- 207
- 914
- 94
Positives: sabse pahli baat isme Hinglish ka upyog hua hai, isiliye shabd hame aaj ke urban society ki feel dene ki koshish karte hai. Ek feel good type ki ending."Bewafaon Ke Peeche Bhaagi, Par Wafa Toh Saamne Thi"College ka pehla din, aur classroom excitement se bhara hua... Naye books ki khushbu, naye shuruwaat ki energy hawa mein thi. Har taraf students haste, baatein karte chale aa rahe the, apni nayi journey shuru karne ke liye ready.
Ravi - ek slim ladka, brown complexion, average looks, lekin ek achhi body jo uske nerdy aur zyada stylish na dikhne wale kapdon ke peeche chhupi thi. Woh hamesha specs pehnta tha, shant aur respectful tha, thoda introvert type, par dil ka saccha aur ek accha insaan.
Woh apne kitaab ke panne palat raha tha jab uski nazar ek ladki par jaa tiki - Neha.
Wo denim aur ek flowy blouse pehni hui, uske gehre kaale baal har kadam par lehraate hue. Usme kuch alag he baat thi, kuch ajeeb sa charm. Woh seedha Ravi ke paas chalti hui aai, aankhon mey sharaarat chamak rahi thi, aur uske bagal wali seat par baith gai.
Ek teasing smile ke saath usne kaha - "Lagta hai, ab toh hum ek dusre ke saath he phase gaye hain, haan?"
Ravi ne upar dekha, halka sa muskuraya. Usne Neha ke baare mey already suna tha, sabhi uski khoobsurti ki baatein karte the, par yeh pehli baar tha jab Ravi ko usse baat karne ka mauka mila tha
Ravi - "Shayad, kismat ki yehi chah ho..." usne apni usual shaant aawaaz mein kaha. Phir apni kitaab band karke haath badhaate hue, "I am Ravi."
Neha ne uske haath ko dekha, ek eyebrow uthaya jaise mazaak udane ke mood mey ho, par phir handshake karte hue. "Neha," usne smile dete hue jawab diya. Uska haath garam tha, aur jaane kyun Ravi ke dil ki dhadkan ek pal ke liye tez ho gayi. Neha bindaas apne peeth ko seat par tika kar, arms cross karke... "Toh, tu free time mein kya karta hai?"
Ravi ne smile dete hue, "Reading, chess etc... bas, party-warty ka banda nahi hoon," usne confess kiya, thoda sharmate hue.
Neha zor se hansi. "Ek dum typical bookworm aur chess champ combo! Tu toh bilkul filmy nerd nikla," usne hasi mazak mey kaha, jaise uske poore look ko scan kar rahi ho. "Main toh parties aur last-minute adventures ki deewani hoon."
Iss tarah unki dosti ki shuruwat toh hui... Par Neha ke liye Ravi sirf ek all-in-one package tha - homework buddy, snack delivery guy aur part-time bodyguard. Jab chahe usse kaam nikalwa lo, jab zaroorat ho tab usko use kar lo, aur Ravi? Woh bina kisi complain ke hamesha ready rehta. Neha ko yeh sab ek normal cheez lagti thi, jaise koi apne dost se help le raha ho, ya jaise kisi ka cute sa pet ho jise thoda dyaan chahiye. Par usne kabhi yeh nahi dekha ki jab bhi woh haste-haste ‘thank you’ bolti, ya casually Ravi ki taraf dekhti, toh uski aankhon mein ek ajeeb sa pyaar chamak uthta - jo usne kabhi mehsoos tak nahi kiya.
Jaise-jaise semester aage badha, Neha ki social life bhi full speed pakad chuki thi.
Ek din library mey uski mulakaat hui Kyle se - lamba, muscular aur confidence se bhara hua banda. Baat karte he dono ki vibe match ho gayi, aur weekend aate-aate Neha ek party mey uske saath kisi kone mey usse chipki hui, ek intense make-out session mey apne andar ki aag ko hawa deti hui. Tez music, lights ki flashing, aur unke aas-paas ka mahaul - sab kuch us moment ko aur bhi thrilling bana raha tha. Us waqt Neha ko laga jaise woh zinda hai, jaise uska pura college life isi excitement ke liye tha.
Dusri taraf, Ravi… apne dorm room mey, kitaabon se ghira hua, Neha ki adventurous zindagi ki naye chapter se bilkul anjaan.
Agle din Neha full energy ke saath library mey entry maarti hui, seedha Ravi ke samne chair kheench ke baith gayi. Uska chehra excitement se chamak raha tha.
"Oh Ravi, tu believe nahi karega kal raat kya dhamaka hua!" Uski awaaz excitement se bhari thi. "Main Kyle se mili, aur hum dono bas… uff! kya batau... Pehle dance, fir ekdum se… pura scene ban gaya. Matlab, full passionate make-out session, jaise koi dekh he nahi raha ho!" Usne hasi ke saath apne baal peechhe kiye, jaise kisi filmy heroine ka entry scene ho.
Ravi halka sa muskuraya, par uski aankhon mey ek chhupi si fikr thi. "Achha hai Neha," uski awaaz calm thi, par uske shabdon mey ek boj tha jo Neha ne mehsoos nahi kiya. "Bas thoda careful rehna. College life unpredictable hoti hai… aur log bhi."
Neha ne aankhein ghumayi aur mazaak se uske shoulder pe thap thapaya. "Arre Ravi, tu itna serious kyun hai yaar? Thoda chill kar! Waise bhi Mujhe tension lene ki zaroorat nahi hai, Tu jo hai mera khayal rakhne ke liye" Usne halki si mischievous smile di, jaise keh rahi ho ki woh Ravi ke dil ke raaz jaanti ho.
Ravi ne bas ek halki si smile di aur wapas apni kitaab khol li. Par uske dil ke andar ek ajeeb sa ehsaas ubhar raha tha, jo shabdon mey bayaan karna mushkil tha.
Jaise-jaise first year khatam hone laga, excitement aur bhi badh gayi. College ne ek hill station trip plan kiya hua tha, jo sabke liye ek adventure se kam nahi tha. Aur, Neha ke liye yeh bas ek aur naye thrill ka chance tha. Tabhi uski mulaaqat hui Tariq se - ek senior jo apni charm se kisi ko bhi attract kar sakta tha. Uske saath time spend karte waqt Neha ko laga jaise woh duniya ki sabse special ladki ho.
Dusri raat, campfire ke aas-paas baithe, Neha Ravi ke kareeb aayi aur dheere se kaha, "Tariq ne mujhe raat mey apne room invite kiya hai." Uski aankhon mey excitement thi, par us excitement ke peeche ek halka sa nervousness bhi chhupa tha. "Mujhe dekhna hai, kya hota hai."
Ravi ne apni kitaab se nazar uthai, uska expression unreadable tha. "Tariq, huh?" Uski awaaz steady thi, par uska mann bechain sa tha. "Neha, tu usse abhi-abhi mili hai. Kaise pata ki woh tere liye sahi banda hai?" Uska dil zor se dhadak raha tha, par usne apni awaaz normal rakhi. Woh Neha ki khushi ke beech aana nahi chahta tha, par use anjaan takleefo se bachaana bhi chahta tha.
Neha ne hasi mey sir hilaya. "Arre Ravi, main bachi nahi hoon. Mujhe pata hai main kya kar rahi hoon!" Woh uske chehre pe kuch dhoondhne lagi - shayad validation?... fir continue karte hue - "Main bas apni life enjoy karna chahti hoon. Aur shayad… koi special mil jaye? Koi jo mere future ka part ban sake?" Uska tone suddenly soft ho gaya, jaise ek second ke liye sach mein apne dil ki baat keh rahi ho. "Tujhe nahi lagta main deserve karti hui saari khushiyan, Ravi?"
Ravi ne ek gehri saans li. Uske emotions ulajh rahe the - fikr aur ek ankahee feeling ke beech. "Haan Neha," uski awaaz dheemi thi, par emotions se bhari hui. "Main hamesha yehi chahta hoon ki tu khush rahe… bas," usne thoda ruk kar uske chehre ko dekha, "khud ka dhyaan rakhna. Aur… safe rehna, okay?"
Neha ne uske shoulder pe pyar se thap thapaya aur confidence mey kaha - "Main hamesha safe rehti hoon!" Phir ek naughty si smile ke saath, woh uth gayi. "Aur waise bhi, tu hai na mujhe sambhalne ke liye?" Ek teasing wink maarte hue woh chali gayi, aur Ravi sirf uski chhoti hoti parchaayi ko dekhta reh gaya.
Tariq ke saath ek passionate raat guzari, par jaise he sab khatam hua, uska cold behavior Neha ke dil ko tod gaya; kuch he hafto mey exams the, aur neha ne padhaai par dhyan diya par jo hua uska asar hawa mey raha kai dino tak par...
Samay beeta, naya saal aaya, aur Neha phir ek naye chapter mey thi - Karan aur uski parties; is baar sambhalne ki koshish ki, emotions ko safe rakhna chaha, lekin jab usne future ki baat ki, Karan ne mazaak uda diya, aur yeh connection bhi utni he jaldi khatam ho gaya jitni jaldi shuru hua tha.
Aur isi tarah, zindagi chalti rahi.
Neha ki zindagi ek whirlwind thi - passion, excitement aur heartbreak ka combination. Usse attention aur naye romance ka thrill pasand tha, lekin har baar kahani ek jaise he khatam hoti - disappointment ke saath.
Lekin Ravi hamesha wahi tha - steady, patient, uski har baat sunne ke liye tayyar.
Aur iss tarah college life khatam ho chuki thi, Six months guzar chuke the graduation ko, aur Neha & Ravi ke beech ki dynamics ab badal chuki thi. Ravi ek high-paying tech job karne laga tha, jabki Neha ek customer service job mey set ho gayi thi. Neha ka din office ki ek he tarah ki boriyat mey aur raat kabhi-kabhi kisi date ke thrill mey. Dono ki zindagi ab busy ho chuki thi, lekin unki dosti ab bhi waisi ki waisi thi - ek aisi comfort jo uncertainty bhari duniya mey ek anchor jaisi thi.
Ek shaam, Neha Ravi ke apartment mein tufaan ki tarah ghus aayi, apna bag uske couch pe phek diya. "Men are the worst!" usne gusse se announce kiya.
Ravi jo apne desk pe laptop ke saamne baitha tha, bina uski taraf dekhe - "Let me guess. Ek aur break-up?"
Neha uski couch pe gir padi, frustrated aahe bharti hui. "Aarav perfect tha - hot, rich, charming. Par pata hai? Woh agle hafte U.S. shift ho raha hai. Aur mujhe aaj bata raha hai!"
Ravi ne finally apni chair ghumayi aur uski taraf dekha. "Neha, tum usse sirf ek mahine se jaanti thi. Kya sach mein itna serious tha?"
Neha Aankhein narrow karte hue. "Tu samjhega nahi, Ravi. Yeh time ki baat nahi hai. Yeh is baat ki baat hai ki koi insaan tumhe kaisa mehsoos karwata hai."
Ravi ne ek pal ke liye uska chehra padha, phir ek gehri saans li. "Aur woh tumhe kaisa mehsoos karwate hain?"
Neha ne shoulders shrug kiye. "Special. Wanted. Jaise main matter karti hoon."
Ravi aage jhuka, uski aankhon mey dekhte hue... - "Tum matter karti ho, Neha. Par tum apni value galat jagah dhoond rahi ho."
Neha ne frustration se bhari saans li aur baithe hue couch par tik kar- "Ugh, please, Ravi. Abhi gyaan mat de. Mujhe sirf ek drink chahiye. Chal, bahar chalte hain."
Ravi hansa. "You mean, tum phir se ek random ladke ke saath hook up karna chahti ho?"
Neha ne turant ek pillow uthaya aur uspe phek diya. "Chup kar, nerd." fir iddam se innocent request bhari awaaz me "Bas chal na, please?"
Ravi ne ek second socha, phir sir hila diya. "Fine. Par jab sab phir se gadbad hojaaye, toh mere kandhe pe mat rona."
Neha ne ek badi si smile di. "Haan Haan theek hai, Deal."
Aur bas, ek baar phir, Ravi uske saath raat ke andhere mey nikal pada - jaante hue ki aakhir mey phir se usi ko Neha ke bikhre hue tukde uthaane padenge.
Aur wahi hua... Bar me wo Vikas se mili, flirting aur drinks chalti gai aur Ravi kone mey kahi duur se dekhta hua.... aur fir Ravi apne ghar... aur waha Neha kisi hotel ke kamre mey Vikas ki baaho mey.
Agle din office mey, break ke dauraan, Neha ek quiet conference room mey baithi thi, darwaza baahar ki duniya se band. Uska dil tez dhadak raha tha, haath mey phone tha. Use Ravi se baat karni thi, sirf kal raat ke baare mey nahi, balki sab kuch explain karna tha.
"Hey," usne kaha jaise he Ravi ne phone uthaya, uski awaaz thodi shaky thi. "I'm sorry about last night. Mujhe tujhe aise akela nahi chhodna chahiye tha."
Ravi ne ek gehri saans li, uski awaaz dard se bhari thi jo kabhi shabdon mey bayaan nahi hui. "It’s fine, Neha. Pehli baar toh nahi hua na." Woh ek second ruka, sochte hue. "Par batao, kya woh bar wala banda tumhare liye special tha, ya sirf ek aur... encounter?"
Neha phone par hansi, lekin uski hansi thodi zabardasti jaisi lagi. "It was amazing, Ravi. Bahut intense aur passionate." Phir usne thoda hesitate karte hue kaha, "Lekin... woh zyada der tak khud ko sambhal bhi nahi paya," usne hansi dabaate hue kaha. "Ek dum embarrassing tha uske liye, ek minute bhi nahi tik paaya!"
Phir uski hansi dheere se gayab ho gayi. "Aur sach batau toh mujhe laga ki main bas ek convenience thi uske liye." Ek lambi chhuppi ke baad, usne apne baalon se khelte hue kaha, "Par main toh in ladkon se pyaar dhoondh bhi nahi rahi na, right?" Woh ruk gayi, jaise apni he baat par doubt ho gaya ho. "Ya dhoondh rahi thi, pata nahi... par atleast vikas ke saat sahi feel nahi hua. Stupid tha na sab? Khair... Mujhe waise bhi aur kya expect karna chahiye tha?"
Uski awaaz mey ek ajeeb sa dukh tha, jaise jo carefree attitude dikh raha tha woh bas ek dikhawa ho.
Ravi ka dil ek pal ke liye kas gaya. Woh Neha ki udaasi sun sakta tha, uske shabdon mein chhupi hui akelapan ki goonj mehsoos kar sakta tha. Usne ek gehri saans li, phir dhire se kaha, "Neha, shayad tumhe ab yeh samajhna chahiye ki yeh chhoti-chhoti fleeting moments tumhe kabhi wo sukoon nahi denge jo tum dhoondh rahi ho."
Woh ek pal ruka, graduation wali ek purani tasveer ko dekhte hue, jisme dono haste hue dikh rahe the. "Shayad koi hai jo tumhari sach mey parwaah karta hai, jo sirf achhe waqt pe nahi, bure waqt pe bhi tumhare saath hoga. Jo tumhe wahi pyaar dega jo tum chahti ho."
Neha chup rahi, uski aankhon mey nami aane lagi. Ravi ke shabd uske dil ke kisi kone tak pahunch gaye the. Jo bhi dukh, jo bhi akelapan uske andar chhupa tha, woh ab samajh mey aane laga tha.
"You're right, Ravi," usne dheere se kaha. "Mujhe in chhoti-chhoti flings se ab thakavat ho gayi hai. Yeh bas mujhe aur zyada khaali mehsoos karwate hain, jaise main kabhi kisi ke liye enough nahi ho sakti." Usne ek gehri, shaky saans li. "Ab main intezaar karungi… kisi aise insaan ka jo sirf mere badan se nahi mujse pyaar kare."
Uski awaaz mein ek naye determination ki jhalak thi, dukh ke beech ek naye umeed ki roshni.
Agle kuch dino tak, Ravi ke dimaag se Neha nikal he nahi paayi. Pehli baar usne ussey umeed ki kiran dekhai di...
Jald he... Neha ko propose karne ka khayal ek obsession ban gaya - ek aisa sapna jo usey ek taraf excite kar raha tha aur dusri taraf dara bhi raha tha. Usne apne dimaag mey har scenario socha - ek perfect romantic dinner, ya bas ek simple casual coffee date. Har baar uske imagination mey Neha muskura rahi thi, uski aankhon mey woh chamak thi, aur woh uske ‘yes’ kehne ka intezaar kar raha tha.
Par... sheher ke dusre kone mey, Ek upscale lounge mey, Neha ki mulaqat hoti hai ek attractive aur successful aadmi se - Vikrant Khanna.
Aur Dusri taraf, Ravi ab apne jazbaat ko aur daba nahi paa raha tha. Usne finally decide kiya ki woh Neha ko coffee pe bulayega, apni feelings express karne ke liye. Aur Ravi ka dil garden garden hogaya jab Neha ne coffee ke liye haan kar diya, wo kaha jaanta tha ki Neha asal mey excited thi Vikrant ke baare mein share karne ke liye, jabki Ravi usse propose karne ka soch raha tha.
Ek busy downtown restaurant mey, exotic spices aur sizzling meats ki khushbu hawa mey thi. Ravi ka dil zor zor se dhadak raha tha. Usne apni baat dimaag mey hazaar baar rehearse ki thi, par jab Neha saamne thi, uss soft light mein itni khoobsurat lag rahi thi ki shabdon ne saath he chhod diya.
Woh uski muskurahat mey kho gaya, uski presence ek ajeeb si warmth lekar aayi. Ek gehri saans lete hue, usne apne kaanpte haath se paani ka glass uthaya aur casually poocha, "Neha, tumhara weekend kaisa tha?"
Neha ne apna coffee cup uthaya, ek chamak uski aankhon mey aa gaya jaise he usne woh pal yaad kiya. "Ravi, it was incredible!" usne excited hote hue kaha. "Main ek amazing ladke se mili, Vikrant. Woh itna charming hai, itna handsome."
Usne ek second ruk kar napkin se khelte hue kaha, "Par, mujhe pata hai tu kya soch raha hai. Maine decide kiya hai ki is baar sab kuch slow le kar chalna hai. Abhi ke liye, sirf dosti."
Woh Ravi ki taraf dekh kar muskurai, excitement se uski aankhein chamak rahi thi. "Mujhe lagta hai ki woh alag hai, Ravi. Woh sach mey care karta hai… waisa care jaisa kisi ne pehle nahi kiya."
Ravi ne ek fake muskurahat di, apne dil ka dukh chupaate hue. "That's great, Neha," usne normal tone mein kaha. "Friendship is a good place to start."
Par uska dil andar he andar tootta ja raha tha. Woh mehsoos kar raha tha ki ek baar phir, woh Neha ko apni aankhon ke saamne kisi aur ke paas jaate dekh raha hai. Phir bhi, usne apni feelings andar daba li, ek gehri saans lekar.
Din se hafte bane, aur Neha Vikrant ki charm mey aur doobti chali gayi. Spontaneous getaways, candlelit dinners aur madhosh kar dene wale vaade - sab kuch ek aise future ka hissa lagne laga jo Neha ne kabhi socha bhi nahi tha. Vikrant ka touch ek spark jaisa mehsoos hota, uski baatein Arjit singh ke gaane ki tarah jo saat janmo waale pyaar ka ehsaas dilati.
Lekin is sab ke beech bhi, Ravi ek silent strength bana raha - bina kuch maange, hamesha Neha ke saath.
Vikrant aur Neha ke beech ki dosti evolve hone lagi, ek undeniable tension ke saath. Ek romantic dinner ke baad, Vikrant finally apne jazbaat confess karta hai, par Neha usey patience rakhne ke liye kehti hai. Taxi ke andar woh pal ek ruka hua moment lagta hai - tension, desire aur ek ajeeb si uljhan. Vikrant ke andar usse jeetne ka junoon jagta hai, par woh Neha ki boundaries ki izzat karta hai, ya yeh kaho ki dikhawa karta hai.
Phir ek din, Vikrant ne Neha ke liye ek surprise weekend trip plan kiya. "Is baar kuch traditional pehnna," usne casually smile karte hue kaha, par uski aankhon mey kuch aur he hints the. Weekend ki shuruaat hoti hai Neha ke naye avatar ke saath - traditional outfit mey woh aur bhi khoobsurat lag rahi thi. Jab Vikrant usse dekhta hai, toh uski muskurahat thodi soft ho jaati hai. Taxi mey unke haathon ka halka sa touch, ek naye bond ka indication deraha tha. Destination ab bhi ek mystery thi, par excitement aur tension badh chuki thi.
Vikrant Neha ko ek breathtaking retreat pe le jaata hai, jahan woh apne sapne aur future ke baare mey baat karne lagta hai. Ek aise ghar ka zikr jo usne kisi special ladki ke saath share karne ka socha hai. Inn pyaari meethi baaton ne Neha ke dil mey ek nayi umeed jagadi thi.
Neha aur Vikrant ek emotional exchange ke saath apna pyaar confirm karte hain, aur din bhar moments of passion aur tenderness share karte hain, jisse unka mutual love aur devotion aur strong hota hua nazar aata hai. Unka bond itna gehra mehsoos hota hai ki unke beech ki intimacy se daudti hui bijli... sirf un tak nahi, poore room mey mehsoos hoti hai.
Aur fir... Raat ke aakhri palon mey, Neha Vikrant se apne pyaar ka izhaar karti hai, yeh yakin karte hue ki woh bhi usse utna he pyaar karta hai. Lekin Vikrant ka response ek rehearsed dialogue tha, genuine emotion se zyada calculated. Neha is baat se bilkul anjaan, woh uske baahon mey lipti hui... uski baaton ko sach maan leti hai. Lamha asal mey dhoke se bhara hota hai jo Neha na mehsoos kar paai naa pehchaan...
Phir ek din, Neha ke kehne pe Ravi, Neha aur Vikrant ek dinner party mey milte hain. Dinner, Daaru aur ek perfect ambiance.
Vikrant har ek cheez perfectly set kar raha tha - jaise ek khilaadi apna khel bakhoobi dikhata hai. Ravi sirf Neha ko dekh raha tha, uske dil mey ek ajeeb si bechaini thi.
Dinner ke dauraan Vikrant dheere-dheere apna haq neha par zaahir karne lagta hai. Woh Neha ke kaan mein kuch fusfusata hai, uske haath ko tightly pakadta hai, aur phir, Ravi ke saamne, usse passionately kiss kar leta hai. Ek intense, claiming moment. Neha us pal mey kho jaati hai, uska badan Vikrant ke touch se naturally respond karta hai.
Us raat, Naa chahte hue bhi apne aankho ke saamne Ravi chup-chaap Neha aur Vikrant ko ek saath bedroom ki taraf jaate dekhta hai. Uske dil ka dard aur uske beintaah pyaar ka bojh usse andar he andar tod raha tha...
Karte-Karte... Mahine guzar gaye, shaadi ki baatein ki gayi thi, par sab kuch fake he tha jo neha kabhi samaj nahi paai aur apne aap ko uske pyaar mey dubaati chali gai.
Ek din, Shaam dhal chuki thi, aur Neha apne bistar par bethi thi, phone ka blue light uske chehre par pad raha tha.
"Baby, bas thoda aur waqt," Vikrant ka text aaya. "Sab complicated hai, par main promise karta hoon, hum saath honge jald he. Trust me."
Neha geheri saans lete hue. Ye pehli baar nahi tha jab usne ye kaha ho. Pehle job ka excuse, phir family issues, phir financial problems. Par jab bhi Neha doubt karti, Vikrant usse pyaar bhari baatein kehkar, passionate kisses dekar, aur ek naye sapne ke saath behla deta.
Neha uspar vishwas karna chahti thi. Usse zaroorat thi ki woh Vishwas kare.
Par uski reality kuch aur thi.
Uski maa uske liye rishte dhoondh rahi thi. Roz naye ladkon ki tasveerein uske saamne rakhi jaati thi, har ek ke saath ek detailed description - job, family background, financial status.
Neha ka koi kehna nahi tha. Uske parents ke liye ek well-settled ladka pyaar se zyada zaroori tha.
Mahine beet gaye, par Vikrant ki shaadi ki baatein sirf baatein he rahi. Neha beech mey atak gayi thi - ek taraf uski umeed aur dusri taraf uski sachai. Vikrant ke excuses badhte ja rahe the, par Neha ka dil ab bhi uske jhoothe sapne se chipka hua tha.
Is beech, uske parents uske liye ek "perfect" ladka dhoondhne mey lage rahe, jisse shaadi karke woh ek "safe" future jee sake.
Ek sapna tha jo usne khud chuna tha.... aur Ek sapna tha jo uske liye chuna ja raha tha. Aur dono ke beech kahin, woh khud kho gayi thi.
Aaj raat phir wahi dar lagaane wali meeting thi. Neha ki maa haath mey kuch tasveerein lekar andar aayi.
"Neha, kam se kam dekh toh lo. Hum hamesha intezaar nahi kar sakte."
Neha ne annoyed expression ke saath aankhein ghumayi, par tasveerein le li. Bina kisi interest ke unhe palat rahi thi, jab....
Uski saans atak gayi. Un tasveero mey, Ek tasveer Ravi ki thi.
Uska dil ek pal ke liye ruk gaya. Tasveer ko dekhte he college ki yaadein dimaag mey flash hone lagi. Ravi - hamesha se uski life ka ek hissa, ek comforting presence. Uski kind aankhein, gentle smile… Aur phir achanak se uske dimaag mein ek khayal aaya. Ye uska escape ho sakta tha.
"Mom, mujhe ye pasand hai," usne Ravi ki tasveer ek halki si kapkapi haath se uthai. "Isse mil sakti hoon."
Room ek dum silent ho gaya. Uski maa ne uske chehre ko dhyan se dekha, jaise usme mazak dhundh rahi ho. Par Neha bilkul serious thi.
Uski maa shock mein thi. "Sach? Itni jaldi haan keh diya?"
"Ye… achha lag raha hai," Neha ne ek zabardasti ki muskurahat ke saath kaha. "Aap baat kar lo"
Agle he din, date fix thi, Cafe ek sanctuary jaisa tha, halka music aur cups ki soft clinking, par Ravi ke dil mein ek tufaan macha hua tha. Jaise he Neha andar aayi, uski aankhein umeed aur dar se chamak uthi. Jasmine ki khushbu uske saath andar aayi, saath laayi woh sab yaadein jo Ravi ne kabhi bhulane ki koshish bhi nahi ki thi.
Ravi ne ek gehri saans li, apni coffee side rakhi, uske haath thoda kaanp rahe the. "Neha, kya chal raha hai?" Usne uski aankhon mey dekha, halka sa sarcastic smile diya. "Tumse proposal? Sach me?" Uska tone teasing tha, par uske aankhon mein asli sawal tha.
Woh jaanta tha ki Neha kisi aur se pyaar karti hai. Par uska dil ek aisi aag thi jo bujhne ka naam nahi le rahi thi.
Neha ne ek lambi saans li. "Mujhe teri help chahiye."
Ravi ka smile ek second mein fade ho gaya. "Help?"
Neha thoda paas aayi, uski gehri aankhein Ravi ki aankhon ko talash rahi thi. "Mujhe thoda time chahiye, Ravi," usne bechaini se kaha. "Mere parents mujhe force kar rahe hain arranged marriage ke liye, aur tu jaante hai main unhe ignore nahi kar sakti." Uski awaaz mey ek ajeeb sa mixture tha - umeed aur dar ka... "Vikrant… bas thoda aur time chahiye usse. Woh mujhse pyaar karta hai, mujhe pata hai."
Usne apna haath Ravi ke haath par rakha. Touch halki si kampan ke saath thi. Uski aankhon mey ek silent request thi - Vikrant ke liye ek aisi deewangi jo uski soojh-boojh ko andha bana rahi thi.
Ravi ka dil dukh se bhar gaya.
Usne coffee mug aur tight pakad li, par uska chehra blank raha. "Toh tum keh rahi ho… umm.... tum chahti ho ki main pretend karun jaise main tumse shaadi ke liye ready hoon?"
"Yes," Neha ne turant kaha. "Sirf temporary hai. Jaise he Vikrant ready hoga, main apne parents ko bol dungi ki ye rishta nahi ho sakta."
Ek lamba silence raha.
Ravi ne uski aankhon mey dekha, Phir usne muskurane ki koshish ki, par wo smile uski aankhon tak nahi pahunchi.
"Teek hai," usne dheere se kaha.
Neha ne ek saath relief aur guilt ke emotions mehsoos kiye. "Thank you," uski awaaz kanp rahi thi. "Tu best friend hai."
Usne table ke upar se aage badhkar Ravi ko hug kiya. Uske badan ka halka sa pressure uske chest se laga, aur ek pal ke liye, Ravi ko ek ajeeb sa spark mehsoos hua - Neha ke desperation ka. Usne jaana ki Neha uska sirf istemal kar rahi thi. Par phir bhi, woh mana nahi kar saka. Woh usse bohot zyada pyaar karta tha.
Toh iss tarah, Ravi Neha ki baat maan leta hai - fake fiance banne ka natak sirf isliye ki uske parents shaant ho jaayein.
Woh dono Neha ke ghar pe "perfect couple" ki tarah behave karte hain, sabko bewakoof banaate hain… khud ko bhi, ek pal ke liye.
Neha ab bhi Vikrant ke sapne dekh rahi thi, jo ab bhi usko exclusive hone ke jhoothe vaade de raha tha.
Neha aur Ravi ka engagement ek dikhawa ban jaata hai - sabko pyar dikh raha tha, bas ye dono jaante the ki sachaai kya hai...
Ravi har din dukh seh raha tha. Uska har ek gesture sirf Neha ke liye tha, jabki Neha ab bhi emotionally Vikrant se judi thi.
Raat ko, Neha Vikrant ke messages mein sukoon dhoondhti thi…
Aur Ravi…
Uski ungliyon mey woh ring thi, jo ek jhoothi kahani ka sabse bada saboot thi.
Shaadi sirf ek hafte door thi, aur hawa mey excitement ki garmi thi. Aur, Neha ke dil mey doubts ke whispers din-ba-din tez hote ja rahe the. Vikrant jaise uski zindagi mey ek parchhayi ban gaya tha - calls chhoti hoti ja rahi thi, texts kam hote ja rahe the. Neha khud ko samjhaane ki koshish karti thi ki yeh sab uske busy work schedule ki wajah se hai, ya shaadi ki taiyaariyon ki tension ke wajah se, lekin andar se ek khaali-pan badta ja raha tha. Uski nazrein usse dhoondhti thi, lekin badle mey sirf tanhaayi milti thi.
Kuch toh galat lag raha tha. Jab bhi woh call karti, ya toh Vikrant phone uthata he nahi ya jaldi se baat khatam kar deta. Woh passionate texts jo kabhi Neha ke chehre par sharm bhari muskurahat laate the, ab sirf ek-do shabd wale replies ban gaye the. Jab bhi milte, Vikrant ka dhyaan idhar-udhar hota, aur future ke baare mey baat karne se bachta.
Ek din, Neha ne apne phone ko zor se pakda, aur dobara uska number dial kiya par fir se koi jawab nahi...
Dil zor se dhadak raha tha. Andhera kamra aur bhi bhaari lagne laga. Mahino tak Neha ne Vikrant ke liye sabse ladayi ki thi. Apne ghar waalon se jhooth bola, Ravi ko ek shield ki tarah use kiya, aur har warning sign ko ignore kiya.
Aur ab… jab unka saath hone ka waqt aaya tha… Vikrant kahin nahi tha.
“Nahi.” Usne daanton tale hoth dabaye. “Mujhe usse milna hoga. Mujhe khud uske muh se sunna hai.”
Aur tabhi ek yaad dimagi parde pe ubhri.
Woh ghar.
Pehli baar jab Vikrant usse wahan le gaya tha. Sheher se thoda door ek shaant, akela ghar. Usne kaha tha ki yeh uske dost ka ghar hai. Tab Neha ne kuch nahi socha tha, lekin ab…
Kuch ajeeb lag raha tha.
Neha ki betaabi usse us ghar tak le jaati hai jahan pehli baar Vikrant ne usse apna banaya tha. Par jo sach saamne aaya, usne Neha ke hosh uda diye. Usne Vikrant ko ek aurat aur ek bachhe ke saath dekha. Uska sach samne tha. Uski aankhon ke saamne uska dil chuur chuur ho gaya. Aur sabse badi baat… Vikrant ki beparwahi bhari aankhein. Uska expression jaise kuch hua he na ho. Jaise koi sharm ya pachtava ho he na.
Dhoop tez thi, jab Neha wahan se ladkhadati hui bhaagi. Uske aas paas ki duniya bikhar rahi thi, sach ka bojh ek pahaad ki tarah uspar gir pada tha. Usne taxi roki - ek nikalne ka rasta. Jhat se peeche wali seat pe baith gayi, dheemi awaaz mey apne ghar ka pata bola. Peeche se, usko lag raha tha jaise Vikrant ki aawaaz, uske kadmon ki aahat paas aa rahi ho. Par Neha tez thi. Darwaza zor se bandh kiya, aur gaadi nikal padi. Tinted glass ke us paar, usne Vikrant ko dekha....
Lekin Taxi nikal chuki thi aur uske saat he Neha bhi...
Sheher ki roshni uski aankhon ke saamne ek dard bhari tasveer ban gayi thi. Uske aansu girne ko taiyaar the.
Uska phone bajna band he nahi ho raha tha.
Vikrant, Baar-baar call kar raha tha...
Pehle toh Neha ne ignore kiya. Bajne diya. Sannate mey usse tadapne diya, jo usne khud banaya tha.
Lekin andar kahi ek hissa ab bhi jawab chahta tha.
Yeh sab kya tha? Woh aurat kaun thi? Aur Vikrant wahan kyun tha?
Neha ke dimag ne sach se ladne ki koshish ki, koi aur wajah dhoondne ki koshish ki.
Aur phir, kai calls ke baad… usne phone uthaya.
“Neha, baby...” Vikrant ki awaaz betaabi se bhari thi. “Yeh waisa nahi hai jaisa tu soch rahi hai.”
Neha ne phone aur zor se pakda. “Waisa nahi hai?! Maine khud dekha! Maine dekha usko! Usne tujhe kiss kiya!”
Vikrant ki dhokebaazi ne Neha ka dil tod diya tha. Par phir bhi, andar ek jalan thi jo jawab maang rahi thi. Kyunki sach ko accept karna sabse mushkil hota hai.
“Neha, please,” Vikrant ne thandi saans bhari. “Main tujhe bataane wala tha, bas mujhe thoda waqt chahiye tha.”
“Waqt?!” Neha ki awaaz gusse se kaanp gayi. “Tere paas mahine the! Saal the! Aur tune kabhi nahi bataya ki tu pehle se shaadi-shuda hai?!”
“Yeh complicated hai.” Vikrant ki awaaz aur desperate ho gayi. “Woh mere liye kuch bhi nahi hai, Neha! Arranged marriage thi, family ne zabardasti karwayi thi. Par main sirf tujhse pyaar karta hoon.”
Neha kadwi hansi hasti hui. “Toh conveniently tune bataana zaroori nahi samjha ki teri ek wife aur ek bachha hai?”
“Woh ek chudail hai, Neha! Main usse divorce le raha hoon. Main kasam khata hoon, baby, bas thoda aur waqt chahiye. Phir sirf hum honge. Sirf tu aur main.”
Ek pal ke liye, Neha uski baaton ko sach maan lena chahti thi.
Usne aankhein band ki, maatha dabaya. Vikrant ki awaaz itni pyaari thi, itni meethi…
“I love you, Neha.” Uski awaaz ek dum halki ho gayi. “Tu he meri duniya hai.”
Shayad… shayad…
Nahi.
Bilkul NAHI... Neha ney mann me kaha
Gusse ka lava andar se phoot pada.
Ab sach samajh aa raha tha. Yeh pattern. Yeh manipulation. Yeh tareeke jisse usne Neha ko hamesha baandh ke rakha. Vaade kiye, bahane diye, aur apni chhupi hui zindagi chalaata raha.
Neha uski future kabhi thi he nahi. Woh sirf ek raaz thi.
Usne ek gehri saans li. Aur phir - woh hansi.
Ek dardnaak, khaali hansi.
“Tu jaanta hai, Vikrant?” usne dheeme se kaha.
Ek pal ka sannata. “Kya, baby?”
“Main shaadi kar rahi hoon.”
iddam se Khamoshi....
Phir... “What the fuck?” Uski awaaz ek dum tez ho gayi.
“Main Ravi se shaadi kar rahi hoon.”
Woh ek naam jo uske perfect game ka the end likh raha tha.
“Neha, nahi....”
Neha ne call cut kar diya.
Aur is baar, woh nahi royi.
Neha sach se bhid chuki thi. Usne Ravi ko call kiya. Apni sachai batai. Apne pyaar, apni bewakoofi, apni uljhan sab confess ki. Ab usse pata tha, jo ho raha tha woh ek dikhava tha, jisme woh ab tak jeeti aayi thi.
Dusre side se ek gehri saans sunai di. “I’m sorry, Neha.”
Usne apni mutthi kas li. “Mujhe samajh nahi aa raha kya karun. Mera ghar… shaadi…”
Ek lambi chuppi. Phir, dheeme se Ravi ne poocha - “Kya tum ab bhi usse pyaar karti ho?”
Neha ke hoth kaanp gaye. Woh chillana chahti thi—NAHI! Usse kehna tha ki usne Vikrant se nafrat kar li hai.
Lekin sach bahut zalim hota hai.
“Pata nahi,” usne dheeme se kaha. “Par main tujhse pyaar nahi karti, Ravi… aur main teri life barbaad nahi karna chahti.”
Ravi ki, dil tod dene wali chhuppi sunai di.
Aur phir - woh ek sawaal jo Neha ne kabhi socha bhi nahi tha.
Ravi: “Agar hum ab bhi shaadi kar lein toh?”
Neha ka saans rukh gaya. “Kya?”
“Main tumse shaadi karunga, Neha,” Ravi ne kaha. “Lekin kabhi tumhe apna hone ke liye nahi kahunga. Tumhe poori azaadi hogi jaane ki, jab bhi Vikrant ready hoga.”
Neha stunned thi - “Tu—tu mere liye yeh karega?”
Ravi: “Main tumhare liye kuch bhi kar sakta hoon.”
Neha ka dil dukh se bhar gaya. Woh is pyaar ke laayak nahi thi. Woh Ravi ke laayak nahi thi.
Lekin phir bhi, usne haan keh diya selfishness ke saat.
Din beette gaye... aur shaadi se ek din pehle...
Ravi kisi bhi kaam pe dhyan nahi laga pa raha tha. Har chhoti-moti tayari ke beech bhi uska mann bas Neha ki taraf ja raha tha. Woh jaanta tha ki Neha ek aisi ladaai lad rahi thi jo sirf uske andar chal rahi thi - ek aise aadmi se mohabbat jo uske laayak he nahi tha, aur ek aise vaade se jo usne Ravi se kiya tha. Usse Neha ki awaaz sunni thi, yeh jaanna tha ki woh theek toh hai.
Usne gehri saans li, haath halka sa kaanp raha tha, par phone mila diya.
Neha ne bina kisi hichkichahat ke call uthai. "Hello?"
"Tum ghar pe ho?" Ravi ne pucha.
Ek pal ke liye Neha ruki. Uske haath bed ki chadar ko zor se pakadne lage. Uski nangi twacha abhi bhi uss junoon bhari pal ki garmi mehsoos kar rahi thi jo usne Vikrant ke saath bitaaye the...
Uska dil tez dhadak raha tha jab usne palat kar dekha - Vikrant uske bagal mey pada tha, ek sukoon bhari muskurahat ke saath, uski taangon par halka sa haath ghumata hua.
Usey sharma aani chahiye thi. Par nahi aayi.
"Main Vikrant ke saath hoon," usne dheere se kaha, saans abhi bhi bhaari thi. "Main jaldi ghar pahoch jaungi. Kya kuch zaroori kaam hai?"
Ek lambi khamoshi. Fir ek halka, thaka sa saas.
"Nahi," Ravi ne dheere se kaha. "Koi baat nahi. Kal milte hain."
Hotel ka kamra ab bhi unke pyaar ki garmi se bhara hua tha. Neha Vikrant ki baahon mey lipti hui thi, uska haath uske baalon mey chal raha tha. Uske labon se ek halki si fiza nikli. "Kaash mujhe Ravi se shaadi na karni padti. Main sirf tujhe chahti hoon."
Vikrant halke se hansa, uske maathe pe ek kiss karte hue - "Neha… lagta nahi mera talaaq ho paayega."
Ek pal ke liye, hawa ruk si gayi.
"Kya?" Neha ne zor se kaha, uske ungliyan chadar ko zor se pakadne lagi.
"Bachha hai, parivaar hai… sab kuch bahut complicated ho gaya hai," Vikrant ne casually kaha, jaise koi normal baat ho.
Neha: "Par… tu ne kaha tha ki hum saath honge..."
"Haaan Haan... Jaanta hoon..." usne uska haath thaamne ki koshish ki, "par dekh, sab kuch itna simple nahi hai. Kyun na hum easy rakkhein? Bas Ravi se shaadi kar le. Woh seedha hai, simple hai… perfect hai."
Neha ka dil doobne laga. "Kya matlab hai Tera?"
Vikrant muskuraya. "Tu Ravi se shaadi karle. Tujhe ek safe life milegi, ghar milega, sab kuch settled hoga. Aur hum… hum aise he milte rahenge na. No stress, no pressure, no drama."
Ek aisa dard jo shabdon se bayaan nahi ho sakta tha, uske dil mey utar gaya.
Uske haath gusse se mutthi ban gaye. "Tu mazaak kar raha hai, hai na?"
Vikrant ne aankhein ghumai. "Neha, itna emotional hone ki zaroorat nahi hai. Practical soch. Sab ke liye acha hoga - teri family khush, Ravi khush, aur hum bhi khush."
Neha ke hothon se ek kadwi hasi nikal gayi. "Ravi khush? Aur mera kya? Mera sukh?"
Vikrant ne beparwah andaaz mey- "Tu bhi adjust kar legi."
Aur usi pal, sachai uspar bijli ki tarah gir gayi.
Woh kabhi uske liye khaas thi he nahi. Kabhi uski mohabbat, uska future thi he nahi...
Bas ek waqt guzarne ka zariya thi.
Usne aankhon se aansu ponch dale. "I hate you!"
Vikrant ne relaxed tone mein kaha. "Chhod na, kal tak yaad bhi nahi rahega... Mere paas he aayegi tu..."
Neha ne apne kapde uthaye, jaldi-jaldi pehne, aur bina piche dekhe darwaza zor se band kar diya aur nikal gai hotel se...
Vikrant ne naahi roka. Naahi manaaya. Kyunki usne kabhi mohabbat ki he nahi thi.
Aur... Agle din, Neha Ravi ke saath mandap mey baithi thi.
Sunhere shamiyana ke neeche, mehmaan hans rahe the, shor-sharaba kar rahe the, shaadi ka jashn mana rahe the.
Sirf Neha aur Ravi jaante the ki yeh shaadi sirf ek samjhauta thi.
Jab Ravi ne uske gale mey varmala daali, Neha ne uski aankhon mey dekh kar dheere se kaha, "Main kabhi tujhse pyaar nahi karungi."
Ravi halka sa muskuraya. "Mujhe pata hai."
Neha ke andar kuch toot sa gaya tha.
Rituals poore ho gaye, vaade kiye gaye, saath pheron ke saath ek naya rista joda gaya.
Aur Neha ne andar he andar ek aur kasam kha li.
Woh Vikrant ka chehra kabhi nahi dekhegi.
Usne uska number block kar diya, har message mita diya, har tasveer jala di.
Apne aapko gaali di usse pyaar karne ke liye.
Apni bewakoofi se nafrat ki.
Aur ab - woh Ravi ki patni thi.
Na pyaar mey. Na apni marzi se. Bas majboori mey.
Aur jab usne Ravi ka haath pakadkar mandap se kadam bahar rakha, ek sach uske dil ke kone mey kahin gehraai tak utar gaya. Usne kabhi itna akela mehsoos nahi kiya tha.
Suhaag raat ke din, Neha guilt se bhaari mann lekar ek faisla karti hai - Ravi ko sab sach bataane ka.
Aur yaha Ravi uski bechaini mehsoos karta hai. Par bina kisi narazgi ke, bina kisi shikayat ke, woh apne liye zameen pe ek alag bistar laga leta hai.
Yeh chhoti si samvedansheelta Neha ke dil mey ek naya jazba jagati hai.
Woh himmat jutakar usse baat karti hai.
Ravi bhi andar se darta hai, par uski baat dhyaan se sunta hai.
Aur jab Neha usse apni kahani bataati hai ki kaise Vikrant ne dhokha diya, kaise uska dil toota, kaise woh Ravi se mohabbat nahi karti....
Par... Ravi sirf ek baat kehta hai, "Main tumhare saath hoon, hamesha."
Uski aankhon mey ek nishchit vishwas tha. Koi ilzaam nahi, koi gussa nahi - bas ek saccha saathi hone ka vaada.
Neha ki aankhon mey aansu aa gaye. Aur us raat, pehli baar… usey laga ki wo akeli nahi thi...
Ek mahine baad bhi Neha apni shaadi mey ek khush mizaz patni ka natak karti rahi, apne dukh ko Ravi ke maa-baap se chhupa kar rakha. Lekin Ravi ka pyaar aur uski narmdili uske jeevan ka ek ahem hissa ban gaye, jo uske akelapan mey ek tasalli ka ahsaas dilate rahe. Apni guilt ke bawajood, Neha dheere-dheere uske care aur predictability ko appreciate karne lagi, usse ek naye nazariye se dekhne lagi... dosti se bhi aage par, pyaar ab bhi nahi tha usey.
Ek shaam, Ravi achanak Neha ko ek kamzor pal mein dekh leta hai, jisse dono ke beech ek ajeeb si bechaini phel jaati hai. Woh turant peeche hat jata hai, apni he feelings se pareshaan, jabki Neha sharmindagi aur bechaini mehsoos karti hai.
Us raat, Neha apne emotions Ravi ke saamne rakhti hai. Ravi bina kisi judgment ke uski baat sunta hai aur usse kehta hai ki woh bedroom use kare, jabki woh sofa par soyega. Uske liye comfort aur space zaroori hai, yeh kehkar woh Neha ko apna khud ka space dena chahta hai jaha wo jab chahe apne pleasure ko bindaas jee sake.
Din beet gaye aur, Neha apne past ke dukh aur Ravi ke saath apne naye rishte ko lekar jo uljhan mehsoos karti thi, uske baare mey baat karti hai. Ravi uski baat ko pura dhyan se sunta hai aur use yeh samjhata hai ki pyaar zabardasti nahi hota. Aur... woh uska dost banke uska saath dene ka wada karta hai.
Dheere-dheere, Neha aur Ravi ke beech ek naye tareeke ka rishta banne lagta hai. Woh dono naye tareeke se apni jhooti shaadi ko ek sach banane ki koshish karte hain. Ravi uski khud ke liye mehsoos hone waali bechaini aur dukh ko samajhne lagta hai aur Neha bhi yeh mehsoos karne lagti hai ki shayad uske andar emotions mehsoos karne ki taqat ab bhi baaki hai.
Neha apni sabse badi darr - dobara pyaar na mehsoos kar paane ka dar, Ravi ke saamne rakhti hai. Ravi use yeh yakin dilata hai ki woh tuti nahi hai. Uska kehna tha ki shayad naye experiences se woh khud ko wapas mehsoos karna shuru kare.
Uske dukh aur tanhaayi se ladne ke liye, Ravi ek ajeeb par dilchasp tareeka batata hai - ek naye imagination ke safar par chalne ka. Ek fantasy jisme woh apne jazbaat explore kar sake, bina kisi guilt ke.
Dheere-dheere, Neha is naye tareeke ka hissa banne lagti hai. Ravi ki awaaz uska haath thamti hai, uska dil bechain hota hai, lekin saath he saath ek ajeeb si tasalli bhi mehsoos hoti hai. Fantasy aur reality ke beech ki lakeer dhundhli hone lagti hai.
Ravi Neha ko yeh samjhata hai ki jo woh mehsoos kar rahi hai, woh galat nahi hai. Uska dil chahe kitna bhi toda gaya ho, woh ab bhi ek zinda dil insaan hai, ek aurat jo pyaar aur chaahat mehsoos kar sakti hai.
Din beette gaye, par Ravi apne had mey he raha kabhi wo boundry cross nahi ki jaisa ki wada kiya tha. Woh pyaar karta tha, lekin usne decide kiya ki woh Neha ka trust nahi todhega. Woh chahta tha ki jab bhi kuch hoga, woh dono ki marzi se hoga.
Par kismat ka khel kaho ya destiny...
Ek subah, jab Ravi office gaya hota hai, Neha apne din ki shuruaat ek naye ehsaas ke saath karti hai. Uske mann mey ek sawaal uthta hai - kya sach mey Ravi itna acha insaan hai? Kya woh sach much uski feelings ke liye itna samvedansheel hai ya koi raaz chhupa raha hai? Kya Sach mey itna acha insaan ho sakta hai ya fir se main bewakoof ban rahi hoon?
Jaise-jaise din dhalta gaya, Neha ki curiosity aur badhti gayi, jaise jungle mein bhadakti aag.
Dusre din, jab Ravi kaam par chala gaya, toh uske mann mey ek ajeeb si kashish mehsoos hui. Jaise koi anjaan taqat use kheench rahi ho. Uski nazar Ravi ke computer desk par gayi - wahin jahan usey aksar Ravi khoya-khoya milta tha.
Uski saaf-suthri, systematically arranged cheezein Neha ke andar ke hamesha wale tufaan se bilkul alag thi. Par aaj, us tufaan ke beech ek ajeeb si shaanti thi, ek tension thi jo use andar he andar bechain kar rahi thi.
Tabhi uski nazar ek chhoti si drawer par gayi - jispar usne kabhi dhyaan nahi diya tha. Uska dil zor se dhadakne laga, jaise koi raaz uske samne khulne wala ho. Dheere se, kaanpte haathon se usne drawer khola...
Aur ek pal mey, uski saansein atak gayi.
Drawer ke andar ek naya jahaan basa tha - ek pyaar ka jahaan jo kabhi shabdon mey bayaan nahi ho paya. Darjano love letters aur notes, har ek mey Ravi ki unkahee feelings likhi thi... woh feelings jo usne kabhi naa jatai aur naahi toh bataai..., sirf mehsoos ki akele.
Ek halka sa gulaabon ki khushbu wala hawa ka jhonka aaya, aur usne dekha - ek bouquet... sukhe hue gulaab ke patte... jo kabhi naye the, fresh the. Jaise woh pal.... jo Ravi, Neha ko dena chahta tha, par kabhi dene ki himmat nahi kar paaya.
Har ek chitthi ek kahani thi... har ek lafz ek sacrifice ka saboot tha. Aur Neha ki aankhon se ek aansu tapak pada. Ye pyaar hamesha uske saamne tha, par usne kabhi mehsoos he nahi kiya.
Neha ne dheere-dheere letters padna shuru kiya. Har shabd ke saath uska dil aur tez dhadakne laga. Ravi use hamesha se chahta tha. Uske har lafz mey ek aisi mohabbat chhupi thi jo sirf ek taraf se thi, bina kisi shart ke, bina kisi demand ke.
Par Neha? inn sab se bilkul bekhabar thi hamesha...
Uske dimaag mey wo saare moments flash hone lage jab usne Ravi ko hurt kiya tha. Uski flings, uski careless attitude, uska Ravi ki feelings ko bas mazak samajhna...
Ek tez dard uske dil mey chubh gaya. Usne Ravi ko sirf dukh diya tha.
Neha ki aankhein badhti gayi, har chitthi ke shabdon mey wo dukh mehsoos kar rahi thi jo Ravi kabhi keh nahi paaya.
"Ravi," usne dheere se kaha, uski awaaz kaanp rahi thi.
Uska mann bhar aaya. Ravi ki mohabbat itni gehri thi, itni sacchi thi, aur usne kabhi use ek pal ke liye bhi deserve nahi kiya.
Usne Vikrant ko choose kiya, us insaan ko jo bas ek thrill tha. Aur Ravi?
Woh ek asal mohabbat thi... jo use samajhne mey bohot der ho gayi thi.
Neha ne gulaab ke patton ko apni ungliyon se sehlaaya. Woh har ek patta, ek adhura pal tha. Ravi ke dil ki ek yaad thi.
Usne ek letter apne seene se laga liya, uske shabd uske andar bas rahe the.
"Mujhe nahi pata tha," usne halki awaaz mein kaha, apne he soch se guzar rahi thi.
Usne gulab ko dheere se rakh diya, aur bed par baith gayi. Letter ko apne dil se lagaya, jaise Ravi ki mohabbat mehsoos karna chahti ho.
Ek gehri saans li, aur ek pal ke liye sab kuch ruk gaya.
"I love you, Ravi," usne halka sa kaha, jaise uski awaaz hawaon mein kho rahi ho.
Aur isi ke saath ek ajeeb si kahani apne anjaam tak pahunchti hai. Ek kahani jo shuru hui thi ek tanhaayi, dukh aur dhokha se, woh khatam hoti hai pyaar ke ehsaas par. Woh pyaar jo dheere-dheere apni jagah banata hai, bina kisi shabd ke, sirf wafadari aur ehsaas ke madhyam se.
Aur jaise har sacche pyaar ki kahani hoti hai, yeh bhi ussi tareeke se khatam hoti hai...
pyaar ki jeet ke saath.
Aur shayad, pyaar ka asli matlab bas itna hi hai—sacrifice bina kisi umeed ke.
THE END... YA EK NAYA SHURUWAAT?
Negatives: Ravi aur Neha ke rishte me Jaan daalne me kami jo ki kahani ka mahatva purn hissa hai.
Suggestion: Neha ne Ravi ko pahle kyu nahi chhuna aur Neha jaisi ladki se Ravi kyu pyar karta hai, in do mahtvpurn sawalo par aur achhe se dhyan dene ki jarurat thi.
Overall, ek cheesy Romance ke taur par ek baar padh sakte hai.
Last edited:
Is baat me pahle bhi sandeh nahi tha ki Adirshi ek ache writer hain, qur prem vishay per unki pakad badhiya hai, jaisa ki unki kahaniyo me aksar dekha jata hi hai, usi tarah is kahani me bhi aadi bhaiya ne koi kasar na chhodi hai,
