UPDATE - 84
Ab tak
Saurya ne kuch plans banaye hai aur unpe kaam kar raha hai
Ab aage
Chaliye ek jhalak hum future ki bhi dekh lete hai jaha se hamara hero gaayab ho chuka hai aur Maarcuss ji usko dhundh rahe hai.
Maarcuss- Wo Saurya uska kuch pata chala.
Wo ye sawal apne ek bahut hi bade mahel mein baitha hua puch raha tha.
Jordon- Nahi wo saayad maar gaya hoga karega bhi kya jinda rah kar ab.
Maarcuss- wo maar nahi sakta jab tak main naa chahu pata karo uska aur unn logo ka kya hua jinka humne istemal kiya tha uss Saurya ko iss halat mein laane ka.
Fready- wo wo saare abhi jail main hai waha roote rahte hai apne logo ke marne ke gum mein aur wo jo Dragon ki bacchi hai naa usko humne chinne ki koshish ki to uss Solar dragon ne hamare sainikon ko maar diya. uska kuch karna hoga.
Maarcuss- nahi usko chod do wo bacchi hai abhi. Main chaahe jitna bhi bura kyun naa hu par ek Maa ka dard samajh sakta hu.
Jordon- Maharaj ye aap kah rahe ho jisne Manjulika ko marwaya tha jab wo Maa banne wali thi ye aap kah rahe ho.
Maarcuss- waha meri jaan ko khatra tha jo ab nahi hai aur uss dragon ki bachi ka maine kuch socha hai. Tum sab jaao
Wo 5cho waha se nikal gaye.
Fready- Dekh rahe ho isko ye bas apni jaan kaa soch raha hai. Yaad hai uss Margret ko maarne ki baat nikali thi maine to kya kaha tha isne.
Jordon- yaad hai dost aur wo bhi yaad hai jab uss Niharika ko dhudhne ki baat nikli thi.....Maarcuss bahut hi jyada khudgarj hota jaa raha hai jab se uss Saurya ki talwar iske pass aayi hai ye hame kuch samajhta hi nahi maana hum iske under kaam karte hai par ye nahi chalne wala.
Wo sab baatein kar hi rahe the ki acchanak se ek insan unke saamne aa jaata hai. Ab unn sab ko thoda to shock lagna hi tha wo laga par uss insan ne sab sambhal liya aur fir unn sabhi ko apna ek idea bataya jisse unke so called dusman jaise Margret aur baaki sab ka khatma kiya jaa sakta tha par uske badle unn sabko uss aadmi ko apna maalik manna tha.
Jordon- Plan to sahi hai tumhara saath hi hum tumhara saath bhi dene ko taiyaar hai par tumhari aakhri baat ke liye kuch pareshani hai.
Insan- Yahi naa ki tum 5 logo ki aatma uss Maarcuss ke kabje mein hai. Uski chinta mat karo tum mere plan par kaam karo main tum logo ki aatmayein haasil kar lunga aur apne maalik ko saunp dunga.
Fready- nahi isse to hum fir bhi gulam hi honge naa.
Insan- mere maalik bahut hi acche hai apne gulamon ke liye tabhi to main unko wapas laana chahta hu. Saath hi tum sab ko nayi aur khatarnak taakatein bhi milegi. Main tumhe waqt de sakta hu sochne ke liye.
Fready- Mujhe manjur hai main taiyaar hu unka gulam banne ke liye.
Baaki charo ne bhi yahi kiya.
Maarcuss ko pata nahi tha ki uske apne hi khaas log uske saath bagawat karne waale.
Chaliye ab chalte hai apne Hero ke pass jo iss waqt hospital mein tha Mohit ke saath. darasal hua ye ki jab Mohit ki aankhon ki roshni wapas aayi ye baat uske chaul mein faail gayi. Jab ye baat uske ek compounder dost ko pata chali to wo usko hospital mein cheakup karane ko bolne laga. Mohit ko bhi ye sahi laga aur wo chal diye uss dost ke saath jaha wo kaam karta tha.
Bahut hi bada hospital tha ye yaha akshar medical collage ke students ko bheja jata tha. Waha ke cases ko discuss karne ke liye kah sakte hai uss Hospital aur collages ke bich koi understanding thi.
Bas aise hi XYZ collage jaha par apne Saurya ki saare cousins padhte the waha ke medical students bhi aaye hue the.
Recap of Characters
Kirti - Saurya ke bade Mama ki badi beti jo MBBS kar rahi thi.
Back to story
Haa to hua yun ki Mohit ji ki checking hui aur wo doctor ke room se nikle aur mere ( Saurya) ke saath saath chalne lage ki tabhi koi ladki takra gayi mujhse.
Ladki- dekh ke nahi chal sakte gawar kahi ke mera stethoscope gira diya you idiot.
Main- Arre aap takr...........
Bas main ruk gaya kyunki ye koi aur nahi Kirti thi aur maine ye nahi socha tha isse aise mulakat hogi.
Mohit mamu ne usko dekha tha pahle jab wo bahut choti thi fir usnki aankh chali gayi par uski aawaj ko wo pahchan gaye wahi dusri oor Kirti ko bhi Mohit mamu kuch jaane pahchane lage issiliye wo waha ruki rahi.
Kirti- Aapko dekha hai kahi par yaad nahi aa raha.....hmm kya main aapko jaanti hu.
Mohit- Nahi main nahi jaanta tumhe. Saurya chalo hume der ho rahi hai.
Hum nikal gaye waha se par uss Kirti ko to Mohit mamu ka chahra pahchana lag raha tha.
Kirti(khud se)- ye...iski sakal to Shurbhi dadi se bahut milti hai....kahi ye ....nahi wo to andha tha iki to aankhen hai.....mujhe kya main chalti hu.
Bas Kirti apne raaste chal di aur main aur Mohit mamu bahar chale aaye hospital se.
Mohit- tujhe pata hai wo ladki kon thi?
Main- mujhe kya pata (jhoot)
Mohit- wo teri bahan thi tere bade Mama Shamsher singh ki badi beti.
Main- kya par aapne usko pahchanne se mana kyun kar diya.
Mohit- wo chod tu chal ab ghar chalte hai waise bhi bahut dur aa gaye iss checkup ke kaaran. Upar se maine Maa ko bhi nahi bataya abhi tak meri aakhhon ke baare mein aaj unko ghar bulla leta hun wo tujhse milkar bahut khush hogi.
Main- hmm ye sahi rahega.
Hum ghar gaye waha Mohit ne Shurbhi apni Maa ko call kiya aur sab kuch bataya sirf mere waha hone ka nahi jiske baad to jaise uske khushi ka koi thikana hi nahi raha aur wo urant hi waha se nikal gayi.
Maine bhi uss waqt mein Sameera ko phone kiya aur usse baat ki unn sab ke baare mein jinki list maine Ritvik ko di thi.
Sameera- wo sab hum dekh rahe hai kuch targets jo India ke the wo humne khatam kar diye hai par tum Russian Maafiya ki baat kar rahe the wo kaise kare...
Main- Arre itni Powers hai tumhare pass aur ye nahi kar sakte tum log.
Sameera- Powers kin powers ki baat kar rahe ho tum.
Main- Arre mera matlab itni training contacts ye sab inka use karo..
Sameera- Pata nahi kyun par mujhe bada hi ajeeb lag rahe ho tum aur tumhari baat bhi.....par ab aadesh hai aapka to kuch na kuch to karna hi hoga hame.
Bas Sameera ne call cut kar diya
Kuch der ke liye hum Sameera ke pass chalte hai.
Sameera- Pata nahi par mujhe bhi Ritvik ki baat sahi lag rahi hai saayad Samrath ko sab yaad aa chuka hai.
Sameer- Nahi yaar agar aisa hota to hame pata chal jaata sab kuch aur kya wo Malika ke pass nahi jaate agar unko sab yaad aa jaata to.
Ritvik- par yaar ye bhi to soch ki hum ab uspe nazar nahi rakh paa rahe hame inn insano wale upkarano ka istemal karna pad raha hai.
Sameera- Aur wo Power wali baat jab usne kaha tha na to uska matlab hamari powers se tha jinn ki powers se.
Sameer - haa aur tum iss nishkarsh par kaise pahuch gayi meri bahena.
Sameera- Arre wo insan kahte hai naa 6th sense bas ussi se.......ab majak chodo mujhe lagta hai hame kisi se baat karni chahiye iske baare mein.
Sameer- Pita ji se bole kya..
Ritvik- nahi yaar tumhare Pita aur mere pita dono hi abhi unn kale jinno ki pareshani se nipatne mein vyasth hai hame koi aur chahiye.
Sameer- Fir to jinnlok ke bahar se hi kisi ke pass jana hoga.
Ritvik- Parilok ki Rajkumari unko bulate hai agar Samrath ko sab yaad aa gaya ho to wo jarur bata degi hame.
Sameera- Nahi wo bahut vyasth rahti hai hame khud hi pata karna hoga.
Ritvik- Nahi mujhe lagta hai hame intezar karna chahiye agar unko yaad aaya hoga to wo jarur kuch soch samajh kar hi kar rahe honge waise bhi hame yaha bas unki raksha ke liye bheja gaya hai naa ki unki jaasoosi ke liye.
Sameera- hmm ye bhi sahi hai
Chaliye ab hum chalte hai yaha se ek dur Niharika ke planet par jaha plan banaya jaa raha tha Varsha ko patane ka.
Kaal sarp- Haa to Alex beta tumhe uski taarif karni hai jab bhi dekho usko uski taarif karna shuru kar do ek baar wo tumse dosti kar le fir tum usko mujhse milwa dena main usko sab bata dunga aur wo maan jaayegi aur fir main tum dono ki shadi karwa dunga.
Alex- kuch jyada nahi soch liya aapne matlab....
Kaal sarp- jyada nahi.....yahi hota hai aaj kal saayad tumhe pata nahi hai..
Alex- haa mera ladkiyon ke baare mein gyaan bahut kam hai.
Kaal sapr- hmm to bas meri baat mante raho thik hai ab jao mahel mein aur uski taarif karte rahna samjhe
Alex-thik hai.
Alex nikal gaya waha se mahel ki oor.
Mahel pahucha to usko turant hi Varsha dikh gayi jo saayad kuch kaam mein lagi thi. Alex chal diya uske pass.
Alex- tumhare baal bahut sunder hai Varsha aur tumhari puch jab tm dragon banti ho to bahut hi kamal ki lagti hai kabhi yaha kabhi waha bilkul matlab.
Varsha waha se aage chali gayi aise jaise usn ekuch sunna hi na ho. Alex fir se uske pass gaya aur fir se usse baat karne laga.
Alex- Varsha tumhari naak bhi bahut acchi hai .
Varsha- Arre tumhe koi kaam nahi iska ye matlab nahi ki baaki saare bhi aise hi hai bekar mein pakao mat mujhe jo bolna hai saaf saaf bolo aur niklo yaha se.
Alex- wo.....wo main soc......kuch nahi main to bas taarif kar raha tha
Varsha- To ho gaya ya abhi aur baaki hai agar baaki hai naa to usko baaki hi rahne do kyunki mujhe nahi sunna kuch ab jao yaha se......pata nahi kaha kaha se aa jaate hai kaam ke na kaaj ke dusman annaj ke.
Alex bechara chup chap waha se nikal gaya waha se ki raaste mein usko Niharika mil gayi.
Niharika- Arre Alex kaha jaa rahe ho.
Alex- Kahi nahi wo Varsha ke pass gaya to usne bhaga diya...
Niharika(hasti hui)- accha chalo main tumko uske saath acche se milwati hu.
Alex- Matlab
Niharika- Matlab jaise Dragons ki mulakat hoti hai ladayi mein aur kya. Main abhi Jinn lok jaa rahi hu Varsha ke sath tum bhi chalo uske saath kuch dhammal hi kar lena.
Alex- par waha to log jaante......
Niharika- Arre usse koi fark nahi padega waise bhi jo waha par villan hai usko to marna hi hai to chinta mat karo.
Alex bhi maan gaya fir kya tha dono hi chal pade Varsha ki oor aur usko bataya ki Alex bhi chal raha hai to pahle to Varsha ne thoda aana-kaani ki par fir maan gayi.
Chaliye ab hum bhi chalte hai waha Jinlok main jaha ab kuch dhammakedar hona tha.
Ye tinno hi apna bhesh badal kar chal diye the waha inka maksad sirf ek tha Zafar jo Vetal lok ka uppsenapati tha uska khatma.
Tinno hi chupte chupate jinn lok ke dark region mein pahuch gaye .
Niharika- Tum dono jao ander main dekhna chahti hu tum dono kaise handle karte ho iss chiote se case ko
Varsha- Kya iske sath bilkul nahi main nahi jaa rahi.
Niharika- Nahi tumhe to janna hi padega main bhi dekhna chahti hu ki tum mere binna kaise ladti ho.
Alex- Main ready hu.
Varsha-Chalo thik hai par isse bol do koi gadbad naa kare.
Fir chupte chupate dono Zafar ke mahel mein. Par ek galti kar di thi inn logo ne bahut hi halke mein iss kaam ko le liya tha inn logo ne jiska parinam ye hua ki Alex aur Varsha pakde gaye. Abhi wo jinn logo ke bhesh mein the.
Zafar- tum jinno ki itni himmat ho gayi ki mere tak aa gaye ab bas dekhte jao tumhe bhi kaale jinn mein badal dunga aur tu ladkitu to bilkul totta hai tere to mazze l.....
Abhi wo kuch aur bolta ki Alex ne apne muh se aag ka gola ussi roop mein chod diya zafar ki oor jisse wo thoda ghayal ho gaya tha.
Alex- jaban sambhal ke bol
Aur Alex apne asli roop yana Dragon Prince ke roop mein aa gaya ek Lal rang ka bada sa dragon jiski munche nikli hui thi aur aankhe bilkul nili. Saath hi mein sar par ek mukut jaisa kuch tha uske.
Ye munche aur Mukkut nishani tha ki wo Royal Dragon Faimly se belong karta hai . Isse pahle jis roop mein Varsha ne usko dekha tha wo koi normal dragons ka roop tha par iss roop ko dekh kar to wo bas dekhti hi rah gayi usko.
Wahi Alex pure gusse mein tha wo apni puri powers istemal kar raha tha waha par logo ko maarne mein kuch hi pal lage honge aur sab khatam bas ek Varsha aur wo zafar rah gaye the dono hi Alex ko dekh rahe the ek khauf se to dusra aascharya se.
Alex uss Zafar ke saamne gaya aur ek jordaar garjana jisko sun kar hi wo behosh ho gaya.
Alex ne apna roop badla jinno ki tarah ban gaya aur fir Varsha ko khola, wo to bas dekhe hi jaa rahi thi Alex ko.
Thodi der main dono waha se nikle aur wapas uss jagah par pahuche jaha Niharika ne unn dono ko choda tha.
Alex uss Zafar ko uthaye hue tha. VArsha usko dekh rahi thi.
Niharika- to kaisa raha?
Alex ne uss Zafar ko uske saamne patak diya.
Alex- ye lo ye raha wo ab iska jo karna hai wo karo.
Niharika- bahut acche tum dono ne bahut accha kiya.
Niharika ne fir apna fire sword nikala aur usse uss zafar ka galla kaat diya jisse wo apne original roop yaani vetal ke roop mein aa gaya. Niharika ne uske sar ko ek laat maari aur portal se usko Vetallok bhej diya. Fir Alex aur varsha ke saath nikal gayi apne planet par.
Inn sab ke kaaran bahut kuch hua jaise Raani pari jinki shaktiyan wo Zafar khinchta rahta tha aur usse jinlok ke dark region ko badhata tha wo band ho gayi. Raani pari ko acchanak se ek jhatka laga aur wo behosh ho gayi. Uss pal ke liye pura Parilok hi andhere mein chala gaya. Dusra ye hua ki Vetal lok ke raaja Vetalraj ne apne saare waise logo ko jaldi se apne pass bulla liya jo dusre planets par logo ko vetal mein badal rahe the. Ab esse ek baat aur ho gayi jo bilkul bhi sahi nahi thi. dusre planets par jo log Vetal ban gaye the wo bekabu ho gaye.
Isko kuch iss prakar samjho agar sabse takatwar chala jaata hai to logo mein hodd lag jaati hai apne aap ko uss jagah ke kaabil shabit karne ki bas yahi hua aur har taraf Bhagdad machne lagi.
2 din baad iska asar Earth par bhi hua American sub continent par jitne bhi log badal gaye the wo paagalon ki tarah maar kaat karne lage. Ye baat News Channels par chalne lagi aur jald hi Saurya ko bhi pata chala.
News Channels ka kahna tha ki ye kisi virus ke kaaran hua hai jo sabke dimmag par asar kar raha hai aur unko bekabu bana raha hai.
Iss baat ka pata Niharika ko bhi laga usne fourun Saurya se cotact kiya. Saurya bhi Baba ko lekar pahuch gaya fir se Niharika ke planet par.
Niharika- Saurya lagta hai uss Vetalraj ne jaan bhujh kar aisa kiya hai taaki use dusman ek baar mein hi khatam ho jaaye. Saath hi uska badla bhi pura ho jaayega.
Main- Yaar ab problem ko chodo aur uske solution ka socho.
Baba- Solution hai aur aisa ki 1 teer se 2 shikar ho jaayenge.
Main- Haa to batao naa.
Baba- Vetal lok ki rajkumari yaani Mohini wo sab rook sakti hai aur saath hi unki jeevan rekha bhi isse badh jaayegi.
Main- Thik se samjhaiye.
Baba- Ruko tum R.G ko bullao yaha ussi ne mujhe Mohini ke jivankaal ko badhane ka ye upaaye bataya hai.
Maine portal khola aur unko bhi bulla liya.
Main- Chalo ab batao kya baat hai.
R.G- ji Mohini ji urff Vetal lok ki rajkumari ko bacchane ka ek hi rasta hai wo hai unko koi vetal kaate. Isse hoga ye ki unki shaktiyan jo ab tak sooyi hui hai wo ek hi baar mein jaag jaayegi.
Baba- Aur chuki unki saari powers jaag chukki hogi to wo sabhi vetalon ko kaabu kar sakti hai aur saath hi unn sab ke ander se wo taral(liquid) bhi nikal sati hai jo unko Vetal bana raha hai usse 2 faiyde hai. Pahla ye ki wo saare jo vetal ban chukke hai wo normal ho jaayenge. Dusra wo ki uss taral se Mohini ki jeevan rekha bahut hi jyada badh jaayegi matlab wo nahi maregi.
Main- Waah ye to bahut hi accha hai.
Fir kya tha Maine ek plan banaya aur fir uske hisab se Baba aur N.mom ko waha se pritvi par le aaya baaki ke logo ko dusre planets ko dekhne ko bol diya.
Aaj ke liye itna hi ab dekhte hai aage ki Saurya ka plan kya hai aur kya wo success hoga yaa nahi aur bhi baatein hai jaise ki Pari lok ka kya hoga jo 2 din se andhere mein hai. Rani pari ko kya hua hai wo kaise thik hogi aur ek baat kya Alex ke liye thodi si bhi jagah bani hai yaa nahi Varsha ke dil mein ek aur surpise hoga.
Note- Iss baar story close karne ka surprise nahi dene wala pichle baar bhi aisi koi mansha nahi thi bas kuch personal problems aa gayi thi
