Hayaan
●Naam to Suna Hi Hoga●
- 6,280
- 13,925
- 144
Bhai Mujhe to lagta hai...Update 6
Iske bad priyanshi ke chahre per muskurahat aa gayi or me gadi se utar ker anath aasram ke ander aa gaya or priyanshi vaha se chali gayi … is tarah se hum dono ke bich dosti ki suruvat hui ….
Isi tarah se hamari dosti dhire dhire bahut gahri hone lagi …. College me ab hum sath baithne lage ... canteen ho …. Garden ho ….ya college ki koi bhi jagah ho me or priyanshi hamesha sath rahte …. College me hame dekhker baki students bhi bate kerte ki like haamre bich me kuch chal raha hai ….per hum dono ke bich sirf dosti ke alava kuch nahi tha .. ha me use pyar kerta tha … per vo mujhe pyar kerti thi ya nahi ye mujhe nahi pata tha ..
Per hum dono ki dosti se bahut log khush bhi nahi the ager me priyanshi ke friends ki bat karu to unme se mujhe koi pasand nahi kerta tha na hi koi mujhse bat kerta tha bas priyanshi hi thi pure college me jo ki mujhse bat kerti thi …. Uske bahut se friends usme bhi bahut koshish kerte the use mujhse door rakhne ki or iska karan me aache se janta tha ..
Per uske friends ko lagta tha ki me uske paiso ka fayda utha raha hu ..vo log sochte the priyanshi se dosti mene uske paiso ko dekhker kari hai … or me uske paiso se hi aish kerna chahta hu …. Or uski best friend Sonali ka bhi ye hi man na tha use me bilkul pasand nahi tha or vo hamesha priyanshi ko mujhse alag rakhne ki koshish kari ….
Isi tarah se college ka wakt bahut jaldi se bita …. Mujhe pata hi nahi chala ki kab hamare college ke tin saal pure hone ka wakt pass aa gaya ..abhi college khatam hone sirf 1 mahina bacha tha or pichle dono salo me mene college top kiya tha jis karan me college me meri dosti kayi or logo se ho chuki thi per kuch nahi badla tha to ye nahi badla tha ki priyanshi abhi bhi meri utni hi aachi dost thi or uske friends ki lakh koshisho ke bad bhi vo mujhse alag nahi hui thi ….
Or ab shayad mujhe bhi lagne laga tha ki priyanshi mujhe pyar kerti hai … kyoki vo hamesha mere sath wakt bita ker bahut khush ho jaya kerti thi … us din bhi hum log college me garden me baithe hue the or apne pichele bite tin salo ko yad ker rahe the … us din mene socha ki aj me priyanshi ko bol deta hu ki me us se kitna pyar kerta hu …. Mene bahut koshish kari per us din himmat ne mera sath nahi diya …. Ab kuch dino ke bad exams the jis karan se mera or priyanshi ka milna nahi hone vala tha or kal college me hi job placement ke liye kayi companies aane vali thi …..
Priyanshi ko to koi interview nahi dena tha per mere liye ye din bahut important tha or me iske liye bahut ghabra raha tha …. Per jab mene interview diya … to vo log mujhse bahut impress hue or sath hi college topper hone ke karan mujhe bahut aachi job mil gayi ..
Me us din bahut khush tha mene anath aasram jaker aakansha ko jab ye khaber sunayi to vo bhi bahut khush ho gayi …. Abhi vo bhi 10th class me thi or me use aage bahut aacha padhna chahta tha….jis tarah se me padh chuka tha usi tarah se uska career bhi bana na chahta tha or uske liye mujhe jo paiso ki jaruvat thi uske liye ab mujhe kisi ke aage hath failane ki jaruvat bhi nahi thi ….. Isi tarah se jab mene priyanshi ko bataya to vo bhi bahut khush ho gayi thi iske bad hamne milker party keri or me itna khush tha isliye mene ye party apni saving ke kuch paiso se di thi …. Mujhe job college khatam hote hi join kerna tha …
Isi tarah se me roj rat ko sochta ki kal me priyanshi ko apne dil ki bat bataker rakhunga per me pata nahi kyo nahi kah pata tha …. Isi tarah se hamare exams khatam ho chuke the .. kuch din ki chutiya mili jisme priyanshi roj mujhse milne aati thi or dono milker kuch wakt sath bitate the ….
Isi tarah se kal result lagne vala tha or parso se mujhe job join kerna tha …. Or job ke liye mujhe dusre shahar jana tha per kaha per jana tha ye mujhe kal rat ko bataya jane vala tha .. me bas ye bhi prathana ker raha tha me jaha per bhi jau priyanshi mujhse door nahi ho ..
In tin salo me jab bhi me us se bat kerta mujhe ek alag hi khusi milti thi …dil ko ajeeb sukoon milta tha or jab vo college nahi aati thi me bas uski ek jhalak pane ke liye bawla ho jata tha …..
Mujhe pata tha ki parso job ke liye mujhe ye shahar chodker dusre kisi bhi shahar jana pad sakta hai isliye mere pass priyanshi ko kahne ka last chance tha … me himmat vo meri abhi bhi nahi thi bolne ki per us din mujhe na jane kya hua mene paper or pen liya or shuru ho gaya likhna ….
Priyanshi …… pichle tin salo me ye nam meri jindgi me is kader aa gaya ki ab is se door hone ka sochta hu to bhi meri rooh kap uthti hai .. pahli bar mene jab tumhe dekha tha us hotel me tab hi na jane kya tumne mujh per jadu ker diya tha or me de baitha tha apna dil tumko … or shayad ise me apni kismat kahu ya kuch or ki hamara college bhi ek hi tha …. Tumhe us din college me dekhker bahut khusi hui …. Mera dil us din jhoom utha tha … or jis din mene tumhe akela dekha tumhari gadi kharab thi me apne ap ko tumhare pass aane se rok nahi paya … priyanshi me pichle tin saal se tumhe kahna chahta tha per me kah nahi paya mujhe hamesha haamri dosti tootne ka dar rahta tha … per aj mujhe pata hai ki parso me ye shahar chodker chala jaunga or mere pass dusra mauka nahi hoga tumhe mere dil ki bat batane ka ….. priyanshi ager tumhe bura lage to me uske liye pahle se tumhe sorry kahta hu per ager tumhe bura lage to mere is letter ka koi jawab mat dena per ha mujhse kabhi dosti mat todna kyoki me tumhara jaisa dost kabhi bhi jindgi me doobara hasil nahi ker paunga …. Priyanshi …. I loveeee you …. I love you sooo much …. Me tumse bahut pyar kerta hu per mujhe nahi pata kit um mujhse pyar kerti ho ya nahi ager tum bhi mujhse pyar kerti ho to aj sham ko 6 baje *** park me aa jana or mujhe jawab de dena …. Or ager tum mujhse pyar nahi kerti ho to mujhe milne mat aana per ek bar or kahna chaunga mujhse dosti mat todna …. Bas is ye jyada kuch nahi kah sakta hu ….
Yash …
Me priyanshi ko jo kahana chahta tha use mene likh diya tha or mene soch liya tha ki kal college me use me ye letter de dunga …. Per me puri rat sahi tarah se so nahi paya mujhe bahut becheni ho rahi thi mujhe samajh nahi aa raha tha ki esa kyo ho raha hai …
Iske bad subah bhi ho gayi me sabse pahle uthker tayar hua or tayar hoker me mandir gaya jaha per mene bhagwan se aj do chije mangi … ek to me college me aache number se pass ho jau or dusra ki aj priyanshi mere pyar ko accept ker le ….
Mandir se aane ke bad mene mohan kaka se aashirvad liya or letter apni jeb me rakhker nikal pada college ke liye pichle 3 salo me mene hotel me naukri kerke bank ka loan chuka diya or apni saving ke paiso se ek moter cycle bhi kharid li thi …. To me usi per college ke liye nikal gaya ….
Sabse pahle mene college me jaker priyanshi ko doodha per vo mujhe kahi per nahi mili or uske bad mene jab result dekha to meri khusi ka koi thikana nahi raha kyoki mene is saal bhi college top kiya tha …. Me ye khusi sab se share kerna chahta or khasker ki priyanshi se me abhi college me use doodh hi raha tha ki principle sir ne mujhe bulaya …
Me unse milne chala gaya… principle sir mujhe bahut khush the or unhone meri bahut tariff kari or mujhe unhone bahut kuch samjhaya ki yash mujhe tumse bahut umeed hai or tum aage chalker bahut bade aadmi banoge …. Me bhi principle sir se milker bahut khush tha ..
Iske bad mene priyanshi ko doodhne ki kavayad fir jari rakhi per vo kahi per nahi mili … per meri najar uski best friend sonali per gayi … vaise me ek bat batana bhul gaya jab se mujhe vo job mili thi sonali mujhse thoda ghulne milne lagi thi iska karan mujhe pata nahi tha ki aisa kyo hai per vo mujhse nafrat kam kerne lagi thi ….
Me uske pass priyanshi ka pata kerne pahuch gaya or me jaise hi uske pass pahucha ….
Sonali :- Congrats mr.yash ….
Me :- Thank you sonali …. Me tumse puchna chahta tha ki mujhe aj priyanshi kahi per dikhayi nahi di kaha per hai vo …..
Sonali :- Priyanshi ko aj kuch kam tha jis vajah se vo nahi aayi hai yash … kuch kam tha tujhe us se ….
Mene socha ki me sonali ko bata du per mera man nahi man raha tha per fir bhi mene socha ki ab mere pass koi rasta nahi hai ager mene priyanshi ka mujhse milne aane tak ka intzaar kiya or vo mujhse milne nahi aayi to me use kabhi nahi bata paunga mere dil ka hal isliye mene socha me ye letter sonali ko de deta hu vo hi ise priyanshi ko de degi ….
Me :- Sonali kya tum mera ek kam ker dogi …..
Sonali :- Ha bolo yash …..
Me :- Sonali kyat um ye letter priyanshi tak pahucha dogi ….
Itna kahker mene letter sonali ko de diya …
Sonali :- Thik hai yash me ise pahucha dungi …. goodbye
Me :- Good bye sonali…..
Mene vo letter sonali ko de diya or ab mujhe bas is bat ka besabri se intzaar tha ki priyanshi jab vo letter padegi to kya hoga ….uska kya jawab hoga mere letter ka or me isi ke intzaar me aj anath aasram nahi gaya or me bas vaha se sidha usi park me chala gaya or vaha per besabri se intzaar kerne laga me priyanshi ka ……
Mujhe ek ek second eke k ghante ke barabar lag raha tha …. Kaise vo wakt bita me nahi bata sakta hu or isi tarah se sham ke 6 bhi baj gaye the …
Mene intzar kiya per priyanshi abhi bhi vaha per nahi aayi thi kuch der ke bad jab vo nahi aayi to me uthker jane laga mene soch liya tha ki shayad vo mere letter ka jawab nahi dena chahti thi ….
Me abhi gate tak pahucha hi tha ki ek gadi mere samne aaker ruki or us se sonali bahar nikli or usne bahar nikal ker ….
Sonali :- Mujhe tumse ye umeed nahi thi yash …. Ye priyanshi ne tumhare liye diya hai …
Or usne ek letter mujhe pakda diya or vaha se chali gayi ….
Mene jab vo letter kholker padha to mere hath pair ne mera sath dena chod diya …meri aakho se aasu nikal pade …. Or me ghutne ke bal baithker vaha per joro se rone laga …
To dosto priyanshi ne esa likha letter me agle update me pata chal jayega …
TBC
Sonali ne koi Game khel diya....
Priyanshi ko bin bataye hi....
waiting for next.....???
