Thriller The Revenge (Completed)

[TheBlackBlood]

Nice

Thanks

 

[TheBlackBlood]

Mind blowing update bhai

Thanks

 

[TheBlackBlood]

TheBlackBlood bhai next update kab tak aayega?

Aaj sham ko ya fir kal

 

[Sidd19]

Waiting

 

[parkas]

Aaj sham ko ya fir kal

Intezaar rahega TheBlackBlood bhai...

 

[ranipyaarkidiwani]

Waiting for next update

 

[TheBlackBlood]

Update - 61
____________________



​

Maya ko jab hosh aaya to usne khud ko ek anjaan jagah par rassiyo me bandha hua paaya. Apni haalat aur apni situation ka ehsaas hote hi uske dilo dimaag me zabardast halchal mach gayi. Usne idhar udhar nigaah daudaayi magar use apne alawa koi dusra insaan kya koi chhota sa jeev tak nazar na aaya. Use bilkul bhi andaza nahi tha ki wo kis jagah par hai. Wo to bas yahi dekh pa rahi thi ki wo kisi kabaad si jagah par kuch is tarike se rassiyo dwara bandhi huyi hai ki wo hil bhi nahi sakti hai.

Maya ko bas itna yaad tha ki raat me wo bed par vikram ke sath leti soyi huyi thi. Uske baad ab ja kar uski aankhe khuli hain. Use khwaab me bhi ye ummid nahi thi ki uske sath aisa kuch bhi ho jaayega. Aankho ke saamne na to wo kamra tha, na hi bed tha aur na hi uske bed me uske bagal me leta vikram tha. Maya ko samajh nahi aa raha tha ki wo yaha kaise pahuchi aur kab pahuchi? Vikram kaha hai? Kya use bhi uski tarah kisi aisi hi jagah par rassiyo me baandha gaya hoga? Aakhir ye sab kisne kiya hoga? Aise na jane kitne hi sawaal kisi jinn ki tarah uske zahen me taandav sa karne lage the magar jawaab ek ka bhi use na mila.

Sochte sochte kuch hi palo me maya ki haalat kharaab ho gayi. Uske dilo dimaag me bahut hi bure bure khayaal ubharne lage the jinke bare me soch soch kar hi uska kaleja muh ko aane laga tha. Usne bandhano se khud ko chhudane ki koshish ki magar wo hil tak na saki. Jis kisi ne bhi use baandha tha usne shayad is baat ka sabse zyada khayaal rakha tha ki wo kisi bhi tarike se in bandhano se azaad na ho sake. Charo taraf gahra sannata chhaya hua tha.

Wo koi band kamra tha lekin uski haalat bahut hi khasta haalat me thi. Charo taraf ki diwaare to pakki thi lekin diwaaro par chhapaayi nahi huyi thi. Saaf dikh raha tha ki is jagah par lambe wakt se koi nahi aaya hoga. Kamre ka farsh kachcha tha jisme beshumaar dhool jami huyi thi. Kamre me ek bhi khidki nahi thi, bas ek lohe ka darwaza tha joki yakeenan baahar se band hi hoga. Kamre ki chhat par pankha bhi nahi tha, yaha tak ki bijli se talluk rakhti koi cheez nahi thi usme. Maya ko itna to pata chal raha tha ki din ka samay hai lekin use ye nahi samajh aa raha tha ki wo yaha kyo aur kaise pahuchi? Jo koi bhi use yaha le kar aaya tha wo usse kya chaahta tha?

Maya soch hi rahi thi ki sahsa uske mastishk me bijli si kaundhi jiska asar ye hua ki uska chehra kisi jaadu ki tarah khauf aur ghabrahat se peela padta chala gaya. Jane kya soch kar uski aankho se aansu bah chale. Apni aankhe band kar ke wo sisak sisak kar rone lagi.

[][][][][][]

"Kya aapko lagta hai ki wo aapko baksh dega?" Minakshi apne saamne baithe apne bhai tarun se kah rahi thi____"Mujhe to yakeen hi nahi ho raha ki aapne us jaise khatarnaak aadmi se is tarah ka sauda kiya hai."

"Waise to mujhe pura yakeen hai minakshi." Tarun ne gambheer bhaav se kaha____"Aur sach kahu to yakeen karne laayak to khud ham log hi nahi the. Main to khair use ab mila hu lekin tu khud soch ki tu kitne samay se uski kaid me thi. Kya usne kabhi tere sath kuch galat kiya? Ham sab use pagal aur sirfira kahte the jabki agar wo sach me hi aisa hota to kya aaj tu zinda mere saamne baithi hoti? Nahi minakshi, vikram pagal aur sirfira nahi hai balki use har cheez ka bakhubi ehsaas hai."

"Kamaal ki baat hai bhaiya." Minakshi ke hotho par halki muskaan ubhar aayi, boli_____"Usne hamare dad ko maar dala aur itna hi nahi usne aapki biwi ko bhi berahmi se maar dala iske baad bhi aap us vikram ko galat nahi maan rahe. Kya main ye samjhu ki aapke andar uska khauf kuch is kadar paida ho gaya hai ki aap usse apno ki maut ka badla lene ka khayaal tak zahen me nahi lana chahte?"

"Insaan ke liye kisi se badla lena hi sab kuch nahi hota meri bahan." Tarun ne gahri saans li____"Balki iske alawa bhi bahut kuch hota hai jiske liye insaan ko samjhauta karna padta hai. Tu mujhe kaayar samajhti hai to yahi sahi, haan main kaayar hu lekin zara ye bata ki agar main bhi uski tarah badle ki aag le kar usse bhidne ka soch lu to kya hoga? Chal maan liya ki kismat se main use jaan se maar dene me kamyaab ho gaya lekin kya use maar dene se hamare dad aur meri biwi zinda haalat me waapas mil jayenge? Nahi, hargiz nahi, ye to khair maan lene ki baat huyi lekin soch ki agar iske ulat aisa ho gaya ki usne baaki sabki tarah mujhe bhi maar diya to kya hoga? Mere bachche anaath ho jayenge. Unka future barbaad ho jaayega."

"Unka future banane ke liye abhi hamari maa zinda hai bhaiya." Minakshi ne teekhe bhaav se kaha____"Aur unki bua log bhi to zinda hain. Kya hamare rahte unka future barbaad ho jayega?"

"Tujhe abhi pata hi nahi hai minakshi." Tarun ne sahsa dukhi lahje se kaha_____"Asal me hamari maa ko last stage ka cancer hai. Wo zyada dino ki mehmaan nahi hai."

"Y...ye kya kah rahe hain aap?" Minakshi ke maano hosh ud gaye, kaampte swar me boli____"M..mom ko cancer hai? Nahi..nahi aisa nahi ho sakta. Aap jhooth bol rahe hain."

"Kya tujhe lagta hai ki main aise halaat me kisi se jhooth boluga?" Tarun ki aankho me aansu tairte nazar aaye_____"Sach to ye hai pagli ki ab kisi se sach ya jhooth bolne ka samay hi nahi raha. Ab to sirf ek hi sach hai ki wahi zinda bachega jise khud vikram zinda rakhna chaahega. Dad ki maut ka dukh to kisi tarah sah liya tha maine lekin teri bhabhi ki maut ne mujhe andar se tod diya hai minakshi. Vikram ne jab use maar diya to ji kiya ki usi wakt uske paas ja kar uska gala pakad lu magar jaanta tha ki jab bade bade shoorma uska kuch nahi bigaad paaye to bhala main kya bigaad luga uska? Is chakkar me agar mujhe kuch ho gaya to mere bachcho ka kya hoga? Tu to jaanti hai ki hamne unhe bade naajo se paala hai. Unhe kabhi kisi cheez ka abhaav nahi hone diya. Main ye soch kar hi kaamp gaya tha ki jab main na rahuga aur jab mere bachche anaath ho jayenge to wo kis kis ke aage apne komal hath failaayenge? Log kin nazro se dekhenge unhe? Wo masoom duniya ke sitam na to dekh payenge aur na hi sah payenge. Bas yahi soch kar main tadap utha aur soch liya ki ab main kaayar hi banuga. Vikram se apni jaan ki bheekh maagte huye usse kahuga ki wo mere bachcho ke liye mujhe baksh de."

Tarun kahte kahte buri tarah ro pada to minakshi jhat se uske kareeb aayi aur use apne seene se laga liya. Usne kabhi bhi apne bhai ko yu bachcho ki tarah rote nahi dekha tha. Uska dil hahakaar kar utha aur uski aankho se aansu bah chale. Dono bhai bahan kuch der yu hi ek dusre se lipte rote rahe.

"Mujhe maaf kar dijiye bhaiya." Fir minakshi ne usse alag ho kar kaha____"Maine aapse teekhe lahje me ye sab isi liye kaha tha taaki jaan saku ki aapke andar kya hai? Itna to main bhi samajhti hu ki jiski niyati me jo likha hai use wahi milega. Matlab ye ki jinhe marna tha wo kisi na kisi vajah se mar gaye lekin is sabka dosh sirf us vikram par nahi madha ja sakta. Agar gaur se soche to hame zarur samajh aayega ki hamse kahi zyada dukh dard usne saha hai aur ab bhi sah hi raha hai. Ham sabne to ab tak apni zindagi aisho araam se ji aur ham sabka apna apna ek pariwar bhi ban gaya lekin uske jeewan me to kabhi kuch achha hua hi nahi. Uski saari jawaani jail me patthar todte huye guzar gayi. Kya usne kabhi koi sapne nahi dekhe honge? Kya uske dil me koi armaan na rahe honge? Zarur rahe honge bhaiya lekin use mila kya....ek aise jurm ki bhayanak saza jise usne kiya hi nahi tha. Aaj agar wo beraham hai aur kisi ke liye bhi uske dil me koi jazbaat nahi hain to iske jimmedaar hamare apne hi the. Usko aisa banane wale hamare apne hi the bhaiya aur ye to jag zaahir baat hai ki jaisa beej zameen ke andar daaloge waisi hi fasal kaatne ko milegi. Main maanti hu ki usne kuch kaam aise bhi kiye hain jo use nahi karna chahiye tha magar main ye bhi samajhti hu ki jab bhayanak tufaan aata hai to us tufaan me sab kuch tabaah ho jata hai. Khair aapne bilkul thik kiya bhaiya ki aapne usse aisa sauda kar liya. Vikram ki kaid me main bhale hi itne dino se thi lekin ye sach hai ki usne kabhi bhi mere sath kuch bura nahi kiya. Halaaki maine use apni gandi harkato se uksaya bhi tha magar usne mere sath galat nahi kiya."

"Is baat ka yakeen to mujhe bhi tha meri bahan." Tarun ne kaha_____"Aur hamare mom dad ko bhi. Haan is baat ka dar zarur tha ki wo tujhe bhi jaan se na maar daale."

"Khair ye sab chhodiye." Minakshi ne jaise pahlu badla____"Aur ye bataiye ki ab aage ka kya vichaar hai? Mera matlab hai ki ham dono kab tak is tarah baahari duniya se gayab rahenge?"

"Bas kuch hi dino ki baat hai minakshi." Tarun ne ek cigarette jala kar kaha____"Uske baad sab kuch thik ho jaayega. Maine to ye tak soch liya hai ki is sabke baad main apna karobaar aur ghar baar bech kar kisi dusre shahar me apne bachcho ke sath ek naya jeewan shuru karuga."

"Bilkul sahi socha hai aapne." Minakshi ne kaha____"Is shahar me rahenge to is sabke baad bhi kabhi chain se rah nahi payenge. Khair ye bataiye ki aapka dost vikram abhi kaha hai?"

"Wo zafar ka kissa tamaam karne gaya hai." Tarun ne kuch sochte huye kaha_____"Jaldi hi gulfam uncle ke ghar me ham sabki tarah maatam chhane wala hai."

"Badi ajeeb baat hai na bhaiya." Minakshi kuch sochte huye boli_____"Gulfam uncle ne apni puri family ko bahut pahle hi videsh me shift kar diya tha, yaha tak ki zafar bhi wahi tha lekin unke kiye huye gunaah unhe isi shahar me waapas le aaye."

Minakshi ki baat sun kar tarun ke hotho par ek ajeeb si muskaan ubhar aayi. Usne kaha kuch nahi bas kuch sochte huye cigarette pita raha.

[][][][][][]

"Chalo baate bahut ho gayi pyare." Maine apne bag se wahi khanzar nikalate huye kaha jis khanzar se maine baakiyo ka katl kiya tha. Us khanzar ko zafar ki aankho ke saamne lahraate huye usse kaha____"Ab tumhara is duniya se rukhsat hone ka wakt aa gaya hai. Agar koi aakhiri khwaaish ho to bata sakte ho mujhe."

"Koi faayda nahi hai vikram." Zafar ne dard mishrit muskaan ke sath kaha____"Kyoki tu meri khwaaish puri nahi kar sakta."

"Are to maine kab kaha ki main teri koi khwaaish puri karuga?" Maine zor se haste huye kaha____"Maine to aupchaarikta ke chalte tujhse puchha tha. Sach kahu to mujhe is baat se ghanta koi fark nahi padta ki teri koi khwaaish hai ya nahi. Marna to tujhe dono hi surat me hai."

"Tu beshak mujhe jaan se maar de vikram." Zafar ne apne dard ko sahte huye kathorta se kaha____"Magar yakeen kar tu khud bhi zyada wakt tak is duniya me zinda nahi rahega. Mere abbu aur sanstha ke log tujhe jahannum se bhi khoj laayenge aur fir tujhe bad se badtar maut denge. Haan agar tu meri jaan baksh dene ke baad mere abbu se aur baaki sabse apne gunaaho ki maafi maagega to mumkin hai ki tujhe bhayankar maut dene ka khayaal zahen se nikaal diya jaye."

"Bahut khoob." Main thahaka laga kar hansa fir bola____"Kya tujhe lagta hai ki vikram singh jaisa jiyala kisi ke saamne ghutno par baith kar apni jaan ki bheekh maagne ka khayaal bhi apne zahen me la sakta hai? Are maut to ek din sabko aani hai meri jaan lekin kisi se apni jaan ki bheekh maagne ka matlab hai usi wakt apni hasti ko nestanaboot kar dena. Tu meri fikar mat kar, jahannum se tu bhi dekhega ki ye vikram singh kis tarah tere baap ki aankho me aankhe daal kar uske jism se uski jaan nikaalega aur itna hi nahi CMS jaisi ghatiya sanstha ke vajood ko is shahar se mitayega."

"Tu sanstha ka kuch nahi bigaad payega vikram." Zafar pagalo ki tarah jor se hasta chala gaya tha fir bola____"Jabki sanstha chaahe to palak jhapakte hi tujhe khaak me mila de."

"Ab ye to wakt hi batayega pyare." Maine khanzar ko uske kareeb laate huye kaha____"Ki kaun kise khaak me milata hai. Afsos ki ye sab dekhne ke liye tu zinda nahi rahega lekin mujhe yakeen hai ki jahannum se tu live telecast zarur dekhega. Achha ab alvida meri jaan...!!"

Zafar ko laga tha ki main abhi kuch aur usse baate karuga magar aisa nahi hua. Uski ummid ke vipreet maine jhapat kar uske gale me khanzar ki tez dhaar ko rakha aur jhatka de diya. Nateeja zafar ka gala katta chala gaya. Uske kate gale se khoon ki tez dhaar uchhal kar nikli. Main tezi se side me ho gaya tha jiske chalte uska pichkaari sa maarta hua khoon mere upar nahi aa paya tha. Udhar zafar jal bin machhli ki tarah tadapne laga tha. Apne dono hatho se usne apne kate huye gale ko pakadne ki koshish kar raha tha. Aankho me khauf, ashcharya aur beyakini ke bhaav liye wo mujhe dekhe ja raha tha. Uske mukh se ajeeb ajeeb si awaaze nikal rahi thi. Mere dekhte hi dekhte zafar ki jeewan leela samaapt ho gayi. Zafar ka khoon use puri tarah se bhigo dene par amada tha.

[][][][][][]

Gulfam behad bechain tha aur uski haalat pagalo jaisi nazar aa rahi thi. Apne kamre me rakhi almaari ke locker me maujood instrument par wo kaafi der se jane kya kya karta ja raha tha. Har guzarte pal ke sath uske chehre ke bhaav aur bhi zyada bigadte ja rahe the. Wo kaafi der se kisi se sambandh banane ki koshish kar raha tha magar shayad use kamyaabi nahi mil rahi thi. Achanak usne us instrument ko dono hatho se utha liya aur baahar kheech kar bade zor se kamre ke farsh par patak diya. Patakne ki vajah se wo instrument kayi tukdo me bikhar gaya magar iske bavjood uske wo chhote chhote bulb jalte bujhte rahe. Gulfam ka gussa itne par bhi shaant na hua to usne apne pair ki boot se us instrument par bada tez prahaar kiya. Nateeja is baar us instrument ke wo bulb bujh gaye aur fir dubara jale hi nahi. Zaahir tha instrument ab puri tarah se destroy ho chuka tha.

Gulfam abhi gusse se us bikhre instrument ko dekh hi raha tha ki tabhi baahar se bhaagte huye kadmo ki aahat use sunaayi di. Usne palat kar dekha to paya ki kamre ke darwaze par uska chalees saala naukar sahma sa khada tha.

"Kya hua maalik?" Naukar ne puchhne ki maano himakat ki____"Wo bade joro ki awaaz aayi to main ye soch kar bhaagta hua aaya ki jane kya gir gaya hai."

"Dafa ho jaao yaha se." Gulfam gusse me dahada to naukar ko saamp sa soongh gaya. Gulfam ki aankho me gusse ka jaljala dekha to wo dubara kuch bolne ki himakat na kar saka aur chup chaap baahar chala gaya. Use samajh nahi aaya ki uska maalik itne gusse me kyo hai?

Naukar ko baahar gaye abhi kuch hi der huyi thi ki tabhi gulfam ki coat me pada uska mobile baj utha. Mobile ke bajne se gulfam ke chehre par maujood gusse me izafa hua aur usne usi gusse se apni jeb me se mobile nikaal kar uski screen par nazar daali. Screen par nazar aa rahe number ko dekhte hi uske chehre ke bhaav fauran badle aur usne call pick kar ke mobile ko jaldi se apne kaan se sata liya.

Uske kaan me udhar se kuch aisa kaha gaya jise sunte hi gulfam ke hath se mobile chhoot kar pakke farsh par gir gaya. Agle hi pal gulfam ki aankhe ajeeb andaaz me band hoti nazar aayi aur sath hi uska jism lahrane laga. Do pal bhi na lage uske jism ko lahra kar farsh par girne me. Udhar kuch hi doori par pade mobile me se dheemi awaaz me koi hello hello kahta ja raha tha.

✤༺✧༻✤
​

Update - 62
____________________



​

Vikram singh ki diary ko padhne me magan jailer shivkant wagle aur savitri sahsa chaunke. Baahar se koi zor zor se darwaza bajaye ja raha tha. Darwaza bajne ki awaaz par jaha ek taraf savitri hadbada kar bed se niche utri wahi wagle ne chaunk kar wall clock ki taraf dekha. Use ye dekh kar hairat huyi ki ghadi me shaam ke saat baj rahe the.

"Haye ram yaha itna andhera kyo hai?" Kamre ka darwaza khol kar jab savitri ne baahar andhera dekha to hairaani se bol padi thi____"Kya raat ho gayi hai?"

"Sahi samjha tumne." Diary ko band kar ke use apne briefcase me rakhte huye wagle ne kaha_____"Ham dono vikram ki diary ko padhne me itna kho gaye the ki samay ke guzar jane ka ehsaas hi nahi hua hame."

Wagle ki baat sun kar savitri abhi kuch bolne hi wali thi ki tabhi baahar ka darwaza fir se bajaya gaya. Savitri ne sabse pahle diwaar me tatol kar bijli ka switch khoja fir button ko on kar ke bulb jalaya. Bulb ke jalte hi roshni fail gayi.

"Aap kaha chali gayi thi mom?" Darwaza khula to savitri ke bete chandrakant ne apni maa ko dekh jhallaye huye lahje me kaha____"Kitni der se darwaza khatkhata raha hu. Kya sunaayi nahi de raha tha aapko?"

"Maaf kar de beta." Savitri ne khed bhare bhav se kaha___"Shayad kuch zyada hi gahri neend me thi main is liye sun nahi paayi thi. Khair tu akela hi aaya hai kya? Teri bahan supriya nahi aayi tere sath?"

"Usne kaha ki wo neha ke sath next sunday ko aayegi." Chandrakant ne andar daakhil hote huye kaha____"Aap bataiye dad kaise hain? Unki tabiyat ab thik hai na?"

"Haan ab wo thik hain." Darwaza band kar ke savitri ne har jagah ki light jalate huye kaha____"Kal se duty jane lagenge wo."

Savitri ki baat sun kar chandrakant aage kuch na bola aur apne kamre ki taraf badh gaya. Idhar savitri bhi chaay banane ke liye kitchen ki taraf badh gayi.

Aaj dinner har roz ki apeksha thoda late taiyar hua. Dinner ke dauran wagle ne apne bete chandrakant se uska aur uski mausi ka haal chaal puchha aur ye bhi ki supriya uske sath kyo nahi aayi? Chandrakant ne apne baap ko wahi bataya jo apni maa ko pahle hi bata chuka tha.

Khair dinner se faarig ho kar wagle apni biwi ke sath kamre me aa gaya. Dono ko hi vikram singh ki diary ko padhne ki jaldi thi. Asal me kahani apne climax ki taraf tezi se badh rahi thi aur dono hi ye jaanne ko utsuk the ki CMS jaisi sanstha ko chalane wala uska maalik kaun hai? Sabse badi baad kya vikram aisi sanstha ka vajood mitane me kamyab hua hoga ya nahi? Itna to wagle bhi samjha gaya tha ki CMS jaisi sanstha ne in bees saalo me apni jado ko itna majbut aur bada zarur kar liya hoga ki uske vajood ko mita pana kisi ke liye bhi asaan baat nahi ho sakti hai. Baharhaal, dono hi pati patni bed par let gaye. Wagle ne apne briefcase se vikram ki diary nikaali aur aage ka kissa dono ne man hi man padhna shuru kar diya.

[][][][][][]

Achanak darwaze par ajeeb si awaaze huyi to bandhano me jakdi maya chaunki aur sath hi uski dhadkane bhi tez ho gayi. Chehre par ghabrahat liye wo ektak darwaze ki taraf hi dekhne lagi thi. Udhar kuch hi palo me halki awaaz ke sath darwaza khula aur khule darwaze se andar daakhil hote jis shakhs par uski nazar padi use dekhte hi uski aankhe aashcharya aur avishwaas se fail gayi. Dil ki dhadkane asmaanya gati se teevra ho gayi.

"V...vikram??" Fir uske mujh se atakta hua swar nikla_____"Ye tum ho?"
"Hu to main hi." Maine darwaze ko band kar ke uski taraf palat kar kaha____"Par shayad tumhe yaha par kisi aur ke aane ki ummid thi...hai na?"

Meri baat sunte hi maya ke chehre par kayi tarah ke bhaav aate jate nazar aaye. Wo bade dhyaan se mere chehre par maujood bhaavo ko padhne ki ya fir ye kahe ki samajhne ki koshish kar rahi thi.

"Kya hua?" Maine uske ekdam kareeb aa kar uski ankho me dekhte huye thoda shakht bhaav se kaha____"Jawaab kyo nahi de rahi tum? Ya fir main ye samjhu ki tumhare paas mere sawaal ka koi jawaab hi nahi hai?"

"T...tum ye kya kah rahe ho vikram?" Maya ne uljhan poorn bhaav se kaha____"Meri kuch samajh me nahi aa raha."

"Asal me galti meri hi hai dear." Maine feeki muskaan ke sath kaha____"Mujhe ye galat fahmi nahi paalni chahiye thi ki is duniya me har koi bura nahi hota balki kuch achhe log bhi hote hain jinki vajah se ye duniya apne vajood ko salamat rakhe huye hai. Mujhe ye hargiz nahi sochna chahiye tha ki is duniya me koi aisa bhi ho sakta hai jo mujhe apna samajhta hai aur mujhe dilo jaan se prem karta hai. Saari ki saari galti meri hi thi maya. Bees saal jail me itne dukh dard sahne ke baad bhi main ye soch lene ki himakat kar baitha ki is beraham duniya me kahi koi nek-dil insaan bhi ho sakta hai."

Kahte kahte mere andar aisa tufaan aur aisa gubaar uth khada hua ki meri awaaz kaampne lagi thi. Maine khamosh ho kar aur aankhe band kar ke apne andar ke tufaan aur jazbaato ko niyantrit karne ki koshish karne laga. Udhar maya mujhe aise dekh rahi thi jaise main achanak hi kisi jinn me tabdeel ho gaya tha. Chehra ghabrahat se bhar gaya tha uska. Maathe par palak jhapakte hi dher saara paseena ubhar aaya tha.

"Jail se jab main baahar aaya tha." Uski taraf dekhte huye maine fir se bolna shuru kiya____"Tab sirf ek hi khwaaish aur maksad tha ki jinhone meri zindagi ko nark bana diya tha unka is duniya se naamo nishaan mita dooga, bhale hi uske liye mujhe apni jaan se bhi hath kyo na dhona pad jaye. Lekin....lekin jab tum mili to ek alag hi ehsaas dil me jaag utha. Tumne jab bataya ki tumne mere pyar ki ek aisi nishaani ko janm diya hai jo hubahu meri hi tarah dikhta hai to kasam se jine ki lalak paida ho gayi. Jis upar wale ko main bees saalo se kosta aaya tha usko maine tahe dil se hazaaro baar shukriya kaha tha. Bhala main ye kaise tasavvur kar sakta tha ki mere sath ye jis tarah ka achanak se pariwartan hua tha uske pichhe kisi ki sochi samjhi saazish thi? Main ye kaise kalpana kar sakta tha ki koi mere soye huye ehsaaso ko jaga kar mujhe aisi maut maar dene ka khwaab sanjoye huye tha jiski main saat janmo me bhi kalpana nahi kar sakta tha. Kyo maya....aakhir kyo kiya tumne mere sath aisa?"

"M..m..maine kya kiya hai?" Maya buri tarah hadbada kar haklaate huye boli thi.
"Mujhse ab kuch bhi chhupa nahi raha maya." Maine sanjeedgi se uski taraf dekha, mera dil is wakt behad takleef me tha____"Man to kiya tha ki jisne meri bhavnaao ke sath khela hai usko aisi maut du ki agle kisi bhi janm me wo kisi ki bhavnaao ke sath is tarah khelne ka na soche magar maine aisa nahi kiya. Jaanti ho kyo? Kyoki main tumhare mukh se sunna chaahta tha ki mere sath is tarah ka fareb kyo kiya tumne? Mujhse be-inteha prem karne ka jo daawa tumne kiya tha kya wo sab jhooth tha?"

Meri baate sun kar maya ki aankhe band ho gayi aur fir band palko se sahsa aansuo ki dhaara bah chali. Main usi ki taraf dekh raha tha. Shayad meri baato se wo samajh gayi thi ki ab mere saamne uska kisi bhi baat se mukarma bekaar hi tha. Idhar mere andar maano aag lagi huyi thi jise main badi mushkil se kaabu kiye huye tha.

"Mujhe maaf kar do vikram." Fir maya ne dukhi bhaav se kaha____"Maine jo kuch bhi tumhare sath kiya hai wo sab karne ke liye main majboor thi. Ye baat ya to upar baitha hua vidhata jaanta hai ya fir mera dil ki maine tumhare sath fareb karne ke liye apne dil ko kitni mushkil se patthar banaya tha. Halaaki is sabke liye main har roz apne aapko kosti hu aur ye dua bhi karti hu ki mujhe maut aa jaaye."

Maya itna kahne ke baad sahsa chup ho gayi. Asal me wo apne jazbaato ko samhaal hi nahi paayi thi jiske chalte usse aage kuch bola hi nahi gaya tha. Ek taraf jaha uska chehra dukh aur santaap me dooba hua dikhne laga tha wahi uski aankho se aansu bhi bahte ja rahe the.

"Maine tumhare sath majburi me fareb zarur kiya hai vikram." Kuch palo baad usne fir se kaha____"Lekin puri tarah se nahi, kyoki ye dil jinhe toot toot kar mohabbat kar raha hota hai wo itna bhi patthar ka nahi ban sakta ki apne mahboob ko mukammal taur par nuksaan pahucha de. Haan vikram, tumhare prati mera prem meri chaahat ekdam sachchi hai."

"Band karo apni ye bakwas." Main gusse se maano cheekh hi pada____"Ab main tumhare fareb me fasne wala nahi hu. Ye sach hai ki mere dil me tumhare prati chaahat paida ho gayi thi lekin tumhara fareb dekhne ke baad wo chaahat palak jhapakte hi khaak ho chuki hai. Ab is dil me agar kuch hai to sirf nafrat. Un logo se bhi kahi zyada jinhone mere apno ki jaan le kar meri zindagi barbaad ki hai."

"Tumhari nafrat kabool hai mere dilbar." Maya siskate huye boli____"Mujhe to khud hi us din apne aapse nafrat ho gayi thi jis din maine majburi me tumse fareb karna accept kar liya tha. Maine bahut koshish ki ke tumhare andar maujood badle ki aag shaant ho jaye aur tum ek nayi zindagi ki shuruaat karo magar main kamyaab nahi ho paayi aur fir wahi hota gaya jo nahi hona chahiye tha."

"Apne fareb ka kissa mat sunaao mujhe." Maine use bich me hi tookte huye kaha____"Main sirf ye jaanna chaahta hu mere sath is tarah ka fareb kyo kiya? Wo kaun hai jiska mohra ban kar tum mere kareeb aayi thi?"

"CMS ka chief." Maya ne kaha____"Usi ne mujhe majbur kar ke tumhare paas aane ko kaha tha."

"Waah bahut khoob." Maine zor zor se taaliya bajate huye kaha____"Iska matlab to ye bhi hua ki tum aaj bhi us ghatiya sanstha ki member ho aur uske prati wafadaar bhi ho. Tabhi to apne chief ke kahne par meri bhavnaao se khelne ke liye mere paas aa gayi thi."

"Ye bilkul bhi sach nahi hai vikram." Maya ne hataash bhaav se kaha____"Maine to sanstha ko tabhi alvida kah diya tha jab tumhe umar kaid ki saza ho gayi thi. Us din tumse milne par maine apni jo kahani tumhe bataayi thi wo zarur CMS ke chief ki gadhi huyi kahani thi lekin tumhare prati mera prem aur mera samarpan jhootha nahi hai. Bees saal pahle main bhi is shahar se gaayab ho gayi thi. Asal me apni aisi zindagi se tang aa gayi thi main. Tumhe saza ho gayi to mere andar bhi jine ki hasrat nahi rah gayi thi. Maine ek din suicide karne ki koshish ki thi magar ain wakt par ek aurat ne mujhe pakad liya. Uske puchhne par maine use sab kuch bataya. Meri kahani sun kar wo aurat bada hairaan huyi thi fir usne bataya ki wo ek aise NGO ki member hai jaha par mere hi jaisi duniya ki sataayi huyi aurto ko behtar jeewan dene ki koshish ki jati hai. Us aurat ne mujhe bahut samjhaya ki baat chaahe jitni bhi badi ho lekin uske liye kisi bhi insaan ka suicide karna uchit nahi hai. Duniya me mujhse bhi kahi zyada dukhi aur sataye huye log maujood hain fir bhi wo apne jeewan ko naya mod de kar ek nayi shuruaat karte hain. Khair us aurat ne bataya ki wo madhya pradesh ke indore ki rahne wali hai. Yaha par wo apne kisi kaam se aayi thi. Aakhir us aurat ke zor dene par mujhe uske sath indore jana hi pada. Uske baad jaisa ki usne kaha tha maine apne jeewan ko ek alag disha di aur wahi sabke sath rahne lagi. Aise hi wakt guzarta raha magar yakeen maano itne saalo me na to main tumhe bhula saki aur na hi apne dil se tumhare prem ko mita saki. Is baat ka dar bhi hamesha satata rahta tha ki jis sanstha ko alvida kah ke main yaha aayi thi us sanstha ke log meri khoj zarur karenge. Mera naseeb bachpan se hi behad kharaab tha is liye kabhi kuch achha hone ki ummid hi nahi kar paati thi main. Yahi vajah thi ki us aurat se maine kah diya tha ki main na to kabhi NGO ke baahar jaaugi aur na hi NGO ke kisi program ka hissa banugi. Us aurat ko bhi is baat ka ehsaas tha ki main jis sanstha se talluk rakhti thi wo log itna jaldi mujhe chhodne wale nahi the. Khair zindagi aise hi chalti rahi. Upar wale ka aisa karam hua ki bees saal bina kisi samasya ke guzar gaye. Sanstha ka dar zarur satata raha tha lekin ye bhi sach tha ki sanstha ke log mujhe kabhi khoj nahi paaye the. Ya fir ye bhi ho sakta tha ki sanstha ke logo ne mujhe khojne me zyada dilchaspi hi na dikhaayi ho."

"Agar aisa tha." Maya saans lene ke liye jaise hi ruki to maine shakht bhaav se usse puchha____"To fir tum sanstha ke chief ke hath kaise lagi aur uska mohra kaise ban gayi?"

"Insaan ka ateet kabhi uska peechha nahi chhodta vikram." Maya ne sanjeedgi se kaha____"In bees saalo tak main bhale hi sanstha ki nazro se chhupi rahi thi magar fir wakt ne aisi karwat li ki main ek baar fir se unhi logo ke hath lag gayi jinse bachne ke liye maine sanstha ko alvida kaha tha. Asal me aisa meri hi galti se hua tha."

"Kya matlab?" Mere chehre par sochne wale bhaav ubhar aaye.

"Jaisa ki maine tumhe bataya ki bees saal bhale hi guzar gaye lekin in bees saalo me main na to kabhi tumhe bhool saki aur na hi apne dil se tumhari chaahat ko mita paayi." Maya ne gahri saans le kar kaha____"Main kyoki ye baat jaanti thi ki tumhe umar kaid ki saza huyi thi is liye aksar tarah tarah ki kalpanaye karti rahti thi. Jaise ki shayad kabhi aisa koi chamatkaar ho jaye jisse kanoon tumhari saza ko maaf hi kar de ya fir tum jail se faraar hi ho jaao. Itna to main bhi samajhti hi thi ki tumhe us baat ki saza huyi thi jo tumne kiya hi nahi tha to zaahir hai aise halaato me badle ki bhaavna hi paida hoti hai insaan ke andar. Agar badle ki bhaavna ke chalte insaan pagalpan ki had ko paar kar jaye to zyadatar yahi hota hai ki wo jail se kisi na kisi tarike se faraar ho jata hai aur fir tab tak shaant nahi baithta jab tak ki uska ek ek dushman uske hatho khaak me nahi mil jata. Aisi hi kalpanaye karti rahti thi main. Main chaah kar bhi tumse milne ya tumhe dekhne ke liye jail nahi aa sakti thi magar apne tarike se tumhare bare me pata kar liya karti thi. Khair kahte hain ki wakt har tarah ke zakhm aur yaade mita deta hai aur fir insaan ek naye maksad ke sath aage badh jata hai magar main na to kabhi tumhe bhula paayi aur na hi tumhari chaahat ko apne dil se mita paayi. Agar ye kahu to galat na hoga ki har guzarte wakt ke sath tumhare prati meri chaahat me izafa hi ho raha tha. Ek din jab mujhe pata chala ki tumhari saza ko maaf kar ke kanoon ne tumhe riha kar dene ka faisla kiya hai to kasam se main khushi se uchhalne lagi thi. NGO ki aurte mujhe yu chhoti bachchiyo ki tarah khushi se uchhalte dekha to unhe bada ashcharya hua. Sab ek dusre se kahne lagi ki kya main pagal ho gayi hu ya mere dimaag ka koi screw dheela ho gaya hai. Us raat meri aankho se neend gaayab thi. Mera man kar raha tha ki saari duniya ko bataau ki mere mahboob ko ek nayi zindagi mil gayi hai. Main nahi jaanti ki ye meri duaao ka asar tha ya kuch aur magar itna zarur samajh baithi thi ki upar wale ne tumhe us narak se azaad kiya hai to yakeenan mere liye hi kiya hai. Bas, uske baad saari raat tumhare sath ek nayi zindagi jine ke sapne sajaati rahi. Subah huyi to kisi bhi kaam me man nahi laga mera. Dil cheekh cheekh kah raha tha ki pankshi ki tarah ud kar tumhare paas pahuch jaau aur yakeen karo main sach me pankshi ki tarah ud jane se khud ko rok na saki. Teesre din main us aurat ko joki ab budhi ho chuki thi usko bata kar indore se delhi ki taraf ud chali. Tumse milne ki khushi aur pagalpan hi itna tha ki main ye soch hi na paayi thi ki mera aisa karna mere liye kitna bhaari pad sakta hai."

Maya saans lene ke liye ek baar fir se ruk gayi. Main khamoshi se uski baate sun raha tha aur ye bhi sochta ja raha tha ki wo jo kuch bata rahi thi usme kitni sachchaayi ho sakti hai? Kahi aisa to nahi ki pakde jane ki vajah se wo khud ko nirdosh saabit karne ke liye mujhe apni ek alag hi kahani gadh kar sunane lagi thi.

"Delhi aa kar main ek hotel me ruki." Maya ne fir se bolna shuru kiya____"Indore se to main aa gayi thi lekin ab ye nahi pata tha ki delhi jaise shahar me tumhe kaha khojugi? Dusri baat ye bhi thi ki jail se riha ho kar tum delhi me hi kahi maujood hoge ya kahi aur apna kayaam karoge? Hotel ke kamre me yahi sab sochte huye sahsa main chaunk padi aur ghabra bhi gayi. Mere zahen me achanak se ye baat ubhar aayi thi ki yaha par agar sanstha ke logo ne mujhe pahchaan liya to kya hoga? Ye sawaal hi aisa tha ki palak jhapakte hi tumse milne ki meri saari khushi kapoor ki tarah kafoor ho gayi aur dilo dimaag me sanstha ke prati khauf paida ho gaya. Mujhe samajh me nahi aa raha tha ki ab main kya karu? Fir maine faisla kar liya ki chaahe jo ho jaye lekin tumse milugi zarur. Bhale hi iske liye meri zindagi khatre me pad jaaye. Maine bade mushkil se us hotel ke kamre me do dino tak maano band rakha aur jab na raha gaya to hotel se baahar aa kar tumhari khoj me nikal padi. Saara din auto aur taxi me baithi delhi ki sadko me main ghoomti rahi magar main tumhe khojne me kamyab na huyi. Aise hi ek do nikal gaye. Tumhe khoj na paane se main ab pareshaan aur dukhi ho gayi thi. Upar wale se baar baar request kar rahi thi ki wo mujhe tum tak pahuchane ka koi raasta dikha de aur fir jaise sach me upar wale ne meri request ko accept kar liya. Chauthe din main ek taxi me baithi tumhe khoj hi rahi thi ki achanak ek jagah taxi ruk gayi. Us wakt shaam ka andhera chhaane laga tha. Maine dekha do teen nakabposh taxi ko ghere khade the. Isse pahle ki main kuch samajh paati un nakabposho ne jo kuch kiya bijli ki tezi se kiya. Nateeja kuch hi palo me taxi driver aur main behosh ho gaye. Main samajh gayi thi ki main sanstha ke logo dwara pahchaan li gayi thi aur ab main unke rahmo karam par thi."

✤༺✧༻✤​

 

[Shahrukh]

Zabardast update bhai keep posting

 

[ranipyaarkidiwani]

Update - 62
____________________



​

Vikram singh ki diary ko padhne me magan jailer shivkant wagle aur savitri sahsa chaunke. Baahar se koi zor zor se darwaza bajaye ja raha tha. Darwaza bajne ki awaaz par jaha ek taraf savitri hadbada kar bed se niche utri wahi wagle ne chaunk kar wall clock ki taraf dekha. Use ye dekh kar hairat huyi ki ghadi me shaam ke saat baj rahe the.

"Haye ram yaha itna andhera kyo hai?" Kamre ka darwaza khol kar jab savitri ne baahar andhera dekha to hairaani se bol padi thi____"Kya raat ho gayi hai?"

"Sahi samjha tumne." Diary ko band kar ke use apne briefcase me rakhte huye wagle ne kaha_____"Ham dono vikram ki diary ko padhne me itna kho gaye the ki samay ke guzar jane ka ehsaas hi nahi hua hame."

Wagle ki baat sun kar savitri abhi kuch bolne hi wali thi ki tabhi baahar ka darwaza fir se bajaya gaya. Savitri ne sabse pahle diwaar me tatol kar bijli ka switch khoja fir button ko on kar ke bulb jalaya. Bulb ke jalte hi roshni fail gayi.

"Aap kaha chali gayi thi mom?" Darwaza khula to savitri ke bete chandrakant ne apni maa ko dekh jhallaye huye lahje me kaha____"Kitni der se darwaza khatkhata raha hu. Kya sunaayi nahi de raha tha aapko?"

"Maaf kar de beta." Savitri ne khed bhare bhav se kaha___"Shayad kuch zyada hi gahri neend me thi main is liye sun nahi paayi thi. Khair tu akela hi aaya hai kya? Teri bahan supriya nahi aayi tere sath?"

"Usne kaha ki wo neha ke sath next sunday ko aayegi." Chandrakant ne andar daakhil hote huye kaha____"Aap bataiye dad kaise hain? Unki tabiyat ab thik hai na?"

"Haan ab wo thik hain." Darwaza band kar ke savitri ne har jagah ki light jalate huye kaha____"Kal se duty jane lagenge wo."

Savitri ki baat sun kar chandrakant aage kuch na bola aur apne kamre ki taraf badh gaya. Idhar savitri bhi chaay banane ke liye kitchen ki taraf badh gayi.

Aaj dinner har roz ki apeksha thoda late taiyar hua. Dinner ke dauran wagle ne apne bete chandrakant se uska aur uski mausi ka haal chaal puchha aur ye bhi ki supriya uske sath kyo nahi aayi? Chandrakant ne apne baap ko wahi bataya jo apni maa ko pahle hi bata chuka tha.

Khair dinner se faarig ho kar wagle apni biwi ke sath kamre me aa gaya. Dono ko hi vikram singh ki diary ko padhne ki jaldi thi. Asal me kahani apne climax ki taraf tezi se badh rahi thi aur dono hi ye jaanne ko utsuk the ki CMS jaisi sanstha ko chalane wala uska maalik kaun hai? Sabse badi baad kya vikram aisi sanstha ka vajood mitane me kamyab hua hoga ya nahi? Itna to wagle bhi samjha gaya tha ki CMS jaisi sanstha ne in bees saalo me apni jado ko itna majbut aur bada zarur kar liya hoga ki uske vajood ko mita pana kisi ke liye bhi asaan baat nahi ho sakti hai. Baharhaal, dono hi pati patni bed par let gaye. Wagle ne apne briefcase se vikram ki diary nikaali aur aage ka kissa dono ne man hi man padhna shuru kar diya.

[][][][][][]

Achanak darwaze par ajeeb si awaaze huyi to bandhano me jakdi maya chaunki aur sath hi uski dhadkane bhi tez ho gayi. Chehre par ghabrahat liye wo ektak darwaze ki taraf hi dekhne lagi thi. Udhar kuch hi palo me halki awaaz ke sath darwaza khula aur khule darwaze se andar daakhil hote jis shakhs par uski nazar padi use dekhte hi uski aankhe aashcharya aur avishwaas se fail gayi. Dil ki dhadkane asmaanya gati se teevra ho gayi.

"V...vikram??" Fir uske mujh se atakta hua swar nikla_____"Ye tum ho?"
"Hu to main hi." Maine darwaze ko band kar ke uski taraf palat kar kaha____"Par shayad tumhe yaha par kisi aur ke aane ki ummid thi...hai na?"

Meri baat sunte hi maya ke chehre par kayi tarah ke bhaav aate jate nazar aaye. Wo bade dhyaan se mere chehre par maujood bhaavo ko padhne ki ya fir ye kahe ki samajhne ki koshish kar rahi thi.

"Kya hua?" Maine uske ekdam kareeb aa kar uski ankho me dekhte huye thoda shakht bhaav se kaha____"Jawaab kyo nahi de rahi tum? Ya fir main ye samjhu ki tumhare paas mere sawaal ka koi jawaab hi nahi hai?"

"T...tum ye kya kah rahe ho vikram?" Maya ne uljhan poorn bhaav se kaha____"Meri kuch samajh me nahi aa raha."

"Asal me galti meri hi hai dear." Maine feeki muskaan ke sath kaha____"Mujhe ye galat fahmi nahi paalni chahiye thi ki is duniya me har koi bura nahi hota balki kuch achhe log bhi hote hain jinki vajah se ye duniya apne vajood ko salamat rakhe huye hai. Mujhe ye hargiz nahi sochna chahiye tha ki is duniya me koi aisa bhi ho sakta hai jo mujhe apna samajhta hai aur mujhe dilo jaan se prem karta hai. Saari ki saari galti meri hi thi maya. Bees saal jail me itne dukh dard sahne ke baad bhi main ye soch lene ki himakat kar baitha ki is beraham duniya me kahi koi nek-dil insaan bhi ho sakta hai."

Kahte kahte mere andar aisa tufaan aur aisa gubaar uth khada hua ki meri awaaz kaampne lagi thi. Maine khamosh ho kar aur aankhe band kar ke apne andar ke tufaan aur jazbaato ko niyantrit karne ki koshish karne laga. Udhar maya mujhe aise dekh rahi thi jaise main achanak hi kisi jinn me tabdeel ho gaya tha. Chehra ghabrahat se bhar gaya tha uska. Maathe par palak jhapakte hi dher saara paseena ubhar aaya tha.

"Jail se jab main baahar aaya tha." Uski taraf dekhte huye maine fir se bolna shuru kiya____"Tab sirf ek hi khwaaish aur maksad tha ki jinhone meri zindagi ko nark bana diya tha unka is duniya se naamo nishaan mita dooga, bhale hi uske liye mujhe apni jaan se bhi hath kyo na dhona pad jaye. Lekin....lekin jab tum mili to ek alag hi ehsaas dil me jaag utha. Tumne jab bataya ki tumne mere pyar ki ek aisi nishaani ko janm diya hai jo hubahu meri hi tarah dikhta hai to kasam se jine ki lalak paida ho gayi. Jis upar wale ko main bees saalo se kosta aaya tha usko maine tahe dil se hazaaro baar shukriya kaha tha. Bhala main ye kaise tasavvur kar sakta tha ki mere sath ye jis tarah ka achanak se pariwartan hua tha uske pichhe kisi ki sochi samjhi saazish thi? Main ye kaise kalpana kar sakta tha ki koi mere soye huye ehsaaso ko jaga kar mujhe aisi maut maar dene ka khwaab sanjoye huye tha jiski main saat janmo me bhi kalpana nahi kar sakta tha. Kyo maya....aakhir kyo kiya tumne mere sath aisa?"

"M..m..maine kya kiya hai?" Maya buri tarah hadbada kar haklaate huye boli thi.
"Mujhse ab kuch bhi chhupa nahi raha maya." Maine sanjeedgi se uski taraf dekha, mera dil is wakt behad takleef me tha____"Man to kiya tha ki jisne meri bhavnaao ke sath khela hai usko aisi maut du ki agle kisi bhi janm me wo kisi ki bhavnaao ke sath is tarah khelne ka na soche magar maine aisa nahi kiya. Jaanti ho kyo? Kyoki main tumhare mukh se sunna chaahta tha ki mere sath is tarah ka fareb kyo kiya tumne? Mujhse be-inteha prem karne ka jo daawa tumne kiya tha kya wo sab jhooth tha?"

Meri baate sun kar maya ki aankhe band ho gayi aur fir band palko se sahsa aansuo ki dhaara bah chali. Main usi ki taraf dekh raha tha. Shayad meri baato se wo samajh gayi thi ki ab mere saamne uska kisi bhi baat se mukarma bekaar hi tha. Idhar mere andar maano aag lagi huyi thi jise main badi mushkil se kaabu kiye huye tha.

"Mujhe maaf kar do vikram." Fir maya ne dukhi bhaav se kaha____"Maine jo kuch bhi tumhare sath kiya hai wo sab karne ke liye main majboor thi. Ye baat ya to upar baitha hua vidhata jaanta hai ya fir mera dil ki maine tumhare sath fareb karne ke liye apne dil ko kitni mushkil se patthar banaya tha. Halaaki is sabke liye main har roz apne aapko kosti hu aur ye dua bhi karti hu ki mujhe maut aa jaaye."

Maya itna kahne ke baad sahsa chup ho gayi. Asal me wo apne jazbaato ko samhaal hi nahi paayi thi jiske chalte usse aage kuch bola hi nahi gaya tha. Ek taraf jaha uska chehra dukh aur santaap me dooba hua dikhne laga tha wahi uski aankho se aansu bhi bahte ja rahe the.

"Maine tumhare sath majburi me fareb zarur kiya hai vikram." Kuch palo baad usne fir se kaha____"Lekin puri tarah se nahi, kyoki ye dil jinhe toot toot kar mohabbat kar raha hota hai wo itna bhi patthar ka nahi ban sakta ki apne mahboob ko mukammal taur par nuksaan pahucha de. Haan vikram, tumhare prati mera prem meri chaahat ekdam sachchi hai."

"Band karo apni ye bakwas." Main gusse se maano cheekh hi pada____"Ab main tumhare fareb me fasne wala nahi hu. Ye sach hai ki mere dil me tumhare prati chaahat paida ho gayi thi lekin tumhara fareb dekhne ke baad wo chaahat palak jhapakte hi khaak ho chuki hai. Ab is dil me agar kuch hai to sirf nafrat. Un logo se bhi kahi zyada jinhone mere apno ki jaan le kar meri zindagi barbaad ki hai."

"Tumhari nafrat kabool hai mere dilbar." Maya siskate huye boli____"Mujhe to khud hi us din apne aapse nafrat ho gayi thi jis din maine majburi me tumse fareb karna accept kar liya tha. Maine bahut koshish ki ke tumhare andar maujood badle ki aag shaant ho jaye aur tum ek nayi zindagi ki shuruaat karo magar main kamyaab nahi ho paayi aur fir wahi hota gaya jo nahi hona chahiye tha."

"Apne fareb ka kissa mat sunaao mujhe." Maine use bich me hi tookte huye kaha____"Main sirf ye jaanna chaahta hu mere sath is tarah ka fareb kyo kiya? Wo kaun hai jiska mohra ban kar tum mere kareeb aayi thi?"

"CMS ka chief." Maya ne kaha____"Usi ne mujhe majbur kar ke tumhare paas aane ko kaha tha."

"Waah bahut khoob." Maine zor zor se taaliya bajate huye kaha____"Iska matlab to ye bhi hua ki tum aaj bhi us ghatiya sanstha ki member ho aur uske prati wafadaar bhi ho. Tabhi to apne chief ke kahne par meri bhavnaao se khelne ke liye mere paas aa gayi thi."

"Ye bilkul bhi sach nahi hai vikram." Maya ne hataash bhaav se kaha____"Maine to sanstha ko tabhi alvida kah diya tha jab tumhe umar kaid ki saza ho gayi thi. Us din tumse milne par maine apni jo kahani tumhe bataayi thi wo zarur CMS ke chief ki gadhi huyi kahani thi lekin tumhare prati mera prem aur mera samarpan jhootha nahi hai. Bees saal pahle main bhi is shahar se gaayab ho gayi thi. Asal me apni aisi zindagi se tang aa gayi thi main. Tumhe saza ho gayi to mere andar bhi jine ki hasrat nahi rah gayi thi. Maine ek din suicide karne ki koshish ki thi magar ain wakt par ek aurat ne mujhe pakad liya. Uske puchhne par maine use sab kuch bataya. Meri kahani sun kar wo aurat bada hairaan huyi thi fir usne bataya ki wo ek aise NGO ki member hai jaha par mere hi jaisi duniya ki sataayi huyi aurto ko behtar jeewan dene ki koshish ki jati hai. Us aurat ne mujhe bahut samjhaya ki baat chaahe jitni bhi badi ho lekin uske liye kisi bhi insaan ka suicide karna uchit nahi hai. Duniya me mujhse bhi kahi zyada dukhi aur sataye huye log maujood hain fir bhi wo apne jeewan ko naya mod de kar ek nayi shuruaat karte hain. Khair us aurat ne bataya ki wo madhya pradesh ke indore ki rahne wali hai. Yaha par wo apne kisi kaam se aayi thi. Aakhir us aurat ke zor dene par mujhe uske sath indore jana hi pada. Uske baad jaisa ki usne kaha tha maine apne jeewan ko ek alag disha di aur wahi sabke sath rahne lagi. Aise hi wakt guzarta raha magar yakeen maano itne saalo me na to main tumhe bhula saki aur na hi apne dil se tumhare prem ko mita saki. Is baat ka dar bhi hamesha satata rahta tha ki jis sanstha ko alvida kah ke main yaha aayi thi us sanstha ke log meri khoj zarur karenge. Mera naseeb bachpan se hi behad kharaab tha is liye kabhi kuch achha hone ki ummid hi nahi kar paati thi main. Yahi vajah thi ki us aurat se maine kah diya tha ki main na to kabhi NGO ke baahar jaaugi aur na hi NGO ke kisi program ka hissa banugi. Us aurat ko bhi is baat ka ehsaas tha ki main jis sanstha se talluk rakhti thi wo log itna jaldi mujhe chhodne wale nahi the. Khair zindagi aise hi chalti rahi. Upar wale ka aisa karam hua ki bees saal bina kisi samasya ke guzar gaye. Sanstha ka dar zarur satata raha tha lekin ye bhi sach tha ki sanstha ke log mujhe kabhi khoj nahi paaye the. Ya fir ye bhi ho sakta tha ki sanstha ke logo ne mujhe khojne me zyada dilchaspi hi na dikhaayi ho."

"Agar aisa tha." Maya saans lene ke liye jaise hi ruki to maine shakht bhaav se usse puchha____"To fir tum sanstha ke chief ke hath kaise lagi aur uska mohra kaise ban gayi?"

"Insaan ka ateet kabhi uska peechha nahi chhodta vikram." Maya ne sanjeedgi se kaha____"In bees saalo tak main bhale hi sanstha ki nazro se chhupi rahi thi magar fir wakt ne aisi karwat li ki main ek baar fir se unhi logo ke hath lag gayi jinse bachne ke liye maine sanstha ko alvida kaha tha. Asal me aisa meri hi galti se hua tha."

"Kya matlab?" Mere chehre par sochne wale bhaav ubhar aaye.

"Jaisa ki maine tumhe bataya ki bees saal bhale hi guzar gaye lekin in bees saalo me main na to kabhi tumhe bhool saki aur na hi apne dil se tumhari chaahat ko mita paayi." Maya ne gahri saans le kar kaha____"Main kyoki ye baat jaanti thi ki tumhe umar kaid ki saza huyi thi is liye aksar tarah tarah ki kalpanaye karti rahti thi. Jaise ki shayad kabhi aisa koi chamatkaar ho jaye jisse kanoon tumhari saza ko maaf hi kar de ya fir tum jail se faraar hi ho jaao. Itna to main bhi samajhti hi thi ki tumhe us baat ki saza huyi thi jo tumne kiya hi nahi tha to zaahir hai aise halaato me badle ki bhaavna hi paida hoti hai insaan ke andar. Agar badle ki bhaavna ke chalte insaan pagalpan ki had ko paar kar jaye to zyadatar yahi hota hai ki wo jail se kisi na kisi tarike se faraar ho jata hai aur fir tab tak shaant nahi baithta jab tak ki uska ek ek dushman uske hatho khaak me nahi mil jata. Aisi hi kalpanaye karti rahti thi main. Main chaah kar bhi tumse milne ya tumhe dekhne ke liye jail nahi aa sakti thi magar apne tarike se tumhare bare me pata kar liya karti thi. Khair kahte hain ki wakt har tarah ke zakhm aur yaade mita deta hai aur fir insaan ek naye maksad ke sath aage badh jata hai magar main na to kabhi tumhe bhula paayi aur na hi tumhari chaahat ko apne dil se mita paayi. Agar ye kahu to galat na hoga ki har guzarte wakt ke sath tumhare prati meri chaahat me izafa hi ho raha tha. Ek din jab mujhe pata chala ki tumhari saza ko maaf kar ke kanoon ne tumhe riha kar dene ka faisla kiya hai to kasam se main khushi se uchhalne lagi thi. NGO ki aurte mujhe yu chhoti bachchiyo ki tarah khushi se uchhalte dekha to unhe bada ashcharya hua. Sab ek dusre se kahne lagi ki kya main pagal ho gayi hu ya mere dimaag ka koi screw dheela ho gaya hai. Us raat meri aankho se neend gaayab thi. Mera man kar raha tha ki saari duniya ko bataau ki mere mahboob ko ek nayi zindagi mil gayi hai. Main nahi jaanti ki ye meri duaao ka asar tha ya kuch aur magar itna zarur samajh baithi thi ki upar wale ne tumhe us narak se azaad kiya hai to yakeenan mere liye hi kiya hai. Bas, uske baad saari raat tumhare sath ek nayi zindagi jine ke sapne sajaati rahi. Subah huyi to kisi bhi kaam me man nahi laga mera. Dil cheekh cheekh kah raha tha ki pankshi ki tarah ud kar tumhare paas pahuch jaau aur yakeen karo main sach me pankshi ki tarah ud jane se khud ko rok na saki. Teesre din main us aurat ko joki ab budhi ho chuki thi usko bata kar indore se delhi ki taraf ud chali. Tumse milne ki khushi aur pagalpan hi itna tha ki main ye soch hi na paayi thi ki mera aisa karna mere liye kitna bhaari pad sakta hai."

Maya saans lene ke liye ek baar fir se ruk gayi. Main khamoshi se uski baate sun raha tha aur ye bhi sochta ja raha tha ki wo jo kuch bata rahi thi usme kitni sachchaayi ho sakti hai? Kahi aisa to nahi ki pakde jane ki vajah se wo khud ko nirdosh saabit karne ke liye mujhe apni ek alag hi kahani gadh kar sunane lagi thi.

"Delhi aa kar main ek hotel me ruki." Maya ne fir se bolna shuru kiya____"Indore se to main aa gayi thi lekin ab ye nahi pata tha ki delhi jaise shahar me tumhe kaha khojugi? Dusri baat ye bhi thi ki jail se riha ho kar tum delhi me hi kahi maujood hoge ya kahi aur apna kayaam karoge? Hotel ke kamre me yahi sab sochte huye sahsa main chaunk padi aur ghabra bhi gayi. Mere zahen me achanak se ye baat ubhar aayi thi ki yaha par agar sanstha ke logo ne mujhe pahchaan liya to kya hoga? Ye sawaal hi aisa tha ki palak jhapakte hi tumse milne ki meri saari khushi kapoor ki tarah kafoor ho gayi aur dilo dimaag me sanstha ke prati khauf paida ho gaya. Mujhe samajh me nahi aa raha tha ki ab main kya karu? Fir maine faisla kar liya ki chaahe jo ho jaye lekin tumse milugi zarur. Bhale hi iske liye meri zindagi khatre me pad jaaye. Maine bade mushkil se us hotel ke kamre me do dino tak maano band rakha aur jab na raha gaya to hotel se baahar aa kar tumhari khoj me nikal padi. Saara din auto aur taxi me baithi delhi ki sadko me main ghoomti rahi magar main tumhe khojne me kamyab na huyi. Aise hi ek do nikal gaye. Tumhe khoj na paane se main ab pareshaan aur dukhi ho gayi thi. Upar wale se baar baar request kar rahi thi ki wo mujhe tum tak pahuchane ka koi raasta dikha de aur fir jaise sach me upar wale ne meri request ko accept kar liya. Chauthe din main ek taxi me baithi tumhe khoj hi rahi thi ki achanak ek jagah taxi ruk gayi. Us wakt shaam ka andhera chhaane laga tha. Maine dekha do teen nakabposh taxi ko ghere khade the. Isse pahle ki main kuch samajh paati un nakabposho ne jo kuch kiya bijli ki tezi se kiya. Nateeja kuch hi palo me taxi driver aur main behosh ho gaye. Main samajh gayi thi ki main sanstha ke logo dwara pahchaan li gayi thi aur ab main unke rahmo karam par thi."

✤༺✧༻✤​

Update badiya hai par ye sirf uske bare me hi kyu puch raha hai khud ke bacche ke bare me kyu nahi puch raha hai uske jesa dikhne vala ladka kaha se aaya ye kyu nahi puch raha hai aur to aur jab ye bees saal baad pakdi gayi hai to vikram kyu nahi pakad me aaya inke ye sochne vali baat hai ya phir ye ki tab tak vikram kuch kaand kiye na ho uske baad karna start kiye ho ye janne ke liye utsukta hai aur ye bhi vikram ko kese shak hua iss par bahut questions hai unke ans milege na?

 

[parkas]

Update - 62
____________________



​

Vikram singh ki diary ko padhne me magan jailer shivkant wagle aur savitri sahsa chaunke. Baahar se koi zor zor se darwaza bajaye ja raha tha. Darwaza bajne ki awaaz par jaha ek taraf savitri hadbada kar bed se niche utri wahi wagle ne chaunk kar wall clock ki taraf dekha. Use ye dekh kar hairat huyi ki ghadi me shaam ke saat baj rahe the.

"Haye ram yaha itna andhera kyo hai?" Kamre ka darwaza khol kar jab savitri ne baahar andhera dekha to hairaani se bol padi thi____"Kya raat ho gayi hai?"

"Sahi samjha tumne." Diary ko band kar ke use apne briefcase me rakhte huye wagle ne kaha_____"Ham dono vikram ki diary ko padhne me itna kho gaye the ki samay ke guzar jane ka ehsaas hi nahi hua hame."

Wagle ki baat sun kar savitri abhi kuch bolne hi wali thi ki tabhi baahar ka darwaza fir se bajaya gaya. Savitri ne sabse pahle diwaar me tatol kar bijli ka switch khoja fir button ko on kar ke bulb jalaya. Bulb ke jalte hi roshni fail gayi.

"Aap kaha chali gayi thi mom?" Darwaza khula to savitri ke bete chandrakant ne apni maa ko dekh jhallaye huye lahje me kaha____"Kitni der se darwaza khatkhata raha hu. Kya sunaayi nahi de raha tha aapko?"

"Maaf kar de beta." Savitri ne khed bhare bhav se kaha___"Shayad kuch zyada hi gahri neend me thi main is liye sun nahi paayi thi. Khair tu akela hi aaya hai kya? Teri bahan supriya nahi aayi tere sath?"

"Usne kaha ki wo neha ke sath next sunday ko aayegi." Chandrakant ne andar daakhil hote huye kaha____"Aap bataiye dad kaise hain? Unki tabiyat ab thik hai na?"

"Haan ab wo thik hain." Darwaza band kar ke savitri ne har jagah ki light jalate huye kaha____"Kal se duty jane lagenge wo."

Savitri ki baat sun kar chandrakant aage kuch na bola aur apne kamre ki taraf badh gaya. Idhar savitri bhi chaay banane ke liye kitchen ki taraf badh gayi.

Aaj dinner har roz ki apeksha thoda late taiyar hua. Dinner ke dauran wagle ne apne bete chandrakant se uska aur uski mausi ka haal chaal puchha aur ye bhi ki supriya uske sath kyo nahi aayi? Chandrakant ne apne baap ko wahi bataya jo apni maa ko pahle hi bata chuka tha.

Khair dinner se faarig ho kar wagle apni biwi ke sath kamre me aa gaya. Dono ko hi vikram singh ki diary ko padhne ki jaldi thi. Asal me kahani apne climax ki taraf tezi se badh rahi thi aur dono hi ye jaanne ko utsuk the ki CMS jaisi sanstha ko chalane wala uska maalik kaun hai? Sabse badi baad kya vikram aisi sanstha ka vajood mitane me kamyab hua hoga ya nahi? Itna to wagle bhi samjha gaya tha ki CMS jaisi sanstha ne in bees saalo me apni jado ko itna majbut aur bada zarur kar liya hoga ki uske vajood ko mita pana kisi ke liye bhi asaan baat nahi ho sakti hai. Baharhaal, dono hi pati patni bed par let gaye. Wagle ne apne briefcase se vikram ki diary nikaali aur aage ka kissa dono ne man hi man padhna shuru kar diya.

[][][][][][]

Achanak darwaze par ajeeb si awaaze huyi to bandhano me jakdi maya chaunki aur sath hi uski dhadkane bhi tez ho gayi. Chehre par ghabrahat liye wo ektak darwaze ki taraf hi dekhne lagi thi. Udhar kuch hi palo me halki awaaz ke sath darwaza khula aur khule darwaze se andar daakhil hote jis shakhs par uski nazar padi use dekhte hi uski aankhe aashcharya aur avishwaas se fail gayi. Dil ki dhadkane asmaanya gati se teevra ho gayi.

"V...vikram??" Fir uske mujh se atakta hua swar nikla_____"Ye tum ho?"
"Hu to main hi." Maine darwaze ko band kar ke uski taraf palat kar kaha____"Par shayad tumhe yaha par kisi aur ke aane ki ummid thi...hai na?"

Meri baat sunte hi maya ke chehre par kayi tarah ke bhaav aate jate nazar aaye. Wo bade dhyaan se mere chehre par maujood bhaavo ko padhne ki ya fir ye kahe ki samajhne ki koshish kar rahi thi.

"Kya hua?" Maine uske ekdam kareeb aa kar uski ankho me dekhte huye thoda shakht bhaav se kaha____"Jawaab kyo nahi de rahi tum? Ya fir main ye samjhu ki tumhare paas mere sawaal ka koi jawaab hi nahi hai?"

"T...tum ye kya kah rahe ho vikram?" Maya ne uljhan poorn bhaav se kaha____"Meri kuch samajh me nahi aa raha."

"Asal me galti meri hi hai dear." Maine feeki muskaan ke sath kaha____"Mujhe ye galat fahmi nahi paalni chahiye thi ki is duniya me har koi bura nahi hota balki kuch achhe log bhi hote hain jinki vajah se ye duniya apne vajood ko salamat rakhe huye hai. Mujhe ye hargiz nahi sochna chahiye tha ki is duniya me koi aisa bhi ho sakta hai jo mujhe apna samajhta hai aur mujhe dilo jaan se prem karta hai. Saari ki saari galti meri hi thi maya. Bees saal jail me itne dukh dard sahne ke baad bhi main ye soch lene ki himakat kar baitha ki is beraham duniya me kahi koi nek-dil insaan bhi ho sakta hai."

Kahte kahte mere andar aisa tufaan aur aisa gubaar uth khada hua ki meri awaaz kaampne lagi thi. Maine khamosh ho kar aur aankhe band kar ke apne andar ke tufaan aur jazbaato ko niyantrit karne ki koshish karne laga. Udhar maya mujhe aise dekh rahi thi jaise main achanak hi kisi jinn me tabdeel ho gaya tha. Chehra ghabrahat se bhar gaya tha uska. Maathe par palak jhapakte hi dher saara paseena ubhar aaya tha.

"Jail se jab main baahar aaya tha." Uski taraf dekhte huye maine fir se bolna shuru kiya____"Tab sirf ek hi khwaaish aur maksad tha ki jinhone meri zindagi ko nark bana diya tha unka is duniya se naamo nishaan mita dooga, bhale hi uske liye mujhe apni jaan se bhi hath kyo na dhona pad jaye. Lekin....lekin jab tum mili to ek alag hi ehsaas dil me jaag utha. Tumne jab bataya ki tumne mere pyar ki ek aisi nishaani ko janm diya hai jo hubahu meri hi tarah dikhta hai to kasam se jine ki lalak paida ho gayi. Jis upar wale ko main bees saalo se kosta aaya tha usko maine tahe dil se hazaaro baar shukriya kaha tha. Bhala main ye kaise tasavvur kar sakta tha ki mere sath ye jis tarah ka achanak se pariwartan hua tha uske pichhe kisi ki sochi samjhi saazish thi? Main ye kaise kalpana kar sakta tha ki koi mere soye huye ehsaaso ko jaga kar mujhe aisi maut maar dene ka khwaab sanjoye huye tha jiski main saat janmo me bhi kalpana nahi kar sakta tha. Kyo maya....aakhir kyo kiya tumne mere sath aisa?"

"M..m..maine kya kiya hai?" Maya buri tarah hadbada kar haklaate huye boli thi.
"Mujhse ab kuch bhi chhupa nahi raha maya." Maine sanjeedgi se uski taraf dekha, mera dil is wakt behad takleef me tha____"Man to kiya tha ki jisne meri bhavnaao ke sath khela hai usko aisi maut du ki agle kisi bhi janm me wo kisi ki bhavnaao ke sath is tarah khelne ka na soche magar maine aisa nahi kiya. Jaanti ho kyo? Kyoki main tumhare mukh se sunna chaahta tha ki mere sath is tarah ka fareb kyo kiya tumne? Mujhse be-inteha prem karne ka jo daawa tumne kiya tha kya wo sab jhooth tha?"

Meri baate sun kar maya ki aankhe band ho gayi aur fir band palko se sahsa aansuo ki dhaara bah chali. Main usi ki taraf dekh raha tha. Shayad meri baato se wo samajh gayi thi ki ab mere saamne uska kisi bhi baat se mukarma bekaar hi tha. Idhar mere andar maano aag lagi huyi thi jise main badi mushkil se kaabu kiye huye tha.

"Mujhe maaf kar do vikram." Fir maya ne dukhi bhaav se kaha____"Maine jo kuch bhi tumhare sath kiya hai wo sab karne ke liye main majboor thi. Ye baat ya to upar baitha hua vidhata jaanta hai ya fir mera dil ki maine tumhare sath fareb karne ke liye apne dil ko kitni mushkil se patthar banaya tha. Halaaki is sabke liye main har roz apne aapko kosti hu aur ye dua bhi karti hu ki mujhe maut aa jaaye."

Maya itna kahne ke baad sahsa chup ho gayi. Asal me wo apne jazbaato ko samhaal hi nahi paayi thi jiske chalte usse aage kuch bola hi nahi gaya tha. Ek taraf jaha uska chehra dukh aur santaap me dooba hua dikhne laga tha wahi uski aankho se aansu bhi bahte ja rahe the.

"Maine tumhare sath majburi me fareb zarur kiya hai vikram." Kuch palo baad usne fir se kaha____"Lekin puri tarah se nahi, kyoki ye dil jinhe toot toot kar mohabbat kar raha hota hai wo itna bhi patthar ka nahi ban sakta ki apne mahboob ko mukammal taur par nuksaan pahucha de. Haan vikram, tumhare prati mera prem meri chaahat ekdam sachchi hai."

"Band karo apni ye bakwas." Main gusse se maano cheekh hi pada____"Ab main tumhare fareb me fasne wala nahi hu. Ye sach hai ki mere dil me tumhare prati chaahat paida ho gayi thi lekin tumhara fareb dekhne ke baad wo chaahat palak jhapakte hi khaak ho chuki hai. Ab is dil me agar kuch hai to sirf nafrat. Un logo se bhi kahi zyada jinhone mere apno ki jaan le kar meri zindagi barbaad ki hai."

"Tumhari nafrat kabool hai mere dilbar." Maya siskate huye boli____"Mujhe to khud hi us din apne aapse nafrat ho gayi thi jis din maine majburi me tumse fareb karna accept kar liya tha. Maine bahut koshish ki ke tumhare andar maujood badle ki aag shaant ho jaye aur tum ek nayi zindagi ki shuruaat karo magar main kamyaab nahi ho paayi aur fir wahi hota gaya jo nahi hona chahiye tha."

"Apne fareb ka kissa mat sunaao mujhe." Maine use bich me hi tookte huye kaha____"Main sirf ye jaanna chaahta hu mere sath is tarah ka fareb kyo kiya? Wo kaun hai jiska mohra ban kar tum mere kareeb aayi thi?"

"CMS ka chief." Maya ne kaha____"Usi ne mujhe majbur kar ke tumhare paas aane ko kaha tha."

"Waah bahut khoob." Maine zor zor se taaliya bajate huye kaha____"Iska matlab to ye bhi hua ki tum aaj bhi us ghatiya sanstha ki member ho aur uske prati wafadaar bhi ho. Tabhi to apne chief ke kahne par meri bhavnaao se khelne ke liye mere paas aa gayi thi."

"Ye bilkul bhi sach nahi hai vikram." Maya ne hataash bhaav se kaha____"Maine to sanstha ko tabhi alvida kah diya tha jab tumhe umar kaid ki saza ho gayi thi. Us din tumse milne par maine apni jo kahani tumhe bataayi thi wo zarur CMS ke chief ki gadhi huyi kahani thi lekin tumhare prati mera prem aur mera samarpan jhootha nahi hai. Bees saal pahle main bhi is shahar se gaayab ho gayi thi. Asal me apni aisi zindagi se tang aa gayi thi main. Tumhe saza ho gayi to mere andar bhi jine ki hasrat nahi rah gayi thi. Maine ek din suicide karne ki koshish ki thi magar ain wakt par ek aurat ne mujhe pakad liya. Uske puchhne par maine use sab kuch bataya. Meri kahani sun kar wo aurat bada hairaan huyi thi fir usne bataya ki wo ek aise NGO ki member hai jaha par mere hi jaisi duniya ki sataayi huyi aurto ko behtar jeewan dene ki koshish ki jati hai. Us aurat ne mujhe bahut samjhaya ki baat chaahe jitni bhi badi ho lekin uske liye kisi bhi insaan ka suicide karna uchit nahi hai. Duniya me mujhse bhi kahi zyada dukhi aur sataye huye log maujood hain fir bhi wo apne jeewan ko naya mod de kar ek nayi shuruaat karte hain. Khair us aurat ne bataya ki wo madhya pradesh ke indore ki rahne wali hai. Yaha par wo apne kisi kaam se aayi thi. Aakhir us aurat ke zor dene par mujhe uske sath indore jana hi pada. Uske baad jaisa ki usne kaha tha maine apne jeewan ko ek alag disha di aur wahi sabke sath rahne lagi. Aise hi wakt guzarta raha magar yakeen maano itne saalo me na to main tumhe bhula saki aur na hi apne dil se tumhare prem ko mita saki. Is baat ka dar bhi hamesha satata rahta tha ki jis sanstha ko alvida kah ke main yaha aayi thi us sanstha ke log meri khoj zarur karenge. Mera naseeb bachpan se hi behad kharaab tha is liye kabhi kuch achha hone ki ummid hi nahi kar paati thi main. Yahi vajah thi ki us aurat se maine kah diya tha ki main na to kabhi NGO ke baahar jaaugi aur na hi NGO ke kisi program ka hissa banugi. Us aurat ko bhi is baat ka ehsaas tha ki main jis sanstha se talluk rakhti thi wo log itna jaldi mujhe chhodne wale nahi the. Khair zindagi aise hi chalti rahi. Upar wale ka aisa karam hua ki bees saal bina kisi samasya ke guzar gaye. Sanstha ka dar zarur satata raha tha lekin ye bhi sach tha ki sanstha ke log mujhe kabhi khoj nahi paaye the. Ya fir ye bhi ho sakta tha ki sanstha ke logo ne mujhe khojne me zyada dilchaspi hi na dikhaayi ho."

"Agar aisa tha." Maya saans lene ke liye jaise hi ruki to maine shakht bhaav se usse puchha____"To fir tum sanstha ke chief ke hath kaise lagi aur uska mohra kaise ban gayi?"

"Insaan ka ateet kabhi uska peechha nahi chhodta vikram." Maya ne sanjeedgi se kaha____"In bees saalo tak main bhale hi sanstha ki nazro se chhupi rahi thi magar fir wakt ne aisi karwat li ki main ek baar fir se unhi logo ke hath lag gayi jinse bachne ke liye maine sanstha ko alvida kaha tha. Asal me aisa meri hi galti se hua tha."

"Kya matlab?" Mere chehre par sochne wale bhaav ubhar aaye.

"Jaisa ki maine tumhe bataya ki bees saal bhale hi guzar gaye lekin in bees saalo me main na to kabhi tumhe bhool saki aur na hi apne dil se tumhari chaahat ko mita paayi." Maya ne gahri saans le kar kaha____"Main kyoki ye baat jaanti thi ki tumhe umar kaid ki saza huyi thi is liye aksar tarah tarah ki kalpanaye karti rahti thi. Jaise ki shayad kabhi aisa koi chamatkaar ho jaye jisse kanoon tumhari saza ko maaf hi kar de ya fir tum jail se faraar hi ho jaao. Itna to main bhi samajhti hi thi ki tumhe us baat ki saza huyi thi jo tumne kiya hi nahi tha to zaahir hai aise halaato me badle ki bhaavna hi paida hoti hai insaan ke andar. Agar badle ki bhaavna ke chalte insaan pagalpan ki had ko paar kar jaye to zyadatar yahi hota hai ki wo jail se kisi na kisi tarike se faraar ho jata hai aur fir tab tak shaant nahi baithta jab tak ki uska ek ek dushman uske hatho khaak me nahi mil jata. Aisi hi kalpanaye karti rahti thi main. Main chaah kar bhi tumse milne ya tumhe dekhne ke liye jail nahi aa sakti thi magar apne tarike se tumhare bare me pata kar liya karti thi. Khair kahte hain ki wakt har tarah ke zakhm aur yaade mita deta hai aur fir insaan ek naye maksad ke sath aage badh jata hai magar main na to kabhi tumhe bhula paayi aur na hi tumhari chaahat ko apne dil se mita paayi. Agar ye kahu to galat na hoga ki har guzarte wakt ke sath tumhare prati meri chaahat me izafa hi ho raha tha. Ek din jab mujhe pata chala ki tumhari saza ko maaf kar ke kanoon ne tumhe riha kar dene ka faisla kiya hai to kasam se main khushi se uchhalne lagi thi. NGO ki aurte mujhe yu chhoti bachchiyo ki tarah khushi se uchhalte dekha to unhe bada ashcharya hua. Sab ek dusre se kahne lagi ki kya main pagal ho gayi hu ya mere dimaag ka koi screw dheela ho gaya hai. Us raat meri aankho se neend gaayab thi. Mera man kar raha tha ki saari duniya ko bataau ki mere mahboob ko ek nayi zindagi mil gayi hai. Main nahi jaanti ki ye meri duaao ka asar tha ya kuch aur magar itna zarur samajh baithi thi ki upar wale ne tumhe us narak se azaad kiya hai to yakeenan mere liye hi kiya hai. Bas, uske baad saari raat tumhare sath ek nayi zindagi jine ke sapne sajaati rahi. Subah huyi to kisi bhi kaam me man nahi laga mera. Dil cheekh cheekh kah raha tha ki pankshi ki tarah ud kar tumhare paas pahuch jaau aur yakeen karo main sach me pankshi ki tarah ud jane se khud ko rok na saki. Teesre din main us aurat ko joki ab budhi ho chuki thi usko bata kar indore se delhi ki taraf ud chali. Tumse milne ki khushi aur pagalpan hi itna tha ki main ye soch hi na paayi thi ki mera aisa karna mere liye kitna bhaari pad sakta hai."

Maya saans lene ke liye ek baar fir se ruk gayi. Main khamoshi se uski baate sun raha tha aur ye bhi sochta ja raha tha ki wo jo kuch bata rahi thi usme kitni sachchaayi ho sakti hai? Kahi aisa to nahi ki pakde jane ki vajah se wo khud ko nirdosh saabit karne ke liye mujhe apni ek alag hi kahani gadh kar sunane lagi thi.

"Delhi aa kar main ek hotel me ruki." Maya ne fir se bolna shuru kiya____"Indore se to main aa gayi thi lekin ab ye nahi pata tha ki delhi jaise shahar me tumhe kaha khojugi? Dusri baat ye bhi thi ki jail se riha ho kar tum delhi me hi kahi maujood hoge ya kahi aur apna kayaam karoge? Hotel ke kamre me yahi sab sochte huye sahsa main chaunk padi aur ghabra bhi gayi. Mere zahen me achanak se ye baat ubhar aayi thi ki yaha par agar sanstha ke logo ne mujhe pahchaan liya to kya hoga? Ye sawaal hi aisa tha ki palak jhapakte hi tumse milne ki meri saari khushi kapoor ki tarah kafoor ho gayi aur dilo dimaag me sanstha ke prati khauf paida ho gaya. Mujhe samajh me nahi aa raha tha ki ab main kya karu? Fir maine faisla kar liya ki chaahe jo ho jaye lekin tumse milugi zarur. Bhale hi iske liye meri zindagi khatre me pad jaaye. Maine bade mushkil se us hotel ke kamre me do dino tak maano band rakha aur jab na raha gaya to hotel se baahar aa kar tumhari khoj me nikal padi. Saara din auto aur taxi me baithi delhi ki sadko me main ghoomti rahi magar main tumhe khojne me kamyab na huyi. Aise hi ek do nikal gaye. Tumhe khoj na paane se main ab pareshaan aur dukhi ho gayi thi. Upar wale se baar baar request kar rahi thi ki wo mujhe tum tak pahuchane ka koi raasta dikha de aur fir jaise sach me upar wale ne meri request ko accept kar liya. Chauthe din main ek taxi me baithi tumhe khoj hi rahi thi ki achanak ek jagah taxi ruk gayi. Us wakt shaam ka andhera chhaane laga tha. Maine dekha do teen nakabposh taxi ko ghere khade the. Isse pahle ki main kuch samajh paati un nakabposho ne jo kuch kiya bijli ki tezi se kiya. Nateeja kuch hi palo me taxi driver aur main behosh ho gaye. Main samajh gayi thi ki main sanstha ke logo dwara pahchaan li gayi thi aur ab main unke rahmo karam par thi."

✤༺✧༻✤​

Bahut hi shaandar update diya hai TheBlackBlood bhai....
Nice and lovely update...