Incest SAB KUCH JAYAZ HAI...

[Mr.Mehra]

Superb writing bhai... excellent update.. keep writing

 

[Mr. Perfect]

Waahh Mr. Pandit bhai. Fantastic update. Mast likhawat ka namuna pesh kiya hai bhai waahh______

Dakshina ne to kamaal kar diya. Agar wo ye kamaal na kar paati to kusum to gai thi kaam se. Uske baad kya hota ye bhagwan hi maalik tha______

Apne hero bhai to ab kuch time bed rest hi lege. Dekhte hain kaun kaun unki seva karne aata hai. Maa to kusum se bahut naraj hai. Aur ye kya kusum to apne ghar hi nahi jana chaahti. Ab wo dakshina ke ghar me rahegi. Shayad dakshina usko normal karne me kafi madad kare lekin ab ye kya panga hone wala hai last me______

Waiting for the next_________

SAB KUCH JAYAZ HAI....
UPDATE = 48

​

Abhi sab log police wale ki baate hi sun rahe the ki tabhi rachna ka dhyaan kusum ki taraf gaya. Kusum apni jagah se gayab thi. Pata nahi kab wo uth kar baahar chali gayi thi aur kisi ko pata bhi nahi chal paya tha. Ye dekh kar rachna buri tarah ghabra gayi. Usne lagbhag cheekhte huye maa se kaha ki kusum didi yaha nahi hain. Rachna ki is baat se sab koi dang rah gaya. Tabhi maa ne kaha ki use jaha jana hai jane do. Mujhe usse ab koi matlab nahi hai. Usi ki vajah se mere bete ki aaj ye haalat huyi hai.

Maa ki ye baate sun kar sab awaak rah gaye. Koi maa apni beti ke liye aisa kaise kah sakti thi.? Dakshina jaldi se uthi aur waiting room ke baahar ki taraf tezi se badh chali. Uske peeche police wala bhi chal pada tha. Un dono le jate hi priya bhi tezi se baahar ki taraf badh gayi thi. Jabki rachna aur pooja maa ke paas unko samhalne ke liye baithi rahi.

Ab aage padhiye....
​

Dakshina, police wala aur priya teeno ne hospital me har jagah dekh liya tha magar kusum ka kahi koi pata na chala tha. Police wale ko ek call aaya tha to wo chala gaya tha aur ab dakshina aur priya hi kusum ko har jagah khoj rahe the. Pura hospital chhaan mara magar kusum in dono ko kahi nazar na aayi thi. Guzarte palo ke sath dono ki hi haalat kharaab huyi ja rahi thi. Priya ko achhi tarah samajh aa chuka tha ki kusum didi is tarah kyo chali gayi thi.

Vicky ki aaj jo haalat huyi thi uske liye har koi kusum ko hi jimmedaar maan raha tha. Is baat ko zaahir roop se sirf maa ne hi kaha tha magar baakiyo ke man me bhi yahi tha ki vicky ki haalat ki jimmedaar kusum hi hai. Kusum khud bhi is baat ke liye khud ko jimmedaar maan rahi thi jiska use ab bhaari dukh tha. Jiski vajah se usne socha hoga ki wo ab in logo se kahi door chali jayegi.

Kusum apne hosho hawaash me nahi thi. Uske dil aur dimaag me tufaan chal raha tha. Usne jab dekha ki sab police wale ki baate sunne me busy hain to wo chup chaap waiting room se nikal gayi thi. Use khud nahi pata tha ki wo kaha ja rahi thi. Bas wo kahi khoyi huyi badhti hi chali gayi thi. Use khud bhi pata nahi chala ki wo kab hospital se baahar aayi aur ek taraf ko badhti chali gayi thi. Baahar sadak par bhaari waahno ka aana jana laga tha jiski awaazo se fiza me shor ho raha tha.

Idhar dakshina aur priya ko jab kusum hospital me kahi na mili to wo dono bhaagte huye hospital se baahar aa gayi. Sadak ke dono taraf dono ne dekha magar kahi par bhi unhe kusum nazar na aayi. Ye dekh kar dono buri tarah ghabra gayi. Priya to rone hi lagi thi magar dakshina ne samajhdaari se kaam liya. Usne sabse pahle priya ko shaant rahne ko kaha aur use andar maa ke paas ye kah kar bhej diya ki wo kusum ko khoj kar le aayegi.

Priya se to dakshina ne kah diya tha ki wo kusum ko khoj kar laayegi magar wo is kaam me kaamyaab hogi ki nahi iska use khud bhi pata nahi tha. Use time ka ahsaas tha is liye wo right side ki taraf tezi se badhti chali gayi. Wo footpath par hi chal rahi thi aur aas paas dekhti bhi ka rahi thi magar kaafi door aa jane ke baad bhi jab use kusum na dikhi to uske man me tarah tarah ki shankaaye ubharne lagi. Use kusum ki bahut zyada chinta hone lagi. Wo jaanti thi ki kusum is shahar ke bare me kuch bhi nahi jaanti hai. Agar uske sath kuch ulta seedha ho gaya to wo vicky ko aur uski family ko kya jawaab degi.?

Dakshina kafi door aa gayi thi. Uski khud ki haalat kaafi kharaab ho gayi thi paidal chalte chalte. Uska jism paseena paseena ho gaya tha. Achanak use khayaal aaya ki ho sakta hai ki kusum left side wale raaste ki taraf gayi ho. Ye soch kar wo ruk gayi aur sadak ko cross karke usne ek auto wale ko awaaz di. Auto me baith kar usne auto wale se kaha ki wo aage ki taraf chale magar is tarah ki use kisi ko khojne me asaani ho. Uski is baat se auto wale ne puchha ki maidam baat kya hai to dakshina ne use bataya ki wo ek ladki ko khoj rahi hai.

Auto wala bhala aadmi tha. Use baat samajh me aa gayi thi is liye usne badi imaandari se auto ko aage badha diya aur khud bhi aas paas nazar daudane laga. Dakshina dono taraf ki sadak par dekhti ja rahi thi. Kareeb paanch minute baad achanak dakshina ki nazar us paar sadak ke kinaare footpath par dheere dheere chalti kusum par padi. Kusum ko dekhte hi dakshina ne raahat ki saans li aur usne auto driver ko bhi dikhaya kusum ko. Uske baad usne auto wale se kaha ki wo jaldi se aage chal kar sadak ke us paar chale.

Dakshina ki baat sun kar auto wale ne auto ko tezi se aage badhaya. Dono taraf ki sadak ke beech me ek foot ki diwaar bani huyi thi. You turn lene ke liye jagah hi nahi dikh rahi thi. Kafi door aane ke baad ek red light nazar aayi to auto driver ne badi saawdhaani se you turn liya aur sadak ke us taraf aa kar auto ko fir se tezi se badha diya.

Saame kuch hi doori par red light batti thi aur is wakt wo grean hi thi magar jaise hi auto wala waha tak pahucha to light red ho gayi. Ye dekh kar dakshina ke chehre par pareshaani aur badh gayi. Wo saamne ki taraf hi dekh rahi thi magar kusum use dikh nahi rahi thi. Sadak aage ja kar left side ko thoda sa ghoom gayi thi is liye use kusum nahi dikh rahi thi. Red light ka timer 80 se neeche count ho raha tha aur usi ke sath dakshina ke dil ki dhadkane bhi down hoti ja rahi thi.

Aakhir light grean huyi to aage ke waahan chal pade aur unke peeche auto wale ne bhi auto ko aage badha diya. Aage sadak par jaise hi auto ghooma to dakshina ki nazar door se hi kusum par padi. Usne auto wale ko thoda aur tez chalne ko kaha. Auto wala pahle se hi tez chal raha tha ab aur chalne laga.

Dakshina ki nazar barabar kusum par thi. Wo kahi khoyi huyi dheere dheere isi taraf aa rahi thi. Peele rang ke shalwaar shoot me thi wo aur uske gale me peele rang ka hi dupatta tha jo ki is wakt ast byast dikh raha tha. Abhi dakshina kusum ko dekh hi rahi thi ki tabhi ek safed rang ki omni car kusum ke paas ruki aur usse do log baahar nikle. Wo dono aadmi aas paas dekhte huye seedha kusum ke paas gaye. Ye dekh kar dakshina ke dimaag me khatre ki ghanti baji. Usne auto wale ko aur speed se chalne ko kaha.

Udhar wo dono aadmi kusum ke paas pahuch kar uske aage khade ho gaye aur kusum se kuchh kaha. Uske baad ek ne kusum ka hath pakda aur use omni ki taraf lane laga jabke dusra kusum ke peeche tha. Dakshina ke dekhte hi dekhte us aadmi ne kusum ko omni me baithaya aur khud bhi uske sath baith gaya. Jabki dusra aadmi aage wali sheet par baith gaya. Omni ka darwaza band hote hi omni aage badh chali. Badi hairat ki baat thi ki kusum ne un aadmiyo ke sath jane se bilkul bhi virodh nahi kiya tha.

Dakshina fati aankho se ye nazara dekhti rah gayi. Uski aankho ke saamne kusum ko un logo ne apharan kar liya tha. Dakshina puri taakat se auto wale par cheekh padi. Auto wala us omni se thoda hi peeche rah gaya tha. Dakshina ne auto wale se kaha ki wo us car ke peeche hi full speed se chale. Use samajh nahi aa raha tha ki ab wo kya kare. Agar wo log kusum ko le kar uski aankho se ojhal ho gaye to fir kusum ko waapas pana bahut mushkil ho jana tha.

Auto wala full speed me auto ko dauda raha tha magar aage ja rahi omni car har pal usse aur door hoti ja rahi thi. Dakshina ke dimaag ne ekdam se kaam kiya. Usne us omni ka number yaad kar liya. Use yaad aaya ki uske paas apna mobile hai aur wo 100 number par call karke police ko sab kuch bata sakti hai. Dakshina ne fatafat apne parsh se mobile nikala aur 100no par laga diya.

Call lagne ke baad dakshina ne police walo ko sab kuch bata diya aur kaha ki jitna jaldi ho sake wo us omni car se meri bahan ko nikaal kar bacha le. Dakshina ne yahi bataya ki kusum uski bahan hai. Call par police ne dakshina ko aashwast rahne ko kaha aur bole ki wo jald se jald action le rahe hain.

Dakshina ne police ko location aur us omni car ka number wagaira bata diya tha. Aage ja rahi omni car ek mod par mud chuki thi. Sadak par aur bhi bahut se waahan the jinke beech kabhi kabhi wo omni car chhup jati thi magar dakshina us par barabar nazar rakhe huye thi aur auto wale ko uske peechhe lagaye huye thi.

Kareeb das minute baad dakshina ne dekha ki left side ki taraf se ek traffic police ki car aayi aur us omni car ke peeche lag gayi. Abhi dakshina us taraf dekh hi rahi thi ki tabhi peeche se ek police gaadi nikli. Saamne ek aur red light dikhi aur sare waahan rukne lage. Wo omni car bhi ruk gayi thi. Wo aage ki taraf thi uske kuch doori par wo traffic police ki car thi. Jaise hi sare waahan ruke to dakshina ne dekha ki traffic police wali car se do police wale baahar nikle aur us omni car ki taraf tezi se badh chale. Abhi wo kuch hi doori par gaye the ki signal green ho gaya aur aage ke waahan chal pade. Un waahno ke sath wo omni car bhi chal padi. Ye dekh kar wo dono police wale waapas palte aur police car me baith kar fir se omni car ke peechhe lag gaye.

Aage ki taraf clean sadak thi is liye omni full speed se aage badh gayi thi. Police ki dono gaadiya siren bajati huyi dusre waahno ko overtake karte huye aage nikal gayi. Idhar auto me dakshina bhi peechhe lagi huyi thi. Dakshina ko ab wo omni car dikhaayi nahi de rahi thi balke police ki gaadiya zarur use dikh rahi thi. Dakshina ke dil ki dhadkane kabhi achanak se tez ho jati to kabhi ekdam se ruk si jati thi.

Aage kaafi door aa kar ek aur red light batti aayi. Aage ke sabhi waahan ruk gaye the. Dakshina ne dekha ki police ki dono gaadiya kafi aage thi. Use wo omni car ab bhi nazar na aayi thi magar usne ye zarur dekha ki police gaadi se do teen police wale utre aur aage ki taraf badi tezi se daudte huye ja rahe the. Dakshina ko samajhte der na lagi ki wo police wale us omni car ke paas hi ja rahe the. Kuch hi der me dakshina ne dekha ki wo police wale ek jagah ruke aur us jagah kuch karne lage. Ye dekh kar dakshina bhi auto se utar gayi. Usne auto wale se kaha ki wo apne paiso ki fikar na kare aur auto ko aage le ja kar side par laga le.

Auto wala bhala aadmi tha usne kuch nahi kaha. Dakshina waahno ke beech se bhaagte huye un police walo ki taraf badhti chali gayi. Kuch hi palo me use wo omni car dikhne lagi. Dakshina ka paseene se bura haal tha magar wo khud ki koi parwaah nahi kar rahi thi. Udhar wo police wale us omni car ke kareeb pahuch chuke the. Police walo me se ek aage ki taraf driver ke paas gaya aur hath daal kar car ke ignition se chaabhi nikaal li. Tab tak peeche se kuch aur police wale bhaagte huye aa gaye the.

Dakshina bhi kuch hi der me us omni car ke paas pahuch gayi aur usne police walo ko bataya ki usi ne phone kiya tha. Police walo ne omni car ke andar se sabko baahar nikala. Us gaadi me teen aadmi the. Jinme se ek driver tha aur baaki do wahi the jo kusum ko le kar omni me baith gaye the. Pahle to wo log yahi bole ki kusum unki rishtedaar hai magar jab dakshina ne police walo ko bataya sab kuch to wo sab bagle jhaankne lage.

Police walo ne un teeno ko pakad liya aur kusum ko kuch poochh taanchh ke baad dakshina ke hawale kar diya. Kusum ki haalat aisi thi jaise wo kisi sadme me ho. Us par koi reaction nahi tha. Kher light green huyi to sare waahan aage badhne ke liye horn dene lage to dakshina kusum ko le kar zebra crossing se chal kar kinare side aa gayi.

Dakshina kusum ko apne se is tarah chhupkaye huye thi jaise wo koi chhoti si bachchi ho. Uski aankho me aanshu the. Wo jaanti thi ki bahut bada kaand hone se bacha tha. Agar aaj kusum ko wo log apne sath le jane me kaamyaab ho jate to shayad bahut bada anarth ho jata.

Road ke is taraf aa kar dakshina ne auto wale ki taraf nazar daudaayi to usne dekha ki wo auto wala usi cut se you turn le raha tha. Kuch hi palo me wo auto wala aaya to dakshina kusum ko le kar auto me baith gayi. Kusum ekdam shaant thi. Jaise wo is duniya me thi hi nahi. Wo ektak bas shoonya me dekhe ja rahi thi. Dakshina uski ye haalat dekh kar use baar baar pukaar rahi thi aur usko hosh me lane ka prayaas kar rahi thi.

Dakshina ne auto wale ko hospital ka pata bataya aur use hospital hi chalne ko kaha. Auto wala bina kuch kahe hospital ki taraf chal diya. Kaafi der baad auto usi hospital ke saamne ruka jisme vicky ko bharti kiya gaya tha. Auto se utar kar dakshina ne auto wale ko do hazaar ka ek note pakdaya. Auto wala do hazaar paya to wo khush ho kar chala gaya.

Kusum ko le kar dakshina hospital ke andar ki taraf chal padi. Jaise hi wo gate ke paas pahuchi to use priya pooja mil gayi. Wo dono kusum ko dekh kar usse lipat gayi aur foot foot kar rone lagi.

"Kaha chali gayi thi aap.? Aapko pata hai aapke is tarah chale jane se hamari jaan nikal gayi thi. Aisa kyo kiya aapne didi.?" Pooja buri tarah sisak uthi to dakshina ne un dono ko shaant rahne ko kaha aur fir kusum ke sath sath un dono ko bhi hospital ke andar le aayi.

Waiting room me rachna aur maa ek lambi si chair par baithi huyi thi. Dono ke hi chehre se lag raha tha ki wo kitna royi thi. Jaise hi dakshina kusum ko le kar waiting room me daakhil huyi to rachna aur maa ki nazar us par padi. Dakshina ke sath kusum ko dekhte hi rachna uth kar kusum ke paas aayi aur use apne sath le ja kar chair par baithaya. Yaha hairaani ki baat ye thi ki maa ne kusum ki taraf dekha zarur magar usne kusum se kaha kuch nahi. Shayad wo ab bhi kusum se bahut gussa thi.

Rachna aur priya pooja ke puchhne par dakshina ne bas yahi kaha ki kusum raaste me hi use mili thi aur wo kafi door nikal gayi thi. Usne ye nahi bataya ki aaj kusum ke sath kitna bada kaand ho gaya tha. Kher dakshina kahi se paani le kar aayi aur kusum ko zabardasti pilaya aur halke se uska chehra bhi dhoya. Kusum kuch bol nahi rahi thi balke wo abhi bhi sadme jaisi haalat me hi thi.

Abhi ye log yaha baithe hi the ki tabhi waha par ek nurse aayi aur usne kaha ki mareej ki family me se jo bhi hain unhe dr sahab ne bulaya hai. Nurse ki baat sun kar dakshina chair se uth kar khadi ho gayi aur uske sath rachna bhi. Nurse ke sath dakshina gayi. Usne rachna ko mana kar diya tha ye kah kar ki wo yaha sabka dhyaan rakhe. Waise ye badi ajeeb baat thi ki abhi tak in logo ne dakshina se uske bare me kuch bhi nahi puchha tha ya fir shayad aise halaat hi nahi the ki usse uske bare me kuch puchha jaye.

Dr ne dakshina se kaha ki mareej ke ilaaz me jo bhi kharcha laga uski raseed wo banwa le. Dr ne ye bhi bataya ki vicky ko dopahar tak hosh aa jayega. Dr se milne ke baad dakshina waapas waiting room me aa gayi thi. Usne rachna aur maa se bataya ki vicky ko dopahar tak hosh aa jayega.

Dakshina ko pata tha ki in logo ne kal se kuch nahi khaya piya tha. Pooja ne use sari kahani bata di thi ki kya hua tha. Dakshina ne in logo ke khane ke liye intjaam kiya. Wo baahar se sabke liye khana le ke aayi. Magar koi bhi khana khane ke liye raazi nahi tha. Dakshina ne sabko samjhaya ki khana na khane se kya ho jayega. Bhagwan ka shukar manaao ki vicky ko zyada kuch nahi hua warna jis tarah ka uska accident hua tha usme se uski jaan bhi ja sakti thi.

Aakhir dakshina ke bahut samjhane par sabne thoda bahut khaya. Dakshina ne apne hatho se kusum ko bhi zabardasti khilaya. Ab wo pahle se thik thi magar bol wo ab bhi kisi se nahi rahi thi. Rah rah kar uski aankho me aanshu aa jate the. Khana khate wakt hi maa ne dakshina se uske bare me puchha tha aur ye bhi kaha ki wo uski ahsaanmand hai ki is haalat me usne unki itni madad ki.

Maa ki in baato se dakshina ko bahut raahat mili thi. Usne maa se bataya ki shuru shuru me vicky uske yaha hi rahta tha aur usi ki factory me kaam karta tha. Dakshina ne utna hi bataya jitna use is wakt zaruri lag raha tha.

Dopahar ko nurse ne bataya ki mareej ko hosh aa gaya hai aur ye log usse mil sakte hain. Nurse ki ye baat sun kar sab ke sab waiting room se bhaag pade vicky se milne ke liye. Sabse aage maa thi. Kusum nahi jana chahati thi is liye dakshina uske paas hi rah gayi thi.

Jis kamre me vicky ko bed par letaya gaya tha ye sab waha pahuche. Vicky ke hatho pairo me pattiya badhi huyi thi aur uske sir me bhi. Maa ne jaise hi mujhe is haal me dekha to wo foot foot kar rone lagi. Sab mujhe is haalat me dekh kar dukhi the aur rone lage the. Dr aur nurse ne maa aur baaki sabse kaha ki wo log mujhe zyada disturbe na kare.

Main hosh me aa chuka tha magar main hil nahi sakta tha aur na hi apni gardan ko idhar udhar kar sakta tha. Maa mere chehre ke paas hi jhuki huyi ro rahi thi aur baar baar jhuk kar mere maathe par choom rahi thi aur sath hi jane kya kya bolti ja rahi thi.

"Kyo kiya tune aisa.? Kya tune ek baar bhi ye nahi socha ki tere bina ham sabka kya hoga.? Is nayi jagah par ham kaise jiyege.?" Maa mujhse bolti ja rahi thi aur main chup chaap unki taraf dekh raha tha. Main bahut kuch bolna chaahta tha magar mere hoth bas kaamp kar hi rah jate the. Mere sir me dard hone laga. Jisse mera chehra bigadne laga tha. Ye dekh kar dr ne maa ko mujhse kuch bhi bolne ya puchne se mana kar diya aur sabko zabardasti baahar bhej diya.

Kuch der baad mere paas ek police wala aaya. Usne mujhe bade dhyaan se dekha aur fir usne dr ki taraf dekhte huye kaha.

"Ab kaisi condition hai iski.?" Police wale ne dr se ye kaha to dr ne kaha.
"Condition to better hi hai officer but u know what khoon bahut zyada bah gaya tha aur chote bhi kafi gahri thi is liye recover hone me inhe zara time lagega. Waise ye hairat ki baat hai ki itne khatarnaak accident ke baad bhi ye salamat bach gaye." Dr ne ye kaha to police wala meri taraf dekh kar muskuraya fir bola.

"Suna hai jab tak kisi ke din pure nahi ho jate tab tak maut naam ki bala aa hi nahi sakti." Police wale ne ye kaha to dr ne kaha.
"Yes you are right officer. Anyways thanks a lot. Aap inhe time se le aaye the yaha is liye inhe bacha liya gaya warna you know.?" Dr ne ye kaha to police wale ne ek baar fir se meri taraf dekha aur fir wo meri taraf jhuka aur mujhse bola.

"Welcome to new life young boy. Main ummeed karta hu ki future me ab aisi driving nahi karoge tum." Police wale ne mujhse ye kaha to maine apni palak jhapka kar haan kaha. Uske baad wo dr ke sath baahar chala gaya.

Kamre me bed par pada main is sabke bare me sochne laga to fir se mere sir me dard utha to maine sochna hi band kar diya. Magar hosh me aane ke baad aisa kaise ho sakta tha ki main kisi cheez ke bare me na sochu.? Mere man me ek hi baat aa rahi thi ki sab mujhe dekhne aaye the magar didi nahi aayi thi. Kya mere sath itna kuch hone ke baad bhi wo mujhe dekhna nahi chaahti thi ya fir koi aur baat thi.?

Mujhse milne ke baad police wala to shayad chala gaya tha magar dr meri famiky ko samjha raha tha ki ab chinta ki koi baat nahi hai. Mareej ko abhi kam se kam do se teen hapte tak yahi par rakhna zaruri hai. Uske baad aap log unhe le ja sakte hain. Dr ke aisa kahne par maa ne kaha ki wo apne bete ke paas hi rahegi. Unki is baat se dr ne kaha ki iski koi zarurat nahi hai kyo ki yaha par unka bahut achhe se khayaal rakha jayega magar maa maanne ko taiyaar na huyi to dr ne kaha ki thik hai ek byakti yaha ruk sakta hai.

Uske baad yahi tay hua ki maa mere paas hi rukegi aur baaki log ghar jayege. Dakshina ne maa se kaha ki wo shaam tak yahi rahe uske baad wo yaha aa jayegi. Dakshina ki is baat se maa ne kaha ki nahi iski koi zarurat nahi hai. Wo apne bete ke paas tab tak rahegi jab tak wo puri tarah thik nahi ho jata. Maa ki is baat se dakshina ne unhe samjhaya ki kuch time ki hi to baat hai uske baad to vicky ko waise bhi ghar hi le aayege. Badi mushkil se maa maani aur fir dakshina sabko le ke ghar chali gayi.

Raaste me dakshina kusum se thodi bahut baate karti ja rahi thi. Tabhi kusum ne usse kaha ki wo ab us ghar me nahi rahna chaahti hai aur na hi wo apne bhai ko apni manhoos shakal dikhana chaahti hai. Uski is baat se baaki sab dukhi ho gaye the. Priya pooja aur rachna ne bahut samjhane ki koshish ki magar wo na maani, tab dakshina ne kaha ki wo kusum ko apne ghar le jayegi. Dakshina ki is baat se kusum ne bhi kah diya ki haan ab se wo uske ghar me hi rahegi.

Taxi ghar ke saamne ruki to priya pooja aur rachna taxi se utar gayi. Un teeno ne ek baar fir se kusum ko ghar chalne ke liye kaha magar wo taxi se na utri. Ye dekh kar dakshina ne un teeno ko jane ka ishara kiya to wo teeno steel wale gate ko khol kar andar ki taraf chali gayi. Unke jate hi dakshina ne taxi waapas modne ko kaha. Kuch hi der me taxi dakshina ke ghar ke saamne ruki.

Taxi wale ko uska paisa de kar dakshina kusum ko le kar ghar ke andar aa gayi. Ghar ke andar dring room me rakhe sofe par savita ki beti naina baithi huyi bagal ki diwaar par lagi ek badi si LED tv par film dekh rahi thi. Dakshina ko aaya dekh kar usne jaldi se tv band kar diya.

Dakshina ne kusum ko ek sofe par baithaya aur fir usne savita ko awaaz di. Jab savita aayi to usne usse puchha ki khana garm hai ya nahi. Dakshina ke puchhne par savita ne kaha ki wo jab tak fresh hongi tab tak wo garma garam khana bana degi.

"Chalo kusum tum bhi fresh ho jaao. Uske baad ham dono sath me khana khayege." Dakshina ne bade pyaar se ye kaha to kusum ne uski taraf badi masumiyat se dekhte huye kaha.

"Mujhe bhukh nahi hai. Aap kha lijiye." Kusum ne ye kaha to dakshina me kaha.
"Har baat me zid achhi nahi hoti kusum. Mujhe pata hai tum thoda ziddi ho magar main bhi kam ziddi nahi hu. Agar tumne nahi khaya to main bhi nahi khaaugi." Dakshina ne ekdam se bachchiyo jaise lahje me ye kaha to kusum ne kaha.

"Main zid nahi kar rahi. Mujhe sach me bhukh nahi hai." Kusum ne ye kaha to dakshina ne kaha.
"Achha chalo fresh to ho lo. Dekho to kya huliya bana rakha hai tumne.? Chalo utho ab." Dakshina ne ye kaha aur is baar bina kusum ki koi baat sune kusum ka hath pakad kar uthaya.

Kusum ne bhi zyada virodh nahi kiya. Shayad use bhi itna pata tha ki dusre ke ghar me dusre ki baat bhi maanna chahiye. Dakshina kusum ko le kar apne kamre me gayi aur fir usne kusum ko kamre me attaich bathroom me bhej diya.

Kusum jab fresh ho kar nikli to dakshina ne dekha ki usne wahi kapde pahan liye the jo usne pahle pahne the. Ye dekh kar dakshina ne aalmaari se apna ek shalwaar shoot nikala aur kusum ki taraf badhate huye kaha ki wo inhe pahan le kyo ki uske kapde bahut kharaab ho chuke the. Kher dakshina ke kahne par kusum ne usse kapde le liye aur bathroom ke andar ja kar darwaza band kar liya.

Kuch der baad jab kusum baahar nikli to dakshina use dekhti rah gayi. Vicky ne use bataya ki uski kusum didi duniya ki sabse sundar aur masoom hain magar is wakt wo apni aankho se dekh rahi thi use aur uski sundarta ko. Dakshina ko ekdam se khayaal aaya ki ye wahi ladki hai jiski vicky ibadat karta hai. Usne vicky ke mukh se bahuto baar kusum ki baate suni thi.

Dakshina ka shalwaar shoot kusum ki body par fit to nahi aa raha tha kyo ki dakshina ka jisam kusum ke jisam se thoda bhaari tha magar iske baad bhi wo kapde us par kaafi jach rahe the.

"Waah tum to ekdam pari lag rahi ho kusum. Tum sach me bahut sundar ho magar is sundarta me tumne ek grahan lagaya hua hai aur wo ye hai ki tumne apne is chaand se chehre par udaasiyo ki chaadar dhaamf rakhi hai." Dakshina ne ye kaha to kusum ko thoda sharm to aayi magar fir usne jaise is par dhyaan hi nahi diya tha.

"Achha ab tum yahi bed par baitho main bhi fresh ho leti hu. Uske baad dono sath me hi chalege. Thik hai na.?" Dakshina ne ye kaha to kusum ne haan me sir hila diya. Uske baad dakshina bhi bathroom me ghus gayi magar use nahi pata tha ki uske bathroom se waapas aane ke baad kamre me kya hone wala hai.

Bhai log....
Aaj ke liye itna hi....

Read Enjoy & Give Your Feedback....
Keep Supporting & Stay With....


​

 

[kamdev99008]

पण्डित जी अगली अपडेट का इन्तजार है

 

[mass8787]

Wasay dekha jay tuu Kusum nay hur hur morr pay hee Vicky kay dil or jaan say khela hay woo aak khudgarz or zahreli larki lagi hay or Dakshuna nay sabit kurdeya kay prem kasay keya jata hay qasam say is saray update koo purhnay say or pechalay kay update koo purnay say saaf saaf pata chulta hay kay gher bunanay wali or gher ko tabah kurnay wali kun hay Dakshuna nay sabit keya hay kay gher koo abad kasay keya jata hay gher waloo ko kasay sumbhalty hay or Ruchna nay sabit keya hay kay buradil kur kay aak khandan koo kasay bunaya jata hay dono jurwa bahnao nay sabit keya hay kay mahboob koo puranaysaneyo main kasay rahaut dee jaty hay Maa nay sabit keya hay kay aulad koo akhuta or khuss rukhnay kay leya kasay khud kay dil or demag koo bund kur kay khandan bunay jaty hay or KUSUM Di NAY SABIT KEYA HAY KASAY KHUSYOO KOO KHATAM KEYA JATA HAY KASAY APNI AHANKAR PAY APNAY SAY PYAR KURNAY WALOO KEE BALI CHURHAI JATY HAY OR KASAY APNAY SAY PREM KURNAY WALOO KOO ZALEEL KEYAJATA HAY KASAY UN KO TUBAH KEYA JATA HAY KASAY KISI GHER KEE BUNYAD HEE TUBAH KEE JATY HAY KASAY KHUD KEE KHATER AAK BUNAY HUWAY KHANDAN KOO METAYA JATA HAY WOO KAHTY HAY NAA BAHIR DUSMAN DEKHNAY KEE AWSUKTA KUN GHER MAIN BUS SAY BURA DUSMAN BATHA HAY AAGLA JAAN SAY CHULA GAYA USS KE KHATER OR MADAM DRAMA JAA KAY USS KAY PAAR KUER KAY MAAFI MANG KAY USS KE ZINDAGI KOO BUCHANAY OR SUKHI KURNAY KAY BUJAY GHER CHOR KAY CHULI GAY LANUT HAY AYSEY HASTY PAY

 

[Sanju]

Waiting for next update bhai

 

[Mr. Perfect]

Waiting for the next update pandit bhai________

 

[Sanju]

Waiting for next update bhai

 

[kamdev99008]

intzar hai pandit ji

 

[Jassybabra]

Nice update

 

[Atif Hayat]

Waiting for a superb update bro