UPDATE- 64
Ab tak
Paridhi abhi hamare sath thi hum sabhi ke ghar mein behosh padi hui. Margret ne mujhe bataya ki meri sabhi patniyon ki kuch Shaktiyan aur saath hi kuch yaadein jo hai wo mukt ho gayi hai aur wo yaadein unke sapno mein aane lagegi. Unko sab yaad aane ke liye mujhe unke unhi sapno ko sach karna hoga
Aage
Khana khane ke baad sabhi soone jaane lage. Mohini aur Varsha wapas Pradeep ke ghar mein rahne lagi thi sirf raat ko hi.
Main apne room mein gaya jaha par abhi bhi Paridhi soo rahi thi. Main bas baith kar usko dekhne laga. Uske baal baar baar uske chahre par aa rahe the aur main unko baar baar waha se hata deta.
Jab bhi mera haath uske chahre par jaata ek muskan uske hoothon par aa jaati.
Bas aise hi karte karte raat gujar gayi wo sooti rahi aur main usko dekhte hue jaagta raha.
Subah hui main bathroom mein fresh hone chala gaya. Jab bahar aaya to Paridhi jaag chuki thi aur ullu ki tarah room ko ghure jaa rahi thi. Mujhe dekhte hi wo boli.
Paridhi- Saurya ye kon si jagah hai aur main yaha kaise kya tu....wo sab kya tha tumne apne haath se kuch kiya tha aur hum yaha aa gaye the kaise ?
Main- Paridhi shaant ho jaao main sab batata hu par pahle shant ho jao.
Paridhi- Aur wo mere haath se aag nikal raha tha wo kya tha kahi main paagal to nahi ho gayi naa jo ye sab dikh raha mujhe. Kahi ye sab koi sapna to nahi...
Main- Chup ho jao yaar kya bhachar bhachar kare jaa rahi ho pahle bhi aise hi bolti rahti thi tum.
Iss baat ko sunte hi uske haawbhaaw badal gaye.
Paridhi- Dekho tum naa mere burayi naa kiya karo warna main sabhi ko bol dungi fir hum saare mil kar tumse baat nahi karenge.
Main(Maan mein)- Arre yaar iss Margret ki bacchi ne madad ki hai yaa mazze lene ke liye ye kiya hai pata nahi kab kya bolne lag jasti hai ye ab.
Main- Kya hua Paridhi tum thik ho naa.
Paridhi- Thik kya tumhe lagta hai main thik hu mere haath se aag nikal raha tha tumne mujhe ek jhatke mein waha se yaha laa diya meri kuch samajh mein nahi aa raha aur tum puchte ho main thik hu ki nahi.
Main- Arre tum shant ho jao main tumhe batata hu ye kya ho raha hai.
Hmm Haa tumne jab RAW join kiya to training ke dauran tumhare khane pinne ki jo chize thi naa unme kuch dawaiyan mila kar di jaati thi ye sab bas ussi ke wajah se hai.
Paridhi- Kya matlab main kuch samjhi nahi.
Main- Dekho kuch saal pahle naa RAW ke haath ek formula laga jisse superhuman bante hai. Ye formula fir test kiya gaya RAW ke agents par jisme sabse pahle thi Kiran Ma'm.
Paridhi- Kya tum sach bol rahe ho superhuman aur kya Kiran ma'm bhi.
Main- Arre yaar bichein mat bolna ab flow tut jaata hai mera pahle pura sun lo fir bolna.
Paridhi- Thik hai bolo.
Main- Haa to sabse pahle Kiran ma'm par test hua aur wo successful raha isse Kiran Ma'm ke paas kisi ke maan mein kya chal raha hai wo jaanne ki ability aa gayi. Fir ek din Ma'm ne wo formula hi gayab kar diya unhe pata chala tha ke RAW ke kuch gaddar usko bechne ke firrak mein hai issiliye. Ab wo formula bas ma'm ke pass hi hai aur wo uska use sirf unsab par karti hai jinpe unko bahut bharosha ho jaise tum,main aur Mohini.
Paridhi- Par ye galat hai na unko puchna to chahiye na humse aur agar kuch galat ho jaaye iss bich.....
Main- Arre aisa kuch nahi hota aur wo puchti issliye nahi hai kyunki wo pahle hi maan padh leti hai na.
Paridhi- Maan padh leeti hai?? par iska aur puchne mein kya connection hai.
Main- Arre wo sab chodo ab ye sunno ki tum ho kaha jaan na nahi chahogi.
Paridhi ne haa mein sar hilla diya.
Main- Ye naa Ma'm ka secret adda hai jaha wo hum jaise Superhumans ko training dilwati hai. Ab se tumhe bhi yahi rahna hoga humare saath training leni hogi.
Paridhi- Arre jhoothe kitna jooth bologe biwi hu tumhari sab samajhti hu.
Main(Maan mein)- Margret ki bacchi ye kaisi help ki hai salla pata hi nahi chalta kab isko sab yaad aa jata hai aur kab sab bhul jaati hai.
Main- Arre Paridhi main sach bol raha hu.
Paridhi- Haa to maine kab kaha jhoot bol rahe ho ab wo sab aakhon se dekha hai maine bhi to viswash to karna hoga naa. Main taiyaar hu training lene ke liye par main yaha nahi rahungi main udher hi rahungi waha mujhe accha lagta hai.
Main- Thik hai main Ma'm ko ye baat bata dunga.
Paridhi- Accha kya tum fir se wo magic karoge.
Main- Haa jarur bolo naa kaha jaana hai tumhe base par ya kahi garden mein....
Paridhi- Nahi mujhe bas mere kamre mein pahucha do.
Main-Kamre mein abhi aur soona hai to idher hi soo jao mein bahar chala jaata hu.
Paridhi(Chidhti hui)- Nahi soona nahi hai mujhe. Tum bas mujhe mere room mein pahucha do.
Main- Thik hai chalo .
Maine ek portal khola aur wo usme jaane lagi par jaate jaate mujhe ek chota sa kiss de gayi hoothon par.
Main bhi khush ho gaya. Abhi main muskura hi raha tha ke mujhe Margret ki yaad aayi aur main chal diya uske pass usse baat karne.
Margret iss waqt nicche Mohini aur Kiran ko training de rahi thi jaana mujhe bhi tha par Paridhi ke chakar mein late ho gaya.
Margret- Tum late ho.
Main- Sab tumhari wajah se hai ye kaisi madad ki hai yaar tumne. Paridhi kabhi to mujhe apna pati maanne lag jaati hai wahi kabhi aisa ki mujhe jaanti bhi naa ho.
Margret- Arre ek to help ki maine upar se sunna bhi rahe ho.
Main- Arre main sunna nahi raha bas batta raha hu aur aage se naa aisi baatein bata dena help karne se pahle.
Margret(Muh banate hue) - Thik hai bata dungi. Aaj koi clasd nahi hogi jao sabhi.
Itna bol wo jaane lagi waha se.
Mohini- Tum kya pagal ho ek to wo madad kar rahi hai hamari upar se tum.
Main- Arre mujhe pata nahi tha naa ye burra maan jaayegi ab kya karu.
Mohini- Kya karu kya jao mannao usko.
Main- Haa dehta hu. Accha tum dono (Kiran aur Mohini) ek kaam karo ye Paridhi se to tum dono ki ab bahut banti hogi naa to tum dono ko usse uske sapno ki baat karni hai aur mujhe sab batana hai.
Mohini- Sapno ki baat par kyun.
Maine dono ko sab bataya saath hi wo jhooti kahani bhi jo maine abhi paridhi ko sunnayi thi.
Kiran- Thik hai hum usse baat karenge par tumhe nahi lagta kuch time lagega.
Main- Saayad lage par tumhe bas Paridhi kaa hi nahi Puja aur Priya ke bhi sapno ka pata lagana hoga.
Mohini- Thik hai par Shilpa didi ka kya.
Main- Shilpa ko main khud dhund lunga.
B.S- Saifali ko bhi dhundhna hai bhul gaya kya.
Main- Arre wo to ghar par hi hai naa..
B.S- Nahi be wo jo ghar par hai wo wo nahi jo tu usko samajh raha hai wo to koi aur hai jo yaha bas Saifali ke liye hi aayi thi.
Main- Main kuch samjha nahi.
B.S- Kabhi fursat mille naa to ghar mein jo Saifali yaani teri wo bahan thi usse baat kar lena par akele mein samjha.
Main- Ek min akele mein kyun.
B.S- Tu mil to usse ek baar tujhe naa shirf Shipa aur Saifali ka pata milega balki wo kuch aur bhi degi tujhe.
Main- Wo hai kon ye bata de mujhe teri baato se itna to samajh hi gaya hu ke koi aam insan to nahi hai wo.
B.S kuch bhi nahi bola maine ek do baar aur pucha but no answer.
Chaliye ab ek nazar daal aate hai Maarcuss bhaiya par.
Maarcuss iss waqt gusse mein yaha waha tahal raha tha uske saamne kul 10 log khade the kapdo se shainik nal rahi the Maarcuss ke seena ke.
Maarcuss- Tum sab itne acche guptchar ho kar bhi unn bhagaodo ka pata nahi laga pa rahe.
G4- Maharaj shaayad hi koi aisi jagah ho universe mein jaha humlogo ne unke baare mein pata naa lagaya ho apne sources se par wo milte hi nahi.
Maarcuss- Sources se ka kya matlab hai tum saare jaa nahi sakte the kya khud abhi ke abhi tum saare khud jaoge unko dhundhne. Mujhe unka pata chahiye.
Wo sabhi chale gaye aur unke jaate hi Jordon waha aa gaya.
Maarcuss- Jordon tumhe Earth par banne ek shied ko todna hai kuch bhi karo par usko todo mujhe aisa lagta hai waha kuch to naayab chupa hua hai.
Jordon- Ji maharaj.
Jordon waha se chala jaata hai Pritvi ki oor.
Agla update shaam mein
