Thriller SIPAHI WATAN KA (COMPLETED)

[Vaib.dj007]

UPDATE-39


“lekin... ।” uske pichhe-pichhe daud rahe donon guardon ne kuchh kahnaa chaahaa ।
“tum donon chup raho ।”
unke munh par phir taalaa ped gayaa ।
Hitman apni puri taakat se hiran ke pichhe andhaadhundh daud rahaa thaa ।
Hitman ek jabaradast nishaanebaaj thaa ।
is duniyaa main usse jyaadaa khatarnaak nishaanebaaj dusraa koi nahin thaa । vah ‘shabdbhadi’ goli chalaane main maahir thaa । vah aankhon par kaali patti baandhakar bhi aise adabhut nishaane lagaa liyaa kartaa thaa ki dekhne vaalaa bhaunchakkaa rah jaataa । usne kayi baar apni nishaanebaaji ke jauhar dikhaaye the, vah apni aankhon par patti baandh letaa aur phir uske saamne taambe yaa chaandi ke sikke uchhaale jaate । sikkaa girne par pit ki jo halki si dhvani hoti hai yaa phir sikkaa uchhaalte samay ungaliyon se chutki bajaane ki jo aavaaj hoti hai, usi aavaaj se vah nishaanaa lagaa letaa thaa aur sikke ko bhad daaltaa thaa । ‘shabdbhadi’ goli chalaane main uskaa mukaablaa karne vaalaa koi nahin thaa ।
aaj ki taarikh main Burma police ki fileon ke andar uske naam darjnon hatyaaon ke maamle darj the । vah saari hatyaayen usne sirf apni nishaanebaaji kaa pradarshan karne ke lia khel-khel main ki thi ।

Hitman ekaaak jhaadiyon main daudtaa-daudtaa apni jagah thamakakar ruk gayaa ।
uske aage bhaag rahaa chitakabraa hiran ab najar aanaa band ho gayaa thaa ।
“ruko-ruko !” Hitman ne fauran apne haath daayen-byeen failaakar guardon ko rukne kaa ishaaraa kiyaa- “aage mat baado ।”
guard fauran apni-apni jagah thamakakar khade ho gaye ।
“kyaa huaa ?”
“lagtaa hai, hiran jarur yahin kahin jhaadiyon main chhipakar baith gayaa hai ।” Hitman ki behad ssuspainsefull aavaaj ।
“ab kyaa karoge ?”
“ab to uski maut aa gayi samjho । vah nahin jaantaa ki uske pichhe jo shikaari hai, vah ‘shabdbhadi’ goli chalaane main maahir hai । ab vo hiran jhaadiyon main jaraa bhi hillegaa, jaraa bhi harakat karegaa, to fauran goli dhaany se uske sharir main jaakar lagegi ।”
Hitman ne vahin khade-khade apni rifel saamne jhaadiyon ki taraf taan di ।
phir vo bahut stabdh bhaav se kisi aahat ko sunne ki koshish karne lagaa ।
donon guard bhi uske idhar-udhar badi chauksi ke saath khade the aur unki rifelen bhi tani thi ।
“tummain se koi goli nahin chalaayegaa ।” Hitman phusaphusaayaa ।
“thik hai ।” vah donon bhi aahistaa se bole ।
kaafi der tak Hitman ko jhaadiyon main-se kisi aahat ki aavaaj n sunaayi di ।
“saahab, kahin yah aapkaa vaham to nahin hai ।” guard punah dhimi aavaaj main bolaa-“ki hiran jhaadiyon me chhip gayaa hai । aisaa bhi to saktaa hai ki vah dur nikal gayaa ho ?”
“nhin, vo jhaadiyon main hi hai ।”
yahi vo kshan thaa, jab Hitman ko jhaadiyon main halki aahat ki aavaaj sunaai di ।
Hitman ne turant fire kar diyaa । goli chalne ki badi tej aavaaj jungle main gunji aur usi ke saath hiran ki chitkaar bhi gunj uthi । vah jhaadiyon main se uthakar bhaagaa, lekin shighr hi vah ladakhadaakar vaapas gir gayaa ।
“kissaa khatm !” Hitman ne rifel niche jhukaa li ।
uske idhar-udhar khade donon guard Hitman ke nishaane se kaafi prbhaavit najar aa rahe the ।
“main daave se kah saktaa hun ।” Hitman vahin khade-khade bolaa- “goli thik hiran ki gardan main daayin taraf jaakar lagi hai । chaalis degree ansh par jaakar dekho ।”
donon guard lapakakar hiran ki laash ke karib pahunche aur unhonne uski gardan ko dekhaa । fauran unke netr fail gaye ।
“kyaa huaa ?”
“g... goli sachamuch gardan main lagi hai saahab ।”

“chaalis degree ansh par ।”
“haan ।”
Hitman muskuraataa huaa hiran ki taraf bada ।
kisi ko maarakar use bilkul vahi khushi milti thi, jaise koi shetaan bachchaa kisi dusre ke khillaune ko todakar khush hotaa hai ।
“chlo, ab ise jaldi se uthaakar jeep tak lekar chalo ।”
donon guard hiran ki laash ko uthaane ke lia jaise hi niche jhuke, tabhi unke kaanon main kisi ke usi taraf daudakar aane ki aavaaj sunaai pedi ।
“lagtaa hai, koi aa rahaa hai ।”
tinon fauran jhaadiyon main chhup gaye ।
jarur kisi ne goli chalne ki aavaaj sun li thi aur ab us aavaaj ko sunakar vah us taraf daudaa chalaa aa rahaa thaa ।
vah aisi aavaaj thi, jaise koi ‘chitaa’ daud rahaa ho । parantu Hitman ko n jaane kyon aisaa lagaa, jaise vah koi aadmi hai ।
“mujhe to yah kisi jaanavar ke daudne ki aavaaj maalum hoti hai ।”
“jo bhi hai ।” Hitman bolaa- “abhi najar aa jaayegaa ।”
fauran hi rahasy ki dhundh chhant gayi । jungle ke saamne ki taraf se kaalaa lambaa overcoat aur kaalaa gol Clancy hat pahne ek aadmi bilkul chite ki tarah hi daudtaa huaa chalaa aa rahaa thaa ।
“my god ।” guardon ke munh se siskaari chhuti- “yah to shaayad commander Karan Saxena hai ।”
“haan ।” Hitman ke haath bhi fauran rifel par kas gaye- “yah commander hi hai ।”
“h... hamain jis baat kaa khatraa thaa, vahi ho gayaa । a... ab kyaa hogaa ?”

guardon ke pasine chhute ।
commander Karan Saxena ko dekhte hi vah ekaaak judi ke marij ki tarah thar-thar kaampne lage the ।
“ghabraao mat !” Hitman puri himmat ke saath bolaa- “lagtaa hai, iskaa shikaar bhi aaj mere haathon honaa likhaa hai । ab ise marne se koi nahin bachaa saktaa ।”
“lekin... ।”
“tum logon ne meraa ek nishaanaa abhi dekhaa hai, ab dusraa nishaanaa dekho । ek hi goli iski khopedi ko ande ke chhillke ki tarah chat se phod daalegi ।”
phir Hitman vahin jhaadiyon main letaa-letaa commander ko rifel ke nishaane par lene ki kaushish karne lagaa ।
commander ke lia sabse badi sankat ki baat ye thi ki us vakt use khud maalum nahin thaa ki koi use nishaane par lene ki koshish kar rahaa hai ।
jaise hi commander Karan Saxena thodaa karib aayaa, Hitman ne fauran trigger dabaa diyaa ।
yahi vo kshan thaa, jab commander Karan Saxena kaa pair ekaaak kisi patthar se takraayaa aur vo ladakhadaakar giraa । goli fauran sanasnaati hui uske sir ke upar se gujar gayi ।
“oh shit !” Hitman jhallaa uthaa- “sachamuch yah aadmi kismat kaa tej hai ।”
commander Karan Saxena fauran vahin jhaadiyon main chhip gayaa ।


vo khatraa bhaamp chukaa thaa ।
commander ko yah samajhte der n lagi ki aaj gufa se baahar nikalte hi uski phir kisi yoddhaa se muthbhad ho gayi hai ।
yaani en do dinon ke dauraan yoddhaa chain se nahin baithe the, vah abhi bhi uski talaash main jungle ki khaak chhaan rahe the ।
commander ne apne jakhmi kandhe ko halkaa saa jark diyaa aur khud ko mukaable ke lia taiyaar karne lagaa ।
latest machinegun fauran uske haath main aa chuki thi ।
“dushman koi agli chaal chale, usse pahle hi mujhe apnaa vaar karnaa chaahiye ।”
commander ghutnon ke bal thodaa upar ko huaa tathaa phir usne saamne ki taraf machinegun se dhuaandhaar goliyaan chalaa din ।
goliyaan chalaate hi vah palat gayaa aur jhaadiyon ke andar hi andar tir ki tarah bhaagaa ।
fauran saamne ki taraf se bhi goliyon ki baadh thik us jagah jhapti, jahaan commander thodi der pahle maujud thaa ।
vahin ek kaafi badi chattaan thi ।
commander jhaadiyon me dhire-dhire rengtaa huaa ab us chattaan ke pichhe pahunch chukaa thaa ।
usne sabse pahle yah pataa lagaanaa thaa ki dushmnon ki sankhyaa kitni hai ।
vo kuchh der sochtaa rahaa ।
phir usne dhire-dhire us chattaan par chadhnaa shuru kiyaa ।
jald hi commander us chattaan ke upar pahunch chukaa thaa । ab agar vo sirf apnaa sir hi thodaa upar uthaataa, to turant chattaan ke dusri taraf kaa najaaraa use dikhaai dene lagtaa ।
parantu sir upar uthaane main bhi khatraa thaa ।
agar uske sir uthaate hi dushman ki nigaah us par ped gayi, to dushman ne fauran uski khopedi main suraakh kar denaa thaa ।
lekin khatraa uthaaye binaa baat nahin banne vaali thi ।
commander ne khatraa uthaayaa ।
usne bahut dhire-dhire pahle apni latest machinegun ki naal chattaan se upar ki tathaa phir apnaa sir bhi chattaan se upar kiyaa । fauran use jungle main saamne ki taraf kaa hissaa najar aane lagaa ।
vah chunki unchaai par thaa, isaliye saamne jhaadiyon main chhipe dushman use saaf najar aaye ।
vah tin the ।
do to use bilkul saaf chamke ।

jabaki tisre ki sirf taange dikhaai de rahi thi, alabattaa unmain se kisi ki nigaah commander par n pedi ।
commander ne jungle main aur dur-dur tak dekhaa, un tinon ke alaavaa use vahaan koi najar n aayaa ।
commander ne phir apne jakhmi kandhe ko halkaa saa jark diyaa aur ek hathiyaaraband guard ki khopedi kaa vahin se nishaanaa saadhakar goli chalaa di ।
guard chakraa uthaa ।
goli thik uski khopedi main jaakar lagi thi, vo vahin dher ho gayaa । fauran baaki donon dushman badahvaason ki tarah jhaadiyon main-se uthakar bhaage ।
ab tisraa aadmi bhi commander Karan Saxena ko saaf chamkaa । vo use dekhte hi pahchaan gayaa ।
vo Hitman thaa ।
achuk nishaanebaaj ।
commander ne fauran un donon ke upar goliyaan chalaayin ।
Hitman ke dusre saathi ki chikh bhi gunj uthi । vo bhi vahin jhaadiyon main lahraakar giraa ।
tabhi bhaagte-bhaagte Hitman rukaa । paltaa । phir usne chattaan ki taraf javaabi fireing kar di ।
commander ne apni gardan niche kar li ।
ek saath dher saari goliyaan chattaan ke usi hisse par aakar lagin, jahaan thodi der pahle commander ki gardan thi ।
Hitman ne andhaadhundh goliyaan chalaayi thi ।
phir commander ke kaan main ‘pit’ ki aavaaj pedi ।
vah chaunkannaa ho uthaa ।
jarur Hitman ki rifel main goliyaan khatm ho gayi thi ।
commander Karan Saxena ne fauran hi chattaan par dusri taraf jaakar apni gardan upar ki ।
magar Hitman ab use saamne kahin n chamkaa ।
jarur vo kahin chhip gayaa thaa ।

commander Karan Saxena aahistaa-aahistaa chaltaa huaa chattaan se niche utar gayaa ।
vo saavdhaan thaa ।
vo jaantaa thaa, ab tak Hitman ne dobaaraa apni rifel ko load kar liyaa hogaa । aisaa nahin ho saktaa thaa ki us jaisaa achuk nishaanebaaj goliyon ki sirf ek hi magazine apne saath lekar chale ।
duniyaa ke ek behad khatarnaak nishaanebaaj se ab uskaa mukaablaa hone vaalaa thaa ।
commander vaapas jhaadiyon main chhip gayaa aur phir bahut dhire-dhire sirasraataa huaa chattaan ke pichhe se nikalakar saamne ki taraf bada ।
abhi commander ne thodaa hi faslaa tay kiyaa hogaa, tabhi ekaaak usne apne pichhe sirasraahat si anubhav ki ।
usne aahistaa se gardan ghumaakar dekhaa ।
agle pal uske sharir main khauph ki tej lahar daud gayi ।
uske pichhe Hitman maujud thaa, jo bas kuchh hi faasle par thaa । vah n jaane kab uske pichhe pahunch gayaa thaa ।
commander ekadam phirakni ki tarah uski taraf ghum gayaa aur jump lekar khadaa huaa ।
Hitman bhi phurti ke saath sidhaa khadaa ho gayaa ।
do yauddhaa !
do behad khatarnaak yoddhaa ab aamne-saamne the ।
“tum ab mere haathon se bachoge nahin commander Karan Saxena ।” Hitman kaale naag ki tarah phumphkaaraa- “ak jungli jaanavar kaa shikaar main kar chukaa hun, jabaki dusraa shikaar mainne ab tumhaaraa karnaa hai ।”
“dekhte hain, kaun kiskaa shikaar kartaa hai ।”
usi pal Hitman ne apni rifel kaa trigger dabaa diyaa ।
magar commander apni jagah se ek inch bhi n hillaa ।
n hi usne apni stenagun kaa trigger dabyeaa ।
vo jaantaa thaa, aise prashikshit commandos apni gun load karne ke baad pahlaa fire hamishaa khaali karte hain, taaki dushman is dhokhe main rahe ki uski gun main goliyaan nahin hain ।
vahi huaa !
Hitman ke trigger ki halki ‘pit’ ki dhvani gunji ।
parantu vo fauran hi apni rifel kaa dobaaraa trigger dabaane main kaamyaab ho paataa, usse pahle hi commander bhi latest machinegun kaa trigger dabaa chukaa thaa ।
Hitman ki marmbhadi chikh gunj uthi ।

uske netr ghor aashchary tathaa achambhe se phate ke phate rah gaye । goli thik uske maathe ke bichon-bich vahaan jaakar lagi, jahaan aurten bindi lagaayaa karti hain । pahle Hitman ki rifel uske haath se chhuti, phir vo khud bhi aankhen faade-faade niche girakar dher ho gayaa ।
“faisala ho chukaa hai Hitman ।” commander Karan Saxena gurraakar bolaa- “hammain se kaun asli shikaari thaa aur kaun shikaar ! darasal jo chaal tum commander Karan Saxena ke khillaaf chalne vaale the, commander aisi hi chaalon ke bich palakar badaa huaa hai । good bye the end good luck ।”
phir commander ne un tinon ke hathiyaaron ko nasht kiyaa ।
unke dil main spring blade pevast kiye aur uske baad ‘chitaa chaal’ main daudtaa huaa vaapas jhaadiyon ki taraf baad gayaa ।
☐☐☐

 

[Vaib.dj007]

Bari mast kaamleela chal rahi hai. Isaka. agala bhag jaldi se de do.

THANKS BRO KEEP SUPPORTING
UPDATE POSTED

 

[Azagar Dada]

Kamal ka shikari nikala ye commander. Hitman Jaise shikari kabhi shikar kar liya. Thanka for such a lovely update.

 

[Vaib.dj007]

UPDATE-40

unke dil main spring blade pevast kiye aur uske baad ‘chitaa chaal’ main daudtaa huaa vaapas jhaadiyon ki taraf baad gayaa ।
☐☐☐
jungle main goliyaan chalne ki vah aavaaj Maskman aur Dymock ke kaanon tak bhi pahunchi ।
“yah kaisi aavaajen hain ?”
“lagtaa hai ?” Dymock bolaa- “tumhaare bhaai ne kisi hiran ko khoj nikaalaa hai aur ab usi ke upar yah sab goliyaan barsaayi jaa rahi hain ।”
“nhin ।” Maskman badabadaayaa- “kisi ek hiran ke upar is kadar dhuaandhaar fireing nahin ho sakti । jarur kuchh aur chakkar hai ।”
“kaisaa chakkar ?”
“k...kahin commander to Hitman se nahin takraa gayaa hai ?”
“n... nahin ।”
sab dar gaye ।
us aashankaa ne sabko bhaybhit kar diyaa ।
“agar aisaa hai dost !” Dymock shushk svar main bolaa- “to yah sachamuch bahut khatarnaak baat hai ।”
“mujhe lagtaa hai, jarur yahi baat hai । hamain fauran usi taraf chalnaa chaahiye, jidhar Hitman jeep lekar gayaa hai ।”
“chlo, to phir jaldi chalo ।”
donon yoddhaaon ke aadesh ki der thi, turant guardon kaa vah puraa kaafilaa usi deshaa main baad gayaa, jidhar Hitman gayaa thaa ।
thodi hi der main vah sab us jagah pahunch gaye, jahaan Hitman aur donon guardon ki laashen pedi thi ।
“oh my gad ।” Dymock ke munh se tej siskaari chhut gayi- “commander Karan Saxena ne enhen bhi maar daalaa ।”
tamaam hathiyaaraband guard sakte main rah gaye ।
bhauchakke !
apne bhaai ki khun se lathapath laash dekhakar Maskman ki aankhon main bhi aansu aa gaye । vah fauran uski laash se jaa chipkaa, us kshan yahi shukr thaa, jo vah bachchon ki tarah rone nahin lagaa ।
un donon bhaaiyon main behad pyaar thaa ।

haalaanki donon khatarnaak apraadhi the, lekin donon hi ek-dusre ke upar jaan chhidakte the ।
ek-dusre ke sukh-dukh main sahbhaagi the ।
“kahtaa thaa, aap meri chintaa n karo bhaai ।” Maskman phaphakte hua bolaa- “mujhe kuchh nahin hogaa । lekin uski jaraa si jid use le dubi, commander Karan Saxena ne mere bhaai ko maar daalaa ।”
“ab hauslaa rakho dost ।” Dymock ne uski pith thapathpaai ।
lekin Maskman rotaa rahaa ।
uski aankhon se jhar-jhar aansu nikalakar uske rabad ke kaale maask par bahte rahe ।
“jo honaa thaa, vah ab ho chukaa hai dost ।”
“nhin ।” Maskman gurraa uthaa- “nhin, abhi sab kuchh nahin huaa hai dost ! abhi is jungle main ek laash aur giregi, commander Karan Saxena ki laash ! main ab us haraamjaade ko kisi haalat main nahin bakhshungaa ।”
uski aavaaj us kshan gusse main buri tarah bhabhki hui thi ।
“abhi vo haraamjaadaa jungle main yahin kahin aaspaas hogaa ।” Maskman punah bhabhke svar main bolaa- “hmain use fauran dhundhnaa chaahiye balki fauran se bhi pishtar(jaldi) ।”
“haan, ham use abhi dhundhte hain ।” Dymock bolaa- “parantu usse pahale hamain ek aur jyaadaa jaruri kaam karnaa hai ।”
“kyaa ?”
“hmain pahle en priyajnon kaa antim sanskaar karnaa hai, varnaa yahaan thodi bahut der main giddh mandraane lagenge । chalo, khade ho jaao ।”
Maskman dhire-dhire apne aansu saaf kartaa huaa laash ke paas se khadaa ho gayaa ।
maahaul bahut gamajdaa ho gayaa thaa ।


antim sanskaar ke baad vo puraa kaafilaa commander Karan Saxena ko dhundhne ke lia phir aage bada ।
us kshan Maskman itnaa jyaadaa gusse main thaa ki agar commander uske saamne aa jaataa, to vah uski boti-boti chhitraa daaltaa ।
lekin kaash un donon yoddhaaon ko maalum hotaa ki jis commander Karan Saxena ko vah Burma ke un khaufnaak jungle lo main dhundhte phir rahe hain, vo commander un logon ke paas vahin jhaadiyon main chhipaa thaa aur us vakt un sabki ek-ek harakat par paini nigaah rakhe hua thaa । unki tamaam baaten commander ne apne kaanon se suni thi aur unke saare kaaryaklaap apni aankhon se dekhen ।
itnaa hi nahin usne un yoddhaaon ko bhi saaf pahchaanaa ।
Maskman !
ek aalaa darje kaa bam expert ।
dusraa

Dymock ।
spain kaa ek jabaradast bullfighter ! commander ne mission par ravaanaa hone se pahle Dymock ki bhi puri file padhi thi । spain desh jo apni bullfighting (saandon ki ladaai) ke lia puri duniyaa main prasiddh hai, Dymock usi spain kaa ek jabaradast bullfighter thaa । bachapan se hi Dymock bahut khatarnaak thaa । uske masallas kaafi majbut the, jab Dymock sirf paanch saal kaa thaa, tabhi vah apne se kahin jyaadaa bade bachchon ko buri tarah dhon daaltaa thaa । ensaani khun bahte dekhne main use khub majaa aataa thaa । bachapan se hi uskaa vah ladaakaa svbhaav use bullfighting ke dhandhe main le aayaa, jahaan achchhaa khaasaa paisaa thaa । Dymock ring ke andar khatarnaak saandon ke saamne talvaar lekar is tarah khadaa ho jaataa thaa, jaise maut kaa use koi khauf n ho । ring ke chaaron taraf khade darshak galaa faad-faadkar chilllaate rahte, shor machaate rahte । aur Dymock maut kaa farishta banaa khunkhaar saand ki apni talvaar se dhajjiyaan bikher daaltaa ।
baad main Dymock spain ke hi ek aatankvaadi sangathan main shaamil ho gayaa । vahaan bhi usne bullfightron vaali talvaar se hi anek aadamiyon ko katl kar daalaa ।
Dymock aaj bhi vahi talvaar apne paas rakhtaa thaa ।
baharhaal antim sanskaar karne ke baad vah sab log aage baade, to commander Karan Saxena ne bhi jhaadiyon main sirasraate hua unkaa pichhaa karnaa shuru kar diyaa ।
ab ultaa kaam ho rahaa thaa ।
vah pichhe thaa, yoddhaa aage !

commander bas kisi munaasib mauke ki entjaar main thaa। haalaanki un sabse ek saath nipatnaa koi aasaan kaam n thaa । uske lia commander ko koi aisi yukti sochni thi, jo vah akelaa hi un sab par bhaari padtaa ।
jungle main chalte-chalte unhen phir raat hone lagi ।
“kmaal hai ।” Dymock thake-haare aur bahut hairaanipurvak andaaj main bolaa- “yah commander Karan Saxena katlogaarat(katal karne ke baad) karne ke baad ekaaak kahaan gaayab ho jaataa hai ।”
“samajh main nahin aataa ।” ek guard bolaa- “kyaa chakkar hai ।”
“mujhe to lagtaa hai saahab, vah koi chhalaavaa vagairaa hai ।” vo ek any guard ki aavaaj thi- “yaa phir koi aisaa aadmi hai, jiske upar jinn vagairaa kaa saayaa hai ।”
“bekaar ki baat mat karo ।” Dymock gurraa uthaa- “yah majaak kaa vakt nahin hai ।”
“main majaak kahaan kar rahaa hun saahab, main to sachchaai bayaan kar rahaa hun । jaraa socho, agar vo aadmi sachamuch main hi chhalaavaa nahin hai, to phir jungle main ekaaak kidhar gaayab ho jaataa hai ।”
“ab apni choch band rakho ।”
guard khaamosh ho gayaa ।
commander us vakt un sabse mushkil se paanch gaj ke faasle par thaa aur dam saadhe jhaadiyon main chhipaa thaa ।
tab tak jungle main andheraa bahut ghir chukaa thaa aur ab aage baadne main bhi unhen kaafi mushkil pesh aa rahi thi ।
“ab kyaa karnaa hai ?” ek guard bolaa- “kyaa raat bhar isi tarah jungle main bhatakte rahenge ?”
“nhin, main samajhtaa hun ki ab hamain yahaan aaraam karnaa chaahiye ।” Dymock bolaa ।
“mujhe to bhukh bhi lag rahi hai saahab ।”
“koi baat nahin, bhukh kaa entjaam bhi abhi karte hain ।”
jeep main hi khaane kaa kaafi saaraa saamaan thaa ।
Dymock ke kahne par do guardon ne khaane kaa vah saamaan nikaal liyaa ।
phir un sabne vahin jungle main baithakar khaanaa khaayaa ।
parantu Maskman bhukhaa rahaa । aakhir uskaa jaan se bhi jyaadaa pyaaraa bhaai maaraa gayaa thaa ।
Maskman ne kuchh n khaayaa, to Dymock ne bhi kuchh n khaayaa ।
uske baad unhonne vahin jungle ke andar raat gujaarne ki taiyaari shuru kar di ।


commander Karan Saxena abhi jhaadiyon main chhipaa baithaa thaa ।
raatri kaa dusraa pahar shuru ho chukaa thaa ।
ab uske saamne do tambu gade hua the । ek kaafi badaa tambu thaa, jismain saare hathiyaaraband guard jaakar so gaye the । jabaki usse thodaa faasle par ek chhotaa saa tambu gaadaa gayaa thaa, jismain donon yoddhaa jaakar soye ।
do guard un tambuon ke baahar pahre par the, jo apne saathiyon ki rakhvaali kar rahe the ।
commander kaa dimaag kaafi teji se chalne lagaa aur vah koi aisi yukti sochne lagaa, jisse un sabse ek saath niptaa jaaye ।
jald hi uske dimaag main aisi ek yukti aa gayi ।
vah thodi raat aur gujarne kaa entjaar karne lagaa, taaki yah baat conform ho jaaye ki vah sab log so chuke hain ।
tabhi use apne pichhe halki sirasraahat si anubhav hui ।
commander ekadam jhatke se paltaa ।
uske pichhe ek haraa saamp thaa, jo badi teji se jhaadiyon main sirasraataa huaa usi ki taraf aa rahaa thaa ।
commander ne jhapatakar apnaa spring blade nikaal liyaa ।
usi kshan saamp bhi commander ke upar jhaptaa ।
commander ne fauran saamp ko munh ke paas se pakad liyaa aur isse pahle ki saamp kuchh harakat dikhaa paataa, usne saamp ke do tukade kar diye tathaa use dur uchhaal diyaa ।
kuchh der saamp jhaadiyon main pedaa chhataptaataa rahaa aur phir thandaa ped gayaa ।
commander ne phir saamne tambuon ki taraf dekhaa ।
vahaan pahle jaisaa hi sannaataa thaa ।
ghor sannaataa !
dono guard rifelen sambhaale khaamoshi se idhar-udhar tahal rahe the ।
wakt pahle ki tarah hi gujarne lagaa ।
raat ke do baj gaye ।
commander ko puri ummid thi ki tambuon main maujud log ab gahri nind so chuke honge । vaise bhi vo saaraa din ke thake-haare the ।
tabhi commander Karan Saxena ne apne munh se jungli gurille jaisi aavaaj nikaali ।
chak ! chak ! ! chak ! ! !
kir ! kir ! ! kir ! ! !

pahraa dete guard chaunke ।

 

[Vaib.dj007]

Kamal ka shikari nikala ye commander. Hitman Jaise shikari kabhi shikar kar liya. Thanka for such a lovely update.

THANKS FOR SUPPORTING
UPDATE POSTED

 

[Azagar Dada]

Mast update bhai. Waiting for next update eagerly

 

[Vaib.dj007]

UPDATE-41

commander ko puri ummid thi ki tambuon main maujud log ab gahri nind so chuke honge । vaise bhi vo saaraa din ke thake-haare the ।
tabhi commander Karan Saxena ne apne munh se jungli gurille jaisi aavaaj nikaali ।
chak ! chak ! ! chak ! ! !
kir ! kir ! ! kir ! ! !

pahraa dete guard chaunke ।
“yah kaisi aavaajen hain ?” ek guard bade stabdh bhaav se bolaa- “kisi jungli gurille ki aavaaj maalum hoti hai ।”
“jungli gurillaa ।”
“haan, vahi aisi aavaaj nikaaltaa hai ।”
donon guard ab aur jyaadaa stabdh hokar un aavaajon ko sunne ki koshish karne lage ।
commander Karan Saxena ne phir apne munh se jungli gurille ki chak-chak jaisi aavaaj nikaali । is tarah ki aavaaj jungli gurillaa apni chhaati pitte hua nikaaltaa hai ।
donon guardon ke jism kaa ek-ek roaan khadaa ho gayaa ।
“ustaad, yah to sachamuch main hi jungli gurillaa hai ।” dusraa guard bhi shushk svar main bolaa- “khin yah tambuon main gahri nind sote hamaare saathiyon par hamlaa n bol de, usse pahle hi hamain kuchh karnaa chaahiye ।”
“lekin yah jungli gurillaa hai kidhar ?”
“chak-chak ki aavaaj to us taraf se aa rahi hai ।” ek guard ne saamne vaali jhaadiyon ki taraf ishaaraa kiyaa ।
“nhin, us taraf se aa rahi hai ।” ek guard ne saamne vaali jhaadiyon ki taraf ishaaraa kiyaa ।
“nhi, us taraf se aa rahi hai ।” dusre guard ne ek any deshaa ki taraf anguli uthaai ।
“thik hai । tum us taraf jaakar dekho, main dusri taraf dekhtaa hun aur gurille se thodaa saavdhaan rahnaa, vah ekadam se hamlaa boltaa hai ।”
“befikar raho ।”
dono guard alag-alag deshaa main jhaadiyon ki taraf baade ।
ek guard bilkul commander ki taraf dabe paanv chalaa aa rahaa thaa ।
commander Karan Saxena chaunkannaa ho uthaa ।
guard jaise hi jhaadiyon ke karib aayaa aur usne aankhen faad-faadkar andhere main jhaadiyon ke andar jhaanknaa shuru kiyaa, commander fauran chite ki tarah guard ke upar jhapat pedaa ।
guard ne chilllaane ke lia munh kholaa, lekin usse pahle hi uski hatheli kukar ke dhakkan ki tarah guard ke munh par jaakar jakad chuki thi । phir commander ke haath main spring blade namudaar huaa aur usne jhatke ke saath guard ki gardan kaat daali ।
guard thodi hi der main chhataptaakar shaant ho gayaa ।
phir commander Karan Saxena ne dusre guard ki taraf dekhaa ।
vah us samay usse kaafi faasle par thaa aur ghani jhaadiyon ke andar kuchh jhaank-jhaankakar dekh rahaa thaa । shaayad vo jungli gurille ki talaash main thaa ।
commander Karan Saxena fauran jhaadiyon ke andar-hi-andar saap ki tarah sirasraataa huaa teji se uski taraf bada ।

“kaun hai ?” jhaadiyon main halki sirasraahat ki aavaaj sunakar guard chaunkaa- “kaun hai udhar ?”
commander turant uske upar bhi chite ki tarah jhapat pedaa aur isse pahle ki guard sambhal paataa, uski gardan kati hui jhaadiyon main pedi thi ।
commander ab jhaadiyon se baahar nikal aayaa ।
uske baad vo behad dabe paanv us bade tambu ki taraf bada, jismain tamaam hathiyaaraband guard maujud the ।
commander Karan Saxena ne dhire se tambu ke andar jhaankakar dekhaa, vahaan maujud tamaam guard gahri nind main so rahe the । commander ne ab apne Haversack bag main se cloroform ki ek kaafi badi shishi nikaali aur phir us cloroform ko dhire-dhire un sab guardon ki naak ke paas spre karnaa shuru kar diyaa ।
jald hi vah sab nind main hi behosh ho gaye ।
uske baad commander Karan Saxena ne apne spring blade se un sabki gardnen kaatni shuru kar din ।
saaraa kaam vo bade etminaan se kar rahaa thaa ।
sakun ke saath ।
vah pachaas ke karib hathiyaaraband guard the, jald hi commander ne un sabko gahri nind sulaa diyaa ।
tabhi ghatnaa ghati ।
jaise hi vo antim guard ki gardan kaatne ke lia uske najdik pahunchaa, tabhi n jaane kaise us guard ki aankh khul gayi aur apne aaspaas kaa manjar dekhakar uske netr dahashat se ubal pede ।
“bchaao-bachaao ।” vah ekaaak galaa faadkar chilllaataa huaa tambu se baahar ki taraf jhaptaa- “bchaao ।”
commander tir ki tarah uske pichhe daudaa ।
parantu tab tak guard us tambu se baahar nikal chukaa thaa aur ab tufaani gati se us chhote tambu ki taraf bhaagaa jaa rahaa thaa, jismain Maskman aur Dymock soye hua the ।
jyaadaa vakt nahin thaa ।
jaldi kuchh karnaa thaa ।
turant commander ke dimaag ki maans-pishiyon ne harakat dikhaa di aur palak jhapakte hi uske Clancy hat ki glip main faasi Colt revolver nikalakar commander ke haath main aa gayi ।
revolver haath main aate hi ungaliyon ke gird phirakni ki tarah ghumi aur trigger dabaa ।
bethaashaa bhaagtaa huaa guard aur bhi jyaadaa jor se galaa faadkar chikh uthaa ।
goli thik uski pith main jaakar lagi ।
vah lahraataa huaa giraa aur tambu ke paas hi dher ho gayaa ।
commander daudtaa huaa vaapas jhaadiyon main jaa chhipaa aur saans rokakar ab aagaami hulchal ki prtikshaa karne lagaa ।

vo jaantaa thaa, guard ke buri tarah chikhne aur goli chalne ki us aavaaj ne donon yoddhaaon ko jarur uthaa diyaa hogaa । vahi huaa, kuchh second bhi n gujre ki tabhi Maskman aur Dymock bahut ghabraai hui si sthiti main apne-apne tambu se baahar nikle ।
“koi goli chalne jaisi aavaaj thi ।” Maskman bolaa ।
“koi chikhaa bhi thaa ।”
tabhi un donon ki najar guard ki laash par pedi ।
“my god !” Dymock ke munh se tej siskaari chhuti- “yah to kisi ne hamaare aadmi ko maar daalaa ।”
“yah dusraa guard kahaan hai?”
“maalum nahin kahaan hai ।” Dymock ki gardan idhar-udhar ghumi- “hmain tambu ke andar chalakar dekhnaa chaahiye, kahin vahaan to kuchh gadabad nahin ho gayi ।”
donon yoddhaa teji se bade tambu ki taraf baade aur uske andar ghuste hi un donon ke netr dahashat se phate ke phate rah gaye ।
Maskman ne jhatke ke saath rifel apne haath main le li ।
jabaki Dymock ke haath main apni bullfightron vaali talvaar najar aane lagi thi ।
un donon ke saamne laashon kaa dher lagaa thaa ।
“jrur commander yahin kahin aaspaas hai ।” Maskman gurraayaa- “use fauran talaash karnaa hogaa, fauran !”
donon yauddhaa daudte hua tambu se baahar nikal aaye ।
unke hathiyaar tane hua the, tambu se baahar aate hi unhonne ek-dusre se koi pachaas gaj kaa faslaa banaa liyaa ।

 

[Vaib.dj007]

Mast update bhai. Waiting for next update eagerly

THANKS FOR THE SUPPORT
UPDATE POSTED

 

[Azagar Dada]

Gajab. Ek hi baar me pachaas aur unhen pata tak nahi chala.. Yaar commander to lajawab hai. Bechare yoddha bhi ghabara
Gay.

 

[Vaib.dj007]

UPDATE-42

“jrur commander yahin kahin aaspaas hai ।” Maskman gurraayaa- “use fauran talaash karnaa hogaa, fauran !”
donon yauddhaa daudte hua tambu se baahar nikal aaye ।
unke hathiyaar tane hua the, tambu se baahar aate hi unhonne ek-dusre se koi pachaas gaj kaa faslaa banaa liyaa ।
vah ‘shadoww warfair’ (chhaayaa yuddh) ki position thi ।
jismain yauddhaa ek-dusre se kaafi faslaa banaakar behad khaas style main apne dushman ko talaash karte hain ।
faslaa vah isalia banaate hain, taaki agar dushman attack ki position main aaye, to vah kisi ek yauddhaa par hi aakraman kar sake ।
donon yoddhaaon ke bich phir vo faslaa dhire-dhire baadne lagtaa hai aur sau mitar tak pahunch jaataa hai, uske baad vo ek nishchit point par pahunchakar aapas main milte hain tathaa vahaan tak ghati tamaam ghatnaaon ki jaankaari ek-dusre ko dete hain, uske baad pichhe chal rahaa yoddhaa aage chalaa jaataa hai aur aage chal rahaa yoddhaa pichhe chaltaa hai । is tarah vo shadoww warfair ki second position hoti hai । phir vo isi prkaar kram anusaar aage-pichhe chalte hua jungle ko chhaante hain aur dushman ko talaash karte hain ।
commander jhaadiyon ke andar-hi-andar nishabd andaaj main chaltaa huaa aage baadne lagaa ।
vo jaantaa thaa, agar vo vahin jhaadiyon main chhipaa rahaa, to abhi un yoddhaaon ki nigaah main aa jaayegaa ।
Dymock filhal aage chal rahaa thaa ।
uske haath main talvaar thi ।

commander ne anumaan lagaayaa- jis speed se Dymock chal rahaa hai, agar vo usi speed se chaltaa rahaa, to bahut jald Maskman aur Dymock ke bich ek badaa faslaa ho jaayegaa ।
vahi huaa ।
15 minute ke andar un donon yoddhaaon ke bich ek badaa faslaa ho gayaa ।
commander ke lia vahi ek goldan chaans thaa ।
vah fauran jhaadiyon ke andar se nikalakar Dymock ke saamne aa khadaa huaa ।
“t... tum !” Dymock use dekhakar buri tarah chihunkaa ।
“kyon, mujhe dekhakar hairaani ho rahi hai ?”
“nhin, koi hairaani nahin ho rahi ।” Dymock bolaa- “balki khushi ho rahi hai ki ab tumhaaraa mere se mukaablaa hone vaalaa hai । vaise bhi meri talvaar ki pyaas bahut dinon se kisi ke khun se nahin bujhi ।”
commander ne fauran apnaa spring blade baahar nikaal liyaa ।
vah goli chalaakar pichhe-pichhe aa rahe Maskman ko sachet nahin karnaa chaahtaa thaa ।
tabhi Dymock niche ko jhukaa aur uski talvaar badi teji ke saath urekaan ki mudraa main commander ki taraf jhapti ।
magar commander usse kahin jyaadaa alert thaa ।
vah fauran ret ke dher ki tarah niche gir gayaa । Dymock ki talvaar sirraate ke saath uske sir ke upar se gujri ।
commander ne turant karaate ki hijaagiri kaa action dikhaayaa ।
uskaa ghutnaa apne pure veg ke saath Dymock ke guptaang par pedaa ।
chikh uthaa Dymock ।
vah sambhal paataa, usse pahle hi commander ne round kick jadi ।
Dymock chikhtaa huaa niche giraa ।
magar niche girte hi vo phir jump lekar khadaa ho gayaa thaa । ek baar phir uski talvaar bullfighting ke ek bade sadhe hua andaaj main ghumi aur commander ki taraf jhapti ।
commander ne fauran apnaa spring blade uske sine ki taraf khinch maaraa ।
“n... nahin ।” jor se chikhaa Dymock ।
uski uthi hui talvaar uthi rah gayi ।
phir vah donon haathon ke bich main-se nikalakar tann ki aavaaj karti hui niche giri ।
commander ne turant jhapatakar uski bullfightron vaali talvaar uthaa li aur isse pahle ki Dymock apne bachaav ke lia kuchh kar paataa, usne vo talvaar Dymock ke dil main ghusaa di ।
“sachamuch tumhaari talvaar ki pyaas bahut din se nahin bujhi thi Dymock ।” commander phumphkaar kar bolaa- “lekin aaj uski vo ichchhaa bhi puri ho gayi । alavidaa mere dost ।”
Dymock ki aankhen phati ki phati rah gayin ।vo dhadaam se niche jaa giraa ।
phir commander ne pichhe aa rahe Maskman ki speed ko calculate kiyaa । vah mushkil se do minute baad hi vahaan pahunchne vaalaa thaa ।
commander ne aanan-faanan kuchh kaam kiye ।
sabse pahle usne Dymock ke sine main dhansaa apnaa spring blade nikaalakar vaapas khaanche main fit kiyaa aur phir apne Haversack bag main-se RDX (atyant vidhvansak pedarth) kaa ek golaa nikaalaa ।
RDX ke gole main-se usne thodaa saa RDX todaa, use jaangh par rakhakar golaai main belaa aur phir use ek kaagaj main fold kar diyaa ।
uske baad commander ne ek detonater pencil nikaali ।
us detonater pensil ki yah khaasiyat thi ki usmain 2 second se lekar 24 ghante tak kaa time fix kiyaa jaa saktaa thaa । commander ne usmain tin minute baad kaa time fix kiyaa aur phir vah detonater pencil us RDX ke andar lagaa di ।
ab behad khatarnaak time bam taiyaar thaa ।
“mainne sunaa hai Maskman ।” commander bolaa- “ki tum time-bam ke bade jabaradast vishishajay ho । time-bam banaane se lekar unhen dismantle karne tak main tumhen mahaarath haasil hai । ab dekhnaa hai, tumhaari visheshataa tumhaare kitne kaam aati hai ।”
commander ne RDX kaa vah time bam Dymock ki laash ke niche chhupaa diyaa aur phir vo drut gati ke saath vahaan se bhaag khadaa huaa ।

thik do minute baad Maskman vahaan pahunchaa ।
Dymock ki laash dekhte hi uski aankhon main dahashat ke bhaav tair gaye ।
vo dar gayaa ।
phir vah apni rifel sambhaale badi teji ke saath idhar-udhar ghumaa, lekin commander use kahin najar nahin aayaa ।
usne jhaadiyon main dekhaa ।
aaspaas ke pedon par dekhaa ।
commander kaa kahin kuchh pataa n thaa ।
tab Maskman vaapas Dymock ki laash ke karib pahunchaa aur usne laash ko idhar-udhar palatakar dekhaa ।
“yah kyaa !” turant uski aankhen dahashat ke kaaran phati-ki-phati rah gayin- “bam !”