Episode:48
shimuna ke sath achhe lamhe bitate hue ant me mujhe aisa lagne laga.. jaise mujhe koi dekh raha ho.. jaise koi mujhe yaad kar raha ho. jaise koi mujhe aise lamho ko jeete dekh kar dukhi ho..
main kuchh samjh nahi paya. jahan main shimuna ke sath maze kar raha tha. wahin mere dil me bhi kuchh kuchh hone laga tha. shimuna ko main kuchh bol nahi sakta tha.
eka eki mera mann hone laga.. main shimuna ke sath jo kar raha hon, woh chhod kar shaant let jaaon.
pata nahi meri aisi halat kyun hone lagi thi. aisa karke main shimuna ko dard bhi nahi de sakta tha. aise lamho se palatna partner ko bohut peedan bhi de jaya karta ha.. itna aage badhkar piche hat jana.. kaise koi sahn kar sakta tha.
shimuna sahn kar jati.. par usay achha na lagta. main bhi room me idhar udhar dekh kar sar jhatak kar shimuna ke sath busy ho gaya..
[][][][][][][][][][][][][][][][][][][][][][][][][][][][]
subah meri ankh jaldi khul gayi. main hila toh shimuna bhi turant ankhen khol kar meri ankhon me dekhne lagi..
mujhe utha dekh kar mujhe kiss karne lagi. main bhi usay kiss karne laga..
dono hi fir kuchh der me bed se utre.. aise hi ek sath bathroom me ja ghuse.. bath liya aur room me aa ke kapde change karne lage.
shimuna : ab batao, raat ka sab mujhe.
main shimuna ke balon me ungliyan ferte hue : chalo pehle ek round aur khelte han.
shimuna hehehe kar ke haste hue mujhe khud se door karne lagi.
shimuna : mujhe itni bhi bhuk nahi ha samjhe.. batao us chief ka kya bana.
main shimuna ko liye bed par bethte hue : wahan toh khel hi aur jaanne ko mila mujhe.
shimuna : khel.? kaisa khel.?
shimuna mujhe sochon me gum dekh ke heran hui..
main kuchh der sab sochne ke baad shimuna ko dekh ke bola
daksh : devdhar.. devdhar naam ka ek vyakti jo kali shaktiyon me bohut aage tha.. badi dehshat phela rakhi thi usne desh bhar me.. PM tak usse darta tha.. avantika naam ki ek jadugarni uski guru thi. lucknow me rahti ha woh.. uske baare me bada ajib sunne ko mila ha..
shimuna : kya matlab..?? ajib se kya matlab ha tumhara.?
daksh : ek ashram ha manali ke pahadon me.. us asharam ka koi chakkar ha. wahan ke GURU JI ke sath devdhar ki thani hui thi. aisa mujhe devdhar ke dimag se jaanne ko mila.. mazeed devdhar ke dimag ki gehraiyon me utra toh pata chala.. devdhar asharam ke liye jo vichar khud me rakhta ha. woh vichar uske apne nahi han. avantika ke control me tha devdhar.. jaise avantika ne uske brain me sab fit kiya.. wahin sab devdhar karta raha ha aaj tak..
shimuna heran hoke : kon ha ye avantika.
daksh : pta nahi..? ye toh uske dimag me ghus ke hi pata karna padega.
shimuna toh ghuso na uske dimag me..
daksh : itna bhi asaan nahi hota kisi ke bhi dimag me ghus pana..
shimuna : tumhare liye kuch bhi mushkil kaise ho sakta ha.
shimuna ki baat par mere honto par muskan aa gai.
daksh : lagta toh mujhe bhi kuchh mushkil nahi ha. par jaise tumhara aur GURU JI ka dimag ha.. vaise aur bhi kai dimag honge. devdhar mujhe mehsus nahi kar paya.. woh sharabi kababi tha.. isliye mujhe uska ant karne me mushkil nahi hui.. warna har kisi ke dimag me ghus ke uspar control bana lena asaan nahi ha.
shimuna : chalo toh dekhte han, avanitika ka dimag bhi tumhare control me aata ha, ya uska dimag bhi strange brains ki list me shamil hota ha.
devdhar ke dimag se avantika ke kuchh contacts mile the mujhe.. aisa hi ek personal number bhi mujhe mila tha avantika ka..
avantika se vasta toh ab padte hi rehna tha.. asharam ka bhi matter tha aur naki aur badi ka bhi.. woh burai barpa karne wali thi aur main burai ka ant karne ke liye medan me kooda hua ek khiladi.
kai anjaam logon ko bhi main janta tha. jinhe maine apni brain memory me fit kiya tha.. aise hi ek businessman ke dimag me main ghusa.. woh apni patni se lipat ke so raha tha. maine usay control me liya..
woh utha aur apna mobile utha kar avantika ka number dial karne laga.. avantika ke mobile par bel jaane lagi..
dusri hi pal mujhe avantika ki nind me badbadai awaz sunaai di.. main businessman ke dimag se nikal se nikal par avantika ke dimag me ja ghusa..
woh uchhal padi.. uski nind pal bhar me hi udan chhu ho gayi.. aise jaise woh kabhi so hi nahi rahi thi.. main uske dimag me utar ke searching karne laga..
par avantika ka dimag bhi mujhe bhul bhulaiyon laga..
usi samay mujhe avantika ki awaz sunaai di...
"sawagat ha SAMRAT tumhara mere dimag ki dunya me"
avantika ki awaz sunkar mujhpar hairton ke pahad toot pade..main foran uske dimag se nikal par shimuna ke paas hazir ho gaya..
shimuna mujhe hi dekh rahi thi. mere chahre par aai hairat dekh kar woh boli.
shimuna : kya hua daksh! tum itna shocking face kyun banaye hue ho.
"shimi yaar, badi khatarnak bala ha woh toh.. main jaise hi uske dimag me ghusa.. uski nind aise bhagi.. jaise woh soi hi na ho.. main uske dimag ko read karne laga. toh saala uska dimag hi ajib nikla.. uski koi bhi soch kisi ek jagah thahar hi nahi rahi thi.
dusra usay pata bhi chal gaya.. koi uske dimag me ghusa ha.. usne mujhe SAMRAT kah ke bulaya..
shimuna : kyaaaaaaaaaaaaaaaa..??
shimuna bhi meri tarah hairton ke samudra me ghote lagane lagi. uska moh pura khul gaya tha..
meri tarah woh bhi avantika ke bare me jaan kar shock ho gai thi.
main ek lambi saans leta hua : ab toh lagta ha.. kuchh khatarnak hone wala ha.
"itna khatarnak kah tum soch bhi nahi sakte"
mujhe mere dimag me GURU JI ki awaz sunaai di.. main seedha hoke beth gaya.
shimuna bhi seedhi hoke bethi.. mujhse pehle woh bol padi.
shimuna : paranam GURUDEV.
GURU JI : sada kalyan ho tumhara putri. daksh beta.. achha kiya jo tumne usay apni awaz nahi sunaai. warna woh bina deri ke tumhare baare me sab jaan jati.
daksh : GURU JI! kon ha ye avantika.
GURU JI : samay khud har sawal ka uttar dega daksh beta. avantika kali shaktiyon ke maamle me bohut aage nikal chuki ha. pure bharat me koi bhi uski takkar ka nahi ha.
daksh : GURU JI! kaise fir main usse lad sakunga..??
GURU JI : niyati ka racha ye sara khel ha. bas tum ab se kisi bhi dimag me apni real awaz me mat bolna.. panchu pavitr nariyon ko chhod kar. jinke bare me shimuna ne tumhe bata dia ha. jab jab tum inme se kisi ek ke sath rahoge.. sada safalta paoge.. koi bhi kali shakti tumhe haani nahi pohncha sakegi. jaan toh tumhari kali shaktiyon ke kaaran kabhi nahi jaayege. ye ek aage ki baat main tumhe bata raha hon. prantu kasht bohut uthane padenge. tum se jude huon ko bhi kasht uthane pad sakte han. uske liye tumhe sivaye ashram ke koi aur thikana puri dharti par nahi milega. kasht baare me tumhe koi gyan nahi dunga.. aage tumhari himmat tumhe safalta degi.. avantika se jo bhi juda, woh tumhe bohut kasht dega. devdhar ka samay ho gaya tha is dharti ko chhod kar jane ka. isliye tumhe moka mil gaya. anyatha tumhare liye asaan shikar nahi rehta.. uske piche avantika jo thi. sada saavdhan rahna.
dusre lok se aaye hue bhi jald hi tabahi machane wale han. aise me tumse jude huon ke liye khatrat badh jayenge. kis kis ko bachate firoge tum. ek ko bachaoge to dusra kasht me pad jayega. dusre ko bachaoge to teesra.. lok seva kab karoge aur parivar ki suraksha kab. vijayi bhava putro.
GURU JI chale gaye.. warna shimuna GURU JI kuchh se puchna chahti thi.
shimuna ka moh khula rah gaya tha..
shimuna : mujhe GURU JI se puchna tha. hum panchu ke liye koi khatra ha ya nahi.
daksh : ye to seedhi si baat ha. tum panchu ke rahte mujhe kali shakiyon se haani nahi pohnchegi..
shimuna : ohh haan! fir to tumhare paas hi rahna padega mujhe.
daksh : aise to tum mere sath 24 hrs nahi rah sakti.
shimuna : main tumhare andar sama jaya karungi. sach me kitna achha samay tha woh.. tumhara andar ka thikana mere liye bohut mast edventure tha daksh.. i love your body house.. shimuna mast nazron se mujhe dekhte hue boli.
daksh : sahi kaha tumne shimuna.. kisi ke andar rahna bada hi mast hota ha. jab tak kisi ke andar raho toh maza hi maza ha
shimuna chahakte hue : aur nahi toh kya..
maine shimuna ko apni bahun me bhar liya.. chalo na main tumhara andar samata hon.
raat bada maza aaya tumhara andar sama kar.
pehle toh shimuna ka moh khul gaya. ab wo sahi se samjhi thi. fir woh khilkhila kar hasne lagi..
besharam.... jab dekho ek hi baat ke piche pade rahte ho.. chalo ab chalte han..
main bhi hasta hua shimuna ke sath kamre se bahar nikal pada..
baki sab abhi so rahe the. shayad wo nahi rahe the. kaise so sakte the sab. sabki ninden to maine uda ke rakh di thee.
main shimuna ke sath haveli ke ghumne laga.. kuchh der chalne ke bad hum jogging ke andaz me daudne lage.
haveli me kai gaurd jaag kar haveli ki suraksha kar rahe the. suraksha.. hahaha.. haveli ko bahar se khatra tha ya nahi. par andar se khatra badh chuka tha. kaiyo ki jaan khatre me thi.. kaiyo ka waqar mitti me mil gaya tha. kai apni najron me gir gaye the. guards keval bahar se hi sabki protection me lage hue the. andar se kisi ke liye kuch nahi kar sakte the.
haveli ka area bohut bada tha. 2 ghante me main aur shimuna daudte rahe.. baten karte rahe.. thakan to thi hi nahi humme...
[][][][][][][][][][][][][][][][][][][][][][][][][][][][]
komal ne jagannath ke sath jude hue aur bhi kaiyon ke paas ja kar unka kaam tamam kiya.. jis jisse jo jo mila.. woh sab lekar komal nikal padi. ek ke paas se android fone hasil karke komal mile files ki snaps leke ke ek jaga mail bhi karti ja rahi thi...
puri raat komal ka qahar delhi shahar ke kai businessmen par jaari raha.. delhi me jaise raat hui hi nahi thi. police media sab bhaag daud me lage hue the.. komal kahin bhi hath nahi aa rahi thi..
komal sach me hi sherni thi. jo badi saavdhani se apna shikar kar rahi thi.. kisi ki nazron me aaye bina woh tabahi phela rahi thi..
ek hi raat me usne kaiyon ko anjaam tak pohncha dia tha. jo komal ko sherni ke roop me pehle se hi jaante the.. woh sabhi apne apne partners ko fone khadka rahe the. sherni se bachne ki baaten kar rahe the..
par sab keval baaten hi karte rah gaye the.. jab bhi komal ko leke baat karte toh news par komal ka koi aur kaand telecast hone lagta..
[][][][][][][][][][][][][][][][][][][][][][][][][][][][]
RAW chief ko bhi nind nahi aa rahi thi.. woh kabhi let jata toh kabhi uth kar tahalne lagta.. delgi shahar me ho rahi ghatno par woh bhi soch vichar me laga hua tha... SAMRAT, QUEEN aur bohut kuch tha uske paas sochne ke liye.. ab sherni maidan me utar ai thi toh chief ke paas sochne ke liye aur bhi bohut kuchh badh gaya tha..
chief apne kamre me tahal raha tha. ye cheif ka secret room tha.. usi room me laga hua ek red bulb spark karne laga.. sath hi ek tone bhi bajne lagi..
chief turant usi room se jude hue ek secret door ke paas ka pohncha. dekhne se woh keval ek deewar hi dikhai deti thi. ek jaga chief ne apna pura panja phela kar rakha to kuchh rays nikli aur chief ke punje ko verify karne lagi..
door oprn ho gaya. chief andar parvesh kar gaya.. door auromatic tha.. khud se band ho gaya.. wahan pade ek pc par bhi notification tone aa rahi thi. chief ne dekha to kai mails thee..
mails dekh kar chief uchhal pada.. chief mails read karne laga.. padhte hi woh khushi uchhal pada..
chief : good job sherni.. tum laut aai toh tumhari team bhi sampark me aa gayi.. kitni shiddat se chah thi mujhe tumhari, tumhari team ki..
chief mails padhne lage.. kuchh mails komal ki thee. kuchh uski team members ki thee. chief komal ki mails uski team ko send karne laga..
apne kaam se free hokar chief me wahan lage ek button ko press kar dia.. ab koi bhi usay disturb nahi karta..jab tak woh khud se secret room se bahar nahi nikalta..
chief wahin maujud ek small kitchen me ghus ke khud ke liye coffee banane lage.. aaj badi muddat ke baad unhe apne hath se coffee banane me maza aa raha tha..
coffee banane ke baad woh coffee mag uthaye secret room me tahalte hue coffee ke sip lene lage..
[][][][][][][][][][][][][][][][][][][][][][][][][][][][]
komal ko 4 baj gaye the..ab tak woh 8 jagah tabahi phela chuki thi.. abhi uska rukne ka mann nahi tha.. abhi woh thaki nahi thi. uske andar ki aag bujhi nahi thi.. bure log abhi bhi bohut the.. itne saalon se bohut sa kachra ikatha ho gaya tha.. komal jitna zayada ho sake kachra saaf kar dena chahti thi..
bada pyar tha usay apne desh se.. apne deshwasiyo se.. ghatiya aur desh ke dushmano ko maar ke woh apne desh ke lakhon masumun ki zindagi me sukh le aana chahti thi.
ek jagah se woh guzar rahi thi. woh ek lamborgini gadi me thi. gadi usne ek kothi se hasil kari thi.
achanak se hi ek bullet kahin se chali aur lamborgini ke agle tyre me ghus gayi.. komal gadi ko badi speed ke sath chalaye ja rahi thi. achanak se hue fire ko jaan nahi saki. tyre flat hua toh gadi speed me hone ke karan uske control se bahar hone lagi..
gaadi kai un balance hui aur paltiniyan khane lagi.. aise hi ek chakkar ke dauran komal toot chuke mirror ke andar se chhalang laga kar bahar kood gai..
seatbelt bhi woh koodte samay turant khol gai thi.. komal ek super agent thi. pehle bhi kam nahi thi. ek sherni thi. ek ek lamha active rahna uski adat thi. aise khatron se bach nikalna uske liye aam baat thi.
lamborgini door tak ludkakhti chali gai thi. komal road se hatke ek khada hathu ghutno ke sahare jhuki bethi gadi ko dekh rahi thi.
komal ko fir apne paas hi kisi ke hone ka ehsas hua toh komal ne sar utha kar dekha.
dekha to paya char vyakti sar se leke pairon tak kale kapdo ke lipte hue kamar par hath rakhe uske saamne khade the..
sab ke sab komal ko ghoor rahe the. komal unko dekh kar uth khadi hui aur apni kamar par hath rakh kar unhe dekhne lagi.
ek end se komal unko ghoor rahi thi toh dusre end se woh charon vyakti komal ko.
fir dekhte hi dekhte woh charon komal ke gird khade ho gaye.. charon fighting position me aa gaye.. komal ke honto par muskan aa gai charon ko aise andaz me dekh kar..
charon fir ek hi time par komal par toot pade.. charon ke moh se alag alag kisam ki awazen nikalne lagi. koi ghumte uchhalte hue komal ko punch maarta toh koi kick.
koi bhi ek hi jagah par thahar nahi raha tha.. sab bijli ki si tezi se apni jagah badal rahe the.. badi maharat se woh komal ke sath lad rahe the. par koi bhi punch ya kick komal ko nahi lag raha tha.. lagna to door ki bat ha.. komal ko koi chhu bhi nahi paa raha tha..
komal hasne lagi... kya hua.. dumm kamm ho gaya ha kyaa.. maa ke doodh ka asar khatam ho gaya ha kya.. ya ragon me daud raha khun pani ho gaya ha.
charon ruk gaye.. komal bhi ruk gayi.. fir komal hasne lagi. toh charon bhi hasne lage..
panchu milkar hasne lage.. kuch pal panchu ki hansi ki awaz goonjti rahi.. fir ekdumm se panchu imotional hone lage.. panchu ki awaz me imotions the.. charon komal ke purane sathi thi. charon ladkiyan thee..
charon cheekhti hui komal se lipat gai.. charon ke sisakne ki awazen aane lagi. komal ek sherni hokar apni awaz ko bheegne se na bacha saki..
ek na naam vidya..dusri ka naam neha..teesri ka naam anu.. chothi ka naam renu tha..
anu : kahin chali thi tum.. haan.. bhul gai thi kya tum.. hamari zindagi me tumhare siva koi nahi ha..
vidya : jane se pehle ek baar bhi hamare baare me nahi socha. jiski zindagi ka maksad hi tumhare sath rahna ha.. tumne hi to di ha humen ye zindagi..
renu : warna hum anatho ki zinadgi me koi rang tha hi kahan.. ek tum hi toh thi hamara sab kuchh. ek dost, ek bahan.. tum se hi toh hamara parivar thi komal.. kyun chhod kar chali gai tum hum sabko..
neha : mera bhi nahi socha tumne.. jiska tumhare bina ek pal bhi nahi guzarta.. apni neha se itni door chali gai. koi khabar bhi nahi di apni..
charon subakne lagi thi. komal ko sabpar bada pyar aane laga tha..
komal : main kahan gai thi tum sab se door.. mujhe toh kuchh din hi pahle yaad aaya ha sab kuchh.. warna toh barson tak main khud se anjaan rahi thi. RPO ki wafadar bankar unki seva karti rahi thi itne barson tak..
kyaaaaaaaaaaaaa..?? RPO ki wafadar..
komal : haan! kuchh aisi hi baat ha.. tabhi toh lautne ke baad aisi tabahi macha rahi hon. kitne baras mujhe mere desh ki seva se door rahna pada. kitna gandh phel chuka ha mere na rahne se.. zarur tumne bhi kuchh nahi kiya hoga mere baad.
charon sad hoke.. komal tumhare jaane ke baad dil hi nahi lagta tha kisi kaam me. desh ki seva me bhi nahi. tumhari koi khabar bhi nahi thi na hamare pass. aur fir tumhare hone se hi toh humme josh bhar jaya karta tha. ab tum laut aai ho na toh dekhna koi bhi desh ka dushman zinda nahi chhodengi hum sab milkar..
komal fir unke sath milkar unhe khud par guzri batane lagi. charon ek gadi me aayi thi. komal unke sath jaane lagi. abhi mission pura nahi hua tha.. baton aur mission ki baaten karte hue woh wahan se nikal padi..
fir subah hone tak panchu mil kar delhi shahar me qayamat barpa karne lagee.. aisi tabahi laane lagee jo aaj tak koi nahi la saka tha..
pure delhi shahar me kohram mach utha tha.. sabki ninden ud gai thi. pehle ek komal thi. ab paanch ho gai thi. panchu milkar kuchh hi ghanto me woh kar guzri jo RAW ka koi bhi agent nahi kar paya tha..
aise aise powerfull logon ko panchu ne maar giraya tha.. jin tak pohnch pana, jin ko maar pana kisi ke bas me nahi tha.. jinpar hath uthate hue police ya koi aur idare wale soch bhi nahi sakte the.. ya keval soch sakte the. unke khilaf kabhi action nahi le sakte the..
panchu ke sath sath media ne bhi kohram macha dia tha.. media komal ke purane karname bhi repeat karne lagi thi.. bade bade adhikari shor machane lage the. komal ko ek terrorist girl batane lage the.. usay pakad kar shoot on the spot ke liye shor macha rahe the..
komal apne ghar na ja kar apni friends ke sath apne purane ek khufiya thikane par ja pohnchi. puri raat guzar gai thi desh ke dushmano ko fanaa karte karte.. din nikal aaya tha. sab thak bhi chuki thi.. sab ek sath ek hi bed par let kar so gai...
[][][][][][][][][][][][][][][][][][][][][][][][][][][][]
main shimuna ke sath dining table par betha hua tha.. main sabse pehle wahan pohncha hua tha..
rupali aaj fir kal wale dress me thi.. aaj fir woh trance se bahar thi.. aaj fir woh sabse ke liye naukrani ka kaam kar rahi thi.. ek bar firse uski ankhon me aag dahakne lagi thi.
kuchh der me ek ek karke sab aane lage. main chahta toh sabse alag rahte hue apne breakfast kar sakta tha. par maine aisa nahi kiya.. sabke samne rahte hue sabko pura pura ehsas kara dena chahta tha.. mere sath sabne kya kiya tha..
apnu ko saza dene ka ye sabse badhiya tarika hota ha. apnu se hue bure bartao par sabko mara peeta to ja nahi sakta tha.. atmagalni me sab hi dobe hue the.. ye bhi sabke liye bohut badi saza thi.. aisi saza jo andar hi andar khane lagti ha..
sharir ki maar se badi maar hoti ha atmaglani..
sabka kasur tha.. mujhpar vishwas na karne ka..
sabse pehle raja thakur apne bhai karanveer ke sath aaye. mujhe dekha.. fir apni apni chair par beth gaye. raja thakur bhi atmagalni me the.. boodhe ho gaye the. umar ki aisi stage par unse chook ho gai thi. mere baare me woh sahi nirnay nahi le sake the.. mujhe doshi mana tha sabki tarah..
karanveer toh hi paapi.. mere aur sabke.. par woh dil ke achhe the. par dimag ke kachhe.. jaisa govardhan ne sabse usay nachaya.. vaise nachte gaye.. atmaglani ke sath sath aur bhi bohut kuchh kho chuke the karanveer.. bohut badi saza khud apne liye choose kari thi karanveer ne..
fir papa aur maa aye. mujhe dekha.. nazar jhuka kar apni apni chairs par beth gaye.
unki jhuki nazren mujhe pasand nahi aayi thee. par aise hi toh nahi main unhe foran maaf kar deta. ya sab bhul jata.. abhi toh baat atki hui thi..
vishwas aur avishwas par... abhi toh main bohut kuchh aisa karne wala tha. jis ke kaaran sabke vishwas firse dagmagane lagte..
ye meri or se saza bhi thi aur sabke liye seekh bhi.. vishwas par dunya tiki ha toh parivar bhi..
bina vishwas ke toh kuchh bhi nahi hota.. na dunya salamat rah sakti aur na hi rishte.
na payal di.. woh kal jo soch rahi thi. ab unki soch me changes tha. ek bar firse maine unki soch me hulchal machai thi. maa ke sath bhi kuchh aisa hi scene tha..
dadi bua aur sabke sath aai.. dadi dada ji ke sath bethi.. bua aur sab mere gird kal wali seat par aa kar beth gai.. paridhi aur devika nahi aai thee..
vikram chacha aur richa parachi ko bhi aaj aane ka kaha gaya tha.. woh bhi aate hue dikhai diye..
unko dekh kar sabki ankhon me hairat dar aayi.. sab ke sab naukaro wale dress me the.. richa aur parachi bohut sharam feel kar rahi thi.. maine rupali ko dekha.. toh uski ankhon me aisa sab dekh kar koi extraa bhav nahi aaye.
jitna uske sath ho raha tha. woh bhi bohut tha...
fir payal di aayi.. uski ankhen dekh kar lagta tha.. woh sari raat soi nahi han. laal ankhen jo jagrate ko baya kar rahi thi.. woh mujhe dekh kar is bar payal di ki nazren nahi jhuki.. kuchh shan meri ankhon me ghor se dekha.. fir apni chair par beth gai..
shimuna jhuk kar mere kaan ke paas boli : ise kya hua.. raat ki payal aur abki payal me kitna farq ha..
daksh : kya ek hi bar me sara mattar suljha dun.. ek hi bar me sabke brain ko trance me laa kar vishwas layak bana dun.. vishwas aise hi toh nahi ban jata.. jab tak andar ke sare vichar pak saaf na ho jayen, vishwas nahi ban sakta. raat hamare door ke paas aayi thi woh.. usay sab pata chal gaya ha.. ek bar firse uska vishwas dagmagane laga ha..
shimuna sunkar ek bar toh sharma gai..
shimuna : tum bhi toh rat janwar ban gaye the. zarur sabne meri cheekh bhi suni hogi.
main dhire se hasne laga..
daksh : cheekh to sabne suni thi tumhari.. tum bhi toh gala phaad kar cheekhi thi.. kaise sabke kaano tak na pohnchti.
shimuna ne meri kamar par chutki kaat di.. fir uska moh jaise hairat ke baare khul gaya.. main usay dekh ke heran hua.. woh saamne dekh rahi thi.. main bhi udhar dekhne laga..
mera moh bhi hairat se khul gaya.
ye kyaaaaaaaaaa..
main stairs par dekhne laga.. jahan se paridhi aur devika aa rahi thi. dono ek hi jaise dress me thee. ek jaisa makeup, ek jaisa hairstyle ek jaisi chaal.. aur to aur ek jaisi muskan dono ke honto par thi..
surat me kuchh change tha.. warna toh dono ko dekh kar aisa lagne laga tha. jaisa dono twins hon..
shimuna badbadai.. in dono ko kya hua.. kisi fashion show me hissa toh nahi lene ja rahi.. jo haveli par hi reharsal karne lagi han..
main bua, kunal, akshara aur urvashi hasne lage..
dono pariyan bani ek hi andaz me seerhiyan utarne ke baad chalti hui hamari or aane lagee.. badi hi jandar muskan thi dono ke chahron par....
.
.
.
.
.
.
Aaj Ke Liye Itna Hi Mitro! Milte Han Agle Episode Ke Sath Jald Hi..
::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
