Fantasy Pyaar Ya Nafrat ( Completed)

[Killerpanditji(pandit)]

Update 29​

Ritika apne ghar aake bas apne khayalo mein hi ghum thi. Yeh dekh uski maa puchti hai. ​

Sangeeta: Kya hua beta kya abhi bhi usi baat ko lekar ghum ho. ​

Ritika: Maa aaj sabne milkar Mahabaleshwar ka plan banaya jisme Aryan bhi hai. Yehi soch rahi hu maine socha tha usse durr rahungi but sab ulta horaha hai. ​

Sangeeta: Toh mana kardo. ​

Ritika: Yahi toh galti hogyi na maa. Jab plan bana tab Aryan aur Meera waha nhi the aur main bhul gayi thi woh bhi usi group ka member hai aur maine haa kardi. Phir mujhe khayal aaya yeh dono bhi sang aayenge. ​

Sangeeta: Toh ab kya karne ka socha hai tumne. ​

Ritika: Wahi toh soch rahi hu maa. Agar jaati hu toh woh harwaqat mere aankho ke saamne rahega aur mujhe mera adhoora pyaar nazar aayega. Mujhe Meera se koi jalan nhi hai. Woh uske saath khush hai yeh dekh mujhe bhi khushi horahi hai. Par mera dil bahot dukh raha hai. Aur agar nhi jaati toh friends ka dil dukhega. ​

Sangeeta: Kya tum mujhe Meera se milwa sakti ho. ​

Ritika: Kisliye maa. ​

Sangeeta: Main usse milke yeh puchna chahti hu ke kya woh meri iss pagal beti jo ekbaar Aryan ko dekh kar hi use itna pyaar kar baithi hai ke uski khushi ke liye apna pyaar daba rahi hai usse Aryan ka thoda pyaar milega kya. ​

Ritika: Maa yeh aap kaisi baate kar rahi hai yeh impossible. Pyaar dono taraf se hota hai aur yeh one sided hai. Aur Meera kabhi apna pyaar mere saath share nhi karegi. Please aap yeh sab mat sochiye. Isse mujhe aur takleef hogi. Agar Aryan bhi mujhse pyaar karta toh alag baat thi. Par yeh kabhi nhi hoga woh Meera se bahot pyaar karta hai aur uske saath khush hai. ​

Sangeeta: Thik hai but ekbaar usse mila toh de. Jara main bhi toh dekhu aakhir woh kaun hai jisne meri beti ko itna badal diya. ​

Ritika: Thik hai maa humlog ghum aaye phir aapse aur dad se dono ko milwa dungi. Aur please aap woh baat mat sochiye gaa. ​

Sangeeta: Thikk hai. Aur kab jaana hai. ​

Ritika: Friday ko jayenge aur monday ko wapas. ​

Sangeeta: Thik hai main tumhare dad se baat karlungi aur tum bodyguard ke saath jaogi haa woh tumse durr rahenge tumlogo ke enjoyment mein nhi aayenge. ​

Ritika: Thik hai maa. ​

Phir Sangeeta waha se chali jaati hai. ​

Idher Meera bhi Ritika ko leke hi soch rahi thi. ​

Meera: Kya main Ritika ko leke jo soch rahi hu kya woh sahi hai. Mujhe bhi uski aankho mein wahi pyaar dikha hai aaj jo mere aankho mein hai. Jab Aryan ne usse uski tabiyat ke baare mein pucha tab usne ekbaar bhi Aryan ki taraf nhi dekha shayad apni aansu chupa rahi thi aur aaj class mein bhi uski aankhe Aryan pe hi thi jaise usse kuch puch rahi ho kuch maang rahi ho.​

Lekin abhi kisi bhi decision mein pahonchna khatarnak hosakta hai. Isko Mahabaleshwar mein achhe se parkha jayega. ​

Par agar yeh sach hua bhi toh yeh completely one sided hoga kyoki Aryan mere sivaa kisi ko pyaar karne ke baare mein soch bhi nhi sakta. Tabhi usko Aryan ka call aata hai. ​

Aryan: Yaar mujhe itna bhi yaad mat karo. Mujhe kitni hichkiyaan aarahi hai. ​

Meera: Par meri jaan main tumko abhi yaad kar hi nhi rahi main toh kuch aur soch rahi hu. ​

Aryan: Achha kya soch rahi ho. ​

Meera: Pahle promise karo tum bura nhi manoge. ​

Aryan: Meri jaan main kabhi tumhare kisi bhi baat ka bura maan sakta hu. ​

Meera: Main Ritika ke baare mein soch rahi thi. ​

Aryan: Meera tum phirse wahi baat lekar baith gayi. ​

Meera: Aryan maine aaj subah se notice kiya uske baad hi main soch rahi hu. ​

Aryan: Achha batao kya notice kiya tumne. ​

Meera: Aryan maine uski aankho mein bhi wahi pyaar dekha hai jo meri aankho mein tumhare liye hai. ​

Aryan: Yeh tumhari galat fehmi hai Meera. Yeh ek attraction bhi hosakta hai. ​

Meera: Main khud ek ladki hu Aryan. Mujhe pata hai kisi ladki ka pyaar aur attraction kaisa hota hai. Phir usse aaj usne jo jo notice kiya woh sab batati hai. ​

Aryan: Toh ab tum kya chahti ho. ​

Meera: Mera chahne se kya hoga Aryan. Decide tumko karna hai. ​

Aryan: Main kya bolu Meera mere samaj ke bahar hai yeh. ​

Meera: Tum samaj rahe ho agar yeh sach hua toh yeh completely one sided hoga. Isse naa woh khush rahegi aur naa tum. ​

Aryan: Samaj raha hu Meera. Par main tumhare alawa kisi aur ko kaise pyaar kar sakta hu. Maine yeh sapne mein bhi kabhi nhi socha. ​

Meera: Shayad yehi tumhari destiny hai Aryan.​

Aryan: Toh ab tum hi batao main kya karu. Agar main haa kar bhi du tab bhi main yeh nhi kar paunga. Mere kadam uss taraf jayenge bhi nhi. ​

Meera: Hum Mahabaleshwar mein dekhenge. Aur tumhari kismat mein jab 2 biwiyan likhi hai tab tumhe yeh karna hi hoga. ​

Aryan: Aisa humare saath hi kyo horaha hai Meera. Kya woh humhe samjhegi. Humare pyaar ko samjhegi. ​

Meera: Agar usse pyaar chahiye Aryan chahiye toh usse samajna hoga. Warna woh Aryan ko kabhi nhi paa sakegi. Aur tumhe bhi usse pyaar karna hoga.​

Aryan: Par pahle yeh confirm karo ke woh sach mein pyaar karti hai yaa yeh humara bhram hai. ​

Meera: Iska pata toh Mahabaleshwar mein hi chal jayega. ​

Aryan: Tum yeh sab itni aasani se kaise kar rahi ho Meera kya tumhe takleef nhi horahi apne pyaar ko aise share karne mein. ​

Meera: Mujhe kitni takleef horahi hai iska koi andaza bhi nhi laga sakta par agar mere Aryan ko kuch hogya toh shayad yeh Meera zinda naa rahe. Aur tumhe bachane ka yehi ek tarika hai mujhe mere Aryan ko share karna padegaa. ​

Aryan: Tum mahan ho Meera. Tumhara pyaar Mahan hai. Maine tumhe pyaar karke koi galti nhi ki. ​

Meera: Maine jisse pyaar kiya woh Mahan hai. Agar tum naa hote toh shayad yeh pyaar naa hota aur shayad yeh Meera bhi naa hoti. ​

Toh ab tum ready raho tumhe Ritika ko uske hisse ka pyaar bhi dena hoga. ​

Aryan: Ekbaar yeh confirm hojaaye. ​

Meera: Agar tum chaho toh main kal hi yeh confirm kardu. ​

Aryan: Jaldi nhi hoga yeh Meera. ​

Meera: Thik hai chalo friday tak usko notice karte hai phir Mahalbaleshwar mein usse main confirm karungi. ​

Aryan: Jaisi tumhari marzi. Chalo main rakhta hu mujhe nikalna hai ab. ​

Meera: Aaj kaha. ​

Aryan: Bas ek tip mili hai kuch log human organ trafficking ka dhandha karte hai toh bas aaj unke organ ka dhandha karwaunga. ​

Meera: Chiii kaise kaise log hote hai. Inko toh maar dena chahiye. ​

Aryan: Isiliye kaam ke liye toh Black Beast aaj jayegaa unke paas. ​

Meera: Thik hai. Dinner karke jaana. ​

Aryan: Haa okkk byee. ​

Phir call cut hojaata hai. Aryan Meera ki baato ko sochne lagta hai. Phir woh sochna chor nichhe jaata hai aur Sanjana se issbaare mein discuss karta hai. ​

Sanjana: Dekho Aryan main Meera ki baat se sehmat hu. Agar yeh sach hua toh tumhe usko uske hisse ka pyaar dena hoga. Usko bhi pyaar karna hoga jitna Meera ko karte ho utna naa sahi par uska aadhe se jyaada toh karna hi hoga. ​

Aryan: Mujhe toh samaj mein nhi aaraha hai main kya karu. ​

Sanjana: Sab samay pe chor do. Woh sab kardega. Chalo dinner ready hai khaa lo. Aaj kahi nikalna hai kya. ​

Aryan: Haa ek tip mili hai toh jaana hoga. ​

Sanjana: Thik hai khaana khaa lo phir chale jaana. ​

Phir yehlog dinner karte hai aur apne kamre mein chale jaate hai. Aryan bhi ready hoke nikal padhta hai apne kaam mein. ​

Agli Subah sab college aate hai. Aaj Meera Ritika ke saath hi thi harwaqat. Uski harqat pe nazar rakhti. Usse baat karti jyaada tar Aryan ko leke hi baat karti aur uska reaction dekhti. ​

Ritika Aryan ki baat sunn kabhi kabhi toh bahot khush hoti phir kabhi bahot dukhi hojaati. Meera ne Ritika ka mobile number le liya tha. ​

Meera ka shak dheere dheere confirm horaha tha. Meera roj Ritika se phone mein baat karti dheere dheere dono achhe dost ban gaye the aur Meera ka shak yakeen mein badal gaya tha. Thursday night ko Ritika Meera ko call karti hai. ​

Ritika: Hii Meera kaisi ho. ​

Meera: Ekdum mast. Tum batao. ​

Ritika: Same here. Kya kar rahi ho. ​

Meera: Bas packing kar rahi hu aur Aryan ke liye nashta bhi le rahi thi usko bahot pasand hai mere haath kaa. ​

Ritika: Oo toh sirf Aryan ke liye. Humare liye nhi. ​

Meera: Aree sab ke liye hai. ​

Ritika: Okkkk. Achha ek baat batao tumko Aryan se pyaar kab aur kaise hua. Matlab apni love story ke baare mein batao. ​

Meera: Ab kya bataye Ritika. Meri Aryan se pahli mulakat ek road pe hui thi woh apni bike pe tha aur main jaldi mein road cross karne gayi aur uski bike ke saamne aagayi. Yeh toh achha hua lagi nhi. Ussdin toh usko thik se nhi dekha tha par usne achhe se dekha tha mujhe. Phir agli mulakat hui college mein jab usne mujhe ragging se bachaya tha. Phir humari dosti hui. Dosti pyaar mein kab badli pata nhi chala. Humdono hi confuse the. Mere pyaar ko Yash ne pakda aur uske pyaar ko Sanjana Aunty ne. Ekdin uska ek accident hogya tha. ​

Ritika: Whattt accident kaise. Usko chott toh nhi aayi thi naa woh thik thaa naa. ​

Meera Ritika ki yeh harqat dekh man hi man hasi aur boli yeh bhi bilkul meri tarah hai maine bhi aise hi react kiya thaa. ​

Ritika: Hello hello Meera kya hua bolo. ​

Meera: Haa kuch nhi. Woh thik tha bas bike ka balance bigad gaya tha jisse uska accident hogya tha aur uski ek pasli thodi si toot gayi thi. ​

Ritika jab yeh sunti hai tab uski aankho mein aansu aajate hai jaise woh Aryan ke takleef ko mehsus kar rahi ho. ​

Ritika: Phir kya hua. ​

Meera: Jab mujhe yeh pata chala tha tab meri halat bilkul bigad gayi thi uss din mujhe mere pyaar ka aihsaas hua uss din maine jaana main Aryan ko kitna pyaar karti hu. Aur woh bhi mujhe utna hi pyaar karta hai. Main toh raat ko hi hospital aati but aunty ne mana kiya phir subah hospital aayi usko dekha tab chain mila uske baat pyaar ka izhaar hua aur ab tak smoothly humara pyaar chal raha hai. ​

Ritika: Bahot achhi baat hai aise hi chalna chahiye. ​

Meera: Tum batao tum bhi toh kisi ko pyaar karti hogi. ​

Ritika: Baad mein kabhi. Abhi mujhe bhi packing karni hai. Byeee kal milte hai. ​

Meera: Byeee. Phir call cut hota hai. ​

Tum chinta mat karo Ritika tumhe shayad tumhara pyaar jaldi milega. Phir woh so jaati hai. ​

Zabardast update

 

[Veer62]

Waiting for next update

 

[Killerpanditji(pandit)]

Update 30​

Agli subah sab ready hoke Aryan ke ghar aate hai. Kyoki sab wahi se jaane wale the ghumne aur yeh Sanjana ki jidd thi. ​

Ritika aaj pahli baar Aryan ke ghar aayi thi usko khushi bhi thi toh takleef bhi thi. Meera aaj uske saath hi thi. Sab baithke nashta karne lagte hai. Meera ne chalaki se Aryan ke bagal mein Ritika ko baithaya tha aur khud bhi baithi thi. ​

Aryan bhi Ritika ko dekh raha tha kyoki simple se suit mein woh bahot khubsoorat lagrahi thi. ​

Aryan: Kya baat hai Ritika aaj bahot khubsoorat lag rahi ho. ​

Ritika uski baat sunke khush toh hoti hai par kuch react nhi kar paati. ​

Ritika: Thanks Aryan. ​

Aryan: Tum kuch khaa nhi rahi ho. Dieting kar rahi ho pahle se hi toh itni patli hai. ​

Ritika: Hey don't comment on my figure. Tum kya jaano kitna maintain karna padhta hai aisa figure rakhne ke liye. ​

Aryan: Aisa figure bhi kis kaam ka. ​

Ritika: Woh hum ladkiyan jaanti hai. Tumko jaanke kya hogaa. Tum apna nashta karo. ​

Aryan: Achha thik hai but tum bhi toh karo. Tum toh kuch khaa hi nhi rahi ho. Yeh bol Aryan Ritika ki plate phir full kardeta hai. ​

Ritika: Aree yeh kya kiya main itna nhi khaati. ​

Aryan: Mere saath rehna hai toh isse jyaada khaana hoga. ​

Ritika: Tumhare saath matlab. ​

Aryan: Thoda hadbada ke. Matlab abhi yeh tour mein tum mere saath mere saamne rahogi toh isse jyaada khana khilaunga tumko. ​

Ritika: Hmmm. Thik hai. ​

Meera jo itni der se dekh rahi thi woh bas halka sa muskura rahi thi. ​

Sanjana: Bilkul thik kiya Aryan dekho zero figure ke chakar mein kitni sukh gayi hai. Tum jara mujhe apni maa se baat karana. ​

Aryan: Main baat karlunga maa. Main unko boldunga isko double khaana khilaye. ​

Meera: Achha achha thik hai ab jaldi khao phir chalte hai. Aur Ritika tum mere saath rehna warna yeh tumhe pareshan hi karega. ​

Ritika: Thikk hai.​

Phir yeh log nashta karte hai. Aryan ne ek mini bus hire ki thi jo inko Mahabaleshwar le jaayegi aur wapas le aayegi. ​

Sablog bus mein apni apni jagah pakad ke baith gaye. ​

Ekdum last mein Meera aur Ritika ek saath Phir Karan aur Sonal. Phir Yash aur Preeti. Phir Driver ke saath Aryan baith gaya. ​

Yash: Kya baat hai Meera Aryan se jhagra hua hai kya jo usko alag kardiya.​

Meera: Jhagra ho humare dushman ka. Woh toh bas aise hi aaj mera kan Ritika ke saath baithne ka tha isiliye. ​

Idher Bus mein sabkoi apne partner ke saath masti kar rahe the. ​

Meera: Sorry Ritika woh Aryan ne tumhe jabardasti jyaada khilaa diya. ​

Ritika: Aree nhi nhi mujhe achha laga uska yeh behaviour. ​

Meera: Chalo kal tum bata rahi thi ke tum apni love story ke baare mein bologi toh bolo. ​

Ritika: Aree jab boyfriend hi nhi hai toh live story kaisa. ​

Meera: chal jhoothi. Kitni khubsoorat ho samajdar ho aur bolti ho boyfriend nhi hai. ​

Ritika: Khubsoorat aur samajdaar hone se sab nhi hota Meera naseeb bhi chahiye hota hai aur shayad mere naseeb mein pyaar nhi likha hai yeh bolte hue uski aankhe nam hojaati hai. ​

Meera: Aree tum ro kyo rahi ho. Mujhe bolo kya baat hai. Kya kisi ne tumhe ditch kiya hai. Yaa koi pasand hai par tumhara nhi ho paaraha hai. ​

Ritika: Mujhe ek jan se bahot pyaar hai. Usko dekhte hi pahle nazar mein mujhe pyaar hogya. Jis din dekha usi raat se woh mere khwabon mein aane laga. Par dusre din pata chala woh kisi aur se beintehaan pyaar karta hai. Maine socha main usse durr hojaungi. Bhul jaungi. Par maine jitna usse durr jaane ki bhulne ki koshish ki woh utna mere kareeb aata gaya aur mera pyaar aur badhta gaya. Par meri badkismat woh mujhe kabhi naa milega. ​

Meera: Agar tumhara pyaar sachha hai toh woh tumhe jarur milega. Waise tum usse kitna pyaar karti ho. ​

Ritika: Yeh kehna mere liye bahot mushkil hai Meera. Main usse itna pyaar karti hu agar usne mujhse meri jaan bhi maangi toh main haste haste usse de du. ​

Meera: Dekho main uska naam nhi puchungi. Par shayad tumhe tumhara pyaar jarur milega. ​

Ritika: Aur uss ladki ka kya jisse woh beintehaan mohobbat karta hai. Aur woh ladki bhi usse bahot pyaar karti hai. ​

Meera: Hosakta hai woh ladki tumhe accept karle. Par kya tum usko accept kar paogi. ​

Ritika: Agar mujhe mera pyaar milta hai toh main uski naukrani bhi ban jaungi. ​

Meera: Itna pyaar karti ho usse. ​

Ritika: Bola naa apni jaan se bhi jyaada. Mujhe nhi pata kab usse itna pyaar hua par ab shayad uske bina naa jee pau. Agar woh naa mila toh shayad aur kisi ki nhi houngi. ​

Meera: Bas bas shant hojao. Mujhe pura yakeen hai tumhe tumhara pyaar jarur milega. ​

Ritika: Par kya woh mujhse pyaar karega. Woh toh uss ladki se hi pyaar karta hai. ​

Meera: Tumhe uska pyaar pana hoga. Yeh tumhare upar hai tum yeh kaise karti ho. Par pahle tumhe uss ladki ko manana hoga. ​

Ritika: Main jarur koshish karungi. Achha ek baat batao agar meri situation tumhari hoti toh tum kya karti. ​

Meera: Main Aryan ke liye khushi khushi woh sab karti. ​

Ritika: Okkk. Ab mujhe lagta hai mujhe mera pyaar shayad milega. ​

Meera: Haa jarur. ​

Phir aise hi masti karte hue woh log 6 ghante mein Mahabaleshwar aagye. Woh waha se sidha Karan ke dad ke hotel mein gaye jaha pahle se hi sab taiyaariyan ki hui thi. ​

Sab apne apne partner ke saath room mein chale gaye. Ritika aur Aryan Meera ka room agal bagal tha.​

Unko waha pohonchte pohonchte sham hogayi thi isiliye woh thoda rest karte hai phir raat ko dinner ke liye ek achhe se restro mein jaate hai. ​

Phir apne room mein jaake so jaate hai. Unhone decide kiya tha kal subah se ghumne niklenge. ​

Ritika ke man mein Meera se baat karke ek umeed jaagi thi par woh bahot darr rahi thi agar Aryan ya Meera ne mana kardiya toh. Phir bhi woh himmat karti hai. ​

Udher Meera ne Aryan ko bus ki saari baate batayi. ​

Aryan: Toh ab tum kya karne wali ho. ​

Meera: Kal usse sach bulwaungi. Aur tum ready raho kalse meri sautan aarahi hai. ​

Aryan: Jaisi tumhari marzi. Par usse abhi formula ke baare mein kuch naa bolna. ​

Meera: Woh tum hi sahi time dekh ke bolna. ​

Aryan: Okkk. ​

Phir yeh log bhi so jaate hai. ​

Next day yeh log breakfast karke ghumne nikalte hai. Woh log sabse pahle lover's point ghumne jaate hai. Waha sab apne apne lovers ke saath the sivaay Ritika ke. Woh baar baar Aryan ko hi dekh rahi thi. Par uski himmat nhi horahi thi ke woh jaake usse baat kare. ​

Meera yeh dekh leti hai aur woh uske paas aati hai. ​

Meera: Kya baat hai Ritika aise akele kyo ho. ​

Ritika: Tum sab toh apne apne partner ke saath ho par main toh akeli hu. ​

Meera: Tum jara mere saath aao mujhe kuch baat karni hai. ​

Ritika: Bolo kya baat karni hai. ​

Meera: Yaha nhi akele mein. Chalo kere saath. ​

Meera Ritika ka haath pakad ke usko ek side le jaati hai. ​

Meera: Ab bolo kya baat hai. Bahot der notice kar rahi hu tum kuch pareshan ho. ​

Ritika: Nhi Meera aisi koi baat nhi hai. ​

Meera: Thik hai main tumse kuch puchna chahti hu mujhe sach sach bataoge. ​

Ritika: Pucho. ​

Meera: Woh ladka aur ladki Aryan aur main hu naa. ​

Ritika jaise hi yeh sunti hai usko bahot bada shock lagta hai. Usko chehra aisa hogya tha jaise uski koi bahot badi chori pakdi gayi hai. ​

Ritika: Hadbada ke. Nhi Meera yeh tum kaisi baat kar rahi ho woh koi aur hai. Aur ab mujhe yaha se jaana chahiye humhe sablog khoj rahe honge. ​

Meera: Toh tum nazre kyo chura rahi ho Ritika. Main janti hu tum Aryan ko pahle din se pyaar karti ho. Main itne din se tumhare saath ghum rahi sirf yeh pata lagane ke liye yeh mera veham hai ya sach mein tum usse pyaar karti ho. Aur kal jab maine tumhe uske accident ke baare mein bataya tab tumhare andar bhi maine wohi tadap wohi takleef mehsus ki jo mere andar thi. Aur aaj bus mein bhi tum jab mujhe uss ladke ke baare mein bol rahi thi tab tumhari nazare Aryan pe thi aur yaha pe tum Aryan ko hi dekh rahi thi. ​

Ritika kuch bol nhi saki sirf apni nazre nichhe kar li. ​

Meera: Ab bolo kya tum usse pyaar karti ho. ​

Ritika: I am sorry Meera. Haa yeh sach hai main Aryan se bahot pyaar karti hu aur kitna karti hu yeh tumhe bus mein bata chuki hu. Aur main ab Aryan se durr hi rahungi par please tum Aryan ko yeh mat batana woh mujhse shayad dosti todd de. Aur main abhi wapas mumbai chali jaati hu. ​

Meera: Tum puri pagal ho Ritika. Tum bhul gayi maine tumhe bus mein kya bola tha. Maine bola tha aaj tumhe tumhara pyaar jarur milega. ​

Ritika Meera ko bas hairat se dekh rahi thi. ​

Meera: Aryan ke kismat mein 2 ladkiyon ka pyaar hai Ritika woh kisi 1 ka nhi hosakta hai. Aur yeh baat Aryan ko pata hai ke tum usse pyaar karti ho kyoki humlog ekdusre se kabhi koi bhi baat nhi chupate. ​

Aur Aryan ne yeh faisla completely mere upar chora hai ke woh kaunsi ladki hogi jo Aryan ke life mein aayegi. Aur yeh baat sirf Aryan ko hi nhi uske maa baba ko bhi pata hai. ​

Ritika: Kyaaaa. Matlab sabko yeh baat pata hai. ​

Meera: Haa Ritika. Aur mujhe tumhari aankho mein bhi Aryan ke liye wohi pyaar wohi tadap dikhi hai jo mere andar hai. Isiliye maine Aryan se boldiya tha ke tum hi woh dusri ladki ho. Ab tumhe yeh decide karna hai kya tum Aryan ko share kar sakogi. Kya tum uski woh hissa banogi jo abhi bhi khaali hai. ​

Ritika: Agar mujhe mera Aryan milta hai toh main kuch bhi karne ko taiyaar hu. ​

Meera: Toh thik hai Ritika. Aaj tumhe tumhara pyaar milta hai. ​

Ritika: Meera ke gale lag. Thank you thank you thank you Meera. Aaj tumne mujhe woh diya hai jiske liye main humesh tumhari karjdaar rahungi. Main tumhari naukrani bhi ban jaungi. Tumne mujhe mera pyaar de diya hai. ​

Meera: Aaj toh yeh bol diya par aage se kabhi naa bolna. Kyoki humhe Aryan ke taqat banni hai uski kamzori nhi. Usne bahot dukh jhele hai humhe usko kabhi bhi koi bhi dukh nhi dena hai. Aur aajse tum meri choti behen ho. ​

Ritika: I promise Meera. Main puri koshish karungi Aryan ko kabhi koi dukh naa mile. Main uski shakti banugi naa ki kamzori. ​

Meera: Par kya tumhare parents yeh accept karenge. ​

Ritika: Tum vishwaas nhi karogi. Meri maa ne toh tumse milke yehi baat karne ka socha tha ke tum mujhe Aryan ka pyaar de do. Par ab jab main unhe bataungi ke mujhe mera pyaar mil gaya hai toh woh bahot khush hongi. ​

Meera: Chalo yeh achhi baat hai. ​

Ritika: Meera kya Aryan bhi mujhse pyaar karta hai. ​

Meera: Dekho uske dil mein tumhare liye abhi soft corner hai tumko uske dil mein apne liye pyaar jagana hoga. ​

Ritika: Jab tum mere saath ho toh main yeh karlungi. Main Aryan ke dil mein apne liye pyaar jaga ke rahungi. Par ab toh mujhe uske saamne jaane meij bhi sharm aayegi. ​

Meera: Tumne woh kahawat toh suni hogi jo kare sharm uske foote karam. Toh sharm ko side mein rakho aur abse uske jyaada kareeb raho. ​

Ritika: Par baakilogonke saamne. ​

Meera: Unko bhi sab pata hai. Kyoki yeh baat unko batana hi tha. Aur unko yeh bola bhi gaya tha tumhare saamne iska bilkul jikr naa kare. ​

Ritika: Kyaa unko bhi pata hai unko kab pata chala. ​

Preeti: Yeh hum bataye humhe kab pata chala. ​

Meera: Tumlog yaha kya kar rahi ho. ​

Sonal: Sorry humhe 2 sautano ke beech mein aane ki ichha toh nhi thi par kya kare humse raha nhi gaya. ​

Ritika yeh sunke sharma jaati hai. ​

Preeti: Haaye haaye dekho toh kaise sharma rahi hai. ​

Sonal: Haa toh humhe Aryan aur Meera ne humare yaha ke plan ke dusre din hi bata diya tha ke Aryan ke naseeb mein 2 ladkiyon ka pyaar hai aur woh dusri ladki tum ho. ​

Preeti: Pahle toh humhe shock laga tha par ab jab naseeb mein hi yeh likha hai toh hum kya kar sakte hai. Aur unhone bata diya tha ke tumhare saamne iska jikr naa kare. ​

Ritika: Yaani tum sab ko pata tha sivaay mere. ​

Preeti: Haa. Chalo ab tum apne pyaar ko jagana chalu kardo. Humhe monday jaane se pahle 2 ke jagah 3 chahiye. ​

Ritika: Main puri koshish karungi. Aur Thank you mere pyaar ko samajne ke liye. ​

Meera: Tumhara pyaar sachha hai isiliye tumhe mila hai. ​

Ritika: Par humdono ke alawa toh aur koi nhi naa. ​

Meera: Agar aur koi aati hai toh Aryan ki taange tod dungi. ​

Sab hasne lagte hai. ​

Preeti: Chalo sab woh log humhe hi khoj rahe honge. ​

Phir sablog wapas aate hai. Ab toh Ritika ke paas khuli chutt thi ab woh khulke enjoy kar rahi thi. Aur jyaada se jyaada Aryan se chipak rahi thi usse baate kar rahi thi usse pyaar jata rahi thi. ​

Aryan bhi yeh dekh ke khush tha ke Meera ne Ritika ko sambhal liya hai aur Ritika bhi sab samaj gayi hai. ​

Thodi der waha pe ghumne ke baad wohlog ek restro mein jaake lunch karte hai. ​

Par yaha pe Ritika Aryan ka kuch jyaada hi khyaal rakh rahi thi uske bagal mein baith. ​

Aryan bhi apni dono deewaniyon ko apne haath se khila raha tha aur woh dono bhi use khila rahi thi. ​

Phir yeh log hotel wapis aajate hai. ​

Excellent update

 

[Killerpanditji(pandit)]

Update 31​

Hotel wapis aake sab apne kamre mein aajate hai phir sham ko ghumne nikalte. ​

Ritika aaj bahot khush thi. Woh toh apne kamre mein aake naachne lagti hai.​

Ritika: Yes yes yes aaj mujhe mera pyaar mil gaya. Mujhe toh yakeen hi nhi horaha hai ke mujhe mera Aryan mil gaya. Aur Meera ko bhi koi problem nhi hai. Thank You God Thank you meri dil ki sunne ke liye. Ab main Aryan ke dil mein apna pyaar jaga ke rahungi. Aur woh bhi yaha se jaane ke pahle. ​

Phir aise hi yeh log 2 din alag alag jagah ghumte hai. Inn 2 din mein innlogo ne bahot masti ki Ritika ne bhi khulke enjoy kiya Aryan ko apna pura pyaar dikhaya. Par usse shak tha woh Aryan ke dil mein abhi bhi pyaar nhi jaga paayi. Aur kal inko wapas mumbai bhi aana tha. ​

Isi soch mein Ritika apne room mein baithi hui thi tabhi uske room mein knock hota hai. ​

Ritika jaake dekhti hai toh waha Aryan khada tha. ​

Ritika: Tum iss waqat yaha. ​

Aryan: Kuch baat karni thi. Garden mein chale. ​

Ritika: Kaun kaun jaa raha hai. ​

Aryan: Sirf humdono aur koi nhi. ​

Ritika: Thik hai chalo. ​

Phir dono hotel ke garden mein aate hai. ​

Aryan: Main jaanta hu Ritika tum mujhe bahot pyaar karti ho aur kahi na kahi main bhi shayad tumse pyaar karne laga hu. Par tum jaanti ho Main Meera ko bhi bahot pyaar karta hu. ​

Ritika: Main jaanti hu Aryan. Aur mujhe Meera se koi problem nhi hai bas mujhe mere hisse ka pura pyaar chahiye. ​

Aryan: Par pyaar karne ke pahle tumhe mere baare mein sab janna hoga. Phir tum chaho toh apna decision badal sakti ho. ​

Ritika: Chahe kuch bhi ho ab mera yeh decision kabhi nhi badlega. ​

Aryan: Main aur Meera tumlogo ki tarah normal insaan nhi hai. ​

Ritika: Normal insaan nhi ho matlab. ​

Phir Aryan usse sab batata hai apne baare mein apni family ke baare mein. ​

Aryan: Ab bolo kya ab bhi tum aise insaan ke saath rehna chahogi jiske family ko uske upar bharosa nhi jiske sang rehne mein harwaqat jaan ka khatra hai. ​

Ritika: Mujhe tumhare past se ya family se koi matlab nhi hai. Maine tumse pyaar kiya hai tumhare past se nhi. Aur rahi baat jaan ki toh yeh jaan ab tumhari hai. Tumhe dekhna hai tum isse kaise sambhalte ho.​

Aryan: Kya tumhe yeh bura nhi laga ke maine Meera ko ek supergirl bana diya aur tum ek normal ho. ​

Ritika: Mujhe isse koi fark nhi padhta bas tum mere saath ho yehi mere liye bahot hai. Mujhe aur kuch nhi chahiye. ​

Aryan usko apne seene se laga leta hai. Ritika uske seene se lag ke sabkuch bhul gayi usko jaise isi ka intezaar tha. ​

Ritika: Kab se maine iss pal ka intezaar kiya hai aaj finally mera intezaar khatam hua. Thank You Aryan mujhe mera pyaar dene ke liye. ​

Aryan: Tum mujhse itna pyaar karti ho agar maine tumhe tumhare pyaar se durr kiya toh woh bhagwan mujhe kabhi maaf nhi karega. ​

Bas kabhi mujhe dhokha mat dena.​

Ritika: Kabhi nhi Aryan. Main kabhi tumhe chorke nhi jaungi. Main aur Meera humesha tumhare saath rahenge. ​

Aryan: Achha tumhara birthday kab hai. ​

Ritika: Kyo. ​

Aryan: Bolo naa. ​

Ritika: Kuch din baad. ​

Aryan: Uss din tumhe ek bahot bada surprise dunga. Bas ready rehna. ​

Ritika: Mujhe tum mil gaye aur kuch naa chahiye. ​

Aryan: Jo tumhe dene wala hu woh tumhara hi adhikaar hai. Par kya tumhari family iske liye ready hogi. ​

Ritika: Meri maa toh pahle se hi ready hai aur dad ko maa mana lengi. ​

Aryan: Achha hai chalo ab chalte hai. ​

Ritika: Nahi mujhe kuch der aur tumhare seene se lag ke rehna hai bahot intezaar kiya hai maine. ​

Aryan: Ab toh saari zindagi aise hi rehna hai par humhe kal ghar wapas jaana hai. ​

Ritika: Meri ek baat manoge. ​

Aryan: Tum order karo. ​

Ritika: Woh maa ne kaha tha tumko aur Meera ko saath ghar laane ko kaha tha toh kya kal tum yaha se sidha mere ghar chaloge. ​

Aryan: Aree kyo nhi jarur chalenge. ​

Ritika: Thank You thank you so much. ​

Aryan: Chalo chalte hai. ​

Phir dono waha se apne apne room mein aajate hai. ​

Room mein aate hi Ritika ne apni maa ko call kiya. ​

Sangeeta: Kaisi hai meri bachhi.​

Ritika: Maa maa maaa aaj main bahot khush hu. Mujhe aaj sab kuch mil gaya maa. ​

Sangeeta: Aisa kya hogya beta. ​

Ritika: Maa Aryan bhi mujhse pyaar karta hai aur Meera ne mujhe accept karliya maa. Mujhe mera Aryan mil gaya maa. I am so happy. ​

Sangeeta: Aree waah yeh toh bahot achhi baat hai. Yeh sab hua kaise beta. ​

Phir Ritika Sangeeta ko sabkuch batati hai. ​

Sangeeta: Chalo bahot achha hua. Tum khush ho naa. ​

Ritika: Bahot khush hu maa. Aur aapko pata hai Aryan ke maa baba bhi sab jaante hai aur unhe bhi mujhse kuch problem nhi hai. Par maa kya dad maanenge. ​

Sangeeta: Unko main mana lungi tum tension mat lo. Tumhari khushi ke liye kuch bhi karenge hum. ​

Ritika: Thank you maa. Aur haa kal hum teen ghar aayenge toh aap dad ko bol dena woh ghar mein rahe. ​

Sangeeta: Tum bilkul chinta mat karo main sab dekh lungi aur kal tumhare dad bhi ghar mein rahenge. Chalo ab so jao kal milte hai. ​

Ritika: Byee maa good night. ​

Phir call cut hojaata hai. Idher Sangeeta Raghav ke paas jaati hai. ​

Sangeeta: Raghav kuch baat karni thi. ​

Raghav: Haa bolo naa. ​

Sangeeta: Woh Ritika ko uska pyaar mil gaya hai par. ​

Raghav: Aree waah yeh toh bahot achhi baat hai par kya. ​

Sangeeta: Uss ladke Aryan ke naseeb mein 2 ladkiyan hai. ​

Raghav: Kyaaa. ​

Sangeeta: Haa aur Ritika yeh jaanti hai aur Aryan Meera ne yeh bata ke hi Ritika ko accept kiya hai. ​

Raghav: Yeh kaise hosakta hai humne apni beti ko bade hi laad pyaar se pala hai woh kaise yeh seh payegi. ​

Sangeeta: Aap shayad bhul rahe hai iski bhagya mein bhi yehi likha tha iske pati ki 2 shaadiyan hongi aur yeh apne jeevan mein humesha khush rahegi. ​

Raghav: Jaanta hu main. Par ek baap hu main aur apni beti ki khushi mein koi aanch nhi aane dunga. ​

Sangeeta: Aur isi liye woh kal unhe ghar laa rahi hai aur aapko ghar mein rehne ko bola hai. ​

Raghav: Thik hai. Shayad yeh karne se WOHLOG khush rahe. Waise bhi humne koshish toh bahot ki par unki ek ichha puri naa kar paaye. ​

Sangeeta: Aap yeh baat kabhi bhi apne muh se mat nikaliye. Ritika ko yeh baat kabhi bhi pata nhi chalni chahiye. ​

Raghav: Par kya usse yeh sach chipana ab thik hogaa. Ab toh usne apne liye ladka bhi pasand karliya hai. ​

Sangeeta: Aur jab woh humse uske baare mein puchegi tab hum usse kya batayenge. ​

Kya aapke paas uska jawaab hoga. Aap itne bade businessman hokar bhi kuch naa kar paaye. ​

Raghav: Maine apni puri koshish ki par main kuch nhi kar paaya. ​

Sangeeta: Chahe kuch bhi ho Ritika ko yeh baat kabhi nhi pata chalegi. Nhi toh pahle woh kijiye uske baad usse bolenge warna nhi. ​

Raghav: Thik hai jaisa tum chaho. Chalo ab so jao. Kal woh aarahi hai. ​

Sangeeta: Hmmm. ​

Agli subah wohlog Mahabaleshwar se bus mein baithke mumbai ke kiye rawana hochuke the. ​

Aur ab bus mein 3 couple 3 alag jagah baithe the. Yash Preeti alag baithe apne mein busy the. Sonal Karan apne mein busy the aur last mein Aryan Meera aur Ritika apne mein busy the. ​

Meera: Kya baat hai Ritika kuch jyaada hi chipak rahi ho. ​

Ritika: Toh tum bhi chipak jao ispe humdono ka barabar ka haq hai. Aur ab mujhe disturb mat karo bahot intezaar kiya hai iska mujhe isko achhe se mehsus karne do. Yeh bol Aryan se seene ke lag kar baith jaati hai. ​

Meera: Haa haa le lo maze. Phir Meera bhi dusre side se chipak jaati hai.​

Aise hi pyaar bhare safar ko inhone 6 ghante mein pura kiya. Sab log Aryan ke ghar hi aate hai apni apni car aur bike lene. ​

Sanjana: Toh aagaye meri dusri bahu leke. Kaisi ho Ritika. ​

Ritika: Sharma ke achhi hu aunty. ​

Sanjana: Chalo pahle thoda nashta karlo. ​

Karan: Nhi Aunty ab ghar jayenge. Maa ka bhi call aachuka hai. ​

Preeti: Haa aunty abhi chalte hai next time jarur karenge. ​

Sanjana: Thik hai jaisi tumhari marzi. ​

Aryan: Maa main nikalta hu mujhe aur Meera ko Ritika ke ghar jaana hai iske parents ne bulaya hai. ​

Sanjana: Thik hai aaram se jaana. ​

Phir yeh log nikalte hai. ​

Ritika: Meera kya tum meri car se aajaogi main Aryan ke saath jau. ​

Meera: Thik hai tum jao main tumhari car se aati hu. ​

Phir Ritika Aryan ke saath nikal jaati hai aur Meera Ritika ki car se jaati hai. ​

Thodi der mein yeh log Ritika ke ghar aajate hai.​

Car hi awaaz sunn ke Sangeeta bahar aajati hai. Ritika car utar ke bhagg ke Sangeeta ke gale lag jaati hai. ​

Sangeeta: Kaisi hai meri bachhi. ​

Ritika: Bahot achhi hu. Dad kaha hai. ​

Raghav: Hum bhi yahi hai meri bachhi. ​

Ritika: Dad. I missed you so much kaise hai aap. ​

Raghav: Jaisa tum chor ke gayi thi. ​

Ritika: Maa dad yeh hai Aryan aur Meera. ​

Raghav aur Sangeeta Meera ko dekh kar hairan hojaate hai. Par woh kuch bolte nhi bas usko hi dekhte rehte hai. ​

Aryan: Namaste Uncle namaste Aunty. ​

Phir Meera unke pairr chune jaati hai toh woh uss rok lete hai. ​

Sangeeta: Aree nhi beta humare yaha bahu betiyan pairr nhi chuuti. Chalo andar chalo. ​

Phir sablog Andar aate hai. Sangeeta ne pahle se hi unke liye nashta taiyaar kar rakha tha. ​

Sab log pahle nashta karte hai phir baate start hoti hai. ​

Aryan: Uncle Aunty aap jaante honge Ritika mujhe pyaar karti hai aur ab main bhi usse pyaar karta hu. But meri life mein woh akeli nhi rahegi usse agar meri life mein aana hai toh usko Meera ko accept karna hoga jiska liye woh ready hai. But aaplog uske parents hai toh last decision aapka hi hoga. ​

Raghav: Mujhe Sangeeta ne sab bataya hai beta. Aur mujhe tumhari yeh baat bahot pasand aayi ke tumne sab pahle hi sach bata diya. Mujhe meri beti ki khushi hi chahiye aur uski khushi tumhare saath hi hai toh humhe koi problem nhi hai.​

Ritika: Thank you dad. You are the best. ​

Sangeeta jo tab se Meera ko hi dekh rahi thi. ​

Sangeeta: Meera if you don't mind tumhara parivaar mein kaun kaun hai. ​

Meera: Aunty main ek orphan hu. Bachpan mein mere maa baap ne mujhe jungle ne chorr diya tha tab ek anath aashram ke warden ne mujhe sambhala aur tab se woh hi mujhe maa ki tarah pyaar karti hai. ​

Sangeeta aur Raghav yeh sunke shock hojaate hai. ​

Sangeeta aur Raghav ek dusre ko dekhte hai. Unki aankho mein aansu the but woh chupa lete hai aur Aryan yeh dekh lete hai. ​

Sangeeta aage badh ke Meera ko apne seene se laga leti hai. Uski aankho mein ab bhi aansu the par woh unhe poch leti hai. Meera ko bhi unke seene se lag ke ek alag aihsaas hota hai. ​

Sangeeta: Kya hum tumhari maa se mil sakte hai. ​

Meera: Haa kyu nhi. Jarur. Maa bhi aaplogo se milke bahot khush hongi. ​

Sangeeta: Hum kal aayenge unse milne. ​

Meera: You are most welcome aunty. ​

Aryan: Achha Aunty ab hum chalte hai. ​

Sangeeta: Thik hai beta. ​

Phir Aryan aur Meera waha se chale jaate hai. ​

Ritika: Maa dad aap Meera ko aise kyo dekh rahe the. ​

Sangeeta: Woh shayad tumhe kal pata chal jaaye. Agar hum jo soch rahe hai woh sach hai toh tumne ek bahot badi khushi humhe di hai beta. ​

Ritika: Aisi kya baat hai. ​

Raghav: Woh kal pata chal jayega. Chalo ab tum jaake rest karo. ​

Ritika: Okk dad. ​

Phir Ritika apne kamre mein chali jaati hai. ​

Sangeeta: Raghav kya aapne dekha yeh shayad wohi hai. ​

Raghav: Hum abhi bhi sure nhi hai Sangeeta humhe kal iska pura sach jaana hoga. ​

Sangeeta: Agar yeh sach hua toh yeh bahot khushi ki baat hai. ​

Raghav: Haa Sangeeta. Jo hum naa kar paaye woh Ritika ne kardiya. ​

Sangeeta: Aakhir karegi bhi kyoki uske dil se jo judi hui hai. ​

Raghav: Haa sahi kaha kal jaake pata karenge. ​

Idher Aryan car mein baitha kuch soch raha tha. ​

Meera: Kya soch rahe ho jaan. ​

Aryan: Kuch nhi bas aise hi tum batao tum kya soch rahi ho. ​

Meera: Pata hai aaj jab Ritika ki maa ne mujhe gale lagaya aisa laga hi nhi ke main kisi anjaan ko gale lag rahi hu. Mujhe laga main kisi apne ko gale lag rahi hu. ​

Aryan: Hosakta hai aakhir woh bhi toh ek maa hai naa. Aur waise bhi saari maa ek samaan nhi hoti.​

Meera: Tum please woh sab mat socho. Aur kal tum aaoge naa jab Ritika ki family aayegi ghar mein. ​

Aryan: Main aake kya karunga. ​

Meera: Nahi tumhe aana hoga and thats final. ​

Aryan: Okkk okk main aajunga. Chalo tumhara ghar bhi aagaya. ​

Meera: Byee kal milte hai. ​

Phir Meera ko ghar chor Aryan apne ghar nikal jaata hai. ​

Bahut hi khubsurat posts hai Bhai

 

[Killerpanditji(pandit)]

Waiting for next update

 

[Jaguaar]

Awesome updates

Thank you

 

[Jaguaar]

Bahot shaandaar update bhai
Jab meera maan gayi tow aryan ko bhi man hi lega bas izhar kerne ki deri jo woh bhi jaldi ho jayega
Zaberdast

Thank you

 

[Jaguaar]

Bahot khoob shaandaar
Zaberdast lajawab update bhai

Thank you

 

[Vickey1211]

Waiting

 

[Jaguaar]

Iska matla meera aur ritika done behne h ab dekhte kal kia pata chalta h zaberdast bahot shaandaar mazedaar lajawab update bhai

Thank you