Romance >>> Too Young !! Too Old (Completed) <<<

[nain11ster]

-----: Bulletin Board :-----

​

Update 88 (A & B) is posted on 537.. Must give your valuable feedback...

End Of The Chepter:-1 is posted on 542...

​

 

[Naina]

Bahut hi Behtareen update, iske bad lag ho nahi rha ki kuch gap bhi hua hai, man pura satisfied hai. Aane wale time me jald hi asif ka rishta tay hoga bus jo dar hai wo hai jannat ke liye, to ab is jimmedari ko vyas ne apne kandhe per utha rakha hai , sia aur vyas ki kahani mishrain ke samne bhi aa gayi hai iska matlab sabhi jaruri log ab jald hi is baat se avgat ho jayenge. Sari bate ghum fir ker som aur Meera per atak jati hai .aap bahut accha ja rhy ho nain bhai pehle ek case aage bada rhy ho aur ek ko hold per rakha hai fir aane wale time is Meera aur som ka case bhi sabke samne aa jayega ... Filhar focus me Asif aur asqa hi hai

nain11ster sahab ko boliye ki sungandha ko re-entry karwaye story pe bichari akeli, tanha tanha si..

 

[Naina]

awesome super update

nain11ster sahab ko boliye ki sungandha ko re-entry karwaye story pe bichari akeli, tanha tanha si..

 

[Naina]

Intezar agle update ke liye

 

[mashish]

nain11ster sahab ko boliye ki sungandha ko re-entry karwaye story pe bichari akeli, tanha tanha si..

ye to hame pata hi nahi hai abhi ham bha pahuche hi nahi to kese bol de jab pahuchenge to jarur bol denge

 

[mashish]

Update:-56​

Vyas, kabhi dayen khadi apni maa to kabhi bayen khadi Meera ko dekh raha tha... Ander se dhuk-dhuk.. dhuk-dhuk... Ghabrahat ki alag hi dhun Vyas se sine se uth rahi thi...


Ye thi aam zindgi ki Alka… Wo tha bechain zindgi wala Vyas aur samne mentos zindgi jine wali Meera. Meera mand-mand muskura rahi thi. Gusse me daant pisti Alka ko kuchh sujha nahi aur aam log ander ki bhadas jis parakar nikalte hai, Alka Shashtri ne bhi ek karara jhaanpad de kar apni bhadas nikali aur gusse me tej-tej shwans leti Meera ko ghurne lagi.


Pass khada tha bechain Zindgi wala Vyas. Jo mentos Zindgi wali Meera ko uske mentos zindgi jine ke liye thappad khate jaise hi dekha, chilla diya. Bechain zindgi wala Vyas bechain si pratikriya diya aur aam zindgi wali Alka Shashtri ab bhi gusse me thi. Ek karara thappad bechain zindgi wale Vyas ko aisa pada ki uski sari bechaini pal bhar me hi shanttttt ho gayi...


Ab Meera to thi mentos zindgi wali, apna thappad kaisa tha uss par to hansi nahi nikli lekin Vyas par thappad padte hi wo hansti hui kahne lagi.… "Areee koi na Vyas sir reaction dena band karo... Aannn haa aunty hath aap ke kadak nahi..."


Alka Shashtri gusse me chillati... "Ae pagal tu nikal mere ghar se.. yahan aana mat.. wo tera jija kaise ho gaya... Haan .. haan.. bata…


Meera:- Ohhh hoo hooo!!! Main tab to kuchh na kahi aunty jab Vyas ko jabardasti ka bhai bana rahi thi. Bolo, bolo, bolo na.. Thik hai aap ki property aap ka ghar, bhai hum kaun hai…


Alka, bechari aam si zindgi jine wali. Pal me gussa pal me afsos, "Hey bhagwan kitna galat bol gayi main"… man me khyal, chehre par afsos.. Ab bhala bechain zindgi wala Vyas, jab nautanki Meera ke thappad ke liye bechain ho sakta hai to apni maa ki utri shakl dekh kar dil me tis marega hee...


Vyas:- O Miss Meera ji, meri maa gusse me kahegi to tum unhe guilt feel karwa kar jaogi...


Meera:- Nana.. main to Alka Shashtri ke property se bahar ja rahi hun... Nirali Shahstri ke property me aaram se baithungi aur yahin se tumhe bade pyar se pukarungi… jija ji... O pyare jija ji...


Alka ki hansi nikal gayi. Meera ke kaan marorti... "Mere matthe Jannat aur Nirali kam thi jo tu aa gayi. Main tujhe beti maan rahi hun aur tu mere samdhiyane ke paksh me ja rahi hai"…


Meera:- Main bhi to aap ko maa maani kahan kaha ki maa nahi ho. (Fir pyar se Alka ke dono gaal khinchti)… lekin aap ko bhi to ye rakhi ke dhage ke confirmation ki baat nahi karni chahiye thi. Aap ne beti maan to liya lekin bhadosa nahi ki.


Alka:- Arreee main to wo bus...


Meera:- Haan samjh gayi... Mujh par bharosa hai, Vyas par nahi.. yahi kahna chah rahi hai na..


Alka apna sir pit'ti.… "Hey bhagwan sare paglon ko mere matthe hi bandh diye ho. Ja tu pahle ye overlook change kar ke aa jab tak main tere action ko pacha rahi hun. Aur tu khada khada kya kar raha hai... Ja taiyar ho kar aa..."


Alka jab kitchen ke ore mudi Meera ke bare me soch kar hansti hui bus muh se pagal hi nikla. Meera bhi gayi fatafat change marti simple si taiyar hui. Taiyar ho kar pahunchi... "O aunty dekho ab thik hai"…


Alka Shashtri kitchen se bahar aati... "Haan ye pyara hai. Ab lag rahi hai college jane wali ladki. Tere pass salwar kurta hai ya ye ek shauk ke liye kharid li thi"…


Meera, chhota sa muh banati... "Haan bus yahi ek hai"..


Alka:- Achha thik hai koi baat nahi... Aaj chal kar 4-5 jodi le lenge .. Waise tu aise taiyar ho kar college ja rahi thi ya kahin aur jane ka program tha..


Meera:- Sochi thi college ke baad mathura jaungi... Wahan se vrindavan...


Alka:- Areee kya baat kar rahi hai.


Vyas kamre se hi... "Maa kal Nirali aur Jannat ki scooty lene jana hai... Man me yadi bhakti umar aayi ho to usse 1 hafte baad shift kar do...


Alka:- Oh haan... Meera next week plan karo main bhi sath chalungi. Waise ek baat batao, tum aaj kiske sath jati...


Meera:- "Main aur Neerav jati... Aaj sham ghumti. Kal ghunti aur fir laut aati... Ohhh ek baat aur main aur Neerav jab totli boli bolte the tab se sath hain... Isliye ab ye mat soch lena ki ek ladke ke sath, warna iss baat par thoda sa bura lag jayega…"

"Main, Neerav, Pali aur Akansha… Pahli class ke pahle din mile the... 12 sal tak sath rahe. Kewal 2 mahine ke liye ghar jati thi, baki poora parivar to boarding school hi tha. Wahan Sia didi thi, humare Sweeto group ki mentor. Wahan humari Kalpna madam thi, humari guru mata, pita, dadi sab. 3 mahine pahle hi boarding se nikli hun..."

"Thoda afsos sa hota hai apne ghar se kafi dur aa gayi... Lekin koi na yahan bhi ek maa hai. Doston ka poora ek group hai.. pahle bhi zindgi achhe aur pyare logon ke bich thi, ab bhi achhe aur pyare logon ke bich hai... Aur bus issi baat ka dhanywad apne Krishna se karne ja rahi thi...


Alka:- Samjhdar to bahut ho, isme koi shak nahi.. Khair, next Sunday plan karte hain. Hum sab sath chalenge…


Meera:- Kal sab ke sath scooty hi kharidni hai na... Bus itna hi na... Aunty aap bus bata do ki kitne log jayenge… baki kal hum sab Mathura aur vrindavan ghum kar aayenge…


Alka:- Lekin kaise... 5-6 ghante jane aur 5-6 ghante aane me lag jayenge...


Meera:- Wo sab mera headache hai..


Alka:- Nana tu kya karne wali hai wo bata de. Tumhe jaan'ne ke baad mujhe pahle sunischit hona hoga…


Meera:- Aaj sham ya kal subah ki flight se Mathura aur kal 2 baje dooahar ki returning flight.


Alka saaf mana karti... "Nahi ye nahi. Hum apne paise se darshan ko jayenge..."


Meera:- Aapke bete ke hi paise hain. Sara kharcha iske boss Som sir arrange karenge… chalo na aunty... Ab beta part time kama raha hai to ek baar flight me bhi ghum lo. Bete ne scooty ke liye kaha, manaa ki kya?..


Vyas:- Haan maa jab aisa hai to ho aao... Bata dena kitne log ja rahe hain, main uss hisab se arrangements dekh lunga...


Alka:- Pandit ji aate hain tab unse rai vichar kar ke batati hun... Chalo ab sab bhago collage...


Idhar se ye log college ke liye nikal rahe the udhar se Sia. Yun to Diksha chahti thi ki Sia aaj college na jaye, lekin Sia bus 2 class kar ke jaldi lautne ka kah kar college nikal gayi. Sia sidha canteen hi pahunchi jahan Medical final year ke students Nisha, Amrendra aur uske poora group se mulakat ho gayi.


Sia roj ke tarah hi apna alag teble le kar baithi. Hath dikha kar sab ko "Hi" ka ishara kar hi rahi thi, tabhi Sagar Chaturvedi Sia ke table par baith'te... "Aap Kapendra chacha ki beti hain"..


Sia:- Haan..


Sagar:- Please please mujhe maaf kar do, mujhe aap ke bare me pata nahi tha.


Sia:- Hmmm !!! Maaf kee.


Sagar:- Kal wo aap sab ko mall me dekha to samjh me aaya. Aap ko batana chahiye tha na..


Sia:- "Kya batana chahiye tha... ladke parking me pareshan karte hain isliye management ko compalint ki. Jis par management ke paksh se, yahan ke ek neta ka ladka mujhe sabak sikhane ki thani aur mujhe pitwane ke liye apne girlfriend ko bulaya tha."

"Sagar Chaturvedi, main yadi naam batane par aati to kya tumhari jaroorat hoti, management aur mere matter ke bich? Aur kya yahan ka managing head mera naam puchhne mere class tak aata? Aur sabse aakhri me, kya main iss campus ke bahar kisi dusri jagah padh rahi hoti to main apne pitaji ke bio-deta ke sath complaint karti..."


Nisha:- Koi samasya hai kya senior..


Sagar:- Koi samsya nahi hai tum apna kaam karo...


Sia:- Sagar ab tumhe jana chahiye. Mere liye wo ek gaya gujra matter hai jis par main nahi sochti.


Sagar:- Hum ek parivar se hain... Tum mujhse chidhi kyun ho?


Sia:- Sagar ab baat khinch rahe ho. Main chidhi bilkul bhi nahi hun. Tumhare mann me dosti dushmani ye sab chalta hai isliye yahan itne clarification ke liye aaye. Mere pass sochne ke liye bahut sari chijen hain, ek hi point par atki nahi rahungi.


Sia apni baat samapt kar class me nikal gayi. Lucknow ke water bodies survey team ka nirman ho raha tha. Sia ko bhi 5 logon ka poora ek group mila jo external proff. ke sath Lucknow ke jalashyon ka survey ke liye jate.

Ab group me 3 ladke. Teeno hi Sia ke sath hone par ander se itna khush the ki unki khushi na kabile bayan thi. Wo to canteen me sath baith kar apne iss project ke bare me discuss karna chahte the lekin Sia unhe apna number deti...

"Aapas me plan kar lo kaise karna hai. Mere pass survey ki detailed copy hai main aaram se study kar ke tum sab se cordinate kar lungi"..

Sia apni baat kah kar bhagi. Wo Vyas ke first look ke liye kafi utsahit thi. Sia canteen me baith kar mukhya dwar ke ore face ki hi thi, samne se Vyas chala aa raha tha. "Umaaahhhh... Sweetoooo".. Sia ke ander se aawaj aayi. Vyas ko dark blue shirt me dekh kar Sia samne se cute sa chera banati dhime se usse "thank youuu" kahi aur turant hi love ki dher sari emoji Vyas ke mobile par send kar di.

Aaj bhi waise hi baithne ki vaywastha thi. Meera aur Neerav aa kar Sia ke pass baithe. Vyas apne doston ke sath alag table par. Haan lekin in teeno ko pata nahi tha ki pichhe se Mahira bhi aa rahi thi, jo sidha ja kar Vyas ke table par baithi...


Tirchhi najron ke baan dono chala rahe the. Tirchhi najren ek dusre se takra rahe the. Aur najron ka teer aisa dil par lag raha tha ki dono ke dil me gudguda sa ehsas hilkor maar rahe the. Mand mand muskaan hoton par aur Sia ki najren mobile ki screen par... "Sia didi pahli baar mobile ko dekh kar muskura rahi, baat kya hai?"… Neerav ne puchha...


Sia:- Kuchh khas nahi lekin abhi meri jigyasa to bus itni hai Neero, Kuku aaj kuchh badli dikh rahi hai... Neero any comment...


Neerav:- I thought ki isne apna pahnava badla hai. Aaj jeans top ke badle salwar kurte ne aayi hai...


Sia:- Yep.. pyari dikh rahi hai...


Baat to mano time pass tha. Jo ki samne baithe log hain to kuchh na kuchh kahna hai. Baki chor najren to bus Vyas ko hi nihar rahi thi.


Ye to iss taraf ka haal tha aur pados ke table par to gajab hi ho raha tha. Aaj teeno ke teeno shant the aur kal jaan pahchan hui ladki Mahira, bole ja rahi thi. Shayad Asif aur Riaz, Vyas ki daant ko le kar kuchh jyada hi serious the aur Vyas ke liye bhi baat karna mahaj aupcharikta matr hi thi kyonki najron ke Pench to kahin aur hi ulajh rahe the..


Vyas:- Tum dono (Asif aur Riaz) bhi bol sakte ho. Maine baat karne se manaa nahi kiya...


Riaz:- Ab kal tune itna suna diya baat kya ghanta muh se niklegi...


Asif:- Upar se ruka bhi nahi ..


Vyas:- Bacche ho jo padhai me dhyan dene kahun to baki kaam ko chhod doge. Dimag ko mature kar aur hosh me rahna sikh. Ye madam ka kya scene hai aur yahan kyun baithi hai...


Mahira:- Mera scene... Sahi hai ladki ho kar main sath baithi..


Vyas, usse hath dikha kar bich me hi rokte... "Dadi, nani ki kahani sunani hai to rahne do. Sidha mudde ki baat karo na... ..


Haan kyun na kahe aisa... Aakhir najen jo kahin aur uljhi thi. Ab to dimag me bus akele me milna sujh raha tha...


Mahira:- Kal raat se Riaz ne ek bhi message ka reply nahi kiya. Uska phone nahi utha raha isliye meri frined mujhe phone kar rahi ..


Vyas:- Are bawari Riaz ne ek bhi reply nahi kiya. Kisko reply karna tha… aur 2o reply nahi kiya to tumhe kyun phone aa rahe.. Chhodo ye confusion, tum log aapas me nipto.. main ja raha hun…


Vyas tirchhi najron se dekh bhi raha tha aur uncha bol kar Sia ko suna bhi diya. Jaise hi Vyas utha, Sia ko sujhi shararat aur usse hath dikhati... "Vyas yahan aao"… Vyas to aise ghura mano muh ka nibala muh me aate-aate wapas se plate me chala gaya ho... Arthat canteen ke chair se uth kar bahar milne ki khwaish fir se canteen ke chair me simat rahi thi...


Meera:- Koi kahin na jao aur na hi kahin baito, sab apne-apne class niklo... Kisi ko samay ka pata bhi hai.. O' Paali house majnu chalega ya aaj saam Delhi jane ke khyal se hi bawra bana hai... ..


Neerav:- Main to nornal hi hun, lekin mujhe ab kuchh-kuchh sanka sa ho raha hai. Kuch log aaj mujhe kuchh alag hi najar aa rahe hain...


Meera, Neerav ke sir par ek hath maarti... "Apne pitaji se traning le raha hai kya? Chal class."


"Haan chup karwa de mujhe apne dialogue se"….

"Neero jyada nahi bol raha" ….

"Haan besudh log, sab aise baat kar rahe the jaise picnic par baat kar rahe. Class ka kisi ko khyal hi nahi tha"……

"Mujhe tha, samjha tu"….

"Haan wo mujhe achhe se pata hai."…

"Neero tu ja aaj Delhi. Main, Akansha aur Paali ko bol kar teri class na lawayi na, fir tu kahna"….

"Oh matlab yahan discussion karo aur jit na pao to sidha wahan phone kar do. Chhi, gandi soch"….

"Neero bahut bol raha hai chup ho ja"…


"Areee bus karo tum dono... Miya biwi ki tarah jhagdna band karo"…. Pichhe se Riaz ne Meera aur Neerav ke chal rahe cold war par apni pratikriya de dee. Aur kya pratikriya di thi, pichhe wale sab hans rahe the. Ye dono bilkul khamosh ho kar pichhe mude aur Riaz ko ghurte.…


Meera:- Neero isse target me le... Kuchh bhi utpatang bolta hai...


Neerav:- Class me kal mobile se chipka tha... Ladki ka pata laga kar hum uss se hi baat kar lenge...


Vyas:- Ander chalen ya abhi hi sab kar lene hai...


Idhar sab log class me ander gaye udhar Sia bhi apne class ke liye ja rahi thi, tabhi Sia mo aage se 8-10 ladkon ne gher liya. Kuchh chehre pahchane se the, jo kayi baar aas-pass dikhe the. To kuchh chehre anjaane se... Sabhi Sia ka rasta roke khade the.


Sia apni jagah khadi thi. Wo log takriban 2-3 fit ki duru banaye khade the. Bich se rasta khula. 27-28 varshiya ek ladka, uske dono kinare 2 deshi bodyguard, kandhe par 2 nali taange aage aaye. Wah ladka Sia ke thik samne khade hote... "Naam kya hai tera"…


"Siaaaa"….


"Dekhne me kafi mast hai. Figure bhi achha hai. 4-5 yaar to paal hi rakhe honge. To ja kar udhar masti mazak kar na. Tu jis ladki par kuchh din pahle hath uthayi thi (Sagar ki girlfriend), uska baap mere baap ko danda kar raha aur mera baap mujhe. Kahin aisa na ho tu humare group ke mauj masti ka saman ban jaye aur hum tere chikne sharir ka video viral kar de."

"Kirti (Sagar ki girlfriend) parso se college join karegi, aur mujhe kaam mila hai tujh se maafi magvane ka. Kash sabak sikhane ka kaam mila hota to apne mauj masti ho jate… Khair tu Kirti ke paun me pad kar maafi maang lena, aur hume chain se jine de. Aur sun ladki, kahin somvar ke din main bechain ho gaya na to fir teri bechain si chikh par 10-10 launde hans rahe honge.. chal bhag yahan se..."

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

super se bhi uper

 

[Nevil singh]

Update:-65​

Quick recape of this current situation...

Sanivar ki raat Meera, Bhagwan Shree Krishn ko apni zindgi me Som ko permanent bhejne ke liye, dhanyawad kahne Mathura aur Vrindavan ke liye nikli thi. Uske sath Shashtri dampatti, aur Nirali bhi thi.


Ravivar ki subah mahol kuchh aisa bana ki ek-ek kar ke har koi Sia ke vivadit jamin par pahunch gaya. Vivadit jamin par uske malik ke sath aaye kuch sthaniya logon ko suchna pa kar, anadhikrit kabja karne wale Zerul Imam ka shautela beta Istak Imam jamin par jabran haq jatane pahunch gaya.


Uske purv Som ki suchna par defence ki team militants ki khabar sun kar pahle se Zerul Imam ke ghar par raid dalne ki taiyari me juti thi. Istak ke vivadid jamin par hone se military operation me bhi thodi fer badal ho gayi. Zerul Imam ke bete Istak ko bandhak bana kar usse uske bill se bahar nikalne me sabhi kamyab rahe. Military operation me Istak Imam ke sath 5 logon ki jaan gayi aur karib saikdon logon ki giraftari hui jinme se ek Zerul Imam bhi tha.


Zerul Imam ke kacche chitthe ki khabar Som ko thi. Uske kabja ki hui jamin ke poore dastavej Som ke pass the, bus ab un jamino ke malik ki talash karni thi, jinhe jabran unki jagah se hataya gaya tha. Is sandarv me ek high voltage drame ke baad Som, Vyas aur Asif ke sath uske ghar chala aaya. Halanki Som ke uske ghar aane ke piche ek aur chhipa hua maksad tha, aur wo tha apne maa-pitaji ki ikchha.


Som ke ghar ka kaam karwane ke chalte Zerul Imam ne ek bacchi ka paun kuchalwa diya tha. Jis bacchi ka paun kuchla gaya, uski maa Samina ki ikchha thi ki Asif aur Asqa ki mohabbat ko manjil mile. Som ke maa aur pitaji har kimat par uss maa ki ikchha ko poore hote dekhna chahte the bus. Aur yahi vajah thi ki Som ab Asif aur Asqa ko shadi ko sampann karwane ke liye Asif ke ghar tak pahuncha tha.…

--------------------X--------------------​

Som:- Koi nahi wo bhi jyada din nahi tikegi... Tumhara local network achha hai. Mujhe in 48 makan me jabran kabja kar ke rahne walon logon ki poori detail chahiye. Jaisi detail tum dono ne abhi Gungun ki di hai...

1 detail ke 2 lakh milenge. Aur haan koi lafda nahi chahiye. Upar se jitna pata chale utna hi pata karna hai. Kisi bhi prakar ke jhagde me involvment nahi chahiye. Kya samjhe...


Vyas:- Lekin ye paise dega kaun…


Som:- Wahi jo jabran kabja kar ke dusron ki sampatti par aish moj kar rahe hain wahi pay karenge. 96 lakh ka kaam hai. Main isse round figure 1 carore kiye deta hun. 1 mahine me aaram se apne logon se detail nikalwao.


Asif:- Bade bhaiya isme aap ko kya fayda hai...


Som:- Har parinde ka apna ek ghosla hota hai. Bahut pyar se log ghar banate hain iss baat ka ehsaas mujhe Sia ke aanshu ne karwaye. Sab ko uske ghar wapas milenge, bina unke jankari me aaye ki unke ghar kisne lautaye.

Tum in 48 thikano ka pata karo. Iske alawa bhi koi kabje ki kahani ho to wo bhi bata dena. Hum iss kaam ko secretly operate karenge...


Vyas aur Asif:- Jaisa aap kahen bade bhaiya...


Som:- Filhaal to abhi meri jigyasa tumhari maa aur bahan se milne ki ho rahi hai Asif. Unhe bulao...


Asif, thode hairani se Som ko dekhne laga. Vyas hanste huye... "Aise hairani se bade bhaiya ko ghur kya raha hai. Tu ghodi chadhega"…


Asif:- Nahi nahi... Aap Samina bhabhi ki baton ko seriously na len.. pahle Jannat ka Nikah hoga uske baad..


Som:- Suno Asif, wo civil exam ki preparation kar rahi hai na. Tumhari iss baat se uski padhai par asar padega…


Asif:- Kaise...


Vyas:- Wo aise duffer ki Jannat ko lagega uski vajah se tumhari shadi nahi ho rahi...


Asif:- Hmmmm !!! Lekin fir bhi abhi nahi. Ye makan ki haalat dekh rahe ho... Upar se uska bhai Danish…


Vyas:- Haan wo sala kamina... Wo to ye prastav na daal de ki thik hai Aqsa ki shadi Asif ke sath aur Jannat ka rishta mujh se tay kar do...


Asif:- Haan wo sala ye game khel sakta hai...


Som:- Ab mere pitaji ne ikchha jahir ki hai. Unki ikchha to poorn hogi hi. Thik hai Nurul Hassan ko pahle bulao...


Asif:- Lekin bade bhaiya...


Som:- Kuchh nahi bulao... Pahle tumhare makan ki haalat ko poorn tandarust kiya jaye. Aur chinta mat karo muft me paise nahi lagaunga, utne ka kaam karwa lunga tumse.


Vyas:- Fir to Danish ka bhi aap ne soch liya hoga…


Som:- Nahi uske bare me tum dono socho… aur mujhe batao ki aisa kya karen ki wo tedhi dum sidha ho jaye...


Vyas:- Wo to bahut simple hai. Bahut din se Saudia jane ka sapna dekh raha hai, par wo itna bada nakara hai ki usse koi job hi nahi de raha...


Som:- Bus itna hi... Ho jayega... Kab bhej dun...


Asif:- Matlab kuchh bhi.. kahta ki usse US jana hai tab...


Som:- Chinta mat karo sab ho jayega... Hai kuchh pahchan ke log jo usse kaam par laga denge... Saudi, Kuwait kahin bhi job aasani se mil jayegi...


Asif kuchh bolne ko hua, Vyas apna hath dikhate... "Tu ja kar Nurul bhaiya ko bula la. Jis ladke ki shadi ki baat ho rahi ho wo aise badon ke bich me nahi bolte. Aur sun jate-jate chachi ko bhej dena.


Vyas kah hi raha tha ki ussi bich Jannat, Vyas ke sath Som ke liye bhi khana lagane lagi. Som thoda hichkichya fir thode si jid ke baad usne bhi kha liya. Khane ke dauran hi Som ne Asif ke shadi ki baat chhed dee.


Pahle to uski maa Zarina ko kuchh samjh me hi nahi aaya ki wo kya kahe, lekin pichhe se Nurul aaya aur wo bhi Som aur Vyas ke paksh se kahne laga,…. "Iss ghar ko ek Raunak ki jaroorat hai chachi... Asif ka Nikaah ab karwa do."


Zarina bahut jyada sankoch me thi. Uska bhi kahna sahi tha,…. "Hum to jaise taise rah lete hain, wo rahegi kahan. Abhi to Asif ke pass bhi koi kaam nahi hai. Padhai poori ho kar kaam shuru karne me kam se kam 10 sal waise hi lag jana hai..."


Vyas, Samjhate huye Zarina ko vishwas dilaya ki uske part time naukri se itni aamdani ab ho jayegi ki ab khud Zarina ko mall ja kar kaam karne ki jaroorat nahi hai. Rahi baat ghar ki to Nurul bhaiya ko bulaya hi isliye gaya hai taki iss poore ghar ki kayakalp ho jaye.


Nurul to Som ko dekh kar hi khush ho gaya tha. Lagbhag 3-4 mahine baad Nurul ki patni rone ke sath thode sukoon me thi aur ek khushi ki ikchha jahir ki thi. Nurul uski khushi ke liye kuchh bhi karne ko taiyar tha. Haan lekin Som ko dekh kar usse lag gaya ki uski patni ki ikchha jald puri hone wali hai. Khush tha wo bhi, ander se bahut hi jyada khush tha...


Nurul samjh gaya tha ki uska yahan hona yani Asif ke ghar kee renovation ki baat chal rahi hogi. Nurul bhi ek behatrin suggestion diya. Kam kharch me first floor par ek master bedroom full furnish ke sath poore ghar ki complete repairing.


Som ne ussi waqt kaam nakki karwaya aur poore kaam ka payment karte, poori jimmedari Nurul par hi chhod diya. Sath hi sath Som ne Nurul se apne ghar ka bhi kaam jald se jald khatm karne ke liye kah gaya.


Sham ka waqt tha... Vyas ki poori family Matura se lautne ke baad Scooty kharidne nikli. Pahle planning Jannat aur Nirali ke liye scooty kharidne ki thi. Lekin jab se Som, Asif ke shadi ki baat chhed kar gaya, Jannat soch me dubi thi ki achanak ye Asif bhaijan ki shadi ka khyal kaise? Thik wahi haal Nirali ka bhi tha jab wo Mathura se lauti aur Asif ki maa Zarina ne Pandit ji ko sari baten batayi.


Fir to dono (Nirali aur Jannat) hi Aqsa ko call laga kar ek-ek detail nikal lee. Haan Aqsa ne unhe bike aur subah hui pareshani ko batayi lekin Zurul ka kissa nahi batayi. Khair poori baat jaan kar Jannat aur Nirali behad hi khush thi, aur thik ussi waqt dono ne tay kar liya 1 scooty aur 1 bike aayegi..


Jaise hi bike ka plan bana aur bike kharidne ke pichhe jo logic Jannat aur Nirali ne diya, fir to Vyas aur Asif ko bhi samjhte der na lagi ki information kahan se leak hui hai. Haan lekin iss information par Asif ne Aqsa se Zurul ke case ka confirmation liya. Rahat ki shwans liya jab pata chala ki Zurul ki koi information pass nahi hui.


Ab bike le rahe the to Riaz miyan kaise pichhe rah jate. Wo bhi apni badi bahan Rukhsar aur bhanji Kittu ke sath aaya tha. Kittu thi to bahut pyari bacchi, kabhi Asif ke pass rahti to kabhi Vyas ke pass aur Riaz miyan lagatar phone me dube...


Had to tab ho gayi jab sab bike ke models dekh rahe the aur Riaz phone ke screen par najar dale jor-jor se hansne laga. Bechara, daant kha gaya. Khair bike aur scooty ki shopping ke baad Asif aur Vyas ka poora parivar Vyas ke yahan hi tha. Teeno tikri bhi ek kone me khade the aur Zarina pandit ji ko dekh rahi thi…


Asif ke shadi ki baat shuru hote hi Pandit ji hanste huye.… "Kaun apne Muzib bhaya ki beti hai na. Kya naam hai uska?.." Chuki Muzib Khan umr aur tajurbe, dono me Pandit ji se kafi senior the isliye wo bade bhai ki tarah regard karte the.…


Pandit ji ko sun kar sabhi bacche chaunk gaye... Kisi bhi bacche ko ummid nahi thi ki Pandit ji ko ye baat pata hogi aur ab Aqsa ka naam bata kar kaun baccha apni gardan fansaye. Isliye sabhi khamosh...


Alka:- Muh to dekho in sab ke. Sab kitne masoom ho. (Alka Nirali aur Jannat ke kaan madodti) … Asif ka kisi ladki ke sath chakkar hai wo tum dono shayad na janti ho, lekin apni saheli ka naam bhi bhul gayi... Sab ke pet mile hain. Dekh rahe hain na Pandit ji..


Zarina hansti hui... "Didi thoda aur jor se kaan khincho. Aisa chuppi lade ho jaise Mujib Khan ka naam hi pahli baar suni ho"..


Jannat aur Nirali ek sath.… "Asqa naam hai. Ab kaan chhodo bhi"…


Jannat:- Bhaijaan ladka hai na. Wo sina tan kar ghar me kisi bhi ladki ke bade me bataye to bhi kaan humara hi pakdoge...


Nirali:- Chhod na Jannat. Sab dikhta hai. Ek baar bhi kisi ne aankh bhi dikhayi ho....


Alka:- Tum dono ko bhi shadi karni hai..


Dono ek dum se muh par tala lagati, ek sath naa me apna sir hila di. Alka Shashtri dono ko ghurti.... "Pichhle kuch dino se main tum dono ko dekh rahi hun. Har baar prem-prasang ke mamle me bhed-bhav ke tane de rahi ho. Dil me kuchh hai to abhi kah do. Kisi bahar wale se pata chalega to bahut bura lagega"..


Jannat:- Haan jaise abhi bata denge to aarati ki thali saja kar le aaogi chachi...


Alka hansti hui... "Ati dhit ho gayi hai dono. Mere aankh dikhane ka bhi asar nahi hai. Bol kar dekh dil me thoda chhed sah lenge aur ladka achha hua to rishta pakka kar denge."


Nirali:- Tane maarna humara adhikar hai. Wo hum maarte rahenge.. kyun Jannat..


Jannat:- Dekh na sab muh chhipa ke hans rahe hain aur hume hi chup karwate rahte hain. Bahut chalu hain ye log re Nirali. Baton ka poora maza le lenge fir jab inka manoranjan poora ho jayega tab hume daant kar chup karwa denge.


Nirali:- Baba ke naam puchhne par sab ne chuppi sadh liya. Pata to in three idiots ko bhi tha lekin isme bhi maa ne humare kaan madod diye. Khud ka pati kitne din pahle se apne bete ki prem kahani jante hain, uss par bhi koi dhyan nahi..


Jannat:- Chhod na ab wo gardian hain. Unke liye to 100 khun maaf, hum naam na bataye to kaan madodte hai.


Pandit ji hanste huye apne hath jor liye.. "Mujib bhaiya ek ladki ka pita hai. Apne bacchon ke shadi ki charcha bhi na kare kya? Ek din hum school me the tabhi Asif ko le kar charcha hui thi, lekin mamla dono taraf ka hai mujhe to aaj meri betiyon se pata chala, warna mujhe laga tha ki Mujib bhaiya (Aqsa ke pita) Asif jaise honhar ladke ke liye apni beti ke bare me soch rahe."

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Update:-66​

Pandit ji hanste huye apne hath jor liye.. "Mujib bhaiya ek ladki ka pita hai. Apne bacchon ke shadi ki charcha bhi na kare kya? Ek din hum school me the tabhi Asif ko le kar charcha hui thi, lekin mamla dono taraf ka hai mujhe to aaj meri betiyon se pata chala, warna mujhe laga tha ki Mujib bhaiya (Aqsa ke pita) Asif jaise honhar ladke ke liye apni beti ke bare me soch rahe."


Jannat:- Jhoot.. jhoot … jhoot..


Pandit ji:- Nahi sach me...


Nirali:- Baba, fir itni hansi kyun chhut rahi hai. Zarina chachi ne jaise hi shadi ki baat chhedi fir aap hanste huye sidha Asqa ke abbu ka naam kaise le liye. Kisi aur se rishte ki baat nahi ho sakti thi kya?


Jannat:- Chacha ab bolti kyun band hai. Ab pichhe se Alka Shastri ka wahi purana dialogue aayega… Chachi bol bhi do...


Alka dono ke baal pakad kar sir ko ghumati... "Ja kar chay aur pakode ka intzam kar sabke liye. Aur Pandit ji aap, kam se kam Asif ko 2 thappad to lagao."


Pandit ji:- Mujhe Mujib ki chhoti beti pasand hai. Sabhya aur sanskari hai. Utna hi maan aadar bhi karti hai. Shadi aise hi to dekhe-sune jagah par hona chahiye. Ab ladki hum pasand kare ya Asif khud, bus ladki parivar me milnsar honi chahiye... Haan lekin mujib bhaiya ke yahan rishta karne me ek hi dikkat hai...


Sabhi ek najar tak-taki lagaye... "Kya?"..


Pandit ji:- Uss din Mujib bhaiya kah rahe the, soch raha hun Aqsa ki baat Asif ke liye kar aaun aur Danish ke liye Jannat ki"..


Sabhi ek tak Najar gadaye pandit ji par.… "Fir aapne kya jawab diya baba"… Vyas thoda chinta jahir karte huye puchha…


Pandit ji:- Main kya kahta. Main khamosh rah gaya. Uske chhote ladke ko kaun nahi janta hai. Pata nahi Mujib bhaiya ne aisa socha bhi kaise...


Zarina:- Fir ab...


Pandit ji:- Masroof kahan hai.. tum logon ne usse yahan nahi bulaya kya?


Zarina:- Bada aadmi ho gaya hai... Din se phone kar rahi hun... Lekin garaj me hi vyast rahega...


"Bhabhi pith pichhe burai karte sharm nahi aati"… Masroof bhi hall me aate huye kahne laga...


Nirali:- Hum chacha bol de to kahte ho nana bhai bola kar, aur abhi chachi ko bhabhi... Paltu aadmi...


Masroof:- Ja chay laa sabke liye... Are Alka bhabhi ye dono yahan hai kitchen ka kaam kaun kar rahi.. .


Alka Shashtri…. "Masroof bacchon ki baat ko chhodo, pahle ye batao 15 dino se gayab kahan ho? Phone karo to uthate nahi ho aur ghar jao to milte nahi ho. Saaf saaf bata do kya mansa hai."…


Sab log bus ye indirect baat ko samjhne ki kosis kar rahe the ki aakhir dono ke bich chal kya raha tha... "Alka, abhi hum kaun si baat kar rahe hain aur tum kaun si baat chhed rahi"… Pandit ji ne toka


Alka:- Ruko 2 minute aap. Masroof...


Masroof:- Janta tha aaj family meeting hogi aur aap ka para garam hoga. Kya karun bhul jata tha. Ye lo aap ka kaam kar diya hai...


Masroof sabke bich jewellery ke kuchh box rakh diya. Alka 2 box Nirali aur 2 box Jannat ke hath me deti. Ander ja kar check kar ke aa, sab sahi hai ki nahi"…


Pandit ji:- Ye sab kya hai?


Masroof:- Wo Alka bhabhi aap se chhipa ke LIC me paise jama karti thi. Ussi ke paise aaye to Jannat aur Nirali ke liye jewar banwa liye... Gala aur kaan me ka hai...


Pandit ji:- Itni tangi chal rahi thi aur usme bhi paise chori…


Alka:- Abhi shadi ki baat nahi karni hai kya? Ab ho gaya na kyon BP high karte ho. Mujhe dono ke gale me artificial haar aur artificial kaan wala achha nahi lagta tha bus...


Masroof:- Asif ke shadi ki baat ho rahi hai kya???? Wahi master ki chhoti beti ke sath??


Zarina:- Masroof tumhe sapna aaya tha kya? Humne to kuchh bataya bhi nahi...


Masroof:- Ab padosi hun to itni khabar to main bhi rakh hi sakta hun na bhabhi...


Alka:- Kyun hum Jannat ya Nirali ke ladke ki baat nahi kar sakte...


Masroof:- Chhodo bhi baat ko ghumana... Jitna khinchoge utna khinchega. Maine apni galti maan li… Ab batao kyun bulaya hai?


Ye ek aur jise pahle se pata tha ki Asif aur Asqa ke bich kya chal raha hai. Pandit ji hanste huye puchhne lage… "Koi aisa hai jise nahi pata ho?"…


Masroof:- Chauhaddi ke har ghar ka to survey le chuka hai Asif ka sasoor.. jo nahi bhi jante the wo bhi samjh gaye ki Aqsa aur Asif ke bich jaroor kuchh hai... Haan lekin uska Sasoor kuchh mental type dikha... Jannat ke bare me bhi puchh raha tha. Batao uske yahan uska wo nakara beta bacha hai. Waise nakare ko to Mustaak apni beti ke liye mana kar gaya aur wo Jannat ke bare me puchh raha tha...


Pandit ji:- Masroof puchh hi raha tha na.. kyon aise chidh rahe...


Masroof:- Na kahan humari Jannat poora UP topper, usse kuchh soch kar baat karni chahiye thi. Uss ladke ki aukkad hai Jannat ke ore dekhe bhi. Upar se wo padhna chahti hai ye baat kisko nahi pata. Abhi to munchhon par tab tau denge jab Jannat aur Nirali wo kya kahte ho wo kaun sa badi asfar banegi...


Vyas:- District Magistrate… .


Pandit ji gusse me chillate... "Khabardar jo kisi ne ummid bana kar bacchiyon par pressure dala to. Padhne do unhe... Kosis khud se karegi hoga tab bhi shaan ki baat hai na hoga tab bhi shaan ki baat hai... Aise to tum log uss par pressure daal kar dipression me le aaoge...


Masroof:- Haan aapne pahle bhi ye baat batayi thi... Ab hum padhe likhe nahi, koi afsar garaj me aata hai... Ree areee karke baat karta hai aur hume ji hujoor karna padta hai. Ander dil me hota hai koi apne pachan ka afser hota na to ek din sar utha kar unko kahte... Muftkhor tumhari aukaad nahi aise baat karne ki. Humari bitiya district majistrate hai khade-khade tumhari aisi ki taisi ho jayegi…


Jannat:- Masroof bhai... Aap sab ka pyar aur dua raha to wo din bhi jaroor aayega lekin abhi yahan...


Masroof:- Maaf karna bhavnao me bah gaya...


Nirali:- Koi baat nahi hai Masroof bhai.. Sab ka din aata hai, ek din aap ka bhi aayega... Pahle Asif bhaiya par baat kar le..


Pandit ji:- Ek kaam karte hain kal hi rishte ki baat karne chalte hain…


Masroof:- Aur iske mental Sasoor ne fir se Jannat ka jikr kahin bich me ghused diya tab... Iss par pahle baat kar lijiye...


Zarin:- Ye to jabardasti hai... Aisa kaise kar sakte hain…


Masroof:- Haan wahi to main bhi kah raha hun...


Vyas:- Aap log rishte ki baat ki taiyari karo, yadi Jannat ki baat uth'ti hai to main sambhal lunga...


Jo charcha iss waqt Shashtri family me ho rahi thi wahi charcha Mishra family me bhi ho rahi thi. Lata Mishra ko rah-rah kar ye khyal aa raha tha ki uske disputed property ke chakkar me ek achhe admi ke sath bahut galat ho gaya.


Dono dampatti uss maa Samina ki ikchha ko kisi bhi prakar se bus poore hote dekhna chahte the. Som ne bata diya ki site se sidha wo Asif ke ghar hi pahuncha tha aur sari baten ho gayi hai. Udhar se update aayega ki kab tak ye log rishte ki baat karne jayenge...


Wahin Sia thodi khush to thodi ghabrayi bhi thi. Subah bina bataye gayab ho kar achanak se dikh jana. Maa ke gusse ki jhalak to dikh gayi thi lekin logon ke bich tab wo jyada kuchh nahi kah payi thi. Wahin khush isliye thi ki ek ke baad ek hui ghatnao ne shayad maa ka dhyan divert kiya tha.


Haan lekin kab tak? Ye ek bada sawal tha. Aur Sia apni maa ke sawalon ko face nahi karna chahti thi isliye kam se kam unke samne jati thi. Ek ajib hi kas-m-kas ander chal raha tha, jahan kuchh galti karne ka ehsaas tha. Raat ke takriban 9 baje Vyas ke kayi sare message ek ke baad ek aate rahe.


Jab bhi message aaye dil joron se dhak-dhak karne lage. Ikchha aisi ki abhi messaage khol kar check karun, thoda naraj rahun aur wo manaye. Lekin utni hi ghabrahat bhi ho rahi thi. Vyas vyakul hua ja raha tha ki Sia ka mood kaisa hai, naraj hai ya baad me mamla sambhal gaya isliye normal hai.


Lagatar message ke baad bhi jab reply nahi aaya tab Vyas ka muh utar gaya. Sia ka chehra bhi utra tha ye soch kar ki Vyas ko lag raha hoga main gussa me hun aur wo udas hoga. Sia kisi tarah himmat kar ke apni manobhavna badi teji me likhti...


"Sweeto naraj nahi hun, bus maa ke samne thodi ghabrai hun. Ab tak unhone humare bare me baat nahi ki hai. Kal mil kar aaram se baat karenge. Abhi please so jana, jaagna mat"… aur anth me 4-5 love emoji send kar di.


Vyas na jane kitni der tak wahi message dekhta raha. Idhar dwidha me fansi Sia, Lata Mishra ke pass chup-chap baithi thi. Der raat ka waqt tha aur sabhi so chuke the... Lekin inho dono ko nind nahi aa rahi thi...


Sia, Lata Mishra ke pichhe ja kar uske sar ko halka-halka dabati... "Maa naraj ho"..


Sia bol to rahi thi lekin ghabrahat se uski dharkane badhi hui thi... "Haan thoda sa. Mujhe ummid nahi thi ki tum wahan milogi."..


Sia:- Maaf kar do maa...


Lata:- Idhar aa samne baith…


Jaise hi Sia samne aayi, uski aankhen dab'dabayi thi. Chehra utra… Lata Mishra turant apne hathon se uske aanshu ponchhti uska sar gode me leti... "Ae pagal ro kyun rahi hai"…


Sia:- Pata nahi maa, bus rona aa raha hai..


Lata Mishra:- Chal chup ho ja. Haan thoda gussa aaya tha, ummid nahi thi ki tum wahan milogi.. Tumhari baten jhoot thi. Meri beti uss waqt jhoot bol rahi thi mujhe bura lag raha tha…


Sia:- Main dar gayi thi maa. Mujhe Vyas ke sath dekh kar pata nahi aap kya socho, iss baat se ghabra gayi thi. Tabhi se aisa lag raha hai ki maine koi galti kar di. Kuchh bhi achha nahi lag raha...


Lata:- Tujhe Vyas pasand hai...


Sia:- "Vyas, wo hai jisme mujhe mere kalpna ka Som dikhta hai... Hansta khelta, masti mazak aur utna hi jimmedar. Som jimmedar to hai lekin wo itna gambhir kyun hai maa? Wo kyun nahi humare alawa kisi aur ke pass hansta bolta hai…"

"Main shadi kar ke chali gayi fir mera Som mujhe kabhi nahi milega. Wo fir kisi mauke par mil le wahi bahut hai. Itna samjhdar hai ki kuchh bhi samjhane jao to ulta samjha deta hai. Wo dur ho jayega mujh se.."


Lata:- Pagal... Wo najron se bhale hi dur ho lekin kabhi kisi ko chhod sakta hai kya?


Sia:- Nahi wo mere najron se bhi dur nahi jaye. Issi baat ka to dar hai... Maine shadi kar lee to wo mujhe kabhi-kabhi hi dikhega.


Lata:- Iska matlab tujhe Vyas pasand hai.. .


Sia:- Maaaaa... Meri baat ka galat matlab mat nikalo...


Lata:- Thik hai pahle Som ki shadi par dhyan dete hain. Aur haan kabhi kisi ke sath dikho to dhang ke jagah par dikho aisi jagah nahi jahan mujhe gussa aa jaye..


Sia:- Bilkul maa... Ab dobara galti nahi hogi...

Sia apni baat kah kar Lata ke gode me thodi aur simat gayi. Lata Mishra pyar se uske sar par hath ferti Sai ka sukoon bhada chehra dekh rahi thi. Kuchh pal khamoshi ke baad.….


Sia:- Maa, meri maa kaisi thi.. kya wo bhi tumhari tarah rahi hongi…


Lata:- Haan shayad... Ya fir mujh se kahin jyada behtar..


Sia, Lata ke gode me sikud kar aankh mundti... "Aap se achhi nahi ho sakti."


Lata:- Tu nirmal bhavna ki hai na, isliye tumhari maa ki bhavna bhi bilkul nirmal hi hogi. So ja.. Subah college bhi jana hoga na...


Sia:- Haan... Maa tumhari koi ikchha nahi ki tumhari beti padh kar kuchh bane..


Lata:- Haan hai na. Padh likh kar ek achha insan bano...


Sia:- Maa insan shabd puling hai striling..


Lata:- Beta main history padhi hun. Ye sawal apne pitaji se karna..


Sia:- Achha maa..


Lata:- Bus kar ab muh band kar aur so ja..


Lata ki baat par Sia uth kar baith'ti... "Suno na.. suno na.. maa, maa.. "


Lata:- Tujhe kahi aankh band kar ke chup rahne to tu uth kar baith gayi..


Sia:- Suno to pleaseee...


Lata:- Ye aakhri hoga.....


Sia:- Maaaa


Lata:- Boli na aakhri...


Sia:- Jao mujhe puchhna hi nahi hai...


Lata:- Haan thik hai ja so ja...


Sia, huhhh karti ek kinare karwat le kar let gayi. Sia ko dekh kar Lata muskurati hui uske pass let gayi. Sia gussa hone ka natak karte karte kab so gayi usse khud bhi pata nahi chala...

<---------------{ }------------>
Ishq ki mauj mein aa
Aaja behne ke liye
Tu zaroori, zaroori sa hai
Mujhko zinda rehne ke liye
<---------------{ }------------>​

Dono hi update utam shreni ke hai
Ik aur Asif miya ko ghodi chadhane ke liye saam daam dand sab ashtar paryog kiye jaa rahe hai
Duji aur Vyas dar raha hai ki ushki praan priya Siya kahin naaraj to nahi aur sandesh milne ke baad bechani dir hui miya Majnu ki aur Laila fash gai mishraiyan ki mishri bhari baato me bol gai Vyas ka naam aur saath hi chintit dikhi apne bhai Som ke akelepan ke liye

 

[Nevil singh]

Ish adbhut rachna ke 400 pages pur hone ki badhai ho mitro

 

[Naina]

Xabhi 11 ster fan ragish7357 Kingfisher update aa gaye hai

 

[11 ster fan]

Xabhi 11 ster fan ragish7357 Kingfisher update aa gaye hai

Nain sir ke shadi ke me daru kA prabandh Karne me thoda busy hu...aata hu raat ko aaram talli hokar...

 

[Anky@123]

nain11ster sahab ko boliye ki sungandha ko re-entry karwaye story pe bichari akeli, tanha tanha si..

Aji hamari nahi sunte wo