Romance Pyar Wali Love Story ~ Written By Love1994

[Siraj Patel]

Index updated

 

[Venom]

Still

 

[Naina]

Had hai yaar ye ladka shiruaat matlab jab janm hua tha tab se shuru ho gaya ye scene to mast ban gayi hai lobb dear aur haan mujhe ye lines bhi heart touching lagi ..

Ye kehte huwe mai uske pair pakdne ke liye jhukne laga lekin usne mujhe kandho se pakad ke sida kiya shayad uska dil pighal gaya tha ya fir baki passengers ko pata naa chale is wajah se usne aisa kiya.

Sirf ek jhalak dekhne ke liye kisi ke pairon par bhi jhukne me parhej nahi wah re ishq

nice

 

[Naina]

Update posted

Brilliant update sir ji with awesome writing skill........ great going....

 

[Venom]

fir unhone "kutte, kamine se leke jo galiya shuru ki thi wo mere baap bhai ek karne ke baad hi roki"
Aur uske baad ek aur baar unhone apna hath saaf kiya aur wapas mud ke train me chali gayi..


Lol ye kya ho gaya Aakash ke sath . Gajjab ka prank tha ye . Ho na ho ishu vishu ki ye teesri sathi thi superb tufani gol thi wo . Mast update lobb

 

[Venom]

Waiting for update mr lobb

 

[Mak]

Dono Updates padh liye. Achhi shuruwaat lag rahi hai, thodi hasi thi-tholi ke bich bhi Akash ka sanjeeda character build up kiya hai.. Nicely written... Still it's just start, long way to go ahead. Very eager to see how you present that mystery girl.

Waiting for more updates.

 

[Love 1994]

Still

Review to dediya ab kya baki hai

 

[Dev the lover]

Update 2




Main: bataya to tha ki main unke yaha dost ki shadi mai Jaa raha hu..

Conductor(gusse se): beta tu jis dost ki shadi ki bat kar raha hai naa woh koi ladka nahi ek ladki hai..
Aur itna toh mujhe yakin hohi gaya hai ki tu waha shadi mai nahi kisi aur hi kam se Jaa raha hai..

Ab aage......


Usne jo kaha woh mere liye bilkul unexpected tha
Mujhe bilkul bhi nahi laga tha ki mera jhut itni aasani se pakda jayega..


Main to shocked hokar usko dekh hi raha tha ki ek mamuli conductor jo Keh raha hai ki woh jaha mujhe Jaana Hai waha se dusre gaav me rehta hai..
But fir bhi isko caudhary sahab ke ghar ke bare me sab pata hai..

But is bat ko jada naa soch kar Yeh sochne laga ki ab isko kya jawab du.

Main to usko dekh kar kuch soch raha tha par tab fir usne wese hi gusse me fir se mujhse puchne laga..

Conductorgusse se) oye aise naa dekh teri chori pakdi gai hai..
Aur chore Yeh bhi sunle ki jesa mujhe dikh raha hai agar wesa hi tu karne ki soch raha hai naa toh sach kehta hoon apni sanse pyari hogi to abhi wapas chala jaa.
Warna chaudhri teri khabar bhi nahi lagne dega tu kahse aaya tha aur kaha chala gaya.

Sach kehta hu utni lambi dhamki maine aaj tak nahi suni thi aur jese ik mamulisa conductor ye sab bol raha tha usse to meri jyada fat gai thi. Lekin abhi kuch to bolna hi tha naa..

Mai : are aap kya bol rahe ho mujhe bilkul samjh nahi araha.
Aur mai sach me shadi me jaa raha hu wo meri achhi dost hai. Isse jyada kuch nahi hai.

Ye maine khud ko bachate huwe kaha..


Conductor: dekh chore jhut naa bol. Khabar suni hai maine chaudhari ke beti ko mumbai se achanak lake shadi karwa rahe hai. rahi baat teri to sunle mai udte huwe parinde ko dekh kar pata laga leta hu ki usne khaya kitna hai aur haga kitna hai.
Tu to mamulisa chora hai teri harkato se hi pata chal chalta hai ki tu chahta kya hai.
Ab sach sach bolega ki fek du tujhe bus se bahar.

Uaki baat sunke mujhe yakin ho gaya tha ki ab mai jhut nahi bol salta..

Mai : dekhiye sir aap shayad mere bare me sach keh rahe ho lekin wo pura sach bilkul nahi hai.
Ha mana ki mai usse bahut pyar karta hu lekin maine ye baat sirf khud tak hi rakhi hai..
Mai waha kuch aisa wesa karne nahi balki ek akhri baar use jibhar ke dekh saku isliye jaa raha hu aur isse jyada kuch nahi..

Ye kehte huwe mera gala bhar aaya tha aur sath hi ankhose do bund ansu bhi tapak pade they
Jinhe mai apne hathose saf karne laga
Aur jab maine apne ansu saaf kiye to sar upar uthake Conductor ki taraf dekha to paya ki ab uske chehre ke bhav badal chuke they.
Jaha pehle wo gusse me lag raha tha abhi uske chehre pe hamdardi ke bhav they

Use dekh kar maine apne hath jodte huwe usse kaha
Mai : dekhiye sir please mai aap ke samne hath jodta hu aap mujhe chahe bus se bahar fek do ya chaudhari ko batado
Lekin bas ek baar mujhe use dekhne do bas ek baar fir chahe uske baad kuch bhi ho jaye..

Ye kehte huwe mai uske pair pakdne ke liye jhukne laga lekin usne mujhe kandho se pakad ke sida kiya shayad uska dil pighal gaya tha ya fir baki passengers ko pata naa chale is wajah se usne aisa kiya.

Conductor : ye kya karra chore pagal wagal to nahi ho gaya..

Mai : please sir bas ek baar...

Conductor : achha chal thik hai chup hoja mai naa karta kuch bhi.

Mai hath jodke : thank you sir

Isse aage wo kuch nahi bolta aur waha se uth ke apni sit pe jake pani botel lake mujhe deta hai.

Conductor : yele pani pi aur shant hoja sala bilkul bachho jese rota hai..

Uski baat ko naa sunte huwe mai wo pani botel leta hu aur usme se kuch ghunt pike apne aap ko shant karne lagta hu..

Jab wo dekhta hai ki mai bilkul shant ho gaya hu to wo aage bolta hai..
Conductor : kya sach me chore tu usse itna pyar karta hai ki use ek baar dekhne ke liye bina kuch soche yaha tak chala aaya

Mai : ji sir mai sach me usse bahut pyar karta hu.

Conductor : lekin fayda kya use to bol nahi paya tu.
Agar bolta to aaj use dekhne nahi balki use bhagane ke liye aaya hota..

Ye kehke wo muskura deta hai jahir si baat thi uska wo muskurana jhuta tha. Lekin kyu mujhe pata nahi.

Mai : ab kya kar sakte hai sir mujhe usse pyar huwa ye mai manta hu aur use keh naa saka ye meri galti thi.
Lekin ab bas use ek baar dekhlu to aage ki jindagi usi ke sahare nikal sakta hu.

Conductor : bada ajib chora hai tu haa ajib hi thik rahega kyu ki aaj ke jamane me bhi tu ek ladki ko bas ek baar dekhne ke liye ye sab kar raha hai
Agar koi aur hota to ab tak kisi aur ladki ke piche chala jata.

Mai : sir dikhave ke pyar me aur sachhe pyar me kafi fark hota hai.
Kyu ki jo dikhava karte hai wo use bhul ke dusro ke piche jate hai lekin sachhe pyar wale mere jese kuch bhi karne ko tayyar ho sakte hai.
Aur aap ye baat tabhi samjhenge jab aap ne kisi se sachha pyar kiya ho.

Meri is baat ka uspe kya asar huwa pata nahi lekin wo aage kuch naa bolte huwe chup chap betha raha.
Mai chahta tha ki wo mujhse kuch bole shayad mujhe achha lag raha tha apne dil ka haal batake
Lekin wo chup betha bas shunya (0) me dekh raha tha shayad kuch soch raha tha..

Thodi der baad ek chote se shahar ka stop aaya jaha bus ke rukne pe wo bina meri taraf dekhe niche utar gaya.
Sath hi kafi musafir bhi utre aur kuch log upar chadhe bhi
Kuch 10min baad wo wapas aaya aur bus driver ko chalne ka ishara diya.

Jab bus aage chal padi to usne jo abhi bus me chadhe they unke ticket nikale aur uska ye kaam ho gaya to wo wapas mere pass aake beth gaya.

Lekin wo ab mujhe ghur ke dekh raha tha jisse maine sahaj man se use pucha

Mai : kya huwa sir..?

Conductor : mujhe sab sunna hai aur mujhe tu sunayega mujhe wo sab kuch janna hai ki akhir kese tujhe usse pyar huwa kese tu uske pyar me itna dub gaya. Kese tu is faisle tak pahucha mujhe sab sunna hai.
Mujhe sunni hai teri PYAR WALI LOVE STORY...



Uski bate mere sar pe se gai mai samajh nahi paa raha tha ki akhir wo bol kya raha hai.

Mai : aap bol kya rahe ho sir kesi love story sunau aap ko mai kuch samjha nahi.

Conductor : chore mai teri aur uski love story ki baat kar raha hu mujhe wo sunni hai..

Mai : sir wo koi love story nahi thi wo to mera bas one sided love tha jo kabhi pura nahi huwa.

Conductor : dekh chore pyar kabhi one sided pyar nahi hota wo bas pyar hota hai. Aur mujhe tere pyar ki story sunni hai isliye ab chup karke batade ya feku tujhe bahar.

Ye last line usne gussa dikhate huwe kahi thi
Lekin har baar ye bahar fekne ki dhamki hi kyu??

Mai : sir baat kuch jyada badi nahi hai bas ham sath padhte they aur mujhe usse pyar huwa lekin mai use keh nahi paya isse jyada kuch nahi hai.

Mere is tarha batane se Conductor ne ek baar apna matha pit liya.
Conductor : abe aise sunate hai kya..

Mai : fir kese sunau sir?.

Conductor : details me suna tu usse kese mila? tujhe usse kab aur kese pyar huwa? Mujhe ye sab suna wo bhi shuruwat se samjha?

Mai : usme to sir kafi time lagega fir.

Conductor : ha to hame konsa kahi bhajan gane jana hai raat bhar ka safar hai subhah se pehle to pahuchne wale nahi hai to tu aram se suna..


Uski baat pe maine bas haa mai gardan hilai..

Mai : sir ye baat tab ki hai jab mera janam bhi nahi huwa tha. Mere maa baap.......

Isse aage mai kuch bolta usse pehle wo bol pada

Conductor : abe gadhe
Tujhe shuruwat se matlb itne bhi shuruwat se nahi bola tha.
Tab se bata jab tu usse pehle din mila tha.

Mai : thik hai sir fir suniye......


....Flashback....

Baat kuch 7mahine purani hai jab mai apni padhai ke liye gaav se mumbai aaya tha
Wese to mere bapu chahte they ki mai wahi apni padhai puri karu lekin mai mumbai aana chahta tha. To unse thoda lad jhagad ke agaya tha.

Subhah ka waqt tha aur mai apni train se utar ke aage jaa raha tha ki itne me mujhe piche se kisi ladki me awaj di
Ladki : are Akash ruko to.

Uski awaj sunke maine piche dekha to piche 2bahut hi cute aur pyari ladkiya thi (haa wo baat alag hai ki wo 2no thodi moti si thi)

Conductor bich me - abe firse tu kuch aur hi bata raha hai.

Mai : are nahi sir aap thik se sun to lijiye mai sahi jaga se aap ko bata raha hu

Conductor : chal thik hai bata aage...

flashback continues...

Wo 2no chalti hui mere pass aayi wese ye dono behne thi jo mujhe train me mili thi to pehchan ho gai yu kaho achhi dosti ho gai thi. Unka naam ishu aur vishu tha

Mere pass aake ishu bolti hai - ye kya baat hui akash hamne itne dur safar sath me kiya achhe dost bane aur ab tum ho ki bina kuch bole chale jaa rahe ho.

Uska sath dete huwe vishu boli : sach kaha di ye bilkul galat hai Akash kamse kam bye to bol dete.

Unki baat sunke mujhse kuch bola nahi gaya.

Mai : sorry wo kya hai naa jaldi me mai bye kehna bhul gaya tha mujhe maaf kardo.

Vishu - sorry se kaam nahi chalega ham achhe dost bane hai aur is dosti ko aage kayam rakhne ke liye tumhe apna contact no. Dena hoga.

Uski baat pe ishu ne bhi hami bhari aur mai bhi khush ho gaya kyu ki jindagi me pehli baar mujhse kisi ladki ne number manga tha

Lekin meri khushi jyada der tak nahi tiki kyu ki usi waqt mere jindagi me aisa tufan aaya ki mai bata nahi sakta..

Huwa ye ki jab mai apna no. Unko batane hi wala tha ki usi waqt mere piche se ek awaj aayi

Awaj - ha ha dedo apna number aur fasalo inhe bhi apne jaal me jesa mujhe fasaya tha..

Jab maine palat ke dekha to waha ek ladki thi (mere khayal se use tufan kehna sahi hoga kyu aage pata chalega)
Wo kya aur kyu bol rahi thi mujhe kuch samjh nahi araha tha.
Aur jab mai aage kuch bolne ko huwa to...

Ladki : kuch mat bolo aur naa hi mai tumhara koi jawab is baar sunna chahti hu.
Kya bologe tum is baar yahi ki ye dono dost hai tumhari?
Har baar to yahi jawab deto ho
Aur kitna bewakoof banaoge mujhe aur sath me baki ladkiyo ko
Akhir kyu hamare pyar ke sath khilwad karte ho batao mujhe.

Itna keh ke wo ladki apna muh hatho se chupake rone lagti hai..
Mujhe uski is harkat se kuch samajh nahi araha tha ki akhir ye kya aur kyu kar rahi hai
Aur naa maine aaj se pehle use kahi dekha bhi tha.

Mai kafi confuse tha isliye maine ishu aur vishu ke taraf dekha shayad unhe kuch andaja ho yaha kya ho raha hai..

Lekin aisa samjhna bhi meri galti thi kyu ki jab maine unhe dekha to wo dono kafi gusse me mujhe ghur rahi thi

Aur jab maine unko aise gusse me dekh ke kuch bolne ko huwa usse pehle hi undono ne mere dono galon pe ek-ek chatt - chatt karke chipka dali

fir unhone "kutte, kamine se leke jo galiya shuru ki thi wo mere baap bhai ek karne ke baad hi roki"
Aur uske baad ek aur baar unhone apna hath saaf kiya aur wapas mud ke train me chali gayi..


Mai bas unhe jate huwe dekhne ke alawa kuch naa kar paya
waha khade log mere sath jo huwa dekh rahe they lekin mai to bas ye janna chahta tha ye mere sath kyu huwa aur uska jawab tha wo ladki

Lekin jab mai piche palta to waha koi nahi tha.
Ye dekh ke mai hairan ho gaya aur use thagasa yaha waha dekhne laga
Lekin wo kahi nahi dikhi

Naa jane kon thi wo ladki jo meri jindagi me kisi tufaan ki tarha aayi aur meri vaat laga ke chali gai




To be continued....

nice

 

[Naina]

Intezaar... uff