- 23,612
- 80,681
- 259
Update 3
Ruhi todi muskurati hue....... Hammmm ! Matlab Rahul sir abhi single hai jinka dhyan ab tak GF ki ore nahi gaya................................. Strange dekhte hai kabtak. Khair aaj toppers ke darshan hue to main bhi dekh loon ki inke study room kaise hote hai aur padhne ka tarika......................... Aap apna study room nahi dikhayenge.
Maine....... Ji bilkul kyon nahin.
Maine Ruhi ko apna study room dikhaya janha main aur Mrinal combined study karte hai. Us room main mere kai sports aur academic
certificates the jise dekh kar wo ek-ek ke bare main poochti rahi aur main bare prem se sabke bare main batata raha. Abhi chand ghanto ki hi mulakat hur thi humari lekin mere dil aur dimag par Ruhi hi chhayi thi. Pahli bar mujhe apne hasil tamam uplabdhi par fakr sa mehsus ho raha tha. Kyonki aaj inhi sab ki wajas se hi sahi Ruhi mere sath thi aur mujh se baten kar rahi thi.
Rhuhi bilkul apne aschary bhare bhaw se mere sports ke sheilds ko utati hue..... "Rahul sir mujhe laga ki aap niche kewal mujhe impress karne ke liye ye bol rahe the ki aap ko study ke alawa bhi paryapt samay bach jata hai............................. Par aap ke sports ke achievements ko dekhte hue ek hi bat juban par aati hai..... "U are born brillient jise dimag virast me mili hai. Meri subhkamnayen aap ke sath hai aap yun hi safal
ho apne har kam me"
Main..... Thank you soooo much Ruhi ji.
Hum yun hi bat kar rahe the ki tabhi Alisha Di ki awaz aayi "chal betu kya kar raha hai uper". Gussa to bahut aaya Di par lkin "aaya didi" bol kar hum chal diye. Aur phir hum dono hall ki taraph chal diye. Hall main Alisha Di bhi taiyar hokar baithi thi. Abtak Mrinal aur Sonal bhi aa chuki thi.
Maine didi se poocha..... "Aap bhi chal rahi hai kya" ?
Didi ne haa main jawab di. Phir hum sab nikal pare shopping karne. Car main piche Alisha Di, Kiran, Sonal aur Ruhi baithi thi aage main aur Mrinal baithe the. Hum dono bhai bahan, main aur Mrinal, aapas main bahut khichae kiya karte the par the ek hi unit. Matlab hum larte hain us se kahin jayada aapas me pyar tha. Main aage baitha tha par mera man to pichli seat par hi tha. Maine chup ke se mirror Ruhi par adjust kiya aur chup ke chup use dekh raha tha. Isi dauran Mrinal ne chocklet nikali ek bite khud li aur chocklet mere muh ki taraph badha di. Mrinal ka is tarah mujhe chocklet dena wo bhi Ruhi ke samne mujhe toda asahaj laga. Maine uska hath jhatakte hue bahut rude hokar bola...... "Kya kar rahi hai shanti se rah na".
Maine thoda jor se bol diya wo bhi itne logon ke bich Mrinal ko bahut bura laga jo ki mujhe bhi ab feel ho raha tha. Main Mrinal ko naraj nahin karna chahta tha isliye main thoda dhime swar main bola................................................................... "chhoti chhoti" (Mrinal nick name)
Mrinal apne gusse se bahri reaction deti hue....... "Kya hai"
Ab main samjh gaya ki ye safar mera bahut bura katne wala hai, kyonki ab to wo pure hafte ka jo bhi maine uske sath galat kiya ho sabka badla legi.
Main.................. Chhoti khila na chocklet bhook lagi hai
Mrinal ruwasi awaz me....... Mujhe koi bat nahin karni tumse bhaiya...
Mrinal ka reaction dekh ab kyon mujhe Ruhi ka khyal aaye ab to bas dimag me ek hi bat thi jald se chhoti ko mana lo nahi to wo toofan macha degi. Abtak hum shopping mall pahunch chuke the main gari se utarte hi Alisha Di ke pas gya aur request kiya plz chhoti ko shant karo. Alisha saf sabdon main jawab dete hue...... "Kya pagal nazar aati hoon ki tum dono ke bich main parun. apni baat khud hi sambhal main koi help nahin kar sakti". Maine bola......................... "Didi please", lekin di ne bat ko sire se kharij karti hue chal di shopping karne . Phir hum sab mall ke andar aaye sabko alag-alag kharidari Karni thi isliye sab apne group main alag ho gaye.
Group kuch aisha tha sonal aur Mrinal ek sath maine Mrinal se kaha "main bhi tere sath chalta hoon" to usne saf mana kiya phir main chup ho gaya. Udhar kiran, Ruhi,aur Di ek sath shopping karne chali gayi.
Main udas man se khud main apne aap se........ "Chal beta jaldi se mana chhoti ko nahin to aaj tera kam lag jane hain waise bhi tu subah late lagaya use le jane main phir use chidhaya bhi tha ab chal jaldi". yahi soch kar main Mrinal ke piche piche gaya. Idhar Alisha Di ne sayad Kiran ko bola ho ki chal tujhe daily show dikhati hoon isliye un teeno ki nazar mujh par hi thi. Main Mrinal ke piche Chhoti-Chhoti sun to chhoti
Wo bina kisi jawab ke ek shop ke andar gayi main bhi sath-sath andar gaya aur piche wo teeno hasne lage kyonki ye ladies undergarment shop thi. Main ghuste hi dekha aur chup chap bahar khara ho gaya. Mrinal janti thi ki main bahar khada hoon to wo jan bhujh kar late lagayi karib 45 min intzar ke baad bahar aayi. Main piche-piche.......Chhoti sun to sun le, meri bat bhi na sunegi......
Tabhi Sonal piche mere pas aayi boli...... "Bhaiya restaurant main jao hum sab wanhi pahunch rahe hain".
Main restaurant main intzar karta raha karib ek gahnte bad sab wanhi pahunche. Main chinta main banki char hanste hue aur Mrinal muh phulaye. Sabhi ne khane ka order diya humlog round table par baithe the main, mere left Alisha uske left Kiran phir Ruhi phir Mrinal aur phir Sonal.
Maine chupke se sonal ko wanha se uthne ka ishara kiya wo uthi to main Mrinal ke bagal main baith gaya.
Mujhe apne bagal main baitha dekh Mrinal Sonal par jor se boli "Tujhe main yanha baith ne ko boli to tu wanha kya kar rahi hai".
Sonal ko thoda bura laga to maine ishare se sorry kaha aur baitne ko bola. Sonal yun to Mrinal ki best friend thi par thi humari pyari guriya. Sonal ki is sansar me uske maa ke alwa bus humra pariwar hi uski duniya thi. Main chhoti-chhoti bol kar uske kandhe par hanth rakha to usne mera hanth jhatak kar achanak se rone lagi. Sab ye dekh kar chauk gaye to Alisha Di ne sabko chup rahne ka ishara kiya.
Main bare hi prem se uske sar ko apne sine se lagate hue, pyar se puchkarte hue uske aanshu ponche. Wo abhi bhi ro rahi thi maine gale laga kar Mrinal ko chup karaya. Jab bhi gussa hoti use jabtak pyar se na manao manti hi nahi thi. Mujh se pyar bhi bahut karti thi, isliye kisi ki bat buri lage ki na lage, lekin main yadi jor se bol doon to bardast nahi kar pati thi. Ab tak hamara khana bhi aa chuka tha sab khane lage kewal Mrinal ko chhor kar.
Maine poocha...... choti ye kya hai. Kuch na boli Mrinal main samajh gaya. Maine kaha aa idahar aa aur main khilane laga apne hath se aur wo khane lagi. "Ahhhhh! Dil ko sukun Mila" Ki chalo mamla yanhi settle hua ki tabhi sonal bhi apna roya sa banawti muh lekar mujhe dekhne lagi. Main.............................................................................................................................. Haan pata hai chal la apna muh kohl, phir usko bhi, maine apne hanthon se khilaya.
Khane ke bad hum sab aapas me baaten kar rahe the ki tabhi Mrinal ne wo bola jo main kabhi soch bhi nahin sakta. Aur Mrinal to Mrinal hai ruthi rahe to mera stayanash aur khus rahe to bhi.
Marinal ki baten sun main to bilkul socked ho gaya.......
