"to tu aur madam dono ek Saath neeche aaye the??" inspector tomar ne arjun se poocha
"maine kaha mai aur Anika neeche aaye the, ye nahi kaha ki ek Saath aaye the" Arjun bola
"hmm beta kisi bade power ka haath agar na hota na, jail me 3rd degree se sab ugalwa deta, jis din ek bhi saboot tere khilaf mil jayega tujhe tere Baap bhi nahi bacha payega" inspector tomar bola aur Anika ki sur ghooma
"agar ho sake to is lucche kamine se bachkar rahiye madam, aap HM ki beti hai apni maa ke izzat ke baare me to kuch khayal rakhiye" bol tomar ek baar aur arjun ki aur dekhkar chala gaya
Ghar me maatam ka mahoul tha aur Mrs joshi roye ja rahi thi
Kai saathi ministers aaye the aur dilasa dekar chale ja rahe the ye case tha murder ka isliye police involve ho chuki thi
Anika aur arjun se poochtach ho rahi thi aur tomar ke har sawal ka jawab de raha tha arjun
"jab se ye ladka aaya hai tab se musibat par musibat paida ho rahi hai priya, maine mana kiya tha ki is ladke ko hatao yahan se lekin tumne meri baat nahi maani" Mrs joshi roye hue boli
"madam shant ho jaiye dekhiye arjun ka yahan hona abhi zaroori hai, kyunki Mr joshi abhi nahi rahe isliye khatra aur badh sakta hai, Haan agar ek baar bhi aur koi problem aap face karti hai future me to i'll withdraw arjun's service" priya boli
Mrs joshi ko poori tarah tasalli to nahi mili lekin thoda bohut convince Kar paayi priya
"Arjun kya explanation doge??" priya ne poocha
"sorry madam aage se aisa nahi hoga" Arjun shaant hokar bola
Aur priya ko hairaani hui, arjun jaisa ladka jo hamesha violent aur argue karne wala tha wo itna shaant hokar jaise bas jhel raha hai
"agar baatein ho gayi hai to kya mai ja sakta hoon madam??" Arjun bola aur priya ke jawab dene se pehle hi chala gaya wahan se
Anika roye ja rahi thi aur arjun ne uske kande par haath rakha
"Arjun mujhe nahi lagta tumhe mere aas Paas aana chahiye tumse pyaar karti hai sonam didi" Anika arjun se door hatkar boli
"maine kabhi sonam ko pyaar bhari nazron se nahi dekha Anika aur dheere dheere meri aankhen khul rahi hai, rahi baat Mr joshi ki to acha hua unka Jaana ab tum chain se reh sakogi" Arjun bol aur mudkar Jaane laga
"wait wait wait....tumhe kaise pata ki... Matlab tumhe kya pata?" Anika ne poocha
"ye Mr girish joshi ke drawer se mila" bol arjun ne apne pocket se ek red panty nikal kar Anika ko diya
Anika ne jhat se arjun ke haath se cheen liya aur use pakad kar rone lagi
"jo Baap apni beti ke saath sona chahta ho use har Waqt molest karta ho uske liye roya nahi karte" Arjun Anika se bol pada
Lekin Anika ka rona kam nahi hua arjun Anika ke Paas baitha aur uske sar par haath ferne laga
Kuch bolne hi ja raha tha ki achanak use Anika ke pair me ek deep sa cut dikha
"ye kya hai Anika??" Anika ke mood ko change karne ke liye arjun ne poocha
"Bachpan me gir gayi thi to pair me chot lagi thi, waise arjun I still think tumhe sonam didi ka proposal accept karna chahiye" Anika ne arjun ko samjhate hue bola
Arjun chup tha, khada hua aur khada hi raha
"dekho yahi sabke liye sahi hai tum dono ek doosre ke liye hi bane ho, waise bhi mere dil me tumhare liye kuch nahi hai, we can be very good friends" Anika boli
"sorry Anika lekin ab mai wahi karunga jo mera dil karega aur apne dimag ki sununga, waise apne books, copies and notebooks se mera Naam mita do jo tum likhti aayi ho jab se mai aaya hoon. Jitna mujhe pata hai dosti me ye sab koi nahi karta, agar dil me kisi ke liye koi feelings nahi ho to, aur mobile me chup chupkar peri pic lena aur apne pc me save karke use ghanto dekhte rehna bhi band karo"bol arjun chala gaya Anika ko hairaani me chodkar
Arjun seedha apne kamre me gaya aur pen aur ek book lekar kuch likhne laga, bohut kuch likhne laga
Tabhi uske mobile me ek unknown number se ek message aaya
"good job" likha tha message me
-------------------------------------------------------------------
"Anika chalo aaj school bunk karke kahin chalte hai" Arjun bola
"P Paagal ho ghar me shok sabha chal raha hai arjun mai mummy ko aise chhodkar nahi ja sakti" Anika boli
"Mrs joshi aaj parliament me ja rahi hai, pooch kar dekho" Arjun ke baat par Anika ko hairaani hui
Usne daudkar apna phone uthaya aur phone kiya
"mummy raaste me hai" Anika boli
"kaha tha na, chalo na waise bhi mai kai dino se coffee peena chahta tha" bol arjun ne apna wallet check kiya aur apna bike ki chaabi nikali
"l lekin a arjun... W wo..." Anika dheere se boli
"daro mat Anika, kuch nahi hoga. Jo dikh raha hai wo hai nahi" Arjun bola
"samjhi nahi" Anika boli
"samjhane ka Waqt nahi hai jaldi chalo" bol arjun apna watch dekhne laga
Aur Ek choti si cafe me Anika apne red top, denim jeans aur ek cute si cap pehen kar coffee shop me arjun ke saath baith gayi
"ab bolo, baat kya hai" Anika ne poocha
"sabse pehle to wada karo ki ye baatein sirf aur sirf hum dono ke beech rahega aur teesra koi nahi Jaan payega chahe sonam ho, Mrs joshi ho ya koi bhi" Arjun ne Anika ko bola
"I promise, ab to bolo" Anika impatient thi
"Anika mujhe tumhare family ki Saari baaton ke baare me bolo sab kuch" Arjun bol
Anika ne ek gehri Saans li aur batati gayi jitna use pata tha
Arjun Anika ki Saari baatein coffee ke sip ke saath apne dimag me fit kar raha tha
"good abhi bhi Waqt hai, movie dekhne chalogi???" Arjun ne apni ghadi dekhte hue kaha
"goodness gracious Arjun is Waqt?? Tumhe pata hai na kitna bada haadsa hua hai ghar me??" Anika hairan hokar boli
"Bill please" Baaki ka coffee ek hi baar me gatak kar arjun bola aur jhat se wallet se card nikala swipe karne ke liye
Aur bill dere hi Anika ka haath pakad kar tezi se bahar aaya
"a arjun uff ye kya badtameezi hai" Anika gusse me boli
"satyam theatre me chalte hai mast movie lagi hai" thoda zor se bola arjun aur Anika ko bike me bithakar theatre ki aur chal pada
"ye sab kya hai arjun, Pagal to nahi ho gaye ho tum??" Anika bike me baith kar boli
"shhh" Arjun ne Anika ko baat karne se mana kiya aur bike ki speed badha kar movie ke liye chal pada
