Episode:26
mini mesile ko kuch seconds hi lagte helicopter se takrane me. aur helicopter ko pahad tak pohnche me isse zayada samay chahiye tha.
koi aur chara nahi tha, helicopter se koodne ke siva..
turant hi maine parachute apne piche bandha aur helicopter se kood gaya. aisa karte hue maine pilot ko against side helicopter turn karne par majbur kar dia tha. jab tak maine pilot ko apne control se azad kiya, tab tak helicopter mujhse 30 meter door ho chuka tha. usi samay ek kaan phaad dene wala dhamaka hua aur helicopter ke parkhche ud gaye. uske tukde us pahadi ilake me phel kar girne lage.
main baal baal bacha tha. 2-3 second ki game thi sari. 2-3 second ki deri hoti toh mere sharir ke tukde bhi helicopter ke tukdo jitne ho jane the.
ab mere liye koi khatra nahi raha tha... girte hi main parachute khol chuka tha. parachute ka use main apni life me pehle bhi kai baar kar chuka tha.
5 mint me hi main parachute samet niche tha. parachute ko khud se alag karke main wahan se aage badh gaya.
40 minute baad ek safe jaga ruk main red master ke dimag me ja ghusa.. woh sala us admi par torture kar raha tha. jiske through maine wahan bomb lagwaye the. jaga jaga toy cameras lege hue the. kese woh sabki nazron se bach sakta tha. main chahta toh usay bhi bomb ke sath hi uda sakta tha. main chahta toh pure headquarter ko hi blast kar sakta tha.
parr...
maine aisa nahi kiya tha. abhi mujhe apna khel apne hisab se khelna tha. weapons area ko blast karta toh pura island hi aag ban jata, fir sab ke sab maare jaate. aur sabka marna sahi nahi tha.
sab wahan RPO ke agents the. par sab apni marzi se wahan nahi the. woh jabran RPO me shamil kiye gaye the. mere mann me ye baat aayi thi. jo dusre desho se uthaye gaye log han. unhe wahan se azad karwa kar unhe firse pehle jaisa banane ki koshish ki ja sakti thi. agar aisa ho jata toh unke liye ro rahe saalon se apnu ka dard kam ho jata. jo shayad samjh rahe the, unke apne ab is dunya me nahi rahe.
ek koshish thi meri pure headquarter ko blast na kar ke wahan jabran ghulam banaye gaey agents ko nayi zindagi dene ki.
dushman ko maarna bhalai thi toh logon ko zindagi lautana toh usse bhi badi bhalayi thi, sabse bada punya tha. aur main punya ke lalach me nahi, kai maao ke aansuon ke liye unhe zindagi dena chahta tha.
jis agent ko control me lekar maine bombs lagwaye the. woh real RPO agent tha. uska brain wash nahi kiya gaya tha.
red master : fred! tum zinda toh bachoge nahi. toh marne se pehle itna bata do. WHY! kyun kiya tumne aisa. kyun do do bombs lagaye tumne. kyun apne hi desh ka nuksan karne par tul gaye tum. WHY!! fred! WHY!!
maine firse fred ko apne control me le liya. woh jo pehle khud ko begunah bol raha tha. woh is sab ke baare me kuch nahi janta tha. apni safai pesh kar raha tha. ekdumm se hi woh zor zor se hasne laga.
red master samet sab usay haste dekh kar sannate me aagaye..
aur fred....
HAHAHAHAHAHAHAHAHA.. SAMRAT..HAHAHAHAHAHAHAHAHA..SAMRAT..
HAHAHAHAHAHAHAHAHA.. SAMRAT..HAHAHAHAHAHAHAHAHA..SAMRAT..
ab sahi se sabke shocked hone ki baari thi. fred itne dard me hote hue bhi uth khada hua tha. zor zor se has raha tha. dard ka koi bhi ehsas uske face par nahi tha. woh diwana war zor zor se has raha tha.
woh nahi has raha tha.....
main fred ke andar has raha tha..
HAHAHAHA...SAMRAT..RPO walo..
SAMRAT..SAMRAT HON MAIN.. SAMRAT..
red master : fred! ye kya bakwas kar rahe ho tum.. tum fred ho aur samrat... samrat ye kaisa naam ha.
ek agent bola : SIR! ye hindusrani naam ha.
red master : kyaaaaaaaaaaaa?
"JI.. SIR"
red master : iska matlab kya ha.
daksh : KING..RAJA..BADSHAH..SAMRAT.. tum sab ka baap aaya ha RED MASTER.. bohut raj kar liya tum sabne is dunya par.. ab meri baari ha, is dunya par raj karne ki.. ab se puri dunya me ek hi naam goonje ga.. SAMRAT.. HAHAHA..SAMRAT..
red master samet sab preshan ho gaye.. red master ek agent se bola : doc nelson ko bula kar laao.
foran hi doctor hazir ho gaya.
red master : doctor fred ko dekho. check karo.. iska dimag apni jaga par ha ya koi aur waja ha..
daksh : HAHAHAHA red master.. tu bhi satthiya gaya ha kyaaaaa.. chal tujhe ek tamasha dikhata hon..
red master samet sab hi fred ko ankhen phaad phaad kar dekh rahe the.
fred ka brain mere control me tha. shadeed zakhmi halat me hi woh wahi se jump karte hue doctor ke paas ja pohncha. doctor 2 gaz ki doori par tha. fred ne doctor ko bazo se pakad kar puri taqat se ghuma dia.. red master samet 5 agents fred ki range me aaye. doctor ki tangen badi power ke sath sabse takra gayi.. doctor ki cheekhon ke sath kai aur cheekhen bhi wahan goonj uthi. cheekhon me shamil thi mere hasne ki awaz.
mere trance me rehte hue fred badi furti ke sath doctor ko ghumaye de raha tha. ek jaga se dusri jaga par pohnch kar agents ko maar raha tha. red master cheekh pada.
FIIIIIIIIRRRRREEEEEEEEEEE... ek sath kuch guns ne goliyan ugli aur fred ke jism me chhed karne lagi..
mujhe kya hona tha...
kuch bhi nahi....
goliyan toh fred ko lagi thi.. jab tak uska sharir sath de raha tha. golilyan lagne ke bawajud bhi woh harkat me tha. uske sharir ke sath shamil thi meri brain power.. pehle se buri tarah se zakhmi fred goliyan lagne par bhi nahi ruka aur doctor ko ghuma ke ek guard ke upar phenk dia.
usi samay par ek agent ne fred ke sar me goli utar di. toh main red master ke dimag me ja ghusa..
ab main shant tha. red master paglon ki tarah mare pade fred ko dekh raha tha. doctor ki choor choor ho chuki tango ko dekh raha tha. kuch guards bhi zakhmi pade karah rahe the. doctor ki toh cheekh wahan goonj rahi cheekhon me sabse bhayankar thee.
red master : yy..ye..ye..sab...kya..tha.
woh khud se hi bokhlaya hua badbadane laga, saare agent usay dekhne lage. kisi ke paas koi jawab nahi tha.
main ek dusre agent me diamg me ghusa aur red master se bola : HAHAHA..SAMRAT..
red master toh do kadam uchhal kar piche ko ja gira.. woh moh phade agent ko dekh raha tha. SAMRAT ka naam sunte hi dusre agents ki gun ka rukh mere wale agent ki or kar dia.
main chalta hua red master ke paas pohncha aur dusre agents ko dekh kar bola
daksh : marna nahi chahte toh shaant khade raho. fir red master se bola. chal control room me, tujhe ek tamasha aur dikhata hon.
kuch der me red master control room me tha. bohut nervous tha red master. dara hua tha, kuch samjh nahi pa raha tha. us ek agent ke saath woh control room me tha. wahan badi badi screens lagi hui thee. aur red master wahan par puri dunya me kahin bhi satellite dwara kisi ko bhi dekh sakta tha. aisa hi system RPO ke har bade base par maujud tha.
mujhe isi ka intezam karna tha..
daksh : chalo ab apne desh ko live dekho..
red master : tt..tum..aa..aap..aisa..kyun..bol..rahe..han.
daksh : jitna kaha ha utna kar.. warna ek scene tujhe aur dikhana padega.. woh dar gaya aur system apne control me leke apne desh ko live seasching par laga dia. foran hi uska desh saamne dikhai dene laga..
daksh : WASHINGTON DC dikhao.
red master ke paas koi chara nahi tha. kuch der me washington dc mere saamne tha.
us agent ki ankhon se main dekh raha tha..
bada hi HI-TECH system tha RPO walun ka. ilake ke sath sath puri detail me dikhai de rahi thi.
daksh : saamne police headquarter dikhai de raha ha tumhe. screen par show ho rahe telephone numbers bhi yakinan dikhai de rahe thane ke han. kisi ek number ko dial karo.
red master : tt..tumm..aa..aap..karna..kya..chahte..han.
daksh : practical karke bataon ya!
red master : nn..nahi..main dial karta hon.
red master kuch zayada hi confuse ho raha tha. usay kuch samjh nahi aa raha tha. apne hi agent ke saamne woh ghabraya hua tha..
red master ne wahin se hi ek number par click kiya toh dialing tone sunaai dene lagi.
daksh : tum isi view par apna focus banaye rakhna. kahin aur dekhne ki sochna bhi mat... call connect hui toh ek baar hello ke baad awaz sunaai di..
"SAMRAT....KAISE HO RED MASTER"
itna bol ke main wapis agent me aaya aur agent dwara red master se bola.
daksh : laga na jhatka. aise hi rehna aur screen parse nazar hataai na toh pure island ko ek hi jhatke me uda kar rakh dunga.
red master saala RPO ka 3rd boss tha. kanpte hue do kadam piche hat gaya. usay toh insano se ladne ki adat thi. jaisa sab main kar raha tha. kisi bhi angle se main usay insan dikhai nahi de raha tha.
jiski awaz suni thi.. usi me sama ke main usay police headquarter se bahar le aaya.. aur road par khade hokar jis disha se red master ko woh view dikhai de raha tha. usi disha me upar asmaan ko dekhte hue main us police wale ke through bola.
daksh : RED MASTER.. MAIN HONN SAMRAT...
main oonchi oonchi awaz me haste hue bolne laga.. HAHAHA..SAMRAT..HAHAHA..SAMRAT.. main hon SAMRAT..is puri dunya ka naya banne wala king..SAMRAT... abse is dunya par mera raj hoga... SAMRAT ka raj hoga...
pura police department bahar aa kar khada ho gaya tha. road par chal rahe log herat se us police wale ko dekhne lage the. kuch toh video bhi banane lage the.
daksh : suno is dunya ke zalimo.. suno is dunya me khud ko powerfull samjhne walo. suno abse tumhari hukumat khatam hone ja rahi ha. bohut raj kar liya tum sabne. aaj se raj hoga is puri dunya par sirf aur sirf SAMRAT ka.. har desh ka ek president hota ha. ek PM hota ha.. theek usi tarah is puri dunya ka bhi ek KING ha.
naam ha SAMRAT...
ek police afsar saamne aaya aur police wale ko thappad maarne wala tha. main apne holister me lage pistol ko nikal kar us afsar ke maathe par laga dia..
daksh : main tumhare under kaam karne wala ek police man nahi hon stupid... main hon SAMRAT.. fir main us afsar ke andar sama gaya.. aur us police wale ke sar par pistol rakh kar usay shoot kar dia. mujhe koi parwa nahi thi. power dikhaye bina kisi ko yakin nahi aane wala tha. sab dekh kar heran reh gaye. abhi jo afficer sabke saamne apne ek sathi police wale ko thappad maarne aaya tha. usne hi apne pistol se us police wale ko maar diya tha.
saale RPO wale, us jaisi aur bhi kai dusri ORG wale powerfull banne ke liye kitno ka khun kar jaya karte the. jis police wale ko maine mara tha. woh bhi ek ladki ka rape kar chuka tha. police wala tha toh usay koi poochhne wala nahi tha. yahan bhi power hi kaam kar rahi thi.
ek ko shoot kiya toh sab cheekhne lage. dusra koi afsar police walun ko us afsar ko arrest karne ke liye bol raha tha..
mainn red master ke paas ja pohncha. woh ek chair par betha hua apne sar ko thame hue tha..
daksh ; kaisa nazara dikhaya ha maine tujhe red master.. yahi thehro.. kuch aur dikhata hon tumhe..
red master : nnn..nahi..nahi..plz..plz..kuch aur mat karo..plz..for GOD sake! humpar rehm karo..
daksh : jaise tum sab dusron par rehm karte ho.. is island par kitne aise han. jo alag alag deshon se kidnap karke laaye gaye han. unke brain wash karke unhe ghulam bana liya gaya ha.
na.. bilkul bhi na ha.. maafi bhokne wale kutton ko toh di ja sakti ha. kaatne wale kutton ko nahi. aur tum sab toh aise kutte ho, jo gharon ke ghar ujaad chuke ho. yahi rehna. hilne ki koshish bhi kari na toh maaar dalunga..
main wahin ja pohncha. ab tak wahan par media ki do gadiyan bhi pohnch chuki thee. jisne apne police wale ko shoot kiya tha. woh heran preshan tha. main uske paas khade hue ek aur police wale ki awaz sunkar uspar apna control bana gaya.
daksh : kaisa scene dekhne ko mila ha aap sab ko.
police afsar jo ghusse me bhi tha. jaan nahi paya, uske andar main hon. police afsar usse ghusse se bola.. tum apna moh band rakho.
daksh : HAHAHA..SAMRAT..main SAMRAT hon chutiye.. ab tak kitne hi criminals ko, begunahun ko maar chuke ho tum. par kabhi sabke saamne apne hi sathi ko nahi maar sake tum.. aaj ye kaam bhi kar dia tumne.
ab media wale meri aur akarshit ho gaye the.
female news reporter : aap kon han aur khud ko SAMRAT kyun bol rahe han. aap toh ek police wale han...
main aage badha aur live sabke saamne us news reporter ke gaal ko laal kar dia. ek karara thappad maine uske moh par jad dia. koi bhi soch nahi sakta tha. live bhi kisi news reporter ko thappad maara ja sakta ha..
woh cheekhti hui niche ja giri..
main us news repoerter ke dimag me ja samaya.. woh easily uth khadi hui aur camera ke saamne khadi hokar bolne lagi.
"HAHAHAHA main hon SAMRAT" uski awaz ab mardana ho gai thi.. main apni asli awaz me nahi bola tha. par ladki ke moh se mardana awaz hi nikal rahi thi.
apni shirt ke button kholte hue woh boli.. main is samay main nahi hon, mere andar samaye han SAMRAT" uski real awaz nikli..
fir main mardana awaz me bola.. camera off karne ki sochna bhi mat. warna dusri lash tumhari padi hogi yahan..
adhe boobs nange hue toh main firse mardana awaz me boal : main chahun toh ek pal hi me is ladki ko puri media ke saamne, pure world ke samne belibas dikha sakta hon. par main aisa karunga nahi..libas ki ahmiyat tum logon ki nazar me kuch bhi nahi hogi. tum sab toh ho hi gandgi ke bane hue. suno. main hon SAMRAT... power mili ha toh power ka sahi istemal karna seekho. kamzoro ko dabana chhod do. unpar zulm karna chhod do. apne andar power badhane ke lalach ko khatam kar do. nahi kar sakte toh dusron ko preshan karna chhod do.
warna mere qahar ka saamna karna padega tum sabko...
ab se is puri dunya par keval mera hi raj chalega.. SAMRAT ka raj.. aaj ek hi khun karke sabko chetavani di ha maine. tum power me ho toh khud ko sabse badhkar samjhne lage ho. main tumse bhi badhkar power me hon. toh main bhi khud ko tumse badhkar samjhta hon.. isliye aaj se apne jeene ka dhang nahi badal sakte toh mat badlo. par zulm ka ye bazar aaj se band kar do.
warna.......
zalim apne ant ke liye tayyar rahen. chahe fir woh koi bhi ho.. ab ja raha hon main.
yahi rahunga hamesha tum ke beech me. kuch bhi kahin bhi mujhe galat dekhne sunne ko mila toh wahan aise tabahi laaonga. dunya wale hiroshima nagasaki me giraye gaye atomic bombs ko bhul jayenge. mera ye paigham all world ke liye ha..
main wapis se red master ke paas aaya.. woh agent wahin ek VIP chair par betha hua tha. red master ne usay khud se ek VIP chair par bitha dia tha. bohut dara hua tha. wahan ka bhi woh sab dekh raha tha. puri dunya me meri video dikhai jaane lagi thi. america country me toh jaise bhookamb hi aa gaya tha.
daksh : tum kyu dar rahe ho red master.. jaise hi red master ko laga main laut aaya hon toh woh agent ke pairon me gir pada..
red master : aap kon han SAMRAT.. mujhe apne baare me batayenge.. main red master ke dimag me ghusa toh pata chala. saala mujhse dara hua hone ke bawajud bhi mere baare me jaanne ke liye betab tha. mere baare me jaan lene ke baad woh mujhe kaise kabze me le sakta ha. aise sochne laga tha.
main agent me aa kar hasne laga.. HAHAHA.. red master maut tere sar par mandla rahi ha aur tu ha dar dil me rakhe hue mere baare me jaanne ke liye utawala ho raha ha.
tujhe bata toh dia ha maine red master.. main hon SAMRAT.. is dunya ka SAMRAT.. ab se is puri dunya ka ek hi king ha.. aur woh main hon.
SAMRAT....
apne dusre headquarters par bhi sab bata do. fir milta hon main tujhse.. itna bol kar maine wahin padi hui ek rifle ko utha kar screen par firing karne laga..
daksh : ise blast nahi kar raha main abhi. chahun toh is pure island ko hi samudra ki gehraiyo me pohncha dun. par abhi nahi. abhi toh tum sab ke sookhte khun ko maine dekhna ha. SAMRAT hon toh kuch maze bhi lunga tum sabke. chalta hon.
main apni jaga par hazir ho gaya...
nipal ke border force wale zarur jaan the. unke mesile ne helicopter ko blast kar dia ha. main red master ke paas tha toh main nahi jaan paya. nipali fauji aaye the helicopters me ya nahi.
ab dhayan diya toh pata. 2 helicopter us blast hue helicopter wale area me mandala rahe the. zarur wahan koi helicopter land bhi hua hoga. main wahan se aage badh gaya. ab mujhe kisi se darne ki zarurat nahi thi..
shimuna ke dimag me pohncha toh bachhe aur ladkiyan police ne wahan se hasil kar liye the. us maa ka beta bhi uske paas tha. ab woh chain se thi. main dhananjay thakur ke paas pohncha toh woh bohut ghusse me tha. usay kuch samjh nahi aa rahi thi. uski haveli me uske admi ne itna bada kaand kar dia tha. aur ab khabar mili thi. uske khuffiya thikane se bachho aur ladkiyon ko bhi police ne ek zabardast mukable ke baad hasil kar liya tha.
dhananjay thakur bohut ghusse me tha. uska woh thikana koi nahi janta tha. kaise wahan ki khabar police ko mil gayi thi. ye soch kar woh khub preshan tha.. abhi tak us thikane ko leke police walu ko ye nahi laga tha, ye sab dhananjay thakur ka kiya dhara ha. shimuna ne bhi koi aisi harkat nahi kari thi.
mai dhananjay thakur ko apne hisab se dekhna chahta tha.
{:::::::::::::::::::::::::::::::::::::::::::::::::::::}
ek island jo london se 800 km ke faasle par tha.. island asal me underworld ka ek base tha.. island 8 km ke area par phela hua tha.
natasha wahan maujud thi.. pehle woh nahi janti thi. island ke baare me. ab wahan pohnchi toh pata chala, island toh underworld walun ka tha.
natasha ke dil me maujud underworld walun ke liye nafrat ki aag dehak uthi. bohut dino se dabi chingari shola ban kar saamne aane lagi..
ek khanjar liye woh island me ghusti chali gayi.. ek jaga usay 10 gunde bethe hue dikhe. sabke hathiyar kuch fasle par rakhe hue the. yahan unhe khatra nahi tha toh sukun se bethe hue the. hathiyar bhi apne paas nahi rakhe the...
natasha aage badhi aur pehle number par maujud ek gunde ki gardan ki nali kaat daali.
kharr..kharrrr...khararrrrr.. ki awaz ke sath uski kati gardan se khun shower ki surat nikalne laga. sabse usay dekh kar heran o preshan ho gaye. woh kuch samjh paate, ya kuch kar paate.. dekhte hi dekhte ek ko chhod kar sabki gardane katti chali gayi. khun ke kai shower khul gaye the...
sab tadapne lage..
ek jo bacha tha. woh bhoot bhoot chillate hue bhaag khada hua.. natasha ne badi safai se khun ka ek bhi chheenta khud par nahi aane dia tha..
natasha kuch fasle par khadi hokar wait karne lagi. 15 mint me hi wahan dheron gunde aa gaye.. sab wahan gardan kati lashen dekh kar cheekh pade.
jo zinda bacha tha, wo thar thar kaanp raha tha. woh sabko batane laga. kaise dekhte hi dekhte sabki gardane katti chali gai thi.
kuch ne toh uski baat par vishwas hi nahi kiya.. natasha ne wahin khade hue ek gunde ki gardan kaati aur fly kar gayi.. sab dekh kar cheekh pade.. sab us kati gardan wale ko dekhne lage.. kuch der me firse kharr..kharrr.. khararrrr ki awazen aane lagi.. gundo ne mud kar dekha toh kai aur gardane kati padi thee. sab dar ke dar gaye.. dehshat zada hokar cheekhte hue firing karne lage..
natasha bohut upar rehte hue smile se sabko dekhne lagi.. kuch cheekhte hue bhagne lage toh kuch ek dusre ki goliyon ka nishana banne lage.
natasha underworld ke main base ki orr fly karne lagi..
agle adhe ghante island par khun hi khun phela hua tha. natsha ne kuch gundon ko chod kar baaki sabki gardane kaat daali thi.
island natasha ke naam ho chuka tha. jitna upar se fly karte hue natasha ko island pasand aaya tha. wahin ab pure island ko niche se bhi dekh lene ke baad natasha ko apne faisle par garv hone laga.. yahan rehte hue woh bohut kuch kar sakti thi.
{:::::::::::::::::::::::::::::::::::::::::::::::::::::}
21 din pehle guzarne wali amavas ki raat earth walun ke liye aam raat ki tarah hi thi.
par nimuns ke liye woh raat bohut khas rat thi.
21 din pehle ki guzri amavas ki raat 100+ nimuns earth par land hue the. aur NASA wale is baar unhe dekh nahi paaye the. ek toh unki speed pehle se bohut badhi hui thi. dusre woh amavas ki raat aaye the. NASA wale unhe dekh nahi sake..
sabke sab earth par maujud ek aise island par land hue the.. jo aam samudri raston se hatkar tha. jahan aaj tak koi bhi behri jahaz nahi ja paaya tha. earth walun ke hisab se woh ilaka uski pohnch se bahar ka ilaka tha. wahan tak jaane ki sochne wala kabhi laut kar nahi aa paya tha.
nimuns wahin island par land hue aur usay apne HEADQUARTER bana kar apne mission ki tayyari karne lage.
5 scientist bhi sath me aaye the...
lozan khud nahi aaya tha. is baar sabhi nimuns ko lead karne ke liye aayi thi..
linizuna...
shimuna ke jaisi hi haseen tareen nimun.. jiski khubsurti shimuna se kam thi. par shimuna ke baad woh apne planet ki sabse haseen aur kaabil nimun thi. qad kath aur shaklo akal se woh bohut aage ki chij thi. usne khud se ye mission liya tha. aur lozan ko bhi linizuna ki kabliyat par koi shak nahi tha.
wahin apni tayyari me sab lage hue the. is baar woh jaldbazi nahi karna chahte the.
ek device par shimuna ke movement regular check ki ja rahi thi. shimuna jab bhi kisi insani badan se bahar nikalti toh device usay detect kar leti thi.
linizuna dekh kar bolti thi. shimuna tum mujhse bach nahi sakogi.. bohtu jald tum mere kabze me hogi..
ab toh earth baare bohut sa knowledge linizuna ke paas tha. linizuna kuch shaant kisam ki nimun thi. shimuna baare jaan kar bhi usne koi order jari nahi kiya tha. woh earth walun ke saamne, nimunica & earth ki technology ke sath jana chahti thi.
kuch nimuns lage hue the isi baare puri jankari prapt karne me. bohut si machine wahan banai ja rahi thi. is kaam ke liye nimuns earth walun se chhup kar rehte hue sabhi saman arrange kar rahe the..
sabse pehle 2 antena banaye gaye.. ek london ke veran pahadon ki oonchai par aise lagaya gaya. jise dekha nahi ja sakta tha.
dusra antena linizuna ke kehne par us island par lagaya gaya tha. bohut si led's bhi nimuns sabse karibi populated area se chura laaye the.
sath laaye the ek insan bhi... jo padha likha tha.. nimuns aur linizuna usse english likhna padhna seekh rahe the...
daksh ne SAMRAT hone baare jo paigham diya tha. wahi paigham linizuna aur dusre sabhi nimuns bhi dekh chuke the. par koi bhi samjh nahi saka tha.. earth ki language toh unhe aati nahi thi. isi liye jis insan ko sath laaye the. usay news dikha di gayi thi. fir usi ke mathe ke sath matha jod kar sari info prapt kar li gayi thi.
linizuna SAMRAT baare jaan kar heran hui thi. woh ye jaan kar heran thi. earth par bhi kuch aise log han. jinke paas kuch shaktiyan han..
usi shaam linizuna ek led tv ke saamne bethi hui SAMRAT baare tabsare sun rahi thi.
sath woh admi bhi betha hua tha..
linizuna badi dhayan se tv dekh rahi thi..
jo paigham nashar ho raha tha. woh ek video thi.. aur video me do insan kisi hil station par the.. dono hawa me atke hue the... jaise koi unhe thame hue ha.. par thaamne wala dikhai nahi de raha tha..
video me dikhai na dene wali vyakti natasha thi..
"wahhh ye toh kamaaal hi ho gaya.. maine dunya ki QUEEN banne ka socha hi tha.. QUEEN ke liye ek SAMRAT bhi aa gaya.. ye toh sach me hi kamal ho gaya.. SAMRAT!! koi bhi SAMRAT kisi QUEEN ke bina SAMRAT nahi hota.. tumhare baare jaan kar khushi hui.. tumhare karam jaan kar aur bhi zayada khushi mili mujhe.. milenge hum jald hi milenge.. bhagwan ne QUEEN banne ka khayal mere mann me dala toh sath thi mere liye tum jaisa jayala SAMRAT bhi paida kar dia.. jio mere SAMRAT.."
"dunya walo suno.. ghor se suno.. jo mere SAMRAT ne kaha ha.. uski maan lo.. warna shayad mera SAMRAT tum sab par daya karde..par mujhse daya ki tawaqqu rakhne ki bhul bhi mat karna. main aag hon. main shola hon. jala kar rakh dungi.."
"bure kaam karne walo.. bure kaam karna chhod do.. nahi chhod sakte toh apne paapi mann se kisi ko dukhi matt hone dena.. warna.. main usay zinda nahi chhodongi"
"dunya par raj karne walo.. tum samjhte ho. tumhare paas power ha toh tum bartar ho.. to fir main bhi tum sab se bartar hon. mere paas bhi power ha. aur mere paas ki power tum sabse kai guna badhkar ha.. kyun mere paas sabse badi power ha sachhai ki power"
natasha ne dono ko niche utaar dia.. wahan ek handicam laga hua tha. natasha usme bol rahi thi..
"SAMRAT.. bhagwan ne mujhe tumhare liye toh tumhe mere liye banaya ha.. aao milkar is dunya se gandgi ko khatam karen.."
.
.
.
.
.
.
Aaj Ke Liye Itna Hi Mitro! Milte Han Agle Episode Ke Sath Jald Hi..
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
Daksh n sahi time per parachute leker helicopter se kood ker apni jaan bacha li nahi tow jaise helicopter ki par khachche ude usi tarah uski body k udte
Daksh n tow kaher hi macha dia poori duniya per or khaas kerke America per Red master tow poora pagal hi ho gaya ki Samrat naam ka banda kaha se aa gaya
Natsha n bhi apna mission chalu ker dia gardan aise cut rahi thi jaise gajer mooli saare bande pareshan aakhir ho kia raha h
Tow iss baar poori foj k saath aaye h Nimuns iss baar earth per full tayyari k saath hamla karenge
Saath m aayi unko lead kerne wali Linizuna
Baherhal samrat wali news Natasha n bhi dekh li or bahot khush bhi h yeh jaan ker koyi or bhi h jo uske jaisa kaam kerna chahta h Queen ka samrat
Dekhte h aage kia hota h
Bahot khoob shaandaar
Lajawab update bhai
. dono ka maksad ek hi hai buraai ka khatma .
