- 172
- 716
- 93
Thanks Brother.. Be Along..Wow..... Vivan ke do pehlu dekhne ko mile..... Dekhte he aage kounsa pehlu sach he aur kounsa galat.........
Supreb fabulous marvelous......
......
Romance SIRF TUM!!!
- Thread starterAV14
- Start date
- 25,834
- Status
- 172
- 716
- 93
Sorry for delay guyzz.. friend ke marriage function ke chalte out of town hoon.. Friday se Update Continue honge..
Sorry Again & Be Along..
Sorry Again & Be Along..
Naik
Well-Known Member
- 21,023
- 76,688
- 258
Waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting waiting
NEXT UPDATE
NEXT UPDATE
Death Kiñg
Active Member
- 1,396
- 7,031
- 144
SANJU ( V. R. ) Bhaiya ek baar iss kahani ko bhi padhiyegaa...
SANJU ( V. R. )
Divine
- 10,032
- 41,932
- 258
- 172
- 716
- 93
CHAPTER – 2
{THE TRUTH}
UPDATE – 16
BACK TO PRESENT :-
PLACE :- SHUKLA SADAN (DWARKA , DELHI)
JAHANVI’S BEDROOM...
Apne jeevan ke uss ateet ko khangaalte waqt ek bhi pal aesa naa tha jab JAHANVI ki aankhon ne usse dhokha naa diya ho. AABHA ko apni kahaani bataate waqt har kisse ke saath uske chehre par expressions badle. Jahaan VIVAN ke saath bitaaye un Khushnuma palon ka zikr karna uske chehre par beintehaan dukh aur peeda ke bhaav le aata wahin AABHA ke saath huyi ghatna... Uss Video ka kissa aur Wo dhokha, in sabki dastak jaise JAHANVI ke gusse ke darwaaze par huyi thi.
In 4 Saalon mein shayad ek bhi pal aesa nahi beeta tha jab JAHANVI ne khudse ye sawaal naa kiya ho – “Meri Kya Galti Thi”? Har saans ke saath VIVAN uske zehan mein aa hi jaata tha aur ye cheezen usse ek aesi androoni tadap ke saagar mein dubo diya karti thi jiska Shayad koyi Saahil bhi nahi tha. Par aaj AABHA ke saamne wo sab batate huye JAHANVI ko in saalon mein pehli dafa shaanti aur halkapan mehsoos hua jaise uske dil par pada hua bojh kuchh kam ho gaya ho.
Sahi hi soch rahi thi AABHA jab usne JAHANVI ko uska past sunane par majboor kar diya tha. Aakhir badi behen jo thi uski. Gum baantne se wo samaapt bhale hi naa ho par kam zaroor ho jaata hai.
Idhar AABHA vismit si thi. Jo kahani JAHANVI ne sunaayi uspar naa jaane kyon AABHA vishwaas nahi kar paa rahi thi. VIVAN ke saath bitaaye waqt ki jo bhi yaadein JAHANVI ne batayi thi wo katayi iss baat se match nahi karti thi ke wo JAHANVI ko dhokha de raha tha. Ab aese mein do hi pehlu ho sakte the, pehla ye ki VIVAN ek behadh hi shaatir khilaadi tha in kaamon mein ya doosra ke kuchh tha jo shayad chhippa hua tha. Aur AABHA filhaal to yahi maan rahi thi ke pehli baat hi sahi hogi. Video mein kahi gayi VIVAN ki baatein bhi issi aur sanket jo kar rahi thi.
Khair, AABHA iss waqt JAHANVI ko hi dekh rahi thi jo kisi aur hi duniya mein mashgool hokar ek tak shunya mein nihaare jaa rahi thi. Poore samay ek bhi aesa pal nahi tha jab JAHANVI ki aankhen bheegi huyi naa hon. Par AABHA jaanti thi ke shayad ye zaroori tha. AABHA ne usse hilaaya tab wo hakeekat mein lauti. Par ab bhi wo jaise kisi madhoshi ke aalam mein hi ghiri huyi thi. Kuchh pal lage usse normal hone mein. Par abhi bhi uske aansoon ruke nahi the manon jaise uski aankhen uske kaaboo se baahar ho chuki thi. Tabhi, AABHA ne usee kaske gale se laga liya aur JAHANVI ne bhi apne aap ko dheela chhod diya.
AABHA – Bas ANVI chup ho jaa. Sab thik ho jaayega.
JAHANVI ( Sobs ) – Mere saath hi aesa kyon hua Di. Kya main itni buri hoon??
AABHA – Nahi ANVI tu to meri Pari hai naa. Aur pariyaan kabhi buri nahi hoti.
JAHANVI – Fir usne mere saath aesa kyon kiya Di. Main uss se bahut pyaar karti thi,Bahut zyada.
AABHA – Shhh... Bas chup ho jaa. Wo ek ghatiya insaan tha ANVI. Wo tere kaabil hi nahi tha. Ye to achha hua naa ke uska asli roop jaldi hi tere saamne aa gaya. Warna pata nahi wo kya – kya karta... (Pause)... Idhar dekh JAHANVI...
Bahut hi adhik prem se bhari aawaz mein AABHA ne wo aakhiri shabd kahe jinhe sun ne ke baad swayam hi JAHANVI ki aankhen AABHA ke chehre ko taakne lagi. AABHA ne apne dono haathon mein uske chehre ko thaama.
AABHA – Tu abhi bhi bachon jaisi baatein karti hai ANVI. Aur tujhmein abhi bhi maasoomiyat hai. Aur kabhi isse khatam mat hone dena. Par teri issi maasoomiyat ka faayeda uthaya naa usne. Teri uss sabmein koyi bhi galti nahi thi. Par duniya utni achhi nahi hai jitni ye lagti hai. Hum log har insaan se umeed karte hain ke wo bhi hamari hi tarah achha hoga aur tab hamare saath kya hota hai ye tu dekh hi chuki hai. Logon par bharosa karna galat nahi hai, par beta, yaad rakhna Vishwaas mein hi Vish ka Waas hota hai. Teri family kabhi tujhe cheat nahi karegi iss baat ki surity hai par kisi aur se ye umeed karna bewakoofi hai. Shayad tune uspar zyada hi bharosa kiya aur ye ussika nateeja hai.
JAHANVI ( Curious ) – To matlab kisi par bhi bharosa nahi karna chahiye!?
AABHA ( Smiles ) – Nahi re!! Bharosa karna achhi baat hai par kisi par itna bharosa karna ke agar wo toote to tum hi toot jaao, galat hai. Tune uss se pyaar kiya ye tere Dil ki sachayi thi aur usne tujhe dhokha diya ye uske dimaag ki buraayi. Meri behen, jo log Dil se sochte hain naa wo naa kabhi kisi ko dhokha de sakte hain naa hi kisi ko chot pahuncha sakte hain.
Par sabhi aese nahi hote... ( Pause )... Ab meri baat dhyaan se sun… Hum School jaate hain, poora saal padhaayi karte hain, par kabhi – kabhi exam mein fail ho jaate hain, uss se hamari padhaayi ka safar rukta nahi. Hum agli baar aur mehnat karte hain aur uss exam mein paas ho jaate hain. Zindagi bhi hamare imtihaan leti hai, aur VIVAN teri zindagi ka wo exam tha jisne tujhe zindagi ka asli matlab bataya. Bataya, ke iss duniya ki asliyat kya hai aur hume iska saamna kaise karna hota hai.
Ab ye to tujhpar hai ke tu ussi failure ke kaaran, apni zindagi ko rok kar rakhegi ya fir Zindagi ke iss thappad ka munh tod jawaab degi. Chalte rehna hi Jeevan hai meri behen. Hum kisi ke liye nahi ruk sakte. Kya samjhi!!
JAHANVI ki aankhen ek baar fir bhar aayi aur wo dobara AABHA se lipat gayi. Roti roti AABHA ke gale lage huye hi JAHANVI so gayi. Jab AABHA ko yeh mehsoos hua to uska dil bhar aaya. Bachpan mein aksar jab JAHANVI ko chot lag jaati thi tab wo apni Maa ki jagah AABHA ki god mein sar rakhkar so jaaya karti thi. Chot to ab bhi lagi huyi thi JAHANVI ko. Par fark tha, ek bada fark tha, aur wo ye ki ye chot jism par nahi balki dil par lagi thi jiski koyi dawa bhi nahi thi AABHA ke paas.
Usne JAHANVI ko dheere se bed par leta diya aur khud khidki ke paas khadi hokar ek gehri soch mein doob gayi.
PLACE :- THAKUR PALACE (DELHI)
Yahaan ek kamre mein maujood hain teen log. JAGVIJAY Saahab joki centre mein ek badi si kursi par baithe hain, NAKSH jo unhi ke paas ek couch par baitha hai aur ek madhyam umra ka vyakti joki kaale coat pant mein hai, aur apne paridhaan se ek vakeel prateet ho raha hai, idhar se udhar tehalne mein laga hua hai.
JAGVIJAY – Kya idhar se udhar ghoom raha hai tu. Kuchh bolega bhi ab?
AADMI – Dekhiye janaab, seedhi si baat ye hai ki baat seedhi hai hi nahi.
NAKSH – Dad maine kaha tha naa inhe nahi bulaate hain… ye aese hi pakaate rahenge!!
AADMI ( Smiles ) – To Matlab main niklun!?
JAGVIJAY – Tu chup reh NAKSH. Aur tu seedhe se bata kya samajh aaya hai tujhe.
AADMI – Main VIRAT se bhi milkar aaya tha. Aur uski baaton se saaf hai ke wo kaafi samay se uss ladki ke peechhe tha. Ab Agar uss ladki ki itni pahunch hoti ke usse bachane itne aadmi aa gaye to VIRAT kabka sidhaar gaya hota... ( Pause )... Par aesa nahi hua. Matlab saaf hai ke koyi aur uss ladki ki madad kar raha hai. Aur maine uske parivaar ki bhi jaankari nikaali hai. Door – door tak koyi political connection hai hi nahi un logon ka. To JAIKANT Saahab ke saath jaan pehchaan hona sambhav hi nahi hai.
JAGVIJAY – Baat to teri sahi hai. Matlab koyi aur hai iss sab ke peechhe.
AADMI – Hmmm… Ya to koyi aesa jo VIRAT se ya aapse personal dushmani nikaal raha hai. Par iske chances kam hain. Mere khayaal mein Mohabbat ka chakkar hai ye.
JAGVIJAY – Matlab...
AADMI – Matlab... Ishq ke paani mein behte kisi Aashiq ne hi uss ladki ko bachaya hai. Agar aesa hai to Shayad hum uss bande ka pata laga sakte hain. Main apne aadmiyon ko uss ladki ki kundali nikaalne bolta hoon. Lekin koyi faayeda nahi hone waala. Agar wo banda itni oopar tak pahunch rakhta hai to samajh lo ki uss se panga...
NAKSH – To kya uss se darkar VIRAT ko Jail mein rehne den...
AADMI – Ek to yaar tum beech mein mat bola karo. Main ye keh raha hoon ke agar usse haraana hai to power ka nahi buddhi ka istemaal karna padega. Aur yahaan iss kamre mein sabse zyada buddhi kiske paas hai ye bataane ki zaroorat to nahi lagti.
Itna bolkar wo aadmi ek teekhi muskaan ke saath kamre se nikalne laga par darwaaze par ruk kar bina mude bola,
AADMI – Aap yakeenan bahut badi hasti hain Jeeja Ji par iss baar meri maaniye to mere hisaab se chaliyega. Baaki aapki marzi aur VIRAT ki zamaanat ka intezaam Karta hoon main.
PLACE :- J & V GP. (BANGLORE)
VIVAN’S CABIN...
Iss waqt yahaan maujood hai VIVAN aur saath mein NAVYA aur uski secretary. Kaafi samay se ye log iss project se related ek point par maatha pachi kar rahe the par kisi nateeje par nahi pahunche. Par jahaan NAVYA aur uski secretary iss se tensed ho gayi wahin VIVAN ek dum normal hi tha. Aur kuchh derr baad VIVAN ne uss problem ka solution bhi nikaal liya. Aur ek baar fir NAVYA uspar flat ho gayi.
NAVYA ka maamla kaafi pechida tha. Jab usne VIVAN ko pehli baar dekha tab uske dil mein emotions ka ek tezz pravaah sa hua. Aesa usse apne jeevan mein kabhi mehsoos nahi hua tha. VIVAN ki upasthiti swayam hi usse kaafi sukoon deti thi. Wo samajh nahi paa rahi thi iss jhukaav ka kaaran. Kaafi samay tak wo ghar par bhi kewal VIVAN ke baare mein hi soche jaa rahi thi. Aur jab usne VIVAN ki wo painting banaayi. Tab usse laga ke ye jhukaav kewal attraction nahi ho sakta aur khud hi usne iss bhaavna ko Pyaar ka naam de diya. Aksar aesi haalat mein apne khas doston ya saheliyon ka mashvara liya karte hain log par NAVYA ke paas aesa koyi shakhs nahi tha jiss kaaran se usse ye nateeja khud hi nikaalna pada.
Khair, filhaal NAVYA ki Secretary nikal chuki thi kuchh kaam se aur VIVAN apne laptop mein ghusa hua tha par kankhiyon se NAVYA ko bhi notice kar raha tha. Wahin NAVYA gehri nazron se VIVAN ke chehre ko dekh rahi thi. Aur ye baat VIVAN ki drishti se bach naa saki.
Par usse filhaal kuchh baat karna sahi nahi laga. To usne usse ignore kar dena hi sahi samjha. Khair, kuchh waqt baad NAVYA udhar se nikal gayi par poore samay uski nigaahen bas VIVAN ko hi taak rahi thi. Idhar VIVAN kho gaya kisi soch mein.
NEXT DAY :-
PLACE :- CAFETERIA (DELHI)
Yahaan maujood the AABHA &KANIKA. AABHA ne hi isse phone karke milne ke liye bulaaya tha. Kal jab JAHANVI so gayi thi aur AABHA apni soch mein doobi huyi thi. VIVAN ne kya kiya aur kyon kiya ye filhaal ke liye ek secondary vichaar ho chuka tha uske liye. Sabse pehle usse JAHANVI ko iss dukh ke bhanwar se baahar nikaalna tha. Aur uske liye JAHANVI ko un activities mein involve karna tha jiss se usse khushi mile.
Yahi kaaran tha iss chhoti si meeting ka...
AABHA – KANIKA main chahti hoon ke hum JAHANVI ko kisi aur jagah involve karen taaki wo apni unn yaadon se baahar aa sake.
KANIKA ( Surprised ) – Matlab!?
AABHA – Haan wo JAHANVI ne kal mujhe sab kuchh bata diya tha. Dekho KANIKA hamare paas abhi uss sabko discuss karne se zyada important kaam ye hai ke hume kisi tarah JAHANVI ko waapis se wahi banana hoga jo wo 4 Saal pehle thi.
KANIKA – Right Di. Par ye hoga kaise?
AABHA – Mere khayaal se hume usse kisi Trip par le jaana chahiye. Tumhe kuchh pata hai kya uski favourite jagah kaunsi hai?
KANIKA – Wo to aapko bhi pata hoga naa Di.
AABHA (Sad) – Shayad pata tha. Par iss accident ka nateeja, bahut saari baatein bhool chuki hoon.
KANIKA – I’m Sorry Di. Ek minute main sochti hoon... (Pause)... Haan Di yaad aaya. Kaafi baar wo kaha karti thi ke ek baar zaroor wahaan jaayegi.
AABHA ( Excited ) – Kaunsi Jagah!?
KANIKA – ***** ***
Kuchh derr baad ye sab apne – apne ghar ki taraf nikal gaye par koyi tha ho jo AABHA par nazar rakhe huye tha. Par AABHA ko iss baat ki bhanak tak naa thi. Wahin ek aadmi pahunch chuka tha JAHANVI ke hi College mein. Aur kuchh puraane panne khangaalne mein laga hua tha.
EVENING TIME :-
JAHANVI’S ROOM...
AABHA – Packing kar le JAHANVI. Ek trip par chal rahe hain hum.
JAHANVI – Trip... Aese Achanak...
Asal mein AABHA ne apne Parents se iss baare mein pehle hi baat kar li thi. Aur unhe bhi uska idea pasand aaya tha. Nateejtan wo taiyaar the iske liye.
AABHA – Kyon tujhe koyi problem hai?
JAHANVI – Nahi... Matlab...
AABHA – To fir chup – chaap meri baat maan!!
JAHANVI – Par hum jaa kahaan rahe hain?
AABHA – Teri favourite jagah!!
JAHANVI – Huhh...
AABHA ( Smiles ) – Banglore ka...
SHANTI VAN...
Aaj Ke liye itna hi...
Milenge Agle Update Mein...
{THE TRUTH}
UPDATE – 16
BACK TO PRESENT :-
PLACE :- SHUKLA SADAN (DWARKA , DELHI)
JAHANVI’S BEDROOM...
Apne jeevan ke uss ateet ko khangaalte waqt ek bhi pal aesa naa tha jab JAHANVI ki aankhon ne usse dhokha naa diya ho. AABHA ko apni kahaani bataate waqt har kisse ke saath uske chehre par expressions badle. Jahaan VIVAN ke saath bitaaye un Khushnuma palon ka zikr karna uske chehre par beintehaan dukh aur peeda ke bhaav le aata wahin AABHA ke saath huyi ghatna... Uss Video ka kissa aur Wo dhokha, in sabki dastak jaise JAHANVI ke gusse ke darwaaze par huyi thi.
In 4 Saalon mein shayad ek bhi pal aesa nahi beeta tha jab JAHANVI ne khudse ye sawaal naa kiya ho – “Meri Kya Galti Thi”? Har saans ke saath VIVAN uske zehan mein aa hi jaata tha aur ye cheezen usse ek aesi androoni tadap ke saagar mein dubo diya karti thi jiska Shayad koyi Saahil bhi nahi tha. Par aaj AABHA ke saamne wo sab batate huye JAHANVI ko in saalon mein pehli dafa shaanti aur halkapan mehsoos hua jaise uske dil par pada hua bojh kuchh kam ho gaya ho.
Sahi hi soch rahi thi AABHA jab usne JAHANVI ko uska past sunane par majboor kar diya tha. Aakhir badi behen jo thi uski. Gum baantne se wo samaapt bhale hi naa ho par kam zaroor ho jaata hai.
Idhar AABHA vismit si thi. Jo kahani JAHANVI ne sunaayi uspar naa jaane kyon AABHA vishwaas nahi kar paa rahi thi. VIVAN ke saath bitaaye waqt ki jo bhi yaadein JAHANVI ne batayi thi wo katayi iss baat se match nahi karti thi ke wo JAHANVI ko dhokha de raha tha. Ab aese mein do hi pehlu ho sakte the, pehla ye ki VIVAN ek behadh hi shaatir khilaadi tha in kaamon mein ya doosra ke kuchh tha jo shayad chhippa hua tha. Aur AABHA filhaal to yahi maan rahi thi ke pehli baat hi sahi hogi. Video mein kahi gayi VIVAN ki baatein bhi issi aur sanket jo kar rahi thi.
Khair, AABHA iss waqt JAHANVI ko hi dekh rahi thi jo kisi aur hi duniya mein mashgool hokar ek tak shunya mein nihaare jaa rahi thi. Poore samay ek bhi aesa pal nahi tha jab JAHANVI ki aankhen bheegi huyi naa hon. Par AABHA jaanti thi ke shayad ye zaroori tha. AABHA ne usse hilaaya tab wo hakeekat mein lauti. Par ab bhi wo jaise kisi madhoshi ke aalam mein hi ghiri huyi thi. Kuchh pal lage usse normal hone mein. Par abhi bhi uske aansoon ruke nahi the manon jaise uski aankhen uske kaaboo se baahar ho chuki thi. Tabhi, AABHA ne usee kaske gale se laga liya aur JAHANVI ne bhi apne aap ko dheela chhod diya.
AABHA – Bas ANVI chup ho jaa. Sab thik ho jaayega.
JAHANVI ( Sobs ) – Mere saath hi aesa kyon hua Di. Kya main itni buri hoon??
AABHA – Nahi ANVI tu to meri Pari hai naa. Aur pariyaan kabhi buri nahi hoti.
JAHANVI – Fir usne mere saath aesa kyon kiya Di. Main uss se bahut pyaar karti thi,Bahut zyada.
AABHA – Shhh... Bas chup ho jaa. Wo ek ghatiya insaan tha ANVI. Wo tere kaabil hi nahi tha. Ye to achha hua naa ke uska asli roop jaldi hi tere saamne aa gaya. Warna pata nahi wo kya – kya karta... (Pause)... Idhar dekh JAHANVI...
Bahut hi adhik prem se bhari aawaz mein AABHA ne wo aakhiri shabd kahe jinhe sun ne ke baad swayam hi JAHANVI ki aankhen AABHA ke chehre ko taakne lagi. AABHA ne apne dono haathon mein uske chehre ko thaama.
AABHA – Tu abhi bhi bachon jaisi baatein karti hai ANVI. Aur tujhmein abhi bhi maasoomiyat hai. Aur kabhi isse khatam mat hone dena. Par teri issi maasoomiyat ka faayeda uthaya naa usne. Teri uss sabmein koyi bhi galti nahi thi. Par duniya utni achhi nahi hai jitni ye lagti hai. Hum log har insaan se umeed karte hain ke wo bhi hamari hi tarah achha hoga aur tab hamare saath kya hota hai ye tu dekh hi chuki hai. Logon par bharosa karna galat nahi hai, par beta, yaad rakhna Vishwaas mein hi Vish ka Waas hota hai. Teri family kabhi tujhe cheat nahi karegi iss baat ki surity hai par kisi aur se ye umeed karna bewakoofi hai. Shayad tune uspar zyada hi bharosa kiya aur ye ussika nateeja hai.
JAHANVI ( Curious ) – To matlab kisi par bhi bharosa nahi karna chahiye!?
AABHA ( Smiles ) – Nahi re!! Bharosa karna achhi baat hai par kisi par itna bharosa karna ke agar wo toote to tum hi toot jaao, galat hai. Tune uss se pyaar kiya ye tere Dil ki sachayi thi aur usne tujhe dhokha diya ye uske dimaag ki buraayi. Meri behen, jo log Dil se sochte hain naa wo naa kabhi kisi ko dhokha de sakte hain naa hi kisi ko chot pahuncha sakte hain.
Par sabhi aese nahi hote... ( Pause )... Ab meri baat dhyaan se sun… Hum School jaate hain, poora saal padhaayi karte hain, par kabhi – kabhi exam mein fail ho jaate hain, uss se hamari padhaayi ka safar rukta nahi. Hum agli baar aur mehnat karte hain aur uss exam mein paas ho jaate hain. Zindagi bhi hamare imtihaan leti hai, aur VIVAN teri zindagi ka wo exam tha jisne tujhe zindagi ka asli matlab bataya. Bataya, ke iss duniya ki asliyat kya hai aur hume iska saamna kaise karna hota hai.
Ab ye to tujhpar hai ke tu ussi failure ke kaaran, apni zindagi ko rok kar rakhegi ya fir Zindagi ke iss thappad ka munh tod jawaab degi. Chalte rehna hi Jeevan hai meri behen. Hum kisi ke liye nahi ruk sakte. Kya samjhi!!
JAHANVI ki aankhen ek baar fir bhar aayi aur wo dobara AABHA se lipat gayi. Roti roti AABHA ke gale lage huye hi JAHANVI so gayi. Jab AABHA ko yeh mehsoos hua to uska dil bhar aaya. Bachpan mein aksar jab JAHANVI ko chot lag jaati thi tab wo apni Maa ki jagah AABHA ki god mein sar rakhkar so jaaya karti thi. Chot to ab bhi lagi huyi thi JAHANVI ko. Par fark tha, ek bada fark tha, aur wo ye ki ye chot jism par nahi balki dil par lagi thi jiski koyi dawa bhi nahi thi AABHA ke paas.
Usne JAHANVI ko dheere se bed par leta diya aur khud khidki ke paas khadi hokar ek gehri soch mein doob gayi.
PLACE :- THAKUR PALACE (DELHI)
Yahaan ek kamre mein maujood hain teen log. JAGVIJAY Saahab joki centre mein ek badi si kursi par baithe hain, NAKSH jo unhi ke paas ek couch par baitha hai aur ek madhyam umra ka vyakti joki kaale coat pant mein hai, aur apne paridhaan se ek vakeel prateet ho raha hai, idhar se udhar tehalne mein laga hua hai.
JAGVIJAY – Kya idhar se udhar ghoom raha hai tu. Kuchh bolega bhi ab?
AADMI – Dekhiye janaab, seedhi si baat ye hai ki baat seedhi hai hi nahi.
NAKSH – Dad maine kaha tha naa inhe nahi bulaate hain… ye aese hi pakaate rahenge!!
AADMI ( Smiles ) – To Matlab main niklun!?
JAGVIJAY – Tu chup reh NAKSH. Aur tu seedhe se bata kya samajh aaya hai tujhe.
AADMI – Main VIRAT se bhi milkar aaya tha. Aur uski baaton se saaf hai ke wo kaafi samay se uss ladki ke peechhe tha. Ab Agar uss ladki ki itni pahunch hoti ke usse bachane itne aadmi aa gaye to VIRAT kabka sidhaar gaya hota... ( Pause )... Par aesa nahi hua. Matlab saaf hai ke koyi aur uss ladki ki madad kar raha hai. Aur maine uske parivaar ki bhi jaankari nikaali hai. Door – door tak koyi political connection hai hi nahi un logon ka. To JAIKANT Saahab ke saath jaan pehchaan hona sambhav hi nahi hai.
JAGVIJAY – Baat to teri sahi hai. Matlab koyi aur hai iss sab ke peechhe.
AADMI – Hmmm… Ya to koyi aesa jo VIRAT se ya aapse personal dushmani nikaal raha hai. Par iske chances kam hain. Mere khayaal mein Mohabbat ka chakkar hai ye.
JAGVIJAY – Matlab...
AADMI – Matlab... Ishq ke paani mein behte kisi Aashiq ne hi uss ladki ko bachaya hai. Agar aesa hai to Shayad hum uss bande ka pata laga sakte hain. Main apne aadmiyon ko uss ladki ki kundali nikaalne bolta hoon. Lekin koyi faayeda nahi hone waala. Agar wo banda itni oopar tak pahunch rakhta hai to samajh lo ki uss se panga...
NAKSH – To kya uss se darkar VIRAT ko Jail mein rehne den...
AADMI – Ek to yaar tum beech mein mat bola karo. Main ye keh raha hoon ke agar usse haraana hai to power ka nahi buddhi ka istemaal karna padega. Aur yahaan iss kamre mein sabse zyada buddhi kiske paas hai ye bataane ki zaroorat to nahi lagti.
Itna bolkar wo aadmi ek teekhi muskaan ke saath kamre se nikalne laga par darwaaze par ruk kar bina mude bola,
AADMI – Aap yakeenan bahut badi hasti hain Jeeja Ji par iss baar meri maaniye to mere hisaab se chaliyega. Baaki aapki marzi aur VIRAT ki zamaanat ka intezaam Karta hoon main.
PLACE :- J & V GP. (BANGLORE)
VIVAN’S CABIN...
Iss waqt yahaan maujood hai VIVAN aur saath mein NAVYA aur uski secretary. Kaafi samay se ye log iss project se related ek point par maatha pachi kar rahe the par kisi nateeje par nahi pahunche. Par jahaan NAVYA aur uski secretary iss se tensed ho gayi wahin VIVAN ek dum normal hi tha. Aur kuchh derr baad VIVAN ne uss problem ka solution bhi nikaal liya. Aur ek baar fir NAVYA uspar flat ho gayi.
NAVYA ka maamla kaafi pechida tha. Jab usne VIVAN ko pehli baar dekha tab uske dil mein emotions ka ek tezz pravaah sa hua. Aesa usse apne jeevan mein kabhi mehsoos nahi hua tha. VIVAN ki upasthiti swayam hi usse kaafi sukoon deti thi. Wo samajh nahi paa rahi thi iss jhukaav ka kaaran. Kaafi samay tak wo ghar par bhi kewal VIVAN ke baare mein hi soche jaa rahi thi. Aur jab usne VIVAN ki wo painting banaayi. Tab usse laga ke ye jhukaav kewal attraction nahi ho sakta aur khud hi usne iss bhaavna ko Pyaar ka naam de diya. Aksar aesi haalat mein apne khas doston ya saheliyon ka mashvara liya karte hain log par NAVYA ke paas aesa koyi shakhs nahi tha jiss kaaran se usse ye nateeja khud hi nikaalna pada.
Khair, filhaal NAVYA ki Secretary nikal chuki thi kuchh kaam se aur VIVAN apne laptop mein ghusa hua tha par kankhiyon se NAVYA ko bhi notice kar raha tha. Wahin NAVYA gehri nazron se VIVAN ke chehre ko dekh rahi thi. Aur ye baat VIVAN ki drishti se bach naa saki.
Par usse filhaal kuchh baat karna sahi nahi laga. To usne usse ignore kar dena hi sahi samjha. Khair, kuchh waqt baad NAVYA udhar se nikal gayi par poore samay uski nigaahen bas VIVAN ko hi taak rahi thi. Idhar VIVAN kho gaya kisi soch mein.
NEXT DAY :-
PLACE :- CAFETERIA (DELHI)
Yahaan maujood the AABHA &KANIKA. AABHA ne hi isse phone karke milne ke liye bulaaya tha. Kal jab JAHANVI so gayi thi aur AABHA apni soch mein doobi huyi thi. VIVAN ne kya kiya aur kyon kiya ye filhaal ke liye ek secondary vichaar ho chuka tha uske liye. Sabse pehle usse JAHANVI ko iss dukh ke bhanwar se baahar nikaalna tha. Aur uske liye JAHANVI ko un activities mein involve karna tha jiss se usse khushi mile.
Yahi kaaran tha iss chhoti si meeting ka...
AABHA – KANIKA main chahti hoon ke hum JAHANVI ko kisi aur jagah involve karen taaki wo apni unn yaadon se baahar aa sake.
KANIKA ( Surprised ) – Matlab!?
AABHA – Haan wo JAHANVI ne kal mujhe sab kuchh bata diya tha. Dekho KANIKA hamare paas abhi uss sabko discuss karne se zyada important kaam ye hai ke hume kisi tarah JAHANVI ko waapis se wahi banana hoga jo wo 4 Saal pehle thi.
KANIKA – Right Di. Par ye hoga kaise?
AABHA – Mere khayaal se hume usse kisi Trip par le jaana chahiye. Tumhe kuchh pata hai kya uski favourite jagah kaunsi hai?
KANIKA – Wo to aapko bhi pata hoga naa Di.
AABHA (Sad) – Shayad pata tha. Par iss accident ka nateeja, bahut saari baatein bhool chuki hoon.
KANIKA – I’m Sorry Di. Ek minute main sochti hoon... (Pause)... Haan Di yaad aaya. Kaafi baar wo kaha karti thi ke ek baar zaroor wahaan jaayegi.
AABHA ( Excited ) – Kaunsi Jagah!?
KANIKA – ***** ***
Kuchh derr baad ye sab apne – apne ghar ki taraf nikal gaye par koyi tha ho jo AABHA par nazar rakhe huye tha. Par AABHA ko iss baat ki bhanak tak naa thi. Wahin ek aadmi pahunch chuka tha JAHANVI ke hi College mein. Aur kuchh puraane panne khangaalne mein laga hua tha.
EVENING TIME :-
JAHANVI’S ROOM...
AABHA – Packing kar le JAHANVI. Ek trip par chal rahe hain hum.
JAHANVI – Trip... Aese Achanak...
Asal mein AABHA ne apne Parents se iss baare mein pehle hi baat kar li thi. Aur unhe bhi uska idea pasand aaya tha. Nateejtan wo taiyaar the iske liye.
AABHA – Kyon tujhe koyi problem hai?
JAHANVI – Nahi... Matlab...
AABHA – To fir chup – chaap meri baat maan!!
JAHANVI – Par hum jaa kahaan rahe hain?
AABHA – Teri favourite jagah!!
JAHANVI – Huhh...
AABHA ( Smiles ) – Banglore ka...
SHANTI VAN...
Aaj Ke liye itna hi...
Milenge Agle Update Mein...
Last edited:
Jaguaar
Well-Known Member
- 17,679
- 60,551
- 244
- 172
- 716
- 93
- Status