SAAJAN
UPDATE—171
Payal didi ke aise jor se cheekhne se hum sabhi ghabra kar unki taraf palat gaye....didi ka poora chehra pasine se bheeg gaya tha.
Raj—didi ! kya hua... ? aap aise chillayi kyo….?
Neha—haa, payal bata kya hua…? Bata beta…?
Payal (ishara karte huye)—voooo…….vaha maine kisi ko dekha.
Raj—vaha…..kaha aur kya dekha aapne……?
Payal—uss jhadi ke pichhe kisi ko chhupte dekha maine abhi abhi.
Payal didi ne ek jhadi ki oor ungli se ishara karte huye kaha….main aage badhne laga ye dekhne ke liye vaha koun chhupa hai lekin didi ne mera hath pakad liya.
Payal—tu vaha mat ja….kya pata usne kahi tujh par hamla kar diya to….?
Raj—theek hai nahi jata.....ye patthar to dena jara mujhe.
Payal ne jamin se ek patthar utha kar diya jise maine jor se uss jhadi me phenk kar mara……tabhi jhadi me se ek bhayanak vishal khunkhar bhediya muh se jhaagdaar fen girata hua bahar nikal aaya.
Bahar nikalte hi bina koi sambhalne ka mouka diye mere upar jhapat pada…..ye dekh kar sabhi buri tarah ghabra gaye aur chillane lagi…..lekin jaise hi vo bhediya uchhal kar meri body par jhapta to mere sharir se takarate hi uchhal kar door ja gira.
Vo turant palat kar phir khada ho gaya aur mujhe dekh kar jor jor se gurrate huye apne bade bade nukile daant nikal kar ek bar phir se apne shikar par jhapatne ke liye taiyyar ho gaya.
Kintu iss baar main bhi poori tarah se satark ho chuka tha……iske pahle ki apna vaar bekar ho jane se gusse se pagal ho chuke uss khooni janwar ke bhayanak panje kisi ke badan ko lahoo luhan kar de, uske jhapatate hi maine ek ghoonsa uske jabde par kas ke mara…jiska natiza ye hua ki mere ghoonse ki maar se vo mujhse kayi feet door ja gira……uska poora muh ekdam laal, rakta ranjit ho gaya….khoon ki dhara phoot nikli uske jabde ke tootne se…vo kisi kate huye ped ki tarah jamin par let gaya…..
Payal didi apni kulhadi utha kar taiyyar ho gayi ki agar iss baar usne hamla kiya to uski gardan kulhadi se kaat dengi kintu vo bhediya ab iss haalat me nahi rah gaya tha ki phir se hamla kar sake.
Payal (body ko touch kar ke dekhte huye)—raj..tujhe kahi chot to nahi aayi…..?
Raj—nahi main theek hu…it’s ok.
Nani—par vah bhediya kaha gaya….?
Payal—udhar piche pada hai.....ab iss budhiya ko dikhna bhi band ho gaya lagta hai....ye kisi ke marne ki akhiri samay ki nishani hai.
Paridhi—lekin vaha to bhediya nahi hai.
Hum chounk kar udhar dekhne lage......uss bhediye ka kahi namo nishan tak nahi tha......jamin khali padi thi magar khoon ki ek patli lakeer vaha se hokar ek taraf ko kuch door tak chali gayi thi.
Payal—lagta hai vo kambakht kahi bhag gaya....magar bade tajjub ki baat hai ki abhi abhi to aise lahoo luhan pada tha jaise akhiri saanse le raha ho.....iss beech me nikal ke kaha chala gaya... ?
Raj—khair jayega kaha veh bhediya, ye khoon ki lakeer hame uska pata batayengi.
Paridhi—ajeeb jagah hai....pahle vo pagal sadhu aur ab ye bhediya.
Neha (choun kar)—arey ! vo sadhu bhi gayab ho gaya... ‼
Neha chachi ki baat sun kar hum chounk pade...dekha to sach me vaha par ab koi sadhu nahi tha.....mujhe ab kuch khatre ka abhas hone laga.
Payal—raj, ye pagla sadhu kaha gayab ho gaya.... ? abhi to yahi par tha.... ?
Raj—kahi chala gaya hoga....ramta jogi aur bahta pani...inka koi thikana nahi hota hai.
Nani—pakka vo bhoot ya pret hoga.
Payal—badhiya hai.....teri uske sath jodi achchi jamegi.
Neha—ab kya kare hum….? Kidhar jaye……? Yaha to koi surag nazar nahi aa raha hai.
Raj—surag hai na hamare paas.
Payal—kaha hai surag.... ?
Raj—iss khoon ki lakeer ka picha karna hi to surag hai.....yehi hame agle padav tak le jayega.
Payal—nahi, agar usne tujh par phir hamla kar diya to..... ? kahte hain ki ghayal janwar jyada khatarnak hota hai.
Raj—jo bhi ho...par hamare paas aage badhne ka yehi ek matra clue hai....aur piche loutane ka rasta band ho chuka hai.....ya to aage badho ya phir iss bhool bhulaiya me ghumte huye mar jao.
Neha—tumhe jaisa theek lage raj.
Raj—to aage badhne ko sab ready hain.... ?
Sab—ok
Sab ke haan me jawab dete hi hum uss khoon ki lakeer ka picha karte huye aage badhne lage….kafi samay tak hum uss lakeer ka picha karte rahe lekin tabhi hame ehsaas hua ki hum to kisi bhayanak jungle ke andar aa gaye hain.
Neha (shocked)—ye jungle kaha se aa gaya…..hum to ek hare bhare baag me the na, to ye jungle….?
Sabne piche mud kar dekha to ab vaha par koi baag nahi tha balki uski jagah par ek ghana bhayanak jungle tha charo taraf.
Payal—ye kaisa mayajaal hai….? Yaha to pal pal me sab kuch badal raha hai….pahle to uss andheri jagah se baag me pahuch gaye…phir vo sadhu dikha aur gayab ho gaya….vo bhediya aaya aur hamla karke gayab ho gaya…aur ab ye baag bhi gayab ho gaya aur hum ab jungle me pahuch gaye…..?
Raj—didi, shayad aap bhool rahi hain ki hum sab Tilism ke andar hain……..ye sab to hota hi rahega aisi jagah par jab tak ki ye tilism toot nahi jata.
Paridhi—ye bhediya ghayal hone ke baad bhi itni door kaise aa gaya….?
Raj—shayad vo kuch sanket dene hi aaya tha jo usne hame de diya aur uska kaam ho gaya….ab hame iss lakeer ki akhiri kinare tak pahuchna hoga, vahi se aage ka koi rasta mil sakta hai.
Neha—theek hai chalo.
Nani—jungle me aur bhi to janwar ho sakte hain…agar kahi sher samne aa gaya to….?
Payal—agar sher samne aa gaya to sabse pahle main tujhe aage dhakka de dungi…..vaise bhi tumhe to ab marna hi hai, chahe sher ke panjo se maro ya meri kulhadi se.
Raj—didi…pls unhe pareshan mat karo…aur aage chalo
Abhi hum uss khoon ka lakeer ka picha karte huye jungle me do chaar kadam hi aage gaye honge ki hamare kadam ashcharya se ek dam ruk gaye.
Ashcharya chakit hokar rukne ka karan tha ki Hamare kano me kahi se aati huyi bansuri ka swar sunayi pada tha jiski vajah se hamare kadam tham gaye.
Paridhi—iss ghanghor bhayanak jungle me bansuri koun baja raha hai……?
Raj—pata nahi
Hum sabhi achambhe ke sath idhar udhar dekhne lage…….bansuri ka madhur sangeet hum sabhi ko mantra mugdh karne laga….bansuri ka swar itna madhur tha ki mujh se raha nahi gaya….main usme sammohit sa ho gaya.
Tabhi iss baar bansuri ki madhur sangeet ke sath sath kisi ke sureele shabdo ne jaise shahad ki doobi huyi taan chhed di….mere kano me kisi ke gaane ki sundar awaz goonjane lagi.
Tan Mann Mahka, Jeevan Mahka
Mahak Uthe, Ghar Dware
Jab Jab Sajna
More Angana, Aaye Saanjh Sakaare
Khili Roop Ki Dhoop
Chatak Gayi Kaliyan, Dharti Doli
Mast Pawan Ke Lipat ke Purwa, Haule Haule Boli
Chheen Ke Meri Laaz Ki Chunri, Taanke Naye Sitare
Jab Jab Sajna
More Angana, Aaye Saanjh Sakaare
Sajna Ke Angana Tak Pahuche
Baate Jab Kangana Ki
Dharti Tarse, Badal Barse, Mite Pyas Madhuban ki
Hotho Ki Choto Se Jaage, Tan Ke Supt Nagaare
Jab Jab Sajna
More Angana, Aaye Saanjh Sakaare
Nadiya Ka Saagar Se Milne
Dhire Dhire Badhna
Parwat Ke Aakharghati, Wali Ankho Se Padhna
Saagar Si Baaho Me Aakar, Toote Sabhi Kinare
Jab Jab Sajna
More Angana, Aaye Saanjh Sakaare
Iss madhur sangeet aur iss madhur geet ki surili awaz ne mujhe poori tarah se madhosh kar diya…..vaise yahi haal baki sab ka bhi tha.
Raj—hame aage chal kar dekhna chahiye ki iss nirjan jungle me ye bansuri koun baja raha hai aur ye sundar awaz kis ladki ki hai….?
Payal—to kya iss lakeer ka picha karna chhod de.
Lekin maine koi jawab nahi diya aur uss awaz ki disha me badh chala….. lachar ho kar baki sab bhi mere piche piche aane lage….
Jis jagah abhi hum the vo ek pahadi ki choti thi….aur vaha charo taraf jungli jharberi aur dusre vaise hi jungli pedo ne ek kism ka jungle hi bana rakha tha., jisse jyada door tak dikhayi dena kathin tha.
Abhi hum kuch hi aage badhe honge ki hame ek patli si pagdandi nazar aayi aur uss pagdandi par kuch kadam chalne ke baad hi yakayak aage ja kar uss pahadi ki dhalaan shuru ho gayi.
