Fantasy Pyaar Ya Nafrat ( Completed)

[Ayush2017]

Awesome update bro

 

[mashish]

waiting for next

 

[Asif khan]

Update 1​

Ek aadmi Hospital mein operation theatre ke bahar tension mein chakar laga raha tha. Uske saath uske pita bhai aur bhai ki biwi thi. Kyoki uski biwi ot mein thi delivery ke liye. Uss aadmi ka pita kehta hai Vikram tension matlo sab kuch achha hi hogaa. Vikram yeh sunn ek tension mein bhari smile pass karta hai aur phir se chakar lagane lagta hai.​

Kuch der baad ot ka door open hota hai aur doctor bahar aakar kehte hai :-​

Doctor: Mr. Malhotra mubarak ho aapko beta hua hai.​

Yeh news sunte hi sabke chehre mein ek khushi ki lehar aajati hai sab khushi se nachne lagte hai.​

Vikram: Doctor meri wife toh thik hai naa.​

Doctor: Ji aapka beta aur apki wife dono bilkul fit hai. Aap thodi der baad unse mil sakte hai.​

Vikram: Thank You Doctor.​

Doctor: Your Welcome and Congratulations.​

Yeh bol doctor waha se chala jata hai. Thodi der baad bachhe aur maa ko cabin mein shift kar dete hai. Phir sabse unse milne cabin mein aate hai.​

Sabse pahle sab bachhe se milte jo bagal ke palne mein so raha thaa.​

Uske chehre mein duniya bhar ki masoomiyat thi ek alag sa hi tej thaa.​

Bachhe ko dekh kar sabki aankho mein khushi ke aansu thee.​

Uske baad sab Rashmi se milte hai jo bed mein aaram kar rahi thi. Uski aankho mein bhi khushi ke aansu the. Sabkoi usse congratulate kar raha thaa. Vikram uske paas mein uska haath pakar ke baith jata hai aur bolta hai Thank You Rashmi aaj tumne mujhe complete kardiya itna pyaara beta dekar.​

Phir aise hi sablog thodi der maa bete ke paas reh kar cabin ke bahar jaake hospital mein baaki ki formality puri karte hai.​

Doctor ne kal tak ke liye maa bete ko observation mein rakh lete hai. Raat ko kisi ek ko rukhne ka kaha jaata hai toh Meenakshi raat ko rukh jaati hai aur baaki sab ghar wapas aajate hai.​

Ghar aakar Jeet Malhotra ne apne kul pandit ko phone kar yeh khush khabri di aur apne pote ke naamkaran ke liye ek mahapuja ka aayojan bhi karte hai jo 3 din baad ki thi.​

Subah sab wapas hospital jaate hai aur waha se Rashmi aur bachhe ko leke wapas ghar aate hai.​

Ghar mein bachhe ko leke Neha ke bagal mein sula dete hai. Neha uss bachhe ko dekhe hi jaa rahi thi. Aur phir apne chote chote haatho se uske haatho ko pakad leti hai jaise agar uska haath chor diya toh woh kahi chala jayega.​

Sab Neha ke iss behave ko dekh kar hase jaarahe thee.​

Ankit thoda bada hogya thaa woh bhi apne chote bhai ke paas aake uske saath khelne lagta hai.​

Jaise hi Ankit ne Neha ka haath apne chote bhai ke haath se hataya waise hi Neha ne rona suru kardiya jaise usse kisine uska khilona chinn liya ho.​

Aise hi hasi mazaak mein 3 din guzar jaate hai.​

Subah subah Kulpandit mahapuja ki taiyaari kar rahe thee. Rashmi, Meenakshi ,Vikram, Suraj sab unki madad kar rahe the. Wahi ek palne mein bachhe ko sulaya gaya thaa​

Ankit ko Jeet Malhotra ne apne paas rakha thaa.​

Neha toh apne chote bhai ke paas hi thi. Usko aisa lag raha thaa agar woh usse durr gayi toh uske bhai ko koi le jayega.​

Aise hi 1 ghante ke baad mahapuja khatam hojaati hai. Phir Kulpandit ne Vikram aur Rashmi ko bachhe ke saath hawankund ke saamne baithaya aur uski kundli banane lage. Jaise jaise kundli ban rahi thi waise waise Kulpandit ke facial expression mein bhu badlav aarahe the jo Jeet Malhotra ne dekh liya tha but uss time unhone ne kuch nhi bola.​

Kuch der baad Kulpandit bole yeh bachha bahot bhagyashaali hoga,iska dimaag baakiyon ke mukable bahot takatwar hogaa. Yeh jisse bhi mohabbat karega aur toot ke mohabbat karega but yeh jisse ek baar nafrat karle phir uske dil mein uske liye pyaar lana,bharosa lana hadd se jyaada mushkil hogaa phir chahe woh iske kitna bhi close kyo naa ho. Aur iss bachhe ka naam hoga ARYAN.​

Bachhe ka naam sabko bahot pasand aata hai. Phir sab ko khaane ke liye baithaya jaata hai.​

Khane ke baad Jeet Malhotra Kulpandit se akele mein baat karne ke liye unko apne kamre le jaate hai.​

Boht hi badhiya awesome update dikhaya h bahi

 

[Asif khan]

Update 2
​

Phir Kulpandit unko batate hai kyo kundli banate waqat unke chehre ke bhaav badal rahe the. Kulpandit ke baat sunne ke baad Jeet Malhotra ke chehre ke bhaav bhi badalne lagte hai. Yeh dekh Kulpandit bolte hai chahe kuch bhi hojaaye aap apne pote ke saath hi rahenge usse galat nhi samjhenge aur naahi aap baakiyon ko yeh baat batayenge kyoki yehi unki niyati hai unko yeh sehna hi padega. Aur isse unko ek sikh bhi milegi. Uske baad Kulpandit chale jaate hai aur Jeet Malhotra tension mein reh jaate hai.​

Kuch din baad Jeet Malhotra apne lawyer ke paas jaake kuch baat karte hai aur unko ek kaam dete hai.​

After 18 Years​

Ek Ladka mumbai ke ek hospital mein zindagi aur maut se ladh raha tha. 3 ghante se OT mein uska operation chal raha tha. Bahar ek aadmi aur aurat aansu bahaye jaa rahe thee. Aurat baar baar bol rahi thi humhari wajah se kisi nirdosh ki aaj yeh halat hai. Kaash woh waha nhi aaya hotaa toh aaj uski aisi halat nhi hoti.​

Aadmi uss Aurat ko sambhalne ki koshish kar raha tha but andar se woh bhi bahot dukhi thaa.​

Kuch der baad doctor OT se bahar aate hai. Aur kehte hai:-​

Doctor: Aap uss ladke ke kya lagte hai​

Aadmi(Thoda soch kar): Woh mera beta hai. Kya ab woh thik hai.​

Doctor: Dekhiye main aapko jhooti tasalli nhi dunga but ab uska bachna naa ke barabar hai. Goli uske dil ke bahot kareeb lagi thi. Humne goli toh nikal di hai but ab uski body mein blood generate nhi horaha hai aur uska jo blood group hai woh bahot hi rare hai. Ab uske bachne ke chances 5% se bhi kam hai I am Sorry.​

Yeh sab sunne ke baad aadmi toh jaise taise khud ko sambhal leta hai but woh Aurat toh behosh hogyi thi.​

Doctor usko check karte hai aur aaram karne ko kehte hai.​

Thodi der baad jab aurat hosh mein aati hai toh phir se rona start kardeti hai. Aadmi usko bolta hai​

Aadmi: Sanjana ab chup hojao. Humlog ab kuch nhi kar sakte.​

Sanjana: Kaise chup hojau Sanjay aaj humari wajah se ek nirdosh ki yeh halat hai. Naa woh humhe bachane aata aur naa uski yeh halat hoti. Yeh bol phir se rona start kardeti hai.​

Phir achanak uske dimaag mein ek idea trigg karta hai toh woh bolti hai​

Sanjana: Sanjay kyo na jiske liye yeh sab horaha hai woh chiz hum isko dede shayad yeh bach jaaye.​

Sanjay: Bachho jaisi baate mat karo Sanjana. Humlog isko jaante tak nhi yeh kaisa ladka hai achha hai ya bura hai agar koi problem hogyi toh sab barbaad hojayegaa.​

Sanjana: Jo ladka bina kisi jaan pehchan ke kisi ajnabi ki madad kare uske liye apne seene mein 4 goliya khaaye uss hisab se isse achha ladka shayad hi koi hoga.​

Sanjay: Thik hai main yeh baat manta hu. But abhi tak humlogo ne woh properly test nhi kiya hai agar kuch garbar hogyi toh.​

Sanjana: Doctor ne toh bolhi diya hai iske bachne ke chances 5% se bhi kam hai. Agar uske baad isko kuch hota hai toh itna dukh nhi hoga. But agar sab thik raha toh yeh bach jayega aur humhara test bhi hojayegaa. Aur shayad humlogo ko humara beta bhi mil jaaye.​

Sanjay: Thik hai main doctor se baat karke isko ghar shift karwane ki koshish karta hu. Tum ghar jaake saari taiyaari dhayan se karo.​

Sanjay Singh- Yeh ek bahot bade scientist hai. Inhone bahot saare research aur experiments kiye hai jinme bahot saare successfull rahe hai. Ab yeh aur inki wife milke human body and brain ke upar ek research and experiment kar rahe hai. Agar yeh success hota hai toh ek human ke body and brain ko kisi bhi normal human ke body and brain se jyaada powerfull bana dega matlab ek tarah se usko super human mein convert kar dega.​

Sanjana Singh- (Wife of Sanjay Singh) yeh bhi ek scientist hai aur apne pati ke saath hi saare kaam karti hai.​

Inke iss research ke baare mein India ke sabse bade terrorist organization ko pata chal jaata hai aur woh iss research ko hatiyane ki koshish karte hai jinme inke ek laute bete ki jaan chali jaati hai. But yeh uss research ko unke haath nhi lagne dete. Phir bhi inke upar aaye din humle hote rehte hai. Aise hi ek humle mein inko ek ladke ne toh bacha liya par ab woh khud zindagi aur maut se ladh raha hai.​

Sanjay Singh Doctor ke baat karke uss ladke ko apne ghar lejaate hai. Ab Sanjay Singh ek jaane maane scientist hai unhe Mumbai mein sab hi jaante hain isiliye unko jyaada mehnat nhi karni padhi.​

Sanjay aur Sanjana uss ladke ko le apne ghar ke underground mein bane laboratory mein chale aate hai. Jaha bade bade machines lage hue the. Matlab Sanjana ne pahle hi sab taiyaariyan kar rakhi thi.​

Sanjay uss ladke ko waha ek bed pe leta deta hai. Aur sab kuch phir se ek baar check kar us ladke haath mein machines se kuch lagata hai aur uske sir mein kuch lagata hai aur aakhir mein uske chest ke paas dhyaan se lagata hai kyoki waha par pahle se hi ghaav the.​

Phir Sanjay computer mein kuch kaam kar uss ladke ke body mein woh research aur Experiment se bane formula ko insert karta hai. Jaise jaise woh formula uske andar jaaraha hota hai waise waise uski body vibrate honi start karti hai. Pure formula insert hone ke kuch der baad uss ladke ki body vibrate honi band kardeti hai aur dheere dheere uski heartbeat bhi band hone lagti hai yeh dekh woh Sanjay aur Sanjana dono ke aankho mein hi aansu aajate hai. Unko lagta hai ki ab yeh ladka nhi bachegaa yaani unki saari koshish aur mehnat barbaad hogyi.​

Great very good very nice update

So hero ki to jaan Bach hi Jay gi

 

[Lp143]

Happy Holi and super update

 

[Asif khan]

Update 3​

Abhi kuch time hi bita tha ke heartbeat reading machine mein kuch awaaz hone lagti hai aur jab woh dekhte hai toh unki khushi ka koi thikana hi nhi thaa​

Kyoki unke formula ne kaam kardiya tha uss ladke ki heartbeat phir se chalne lagi thi yaani woh ladka bach gaya thaa. Sanjay phir computer mein dekhta hai toh pata hai unke formula ki wajah se uss ladke ke body mein wapas blood circulation start hogya thaa aur jitne bhi damage ya kamzor cells the woh repair horahe thee. Filhal repairing ki speed kam thi par ek khushi thi ke woh ladka bach gaya aur unka formula successfull raha.​

Formula insert kiye hue pure 2 din hogye thee but abhi bhi usko hosh nhi aaya tha yeh dekh kar Sanjana tension mein​

Sanjana: Sanjay isko hosh kyo nhi aaraha hai formula insert kiye hue toh 2 din hogye hai​

Sanjay: Shayad iski body ne formula ko thik se accept nhi kiya hai isiliye iski body aur brain abhi bhi kamzor hai aur isiliye yeh abhi tak behosh hai.​

Sanjana: Toh iski body kab tak formula ko puri tarah accept karegi.​

Sanjay: Yeh kehna mushkil hai 2 hafte bhi lag sakte hai 2 mahine bhi yaa uss jyaada bhi.​

Sanjana yeh sunn thodi tensed toh thi but usne kuch bola nhi.​

Aise hi 1.5 mahine guzar jaate hai but woh ladka abhi bhi behosh hi thaa but uski body se saare ghav bharr gaye thee aur uski body mein pahle ke mukable kaafi changes aaye thee. Ab uske 6 packs abs thee,uske muscles kuch jyaada hi ban gaye thee,uske face mein bhi thode changes hue the,Ab woh aur jyaada attractive hogya thaa. Matlab sidha bola jaaye toh ek complete package of hotness.​

Inn 1.5 mahino mein Sanjana roj usko dekhne aati uske body ko water sponge karti uska khayal rakhti. Aise hi ek din Sanjana uska daily work karne aayi toh dekhti hai uss ladke ko hosh aaraha hai toh usne fauran Sanjay ko bulaya. Sanjay aake usko dekhta hai toh woh hosh mein aaraha tha aur aate hi apne sir ko pakad ke chikne laga. Sanjay usko check karta hai aur usko ek injection de deta hai jisse woh wapas sojaata hai. Phir usko 2 ghante baad hosh aata hai toh ab woh normal thaa.​

Sanjay aur Sanjana usko dekh kar puchte hai ab tumhe kaise feel horaha hai.​

Ladka: Filhal achha feel horaha hai. But aaplog kaun hai aur main yaha pe kya kar raha hu.​

Sanjay: Tum filhal mere ghar mein ho aur yeh hai meri wife Sanjana aur main hu Sanjay. Humlog dono scientist hai. Tumhe shayad yaad hoga aajse 1.5 mahine pahle tumne 2 logo ki jaan bachayi thi aur tumhe goliya lagi thi.​

Ladka: Haa mujhe yaad hai.​

Sanjay: Haa toh hum dono wohi hai. Tumhe goli lagi thi toh hum tumhe hospital le gaye waha pe tumhara treatment hua aur tum pure 1.5 mahine baad aaj hosh mein aaye ho.​

Ladka: Ooo. Thank you meri jaan bachane ke liye.​

Sanjana: Thank You toh humhe tumhe bolna chahiye jaan toh tumne humhari bachayi thi. Waise tumne abhi tak apna naam nhi bataya.​

Ladka: Ji mera naam Aryan Malhotra hai.​

Sanjana: Bahot achha naam hai. Abhi tum aaram karo maim tumhare liye kuch khane ko bana ke laati hu aur uss side restroom hai jaake fresh hojaao aur yaha tumhare liye kuch kapre hai pehen ek bahar aajao.​

Aryan: Ji thik hai.​

Thodi der Aryan fresh hoke jab mirror ke saamne aata hai toh shock hojaata hai apne aap ko dekh kar kyoki uska pura naksha palat hogya tha. Uski body puri change hogyi thi. Muscles,6 packs abs, body ka har ek cut pura clear nazar aaraha thaa. Face bhi thoda change hogya thaa,aankhe thodi si blueish hogyi thi. Yeh sab dekh woh pura shock thaa.​

Jab kaafi der tak woh bahar nhi aaya toh Sanjana usko bulane aati hai toh dekhti hai woh mirror mein khud ko dekh raha hota hai.​

Sanjana: Aise kya dekh rahe ho Aryan yeh tum hi ho.​

Aryan: Ji par yeh sab kaise.​

Sanjana: Tension mat lo sab kuch pata chal jayega pahle chalo khaana khaa lo phir shanti se sab pata lag jaayega.​

Aryan ne bhi jyaada sawaal jawaab nhi kiye aur kapre pehen uske pichhe pichhe chal deta hai.​

Thodi der khana khatam kar sab wapas usi lab mein aajate hai.​

Aryan aane ke saath saath unse ek hi sawal karta hai aakhir yeh sab kya hai.​

Excellent fantastic shandar update

 

[Asif khan]

Update 4​

Sanjay aur Sanjana pahle usko shanti se baithne ko bolte hai.Aryan shanti se ek jagah baith jaata hai. Phir Sanjay aur Sanjana usko sab kuch bata hai ke kaise usne unki jaan bachayi,kaise woh hospital gaya waha doctor ne kya bola,phir formula,unke bete ke baare mein sab kuch.​

Aryan yeh sab kuch sunn bilkul shock mein thaa usko samaj nhi aaraha tha ke woh kya react kare.​

Kuch der shanti bani rehti hai koi kuch nhi bolta. Phir woh dono bolte hai dekho humhare paas tumhari jaan bachane ke liye aur koi rasta nhi thaa isiliye humlogo ko yeh karna padha. Ab agar tum chaho toh tum apni family ke paas wapas jaa sakte ho hum tumhe nhi rokenge par humhe ek promise karo humlogo ne jo tumpar vishvaas karke yeh formula use kiya hai tum uska kabhi galat istemaal nhi karoge.​

Family ka naam sunn kar Aryan ki aankho mein gussa aur nafrat utar aati hai jisko Sanjay aur Sanjana ne saaf saaf dekh liya thaa.​

Sanjana: Kya family ka naam sunkar tumhari aankho mein itni nafrat aur gussa kyo hai. . Humhe bhi tumhare andar apna khoya hua beta nazar aata hai. Agar chaho toh humse share kar sakte ho.​

Aryan ki aankho mein aansu the toh Sanjana ne aage badh kar unko poch Aryan ko apns gale se laga leti hai. Aryan ko bhi isme maa ki mamta ke sparsh ka aihsaas hota hai toh woh Sanjana ko aur kaske pakad leta hai aur rone lagta hai.​

Thodi der baad woh chup hota hai aur bachpan se lekar unse milne tak ka sabse unko bata deta hai.​

Aryan ki kahani sunn Sanjay aur Sanjana ko bahot dukh hota hai. Woh sochte kaise koi apne bete ke saath aisa kar sakta hai.​

Phir Sanjay usko bolta hai dekho jo hua woh toh hum badal nhi sakte par agar tum chaho toh yaha humhare bete bankar reh sakte ho isse tumhe bhi saath mil jayegaa aur humhe lage ga humhe humara khoya hua beta mil gaya.​

Par main kaise aaplogo ke saath reh sakta hu. Aaplogo ko pareshani hogi.​

Sanjana: Humhe koi pareshani nhi hogi. Maine tumhe pahle dinse hi apna beta mana hai. Aur ab tum yehi rahoge humhara bete ban kar. Main kuch nhi jaanti.​

Aryan unko bahot manata hai par woh nhi maante. Phir aakhir mein Aryan waha unka beta ban ke rehne ke liye maan jaata hai.​

Aise hi aur 1 hafta nikal jaate hai. Ek din Sanjay Aryan ke room mein aata hai toh dekhta hai woh kisi ki photo dekh ke aansu baharaha hota hai. Sanjay usks paas jaake woh photo dekhta hai toh shock hojaata hai. Woh Aryan se puchte hai yeh photo kiski hai toh Aryan bolta hai mere dadaji Mr. Jeet Malhotra ki.​

Sanjay usko jhatt se gale laga leta aur bolta hai tum inke pote ho.​

Aryan: Ji. But kya aap unko jaante hai.​

Sanjay: Bahot achhi tarah se. Mere pitaji aur tumhare dadaji bahot achhe dost thee. Ekbaar mere pitaji ko meri padhai ke liye paiso ki kami hogyi woh mujhe aur padha nhi paate. Par uss waqat tumhare dadaji ne mere pitaji ki paiso se madad ki jiske chalte aaj mein scientist bana. Maine unko dhundne ki bahot koshish ki but woh mile hi nhi​

Phir humlog bhi yaha Mumbai shift hogye aur aaj dekho itne saalo baad unka pota mere saamne khada hai aaj main bahot khush hu.​

Yeh sab jo tum dekh rahe ho naa beta yeh sab tumhare dadaji ke wajah se hi hai​

Agar woh naa hote toh aaj na main scientist ban pata aur naa yeh sab kuch hota.​

Very interesting maiend blowing update

 

[Asif khan]

Update 5​

Aryan ko apne dadaji ke baare mein sunn bahot achha lagta hai. Par woh kuch keh nhi pata. Sanjay bhi yeh samaj jata hai toh woh bolta hai.

Sanjay: Dekho beta jo hogya hai usko toh hum badal nhi sakte. But unki achhi yaadon ke saath humhe apne jivan mein aage badhna chahiye. Tumhare dadaji tumko aisi haalat mein dekh ke khush honge kya. Unko bhi dukh hogaa tumko aise dekh. Isiliye ab dukhi hona chor do aur apne jivan mein aage badho.

Aryan: Ji.

Kuch der chup rehne ke baad Aryan bolta hai. Aap yaha mujhse kuch bolne aaye thee.

Sanjay: Aree haa. Main baton baton mein bhul gaya. Maine yeh puchne aaya thaa tum ab aage kya karna chahte ho. Mera matlab aage ki padhai se thaa.

Aryan: Mujhe business karna hai. So usi ke according mujhe addmission lena chahiye. But mere 12th ka marksheet aur certificate toh Delhi mein hi hoga. Aur shayad ab tak toh result out bhi hogya hoga.

Sanjay: Tum uski chinta mat karo. Delhi mein mera bachpan ka dost rehta hai main usse keh ke tumhare ceriticates yaha pe mangwa leta hu.

Aryan: Ji thik hai. Waise mujhe aapse aur bhi kuch puchna thaa.

Sanjay: Ha ha pucho kya puchna hai.

Aryan: Ji woh aapne bola thaa main ek superhuman ke jaisa hu.

Sanjay: Superhuman ke jaisa nhi tum Superhuman hi ho. Tumhari physical aur mental strength normal logo mukable hadd se bahot jyaada hai.

Aryan: Achha. Toh mujhe aapse ek permission leni thi.

Sanjay: Kaisi permission.

Aryan: Main apni inn shaktiyon ka istemal karna chahta hu.

Sanjay: Par. Agar tumne yeh shaktiyan istemal ki aur agar unlogo ko yeh pata chal gaya toh tumhare liye bahot mushkile aajayengi. Shayad tumhari jaan bhi jaa sakti hai.

Aryan: Ji main janta hu. Par mujhe business karna hai aur uske liye bahot bade amount ki jarurat padhti hai aur isiliye main Underground fight jaha betting hoti hai waha pe apni physical strength istemal kar sakta hu jisse mujhe amount bhi mil jayegaa aur shaktiyon ka use bhi.

Sanjay: Ummh. Thik hai par meri kuch sharte hai. Agar tum woh mante ho toh tum yeh kar sakte ho.

Aryan: Kaisi sharte.

Sanjay: Tum apni inn shaktiyon aur formula ke baare mein kisi ko nhi bataoge. Kabhi apni identity reveal nhi karoge. Apni taqat par ghamand nhi karoge. Kabhi bhi apni shaktiyan khule aam use nhi karoge. Uss formula ke wajah se tumhe gussa bahot jyaada aayega agar gusse mein tumne kisi ko maar diya toh woh wahi pe mar jayega isiliye kabhi bhi kisi jhagre mein nhi padoge jab tak bahot jaruri naa ho. Aur jab bhi apni yeh shaktiyan use karoge tab humesha mask pahen ke hi karoge. Aur ek aakhri shart tumhare business ke liye main bhi kuch amount dunga jiske liye tum mana nhi karoge.

Aryan: Mujhe aapki saari sharte manzur sivaay aakhri wali chor ke.

Sanjay: Kyo. Kya tum humlogo ko apna nhi mante. Jo mana kar rahe ho.

Aryan: Ji nhi aisi baat bilkul nhi hai. Maine aap dono ko pure dil se apna mana hai. Agar aap nhi hote toh shayad aaj main zinda bhi naa hotaa.

Sanjay: Toh bas main kuch nhi jaanta. Waise bhi ab humara tumhare sivaay aur koi nhi hai.
Isiliye tumhe meri saari sharte maani hogi. Warna tum apni shaktiyan use nhi karoge.

Aryan: Ji thik hai. Mujhe aapki yeh shart bhi manzur hai. Par jab mujhe zarurat hogi tab main aapse maang lunga. Tab tak ke liye main apne dum pe sab karungaa.

Sanjay: Thik hai.

Aryan: Achha kya aap kisi aise ko jaante hai jo mujhe fighting skills sikha sakta hai.

Sanjay: Tum chinta mat karo. Kal tumhare teacher tumhare samne honge.

Aryan: Thank You.

Sanjay: Chalo chalke khaana kha lo.

Aise hi woh din guzar jaata hai. Agle din se Aryan har tarah ki fighting skills sikhna start kardeta hai. Jise woh bahot hi achhi tarah se aur jaldi sikhta hai uss formula ki wajah se.

1 hafte baad Aryan ke documents bhi aajate hai aur uska Mumbai ke best Business college mein admission hojata hai kyoki Aryan ne apne school mein Top kiya thaa. Isiliye usse Scholorship bhi mili thi.

Mumbai mein human riots ke wajah se government ne saare schools and colleges band kar diye thee jiske wajah se abhi bhi addmissions chal rahe thee.

Toh Aryan bhi apna Addmission kara leta hai. Aur waha usse pata chalta hai ke classes 10 din ke baad start hongi.

Toh inn 10 dino mein Aryan apni saari fighting skills bahot achhe se sikh leta hai. Uske teachers bhi hairan the. Jo fights sikhne mein kisi insaan ko saalo lag jaate hai wahi Aryan ne woh fights bas kuch hafto mein hi sikh li woh bhi bahot achhe se.

Yeh saari fights sikhne se Aryan ki body jo pahle se hi strong thi woh aur bhi Strong hogyi thi.

Aise hi 10 din ke sham ko Aryan apne liye kuch shopping karne jaata hai kyoki agle din se college start horaha thaa.

Woh shopping karne ek mall mein jaata hai waha woh apne liye thodi shopping karta hai aur Sanjay aur Sanjana ke liye bhi shopping karta hai. Shopping ke baad jab Aryan ghar aaraha hota hai tab achanak uski bike ke saamne ek ladki road cross karte hue galti se uski bike ke saamne aajati hai. Aryan jaldi se break mar deta nhi toh accident pakka thaa. Phir bhi woh ladki ghir jaati hai.

Aryan jaldi se bike se utar kar usko paas jaata hai aur puchta hai

Aryan: Aree aap thik toh hai aapko chott toh nhi lagi.

Ladki: Ji main thik hu. Woh actually thoda jaldi mein thi isiliye road cross karne ke chakar mein galti se aapke bike ke saamne aagyi. Aap thik hai naa.

Aryan: Ji main thik hu. But aap thoda sambhal ke chaliye agar sahi time pe break nhi lagta toh aapko bahot chott lag sakti thii.

Ladki: Ji main dhyaan rakhungi. And I am sorry once again.

Aryan: Koi baat nhi. Agar aapko kahi jaana ho toh boliye main chorr deta hu.

Ladki: Nhi nhi. Main yaha pass mein hi rehti hu main chali jaungi. Aap pareshan naa ho.

Aryan: Achha thik hai.

Yeh bol Aryan apne raaste aur woh Ladki apne raaste nikal jaati hai.

Aryan ghar aakar Sanjay aur Sanjana ko unke liye ki gayi shopping ke shoppers pakda deta hai. Jisse dekh woh bahot khush hote hai.

Uske baad Aryan fresh hoke kuch der apni fight practice karta hai aur dinner karke so jaata hai.

Excellent fantastic birrillint with awesome writing skills

Aryan us formula ki waja se boht jald fi8 sekh jata h very good

 

[Vk248517]

Update 66​

Soniya Aryan ke kamre mein knock karti hai toh Aryan door kholta hai. ​

Aryan: Gudiya Bhaiya Bhabhi aaplog iss waqt yaha. ​

Ragini: Aapse yeh umeed nhi thi Devarji. Aap humare saath aisa karenge. ​

Aryan: Kya bol rahi ho bhabhi. Maine kya kiya. ​

Soniya: Bhaiyaa aapne mujhse itni badi baat chupayi. Yeh aapne galat kiya. ​

Aryan: Gudiya maine kya chupaya. ​

Ankit: Bhai tune bahot galat kiya hai. ​

Aryan: Aree saaf saaf bataiye maine kiya kya hai. ​

Soniya: Aap hatiye mujhe meri bhabhi se milna hai. Chaliye Ragini bhabhi. ​

Phir yehlog andar aate hai aur Aryan confusion mein andar aata hai. ​

Ragini: Meera Ritika tumlogo ne humse itni badi baat chupayi. ​

Soniya: Haa bhabhi aapse yeh umeed nhi thi. ​

Meera Ritika: Confused. Humne aaplogo se kya chupaya hai. ​

Soniya jaldi se Meera ke gale lagte hue. Congratulations bhabhi aapko bahot bahot badhai ho. Aapne humhe itni badi good news kyo nhi batayi. ​

Ab jaake Aryan Meera aur Ritika ko samaj aata hai yeh kyaa baat kar rahe the. ​

Meera: Thank you Gudiya. Aur tumhe yeh kisne bataya humne tumse yeh baat chipayi hai. ​

Ragini: Sabse pahle toh bahot bahot badhai ho Meera Ritika aur Aryan. Aur chipayi nhi toh kya. Tumlogo ko humhe yeh baat bolni chahiye thi par tumlogo ne toh kisi ko kuch nhi bola. ​

Ankit: Congrats mere bhai. Congrats Meera Ritika. Aur Ragini bilkul sahi keh rahi hai. ​

Teeno: Thank You bhaiya bhabhi. Par humne aapse yeh baat chipayi nhi hai. ​

Ritika: Didi ne aaj hi humhe bataya hai. Aur hum aaj aapsab se infact unlogo se bhi yeh baat share karna chahte the but abhi neeche jo hua uske baad humara mood hi off hogya isiliye kisiko nhi bataya. ​

Meera: But aaplogo ko kaise pata chala. ​

Ragini: Neeche tumlogo ne hi toh sabke saamne bataya. Kisi ne ispar dhyaan nhi diya but maine thik pakad liya. ​

Soniya: Aree bhabhi aap khadi kyo hai. Baith jaaiye mere babu ko takleef horahi hogi. ​

Meera: Gudiya abhi tumhare babu ko koi takleef nhi horahi hai. Tum tension mat lo. ​

Soniya: Jo bhi ho. Aap ab chup chap baithiye. ​

Ragini: Soniya ne thik kaha. Tum chup chap baitho. Aur main pahle hi keh deti hu yeh mujhe Badi Mummy kehke bulayegaa. ​

Soniya: Aur mujhe Buaa. ​

Meera bas waha sharma ke baith jaati hai. ​

Ragini: Uske paas baithte hue. Meera kitne waqt hua hai. ​

Meera: Bhabhi abhi bas 2 hafta hi hua hai. ​

Ragini: Chalo achha hai. Tumlogo ne apne ghar mein bola yaa nhi. ​

Ritika: Bhabhi humne waha bol diya hai. ​

Ankit: Bhai Meera Ritika kya unlogo ko bhi yeh good news de de. ​

Meera: Haaa bhaiyaa main abhi jaake unko good news dungi.​

Aryan: Nhi Meera wohlog iske laayak nhi hai. Aur agar unko bolte hai toh woh apna dikhawe wala pyaar jatane aayenge. Kal subah Fufaji aur Dipali ko bol denge. Aur kisi ko nhi. ​

Meera: Jaisa tum kaho. ​

Aryan: Aur aaplog bhi kisi ko mat boliyega. ​

Teeno: Thik hai. ​

Phir wohlog thodi der baate karke apne apne kamre mein chale jaate hai. ​

Aryan: Chalo ab sojaate hai. Kal college bhi jaana hai. Waha Rishi ko bhi bolna hai. ​

Phir yaha yeh teeno so jaate hai. ​

Idher ek jagah ek aadmi apne ek aadmi ke saath baith ke meeting kar raha tha. ​

Aadmi: Iss Black Beast ne humara bahot nuksaan kardiya hai. Humare saare dhandhe barbaad kardiye. Humlog India ke sabse bade terrorist group hai aur hum uss ek akele insaan ka koi nhi kar paa rahe hai. ​

Dusra Aadmi: Boss hum puri koshish kar rahe hai. But humhe pata nhi woh kaun hai kaisa dikhta hai aur usse humare dhandho ke baare mein kaise pata chalta hai. ​

Boss: Tujhe maine iss sehar ka MLA banaya. Itni power di. Par tujhse kuch naa hua. Ab agar tere se ek galti hui tujhe wahi maar dunga. ​

MLA: Darte hue. Nhi boss ab koi galti nhi hogi. Please mujhe maaf karde. ​

Boss: Chal nikal yaha se. ​

MLA jaldi se waha se bhagg jaata hai. ​

Boss: Black Beast ekbaar pata chal jaaye tu kaun hai. Phir tere pure khandaan ka safaya kardungaa. ​

Agli Subah Aryan Meera aur Ritika ready hoke nichhe aate hai toh Ragini Meera ko jabardasti dinning table pe baithake extra nashta karwati hai. ​

Ragini: Aajse agar tumne koi bhi kaam kiya toh mujhse bura koi naa hogaa. Tum sirf aaram karogi. Ritika Soniya main tumdono ko yeh jimedaari deti hu yeh koi kaam na kare sirf aaram kare. Aur Aryan agar tumne iss maamle koi bhi baat ki toh mujhe bura koi nhi hoga. ​

Ritika aur Soniya: Yess boss. ​

Aryan: Ab main kya kahu. ​

Meera: Par bhabhi abhi innsab ki kya jarurat hai. ​

Ragini: Tum chup raho. Mujhe pata hai kiski jarurat hai aur kiski nhi. ​

Ritika: Haste hue. Haa bhabhi sahi kaha. ​

Meera: Chottiiii. Tera time aane de phir bataungi. ​

Ritika: Jab aayega tab dekhenge. Filhal aap yeh special treat enjoy kijiye. ​

Meera Aryab ki taraf dekhti hai toh woh bhi kuch naa kar saka. ​

Tabhi waha Rashmi Neha aur Supriya aate hai. ​

Rashmi: Ragini kya hua Meera ko aise kyo gherr ke rakhe ho. ​

Ragini Aryan ki taraf dekhti hai toh woh naa mein ishara kar deta hai. Jisse woh teeno dekh lete hai. ​

Ragini: Kuch nhi mummyji bas aise hi. ​

Supriya Aryan ke paas jaati hai aur bolti hai. ​

Supriya: Aryan please mujhe maaf kardo. Maine tumhare saath bahot galat kiya. Tumhe bahot bura bhala kaha. Tumhari biwiyon ko bahot kuch kaha yaha tak ki tumhara bachhe ke baare mein bhi bahot kuch kaha. Please mujhe maaf kardo. Mujhe bahot badi galti hogyi aur mujhe meri galti ka aihsaas bhi hogya hai. ​

Aryan: Bhabhi agar hogya ho toh hum college jaaye. ​

Ragini: Haa thik hai par iska achhe se khayal rakhnaa.​

Phir Aryan Meera aur Ritika ke saath college nikal jaata hai Supriya ko puri tarah ignore karke. ​

College mein aake woh Rishi ko bhi bachhe ki news dete hai jisse woh bhi bahot khush hojaata hai.​

Nice updates bro

 

[Asif khan]

Update 6​

Agle subah jaldi uth ke woh ready hota hai woh college ke first day late nhi hona chahta tha. Phir woh nashta karne aata hai. Toh waha Sanjay aur Sanjana ke saath nashta karta hai. Tab Sanjana usse bolti hai tumhare liye ek surprise hai jaldi nashta karo. ​

Aryan: Kuch bolta nhi. Bas chup chap jaldi jaldi nashta kar leta hai. ​

Uske baad Sanjay aur Sanjana usse ghar ke garage mein le jaate hai waha usse 1 bike aur 1 car dikhti hai jo bilkul latest model thi. ​

Sanjana: Kaisa laga surprise. ​

Aryan: Surprise toh bahot achha hai. But iski kya jarurat thi bike toh already hai mere pass. ​

Sanjay: Aree toh kya hua. Humne tumhe apna beta maana hai toh kya humlog tumhare liye itna nhi kar sakte. Ab tum hi toh humare liye sabkuch. ​

Aryan yeh sunn thoda emotinal hojaata hai. Woh undono ko kaske gale laga leta hai. ​

Woh dono bhi thode emotional hojaate hai. Kuch der baad woh normal hote hai. ​

Phir Sanjay usse ek smart watch deta hai aur kehta hai. ​

Sanjay: maine iss car aur bike ko fully modify kardiya hai. Aur tum inko iss watch se access kar sakte ho aur yeh mobile bhi humhe pata hai tumhare pass nhi hai yeh mobile aur watch humesha connect rahega maine isse bhi modify kiya hai. Tum mobile se bhi isse access kar sakte ho. ​

Aryan: Thank You so much. But yeh sab karne ki kya jarurat thi. ​

Sanjay: Are bilkul jarurat thi pahli baat tum Dr. Sanjay aur Dr. Sanjana ke bete ho aur dusri baat tum koi normal insaan nhi ho. Aur special logo ke liye special chize. ​

Aryan: Ek baar phir unko gale laga leta hai. ​

Phir woh car mein baith jaata hai. Jaise hi woh car mein baith taa car se awaaz aati hai WELCOME ARYAN SIR. ​

Aryan yeh awaaz sunke shock hota hai toh Sanjay usse bolta hai shock mat ho yeh car se aayi hai. Tum isse voice command de sakte ho aur yeh sirf tumhare orders hi manegi. Same yehi chiz bike mein bhi hai. ​

Aryan ko aaj bahot khushi horahi hoti hai. ​

Jab woh car start karta hai tab Sanjay usse bolta hai agar college mein koi bhi problem ho toh sidha trustee ke paas jaana woh mere bhai jaisa hai tumko waha pe koi problem nhi hone dega. Waise maine usko inform kardiya hai. ​

Aryan: Thik hai main dekh lungaa. Thank You once again.​

Yeh bolke woh college ki taraf nikal jaata hai. ​

Ghar se uske college ka distance 45 mins ke duri pe tha. Abhi time tha isiliye woh aaram se chala rha tha. Phir bhi woh 40 mins mein college aajaata hai aur waha se parking mein jaake car ko park karta hai. ​

Jab Aryan car leke college mein aata hai tab sab uski Car ko hi dekh rahe hote hai kyoki woh ekdum latest model ki thi shayad kuch din pahle hi launch hui thii. ​

Phir jab Aryan car se bahar nikalta hai tab sab car chor usko dekh rahe hote hai. College mein sabhi ladkiyon ki nazar sirf Aryan pe thi sab usko ghure jaa rahi thii. Kyoki Aryan lag bhi ekdum kisi Hollywood hero ki tarah thaa. Blue Denim jeans,white t-shirt, white jacket with blue bag. ​

Aryan time dekhta hai toh abhi class start hone mein 30 mins time thaa isiliye woh Canteen mein chala jaata hai. Waha bhi sab usse ghure jaa rahe thee. Aryan yeh notice karta hai toh woh sochta hai sab usse aise ghur kyo rahe hai kya chehre pe kuch laga hai isiliye woh apne mobile ka front camera on karke dekhta hai toh sab thik thaa. Phir Aryan ignore kar aage badhta hai aur jaake ek table pe baith jaata hai. ​

Wahi college mein ek ladkiyon ka group aapas mein baat kar rahi thi. ( Inka jyaada kaam nhi hai sivaay 1 ko chor ke isiliye unka naam nhi deraha hu)​

G1: Yaar yeh banda kaun hai. Pure college mein iske jaisa koi nhi hoga. ​

G2: College. Mujhe toh lagta hai pure mumbai mein iske jaisa koi bhi hoga. ​

G3: Sahi keh rahi hai yaar kitna hot,dashing aur handsome hai.​

G4: Chehra dekh kitna masoom hai aue body dekh kitni khatarnaak hai. Kyo Neha sahi bol rahi hu naa. ​

G1( Neha): Haa yaar ekdum correct. Isko toh main apna bana ke rahungi chahe kuch bhi hojaaye. ​

G3: Tujhe lagta hai. Tu isse pata legi.​

Neha: Neha Kapoor naam hai mera. Jaha pura college mere pichhe pagal hai. Meri ek smile ka diwana hai. Uss Neha se tu yeh puch rahi hai. ​

Ab toh main isse agar apne pichhe paltu kutte ki tarah naa ghumaya toh mera naam bhi Neha Kapoor nhi. ​

Neha Kapoor- Maa Baap ki ek lauti beti. Maa janam dete hi guzar gayi. Sauteli maa aur baap ke pyaar ne itna bigaad diya hai ke yeh apne aage kisi ko kuch nhi samajti. Sabhi ko apne pairr ki dhul samajti hai. Duniya ka aisa koi nasha nhi hai jo isne aur iske bhai ne nhi kiya hai yeh dono har bura aur ghatiya kaam saath karte hai bole toh crime in partners. Par inke parents ko inki khabar nhi hai woh inko bahot sareef samajte hai. ​

Rahul Kapoor- ( Neha's StepBrother) Yeh Neha ko apni sauteli nhi sagi behen maante hai. Aise toh yeh 1 saal chote bade hai par ek dusre ko naam se hi bulate hai. Yeh Neha ke liye kuch bhi kar sakta hai. Dono bhai behen ne milke pure college mein naajaane kitni ladkiyon ki zindagi barbaad kar ki hai. Kuch ne toh suicide karliya badnaami ke darr se aur kuch ne sehar chorr diya. ​

Neha apne group ke paas se Aryan ki table pe aati hai aur usse baat karne lagti hai. ​

Neha: Hi! Kya mein yaha baith sakti hu. ​

Aryan: Haa sure baithiye naa. Yeh bolke Aryan phir apne mobile mein lag jaata hai. ​

Neha ko yeh apni beizaati lagti hai. Usse lagta hai college ki sabse sundar ladki iske saamne baithi hai aur yeh apna attitude dikha hai. Usse gussa toh bahot aata hai but woh shant hoti hai​

Neha: Kya tum fresher ho. Pahle kabhi dekha nhi iss college mein. ​

Aryan: Ji haa. Aaj hi mera first day hai. Lagta hai aap Pahle se hi hai iss college mein. ​

Neha: Haa mein 3rd year mein hu. Btw tumne abhi tak apna naam nhi bataya. ​

Aryan: Aapne pucha hi nhi. Waise mera naam Aryan Malhotra hai.​

Neha: Oh nice name. Waise mera naam Neha hai. Neha Kapoor. ​

Aryan jaise hi yeh naam sunta hai uske aankho mein gussa utar aata hai uski aankhe gusse se laal hone lagti hai. Usse uske saath hue ghatnaye yaad aane lagti hai. Woh gusse mein mutthi bhinch leta hai. ​

Phir usse dhyaan aata hai woh college mein hai. Toh usne jaldi hi apni aankhe band kar apne gusse ko shant karta hai hai. ​

Uske baad woh Neha ko dekhta hai jo apne aap mein hi thii. Aryan ko gussa toh ab bhi aaraha thaa isiliye woh class ka time horaha hai bolke waha se nikal jaata hai. ​

Neha ko yeh bahot hi shocking lagta hai. Usse yeh dobara apni beizaati lagti hai. ​

Woh gusse se puri laal hojaati hai. Woh soch leti hai isse toh apna paltu kutta bana ke humesha apne pairo ke nichhe rakhegi. ​

Isiliye woh waha se uth Rahul ko call karke waha bulati hai phir usse saari baat batati hai. Ab Rahul bhi thehra ulti khopdi ka isiliye woh bhi Neha ka saath dene ki soch leta hai. Aur bolta hai recess mein uski aisi ragging lenge ke woj tumhare pairo meim girr kar maffi mangega. ​

Aryan waha se uth kar washroom chala jaata hai usko gussa toh abhi bhi bahot aaraha tha aur uski mutthi abhi bhi bani hui thii isiliyr usne gusse mein washroom ke deewar pe ek punch mar diya. Jisse deewar mein waha pe crack aajata hai. Par uske haath ko kuch nhi hota. Ab sab yeh formula ka hi kaam tha. ​

Kuch der woh wahi reh ke apna gussa thanda kar apni class ke taraf chal deta hai. Jab woh class mein enter karta hai toh puri class full thi bas middle mein aur last mein 1 bench khali tha. Jab woh class mein aata hai toh waha ki saari ladkiyan usko hi tadd rahi thii. Yaha tak ki ladke bhi tadd rahe the par jalan mein. Aryan jaake middle bench pe baith jaata hai jaha pahle se hi ek ladka baitha hua thaa. Aryan waha jaake chup chaap baith jaata aur phir se mobile use karna lagta hai. ​

Ladka: Hi! Mera naam Yash hai Yash Verma. ​

Aryan: Hi. Mera naam Aryan hai Aryan Malhotra. ​

Yash: Tum kaunse School se ho. ​

Aryan: Main Delhi ke St. Xaviers hu. ​

Yash: Oo toh tum Delhi ke rehne wale ho. Phir yaha kyo. ​

Aryan: Haa bachpan se hi Delhi explore kiya hai toh socha ab Mumbai ko explore kiya jaaye. Aur Hasne lagta hai. ​

Yash: Haste hue. Nice Answer man. So friends. ​

Aryan: friends. ​

Aise hi yeh log baate kar rahe the ke professor class mein enter karte hai. ​

Professor: Good Morning students. Mera naam Kunal Sinha hai main aap logo ka Accounts ka Teacher hu. Toh yeh thaa mera intro. Ab aap ek ek karke apna intro denge. Aaj koi padhai nhi hogi only intro hogaa. Waise aaplogo ko ek baat bata du. Mujhe class mein ekdum proper disipline chahiye kyoki aapsab jaante hai accounts easy subject nhi hai. So agar aap proper concentration se classes attend nhi karenge toh aapka hi loss hogaa. Aur haa class ke andar hi main aaplogo ka teacher hu. Class ke bahar main as a friend hi hu. So don't be panic. And lets start with the first bench right corner. ​

Aise sab ek ek karke intro dene lagte hai. Jab Aryan ka time aata hai tab sab ladkiyan uske baare mein janne ke liye badi hi utsukta se uski orr dekh rahi hoti hai. ​

Aryan: Mera naam Aryan Malhotra hai. Main Delhi se hu. 12th mein mera score 96% tha. Mujhe Cricket,football ka bahot shock hai. Bachpan se hi maine Delhi ko explore kiya hai aur ab Mumbai ko explore karna hai isiliye main Mumbai mein aaya hu. Thats all for me. ​

Kunal Sir: Thank You Aryan. Tumhare marks bahot achhe hai. Aur main yeh chahunga ke tum yaha isse bhi achha perform karo.​

Aryan: Yes Sir. I will try my best. ​

Kunal Sir: Waise body bahot mast banayi hai. Hosake toh humhe kuch tips jarur dena. Yeh bol woh hasne lagte hai. Unke saath class ke kuch students bhi. ​

Aryan: Sir yeh toh aise hi ban gayi. ​

Kunal Sir: Chalo achha hai.​

Phir Aryan baith jaata hai. ​

Uske baad Yash apna Intro deta hai. Phir ek ek kar ke sab apna apna intro dete hai. Aur aise hi yeh class khatam hojaati hai. ​

Next Class off thaa toh saare Students bahar chale jaate hai. Aryan bhi Yash ke saath canteen ki taraf chala jaata hai. ​

Jab yeh log canteen pahochte hai toh waha seniors freshers ki ragging le rahe thee. Jab Aryan waha aata hai tab Rahul aur Neha apne group ke saath waha kisi ladki ki ragging le rahe thee aur woh ladki dari hui thi aur shayad ro bhi rahi thi. Aryan jab yeh dekhta hai tab waha khade ek student se puchta hai kya hua hai yeh ladki ro kyo rahi hai. Tab woh ladka bolta hai yeh seniors uss ladki ki ragging le rahe hai aur usko uss ladke(Rahul) ko lip to lip kiss karne ko bol rahe hai. Aur woh ladki mana kar rahi hai toh usko dhamka bhi rahe hai isiliye woh dari hui hai aur ro rahi hai. ​

Jab Aryan uss ladke se puch raha hota hai tab Neha ki nazar uspe padh jaati hai aur woh Rahul ko ishaara karke dikhati hai aur bolti hai yehi hai woh ladka. ​

Rahul jab yeh dekhta hai toh usko waha bulata hai jaha pe woh ladki khadi thi. Aryan waha jaake khada hojata hai. ​

Rahul: Chal apna intro de. ​

Aryan: Kyo tum kya koi Professor ho jo tumko apna intro du. Agar mera intro janna hai toh jab sir class mein ho tab waha aake jaan lena. ​

Rahul: Tujhe kisi ne sikhaya nhi seniors se kaise baat karte hai. Chal Sorry bol. ​

Aryan: Sorry my foot. ​

Rahul ko bahot gussa aata hai. Aur woh apna gussa nikalne ke liye uss ladki ko jo itni der se chup khadi thi usko bolta hai tujhe kitni der pahle bola tha kiss karne hai lekin tune abhi tak nhi kiya isiliye ab tu sirf mujhe hi nhi mere saath khade saare ladko ko kiss karegi. ​

Phir Aryan se bolta hai aur tu yaha aake meri behen aur uske dosto ke jhoote ko apne jacket se saaf kar. ​

Ladki yeh sunke apna rona start kar deti hai.​

Aryan ko gussa toh bahot aaraha hota hai par woh chup thaa kyoki usne promise kiya tha jab tak jaruri naa tab tak kuch naa karnaa. ​

Dono ko kuch naa karte dekh Rahul aur bhadak jaata hai isiliye woh apni jagah se uth kar ladki ki taraf aata hai aur ladki kaa haath pakad ke usko apne saath le jaane lagta hai. ​

Par Aryan ne us ladki ka haath pakad liya ab yeh jaruri tha kyoki ab kisi ladki ke izaat ka sawal thaa. ​

Rahul yeh dekh Aryan ko bolta hai ladki ka haath chorde. Par Aryan chup chap waise hi khada raha. Ab Rahul ka gussa hadd se jyaada barr gaya tha isiliye usne ladki kaa haath chor Aryan ka coller pakad leta hai. ​

Aryan: Coller chorr. ​

Rahul: Nhi chorta. Saala fresher hoke senior se badtameezi aur panga. Bahot hero banne ka shock hai naa aaj saare shock khatam hojayenge tere. ​

Neha yaha aana aur jo karna hai kar. Main bhi dekhta hu yeh kya karta hai. ​

Arya yeh naam sunke puri tarah bhadak jaata hai isiliye usne ghuma ke ek thapad diya Rahul ko( puri taqat se nhi warna woh wahi mar jaata )​

Rahul sang sang uske pairo ke paas soya hua thaa. Yeh dekh uske saath ke saare ladke dang reh jaate hai. Aur woh bhi Aryan ko marne ke liye aate hai toh kuch der mein woh bhi zameen chaat rahe hote hai. ​

Tab tak Rahul khada hochuka hota hai. Woh Aryan ke muh pe ek punch marta hai toh uski nazar Neha ki taraf hojaati hai jisse uski aankhe gusse se laal hojaati hai aur woh thoda jorr se ek thapad Rahul laga deta hai jisse woh wahi girr se behosh hojaata hai. ​

Uske baad Aryan bolta isko leke hospital chale jao zinda hai bas behosh hua hai. ​

Uske baad woh waha se canteen mein ek table pe baith ke apne liye coffee order karta hai. Yash uske paas aake waha baith ke kehta hai​

Yash: Waah bhai kya maara hai tune. Pura Akshay Kumar ka yaad dila diyaa. ​

Aryan: coffee piyegaa. ​

Yash: Tu pilayega toh jarur piyungaa. ​

Aryan: Uske liye bhi coffee order karta hai. Aur dono baate karne lagte hai. ​

Tabhi woh ladki jiski ragging horahi thi woh waha pe aajati hai aur Aryan ko Thanks kehne lagti hai. ​

Ladki: Thank You so much. Aaj tumhari wajah se main bach gayi warna main kisi ko muh dikhane ke layak nhi rehti. ​

Aryan: Aree isme Thanks kaisa yeh toh mera farz thaa. Waise mera naam Aryan Malhotra. Aur yeh Mera Dost Yash Verma. ​

Yash: Hi. ​

Ladki: Mera naam Meera hai.​

Aryan: Meera ke saath. ​

Meera: Yeh sunke thoda sad face se main anath hu bachpan se hi anath aashram mein rahi hu. ​

Aryan: Ohh. I am sorry. ​

Meera: Aree tum kyo sorry bol rahe ho. ​

Yash: Aree tum khadi kyo ho baitho naa. ​

Meera wahi pe chair leke baith jaati hai. ​

Yash: Waise tum kaunse branch se ho. ​

Meera: Main business hu. Aur tumlog. ​

Yash: Humlog bhi wahi se hai. Waise aaj tumhe class meim dekha nhi intro dete waqat. ​

Ghazab damdaar shandar lajawab update

Butt tohra action sacne detail Mai dete to badhiya tha kher