Door khilkhilati hui Anika ko dekhe ja raha tha hemant
THAP
Apne sar par halka sa haath mehsoos hote hi muda hemant
Saamne Hrithik khada tha
"kya baat hai bhai, kuch zyada ghoor rahe ho anika joshi ko??" Hrithik ne poocha
"Haan yaar dil laga baitha hoon usse" hemant bola
"beta wo Anika hai Anika poore school ki Jaan, usse dil laga baitha hai tu??" Hrithik haste hue bola
"Haan yaar, waise ye arjun koun hai?? Bohut sun raha hoon uske baare me??" hemant ne poocha
"hai ek Kameena, pehle sonam ke saath chakkar chala raha tha ab uski behen ke saath" Hrithik bola
"hmm interesting, lekin wo kaise hamare class ki ladki ke saath chakkar chala sakta hai??" hemant ne poocha
"kyunki wo saala kaafi dumdaar hai, Humse ladkar sabko peet diya tha usne, yahan tak ki namit ko bhi achi khasi lagai thi usne" bol utha Hrithik
"hmm interesting, waise ek baar usse do do haath karne ka man hai" hemant muskurate hue bola
"are mai to bhool hi gaya tu to champ hai, shit pehle hi lekar Jaana chahiye tha tujhe" Hrithik bola
"OK tu chal mai abhi aaya" bol hemant uthkar chal pada Anika ke paas
"hi" ke awaz ke saath hi Anika ne mudkar dekha aur chali gayi apna seat chhodkar
"hey hey hey mai kal ke liye sorry bolne aaya hoon" hemant bola
"kisi kisi behavior ke liye sorry kam pad Jaata Hai hemant" bol anika muh fer kar chali ek shaant jagah par jahan par arjun uska wait kar raha tha
"itna late??" Arjun ne time dekhte hue poocha
"kuch kaam tha" Anika boli
Hemant ki baat ko chupa liya, chahti nahi thi ki har problem arjun ke saath share karke use tensed kare
"Anika tumhari mom har Monday kahin jaati hai na??" Arjun ne achanak ek sawal kiya
"Haan mandir ghar ki sukh shanti ke liye" Anika boli
"yani..... Anika tumhe kuch nazar aaya, matlab itne saalon me tumhari Jaan ko koi khatra wagairah??"Arjun ne poocha
" ummm..... Nahi to"anika sochte hue boli
"hmm aur ek baat batao..."
"kya yaar arjun, kya hum kabhi romantic nahi ho sakte, jab dekho tum sherlock Holmes bante ho aur fir romance gayab ho Jaata Hai" Anika boli
Arjun ko laga ye baat galat nahi hai, anika ko usse expectations hai aur har ladki ko uske bf se expection hoti hai
Lekin kya kare itne Saare problems madra raha hai sar ke oopar ki....
Achanak arjun ko kuch yaad aaya
"when is you next birthday Anika" Arjun ne poocha
"wo to parso hai arjun" Anika boli
Iska matlab.... Agar uska calculation sahi hai to anika ke is birthday ke baad hi uska kaam tamam
"waise arjun kal se hamara aur class 12 th ka expedition hai, tum a rahe ho na" Anika ne poocha
Ye to Arjun ne socha hi nahi tha, classes bhi kam attend karne ke chakkar me choot gaya hoga
"h Haan mai bhi a raha hoon anika" Arjun bola
Anika khush ho gayi aur arjun ko gale laga liya
Aur ye sab door khada ek shaks dekh raha tha
Hemant dekh raha tha
------------------------------------------------------------------
"ab kya kehna hai priya??" Mrs joshi sofe me baithi thi aur doosri aur priya aur shreya
Priya ke haathon me kuch tasveerien thi jise wo dekh rahi thi
"ye sab..." shreya ke muh se nikla
"wahi to ye sab aapke bhai ke kaarname hai mrs shreya, aukaat bhool gaya apni" Mrs joshi boli aur shreya ne apni muthhiyan bheench li
"lag to nahi raha ki arjun aapki beti ke saath zabardasti kar raha hai madam" priya boli
"wo tumhe dekhne ki zaroorat nahi hai priya, mai ab us ladke ko aur nahi rakh sakti, agar tum nahi hataogi to I have other ways" Mrs joshi priya se boli
Priya kuch der chup rahi
"OK mai arjun ko withdraw kar leti hoon 48 hours me" bol priya uthkar chali gayi
Peeche peeche shreya bhi chal padi
"madam arjun aisa kar sakta hai kya??" shreya ne poocha
"tumhe pata hoga shreya, photos jhoothi nahi hai, Mrs joshi ki choti beti anika ke kamar me haath daalkar muskurate hue arjun ko tum dekh hi chuki ho" priya boli
Shreya chup ho gayi
"usse ek baar baat to karni padegi, fir ye bodyguard ke duty se uski chutti" priya boli
Aur dono car me baith kar nikal gaye
