"wo raha ticket counter mai ticket lekar aata hoon" Arjun bola aur Anika ke kuch bolne se pehle hi duadte hue chala gaya wahan se
"arr abhi time hai itna kyun Bhaag rahe ho??" Anika chillai lekin arjun tha kahan wahan??
Anika bas dekhti rahi arjun ko, kya... Kya arjun sachmuch??...
Anika muskurate hue sharmane lagi
Bhale hi wo arjun ko mana karti rahi nazdeeki badhane ke liye lekin fir bhi use acha laga arjun ka Pehli baar is ghar me aana
Acha laga ki uske aate hi anika ka chup chup kar arjun ko dekhna aur uske pic nikalna mobile par fir use computer Apr dekhte rehna dekhte rehna
Anika muskurai usne to apna life dene ki soch rakhi thi wo pata nahi kahan se arjun uske life me aaya achanak se, lekin kya ye uski behen ke saath dhoka nahi hai?? Fir arjun ke dil me to sonam ke liye kuch bhi nahi hai aur waise bhi sonam to namit Naam ke ladke ke saath close thi, fir???
Apne se sawal karti aur khud jawab deti anika
Wahan arjun seedha ticket counter gaya lekin ticket lene nahi balki wahan khade hokar kuch dekhne ke liye
Uske Saamne kuch door do teen aadmi ek Saath khade the jo uspar nazar rakhe hue the
Achanak arjun gayab ho gaya aur jo teen log khade the wo use idhar udhar dhoonde lage
Dhoondte Dhoondte unko arjun door ek gali me jaaye hue dikha, teeno wahi chal pade
Teeno ne gali me ghuste hi apni gun nikal li aur aage badhte rahe
"ummfff" ek aadmi ke muh par arjun ne haath rakha aur kaskar dabaye rakha
Baaki ke do log aage badhte rahe
THAK
Ek halke se Vaar ne us aadmi ko wahi behosh kar diya
Arjun ne jhat se use sahara dekar diwar ke side me laga diya
"hello??" Arjun ne awaz di
Dono chaunk kar mude to Arjun ko apne behosh Saath ke saath dekha to ek ne gun arjun ki aur taan li
"bewkoof din me ye sab nahi haath kaafi hai" bol jaise hi wo arjun ki aur lapka arjun ne us behosh Saath ko dono haath se uthakar unki aur fenk diya
"ufff" dono ek Saath bol uthe
DHADD
Ek jabde par ghoosa pada to ek aadmi wahi behosh ho gaya
"nahi maarna nahi maarna" bacha hua ek aadmi kaampne laga
"kyun coffee house se peecha kar rahe the?? Kiske Kehne par??" Arjun ne poocha
"pata nahi bas boss ne bola ki tumhara peeche karna hai isliye hum bunglow se tumhe follow karte rahe hai itne din" aadmi darte hue bola
"aur kya kya jaante ho?? Bolo warna yahin gaad dunga" Arjun ke haath sakht ho gaye
"plan tha ki tumhe faansna aur uske baad..."
CYOOM
goli seedha us aadmi ke sar par lagi aur chalane wala ek motorcycle par tha
CYOOM CYOOM
do goliyan aur chali lekin arjun foorti ke saath bach gaya
Arjun ne wahan pada hua gun uthaya aur us motorcycle wale par aim kiya hi tha ki wo bike lekar Bhaag gaya
Teeno ki talashi lene ke baad usne ek gun rakh liya apne Paas aur ek mobile mili
Baaki aur kuch nahi mila
Arjun foorti ke saath apne haathon ke nishaan mitakar chala gaya wahan se
Ganimat hai ki itna sab kuch hone ke baad us gali me koi nahi aaya tha
"chalo" Arjun muskurate hue Anika ke Paas aaya
"itna late??" Anika ne poocha to Arjun has diya aur anika ko lekar theatre me chala gaya
"y ye to horoor movie hai" Anika darte hue boli
"Haan horror movie sharpens your senses, and make your heart pump faster" Arjun bola
"uff mujhse nahi dekha ja raha" bol anika arjun se lipat gayi
Aur arjun ne use baahon me le liya
"wo dekho wahan kya chal raha hai"arjun ne anika ko door baithe ek jode ko dikhaya jo ek doosre ko pagalon ki tarah smooch kar rahe the
" dhat"ek halka sa dhakka diya anika ne sharmate hue
Aur arjun has pada
"Anika maine tumhe apna sab kuch Maan liya hai, ab tumhare jawab ka intezar hai, agar tum ye sochkar na karogi ki mai sonam ke saath settle ho jaunga to wo to nahi hoga, tum Haan karo ya na. Sonam ke saath mai settle hone wala nahi hoon anika" Arjun bola
"dar lagta hai arjun mushkil se tum aaye ho life me Achanak, aisi khushiyan bohut kam aayi hai life me" Anika boli
Ab khushiyan aayegi anika, ek ek raaz ka parda uthata rahunga mai aur tab tak nahi rukunga jab tak ise solve na kar sakun arjun sochne laga
Anika ko arjun ki baahon me ek sukoon sa mil raha tha uske haath arjun ke t shirt ke oopar the lekin fir bhi arjun ke dhadkano ko mehsoos kar pa rahi thi wo
"lekin school aur life me hum Anjaan bane rahenge Anika" Arjun ke is baat se 440 volt ka jhatka laga anika ko
Jhat se alag hokar arjun ko dekhne lagi
"agar tumhe mujhpe vishwas hai, aur mere pyaar par aitbar hai to mai Jaisa kehta hoon waisa karna hoga anika" Arjun bola
"lekin kisliye arjun?? Kya hum kam se kam apne pyaar ka izhaar bhi nahi kar sakte sabke Saamne??" Anika ne poocha
"isse tumhari maa Ko shaque hoga aur wo mujhe yahan se Jaane ko kahengi, doosra school me tumhari badnaami hogi aur tumhari maa tum par kai restrictions laga sakti hai" Arjun bola
Aur Anika ko ache se pata hai ki arjun ki har baatein 100% sach hai, lekin...
"chup chup kar milne me hi maza hai Anika oopar se ek thrill factor bana rahega is boring movie ki tarah" bol arjun ke Anika ko ishare me apne haath ki aur dikhaya jo anika ke t shirt ke neeche nange pet par rakha tha arjun ne
"you...." bol nakli gusse se anika maarne lagi arjun ko aur arjun hasne laga.
Anika bhi hasne lagi
Haste hue arjun ne apne pocket me rakha hua cell phone dekha aur halka sa serious ho gaya
------------------------------------------------------------------
" ye lo, is mobile me poora ka poora details chahiye mujhe" Arjun ne canteen me baithe hue subhash se kaha
Subhash hairan hokar dekhne laga arjun ko
"sunai nahi diya?? Is phone ka details mujhe 24 ghante ke Ander chahiye" Arjun fir bola
"mai aapka naukar nahi hoon arjun bhaiya" subhash bola
"fine aur bhi log hai kaam karne ke liye i dont need your services, kal se anirban sir ko bol dunga ki mujhe assist na kare" Arjun bola to subhash ka chehra peela pad gaya
Anirban ne hi scholarship dilwai thi subhash ko is case ke help ke badle me
"kya karun?? Phone karun??" Arjun ne poocha.
"laiye phone" subhash ne rookhe awaz me bola
"ye baat sirf hum dono ke beech honi chahiye subhas, no Anirban sir no shreya madam" bol arjun wahan se chala gaya
Apna role samajh me a raha tha arjun ko
Personal life alag karna seekh liya tha usne profession life se
Aur Ek baat ache se samajhna seekh liya tha
Ki yahan par wo akela hai aur uska ho madadgaar hai to wo unknown phone number wala
Ek baar aur muskurate hue us number ki aur dekhta hai wo
Aur thanks diye bina nahi reh paata
