kingkhankar
Multiverse is real!
- 6,255
- 14,024
- 188
Aur ek twist!!!!!!!Subah subah priya ka number dekhte hi ajeeb sa laga arjun ko
"hello??" Arjun ne poocha
Kai dino baad aaj priya se baat ho rahi hai
"kaise ho arjun??" priya ne poocha
"baat kya hai madam" apne mudde par aana chahta tha arjun
"mujhe yaad hai Humne tumhe sonam ke undercover bodyguard ke hisab se appoint kiya tha arjun" priya bhi mudde par a gayi
"yaad hai" Arjun bola
"to wo chhodkar tum home minister ki choti beti se Ishq lada rahe ho??" priya ne poocha
"sonam ko abhi tak kuch hua hai??"Arjun ne poocha
"abhi abhi hospital se aayi hai wo arjun aur tum aisa Keh rahe ho??" priya boli
"hospital me gayi mujhe bachane ke chakkar me warna us par hamla nahi hua tha" Arjun bola.
"see I don't Wana argue with you,you have 36 hours in your hand, I'm withdrawing you from the duty" priya boli
"KYA???" Arjun lagbhag cheekh pada
"yes now pack your bags and say goodbye to Mrs joshi's younger daughter anika" bol phone rakh diya
"are aise kaise.... Uff hello?? Hello???" Arjun cheekhta raha lekin priya ne phone rakh diya tha
Arjun ka dimag ab daudne laga tha
Uske Paas options nahi ke barabar the, agar wo is ghar ko aur anika ko chhodkar Jaata Hai to aane waale birthday me hi anika ka kaam tamam ho jayega
Damn, ab kya kare wo, priya ke rawaiyye se lagta nahi hai ki wo arjun ki baat sunegi, aur jiska shayad dar tha wahi ho hua hoga
Kisi ne uske aur anika ke pyaar bhare pal ko camera me kaid karke dikhaya hoga priya ko
Arjun jhat se ready hone laga, sochne ka Waqt khatam ab is paar ya us paar
------------------------------------------------------------------
"kya ho gaya aise bujhi bujhi si kyun hai??" alisha ne poocha anika ko dekhkat
Anika chup rahi kuch nahi kaha usne
"bol na" alisha ne fir poocha
"alisha mai....."bolte bolte ruk gayi anika
" ab bol bhi de"alisha boli
"yaar alisha jise mai chahti hoon wo mujhe paar to karta hai lekin...." Anika r k gayi
"lekin kya??" alisha ne poocha
Anika chup rahi
"ohho samjhi, wo tujhe zyada bhaav nahi deta, Pyaar karta hai lekin jatata nahi hai, cozy nahi hota. Hai na??" alisha boli
Anika hairan thi, alisha ko kaise pata ye sab
"aise tukur tukur mat dekh, galti teri hai" alisha boli
"meri?? Mai use tan man se pyaar karti hoon aur tu mujhe dosh de rahi hai" Anika dukhi hokar boli
"beta tu behenji bankar jayegi to aisa hi hoga na??" alisha boli
"behenji??" Anika ne poocha
"Haan behenji, har ladka expect karta hai uski gf sexy ho, hot ho aur mast lage dikhne me, tu to aise aati hai jaise ladne a rahi ho, oopar se waxing nahi karati aur na tere koi piercing ya tattoo hai baal coloured nahi hai, dress bhi poora dhak kar pehenti hai"alisha ne samjhaya
"kya baat kar rahi hai in sab se thodi koi pyaar karta hai, Pyaar sachha ho to ye sab nahi karna padta" Anika boli
"fir thik hai, mai kya bolu ab" bol alisha Jaane lagi
"ruk ruk please mat ja, solution bol na" Anika lagbhag gidgidate hue boli
"aaj shaam ko hum sab chalenge expedition me, wo bhi wahan aayega na??" alisha ne poocha
Anika ne Haan me sar hilaya
"to thik hai chal mere Saath, poora huliya badal dalungi, fir wo to kya poora class aahein bharega tujhe dekhkar" bol alisha ne anika ka haath pakda aur use lekar chali gayi
------------------------------------------------------------------
"Haan ok, lekin wo is unit ke layak nahi hai...... No" Vikram puri ne phone rakh diya
Mrs puri chupchap sun rahi thi ye sab
"suman ek cup chai milegi??" Mr puri ne topic ko change karne ke liye chai maanga
"chota sa tha na jab tum use le aaye the??" Mrs puri ek photo frame ko apne haath me lekar boli
"suman dekho..." Mr puri kuch bolna chah rahe the lekin bol nahi pa rahe the
"tumne kaha aaj se tum iski maa ho, aur rota bilakhta ladka meri God me thama diya, pata hai vikram mujhe kabhi laga hi nahi ki maine use apne kokh se janm nahi diya hai" Mrs puri bolti rahi aur aankhen chalakne lagi unki
"dekho suman tum.... Ye sab abhi...." Mr puri rokna chahte the purani yaadon ke sailab ko jo suman puri unki patni ke baaton se shuru hua tha
"mere Saath hasta, rota to mai chup karati, uski favourite kheer banati to uski smile chehre par khil jaati, sote Waqt kahaniya sunati, pata hi nahi chala ki kab bada ho gaya" suman ne apni aankhon ko pochte hue bola
Mr puri ab chup ho gaye
"abhi jiska jo man hai wo mere bete ke saath waisa sulukh kar raha hai, lekin ek baat mai bata deti hoon army officer vikram puri, agar mere bete ko kuch hua ta aapne ya kisi ne uska bura karne ki koshish ki to mai chup nahi rahungi, aapne ek shaant suman ko dekha hai ek maa ka roop nahi dekha, yaad rahe "bol suman puri apne kamre me chali gayi
Vikram puri ne ek naye suman ko dekha tha aaj
Aur ye kaafi tension de raha tha unko
Yeh kahani "The Bodyguard" ke badle "The Twist" hona chahiye tha
Awesome story
