Fantasy The Ring of Light

[Mr. Marvel]

Good opening....
First update se to aisa hi lag raha hai ki protagonist ayush hi hai....aur agar wahi hai to the chosen jiski baat marne se pehle hakimo kar raha tha woh yahi hai.... jis trh tumne show kiya ayush single mother child hai...jo ki kafi suljha hua aur apni maa ki madad karne wala beta hai...Yeh letter shayad isi Ethan ka lagta hai mere ko.... jis tarike se school mein dikhaya hai koi dude ya phir hero type ka launda nhi hai ayush aur na hi padhayi mein tez....aur dusri tarf jis par yeh fida hai Ritika woh kafi bold ladki hai...waise pyar k chakkar mein jnab ne pehla ghunsa bhi kha liya ....aur apna introduction bhi karwa liya....lekin yeh rocky mujhe aisa kyu lag raha ki aage ja kar yeh pitne wala hai ....
Excellently written....
Keep writing....
Keep posting.....
Stay safe....
Stay fit.....

Thanks bhai. Apne Ayush ka character kaafi achhe se padha hai. Baki dheere dheere aur bhi jyada dekhne ko milega. Baaki Rocky ka future uske khud ke hi hath mein hai.

Keep supporting bro.

 

[Mr. Marvel]

Awesome update bhai keep posting

Thanks bhai.

 

[Zaigham Bhatti]

Update kab aye ga

 

[Mr. Marvel]

Update kab aye ga

Bhai India ke Time ke Hisab se Raat ko ayega.

 

[Reza]

Waiting

 

[mashish]

waiting

 

[ragish7357]

Hakimo pedon- jhadion se takrate huye tezi se bhag raha tha. Tez barish aur kadakti bijli ke beech uske hamfne ki awaj alag hi gunj rahi thi. Wo thak chuka tha . aur bhagna uske liye Sambhaw nahi tha. Lekin sawal zindagi aur maut ka tha. Koi aur chara bhi toh nahi tha. Usne peeche mud kar dekha toh Nazim badi tezi se uski taraf badh rahe the. Kale ghode par sawar 7’5” ka daityakar aadmi. Kale kapde aur lambe baal. Uski hawa mein lehrati Talwar mein use maut saaf nazar a rahi thi. Uske paas ladne ko kuchh thaa bhi nahi. Usne apni kamar mein tange chhote se khajar ko dekha. “yeh kafi nahi hoga.” Uske man se awaj ayi aur sath hi himmat bhi tut si gayi. Tangon ne bhi sath chhod diya... Hakimo pathar se takrate huye munh ke bal kichad mein gir pada.



“Ahhhhhhhhhhh” ander se takat jutate huye usne uthane ki kosish ki.



“Hakimo... tum aur nahi bhaag paoge...” Nazim ne talwar ko uski peeth par rakhte huye halke se daba diya.



“ahhhhhhhhhhhhhh" ek tez cheekh jungle ki gehrayion mein kho si gayi.



“Hakimo... Ring mujhe dedo.” Nazim ne bhari awaj mein kaha.



“Ring mere paas nahi hai.” Hakimo ne kisi tarah apni saanson ko thamte huye kaha.



“Nahi hai… Toh fir kahan hai.” Nazim Gusse se chilaya



“yahan use hona chahiye…. The chosen one ke paas.” Hakimo ne garv ke sath kaha.



Nazim ki ankhon mein gussa aur aakrosh saaf nazar a raha tha usne neeche jhuk kar Hakimo ke gale ko pakada aur kisi khilone ki tarah use hawa mein uchhal diya. Wo udte huye seedha ek ped se takraya aur wahin dher ho gaya.



“Hakimo bas karo… tumhari ladayi ab khatam ho chuki hai…” Nazim ne talwar dikhate huye kaha. Hakimo ne dard se karahate huye Nazim ki taraf dekha aur halke sa muskura diya.



“Sahi kaha Nazim… meri ladayi ab khatam ho chuki hai…” Itna bolkar Hakimo ne wo khanjar apni kamar se keecha… Isse pehle wo dono kuchh samajh pate wo khanjar Hakimo ke pet mein utar Chuka tha. “On the name of ETHAN" Hakimo ke munh se akhri shabad yahi the. Tabhi tez Roshni ke sath ek bada dhamaka huya aur wo Nazim hawa mein udate huye dur jakar gira.



“Hakimoooo" Nazim jor se chilaya. Wo uth kar us jagah gaya yahan Hakimo gira huya tha. Par wahan na toh Hakimo tha aur nahi kuchh aur. Bas jameen par ek ajeeb sa chin tha.



“The order of ETHAN” Nazim ne us Sign ko dekhte huye gusse se kaha aur apni talwar us sign ke beecho beech gada di.



“Awwwwwwwwwwww" Nazim uper ki taraf dekhte jor se chilaya aur uski awaj pure jungle mein dur dur tak gunj uthi.

(I hope you guys liked it. Vaise yeh just ek sneak peek tha main pehla update jaldi hi post karta hun.)

congrets for new thread bro

 

[ragish7357]

UPDATE 1​

“Good Morning Rosebowl. Main hun apki apni Anjali. Aur ap sun rahe hain Rosebowl Radio. Apki mast subah ko aur mast banane ke liye suniye ek tadkata fadkata gaana.” Radio par koi Gaana play hone laga aur Ayush bhi omelette banate banate uske sath gun guna raha tha.



“Mera Dil Tere liye hi…. Lalalala"



“Ayush kya kar rahe ho beta. Mujhe der ho rahi hai.” Bahar se Madhu ki awaj ayi.



“Aya mom bas do minute.” Ayush ne jawab diya aur fir se gaane ke sath jhumte huye coffee aur omelette banane laga.



Kuchh der baad usne nashta dinning table par laga diya. “Breakfast is ready.” Ayush jor se chilaya aur tabhi uski mom hath me suitcase liye apni shirt sahi karte huye seedion se neeche utri.



“Han bas Ayi… do minute..” Madhu kafi jaldi mein lag rahi thi.



“Are mom ap kion sara din paglon ki tarah bhagti rehti ho. Thoda khud ke liye bhi time nikala karo.” Ayush ne Suitcase Madhu ke hath se lete huye kaha.



“oh shit… main apna laptop toh room mein hi bhool gayi.” Madhu ne mathe par hath maara.



“Are mom ap aram se baithiye aur nashta kijiye main jakar abhi apka laptop le ata hun.” Ayush ne Madhu ko kandhe se pakad kar chair par bithate huye kha.



“Ohhh… thanks Honey.” Madhu ne pyar se Ayush ke gaal pe hath firaya. Ayush ne samne se ek pyari si smile paas ki aur uper ki taraf chal pada.



“Lalalala… mera dil tere liye… hi dhadhke meri janejana…” Ayush abhi bhi wahi gaana gungunate huye ja raha tha. Usne Madhu ke room ka darwaja khola aur idhar udhar dhundhne laga.



“Lalala. Kahan hai tu … kahan chhipa hai re tu…” Ayush ne fir se usi gaane ki dhun gungunayi aur laptop dhundhne laga.



“fuck man... Yeh mom ke room mein sab kitna bikhra pada hai.” Usne idhar udhar bikhre kapdon ko dhyan se dekhte huye kaha. Tabhi uski nazar ek chhote se kaale bag par padi.



“aha... Yeh raha laptop...” Ayush ne bag liya aur wahan se nikal kar niche ki taraf chal pada. Uske pahunchne tak Madhu ne apna breakfast khatam kar liya tha aur woh apne kapde theek karke chair se khadi huyi.



“Thank you baby.” Madhu ne Laptop bag Ayush ke hath se liya aur sath hi apna suitcase bhi utha liya. Usne age badh kar Ayush ke gaal par ek halki si kiss ki aur use bye bol kar wahan se nikal padi.



“Hashhh... mom time se tyar ho gayi. Ab main bhi jaldi se khana khake tyar ho jata hun nahi toh Goli kabhi bhi yahan tapak padega.” Yeh soch kar Usne jaldi se khana khaya aur School ke liye tyar ho gaya.



“Ting Tong" Darwaje ki ghanti baji.



“Lagta hai Goli a gaya.” Ayush ne khud se hi kaha. “Aya... do minute”...woh jor se chila kar bola.



Ayush ne fatafat apna school bag uthaya aur bahar ki taraf chal pada. Usne Darwaja khola “are Goli.” Itna bolte hi woh chup ho gaya kionk wahan koi bhi nahi tha.



“Kamal hai.” Usne hairan hote huye kaha. Idhar udhar dekha par koi nazar nahi aya. Tabhi jameen par ek kagaz ka tukda pada dikhayi diya. Ayush ne jhuk kar use uthaya toh kuchh khaas nahi tha. Bas ek ajeeb sa nishan.







“Ab yeh kya hai?” Ayush ne us Sign ko gaur se dekhte huye kaha. Par kuchh samajh mein nahi aya.



“Ayushhh.”



Ayush ko Goli ki awaj sunayi di. Usne dekha toh wo apne cycle par uske ghar ke samne khada tha. Ayush ko dekhte hi usne hath hilaya.



“han bas aya...” Ayush ne samne se jawab diya. Usne us paper ko fold karke pocket mein daala aur darwaje ko lock laga kar Garage ki taraf chal pada. Usne apni cycle wahan se nikali aur garage band kardi.



“Yaar aja... late ho jayega...” Goli chilate huye bola.



“han han.. bas a hi raha hun.” Ayush ne jaldi se apni cycle street par nikali aur pedal maar kar nikal pada school ki aur.



“kya huya pareshan sa lag raha hai.” Goli ne cycle chalate huye Ayush ki taraf dekh kar kaha.



“Nahi kuchh nahi. Bas mom ki tension ho rahi thi.” Ayush ne age dekhte huye hi jawab diya.



“Tension mat le.... She is a fighter yaar... jab unhone itne saal sab kuchh manage kar liya hai toh age bhi kar hi lengi.” Goli ne kaha.



“han pata hai but aj kal woh kuchh jyada hi kaam karti hain. Mujhe dar hai ki kahin unki tabiyat hi kharab na ho jaye.” Ayush ne chinta mein kaha.



“chill dude... kuchh nahi hoga... Tu hai na unka khyal rakhne ke liye...” Goli ne Ayush ki taraf muskurate huye kaha.



Ayush ne kuchh nahi kaha bas halki si muskaan ke baad woh age dekh kar cycle chalata raha.



“achha tune math ke test ki tyari karli?” Goli ne Ayush se puchha.



“han ki toh hai.... par kuchh pale nahi pada...” Ayush ne jawab diya.



“Tension mat le... asaan hi hai.” Goli bola.



“Han tujhe toh lagega hi.... miss Nandini ka chamcha jo thehra.” Ayush ne Goli ko chhedte huye kaha aur woh samne se ladkion ki tarah Sharma gaya aur Ayush use dekh kar hasne laga.



Dono ne school pahunch kar cycle parking mein apne cycle park kar diye aur School ki taraf jaane lage. Tabhi unke theek samne se bijli ki raftaar se ek bike nikli. Woh bike itni tezi se nikli ki Goli ki toh fat kar hath mein a gayi.



“Awww.... Yeh kya tha.” Goli chaukte huye bola.



“kuchh nahi wahi chutiya hoga... Rocky...” Ayush ne munh banate huye kaha.



“aise kon chalata hai... Agar uske paas bike hai toh aisi harkatein karega?” Goli gusse mein bola.



“chhod na yaar... woh hai hi aisa...” Ayush ne Goli ke kandhe par hath rakh kar use apne sath lekar school ki taraf chal pada.



“Pata nahi hamare paas bike kab ayegi?” Goli ne puchha.



“A jayegi bhai.” Ayush bola.



“Pata nahi kab ayegi.” Goli badbadaya. Woh dono apni class mein chale gaye.




“kaisa raha tera test?” Ayush ne Class se niklte huye Goli se puchha.



“Ekdum badiya.... Tu bata...” Goli ne jawab diya.



“han theek hi ho gaya. Mujhe toh laga tha ki fail hi ho jaunga but jyada mushkil nahi tha.” Ayush ne khus hote huye kaha.



“bola toh tha maine.” Goli ne jawab diya. Tabhi usne dekha ki Ayush use sunne ki bajaye kahin aur hi dekh raha hai. Usne uski ankhon ka peechha kiya toh woh Ritika ko dekh raha tha. Woh apni do sahelion ke sath batein karte huye unki taraf hi a rahi thi.



“Yeh nahi sudhrega" Goli ne sir jhatkate huye kaha. “are bhai use ankhon se hi nighal jayega kya.”



Goli ki baat sunkar Ayush thoda sakpaka sa gaya. Usne aise acting ki jaise use kuchh pata hi na. “kya huya... kiski baat kar raha hai.”



“Achha sale... Tu..” abhi Goli itna bola hi tha ki tabhi kisi ke ladne ki awaj ane lagi. Un dono ne garden ghuma kar dekha toh wo Ritika hi thi.



“Ab isko kya huya.” Goli ne puchha.



“mujhe kya pata... Chal kar dekhte hain.” Ayush itna bolte huye uski taraf chal pada.



Wahan aur bhi students ikathe hone lage aur Ritika jor jor se chilla rahi thi. “tum andhe ho kya jo tumhe itna bada insaan dikhta nahi hai.” Ritika Rocky par jor jor se chilla rahi thi.



“han nahi dikhta... kya kar legi..” Rocky ne ankhein dikhate huye jawab diya.



“Tujhe toh main...” itna bol kar Ritika ne apne hath ki mukki banayi aur seedha Rocky ke naak par de maari. Sab bache jor jor se hasne lage. Unhe haste huye dekh kar Rocky jhalla utha.



“Behanchod.” Usne gaali dete huye Ritika ko dhakka de diya aur woh seedha Ayush se ja takrayi. Ayush ne kisi tarah khud ko aur Ritika... Dono ko sambhal liya.



“thank you.” Ritika ne Ayush ko kaha.



Isse pehle ki Ayush kuchh bol pata Rocky baghte huye unki taraf aya. Jise Ayush ne dekh liya aur usne Ritika ko side kar diya. Itne mein saand ki tarah chilate huye Rocky ne seedha sir Ayush ke ribs mein de mara aur woh peeche ki taraf gir pada. “ahhhhh" uske munh se ek jor ki cheekh nikli.



“Ayush..” Goli chilate huye uski taraf bhaga.



“kya chal raha hai yahan?” Tej awaj mein principal Bansal chilaye aur sabhi ke sabhi bache ek dum shant ho gaye. Rocky toh chup chap wahan se nikal gaya.



Bansal ne Ayush ko jameen par gira dekha “kya huya Ayush?”



Ayush ne jawab dene se pehle nazar ghuma kar Ritika ki taraf dekha aur socha ki agar ladayi ka bataya toh Ritika bhi fas jayegi. “Sir woh main gir gaya tha.” Usne badi safayi se jhuth bolte huye kaha.



“kaise gir gaye... dhyan se chalna chahiye tumhe...jyada chot toh nahi lagi?” Bansal ne apni bhari awaj mein puchha.



“Nahi sir.... i am fine.” Ayush ne jawab diya.



“Tum log yahan kya khade ho... Koi tamasha ho raha hai kya?” Bansal wahan khade bachon par chilate huye wahan se chala gaya aur baaki bache bhi apne apne raste chal pade. Goli ne Ayush ko jameen se khada kiya. Usne apne kapde saaf kiye aur ribs ko halka sa sehlane laga.



“i am really very sorry...”



Ayush ke kaanon mein Ritika ki pyari si awaj padi. Uski tone Rocky ke sath ladte waqt bilkul alag hi thi.



“that’s ok...” Ayush ne muskurate huye jawab diya.



“And thanks for saving me.... By the way I’m Ritika...” usne apna hath age badhate huye kaha. Ayush jaise apna pura dard bhul gaya ho. Usne jhat se apna hath age badha kar handshake kar liya.



“Hi... Ayush... nice to meet you...” Ayush ne bateesi nikalte huye kaha.



“Sala aise natak kar raha hai jaise use janta hi na ho.” Goli apne Man mein badbadaya.



“I know it was not a really good meeting.” Ritika ne muskurate huye kaha toh Ayush bhi halka muskura diya. “i am really sorry once again and how are you now?” Ritika ne puchha.



“don’t worry... main theek hun.” Ayush ne jawab diya.



Ritika ne use apni friends se introduce karwaya toh usne bhi Goli ka parichay karwa diya. Thodi der aur batein karne ke baad woh apne ghar jane ke liye nikal gayi aur Goli aur Ayush bhi bahar ki taraf chal pade.



“Tu kion kab se mujhe ghure ja raha hai?” Ayush ne Goli se puchha.



“kuchh nahi... par tere lachhan theek nahi lag rahe mujhe.” Goli bola.



“kion maine kya kiya... Ab kisi ki help karna koi buri baat hai kya?” Ayush ne safayi di.



“Nahi lekin tu aj kal us ladki ki taraf kuchh jyada hi dhyan de raha hai.” Goli bola.



“han... kuchh bhi... chal jaldi se ghar chal mujhe aur bhi kaam hain..” itna bol kar Ayush tezi se cycle parking ki taraf chal pada.



“han bachu... Kab tak bhagega mujhse?” Goli ne man hi Man socha aur uske peeche peeche wo bhi chal pada.



Ayush jaise hi apne cycle ke paas pahuncha toh use apne cycle ke uper ek paper pada huya dikhayi diya usne use utha kar dekha toh fir se wahi subah wala nishan tha. “yeh sab kon kar raha hai?” Ayush soch mein pad gaya.



“Kya huya aise kya khada hai?” Pichhe se Goli ki awaj ayi. Ayush ne jaldi se woh paper apni pocket mein rakha aur muskurate huya bola “kuchh nahi mote... tera wait kar raha tha...”



Goli ko uska bartaw kuchh ajeeb sa laga par usne usse kuchh puchha nahi aur woh dono wahan se apne ghar ki taraf chal pade.


(Thanks for reading guys. This is the first update of the story. Please give me your thoughts and opinions on the content and writing style. Your comments will help me improve.

Thank you.)

superbb update bro
and nice start
ye ajeeb se sign ka kya lafda tha jo bar bar hero ke samne aa rha h
or ritika ke sath 1st encounter bhi kafi accha rha

 

[ragish7357]

UPDATE 2​

“Yeh akhir hai kya?” Ayush un dono papers ko lekar bed par baitha unka muyana kar raha tha.



“Pehle subah koi door bell baja kar ise chhod gaya fir mere cycle par…. Koi majak kar raha hai kya? Par mere sath majak kon kar sakta hai?” Ayush soch mein pad gaya.



“Goli.... Han wahi hoga….. nahi nahi… wo nahi ho sakta… Pura time mere sath hi toh tha class mein… Aisa kon ho sakta hai jo mere ghar aur School dono jagah pahunch gaya.” Ayush ko kuchh bhi samajh mein nahi a raha tha. Tabhi door bell baji.



“Lagta hai mom a gayi.” Ayush ne wo papers bed ke side wale drawer mein daale aur uth kar darwaja kholne chala gaya.



“Hey baby…” Madhu ne age badh kar Ayush ke mathe par kiss kiya aur Ayush ne uske hath se uska suitcase aur laptop bag liya aur ander a gaya.



“apka din kaisa raha...” Ayush ne paani ka gilas Madhu ko dete huye kaha.



“It was ok... tum batao tumhari presentation kaisi thi?” Madhu ne paani peete huye puchha.



“presentation nahi mom... math test tha..” Ayush haste huye bola but Madhu thoda udaas ho gayi.



“kya huya mom?” Madhu ko aise udaas dekhkar Ayush ne puchha.



“i am sorry honey... main kaam ki wajah se tumhe bilkul bhi time nahi de paati... ulta tumhe mera dhyan rakhna padta hai..” Madhu ne mayus hote huye kaha. Ayush ne Madhu ke hath se paani ka gilas lekar table par rakha aur use chair par bitha kar khud uske samne ghutnon par baith gaya.



“Mom i still remember ki apne kaise mujhe paala hai and I know ki ap kitni mehnat karte ho pura din... agar main apke liye thoda kar dunga toh usse apka pyar kam thode na ho jayega. And i am not a kid anymore .... ap sirf apna khyal rakhiye baaki meri fikar mat kijiye ap...”



Ayush ki batein sunkar Madhu ke ankhon mein ansoo the usne halka sa muskura kar apne ansoo saaf kiye aur Ayush ko utha kar use hug kar liya “i love you Baby...” Madhu ne uske mathe ko chumte huye kaha.



“i love you too mom and plz yeh sab rona dhona band kijiye aur jakar fresh ho jaiye... Fir mil kar dinner karte hain.” Ayush ne Madhu ke gaal kheechte huye bola. Jisse Madhu ki hansi chhut gayi.



“pagal kahin ka... Kabhi kabhi lagta hai ki tu meri mom hai.... tu khana laga main ayi das minute mein fresh hokar...” Madhu hanste huye seedian chadhte huye uper chali gayi.



“lalalalala… maan ke dil ka kaha… main kahin ka na raha…” Ayush gaane gungunate huye khana table par lagane laga. Thodi der baad Madhu bhi niche aa gayi.



“Kya baat hai bada khus lag raha hai aj?” Madhu ne Ayush se puchha.



“Are kuchh nahi mom… ap baithiye… khana thanda ho raha hai.” Ayush ne baat taalte huye kaha.



“Yup baby… Vaise khushbu badi achhi a rahi hai.” Madhu boli.



“thanks mom…” Ayush ne jawab diya.



“Chal jaldi se khana shuru karte hain… wait nahi hota ab…” Madhu ne Ayush ki khana proshne mein help ki. Fir dono aram se khana khane lage. Ayush baar baar kuchh yaad karke khus huye ja raha tha. Madhu ne use notice kiya.



“lagta hai kuchh toh baat hai jo itna khus ho raha hai aj… Achha hi hai… haste huye achha lagta hai…” Madhu ne man hi man socha aur halka sa muskura di.




“Thak thak" “thak thak" darwaja khatkane ki awaj ayi.



“Are yaar Is waqt kon hai ab?” Ayush ankhein malte huye bistar se khada huya.



“ek minute… Yeh darwaja khatkane ki awaj meri balkani se ayi hai kya?” Ayush ne thoda samjhne ki try ki. “lekin behanchod koi meri balkani tak kaise pahunch gaya?”



Ayush buri tarah se ghabra gaya. Usne jaldi se kamre ki light on ki aur bed ki side mein pada guldaan utha kar balkani ki taraf chal pada. Usne ek baar gehri saans li aur uper wale ka naam lekar darwaja khol diya.



Usne apna guldaan uper uthaya par balkani mein koi bhi nahi tha. Bas fir se darwaje par wahi kagaz aur us par wahi ajeeb sa nishan.



“Kya yaar… Ab yeh kya bakchodi hai. Sala itni raat ko bhi kisi ne iske liye uthaya aur behanchod yeh konsa bander hai jo pehle maale par bina seedi ke chadh gaya.” Ayush ne neeche ki taraf dekhte huye kaha. Usne woh kagaz ka tukda liya aur Darwaja band karke wapis ander a gaya.



“Akhir yeh hai kya... Yeh sign jarur koi hint yah kuchh paheli bagera hoga.... par yeh sab kar kon raha hai.... Sala kab ata hai kab jata hai kuchh samajh hi nahi a raha....” Ayush ne woh teeno paper eksath bed par failaye aur unhein dhyan se dekhne laga.



“yeh kya hai yaar... Ek bada sa circle usmein yeh ajeeb se triangle bane huye hain aur yeh ajeeb si bhasha mein kuchh shabad likhe huye hain... sabse badi baat yeh chahta kya hai mujhse.... kuchh samajh mein nahi a raha....” Ayush kuchh der aise hi baitha sochta raha. Time dekha toh raat ke 1 bajne wale the.



“chhod yaar abhi so hi jata hun... subah dekhi jayegi.... Goli se baat karta hun kal ko...” Ayush ne woh kagaz wapis se drawer mein rakhe aur light band karke bed par late gaya.




“Good Morning Rosebowl. Main hun apki apni Anjali. Aur ap sun rahe hain Rosebowl Radio. Apki mast subah ko aur mast banane ke liye suniye ek tadkata fadkata gaana.”



Roz ki tarah Ayush Radio chala kar nashta bana raha tha par uska dhyan gaane taraf tha hi nahi.



“yaar akhir wo hai kon… jisne meri neend haraam kar rakhi hai… yaar jitni shiddat se wo meri lene pe tula hai usse ek baat toh saaf hai ki koi mazak toh nahi kar raha… Raat ke 1 Baje kisko Pamphlet baantne ke daure padte hain…” Ayush ne man hi man socha. “Agar mere ko ek baar mil jaye na toh main….”



“babyyy…” Pichhe se Madhu ke chilane ki awaj ayi.



“Oh Shit yeh toh pura jal gaya….” Ayush ne chule par pade nashte ka haal dekha toh usmein se dhuyan nikle ja raha tha. Usne jaldi se gas band kiya aur pan ko utaar kar side mein rakh diya.



“Kya huya Ayush… tumhara dhyan kahan tha beta?” Madhu ne puchha.



“I don’t know mom… Pata hi nahi chala… ap bas do minute rukiye main apke liye sandwich bana deta hun…” Ayush ne refrigerator ka door kholte huye kaha.



“that’s ok Honey…. I am getting late… main bahar se kha lungi… aur tum bhi late ho jaoge…” Madhu ne kaha.



“Ok… are you Sure ki ap bahar se kha lengi?” Ayush ne puchha.



“are han beta… sach mein kha lungi…” Madhu ne muskurate huye kaha aur wo Ayush ko mathe par kiss karke ghar se chali gayi.



“shit yaar… Yeh sign ke chakkar mein toh mera nashta bhi jal gaya…chalo pehle toh ise hi saaf kar deta hun…” Ayush ne Refrigerator band kiya aur pan utha kar Sink mein le gaya.



“hashhh… yeh toh ho gaya ab bas main fresh ho jata hun fir tab tak Goli bhi a jayega…” Ayush uper apne room ki taraf jate huye bola.



“Ting Tong” Darwaje ki ghanti baji.



“Lagta hai Goli a gaya… yah fir wahi Ninja Postman na ho…” Ayush hanste huye khud se bola aur darwaja kholne chala gaya.



“Abe sale tu tyar nahi huya abhi tak?” Goli ne Ayush ko dekh kar kaha.



“Are nahi yaar... aur tu ander a... Mujhe tujhse kuchh baat karni hai.” Ayush Ne Goli ko ander kheench kar darwaja band kar diya.



“kya huya tujhe... Itna pareshan kion lag raha hai... aur aj tujhe school nahi jana kya??” Goli ne sawalon ki barsaat karte huye kaha.



“Abe chodulaal... zara saans toh lele... Tu uper kamre mein chal tujhe sab batata hun...” Ayush bola.



“Bhai kamre mein jaane ka time nahi hai... Tu jaldi se tyar hoja humein school jana hai..” Goli bola.



“Abe bhaad mein jaye school... Yahan meri raaton ki neend gayab hai aur tujhe school jane ki padi hai...” Ayush chidhte huye bola..



“Par huya...” Goli itna hi bola tha ki Ayush ne uska hath pakda aur khinchte huye uper jane laga...



“Abe ata hun yaar... Tu toh serious hi ho gaya...” Goli Ayush se bola par woh toh seedha Room mein hi jakar ruka. Usne bina kuchh bole woh teeno paper Drawer se nikale aur Apne study table par rakh diye. Goli ne ek baar un papers ki taraf dekha aur fir Ayush ki shakal par jo ki ekdum serious huyi padi thi.



“kya hai yeh...” Goli ne puchha.



“Wahi toh main janna chahta hun ki hai kya yeh... kal se koi meri lene pe tula hai... Pehle koi doorbell baja ka mere darwaje par chhod gaya fir Dopehar mein school parking mein mere cycle par... chal yeh sab theek tha par bhai sahab raat ko 1 baje meri balkani mein pahunch gaye... bhai pata nahi konsa maal funk ke baitha hai koi...” Ayush ne puri baat batayi.



“Toh tune kaha ki raat ko koi teri balkani mein yeh kagaz chhod kar gaya...” Goli ne Hairani se puchha.



“han... sahi suna tune...” Ayush bola.



“behanchod yeh kaise ho sakta hai... Teri balkani mein bahar se koi kaise pehle maale par a sakta hai?” Goli chaukte huye bola.



“Abe yaar tu kya yahan par time waste kar raha hai... Yeh Jo bhi hai... kuchh palle nahi pad raha... Tu pehle yeh dekh ki yeh kya hai is paper par...” Ayush ne us Sign ki taraf ishara karte huye kaha.



Goli ne unmein se ek paper uthaya aur use dhyan se dekha. Fir baari baari sabko check kiya...



“haha" Goli achanak se hasa.



“kya huya?” Ayush ne puchha.



“kuchh nahi... soch raha tha ki kitna chutiya hai koi... Ek paper baar dene ke liye kitni ghis raha hai apni...” Goli hanste huye bola.



“Oye Chamanlaal ke chodu... Tu kya yahan yeh gande joke sunane aya hai... Tu ek kaam kar tu school ja main khud hi kar lunga...” Ayush ne uske hath se paper chhinne ki try ki.



“Abe rukja... Mujhe pata hai ki yeh kya hai...” Goli us paper ko jor se pakadte huye bola.



“Achha... chal bata kya bawaseer hai yeh?” Ayush ne puchha.



“matlab mujhe exactly nahi pata but itna pata hai ki yeh Sign The Order of Ethan ka hai.” Goli ne kaha.



“Kya... konsa order... aur yeh hai kya?” Ayush ko kuchh samajh mein nahi aya.



“achha tu do minute mujhe apna laptop de main tujhe dikhata hun.” Goli ne apna backpack side mein rakhte huye bola.



“Ok... Yeh le..” Ayush ne use apna Laptop lakar de diya. Goli ne use study table par rakha aur chair par baith gya. Usne laptop mein log in karke internet par The Order of ETHAN search kiya. Wahan bahut se articles ke sath us Sign ke photos khul gaye. Ayush Goli ki chair ke peeche khada sab dekh raha tha but use kuchh samajh mein nahi a raha tha.



“Yeh sab kya hai?” Ayush ne puchha.



“Toh actually maine ek baar ek book padi thi The Secrets of the Galmor... Basically Writer ke according Galmor ek old human civilisation thi jo magic aur Divine Brilliance mein maante the. Aur unhone hi apni ek Secret Community banai thi The Order of ETHAN. Uske writer ne is bare mein jyada kuchh toh nahi bataya but yeh jarur likha tha ki woh log kuch research wagera karte the.” Goli ne Ayush ko pura explain kiya.



“Ek minute... Toh basically tu kehna chahta hai ki koi mujhe kisi fictional organisation ke fictional Symbol ke parche baant ta fir raha hai... Yaar tu baat ko suljhane ki jagah aur uljha raha hai..” Ayush gusse mein bola.



“han ek baat aur ki us Writer ne yeh bhi likha tha ki The Order of ETHAN abhi bhi exist karta hai aur kahin na kahin se chhip kar operate karta hai.” Goli ne baat ko age badhaya.



“Achha theek hai... main samajh gaya... par is sab se mera kya lena dena?” Ayush jor se chilaya.



“Ab pata nahi us Writer ne itna hi likha tha... Maine uska aur koi article dhundhne ki bahut kosish ki taki isse age ki story padhne ko mile but baad mein pata chala ki yeh wala article likhne ke 2 din baad hi woh achanak gayab ho gaya tha aur aj tak nahi mila...” Goli ne thoda sanjida hote huye kaha.



“Sale tu mujhe abhi dara raha hai... kahin tu hi toh koi ganda majak nahi kar raha...” Ayush ne Goli se puchha.



“kya yaar... mummy kasam maine kuchh nahi kiya... aur yaar tujhe lagta hai ki main balkani mein bina seedi ke chadh jaunga...” Goli ne apne pet ki aur ishara karte huye kaha.



“Sorry yaar... bas main thoda pareshan hun...” Ayush bola.



“koi baat nahi... tu ek kaam kar... Tu fresh hoja... hum school jakar library mein check karte hain agar kuchh mila toh...” Goli ne kaha.



“Han theek hai... Tu yahi baith... main do minute mein aya... Fir dekhte hain ki yeh hai Kya... The Order of ETHAN...” Itna bol kar Ayush Washroom mein chala gaya aur Goli wahin baitha Internet par kuchh dhundhne ki kosish karta raha.

behatrin update bro

 

[ragish7357]

UPDATE 3​

“Kuchh mila?” Ayush ne ek kitab ke panne palat te huye puchha.



“Naa.. kuchh nahi… Tumhe?” Goli bhi ek section mein kitab pe kitab palte ja raha tha.



“Nahi yaar… lagta nahi kuchh milega.” Ayush ne nirash hokar Kitab wapis rakhdi.



“Hey Ayush…”



Achanak se pichhe se awaj ayi toh Ayush ekdum sakpaka sa gaya. Usne pichhe palat kar dekha. “Ohhh… hey Ritika… tum yahan?”



“Ofcourse mein yahan…. Vaise tum yahan kya kar rahe ho?” Ritika ne halka sa hanste huye puchha.



“Nahi wo… main toh bas… bas wo….” Ayush ke paas koi bhi jawab nahi tha.



“wo main ek book dhundh raha tha mere class project ke liye.. mil hi nahi rahi…” tabhi Goli pichhe se wahan tapak pada.



“hashh... bacha liya....” Ayush ne man hi man socha aur chain ki saans li.



“Konsi book dhundh rahe the tum log… mujhe batao shayad main kuchh help kar sakun…” Ritika ne kaha.



“han wo hum.... woh Goli batayega....” Ayush ne Goli ki taraf ishara karte huye kaha.



“Goli...?” Ritika ne confused sa hokar puchha.



“han woh mere hi project ke liye chahiye thi... Yeh toh bas meri help kar raha tha...And humne already Dhundh liya hai sab jagah... shayad yahan nahi hai… “ Goli ne bhi Ayush ki baat Cover karne ki puri kosish ki.



“kya huya… tum dono yun ajeeb sa behave kion kar rahe ho?” Ritika ne un dono ko dekhte huye kaha. “is everything alright?”



“han… Sab badiya… kion Goli?” Ayush ne bola.



“Han… han sab theek hi toh hai… shayad tumhe kuchh galatfehmi huyi hai…Actually shayad humein abhi yahan se jana chahiye...” Goli ne nakli si Hansi hanste huye kaha aur sath hi Ayush ko wahan se nikalne ka ishara bhi kiya.



“actually i am sorry Ritika... but humein jana hoga… chal Goli...” woh dono Ritika ko bye bol kar wahan se jaldi se nikal gaye.



“Kamaal hai... inko achanak kya huya...uff... these guys are so weird...” Ritika ne khud se hi kaha aur un dono ko jate dekhti rahi.



“Yaar tu itna ajeeb kion pesh a raha tha usse?... you have to be normal... nahi toh sab sochenge ki pata nahi kya huya hai humein...” Goli ne Ayush se kaha.



“sale main bhade ka actor hun kya... ab main uske samne ho jata hun nervous toh aur kya karta... uper se yeh chutiya sa nishan... mera dimag kharab karke rakha hai...” Ayush gusse mein bola.



“are yaar tu gussa bahut karta hai kabhi kabhi... main toh aise hi keh raha tha taki use shak na ho jaye... chal chhod tu bata ab kya karein?” Goli ne Ayush ke kandhe par hath rakhte huye kaha.



“Ab kya kar sakte hain... jitna dhundh sakte the dhundha... ab aur kya karein...” Ayush nirash hokar bola.



“han baat toh teri sahi hai... chal tu ghar jake aram kar main bhi apne ghar jake kuchh pata lagane ki kosish karta hun tab tak...kuchh na kuchh pata chal hi jayega...” Goli ne kaha.



“Han yaar... Vaise bhi bahut thak gaye... sala pehli baar ehsaas huya ki school ki library itni badi hai...” Ayush ne kaha.



Goli halka sa hans diya par Ayush ka munh abhi bhi utra tha.



“tu tension mat le... kuchh na kuchh ho hi jayega.... ab chal ghar chalte hain...” Goli ne use samjhate huye kaha aur fir dono wahan se apne ghar ki taraf chal pade.




“aaawhhhhh....” Ayush gusse mein chilaya aur usne apna bag apne bed par patak diya.



“Yaar yeh Symbol ki maa ki aisi ki taisi... behanchod Chahta kya hai koi mujhse...” Ayush ne chidhte huye kaha...



Ayush ne apni pocket se unmein se ek paper ko bahar nikala. “sala hai kya ismein... aur yeh kisi ne sirf teen hi kagaz kion diye.... Uske baad kuchh kion nahi diya...” usne kagaz ko ek baar fir se Gaur se dekha. Usne use uper ki taraf uthaya. Seedha kiya... ulta kiya... Fir palta... Fir ulti taraf se dekha... Tabhi woh achanak use dekhte dekhte Window ke samne chala gaya.



“wow....” uske munh se bas yahi nikla. “Is it true... or am i watching a dream...did i just solve the mystery.” Use khud par yakeen nahi huya. Usne gaur se dekha toh us paper ki ulti side kuchh adhure se symbol bane huye the. Sab pata chal raha tha ki unko tod kar chhapa gaya hai. “Its looking like a secret message...par Inka baaki hissa kahan hai...Ek minute... so that’s the reason behind three of them... wooohooooo... i am the genius....” Ayush khusi se chilaya aur usne baaki ke dono paper bhi pocket se nikal liye...



Usne unko gaur se dekha toh sab ek jaise hi the. Toh usne window ke samne khade hokar un papers ko ek dusre ke uper rakh kar dekha. “naaah.... baat nahi ban rahi...” usne fir unko rearrange kiya aur fir se kuchh tute fute se aksar ban gaye. Usne fir se try kiya... Ek baar aur... Ek baar aur and then achanak se raaz se parda uth hi gaya...



“yup... Yeh huyi na kuchh baat... par ab yeh kya nayi problem hai... Yeh toh kisi paheli ki taraf lag rahi hai...par yeh likha kya hai....” Ayush ne use padhna shuru kiya...



“Phoolon ki Tokri mein nanha sa Phool.

Angan mein raha tha jhula jhool.

Bachpan beeta aur yadon pe dhool.

Itni jaldi gaye kya bhool.

Daayein na bayein.

Seedha jayein.

Yadon ki potli se khoya huya payein.”



“ab yeh kya bawaseer hai bhenchod.” Ayush ek baar fir nirash ho gaya. “kya yaar BC... ghoom ghoom ke wahin a gaye... Yeh hai kon jo mere sath paheli paheli khel raha hai...jhantu kahin ka...” Ayush Nirash hokar bed par baith gaya. Tabhi uske phone ki Ring tone baji.



“oye kuchh pata chala...” Goli ne Ayush se puchha.



“ab kya bataun...Han bhi aur nahi bhi...” Ayush ne jawab diya.



“matlab...” Goli bola.



“matlab yaar kuchh nahi... Tu ek kaam kar mere ghar aja tujhe puri baat batata hun...” Ayush ne jawab diya.



“Theek hai bas do minute mein aya.” Goli ne itna bol kar phone kaat diya aur Ayush ke ghar jane ke liye nikal pada.




“Bhenchod yeh kya baat huyi... paheli pe paheli hi suljhate raho...” Goli ne Ayush ki puri baat sunne ke baad kaha.



“ab kya karein... jo hai so hai... agar iska raaz pata karna hai toh paheli toh suljhani hi padegi na...Yaar ek kaam kar tu kuchh soch tab tak main jara washroom hoke aya...” Ayush wahan se uth kar washroom mein hi chala gaya aur Goli abhi bhi Living Room mein baitha tha.



“Han par ab kon pata lagaye... kya pata konsi Tokri... konsa Phool... aur yeh hai kya bakwas mujhe toh kuchh samajh mein nahi a raha...” Goli khud se hi badbadaya aur Un papers ko Uthakar khidki ke samne chala gaya... “Abe bhai wo paheli kahan gayi?” Goli unchi awaj mein chilaya.



“Abe yaar dhyan se dekh... papers ke pichhe hi toh hai...” Ayush ne washroom se hi jawab diya.



“Are bhai nahi... tune toh bola tha ki sunlight mein message dikhta hai... par yahan toh kuchh bhi nahi hai...” Goli bola.



“achha... Tu ruk main aya do minute...” Ayush ne jawab diya.



“han dikha kya huya...” Ayush ne Goli ke hath se woh papers liye aur khidki ke samne rakhkar dekha. “are han... Yahan toh kuchh bhi nahi hai... par mere kamre mein jab maine dekha tab toh paheli thi is par.” Ayush Hairan hokar bola.



“Toh ab kya huya... Sunlight toh ek hi hai na... tere kamre mein konsa alag se suraj ugta hai...” Goli bola.



“Ab woh mujhe nahi pata... par main jhuth thode na bol raha hun... chal ek kaam kar tu mere sath chal main tujhe dikhata hun...” Ayush Goli ko lekar apne kamre ki taraf chal pada. Usne Ander jaate hi Window ke samne papers kiye aur Paheli dikhne lagi.



“Ab dekha... Maine kaha tha na...” Ayush ne bola.



“han par aise kaise ho sakta hai.... lagta hai paper mein kuchh technical glitch huya hai...” Goli hanste huye bola.



“Abe gadhe ki gaand... koi glitch-blitch nahi hai... pakka iske peeche koi kaaran hoga... Thoda dimag laga shayad kuchh hint hi mil jaye...” Ayush ne Goli se kaha.



“ab Ismein kya kaaran hoga... shayad yahan se suraj ka angle alag ban raha hoga.... chal Geometry Box lakar dekhte hain....” Goli apni hi bakwas pele ja raha tha par Ayush ko pura yakeen tha ki use kuchh tagda hath laga hai.



“par kya... kya ho sakta hai hint... Aisa kya hai mere kamre ki khidki mein jo living room mein nahi hai...” Ayush khidki se bahar dekhte huye sochne ki kosish kar raha tha. “Backyard" Ayush achanak jor se bola.



“kya... backyard ko kya huya.” Goli Confused sa hokar bola.



“Abe backyard hi wo hint hai jo humein paheli ke jawab tak pahunchayega.”Ayush khush hote huye bola.



“Par kaise...” Goli ko kuchh samajh nahi a raha tha.



“Ruk tujhe samjhata hun... Pehle tu paheli bata ki kya hai...” Ayush ne Papers Goli ko diye. Goli ne bina kuchh bole woh papers Khidki ke samne kiye aur Paheli padhne laga.



“Phoolon ki Tokri mein nanha sa Phool.

Angan mein raha tha jhula jhool.

Bachpan beeta aur yadon pe dhool.

Itni jaldi gaye kya bhool.

Daayein na bayein.

Seedha jayein.

Yadon ki potli se khoya huya payein.”



Goli ne puri paheli padhi.



“Ab dekh... Phoolon ki Tokri matlab Rosebowl... hamara Sehar... nanha sa Phool matlab main... ab tu yaad kar ki jab hum chhote huya karte the toh mere backyard mein jhula huya karta tha... jo theek isi khidki ke samne hota tha...Baad mein use wahan se hata diya gaya tha... kuchh yaad aya?” Ayush ne Goli ko yaad dilane ki kosish ki.



“han lekin us jhule se paheli ka kya lena dena....” Goli abhi bhi confuse hi tha.



“Abe dhakkan... age ki line padh... likha hai... Daayein na bayein... seedha Jayein... matlab jis taraf jhule ka chehra hota tha us taraf hi kuchh hai...” Ayush ne kaha.



“ab jhule ka chehra toh isi taraf ko tha... matlab tere kamre mein hai kya kuchh...” Goli ne apna dimag lagane ki kosish ki.



“han mana ki mera kamra uske samne hai... par yahan par yaadon ki potli kahan hai... Sab kuchh toh naya hai kamre mein...” Ayush ne jawab diya.



“Toh fir aur kya ho sakta hai... jhule ke samne?” Goli bhi soch mein pad gaya.



“Pata nahi yaar... Ek minute... lag gaya pata...” Ayush jor se chilaya aur kamre ke bahar ki taraf chal pada.



“Abe kahan ja raha hai... Mujhe toh bata..” Goli uske peeche bhagte huye bola.



“are meri bulbul... yadon ki Potli mil gayi tere bhai ko....” Ayush khush hote huye bola.



“Par kahan..” woh dono bolte bolte peeche ke darwaje se backyard mein pahunch gaye.



“yahan...” Ayush ne Basement ki seedion ki taraf ishara karte huye kaha joki theek uske kamre ke neeche se jaati thi.



“Par yahan kya milega... Sab kabad toh ander daal rakha hai...” Goli bola.



“Are bhool gaya... mera khilone ka box... jismein main apne sare khilone daal kar rakha karta tha...” Ayush ne kaha.



“Han woh purana sa lakdi ka box... yaad aya..” Goli ne jawab diya.



“Han toh fir wahi toh hai yadon ki potli... chal ab time waste mat kar... kal se pareshan ho raha hun...” Ayush ne seedian utarte huye kaha.



“Han par kya pata usmein ek aur Paheli mil jaye...” Goli bhi uske peeche peeche chal pada..



“Are bhai shubh shubh bol... is baar kuchh nahi hoga... pakka kuchh kaam ki cheez hath lagegi...” Ayush atamvishwas ke sath bola.



“kya pata koi khazane ka naksha ho...” Goli ki bhi ankhon mein chamak a gayi.



Ayush ne jaldi se basement ka darwaja khola aur light on ki.Sab jagah makdi ke jaale lage huye. Puri basement purane furniture aur bigde huye appliances se bhari padi thi.



“Ohoooo... Yahan toh pura horror house bana rakha hai... par tera woh mystery box kahin dikhayi nahi de raha...” Goli ne idhar udhar dekhte huye kaha.



“Ek minute shanti rakhega?” Ayush ne halke gusse se kaha aur diwar ke sath padi huyi chhoti si ladder utha kar ek Badi si shelf ke neeche laga di...



“isko pakad kar rakhna... main uper se box utaar leta hun...” usne Goli ko seedi thamayi aur khud uper chadh kar ek bada sa ladki ka sanduk utha kar niche a gaya.



“yeh rahi hamari yadon ki potli...” usne box ko neeche rakha aur ek phoonk maar kar uske uper ki dhool hatane ki kosish karne laga. Is chakkar mein dhool Goli ke uper ud gayi.



“offoo... Ek kaam kar pura mere sir mein daal de...” Goli ne gussa karte huye kaha...



“Are sorry yaar... galti se ho gaya..” Ayush ne kaha.



“han theek hai... chal ab khol ise... dekhein toh sahi kon sa khazana chhipa hai yahan...” Goli bola.



“Han han kholta hun...” Ayush ne Dhire se us box ko khola aur achanak ek chhota sa dhamaka huya aur bulb fat gaya. Basement mein ek dum andhera ho gya. Un dono ki fat kar hath mein a gayi. Dono andhere mein idhar udhar takrate huye darwaje tak pahunchne ki kosish kar rahe the.



“bhai mera toh phone bhi band ho gaya achanak... Tu apne wale se light toh kar thodi.” Ayush ne awaj dekar kaha.



“Abe mera toh living room mein hi pada hai... Yaar mujhe bahut dar lag raha hai... mere pure hathon pe makdi ke jaale lag gaye...” Goli almost rote huye bola...



“koi na dar mat... Tu bas darwaja dhundhne ki kosish kar...” Ayush ne use dilasa dete huye kaha par asal mein Uski bhi fat chuki thi.



“Han mil gaya...” Goli ke hath mein darwaje ka handle laga toh woh khusi se uchhal pada. Tabhi achanak........



TO BE CONTINUED......

superbb update bro
ye kya paheli - paheli khel rha h koi apne hero k sath
dekhte h kya hi milta h unhe yaado ki potali m