Vo chillate hue piche ki taraf bhagi aur wahan khade logon se takra gayi. " bomb...bomb... " is bache ki ghadi bomb se judi hai " uski baat sunte hi wahan par sabhi log chillate hue bhagne lage. Ek maintained system mein achanak se bhagdad mach gayi. Andar maujud security guard fauran us aurat ke pas aye aur bahar jaa rahe logon ko bahar khadi security ne rokne ki kosish ki par vo unhe dhakka dete hue bahar nikal gaye.
" Threat...threat.. threat " security staff wala member apne mic par bolta hua wahan aya jahan vo aurat khadi thi. " mam "
" bomb.. bache ki ghadi mein " aurat ne bache ki taraf ishara kiya jo wahin khada tha aur apni jagah se hila tak nahi tha. " inform bomb squad, clear the area and shut the vault door, do it.. do it.. " vo mic par chillaya aur emergency siren bajne laga. " everybody clear the hall " vo zoron se chillaya aur main gate par khade guard andar aa gaye aur logon ko bahar karne lage. " mam aap bhi jaiye.. " vo kehta hua bache ki taraf badha. Bacha wahin khada use apne pas atte dekhta raha aur vo uske samne aa baitha. Use laga bomb us bache ke sharir mein fit hai isliye usne uske sharir par hath fera lekin use bomb nahi mila. Hall mein charon taraf security ke baki maujuda guard aa khade hue the aur unhone ghera bana liya tha. Kuch abhi logon ko bahar bhejne mein lage hue the sabhi ka dhayan bache par tha.
Us security walle ke chehre par pasina badhta jaa raha tha kyun ki agar bomb is bache ke sharir par nahi to jarur vo is building mein kahin hai ya phir uski surroundings mein kahin maujud hai jahan abhi bahut se log maujud hai. " where is the bomb squad damn it.. " vo mic par phir se chillaya.
" on the way " agle hi pal awaz ayi aur bank ke bahar thodi dur khadi police van mein se do log suit pehen kar bahar nikle jiske sath ek hawaldar maujud tha. Bhagte logon ke bich vo andar ghusne ki kosish karne lage lekin dhakke mein vo andar hi ghus nahi paa rahe the. Cheekhne, chillane ki awaz ke bich mic mein se ati awaz bhi sunai nahi de rahi thi. Suit pehne ek admi ne hawaldar ko ishara kiya jisne badi mushkil se thodi jagah banai aur un dono bomb squad ke member ko andar jane ka rasta de diya lekin khud andar nai ghus paya aur bheed mein bahar hi reh gaya.
" quick quick quick.. " security walle member ne bomb squad walle ko dekhte hi kaha.
" bomb kidhar hai? " suit ke andar se uski awaz ayi.
" pata nahi par timing ke hissab se 10:20 par vo fatt jayega "
" ok " usne ghadi mein time dekha, takreeban teen minute reh gaye the. Squad walle ne bache ke uppar machine se jhancha par usme kuch bhi nahi tha. " bomb yahan nahi hai, timer kahan mila? " usne pucha.
" ye watch is bache ke hath par thi " security ne watch ki taraf ishara kiya jo zameen par padi thi. Samay bacha tha do minute panch second. Pasina sabhi ke mathe par tha, time bahut kam tha vo niche jhuka aur usne watch utha li. Dekhne mein behad simple watch thi usne alat-palat karke dekha, usme do button lage the use dabaya lekin timer nahi ruka.
" convoy kahan hai ? " security walle member ne dusre se pucha.
" on the way, ETA 2 minute 30 seconds sir "
" building puri tarah se khali ho gayi na "
" almost sir, second exit se bhi logon ko bheja jaa raha hai "
" quick, quick, quick " usne apne mathe se pasina pochte hue kaha.
" sir " bomb squad wale ki awaz sun vo uski taraf dekhne laga " watch se koi bomb connected nahi hai, normal watch hai jiske button se control hata diye gaye hain isliye stop watch ka time nahi ruk raha "
" are you sure? "
" yes sir, its fake " watch mein bas 10 second hi bache the.
" agar watch nakli hai to ye bacha yahan akela kya kar raha hai " das second pure ho chuke the aur timer complete hote hi bomb squad walle ne apna helmet utar liya.
" kaha tha na ye nakli hai " uski baat sahi samajh vo soch mein padh gaya. " kya bomb sirf ek ploy tha, convoy kahan tak pahuncha "
" bas ek minute aur sir "
" hmm, unko bolo ki " bas vo itna hi keh paya ki achanak ek dhamaka hua jo building ke bahar tha jisne deewar ke chidte uda diye. Dhamake ke sath bahar lagi bheed mein to bhagdad machi hi lekin andar bhi sabhi dehal gaye. Bomb squad wale ne fauran apna helmet pehn liya.
" alert, alert this is team rabbit, yahan abhi-abhi bomb dhamaka hua hai, i need full assistance, deploy all convoy " usne mic par itna hi chillaya ki tabhi goliyan chalne lagi. Abhi koi kuch samajh pata ise pehle entrance gate se kuch log goliyan chalate hue andar ghusne lage. Unhe dekhte hi sabhi security walon ne apni banduk nikali aur samne ki aaur taan di lekin koi fire nahi kar paya kyun ki vo log jo goliyan chalate hue andar aa rahe the un sabhi ke aage ek-ek civilan bandha hua tha jiski wajah se vo unpar fire nahi kar paa rahe the, sirf matha dikhai de raha tha aur margin itna kam tha ki civilian ko lagne ke chances kai jada the.
" no one will fire, no one " uske chillate sath sabhi samajh gaye. Takreeban 20 log apne aage civilian ko bandhe unhi ke hath se goliyan chalate hue andar ghuse aur rukne ke baad ek pal wese hi khade rahe aur fir unme se ek ne apna sar civilian ke piche se hata kar teda kiya aur jaise hi sabhi security ne unki taraf dekha to unki ankhein khuli reh gayi.
" fuck..... devdoot "
for new story harsu ji....
ab fati toh fati hi
koi mistake hogi to batana mene poof read nahi kiyela tha 
