega.", Ye baat Sushila ne majaak me kahi thi aur unki wheelchair liye chalti Lalita ji bhi muskurane lagi ye najara dekh kar.
"Haan tu chal padd waha mere sath wo jyada thik nahi. Haveli Chandro behan ji ko sambhalne de jitne Bijender sab samajh nahi jata. Waise in logo ko bol de Sushila ke ghar me baraat bhi aane wali hai toh uski bhi tayaari kar le beti vida karke.", Kaushalya ji ko ye bhi dhyaan tha ke Bijender bhi aane he wala hoga. Gaanv ki mahililaye bidaai ke geet gaane lagi thi aur Sushila ne gale mil kar beti ko pyaar diya. Rameshwar ji ne dono ko aashirwad dene ke baad car ke saamne jal chadhane ke baad Arjun ko dhakka dene ko kaha.
"Ye start toh hai bau ji, itne bhaari bhi nahi hai dono ki dhakka dena pada.", Arjun ne anjaane me he ye kaha tha aur sabhi ke chehre par aansu ki jagah hansi aa gayi thi.
"Khote da puttar. Oye riwaaj hai ye aur dhakke ka matlab bas hath laga kar vida kar.", Rameshwar ji ne bhi mahol ko khushnuma he rakha tha. Babita haveli se nikli he thi aur Sushila ki aankhon se aansu jhar jhar behne lage. Yahi haal Purnima ji, Guddi kaaki aur Kaushalya ji ka tha. Arjun ka dhyaan apni taai ji par gaya toh unki bhi aankhe geeli thi.
"Ye lo sab didi ke jaate he rone lage. Main wapis le aata hu unhe, gali me toh hai abhi.", Sushila ne Arjun ko kass ke gale laga liya tha aisa kehne par. Arjun ko atcha mehsoos ho raha tha kyonki ye kuch khaas tha jaise Sushila dil se aaj bahot halka mehsoos kar rahi thi.
"Beta, itne saal baad is haveli me kuch mangal kaam hua. Mujhe khushi hai ke mere dono bacho ke sath meri zindagi sanvarne wala tere jaisa beta is sabme shamil raha. Ye aansu beti ki vidaai ke nahi hai re, us bhagwan ke bade dil ki wajah se hai jisne ek galat aurat ko bhi nayi zindagi aur avsar diye. Mere bete tu wo jariya hai jisne ye badlaav jaane kaise laa diya. Maa (Kaushalya ji) sahi kehti hai ke Rekha ki tapasaya ka parinaam ho tum.", Bheegi aankho se bhi Sushila ke chehre par muskaan thi aur ghutno ke bhaar baithe Arjun ko seene se alag karti wo uska maatha choomne lagi.
"Tabhi toh daadi keh rahi hai ke hamare sath chalo aap, maa bhi aapse mil kar khush hogi. Aur main toh hamesha aapke pas he hu.", Arjun ne he rumaal se unka chehra saaf kiya toh Purnima ji ne bhi kareeb aa kar Arjun ke sar ko sehla diya.
"Tum kisi ek ke toh ho he nahi munna. Sabne jo bhi khoya ho hamare pariwaro me lekin uski purti tumne kar di hai. Bas sada aise he rehna mere bache aur har ghar tumhara he hai.", Purnima ji ne dil se ye baat kahi thi aur ek pal ke liye Kaushalya ji ke chehre par kuch bhaav aaye jo Rameshwar ji ke naa me gardan hilane se chale gaye.
"Haan, ab bas aapke he ghar aana baaki hai lekin Umed chacha kehte hai ke waha toh kuch hai he nahi.", Arjun ke bholepan ko dekh Ritu beech me he bol padi jo pehle gate ke pas khadi Richa Preeti ko dekh rahi thi. Unke ishare par Ritu ne Arjun ko is mahol se ajaad he karwa diya.
"Aaru, patake chalane ka time ho gaya.", Itna sunte he Arjun bahar ki aur nikal liya peeche peeche Ritu bhi. Baaki sab bas dekh rahe the ke ye log kya kar rahe hai. Jald he pravesh dwar ke aage ye lambi patakho ki ladi Richa aur Ritu bichane lagi thi jo Arjun ne dikki se nikal kar unhe di thi. Rameshawr ji bhi unki taraf he chal diye the Col sahab ko le kar.
'taddd-taddd-taddd-tadddd' ke shor se mahol gunjne laga tha aur Arjun dwara rakha ek bada patakha khud Rameshwar ji ne prajwalit kiya jab Chandro Devi bhi car se utar kar gate ke pas chali aayi. Din ke ujale me bhi wo 21 patakhe aasman me atchi roshni kar rahe the aur sath sath he dhol ka shor shuru ho gaya.
"Rameshwar, ye toh raunak sachmuch he dashko ke baad lagi hai.", Is baar Chandro Devi ne 100-100 ke noto ki gaddi he bachho ke upar se vaar kar dhol bajane wale par udda di. Bijender-Anupama ki doli wali car is shorgul me haveli ke andar daakhil hui toh Sushila ne khud tilak ka thaal Rajkumar ji ke hath me de diya. Arjun ke sath bahar ab Gulati ji bhi masti me lag chuke the jo apne he gale me dhol daalte hue poore josh me hudd-dang kar rahe the.
"Nacha le teri bhabhi ko, main na rokti. Aur Mehul ko bhi andar bula le, beta toh wo bhi hai mera.", Chadro Devi ne pehli baar shayad haveli me mahilao wale kanoon ko ghar se nikaal fenka tha jab Preeti paanv halke thirakte dekhe, taali bajate hue. Unhone Richa ko bhi chhoot de di thi ki wo yahi aangan me Anupama ko nacha le in ladkiyon ke sath. Yaha jald he Sanjiv bhaiya bhi car me baaki behno ko liye aa chuke the.
"Bhabhi ji, bahot bahot mubarak ho aapko ye khushiyon ka din. Ek bar inko bhai sahab ka bhi aashirwad lene do. Fir bache kar lenge jitni masti karni hai.", Col sahab ne Chandro Devi ko yaad dilaya ke haveli me sabse pehle toh Bijender aur Anupama ko Swagiya Sombir Singh ke aashirwad se jiwan shuru karna chahiye.
"Devar ji, Sombir Singh ka he toh aangan, ek photu ke saamne kaisa aashirwad. Bache khushiya manaye toh wo bhi khush. Chalo ab inko karne do masti aur 2 baatein hum baithak me karte hai.", Bijender bhi sunn raha tha ke aaj daadi ne kaisa fainsla liya. Gulati ji ke sath Umed Singh andar aaye toh unka josh bata raha tha ke aaj yaha unhe bhi naachne ki ajaadi hai. Sabse khaas baat thi ki aaj goliyon ke shor ki jagah dhol-nagade baj rahe the jis par ghoonght wali pados ki yuvtiya aur ghar ki ladkiyan bhi hath paanv hila rahi thi. Sushila ke kehne par Sanjiv ne bhi Bijender ko apne sath le liya tha bas Arjun he Tara ke sath yaha se aujhal dikha.
.
.
Yaha Pandit ji ke ghar baithak me Shankar ji, Bhuppi ke sath Rekha ji, Romela aur Renuka baithe the. Rupali ko Shankar ji ne kaha tha ke Komal se chai banane ka bol de aur thodi der yaha koyi na aaye.
"Dekho baaki kisi ko ye nahi pata ke aaj jo bhi hua wo humla Rekha par hua tha. Main pata laga raha hu ke aisa kaise mumkin hua kyonki pehli najar me toh yahi laga tha ke unke nishane par main, Bijender ya koyi aur purush sadasya hoga. Iske peeche ki mansha toh main na bata pau lekin aaj pehli baar pariwar ki ek mahila ko nishana banane ki koshish hui hai toh mamla gehra he hoga.", Shankar ji ne teeno mahilao ko samjhane ke andaaj me baat shuru ki thi aur Bhupinder ji ne bhi sehmati jataai.
"Par bhaiya, Rekha bhabhi he kyu? Inki zindagi toh hamesha is ghar me he rahi hai fir koyi in par he kyu humla karne laga? Aur kaun hai ye Avdhesh Mishra?", Renuka ka swar gambhir aur chinta se bhara tha. Yaha sirf shaant tha toh wo sirf Rekha ji, jinhe maarne ki aaj ek badi koshish ki gayi thi wo bhi janta ke saamne aur din ke ujaale me.
"Yahi toh pata karna hai Renuka. Avdhesh Mishra tak meri biwi ki soochna jana aur fir dusri taraf uska haveli par vivah me shamil hona filhal samajh se bahar hai. Lekin maine aap teeno ko isliye yaha bulaya hai ke is baat ka jikar kisi se bhi matt kijiyega.", Shankar ji ne apne lafz angrezi me he kahe the jis se yaha baithe baaki log atche se parichit the.
"Waha bheed thi Shankar, sabne dekha hai toh hamare batane ya na batane se kaisa farak padega? Aisa toh Italy me bhi ab nahi hota jaisa maine India me aaj dekha. Open firing wo bhi jisme 3 log maare gaye. Ye baat akhbaar tak ja sakti hai."
"Romela, inka matlab hai ke ye baat sirf ek humle ki tarah he dekhi jaaye. Kisi ko ye nahi kehna ki ye mujh par kiya gaya tha.", Rekha ji ke sateek jawaab se ek pal ke liye Shankar aur Bhupinder hairat me padd gaye the ki jis baat ko wo ghuma fira kar kehne wale the Rekha ne sidha bol diya.
"Ji bhabhi ji, Rekha bhabhi ne jaisa kaha hai waisa matlab hai hamara. Ghar ke aise sadasya par humla hona galat sandesh dega bahar. Toh aap log baat puche jaane par bas yahi kahengi ki waha humla hua tha lekin kis par ye aapko nahi pata. Bas Rekha bhabhi ka naam isme kabhi bhi nahi aana chahiye.", Bhuppi ne bhi mantavya spasht kiya lekin Romela gardan naa me hilane lagi.
"Mujhe ye thik nahi lag raha hai Shankar lekin agar tum aisa he chahte ho toh fir yahi sahi. Tumhe kanooni tarike se mukhya apradhi ko pakadna chahiye aur jo bhi tumhare jhagde hai bahar unse pariwar ke kisi sadasya par kisi kism ka sankat nahi aana chahiye. Uncle se tum baat nahi kar sakte toh toh main ye baat rakh sakti hu. Aaj Rekha par attack hua hai, kal ko college jaati hui kisi beti par hua toh kya jawaab hoga tumhare pas. Every day is not Sunday Shankar. Kismat aur suraksha har jagah nahi milti.", Romela ka bhadakna dekh ek pal toh Shankar ji ki najre he jhuk gayi. Sach tha ke aaj Rekha par goli chalaai gayi thi aur kal komal-Ritu ya kisi bhi sadasya par humla ho sakta hai. Lekin Rekha ji ne Romela ka hath pakadte hue naa me gardan hila di.
"Ye sambhal lenge Romela aur yaha shehar me aisa mumkin nahi hai. Bas dhyaan rakho ke ye baat Arjun ko pata na lage. Renuka wo tumse bhi bahot lagaav rakhta hai isliye iska jikar Preeti ya kisi bhi sadasya se matt karna.", Rekha ji ne toh saaf naam he le diya tha ke unke pati aur dost ko agar kisi ke pata lagne ka darr hai toh wo Arjun hai. Renuka aur Romela ne ab sehmati de di thi ki ye baat wo kisi se nahi karengi.
"Thank you. Aur ab main vishwas dilata hu ke ye jo bhi vyakti the wo fir kabhi aisa nahi kar paayenge. Arjun thoda bhavuk ladka hai toh uski chinta hai mujhe. Jawaan ladka aise haadse hone par galat nirnaya le lete hai isliye main batane se mana kar raha hu.", Shankar ji bol toh rahe the lekin mann sachmuch ashaant ho chuka tha kyonki unki biwi bhi jaanti thi ki unhe chinta kyu hai.
"Waise waha hum teeno ke siwa aur bhi 3 log the aur wo teeno Arjun ke utne he kareeb bhi hai. Unhe bhi toh pata hai ke humla mujh par kiya gaya tha. Aapne unse baat ki hai ji?", Rekha ji ke is sawaal par Shankar ne Bhuppi ki taraf dekha toh usne 2 ungliya ki.
"Waha Sanjiv aur Gajju he toh ye jaante the, aur wo iska jikar nahi karne wale. Teesra kaun tha waha?", Shankar ji ko vishwas tha Bhuppi par bhi aur khud ki najar par bhi.
"Tara. Aur Sanjiv Alka, Tara aur Aarti ko le kar wahi gaya hai. Aap baat karke dekh lijiye waha, kahi aisa na ho ke Tara kuch bata de aur Arjun Umed bhai sahab ya Sanjiv se sawaal karne lage.", Rekha ji ne yaad dilaya toh Shankar ji turant he phone ki taraf lapke. Unki furti dekh kar baaki chaaro ka bhi dhyaan wahi chala gaya. Number toh jubaani yaad tha jisko milane ke baad wo handle kaan se lagaye jaati hui ghanti ki pratiksha karne lage. Saamne jaani pehchani awaaj kaano me gunji.
"Hello, hanji kaun bol raha hai?"
"Lata, waha Tara hai toh us se baat karwana.", Shankar ji ne naam bhi le diya tha bedhyaani me lekin apni baat keh di.
"Tum idhar nahi aaye, Richa ko bhi atcha lagta agar yaha aate.", Lata toh yaha apne he raag le kar baith gayi thi. Jaldbaji me Shankar ji ne ye galti bhi kar he di.
"Wo sab baad me, Tara se baat karwao ya fir papa se.", Shankar ji ka sahas jawaab de raha tha kyonki Rekha ko chhod kar baaki teeno unhe he dekh rahe the.
"Pandit ji toh maa ji ke sath baithak me meeting kar rahe hai. Sabhi bade wahi hai aur ye Tara kaun hai? Yaha toh bahar aangan me Ritu-Preeti ke sath 2 aur ladkiyan hai jinke sath Richa bhi hai. Richa se baat karwau kya?"
"Dhyaan se suno, phulo ki dress me ek gori si ladki hogi Ritu ki umar ki. Agar wo aangan me hai toh us se meri baat karwa do aur or koyi sawaal nahi.", Shankar ji thoda sambhalne ka prayaas kar rahe the kyonki jo najre unhe nahi dekh rahi thi unse he jaise pareshani ho rahi thi is waqt. Wahi Madhulata hamesha ki tarah haavi thi
"Atcha wo ladki, wo toh Arjun ki car ke andar baithi hai jabse aayi hai. Kya lagti hai wo tumhari? Arjun ki jyada he khaas dikh rahi hai mujhe toh."
"Main phone hold par rakh raha hu tum usko bulao.", Shankar ji ne jaise taise khud ko khamosh kiya aur 1 minute ki pratiksha ek saal ke barabar lagi thi lekin Tara ki awaaj sunte he thoda chain mila.
"Haan mama ji, kahiye.", Tara ke pas he Madhulata khadi thi jo mama kehne par mooh tedha karne lagi.
"Arjun se tumne kisi baat ka jikar toh nahi kiya jo bhi aaj shaadi me hua?", Ek pal ke liye Tara ye sunn kar khamosh ho gayi aur fir Madhulata ko waha se jaane ka ishara karne ke baad boli.
"Ye aunty sar pe khadi thi mama ji. Inko privacy ki samajh nahi hai kya koyi? Haan toh maine Arjun ko kya batana tha? Bas wahi sab baatein ho rahi thi ki waha main Akshara si mili, Muskaan se bhi aur kya kuch naya dekhne ko mila. Thakaan thi toh car me baithe the AC chala kar. Kyon waha aisa kya hua tha jo Arjun ko nahi batana?", Tara jaise saamne se he bulwana chahti thi aur najar uski darwaje ke bahar se dikhti parchhai par bhi thi. Madhulata ke badan me chintiyan daud gayi thi jaise Tara ne usko kamre se bahar jaane ka kaha tha aur fir shikayat lagaai thi.
"Wo goli chalne wali ghatna ke baare me toh kuch nahi bataya na tumne usko? Wo baat Arjun ko nahi batani, Arjun toh kya kisi ko bhi nahi kehna kuch.", Tara ye sunn kar na jaane kyo khush ho rahi thi lekin fir jawaab diya.
"Ab ye baatein toh nahi karne wali na mama ji main uske sath kisi aur ke ghar me. Mujhe ye sab topic pasand nahi hai aur main thodi he der me aane he wali hu ghar.", Abhi wo phone rakhti us se pehle Madhulata kamre me dakhil ho gayi jo Tara ko phone rakhte dekh rahi thi.
"Bitiya, mujhe bhi baat karni thi unse. Isliye main khadi thi yaha. Unhone phone kaat diya kya?"
"Haan aunty ji, mama thoda pareshan hai aur unhone kaha ke phone rakh rahe hai. Mila lo aap number ya main mila deti hu.", Tara ne handle sahi se nahi rakha tha aur line chaalu thi.
"Na, phir kabhi sahi. Main toh devar ji se pooch rahi thi ki wo shaadi me nahi aaye.", Ab Tara ne he phone kaat diya.
"Kya aunty ji, ek time par 2 jagah mama ji kaise ho sakte hai. Jaha jaruri tha waha chale gaye.", Aur Tara bahar chali gayi peeche Lata ko itni he der me kayi jhatke dene ke baad.
"Tara ne Arjun ko kuch nahi kaha aur wo batayegi bhi nahi. Abhi main chalta hu kyonki jaruri kaam hai is silsile me. Bhaiya aur Sanjiv baaki sabko leke thodi he der tak aa jayenge. Arjun Ritu-Tara ko chhod kar Babita ke sasural jaane wala hai toh wo kal he wapis aayega fir.", Shankar ji ne ghadi me samay dekha toh 4 baj rahe the. Aur iske sath he haveli ke he number se phone ki ghanti baj uthi.
"Hello."
"Bhole, Chachaji aur Dharamvir uncle mere ghar tujhe bula rahe hai. 6 baje tak pahuch jana, unke pas kuch kabootar hai aur 2 chooje mere pinjre me bhi. They were after Dewdrop but failed. Naksha kahi aur ka kheencha, plot kahi aur dikhaya lekin jameen apne wali chahiye thi. 6 baje.", Umed kya keh gaya tha kuch der tak toh Shankar ke pehle se ashaant mann me samajh na aaya aur wo bas budbudane lage
"Dewdrop"
"Auns ki boond", Renuka uthte hue boli toh Romela bhi Rekha ji ke sath andar ki taraf chal di. 2 cup chai rakhte hue Komal ne ek aur hindi anuvaad diya is shabd ka.
"Shabnam Dewdrop.", Aur wo bhi tray le kar maa ke peeche chali gayi.
"Shankar tu toh bhai ghar na he aaya kar. Teri fati padi thi abhi jab phone pe tha. Aur ye saare he log Pandit ji ne trained kar rakhe hai kya? Bhabhi kuch bolti nahi lekin jab bolti hai toh Dronacharya. Ye Col sahab ki bahu, isme bhi ek army hai aur Renuka behan bhi gehra sochti hai. Tu wahi thik hai yaha Arjun ko is Indraprasth me akele rehne de aur 5 gaanv leke bahar he chal.", Bhuppi chai ki chuski lete hue gambhir baat bhi majaak me kar raha tha.
"Sachmuch yar. Is ghar me sala gaand fatt rahi thi aaj meri. Ye chai yahi chhod aur chal bahar. Jaate hue meri beti bhi bol gayi Shabnam. Ye Gajju bhi mere baap ki tarah seedhi baat nahi karta, jaise sab koyi ispar bhi najar rakhe hue ho.", Shankar ji pal bhar bhi waha na ruke aur ek najar safari ke toote kaanch par dalne ke baad usko cover se dhakte hue Esteem me he Bhuppi ke sath bahar nikal gaye.
"Haan. Nazar rakhe hue hai?", Bhuppi ne yahi pankti dohrai aur fir khamosh ho gaya. Wahi ab Rekha ji ke kamre me sirf Romela aur Rekha ji he the. Renuka baaki sabke sath Madhuri ke kamre me chali gayi thi. Chai peete hue baat Romela ne he shuru ki aur jaisa dekh kar lag raha tha ke Rekha aur Romela me ab ghanisthta badh chuki thi.
"Ye sab dekh kar tum itna shaant kaise reh sakti ho Rekha? Main abhi tak sadme me hu aur tumhare pati aise sabko chup rehne ko keh rahe hai.", Saree me jo chehre savere gulab sa khila tha wo ab chintit aur kuch thaka sa lag raha tha. Wahi Rekha ji ke chehre par hamesha wali halki muskaan thi.
"Gussa bhi kyo karu Romela? Kisi aur ne humla kiya jisme inka toh koyi kasoor nahi. Bache pareshan na ho isliye wo aisa keh rahe hai aur jaruri baat hai ke main bilkul theek tumhare saamne hu. Ye udaasi tum par atchi nahi lag rahi.", Rekha ne Romela ka khaali hath thaam kar aagrah kiya toh ab kahi wo thodi koshish karne lagi thi thik hone ki.
"Jitna main samajh rahi hu baat alag hai Rekha. Aise hamle tabhi hote hai jab kisi ko apratyaksh nuksaan pahucha kar kamjor hone ka ehsaas karwaya jaye. Jisne bhi ye kiya wo dushman hoga Shankar ya uncle ji ka. Tum pariwar ki ek bahot eham sadasya ho aur tumhe maar kar wo wahi karna chahte the. Lekin jyada chinta Shankar ko ye hai ki Arjun tak baat na jaaye, jabki hona chahiye ki wo tumhara khayal rakhta aur himmat deta.", Romela ko abhi bhi fikar Rekha ki thi aur thoda gussa Shankar par.
"Arjun ko dur rakhna jaruri hai Romela, Preeti ne toh tumhe bataya he hoga. Aur mujhe is sabse jara bhi darr nahi laga Romela bas chinta thi toh tumhari aur bacho ki. Sab sahi hai aur hum apne ghar hai.", Rekha ji ne cup rakhne ke baad ek naya gown almari se nikal kar choti table par rakh diya, Romela ke liye.
"Haan Preeti, Vicki aur Renuka ne apne apne kisse sunaye the mujhe Arjun ke baare me. Wo saksham hai aur ab tumhare kehne se main bhi samajh rahi hu ki Shankar kyo apne bete tak baat nahi jaane dena chahta.", Romela ne Renuka ka jikar kiya toh Rekha ko thoda ajeeb laga ke Arjun ka aisa kaunsa kissa ho gaya jisme Renuka shamil thi. Romela ne bhi ye bhanp liya tha ke Rekha kuch vichar kar rahi hai.
"Wo isliye he aisa kar rahe hai Romela kyonki ye ghar-pariwar agar aaj khil raha hai toh uski wajah maa-papa ke sath sath Arjun hai. Arjun kuch jyada he bhaavuk hai aur aisi kisi baat ka pata lagne par jo dukh usko hoga wo galat asar karega. Lo tum kapde badal lo main bathroom se aati hu abhi.", Rekha ka jawaab beshak sach tha lekin Romela ke pas jaise iska bhi jawaab tha. Aanchal girate hue wo saree dheeli karne ke sath he apne dil ki baat kehne lagi.
"Is baat se main ittefaq rakhti hu Rekha ki Arjun jarur chinta karega aur wo hona bhi lajmi hai. Poori baat ye hai ki wo apni maa ko nuksaan pahuchane wale ke peeche jaayega aur sahi saja bhi dega. Hamari beti (Preeti) ke liye wo jab kuch bhi kar gujar sakta hai toh tum toh Arjun ki maa ho. Aage tum bhi samajhti ho aur main bhi kehna nahi chahti. Chalo atchi baat hai ke wo ladka is sabme na he pade.", Rekha ne bhi sar hilate hue haan kaha aur saree-blouse aadi lekar bathroom me chali gayi. Romela bhi darwaja band karti apne vastra badalne lagi kuch sochne ke sath.
.
.
5 baje tak Arjun aur Sanjiv haveli ke sabhi sadasyo se milne ke baad anumati lete hue apni apni car ki taraf badhe toh Umed Singh ke ishare par Kaushalya ji ne dono ko rok liya. Arjun ki car me ab Alka, Preeti, Tara ke sath Ritu baithi aur Cielo me Aarti, Rajkumar ji aur Lalita ji. Ye ladkiyon ne apni marzi se he kiya tha. Shagun, mithaai aadi pehle he Sanjiv ki gaadi me Chandro Devi ne rakhwa diye the.
"Gaadi thodi bhi idhar udhar chalai toh dono ulte latka dungi. Shaam ka time hai aur poori savdhani se jana ghar.", Arjun apne bhaiya ki taraf dekhne laga ke daadi ab naraaj kaise ho gayi.
"Ji daadi, araam se he jayenge aur Arjun apni car mere peeche he rakhega. Waise dusri haveli par didi ko laane ye akela he jayega kya?", Ab wahi sawaal ho gaya tha jo Arjun bilkul nahi chahta tha.
"Haan toh chala jayega akela, mujhe chinta car me baithe poore pariwar ki hai. Tum dono jyada video game khelte ho aur kahi asli me in caro ke sath aisa waisa na karne lag jao yahi chinta hai. Arjun, savere din nikalte he Babita ko mandir darshan ke baad seedha yaha chhod ke 7 baje ghar milna chahiye.", Kaushalya ji ki khari khari sunte hue Umed Singh ko hansi aa rahi thi. Mann toh unka bhi ashaant tha lekin yahi hunar tha Umed Singh me ki wo har pal ko sabke sath waise he jeeta tha jaise atcha lage.
"Bas kar Kaushalya, tu inhe shiksha de rahi hai aap toh Delhi se yaha 4 ghante me pahuchane ka hukum diya karti. Ye samajhdar bache hai aur Arjun savere jab dil kare aa jaiyo aur wapis bhi apni marji se jana hai. Teri ye daadi apna time bhul gayi wo main yaad karwa dungi.", Chandro Devi ne meethi jhidak lagate hue Kaushalya ji ko aur kuch kehne se mana kiya. Umed ne bhi Arjun ko akele me kuch samjhaya aur fir dono he bhai ghar ki taraf nikal liye.
"Taai ji ab aagya dijiye humko bhi nikalna hoga. Shalini aur bache udeek rahe honge waha ghar par aur thoda jaruri kaam bhi hai. Main raat me chakkar laga jaunga ek baar.", Umed Singh ne hath jodd kar ijajat maangi aur baithak se Rameshwar ji ke sath Gulati aur Col sahab bhi bahar aa gaye. Purnima ji ne bhi hath jodd kar fir aane ka kaha. Chandro Devi ne sabhi ko shagun diya tha jisko wo rishtey me chhote hone ki wajah se inkaar na kar sake siway Rameshwar ji ke.
"Bhabhi ye bojh matt chadhao aaj. Pauti maine vida ki hai aur mujhe he shagun de rahi ho aap?"
"Rakh le Rameshwar, tu pehle bhi le chuka hai mere se. Wo baat alag hai tab byaah ni hua tha tera lekin badi hu main toh us hisab se de rahi hu.", Is baat se saaf ho gaya tha ke Pandit ji ka sambandh yaha dashko purana tha.
"Haan, maine bhi suna tha ke wo (Raghubir) aur bhai sahab aapse har kaam ke badle byaaj vasoolte the.", Purnima ji ke is khulase se kaushalya ji thodi hairani se apne pati ko dekhne lagi jo ab araam se shagun ka lifafa le kar jeb me rakh rahe the.
"Main aayi thi byaah ke 15 baras ki. Bade pandit ke sath ye dono idhar aate the uphaar dene ke badle bhi 4 aanne vasoolte the. Raghubir toh ulta mera neg he jeb me daal ke le gaya tha jo mooh dikhai me mila tha. Aaj sharam aa rahi Rameshwar ko lekin wo time bhool gaya ye.", Chandro Devi ne mahol ko aaj ek pal bhi udaas na hone diya tha.
"Apna khayal rakhna bhabhi, savere jaane se pehle main mil kar jaunga.", Rameshwar ji ne bhi samay aur charcha ka rukh dekhte hue nikalne me he bhalai samjhi. Hanste muskurate hue Chandro Devi ne sabko vida kiya aur aaj kitne he saalo baad wo haveli ke khule aangan me chain se khaat par baith gayi thi. Na koyi chinta, na unchi awaaj aur jara bhi gussa na dikhaya tha unhone. Sultan bhi hilta dulta unke he saamne aa baitha tha jiske sath Bijender ek kursi le kar aaya tha.
"Aaj meri daadi 25 saal jawaan lag rahi hai.", Bijender saaf kurte pajame me muskurata hua unka hath pakadte hue kehne laga toh Chandro Devi ne wo hare panne jadi motti chain apne paute ke gale me daal di.
"Ab main nischint ho gayi beta. Ye Swargiya Manphool Singh (Sombir Singh ke pita) ke waris ko uski jimmedari mubarak. Main ab retire aur tu aaj se gaddi ka maalik. Kar kheti, dekh bhatte aur bana haveli ke niyam jaisa dil kare. Bas ye budhiya ab apne antim din chain se gujarna chahti hai.", Bijender mana karte karte ruk gaya tha aakhiri line sunn kar. Yaha Madhulata aur Guddi kaki ke sath Richa bhi aa gayi thi. Pariwar me aaye rishteydar haveli ke pichle hisse me araam kar rahe the.
"Bilkul thik kaha daadi ne bhaiya. Ab main bhi inke sath ye poora mahina bitana chahti hu jo pehle sambhav nahi tha. Hum dono ab ghumai karenge, kyu daadi.?", Richa ne apni daadi ke gale me baahen daalte hue gaal choom liya.
"Jama sahi baat kahi meri bachi ne. Bahot ho gaya ye khet-dangar aur gaanv ki panchayat dekhna, hukum chalana. Ab sara kuch tu sambhal aur baaki jaydaad sanjhi hai lekin mere jaane ke baad 4 hisse karna chaho toh kar liyo. Kathe raho toh aur bhi badhiya.", Chandro Devi dono he bacho ko dulaar rahi thi. Sushila bhi wheelchair par is taraf aa gayi kuch kaam se faarig ho kar.
"Maa ji 4 hisse? Bijender, Sudarshan aur Ravinder he toh hain.", Madhulata kaha jyada chupp reh sakti thi.
"Munni tujhe ladke he dikhte hai ghar me? Haveli toh meri laado ki he hai lekin baaki sabkuch in bacho ka. Bas jab Richa chhoti thi toh Shankar sanrakshak tha aur ab Muskaan jitne nahi sath rehti itne Bijender uski kamai bank me dalwata rahega. Hai toh wo bhi meri he bachi.", Chandro Devi ki baat par sabse jyada khush Bijender aur Richa he the.
"Haan daadi, Muskaan dil se meri behan hai. Sabse chhoti behan aur Babita didi bhi chahti hai ke wo unke sath he rahe.", Bijender ka utsaah dekh Madhulata wo na keh paayi jo wo bolna chahti thi lekin fir bhi galat baat nikal he gayi.
"Maa ji mujhe laga ke aap chautha naam kahi Arjun ka lene wali ho."
"Munni tu sach me munni he hai beta. Wo ladka lene walo me se nahi hai aur hamari kya bisaat ke usko dhan-daulat de sake.? Shankar ke dada ki poori vasiyat me 3/4 ka maalik wo akela hai aur Kaushalya ke pita ji ki bhi poori vasiyat Arjun ke naam hai, kuch Banwari ki bitiya ke naam chhod kar. Ab wo bhi uski sagi behan hai. Wo insaan ki kadar karta hai ye pata hote hue bhi ki baaki 3 haveliyo ke maalik bhi uski jaydaad ke saamne kuch nahi hai. Bas main bhi kuch din uski tarah jeena chahti hu.", Munni ki jubaan ko lakwa he maar gaya tha ye jaan kar. Wo jaanti thi ki Pandit Rameshwar Sharma ki jaydad atchi khaasi hai lekin sabkuch ek he ladke ke naam hai aur wo bhi dono taraf ki.
"Haan daadi Arjun waise he khush rehta hai aur baaki sab bhi toh waha ghar me kitne milansaar hai. Papa bata rahe the haveli toh unke pas bhi hai lekin waha unke chacha ji rehte hai, Punjab me.", Richa ne bhi baat jaari rakhi.
"Teri Purnima daadi hai na wo wahi se he hain. Shankar ke dada Raja ke munshi the aur Purnima ke pita ka wahi lakdi ka karkhana aur jamindaari thi. Raghubir ke liye toh ek minute me Purnima ko pasand kar liya gaya tha. Chal chhod ye baatein, aaj tu chulhe par chai rakh ke dikha meri bachi. Dekhe tu Sushila se badhiya bana sakti hai ya nahi.", Chandro Devi ne kisse sunane band karte hue sevak ko wo aangan me pada hukka store me band karne ka aadesh diya aur kameej dheeli karti hui khaat par pasar gayi, halki jalan thi thik ho rahi khaal par.
.
.
Raste bhar ladkiyan bas apne apne anubhav sanjha karti hui baaton me lagi rahi. Arjun bade dhyaan se car chalata hua poore raste apne bahiya ke peeche he chala tha. 35 minute baad sabhi apne ghar laut aaye the aur Arjun-Sanjiv ne saleeke se car khadi karne ke baad samaan nikal kar baithak me rakh diya tha. Ek najar kala labada audhe khadi badi gaadi par dalne ke baad Arjun seedha upar apne kamre me chala gaya. Kapde buri tarah maile the aur bina nahaye ab chain bhi nahi milne wala tha.
Baaki sabhi ka bhi kuch aisa he haal tha aur ladkiyan suvidhanusaar bheetar aangan wale bathroom aur unke kamre wale me kapde badalne, nahane chal di. Rekha ji ne apne jeth-jethani aur baaki bacho ke liye rasoi me chai ki patili chule par chadha thi. Itni bhaag-daud ke baad sabko iski darkaar toh thi he. Sanjiv bahar wale aangan me he furti se mooh-haath dhone ke baad jaruri kaam ka bata kar nikal gaya tha.
"Tum kitni der me nikal rahe ho Arjun?", Rekha ji sabko chai dene ke baad upar apne bete ke kamre me chali aayi. Saaf kapde dete hue unhone Arjun ke utare hue kapdo me se purse nikal kar wahi rakhte hue poocha. Arjun abhi sirf andruni vastro me tha aur maa ko dekh kar unke gale lag gaya. Kuch pal bas unhe mehsoos karke wo alag hua aur istree kiya hua ye naya pajama pehante hue jawaab dene laga. Rekha ji toh uske aise milne se thoda pareshan ho gayi thi lekin hamesha ki tarah chehre par sirf muskurahat thi.
"Abhi niklunga maa toh andhera hone se pehle he pahuch jaunga. Lekin subah 7 baje ghar wapis laut aaunga. Aap bataye ke aaj aapko atcha laga bahar ja kar?", Ab is baat par Rekha ji na jhooth bol sakti thi na sach. Beta ja bhi raha tha aur wo baatein bhi karna chahti thi jis se dil kuch halka ho jaye. Lekin bolna toh tha he kyonki ek yahi toh tha jis se wo kuch khul kar batla sakti thi.
"Tere sath jaati toh jyada atcha lagta mujhe. Waha kaun tha meri pehchaan ka aur upar se teri saasu maa ko jo pareshani hui wo alag. Waise udhar sab thik raha na?"
"Main bhi chahta tha ke main aapke sath he chalu maa lekin shayad atcha he hua ke main idhar chala gaya. Lekin aapko maine waha nahi jaane dena tha, dil ajeeb sa raha kuch der aur..", Kehte kehte Arjun ruk gaya. Ye thoda dheela kurta pehan kar wo button band karne laga toh Rekha ji ne table se utha kar kalai ghadi Arjun ke bandh di.
"Aur fir Aaru ne toh jo pitaai ki waha us ladke aur uske sath aaye security gurads ki toh dekh kar maja aa gaya maa. Umed chacha bhi Aaru ko dekh kar khush ho rahe the.", Ritu peeche se apni maa se lipat kar itna he keh paayi thi ki Rekha ji ke hath Arjun ka purse uthate uthate ruk gaye. Andar Preeti aur Komal didi bhi aa gayi thi.
"Ye kya sunn rahi hu main Arjun? Tumne waha ladaai ki wo bhi shaadi wali jagah?", Rekha ji ke chehre par gussa toh nahi lekin gambhirta jarur chhaa gayi thi. Aur jaise he Ritu ke hath me wo chamchamati rivolver dekhi toh turant kabje me lete hue goliyan alag kar di. Arjun bas dang khada tha ke maa ne ye kya kiya.
"Wo maa yahi pistol mere upar us ladke ne lagai thi jisko baad me Aaru ne peeta tha. Usne toh Preeti ke sath bhi badtameeji ki thi. Aur ye sab mandir me hua tha shaadi me nahi.", Rekha ji ne ek najar Komal ko dekha aur fir Ritu aur Preeti ke sar par hath ferte hue kehne lagi. Pistol ek taraf rakhi thi ab.
"Galat karne wale ke sath galat ban-na jaruri toh nahi? Arjun ne rakhsa me jo kiya wo uska farz hai beti lekin aainda hathiyar ko hath me nahi lena. Ek galti bahut logo ka bhavishya andhkarmaye kar sakti hai aur mere bache aisi koyi galti nahi karenge. Komal, ye yaha se le jao aur jab tumhare dada ji aaye toh unke supurd kar dena.", Rekha ji ne dobara us pistol ko hath nahi lagaya aur Arjun Ritu ki ye nasamjhi chupchap dekh raha tha.
"Maa, ye pistol main nahi uthati toh wo log utha lete. Bas uske baad ye mere sath haveli aa gayi aur waha se idhar. Lekin aapko kaise pata tha ke iski bullets aise nikalti hai.?", Ritu ke is sawaal par Rekha ji ka sadharan sa jawaab tha.
"Beta filme maine bhi dekhi hai thodi bahot. Waise wo ladka haveli ya pehchaan ka toh nahi tha?", Arjun toh chupchap apni chamde ki chapplo par kapda maarne laga aur Komal didi ke sath Preeti muskura rahi thi.
"Wo kisi Avdhesh Mishra bahubali ka beta tha ma, bhai ne toh bas uski bali de he di thi aur wo Avdhesh Mishra jo bhaga waha se apne beto ke lekar jab Umed chacha ne dhamkaya toh wo fir najar he nahi aaya. Atcha main toh ye batane aayi thi ki Saroj mausi ka phone tha aur wo keh rahi thi ki aap unse baat kar lo.", Ritu itna bata kar Preeti ke sath nikal gayi aur Komal ne bhi wo asla waha se hata diya. Ab Arjun aur Rekha ji fir se waha akele the.
"Tum par mujhe hamesha naaj raha hai Arjun aur mujhe vishwas hai ke tum aise he sabka khayal rakhoge. Jab bhi hath uthao toh wo sirf suraksha me he uthana beta aur wo bhi agar sthithi waisi ban jaye.", Rekha ji ne bete ka matha choomne ke baad gaal sehlaya aur maile kapde utha kar bahar chali gayi. Arjun fir se yahi dekh raha tha maa ne us se koyi sawaal he nahi kiya. Kalai par badhi ghadi par najar padte he wo bahar wale raste se he apni manzil ki taraf badh gaya.
.
.
Swagiya Raghubir Singh ji ki haveli me thik 6 baje ye gambhir mantrana shuru ho chuki thi. Is khaas kamre me Dr Dharamvir Sangwan ke sath Rameshwar ji, Col sahab ek taraf baithe the aur Umed, Shankar, Bhuppi, Gulati aur Sanjiv kursiyon par ardhgolakar swaroop me thik unke saamne. Kisi sadharan shwaan (dog) se doguna bada ye bhediya jaisa kutta poori mustaidi se Rameshawar ji ki bagal me baitha saamne walo ko dekh raha tha.
"Aaj Dharamvir bhai aur Umed sachet na hote toh jaante ho Shankar kya durghatna ho sakti thi? Shabnam ko kis se pooch kar tum hospital se bahar le kar gaye the?", Rameshwar ji ki awaaj bilkul sadharan thi lekin wo kutta 'gurrr-gurrr' karne laga toh uske sar par unhone hath rakh diya. Shankar ke pas ab is baat ka kya jawaab hota kyonki aisa fainsla toh wo sirf akele me lene ki galti kar sakte the.
"Mujhe laga tha ke is se wo thoda behtar mehsoos karegi aur apnepan me kuch baat bata degi. Lekin main shehar se bahar nahi gaya tha papa. Shehar toh kya main hospital se bhi sirf 2 kilometer tak gaya tha. Lekin Avdhesh Mishra ko ye khabar nahi lag sakti ki Shabnam kaha rakhi gayi hai.", Shankar ne jo baat chhupai thi wo sunn kar jaha Col sahab aur Gulati thoda hairaan the wahi Umed ne najre jhuka li thi.
"Tumne us din kisko bataya tha ke us hospital ja rahe ho ya fir Shabnam se mile ho? Socho Shankar, Avdhesh Mishra toh kabhi bhi yaha tha he nahi. Koyi aisi kadi tum dekh nahi pa rahe ho jo tumhare aas-pas he hai. Aaj ki ghatna beshak hospital se Shabnam ko nikalne ke liye racha jaal tha lekin 2 jagah parinaam kuch bade ho sakte the. Ritu aur Rekha ki jaan ja sakti aur tumhe tab bhi samajh nahi aata ki ye sab kaun karwa raha hai. Avdhesh Mishra bas ek chehra hai.", Sangwan ji ki ye baat sunn kar sachmuch Shankar ke chehre par paseene aa gaye the. Ek najar Umed ko dekha toh usne bhi haan me sar hila diya.
"Arjun na hota toh shayad Ritu-Preeti me se kisi ek par aaj Bhaanu Mishra goli chala chuka hota ya fir Richa samet teeno ladkiyon ko leke waha se nikal jata. Dekha jaaye toh Arjun he tha jiski wajah se udhar main tumhare pas pahuch saka aur maine he Richa ko kaha tha ke wo Akshara se baat karke wo ghatna bataye. Akshara ye sandesha kisi ko aage de. Apne bete ki jaan bachane ke evaj me Avdhesh ne mujhe bataya ke uske log kya karne wale hai.", Umed ne hakikat bataai toh Gulati ne Shankar ki peeth thapthapi jaise keh raha ho ke sab thik hai.
"Waise tumhe vichar karna chahiye Shankar ki aisa kaun hai jo Avdhesh Mishra ko yaha aane par majbur kar sake. Bindu wo shakhs nahi ho sakti kyonki us tak bhi soochna jaayegi toh yahi se jayegi.", Col Sahab ki baat me Shankar ke prati sahanubhuti thi kyonki wo jaante the Shankar thoda bhola hai.
"Sahi kehte ho aap chacha ji, Bhole bas thoda sa dil se chalta hai. Karna toh ye hamesha thik he chahta hai lekin isko bhi nahi pata chalta ke galti kaha ho jaati hai. Shabnam ko apnepan se he toda ja sakta hai kyonki wo pehle he sharirik dard aur chehra chupane me mahir hai.", Umed ne bhi Shankar ke kandhe par hath rakha toh Rameshwar ji ne khud ko araam dena he behtar samjha.
"Hum jald he us kadi ko dhoond lenge Chacha ji. Muskaan ne jo Shankar ko code bataya hai uske hisab se ek vyakti toh yaha aaspas se he hain aur wahi England phone karke Bindu ko khabar karta hai. Main poori jaankari kal dopahar tak nikaal kar aapke saamne rakh dunga aur agli bar phone number milate he wo vyakti hamare kabje me hoga.", Bhuppi ka josh dekh kar jis tarah Rameshwar ji muskuraye the unka sath Sangwan ji aur Sanjiv ne bhi diya. Aur Sanjiv par najar padte he Shankar ji aise dekhne lage jaise usne he kuch chhupaya ho.
"Chacha ji, mujhe sirf itna pata hai ke Muskaan Arjun par vishwas karti hai.", Sanjiv thoda chintit jarur ho gaya tha lekin aage baat Umed ne kahi.
"Wo vishwas bhi karti hai aur uske kahe anusar he chalti hai Bhole. Arjun ne he tumhe khud bheja hai ek saboot jutane ke liye agar Muskaan ne tumhe aisa bataya hai toh. Lekin iska matlab saaf hai ke usko wo vyakti pata chal chuka hai. Muskaan ko goad lene ke liye Arjun ne he mujhe kaha tha aur iska seedha matlab hai ke uski jaan khatre me hai. Kuch aur hint di thi tumhe Muskaan ne?", Umed ke aisa kehne par ab sabhi ki najre Shankar aur Bhuppi par tik chuki thi.
"Muskaan ne Shankar ko kaha tha ke shaadi me satark rahe aur isliye main khud shamil hua tha.", Bhuppi ke aisa kehne par pehli bar Sangwan ji awaaj thodi aape se bahar hui thi.
"Neere chutiye ho tum dono jo ye bhi nahi samajh sakte ki seedhi seedhi shatranj par tum he pyaade ho dusri taraf se. Ladki keh rahi hai ke kal hamla ho sakta hai toh kya jarurat thi bahu aur bachon ko laane ki? Ek mahine me ye sab saaf nahi kiya toh main bhai sahab ke saamne kehta hu ki fir inhe mera sath dena hoga ye sab nibtane me. Yaha koyi Avdhesh Mishra ya Saarang Kumar dushman nahi hai, dushman koyi apna hai aur agar wo ladka jadd tak pahuch gaya toh anjaam bahot bhayankar hoga.", Pehli baar wo kutta bhonka tha aur ek pal ko Gulati ke sath Sanjiv bhi seham gaya tha.
"Main sab saaf kar dunga chacha ji fir chahe Sarang he kyu na ho. Lekin Arjun tak baat kabhi nahi jaani chahiye.", Ab Rameshwar ji thoda bokhla gaye the apne bete ki baat par.
"Tum hamesha Dharamvir ko sahi sabit kar dete ho ek minute se pehle. Wo keh raha hai ke jadd sambhalo tum abhi bhi Avdhesh aur Sarang ke peeche pade ho. Shama chahta hu sabhi se apni bhasha ke liye lekin Shankar tum Narinder ke aane tak bas kaam par rahoge aur uske baad Umed ke pas. Ab main Dharamvir bhai se poochna chahta hu ke wo kya sochte hai is baare me."
"Pandit ji, main aapse ittefaq rakhta hu is saare maamle me lekin ek gujarish aur bhi hai. Shabnam ko British custody me bhejne se pehle 2 din Arjun ke supurd kar dijiye. Sanjiv bhi yahi hai toh in dono par he daanv khelna behtar hai. Itne Shankar aur Daleep Rajvir (Raju) par najar rakhenge aur Bhuppi ko main Sarang ke peeche lagata hu. Mehul tum beta filhal hospital sambhalo aur line par rehna. Umed apna kaam kar raha hai aur jaha jarurat padegi Satish bhai iske sath rahenge. Arjun ko batana kuch nahi hai, ye Sanjiv ko dekhne do."
"Main sehmat hu Sangwan chacha se. Sanjiv dimag se sabse tej aur paripakva hai. Waha bhi apni chachi ke saamne isne jahir nahi hone diya tha ke ye police afsar hai. Jo har ghadi dimag sahi rakhe wahi Arjun ko sambhal sakta hai.", Bhuppi ne kuch jyada he keh diya tha jispar na chahte hue bhi Sanjiv ne Bhuppi ki taraf haath karte hue apne dada ji ko guhaar he laga di.
"Sabkuch dhyaan se karna hai aur har chhoti baat ko najar andaaj nahi karna. Sanjiv ko tum kabil afsar keh rahe ho aur main bhi ye maanta hu lekin kya tumne Shankar se poocha ke wo Narottam Das wala kaand ekdum kaise ho gaya.? Sanjiv ke sath sath Arjun ne mujhe aur CM tak ko ghaseet liya, rahi sahi kasar ye ki 3 logo ko Dharamvir ne khud upar pahuchaya. Pucho jara apne chacha se ke Arjun ne inke liye kya kiya aisa.", Rameshwar ji ke is khulase par ab Sanjiv jhemp raha tha aur baaki dono bujurg muskura rahe the.
"VC ne mere hospital ka gathjod England wali university ke andar aate hospital se karwa diya hai. Wo aadmi rishwat nahi leta aur darta bhi nahi hai. Arjun ne ye uphaar bina maange de diya mujhe aur badle me ye manga ke uske pita ko hum surakshit rakhe.", Dhamaka toh asli ab hua tha jis par baaki teen doctor ek dusre ko dekh rahe the. Umed jaanta tha ke Shankar bhi yahi karna chahta tha lekin Arjun pehle kar gaya.
"Main dekhta hu chacha ji is insaan ko jo yaha kasbe se soochna aage bhej raha hai.", Shankar ka dimag jaise shunya ho chuka tha jab ye baat mooh se nikli.
"Shankar tu na Purnima ke pas ja kar so ja beta. Abhi bataya hai ke us lakir ke fakir ko nahi dhoondna jo phone mila raha hai. Uske peeche kaun hai ye pata karna hai jo teri harkat bhi jaanta hai. Daleep karega ye kaam aur CID me us se behtar koyi hai bhi nahi aajtak, siwaye uske pita ke jo chhote ohde par he chal base. Waise ek salaah main aap sabko he dena chahta hu ke Shaadi tak ho sake toh shaant rehna he thik hai. Dushaman ko bhi araam karne de aur taqat bhi badha le.", Rameshwar ji ki aakhiri baat sunn kar Sangwan ji ne turant haami bhar di.
"Shikar toh waise he karte the bhai sahab hum ye to is nayi peedhi ne tamanche jyada he chala diye. Col ki rooprekha, aapka bhagana aur mera pinjre me band karna. Sateek nishana toh aapke bhai Raghubir ji ka tha jo ek par goli chala kar baaki sabko tadpa dete the. Umed bhi seekhega ye ek din kyonki ye filhal aapke jaisa hai.", Rameshwar ji kisi naujwaan ki tarah King ko gardan se pakad kar apni goad me rakhte hue khush ho rahe the. Kaan masle jaane se King bhi unhe utna he pyaar de raha tha.
"Raghubir fir koyi nahi banega Dharamvir, Umed beshak mera sabse atcha beta hai. Inhone abhi tak dekha he kaha hai ke khauf kya hota hai. Ek baar Satish ne jarur darshan kiye the aur uske baad fir kabhi ye Raghubir ke yaha nahi aaya.", Rameshwar ji ka ye roop toh khud Shankar aur Sanjiv ne bhi nahi dekha tha. Wo bhediya unki goad me aa baitha tha aur kisi sadharan kutte ki tarah unke gaal choom raha tha.
"Wo chahte toh kuch nahi bachta lekin vanvaas le kar wo khud ko alag he kar gaye. Maine bas itna he dekha tha ke wo do-nali se jakham dene ke baad waha ungli ghusa kar bade araam se baat karte the. Aur unhi ungliyon ke beech koyi cigratte kaise pee sakta hai.?" Col Sahab ke is khulase se Umed ki najre jhuk gayi thi aur baaki sabki saans.
"Papa alag the aur main bata deta hu ke wo chacha ji ke sath Arjun se tab tak milte rahe hai jabtak Arjun 7 class me na aa gaya tha. Yaadasht ja chuki thi unki lekin wo inhe pehchante the, maa aur chachi ji ko. Arjun ko hamesha unhone Ajju he kha un aakhiri 2 saalo me. Koyi bhi ye naam uske saamne nahi lega ye gujarish hai meri.", Umed uth kar bahar chal diya tha aur aaj pehli baar wo thoda bhavuk ho chuka tha.
"Shankar, tum samajhdari se kaam karo aur beshak chaho toh kisi ko hardum sath rakho. Agar aaj durghatna ho jaati toh sabse pehle tum par he aarop aata mere bete. Tum sachmuch bhole ho aur jajbati bhi. Jao apne Gajju ke pas aur usko sambhalo. Arjun uska goad liya beta nahi asliyat me wo uske sath Ajju ki zindagi jee raha hai. Lekin sachmuch wo Ajju bana toh bete main kuch nahi kar sakunga aur Raghubir ab hain nahi ke awaaj de kar us mastaane hathi ko rok le.", Khade hote hue Rameshwar ji ne apne bete ko sar sehlate hue kuch nayi jaankari dene ke sath ye bhi yaad dilaya ke Gajju pareshan hai.
"Ji papa. Chalo Gulati bhai aur Bhuppi tum bhi yahi rukne wale ho aaj.", Shankar fir se bhole bann gaya tha aur Sangwan ji ne matha peet liya. Sanjiv hans raha tha is beech.
"Tum jaante ho iska matlab jo hans rahe ho?"
"Haan, chacha ko aapne kaha ke sambhalna toh ab woh mehfil jamayenge. Yahi toh unhe samajh aaya hai aur Umed chacha maan bhi jayenge kyonki wo Shankar chacha keh rahe hai. Problem na inke aapas wale network me he hai dada ji.", Sabhi ladle jaane ke baad Sanjiv ne apni baat kahi toh Sangwang ji ne aankh maar di.
"Hunar sikhana hai beta, wo seekh gaya inse pehle. Tu sath hai toh jarurat nahi.", Ab wo bhediya Rameshwar ji ki jagah unki goad me tha jo beshak Shankar par bhi gurra chuka tha. Matlab saaf tha ke niyantran kaise liya jata hai wo inhe maloom tha ya fir swargiya Raghubir Singh ko.
.
.
"Itni tadap toh pehli baar milne par bhi na hui thi mere chaand jitni aaj hui.", Babita gulabi lehnge aur blouse me ab Arjun ki baahon me us kamre se un dono ke kamre me ja rahi thi jaha pehla sansarg kiya tha dono ne. Haveli me kadam rakhne se pehle jaane kitni he rasme Babita ne nibhai thi lekin jo parampara thi uske aade Golu na aa paya. Wo wahi se hospital ja chuka tha apni biwi ko grah-pravesh karwa kar. Aur 2 ghante baad Babita is haveli aayi thi apni parampara sucharu rakhne. Aaj yaha wo rehne aayi thi kyonki Golu aur uski zindagi aage se yahi chalne wali thi.
"Tab aapki wo kasam thi lekin aaj hum dono hai. Mujhe is uphaar ki ummeed nahi thi.", Arjun ne jaise he us bade bister par Babita ko litaya toh laal hontho se Babita ne badi besabri me Arjun ko jakad liya. Ye chumban kahi jyada he vyathith aur uttejak tha. Babita jaise barso se pratiksha me thi is pal ki aur aaj sabhi rivayte bhool kar wo bas ek he cheej dekh rahi thi, Arjun. Ye hontho se hontho ka silsila kuch lamba he chala.
"Meri kasme chhod Arjun lekin sapna poora karke aaj tune Babita jarur apni bana li. Pehli baar mujhe hath tune lagaya tha aur dil ne yahi kaha tha ke bas yahi meri zindagi hai. Aaj phero me bhi bhagwan ne tujhe mere saamne la khada kiya. Is se jyada kudrat kya sath degi?", Arjun ye sab sunte hue gulabi kurti pehne leti Babita ke masoom se chehre ko dekh raha tha. Kitni aakarshak aur saaf thi wo. Badi thi umar me lekin dil se wahi jo Arjun tha.
"Tum maang chuki thi na ye raat Babbu? Main mana karne wala kaun hota hu? Aur sachmuch ye suhaagrat mere liye bhi sapne si hai.", Babita aaj uske liye Babbu matlab premika ko usne ek naam de diya tha. Upar jhukte hue Arjun ne poori roshni me he Babita ke ek motte ubhaar tak hatheli pahucha di thi.
"Aaahhh.. Babbu, ab toh ye naam umar bhar yaad rahega re. aahhh.. aaj main jaagna chahti hu Arjun, tumhari dulhan ke roop me. Iske baad zindagi jaha marji le jaaye lekin bas ye raat bahot hai agar tum sath ho.", Babita mehsoos kar rahi thi ki choli ke andar nirvastra motte chuche par Arjun ki ungliyo ne uske nipple ko jakad liya hai. Hontho se honth har pal ulajh rahe the dono ke aur kapde pehnaye hue he Arjun upar aa chuka tha Babita ke makhmali asadharan sharir par.
"Ae ji, ek baar toh aaj kapde he gande kar do. Dil kar raha hai.", Babita ne jaise Arjun ko sambodhit kiya tha wo bhi muskura utha. Choli ko jor laga kar upar karte he silaai toot gayi thi. Pahaad jaise wo dugdh-kalash saamne aa gaye. 44 akaar apne aap me he asadharan tha aur upar se wo bada jism Babita ka. Gulabi nipple aur hilte chuche dekh Arjun bhi besabra hota un par jhuk gaya.
"Aaahhh... ciiii.. aajjjj.. jo bhi karo apni bana kar.. aahhh... Arjunnnnn..", Babita ka sharir sab thakaan bhool kar bas is lamhe me kho gaya tha. Uske motte chucho par aaj fir Arjun he jhuka tha. Wo daane jo usko ungli lagte he tadpane lage the unhe ye bhanvra mooh me le kar chusak raha tha. Lehnga pehne Babita apni paayalo ka bhi shor macha rahi thi uttejana me. Dhimi gati se dono ubhaar choosta Arjun ek hath un maansal jangho me pahucha chuka tha.
"Babbu, tum shehad si ho aur aaj main sone nahi wala jitne tript nahi ho jata.", Hairani ki baat ye bhi thi ki lehnge ke andar wo phooli hui choot kachhi se bhi ajaad rakhe hue thi Babita.
"Tum agar yaha na bhi aate toh maine taange wahi utha deni thi Arjun, bas maa mana kar deti toh. Kitne ghante in kapdo ka bojh uthaya hai bas main jaanti hu. Lekin inki keemat chukane ke baad he wo uphaar dungi jo bacha kar rakha hai.", Babita ke wo motte kalash 5-5 kilo ka maans sanutlit kiye the. Lehnga upar sarkate hue Arjun ke hath har inch wo chiknaai aur kasawat maap rahe the jo sirf un dono ko he pata thi.
"Aaahh.. "
"Babita.. Ummmm", Arjun ne choot ke andar ungli fansa di thi aur Babita itne me he pehla sakhalan hansil karti uske hontho ko kaatne lagi. Naram faanke kitni sukhdaai thi ye Arjun jaan raha tha. Kapdo ke upar se he karne ki gujarish se bandha wo sirf apna pajama niche sarkate hue babita ki jaangho ke beech aa gaya.
"Sab tumhara hai meri jaan.", Babita ne khud he lehnga upar sarkate hue wo Arjun ka kaam dand apne muhane laga diya. Aaj ye dono is roshni me suhaagraat ko agrasar the wahi kamre ke bahar khadi Akshara aatur thi dekhne ko jo Arjun kar raha tha. Na yoni dikhi na wo ling jo Babita ko cheekhne par majboor kar raha tha.
"Aaahhh.. bahot tagda hai re tu.. thoda reham khaa... main vichaar na badal du.. maaaa.. ", Arjun ka aadha lund toh 2 dhakko me he choot ko failate hue andar ja ghusa tha. Babita ke chucho par uski nirdayta bhari pakad Akshra ko hila rahi thi lekin babita toh chahti thi ki Arjun aaj bas usko pyaar se maar he daale. Motte chucho ke sath he bhaari nitambh bhi upar uth chuke the. Arjun ka ling jaise choot ko ek kavach bana kar ruka tha.
"Bahot tight ho tum Babita... aahh..Ummmm.."
"Kar de dhili mere sher.. aahh.. tu doodh tabhi pee sakega mera.. aahh.. ", Babita nashe me kuch bhi bol rahi thi lekin uski cheekh nikal gayi jab Arjun ne suhagraat wala kaam kar diya. Ek tej jhatka aur baaki lund seedha andar ghusta garbh se ja takraya. ek pal ko toh samay ruk sa gaya tha aur Akshara bhi apni badi didi ka safed padta chehra dekh dang reh gayi.
"Ab dhili nahi apne layak karunga Babita. Sorry, it's first night.. umaahhhh.."
"I love ..aahh.. you.. Arjun.. aahh.. ye dard rehna chahiye.. maa.. bachane tu aa he nahi sakti.. ", Babita toh dard me bhi majaak kar rahi thi. Thirakte kulho ke beech gulabi kapdo me wo tayaar ho chuki thi ek bade ghamasaan sansarg ke liye jaha jeetne wala he jaag kar bata sakta tha ke ye raat kiski rahi. Muthbhed aaj 2 asadharan logo ki thi aur dono he iske liye kabse intjaar me the. Wo bahar wala kya kood paayega beech me.?
KRAMASH
