Episode 2
Aise hi wakt bitata gya or teen ghante ke baad Radhika ki ankhe khuli to Priya ke khushi ka thikana nahi rha to Priya boli
Priya :- " Yaar sach kahu to mujhe is baat ki ummid nahi thi ki yah medicine itna achha kaam karega. Tujhe yah dawa liye abhi jyda time nahi hua hai or tere me kafi badlav aa gaye. Ab to tu pahale se bhi khubsurat or young lag rahi hai. "
uski bato ko sunkar Radhika khud ko sambhalte hue boli
Radhika :- " meri jaan yah to kuchh bhi nahi hai abhi to kewal surwat hui hai. Mai puri duniya badal kar rakh dungi bas tu dekhati jaa. "
itna bol kar Radhika hashane lagti hai or uske sath Priya bhi par kuchh der baad Priya khud ko shant karti hai or phir bolati hai
PRIYA :- " Ab aise hi hashate rahaegi ya mujhe bhi dava degi kunki hamare pass jyada samay nahi hai. Ham logo ko kal yanha se nikalna kisi bhi halat warna ho sakta hai ki ham log kisi mushikal me padh jaye or abhi jo hamari halat hai us halat me un kamino se ham bach nahi payenge or ho sakta hai tumhare bachhe bhi tumse chhin le"
Radhika :- " Nahi mai aisa kabhi nahi hone dungi yah mere bachhe or mai inhe kisi bhi halat me un darindo ke pass nahi jane dungi. "
itna bolkar Radhika Priya ko vah medicine ki sui laga deti hai or uske baad Priya ke sath bhi vaisa hi hota hai or uske baad Radhika jo badlav Priya me hote hue dekhati hai usase usko kafi khushi milati hai ki vah sahi raah par hai or vah din dur nahi jab vah mahasaktishali Farmula ready kar legi. Priya bhi teen ghante me hosh me aa jati hai or aise hi jane intzaam karne me puri raat nikal jati hai. Radhika bhi sab kuchh bhul kar bachho ke dekhbhal me khud ko duba leti hai.
vahi dusari traf Thakur ke admi har jagah par pichhale kuchh dino se Un dono ladkiyo ko paga l kutte ki trah khoj rahe the par unka kanhi par koi pata nahi chalta hai jiski wajah se wahi log bahut hi pareshaan the. Ab vah log kya kare or kanha khoje yah un logo ko samjh me hi nahi aa rha tha tabhi thakur ke admi ka phone bahata hai jo uska sathi kar rha tha phone uthane ke baad vah samne se bola
thakur A 1 :- " bhai maine un dono ladkiyo jaisi dikhane wali do ladkiyo ko airport par dekha hai.unke sath do chhote bachhe bhi the.mujhe lagata hai Radhika ne bachhe ko janm de diya hai or bachhe sahit bahar desh jane ki taiyaari kar rahi hai. "
thakur A 2 :- (dusri traf se phone par) Tu un dono ko rokane ki koshish ham log bas kuchh hi wakt me vanha par pahuch rahe hai.
thakur A 1 itna sunkar samne dekhata hai to vanha janha par Radhika or Priya bachho ke sath khadi thi vanha ab koi nahi tha to vah ghabrate hue bola
thakur A1 :- " Bhai vah dono ab dikhai nahi de rahe hai pata nahi kanha chali gayi vah dono. "
uski baat sunkar samne se gusse me bolta hai.
thakur A 2 :- " Abe to khoj warna thakur sahab ham sabko jaan se maar denge agar wah ham logo ke hatho se nikal gayi to. "
Yah sunkar pahala admi phone rakhata hai or phir vah idhar udhar khojane lagta hai par vah kanhi bhi najar nahi aa rahi thi.
Idhar Priya or Radhika dono ki najar thakur ke admiyo par chali gayi thi isliye vah dono turant hi airport ke andar chali gayi ki vah log unke pass na jaa paye. Vahi bahar thkaur ke admi khojane me busy rahe lekin is sabake baad bhi kuchh bhi malum nahi hua. Ant me vah log vanha se wapas chale gaye. Idhar Radhika ne Priya se bola
Radhika :- " Jab us kamine ko mere sath rahana hi nahi hai to phir vah mujhe akela kyu nahi chhod deta hai. "
Radhika ki baat sunkar Priya ek baar usko dekhati hai or phir uske sar par halka sa marte hue bolti hai
Priya :- " Yah Tu achhi trah se janti hai ki vah to kabhi tujhse pyaar karta hi nahi tha vah to us buddhe kamine ki chal thi yah sab karke rokane ka par unki ek galti ki wajah se tujhe sab malum ho gya or tu wanha se bhag nikali or ab agar tu galti se unke hath me lag gayi to vah tujhe andhere kothari me hi jindgi katne par majbur kar denge. "
Radhika :- " Nahi mai aisi jindgi kabhi nahi chahi. Pahale to vah mere sath kitne achhe se pesh ate the mujhe kya malum tha ki vahi log mere pure ghar walo ki hatya kiye hai or phir mere samne bholepan ka natak karke mere ko hi dhokha de rahe the. Ab yah inka hi khun jo mai apne sath le ja rahi ise itna taktwar banungi ki vah log iske age tik tak nahi payenge. Mere bachhe mera badla lenge. Ab to yanha par us din hi wapas aungi jab mai is kabil ho jaungi ki inse takkar le saku. "
Priya :- " Haa or isme mai teri har trah se help karungi. Tu chinta mat kar jab tak ham dono sath hai tab tak kisi bhi mushkil se ladh sakte hai. "
Priya ki baat sunkar Radhika thodi emotional ho jati hai or uske gale lagate hue boli
Radhika :- " Aise bure wakt me ek tu hi to hai jo ki mere sath khadi hai warna mai kya karti or kanha jati. Ho sakta hai mai hamesha ke liye un kamino ke kaid me raha jati hai. "
Uski baat ko sunkar Priya use apne se thoda dur karte hue bolti hai
Priya :- " Kya kar rahi hai tu bachhe ko god me lekar aise gale lag rahi dekh to bechare rone lage or tu ab aisi baate mat kar mere saamne or ab khud ko in anshuo se dur rakh kunki yah kamjori ke nishani or ab ham kamajor nahi pad sakte hai hame ab apni ek alag pahchan banani hogi jiske samne puri duniya ghutne tek de. "
Radhika :- " Uski chinta mat kar tu ab kunki ab ham dono vah kamjor mamuli ladkiya nahi rah gayi hai jo ki ek doctor thi or ek businesswoman jo ki sirf apne kaam me mahir thi or dusare mamlo me kamjor tabhi to un jaise logo ne hamara fayda utha liya. "
Priya uski baat sunkar ek hath se bachhi ko sambhalte hue dusre hath se Radhika ko halka sa marte hue bolti hai
Priya :- " galt baat mat bola kar kamjor tu thi naa ki mai samjhi meri baat. Vah tu thi jo ki us kamine ke pyaar ke jaal me fash gayi vah to wakt rahate mujhe un sabke gande irado ke bare malum ho gaya warna tu to ankhe band karke unpar bharosha kar rahi thi. "
uski baat sunkar Radhika apne purane dino ko yaad karte hue bolti hai
Radhika :- " Haa yah Tu sach bol rahi hai us wakt sach me mai kisi pyaar me padi pagal ladki ki us kamine Arav ke bato me aa gayi or vah jo bolta vahi mere liye sach hota par bhagwaan ki kripa thi jo tujh jaisi ek dost di jisne meri itni madad ki. Pata nahi is ehshan ka badla kaise chukaungi.
Radhika ki baat sunkar Priya ki ankho me ek alag hi chamak aa gayi or vah kuchh sochate hue bolti hai
Priya :- " Agar mai tujhase kuchh mangu to kya tu mujhe waha degi. "
Radhika :- " Tu chahe to meri jaan mang le ek baar bhi bina soche de dungi tu bol to sahi. "
Priya :- " Pahale pyaar me mujhe dhokha mila uske baad vahi sab kuchh tere sath hua isliye maine yah faishala kiya hai ab mai kabhi shadi nahi karungi or isliye mai chahti hu ki"
itna bolkar Priya khamosh ho jati hai or pyaar se apne god me so rahi bachhi ko dekh kar uske ankho me anshu aa jate hai or vah uske mathe ko chum leti hai yah sab dekh kar Radhika turant hi uske man me uth rahe bhav ko samjh jati hai pahale to use yah jankr bahut dukha hua lekin kuchh sochane ke baad use samjh me aya ki kewal naam hi to mera nahi hoga baki vah rahegi to mere samne hi yahi sab sochkar vah turant boli
Radhika :- " Tumhare man me jo kuchh bhi hai bina kisi sankoch ke bol sakti ho Priya. "
Radhika ki baat sunkar Priya thodi der ke liye khamosh ho gayi or akhir hoti bhi kyu na vah chahe kitne bhi achhe dost kyu na ho koi maa apni aulaad kisi dusare ko kaise de sakti hai phir bhi vah apne man ki baat dhimi awaj me boli
Priya :- " Maine tujhe yah to bata diya hi hai ki ab mai shadi nahi karna chahti hu to mai puri life akele kaise ji sakti isliye agar tumko bura na lage to mai tumhari beti ko god lena chahti hu. Ise mai apni beti bana kar palungi isi bahane mera bhi dil laga rahega. "
vahi dusari traf kuchh log jo dikhane me apne pahnawe ki wajah se bahut hi amir lag rahe the par is wakt unke chahere par haivaniyat saff dekhi ja sakti hai jo ki samne khun me lathpath tadpti ek mahila ko dekh kar hash rahe the tab unme se ek us mahila ke karib jakr baithate hue bola
A 1 :- " Tujhase ham logo ne kitni baar bola ki ham logo se panga mat le lekin tujhe to hamari baat samjh me hi nahi ati thi. Tujhe kitni baar samjhane ki koshish ki ham logo ne lekin nahi tujhe to kuchh samjh me nahi aa rha tha. Tu janti hai naa ki agar vah saboot kanoon ke hath lag gaye to meri itne salo ki kadi mehant ke bal jo ijjat is Desh me kamai hai uska kya hota. "
uski baat sunkar vah ghayal ladki usko ghurate hue dekhati hai or phir dard bhari awaj me boli
ladki :- " Tujhe itna ghamand kis baat ka hai Mortin maine jite ji teri sari power ukhad kar fek di thi agar mere hi deportment ke logo ne tere sath milake mujhe dhokha nahi diya hota to aaj mai is halat me nahi hoti or meri jagah aaj tu akhiri sansh le rha hota hai. Aaj mai samjh gayi ki kanoon naam ki koi chij nahi hoti hai bas sab kuchh power ka khel hai or jiske pass power hai vah yanha is duniya ka raja hai magar tu chinta mat kar agar mai aaj mar bhi gayi to tujhe le kar marungi kunki vah saboot maine jiske hatho me diye vah use midea me lick kar dega. "
abhi usne yahi bola tha ki tabhi use kisi ki jani pahchani awaj sunai di jise sunkar uske hosh ud gaye vah ek ladki ki awaj thi jo bol rahi thi
ladki :- " Sorry darling vah proof to maine kabka mortin ko de diya hai or tumhari is halat ki wajah bhi mai hi hu "
tab vah khoon se lathpath ladki boli
ladki :- " Mariya tune aisa kyu kiya tune mujhe dhokha kyu diya. "
is baat par vah dusri ladki uske pass akar uske face par ek jhapad marti hui boli
Mariya2:- " Tujhe sach me nahi malum hai ya anjaan banne ki koshish kar rahi hai khair jo bhi ho ab to Tu mar hi rahi hai tujhe ek sach mai bata deti hu. "
Jainifer :-kaisa sach
