Fantasy Un-Deikhi Muhabbat (2)

[kINg_deVil]

Index​	Family Introduction​
Main Character Introduction in Detail​	Some Dialogue​

 

[Alisha..]

Update--16​

Aadmi 2: Shb yeh bolney ki halat main hi nai hai pehley Sheir hua krta tha ab Chua(Rat) ho gya hai Hahahahahahahaha.

Aadmi 2 ki baat sun k wahan jo bhi tha who hans para un k samney Zanjeeron main zakda ek shaksh tha jis k lambey baal they aur darhi bhi jo k ab sufaid bhi honey lagey they us aadmi ki umer lagbag 40 se 45 saal thi.

Shaksh: Yeh tum bhi jantey ho k yeh Zanjeerein mujhey qaid nai rakh sakteen ager meri Family pe khatra na hota tou es waqt tum yun hans na rahey hotey tumhari Rooh ko es qadr tadpata k who Jahanum main janey k bhi qabil na hoti.

Aadmi: Rassi jal gai per akkad nai gai koi baat nai terey pass 2 saal hn us k baad tujhey teri family k pass pouncha dein gey Dafnaney k liey hahahahahahaha.

Gudiya: Chalo bhaiya bahir lawn main kheiltey hn bht din ho gaey aap k sath kheiley.

Aly: Chalo meri jaan aaj Cricket kheiltey hn.

Gudiya: Ok bhaiya mein bat ball le k aati hn.

Aly aur Gudiya lawn main kheilney lagey Aly ki batting aaye tou us sey ek shot lag gai aur ball bahir chala gya.

Gudiya: Bhaiya mein le k aati hn.

Gudiya bahir gai tou usey sadak k doosri side pe ek ladka khada dikha jo hath main pakdey mobile ko deikh raha tha.

Gudiya: Kia hua bhaiya.

Ladka: Pata nai kahan se ball aaye aur merey hath pe lagi aur Mobile neechay gir k toot gya.

Gudiya: Acha who ball yahan aaye thi kahan hai who ball mein aur merey bhaiya kheil rahey hn plzz batao na ball kahan hai abhi meri bari hai betting ki.

Us ladkey ko gussa aa gya yeh sun k us ka Mobile jo k kafi mehnga tha who toot gya tha us ne gussay se Gudiya ki traf deikha jis sey Gudiya dar gai us ki aankh main khouf k marey aansu aa gaey who ladka Gudiya ko thapper marney hi laga tha k wahan ek awaz gunj gai.

Awaz: Sochna bhi mat werna tera khandan yeh sochney pe majboor ho jaey ga k tu es duniya main aaya tha bhi ya nai.

Gudiya ne peechay ki traf deikha tou wahan us ka bhai khada tha who dour k us k pass gai Aly ne usey utha lia aur us k gaal pe kiss kia aur usey ander bheijh dia Gudiya ander chali gai aur Aly chal k us ladkey k pass gya.

Aly: Aaj tuk mein ne apney maa baap ko bhi ijazat nai di k who Gudiya ne unchi awaz main baat krein tu ne himmat bhi kr li usey thapper marney ki lagta hai teri jaan bht sasti hai jo merney ki itni jaldi hai tujhey.

Ladka: Mera Mobile toot gya hai jantey bhi ho kitna mehnga hai Salary main bacha bacha k yeh mobile lia tha mein ne.

Aly: (Gussay main chillatey huey) Tou us k liey bachi pe hath uthaye ga.

Aly ki dhaar se ek pal liey us Ladkey ki Rooh tuk kaanp gai Aly phone nikala aur Mueed ko call laga di.

Mueed: Haan bol Aly.

Aly: Ek kaam kr Iphone ka latest model dabba pack le k merey ghar aa jaldi.

Mueed: 15 min main aaya.

Aly: Aa raha hai tera phone lekin ek baat kaan khol k sun le aaj k baad tu mujhey yahan dikha tou waqiey hi es duniya se ghaib ho jaey ga.

Thodi deir main hi Mueed aa gya us ne Dabba Aly ko dia Aly ne usey us ladkey ko de dia who ladka dabba le k wahan se nikal gya Aly aur Mueed ghar main aa gaey hall main gaey tou Gudiya Ami se lipti hui thi aur thodi sehmi bhi hui thi Aly us k pass gya aur usey utha k galey se laga lia.

Aly: Kia hua meri jaan ko mein hn na kch nai ho ga aap ko.

Gudiya: Bhaiya who gandey bhaiya they who mujhey marney lagey they.

Aly: Nai meri jaan mein ne kaha na aap ko na tou koi dant sakta hai na hi koi maar sakta hai chup ho jao mein ne usey yahan se bheijh dia hai aap jao aur apney room main chocolate khao.

Gudiya: Theek hai bhaiya.

Ami: Kia hua tha beta yeh itna dari hui kiun thi.

Aly: Kch nai ami who hum Cricket kheil rahey they tou ball bahir gai jo k ek ladkey k hath main lagi aur mobile gir k toot gya Gudiya ball leney gai tou tou us ne Gudiya ko thapper marna chaha k mein pounch gya esi wajah se who thoda sehmi hui thi.

Mueed: Hmmmm tou tu ne usey janey dia.

Aly: Janey dia hai Maaf nai kia.

Ami: Kia matlab maaf nai kia yeh ek hadsa tha jo hua who bhi gussay main krney laga tha jo k nai krna chaiey tha ab tum kia kro gey.

Aly: Ami yeh baat aap bhi achi trhah janti hn k mein Gudiya ko duniya main sab se zyada pyaar krta hn mein ne aap ko aur baba ko bhi ijazat nai di us se unchi awaz main baat krney ko tou us ne tou phr bhi thapper marney ki himmat ki thi hisab tou ho ga aur bht bura ho ga.

Ami: Janey do beta.

Aly: Mein kon sa abhi kch kr raha hn ek haftey k baad mujhey Karachi jana hai 1 saal k liey.

Mueed: Hein? Kiun bhai yeh achanak Karachi ka program kiun ban gya.

Aly: Business related ja raha hn jo gadiyan mein bana raha hn un ko le janey k liey special container aur wahan warehouse k liey jagah aur us k ban janey tuk mein wapis nai aa sakta yeh sab bht costly hai es liey mujhey apni deikh raikh main hi krna ho ga.

Mueed: Theek hai mein bhi chalta hn.

Aly: Nai tu nai ja raha merey sath tu yaheen rahey ga aur Jhon ko bol dey Gudiya k sath 24 ghantey rahey jab mein yahan se chala jaun.

Ami: Gudiya janey de gi tujhey.

Aly: Us k liey bhi soch lia hai mein ne aap fiker na krein.

Ami: Acha who kal Rida aa rahi hai.

Aly: (shocked) Acha who London se kab aaye.

Ami: Kal hi aa gai thi MBA complete kr k aaye hai ab Bhaijan k Business main hath btaye gi.

Aly: Yeh tou bht achi baat hai kal kis time aaye gi yahan.

Ami: Sham ko.

Aly: Theek hai mein filhal abhi Mueed k sath ja raha hn bht zaroori kaam kal aaun ga raat ka khana aap kha lijeay ga hai Mueed do min ruk mein Gudiya ko bata k aaya.

Aly Gudiya ko bata k Mueed k sath nikal para apney ek Flat main yahan us ne Imran aur Jhon ko bhi bulwa lia tha charon hath main beer liey baatein krney lagey.

Mueed: Kia baat hai mein kab se deikh raha hn tu kisi soch main gum hai.

Aly: Apney Project ko le k soch raha hn 80% ho chuka hai lekin 20% jo reh gya hai who bht tung kr raha hai.

Imran: Kon sa Project.

Aly: Robot.

Mueed: Ooohhh tou Karachi 1 saal k liey ja raha humara kia ho ga bhai.

Imran: Hein? kiun bhai kiun ja raha hai Karachi 1 saal k liey.

Aly: Business k liey acha Jhon mein agley haftey ja raha hn tou 1 saal k liey tu Gudiya k sath rahey ga 24 ghantey usey koi bhi takleef nai honi chaiey.

Jhon: Done.

Waoh kia lawjab update diya hai sir g and Alo explain that I'm female not male

 

[Shahrukh]

Fantastic update bhai

 

[kINg_deVil]

Update Saturday ko
sorry late ho gya drasal Mein Protest main tha jo k Imran khan k liey thi jab us pe Assassination attack hua tou mein aur merey dost protest main they es liey update nai de paya aadhey se zyada likh chuka hn bas baqi ka likh k Saturday ko post ho jaey ga dupeher main
Flashback k bas 3 se 4 update reh gaey hn

 

[kINg_deVil]

Update--17​

Aly: Business k liey acha Jhon mein agley haftey ja raha hn tou 1 saal k liey tu Gudiya k sath rahey ga 24 ghantey usey koi bhi takleef nai honi chaiey.

Jhon: Done.

Rida: Phupho kia haal hn aap k.

Ami: Mein theek hn meri bachi tum sunao kesa raha London main.

Rida: Bht hi acha raha phupho acha yeh btaen k humari Gudiya kahan hai aur Aly.

Ami: Gudiya apney room main hai usey bulati hn aur Aly bahir hai aata hi ho ga Gudiya deikho kon aaya hai.

Gudiya: (room se nikaltey huey) Kon aaya hai Ami are Aapi aap.

Gudiya Rida k pass gai tou Rida ne usey utha k Godi main bitha lia aur us k gaal pe kiss kia.

Rida: Kesi hai humari Gudiya.

Gudiya: Mein theek hn Aapi.

Rida: Mein aap k liey London se khub sari Chocolate lai hn.

Gudiya: (Rida ko galey laga k) Arey waah Aapi aap bht achi hn.

Awaz: Kiun aesa kia ho gya bhai.

Jab sab ne Awaz yahan se aaye wahan deikha tou wahan Aly tha Aly bhi chaltey huey sofey pe ja k beith gya.

Aly: Rida kesi ho tumhari Perhayee kesi rahi London main.

Rida: Bht achi.

Aly: Tou ab Mamu ka business sambhalney ja rahi ho.

Rida: Not Now abhi mujhey thoda bht Experience chaiey.

Aly: Okay.

Ami: Tou aesa kro Rida beti Aly Karachi ja raha hai 1 saal k liey es k sath chali jao seekho kesay kaam hota hai kesay Business kia jata hai.

Rida: Haan yeh sahi rahey ga.

Aly: Nai Rida mein wahan Warehouse banwaney ja raha hn aur us k liey jagah bhi deikhni hai kch special Container bnwaney hn kch meeting hn meri wahan tum sahi tareekey se nai seekh pao gi.

Rida: Mujhey kis trhah se seekhna mein janti hn mein tumharey sath ja rahi hn matlab ja rahi hn mein abhi Baba se baat krti hn.

Aly: Theek hai persu mein nikal raha hn Mamu se ijazat mill gai tou aa jana.

Rida: Theek hai acha Phupho mein chalti hn Baba se bhi puchna hai aur tyari bhi krni hai.

Ami: Theek hai beti.

Aurat: Kia kaha tum ne abhi tou aayee ho London se phr ek saal k liey jana hai Karachi kiun.

Rida: Ami mein Business seekhna chahti hn Experience miley ga tou hi mein apna business sambhal poun gi na.

Mamu: Tou Umer se seekh lo who bhi acha Businessman hai Karachi janey ki kia zaroorat hai.

Rida: Baba Business koi ek kamrey main beith k seekhney wali cheez nai hai us k liey bahir nikalna perta hai experience krna perta hai Logon se milna perta hai tub ja k Business ka experience milta hai plz janey dein na.

Mamu: Theek hai tum chali jana.

Rida: Ohhh thnx u baba.

Mami: Apna khyaal rakhna.

Rida: Uski fiker na krein ami mein rakh loon gi.

Aly: Rida tum yahan aram kro mein aata hn.

Rida: Kahan ja rahey ho Aram ki zaroorat tou tumhey bhi hai kal krna jo bhi kaam hai.

Aly: Mein bas 1 ghantey main aa jaun ga zaroori kaam hai.

Rida: Ek baat batao yeh Karachi main tumhara bangla kahan se aaya es sey pehley bhi aa chukey ho kia.

Aly: Nai yeh Bangla mera nai hai merey dost ka hai usi se lia hai rehney k liey who waheen merey pass hota hai yahan uski Family rehti thi usey bhi apney pass us ne bula lia hai es liey.

Rida: Ohhh theek hai jaldi aana.

Aly nikal gya apney kaam pe aur jo zaroori kaam they us ney nipta diey kal meeting rakhi thi esi main usko 1.5 ghanta lag gya who rastey main hi tha k usey Rida ka phone aa gya.

Rida: Kahan ho aly kitni deir laga di hai tum ne.

Aly: Mein bas rastey main hi hoon bas pounchney wala hn.

Rida: Theek hai.

Aly Bangley pe pounchney hi wala tha k us ka phone phr se ring kia es baar us ki maami k phone tha Aly ne Call pick ki.

Aly: G khaiey Mami g.

Mami: Beta kheriat se pounch gaey na tum wahan.

Aly: G Kheriat se pounch gaey they hum Rida Ghar main hi aram kr rahi hai mein zara bahir nikala tha kisi kaam k silsiley main abhi ghar hi ja raha hn.

Mami: Theek hai beta Rida ka khyaal rakhna abhi London se aaye thi aur abhi hi Karachi tumharey sath nikal gai Achi trhah se us sey mili bhi nai mein.

Aly: Aap befiker rahein uska achey se khyaal rakhun ga acha mami ek min rukiey ga mein zara door bell baja loon.

Mami: Theek hai Beta.

Aly ne ghar ki bell bajayee aur thodi deir main hi door khul gya Rida samney khari thi us ne Rasta dia tou Aly ander aa gya Aly ander ki traf ja hi raha tha k peechay se Rida bol pari.

Rida: Aly mujhey tum se zaroori baat krni hai.

Aly: Haan bolo.

Rida: I love u.

 

[kINg_deVil]

Update posted
Agla update tuesday ko

 

[kINg_deVil]

Waoh kia lawjab update diya hai sir g and Alo explain that I'm female not male

Thnx and sorry 4 that

 

[kINg_deVil]

Fantastic update bhai

thnx bhai

 

[kINg_deVil]

update aaj raat ko

 

[kINg_deVil]

A

 

[kINg_deVil]

B