Romance SIRF TUM!!!

[Jutt Bro]

Superb update bro

 

[Mana6262]

Ab jo karegi Abha hi karegi

 

[AV14]

Nice and beautiful update...

Superb update bro

Ab jo karegi Abha hi karegi

Thanks A Lot Guyzz..

Be Along..

 

[AV14]

CHAPTER – 2

{THE TRUTH}


UPDATE – 18

PLACE :- JAHANVI MANSION (BANGLORE)

Yahaan baithe the VIVAN, NAVYA aur saath hi MADHAV JI. Ek ajeeb si shaanti chhayi huyi thi chaaron taraf bas sunaayi de rahi thi to NAVYA ki ghuti huyi siskiyon ki aawaz. Wo lagaatar apni aankhen ponchhte huye VIVAN ko hi dekhe jaa rahi thi. Wahin MADHAV JI ek chinta ke sabab mein doob chuke the. Idhar VIVAN aankhon mein hairaangi aur dard liye NAVYA ko dekh raha tha. Aaj fir ek baar VIVAN khud ko bebas mehsoos kar raha tha, utna hi bebas jitna usne khud ko “Us Din” kiya tha jab usse ADYA ne apne pyaar se avgat karwaya tha!!

Khair, VIVAN ne apni nazren MADHAV JI par jama li jaise poochhna chahta ho ke ye sab kaise ho raha hai? Wahin NAVYA bhi unhe hi dekh rahi thi par wo VIVAN se alag kaafi kuchh samajh chuki thi. MADHAV JI aankhen bhi nam ho chali thi. Unhone NAVYA ko dekha aur kaha,

MADHAV – Haan NAVYA tu meri beti nahi hai!! Par ye bhi sach hai ke tujhe maine hamesha apni khud ki aulaad hi samjha hai.

VIVAN – Aap sab kuchh shuru se bataiye.

MADHAV – 4 Saal pehle ek accident mein maine apni biwi aur meri beti ko kho diya. Uska naam NAVYA hi tha. Meri to duniya hi ujad gayi thi. Main un dono ki asthiyon ko lekar Haridwar gaya tha. Wahaan se waapis aate waqt kuchh kaam se main Delhi chala gaya. Tabhi highway ke kinaare mujhe ye dikhi. Isse bahut si chotein aayi thi aur sar se kaafi khoon beh raha tha. Maine aas – pas dekha to koyi bhi nahi tha. To main isse lekar hospital gaya. Lekin jab ye hosh mein aayi to isse kuchh bhi yaad nahi tha, iski yaad dasht ja chuki thi. Maine news dekh li thi ke isne suicide karne ki koshish ki thi. Mujhe laga ke bhagwan ne meri NAVYA mujhe lauta di hai. Isiliye maine isse bataya ke ye meri beti hai aur ek accident mein iski Maa ki death ho gayi aur iski yaad dasht chali gayi. Main bahut swaarthi ho gaya tha. Maine iske aur iske Maa – Baap ke saath bahut galat kiya. Please NAVYA mujhe maaf kar do, please...

Aur itna kehkar wo laachari bhari nazron se, jinmein aansoon spasht dekhe jaa sakte the, NAVYA ko dekhne lage. Wo kya kahe use samajh nahi aa raha tha. VIVAN ko bhi ab saari baat samajh aa chuki thi. Par aage kya hona tha ye sochkar wo chintit tha. Khair, NAVYA ne bhi MADHAV JI ki uss waqt ki stithi ko samajhte huye unse gile – shikwe door kar liye. Sach to ye tha ke NAVYA yaani ADYA ke apne Mata – Pita ne hamesha uss se sautela vyavahaar kiya. Wo log hamesha se ek ladka hi chahte the par unhe ladki huyi, jiss kaaran unhone kabhi ADYA ko wo pyaar nahi diya jiski ek bache ko lalak hoti hai. Par MADHAV JI ne sadaiv use khud ki beti ki hi tarah prem diya. Jis kaaran wo khud ko unka karzdaar maan rahi thi aur unhi ke kaaran to aaj ek baar fir wo VIVAN se mil paayi thi.

Kuchh derr baad wo VIVAN ki taraf aur VIVAN uski taraf dekhne laga. Ek ajeeb si chuppi in dono ke beech apna sthaan bana chuki thi. Haalanki MADHAV JI in dono ke past ke barae mein kuchh nahi jaante the par abhi huyi ghatna aur saath hi pichhle waqt ki ek baat ko aapas mein jodkar wo kuchh – kuchh andaza laga paa rahe the.

MADHAV – Ek baat aur bhi, jab ye 4 saal pehle mujhe wahaan mili thi tab aur jab ye hospital mein behosh thi tab bhi ye sirf ek hi naam iski zubaan par tha – Tumhaara...

VIVAN ki taraf dekhte huye MADHAV JI ne ye baat kahi jispar VIVAN ka sar apne aap jhuk gaya. Wo jaanta tha ke ADYA ka prem uske liye kitna pavitra tha, kitna nischal tha par wo iss kaabil nahi tha ke usse uske badle mein pyaar de paaye. Aakhir wo sirf aur sirf ek hi ladki se pyaar karta tha hamesha se aur kabhi bhi kisi aur ko wo jagah nahi de sakta tha jo usne JAHANVI ko apne dil mein di thi.

MADHAV JI samajh rahe the ke abhi in dono ko thoda waqt dena padega baat karne ke liye. Aur isiliye wo bina kuchh bole wahaan se uth kar chale gaye aur chhod gaye in dono ko aur inke beech ki uss ajeeb si chuppi ko. VIVAN apni wheel chair ko NAVYA ki taraf lekar gaya. VIVAN ne uske haathon ko apne haathon mein thaama,

VIVAN – ADYA... I’m Sorry... I’m really sorry main naa to tab tumhaare liye kuchh kar paaya tha aur naa ab kar...

NAVYA – Tum sorry mat bolo. Shayad tab main mature nahi thi isliye apne aap ko sambhal nahi paayi. Par ab main samajhti hoon ke tum JAHANVI ke alawa kisi aur ko apne dil mein jagah nahi de paaoge. Aur mera yakeen Karo iss baat se mujhe tumse koyi naarazgi nahi. Dukh zaroor hai ke agar maine tumhe pehle hi bata diya hota to shayad sab kuchh alag hota. Main ye sab apni kismat maan kar accept karne ko taiyaar hoon VIVAN.

Uski baat sunkar VIVAN ki aankhon mein aansoon aa gaye. Aaj kitne waqt baad VIVAN ki aankhen bheegi thi. Wo bas NAVYA ko hi dekhe jaa raha tha. Kitni maasoomiyat jhalak rahi thi uske chehre par, kitni badi baat, kitni badi kurbaani usne yunhi de di jaise kuchh chhoti si baat ho. Wo andar se tooti huyi thi ye VIVAN achhe se samajh paa raha tha par wo bhi jaanta tha ke shayad uske zakhmon ki dawa sirf waqt hi kar sakta tha.

VIVAN – Tum hamesha meri best – friend rahogi ADYA... hamesha!!

NAVYA – Soch lo bahut pareshaan karungi tumhe!!

VIVAN uski baat par bas muskurakar reh gaya. Iske baad kuchh der baat huyi inke beech aur fir NAVYA aur MADHAV JI nikal gaye. Par NAVYA ki aankhon mein ab bhi kuchh tha jo VIVAN ko dard de raha tha. Wo shayad jaanta tha ke wo ladki kabhi bhi aage nahi badh payegi aur yahi baat usse pareshaan kar rahi thi. Khair, agle din wo VIVAN se milne pahunch gayi aur fir dono Shanti Van mein pahunche.

BACK TO PRESENT :-

PLACE :- SAPPHIRES HOTEL

JAHANVI’S ROOM...

JAHANVI apne iss hotel ke kamre ki balcony mein baithi thi aur shunya mein khoyi ek gehri soch mein doobi huyi thi. Aaj firse kismat ne usse ussi mod par laakar khada kar diya tha jiska dard wo 4 saal se jhel rahi thi. Par iss baar bahut se sawaal uske saamne khade the. ADYA zinda thi? Haan zinda hi thi, aakhir apni aankhon se dekha tha JAHANVI ne usse, to kya wo Video jisne usse todkar rakh diya tha, wo video jhooth tha? Agar wo jhooth tha to sachaayi kya hai? Kya aesa kuchh hai jo abhi bhi uss se chhippa hua tha?

Kahin naa kahin JAHANVI ke mann mein ek aasha ki kiran jaagi thi ke VIVAN ne wo sab nahi kiya hoga. Par usse in sab sawaalon ke jawaab chahiye the jo kewal ek hi shakhs de sakta tha. Wo aese hi khoyi huyi thi tabhi peechhe se kisine uske kandhe par haath rakha. Wo mudi to usne paaya ke wahaan AABHA khadi thi,

AABHA – Kya soch rahi hai?

JAHANVI – Didu mujhe kuchh samajh nahi aa raha… agar wo Video sach tha to ADYA zinda kaise hai? Aur ADYA aur V.. VIV.. wo dono saath mein kaise the?

Bechaari uska naam bhi nahi le paa rahi thi. AABHA ko bahut zyada taras aa raha tha uski iss haalat par,

AABHA – Tune ye nahi Socha ke VIVAN ne wo jagah – Shanti Van kyon kharid liya? JAHANVI mujhe pehle bhi laga tha ke kuchh to hai jo ajeeb hai. Jo tune bataya tha mujhe, main maan hi nahi sakti ke wo tujhe dhokha de raha tha. Par wo Video bhi jhooth nahi tha aur uss se bhi badi baat jo baatein usne kahi thi uss din hospital mein…

JAHANVI – Main kya karun Didu, mujhe kuchh samajh nahi aa raha.

AABHA (Sighs) – Tujhe uss se baat karni padegi ANVI. Kya baat ye to main bhi nahi jaanti. Par bahut kuchh hai jo usne tujhse chhipaya hai.

JAHANVI uski baat sunkar ek nayi soch mein doob gayi. Usse khud bhi nahi pata tha ke aage kya karna sahi hoga par itna wo jaanti thi ke bhavishya ke garbh mein bahut se raaz chhippe the jinka khulna shayad uske jeevan ko ek baar fir palat dene waala tha.

PLACE :- THAKUR PALACE (DELHI)

NAKSH – Issine 2 saal pehle Papa ko jail bhijwaaya tha.

AADMI (Surprised) – Par ye to jail uss... kya naam tha uska... Haan ASHFAQ KHAN ki wajah se gaye the naa!!

NAKSH – Haan wo issi ka security chief hai…

AADMI – Ohhh!! Ek minute, ek minute par ASHFAQ iska security chief, uss waqt to tumne kaha tha ke wo ek khud ki security service chalata hai!?

NAKSH – Main samjhaata hoon aapko. Asal mein 2 saal pehle hamare office mein ek ladki kaam karti thi. Mujhe wo pehli hi nazar mein pasand aa gayi thi. Maine uss se baat karne ki koshish bhi ki par office mein ladkiyon ke maamle mein main waise hi badnaam tha. To kaafi koshish ke baad bhi jab wo nahi maani to ek din maine usse kidnap kar liya. Lekin baad mein pata chala ke wo uss security service waale ASHFAQ ki behen thi. Wo saala wahaan pahunch bhi gaya tha lekin mere logon ne usse gira diya tha. Par tabhi pata nahi kahaan se saali police wahaan aa gayi. Uss din se pehle kisi police waale ki himmat nahi hoti thi ke hamare khilaaf ek shabd bhi bol den. Par uss din un logon ne seedhe mujhe arrest kar liya aur baad mein Papa ko bhi. Aur fir pata chala ke ye sab is VIVAN DIXIT ka kiya – dhara tha, shayad ASHFAQ ko pehle se jaanta tha wo. Police Station mein sabke saamne uss ladki se maafi maangni padi thi mujhe tab kahin Papa chhoote the. Pakka iss baar bhi issine Chhote ko andar karwaya hoga.

AADMI – Jeeja Ji, main to yahi kahunga ke iss maamle ko shaanti se nipta lena chahiye. Kyonki iss se bhidne mein hamara hi nuksaan hai.

JAGVIJAY (Shouts) – Nahi iss baar nahi!! Iss baar iss kameene ko aur uss ladki dono ko dikha dunga ke main kya cheez hoon. Saala do baar, do baar mere raaste mein aa chuka hai. Chhodunga nahi isse!!

PLACE :- JAHANVI MANSION (BANGLORE)

Yahaan maujood hain VIVAN aur NAVYA. Jahaan VIVAN kisi soch mein dooba hua hai wahin NAVYA bas VIVAN ko hi dekhe jaa rahi hai. Kaafi derr baad,

NAVYA – Kahaan khoye ho tum?

VIVAN – Huhh!!

NAVYA – Jabse hum wahaan se aaye hain tum kahin khoye – khoye se lag rahe ho. Kya baat hai?

VIVAN – Nahi aesi koyi baat nahi hai. Wo to bas aese hi...

NAVYA – Kal hi tum keh rahe the ke main tumhaari best – friend hoon aur ab mujhse jhooth bol rahe ho.

VIVAN – Theek hai batata hoon. Jab hum wahaan se baahar nikle to mujhe laga ke wo wahin thi...

NAVYA – Kaun thi!?

VIVAN – JAHANVI... Mujhe laga ke wo wahin aas – paas thi. Main uski maujoodgi ko feel kar paa raha tha. Aesa laga jaise wo mere behadh nazdeek thi.

NAVYA JAHANVI ke zikr par thodi udaas to huyi par VIVAN ki kahi baat par vichaar bhi karne lagi.

NAVYA – Ho sakta hai tumhe veham hua ho. Tum uss waqt uske hi baare mein soch rahe the, shayad isliye…

VIVAN – Pichhle 4 saalon mein ek bhi pal aesa nahi guzra hai jab maine usse yaad naa kiya ho!! Har din, har pal sirf JAHANVI ko hi yaad kiya hai par aesa mujhe aaj se pehle kabhi nahi laga. Nahi ADYA ye veham nahi hai. Wo yahin hai, aas – paas, kahin bahut paas.

NAVYA – Maybe wo yahaan aayi ho!?

Uski baat sunkar VIVAN ke dil mein Khushi ke ankur footne lage, wo soch raha tha ke abhi wo JAHANVI se milne jaayega aur usse apne aagosh mein le lega. Par tabhi usse yaad aaya ke 4 saal pehle kya aur Kyon hua tha. Uske chehre par udaasi jhalakne lagi par tabhi usse khud ki haalat ka khayaal aaya aur ek fiki muskaan uske chehre par aa gayi jiska matlab NAVYA bhi samajh gayi thi.

NAVYA – Tumhe lagta hai VIVAN ke jo tumne kiya wo sahi tha?

VIVAN (Smiles) – Aesa sawaal kyon??

NAVYA – Tumne khudko dekha hai. Kitna tadap rahe ho uske bina aur tumhe kya lagta hai ke jitna pyaar wo tumse karti thi, wo abhi khush hogi!? Nahi VIVAN dil tootne ka dard bahut bura hota hai, wo zakhm aese hi nahi bhar jaaya karte.

VIVAN – Aur agar main ye sab nahi karta to kya hota, tumne socha hai. Main JAHANVI ko kabhi bhi dukh aur takleef ke aas – paas bhatakne bhi nahi dena chahta tha, main chahta tha ke usse duniya ki saari khushiyan milen par kabhi – kabhi kismat aise khel khelti hai ke insaan majboor ho jaata wo karne ke liye jo wo kabhi nahi karna chahta!!

NAVYA – Waise wo aadmi jo tumhaare saath hote hain wo wahi hai naa jo “Uss Din” uss jagah par the!?

VIVAN – ASHFAQ... Haan wo wahi hai. Tumhaare alawa wahi hai jo sab kuchh jaanta hai.

NAVYA – Par kayi din se maine usse dekha nahi tumhaare saath…

VIVAN – Usse kuchh kaam tha isiliye shehar se baahar hai wo.

VIVAN baat to normally kar raha tha par wo filhaal kitna dukhi tha ye NAVYA mehsoos kar paa rahi thi. Shayad ek si hi stithi thi dono ki. Jahaan VIVAN ne apni Mohabbat ka apne hi haathon se khoon kiya tha wahin NAVYA apni Mohabbat ke kareeb hote huye bhi uss se bahut door thi.

NAVYA (Mann Mein) – Tum mujhe kabhi nahi miloge VIVAN main ye jaanti hoon. Par I wish ke tum aur JAHANVI fir se ek ho jaao. I know tum kuchh bhi kaho par tum uske bina nahi reh sakte & wo bhi zaroor issi tarah tumhaari yaad mein tadap rahi hogi. Kaash usse pata chal paata ke tumne uske liye kya kiya tha aur wo waapis tumhaare paas aa paati… Bhagwaan please in dono ko firse mila do!!


Aaj Ke Liye Itna Hi...


Milenge Agle Update Mein...

 

[Naik]

CHAPTER – 2

{THE TRUTH}


UPDATE – 17

AFTER 1 WEEK (EK HAFTE BAAD) :-

PLACE :- THAKUR PALACE (DELHI)

Ek baar fir yahaan maujood tha wahi vakeel ke libaas ko odhe aadmi, JAGVIJAY aur saath hi NAKSH. Par jahaan pichhli baar wo shakhs kaafi chilled lag raha tha wahin aaj uske chehre par pareshaani saaf jhalak rahi thi. Par ek cheez nahi badli thi aur wo ye ki wo abhi bhi pichhli baar ki hi tarah idhar se udhar tehal raha tha.

JAGVIJAY – Ab tu bolega ya aese hi ghoomta rahega!?

AADMI – Kuchh samajh nahi aa raha Jeeja Ji. Lagta hai kuchh to hai jo meri pakad se chhoot raha hai.

NAKSH – Hum naadan baalak hai bhagwan. Aap saadhaaran bhasha mein baat bolenge.

AADMI (Stares) – Maine pata karwaya hai uss ladki ke baare mein. Sahi mein maine nahi dekha bhai kisiko bhi aesi life jeete huye. Matlab subah ghar se office aur fir office se ghar. Matlab bilkul hi boring zindagi hai uski. Ab aese mein mujhe nahi lagta ke uska koyi pyaar vyaar ka chakkar hai filhaal.

NAKSH – Ho sakta hai pehle ho...

AADMI – Wahaan bhi aa raha hoon. Jab wo College mein thi matlab 4 – 5 saal pehle tab tha ek ladka VIVAN karke, uske saath tha us ladki ka chakkar. Fir saala 4 saal pehle wo aesa gaayab hua fir yahaan kahin dikha hi nahi.

JAGVIJAY – To tujhe kya lagta hai ke wo ab waapis aa gaya hai?

AADMI – Ho sakta hai. Kyonki uss ladki ke aas – paas koyi bhi aesa shakhs nahi hai jiski itni oopar tak pehchaan ho. To shayad...

NAKSH – Photo wageraah hai uss ladke ki aapke paas?

Uss aadmi ne apni jeb se ek tasveer nikaal kar NAKSH ko pakda di. Jaise hi NAKSH ne uss photo ko dekha to yski baunhe sikud gayi aur wo kuchh sochne laga. Fir ek jhatke mein apni jagah se khada ho gaya. Uski aankhen aakhiri hadh tak faili huyi thi. Wo baar – baar tasveer ko ulat palat kar dekh raha tha.

AADMI – Kya hua tujhe saanp soongh gaya kya?

NAKSH – Aapko pata bhi hai ye kaun hai?

JAGVIJAY – Tu batayega kaun hai?

NAKSH – Papa ye wahi hai... VIVAN DIXIT... Banglore waala!!

Ye sunkar JAGVIJAY bhi hairaani chehre par liye apni jagah se khada ho gaya.

AADMI – Arre koyi mujhe batayega ke hua kya hai?

NAKSH – Issine 2 saal pehle Papa ko jail bhijwaaya tha...

PLACE :- SAPPHIRES HOTEL (BANGLORE)

Yahaan maujood hain JAHANVI & family aur saath hi KANIKA aur MEHUL bhi. Last week jo plan AABHA ne banaya tha yahaan aane ka uspar JAHANVI bhi sehmat thi. Falswaroop iss waqt ye sab yahaan pahunch chuke hain. Khair, waqt zaaya na karte huye sunte hain inki baat cheet.

AABHA – ANVI chal jaldi se ready ho jaa fir hum chalte hain wahaan.

JAHANVI (Smiles) – Waise aapko mujhe yahaan laane ki kyon soojhi?

AABHA (Smiles Back) – Hamesha aesa sada hua sa munh banake rakhti hai naa tu, To maine socha yahaan aakar thodi shakal hi theek ho jaayegi teri.

JAHANVI – Kya matlab meri shakal achhi nahi hai!?

Ye baat usne bachon ke jaise munh fulaate huye boli thi. Jispar AABHA ki muskaan aur bhi badh gayi.

AABHA – Chal ab drama band kar aur jaldi se ready ho jaa fir hum nikalte hain.

Khair, iske baad ye sabhi ready huye aur nikal pade uss taraf jahaan inke jeewan ka ek naya adhyay likha jaane waale tha.

SHANTI VAN...

“ Madam aap samajh kyon nahi rahi hain aap log andar nahi jaa sakte… ”

Ye bol the iss jagah ke baahar maujood do security guards mein se ek ke. Aur iss kathan mein Madam shabd jiske liye istemaal kiya gaya tha wo AABHA thi. Asal mein ye sabhi yahaan pahunch gaye the aur baahar maujood itni gaadiyon aur saath hi guards ko dekh kar hairaan ho gaye the. Jab inhone andar jaane ka prayaas kiya to un dono guards ne inhe rok liya.

AABHA – Aap hume andar jaane se kaise rok sakte hain?

GUARD – Arre humara kaam hi yahi hai. Aur aap log samajhte kyon nahi kisi ko bhi andar jaane ki permission nahi hai.

JAHANVI – Permission kis baat ki? Ye koyi private property thode hi na hai?

GUARD – Private Property hai Madam tabhi to hum yahaan khade hain. Aap shayad jaanti nahi par ye jagah 3 saal pehle humare Boss ne kharid li thi.

Ye sunkar wo sabhi chaunk gaye. Sahi hi tha JAHANVI ko bilkul nahi pata tha iss baare mein. Ab usne to umeed bhi nahi ki thi ke koyi ek jungle hi kharid lega. Khair, ye sab bujhe mann se wahaan se jaane ko huye, sabse adhik niraash to JAHANVI hi thi. Par tabhi wahaan un sabhi guards ki chahal – pahal shuru ho gayi.

Aur agle hi pal ek shakhs uss jagah se baahar aata hua dikhaayi diya. Wheel – chair par maujood uss vyakti ka chehra ye log nahi dekh paa rahe the par JAHANVI ki dhadkan bahut adhik badh chuki thi. Ek, ek ajeeb sa ehsas usse ho raha tha. Tabhi jo drishya in sabne dekha, inki aankhen fati ki fati reh gayi.Wo chehra… kaise naa pehchaante ye sab. Wo VIVAN hi to tha.

Usse dekh kar jahaan JAHANVI ke parents ki aankhen gusse se bhar gayi wahin MEHUL ke chehre par usse dekh kar jahaan gusse ke bhaav aaye wahin wheel chair ke kaaran aankhon mein hairaani bhi utar aayi. Idhar AABHA bhi hairaan pareshaan si un sabhi ke reaction ko samajhne ki koshish kar rahi thi. Usne to VIVAN ka chehra pehle kabhi nahi dekha tha to wo bhala kaise usse pehchaan paati. Wahin KANIKA ki aankhen nam ho chali thi usse yun, iss haalat mein dekh kar. Uske mann mein saantvana aur dukh ke bhaav utpann ho chuke the.

In sab se juda khadi thi JAHANVI. Aankhen to maano apne aap hi paani bahaana shuru kar chuki thi. Uske kadam ladkhadane lage the maano unmein jaan hi naa bachi ho. Wo bas ek tak uss chehre ko dekhe jaa rahi thi jiss se wo kabhi apni jaan se zyada pyaar karti thi... thi ya shayad karti hai, shayad abhi bhi JAHANVI sirf VIVAN ki hi thi. In chaar saalon mein kabhi bhi uss naam, uss chehre ke alawa JAHANVI ne kuchh nahi socha kyonki wo usse naa to kabhi bhool paayi na hi uski yaadein mita paayi. Khair, wo filhaal ek moh paash mein bandhi bas VIVAN ko dekhe jaa rahi thi. Wo bhaagkar uske paas jaana chahti thi par usse AABHA ki wo haalat jiska zimmedar VIVAN tha, roke huye thi.

Tabhi ek aur shakhs VIVAN ke peechhe peechhe baahar aaya aur usse dekh kar in sabki hairaani ki koyi seema naa rahi. “Kaise?” Bas yahi ek shabd tha jo in sabke khul chuke munh se nikla. Aankhen shayad ab to hairaangi ki aakhiri seema ko laangh chuki thi. Ye jo saamne wo sab dekh rahe the, sach tha ya nahi… ye un sabki samajh se baahar tha. JAHANVI se ab aur derr khada nahi raha gaya aur wo apne ghutno par gir gayi. AABHA uski taraf badhi aur usse kandhon se thaam liya. Ab tak wo bhi laghbhag sab kuchh samajh chuki thi, aakhir in sabke reaction kaafi the usse sab samjhaane ke liye.

Khair, kuchh hi derr mein VIVAN aur wo shakhs gaadi mein baithkar inki aankhon se ojhal ho chuka tha. Par inke mann mein dheron sawaal apni jagah bana chuke the jiska kaaran tha VIVAN ka wheel – chair par hona aur saath hi saath wo shakhs jo aur koyi nahi balki NAVYA thi…

Idhar VIVAN , NAVYA ke saath yahaan Shanti Van se jab nikla to uske dil mein ek ajeeb si bechaini hone lagi. Uski dhadkan betahasha badh chuki thi. Wo apni saansein kaaboo karne ki bekaar koshish mein laga tha. Uss se yahaan ek pal bhi nahi ruka jaa raha tha. Isiliye wo jaldi mein idhar se nikal gaya. NAVYA bhi uske iss bartaav se thodi hairaan thi. Par wo filhaal chup hi thi. Wo VIVAN ki taraf bahut pyaar se dekh rahi thi par aaj VIVAN ye cheez note karte huye bhi chup tha. Ab shayad uske paas NAVYA ko kuchh kehne ka option hi nahi bacha tha. Wo ab usse khud se pyaar naa karne ke liye bhi nahi bol sakta tha. Kaaran...

YESTERDAY EVENING :-

PLACE :- JAHANVI MANSION (BANGLORE)

Pichhle ek hafte mein NAVYA ka vyavahaar VIVAN ke prati Zara bhi nahi badla tha balki wo to aur bhi adhik VIVAN se judne si lagi thi. Yahaan tak ki wo kuchh hadh tak VIVAN par hakh bhi jataane lagi thi. Aur ye cheez VIVAN ko bahut adhik pareshaan kar rahi thi. Wo samajh nahi paa raha tha ke iss situation ko kaise handle kare. Itna to wo samajh hi chuka tha ke NAVYA uske prati aakarshit hai, par kya ye Pyaar hai ya sirf aakarshan. Agar ye maatra aakarshan hota to shayad koyi badi pareshaani nahi thi par kahin agar NAVYA VIVAN se pyaar karti hoti to aage chalkar NAVYA ko shayad ek bure daur se guzarna padta.

Ab VIVAN to sirf aur sirf ek hi insaan se Mohabbat karta tha,kal bhi... aaj bhi aur marte dum tak, wo maatra JAHANVI ka tha. Kisi aur insaan se prem karna uske liye bilkul bhi sambhav nahi tha. Isiliye usse ab NAVYA se seedhe seedhe baat karna sahi laga. To usne NAVYA ko apne ghar par milne ke bulaaya tha. Wo bechaari to iss baat se fooli nahi sama rahi thi. Isiliye behadh hi saleeke se taiyaar hokar wo yahaan pahunchi. Sach much aaj uski khubsurti behadh hi adhik aakarshak si lag rahi thi. Par jaise hi uski gaadi iss bangle ke baahar pahunchi uske chehre par halki hairaangi aa gayi.

Kaaran tha wo naam jo iss ghar ke baahar likha tha. Jab NAVYA ne pehli baar uss meeting mein VIVAN ka naam suna to usse naa jaane kyon laga ke wo usse pehle se jaanti hai aur ab ye naam – JAHANVI, usse waisi hi anubhuti ho rahi thi maano iss naam se uska koyi puraana naata ho. Khair, iss baat ko nazar andaaz karke wo andar pahunchi. Kuchh derr baad VIVAN aur NAVYA aamne – saamne baithe the. NAVYA Ke chehre par khushi chhippaye nahi chhip rahi thi aur VIVAN bhi iss cheez se waaqif tha. Usne seedhe mudde par aana sahi samjha,

VIVAN – Do you Have A Boyfriend!?

NAVYA (Shocked) – Huhhh...

VIVAN – Tumhaara koyi Boyfriend hai??

Ye sawaal sunkar NAVYA behadh hairaan to huyi par saath hi dil ke ek kone se aawaz aayi ke kahin VIVAN bhi to usse pasand nahi karta aur isiliye ye sawaal poochh raha hai. Iss khayaal se hi NAVYA Ke chehre par laal rang ubharne laga. Aur usne sharmate huye sar jhuka kar bas naa mein hila diya. VIVAN ko issi ki umeed thi. Usne ek lambi saans kheenchi aur bola…

VIVAN – Tum kisi se pyaar karti ho?

Seedhe seedhe iss sawaal ki NAVYA ko katayi umeed nahi thi. Uske gaalon par laali badh chuki thi. Wo bas apni ungliyon ko mod rahi thi. Uska dil to uss se keh raha tha ke wo bebaak hokar VIVAN se sab kuchh keh de, bata de ke wo kis kadar uss se mohabbat karti hai, uske baare mein kya feel karti hai, har pal uske hi baare mein sochti rehti hai. Par naa jaane kyon uski zubaan uska saath nahi de rahi thi. Usne himmat karte huye bas haan mein sar hila diya.

VIVAN (Sighs) – Aur wo main hoon… Haina!?

Ek jhatke mein NAVYA ka sar oopar hua. Usse to apne kaanon par vishwaas hi nahi ho raha tha.

VIVAN – Maine sahi kaha naa!?

Wo VIVAN ko aese dekh rahi thi maano keh rahi ho ke abhi bhi mujhe batane ki zaroorat hai kya? Uski aankhen nam si ho gayi thi par chehre par laalima barkaraar thi. Wo ek jhatke mein uthi aur VIVAN ke gale lag gayi. Par tabhi...

VIVAN – I’m Sorry NAVYA but.. but Main kisi aur se Pyaar karta hoon.

Ye sunkar to maano wo bechaari aasman se zameen par gir gayi. Wo jhat se VIVAN se alag huyi aur usse bebas si nazron se dekhne lagi.

VIVAN – Main kaafi waqt se tumhe observe kar raha tha NAVYA aur isiliye maine tumhe yahaan bulaaya hai. Dekho, main samajhta hoon ke tum kya feel karti ho mere baare mein. Par main kisi aur ka hoon NAVYA… Main kisi aur se Pyaar karta hoon. Tum please iss sabmein mat pado warna dil tootne ki aawaz bahut tezz hoti hai, bardaasht karna kitna mushkil hota hai mujhse poochho.

Aakhiri line sunkar NAVYA ek gehri soch mein doob gayi fir kuchh pal baad VIVAN ne uske haav – bhaav samajhte huye usse apne jeevan ke uss pehlu ke baare mein bataya jisne usse jeete jee maar sa diya tha. Wo prem ki barsaat jismein usse JAHANVI ne bhigoya... dono ke saath mein bitaaye gaye wo khubsurat pal, wo beete kal ki yaadein aur wo toofaan jisne uski zindagi ko ujaad ke rakh diya tha. Apni baat kehte huye VIVAN shunya mein kho gaya tha par jaise hi usne NAVYA ki taraf dekha to wo hairaan reh gaya.

NAVYA apne sar ko pakde baithi thi. Aur zor zor se saansein le rahi thi. Wo kuchh bolne ko hua par tabhi NAVYA behosh ho gayi. VIVAN ne turant Doctor ko call kiya aur saath hi NAVYA ke Dad yaani MADHAV Ji ko bhi bula liya.

Kuchh samay baad jab NAVYA ko hosh aaya to wo cheenkhte huye uthi aur badastoor rone lagi. Tabhi usne VIVAN ko apne saamne baitha dekha to ek jhatke mein uss se bel ki tarah lipat gayi aur tezzi se aansoon bahane lagi. Uski ghuti huyi siskiyon ki aawaz bhi saaf sunaayi de rahi thi maano wo apna saara dard saari takleefein baahar nikaal dena chahti ho.

MADHAV Ji bhi ye sab dekh kar hairaan the.
Tabhi NAVYA ne kuchh aesa kaha jisse sunkar jahaan MADHAV ji confused se ho gaye wahin VIVAN ki aankhen fati ki fati reh gayi. Uska munh khul chuka tha aur hairaangi ki koyi seema nahi thi. Wo iss baat ko kaise hazam kare uski samajh mein hi nahi aa raha tha. Aur iss sabka kaaran yaani NAVYA ke wo shabd the –

“ VIVAN… VIVAN MAIN HI ADYA HOON!!! ”


Aaj Ke Liye Itna Hi...


Milenge Agle Update Mein...

Wakeel babu n poori jaankari nikali lekin woh bhi confuse thai jise naksh k baap ko jail bhi bhej chuke h vivan sahab
Vivan ko aisi halat m dekh ker jaha JAHNAVI k maa baap ko gussa aaya wahi sabko dukh huwa
Navya bach gayi thi lekin kaise or woh Jahanvi k jaisi kyon dikhti kia usne plastic surgery se JAHNAVI ka chera banwaya lekin kyon
Dekhte aage kia pata chalta h
Behad shaandaar lajawab update bhai

 

[Jutt Bro]

Superb update bhai

 

[Naik]

CHAPTER – 2

{THE TRUTH}


UPDATE – 18

PLACE :- JAHANVI MANSION (BANGLORE)

Yahaan baithe the VIVAN, NAVYA aur saath hi MADHAV JI. Ek ajeeb si shaanti chhayi huyi thi chaaron taraf bas sunaayi de rahi thi to NAVYA ki ghuti huyi siskiyon ki aawaz. Wo lagaatar apni aankhen ponchhte huye VIVAN ko hi dekhe jaa rahi thi. Wahin MADHAV JI ek chinta ke sabab mein doob chuke the. Idhar VIVAN aankhon mein hairaangi aur dard liye NAVYA ko dekh raha tha. Aaj fir ek baar VIVAN khud ko bebas mehsoos kar raha tha, utna hi bebas jitna usne khud ko “Us Din” kiya tha jab usse ADYA ne apne pyaar se avgat karwaya tha!!

Khair, VIVAN ne apni nazren MADHAV JI par jama li jaise poochhna chahta ho ke ye sab kaise ho raha hai? Wahin NAVYA bhi unhe hi dekh rahi thi par wo VIVAN se alag kaafi kuchh samajh chuki thi. MADHAV JI aankhen bhi nam ho chali thi. Unhone NAVYA ko dekha aur kaha,

MADHAV – Haan NAVYA tu meri beti nahi hai!! Par ye bhi sach hai ke tujhe maine hamesha apni khud ki aulaad hi samjha hai.

VIVAN – Aap sab kuchh shuru se bataiye.

MADHAV – 4 Saal pehle ek accident mein maine apni biwi aur meri beti ko kho diya. Uska naam NAVYA hi tha. Meri to duniya hi ujad gayi thi. Main un dono ki asthiyon ko lekar Haridwar gaya tha. Wahaan se waapis aate waqt kuchh kaam se main Delhi chala gaya. Tabhi highway ke kinaare mujhe ye dikhi. Isse bahut si chotein aayi thi aur sar se kaafi khoon beh raha tha. Maine aas – pas dekha to koyi bhi nahi tha. To main isse lekar hospital gaya. Lekin jab ye hosh mein aayi to isse kuchh bhi yaad nahi tha, iski yaad dasht ja chuki thi. Maine news dekh li thi ke isne suicide karne ki koshish ki thi. Mujhe laga ke bhagwan ne meri NAVYA mujhe lauta di hai. Isiliye maine isse bataya ke ye meri beti hai aur ek accident mein iski Maa ki death ho gayi aur iski yaad dasht chali gayi. Main bahut swaarthi ho gaya tha. Maine iske aur iske Maa – Baap ke saath bahut galat kiya. Please NAVYA mujhe maaf kar do, please...

Aur itna kehkar wo laachari bhari nazron se, jinmein aansoon spasht dekhe jaa sakte the, NAVYA ko dekhne lage. Wo kya kahe use samajh nahi aa raha tha. VIVAN ko bhi ab saari baat samajh aa chuki thi. Par aage kya hona tha ye sochkar wo chintit tha. Khair, NAVYA ne bhi MADHAV JI ki uss waqt ki stithi ko samajhte huye unse gile – shikwe door kar liye. Sach to ye tha ke NAVYA yaani ADYA ke apne Mata – Pita ne hamesha uss se sautela vyavahaar kiya. Wo log hamesha se ek ladka hi chahte the par unhe ladki huyi, jiss kaaran unhone kabhi ADYA ko wo pyaar nahi diya jiski ek bache ko lalak hoti hai. Par MADHAV JI ne sadaiv use khud ki beti ki hi tarah prem diya. Jis kaaran wo khud ko unka karzdaar maan rahi thi aur unhi ke kaaran to aaj ek baar fir wo VIVAN se mil paayi thi.

Kuchh derr baad wo VIVAN ki taraf aur VIVAN uski taraf dekhne laga. Ek ajeeb si chuppi in dono ke beech apna sthaan bana chuki thi. Haalanki MADHAV JI in dono ke past ke barae mein kuchh nahi jaante the par abhi huyi ghatna aur saath hi pichhle waqt ki ek baat ko aapas mein jodkar wo kuchh – kuchh andaza laga paa rahe the.

MADHAV – Ek baat aur bhi, jab ye 4 saal pehle mujhe wahaan mili thi tab aur jab ye hospital mein behosh thi tab bhi ye sirf ek hi naam iski zubaan par tha – Tumhaara...

VIVAN ki taraf dekhte huye MADHAV JI ne ye baat kahi jispar VIVAN ka sar apne aap jhuk gaya. Wo jaanta tha ke ADYA ka prem uske liye kitna pavitra tha, kitna nischal tha par wo iss kaabil nahi tha ke usse uske badle mein pyaar de paaye. Aakhir wo sirf aur sirf ek hi ladki se pyaar karta tha hamesha se aur kabhi bhi kisi aur ko wo jagah nahi de sakta tha jo usne JAHANVI ko apne dil mein di thi.

MADHAV JI samajh rahe the ke abhi in dono ko thoda waqt dena padega baat karne ke liye. Aur isiliye wo bina kuchh bole wahaan se uth kar chale gaye aur chhod gaye in dono ko aur inke beech ki uss ajeeb si chuppi ko. VIVAN apni wheel chair ko NAVYA ki taraf lekar gaya. VIVAN ne uske haathon ko apne haathon mein thaama,

VIVAN – ADYA... I’m Sorry... I’m really sorry main naa to tab tumhaare liye kuchh kar paaya tha aur naa ab kar...

NAVYA – Tum sorry mat bolo. Shayad tab main mature nahi thi isliye apne aap ko sambhal nahi paayi. Par ab main samajhti hoon ke tum JAHANVI ke alawa kisi aur ko apne dil mein jagah nahi de paaoge. Aur mera yakeen Karo iss baat se mujhe tumse koyi naarazgi nahi. Dukh zaroor hai ke agar maine tumhe pehle hi bata diya hota to shayad sab kuchh alag hota. Main ye sab apni kismat maan kar accept karne ko taiyaar hoon VIVAN.

Uski baat sunkar VIVAN ki aankhon mein aansoon aa gaye. Aaj kitne waqt baad VIVAN ki aankhen bheegi thi. Wo bas NAVYA ko hi dekhe jaa raha tha. Kitni maasoomiyat jhalak rahi thi uske chehre par, kitni badi baat, kitni badi kurbaani usne yunhi de di jaise kuchh chhoti si baat ho. Wo andar se tooti huyi thi ye VIVAN achhe se samajh paa raha tha par wo bhi jaanta tha ke shayad uske zakhmon ki dawa sirf waqt hi kar sakta tha.

VIVAN – Tum hamesha meri best – friend rahogi ADYA... hamesha!!

NAVYA – Soch lo bahut pareshaan karungi tumhe!!

VIVAN uski baat par bas muskurakar reh gaya. Iske baad kuchh der baat huyi inke beech aur fir NAVYA aur MADHAV JI nikal gaye. Par NAVYA ki aankhon mein ab bhi kuchh tha jo VIVAN ko dard de raha tha. Wo shayad jaanta tha ke wo ladki kabhi bhi aage nahi badh payegi aur yahi baat usse pareshaan kar rahi thi. Khair, agle din wo VIVAN se milne pahunch gayi aur fir dono Shanti Van mein pahunche.

BACK TO PRESENT :-

PLACE :- SAPPHIRES HOTEL

JAHANVI’S ROOM...

JAHANVI apne iss hotel ke kamre ki balcony mein baithi thi aur shunya mein khoyi ek gehri soch mein doobi huyi thi. Aaj firse kismat ne usse ussi mod par laakar khada kar diya tha jiska dard wo 4 saal se jhel rahi thi. Par iss baar bahut se sawaal uske saamne khade the. ADYA zinda thi? Haan zinda hi thi, aakhir apni aankhon se dekha tha JAHANVI ne usse, to kya wo Video jisne usse todkar rakh diya tha, wo video jhooth tha? Agar wo jhooth tha to sachaayi kya hai? Kya aesa kuchh hai jo abhi bhi uss se chhippa hua tha?

Kahin naa kahin JAHANVI ke mann mein ek aasha ki kiran jaagi thi ke VIVAN ne wo sab nahi kiya hoga. Par usse in sab sawaalon ke jawaab chahiye the jo kewal ek hi shakhs de sakta tha. Wo aese hi khoyi huyi thi tabhi peechhe se kisine uske kandhe par haath rakha. Wo mudi to usne paaya ke wahaan AABHA khadi thi,

AABHA – Kya soch rahi hai?

JAHANVI – Didu mujhe kuchh samajh nahi aa raha… agar wo Video sach tha to ADYA zinda kaise hai? Aur ADYA aur V.. VIV.. wo dono saath mein kaise the?

Bechaari uska naam bhi nahi le paa rahi thi. AABHA ko bahut zyada taras aa raha tha uski iss haalat par,

AABHA – Tune ye nahi Socha ke VIVAN ne wo jagah – Shanti Van kyon kharid liya? JAHANVI mujhe pehle bhi laga tha ke kuchh to hai jo ajeeb hai. Jo tune bataya tha mujhe, main maan hi nahi sakti ke wo tujhe dhokha de raha tha. Par wo Video bhi jhooth nahi tha aur uss se bhi badi baat jo baatein usne kahi thi uss din hospital mein…

JAHANVI – Main kya karun Didu, mujhe kuchh samajh nahi aa raha.

AABHA (Sighs) – Tujhe uss se baat karni padegi ANVI. Kya baat ye to main bhi nahi jaanti. Par bahut kuchh hai jo usne tujhse chhipaya hai.

JAHANVI uski baat sunkar ek nayi soch mein doob gayi. Usse khud bhi nahi pata tha ke aage kya karna sahi hoga par itna wo jaanti thi ke bhavishya ke garbh mein bahut se raaz chhippe the jinka khulna shayad uske jeevan ko ek baar fir palat dene waala tha.

PLACE :- THAKUR PALACE (DELHI)

NAKSH – Issine 2 saal pehle Papa ko jail bhijwaaya tha.

AADMI (Surprised) – Par ye to jail uss... kya naam tha uska... Haan ASHFAQ KHAN ki wajah se gaye the naa!!

NAKSH – Haan wo issi ka security chief hai…

AADMI – Ohhh!! Ek minute, ek minute par ASHFAQ iska security chief, uss waqt to tumne kaha tha ke wo ek khud ki security service chalata hai!?

NAKSH – Main samjhaata hoon aapko. Asal mein 2 saal pehle hamare office mein ek ladki kaam karti thi. Mujhe wo pehli hi nazar mein pasand aa gayi thi. Maine uss se baat karne ki koshish bhi ki par office mein ladkiyon ke maamle mein main waise hi badnaam tha. To kaafi koshish ke baad bhi jab wo nahi maani to ek din maine usse kidnap kar liya. Lekin baad mein pata chala ke wo uss security service waale ASHFAQ ki behen thi. Wo saala wahaan pahunch bhi gaya tha lekin mere logon ne usse gira diya tha. Par tabhi pata nahi kahaan se saali police wahaan aa gayi. Uss din se pehle kisi police waale ki himmat nahi hoti thi ke hamare khilaaf ek shabd bhi bol den. Par uss din un logon ne seedhe mujhe arrest kar liya aur baad mein Papa ko bhi. Aur fir pata chala ke ye sab is VIVAN DIXIT ka kiya – dhara tha, shayad ASHFAQ ko pehle se jaanta tha wo. Police Station mein sabke saamne uss ladki se maafi maangni padi thi mujhe tab kahin Papa chhoote the. Pakka iss baar bhi issine Chhote ko andar karwaya hoga.

AADMI – Jeeja Ji, main to yahi kahunga ke iss maamle ko shaanti se nipta lena chahiye. Kyonki iss se bhidne mein hamara hi nuksaan hai.

JAGVIJAY (Shouts) – Nahi iss baar nahi!! Iss baar iss kameene ko aur uss ladki dono ko dikha dunga ke main kya cheez hoon. Saala do baar, do baar mere raaste mein aa chuka hai. Chhodunga nahi isse!!

PLACE :- JAHANVI MANSION (BANGLORE)

Yahaan maujood hain VIVAN aur NAVYA. Jahaan VIVAN kisi soch mein dooba hua hai wahin NAVYA bas VIVAN ko hi dekhe jaa rahi hai. Kaafi derr baad,

NAVYA – Kahaan khoye ho tum?

VIVAN – Huhh!!

NAVYA – Jabse hum wahaan se aaye hain tum kahin khoye – khoye se lag rahe ho. Kya baat hai?

VIVAN – Nahi aesi koyi baat nahi hai. Wo to bas aese hi...

NAVYA – Kal hi tum keh rahe the ke main tumhaari best – friend hoon aur ab mujhse jhooth bol rahe ho.

VIVAN – Theek hai batata hoon. Jab hum wahaan se baahar nikle to mujhe laga ke wo wahin thi...

NAVYA – Kaun thi!?

VIVAN – JAHANVI... Mujhe laga ke wo wahin aas – paas thi. Main uski maujoodgi ko feel kar paa raha tha. Aesa laga jaise wo mere behadh nazdeek thi.

NAVYA JAHANVI ke zikr par thodi udaas to huyi par VIVAN ki kahi baat par vichaar bhi karne lagi.

NAVYA – Ho sakta hai tumhe veham hua ho. Tum uss waqt uske hi baare mein soch rahe the, shayad isliye…

VIVAN – Pichhle 4 saalon mein ek bhi pal aesa nahi guzra hai jab maine usse yaad naa kiya ho!! Har din, har pal sirf JAHANVI ko hi yaad kiya hai par aesa mujhe aaj se pehle kabhi nahi laga. Nahi ADYA ye veham nahi hai. Wo yahin hai, aas – paas, kahin bahut paas.

NAVYA – Maybe wo yahaan aayi ho!?

Uski baat sunkar VIVAN ke dil mein Khushi ke ankur footne lage, wo soch raha tha ke abhi wo JAHANVI se milne jaayega aur usse apne aagosh mein le lega. Par tabhi usse yaad aaya ke 4 saal pehle kya aur Kyon hua tha. Uske chehre par udaasi jhalakne lagi par tabhi usse khud ki haalat ka khayaal aaya aur ek fiki muskaan uske chehre par aa gayi jiska matlab NAVYA bhi samajh gayi thi.

NAVYA – Tumhe lagta hai VIVAN ke jo tumne kiya wo sahi tha?

VIVAN (Smiles) – Aesa sawaal kyon??

NAVYA – Tumne khudko dekha hai. Kitna tadap rahe ho uske bina aur tumhe kya lagta hai ke jitna pyaar wo tumse karti thi, wo abhi khush hogi!? Nahi VIVAN dil tootne ka dard bahut bura hota hai, wo zakhm aese hi nahi bhar jaaya karte.

VIVAN – Aur agar main ye sab nahi karta to kya hota, tumne socha hai. Main JAHANVI ko kabhi bhi dukh aur takleef ke aas – paas bhatakne bhi nahi dena chahta tha, main chahta tha ke usse duniya ki saari khushiyan milen par kabhi – kabhi kismat aise khel khelti hai ke insaan majboor ho jaata wo karne ke liye jo wo kabhi nahi karna chahta!!

NAVYA – Waise wo aadmi jo tumhaare saath hote hain wo wahi hai naa jo “Uss Din” uss jagah par the!?

VIVAN – ASHFAQ... Haan wo wahi hai. Tumhaare alawa wahi hai jo sab kuchh jaanta hai.

NAVYA – Par kayi din se maine usse dekha nahi tumhaare saath…

VIVAN – Usse kuchh kaam tha isiliye shehar se baahar hai wo.

VIVAN baat to normally kar raha tha par wo filhaal kitna dukhi tha ye NAVYA mehsoos kar paa rahi thi. Shayad ek si hi stithi thi dono ki. Jahaan VIVAN ne apni Mohabbat ka apne hi haathon se khoon kiya tha wahin NAVYA apni Mohabbat ke kareeb hote huye bhi uss se bahut door thi.

NAVYA (Mann Mein) – Tum mujhe kabhi nahi miloge VIVAN main ye jaanti hoon. Par I wish ke tum aur JAHANVI fir se ek ho jaao. I know tum kuchh bhi kaho par tum uske bina nahi reh sakte & wo bhi zaroor issi tarah tumhaari yaad mein tadap rahi hogi. Kaash usse pata chal paata ke tumne uske liye kya kiya tha aur wo waapis tumhaare paas aa paati… Bhagwaan please in dono ko firse mila do!!


Aaj Ke Liye Itna Hi...


Milenge Agle Update Mein...

Deere saare parat khulte jaa rehe h
Sawal bahot lekin jawab sirf waqt k garbh m chupa huwa h jaise jaise jis sawal waqt aayega khute jayenge
Dekhte h aage kia hota h
Behtareen shaandaar lajawab update bhai

 

[parkas]

CHAPTER – 2

{THE TRUTH}


UPDATE – 18

PLACE :- JAHANVI MANSION (BANGLORE)

Yahaan baithe the VIVAN, NAVYA aur saath hi MADHAV JI. Ek ajeeb si shaanti chhayi huyi thi chaaron taraf bas sunaayi de rahi thi to NAVYA ki ghuti huyi siskiyon ki aawaz. Wo lagaatar apni aankhen ponchhte huye VIVAN ko hi dekhe jaa rahi thi. Wahin MADHAV JI ek chinta ke sabab mein doob chuke the. Idhar VIVAN aankhon mein hairaangi aur dard liye NAVYA ko dekh raha tha. Aaj fir ek baar VIVAN khud ko bebas mehsoos kar raha tha, utna hi bebas jitna usne khud ko “Us Din” kiya tha jab usse ADYA ne apne pyaar se avgat karwaya tha!!

Khair, VIVAN ne apni nazren MADHAV JI par jama li jaise poochhna chahta ho ke ye sab kaise ho raha hai? Wahin NAVYA bhi unhe hi dekh rahi thi par wo VIVAN se alag kaafi kuchh samajh chuki thi. MADHAV JI aankhen bhi nam ho chali thi. Unhone NAVYA ko dekha aur kaha,

MADHAV – Haan NAVYA tu meri beti nahi hai!! Par ye bhi sach hai ke tujhe maine hamesha apni khud ki aulaad hi samjha hai.

VIVAN – Aap sab kuchh shuru se bataiye.

MADHAV – 4 Saal pehle ek accident mein maine apni biwi aur meri beti ko kho diya. Uska naam NAVYA hi tha. Meri to duniya hi ujad gayi thi. Main un dono ki asthiyon ko lekar Haridwar gaya tha. Wahaan se waapis aate waqt kuchh kaam se main Delhi chala gaya. Tabhi highway ke kinaare mujhe ye dikhi. Isse bahut si chotein aayi thi aur sar se kaafi khoon beh raha tha. Maine aas – pas dekha to koyi bhi nahi tha. To main isse lekar hospital gaya. Lekin jab ye hosh mein aayi to isse kuchh bhi yaad nahi tha, iski yaad dasht ja chuki thi. Maine news dekh li thi ke isne suicide karne ki koshish ki thi. Mujhe laga ke bhagwan ne meri NAVYA mujhe lauta di hai. Isiliye maine isse bataya ke ye meri beti hai aur ek accident mein iski Maa ki death ho gayi aur iski yaad dasht chali gayi. Main bahut swaarthi ho gaya tha. Maine iske aur iske Maa – Baap ke saath bahut galat kiya. Please NAVYA mujhe maaf kar do, please...

Aur itna kehkar wo laachari bhari nazron se, jinmein aansoon spasht dekhe jaa sakte the, NAVYA ko dekhne lage. Wo kya kahe use samajh nahi aa raha tha. VIVAN ko bhi ab saari baat samajh aa chuki thi. Par aage kya hona tha ye sochkar wo chintit tha. Khair, NAVYA ne bhi MADHAV JI ki uss waqt ki stithi ko samajhte huye unse gile – shikwe door kar liye. Sach to ye tha ke NAVYA yaani ADYA ke apne Mata – Pita ne hamesha uss se sautela vyavahaar kiya. Wo log hamesha se ek ladka hi chahte the par unhe ladki huyi, jiss kaaran unhone kabhi ADYA ko wo pyaar nahi diya jiski ek bache ko lalak hoti hai. Par MADHAV JI ne sadaiv use khud ki beti ki hi tarah prem diya. Jis kaaran wo khud ko unka karzdaar maan rahi thi aur unhi ke kaaran to aaj ek baar fir wo VIVAN se mil paayi thi.

Kuchh derr baad wo VIVAN ki taraf aur VIVAN uski taraf dekhne laga. Ek ajeeb si chuppi in dono ke beech apna sthaan bana chuki thi. Haalanki MADHAV JI in dono ke past ke barae mein kuchh nahi jaante the par abhi huyi ghatna aur saath hi pichhle waqt ki ek baat ko aapas mein jodkar wo kuchh – kuchh andaza laga paa rahe the.

MADHAV – Ek baat aur bhi, jab ye 4 saal pehle mujhe wahaan mili thi tab aur jab ye hospital mein behosh thi tab bhi ye sirf ek hi naam iski zubaan par tha – Tumhaara...

VIVAN ki taraf dekhte huye MADHAV JI ne ye baat kahi jispar VIVAN ka sar apne aap jhuk gaya. Wo jaanta tha ke ADYA ka prem uske liye kitna pavitra tha, kitna nischal tha par wo iss kaabil nahi tha ke usse uske badle mein pyaar de paaye. Aakhir wo sirf aur sirf ek hi ladki se pyaar karta tha hamesha se aur kabhi bhi kisi aur ko wo jagah nahi de sakta tha jo usne JAHANVI ko apne dil mein di thi.

MADHAV JI samajh rahe the ke abhi in dono ko thoda waqt dena padega baat karne ke liye. Aur isiliye wo bina kuchh bole wahaan se uth kar chale gaye aur chhod gaye in dono ko aur inke beech ki uss ajeeb si chuppi ko. VIVAN apni wheel chair ko NAVYA ki taraf lekar gaya. VIVAN ne uske haathon ko apne haathon mein thaama,

VIVAN – ADYA... I’m Sorry... I’m really sorry main naa to tab tumhaare liye kuchh kar paaya tha aur naa ab kar...

NAVYA – Tum sorry mat bolo. Shayad tab main mature nahi thi isliye apne aap ko sambhal nahi paayi. Par ab main samajhti hoon ke tum JAHANVI ke alawa kisi aur ko apne dil mein jagah nahi de paaoge. Aur mera yakeen Karo iss baat se mujhe tumse koyi naarazgi nahi. Dukh zaroor hai ke agar maine tumhe pehle hi bata diya hota to shayad sab kuchh alag hota. Main ye sab apni kismat maan kar accept karne ko taiyaar hoon VIVAN.

Uski baat sunkar VIVAN ki aankhon mein aansoon aa gaye. Aaj kitne waqt baad VIVAN ki aankhen bheegi thi. Wo bas NAVYA ko hi dekhe jaa raha tha. Kitni maasoomiyat jhalak rahi thi uske chehre par, kitni badi baat, kitni badi kurbaani usne yunhi de di jaise kuchh chhoti si baat ho. Wo andar se tooti huyi thi ye VIVAN achhe se samajh paa raha tha par wo bhi jaanta tha ke shayad uske zakhmon ki dawa sirf waqt hi kar sakta tha.

VIVAN – Tum hamesha meri best – friend rahogi ADYA... hamesha!!

NAVYA – Soch lo bahut pareshaan karungi tumhe!!

VIVAN uski baat par bas muskurakar reh gaya. Iske baad kuchh der baat huyi inke beech aur fir NAVYA aur MADHAV JI nikal gaye. Par NAVYA ki aankhon mein ab bhi kuchh tha jo VIVAN ko dard de raha tha. Wo shayad jaanta tha ke wo ladki kabhi bhi aage nahi badh payegi aur yahi baat usse pareshaan kar rahi thi. Khair, agle din wo VIVAN se milne pahunch gayi aur fir dono Shanti Van mein pahunche.

BACK TO PRESENT :-

PLACE :- SAPPHIRES HOTEL

JAHANVI’S ROOM...

JAHANVI apne iss hotel ke kamre ki balcony mein baithi thi aur shunya mein khoyi ek gehri soch mein doobi huyi thi. Aaj firse kismat ne usse ussi mod par laakar khada kar diya tha jiska dard wo 4 saal se jhel rahi thi. Par iss baar bahut se sawaal uske saamne khade the. ADYA zinda thi? Haan zinda hi thi, aakhir apni aankhon se dekha tha JAHANVI ne usse, to kya wo Video jisne usse todkar rakh diya tha, wo video jhooth tha? Agar wo jhooth tha to sachaayi kya hai? Kya aesa kuchh hai jo abhi bhi uss se chhippa hua tha?

Kahin naa kahin JAHANVI ke mann mein ek aasha ki kiran jaagi thi ke VIVAN ne wo sab nahi kiya hoga. Par usse in sab sawaalon ke jawaab chahiye the jo kewal ek hi shakhs de sakta tha. Wo aese hi khoyi huyi thi tabhi peechhe se kisine uske kandhe par haath rakha. Wo mudi to usne paaya ke wahaan AABHA khadi thi,

AABHA – Kya soch rahi hai?

JAHANVI – Didu mujhe kuchh samajh nahi aa raha… agar wo Video sach tha to ADYA zinda kaise hai? Aur ADYA aur V.. VIV.. wo dono saath mein kaise the?

Bechaari uska naam bhi nahi le paa rahi thi. AABHA ko bahut zyada taras aa raha tha uski iss haalat par,

AABHA – Tune ye nahi Socha ke VIVAN ne wo jagah – Shanti Van kyon kharid liya? JAHANVI mujhe pehle bhi laga tha ke kuchh to hai jo ajeeb hai. Jo tune bataya tha mujhe, main maan hi nahi sakti ke wo tujhe dhokha de raha tha. Par wo Video bhi jhooth nahi tha aur uss se bhi badi baat jo baatein usne kahi thi uss din hospital mein…

JAHANVI – Main kya karun Didu, mujhe kuchh samajh nahi aa raha.

AABHA (Sighs) – Tujhe uss se baat karni padegi ANVI. Kya baat ye to main bhi nahi jaanti. Par bahut kuchh hai jo usne tujhse chhipaya hai.

JAHANVI uski baat sunkar ek nayi soch mein doob gayi. Usse khud bhi nahi pata tha ke aage kya karna sahi hoga par itna wo jaanti thi ke bhavishya ke garbh mein bahut se raaz chhippe the jinka khulna shayad uske jeevan ko ek baar fir palat dene waala tha.

PLACE :- THAKUR PALACE (DELHI)

NAKSH – Issine 2 saal pehle Papa ko jail bhijwaaya tha.

AADMI (Surprised) – Par ye to jail uss... kya naam tha uska... Haan ASHFAQ KHAN ki wajah se gaye the naa!!

NAKSH – Haan wo issi ka security chief hai…

AADMI – Ohhh!! Ek minute, ek minute par ASHFAQ iska security chief, uss waqt to tumne kaha tha ke wo ek khud ki security service chalata hai!?

NAKSH – Main samjhaata hoon aapko. Asal mein 2 saal pehle hamare office mein ek ladki kaam karti thi. Mujhe wo pehli hi nazar mein pasand aa gayi thi. Maine uss se baat karne ki koshish bhi ki par office mein ladkiyon ke maamle mein main waise hi badnaam tha. To kaafi koshish ke baad bhi jab wo nahi maani to ek din maine usse kidnap kar liya. Lekin baad mein pata chala ke wo uss security service waale ASHFAQ ki behen thi. Wo saala wahaan pahunch bhi gaya tha lekin mere logon ne usse gira diya tha. Par tabhi pata nahi kahaan se saali police wahaan aa gayi. Uss din se pehle kisi police waale ki himmat nahi hoti thi ke hamare khilaaf ek shabd bhi bol den. Par uss din un logon ne seedhe mujhe arrest kar liya aur baad mein Papa ko bhi. Aur fir pata chala ke ye sab is VIVAN DIXIT ka kiya – dhara tha, shayad ASHFAQ ko pehle se jaanta tha wo. Police Station mein sabke saamne uss ladki se maafi maangni padi thi mujhe tab kahin Papa chhoote the. Pakka iss baar bhi issine Chhote ko andar karwaya hoga.

AADMI – Jeeja Ji, main to yahi kahunga ke iss maamle ko shaanti se nipta lena chahiye. Kyonki iss se bhidne mein hamara hi nuksaan hai.

JAGVIJAY (Shouts) – Nahi iss baar nahi!! Iss baar iss kameene ko aur uss ladki dono ko dikha dunga ke main kya cheez hoon. Saala do baar, do baar mere raaste mein aa chuka hai. Chhodunga nahi isse!!

PLACE :- JAHANVI MANSION (BANGLORE)

Yahaan maujood hain VIVAN aur NAVYA. Jahaan VIVAN kisi soch mein dooba hua hai wahin NAVYA bas VIVAN ko hi dekhe jaa rahi hai. Kaafi derr baad,

NAVYA – Kahaan khoye ho tum?

VIVAN – Huhh!!

NAVYA – Jabse hum wahaan se aaye hain tum kahin khoye – khoye se lag rahe ho. Kya baat hai?

VIVAN – Nahi aesi koyi baat nahi hai. Wo to bas aese hi...

NAVYA – Kal hi tum keh rahe the ke main tumhaari best – friend hoon aur ab mujhse jhooth bol rahe ho.

VIVAN – Theek hai batata hoon. Jab hum wahaan se baahar nikle to mujhe laga ke wo wahin thi...

NAVYA – Kaun thi!?

VIVAN – JAHANVI... Mujhe laga ke wo wahin aas – paas thi. Main uski maujoodgi ko feel kar paa raha tha. Aesa laga jaise wo mere behadh nazdeek thi.

NAVYA JAHANVI ke zikr par thodi udaas to huyi par VIVAN ki kahi baat par vichaar bhi karne lagi.

NAVYA – Ho sakta hai tumhe veham hua ho. Tum uss waqt uske hi baare mein soch rahe the, shayad isliye…

VIVAN – Pichhle 4 saalon mein ek bhi pal aesa nahi guzra hai jab maine usse yaad naa kiya ho!! Har din, har pal sirf JAHANVI ko hi yaad kiya hai par aesa mujhe aaj se pehle kabhi nahi laga. Nahi ADYA ye veham nahi hai. Wo yahin hai, aas – paas, kahin bahut paas.

NAVYA – Maybe wo yahaan aayi ho!?

Uski baat sunkar VIVAN ke dil mein Khushi ke ankur footne lage, wo soch raha tha ke abhi wo JAHANVI se milne jaayega aur usse apne aagosh mein le lega. Par tabhi usse yaad aaya ke 4 saal pehle kya aur Kyon hua tha. Uske chehre par udaasi jhalakne lagi par tabhi usse khud ki haalat ka khayaal aaya aur ek fiki muskaan uske chehre par aa gayi jiska matlab NAVYA bhi samajh gayi thi.

NAVYA – Tumhe lagta hai VIVAN ke jo tumne kiya wo sahi tha?

VIVAN (Smiles) – Aesa sawaal kyon??

NAVYA – Tumne khudko dekha hai. Kitna tadap rahe ho uske bina aur tumhe kya lagta hai ke jitna pyaar wo tumse karti thi, wo abhi khush hogi!? Nahi VIVAN dil tootne ka dard bahut bura hota hai, wo zakhm aese hi nahi bhar jaaya karte.

VIVAN – Aur agar main ye sab nahi karta to kya hota, tumne socha hai. Main JAHANVI ko kabhi bhi dukh aur takleef ke aas – paas bhatakne bhi nahi dena chahta tha, main chahta tha ke usse duniya ki saari khushiyan milen par kabhi – kabhi kismat aise khel khelti hai ke insaan majboor ho jaata wo karne ke liye jo wo kabhi nahi karna chahta!!

NAVYA – Waise wo aadmi jo tumhaare saath hote hain wo wahi hai naa jo “Uss Din” uss jagah par the!?

VIVAN – ASHFAQ... Haan wo wahi hai. Tumhaare alawa wahi hai jo sab kuchh jaanta hai.

NAVYA – Par kayi din se maine usse dekha nahi tumhaare saath…

VIVAN – Usse kuchh kaam tha isiliye shehar se baahar hai wo.

VIVAN baat to normally kar raha tha par wo filhaal kitna dukhi tha ye NAVYA mehsoos kar paa rahi thi. Shayad ek si hi stithi thi dono ki. Jahaan VIVAN ne apni Mohabbat ka apne hi haathon se khoon kiya tha wahin NAVYA apni Mohabbat ke kareeb hote huye bhi uss se bahut door thi.

NAVYA (Mann Mein) – Tum mujhe kabhi nahi miloge VIVAN main ye jaanti hoon. Par I wish ke tum aur JAHANVI fir se ek ho jaao. I know tum kuchh bhi kaho par tum uske bina nahi reh sakte & wo bhi zaroor issi tarah tumhaari yaad mein tadap rahi hogi. Kaash usse pata chal paata ke tumne uske liye kya kiya tha aur wo waapis tumhaare paas aa paati… Bhagwaan please in dono ko firse mila do!!


Aaj Ke Liye Itna Hi...


Milenge Agle Update Mein...

Nice and awesome update...

 

[Death Kiñg]

Hmm... Pichhle do updates mein kaafi raaz khule hain... Pehle to ye dhamaaka hua ke Adya zinda hai aur Navya hi Adya hai... Uske saath hi Jahanvi & Party Banglore pahunch gayi aur Shanti Van ke baahar un logon ne Vivan aur Adya ko ek saath dekh bhi liya... Ab Adya ka zinda hona definitely kayi saare sawaal un sabke mann mein bhi uthaayega... Wahin Jagvijay Thakur ko pehle bhi Vivan jail ki hawa khilwa chuka hai, ye nayi baat saamne aayi jiska kaaran tha Ashfaq ki behen ko kidnap karna jisse Naksh ne anjaam diya tha... Aur saath hi ek anjaan shakhs joki shayad Jagvijay ka saala hai aur peshe se vakeel hai, uski entry huyi... Abhi tak to kaafi shaatir dimaag ka khilaadi laga hai wo, dekhte hain wo aage kya gul khilaata hai...

Khair, lagta hai ke issi wajah se Ashfaq Vivan ke prati itna respectful behaviour rakhta hai... Aur shayad ussi ghatna se wo Vivan ke paas yahaan Banglore pahuncha ho... Pata chala kaise Adya Navya bani aur ab wo bechaari ye sweekaar bhi kar chuki hai ke Vivan uska nahi ho sakta... Satya hi hai Prem ka asli swaroop Tyaag hi hai jo Adya urf Navya ne kiya hai...

Aabha hi ab to apni chhoti behen ko sahi raasta dikha sakti hai... Dekhte hain ke Jahanvi aur Vivan ki mulaakat kab aur kaise hogi... Aur lagta hai ke jald hi ab sabhi raaz se parda bhi uthne lagega... Thakur Party ka agla kadam kya hota hai ye dekhna bhi interesting rahega...

Jiss tarah se aapne emotions ko describe kiya hai kahani ke andar main uska kaayal ho gaya hoon bhai... You're really an amazing writer... Har ek scene apne aap mein behad hi Khubsurti ke satah likha hai aapne... Chaahe fir wo Jahanvi ka ho ya fir Adya ka... Aur jiss tarah se dheeme dheeme suspense se parda uth raha hai wo bhi kaabil e tareef hai...

Outstanding Updates Bhai & Waiting For Next...

 

[Vickyabhi]

Kya khoob likhte ho dost jabardast story