Romance Tumhare Liye... (Completed)

[DARK WOLFKING]

nice ending ..
sabkuch sahi ho gaya ..dad se milke rona aur ratan bhaiya se bhi ekdam emotional tha ..
apno se milna wo bhi itni badi musibat se bachke ek alag hi emotion paida karta hai ..
uncle aunty ne nakul ko beta banake uske saare shadi ki rasmo ko pura kiya ye sahi tha ..

aakhir me neelam aur nakul ki shadi ho gayi aur nakul ne jo vachan diya neg ke roop me wo ek pyar karnewala hi de sakta hai ..
divya bhi neelam ki bhabhi banke aa gayi ..neelam ki shadi me ratan aur divya ki aankhe char huyi thi ..

 

[DARK WOLFKING]

waise uncle aunty nakul aur neelam ke saath hi rehte hai yaa nahi ..
par wo in dono ke saath hi rehte to unka akelapan aur sunapan bhi dur ho gaya hoga ..
musibat ke waqt sirf un dono ne saath diya ,khana diya ,,rent nahi liya isse unka pyar aur badappan dikhta hai ..

 

[Naina]

Update - 30





SP rama shankar mumbai me police headquarter pahuch chuka tha. Uski ek special team pahle hi yaha pahuch gai thi aur brijesh naam ke us aadmi ko talaash kar rahi thi jiske bare me mathur ne bataya tha. Team ko jaldi hi pata chal gaya tha ki us aadmi ka naam farji tha aur uska diya hua address bhi farji tha lekin iske baad bhi team ko us aadmi ki real pahchan mil gai thi. Team ke ek officer ne SP ko bataya ki police record me jab us aadmi ki photo daali gai to police ke data base me us aadmi ki detail mil gai. Wo aadmi ek mujrim tha jiska pahle se hi police me record tha. Data base ke anusaar us aadmi ka naam satish tha aur chhota mota jurm karta tha. Police ne use saal bhar pahle chori ke jurm me pakda tha. Saja bhugatne ke baad se ab tak uska kahi pata nahi chala tha aur na hi kisi jurm me pakda gaya tha.



Satish andheri me rahta tha. Andheri me uska ye pata saal bhar pahle ka tha. Uske sath uska ek aur sathi pakda gaya tha jiska naam prakash tha. Team ke officer ne bataya ki data base me mile uske address par jab uski talash me gaye to pata chala ki wo kafi time se waha nahi dekha gaya tha. Shayad usne apna koi dusra thikana bana liya tha.



Team ke officer ki baat sunne ke baad SP ne apne adhikariyo se baat karne ke baad usse kaha ki yaha ke sabhi police thano me satish aur prakash ki photo bhejwa do aur ye bhi kaho ki in dono ki khoj me lag jaao.



Idhar ashok uncle aur naina bhi mumbai pahuch chuke the aur thaharne ke liye hotel me do rooms book kar liye the. Hotel me naina ko chhodne ke baad ashok uncle SP se milne chale gaye the. Ashok uncle ne mumbai pahuchne par naina ke liye ek mobile bhi liya tha jisse wo agar hotel se baahar rahe to usse baat kar sake.



.......



Mujhse baat karne ke baad ratan bhaiya ne dad ko call laga diya tha aur fir unhone dad ko bhi sari baate bata di thi. Ratan bhaiya ki baate sun kar dad bahut jyada chinta me pad gaye the aur isi liye unhone rohan ke dad ko phone bhi lagaya tha magar rohan ke dad ka phone not reachable bata raha tha. Dad baar baar rohan ke dad ko phone laga rahe the lekin phone lag hi nahi raha tha. Is vajah se dad aur bhi jyada chintit ho uthe the. Unhe yakeen nahi ho raha tha ki unke dost ka ladka itna gira hua aur itna khatarnaak hoga. Sanjay uncle bhi is baat se chinta me the.



Ravendra uncle dad aur sanjay uncle ko car se railway station bhejne gaye the. Train right time par thi to dad aur sanjay uncle train me baith kar mumbai ki taraf chal pade the. Unhe lag raha tha ki ab wo kitna jaldi mumbai pahuch jaye. Wo har do minute me apne dost ko phone karte ja rahe the magar rohan ke dad ka phone abhi bhi network se baahar tha.



Idhar ratan bhaiya bhi mere liye chintit the. Unka bas chalta to wo bahut kuch kar gujarte magar problem ye thi ki main unse bahut door thi. Mere dad ko door door tak ke log pahchante the. Yaha tak ki jila ke collector aur pradesh ke mantri bhi pahchante the. Unki hi vajah se wo ratan bhaiya ko bhi pahchante the. Dad ne pradesh ke mantri se baat ki thi aur ratan bhaiya se bhi kaha tha ki wo shahar ja kar mantri ji se mile. Udhar ravendra uncle ko bhi dad ne sab kuch samjha diya tha. Mere liye jitna ho sakta tha wo kar rahe the.



......



Back to my side....



Maine police ko call laga diya tha aur mere kaan me ring jane ki awaaj aa rahi thi. Is wakt main bahut hi jyada dari hui aur ghabraai hui thi. Meri saase teji se chal rahi thi. Kuch hi der me call utha liya gaya to main mare hadbadi ke ek hi saas me phone par bolti chali gai. Udhar se kisi ne pucha ki aap kaun bol rahi hain aur kaha se bol rahi hain to maine apna naam bata diya magar main kaha se bol rahi hu is bare me mujhe khud hi pata nahi tha. Main to sach me khud hi nahi janti thi ki ye mumbai ki kaun si jagah hai. Bas itna janti thi ki main rohan ke flat par hu is wakt. Is liye maine unse kah diya ki mujhe is jagah ke bare me kuch bhi pata nahi hai magar main is wakt bahut badi musibat me hu aur meri ijjat ko do hawsi darindo se khatra hai. Maine unhe ye bhi bataya ki main jis nakul naam ke ladke se pyar karti hu use bhi in logo ne kidnap kar rakha hai.



Phone par bolte bolte main kab rone lagi thi mujhe khud hi pata nahi chala tha. Last me maine itna suna ki udhar se kisi ne kaha ki aap bilkul bhi chinta na kare. Ham aapke is phone number ko trace kar ke aapki location ka pata laga lege aur bahut jald aap tak pahuch jayege. Main unki ye baat sun kar bas yahi bol paai ki jaldi kijiyega. Kahi aisa na ho ki aapke pahuchne se pahle main barbad ho jaau.



Call cut hone ke baad main lambi lambi saase lene lagi thi. Man ko thodi raahat mili thi magar mera dar abhi bhi waisa hi tha. Main sochne lagi ki jab tak police nahi aati tab tak main un dono se apne aapko kaise bacha ke rakh sakti hu. Wo dono baahar gaye huye the aur is wakt main is pure flat me akeli hi thi. Tabhi mere man khayaal aaya ki main flat ke main door ko andar se kundi laga kar band kar deti hu. Jab andar se gate hi band rahega to wo dono kaise mujhe koi nuksan pahucha payege.



Main bhaagte huye main door ke paas pahuchi aur jhat se kundi laga di. Kundi lagane ke baad mujhe achha feel hua. Dopahar se jyada ka time ho chala tha aur maine kal raat se kuch nahi khaya tha. Mujhe bhukh to nahi lagi thi magar thakaan aur kamjori jarur feel ho rahi thi. Mujhe nakul ki yaad aai to mujhe fir se uski chinta hone lagi. Mera dil ye soch ke ghabrane laga ki un dono ne pata nahi uske sath kya kiya hoga. Itna to ab main samajh chuki thi ki dono ki neeyat mujh par pahle se hi kharab thi magar nakul ke rahte wo apne iraado me kamyab nahi ho sakte the. Is liye unhone sabse pahle nakul ko mujhse door kiya magar main sochne lagi ki nakul ko un dono ne kaise mujhse door kiya hoga. Nakul khud to mujhse door jayega nahi aur na hi unke kahne par jayega to fir use mujhse door karne ke liye jarur koi galat athkanda apnaya hoga. Kahi aisa to nahi ki in logo ne nakul ko mara ho ya uske sath kuch aisa kar diya ho jo nahi karna chahiye. Hey bhagwan ye main kya soch rahi hu. Nahi nahi mere nakul ko kuch nahi hua hoga. Hey bhagwan mere nakul ki raksha karna. Please uske sath kuch galat na hone dena.



Main pata nahi kya kya soche ja rahi thi aur isi vajah se mera man bahut ghabra raha tha. Main to shayad ab kisi taraf safe ho chuki thi lekin nakul kaha aur kis haal me tha is bare me mujhe kuch pata nahi chal raha tha.



......

so call karke police ko sab kuch bata diya... hope police wale jaldi se call trach karke wahan pahunch jaye neelam ko bachane..
idhar ek problem ko solved karne ki koshish kar hi rahi thi ki dusri problem suru.. ek dar ek chinta ki nakul kaha hai, kis haal mein hai..

Nakul is wakt ek kamre me behosh pada hua tha. Uske dono hath pichhe side rassi se badhe huye the aur dono pair bhi rassi se badhe huye the. Uske muh me ganda sa kapda jaise thoos diya gaya tha. Kamre ki haalat jyada thik nahi thi. Kamre ki chhat pakki to thi magar uska plaster jagah jagah se ukhda hua tha. Yahi haal kamre ke farsh ka bhi tha. Kamre ke ek taraf ek lohe ki folding charpaai thi jisme kuch kapde pade huye the. Eh taraf lakdi ka stool tha jisme ek mitti ka matka rakha tha. Kamre se laga hua ek aur kamra tha jisme is wakt do log baithe taas khel rahe the.



"Ek baat bata bhai is pantar ka apna boss karega kya." Ek aadmi ne dusre aadmi se pucha.

"Kya karega matlab." Dusre ne pucha.

"Are mera matlab ki ye pantar kya aise hi lamba pada rahega ya iske sath kuch aur bhi karega apna boss. Iske sath jo item thi uske sath to apna boss ab masti karega." Pahle wale aadmi ne kaha.



"Masti kya be wo to us item ke sath khoob maje lega. Is saale ki to footi kismat thi jo apne boss ke hatthe chadh gaya. Agar isko boss ka raaj pata chal gaya hoga to samajh le ki iski upar ki ticket kat gai ab." Dusre wale ne kaha.



"Prakash bata raha tha ki boss ne isko apne dhandhe me aane ko bola tha par isne boss ke offer ko thukra diya hai." Pahle aadmi ne kaha.

"Ye kya bol raha hai tu." Dusre wale ne pucha.

"Main sach bol raha hai bhai. Tabhi to puch raha hu ki boss ab iska kya karega. Prakash ki baat mane to isko apne boss ka raaj malum ho chuka hai. Us hisab se iski ticket to ab tak kat jani chahiye thi par ye to yaha par behoshi ki haalat me lamba leta hua hai." Pahle aadmi ne kaha.



"Ticket kaatne me kaun sa time lagna hai bhai. Bheje me ek goli utri nahi ki ticket kat gai. Abhi ye is liye aise leta hoga kyo ki abhi iski kismat me kuch der aur jina likha hoga." Dusre aadmi ne has ke kaha.



Dusre aadmi ki baat sun kar pahla wala aadmi bhi hasne hi laga tha ki tabhi andar wale kamre se awaaj aai to usne dusre aadmi ki taraf dekha.



"Lagta hai us pantar ko hosh aa gaya hai. Chal dekhe to sahi." Pahle aadmi ne kaha aur taas ke patto ko farsh par rakh diya. Uski baat sun kar dusre aadmi ne bhi apne hath ke patte farsh par rakh diye aur fir dono uth kar andar wale kamre ki taraf aa gaye.



Nakul ko hosh aa chuka tha aur is wakt wo apni aisi haalat dekh kar ghabraya hua dikh raha tha. Mukh se kuch bolna chahta tha magar mukh me kapda thusa hone ki vajah se bas gu gu hi kar raha tha. Kamre me do anjaan aadmi ko dekh kar nakul aur bhi ghabra gaya aur apne aapko chhudane ki koshish karne laga magar hilne dulne ya chhatpatane ke siva wo kuch kar hi nahi sakta tha.



"Kyo fadfada raha hai bhai. Chup chaap aise hi lamba ho ke leta rah." Ek aadmi ne nakul se kaha.

"Boss ki baat maan leta to aisi haalat na hoti teri. Bada hi chutiya type ka hai tu. Boss ki baat na maan kar tune galti ki aur teri is galti ki vajah se teri us masuka ke sath apna boss maje karega." Dusre aadmi ne ye kaha to nakul gu gu karte huye aur bhi chhatpatane laga. Jabki use is tarah chhatpatate dekh dono hasne lage aur fir wapas bahar wale kamre me aa kar taas khelne lage. Un dono ke jane ke baad nakul chhatpatata hi rah gaya. Apni bebasi par uski aakh se aashu nikalne lage the.



......

aur nakul idhar in gundo ke kabze mein... aur bharosha karo aise logo pe.. ab pachtane ke sivaye koi rasta bhi nahi hai..

are yaar isko to maarne ke firak mein hai yeh log..
are koi vaishali ko bulao

Udhar jis police se maine baat ki thi wo jaldi hi apne kaam me lag gaye the. Wireless ke jariye kai jagah par iski suchna pahuch gai thi. Dad aur sanjay uncle jab mumbai aaye the to unhone rohan ke dad ke kahne par mujhe aur nakul ki khoj karne ke liye police ko kaha tha. Police ke paas meri photo bhi thi aur naam bhi tha. Udhar SP rama shankar bhi wahi maujud tha aur uski team is kaam me lagi hui thi. Jaise hi is baat ki khabar control room me pahuchi thi to mere naam aur photo ki vajah se kuch hi der me unhe yaad aa gaya ki kuch din pahle wo mujhe hi khoj kar rahe the. SP rama shankar ko jaise mera aur nakul ka naam bataya gaya to fauran hi samajh gaya ki ye maamla kisi aur ka nahi balki usi ka hai jiske liye wo is wakt mumbai me tha.



SP rama shankar ne jaldi hi mera number trace karne ka hukum diya aur fir kuch hi der me unhe meri location pata chal gai. SP rama shankar ne phone kar ke is bare me ashok uncle ko bhi bata diya aur unhe fauran hi apne paas aane ko kaha. Ashok uncle ko jab SP se mere bare me pata chala to wo bhaagte huye hotel pahuche the aur hotel se naina ko le kar SP ke paas chal pade the.



......

great... ab bas jaldi se us flat par pahunch jaye... kya baat hai THE GREAT NAINA bhi aa rahi hai sath mein.. are naina aa rahi hai to fikar karne ki jarurat hi nahi.. wo sabki aisi ki taisi kar degi

Ratan bhaiya shahar ja kar mantri se mile aur unhe short me saari baate bataai. Mantri dad aur ratan bhaiya ko achhi tarah janta tha. Ratan bhaiya ki baate sun kar mantri ne bhaiya se kaha ki is bare me ab wo bilkul bhi chinta na kare.



Mantri ne ratan bhaiya ke samne hi kisi ko phone lagaya aur kuch der baat ki. Uske baad mantri ne bhaiya se pucha ki ye sab kaise hua to bhaiya ne short me mere bare me use bata diya. Kuch der aur rukne ke baad ratan bhaiya waha se ghar ki taraf chal pade.



Ghar me meri mom aur baaki sab bhi mere liye chintit the aur bhagwan se vinti kar rahe the ki mujhe kuch na ho. Naina ki mom bhi hamare ghar par hi aa gai thi. Unka haal bhi meri mom jaisa hi tha. Ravendra uncle ghar me hi the aur sabko samjha bujha rahe the ki sab thik ho jayega. Uske baad wo baaki jaruri kaam se baahar chale gaye the.



Ratan bhaiya jab ghar pahuche to mom unse puchne lagi kya kaha mantri ji ne. Mom ke puchne par bhaiya ne unhe bata diya. Mom ko jabse meri situation ke bare me pata chala tha tab se wo mere liye bahut chintit thi. Bhaiya ke aate hi unhone bhaiya se kaha ki wo isi wakt mujhe phone lagaye aur unse meri baat karwaye. Mom ke kahne par bhaiya ne mujhe phone laga diya tha.



Mere paas jab bhaiya ka call aaya to maine jaldi se call utha liya aur bhaiya ko bata diya ki maine police ko call kar ke sab kuch bata diya hai. Meri baat sun kar bhaiya ne kaha ki bahut achha kiya hai. Uske baad bhaiya ne mujhse kaha ki mom baat karna chaahti hain to maine mom se baat ki. Meri to rulaai hi foot gai thi. Mujhe rota dekh mom bhi rone lagi thi. Maine mom se rote huye kaha ki nakul ko wo dono subah le gaye the aur jab waapas aaye to nakul unke sath nahi tha. Lagta hai unhone nakul ke sath kuch bura kiya hai. Agar nakul ko kuch hua to main kaise uske bina ji paaugi.



Meri baate sun kar mom ne mujhe samjhate huye kaha ki kisi ko kuch nahi hoga. Bas bhagwan par bharosa rakh. Uske baad mom ne mujhe meri situation ke bare me pucha to maine unhe sab bata diya ki maine flat ko andar se kundi laga kar band kar diya hai. Is liye ab wo dono andar nahi aa sakte. Is tarah me main safe hi hu aur flat ka darwaja tabhi kholugi jab police aayegi.



Mom ne mujhe samjhaya aur ye bhi kaha ki dad kal mere paas pahuch jayege aur fir wo mujhe aur nakul ko apne sath hi ghar layege. Mom se baat karne ke baad mujhe bahut achha feel ho raha tha. Ab lag raha tha ki main yaha lawarish ki tarah nahi hu balki mere apne har taraf se meri safety ke liye bahut kuch kar rahe the.



Maine to apni safety ka intjam kar liya tha lekin ab main nakul ke bare me soch kar chintit ho rahi thi. Bhagwan se uski salamati ki dua kar rahi thi. Dad aur sanjay uncle ghar se chal chuke the aur wo dono kal yaha pahuch jayege. Main sochne lagi ki jab dad se mera saamna hoga to main kaise unse najre mila paaugi. Kya wo mujhe daatege ya mujhe is haal me dekh kar apne gale se laga lege.



Pata nahi kya kya sochne lagi thi main. Mujhe pata hi nahi chala ki socho me gum main kab tak aise hi bed par baithi rah gai thi. Pata nahi kis baat se mera dhyaan tuta tha. Flat me chhaai khamoshi ne ek baar fir se meri dhadkano ko badha diya tha. Ek baar fir se mujhe yaad aa gaya ki main is wakt kaha aur kis haal me hu. Kamre ki diwaar par lagi wall clock par meri najar padi to dekha usme chaar baj rahe the. Rohan aur deepak abhi tak wapas nahi aaye the. Agar aaye hote to mujhe pata jarur chalta. Kyo ki gate to andar se band tha aur jab wo aate to door bell bajate ya darwaja peette.

ye achha kiya jo kundi laga ke.. ab itni asani se wo dono tharki jaldi andar nahi ghus payenge..
Hawww... neelam ki situation mein fanshi hai baat uski mom ko jaan gayi..
dekha.. chahe santan jitni bhi galti kyun na kar le par ek maa ki mamta kabhi kam nahi hoti..
aur neelam hai ki apni mom ko hi akeli chhod aayi bina ye soche ki unpe kya bitegi..
waise fikar not... uske dad bhi maaf kar denge... akhir beti hai unki... koi gair nahi

Aaj ka din kaise itna gujar gaya tha pata hi nahi chala tha. Mujhe yaad aaya ki maine subah nahaya bhi nahi tha. Kuch khane ki to bahut door ki baat thi. Bhukh to abhi bhi nahi thi mujhe lekin kamjori aur thakaan jarur feel ho rahi thi. Ek ek pal bhaari lag raha tha mujhe aur har gujarte pal ke sath ek anjana sa dar bhi badhta ja raha tha. Main sochne lagi ki kya hoga jab rohan aur deepak wapas aayege aur jab unhe main door andar se band milega. Wo door bell bajayege aur darwaja peetege magar main darwaja nahi kholugi. Aisi situation me wo dono kya karege. Flat ke andar aane ka dusra koi raasta nahi tha. Jab main darwaja nahi kholugi to kya wo samajh jayege ki mujhe unke iraado ka pata chal gaya hai. Tab wo kya karege. Wo jarur kisi na kisi tarah se andar aane ki koshish karege. Aakhir unhone mujhe pane ke liye hi to ye sab khel racha tha.



Kamre me ye sab sochte huye ab mujhe bechaini si hone lagi thi. Itne bade flat me main akeli thi. Bhale hi is wakt mujhe koi khatra nahi tha magar fir bhi mere andar dar aur ghabrahat waisi ki waisi hi thi. Apni bechaini ko door karne ke liye main bed se niche utri aur kamre se baahar aa gai. Mujhe joro ki pyaas lagi thi to main kitchen ki taraf badh gai. Kitchen me ja kar maine pani piya aur dekha ki khane ka koi samaan hai ki nahi. Main aur nakul yaha pahle rah chuke the is liye rashan ka kuch samaan abhi bhi tha magar mujhe bhukh nahi thi. Waise bhi is situation me bhukh kise lag sakti thi.



Kitchen se wapas main kamre me aa gai. Kamre me ek taraf lage aadamkad aaine me maine khud ko dekha. Paaglo jaisi surat dikh rahi thi meri. Maine police ko phone kiya tha magar abhi tak wo log yaha nahi aaye the. Ek ek pal jaise shadiyo sa lag raha tha mujhe. Bechaini thi ki kam hone ka naam hi nahi le rahi thi. Shishe se najar hata kar main palti aur apne bag ke paas aai. Bag se apne kapde nikaal kar main bathroom me chali gai. Apne man ko har baat se shaant karne ka yahi ek raasta tha ki main thande paani se naha lu. Shayad isse kuch achha feel hone lage.



Bathroom me nahane ke baad maine apne kapde change kiye. Gile kapdo ko maine dhula aur bathroom me hi darwaje par lage ek hanger par taag diya. Uske baad main bathroom se bahar kamre me aa gai. Nahane ke baad sach me achha feel hone laga tha magar jaise hi mujhe apni situation ka khayaal aaya to fir se pahle jaisa haal hone laga. Abhi main shishe ke saamne khadi ho ke apne geele baalo ko towel se sukha hi rahi thi ki door bell baji. Door bell ki awaaj sunte hi meri dhadkane ekdam se tej ho gai. Main samajh gai ki rohan aur deepak wapas aa gaye hain. Waise to main door andar se band kar diya tha maine is liye wo dono andar nahi aa sakte the lekin iske bavjud mujhe ghabrahat hone lagi thi.



.....

lo aa gaye kamine...
ab ghabrane se kya hoga...
electric shock wali planning par amal nahi kiya.. ab darna swavabik hai...
Khair kahani kaafi dilachasp mod pe aake ruki hai
Let's see what happens next
Brilliant update with awesome writing skills neelam ji

 

[Naina]

Okay

shayad neelam ji naraz hai .. kal, kal bolke revo revo abhi tak na dene par
(Sorry late revo ke liye)

 

[Naina]

Update - 31





SP rama shankar ko jab ek police wale ne bataya ki location trace kar liya hai to SP ne apni team me mumbai police ke kuch police walo ko shamil kiya aur unse kaha ki location par police ki wardi me jana thik nahi rahega is liye sab ke sab saade kapdo me waha jaye. Location par pahuch kar waha ki situation ko achhe se jaach parakh kar hi us flat ke andar jaye. Is baat ka dhyaan rahe ki neelam ko unki kisi galti ki vajah se koi nuksan na hone paye. Sabse important baat ye ki mujrim haath se nahi nikalna chahiye.



SP ne team ko samjha bujha kar bhej diya. Sabhi ko order tha ki pal pal ki khabar unhe dete rahe. Police team ke jane ke baad SP rama shankar waha se baahar aa gaya. Baahar aa kar abhi usne cigarette jalaai hi thi ki tabhi waha par ek car aa kar ruki. Car ke gates khule aur usme se ashok uncle aur naina utre. Ashok uncle ko dekh kar SP ne unse kaha ki chinta ki koi baat nahi hai. Unhone apni ek team bhej di hai aur wo team sab kuch samhaal legi.



"Aapne phone par bataya tha ki neelam ka pata uske phone number ko trace karne se chala tha. To kya aapne use khud phone kar ke usse baat ki thi." Ashok uncle ne pucha.

"Nahi hamne use phone karna sahi nahi samjha. Kyo ki ho sakta hai ki wo aisi situation me ho ki wo phone uthane ki position me na ho ya use phone karne se us par khatra badh jaye. Waise usne jab phone kiya tha to bataya tha ki usne flat ka darwaja andar se band kar diya hai jisse wo log andar nahi aa sakte. Lekin aisa bhi ho sakta hai ki flat ke andar jane ka koi dusra raasta bhi ho jiski jankari neelam ko na ho. Yahi soch kar hamne use phone nahi kiya balki team ko jald hi yaha se bhej diya hai." SP ne kaha.



"Thik hai jaisa aapko better lage kijiye. To ab hame bhi waha chalna chahiye." Ashok uncle ne kaha.

"Abhi nahi mr ashok. Police team se ek member hame inform karega tab ham yaha se chalege. Waise ek baat achhi hui ki neelam ke paas mobile tha jisse usne police ko phone kiya tha. Lagta hai ki un badmasho ko is baat ka pata hi nahi tha ki neelam ke paas phone hai. Agar pata hota to wo log jarur us phone ko neelam se le lete." SP me kaha.



"Shayad wo ye samajhte the ki wo dono ghar se bhaag kar yaha aaye the is liye unke paas phone nahi hoga." Ashok uncle ne kaha.

"Haa shayad yahi baat hai. Waise neelam ka phone abhi active hai jo ki hamare liye achhi baat hai."



Ashok uncle aur SP baate karte huye andar ki taraf chale gaye. Naina bhi chup chaap unke sath andar chali gai thi. Aadha ghante baad SP ke paas phone aaya. Phone us police team ka hi tha. Team ne SP ko bataya ki wo log location par pahuch gaye hain aur ab wo flat ke kareeb ja rahe hain. SP team ki baat sun kar bola ki thik hai dhyaan se jaao.



"Wo log pahuch gaye hain. Ab hame bhi chalna chahiye." SP ne kaha aur fir wo baahar ki taraf chal diya. Uske piche ashok uncle aur naina bhi chal diye. Baahar aa kar SP ashok uncle ki hi car me baith gaya. Naina car ki pichhli sheet par baith gai. Uske baad ashok uncle ki car neelam ki location ki taraf chal padi.

are wo sab to thik hai par naina ko kahe biche baitha diya inlogo ne.. are ushe lead karne do..kyunki wo the great one hai

Back to my side.....



Door bell baji to meri ghabrahat tej ho gai. Mere man me yahi khayaal aaya ki kya rohan aur deepak hoge baahar aur kya unhone hi door bell bajaya hai ya fir gate ke baahar police wale hain jo meri safety ke liye aaye hain. Bed par baithi main yahi soche ja rahi thi aur udhar door bell ek baar fir se baji jise sun kar meri dhadkane jaise rukne lagi thi. Sirf door bell bajai ja rahi thi. Door bell bajane wala kaun tha iska pata tabhi chal sakta tha jab wo baahar se awaaj lagaye.



Meri himmat nahi ho rahi thi ki main ja kar gate kholu aur main gate khol bhi kaise sakti thi jabki mujhe pata tha ki is wakt main kitni badi musibat me hu. Tabhi mujhe aisa feel hua jaise kuch bhinbhina raha hai. Maine hadbada kar idhar udhar dekha aur tabhi mujhe laga jaise wo bhinbhinane ki awaaj kamre me ek taraf rakhe mere bag se aa rahi hai. Mujhe apne mobile ka khayaal aaya. Kya ye bhinbhinane ki awaaj mere mobile ki hai. Haa haa usi ki hai kyo ki mobile silent mode par kar rakha hai maine to ab usme jab bhi koi call ayega to wo bas vibration hi karega.



Main jaldi se apne bag ke paas gai aur usme se apna mobile nikala. Mere mobile me unknown number se call aa rahi thi. Mujhe samajh na aaya ki ye number kiska ho sakta hai. Mere is phone me sirf ratan bhaiya ka hi number save tha aur mera phone number bhi sirf unhi ko pata hai to fir ye anjaan number kiska ho sakta hai. Main ye soch hi rahi thi ki door bell fir baji. Meri haalat pal pal kharaab hoti ja rahi thi. Mere hath kaapne lage the. Mobile ki screen ko main ghure ja rahi thi aur man me ye soch kar uthal puthal machi hui thi ki call ko uthaau ki na uthaau. Tabhi mobile ki screen bujh gai aur uska bhinbhinana bhi band ho gaya. Mobile me jo call aa rahi thi wo cut ho gai thi.



Main bevkufo ki tarah mobile ko dekhe ja rahi thi. Mera dimaag ne jaise kaam karna hi band kar diya tha. Tabhi door bell fir baji aur is baar baahar se jo awaaj aai use main pahchaan gai. Ye deepak ki awaaj thi. Usne mera naam le kar pukara tha. Main uski awaaj sun kar aur bhi ghabra gai. Tabhi mera mobile fir se bhinbhinane laga. Maine dekha ki usme wahi anjaan number show kar raha tha. Main samajh nahi pa rahi thi ki ye anjaan number kiska ho sakta hai. Kya rohan ya deepak ka number hai ye. Lekin unke paas mera phone number kaise ho sakta hai. Nahi nahi unke paas mera number nahi ho sakta. Unhe to pata hi nahi hoga ki mere paas koi mobile bhi hai. Agar unhe pata hota to wo mujhse ye mobile chheen lete. Unke irade se to ab saaf hi ho chuka hai. Matlab ye kisi aur ka hi number hai lekin kiska. Kya main call utha lu. Ho sakta hai ki is wakt jo mujhe call kar raha hai wo mera koi apna hi ho ya mera bhala karne wala ho.



Mera dil jor jor se dhadak raha tha aur maine himmat kar ke call utha liya aur mobile apne kaan se laga liya. Main hello kahne hi wali thi ki mere kaan me kisi mard ki awaaj padi jo kah raha tha ki thanks god miss neelam ki aapne call utha liya.



"Miss neelam main police team se bol raha hu. Aap ja kar flat ka darwaja kholiye." Mere kaan me ye awaaj aai to main aur ghabra gai.

"Main darwaja kaise khol du. Bahar to wo log hain jinse mujhe khatra hai." Maine ghabra ke kaha.



"Don't worry miss neelam. Darne ki jarurat nahi hai. Ham aapke aas paas hi hain aur un dono par hamari najar hai. Aap andar se darwaja khol dijiye. Ham chahte hain ki wo dono flat ke andar jaye jisse ham un dono ko range hath pakad sake. Aap bilkul bhi chinta mat kijiye. Aapko kuch nahi hone dege ham." Mere kaan me jab ye kaha gaya to mujhe kuch tasalli hui aur mera dar bhi kam hua.



"Jaldi darwaja kholiye miss neelam. Agar aapne darwaja kholne me deri ki to un dono ko shak ho jayega aur fir ho sakta hai ki wo dono waha se chale jaye. Agar wo dono waha se chale gaye to gadbad ho jayegi. Please ja kar jaldi se darwaja kholiye. Wo aapko koi nuksan nahi pahucha payege. Un dono ke andar jate hi ham bhi waha pahuch jayege." Ye baat sun kar maine thik hai kaha to call cut ho gai.



Ab main samajh gai thi ki jis police ko maine phone kiya tha wo meri hifajat ke liye aa gaye hain aur wo jo kah rahe hain mujhe karna hi chahiye. Door bell fir baji aur deepak ne fir mera naam le kar pukara. Maine apne aapko samhala aur pahle mobile ko wapas bag me rakha fir himmat juta kar kamre se baahar nikli. Kamre se baahar aa kar maine thoda tej awaaj me kaha aa rahi hu. Mere bolne par baahar se deepak ne kaha ki kya so gai thi aap to maine kaha ki haa meri aakh lag gai thi.



Darwaje ke paas pahuch kar maine himmat juta kar darwaje ki kundi khol di aur fir pichhe hat gai. Tabhi darwaja khula aur mere samne rohan aur nakul najar aaye. Deepak ke dono hath me koi samaan tha jo plastic ki polythene me tha.



"Kamaal hai neelam ji. Kitni der se door bell baja rahe the ham aur aap thi ki gahri need me so rahi thi." Rohan ne kaha aur fir wo dono darwaje ke andar aa gaye.

"Haa wo main jab so jati hu to jaldi se meri need tootti nahi hai." Maine dhire se kaha.



"Koi baat nahi. Darwaja andar se band kar dijiye. Ham aapke liye khana le kar aaye hain. Hame pata hai ki aapko bhukh lagi hogi." Deepak ne kaha to maine darwaje ko band kar diya. Wo dono andar ki taraf chal diye the to maine un dono ki taraf dekhte huye hi darwaja band kiya tha magar andar se kundi nahi lagaai maine. Itna to mujh me bhi samajh thi ki agar main kundi laga dugi to meri safety ke liye jo police aai thi wo andar kaise aa payegi.



Wo dono andar chale gaye to main bhi darwaje ko aise hi band kar ke dhire dhire andar ki taraf chal padi. Mera dil un dono ke andar aa jane se teji se dhadakne laga tha. Unki baato se yahi lag raha tha ki unhe mujh par kisi prakaar ka shak nahi hua hai. Main ab is intjar me thi ki jaldi se police yaha aa jaye aur un dono ko pakad le.



"Nakul kaha hai. Maine subah se use nahi dekha." Andar aa kar maine un dono se pucha to un dono ne ek dusre ki taraf dekha.

"Yahi to ham bhi subah aapse puchne wale the ki nakul kaha hai magar aap us wakt bathroom me thi to hamne socha ki pahle ja kar aapke liye kuch khane pine ka le aaye. Fir aapse nakul ke bare me puchege." Rohan ne kaha.



"Aap khud mujhse nakul ke bare me puchege. Iska kya matlab hua. Kya aap dono ko pata nahi ki wo kaha hai. Wo to mere sath hi tha jab ham dono ko behosh kiya tha un police walo ne. To subah jab main yaha thi to use bhi to yahi hona chahiye tha na." Maine pucha



"Ye kya kah rahi hain aap neelam ji. Mujhe to us wakt sirf aap hi mili thi behoshi ki haalat me." Deepak ne kaha.

"Nahi jhuth bol rahe hain aap. Maine us wakt aapki awaaj achhe se suni thi jab aap un police walo se bole the ki bahut achha kaam kiya hai tum dono ne aur ab in dono ko meri car me shift kar do. Us wakt main puri tarah behosh nahi hui thi. Aap mujhse jhuth bol rahe hain. Bataiye nakul kaha hai." Maine pucha. Is wakt pata nahi kaha se mujhme himmat aa gai thi. Shayad is liye ki meri safety ke liye police yaha aane hi wali thi.



"Oh to aapne sun liya tha us wakt. Boss dear neelam ne to sab sun liya tha aur ab shayad inhone ye bhi samajh liya hoga ki jo kuch us raat inke sath hua tha uska matlab kya hai." Deepak ne rohan se kaha.

"Haa main ab sab kuch samajh gai hu aur subah bathroom se maine tum dono ki wo ghatiya baate bhi sun li thi jo tum dono mere kamre me aa kar mere bare me kar rahe the." Maine kaha.



"Well done. Very good. Bole to kamaal hi kar diya tumne. By the way ab jab tumne sab sun hi liya hai to samajh hi gai hogi ki tumhara wo bevkuf ashik kaha ho sakta hai aur ye bhi ki ab ham kya chahte hain tumse." Rohan ne besharmo ki tarah kaha.



"Tum dono apni maa bahan ke paas jaao aur unhi se apni chahat puri karo samjhe." Maine gusse se kaha. Main hairan thi is wakt ki aisa bolne ki mujh me himmat kaha se aa gai thi.

"Boss ye to ham dono ko hamari maa bahan ke paas jane ki baat kahne lagi. Kaho to abhi iski jubaan par lagaam laga du." Deepak ne kaha.



"Iska bheja ghum gaya hai deepak. Is liye ye aisa bol rahi hai. Ise andaja bhi nahi hai ki iske aisa bolne se iska kya haal ho sakta hai." Rohan ne kaha to main man hi man kaap gai. Main bhagwan se vinti karne lagi ki wo jaldi se police ko yaha bhej de. Kahi aisa na ho ki ye dono gusse me mere sath kuch galat karne lag jaye.



"Main to kahta hu boss ki ab jab ise sab pata hi chal gaya hai to hame apna kaam khul ke kar hi lena chahiye. Mujhse ab aur bardast nahi ho raha." Deepak ne kaha.

"Sabra karo dost sabra karo. Ab to ham wo sab karege hi magar usse pahle ise ye bhi bata diya jaye ki iska wo bevkuf ashik kaha hai aur itna hi nahi ise hamne jaal me fasaya kaise." Rohan ne kaha.



"Ise ye sab batane ki kya jarurat hai boss. Main to kahta hu ki jo samaan ham le kar aaye hain use le kar asli kaam shuru kiya jaye." Deepak ne kaha.

"Achha thik hai magar pahle isse bhi to puch lo ki ye hamara khushi khushi sath degi ya hame iske sath jabardasti karni padegi." Rohan ne kaha.



"Kaisi baat karte ho boss. Ye bhala khushi khushi hamara kaise sath degi. Hame to jabardasti hi iske husn ke maje lene padege." Deepak ne haste huye kaha.

"Kya kahti ho janeman. Khushi khushi ham dono ko apne husn ka maja dogi ya hame tumhare sath jor jabardasti karna padega. Waise agar hamne jor jabardasti ki to usme tumhe bahut taklif hogi. Is liye achha yahi hai ki situation ko samajh kar tum khud hi hame apne husn ka maja do." Rohan ne kaha.



rur tum dono apni maa bahno ke sath bhi yahi sab karte hoge." Maine gusse me kaha. Man hi man ab main ghabra bhi gai thi kyo ki ye dono ab apni nichta par utar aaye the aur police ab tak yaha nahi aai thi.



"Lagta hai iske sath jabardasti karni hi padegi deepak. Pakad lo ise aur iske sare kapde utaar kar abhi nanga karo. Ab ham dono ek sath iske jism ki boti boti nochege. Saali bahut jubaan chalati hai." Rohan ne gusse me kaha.

"Main to pahle se yahi kah raha tha boss. Ruko abhi ise nanga karta hu." Deepak ne kaha aur meri taraf badhne laga.



Main buri tarah dar gai thi. Deepak kamini muskan liye meri taraf badhne laga. Main tharthar kaapne lagi thi. Main to ye sab is liye bol paai thi ki mujhe police ke aane ka bharosa tha aur main samajhti thi ki ye log mere sath kuch bhi galat nahi kar payege magar ab aisa nahi ho raha tha.





Deepak jaise hi mere paas aaya to main use jor ka dhakka de kar baahar ki taraf bhaagi. Mujhe bhaagta dekh dono hasne lage. Deepak bhi mere piche daud laga chuka tha. Main bhagte huye darwaje ke paas jaise hi pahuchi to baahar ka darwaja usi wakt khul gaya aur maine teen chaar aadmiyo ko ek sath dekha. Un sabke hatho me revolver tha. Mujhe samajh na aaya ki ab ye log kaun hain. Main to police ke aane ki ummid kar rahi thi.

kaise nich khayalat ke log hai ye dono rohan aur Deepak ... are aise dhokhebaaz, dagabaaz, kamine logo ko to chullu bhar paani mein dub kar mar jana chahiye
are yaar un dono ki baatein kyun sun rahi neelam.. are koi bhari chij uthake un dono ke sar par maarke sar hi fod deni thi.. kissa khatam hamesha ke liye..
Btw chalo akhirkar himmat to dikhayi thodi bahot climax ke waqt..

Mere piche deepak bhi daudte huye tab tak darwaje ke paas aa gaya tha. Uski najar jab itne sare anjaan logo par padi to wo ekdam se ruk gaya. Un logo ke hath me revolver dekh kar deepak ekdam se ghabra gaya tha.



"Miss neelam ab aapko inse ghabrane ki jarurat nahi hai. Ham sab police wale hain." Ek aadmi ne jab ye kaha to meri jaan me jaan aai jabki us aadmi ki baat sun kar deepak bhigi billi najar aane laga tha. Use yakeen nahi ho raha tha ki yaha police aa sakti hai.



Us aadmi ne deepak ko pakad kar uske hath me hathkadi laga di aur fir sab ke sab ek ek kar ke andar aa gaye. Main apni safety se khush to ho gai thi magar ye soche ja rahi thi ki agar ye sab police wale hi hain to inke jism par police ki wardi kyo nahi hai. Yahi sochte huye main andar aai to dekha un logo ne rohan ko bhi pakad liya tha. Rohan to un sabko aise dekh raha tha jaise wo sab bhoot ho.



"Ye sab kya hai aur aap logo ne mujhe is tarah pakad kyo rakha hai." Rohan ne un logo se kaha.

"Tumhe kidnapping ke jurm me pakda gaya hai. Tumne ek akeli ladki ko jabardasti apne is flat par kaid kar rakha tha aur tum dono uske sath galat karne ja rahe the. Achha hua ki miss neelam ne hame phone kar diya tha warna tum unki jindagi barbaad kar dete." Ek aadmi ne kaha to rohan ne chauk kar meri taraf dekha.



"Tumhare paas mobile bhi tha." Rohan ne hairani se pucha mujhse.

"Haa mere ratan bhaiya ne mujhe tab diya tha jab main aur nakul gaon se yaha aa rahe the. Ab sochti hu ki unhone mujhe mobile de kar achha hi kiya tha warna main kaise tujh jaise haiwan se apne ijjat ki raksha kar pati." Maine kaha to rohan kuch na bola.



Uske baad maine un police walo ko bataya ki kaise main aur nakul is rohan ke kahne par iske flat me aaye the aur fir kaise isne hame raato raat is deepak ke sath pune bheja tha. Uske baad jo jo ham dono ke sath hua tha maine sab kuch unse bata diya. Last me unse ye kaha ki isne nakul ko pata nahi kaha gayab kar diya hai. Meri ye baate sun kar un police walo ne rohan aur deepak ko pahle to peeta fir un dono se nakul ke bare me pucha to unhone bata diya ki nakul kaha hai. Un dono ke batane par un police walo ne rohan se address liya aur fir do police walo ko nakul ko lane ke liye bhej diya.



Abhi ye sab chal hi raha tha ki tabhi waha par SP rama shankar ke sath ashok uncle aur naina bhi aa gai. Naina ko waha dekh kar main to shock hi rah gai thi. Naina ne jab mujhe dekha to wo bhaag kar mere paas aai aur fir ham dono ek dusre se lipat gaye. Kuch der baad naina ne mujhe bataya ki jis din main aur nakul ghar se bhaage the usi din use bhi kisi ne behosh kar ke kidnap kar liya tha aur fir jab use hosh aaya to wo yaha mumbai me thi. Naina ne mujhe bataya ki uski kismat acchi thi ki wo unki kaid se faraar ho gai thi. Naina ne ye bhi bataya ki use ham dono ke bare me unhi logo se pata chala tha jinki kaid me wo thi. Isi liye wo meri talash me kisi tarah pune pahuch gai thi. Naina ne mujhe pune ki sari kahani bataai.



Main to naina ki kahani sun kar ekdam se shock rah gai thi. Ashok uncle ko waha dekh kar main bahut khush hui thi. Unhone mujhe pyar se gale laga liya tha. Naina ne bataya ki kaise wo meri talash me pune me divya ke yaha pahuch gai thi. Main khush thi ki naina ne mere liye itna kuch kiya tha. Maine usse pucha ki jab wo un logo ki kaid se faraar hi ho gai thi to wo ghar kyo nahi chali gai thi to usne mujhse kaha ki apni saheli ko aisi musibat me chhod kar kaise ghar chali jati.



SP rama shankar ne rohan aur deepak ko giraftar karne ka hukum diya aur unse pucha ki ladkiyo ki smuggling se unka relation hai ki nahi. SP ke puchne par pahle to dono ne saaf mana kar diya magar jab dono ki kutaai hone lagi to dono ne jaldi hi kabool kar liya.



Us flat par ham sab tab tak rahe jab tak ki police wale nakul ko le kar aa nahi gaye. Nakul ko sahi salamat dekh kar meri aakho se khushi ke aashu bah chale the. Usne bhi police walo se bataya ki rohan aur deepak use subah is flat se le gaye the aur fir dono ne use apne dhandhe me aane ka offer diya tha aur jab usne unka offer thukra diya to deepak ne use dhokhe se behosh kar diya tha. Uske baad jab use hosh aaya to wo us kabaad jaise kamre me badha hua pada tha.

bhagwan lakh lakh sukar hai ki police aur ashok uncle aur naina sahi samay par wahan aa gaye...
hmm.... to nakul ka bhi pata lag gaya.. chalo achha hai do bichhde premi phir se mil gaye.. isse zyada khushi ki baat kya ho sakti hai

Police ki jab tagdi maar padi to rohan aur deepak ne rote huye sab kuch kabool kar liya. Usne ye bhi bataya ki usi ne naina aur neelam ko apne aadmiyo ke dwara yaha laya tha. Usne bataya ki uske aadmi gaon se ladkiyo ko fasa kar yaha uske paas laate the aur fir wo un ladkiyo ko arab ke ek aadmi rahman ko bech dete the.

Yeh log pehle se bahot bure aur ghatiya the... chalo achha hua ki pakde gaye..

Rohan aur deepak ki ye baate sun kar main aur nakul hairan the. Kuch der baad police wale un dono ko giraftaar kar ke apne sath le gaye. Flat me main nakul naina ashok uncle aur SP rama shankar rah gaye the. Maine ashok uncle ko bataya ki dad aur sanjay uncle kal yaha pahuch jayege. Kyo ki maine ratan bhaiya ko phone kar ke yaha ki sab baate bata di thi. Maine ashok uncle se ye bhi bataya ki rohan ke dad aur mere dad aapas me dost hain aur jab wo pahli baar yaha mumbai aaye the to rohan ke dad ke ghar par hi ruke huye the.



SP rama shankar ne ashok uncle se kaha ki wo chaahe to wo mere aur naina ke sath is flat me rah sakte hain aur jab kal mere dad aur naina ke dad yaha aa jayege to unhe bhi yahi bula liya jayega. SP ke kahne par ashok uncle ne kaha ki wo is flat me nahi rahege balki ham sabko le kar wo isi wakt pune jayege. Ashok uncle ne kaha ki pune me jinke yaha neelam aur nakul rah rahe the unse unhone wada kiya tha ki wo ham dono ko ek baar unse jarur milayege.



Ashok uncle ne mujhe bataya ki kaise unki mulakat waha uncle ji se hui thi. Unhi ke dwara unhe pata chala tha ki main aur nakul mumbai pahuch gaye hain. Ashok uncle ki ye baate sun kar mere man me uncle aunty ke liye aur bhi ijjat badh gai. Maine bhi unse kaha ki dad aur sanjay uncle to kal dopahar hi yaha pahuchege to meri bhi ye ichha hai ki pune ja kar main ek baar un uncle aunty se mil lu. Baad me kya pata kabhi unse milna hoga bhi ya nahi.



SP rama shankar ko bhi hamari baate thik lagi to usne bhi yahi kaha ki thik hai. SP rama shankar ko mumbai head quarter me kuch kaam tha is liye wo hamare sath nahi ja sakta tha magar usne ye jarur kaha ki wo apni police team ko hamare sath bhej dega.



Sab kuch achha ho gaya tha. Main aur nakul un haiwano se bach gaye the. Sabse achhi baat ye ki naina bhi mil gai thi jiske liye main aur nakul aksar soch kar pareshan ho jate the aur sochne lagte the ki wo kaha aur kis haal me hogi.



SP ke order par uski police team ashok uncle ki car ke piche piche hi chal rahi thi. Nakul to car me ashok uncle ke bagal se aage hi baitha tha jabki main aur naina pichhli sheet par baithi hui thi. Naina mujhe apni kahani bata rahi thi ki kaise wo unki kaid se faraar ho kar raat me ek aadmi ko behosh kar diya tha aur fir usne us aadmi ki jocket aur uska pursh chori kar liya tha. Uske baad wo usi aadmi ki bike le kar pune ki taraf chal padi thi magar raaste me police ki checking dekh use bike ko raaste me hi chhod kar ek truck me chhupna pada tha. Naina truck me chhupne ki baate has has ke bata rahi thi. Main bhi uski baate sun kar has rahi thi. Main janti thi ki naina ne ncc liya tha jiski vajah se wo aise kaam asaani se kar sakti thi magar fir bhi main ye soch ke hairan thi ki aisi situation me aur aisi jagah par usne ye sab kiya tha jo ki kam se kam mere liye to bahut hi badi baat thi.

The great naina... naina k samne baki sab chai kam pani hai wo na hoti to neelam kya karti..

Maine phone kar ke ratan bhaiya ko sab bata diya tha. Ratan bhaiya meri baate sun kar khush ho gaye the. Naina ke bare me jab maine unhe bataya to wo bhi shock ho gaye the. Maine unse bataya ki abhi ham sab ashok uncle ke sath pune ja rahe hain. Maine bhaiya ko apni ichha bataai to wo bole thik hai. Uske baad main aur naina fir se baato me lag gaye the. Baato baato me safar ka pata hi nahi chala aur ham pune pahuch gaye.





.....

hmm... waise aaj bhi kayi aise log hai jo niswarth hoke logo ki madad karte hai chaahe jaan pehchaan kuch hi dino k kyun na ho jaise wo uncle aunty... yeh achha kiya inlogo jo unke ghar jane ka faisla kiya...
So.... ab sab kuch lag bhag thik ho chuka hai aur situation bhi... ...sibaye ek baat ko chhod ke... neelam ke dad nakul ko as a damad swikar karenge...
Khair let's see what happens next
Brilliant update with awesome writing skills [/QUOTE]

 

[Naina]

Update - 32 (Last Update)





Jab ham pune pahuche to raat ho chuki thi. Ashok uncle ke ghar me main saroj aunty aur divya se mili. Divya se meri mulakaat kafi time baad hui thi. Wo pahle se kafi badal gai thi. Bade shahar me rahne ki vajah se shayad. Saroj aunty ji ne mujhse meri sari kahani puchi to maine unhe sab bata diya. Nakul chup chaap baitha hua tha. Shayad wo is wakt sabke samne sharm ya jhijhak feel kar raha tha. Kafi der tak baate chalti rahi. Fir saroj aunty ke kahne par ham sabne ek sath hi khana khaya.



Maine ashok uncle se kaha tha ki ham un uncle aunty ji se raat me hi ja kar mil aayege. Fir subah ham sab yahi se wapas mumbai jayege. Kyo ki dusre din dad aur sanjay uncle dopahar tak mumbai pahuch jane wale the. Ashok uncle ne kaha thik hai. Khana khane ke baad main aur nakul ashok uncle ke sath unki car me baith kar uncle aunty ji se milne chal diye. Is baar naina bhi hamare sath hi thi. Uska kahna tha ki wo bhi dekhna chahti hai ki ham dono kis jagah par rah rahe the.



Kareeb bees minute baad ham sab waha pahuche. Raat ho chuki thi magar bade bade shahro me itna time koi jyada nahi mana jata. Ashok uncle ne car ka horn bajaya to aunty ji ne darwaja khola. Ham sab car se utar kar gate ke paas aa gaye. Mujhe aur nakul ko dekhte hi aunty ji ke murjhaye chehre par chamak aa gai. Unhone lapak kar mujhe apne gale se laga liya aur mere chehre ko apni hatheli me bhar kar mujhse puchne lagi ki mujhe un darindo ne koi nuksan to nahi pahuchaya na.



Ham logo ke pahuchne se aunty ji bahut khush ho gai thi. Wo ham sabko andar le gai aur uncle ji ko bhi awaaj de kar bataya ki ham log aaye hain. Uncle ji kamre se nikal kar hamare paas aaye aur hame dekhte hi wo bhi bahut khush ho gaye. Ashok uncle sath me the to chaay naaste ki baat hui jis par ashok uncle ne kaha ki ham sab kha pi kar hi aaye hain.



Main aur naina aunty ji ke sath unke kamre me chali gaye jabki ashok uncle aur nakul uncle ji ke paas hi baithe rahe. Aunty ji mujhse sab kuch puchne lagi to maine unhe wo sab bataya jo mere aur nakul ke sath mumbai me hua tha. Maine unhe naina ke bare me bhi bataya. Aunty ji hame sahi salamat dekh kar bahut khush thi aur fir unhone jabadasti mujhe apne hath ke banaye laddu khilane lagi. Uske baad maine khud hi kitchen me ja kar sabke liye chaay banaai aur fir sabko chaay di.



Maine naina ko upar wale maale par le ja kar wo kamra dikhaya jisme main aur nakul rahte the. Is wakt main aur naina hi the to naina mujhse majak me kahne lagi ki hamne yaha suhagrat to nahi mana li. Naina ki is baat par maine use bataya ki suhagrat to nahi par thoda bahut pyar jarur kiya tha hamne. Uske baad maine naina ko wo jagah bhi dikhaai jaha par nakul ne ham dono ke chhupne ke liye jameen me gaddha khoda tha. Naina us gaddhe ko dekh kar shocked thi. Fir maine use dhire se ye bhi bataya ki hamne is gaddhe me bhi chhup kar thoda bahut pyar kiya tha. Meri ye baat sun kar naina hasne lagi thi aur boli ki aisi situation kaun aise kaam karta hai to maine kaha ki ye sab nakul ke kahne par hua tha.



Uncle aunty ji ke yaha hame ek se dedh ghante ka time lag gaya. Uncle aunty ji to hame aane hi nahi de rahe the magar ashok uncle ne jab unhe bataya ki kal hame mumbai bhi jana hai kyo ki mere aur naina ke dad kal dopahar ko waha pahuch jayege. Uske baad wo wahi se hame ghar le jayege. Ashok uncle ke aisa kahne par uncle aunty ji ne hame jane ki permission di. Maine uncle aunty ji se kaha ki gaon me jab meri aur nakul ki shadi hogi to main aap dono ko aane ka invitation dugi aur tab aap dono ko hamare gaon aana hi padega. Meri is baat par uncle aunty ji me kaha ki ye bhi koi kahne ki baat hai. Ham apne bachcho ki shadi me jarur aayege.



Aunty ji ne jate time mujhe aur naina ko apne gale se laga kar pyar diya aur fir dukhi man se hame vida kiya. Main aur nakul kuch hi din to unke yaha rahe the magar in kuch dino me hi hamare bich ek aisa rishta ban gaya tha jisme waisa hi prem aur lagaav tha jaise sach much ke rishto me hota hai. Jab tak ham waha nahi the tab tak ham nahi jante the ki wo dono kis tarah se apna jiwan gujaarte the magar ab hame pata tha ki hamare chale jane ke baad wo fir se akele ho jayege. Unke apne bachche apne biwi bachcho ke sath dusre shahar me rahte the. Unhe ye nahi lagta tha ki unke budhe mata pita apni aulaad aur apne pote potiyo ke liye kitna taraste hoge.



Uncle aunty ji se vida le kar jab ham waha se chale to meri aakho me aashu the. Uncle aunty ji ki bhi aakhe nam thi. Uske baad ham sab car me baith kar ashok uncle ke ghar ki taraf chal pade. Sare raaste ham uncle aunty ji ke bare me hi baate karte rahe. Ghar aaye to raat kafi ho chuki thi. Khana to ham sab pahle hi kha chuke the is liye apne apne kamre me sone chale gaye. Nakul ko ashok uncle ne guest room me sone ke liye bhej diya tha aur main naina ke sath divya ke kamre me chali gai thi. Divya ka bed kafi bada tha is liye ham teeno usme araam se let gai thi. Der raat tak ham teeno duniya bhar ki baate karti rahi uske baad ham teeno so gaye.



Next morning break fast karne ke baad main nakul aur naina ashok uncle ke sath unki car me mumbai ke liye rawana ho gaye. Maine ratan bhaiya ko phone kar ke bata diya tha ki ham mumbai time se pahuch jayege. Unhone kaha ki wo dad ko mera number de dege taaki wo mujhse baat kar sake.



Baato baato me safar kat gaya tha aur ham mumbai pahuch gaye the. Mere man me dar tha ki jab dad se samna hoga tab kya hoga. Kaise main unko apna chehra dikha paaugi. Kya wo mujhe is sabke liye daatege. Mere jaisa haal naina aur nakul ka bhi tha. Nakul to kuch jyada hi ghabraya hua dikh raha tha magar ab saamna to karna hi tha. Is liye ab jo kuch bhi hoga uske liye hamne khud ko taiyar karna shuru kar diya tha.



Jaise hi ham mumbai pahuche to mere mobile par dad ka call aa gaya. Ratan bhaiya ne mujhe unka number de diya tha aur maine mobile ki ring tone ka valume bhi badha diya tha. Dad ka call aaya to meri dhadkane tej ho gai. Darte darte maine call uthaya to udhar se dad ne apni bhaari awaaj me mujhse pucha ki kaha par hain ham log. Dad ke puchne par maine apna mobile ashok uncle ko pakda diya aur unse kaha ki dad se baat kar ke bata dijiye ki ham log kaha par hain.



Ashok uncle ne dad se kafi der tak baat ki aur unhe kaha ki wo ham sabko le kar wahi aa rahe hain. Shayad dad ne ashok uncle ko bata diya tha ki unhe kaha aana hai. Ashok uncle ne dad ki bataai hui jagah par ham sabko le gaye. Jab ham waha pahuche to pata chala ki ham sab rohan ke ghar aa gaye the.



Dad ne mujhe dekha to unki aakho me aashu aa gaye aur unhone mujhe jaldi se apne gale laga liya. Main to dar rahi thi ki pata nahi dad kya kya kahege mujhe magar unhone to mujhe pyar se gale laga liya tha. Jab main unke gale lagi to mujhe bahut jyada rona aa gaya. Udhar yahi haal sanjay uncle ka bhi tha. Unhone bhi apni beti naina ko gale se laga liya tha. Kuch der baad dad ne mujhe khud se alag kiya aur wo sanjay uncle se mile.



Rohan ke dad ki car aa kar ruki. Jaise hi rohan ke dad car se utar kar dad ke paas aaye to dad ko dekh kar wo apne hath jod liye aur unse maafiya maagne lage.



"Mujhe nahi pata tha surendra ki mera beta itna gira hua hoga. Main to yahi samajhta tha ki mera beta padh likh kar ab business me mera hath batayega. Mere bete ne jo kiya uske liye main bahut sharminda hu. Tum mere bete ko jo saja dena chaho de sakte ho. Kaash ki mera koi beta hi na hota. Kam se kam aaj main apne bhai jaise dost ke saamne itna sharminda to na hota. Meri aulaad ne mujhe kahi ka nahi chhoda." Rohan ke dad ne kaha.



"Shukar mana ki hamari betiyo ko kuch nahi hua. Agar unhe jara si kharoch bhi aa jati to main tere saamne tere bete ko aisi maut deta ki tu pahchan bhi nahi pata ki wo tera beta hai. Mere bhi bachche hain magar unhone aisa koi kaam nahi kiya aaj tak jiski wajah se kisi masoom ladki ki jindagi hi barbaad ho jaye." Dad ne gusse me kaha to rohan ke dad sir nicha kiye khade rahe. Unki wife bhi andar se nikal kar baahar aa gai thi. Unhe bhi pata chal gaya tha ki unke bete ne kya gul khilaya tha. Unki haalat dekh kar lag raha tha jaise wo bahut roi ho.



"Ishwar jab aulad deta hai to maa baap ka farj banta hai ki unhe achhe sanskar de aur samay samay par ye bhi dekhte rahe ki aulaad sahi raaste par hai ya galat raaste par. Kiske liye bana raha hai ye dhan dhaulat. Tere sapoot ka to teri is daulat se bhet hi nahi bharta. Tabhi to aisa ghatiya kaam karta hai." Dad ne kaha.



"Tu sahi kah raha hai surendra. Sab meri hi galti hai. Maine hi kabhi ye nahi dekha ki mera beta kya karta hai. Main to isi bhram me tha ki wo jo bhi karta hai achha hi karta hai magar aaj jaan gaya hu ki wo kya karta raha hai. Main bahut sharminda hu dost. Man to karta hai ki police thane me ja kar pahle apne us nalayak bete ko goli maaru aur fir khud ko bhi goli maar lu." Rohan ke dad ne kaha.



Sanjay uncle aur ashok uncle ke samjhane par dad chup ho gaye the. Uske baad ham sab waha se chal diye. Main aur naina sahi salamat thi is liye dad aur sanjay uncle ne bhi rohan ke dad ko fir kuch nahi kaha. Waha se ham sab sanjay uncle ki car me chal diye the. Car me ham sab kisi tarah adjust kar ke baith gaye the. Raaste me ashok uncle se dad ne kaha ki kisi hotel me ja kar pahle wo fresh hona chahte hain. Uske baad shaam chaar baje ki train se ham sab ko le ke ghar jayege.



Dad ke kahne par ashok uncle wahi ke ek hotel me car ko roka. Car ruki to ham sab utre aur fir hotel ke andar chale gaye. Ashok uncle ne do kamre book kiye to ham sab upar aa gaye. Main naina nakul aur ashok uncle to fresh ho kar aur kha pi kar hi aaye the. Is liye ham ek kamre me chup chaap baithe rahe jabki dad aur sanjay uncle fresh hone chale gaye.



Main naina aur nakul ek hi kamre me the jabki dusre kamre me dad sanjay uncle aur ashok uncle the. Pata nahi unki aapas me kya baate hui. Uske baad dad ke kahne par ham teeno kamre se baahar aaye aur unke sath niche chal diye. Niche aa kar ham sabne thoda bahut khana khaya. Dad ashok uncle se pata nahi kya baate kar rahe the. Maine dekha tha ki ab tak unhone nakul se koi baat nahi ki thi. Ye dekh kar mere man me ajeeb ajeeb se khayaal aa rahe the.



Khana kha kar ham sab kamre me aa gaye. Dad ka kahna tha ki kuch der araam kar lo uske baad ham sab railway station ke liye niklege. Hamari train chaar baje ki thi is liye ham bees minute pahle hi hotel se nikal liye. Ashok uncle apni car me ham sab ko railway station le aaye. Dad aur ashok uncle ki ab aapas me kafi banne lagi thi. Dad to ashok uncle ko baar baar thanks kah rahe the ki unhone unki bachchiyo ke liye itna kuch kiya tha. Agar socha jaye to ye sab ashok uncle ki hi vajah se hua tha. Agar wo na hote to pata nahi hamara kya hota. Dad ke baar baar thanks kahne par ashok uncle bas yahi kah rahe the ki ye unka farj tha kyo ki wo hame apni hi beti maante the.



Train aai to sanjay uncle ne hame andar baithaya aur khud bhi hamare samne wali sheet par baith gaye. Dad ashok uncle ke sath baahar hi the aur baate kar rahe the. Jab train ne chalne ka horn bajaya to dad bhi ashok uncle se vida le kar andar aa gaye.



Andar aa kar dad bhi sanjay uncle ke bagal se baith gaye. Main aur naina unke samne wali sheet par baithi hui thi. Hamari sheet par bagal se ek aurat baithi hui thi. Nakul sanjay uncle ke bagal me chup chaap baitha hua tha. Wo shayad abhi bhi ghabraya hua tha ya shayad mere dad se dar raha tha. Main khud bhi ye soch kar man hi man dari hui thi ki dad shayad ab hamse is bare me baat karege ki ham dono ghar se kyo bhaag kar yaha aaye the. Train apni speed se daudti rahi aur fir dhire dhire shaam bhi ho gai. Dad ne mujhse ya nakul se ek baar bhi is silsile me koi baat nahi ki thi. Wo to bas sanjay uncle se hi duniya bhar ki baate karte rahe.



Raat me main aur naina upar ki dono sheeto par let kar so gai. Udhar dad sanjay uncle aur nakul bhi apni apni sheeto par so gaye. Sabse niche wali sheet par ek aurat let gai thi. Raat me badi gahri need aai thi aur subah kab hui iska pata hi nahi chala hame. Meri jab aakh khuli to dekha niche ki sheet par dad sanjay uncle aur nakul baithe huye the. Naina abhi bhi so rahi thi jabki uske niche wali sheet par wo aurat jag chuki thi aur ab baithi hui thi. Subah ho chuki thi aur shayad time bhi kafi ho chuka tha.



Dad ki najar mujh par padi to wo halke se muskuraye aur fir kaha ki bada jaldi aakh khul gai hamari princess ki. Unke is tarah kahne par mere hotho par bhi muskaan ubhar aai. Aaj kafi time baad dad ne mujhe itne pyar se princess kaha tha. Mere dil me thoda dard hua magar ye dard khushi wala tha. Mera man kiya ki main niche utar kar dad se lipat jaau magar fir maine apni is bhaavna ko daba liya aur fir apne kapdo ko adjust karne lagi. Kuch der me main niche aa gai aur fir maine naina ko bhi jaga diya.



Dad ne ham dono ko fresh hone ke liye kaha to ham dono ek ek kar ke fresh ho aaye. Fresh ho kar main aur naina us aurat ke sath hi baith gaye. Meri najar nakul par padi to dekha wo ab normal dikh raha tha. Jaise hi hamari najre mili to wo halke se muskuraya. Use muskurata dekh mere hotho par bhi muskan ubhar aai magar fir maine jaldi se dad ki taraf dekh kar usse najre hata li. Itna to main samajh gai thi ki jab main so rahi thi tab shayad dad ne usse koi baat ki thi jisse ab wo normal dikh raha tha aur mujhe dekh kar muskuraya bhi tha. Mere man me ye janne ki utsukta badh gai ki nakul ke normal hone ki vajah kya hai. Kya sach me dad ne usse baat ki thi. Agar haa to kya baat kiya tha unhone. Nakul mujhe dekh kar muskuraya tha iska to yahi matlab hua ki koi aisi baat thi jo ham dono ki khushi se judi hui thi. Waise ye to main janti thi ki dad hamari shadi ke liye maan gaye hain magar main ye soch ke thoda ghabraai hui thi ki dad agar hamse is sabke bare me kuch kahege to ham unhe kya jawaab de payege.



Main aur naina chup chaap hi baithe huye the. Dad aur sanjay uncle ke saamne kuch baat karne ki himmat hi nahi ho rahi thi aur yahi haal bechare nakul ka bhi tha. Wo bhi chup chaap hi baitha hua tha. Kisi tarah time gujra to ham apne shahar aa gaye. Train se ham sab utre aur fir station se baahar aa gaye. Dad ne shayad ghar me phone kar ke bata diya tha. Is liye ghar se ravendra uncle aur ratan bhaiya car le kar aa gaye the.



Ratan bhaiya ko dekhte hi mujhe wo sab kuch yaad aa gaya jo unhone mere liye kiya tha. Mujhe dekh kar unhone muskurate huye apni baahe faila di to main apna bag chhod kar bhaagte huye unke paas gai aur unse lipat gai. Meri aakho se aashu bahne lage the. Unhone mujhe rote dekha to wo bade pyar se mujhse na rone ke liye kahne lage.



"Ab to sab kuch thik ho gaya hai neel. Fir ab kyo ro rahi hai tu." Ratan bhaiya ne pyar se kaha.

"Mujhe rone dijiye bhaiya. Aap nahi jante ki main kab se is pal ka intjar kar rahi thi ki aap mujhe mil jaye aur main aapke gale lag jaau aur fir apne sabse achhe wale bhaiya se haath jod kar maafi maagu." Maine rote huye kaha to bhaiya ne mujhe alag kiya.



"Maafi kis baat ke liye neel." Bhaiya ne pucha.

"Aapko galat samajhne ke liye. Aapne meri bhalaai ke liye mujhe mobile diya tha aur main ye samajhti thi ki aapne mujhe wo mobile is liye diya tha taaki aap meri pal pal ki khabar rakh sake aur fir mauka dekh kar mujhe fasa sake. Kitna galat samajh rahi thi main aapko. Main bahut buri hu bhaiya. Mujhe maaf kar dijiye." Main rote huye fir se unke gale lag gai. Idhar sab koi mujhe aur ratan bhaiya ko hi dekhe ja rahe the magar koi kuch bol nahi raha tha.



"Tune us wakt agar mujhe galat samjha tha to kya galat tha neel. Us situation me koi bhi yahi samajhta. Anyway tu meri jaan se bhi pyari bahan hai. Tune kuch bhi galat na kiya hai aur na samjha hai. Ab chal chup ho ja. Dekh kitne sare log tujhe rote huye dekh rahe hain. Kya sochege ye log ki itni badi ho gai hai magar bachcho ki tarah roti hai." Ratan bhaiya ne mujhe alag kiya aur fir apne hatho se mere aashu pochhe. Dad ye dekh kar jaldi se palat gaye aur fir apni aakh ki nami ko sabse chhupa kar pochhte huye ravendra uncle wali car me baith gaye. Unke baithte hi sanjay uncle bhi usme baith gaye.



Main nakul aur naina ratan bhaiya ki car me baith gaye. Uske baad dono car aage piche gaon ki taraf chal padi. Ravendra uncle ki car aage aage ja rahi thi aur ham log unke pichhe chal rahe the. Raaste me ratan bhaiya ne nakul se baat cheet shuru ki. Wo nakul se bahut hi achhe se baat kar rahe the. Piche ki sheet par main aur naina baithi hui thi. Pure raaste ham log tarah tarah ki baate karte huye ja rahe the. Naina to sari baate aise badha chadha ke bata rahi thi ki ratan bhaiya jor jor se hasne lagte the. Hasi khushi ke maahaul me ham ye bhool hi gaye the ki ham kis tarah ki situation se nikal kar aaye the.



Aakhir ham sab ghar pahuche. Mom mujhe dekhte hi daud kar mere paas aai aur mujhe apne seene se laga liya. Udhar naina ki mom ne bhi apni beti naina ko apne seene se laga liya. Kuch der tak jaise bharat milaap hota raha. Sab khush the ki betiya sahi salamat ghar wapas aa gai hain. Kuch der baad sanjay uncle apni mrs ke sath naina ko le kar apne ghar chale gaye.



Nakul ke liye ek baar fir se situation ajeeb ho gai thi. Shayad use samajh nahi aa raha tha ki wo kisi se kaise mile aur kaise unse baat kare. Ratan bhaiya kafi samajhdar the. Wo nakul ko apne sath apne kamre me le gaye aur usse kaha ki wo fresh ho kar araam kare.



Ghar ke sab log khush ho gaye the. Meri aunty ki ladki maya mujhe akela chhod hi nahi rahi thi. Wo meri laadli thi is liye maine use apne paas hi rakha. Fresh hone ke baad maine aur nakul ne sab ke sath thoda bahut khaya aur fir araam karne chale gaye.



Nakul ka apna ghar hamare ghar se thodi door tha. Dusre din wo apne ghar jana chahta tha magar ratan bhaiya ne use jane nahi diya. Unka kahna tha ki ab to wo is ghar ka hone wala damaad hai is liye isi ghar me rahe. Nakul ko ye baat achhi to lag rahi thi magar use is ghar me sabke bich rahne me ajeeb lag raha tha. Ratan bhaiya uski haalat samajhte the is liye wo use apne sath hi rakhte the. Kuch din aise hi gujar gaye.



Ghar me mom aur aunty mujhse meri kahani ke bare me thodi bahut baate karti aur fir mujhe samjhati ki ab ye sab bura sapna samajh kar bhool jaao. Udhar dad aur ravendra uncle meri aur nakul ki shadi ke liye pandit se koi achha muhoort nikalwa rahe the. Pandit ji ne do hapte baad ka muhoort nikala tha. Dad ne ghar me sabko is bare me bataya aur kaha ki neelam aur nakul ki shadi wo bade dhoom dhaam se karege.



Do hapte baad wo din aa hi gaya jab main dulhan bani aur nakul dulha bana. Uske baad bade dhoom dhaam se ham dono ki shadi hui. Aas paas jitne bhi gaon the sab hamari is shadi se khush bhi the aur hairaan bhi. Dad ke jaan pahchaan wale bahut the. Wo sab us din aaye the. Kuch log aise bhi the jo dad se ye kah rahe the ki ek anaath aur gareeb ladke se apni beti ki shadi kar ke unhone thik nahi kiya magar bahut se aise the jo dad ko shabashi de rahe the. Dad ko ab in baato se koi matlab nahi tha ki log kya kya kah rahe the. Unhe to bas is baat se matlab tha ki unki beti khush rahe.



Dad ne ashok uncle ko apni puri family ke sath shadi me aane ka invitation diya tha. Maine ashok uncle se baat kar ke unhe kaha tha ki wo uncle aunty ko bhi meri shadi ka invitation de aur unhe apne sath hi yaha le kar aaye. Shadi ke ek din pahle hi ashok uncle unhe apne sath le kar aa gaye the. Uncle aunty bahut khush the ki maine unhe apna maan kar bulaya tha. Ashok uncle ne dad se unke bare me bataya to dad ne unka bade achhe dhang se swagat kiya tha. Idhar Divya aur naina ne mujhe apne hatho se sajaya tha.



Shadi bade hi dhoom dhaam se hui aur fir meri vidaai ka wakt aaya. Ghar ki laadli beti ab apne piya ke ghar jane wali thi. Meri mom aur aunty mujhe rote huye vida kar rahi thi. Sara gaon hamare ghar me jaise ikattha ho gaya tha. Uncle aunty ji ke aane se ek achhi baat ye hui ki unhone rasm nibhane ke liye nakul ko apna beta bana liya tha. Nakul ki jid thi ki wo apne ghar me hi mujhe le kar jaye. Is liye ratan bhaiya ne uske ghar ki achhe se saaf safaai karwa di thi aur achhe se saja diya tha. Uncle aunty ji ne jarurat ki cheeje waha par rakhwa di thi.



Vida ho kar main apne piya ke sath apne sasuraal jane lagi. Apne dad ko main yahi samajhti thi ki wo bahut kathor hain magar jab main rote huye unse lipat gai to unki aakho se bhi aashu bah chale the. Mom aur aunty ki to haalat hi kharaab thi. Naina aur divya bhi ro rahi thi. Ratan bhaiya kahi dikh nahi rahe the. Main bhaiya bhaiya kah ke roye ja rahi thi. Jaise hi mujhe car me baithaya jane laga tabhi ek aadmi ratan bhaiya ko liye mere paas aaya. Ratan bhaiya ko dekhte hi main unse lipat gai. Wo mujhe apne gale se laga kar bachcho ki tarah rone lage the. Har taraf jaise cheekho pukaar macha hua tha.



Kisi tarah ratan bhaiya ne mujhe car me baithaya aur gate band kar diya. Jaise hi car chali to main aur jor jor se rone lagi. Meri mom aur aunty paas me hi thi wo mujhe samhaalne ke liye pakadne lagi. Gaon ki aurto ne mom aur aunty ko samjhaya bujhaya aur unhe mujhse door kiya. Uske baad car aage badh chali.



Main sasuraal pahuchi to waha ki kuch aurto ki help se aunty ji ne mera parchhan karwaya aur fir ghar me prawesh karwaya. Maine kabhi iski kalpna nahi ki thi ki ghar se vida hote time main itna rougi aur mere andar itni jyada bhavnaye umad aayegi. Ghar aai to baaki ki rasme hui aur fir raat me main kamre me suhaag sej par baithi nakul ka intjar karne lagi. Aaj hamare milan ki raat thi. Aaj hamare ek ho jane ki raat thi. Sirf itne ke liye hamare sath itna kuch ho chuka tha. Nakul jab kamre me aaya to mere dil ki dhadkane badh gai aur mujhe ghabrahat si hone lagi. Nakul mere paas aaya aur bed ke kinare par baith gaya.



"Apne is ghar me tumhe is roop me dekh kar aisa lag raha hai jaise main koi sapna dekh raha hu. Darta hu ki kahi aakh na khul jaye aur itna sundar sapna ek pal me kahi kho jaye." Nakul ne dhimi awaaj me ye kaha to maine najar utha kar uski taraf dekha.



"Aisa kabhi nahi hoga. Ham dono ye jo sapna dekh rahe hain na ye kisi bhi tarah se kho nahi sakta. Kyo ki chahe aakh band rahe ya khuli rahe fir bhi ye sapna dono surat me bana rahega." Maine kaha.

"Achha apna chaad sa chehra to dikhaao." Nakul ne kaha.

"Chehra dekhne ke liye neg ke roop me uski kimat chukani hogi tumhe." Maine muskura kar kaha.



"Ye kya baat hui." Nakul ne pucha.

"Pata nahi par mujhe yahi bataya gaya hai ki main apna chehra tumhe tabhi dikhaau jab tum muh dikhaai ka neg doge." Maine sharma kar kaha.

"Fir to problem ho gai yaar. Mere paas is wakt tumhe dene ke liye kuch bhi nahi hai." Nakul ne udaas ho ke kaha.



"To fir mera chehra dekhne ko nahi milega tumhe." Maine muskurate huye kaha nakul se.

"Aur to kuch nahi hai mere paas magar ek cheej hai. Agar tum kaho to usi ko de du tumhe." Nakul ne kaha.

"Kaun si cheej hai." Maine pucha.



"Vachan. Haa neelam mere paas vachan hai jo main tumhe de sakta hu. Main tumhe vachan deta hu ki life me chaahe jaisi bhi situation ban jaye magar main kabhi bhi tumhara bharosa nahi toduga aur na hi kabhi kisi dusri ladki ya aurat ke sath jismani sambandh banaauga." Nakul ne ye kaha to mujhe us par bahut jyada pyaar aa gaya aur main jhat se apna ghooghat nikaal kar usse lipat gai.



Ham dono ek ho chuke the. Dad ne nakul ko business karwa diya tha. Nakul ne kabhi unhe nirash nahi kiya balki apni mehnat aur lagan se business ko aur bhi bada kiya. Nakul ki imandari aur uski mehnat dekh kar dad khush the. Wo hamesha ye sochte ki achha hua jo unhone nakul ko thukraya nahi tha. Ek anaath ladke ke sath apni beti ki shadi kar ke kabhi unhe bura feel nahi hua balki aage chal kar wo nakul ko bhi ratan bhaiya ki tarah apna beta maanne lage the. Ratan bhaiya nakul ko apna jija kam dost jyada maante the. Meri shadi ke ek saal baad ratan bhaiya ki bhi shadi ho gai thi. Unki shadi jis ladki se hui thi wo meri dost aur ashok uncle ki beti divya thi. Meri shadi ke time hi dono ki najre chaar hui thi aur fir wo dono ek dusre ko pasand karne lage the. Kismat ko bhi yahi manjur tha is liye ashok uncle ne bhi ye rishta accept kar liya tha. Divya meri bhabhi ban kar ratan bhaiya ki life me aa gai thi.



*The End*



.......



I think story ko ab yahi par end kar dena chahiye. Fir bhi agar aap logo ke man me kuch ho to aap mujhe bata dijiye. Main try karugi ki aap jaisa chahe waisa likh saku. Thank you



........

Kaafi emotional moments aaye par chaliye ant bhala to sab bhala...
pariwar ne nakul ko as a damad swikar kar liya...

shaadi bhi ho gayi... btw neelam aur nakul ne kaafi sangharh ki hai.. ab haatat hi aise the ki wo dono kya karte.. chalo koi na waqt waqt ki baat hai.. ant mein sabhi sah pariwar ke sanmati se dono ki shaadi ho gayi.. dono ek ho gaye..
sabse important baat ye ki neelam is baat k ehsaas hai ki mata pita chahe kuch keh de par mata pita se badhkar is duniya mein aur koi nahi.. aur bhai ho to ratan jaisa.. jo bhai hone ka farj purn roop se nibhaya... chahte to naraz ya gussa bhi ho sakte the lekin wo samaj gaye the ki neelam ki khushi kya hai aur kiske sath khush rahegi...
Baaki logo ne bhi bahot sahyog kiya undono ko..
Jaise pune wale uncle - aunty..
wohi ashok uncle aur unke gharwale, inhone bhi bahot help ki..
sach mein jis tarah inhone niswarth hoke madad ki usko ek salam...
Aur dost ho to great naina jaisi
Khair.... ye apbiti jise kahani roop mein aapne hamare samne pesh ki hai yeh sach mein dilchasp thi..
Brilliant story line with awesome writing skills Dear Neelam ji

 

[Naina]

Last update posted friends.
Story end ho chuki hai. Maine jo socha tha uske hisab se story ka end likh diya hai. I hope ki aap sab ko end achha lage and now finally story finish ho gai hai. Maine nahi socha tha ki main itna kuch likh paaugi but aap sabki help se main likh paai. Thanks for your appreciations and lovely support. Thank you so much

are tanik thahriye..is story ko lekar ek apni aurr se abhi book's review baaki hai... baat baaki hai...Khair.. Kal tak wo review bhi clear kar deni hai..
Now ismile plz..

 

[Naina]

nain11ster ji dekhiye... is story completed kar di neelam ji ne..

 

[mashish]

Update - 32 (Last Update)


Jab ham pune pahuche to raat ho chuki thi. Ashok uncle ke ghar me main saroj aunty aur divya se mili. Divya se meri mulakaat kafi time baad hui thi. Wo pahle se kafi badal gai thi. Bade shahar me rahne ki vajah se shayad. Saroj aunty ji ne mujhse meri sari kahani puchi to maine unhe sab bata diya. Nakul chup chaap baitha hua tha. Shayad wo is wakt sabke samne sharm ya jhijhak feel kar raha tha. Kafi der tak baate chalti rahi. Fir saroj aunty ke kahne par ham sabne ek sath hi khana khaya.

Maine ashok uncle se kaha tha ki ham un uncle aunty ji se raat me hi ja kar mil aayege. Fir subah ham sab yahi se wapas mumbai jayege. Kyo ki dusre din dad aur sanjay uncle dopahar tak mumbai pahuch jane wale the. Ashok uncle ne kaha thik hai. Khana khane ke baad main aur nakul ashok uncle ke sath unki car me baith kar uncle aunty ji se milne chal diye. Is baar naina bhi hamare sath hi thi. Uska kahna tha ki wo bhi dekhna chahti hai ki ham dono kis jagah par rah rahe the.

Kareeb bees minute baad ham sab waha pahuche. Raat ho chuki thi magar bade bade shahro me itna time koi jyada nahi mana jata. Ashok uncle ne car ka horn bajaya to aunty ji ne darwaja khola. Ham sab car se utar kar gate ke paas aa gaye. Mujhe aur nakul ko dekhte hi aunty ji ke murjhaye chehre par chamak aa gai. Unhone lapak kar mujhe apne gale se laga liya aur mere chehre ko apni hatheli me bhar kar mujhse puchne lagi ki mujhe un darindo ne koi nuksan to nahi pahuchaya na.

Ham logo ke pahuchne se aunty ji bahut khush ho gai thi. Wo ham sabko andar le gai aur uncle ji ko bhi awaaj de kar bataya ki ham log aaye hain. Uncle ji kamre se nikal kar hamare paas aaye aur hame dekhte hi wo bhi bahut khush ho gaye. Ashok uncle sath me the to chaay naaste ki baat hui jis par ashok uncle ne kaha ki ham sab kha pi kar hi aaye hain.

Main aur naina aunty ji ke sath unke kamre me chali gaye jabki ashok uncle aur nakul uncle ji ke paas hi baithe rahe. Aunty ji mujhse sab kuch puchne lagi to maine unhe wo sab bataya jo mere aur nakul ke sath mumbai me hua tha. Maine unhe naina ke bare me bhi bataya. Aunty ji hame sahi salamat dekh kar bahut khush thi aur fir unhone jabadasti mujhe apne hath ke banaye laddu khilane lagi. Uske baad maine khud hi kitchen me ja kar sabke liye chaay banaai aur fir sabko chaay di.

Maine naina ko upar wale maale par le ja kar wo kamra dikhaya jisme main aur nakul rahte the. Is wakt main aur naina hi the to naina mujhse majak me kahne lagi ki hamne yaha suhagrat to nahi mana li. Naina ki is baat par maine use bataya ki suhagrat to nahi par thoda bahut pyar jarur kiya tha hamne. Uske baad maine naina ko wo jagah bhi dikhaai jaha par nakul ne ham dono ke chhupne ke liye jameen me gaddha khoda tha. Naina us gaddhe ko dekh kar shocked thi. Fir maine use dhire se ye bhi bataya ki hamne is gaddhe me bhi chhup kar thoda bahut pyar kiya tha. Meri ye baat sun kar naina hasne lagi thi aur boli ki aisi situation kaun aise kaam karta hai to maine kaha ki ye sab nakul ke kahne par hua tha.

Uncle aunty ji ke yaha hame ek se dedh ghante ka time lag gaya. Uncle aunty ji to hame aane hi nahi de rahe the magar ashok uncle ne jab unhe bataya ki kal hame mumbai bhi jana hai kyo ki mere aur naina ke dad kal dopahar ko waha pahuch jayege. Uske baad wo wahi se hame ghar le jayege. Ashok uncle ke aisa kahne par uncle aunty ji ne hame jane ki permission di. Maine uncle aunty ji se kaha ki gaon me jab meri aur nakul ki shadi hogi to main aap dono ko aane ka invitation dugi aur tab aap dono ko hamare gaon aana hi padega. Meri is baat par uncle aunty ji me kaha ki ye bhi koi kahne ki baat hai. Ham apne bachcho ki shadi me jarur aayege.

Aunty ji ne jate time mujhe aur naina ko apne gale se laga kar pyar diya aur fir dukhi man se hame vida kiya. Main aur nakul kuch hi din to unke yaha rahe the magar in kuch dino me hi hamare bich ek aisa rishta ban gaya tha jisme waisa hi prem aur lagaav tha jaise sach much ke rishto me hota hai. Jab tak ham waha nahi the tab tak ham nahi jante the ki wo dono kis tarah se apna jiwan gujaarte the magar ab hame pata tha ki hamare chale jane ke baad wo fir se akele ho jayege. Unke apne bachche apne biwi bachcho ke sath dusre shahar me rahte the. Unhe ye nahi lagta tha ki unke budhe mata pita apni aulaad aur apne pote potiyo ke liye kitna taraste hoge.

Uncle aunty ji se vida le kar jab ham waha se chale to meri aakho me aashu the. Uncle aunty ji ki bhi aakhe nam thi. Uske baad ham sab car me baith kar ashok uncle ke ghar ki taraf chal pade. Sare raaste ham uncle aunty ji ke bare me hi baate karte rahe. Ghar aaye to raat kafi ho chuki thi. Khana to ham sab pahle hi kha chuke the is liye apne apne kamre me sone chale gaye. Nakul ko ashok uncle ne guest room me sone ke liye bhej diya tha aur main naina ke sath divya ke kamre me chali gai thi. Divya ka bed kafi bada tha is liye ham teeno usme araam se let gai thi. Der raat tak ham teeno duniya bhar ki baate karti rahi uske baad ham teeno so gaye.

Next morning break fast karne ke baad main nakul aur naina ashok uncle ke sath unki car me mumbai ke liye rawana ho gaye. Maine ratan bhaiya ko phone kar ke bata diya tha ki ham mumbai time se pahuch jayege. Unhone kaha ki wo dad ko mera number de dege taaki wo mujhse baat kar sake.

Baato baato me safar kat gaya tha aur ham mumbai pahuch gaye the. Mere man me dar tha ki jab dad se samna hoga tab kya hoga. Kaise main unko apna chehra dikha paaugi. Kya wo mujhe is sabke liye daatege. Mere jaisa haal naina aur nakul ka bhi tha. Nakul to kuch jyada hi ghabraya hua dikh raha tha magar ab saamna to karna hi tha. Is liye ab jo kuch bhi hoga uske liye hamne khud ko taiyar karna shuru kar diya tha.

Jaise hi ham mumbai pahuche to mere mobile par dad ka call aa gaya. Ratan bhaiya ne mujhe unka number de diya tha aur maine mobile ki ring tone ka valume bhi badha diya tha. Dad ka call aaya to meri dhadkane tej ho gai. Darte darte maine call uthaya to udhar se dad ne apni bhaari awaaj me mujhse pucha ki kaha par hain ham log. Dad ke puchne par maine apna mobile ashok uncle ko pakda diya aur unse kaha ki dad se baat kar ke bata dijiye ki ham log kaha par hain.

Ashok uncle ne dad se kafi der tak baat ki aur unhe kaha ki wo ham sabko le kar wahi aa rahe hain. Shayad dad ne ashok uncle ko bata diya tha ki unhe kaha aana hai. Ashok uncle ne dad ki bataai hui jagah par ham sabko le gaye. Jab ham waha pahuche to pata chala ki ham sab rohan ke ghar aa gaye the.

Dad ne mujhe dekha to unki aakho me aashu aa gaye aur unhone mujhe jaldi se apne gale laga liya. Main to dar rahi thi ki pata nahi dad kya kya kahege mujhe magar unhone to mujhe pyar se gale laga liya tha. Jab main unke gale lagi to mujhe bahut jyada rona aa gaya. Udhar yahi haal sanjay uncle ka bhi tha. Unhone bhi apni beti naina ko gale se laga liya tha. Kuch der baad dad ne mujhe khud se alag kiya aur wo sanjay uncle se mile.

Rohan ke dad ki car aa kar ruki. Jaise hi rohan ke dad car se utar kar dad ke paas aaye to dad ko dekh kar wo apne hath jod liye aur unse maafiya maagne lage.

"Mujhe nahi pata tha surendra ki mera beta itna gira hua hoga. Main to yahi samajhta tha ki mera beta padh likh kar ab business me mera hath batayega. Mere bete ne jo kiya uske liye main bahut sharminda hu. Tum mere bete ko jo saja dena chaho de sakte ho. Kaash ki mera koi beta hi na hota. Kam se kam aaj main apne bhai jaise dost ke saamne itna sharminda to na hota. Meri aulaad ne mujhe kahi ka nahi chhoda." Rohan ke dad ne kaha.

"Shukar mana ki hamari betiyo ko kuch nahi hua. Agar unhe jara si kharoch bhi aa jati to main tere saamne tere bete ko aisi maut deta ki tu pahchan bhi nahi pata ki wo tera beta hai. Mere bhi bachche hain magar unhone aisa koi kaam nahi kiya aaj tak jiski wajah se kisi masoom ladki ki jindagi hi barbaad ho jaye." Dad ne gusse me kaha to rohan ke dad sir nicha kiye khade rahe. Unki wife bhi andar se nikal kar baahar aa gai thi. Unhe bhi pata chal gaya tha ki unke bete ne kya gul khilaya tha. Unki haalat dekh kar lag raha tha jaise wo bahut roi ho.

"Ishwar jab aulad deta hai to maa baap ka farj banta hai ki unhe achhe sanskar de aur samay samay par ye bhi dekhte rahe ki aulaad sahi raaste par hai ya galat raaste par. Kiske liye bana raha hai ye dhan dhaulat. Tere sapoot ka to teri is daulat se bhet hi nahi bharta. Tabhi to aisa ghatiya kaam karta hai." Dad ne kaha.

"Tu sahi kah raha hai surendra. Sab meri hi galti hai. Maine hi kabhi ye nahi dekha ki mera beta kya karta hai. Main to isi bhram me tha ki wo jo bhi karta hai achha hi karta hai magar aaj jaan gaya hu ki wo kya karta raha hai. Main bahut sharminda hu dost. Man to karta hai ki police thane me ja kar pahle apne us nalayak bete ko goli maaru aur fir khud ko bhi goli maar lu." Rohan ke dad ne kaha.

Sanjay uncle aur ashok uncle ke samjhane par dad chup ho gaye the. Uske baad ham sab waha se chal diye. Main aur naina sahi salamat thi is liye dad aur sanjay uncle ne bhi rohan ke dad ko fir kuch nahi kaha. Waha se ham sab sanjay uncle ki car me chal diye the. Car me ham sab kisi tarah adjust kar ke baith gaye the. Raaste me ashok uncle se dad ne kaha ki kisi hotel me ja kar pahle wo fresh hona chahte hain. Uske baad shaam chaar baje ki train se ham sab ko le ke ghar jayege.

Dad ke kahne par ashok uncle wahi ke ek hotel me car ko roka. Car ruki to ham sab utre aur fir hotel ke andar chale gaye. Ashok uncle ne do kamre book kiye to ham sab upar aa gaye. Main naina nakul aur ashok uncle to fresh ho kar aur kha pi kar hi aaye the. Is liye ham ek kamre me chup chaap baithe rahe jabki dad aur sanjay uncle fresh hone chale gaye.

Main naina aur nakul ek hi kamre me the jabki dusre kamre me dad sanjay uncle aur ashok uncle the. Pata nahi unki aapas me kya baate hui. Uske baad dad ke kahne par ham teeno kamre se baahar aaye aur unke sath niche chal diye. Niche aa kar ham sabne thoda bahut khana khaya. Dad ashok uncle se pata nahi kya baate kar rahe the. Maine dekha tha ki ab tak unhone nakul se koi baat nahi ki thi. Ye dekh kar mere man me ajeeb ajeeb se khayaal aa rahe the.

Khana kha kar ham sab kamre me aa gaye. Dad ka kahna tha ki kuch der araam kar lo uske baad ham sab railway station ke liye niklege. Hamari train chaar baje ki thi is liye ham bees minute pahle hi hotel se nikal liye. Ashok uncle apni car me ham sab ko railway station le aaye. Dad aur ashok uncle ki ab aapas me kafi banne lagi thi. Dad to ashok uncle ko baar baar thanks kah rahe the ki unhone unki bachchiyo ke liye itna kuch kiya tha. Agar socha jaye to ye sab ashok uncle ki hi vajah se hua tha. Agar wo na hote to pata nahi hamara kya hota. Dad ke baar baar thanks kahne par ashok uncle bas yahi kah rahe the ki ye unka farj tha kyo ki wo hame apni hi beti maante the.

Train aai to sanjay uncle ne hame andar baithaya aur khud bhi hamare samne wali sheet par baith gaye. Dad ashok uncle ke sath baahar hi the aur baate kar rahe the. Jab train ne chalne ka horn bajaya to dad bhi ashok uncle se vida le kar andar aa gaye.

Andar aa kar dad bhi sanjay uncle ke bagal se baith gaye. Main aur naina unke samne wali sheet par baithi hui thi. Hamari sheet par bagal se ek aurat baithi hui thi. Nakul sanjay uncle ke bagal me chup chaap baitha hua tha. Wo shayad abhi bhi ghabraya hua tha ya shayad mere dad se dar raha tha. Main khud bhi ye soch kar man hi man dari hui thi ki dad shayad ab hamse is bare me baat karege ki ham dono ghar se kyo bhaag kar yaha aaye the. Train apni speed se daudti rahi aur fir dhire dhire shaam bhi ho gai. Dad ne mujhse ya nakul se ek baar bhi is silsile me koi baat nahi ki thi. Wo to bas sanjay uncle se hi duniya bhar ki baate karte rahe.

Raat me main aur naina upar ki dono sheeto par let kar so gai. Udhar dad sanjay uncle aur nakul bhi apni apni sheeto par so gaye. Sabse niche wali sheet par ek aurat let gai thi. Raat me badi gahri need aai thi aur subah kab hui iska pata hi nahi chala hame. Meri jab aakh khuli to dekha niche ki sheet par dad sanjay uncle aur nakul baithe huye the. Naina abhi bhi so rahi thi jabki uske niche wali sheet par wo aurat jag chuki thi aur ab baithi hui thi. Subah ho chuki thi aur shayad time bhi kafi ho chuka tha.

Dad ki najar mujh par padi to wo halke se muskuraye aur fir kaha ki bada jaldi aakh khul gai hamari princess ki. Unke is tarah kahne par mere hotho par bhi muskaan ubhar aai. Aaj kafi time baad dad ne mujhe itne pyar se princess kaha tha. Mere dil me thoda dard hua magar ye dard khushi wala tha. Mera man kiya ki main niche utar kar dad se lipat jaau magar fir maine apni is bhaavna ko daba liya aur fir apne kapdo ko adjust karne lagi. Kuch der me main niche aa gai aur fir maine naina ko bhi jaga diya.

Dad ne ham dono ko fresh hone ke liye kaha to ham dono ek ek kar ke fresh ho aaye. Fresh ho kar main aur naina us aurat ke sath hi baith gaye. Meri najar nakul par padi to dekha wo ab normal dikh raha tha. Jaise hi hamari najre mili to wo halke se muskuraya. Use muskurata dekh mere hotho par bhi muskan ubhar aai magar fir maine jaldi se dad ki taraf dekh kar usse najre hata li. Itna to main samajh gai thi ki jab main so rahi thi tab shayad dad ne usse koi baat ki thi jisse ab wo normal dikh raha tha aur mujhe dekh kar muskuraya bhi tha. Mere man me ye janne ki utsukta badh gai ki nakul ke normal hone ki vajah kya hai. Kya sach me dad ne usse baat ki thi. Agar haa to kya baat kiya tha unhone. Nakul mujhe dekh kar muskuraya tha iska to yahi matlab hua ki koi aisi baat thi jo ham dono ki khushi se judi hui thi. Waise ye to main janti thi ki dad hamari shadi ke liye maan gaye hain magar main ye soch ke thoda ghabraai hui thi ki dad agar hamse is sabke bare me kuch kahege to ham unhe kya jawaab de payege.

Main aur naina chup chaap hi baithe huye the. Dad aur sanjay uncle ke saamne kuch baat karne ki himmat hi nahi ho rahi thi aur yahi haal bechare nakul ka bhi tha. Wo bhi chup chaap hi baitha hua tha. Kisi tarah time gujra to ham apne shahar aa gaye. Train se ham sab utre aur fir station se baahar aa gaye. Dad ne shayad ghar me phone kar ke bata diya tha. Is liye ghar se ravendra uncle aur ratan bhaiya car le kar aa gaye the.

Ratan bhaiya ko dekhte hi mujhe wo sab kuch yaad aa gaya jo unhone mere liye kiya tha. Mujhe dekh kar unhone muskurate huye apni baahe faila di to main apna bag chhod kar bhaagte huye unke paas gai aur unse lipat gai. Meri aakho se aashu bahne lage the. Unhone mujhe rote dekha to wo bade pyar se mujhse na rone ke liye kahne lage.

"Ab to sab kuch thik ho gaya hai neel. Fir ab kyo ro rahi hai tu." Ratan bhaiya ne pyar se kaha.
"Mujhe rone dijiye bhaiya. Aap nahi jante ki main kab se is pal ka intjar kar rahi thi ki aap mujhe mil jaye aur main aapke gale lag jaau aur fir apne sabse achhe wale bhaiya se haath jod kar maafi maagu." Maine rote huye kaha to bhaiya ne mujhe alag kiya.

"Maafi kis baat ke liye neel." Bhaiya ne pucha.
"Aapko galat samajhne ke liye. Aapne meri bhalaai ke liye mujhe mobile diya tha aur main ye samajhti thi ki aapne mujhe wo mobile is liye diya tha taaki aap meri pal pal ki khabar rakh sake aur fir mauka dekh kar mujhe fasa sake. Kitna galat samajh rahi thi main aapko. Main bahut buri hu bhaiya. Mujhe maaf kar dijiye." Main rote huye fir se unke gale lag gai. Idhar sab koi mujhe aur ratan bhaiya ko hi dekhe ja rahe the magar koi kuch bol nahi raha tha.

"Tune us wakt agar mujhe galat samjha tha to kya galat tha neel. Us situation me koi bhi yahi samajhta. Anyway tu meri jaan se bhi pyari bahan hai. Tune kuch bhi galat na kiya hai aur na samjha hai. Ab chal chup ho ja. Dekh kitne sare log tujhe rote huye dekh rahe hain. Kya sochege ye log ki itni badi ho gai hai magar bachcho ki tarah roti hai." Ratan bhaiya ne mujhe alag kiya aur fir apne hatho se mere aashu pochhe. Dad ye dekh kar jaldi se palat gaye aur fir apni aakh ki nami ko sabse chhupa kar pochhte huye ravendra uncle wali car me baith gaye. Unke baithte hi sanjay uncle bhi usme baith gaye.

Main nakul aur naina ratan bhaiya ki car me baith gaye. Uske baad dono car aage piche gaon ki taraf chal padi. Ravendra uncle ki car aage aage ja rahi thi aur ham log unke pichhe chal rahe the. Raaste me ratan bhaiya ne nakul se baat cheet shuru ki. Wo nakul se bahut hi achhe se baat kar rahe the. Piche ki sheet par main aur naina baithi hui thi. Pure raaste ham log tarah tarah ki baate karte huye ja rahe the. Naina to sari baate aise badha chadha ke bata rahi thi ki ratan bhaiya jor jor se hasne lagte the. Hasi khushi ke maahaul me ham ye bhool hi gaye the ki ham kis tarah ki situation se nikal kar aaye the.

Aakhir ham sab ghar pahuche. Mom mujhe dekhte hi daud kar mere paas aai aur mujhe apne seene se laga liya. Udhar naina ki mom ne bhi apni beti naina ko apne seene se laga liya. Kuch der tak jaise bharat milaap hota raha. Sab khush the ki betiya sahi salamat ghar wapas aa gai hain. Kuch der baad sanjay uncle apni mrs ke sath naina ko le kar apne ghar chale gaye.

Nakul ke liye ek baar fir se situation ajeeb ho gai thi. Shayad use samajh nahi aa raha tha ki wo kisi se kaise mile aur kaise unse baat kare. Ratan bhaiya kafi samajhdar the. Wo nakul ko apne sath apne kamre me le gaye aur usse kaha ki wo fresh ho kar araam kare.

Ghar ke sab log khush ho gaye the. Meri aunty ki ladki maya mujhe akela chhod hi nahi rahi thi. Wo meri laadli thi is liye maine use apne paas hi rakha. Fresh hone ke baad maine aur nakul ne sab ke sath thoda bahut khaya aur fir araam karne chale gaye.

Nakul ka apna ghar hamare ghar se thodi door tha. Dusre din wo apne ghar jana chahta tha magar ratan bhaiya ne use jane nahi diya. Unka kahna tha ki ab to wo is ghar ka hone wala damaad hai is liye isi ghar me rahe. Nakul ko ye baat achhi to lag rahi thi magar use is ghar me sabke bich rahne me ajeeb lag raha tha. Ratan bhaiya uski haalat samajhte the is liye wo use apne sath hi rakhte the. Kuch din aise hi gujar gaye.

Ghar me mom aur aunty mujhse meri kahani ke bare me thodi bahut baate karti aur fir mujhe samjhati ki ab ye sab bura sapna samajh kar bhool jaao. Udhar dad aur ravendra uncle meri aur nakul ki shadi ke liye pandit se koi achha muhoort nikalwa rahe the. Pandit ji ne do hapte baad ka muhoort nikala tha. Dad ne ghar me sabko is bare me bataya aur kaha ki neelam aur nakul ki shadi wo bade dhoom dhaam se karege.

Do hapte baad wo din aa hi gaya jab main dulhan bani aur nakul dulha bana. Uske baad bade dhoom dhaam se ham dono ki shadi hui. Aas paas jitne bhi gaon the sab hamari is shadi se khush bhi the aur hairaan bhi. Dad ke jaan pahchaan wale bahut the. Wo sab us din aaye the. Kuch log aise bhi the jo dad se ye kah rahe the ki ek anaath aur gareeb ladke se apni beti ki shadi kar ke unhone thik nahi kiya magar bahut se aise the jo dad ko shabashi de rahe the. Dad ko ab in baato se koi matlab nahi tha ki log kya kya kah rahe the. Unhe to bas is baat se matlab tha ki unki beti khush rahe.

Dad ne ashok uncle ko apni puri family ke sath shadi me aane ka invitation diya tha. Maine ashok uncle se baat kar ke unhe kaha tha ki wo uncle aunty ko bhi meri shadi ka invitation de aur unhe apne sath hi yaha le kar aaye. Shadi ke ek din pahle hi ashok uncle unhe apne sath le kar aa gaye the. Uncle aunty bahut khush the ki maine unhe apna maan kar bulaya tha. Ashok uncle ne dad se unke bare me bataya to dad ne unka bade achhe dhang se swagat kiya tha. Idhar Divya aur naina ne mujhe apne hatho se sajaya tha.

Shadi bade hi dhoom dhaam se hui aur fir meri vidaai ka wakt aaya. Ghar ki laadli beti ab apne piya ke ghar jane wali thi. Meri mom aur aunty mujhe rote huye vida kar rahi thi. Sara gaon hamare ghar me jaise ikattha ho gaya tha. Uncle aunty ji ke aane se ek achhi baat ye hui ki unhone rasm nibhane ke liye nakul ko apna beta bana liya tha. Nakul ki jid thi ki wo apne ghar me hi mujhe le kar jaye. Is liye ratan bhaiya ne uske ghar ki achhe se saaf safaai karwa di thi aur achhe se saja diya tha. Uncle aunty ji ne jarurat ki cheeje waha par rakhwa di thi.

Vida ho kar main apne piya ke sath apne sasuraal jane lagi. Apne dad ko main yahi samajhti thi ki wo bahut kathor hain magar jab main rote huye unse lipat gai to unki aakho se bhi aashu bah chale the. Mom aur aunty ki to haalat hi kharaab thi. Naina aur divya bhi ro rahi thi. Ratan bhaiya kahi dikh nahi rahe the. Main bhaiya bhaiya kah ke roye ja rahi thi. Jaise hi mujhe car me baithaya jane laga tabhi ek aadmi ratan bhaiya ko liye mere paas aaya. Ratan bhaiya ko dekhte hi main unse lipat gai. Wo mujhe apne gale se laga kar bachcho ki tarah rone lage the. Har taraf jaise cheekho pukaar macha hua tha.

Kisi tarah ratan bhaiya ne mujhe car me baithaya aur gate band kar diya. Jaise hi car chali to main aur jor jor se rone lagi. Meri mom aur aunty paas me hi thi wo mujhe samhaalne ke liye pakadne lagi. Gaon ki aurto ne mom aur aunty ko samjhaya bujhaya aur unhe mujhse door kiya. Uske baad car aage badh chali.

Main sasuraal pahuchi to waha ki kuch aurto ki help se aunty ji ne mera parchhan karwaya aur fir ghar me prawesh karwaya. Maine kabhi iski kalpna nahi ki thi ki ghar se vida hote time main itna rougi aur mere andar itni jyada bhavnaye umad aayegi. Ghar aai to baaki ki rasme hui aur fir raat me main kamre me suhaag sej par baithi nakul ka intjar karne lagi. Aaj hamare milan ki raat thi. Aaj hamare ek ho jane ki raat thi. Sirf itne ke liye hamare sath itna kuch ho chuka tha. Nakul jab kamre me aaya to mere dil ki dhadkane badh gai aur mujhe ghabrahat si hone lagi. Nakul mere paas aaya aur bed ke kinare par baith gaya.

"Apne is ghar me tumhe is roop me dekh kar aisa lag raha hai jaise main koi sapna dekh raha hu. Darta hu ki kahi aakh na khul jaye aur itna sundar sapna ek pal me kahi kho jaye." Nakul ne dhimi awaaj me ye kaha to maine najar utha kar uski taraf dekha.

"Aisa kabhi nahi hoga. Ham dono ye jo sapna dekh rahe hain na ye kisi bhi tarah se kho nahi sakta. Kyo ki chahe aakh band rahe ya khuli rahe fir bhi ye sapna dono surat me bana rahega." Maine kaha.
"Achha apna chaad sa chehra to dikhaao." Nakul ne kaha.
"Chehra dekhne ke liye neg ke roop me uski kimat chukani hogi tumhe." Maine muskura kar kaha.

"Ye kya baat hui." Nakul ne pucha.
"Pata nahi par mujhe yahi bataya gaya hai ki main apna chehra tumhe tabhi dikhaau jab tum muh dikhaai ka neg doge." Maine sharma kar kaha.
"Fir to problem ho gai yaar. Mere paas is wakt tumhe dene ke liye kuch bhi nahi hai." Nakul ne udaas ho ke kaha.

"To fir mera chehra dekhne ko nahi milega tumhe." Maine muskurate huye kaha nakul se.
"Aur to kuch nahi hai mere paas magar ek cheej hai. Agar tum kaho to usi ko de du tumhe." Nakul ne kaha.
"Kaun si cheej hai." Maine pucha.

"Vachan. Haa neelam mere paas vachan hai jo main tumhe de sakta hu. Main tumhe vachan deta hu ki life me chaahe jaisi bhi situation ban jaye magar main kabhi bhi tumhara bharosa nahi toduga aur na hi kabhi kisi dusri ladki ya aurat ke sath jismani sambandh banaauga." Nakul ne ye kaha to mujhe us par bahut jyada pyaar aa gaya aur main jhat se apna ghooghat nikaal kar usse lipat gai.

Ham dono ek ho chuke the. Dad ne nakul ko business karwa diya tha. Nakul ne kabhi unhe nirash nahi kiya balki apni mehnat aur lagan se business ko aur bhi bada kiya. Nakul ki imandari aur uski mehnat dekh kar dad khush the. Wo hamesha ye sochte ki achha hua jo unhone nakul ko thukraya nahi tha. Ek anaath ladke ke sath apni beti ki shadi kar ke kabhi unhe bura feel nahi hua balki aage chal kar wo nakul ko bhi ratan bhaiya ki tarah apna beta maanne lage the. Ratan bhaiya nakul ko apna jija kam dost jyada maante the. Meri shadi ke ek saal baad ratan bhaiya ki bhi shadi ho gai thi. Unki shadi jis ladki se hui thi wo meri dost aur ashok uncle ki beti divya thi. Meri shadi ke time hi dono ki najre chaar hui thi aur fir wo dono ek dusre ko pasand karne lage the. Kismat ko bhi yahi manjur tha is liye ashok uncle ne bhi ye rishta accept kar liya tha. Divya meri bhabhi ban kar ratan bhaiya ki life me aa gai thi.

*The End*

.......

I think story ko ab yahi par end kar dena chahiye. Fir bhi agar aap logo ke man me kuch ho to aap mujhe bata dijiye. Main try karugi ki aap jaisa chahe waisa likh saku. Thank you

........

lovely ending

 

[Mr. Perfect]

Behad hi shandar ending thi story ki dear neelam ji______
Finally sab kuch thik ho gaya. Khatre se bach kar neelam naina aur nakul apne apne dad ke sath ghar wapas aa gaye. Neelam ke dad surendra ne apne dost ko jyada kuch nahi kaha ye soch kar ki uski betiyo ko kuch nahi hua lekin usne usse ye jarur kaha ki maa baap ko apni aulad ke bare me time time par ye dekhna chahiye ki wo sahi raaste par hai ya galat______
Neelam= Ghar ki laadli beti jo bachpan se hi laad pyar me pali badhi. Usme achhe sanskar the aur wo apno ke bare me achha bhi sochti thi lekin jab kisi se pyar hua aur use yakeen ho gaya ki uske ghar wale uski shadi uske premi se nahi karege to wo apne premi ke sath ghar se bhagne par majbur ho gai______
Nakul= Ek garib ladka jiska baap bahut pahle hi gujar gaya tha aur fir maa bhi gujar gai. Duniya me akela ho gaya lekin kisi tarah usne apni study ki. Neelam se pyar hua to uski viran jindagi me jaise bahaar aa gai. Use bhi pata tha ki koi bhi baap ek aise ladke se apni beti ki shadi nahi karega jo anaath ho aur gareeb ho. Apne pyar ko pane ke liye majburi me wo neelam ke sath ghar se bhaag nikla. Story me aisa bhi laga ki ye nakul koi fraudiya hoga aur neelam jaisi bade baap ki beti ke sath kuch galat karega lekin aisa nahi tha. Kyo ki wo sach me neelam se pyar karta tha_______
Naina= Neelam ki dost aur neelam ki hi tarah bade baap ki beti. Usne neelam ko samjhaya tha ki nakul ke sath ghar se bhagna thik nahi hai magar honi ko kaun taal sakta tha. Sanjog se ya badkismati se naina ko raaste me hi gundo ne behosh kiya aur use kidnap kar ke mumbai le gaye. Ye uski achhi kismat thi ki wo gundo ki kaid se bach nikli lekin wo apni safety ka soch kar ghar nahi gai balki jab use gundo se pata chal gaya ki neelam ko khatra hai to wo use bachane ke liye raato raat pune nikal gai. Naina ek Bahadur ladki thi kyo ki anjaan shahar me usne jo kuch kiya tha wo koi aam ladki nahi kar sakti thi. Pune ja kar wo apni dost divya se mili aur fir divya ke baap ashok ki help se usne neelam ko khatre se baahar nikala. Is story me naina ka role kamaal ka tha_______
Uncle & Aunty= Ek budhe maa baap jinke apne bachche unhe chhod kar dusre shahar me apni family ke sath rahte the. Neelma aur nakul inke yaha rahne ko aaye to in dono ne unhe apne bachcho ki tarah rakha aur unki safety ke liye bahut kuch kiya. Aaj ke time me koi bhi kisi ke liye itna kuch nahi karta. Neelam aur nakul ko jab wo nakli police wale pakad kar le gaye to ye dono bahut dukhi huye. Ashok uncle se jab mulakat hui to unhe nakul aur neelam ke bare me sab kuch bataya. Neelam aur nakul ki life me inka bhi important role tha. Last me nakul ko beta bana kar shadi me inhone rasme nibhaai jo bahut achha laga_______
Ashok uncle & Family= Neelam aur naina ki saheli divya ke mata pita. Divya ke kahne par apna jaruri kaam chhod kar aaye aur neelam ki talash ke liye sp se mile. Sp ki help se ashok ne finally neelam aur nakul ko rohan aur deepak jaise darindo se bacha liya. Aaj ke time me kaun itna karta hai. Neelam ki kismat achhi thi jo use aise aise log mile jo sach me achhe the________
Ratan= Neelam ka bhai. Story me bataya gaya tha ki usne kabhi apni bahan neelam ko apna pyar nahi dikhaya lekin jab usne apna pyar dikhaya to wo ek achhe bhai ka example ban gaya. Ratan ki jagah koi aur hota to apni bahan ko is tarah bhaga kar le jane par nakul ki jaan le leta lekin Ratan ne samajhdari se kaam liya. Use ahsaas tha ki uski bahan ki khushi nakul me hai is liye usne dono ki khushi ke liye apna farj nibhaya. Use shayad andaja tha ki dono jab yaha se baahar jayege to unhe kitni muskilo ka samna karna padega lekin wo us wakt unhe rok nahi sakta tha. Use pahle apne mom dad ko shadi ke liye manana tha is liye usne unhe jane diya lekin neelam ko ek mobile diya jisse wo pata karta rahe ki neelam jaha ja rahi hai waha kis haal me hai. Ratan ka character is story me bahut achha tha. Last me shadi ke time neelam ki dost divya se uski aakhe chaar hui aur dono ek dusre ko pasand aa gaye. Ratan ko divya jaisi ladki mil gai aur dono ke parents ne unki shadi kara di_______
Rohan & Deepak= Ek number ke haramkhor ladke. Jinhe sirf masum ladkiyo ko bhogne aur unhe dusre desh me bech dene me maja aata tha. Neelam aur naina ko kidnap karwaya aur fir unke sath galat karna chaha lekin kar nahi paye. Last me unhe apne galat kaamo ki saja mili______

Fantastic story thi dear neelam ji. Bahut achha laga ki aapne ise complete kiya aur ab ham chahte hain ki aap koi dusri story likho. Aapki writing style gajab ki hai. Uncle aunty ji ko story me itna importance diya ye achha kiya aapne______

Update - 32 (Last Update)


Jab ham pune pahuche to raat ho chuki thi. Ashok uncle ke ghar me main saroj aunty aur divya se mili. Divya se meri mulakaat kafi time baad hui thi. Wo pahle se kafi badal gai thi. Bade shahar me rahne ki vajah se shayad. Saroj aunty ji ne mujhse meri sari kahani puchi to maine unhe sab bata diya. Nakul chup chaap baitha hua tha. Shayad wo is wakt sabke samne sharm ya jhijhak feel kar raha tha. Kafi der tak baate chalti rahi. Fir saroj aunty ke kahne par ham sabne ek sath hi khana khaya.

Maine ashok uncle se kaha tha ki ham un uncle aunty ji se raat me hi ja kar mil aayege. Fir subah ham sab yahi se wapas mumbai jayege. Kyo ki dusre din dad aur sanjay uncle dopahar tak mumbai pahuch jane wale the. Ashok uncle ne kaha thik hai. Khana khane ke baad main aur nakul ashok uncle ke sath unki car me baith kar uncle aunty ji se milne chal diye. Is baar naina bhi hamare sath hi thi. Uska kahna tha ki wo bhi dekhna chahti hai ki ham dono kis jagah par rah rahe the.

Kareeb bees minute baad ham sab waha pahuche. Raat ho chuki thi magar bade bade shahro me itna time koi jyada nahi mana jata. Ashok uncle ne car ka horn bajaya to aunty ji ne darwaja khola. Ham sab car se utar kar gate ke paas aa gaye. Mujhe aur nakul ko dekhte hi aunty ji ke murjhaye chehre par chamak aa gai. Unhone lapak kar mujhe apne gale se laga liya aur mere chehre ko apni hatheli me bhar kar mujhse puchne lagi ki mujhe un darindo ne koi nuksan to nahi pahuchaya na.

Ham logo ke pahuchne se aunty ji bahut khush ho gai thi. Wo ham sabko andar le gai aur uncle ji ko bhi awaaj de kar bataya ki ham log aaye hain. Uncle ji kamre se nikal kar hamare paas aaye aur hame dekhte hi wo bhi bahut khush ho gaye. Ashok uncle sath me the to chaay naaste ki baat hui jis par ashok uncle ne kaha ki ham sab kha pi kar hi aaye hain.

Main aur naina aunty ji ke sath unke kamre me chali gaye jabki ashok uncle aur nakul uncle ji ke paas hi baithe rahe. Aunty ji mujhse sab kuch puchne lagi to maine unhe wo sab bataya jo mere aur nakul ke sath mumbai me hua tha. Maine unhe naina ke bare me bhi bataya. Aunty ji hame sahi salamat dekh kar bahut khush thi aur fir unhone jabadasti mujhe apne hath ke banaye laddu khilane lagi. Uske baad maine khud hi kitchen me ja kar sabke liye chaay banaai aur fir sabko chaay di.

Maine naina ko upar wale maale par le ja kar wo kamra dikhaya jisme main aur nakul rahte the. Is wakt main aur naina hi the to naina mujhse majak me kahne lagi ki hamne yaha suhagrat to nahi mana li. Naina ki is baat par maine use bataya ki suhagrat to nahi par thoda bahut pyar jarur kiya tha hamne. Uske baad maine naina ko wo jagah bhi dikhaai jaha par nakul ne ham dono ke chhupne ke liye jameen me gaddha khoda tha. Naina us gaddhe ko dekh kar shocked thi. Fir maine use dhire se ye bhi bataya ki hamne is gaddhe me bhi chhup kar thoda bahut pyar kiya tha. Meri ye baat sun kar naina hasne lagi thi aur boli ki aisi situation kaun aise kaam karta hai to maine kaha ki ye sab nakul ke kahne par hua tha.

Uncle aunty ji ke yaha hame ek se dedh ghante ka time lag gaya. Uncle aunty ji to hame aane hi nahi de rahe the magar ashok uncle ne jab unhe bataya ki kal hame mumbai bhi jana hai kyo ki mere aur naina ke dad kal dopahar ko waha pahuch jayege. Uske baad wo wahi se hame ghar le jayege. Ashok uncle ke aisa kahne par uncle aunty ji ne hame jane ki permission di. Maine uncle aunty ji se kaha ki gaon me jab meri aur nakul ki shadi hogi to main aap dono ko aane ka invitation dugi aur tab aap dono ko hamare gaon aana hi padega. Meri is baat par uncle aunty ji me kaha ki ye bhi koi kahne ki baat hai. Ham apne bachcho ki shadi me jarur aayege.

Aunty ji ne jate time mujhe aur naina ko apne gale se laga kar pyar diya aur fir dukhi man se hame vida kiya. Main aur nakul kuch hi din to unke yaha rahe the magar in kuch dino me hi hamare bich ek aisa rishta ban gaya tha jisme waisa hi prem aur lagaav tha jaise sach much ke rishto me hota hai. Jab tak ham waha nahi the tab tak ham nahi jante the ki wo dono kis tarah se apna jiwan gujaarte the magar ab hame pata tha ki hamare chale jane ke baad wo fir se akele ho jayege. Unke apne bachche apne biwi bachcho ke sath dusre shahar me rahte the. Unhe ye nahi lagta tha ki unke budhe mata pita apni aulaad aur apne pote potiyo ke liye kitna taraste hoge.

Uncle aunty ji se vida le kar jab ham waha se chale to meri aakho me aashu the. Uncle aunty ji ki bhi aakhe nam thi. Uske baad ham sab car me baith kar ashok uncle ke ghar ki taraf chal pade. Sare raaste ham uncle aunty ji ke bare me hi baate karte rahe. Ghar aaye to raat kafi ho chuki thi. Khana to ham sab pahle hi kha chuke the is liye apne apne kamre me sone chale gaye. Nakul ko ashok uncle ne guest room me sone ke liye bhej diya tha aur main naina ke sath divya ke kamre me chali gai thi. Divya ka bed kafi bada tha is liye ham teeno usme araam se let gai thi. Der raat tak ham teeno duniya bhar ki baate karti rahi uske baad ham teeno so gaye.

Next morning break fast karne ke baad main nakul aur naina ashok uncle ke sath unki car me mumbai ke liye rawana ho gaye. Maine ratan bhaiya ko phone kar ke bata diya tha ki ham mumbai time se pahuch jayege. Unhone kaha ki wo dad ko mera number de dege taaki wo mujhse baat kar sake.

Baato baato me safar kat gaya tha aur ham mumbai pahuch gaye the. Mere man me dar tha ki jab dad se samna hoga tab kya hoga. Kaise main unko apna chehra dikha paaugi. Kya wo mujhe is sabke liye daatege. Mere jaisa haal naina aur nakul ka bhi tha. Nakul to kuch jyada hi ghabraya hua dikh raha tha magar ab saamna to karna hi tha. Is liye ab jo kuch bhi hoga uske liye hamne khud ko taiyar karna shuru kar diya tha.

Jaise hi ham mumbai pahuche to mere mobile par dad ka call aa gaya. Ratan bhaiya ne mujhe unka number de diya tha aur maine mobile ki ring tone ka valume bhi badha diya tha. Dad ka call aaya to meri dhadkane tej ho gai. Darte darte maine call uthaya to udhar se dad ne apni bhaari awaaj me mujhse pucha ki kaha par hain ham log. Dad ke puchne par maine apna mobile ashok uncle ko pakda diya aur unse kaha ki dad se baat kar ke bata dijiye ki ham log kaha par hain.

Ashok uncle ne dad se kafi der tak baat ki aur unhe kaha ki wo ham sabko le kar wahi aa rahe hain. Shayad dad ne ashok uncle ko bata diya tha ki unhe kaha aana hai. Ashok uncle ne dad ki bataai hui jagah par ham sabko le gaye. Jab ham waha pahuche to pata chala ki ham sab rohan ke ghar aa gaye the.

Dad ne mujhe dekha to unki aakho me aashu aa gaye aur unhone mujhe jaldi se apne gale laga liya. Main to dar rahi thi ki pata nahi dad kya kya kahege mujhe magar unhone to mujhe pyar se gale laga liya tha. Jab main unke gale lagi to mujhe bahut jyada rona aa gaya. Udhar yahi haal sanjay uncle ka bhi tha. Unhone bhi apni beti naina ko gale se laga liya tha. Kuch der baad dad ne mujhe khud se alag kiya aur wo sanjay uncle se mile.

Rohan ke dad ki car aa kar ruki. Jaise hi rohan ke dad car se utar kar dad ke paas aaye to dad ko dekh kar wo apne hath jod liye aur unse maafiya maagne lage.

"Mujhe nahi pata tha surendra ki mera beta itna gira hua hoga. Main to yahi samajhta tha ki mera beta padh likh kar ab business me mera hath batayega. Mere bete ne jo kiya uske liye main bahut sharminda hu. Tum mere bete ko jo saja dena chaho de sakte ho. Kaash ki mera koi beta hi na hota. Kam se kam aaj main apne bhai jaise dost ke saamne itna sharminda to na hota. Meri aulaad ne mujhe kahi ka nahi chhoda." Rohan ke dad ne kaha.

"Shukar mana ki hamari betiyo ko kuch nahi hua. Agar unhe jara si kharoch bhi aa jati to main tere saamne tere bete ko aisi maut deta ki tu pahchan bhi nahi pata ki wo tera beta hai. Mere bhi bachche hain magar unhone aisa koi kaam nahi kiya aaj tak jiski wajah se kisi masoom ladki ki jindagi hi barbaad ho jaye." Dad ne gusse me kaha to rohan ke dad sir nicha kiye khade rahe. Unki wife bhi andar se nikal kar baahar aa gai thi. Unhe bhi pata chal gaya tha ki unke bete ne kya gul khilaya tha. Unki haalat dekh kar lag raha tha jaise wo bahut roi ho.

"Ishwar jab aulad deta hai to maa baap ka farj banta hai ki unhe achhe sanskar de aur samay samay par ye bhi dekhte rahe ki aulaad sahi raaste par hai ya galat raaste par. Kiske liye bana raha hai ye dhan dhaulat. Tere sapoot ka to teri is daulat se bhet hi nahi bharta. Tabhi to aisa ghatiya kaam karta hai." Dad ne kaha.

"Tu sahi kah raha hai surendra. Sab meri hi galti hai. Maine hi kabhi ye nahi dekha ki mera beta kya karta hai. Main to isi bhram me tha ki wo jo bhi karta hai achha hi karta hai magar aaj jaan gaya hu ki wo kya karta raha hai. Main bahut sharminda hu dost. Man to karta hai ki police thane me ja kar pahle apne us nalayak bete ko goli maaru aur fir khud ko bhi goli maar lu." Rohan ke dad ne kaha.

Sanjay uncle aur ashok uncle ke samjhane par dad chup ho gaye the. Uske baad ham sab waha se chal diye. Main aur naina sahi salamat thi is liye dad aur sanjay uncle ne bhi rohan ke dad ko fir kuch nahi kaha. Waha se ham sab sanjay uncle ki car me chal diye the. Car me ham sab kisi tarah adjust kar ke baith gaye the. Raaste me ashok uncle se dad ne kaha ki kisi hotel me ja kar pahle wo fresh hona chahte hain. Uske baad shaam chaar baje ki train se ham sab ko le ke ghar jayege.

Dad ke kahne par ashok uncle wahi ke ek hotel me car ko roka. Car ruki to ham sab utre aur fir hotel ke andar chale gaye. Ashok uncle ne do kamre book kiye to ham sab upar aa gaye. Main naina nakul aur ashok uncle to fresh ho kar aur kha pi kar hi aaye the. Is liye ham ek kamre me chup chaap baithe rahe jabki dad aur sanjay uncle fresh hone chale gaye.

Main naina aur nakul ek hi kamre me the jabki dusre kamre me dad sanjay uncle aur ashok uncle the. Pata nahi unki aapas me kya baate hui. Uske baad dad ke kahne par ham teeno kamre se baahar aaye aur unke sath niche chal diye. Niche aa kar ham sabne thoda bahut khana khaya. Dad ashok uncle se pata nahi kya baate kar rahe the. Maine dekha tha ki ab tak unhone nakul se koi baat nahi ki thi. Ye dekh kar mere man me ajeeb ajeeb se khayaal aa rahe the.

Khana kha kar ham sab kamre me aa gaye. Dad ka kahna tha ki kuch der araam kar lo uske baad ham sab railway station ke liye niklege. Hamari train chaar baje ki thi is liye ham bees minute pahle hi hotel se nikal liye. Ashok uncle apni car me ham sab ko railway station le aaye. Dad aur ashok uncle ki ab aapas me kafi banne lagi thi. Dad to ashok uncle ko baar baar thanks kah rahe the ki unhone unki bachchiyo ke liye itna kuch kiya tha. Agar socha jaye to ye sab ashok uncle ki hi vajah se hua tha. Agar wo na hote to pata nahi hamara kya hota. Dad ke baar baar thanks kahne par ashok uncle bas yahi kah rahe the ki ye unka farj tha kyo ki wo hame apni hi beti maante the.

Train aai to sanjay uncle ne hame andar baithaya aur khud bhi hamare samne wali sheet par baith gaye. Dad ashok uncle ke sath baahar hi the aur baate kar rahe the. Jab train ne chalne ka horn bajaya to dad bhi ashok uncle se vida le kar andar aa gaye.

Andar aa kar dad bhi sanjay uncle ke bagal se baith gaye. Main aur naina unke samne wali sheet par baithi hui thi. Hamari sheet par bagal se ek aurat baithi hui thi. Nakul sanjay uncle ke bagal me chup chaap baitha hua tha. Wo shayad abhi bhi ghabraya hua tha ya shayad mere dad se dar raha tha. Main khud bhi ye soch kar man hi man dari hui thi ki dad shayad ab hamse is bare me baat karege ki ham dono ghar se kyo bhaag kar yaha aaye the. Train apni speed se daudti rahi aur fir dhire dhire shaam bhi ho gai. Dad ne mujhse ya nakul se ek baar bhi is silsile me koi baat nahi ki thi. Wo to bas sanjay uncle se hi duniya bhar ki baate karte rahe.

Raat me main aur naina upar ki dono sheeto par let kar so gai. Udhar dad sanjay uncle aur nakul bhi apni apni sheeto par so gaye. Sabse niche wali sheet par ek aurat let gai thi. Raat me badi gahri need aai thi aur subah kab hui iska pata hi nahi chala hame. Meri jab aakh khuli to dekha niche ki sheet par dad sanjay uncle aur nakul baithe huye the. Naina abhi bhi so rahi thi jabki uske niche wali sheet par wo aurat jag chuki thi aur ab baithi hui thi. Subah ho chuki thi aur shayad time bhi kafi ho chuka tha.

Dad ki najar mujh par padi to wo halke se muskuraye aur fir kaha ki bada jaldi aakh khul gai hamari princess ki. Unke is tarah kahne par mere hotho par bhi muskaan ubhar aai. Aaj kafi time baad dad ne mujhe itne pyar se princess kaha tha. Mere dil me thoda dard hua magar ye dard khushi wala tha. Mera man kiya ki main niche utar kar dad se lipat jaau magar fir maine apni is bhaavna ko daba liya aur fir apne kapdo ko adjust karne lagi. Kuch der me main niche aa gai aur fir maine naina ko bhi jaga diya.

Dad ne ham dono ko fresh hone ke liye kaha to ham dono ek ek kar ke fresh ho aaye. Fresh ho kar main aur naina us aurat ke sath hi baith gaye. Meri najar nakul par padi to dekha wo ab normal dikh raha tha. Jaise hi hamari najre mili to wo halke se muskuraya. Use muskurata dekh mere hotho par bhi muskan ubhar aai magar fir maine jaldi se dad ki taraf dekh kar usse najre hata li. Itna to main samajh gai thi ki jab main so rahi thi tab shayad dad ne usse koi baat ki thi jisse ab wo normal dikh raha tha aur mujhe dekh kar muskuraya bhi tha. Mere man me ye janne ki utsukta badh gai ki nakul ke normal hone ki vajah kya hai. Kya sach me dad ne usse baat ki thi. Agar haa to kya baat kiya tha unhone. Nakul mujhe dekh kar muskuraya tha iska to yahi matlab hua ki koi aisi baat thi jo ham dono ki khushi se judi hui thi. Waise ye to main janti thi ki dad hamari shadi ke liye maan gaye hain magar main ye soch ke thoda ghabraai hui thi ki dad agar hamse is sabke bare me kuch kahege to ham unhe kya jawaab de payege.

Main aur naina chup chaap hi baithe huye the. Dad aur sanjay uncle ke saamne kuch baat karne ki himmat hi nahi ho rahi thi aur yahi haal bechare nakul ka bhi tha. Wo bhi chup chaap hi baitha hua tha. Kisi tarah time gujra to ham apne shahar aa gaye. Train se ham sab utre aur fir station se baahar aa gaye. Dad ne shayad ghar me phone kar ke bata diya tha. Is liye ghar se ravendra uncle aur ratan bhaiya car le kar aa gaye the.

Ratan bhaiya ko dekhte hi mujhe wo sab kuch yaad aa gaya jo unhone mere liye kiya tha. Mujhe dekh kar unhone muskurate huye apni baahe faila di to main apna bag chhod kar bhaagte huye unke paas gai aur unse lipat gai. Meri aakho se aashu bahne lage the. Unhone mujhe rote dekha to wo bade pyar se mujhse na rone ke liye kahne lage.

"Ab to sab kuch thik ho gaya hai neel. Fir ab kyo ro rahi hai tu." Ratan bhaiya ne pyar se kaha.
"Mujhe rone dijiye bhaiya. Aap nahi jante ki main kab se is pal ka intjar kar rahi thi ki aap mujhe mil jaye aur main aapke gale lag jaau aur fir apne sabse achhe wale bhaiya se haath jod kar maafi maagu." Maine rote huye kaha to bhaiya ne mujhe alag kiya.

"Maafi kis baat ke liye neel." Bhaiya ne pucha.
"Aapko galat samajhne ke liye. Aapne meri bhalaai ke liye mujhe mobile diya tha aur main ye samajhti thi ki aapne mujhe wo mobile is liye diya tha taaki aap meri pal pal ki khabar rakh sake aur fir mauka dekh kar mujhe fasa sake. Kitna galat samajh rahi thi main aapko. Main bahut buri hu bhaiya. Mujhe maaf kar dijiye." Main rote huye fir se unke gale lag gai. Idhar sab koi mujhe aur ratan bhaiya ko hi dekhe ja rahe the magar koi kuch bol nahi raha tha.

"Tune us wakt agar mujhe galat samjha tha to kya galat tha neel. Us situation me koi bhi yahi samajhta. Anyway tu meri jaan se bhi pyari bahan hai. Tune kuch bhi galat na kiya hai aur na samjha hai. Ab chal chup ho ja. Dekh kitne sare log tujhe rote huye dekh rahe hain. Kya sochege ye log ki itni badi ho gai hai magar bachcho ki tarah roti hai." Ratan bhaiya ne mujhe alag kiya aur fir apne hatho se mere aashu pochhe. Dad ye dekh kar jaldi se palat gaye aur fir apni aakh ki nami ko sabse chhupa kar pochhte huye ravendra uncle wali car me baith gaye. Unke baithte hi sanjay uncle bhi usme baith gaye.

Main nakul aur naina ratan bhaiya ki car me baith gaye. Uske baad dono car aage piche gaon ki taraf chal padi. Ravendra uncle ki car aage aage ja rahi thi aur ham log unke pichhe chal rahe the. Raaste me ratan bhaiya ne nakul se baat cheet shuru ki. Wo nakul se bahut hi achhe se baat kar rahe the. Piche ki sheet par main aur naina baithi hui thi. Pure raaste ham log tarah tarah ki baate karte huye ja rahe the. Naina to sari baate aise badha chadha ke bata rahi thi ki ratan bhaiya jor jor se hasne lagte the. Hasi khushi ke maahaul me ham ye bhool hi gaye the ki ham kis tarah ki situation se nikal kar aaye the.

Aakhir ham sab ghar pahuche. Mom mujhe dekhte hi daud kar mere paas aai aur mujhe apne seene se laga liya. Udhar naina ki mom ne bhi apni beti naina ko apne seene se laga liya. Kuch der tak jaise bharat milaap hota raha. Sab khush the ki betiya sahi salamat ghar wapas aa gai hain. Kuch der baad sanjay uncle apni mrs ke sath naina ko le kar apne ghar chale gaye.

Nakul ke liye ek baar fir se situation ajeeb ho gai thi. Shayad use samajh nahi aa raha tha ki wo kisi se kaise mile aur kaise unse baat kare. Ratan bhaiya kafi samajhdar the. Wo nakul ko apne sath apne kamre me le gaye aur usse kaha ki wo fresh ho kar araam kare.

Ghar ke sab log khush ho gaye the. Meri aunty ki ladki maya mujhe akela chhod hi nahi rahi thi. Wo meri laadli thi is liye maine use apne paas hi rakha. Fresh hone ke baad maine aur nakul ne sab ke sath thoda bahut khaya aur fir araam karne chale gaye.

Nakul ka apna ghar hamare ghar se thodi door tha. Dusre din wo apne ghar jana chahta tha magar ratan bhaiya ne use jane nahi diya. Unka kahna tha ki ab to wo is ghar ka hone wala damaad hai is liye isi ghar me rahe. Nakul ko ye baat achhi to lag rahi thi magar use is ghar me sabke bich rahne me ajeeb lag raha tha. Ratan bhaiya uski haalat samajhte the is liye wo use apne sath hi rakhte the. Kuch din aise hi gujar gaye.

Ghar me mom aur aunty mujhse meri kahani ke bare me thodi bahut baate karti aur fir mujhe samjhati ki ab ye sab bura sapna samajh kar bhool jaao. Udhar dad aur ravendra uncle meri aur nakul ki shadi ke liye pandit se koi achha muhoort nikalwa rahe the. Pandit ji ne do hapte baad ka muhoort nikala tha. Dad ne ghar me sabko is bare me bataya aur kaha ki neelam aur nakul ki shadi wo bade dhoom dhaam se karege.

Do hapte baad wo din aa hi gaya jab main dulhan bani aur nakul dulha bana. Uske baad bade dhoom dhaam se ham dono ki shadi hui. Aas paas jitne bhi gaon the sab hamari is shadi se khush bhi the aur hairaan bhi. Dad ke jaan pahchaan wale bahut the. Wo sab us din aaye the. Kuch log aise bhi the jo dad se ye kah rahe the ki ek anaath aur gareeb ladke se apni beti ki shadi kar ke unhone thik nahi kiya magar bahut se aise the jo dad ko shabashi de rahe the. Dad ko ab in baato se koi matlab nahi tha ki log kya kya kah rahe the. Unhe to bas is baat se matlab tha ki unki beti khush rahe.

Dad ne ashok uncle ko apni puri family ke sath shadi me aane ka invitation diya tha. Maine ashok uncle se baat kar ke unhe kaha tha ki wo uncle aunty ko bhi meri shadi ka invitation de aur unhe apne sath hi yaha le kar aaye. Shadi ke ek din pahle hi ashok uncle unhe apne sath le kar aa gaye the. Uncle aunty bahut khush the ki maine unhe apna maan kar bulaya tha. Ashok uncle ne dad se unke bare me bataya to dad ne unka bade achhe dhang se swagat kiya tha. Idhar Divya aur naina ne mujhe apne hatho se sajaya tha.

Shadi bade hi dhoom dhaam se hui aur fir meri vidaai ka wakt aaya. Ghar ki laadli beti ab apne piya ke ghar jane wali thi. Meri mom aur aunty mujhe rote huye vida kar rahi thi. Sara gaon hamare ghar me jaise ikattha ho gaya tha. Uncle aunty ji ke aane se ek achhi baat ye hui ki unhone rasm nibhane ke liye nakul ko apna beta bana liya tha. Nakul ki jid thi ki wo apne ghar me hi mujhe le kar jaye. Is liye ratan bhaiya ne uske ghar ki achhe se saaf safaai karwa di thi aur achhe se saja diya tha. Uncle aunty ji ne jarurat ki cheeje waha par rakhwa di thi.

Vida ho kar main apne piya ke sath apne sasuraal jane lagi. Apne dad ko main yahi samajhti thi ki wo bahut kathor hain magar jab main rote huye unse lipat gai to unki aakho se bhi aashu bah chale the. Mom aur aunty ki to haalat hi kharaab thi. Naina aur divya bhi ro rahi thi. Ratan bhaiya kahi dikh nahi rahe the. Main bhaiya bhaiya kah ke roye ja rahi thi. Jaise hi mujhe car me baithaya jane laga tabhi ek aadmi ratan bhaiya ko liye mere paas aaya. Ratan bhaiya ko dekhte hi main unse lipat gai. Wo mujhe apne gale se laga kar bachcho ki tarah rone lage the. Har taraf jaise cheekho pukaar macha hua tha.

Kisi tarah ratan bhaiya ne mujhe car me baithaya aur gate band kar diya. Jaise hi car chali to main aur jor jor se rone lagi. Meri mom aur aunty paas me hi thi wo mujhe samhaalne ke liye pakadne lagi. Gaon ki aurto ne mom aur aunty ko samjhaya bujhaya aur unhe mujhse door kiya. Uske baad car aage badh chali.

Main sasuraal pahuchi to waha ki kuch aurto ki help se aunty ji ne mera parchhan karwaya aur fir ghar me prawesh karwaya. Maine kabhi iski kalpna nahi ki thi ki ghar se vida hote time main itna rougi aur mere andar itni jyada bhavnaye umad aayegi. Ghar aai to baaki ki rasme hui aur fir raat me main kamre me suhaag sej par baithi nakul ka intjar karne lagi. Aaj hamare milan ki raat thi. Aaj hamare ek ho jane ki raat thi. Sirf itne ke liye hamare sath itna kuch ho chuka tha. Nakul jab kamre me aaya to mere dil ki dhadkane badh gai aur mujhe ghabrahat si hone lagi. Nakul mere paas aaya aur bed ke kinare par baith gaya.

"Apne is ghar me tumhe is roop me dekh kar aisa lag raha hai jaise main koi sapna dekh raha hu. Darta hu ki kahi aakh na khul jaye aur itna sundar sapna ek pal me kahi kho jaye." Nakul ne dhimi awaaj me ye kaha to maine najar utha kar uski taraf dekha.

"Aisa kabhi nahi hoga. Ham dono ye jo sapna dekh rahe hain na ye kisi bhi tarah se kho nahi sakta. Kyo ki chahe aakh band rahe ya khuli rahe fir bhi ye sapna dono surat me bana rahega." Maine kaha.
"Achha apna chaad sa chehra to dikhaao." Nakul ne kaha.
"Chehra dekhne ke liye neg ke roop me uski kimat chukani hogi tumhe." Maine muskura kar kaha.

"Ye kya baat hui." Nakul ne pucha.
"Pata nahi par mujhe yahi bataya gaya hai ki main apna chehra tumhe tabhi dikhaau jab tum muh dikhaai ka neg doge." Maine sharma kar kaha.
"Fir to problem ho gai yaar. Mere paas is wakt tumhe dene ke liye kuch bhi nahi hai." Nakul ne udaas ho ke kaha.

"To fir mera chehra dekhne ko nahi milega tumhe." Maine muskurate huye kaha nakul se.
"Aur to kuch nahi hai mere paas magar ek cheej hai. Agar tum kaho to usi ko de du tumhe." Nakul ne kaha.
"Kaun si cheej hai." Maine pucha.

"Vachan. Haa neelam mere paas vachan hai jo main tumhe de sakta hu. Main tumhe vachan deta hu ki life me chaahe jaisi bhi situation ban jaye magar main kabhi bhi tumhara bharosa nahi toduga aur na hi kabhi kisi dusri ladki ya aurat ke sath jismani sambandh banaauga." Nakul ne ye kaha to mujhe us par bahut jyada pyaar aa gaya aur main jhat se apna ghooghat nikaal kar usse lipat gai.

Ham dono ek ho chuke the. Dad ne nakul ko business karwa diya tha. Nakul ne kabhi unhe nirash nahi kiya balki apni mehnat aur lagan se business ko aur bhi bada kiya. Nakul ki imandari aur uski mehnat dekh kar dad khush the. Wo hamesha ye sochte ki achha hua jo unhone nakul ko thukraya nahi tha. Ek anaath ladke ke sath apni beti ki shadi kar ke kabhi unhe bura feel nahi hua balki aage chal kar wo nakul ko bhi ratan bhaiya ki tarah apna beta maanne lage the. Ratan bhaiya nakul ko apna jija kam dost jyada maante the. Meri shadi ke ek saal baad ratan bhaiya ki bhi shadi ho gai thi. Unki shadi jis ladki se hui thi wo meri dost aur ashok uncle ki beti divya thi. Meri shadi ke time hi dono ki najre chaar hui thi aur fir wo dono ek dusre ko pasand karne lage the. Kismat ko bhi yahi manjur tha is liye ashok uncle ne bhi ye rishta accept kar liya tha. Divya meri bhabhi ban kar ratan bhaiya ki life me aa gai thi.

*The End*

.......

I think story ko ab yahi par end kar dena chahiye. Fir bhi agar aap logo ke man me kuch ho to aap mujhe bata dijiye. Main try karugi ki aap jaisa chahe waisa likh saku. Thank you

........