Naughtyrishabh
Well-Known Member
- 9,684
- 29,050
- 218
Behad hi shandar or jabardast update bhai.
Bahut khoob superb.
Kya behtareen update dete ho bhai aap.
Ekdam kamal kar dete ho.
Mahal ki ghatnao ka rochak varnan chahe senapati ho ya fir mrinal , chahe sabka shocked hona ho ya fir utsahit hona ho.
Lajawab kar diya aapne to.
Mzaaaa aa gya bhai waah.
Ab ye senapati ke sath kya chakkar h bhai ??
Or isiliye ,
Aage ka intjaar
Bahut khoob superb.
Kya behtareen update dete ho bhai aap.
Ekdam kamal kar dete ho.
Mahal ki ghatnao ka rochak varnan chahe senapati ho ya fir mrinal , chahe sabka shocked hona ho ya fir utsahit hona ho.
Lajawab kar diya aapne to.
Mzaaaa aa gya bhai waah.
Ab ye senapati ke sath kya chakkar h bhai ??
Or isiliye ,
Aage ka intjaar
SAAJAN
UPDATE- 277
Phir veer ne vidya ko aur maine nani ko utha kar andar rath me bithaya…baki sab bhi dusre ratho me baith gaye…mere sath divya aur payal didi baith gayi…
Thodi hi der me hum sab mahal me pahuch gaye lekin jaise hi rath se niche aaye vaise hi achanak…..
Ab aage……
Hum sab mahal me pahuch gaye…bada hi bhavya mahal tha, akarshak aur khubsurat jisne sabhi ka mann moh liya tha…sab ek ek kar ke rath se niche utar gayi..maine bhi niche utarne ka soch kar jaise hi jamin par pahla kadam rakha hi tha ki vaise hi koi mahal ke andar se bhagte rote aa kar mere pairo se lipat gaya.
Ye aur koi nahi balki maharani thi jo mere pairo se lipat kar ro rahi thi….maine apne pair piche khich liye aur unko aisa karne se mana kiya..unhe aise rote dekh kar sab shocked ho gaye the…unhe aaj jhatke par jhatke lag rahe the kintu ye to sirf shuruwat thi jhatka lagne ki…abhi aageto unko aise bahut jhatke lagne baki the….tab tak vaha maharaj aur rajguru ke sath sath senapati bhi aa chuke the.
Raj—Ye aap kya kar rahi hain maharani….? Maharaj, kripaya maharani ko uthaiye aur aap dono mera pranam swikar kijiye..
Maharani (rote huye)—kaha hai meri beti, saajan.... ? batao na saajan, meri putri kaha hai... ? aapne mujhe vachan diya tha saajan ki aap meri beti ko apne sath jivit le kar aaoge.... ? kaha hai vo.... ?
Maharaj—uthiye maharani..aapko iss tarah sab ke samne vilap karna shobha nahi deta hai...
Maharani (rote huye)—maharaj, main iss rajya ki maharani hone ke sath hi ek maa bhi hu...jiski putri ko iss khooni pratiyogita ne nigal liya hai....uss maa ke hriday ko kaise shant karu main... ?
Raj—maharani, main aap ka dukh samajhta hu...aur na hi main apna vachan bhula hu...mujhe sab kuch smaran hai...aap ko diye apne uss vachan ki khatir hi main yaha aaya hu phir se...aap mera vishwash kijiye shighraatishighra iss rajya ki rajkumari aapke sammukh hogi..
Rajguru—saajan ka kathan sarvatha uchit hai maharani...aap iss rajya ki maharani hain..iss drishti se apko ye nahi bhulna chahiye ki aap ki hi tarah rajya me kayi aise maa hain jinki god suni ho chuki hai...unki santane uss khooni pratiyogita ki bhent chadh chuki hain....aap ko apna dukh bhul kar pahle apni praja ke dukh ka khyal karna chahiye..
Rajguru aur maharaj ke samjhane par maharani khadi ho gayi lekin unke mann me dukh ka bhaav vaisa hi tha...maa aur baki sab hairani se ye dekh sun rahe the kewal kuch ko chhod kar jo mere sath yaha pahle hi aa chuke the.
Maharaj—apka sapariwar mahal me swagat hai saajan..kripya andar mahal me pravesh kare..
Raj—pranam rajguru
Rajguru—pranam to mujhe karna chahiye apko kintu main aap ko dharm sankat me nahi dalunga isliye sirf itna hi kah sakta hu ki sarvada vijayi bhav..
Senapati (kutil muskan)—mujhe to lagta hai ki ye vrihadpur pahuchne se pahle hi darr kar beech raste se hi vapis lout aaya… main to kahta hu maharaj ki iska swagat mujhe karne dijiye….iss jhuthe kokaragar me band kar ke iska dhang se swagat karunga….aur tujhse vo talwar bhi chheen lunga.
Payal (bhadak kar)—mera raj teri tarah namard nahi hai..samajh gaya….hum poora vrihadpur bhi ghum chuke hain aur uss qile ka tilism bhi tod chuke hain…
Senapati (chidte huye)—apni had me rah kar baat kar ladki…warna iske sath tujhe bhi kaal kothari me daal dunga…vaise bhi tujhse pichla hisab kitab chukta karna baki rah gaya tha…
Payal (chillate huye)—to aa na…aa ja…aaj tera hisab kitab kar hi deti hu….ye dekh raha hai…ye kulhadi special teri gardan kaatne ke liye hi sath me le kar aayi hu.saale hinjade..
Senapati (tilmila kar)—mujhe napunsak kahti hai….ab to tujhe apni mardangi dikha ke hi rahunga…..sainiko, giraftaar kar lo inn sab ko aur karagaar me band kar do…aur iss gustakh ladki ko mere bhavan me le chalo..aaj isko apne mard hone ka sabut de hi deta hu……aaaaaaaaaaaaaa…….aaaaaaaaaaa
Maharaj (jor se)—senapatiiiiiii….
Veer (gusse me)—tadaaaakkkkk…..kuch bolne se pahle soch to leta ki kis ke samne khada ho kar baat kar raha hai…
Payal (gusse me)—chataaakkkkk…..kya bola tune …saale harami
Maharaj—senapati..aap jaiye yaha se….
Sainiko ne senapati ko utha kar khada kiya jo ki veer se thappad se niche gir gaya tha...veer aur payal didi to usko maar hi dalte lekin maine unhe rok diya aisa karne se……khada hone ke baad vo gusse me bhanbhanate huye vaha se chala gaya.
Senapati (gusse se, mann me)—tum sab ko iss apmaan ki bahut badi kimat chukani padegi......
Maharaj—main saap sabhi se apne senapati ki asabhyata ke liye kshama mangta hu....aap sab mahal me pravesh kare..vahi chal kar baki baate hongi.
Raj—maa andar chalo mahal ke..
Hum sab maharaj, maharani aur rajguru ke sath mahal ke andar aa gaye….maharani ladies ko apne sath raniwas (antahpur) me le gayi kewal payal didi bhar nahi gayi shayad unko mujhse ek pal bhi door hona manzoor nahi tha….main maharaj ke sath mantrana kaksh me aa gaya….
Rajguru—maharaj, mera khyal hai ki saajan ko bhi iss samay vishram karne diya jaye, vo yatra ki thakaan se mukt ho jaye uske pashchat unse kuch vishayo par mantrana ki jaye to adhik uchit hoga..
Maharaj—jaisi apki aagya gurudev..
Uske baad hamare liye bhi ek alag alag kamra de diya gaya…hum vaha aa gaye…thodi der baad baki sab bhi vahi pahuch gaye maharani ke sath…sabhi ke mukh mandal par ab bhi hairani ke baadal chhaye huye the…halanki iss samay yaha din tha…phir bhi neend to aa hi rahi thi sab ko kyon ki dharti me raat ka samay tha ye…
Bhojan uparant sabhi ek bar phir se mere hi kaksh me aa gayi…aur mere upar apne apne sawalo ki jhadi hi laga di….maine unke sawalo ka ek ek kar ke jawab dena shuru kiya.
Mamta—ye sab kya hai beta….? Maine to kabhi socha bhi nahi tha ki dharti ke alawa kahi aur bhi jeevan sambhav hai…?
Raj—maa, ye brahmand bahut vishal hai….iske rahasyo ko abhi tak koi nahi samajh paya…na jane dharti jaise kitne grah hain iss brahmand me jinme jeevan hoga…bas ye samajh lo ki ye bhi unme se hi ek sthan hai..
Mrinal—haan, swarg me bhi log rahte hain…vaha bhi jeevan hai…
Veer—teri jaisi chudail ko swarg ke baare me kaise pata…? Sorry..sorry..main to bhul hi gaya tha ki marne ke baad to tu swarg jarur gayi hogi..hihihi
Mrinal (gussa dikhate huye)—ye chota balatkari….jyada hihihihi kiya na to jhaant (daant) tod dungi tere…
Veer—sabse pahle to tu mujhe ye bata ki tune ye sab chhipaya kyo hamse….?
Raj—har ghatna ka apna ek samay hota hai….jab samay ke nazdik vo ghatna aa jati hai to koi nahi chhupa sakta kuch bhi… samay chakra se har koi bandha hua hai..main bhi..
Veer—chal yahi bata de ki guru maa koun hain….? Main bhi unke darshan karna chahta hu...
Raj—guru maa koun hain…? Ye janne ka abhi samay nahi aaya hai..lekin jaldi hi ayega, tab tak intazar karo..
Roopaly—meri to kuch samajh me hi nahi aa raha hai..
Mrinal—samajh me to meri bhi kuch nahi aaya kintu ek baat to hai…yaha ka bhojan bahut swadist tha….maine to daba daba kar khaya….aur sath me dasiyo ko bol bhi diya hai ki 30-40 thali mere kamre me bhijwa dengi..abhi aur bhi khaungi main…
Payal (sir me hath rakh)—agar do teen din yaha ruke to ye mrinal ki bachchi poora rajya ka khana hi choupat kar degi…baki sab ke bhokhe marne ki naubat aa jayegi.
Veer—petu kahi ki..
Kajal—raj, ye vrihadpur koun si jagah hai…? Maharani bata rahi thi ki tu vaha ka raja ban gaya hai... ?
Neha—ye sach hai didi...(phir neha chachi ne pichli bar ki sari ghatna kah dali…minakshi ki baat chhod kar)..
Virendra—bada hi ajib rahasya hai ye...
Divya—hame vrihadpur kab jana hai... ?
Veer—aaj nahi, kal jayenge..
Raj (mushkura kar)—theek hai...kal chalte hain...
Chandni—vo sala, senapati kis talwar ki baat kar raha tha…? Talwar nahi hai kya uske paas, ya phir yaha ek hi talwar thi…? Jiske liye vo kutte jaise bhok raha tha…
Divya—vo koi mamuli talwar nahi hai…uss talwar me bahut si daivik shaktiya hai…vo saajan ki hi talwar thi…
Divya ki baat se ek baar se sab shocked ho gaye…aisi shaktiyo ke baare me unhone sirf kisse kahaniyo ya phir dharm grantho me hi suna tha….haqiqat me inka vishwash karna kafi mushkil tha.
Meera—aisi kya khas shakti hai uss talwar me….? Raj kaha hai vo talwar, dikhao na…
Raj—bua, aisi shaktiya logo ke manoranjan ke liye nahi hoti hain….jarurat padne par hi unka avahan kiya jata hai…waqt aane par sab pata chal jayega.
Ruchi—betu, tu apne baare me sab kab batayega….?
Raj—batane hi to laya hu aap sabhi ko yaha....khud hi dekh lena....ab mujhe neend aa rahi hai...
Uske baad sabhi apne apne kaksh me aram karne chale gaye...shaam ko jab neend khuli to main, veer,chacha aur mama ke sath mantrana kaksh me aa gaya..payal didi to parchhayi ki tarah mere sath rahti hi hain, vo mere bagal me hi baith gayi.
Raj—kahiye maharaj, kya kahna chahte the aap... ?
Maharaj—saajan, maine aur maharani ne ek sankalp kiya hai…
Raj—kaisa sankalp aur aap ke uss sankalp se mera kya sambandh hai.... ?
Rajguru—sambandh hai saajan, bahut gahra sambandh hai..
Raj—main kuch samjha nahi...kripa kar thoda vistar se kahe...
Rajguru—maharaj ne sankalp kiya hai ki vo apni putri rajkumari Janhavi ke mil jane ke uparant uska vivah aap se kar ke apko yaha ke raj singhasan ka bhar sounp diya jaye…
Raj (shocked)—kyaaaa….?
Maharaj—haan saajan, main apka rajyabhishek karna chahta hu aur apni putri janhavi ka vivah aapse kar ke uska kanyadan bhi karne ka maine sankalp liya hai..kripya mujhe anugrahit kare..
Payal (gusse me)—ek minute maharaj, shayad apko malum nahi ki inki pahle se hi paanch paanch patniya hain…ye shadi shuda hain pahle se hi…nahi..nahii..ye ek aur shadi nahi kar sakte..
Iss baat ne sab ko chounka diya….payal didi ka to mood hi kharab ho gaya tha…dusra payal didi ki baat ne chacha aur mama ko bhi gahre soch me daal diya..veer khud bhi shocked ho gaya tha….lekin inn sab ke alawa koi aur bhi tha jo chupke chupke yaha ki sari baate sun raha tha aur uski ankhe gusse se tamtama rahi thi….
Veer/ chacha/mama (mann me)—raj ne 5 shadiya kar li aur kisi ko aaj tak kuch pata hi nahi hai….?
Maharaj—saajan, hame koi rajkumar na hone ke karan senapati khud raja banne ke sapne dekh raha hai…uski niyat rajkumari par bahut pahle se hi kharab hai…usne sena ko apne vash me kar rakha hai..isliye majburan hame uski badatmiziya bardast karni padti hain….aapke raja ban jane se uski inn harkato par viram lag jayega…aadhe se jyada praja uske aatank se bhaybheet rahti hai….aap nishchint rahe..meri beti janhavi behad khubsurat hai aur bahadur bhi.
Raj—maharaj, main apke iss sankalp ke vishay me koi bhi nirnay nahi de sakta…aur sach kahu to ye faisla karne ka mujhe koi adhikar bhi nahi hai.
Uske baad hum vaha se uth kar apne kaksh me aa gaye….veer, mama aur chacha mujhse bar bar puchte rahe meri shadi ke vishay me lekin maine unhe kuch nahi bataya abhi balki samay ka intazar karne ko kaha.
Payal (gusste me, akele me)—tune mana kyo nahi kiya direct…? Dekh main kahe deti hu ki agar tune kisi aur ki taraf dekha bhi na to main uski ankhe phod dungi, samjha
Jabki udhar yaha se jane ke baad senapati apman ki aag me bhoukhalaya hua tha…usne apne kuch sainiko ko ekant me bula kar unhe kuch samjhaya aur phir apne bhavan me chala gaya.
Abhi vo apne bistar me ankh band kar ke leta hi tha ki tabhi use aisa laga ki koi uske palang ke niche ghusa hua hai….mann me ye shanka uttapann hote hi vah turant niche utar kar palang ke niche jhankne laga kintu vaha use koi dikhayi nahi diya.
Usne ise apne mann ka vaham samajh kar jaise hi khada hua to usko phir se mahsoos hua ki uske piche koi hai..vo turant piche palat gaya lekin vaha bhi koi nahi dikha.
Senapati (mann me)—mujhe baar baar kaksh me kisi ke hone ka vaham kyo ho raha hai….? Shayad gusse ki vajah se mujhe aisa mahsoos ho raha hoga…
Ye soch kar vo bistar me jaise hi baitha to baithte hi bistar se niche gir gaya…use aisa laga jaise ki kisi ne piche se usko laat maar kar giraya ho…vo turant apni nigah bistar ki taraf ghuma liya baith kar..lekin phir koi nahi dikha…..ab dhire dhire darr aur khauf ne uske dil aur dimag me apna ghar banana aarambh kar diya tha.
Tabhi kisi ne piche se uske kandhe par hath rakha....senapati ki to haalat hi kharab ho gayi...kisi tarah usne apko aap ko samjha kar piche ghum gaya…to ye kya…? Vaha bhi koi nahi dikha…..ab to senapati ke mann me darr poori tarah se haavi ho gaya…uska sharir pasine se lathpath ho gaya.
Senapati (apne aap se)—ye…ye…ye kaise ho sakta hai…..? abhi abhi kisi ne mere kandhe par hath rakha tha…maine saaf saaf mahsoos kiya tha….vaham ek bar hota hai…baar baar kisi ghatna ka hona vaham nahi ho sakta….jarur yaha koi hai….lekin vo gayab kaha ho jata hai itna jaldi….?
Usne darte huye apni nazar ko kamre ke charo taraf ghuma kar dekha magar kahi koi bhi nazar nahi aaya…uske hath pair darr aur khauf ke karan thar tharane lage the…uska dil kar raha tha ki vo jor jor se chilla kar bahar khade sainiko ko madad ke liye andar bula le kintu uski juban hi sath nahi de rahi thi..shabd gale se bahar nikal hi nahi pa rahe the..
Senapati (kampte huye, awaz gale ke andar hi)—kkkkkk….koun…haiiiiii…..?
Senapati abhi aage kuch aur soch ya kah pata ki usse pahle hi kisi ne usko pakad kar upar khich liya aur jaise hi uski nazar upar ko huyi to dekhte hi uski ruh kaamp uthi….
