Fantasy பருவத்திரு மலரே

[balusai]

ஜடையின் முனையில்.. குஞ்சம் போட்டவாறு.. ஒரு பெருமூச்சுடன் சொன்னாள்.
”அது ஒரு கசப்பான அனுபவம்”
” கோமளா சொன்னா..”
” என்ன சொன்னா…?”
” எல்லாமே சொல்லிட்டா..”
” அப்பறம் எதுக்கு என்னைக்கேக்கற..?”
” ம்..ஒருத்தங்க செத்துப்போய்ட்டாங்கன்னு தெரிஞ்சாலும். .. நாம எழவு வீட்ல போய்.. துக்கம் விசாரிக்கறதில்ல..? அது மாதிரிதான். .”

 

[balusai]

பாக்யா முறைத்தாள்.
ராசு சிரித்தான்.
”உண்மை என்னன்னு நீ சொன்னாத்தான தெரியும். ”
”அதத் தெரிஞசு.. நீ என்ன பண்ணப்போற..?” என்றாள்.

அவளை ஆழமாகப் பார்த்தான். அதில் கோபம் தெரிந்தது.
அவனைப் பார்ப்பதைத் தவிர்த்தாள். பின்னல் முடித்த ஜடையைத் தூக்கி. . பின்னால் போட்டாள்.

 

[balusai]

” அப்ப கோமளா சொன்னது உண்மைதானா..?” எனக் கேட்டான் ராசு.
அவனைப் பார்த்தாள். அவளது உதடு.. லேசாக உலர்ந்தது.
”எ.. என்ன சொன்னா..?”
”கௌரி புருஷனும்.. நீயும்…சேந்து..” அவன் முடிக்கக்கூட இல்லை.
‘ சுர் ‘ ரென கோபம் வந்து விட்டது.
”ச்சீ.. வாய மூடு..” என்றாள்.
” என்னால ஜீரணிக்கவே முடியல..”
” அதப்பத்தி.. எதும் பேசாத..”
” அப்ப.. அவ சொன்னதெல்லாம்…”
” இதுக்கு மேல பேசினா… அப்பறம் நான் அழுதுருவேன்.” என உடைந்த குரலில் சொன்னாள் பாக்யா. ..!!!!

 

[balusai]

வீட்டுக்குள் இடப்பற்றாக்குறை காரணமாக.. பாக்யாவின் பெற்றோர் பக்கத்தில் இருந்த.. காலி வீட்டில் போய் படுத்துக் கொண்டனர்.
பாக்யா.. அவள் தம்பி.. ராசு மூவர் மட்டும்தான் வீட்டினுள் படுத்தனர்.
தம்பி தூங்கிவிட்டான். ராசு தலைமாட்டில் விளக்கை வைத்து… ஏதோ ஒரு புத்தகம் படித்துக்கொண்டிருந்தான்.
பாக்யா மெதுவாக. ”ராசு ” என்றாள்.

 

[balusai]

அவளைப் பார்த்தான் ”ம்…?”
” கோமளா என்ன சொன்னா..?”
”ஒன்னும் சொல்லல..”
சிறிதுநேரம் அவனையே வெறித்தவள்.. சட்டென எழுந்து. . அவன் கையிலிருந்த புத்தகத்தை வெடுக்கெனப் புடுங்கினாள்.
ராசு முறைத்தான்.

”உன்கிட்ட நெறைய பேசனும்” என்றாள்.
எதுவும் பேசாமல் அவளையே பார்த்தான்.
புத்தகத்தை மூடிய பாக்யா. . சுவற்றில் சாய்ந்து உட்கார்ந்தாள்.
” நா ஒரு தப்பும் பண்ணல..?”

 

[balusai]

” அப்ப ஏன் நான் கேட்டப்ப.. அத்தனை கோபம் வந்துச்சு..?”
”தப்பா பேசினா கோபம் வராதா.?”
” நா எங்க தப்பா பேசினேன். .? கௌரி புருஷனும் நீயும் சேந்து…னுதான் சொன்னேன். அதுக்குள்ள கோபம் பொத்துகிட்டு வந்தாச்சு..”
”கோபத்துல என்ன பண்றதுனு புரியல.. ஆமா நீ என்ன சொல்ல வந்த. ?”
” ரெண்டு பேரும் சேந்து.. காரமடை போய் சுத்தினீங்களானு கேக்க வந்தேன்..”
” சுத்தப் போகலே..! பூஜை சாமான் வாங்கப் போனோம்.”
”என்னென்ன வாங்கித்தந்தாப்ல..?”
மெல்லிய குரலில் ” பொட்டு. . பூ.. வளையல்.. ” என்றாள்.

 

[balusai]

ராசு ”வேற..?”
”கம்மல்.. செருப்பு…! இதெல்லாம் வெச்சு. . அந்த நாயி என்னைதப்பா பேசிட்டான். இப்ப நீயே இருக்க நீ வாங்கித்தந்தா… அத நா வாங்கக்கூடாதா…? வாங்கினா தப்பா. .?”
” இத நீ.. ரவிகிட்ட சொல்லிருக்கலாமில்ல..?”
”சொன்னேன்..! அவன் நம்பல.. அது மட்டுமில்ல.. அந்த நாய்மகன் என்ன பண்ணான் தெரியுமா..? அதுக்கு பதிலா.. நா என்னைவே குடுத்துட்டேன்னு எல்லார்கிட்டயும் சொல்ல ஆரம்பிச்சிட்டான்.

 

[balusai]

அதத்தான் என்னால தாங்கிக்கவே முடியல..! எத்தனை அவமானமா இருந்துச்சு தெரியுமா..? அவனாலதான் அங்க இருக்க முடியாம இங்கயே வந்துட்டேன்.. அவன்லாம் நல்லாவே இருக்க மாட்டான்..” என்றபோது..அவளது குரல் கரகரத்தது.

அழுகிறாளோ.. என அவளைக் கூர்ந்து பார்த்தான்.

 

[balusai]

”நம்பலையா..?” எனக்கேட்டாள்.
மெலிதாகப் புன்னகைத்தான் ”அப்ப. . அவ்வளவுதானா உன் காதல். .?”
”ம்..” முணகினாள் ”கோமளா என்ன சொன்னா உன்கிட்ட. .?”
”நீ சொன்னதுதான்..! தேவையா இது..?”
” நா என்னடா பண்றது..? என் பின்னாலேயே நாயா பேயா.. அலஞ்சு.. என் மனசைக்கெடுத்தான். கடைசியா…பாவி…” என்றபோது… முனுக்கென அழுதுவிட்டாள்.
”இப்ப அழுது.. என்ன பிரயோஜனம்..?” என அவள் கால் கொலுசைத் தடவினான்.

 

[balusai]

கண்களைத் துடைத்தாள். ”நாசமா போனவன்..”
”கேள்விப் பட்டப்ப.. எனக்கு எப்படி இருந்துச்சு தெரியுமா..? பாவி.. இப்படி போய் பேரைக்கெடுத்துட்டியேனு.. பயங்கர கோபம் வந்துச்சு..”
மூக்கை உறிஞ்சினாள் ”ஆத்தாளுக்கு தெரிஞ்சுபோச்சு”
” ஹ்ம்.. ஆத்தாளுக்கு மட்டுமா? ஊரு பூரா நாறிப்போச்சு.. உன் பேரு. .”