Romance SIRF TUM!!!

[AV14]

Adya ka dil hi toot gaya... Ye to hona hi tha, aakhir ek mayaan mein do talwaaren to reh nahi sakti... Shayad agar usne pehle hi Vivan se apne dil ki baat bol di hoti, and no doubt Vivan chaahe mana bhi kar deta... Par tab situation bilkul alag hoti aur Adya ko itni takleef naa sehni padti...

Kuchh khushnuma pal is naye premi jode ne saath mein bitaaye lekin Nakul ke hote kaise ye dono khush reh sakte hain... Thappad to lagaaya hai Jahanvi ne but ye kameena chup to naa baithegaa... Dekhte hain Nakul aur saath hi Adya aage kya karte hain...

Excellent Update Bhai & Waiting For Next...

Thanks a Lot Brother.. ADYA ka case kaafi complications laane waala hai aage bhi..

Thanks Again & Be Along..

 

[AV14]

Super update bhai...akhir kaar do perm panchi ek durse ko propose kar liya.Nakul ka plan fail ho gaya.Vivan aur jhanvi ek ho gaye.

Jhanvi nakul ko thok diya uski badtammez ki chalte.kya ho iska anjam?fantastic update...waiting for future updates

Thanks a Lot Brother.. Bas agle update mein aap dekhenge uss thappad ka asar..

Thanks Again & Be Along..

 

[AV14]

pichhle kuchh update ke oopar vichar ::


vartaman mein.... teen tharki thakur ko unse bari top se pala para hain... baat bas cm tak kee nahin rahi unse bhi oopar jaa pahunchi jahan tak unki pahunch nahin hain... pareshan toh hain wo akhir itni bari hasti ko unse kya panga,,, sabse bari baat uss ladki se kya dosti aur hain kaun wo...

***********************************************************************************************************************************************************
kuchh waisa hi haal udhar jhanvi ke pariwar waalo ka hain akhir kaun tha jisne inhe madad kari,,, itna ijjat dena,,, shakal jana pehchana tha jahir hain ek aadh baar hi dekha ho wo bhi kayee saal pehle,,, waise perplexed toh readers bhi hain lekin hamne anumana lagaya kee ho na ho wo khan saheb hee hain aur in shabke pechhe vivan dixit ka hi haath hain,,, but again a confusion,,, vivan is in bengalore aur jhanvi delhi mein hain toh phir wo insan agar khan saheb hain toh phir vivan ko chhor ke idhar kya kar raha hain... ya phir this is someones else,,, jisse vivan ne uski security ke liye rakhha hain,,, lekin jhanvi ne usse pehchana kaise...

Thanks A Lot Brother.. Par aapko yaad to hoga hi ke The Chariot waali meeting ke baad ASHFAQ naa dikha hai VIVAN ke saath..

sabse ajeeb baat,, aabha ke liye jhanvi aur jhanvi ke liye aabha bahut hi jyada mayne rakhte hain akhir behen hain aur pyar had se jyada,,, toh uss 1 saal ke bhitar jo badlaaw ho rahe the wo aabha ne kyun mehsoos na kiya,,, jo uski maa ko toh dikh raha tha jo utni kareeb nahin thee jitni uski behen,,, phir usse kaise maloom nahin chala kee jhanvi kisi se pyar karti hain.. thori confusing hain lekin abhi yahee fact hain...

Uska behaviour baaki sabke liye change hua par AABHA ke saath pehle jaisa hi tha.. Isiliye uski nazar se bach gaya..

uss raat kee ghatna jahan yeh sunny deol kee tarah disshum disshum karte hue gundo ke chhake chhura rahe the (sala aaj tak samajh na aaya inke chhake pakarta kaun hain) ,,, issi bich jhanvi ka dil bhi chura liya,,, aur yeh tharkee mauke ka fayda utha ke laal -laal gulabi gaalo kee chummi bhi le lee... aaila pehlie chhummi.,, jeebh laplaye raha na jaye.....

Ateet mein... pehli mulakat aur pehla pyar,,, vivan pehli hi najar mein diwana ho gaya tha,,, akhir ho kyun na lekhak ne jis prakar kee sundarta ka varnar kiya hain usse toh koi bhi deewana ho jaye,,, akhir shakshiyat hi kuchh aisi thee,,, halchal udhar bhi hui lekin ek anjaani khushi samajh ke nakar diya jhanvi ne.... lekin vivan miya toh lattu hue pare,, phir shuru hui unki kosis akhir kosis hi toh kehte hai ektarfe aashiqui ko...


kuchh had tak kamyab bhi hui,, dosti pyar kee pehli sidhi,, kuchh issi mein simat ke dam tor deti hain hain kuchh isse aage badh ke manzil paa leti hain,,, lekin pehli kamyaabi yahee hain.. ab writer kee daya drishti itni thee iss launde pe kee maa-baap toh chhen liya lekin talent peesh peesh ke mixi se isme bhar diya,,, yeh nachta achha hain aur gaata bhi hain... bhai yeh toh rockstar nikla,,, ab bandi toh milni hi thee... khair inki dosti toh parwaan chadhne lagi dheere dheere lekin kanak ke deemag ko yeh pehli hi khatak gaye... akhir tikhi mirchi hain jalan toh degi hi... toh kuchh jalan inhone bhi diye vivan ko lekin jhanvi kee dosti malham kee tarah uss jalan ko kam karti rahi...

khair chhote mote archano ke saath ,,, dosti toh dheere dheere pyar mein toh badlee aur issi badlaaw se avgat karwaya inki maa ne jo amuman koi dost ya phir behen karti aayee hain...

phir pyar hua ekraar hua,,

Ikraar to hona hi tha bhai.. Bechare ke jeevan mein kuchh to achha hona banta hai.. warna ro deta VIVAN..

lekin yeh chiman jhhopdi kanak kaho ya khanak,,, yeh itna jalti kahe hain be,,, uske dost jisko charachter praman patra bhi diya tha isne nakul kee tarah ladki chor ,,, ussi ke saath ghum rahi hain,,, lekin vivan se iski chhates ke tanke bhire hain... ab tu pyar pyar khel le lekin teri dost tere se puchh ke khelegi..

Bas ek ke baad ek cheezein aese hoti gayi ke KANIKA ke mann mein VIVAN ka impression kharaab hota hi gaya..

inhi jal-kukri ke jaise ek jal-kukra bhi hain nakul lekin yeh sala hawsi do taango wala prani,,, teesri taang se hi sochta hain hamesha... ab na jaane yeh apne gandi naali waale deemag se kaun si gandagi hagega... lagta hain inki beech kee galatfehmi aur doori mein iska aur khanak dono ka barabar ka hi haath aur laat hain... tabhi toh kutri sachhai janti hain.... aur jante hue bhi shant hain,,, sala yeh kasam-wisam ka chakkar... itna kahe khate hain log.. tabhi toh aajkal gas kee samashya hoti hain... bechara mehul bhi pareshan hain... khair ab kaise wo bed tak jaati hain aur uski behen coma mein aur yeh wheelchair pe...

In sabka jawaab jo JAHANVI ko pata hai wo kuchh updates mein hi mil jaayega but poora sach to baad mein hi saamne aayega..

Thanks Again Brother & Be Along..

 

[Naik]

CHAPTER – 1

{PAST – RIGHT YA WRONG}


UPDATE – 12

---

FLASHBACK CONTINUES...

---

THE BIRTHDAY NIGHT CONTINUES...

VIVAN & JAHANVI to sirf ek doosre mein mashgool the par kuchh aur bhi log aese the yahaan jinpar iss propose ka asar pada tha. Aaiye jaante hain unki manostithi bhi.

ADYA...

Jaise hi VIVAN wo black tuxedo pehene hall mein enter hua ADYA ki to maano Dhadkan hi tham gayi. Wo VIVAN par se apni nazren hata hi nahi paa rahi thi. Par jab VIVAN uske saamne se chalta hua JAHANVI ki taraf nikal gaya tab usse bahut bura laga. Aur hadh to tab ho gayi jab usne JAHANVI ki taraf apna haath badhaya. ADYA ka dil haalanki samajh chuka tha ke shayad aage wo hona waala hai jiske kaaran usse apni zindagi ka sabse bada dukh jhelna hoga. Par wo ye baat maan na hi nahi chahti thi.

Kherr, jaise jaise VIVAN apne jazbaat JAHANVI Ke saamne khol raha tha ussi kram mein ADYA ke dil ke tukde hone shuru ho chuke the. Uski aankhen bhi tezzi se bheegne lagi thi. Fir VIVAN ka wo kaagaz waala idea ho ya fir uska JAHANVI ko apni zindagi bataana, sab kuchh ADYA ko zinda rehte huye nark ka ehsaas karwa raha tha. Par jaise hi VIVAN ne apni pocket se wo angoothi nikaali ADYA Ke kadam peechhe ki taraf badhne lage.
Uski dhadkan itni tezz ho chuki thi maano kisi marathon mein daudkar aayi ho wo, aur fir aakhir kaar wo lamha aa hi gaya jisne ADYA ke sabr ka sabse bada imtihaan liya.

VIVAN ke wo shabd – “ I LOVE YOU JAHANVI... ” , ek karaara thappad lage ADYA ko apne dil par, apni aatma par. Wo aur derr tak wahaan naa ruk paayi. Haalanki usne JAHANVI ke jawaab ka bhi intezaar naa kiya lekin usne JAHANVI ke expressions dekh liye the jo aage hone waali ghatna usse saaf bata rahe the.

Wo laghbhag bhaagti huyi wahaan se nikal gayi. Aur rote huye apni gaadi mein baithkar wahaan se chali gayi. Ek aese anjaane Safar par jiska anjaam tha – Maut???

NAKUL...

Ye janaab to kahaan soche baithe the ke JAHANVI inka mehenga tohfa dekh kar inpar fida ho jaayegi aur kahaan usne VIVAN ka proposal accept kar liya. Iss waqt iske chehre par beintehaan gussa saaf jhalak raha tha par ye khud bhi jaanta tha iss samay kuchh bhi ulta seedha karna ispar hi bhaari pad sakta hai. Isiliye isne chup rehna hi behtar samjha.
Lekin wo kahaawat hai naa ke Kutte ki dum kabhi seedhi nahi hoti. Iske Saath bhi aesa hi kuchh lafda tha. Isiliye ye laga hua tha apne dimaag mein kuchh planning karne mein.

KANIKA...

Laghbhag same NAKUL jaise hi expressions iske chehre par bhi the. But Ofcourse iske gusse ki wajah bilkul alag thi. Sabse pehli wajah to ye ki isse MEHUL ne kaha tha ke JAHANVI ke liye ek surprise party rakhte hain aur yahan iss hotel ka idea bhi ussika tha. MEHUL bhi KANIKA & VIVAN ke beech ki baaton se avgat tha isiliye usne KANIKA se kaha tha ki VIVAN out of station gaya hai kuchh samay ke liye. Aur yahi kaaran tha ke wo raazi ho gayi thi JAHANVI ko yahaan laane ke liye. Par ab wo samajh chuki thi ke ye saara plan VIVAN ka hi tha jismein uska saath MEHUL ne diya tha.

Doosra kaaran ye ki abhi kuchh din pehle hi uski VIVAN se ek baar fir behas ho gayi thi jiski gawaah JAHANVI bhi bani thi aur uss waqt JAHANVI ne VIVAN ka hi saath diya tha aur ye kaafi tha KANIKA ke mann mein uske liye kadvaahat ko badhaane ke liye. Par ab bhi usse yakeen nahi ho raha tha ke JAHANVI ne kaise haan keh diya aur wo kab VIVAN se pyaar karne lagi? In sawaalon ke jawaab uske paas nahi the.

Kherr! In sabka to chalta hi rahega abhi ham chalte hain hamare newly formed couple ki taraf. VIVAN ne kaafi der se JAHANVI ko apne gale lagaya hua tha aur uski aankhen band thi. Aaj wo JAHANVI ko apni aatma se mehsoos kar raha tha. Aur aesa lag raha tha maano wo usse kahin jaane hi nahi dega.
Idhar inke College ke dost ab munh dabaaye hasne lage the jiss kaaran JAHANVI halka blush kar rahi thi.

JAHANVI – VIVAN chhodo mujhe. Sab dekh rahe hain.

VIVAN ( Madhoshi mein ) – To dekhne do… Tum sirf mujhe dekho!!!

JAHANVI ( Blushes ) – VIVAN gale lagne ke liye hamaare paas bahut time hoga. Abhi chhodo na please.

VIVAN ne iss baar uski baat maante huye usse chhod diya par jaldi se uske gaal par kiss bhi kar diya. Jispar pehle to JAHANVI hairaan huyi aur fir muskurane lagi.

Tabhi… Inki mitra mandali VIVAN ko iss mauke par kuchh shayari karne ko kehne lagi. VIVAN kaafi aachha likhta tha isiliye sabhi log usse aesa keh rahe the. VIVAN ne JAHANVI ke dono haathon ko thaama aur uski aankhon mein jhaank kar kaha...

DOZAKH SE LAAKAR JANNAT MEIN BAITHA DIYA...

MERI DHADKAN KO TUNE KHUDMEIN SAMA LIYA,
MUSKURATA REHTA HOON BEWAJAH HI MAIN!!
TUNE APNA JAADU MUJHPAR YUN CHALA DIYA,
AAFREEN TERA CHEHRA, KHUDA KI INAYAT MUSKAAN TERI!!
YAHI WAJAH HAI MAINE KHUDKO BHULA DIYA...

DOZAKH SE LAAKAR JANNAT MEIN BAITHA DIYA...

BESHAKH ZINDA THA KAL BHI MAIN,
PAR DIL KO DHADAKNA TUNE SIKHA DIYA!!
RUSWA THI JO SAANSEIN KABHI,
JASHAN MANANA TUNE UNHE BATA DIYA...

DOZAKH SE LAAKAR JANNAT MEIN BAITHA DIYA...

BE KAABOO HOON AAJ MAIN, KISMAT TU HAI MERI,
PAA LIYA SAARI KAAYNAT KO AAJ...
YE ISHQ KI SHIDDAT HAI MERI!!
RASHK HOTA HAI KHUDSE MUJHE,
AAJ TUNE MAUT KO BHI MERE LIYE KHUSHGAWAR BANA DIYA...

DOZAKH SE LAAKAR JANNAT MEIN TUNE MUJHKO BAITHA DIYA...

VIVAN ki Mohabbat ki hadhon ko darshaati uski zubaan ne JAHANVI ko majboor kar diya ke wo ek baar fir se VIVAN ke gale se lag gayi. Wahin baaki sab, obviously KANIKA aur NAKUL nahi, taaliyaan bajaanr aur hooting karne lage. Par ab JAHANVI ko poora vishwaas ho gaya tha ke usse VIVAN se zyada koyi pyaar kar hi nahi sakta. Ab kaafi samay ho chala tha isiliye inhone ghar ki taraf jaane ka faisla kiya. Sabhi ne ek baar fir in dono ko congratulate kiya par inka dhyaan filhaal to sirf ek doosre mein hi tha.

Jab ghar chalne ki baari aayi to JAHANVI VIVAN ki hi bike par baith gayi. Par jahaan aksar uske saath wo bike par halka distance banaakar baitha karti thi. Wahin aaj wo laghbhag usmein hi samaayi huyi thi. VIVAN bade aaram se bike chala raha tha iss umeed mein ke ye safar kabhi khatam hi naa ho. Par aesa hona to mumkin naa tha. Kuchh der baad JAHANVI ka ghar aa hi gaya.

JAHANVI bike se utri aur jaane lagi. Par tabhi wo mudi aur VIVAN ke gaal par apne honthon ki chhaap chhod di. Aur fir uske kaan mein I Love You kehkar tezz kadmon se muskurati huyi andar chali gayi. VIVAN bhi hasta hua apne gaal ko sehlaane laga aur fir apne hi sar par chapaat lagaakar wahaan se nikal gaya.

Issi tarah khatam hua in dono ki hi zindagi ka sabse yaad gaar aur Khushnuma din. Jo in dono ki zindagi mein naye khwaab laaya tha wahin ADYA ke sabhi khwaabon ko apne saath lekar udd gaya tha.

NEXT DAY :-

NIGHT TIME :-

PLACE :- LOVER’S HORIZON (DELHI)

---

PLACE INFO :- DELHI mein waise to adhik pahaad hai nahi par ye shayad kisi Aashiq ki Aashiqui ka hi namoona tha. Ek zameeni level se oonchi jagah hai ye. Jispar kaafi badhiya tareeke se kalakaari dikhaayi gayi hai. Lovers ke liye ek perfect maahaul apne kuchh haseen pal bitaane ke liye.

---

To hua yun ke aaj VIVAN office ke kuchh kaam se College nahi aa paaya aur JAHANVI poora din uska intezaar karti rahi. Launda inform karna jo bhool gaya tha. Isiliye Madam naaraz thi iss se. Aur unka mood fresh karwaane ke liye hi VIVAN usse yahaan laaya tha. Iss waqt ye dono wahin ek bench par baithe. Ek dooje ke haath ko thaame huye, aur JAHANVI ne apna sar VIVAN ke kandhe par rakha hua tha.

VIVAN – Ek baat batao JAHANVI,tumhe mujhse pyaar kab hua?

JAHANVI ne ek pal ko kuchh socha aur fir shuru se lekar aakhir tak sab kuchh VIVAN ko bata diya...

VIVAN ( Smiles ) – Iska matlab Saasu Maa ne tumhe samjhaaya. Kaafi intelligent hain fir to wo.

JAHANVI ne muskurate huye VIVAN ke pet mein ek halka sa punch maara,

JAHANVI – Kiski Saasu Maa?

VIVAN – Tumhe nahi pata?

JAHANVI – Nopes...

VIVAN – Tumhein sachmein nahi pata!?

Aakhiri baat kehte huye VIVAN ne apna chehra halka saa JAHANVI ki taraf jhuka liya tha. Jiske kaaran JAHANVI ki saansein tezz ho gayi.

JAHANVI – V..VI..VIVAN..

Par VIVAN ne apna kaam jaari rakha aur ab dono ke chehre bahut paas aa chuke the. JAHANVI ne apni aankhen band kar li. Par jab usse apne honthon ki jagah gaalon par kuchh ehsaas hua to usne jhatke se unhe khola to paaya ke VIVAN ne uske gaal ko choom liya aur muskurane laga.

VIVAN – I know JAHANVI ke abhi tum iske liye ready nahi ho. Aur meri taraf se kabhi line cross nahi hogi. I promise. Tum mujhpar trust kar sakti ho. Tum mujhse pyaar karti ho mere liye utna hi kaafi hai.

Sach yahi tha ke JAHANVI abhi iske liye taiyaar nahi thi. Par wo VIVAN ko naa nahi karna chahti thi. Ab kaaran to wo hi jaane. Par jo baatein abhi abhi VIVAN ne kahi wo seedhe JAHANVI ke dil mein utri aur uska pyaar VIVAN ke liye aur bhi badh gaya. Usne bina ek pal gawaaye VIVAN ko gale laga liya aur VIVAN ne bhi usse apni baahon ki kaid mein sama liya.

Kaafi derr tak dono baatein karte rahe aur fir wahaan se nikal gaye. Jab VIVAN aur JAHANVI uske ghar ke baahar pahunche to JAHANVI ne usse ek baar fir hug kiya aur boli,

JAHANVI – I love you VIVAN...

VIVAN – I Love You Too Jaan...

JAHANVI ( Surprised) – Kya kaha tumne??

VIVAN – Kya kaha matlab!! Aaj se main tumhe Jaan kehkar hi bulaaunga. Timhe nahi lagta VIVAN... JAAN... kitna badhiya rhythm hai.

JAHANVI ( Smiles ) – Tum aur tumhaari baatein… Jhalle!!

Issi tarah haste muskurate hue inke din beetne lage. Har din inka pyaar nayi unchaiyaan chhoo raha tha. Dono ek doosre ko kaafi samay se jaante the isiliye inka pyaar shuru se hi kaafi gehra ho gaya tha. Dono har roz College se baahar ek doosre se mila karte the. Par iss dauraan ek ghatna aesi huyi thi jo ullekhniya hai, aur wo ye ki propose waale din ke baad se ADYA College mein kahin nahi dikhi thi. Aur ye baat VIVAN ne bhi notice kar li thi par wo poochhta bhi kiss se?? Kherr, ab wo waqt aa gaya tha jab inki zindagi ke sabse bade toofaan ka pehla charan shuru hona tha.

1 MONTH LATER ( EK MAHINE BAAD ) :-

PLACE :- ST. MARY COLLEGE OF MANAGEMENT (DELHI)

Aaj VIVAN ki tabiyat thodi dheeli thi isiliye wo College nahi aaya tha. Par JAHANVI ka ek important lecture hone ki wajah se usse aana pada. Iss waqt JAHANVI Canteen mein baithi thi tabhi NAKUL uske saamne waali chair par aakar baith gaya.

NAKUL – Hi JAHANVI...

JAHANVI ne usse dekha to wahaan se uthkar jaane lagi par tabhi uski aankhen hairat ke maare fail gayi. NAKUL ne jaise hi dekha ke wo wahaan se uth rahi hai to usne JAHANVI ka haath pakad liya. JAHANVI usse aankhon mein angaare liye ghoorne lagi.

JAHANVI – Haath chhodo mera!!

NAKUL ne bhi uska haath chhod diya lekin,

NAKUL – Sorry iske liye par tum mujhe hamesha avoid kyun karti rehti ho? Mujhmein kaunse kaante lage hain.

JAHANVI – Main kya karti hoon ya kya nahi ye meri marzi hai. Tum kaun hote ho mujhse sawaal karne waale.

NAKUL – Look JAHANVI. Main tumhe pasand karta hoon aur tabse hi jab pehli baar tumhe dekha tha...

JAHANVI – Kya bakwaas kar rahe ho tum. Main jaa rahi hoon.

NAKUL – Meri baatein tumhe bakwaas lag rahi hain aur uss VIVAN...

JAHANVI – Naam mat lena uska apni zabaan se. Warna mujhse bura koyi nahi hoga.

NAKUL – Arre aesa hai kya usmein jo tum uski wajah se mujhe suna rahi ho. Do kaudi ka bhikhaari...

Iski baat poori bhi nahi huyi thi ke,

CHATTAAAAKKK...

Ek thappad kheench kar maara JAHANVI ne iske munh par. Aur fir iska collar pakadte huye kaha,

JAHANVI – How dare you!! Tumhaari himmat kaise huyi mere VIVAN ke baare mein kuchh bolne ki. Dobara aesi galti Mat karna warna aesa haal karungi ke kisi ko shakal nahi dikha paaoge.

Aur ye bolkar wo gusse se tilmilaati huyi wahaan se nikal gayi.

Idhar NAKUL poore gusse mein baitha tha aur apne mann mein bola,

“ Saali thappad kaise maara mujhe. Chhodunga nahi iss kameeni ko aur iske uss Aashiq ko. Pehle to socha tha ke pyaar se maan jaayegi lekin nahi ab isse dikhaana hi padegaa ke main kya hoon. Aur shakal to ab ye kisiko dikhaane ke kaabil nahi rahegi. I’ll destroy your life JAHANVI. ”


Iss Update Ke liye Itna Hi...


Milenge Agle Update Mein...

Bahot badhiya shaandaar update bhai
Lajawab
Dekhte h Nakul kon sa kanta bone wala h dono love birds k beech m

 

[Polakh555]

Bohot hi achcha story laga ,,,, entertainment ka tadka lagta he jeise koi movie dekh raha hoon ya phir koi webseries .......... Bohot hi maza aa gaya padh kar ............... Koi best' selling novel jeisa likha he outstanding .......... Intezaar rahega aage ki updates ka

 

[AV14]

Bahot badhiya shaandaar update bhai
Lajawab
Dekhte h Nakul kon sa kanta bone wala h dono love birds k beech m

Thanks Brother.. Be Along..

 

[AV14]

Bohot hi achcha story laga ,,,, entertainment ka tadka lagta he jeise koi movie dekh raha hoon ya phir koi webseries .......... Bohot hi maza aa gaya padh kar ............... Koi best' selling novel jeisa likha he outstanding .......... Intezaar rahega aage ki updates ka

Thanks a lot for such appreciation.. Be Along..

 

[Naina]

Naina Sauravb kaha he माननीय महादय और महदया । Zara idhar bhi jhank maariye .......

Baari baari revo sab pe... Wo lounge pe aaye quote reply ke chalte notice na ki maine....
Next week se revos suru

 

[parkas]

Welcome back Naina ji...

 

[Naina]

Welcome back Naina ji...

Are ju logis ke liye lad rahi hun the lounge pe taaki hum hindi ss wale best ho hamesha kya samjhe my friend