UPDATE 32
Subah me apne routine se utha or dhyan me baith gya. Or apne time per hi dhyan se uth gya. Neech aya badiya coffee pe.
Main- mami vo dono gai kya clg.
Mami- ha vo nikal gyi hai.
Main- badiya hai.
Maine tv on kiya or news channel laga diye. Or as I expected. Bahi dikha rahe the jo kal raat me hua tha.
Main- mami Jara bahar aake dekho. Tv per shocking news dikha rahe hai.
Meri aawaj sunkar mami bahar aai. Or tv dekhne lagi.
Or tv per news channel wale usi news ko bada chada kar dikha rahe the. Or sath me comm ka interview bhi. Jisme unhone saaf saaf kaha ki karib 700kg drugs unhone kal raat ko pakdi hai. Or ye news sunkar sabhi shock me the.
Mami- my God itni jyada.
Main- bahi to Jara socho agar ye pore sehar me fail jati to kitno ki jindagi barbaad ho jati.
Mami- keede pade un sabhi ko jo ye dhanda karte hai. Baise mujhe yakeen hai lekin fir bhi ek doubt aaraha hai man me.
Main- kaisa doubt
Mami- kahi ye dono bhi to drugs nahi leti hongi na.
Vo kya hai aajkal ke bacho ke liye ye ek fashion ki tarah ban gya hai. To kahi sangat me aake inhone bhi to drugs Lena start nahi kar diya na.
Main- baise aapki baat sahi hai mami. Lekin mujhe nahi lagta ki ye dono drugs lengi. Vo janti hai isse kya kya ho sakta hai.
Mami- bhagwan kare aisa hi ho.chalo achha hua ek kaam to sahi hua.
Main- bahi to.
Tabhi mujhe dadu or mom ki yaad aai ki yaar Maine unse baat hi nahi ki hai itne dino se. Isliye maine turant hi unhe call kar diya
Mami- kisko call kar rahe ho.
Main- mom ko. Unse Maine baat hi nahi ki itne dino se
Mami- sahi kaha lagao. Mujhe bbi baat karni hai.
Maine call Kiya or kuch rings ke baad unhone call attend kar liya.
Mom- hello
Main- hii mom kaisi ho
Mom- kyu re. Itne dino me aaj meri yaad aai tujhe.
Main- mom kya karta mami ne itna pyar diya ki mujhe yaad hi nahi raha bilkul. Sorry me call nahi kar paya.
Mom- kya sach me. Achhi baat hai.chal maaf Kiya tujhe. Or baat kaise hai baha sab.
Main- mom sab badiya hai yaha per. Aap batao dadu or aap kaise ho. Or baki sab. Or vo pandit ji ko khana pahucha deti ho ki nahi
Mom- are yaha bhi sab theek hai. Ha lekin Teri yaad aati hai. Or dadu to din bhar teri hi bate karke Teri or yaad dilate rehte hai. Or ha pandit ji ko khana pahucha deti hu main dono time. Or vo bhi tujhe bahut yaad kar rahe the. Baise tu kab bapis aaraha hai.
Main- mom 1-2 din me aajaunga. Leejiye mami se baat keejiye.
Maine phone mami ko diya or vo phone se chipak gyi. Or me bas unhe sunta raha. Kitni bate karti hai ye ledies. Baise bahut time baad inki baat ho rahi thi. Roj ke kaamo me ye bhool hi jati hai baat karna.
Or karib 30 min. Tak inlogo ki bate chalti rahi or me bor ho gya. Tab Jake mami ne phone rakhne ki baat kahi. Or Maine chain ki saas li.
Main- mami aaplog kitni bate karti ho.
Mami- ab kya kare beta ji. Kitne dino baad hamari bate hue. Bas flow flow me ho jati hai.
Main- me to itna kisi se baat kar hi nahi sakta hu. Mujhe aati nahi hai baate
Mami- ye telent keval ledies me hi hota hai. Ham kahi se bhi bato ki shuruwat kar sakte hai. Or ghanto Tak us per charcha kar sakte hai
Main- ye to Maine aaj dekh bhi liya.
Mami- chal me jati hu. Tu kya karega ab.
Main- kuch khas nahi. Dekhte hai.
Mami- theek hai. Baise ek kaam kar in logo ke clg ghoom aao.
Main- abhi sab class me honge me baha akela baith kar kya karunga
Mami- ye baat bhi hai.
Uske baad mami baha se chali gyi or me bahi baitha mobile me game bagera khelne laga. Life kafi boring si ho gyi thi meri. Karne ko kuch tha hi nahi.
Bahi dusri taraf mayasur apni tayyariyo me laga hua tha. Vo kuch bada plan kar raha tha. Use bhi khabar mili ki police ne drugs ko baramad kar liya hai. Or suresh ka khas aadmi mara gya hai. Jise sunkar use koi bhi afsos nahi hua. Use is baat ki Jara bhi khabar nahi thi ki ye kaam police ne nahi balki kisi or ne kiya hai. Bahi mayasur ke pass plan to tha lekin vo soch raha tha ki ise kis rang rup me dhala jaye. Jisse uske mansube pore ho sake. Or aakhir kaar use idea mil hi gya. Or usne soch liya ki ab use kya karna hai. Filhaal subah ke 10 11 baj rahe the. Sabhi log is waqt gharo ke bahar the or ye uske liye sabse sahi samay tha apne plan ko aajmane ke liye. Kyuki use yakeen tha ki logo ko musibat me dekhkar vo shakti jarur samne aayegi. Bas use pehchanne ki najar chahiye.
Yahi sochkar mayasur ek ekant jagah per pahuch gya. Jo koi highway tha. Or uske aaspass kuch nahi tha. Bas chhota sa jungle type tha. Baha vo pahuncha or usne apni shaktiyo se maya Rachna suru kiya. Usne apni maya se alag alag prakar ke aadamkhor jaanvaro ko banaya. Ye dekhne me hi itne khunkhar lag rahe the ki kya batau. Or agar log inhen dekh le to nahi behosh ho jaye. Usne in jaanvaro ki tadat bahut hi jyada rakhi. Itni ki ye pori delhi me fail sake. Or sabhi logo ke samne pahuch jaye. Or ye jaanvar bhale hi Maya se bane the lekin the asli. Or ye kafi bhule bhi the. Matlab saaf tha ki ye sehar me Jake kya karne wale hai. Or inme ek khas baat ye thi ki sabhi ki aankhe neeli chamak rahi thi. Or in sabhi jaanavro ki aankho ke dwara khud mayasur dekh raha tha. Matlab ye jaanvar jaha bhi jayenge Jo bhi dekhenge vo sab mayasur ko bhi dikhega.
Mayasur ne plan to achha bana liya tha. Or use ummid thi ki sehar me hadkamp machte hi vo shakti jarur kuch na kuch to karegi hi. Uske liye usne ek khas intjaam kiya. Usne sare badalo se pori delhi ko dhak diya. Pori delhi me is waqt ghanghor kale badal chha gaye. Or un badalo ne suraj ko puri tarah se dhak liya tha. Or ye badal bhi mayavi the. Or agar vo shakti kisi jaanvar ke samane nahi bhi aati hai tab bhi ye badal se is shakti ka pata chal jayega. Bas vo kuch kare. Agar kuch nahi kiya to log marenge. Or kuch kiya to khud ki pehchan vo mayasur ko bata dega. Or is plan me mayasur ke harne ki sambhavana bilkul nahi thi. Kisi na kisi tarah use us shakti ke bare me kuch na kuch to jarur pata chal hi jana tha. Ye baat pakki thi
Bahi Devraj ne jab ye dekha to unki bhi chinta bad gyi. Kyuki vo samaj gye the ki dev ki pehchan ab sayad nahi chhip sakti hai. Mayasur jaan jayega ki vo shakti akhir hai kon. Or yahi sawal leke vo seedhe gye brahama ji ke pass
Indradev- pranam brahmadev..
Brahma- kahi indra kaise aana hua.
Indradev- prabhu mayasur ne badi hi jatil maya rachi hai. Or arnav usme kisi bhi tarah fas hi jayega. Or agar dev fas gya to fir mayasur uski asliyat jaan jayega. Aap kuch keejiye prabhu.
Brahma- ham jante hai indra ki mayasur ne kya kiya hai prithvi per. Or uska parinaam bhi jante hai. Or ham aapse bas yahi kehna chahenge ki jo ho raha hai use hone de.
Indradev- parantu brahma dev. Isme kai logo ki jane jayegi or aranav ki pehchan bhi khul jayegi.
Brahma- indra arnav janta hai use kaise ye sab sambhalna hai. Vo ab har paristhiti se ladne ke liye tatpar hai. Agar uski pehchan khul bhi jati hai. Tab bhi vo apni or dusro ki suraksha kar sakta hai. Aap bichlit na ho. Or dekhe ki arnav kya or kaise karta hai.
Ye sab sunne ke baad indradev me thoda bharosa jaga ki arnav ye sambhal sakta hai. Or fir unhone brahmadev ko pranam kiya or bapis se swarg pahunch gaye or dekhne lage ki kya hota hai aage.
Bahi dusri taraf main ghar me hi ghusa hua tha. Or tv hi dekh raha tha. Mera badiya time pass ho raha tha. News or movies se. Tabhi ek news channel per dikhaya gya ki delhi me is waqt kitne kale badal chha gaye hai. Aisa lag raha hai jaise bahut hi bhayankar tufaan aane bala hai. Or is ware me mousam vibhag walo ko bhi koi knowledge nahi hai. Ye dekh kar main thoda chouka or socha ki kahi fir se to koi maya bala badal nahi chha gya delhi me. Me uth kar khidki ke pass gya or bahar ka najara dekha to bakai delhi me pora andhera laga hua tha. Or thodi thodi bijli bhi kadak rahi thi. Or badal ko dekhkar hi manhusiyat ki feeling aane lagi thi mujhe. Or mujhe samajhne me bilkul bhi der nahi lagi ki mamla kuch gadabd hai.
Tabhi tv per bahut jor se cheekh ne or chillane ki aawaj aane lagi. Main foran hi tv ke pass gya or dekha ki camera jameen per pada hua hai. Usme kuch saaf nahi dikh raha hai. Tabhi achanak se kuch chhete camera per pad jate hai or ye seen dekhkar achhe achho ko heart attack aajaye. Me bhi thoda peeche ko ho gya ki ye kya chakkar hai. Maine foran hi dusra channel badla to usper dikha rahe the ki sehar me kuch khatarnak jaanvar aagye hai jinhone aate hi sab tarah tehalka macha diya hai. Vo jaanvar ek ek karke logo ko maar rahe hai or kha rahe hai. Police force jab un jaanvaro ke samne gyi to un jaanvaro sabhi police walo ko maar diya. Or ab cm sahab ne aarmy or jaanvaro ko control karne wali team ko bulaya hai jo kisi bhi waqt aa sakte hai. Filhaal ye jaanvar pore sehar me failte ja rahe hai inki ginti karna filhaal muskil hai. Magar andajan ye karib 200-300 ke beech hai jo bahut jyada hai. Agar inko jaldi hi khatm nahi kiya gya to ye pora sehar kuch hi der me samsaan me badal jayega.
Ye sunte hi me sofe per gir pada or mere peeche mami ne bhi ye sun liya or unki haalat bhi kharab hone lagi. Kyuki is waqt mama Renu or surbhi teeno hi Ghar se bahar thi.
Mami- dev Renu surbhi or tere mama ko jaldi phone kar. Or unse kaho ki klbahar na nikle andar hi rahe
.ye sunte hi mujhe bhi khayal aaya or Maine sabse pehle renu ko call kiya. Lekin usne call received nahi kiya to fir maine surbhi ko call kiya. Lekin usne bhi nahi uthaya. Maine 6-7 baar dono ka no. Dial Kiya lekin kisi ka bhi koi bhi respond nahi mila. Fir maine mama ko call kiya to unhone call utha liya.
Main- hello mama kaha ho aap.
Mama- me office me hi hu. Tum ghar per hi ho na.
Main- ha me or mami ghar per hi hai. Lekin vo dono clg gyi hai.
Mama- unhe call kiya ki nahi
Main- Maine lagaya tha lekin vo utha nahi rahi hai. Me unke clg ja raha hu.
Mama- nahi tum kahi nahi jaoge. Me clg me phone karke jaankari leta hu. Tum filhaal ghar per hi rehna.
Main- theek hai aap clg me pata karke mujhe inform karo. Or ha kasam hai agar aapne office ke bahar kadam bhi rakha to.
Mama- lekin un dono ko lene ke liye kisi ko to Jana padega na.
Main- vo me dekh lunga aap office ke andar hi rahoge.
Mama- nahi me tumhe nahi Jane de sakta bahar.
Main- mama filhaal aap unhe call kariye ye baad me decide karenge
Or Maine call cut Kar diya.
Mami- tu kaha ja raha hai.
Main- me kahi nahi ja raha hu. Yahi hu me. Or na hi mama ja rahe hai. Aap baithiye. Aaiye.
Maine unko apne pass baithaya or unke sir per hath rakh diya. Or aisa karte hi mami gehri neend me so gyi. Or Maine unko uthaya or seedhe unke kamre me le gya or sula diya. Fir me aaya bahar. Or apni aankhe. Band karke sabse pehle undono ke bare me jaankari. To mujhe pata chala ki dono hi clg ke andar hai. Or unke sath baki student bhi hai. Or vo bahar dekh rahi hai. Kyuki bahar 2 bade bade jaanvar ghum rahe hai. Or me samaj gya ki khatra unke bilkul pass hi hai. Lekin tabhi mama ka khayal aaya to Maine unko dekha vo is waqt bahar nikalne ke bare me soch rahe the. To maine unki soch ko yahi se badal diya. Ab vo andar hi rahenge. Ab bari thi action ki. Main apne kamre me aaya bahi raat bale kapde pehne. Chehre per mask lagaya or sir per hood or seedha pahucha chhat per.
To be countinue……………….
