Arjun ko chahal pahal nazar aane lagi thi aaj
Sonam discharge hokar ghar a rahi thi. Lekin arjun taiyyar tha, ye to hona hi tha. Lekin uske samajh me kuch questions nahi a rahe the
Aur agar wo unke jawab dhoondne Jaata to fir kai log shaque ke ghere me a jaate hai
Jitna wo soch raha hai maamla utna complicated ho raha hai, oopar se Anika to jaise dil me sona lekar ghoomti hai, kabhi bhi kisi ke jhaanse me a sakti hai. Sab kuch aise....
"a sakti hoon??" sonam ki awaz ne arjun ke soch me rukawat daal diya
"Arey sonam, hospital se discharge kar diya kya??" Arjun ne poocha
"kyun acha nahi laga mujhe dekhkar??"sonam ne poocha
" aisa kyun Keh rahi ho sonam?? Hum sabko chinta thi tumhari"arjun bola
"chinta?? Hoti to meri behen ke saath gulcharre nahi udate arjun puri" sonam teekhi zaban ke saath bol padi
"gulcharre??" Arjun ne poocha
"movie dekhna, fir dinner karna baahon me baahein daalkar ghoom a, use gulcharre hi Kehte Hai easy hindi me" sonam boli
"waise tumhe kaise pata ki mai aur anika movie dekh rahe the aur restaurant me khana kha rahe the??" Arjun ne poocha
Sonam achanak hue arjun ke counter attack se hil gayi
"w w wo m mujhe pata chala bas" sonam idhar udhar dekhte hue boli
"maine tumse koi wada ya commitment nahi kiya tha sonia jo tum mujh par aarop laga rahi ho, tum meri dost bhi nahi ho" Arjun bola
"wah arjun puri wah" bol zor zor se taaliyan bajane lagi sonam
Aur arjun ke charo aur ghoomne lagi
"jis ladki ne tumhari Jaan bachayi uske ehsaano ka badla aise chukaoge??" sonam boli
"Jaan bachane ka matlab pyaar nahi hota sonam madam, Pyaar kya hai use Janne ke liye tumhe kai saal lag jayenge" Arjun bola
"ek call tak nahi kiya arjun ek call??"sonam rone lagi
" check kar liya karo, do baar try kiya tha busy aaya"arjun bola
Aur sonam kuch der ke liye chup ho gayi
"pyaar na ho ek baar milne to a jaate hospital me arjun??" sonam ki aankhen chalak gayi
"kaise Jaata wahan namit jo aaya tha" has kar arjun bola to sonam maano statue ban kar reh gayi
"khair mujhe kuch kaam hai, you take care" bol arjun sonam ko wahi chhodkar chala gaya
Jaate Waqt use subhash ki baatein yaad a gayi jo usne mobile ke baare me batate Waqt boli thi, ki namit ne sonam ko do baar visit kiya tha
Arjun ka bolna ki usne sonam ko call kiya tha bhi jhoot tha, arjun bas hawa me teer maarkar ye dekhna chahta tha ki jo wo soch raha hai wo sach hai ya nahi
Aur kamaal ki baat ye hai ki wo sach hai
Tabhi uske mobile me message aaya
"aaj surprise hai tumhare liye baby"
Arjun Muskuraya, lekin achanak use kuch yaad aaya aur wo Bhaag kar apne bike ke Paas gaya
-------------------------------------------------------------------
"sorry anirban, jitna handover mujhe mila usme to to aisa kuch bhi nahi hai ko tum Mujhe bata rahe ho" nikhil deshmukh Anirban ka naya boss jo recently appoint kiya gaya balbir neogi ke marne ke baad bol pada
"sir aap ek baar dekh to lijiye ho sakta hai wo unke secret files ya yahan wahan save kiya hoga" anirban bola
"sorry bhai, agar aisa hota to mera PA jo balbir ka hua karta tha use to pata hota?? Use bhi nai pata" nikhil bol pada
Ye baat hajam nahi hui anirban ko, nikhil balbir ke same batch ke IAS officers hai
Foreign services me unhe united nation bheja gaya tha fir wo French embassy me the haal hi me balbir ke mout ke baad unhe yahan appoint kiya gaya tha
Unke career me koi daag nahi tha, wo kyun jhoot bolenge
"kya soch rahe ho Anirban??" nikhil ne poocha
"kuch nahi sir, mai soch raha tha ki is case ka kya karein??kheencha ja raha hai koi conclusion nahi nikal raha" anirban bol
"aise disappoint hone se kaam nahi banega anirban, us bachhe ne thoda bohut progress to kiya hai, ek most wanted mujahid ko maar giraya us ladki sonam ki ek baar Jaan Bhi bachayi, aur kya expect karte ho??" nikhil ne poocha
"bas pyade hi mar rahe hai sir hame plan banane wala kyun nahi mil raha hai??aur ab home ministry bhi isme involve ho rahi hai zyada" anirban bola
"isse yaad aaya ani shreya ke saath shayad tumhara conflict hona shuru ho jaaye, kyunki ye seedha ISI se linked hai isliye foreign ministry to is case me rahegi hi" nikhil bola
"sir aapko kya lagta hai?? Kya ye case utna seedha hai jitna hum aur aap samajh rahe hai??" anirban ne poocha
"pata nahi ani lekin jab itne Saare agencies ek Saath is case me nazar rakhe hue hai to kuch to baat hai" nikhil bola
"sir mai chalta hoon" kuch sochkar Anirban uthkar khada hua
"tumse baat karke acha laga Anirban, kaafi recommendation a rahe hai promotion ke liye, aaj dekh liya you deserve it" nikhil bola
"thank you sir" bol Anirban chala gaya wahan se
Uske dimag me promotion nahi tha
Uske dimag me bas yahi baat thi ki balbir neogi ne usse hi kyun sonam ke pair me chip hone wali baat batai thi, na uska PA jaanta hai ya usne ise kahin record me daala hai
Daamn din ba din ye aur ulajhta ja raha hai
-------------------------------------------------------------------
Arjun Anika ko dekhte hi reh gaya
Salwar kameez me thi aaj wo, baal khule hue the.
Bade bade ear ring
"aisa mat dekho arjun" sharmate hue Anika boli lekin tab tak arjun ne baahon me le liya tha anika ko
"mera surprise??" Arjun ne poocha
"aankhen band karo" Anika boli
Arjun ne aankhen band ki to achanak uske haath me kuch ungliyon ka sparsh mehsoos hua use
Fir kuch band sa kalaiyon me mehsoos hua
"open your eyes" Anika muskurate hue boli to Arjun ne apne kalai par ek apple ka watch dekha
"ye kya hai Anika??" Arjun serious hokar bola
"ek gift" Anika boli
"sorry but mai aise costly gift nahi le sakta anika" bol arjun watch ko kholne laga
"mere scholarship ke paison ki hai ye" Anika dheere se boli aur arjun ruk gaya
Anika ke Paas gaya aur use apni baahon me le liya
Anika aisa koi kaam nahi karegi ki uske swabhimaan ko thes pohunche pata tha use
"now you give me your phone" Arjun bola
"ye lo lekin kyun??" Anika ne poocha
Arjun ne kuch bola nahi lekin anika ke phone ka cover hata kar ek naya cover laga liya
"gareeb boyfriend ka gareeb gift" Arjun haste hue bola
"maarungi aisa fir bola to kitna cute to hai, waise aaj thoda zyada rukte hai na please" Anika boli
"sorry Anika kal, aaj maaf karo. Bye" bol arjun ne Anika ko ek hug diya aur Nika chali gayi
Arjun kuch der khada raha aur fir apne pocket se apni mobile nikali
Ek app ko open kiya aur dekhne laga kuch
"ab tum kahan kahan jaogi meri nazar uspar rahegi anika, kuch khatarnaak jald ho sakta hai agar mera calculation sahi hai to" Arjun bola
