- 243
- 1,488
- 123
Thriller AV.... UNLOCK THE MYSTERY
- Thread starterRocky Dsouza
- Start date
- 72,235
You are using an out of date browser. It may not display this or other websites correctly.
You should upgrade or use an alternative browser.
You should upgrade or use an alternative browser.
- Status
- Not open for further replies.
Lovekillsyou
Active Member
- 653
- 2,720
- 124
Bhadiya update tha bro. Ye bhai bahan ki nok jok bahut pyari lag rahi h khas kar tab jab Mahi wala scene aaya tha.
“ WHO IS AV??? ”RECAP :- AB TAK AAPNE PADHA KI AV KO SAARA SACH NISHANT KE ZARIYE PATA CHAL JAATA HAI. SAATH HI YE BHI KI BOSS USKA SAUTELA CHACHA ARMAAN HAI. WAHIN AV EK LADKI SE MILTA HAI JOKI USKI JUDWAA BEHAN SHRUTI HAI.
AB AAGE :-
LOCATION :- KADAMB VILLA (DWARKA , DELHI)
YE TUMHARI JUDWAA BEHEN HAI, SHRUTI…..
Yahi the wo NISHANT Ji ke shabd jinhe sun ne ke baad AV hang ho gaya. Ek pal ko to uske kadam peechhe ki taraf ladkhada gaye.
Wo awaak sa kabhi SHRUTI ki taraf dekhta to kabhi NISHANT Ji ki taraf. 5 saal se anaathon ki tarah akele zindagi guzaarne waale shakhs ke saamne ek hi din mein itne rishte ubharkar aa jaayen to aesi haalat hona laazmi hai. Aur oopar se judwaa behen, iss baat ki usse katayi umeed nahi thi.
Kuchh pal lage usse normal hone mein par fir usne SHRUTI ki taraf dekha jiski aankhon mein aansoon the par chehre par aseem khushi jhalak rahi thi. AV ke kadam swayam hi uski taraf badh gaye. AV ne apna kaanpta hua haath uske chehre par rakh diya aur agle hi pal usse apne gale se laga liya. SHRUTI ki tezz rulai foot padi. Aur wo waise hi khadi huyi subakne lagi.
Tabhi SHRUTI ke muh se wo shabd nikla jisse sun ne ke liye AV ke kaan taras gaye the,
SHRUTI – Bhai…...
Aur ye sunkar AV ki pakad uspar aur bhi mazboot ho gayi,
Wahin in dono ko dekh kar baaki teeno ki bhi aankhen nam thi. Idhar AV ki khushi ka to thikaana nahi tha. Aakhir ab wo akela nahi rehne waala tha.
NISHANT – Bass beta ab chup ho jaao. Dekho wo ab aa gaya hai na.
Kaafi der baad SHRUTI shaant huyi. Aur wo dono alag huye. Par abhi bhi dono ek doosre ki taraf hi dekhe jaa rahe the. Sab wahin baith gaye aur ye dono saath mein hi baithe the. AV ne NISHANT Ji ki taraf dekhte huye poochha,
AV – Kya ye sab jaanti hai?
NISHANT – Haan jab maine TV par DEVEN ki maut ki khabar dekhi tab kahin na kahin mujhe laga hi tha ki wo tumne hi kiya hoga. Aur tum jaldi hi yahaan aaoge. Isiliye maine isse sab kuchh bata diya tha.
Haalanki AV ki khushi ka koyi thikaana nahi tha, aaj usse apni behen jo mil gayi thi, par saath hi ab uske man mein ek dar bhi tha, ki kahin ARMAAN ke khilaaf jaakar wo SHRUTI ko khatre mein naa daal de. Abhi wo soch hi raha tha ki aage kya karna hai,
NISHANT – VEER ab aage kya karna hai?
AV – Maine socha nahi hai par filhaal to mujhe …..
Fir AV JAIDEV & SANJANA ki Beti ke baare mein aur saath hi DEVEN ke khulaase ke baare mein batata hai aur wo sab bhi agree ho jaate hain iske liye.
AV – Ab aap sab mere saath JAIPUR chal rahen hain.
Iss baat par wo sab chaunk gaye, Haalanki SHRUTI ki khushi dekhne laayak thi,
NISHANT – Lekin beta aise achanak, aur in dono ki padhayi.
AV – Bahane mat banaiye Mamaji, Didi (DRISHTI) ki graduation ho chuki to inki koi problem nahi hai aur SHRUTI ki admission wahin ho jaayegi.
NISHANT – Lekin beta iska board year hai aise admission kaise hoga?
AV – Maine kaha naa ho jaayega, bharosa rakhiye. Aur ab main aur kuchh nahi sun ne waala. Aapko meri baat maan ni padegi.
Ab unke paas bhi kehne ke liye kuchh nahi bacha tha isiliye unhe bhi maan na pada.
Idhar SHRUTI aur AV ek doosre se dheron baaten karna chahte the aur NISHANT Ji bhi ye samajh rahe the.
NISHANT – Tum dono kahin baahar ghum aayo.
Wo dono bhi khushi khushi maan gaye aur chal diye baahar hi khadi ek Scooty liye.
Wahin JAIPUR mein DEVA Ne bhi apne aadmiyon ko Doctor Madam ki khojbeen karne ke liye keh diya tha. Wo bas aasha kar raha tha ki wo RAJASTHAN mein hi ho warna usse dhoondna kaafi mushkil hone waala tha. Filhaal to DEVA ne apna kaam kar hi diya tha.
LOCATION :- UNKNOWN PLACE (MUMBAI)
Ek badi si hall numa jagah. Jismein beech mein ek Raja ki gaddi ke jaisi kursi rakhi huyi hai. Us Hall mein chaaron taraf suit boot mein khade hain kayi aadmi. Aur wahin kursi ke saamne do aadmiyon ko ghutnon par bithaaye unke sar ke oopar do aadmi khade hain. Tabhi,
*Thud* …. *Thud* …. *Thud* ..
Ye awaaz thi kisi ke kadmon ki. Ek vyakti jisne pairon mein Amedeo Testoni ke Smooth Leather Boots jinki keemat lakh rupay ke aas paas hogi pehne huye the. Cigar colour ke ye boots apni chamak wahaan bikher rahe the.
Oopar aayen to Royal Green colour ka suit aur uske neeche white colour ki shirt pehni huyi thi. Baayen haath ki kalaayi par Omega brand ki watch.
Daayen haath mein do sone ki angoothiyan jismein heere bhi jade huye the. Aur ussi haath ki ungliyon mein pakdi huyi thi ek mehengi Cigar jiske kash lagate huye wo uss Hall roopi jagah mein aa raha tha.
Jaise jaise iske kadmon ki aawaz badh rahi thi waise hi un dono ghutnon par maujood aadmiyon ki dil ki dhadkan bhi badhti jaa rahi thi.
Wo aage chalta hua un dono ki taraf ek sarsari nigaah maarta hua apni kursi par jaakar baith gaya aur un dono ko ghoorne laga.
AADMI – JAGATH, Te sahmat hote ka?
( Kya ye dono Maane )
Ye swaal kiya usne marathi mein wahin khade ek hatte katte 6 feet se oopar ke aadmi (JAGATH) se. Jiske maathe par paseene ki boonden aur aankhon mein dar saaf dikh raha tha.
JAGATH – Na .. Na .. Nahi Maalik. Nahi Maane.
Hahahaha…..
JAGATH ki baat sunkar wo aadmi zor se hasne lagta hai. Aur uski raakshasi hasi sunkar un dono ghutnon par baithe aadmiyon ki pant geeli hone lagi thi.
Fir oopar ki aur dekhte huye wo aadmi bolta hai,
AADMI – Kyun karwaate ho bhagwaan ye sab paap mujh nadaan ke haathon. Ab dekho maine kitne aaram se in dono ko kaha ki kaagazon par sign kar den par nahi hame to Imaandaari ka medal chahiye.
Fir ek nazar JAGATH ko dekhte huye,
AADMI – Dekh kya raha hai, Medal de in dono ko aakhir Imaandari ki race jeetke aayen hain.
JAGATH – J .. Ji Maalik.
Aur fir JAGATH ne aage badhkar un dono aadmiyon ko goli maar di.
Wo aadmi utha air un dono lashon ki paas aakar bola,
AADMI –
ARMAAN SE DOSTI MATLAB ZINDAGI KO KHATRA….
AUR ARMAAN SE DUSHMANI MATLAB MAUT KA KHATRA….
Bhagwaan tum dono ki aatma ko shaanti de…
Hahahahaha….
Aur itna kehkar wo wahaan se nikal gaya. Aur peechhe chhod gaya dar se kaanpte JAGATH & Party ko.
LOCATION :- GARDEN ( DWARKA )
Abhi yahaan par AV aur SHRUTI ek bench par baithe ek doosre ko apne jeewan se judi ab tak ki kahani suna rahe the.
SHRUTI kaafi dukhi thi jab AV ne usse apne baare mein sab bataya. Kyonki wo pichhle 5 saalon se akela tha par SHRUTI ke paas to ek behan thi, uske Mama Mami the jinhe wo kuchh samay pehle tak apne Maa Baap hi samajhti thi.
SHRUTI – Bhai matlab tum itne time akele rahe?
AV – Haan ghar par to akela rehta tha par waise friends the school mein aur baahar bhi.
SHRUTI – Ab aage kya karoge?
AV – Abhi to maine kuchh socha nahi hai par kya hume unse ladna chahiye. Main nahi chahta ki main ab tumhe kho doon.
SHRUTI ( uska haath thamte hue ) – Tum mujhe apni kamzori mat samjho. Usne Maa Papa ko maara tha , aur bhi pata nahi kitne hi logon ko chot pahunchayi hogi. Usse saza dena zaroori hai.
AV – Ab mere liye kuchh bhi tumse zyada zaroori nahi hai. Main tumhe risk nahi kar sakta.
SHRUTI – Tum samajhte kyun nahi ho. Main nahi chahti ki mere wajah se ye sab ho. Tumhe meri baat maan ni padegi.
AV – Thik hai par tumhe bhi ek baat maan ni padegi. Jab tak ki wo hamari zindagi se chala nahi jaata. Kisi ko bhi pata nahi chalna chahiye ki ham sage bhai behen hain. Sabko ham yahi kahenge ki tum Mamaji ki hi beti ho.
SHRUTI – Par… Thik hai mujhe manzoor hai.
Fir kuchh der tak baatein karne ke baad ye dono waapas ghar aa gaye.
Baat ki jaaye JAIPUR ki to DEVA ka kaam chaalu hi hai.
Idhar MAHI AV ko lekar chintit thi. Pichhle dino jo kuchh bhi hua uss kaaran wo kaafi dari huyi thi. Aur AV ke bina uska man bhi nahi lag raha tha. Isiliye wo wahaan AV ke Jungle waale ghar par chali gayi thi kuchh samay bitaane.
LOCATION :- PANDEY NIWAS (DELHI)
Yahaan par maujood hain DCP Saahab jo airport par AV ko dekhne ke baad se hi chintit hain, aur abhi kisi ko phone kar rahen hain.
DCP – Suno ek kaam hai, JAIPUR jaana hoga iske liye.
Phone – Ji Sir kahiye.
DCP – Ek doctor ka naam aur paanch saal puraana pata bhej raha hun tumhe. Iske baare mein pata lagao ki filhaal ye kahaan hai.
Phone – Ji sir ho jaayega. Lekin urgent hai kya?
DCP – Haan jald se jald ye kaam karo. Aaj hi nikal jaao wahaan ke liye.
Phone – OK Sir.
Aur itna kehkar usne phone rakh diya. Idhar DCP saahab sofe par baithe apni hi sochon mein gum ho gaye.
NEXT DAY :-
So, agle din suabh se hi inhone packing chaalu kar di thi kyunki aaj ye log waapis JAIPUR jaa rahe the. AV ke Mami School Teacher hain to unjone resignation ka notice joki resign karne ke 15 din pehle Dena hota hai wo school mein de diya tha. Filhaal ke liye unhone school se leave le li thi.
Subah ke samay ki hi inki flight thi jo unhone sahi samay par board bhi kar li. Nirdharit samay ke baad ye JAIPUR pahunch chuke the. Aur fir wahaan se AV babu ke ghar.
Kuchh der aaram karne ke baad AV ne SHRUTI ko apne saath chalne ko kaha, aur wo bhi chal di.
LOCATION :- AV’s HOUSE (JUNGLE)
“Wow, This place is awesome!!!”
Ye pratikriya thi SHRUTI ki iss sthaan ko dekhne ke baad. Aur ho bhi kyun naa. Aap to jaante hi hain yahaan ki sundarta. Poori jagah ko achhe se checkout kar liya tha madam ne aur abhi aaram se jhoole par baithi thi. Aur iss jagah ke baare mein AV se poochh rahi thi.
AV – Maa ( SANJANA ) ne banwaya tha ye ghar, weekend par unke saath yahaan aata tha main.
SANJANA ko yaad karke AV ki awaaz dukh se bhar gayi thi. Aur ye dekh kar SHRUTI ne AV ko gale laga liya,
“ AV ”
Par tabhi in dono ke kaano mein ye awaaz padi jisse sunkar AV ki haalat patli ho gayi, Kyonki usne pehchaan liya tha uss awaaz ki maalkin ko, joki of course MAHI hi thi. Jab in dono ne peechhe palatkar dekha to AV ka to khoon sookh gaya. Kyonki MAHI Wahaan gusse mein laal huyi padi thi aur indono ko ghoor rahi thi.
Bechara AV to ye soch raha tha ki ab SHRUTI ko MAHI ke baare mein kya bataayega, Tabhi MAHI gusse se bhinbhinate hue uske paas pahunchi aur,
MAHI – Kaun hai ye ladki?
AV – MAHI wo.. ye.. wo..
MAHI – Ye wo kya laga rakha hai, tum DELHI mein ye karne gaye the. Ab bolte kyun nahi. Dhokebaaz, gande , jaao ab issi ke saath gale lago , baat mat karna mujhse. (SHRUTI ko dekhte hue) Aur tum, kaun ho tum aur himmat kaise huyi isse haath lagane ki, ye sirf mera hai.
Wo SHRUTI ki taraf badhne ko huyi par tabhi,
AV – Wo meri behen hai MAHI.
Aur ye sunkar MAHI to jadvath si ho gayi. Muh sil gaya aur aankhen badi ho gayi. Pehle to usse ye samajh nahi aaya ki AV ki behen kahaan se aayi aur agar ye sach mein uski behen hai to abhi jo pravachan usne diya tha uska kya jawaab degi,
MAHI – Tumhari behen???
Fir usne MAHI ko poori kahaani sunaayi aur idhar SHRUTI lagi huui thi do aur do ka chaar karne mein. Aur tabhi uske chehre par ek shaitaani smile aa gayi,
SHRUTI – Bhai ye ladki kaun hai? ( Ek teekhe andaaz mein)
AV – Friend hai , Casual Friend…
SHRUTI (Bholepan se ) – Fir isne ye kyun kaha ki tum sirf iske ho?
Ab iska kya hi jawaab deta wo, isiliye man mein ganit lagane laga iss situation se nipatne ka. Tabhi,
HAHAHAHA….
Ye hasne ki awaaz padi uske kaano mein joki ofcourse SHRUTI ki hi thi. AV ki murjhaayi huyi shakal dekh kar uski apne aap hi hasi nikal gayi thi. Idhar MAHI sharma rahi thi. Apni ki uss chhoti si chuhal baazi par.
SHRUTI – Lagta hai Mamaji ko batana padega ki unka ladka bada ho gaya hai aur ab iske haath peele kar dene chahiye.
AV ( chidhkar ) – Ab Mamaji kahaan se aa gaye beech mein. Aur haath peele ladkiyon ke hote hain.
SHRUTI ( haste huye ) –Aaram se , aaram se , gussa kiya na to ghar par bata doongi tum dono ke baare mein. Samjhe.
AV – Ae tu to meri pyaari behen hai naa. Bol kya chahiye tujhe par please ghar par mat batana.
SHRUTI – Ok , mera dil bahit bada hai par fir bhi thodi bahut rishwat to deni hi padegi. Kal mujhe shopping par lekar jaaoge aur baaki baad mein sochenge.
AV – OK. Hmppphhh…
Idhar AV MAHI ko ghoor raha tha aur wo bilkul hi masoom si shakal banaaye usse dekh rahi thi. Thodi der tak in teeno ki nok jhonk chali aur fir MAHI apne aur ye dono apne ghar ki taraf nikal gaye.
Idhar AV ne SUYASH ko phone kiya,
AV – Namaste Uncle.
SUYASH – Namastey beta. Kaise ho.
AV – Main thik hoon Uncle. Wo aapse ek kaam tha.
SUYASH – Haan bolo beta.
AV – Uncle ek baar ARYAN bata raha tha ki aapke ek dost hamare school ke trustee hain.
SUYASH – Haan sahi kaha. Hai to.
AV – Uncle wo iss saal board year hai. Aur kisi ka new admission karwaana hai school mein. Kya ho jaayega.
SUYASH – Ho to jaayega. Lekin karwaana kiska hai?
AV – Uncle wo ek baar Mom ne unke bhai yaani mere Mamaji ke baare mein bataya tha. Main unhe dhoondne ki koshish kar raha tha kaafi tike se aur ab unke baare mein pata chala hai. To unki beti yaani meri behen ka admission karwaana hai kyonki wo ab yahin shift ho rahen hain.
SUYASH – Ye to bahut khushi ki baat hai beta. Main apne dost se baat kar loonga. Tum school mein application form bhar dena. Aur aata hun main unse milne.
AV – OK Uncle. Thank you.
Bas aur kuchh khaas na hua iss din aur Suraj dhal gaya aur peechhe chhod gaya in sabko ek naye din ki umeed mein.
NEXT DAY :-
LOCATION :- DEVA’s HOUSE
To aaj subah hi DEVA ne AV ko phone karke yahaan bula liya tha kyonki usse pata chal chuka tha uss doctor AMRITA SINGH ke baare mein. ( Ab agar aap soch rahen hai ki maine bataya tha ke AV ke paas to phone nahi hai. To bhai girlfriend ban ne ki deri hai adivaasi aadmi bhi mobile aur data pack khareed leta hai.)
AV – Haan bolo DEVA jaldi mein kyon bulaya?
DEVA – Uss doctor ke baare mein pata chal gaya hai.
AV (khush hote huye) – Kya pata chala?
DEVA – 5 Saal pehle wo ussi hospital mein kaam karti jiska tumne naam liya tha. Par fir pata nahi achanak usse kya hua. Itni badiya paise waali naukri chhodkar yahaan se chali gayi apne pati aur bachhon ke saath. Aur doosre shehar mein chhota sa Clinic chala rahi hai ab.
AV (Mann mein) – To jaisa maine socha tha wahi baat hai. Zaroor ye doctor kuchh gadbad hai tabhi aise achanak se yahaan se bhaag gayi thi. Iss se milna padega. Par shayad seedhi tarah se sach nahi bataayegi ye.
AV – Kaunse shehar mein ?
DEVA – UDAIPUR…...
Aaj ke liye itna hi….
YOUR’S RD.
- 243
- 1,488
- 123
Thanks for the revo brother....Bhut hi khubsurat hai mitr...
Bhut sa sawal'n k jawab mil gay aur bhut sa naye b peda ho gaye....
Yani is sari khani ka main villain soutela chacha hai ...
AV apne mama mami , cousin aur judwa behan se to mil gya ...
Ab jaidev ki beti reh gayi dondhny wali...
Doctor mil jaye to vo masala b solve ho jaye....
Anyhow marvelous and fantastic update bro......
Issi tarah saath bane rahiye....
- 243
- 1,488
- 123
Maine dekha h, achi kahaniyo ka pahla update hamesha boring hi hota hain.
Maine dekha h, achi kahaniyo ka pahla update hamesha boring hi hota hain
Me bhi dekhna chahunga kya hota. Let's go
Bhai uska yahi andaaj to gajab hain kahani padne me maja ata h.
Haaye kya baat hain yarr maja aa gaya ye update padkar par ek cheej hain jo dimag ka bhosda kar deti hain aur voh koi comment do to niche hindimaja aur na jane kaha kaha ki chudai videos chalne lagti hain.
Pahli baat apni mom ka birthday sukha sukha jaane diya writer atleast hamko emotional hi kar dete.
Ye admi ko guru ji itna shaktishaali bana rahe hain lakin is mamle me ye tattoo hi raha. Saala har pyar karne waale ki pahli baar pyar ka izhaar karne me fatati hi hai
Haaye bhale hi kahani sahi par av is mamle lucky nikla saala ""jisko hamne chaha usne bhi hamko chaahi"" aisa hona haluwa nahi hain
Are re us kutte ne bas itna hi bola mujhe usne av ko koi bahut bada raaz bataya hai. Par nahi voh raaz janane ke liye to abhi apne av bhai ko aur mahnat karni h
Welcome to the thread brother...Kya baat hain yarr to ab next update kab de rahe ho yarr.
Aasha hai ki aap aage bhi yunhi saath bane rahenge....
Meanwhile thnx for mentioning the thread in your signature....
- 243
- 1,488
- 123
Thanks for the revo brother....Dukh ke din gayo re sukh ke din aayo re bhaiya. Veer ke rishtedaaron ki to line lag gayi hai. Chalo acchha hai akela na rahega ladka ab. To Armaan yaani Veer ka Sautela Chacha hi Boss hai....
Chaliye dekhte hain aage kya hota hai aur kaise badla lega Veer uss se .....
Awesome Update & Waiting for Next....
Saath bane Rahiye...
- 243
- 1,488
- 123
Waiting for next update Rocky Dsouza bhai....
Waiting for Update....
Kia bhool gaye apne viewers ko yara....
Mujhe nahi lagta ab ye xforum pe ayenge because ye last Monday ko hi online the aur inka last Monday morning ka hi h
Brother story bahut achhi hain kyu chale gaye ho
Waiting
Sham ho gyi bro
Waiting brother
Posted on Page No. 52....
Last edited:
Mast update bhai
“THE TRIP”“ ABBE YE BANDAR KI TARAH DAANT KYUN NIPOR RAHA HAI SUABH SE , KHUSH TO ESE HO RAHA HAI JAISE BILL GATES NE APNI PROPERTY TERE NAAM KAR DI HO. ”
Ye the ARYAN mahodaya jinhone apne hi Andaaz mein sawaal daga AV ki taraf jo aaj subah se kuchh jyaada hi khush lag rahe the. Par kal shaam tak to inko maut padi hui thi fir abhi itni prasannata kyun. Are nahi yaar MAHIRA ne propose na kiya hai inhe par haan baat unhi madam se judi hui hai. Kya Kya baat hai?? Ruko pehle is ARYAN ko bhaga dun fir chalte hai flashback mein.
AV – Ab kya khush hone ke liye bhi teri permission leni padegi aur wese bhi jaisi kutte ki tarah Teri shakal hai use dekhkar koi zyadaa der tak na reh sakta khushi se.
Ye tha AV mahashaya ka uttar jispar ARYAN ki shakal as above said by AV kutte ki tarah se badalkar mare hue kutte jaisi ho gayi and Man mein lambi – chodi aur bhari – bharkam galiyaan bakte hue nikal liye apne gantavya yaani khaane ki taraf.
(Haan yaar ye toh main bhul hi gaya. Itna to BHALLAL DEV KO DEVASENA KO KAID KARKE RAKHNA PASAND NA HOGA JITNA HAMARE ARYAN SIR KO THUSNA PASAND HAI. Wahiyaad example tha na, pata hai, mujhse aur kya umeed thi tumhe.)
Idhar AV bhau lag gaye kal raat ko yaad karne mein jo ki inke liye inke jeevan kaal ki sabse jyaada sundar raat thi.
FLASHBACK FROM LAST NIGHT :-
Koi Ladka Hotel ke garden mein bench par akela baitha hai aur aankhon mein nami liye aasmaan ki taraf dekh raha hai. Tabhi use apne piche se awaaz ati jaise koi uska naam pukar raha ho. Woh pichhe mudta hai to uski udaasi dharti se nikalkar sidhe Mangal grah par pahunch jaati hai aur dil garden-garden ho jaata hai. Kyunki piche khadi thi is ladke ke sapno ki raani – HEMA MALINI, abe chup, MAHIRA madam. Haan toh aap log samajh hi gaye honge ki ye lounda aur koi nahi apna AV hai. To samjho hame kya ek dam halwa baat thi koi Rocket Science to thi na ki is baat ke liye tumhe Guard Of Honour milega.
Jaise-jaise MAHIRA AV ke kareeb ati jaa rahi thi waise hi AV ka dil bagaawat pe utar aaya tha. Koi nahi bagaawat ki saja milegi barabar milegi.
Haan toh ab MAHIRA AV ke bilkul bagal mein baithi thi aur dono ek-tak ek dusre ki aankhon mein dekh rahe the. Ab AV to jaanta tha ki jyaada der MAHIRA ki aankhon mein dekhega to Sach bol dega (wahi I LOVE YOU waala). Isiliye convo start kardi In janab ne.
AV – MAHI tum yahaan is waqt , neend nahi aa rahi kya?
MAHI – Agar yahi sawaal main tumse poochoon to?
Ab AV bhai khamosh ho gaye aur fir se madam ki aankhon mein dekhne lage jaise dhund rahe hon ki wo yahaan kyun aayi hai. But wo koi Mind-Reader to hai nahi jo dimag padh lega to aankhon ki jagah muh ka istemaal karna better option laga bhaiya ji ko.
AV – Woh , woh main yahaan….
MAHI – Main jaanti hun tum bahut dukhi ho maine sun li thi MONK aur tumhaari baatein.
Yeh chaunke hamare hero sahab, aankhen phail gayi aur dimag sunn, soch rahe the ki MAHI ne box-vox and chaabi-seedhi sab sun liya but again bhole bahut hain bechare inhe kya pata madam pehle hi nikal gayi thi. Toh doubt clear karte hain inka,
AV – Tum, Tumne sab kuchh sun liya , tumhe aese kisi ki baat nahi sunni chahiye, tum us sab ke baare mein kisiko batana mat, please.
MAHI – Tum aese pareshaan kyun ho rahe ho. Maine sab to nahi suna , wo jab tum ro rahe the tab main chali gayi thi, tum batao na mujhe apne baare mein aur ye bhi ki tum MONK ko itne ache se kaise jaante ho.
AV ne ye sunne ke baad chain ki saans li par wo soch raha tha ki who MAHI ko kya bole par kuchh to bolna tha aur jhut bolna AV ke liye waisa hi tha jaise CHINESE samaan ka jyaada din chalna, bole to IMPOSSIBLE. Toh inhone socha ki na jhut na pura sach , hum bolenge Adha Sach.
AV – Rehne do MAHI, Ateet ko yaad karne se uske diye zakhm aur bhi gehre ho jaate hain.
MAHI – Par apna dukh baantne se who kam bhi ho jaata hai.
Ek pal MAHI ko dekhne ke baad,
AV (Ek Lambeeeee Saans Chhodne ke baad) – Mere Papa JAIDEV RATHORE army mein the. He was at the position of COMMANDING OFFICER of RAJPUTANA RIFLES. Wo ek sache desh-bhakt the. He was one of his kind, matlab desh ke liye wo kuchh bhi kar sakte the , kuchh bhi. (AB AGAR AAP SOCH RAHE HAIN KI MAINE INTRO MEIN KAHA THA KI AV APNE DAD SE NAFRAT KARTA HAI TO WO YAHAAN TAREEF KE PUL OR DAM KYUN BAANDH RAHA HAI TOH RUKO JARA SABAR KARO) But wo kabhi bhi ek acche papa nahi ban paaye. Mom unhe bahut maanti thi , he was like GOD for her but meri nazar mein wo shayad ek acche pati bhi nahi the. Meri Mom was everything for me, Aaj tak Tumhare aur ARYAN ke alawa maine kisiko dost nahi banaya, pata hai kyun, pehle jab Mom thi tab wo hi meri best-friend thi, tab doston ki zarurat nahi thi aur ab dost banane ki ichha nahi hai. Mom ke liye mujhse badhkar kuchh nahi tha, main shuru se padhayi mein tezz tha kyunki papa ghar par hote nahi the aur Mom ko ghar ke kaam wagerah se time kam milta tha, toh mein zyaada time ghar par rehta tha or books se hi baatein kiya karta tha. Bas ARYAN aur uske bhaiya RAGHAV ke saath khel leta tha kabhi-kabhi. Tab ham financially kaafi strong the kyunki Papa ki salary kafi acchhi thi, isiliye main Shuru se hi isi School mein tha. Aaj se 4 saal pehle 17 AUGUST, yahi tha meri zindagi ka sabse kaala din, jab meri Mom mujhe chhodkar chali gayi. Ek mahina pehle Papa ghar par the, wo off-duty the pure 7 mahine baad ghar loute the wo, but phir unhe call aayi ki JAMMU & KASHMIR mein tension ki wajah se unhe waapas jaana chahiye, wo chahte to mana kar sakte the, but unhone as always JAIDEV KI TARAH NA SOCHKAR COMMANDER JAIDEV KI TARAH SOCHA. Mom 8 months pregnant thi aur woh chale gaye apni duty karne kyunki unki nazar mein family duty naam ki koi cheez nahi hoti thi. Fir kucch din baad khabar aayi ki JAMMU mein ek Ambush mein woh aur unke 6 saathi shaheed ho gaye. Mom is khabar ko sunke toot chuki thi, mera dimag bhi kaam karna band kar chuka tha, haan unhone kabhi shayad mere Papa banne ki koshish hi nahi ki but main toh unka beta tha, main unse bahut pyaar karta tha and unki respect bhi karta tha. But aaj main unse sirf nafrat karta hoon , beintehaan Nafrat. Meri mom ka yeh khabar sunkar bura haal tha , fir thode din mein kisi tarah maine Mom ko sambhala Aur fir usi din 17 AUGUST Ko Mom ka pair fisal gaya and wo gir gayi, unki haalat kharab hona shuru ho gayi , raat ka time tha mujhe kuchh samajh nahi aa raha tha. Ghar mein Car , bike sab thi bas driver nahi tha. Maine sab logon se madad maangi magar kisi ne bhi nahi ki, fir maine ARYAN ke dad ko phone kiya aur who 30-40 minute baad car lekar aaye. Par who har ek pal jab main Mom ko takleef mein dekh raha tah mere man mein Papa ke liye nafrat bharti jaa rahi thi, ki agar unhone family ko chuna hota to aaj maa ko ham hospital le jaa paate. Fir ARYAN ke mom-dad aur main unhe Hospital lekar gaye. Par pata hai Doctor ne Operation Theatre se baahar nikalkar kya kaha – “ I’M SORRY HAM AAPKI MOM KO NAHI BACHA SAKE, SHE’S NO MORE. AAPKI BEHAN BHI MRIT PAIDA HUI THI. KAASH AAP THODA JALDI INKO YAHAAN LE AATE TOH SHAYAD HAM UN DONO KO BACHA PATE ”. Mera sab kuchh khatam ho chuka tha , meri duniya , meri Mom mujhe chhod kar jaa chuki thi sirf us aadmi ki wajah se, agar wo us din naa jaate toh koi mahayudh nahi chhid jaana tha but agar unhone family ko chuna hota toh Aaj Mom aur meri behan dono zinda hote aur main bhi zinda hota.
Itna kehne ke baad AV chup ho gaya . Ye sab batate hue uski aankhon se lagatar aansoo beh rahe the. MAHI ki aankhen bhi nam thi, wo mehsus kar paa rahi thi ki AV kitna akela hai, aur uske aakhri shabd “MAIN BHI ZINDA HOTA” uske dimag mein hathode ki tarah baj rahe the. Woh samajh gayi thi ki AV saans to le raha hai par shayad Zinda nahi hai. Aur ye sach bhi tha wo to usi din mar gaya tha jis din uski Mom aur uski Behan use chhodkar gaye the. MAHI ne AV ki taraf dekha to wo dono haathon mein chehra chhupaaye aansoon baha raha tha. MAHI ne AV ke kandhe pe haath rakh use saantvana dene ki koshish ki. Agar kisi or din MAHI ne AV ko touch kiya hota na toh wo to pagla gaya hota but is situation mein use kuchh samajh na aa raha tha. Thodi der mein wo shaant hua aur usne bolna shuru kiya,
AV – MAHI tumne ek baar pucha tha na ki ANKITA ( AV aur MAHI ki classmate, Intro baad mein chipkaunga abhi scene mast chal raha hai, bas itna samajh lo har time AV se ladna iske liye saans lene se zyaada zaruri hai) jab bhi mujse ladti hai ya kucch ulta-sidha bolti hai to main use kuchh kyun nahi kehta.
MAHI ne excited hokar sar haan mein hilaya.
AV – Kyunki jab Mom pregnant thi tab maine socha tha ki agar mera koi bhai hoga toh uska naam main SAMAR rakhunga aur agar behan hogi to uska naam ANKITA.
MAHI AV ko dekhte hue uska dard mehsus kar rahi thi aur AV ki baat ko samajhne ki koshish kar rahi thi.
AV – Jab pehli baar ANKITA mujhse ladi thi na aur mujhe uska naam pata chala tha toh mujhe laga mujhe meri behen waapis mil gayi hai , isiliye main uski baaton ka bura nahi maanta.
MAHI feel kar rahi AV ka pyaar uski behan ke liye , jise shayad AV ne sirf ek baar hi dekha hoga who bhi mrit uske liye dil mein itna pyaar. MAHI ke liye ye sab kaafi tha samajhne ke liye ki AV baaki sab se kyun alag hai.
MAHI aur AV fir ek dusre ko hi dekh rahe the aur iss baar bhi chuppi todi AV ne,
AV – MAHI ab hume jaana chahiye subah fir jaldi bhi jaagna hai.
MAHI – Haan tum sahi keh rahe ho, aur ek baat yaad rakhna tumhe koi bhi problem ho na mujhe bataya karo chahe tumhari help na kar paun par apni takleef kisi na kisi ke saath share zarur karni chahiye.
Bas yahi thi wo baat jiske chalte present time mein AV Ji itne prasann the. Ek to pehli baar unhone MAHI se itni der tak baat ki upar se fir ye aakhiri shabd MAHI ke jo AV ke liye Amrit saabit hue aur wo apna dukh bhulakar Khushi ke sagar mein gote lagane laga.
Iske baad inhone ek Dusre ko Good Night kaha aur apne kamre ki taraf , I mean apne-apne kamre ki taraf chal pade. Par koi tha jo in dono ko baat karte hue apne room ki khidki se dekh raha tha, chahe inki baatein na suni hon but in dono ko itni der tak ek saath dekhkar uski shakal gaanv ki sadak jaisi ho gayi thi. Basically without a pattern, explain nahi kar sakte na guru itni gandi shakal jo bana li thi bhaisahab ne aur ye the apne
RAHULWA.
To dekhte hain agge kya hota hai. Mast update chhap diya bhai log. Baaki milte hain agle update mein, tab tak jo karna hai karo, mujhe kya.
(2039 WORDS)
Sauravb
Victory 💯
- 8,104
- 14,284
- 174
AV ko apni behen mil gaya.wo usko apne sath le aya hai ek sath padhne k liye.Mahi feels jealous to shurti ye ladkiyon wali jealousy hai.AV bhi doctor ka pata laga liya hai uska aage ka plan interesting hoga .amazing update Rocky bhai.
“ WHO IS AV??? ”RECAP :- AB TAK AAPNE PADHA KI AV KO SAARA SACH NISHANT KE ZARIYE PATA CHAL JAATA HAI. SAATH HI YE BHI KI BOSS USKA SAUTELA CHACHA ARMAAN HAI. WAHIN AV EK LADKI SE MILTA HAI JOKI USKI JUDWAA BEHAN SHRUTI HAI.
AB AAGE :-
LOCATION :- KADAMB VILLA (DWARKA , DELHI)
YE TUMHARI JUDWAA BEHEN HAI, SHRUTI…..
Yahi the wo NISHANT Ji ke shabd jinhe sun ne ke baad AV hang ho gaya. Ek pal ko to uske kadam peechhe ki taraf ladkhada gaye.
Wo awaak sa kabhi SHRUTI ki taraf dekhta to kabhi NISHANT Ji ki taraf. 5 saal se anaathon ki tarah akele zindagi guzaarne waale shakhs ke saamne ek hi din mein itne rishte ubharkar aa jaayen to aesi haalat hona laazmi hai. Aur oopar se judwaa behen, iss baat ki usse katayi umeed nahi thi.
Kuchh pal lage usse normal hone mein par fir usne SHRUTI ki taraf dekha jiski aankhon mein aansoon the par chehre par aseem khushi jhalak rahi thi. AV ke kadam swayam hi uski taraf badh gaye. AV ne apna kaanpta hua haath uske chehre par rakh diya aur agle hi pal usse apne gale se laga liya. SHRUTI ki tezz rulai foot padi. Aur wo waise hi khadi huyi subakne lagi.
Tabhi SHRUTI ke muh se wo shabd nikla jisse sun ne ke liye AV ke kaan taras gaye the,
SHRUTI – Bhai…...
Aur ye sunkar AV ki pakad uspar aur bhi mazboot ho gayi,
Wahin in dono ko dekh kar baaki teeno ki bhi aankhen nam thi. Idhar AV ki khushi ka to thikaana nahi tha. Aakhir ab wo akela nahi rehne waala tha.
NISHANT – Bass beta ab chup ho jaao. Dekho wo ab aa gaya hai na.
Kaafi der baad SHRUTI shaant huyi. Aur wo dono alag huye. Par abhi bhi dono ek doosre ki taraf hi dekhe jaa rahe the. Sab wahin baith gaye aur ye dono saath mein hi baithe the. AV ne NISHANT Ji ki taraf dekhte huye poochha,
AV – Kya ye sab jaanti hai?
NISHANT – Haan jab maine TV par DEVEN ki maut ki khabar dekhi tab kahin na kahin mujhe laga hi tha ki wo tumne hi kiya hoga. Aur tum jaldi hi yahaan aaoge. Isiliye maine isse sab kuchh bata diya tha.
Haalanki AV ki khushi ka koyi thikaana nahi tha, aaj usse apni behen jo mil gayi thi, par saath hi ab uske man mein ek dar bhi tha, ki kahin ARMAAN ke khilaaf jaakar wo SHRUTI ko khatre mein naa daal de. Abhi wo soch hi raha tha ki aage kya karna hai,
NISHANT – VEER ab aage kya karna hai?
AV – Maine socha nahi hai par filhaal to mujhe …..
Fir AV JAIDEV & SANJANA ki Beti ke baare mein aur saath hi DEVEN ke khulaase ke baare mein batata hai aur wo sab bhi agree ho jaate hain iske liye.
AV – Ab aap sab mere saath JAIPUR chal rahen hain.
Iss baat par wo sab chaunk gaye, Haalanki SHRUTI ki khushi dekhne laayak thi,
NISHANT – Lekin beta aise achanak, aur in dono ki padhayi.
AV – Bahane mat banaiye Mamaji, Didi (DRISHTI) ki graduation ho chuki to inki koi problem nahi hai aur SHRUTI ki admission wahin ho jaayegi.
NISHANT – Lekin beta iska board year hai aise admission kaise hoga?
AV – Maine kaha naa ho jaayega, bharosa rakhiye. Aur ab main aur kuchh nahi sun ne waala. Aapko meri baat maan ni padegi.
Ab unke paas bhi kehne ke liye kuchh nahi bacha tha isiliye unhe bhi maan na pada.
Idhar SHRUTI aur AV ek doosre se dheron baaten karna chahte the aur NISHANT Ji bhi ye samajh rahe the.
NISHANT – Tum dono kahin baahar ghum aayo.
Wo dono bhi khushi khushi maan gaye aur chal diye baahar hi khadi ek Scooty liye.
Wahin JAIPUR mein DEVA Ne bhi apne aadmiyon ko Doctor Madam ki khojbeen karne ke liye keh diya tha. Wo bas aasha kar raha tha ki wo RAJASTHAN mein hi ho warna usse dhoondna kaafi mushkil hone waala tha. Filhaal to DEVA ne apna kaam kar hi diya tha.
LOCATION :- UNKNOWN PLACE (MUMBAI)
Ek badi si hall numa jagah. Jismein beech mein ek Raja ki gaddi ke jaisi kursi rakhi huyi hai. Us Hall mein chaaron taraf suit boot mein khade hain kayi aadmi. Aur wahin kursi ke saamne do aadmiyon ko ghutnon par bithaaye unke sar ke oopar do aadmi khade hain. Tabhi,
*Thud* …. *Thud* …. *Thud* ..
Ye awaaz thi kisi ke kadmon ki. Ek vyakti jisne pairon mein Amedeo Testoni ke Smooth Leather Boots jinki keemat lakh rupay ke aas paas hogi pehne huye the. Cigar colour ke ye boots apni chamak wahaan bikher rahe the.
Oopar aayen to Royal Green colour ka suit aur uske neeche white colour ki shirt pehni huyi thi. Baayen haath ki kalaayi par Omega brand ki watch.
Daayen haath mein do sone ki angoothiyan jismein heere bhi jade huye the. Aur ussi haath ki ungliyon mein pakdi huyi thi ek mehengi Cigar jiske kash lagate huye wo uss Hall roopi jagah mein aa raha tha.
Jaise jaise iske kadmon ki aawaz badh rahi thi waise hi un dono ghutnon par maujood aadmiyon ki dil ki dhadkan bhi badhti jaa rahi thi.
Wo aage chalta hua un dono ki taraf ek sarsari nigaah maarta hua apni kursi par jaakar baith gaya aur un dono ko ghoorne laga.
AADMI – JAGATH, Te sahmat hote ka?
( Kya ye dono Maane )
Ye swaal kiya usne marathi mein wahin khade ek hatte katte 6 feet se oopar ke aadmi (JAGATH) se. Jiske maathe par paseene ki boonden aur aankhon mein dar saaf dikh raha tha.
JAGATH – Na .. Na .. Nahi Maalik. Nahi Maane.
Hahahaha…..
JAGATH ki baat sunkar wo aadmi zor se hasne lagta hai. Aur uski raakshasi hasi sunkar un dono ghutnon par baithe aadmiyon ki pant geeli hone lagi thi.
Fir oopar ki aur dekhte huye wo aadmi bolta hai,
AADMI – Kyun karwaate ho bhagwaan ye sab paap mujh nadaan ke haathon. Ab dekho maine kitne aaram se in dono ko kaha ki kaagazon par sign kar den par nahi hame to Imaandaari ka medal chahiye.
Fir ek nazar JAGATH ko dekhte huye,
AADMI – Dekh kya raha hai, Medal de in dono ko aakhir Imaandari ki race jeetke aayen hain.
JAGATH – J .. Ji Maalik.
Aur fir JAGATH ne aage badhkar un dono aadmiyon ko goli maar di.
Wo aadmi utha air un dono lashon ki paas aakar bola,
AADMI –
ARMAAN SE DOSTI MATLAB ZINDAGI KO KHATRA….
AUR ARMAAN SE DUSHMANI MATLAB MAUT KA KHATRA….
Bhagwaan tum dono ki aatma ko shaanti de…
Hahahahaha….
Aur itna kehkar wo wahaan se nikal gaya. Aur peechhe chhod gaya dar se kaanpte JAGATH & Party ko.
LOCATION :- GARDEN ( DWARKA )
Abhi yahaan par AV aur SHRUTI ek bench par baithe ek doosre ko apne jeewan se judi ab tak ki kahani suna rahe the.
SHRUTI kaafi dukhi thi jab AV ne usse apne baare mein sab bataya. Kyonki wo pichhle 5 saalon se akela tha par SHRUTI ke paas to ek behan thi, uske Mama Mami the jinhe wo kuchh samay pehle tak apne Maa Baap hi samajhti thi.
SHRUTI – Bhai matlab tum itne time akele rahe?
AV – Haan ghar par to akela rehta tha par waise friends the school mein aur baahar bhi.
SHRUTI – Ab aage kya karoge?
AV – Abhi to maine kuchh socha nahi hai par kya hume unse ladna chahiye. Main nahi chahta ki main ab tumhe kho doon.
SHRUTI ( uska haath thamte hue ) – Tum mujhe apni kamzori mat samjho. Usne Maa Papa ko maara tha , aur bhi pata nahi kitne hi logon ko chot pahunchayi hogi. Usse saza dena zaroori hai.
AV – Ab mere liye kuchh bhi tumse zyada zaroori nahi hai. Main tumhe risk nahi kar sakta.
SHRUTI – Tum samajhte kyun nahi ho. Main nahi chahti ki mere wajah se ye sab ho. Tumhe meri baat maan ni padegi.
AV – Thik hai par tumhe bhi ek baat maan ni padegi. Jab tak ki wo hamari zindagi se chala nahi jaata. Kisi ko bhi pata nahi chalna chahiye ki ham sage bhai behen hain. Sabko ham yahi kahenge ki tum Mamaji ki hi beti ho.
SHRUTI – Par… Thik hai mujhe manzoor hai.
Fir kuchh der tak baatein karne ke baad ye dono waapas ghar aa gaye.
Baat ki jaaye JAIPUR ki to DEVA ka kaam chaalu hi hai.
Idhar MAHI AV ko lekar chintit thi. Pichhle dino jo kuchh bhi hua uss kaaran wo kaafi dari huyi thi. Aur AV ke bina uska man bhi nahi lag raha tha. Isiliye wo wahaan AV ke Jungle waale ghar par chali gayi thi kuchh samay bitaane.
LOCATION :- PANDEY NIWAS (DELHI)
Yahaan par maujood hain DCP Saahab jo airport par AV ko dekhne ke baad se hi chintit hain, aur abhi kisi ko phone kar rahen hain.
DCP – Suno ek kaam hai, JAIPUR jaana hoga iske liye.
Phone – Ji Sir kahiye.
DCP – Ek doctor ka naam aur paanch saal puraana pata bhej raha hun tumhe. Iske baare mein pata lagao ki filhaal ye kahaan hai.
Phone – Ji sir ho jaayega. Lekin urgent hai kya?
DCP – Haan jald se jald ye kaam karo. Aaj hi nikal jaao wahaan ke liye.
Phone – OK Sir.
Aur itna kehkar usne phone rakh diya. Idhar DCP saahab sofe par baithe apni hi sochon mein gum ho gaye.
NEXT DAY :-
So, agle din suabh se hi inhone packing chaalu kar di thi kyunki aaj ye log waapis JAIPUR jaa rahe the. AV ke Mami School Teacher hain to unjone resignation ka notice joki resign karne ke 15 din pehle Dena hota hai wo school mein de diya tha. Filhaal ke liye unhone school se leave le li thi.
Subah ke samay ki hi inki flight thi jo unhone sahi samay par board bhi kar li. Nirdharit samay ke baad ye JAIPUR pahunch chuke the. Aur fir wahaan se AV babu ke ghar.
Kuchh der aaram karne ke baad AV ne SHRUTI ko apne saath chalne ko kaha, aur wo bhi chal di.
LOCATION :- AV’s HOUSE (JUNGLE)
“Wow, This place is awesome!!!”
Ye pratikriya thi SHRUTI ki iss sthaan ko dekhne ke baad. Aur ho bhi kyun naa. Aap to jaante hi hain yahaan ki sundarta. Poori jagah ko achhe se checkout kar liya tha madam ne aur abhi aaram se jhoole par baithi thi. Aur iss jagah ke baare mein AV se poochh rahi thi.
AV – Maa ( SANJANA ) ne banwaya tha ye ghar, weekend par unke saath yahaan aata tha main.
SANJANA ko yaad karke AV ki awaaz dukh se bhar gayi thi. Aur ye dekh kar SHRUTI ne AV ko gale laga liya,
“ AV ”
Par tabhi in dono ke kaano mein ye awaaz padi jisse sunkar AV ki haalat patli ho gayi, Kyonki usne pehchaan liya tha uss awaaz ki maalkin ko, joki of course MAHI hi thi. Jab in dono ne peechhe palatkar dekha to AV ka to khoon sookh gaya. Kyonki MAHI Wahaan gusse mein laal huyi padi thi aur indono ko ghoor rahi thi.
Bechara AV to ye soch raha tha ki ab SHRUTI ko MAHI ke baare mein kya bataayega, Tabhi MAHI gusse se bhinbhinate hue uske paas pahunchi aur,
MAHI – Kaun hai ye ladki?
AV – MAHI wo.. ye.. wo..
MAHI – Ye wo kya laga rakha hai, tum DELHI mein ye karne gaye the. Ab bolte kyun nahi. Dhokebaaz, gande , jaao ab issi ke saath gale lago , baat mat karna mujhse. (SHRUTI ko dekhte hue) Aur tum, kaun ho tum aur himmat kaise huyi isse haath lagane ki, ye sirf mera hai.
Wo SHRUTI ki taraf badhne ko huyi par tabhi,
AV – Wo meri behen hai MAHI.
Aur ye sunkar MAHI to jadvath si ho gayi. Muh sil gaya aur aankhen badi ho gayi. Pehle to usse ye samajh nahi aaya ki AV ki behen kahaan se aayi aur agar ye sach mein uski behen hai to abhi jo pravachan usne diya tha uska kya jawaab degi,
MAHI – Tumhari behen???
Fir usne MAHI ko poori kahaani sunaayi aur idhar SHRUTI lagi huui thi do aur do ka chaar karne mein. Aur tabhi uske chehre par ek shaitaani smile aa gayi,
SHRUTI – Bhai ye ladki kaun hai? ( Ek teekhe andaaz mein)
AV – Friend hai , Casual Friend…
SHRUTI (Bholepan se ) – Fir isne ye kyun kaha ki tum sirf iske ho?
Ab iska kya hi jawaab deta wo, isiliye man mein ganit lagane laga iss situation se nipatne ka. Tabhi,
HAHAHAHA….
Ye hasne ki awaaz padi uske kaano mein joki ofcourse SHRUTI ki hi thi. AV ki murjhaayi huyi shakal dekh kar uski apne aap hi hasi nikal gayi thi. Idhar MAHI sharma rahi thi. Apni ki uss chhoti si chuhal baazi par.
SHRUTI – Lagta hai Mamaji ko batana padega ki unka ladka bada ho gaya hai aur ab iske haath peele kar dene chahiye.
AV ( chidhkar ) – Ab Mamaji kahaan se aa gaye beech mein. Aur haath peele ladkiyon ke hote hain.
SHRUTI ( haste huye ) –Aaram se , aaram se , gussa kiya na to ghar par bata doongi tum dono ke baare mein. Samjhe.
AV – Ae tu to meri pyaari behen hai naa. Bol kya chahiye tujhe par please ghar par mat batana.
SHRUTI – Ok , mera dil bahit bada hai par fir bhi thodi bahut rishwat to deni hi padegi. Kal mujhe shopping par lekar jaaoge aur baaki baad mein sochenge.
AV – OK. Hmppphhh…
Idhar AV MAHI ko ghoor raha tha aur wo bilkul hi masoom si shakal banaaye usse dekh rahi thi. Thodi der tak in teeno ki nok jhonk chali aur fir MAHI apne aur ye dono apne ghar ki taraf nikal gaye.
Idhar AV ne SUYASH ko phone kiya,
AV – Namaste Uncle.
SUYASH – Namastey beta. Kaise ho.
AV – Main thik hoon Uncle. Wo aapse ek kaam tha.
SUYASH – Haan bolo beta.
AV – Uncle ek baar ARYAN bata raha tha ki aapke ek dost hamare school ke trustee hain.
SUYASH – Haan sahi kaha. Hai to.
AV – Uncle wo iss saal board year hai. Aur kisi ka new admission karwaana hai school mein. Kya ho jaayega.
SUYASH – Ho to jaayega. Lekin karwaana kiska hai?
AV – Uncle wo ek baar Mom ne unke bhai yaani mere Mamaji ke baare mein bataya tha. Main unhe dhoondne ki koshish kar raha tha kaafi tike se aur ab unke baare mein pata chala hai. To unki beti yaani meri behen ka admission karwaana hai kyonki wo ab yahin shift ho rahen hain.
SUYASH – Ye to bahut khushi ki baat hai beta. Main apne dost se baat kar loonga. Tum school mein application form bhar dena. Aur aata hun main unse milne.
AV – OK Uncle. Thank you.
Bas aur kuchh khaas na hua iss din aur Suraj dhal gaya aur peechhe chhod gaya in sabko ek naye din ki umeed mein.
NEXT DAY :-
LOCATION :- DEVA’s HOUSE
To aaj subah hi DEVA ne AV ko phone karke yahaan bula liya tha kyonki usse pata chal chuka tha uss doctor AMRITA SINGH ke baare mein. ( Ab agar aap soch rahen hai ki maine bataya tha ke AV ke paas to phone nahi hai. To bhai girlfriend ban ne ki deri hai adivaasi aadmi bhi mobile aur data pack khareed leta hai.)
AV – Haan bolo DEVA jaldi mein kyon bulaya?
DEVA – Uss doctor ke baare mein pata chal gaya hai.
AV (khush hote huye) – Kya pata chala?
DEVA – 5 Saal pehle wo ussi hospital mein kaam karti jiska tumne naam liya tha. Par fir pata nahi achanak usse kya hua. Itni badiya paise waali naukri chhodkar yahaan se chali gayi apne pati aur bachhon ke saath. Aur doosre shehar mein chhota sa Clinic chala rahi hai ab.
AV (Mann mein) – To jaisa maine socha tha wahi baat hai. Zaroor ye doctor kuchh gadbad hai tabhi aise achanak se yahaan se bhaag gayi thi. Iss se milna padega. Par shayad seedhi tarah se sach nahi bataayegi ye.
AV – Kaunse shehar mein ?
DEVA – UDAIPUR…...
Aaj ke liye itna hi….
YOUR’S RD.
Nice update bhai
“THE TRIP” “ RAHUL YOU’RE DISGUSTING. TUMNE AAJ MUJHE BATA DIYA KI TUMHARI SOCH KITNI GANDI HAI BILKUL TUMHARI HI TARAH. I’M BREAKING UP WITH YOU NOW ”.
Arre arre ye kya ho raha hai. Ye kaun hai jo mere favourite RAHULWA ki beizzati kar rahi hai. Chup ho jao bata rahe hain warna achha na hoga. Are ye kya ye toh apni heroine, matlab story ki, meri nahi, MAHIRA hai. Ab iska toh main kucchh kar bhi na sakta, story hi pit jayegi fir to. Najayaj faayda uthaya ja raha hai mere bholepan ka. Koi baat nahi hoga tumhara bhi hisaab hoga. Par abhi pehle ye to samajh len ki ye maajra kya hai.
Achha ab samjhe ye to MAHIRA aur RAHUL ka break-up ho raha hai. Haan to main kahan tha , main tha Room No. 133 main. Ye hai MAHIRA madam ka room , inki room mate to chali gayi hai breakfast karne par yahan RAHULWA break fast mein MAHIRA ka khoon pi raha hai. Chaltein hain kuchh samay pichhe,
MORNING TIME:-
KNOCK,KNOCK ,KNOCK
Yeh awaaz thi darwaaza knock karne ki jo ki RAHULWA hi kar raha tha. MAHIRA ne door open kiya aur ek pal ko wo RAHUL ko dekh kar chaunki. Kahe? Are bhai school trip hai , saath mein teachers bhi hain ek hi kamre mein dekhenge to kesa lagega. Chhodo. Haan to kahan tha main??
Haan, yaad aya,
MAHIRA – RAHUL tum kya hua kuchh kaam tha?
RAHULWA – Haan mujhe tumse kuchh puchna tha.
MAHIRA – Haan bolo.
RAHULWA – Dekho mujhe sidhe-sidhe baat karne ki aadat hai to saaf-saaf batado ki tumhara us AV ke saath kya chal raha hai?
MAHIRA – Tum kehna kya chahte ho?
RAHULWA – Main kuchh kehna nahi chahta, main bas puchh raha hun. Kal raat ko tum garden mein uske saath kya kar rahi thi.
MAHIRA – Tum hosh mein to ho , kya bakwas kiye ja rahe ho.
RAHULWA – Hosh mein to ab aaya hun, boyfriend main hun tumhara aur raat bhar baatein uske saath, waah
MAHIRA – RAHUL tum ab apni limit cross kar rahe ho, main kuchh keh nahi rahi hun iska matlab ye nahi ki tum kuchh bhi bologe.
RAHULWA – Chup bilkul chup , mujhe haath bhi nahi lagane deti aur apne us yaar ke saath raat raat bhar baatein karti hai ,….. CHATAAK , CHATAAK
Oh!! Ye hamari beauty queen to lady don nikli, kaise maara hai bechare RAHUL ko, paap lagega paap.
BACK TO PRESENT :-
MAHIRA – “ RAHUL YOU’RE DISGUSTING. TUMNE AAJ MUJHE BATA DIYA KI TUMHARI SOCH KITNI GANDI HAI BILKUL TUMHARI HI TARAH. I’M BREAKING UP WITH YOU NOW ”.
“KYA SE KYA HO GAYE, KYA SE KYA HO GAYE”.
Kya badiya tareeke se suit karta hai ye gaana RAHULWA par. Tu tension mat le bhai main hun na. Main tere liye dusri ladki ki entry karaunga story mein. Aakhir favourite character hai tu mera.
Haan toh RAHULWA waise hi iss baat se khafa rehte hain ki MAHIRA use kiss to chhodo touch tak na karne deti, nibba hai bechara, aur yahaan apne sabse acchhe dost AV (mazaak nirdosh mazaak) ki baat thi, to bechare ko thoda gussa aa gaya. Ab kya kar sakte hain langoor ke haath mein angoor rahega bhi to kab tak. (Abbe meri taraf kya dekh raha hai, heroine hai wo story ki, mana ki tujhe main support karta hun but iska matlab ye nahi ki uska role kaat dunga, readers mujhe kaat denge. To isliye chup, bilkul chup. Nibba saala.)
To is gadhe ko chhodo ham chalte hain hotel ke baahar, kya karne, abe ruko bata raha hun,
“ Students aaj ham jayenge PANGONG TSO LAKE and uske baad ZANSKAR VALLEY. Main pehle hi bata raha hun agar kisi ne bhi indiscipline kiya to tod ke rakh dunga.”
Haan to app samajh hi gaye honge ki ye mahanubhav hain RAJNEESH SIR, or ye chipka rahe hain chaante, nahi nahi aaj ka plan.
RAHUL ko chhodkar sab yahin hai, to wo kahan gaya, arre yaar break up hua hai uska sharab vagerah pine gaya hoga bechara. God save him. Arre ye kya ye to daru pike badi jaldi aa gaya. Punctual hai lounda. Aur aate hi shuru kar diya apna kaam, kya, wahi MAHIRA ko ghoorne ka, saala aankhon se hi kha jaayega kya. MAHIRA waise hi gusse mein hai subah se aur ab RAHULWA ko dekh kar to lagta hai ki kabhi fat padegi, arre sab thoda door door ho jaayo ese jawalamukhi ke paas nahi khade rehne ka, problem ho sakti hai.
Idhar apne AV babu MAHIRA aur RAHUL ko kab se notice kar rahe hain. Aur MAHIRA ke krodhit hone ki wajah ke baare mein soch rahen , chalo inhe sochne do. Itna ye sab samaan ko bus mein load hone do, samaan konsa samaan, are yaar mera matlab students…..
“HEY MAHI”.
Yeh awaaz thi hamare hero ki. To yeh Vaanar sena pahunch chuki hai PANGONG TSO LAKE par jahan sab log mast majaa bhi maar rahe hain par hamari heroine, MAHIRA JI baithi hain akele , bilkul akele. Aur hamare AV babu to sache premi hain wo inhe aise dukhi kaise dekhenge. Chal diye madam ke paas aur lagayi unhe awaaz.
MAHI – HI AV
AV – Kya hua tum subah se kaafi sad ho aur subah gusse mein bhi thi, kuchh hua hai kya.
MAHI – Nahi esi to koi baat nahi hai.
Arre ye kya ye lounda to shaatir nikla , direct haath hi pakad liye, waah lounde waah, bahut aage jaage tum, shabaash. Yaar chhed nahi raha hai wo usse santvana de raha hai.
AV (haath pakde hue) – Dekho tumne hi kaha tha na ki apni problems share karni chahiye aur ab khud hi ese kar rahi ho. Tum mujhe batao to kya hua hai, shayad main tumhari help kar dun.
Ye sab inhone direct MAHI ki aankhon mein dekhte hue bola. Romance karna hai is ladke ko, saala dudh ke daant gire nahi, chhodo.
MAHIRA (Ek pal ko AV ko dekhte hue) aaj ki ghatna ka vistar se bakhan kar seti hai. Or ye kya AV ki khushi ka level sabhi meters ko todta hua pahuch gaya hai aasmaan mein. Waah!!!
AV (kuchh sochte hue) – MAHI ek baat batao kya tum sach mein RAHUL se pyaar karti ho ya karti thi???
MAHI (chaunk kar) – Kyun, tum esa kyun puchh rahe ho?
AV – kyunki mujhe esa lag raha hai ki tum usse pyaar nahi karti thi, kyun sahi bola na maine.
Aakhir kaar AV ne sach ko samajh hi liya . Haashhh!!!
Yeh MAHI chaunki , kyunki ye AV babu to mind-reader nikle. Ab kya bole kuchh samajh to aa nahi raha tha to bas mundi haan mein hila di. Aur ye AV Kki khushi ki Seema hi na rahi, smile gehra gayi aur dil garden-garden ho gaya!!!! Hoga kahe nahi rasta jo clear ho gaya mahashay ka.
AV (excited and happy) – To tumne ye sab kyun kiya???
MAHI fir usse sab bata deti hai aur fir kuchh der inmein normally baatein hoti hain and ye bhi chal dete hain apne group ke paas. Shaam tak ye dono jagah ka bhraman kar lete hai and then nikal lete hain apne adde ki taraf , yaani hotel ki taraf. Ab AV kaafi khush tha aur saath hi thoda pareshaan bhi, wo kyaa hai na wo soch raha tha kuchh, kya , main nahi bataunga khud hi socho.
To milte hain next update mein AV ki soch ke saath. Tab tak ke liye bye-bye.
(1247 WORDS)
Nice update bhai
“THE TRIP”NEXT MORNING:-
LOCATION :- AV'S HOTEL ROOM
“ JAB SURAJ APNI ROSHNI KHUD PAR CHHODEGA,
TAB UJALA CHHA JAYEGAA
AUR TERE ISS SAFAR KI SHURUAAT KA RAASTA
TERI AANKHON KE SAAMNE AA JAYEGAA”
“ABBE KYA BAKWAAS HAI YEH GHANTA KUCHH SAMAJH NA AA RAHA”.
Haan to bhai log yahi hai wo cheez jiske liye AV bhau raat ko pareshaan ho rahe the. Matlab tab thode kam pareshaan the ab zyadaa hain. Kaahe???? Ruko batate hain.
FLASHBACK FROM LAST NIGHT:-
Haan toh jab vaanar sena ke sabhi sadasya aur unke do sena nayak yuddh par se shaam ko hotel vaapis aaye tab AV babu kuchh pareshaan the. Kyun???
Arre yaar bhul gaye kya wo MONK AKKRUM RINPOCHE ko , diya tha na unhone AV ko ek box, usi ki tension le raha tha lounda. Wo kya hai na ki aaj ye uski jaanch padtal karne ka soch rahe hain. To sabhi sainik chal diye apne-apne kaksh ki taraf.
INSIDE AV’s ROOM :-
Chalo isse khol kar dekhta hoon, hai kya isme. Diary ke hisaab se isi ke zariye mujhe pehla clue milega uss RAAZ ke baare mein. Ye sab sochte hue us lakdi ke sundar se box ko nihar rahe the AV. Wo box bhi kaafi alag lag raha tha. Shisham ki lakdi se bana hua aur behatreen carvings bhi thi uske upar.
To saare khyaalon ko side mein fenkte hue AV ne khola us box ko, koi lock vagerah to tha nahi usme to ye kaam ek dam halwa tha. Aur jab wo khula to uske andar se nikli do cheezen, kya kya
• EK CHAABI, AUR ,
• EK KAAGAZ KA TUKDA
Chaabi to ek dam antique piece lag reli thi. Bole toh raja maharaja ke zamaane ke maafik. Us chaabi ko kuchh der tak dekhne ke baad side mein rakha aur uthaya us kaagaz ko hero ne. Jab uss kaagaz ke upar likhe shabdon ko padha toh dimag ghoom gaya lounde ka. Abbe nuclear bomb banane ka formula na likha tha usmein , usme likha tha ye ,
“ JAB SURAJ APNI ROSHNI KHUD PAR CHHODEGA
TAB UJALA CHHA JAYEGAA
AUR TERE ISS SAFAR KI SHURUAAT KA RAASTA
TERI AANKHON KE SAAMNE AA JAYEGAA”
Haan to doston yahi pahelinuma vaakya likhe hue the us paper par. Wo kaagaz bhi kaafi purana lag raha tha par fir bhi haalat thik hi thi uski. Main point ye hai ki is paheli ka P bhi samajh na aya hero ko. Isliye dimag ko jhatka, Chaabi aur paper ko box mein vaapis patka and then aaram se bed par letkar us paheli ke baare mein sochne lage. Ek baat ye ki iss sabke doran ARYAN aaram se so raha tha. Koi lena-dena nahi tha duniyadari se. Chalo sone do hame kya. Aur sochte sochte hi neend ki vaadiyon mein kho gaye AV babu. Tum ruko main ise dhund kar lata hun, subah milte hain…..
Then subah uthe , fresh vagerah hue or ek laat maarkar bed se niche patak diya ARYAN ko. Man mein gandi-gandi gaaliyaan (jinka prayog mere jaisa bhola insaan nahi kar sakta) dete hue chale gaye baathroom mein.
Kuchh der baad,
AV ne ARYAN ko uss box aur puzzle ke baare mein bataya, jab ARYAN ne us puzzle ko padha to jo cheez uske paas thi hi nahi, vo ghumne ka natak kiya, are yaar dimag, mastishk. Aur inka reaction to aapne dekha hi upar kya tha.
“ABBE KYA BAKWAAS HAI YEH GHANTA KUCHH SAMAJH NA AA RAHA”.
Ye ARYAN sir ke hi shabd the jo nikle us puzzle ko dekhne ke baad.
BACK TO PRESENT:-
ARYAN – Abbe ye kya bawasir hai, Suraj khud apni roshni khud par kaise faink sakta hai. Ye to wahi baat ho gayi apne muh par khud hi ulti karna.
ARYAN ke dwara diye gaye is shandaar example par usse ek pal ghoora AV ne aur uske baad,
AV – Abbe tu hospital mein paida hua tha ya gutter mein, jab bhi muh kholega, kachra hi bahar nikalega. Aur rahi baat iss paheli ki to main hi paagal hun, main bhul gaya tha ki ise solve karne ke liye dimag ki zarurat hoti hai aur us cheez se toh aapka door-door tak koi naata nahi hai.
Is baat par koi pratikriya diye bina hi gusse mein bhinbhinate hue kamre se bahar nikal gaye ARYAN sir. Par AV abhi bhi yahi soch raha tha ki suraj kaise khud par hi roshni daal sakta hai. Par abhi to ye sawaal hal hone se raha isliye wo bhi chal diya neeche ki taraf .
LOCATION :- OUTSIDE THE HOTEL
“ So students aaj ham jaayenge HEMIS NATIONAL PARK”
Ye the hamare ANIL SIR;
ANIL SIR – Aapko bata doon ki ye ek esa park hia jahaan par aap Snow Leopard dekh sakte hain. Ek baat yaad rakhna koi bhi aaj shaitaani nahi karega aur koi bhi van se bahar nahi niklega.
Ese hi kuchh aur instructions dene ke baad sabhi log baith gaye van mein aur chal diye apne gantavya ki taraf. Aaj AV ARYAN ke saath baithne ke bajaaye MAHI ke bagal mein baitha tha aur uske man mein ladoo foot rahe the. Ab ARYAN ko toh MAHI-RAHUL kaand ki jaankari nahi thi toh wo as usual is baat se gusse mein hi tha. Dusri taraf RAHUL bhi krodhit tha aur unki aankhein in dono ko hi dekh rahi thi. Is baat ko notice kar MAHI ne RAHULWA ko aur pareshaan karne ke liye AV ka haath pakad liya. Is harkat se AV toh jaam ho gaya. Shareer thanda pad gaya aur dil relgaadi ban gaya. Apne aap ko kisi tarah control karte hue is pal ko jeene mein lage hue the AV. Sab log saath mein the toh kya hi baat kar sakte the ye dono. Par AV to chahta tha ki waqt yahin ruk jaaye or wo MAHI ko dekhta hi rahe. MAHI ne AV ko usse ghoorte hue nahi dekha tha. But ARYAN and RAHULWA ye sab dekh rahe the.
Jahaan ek taraf RAHULWA ke kaano se dhuaan nikal raha tha wahin dusri taraf ARYAN ko kuchh samajh na aa raha tha. Wo to apne dimag ke ghode daudate hue scene samajhne ki koshish kar raha tha par kya faayda. Toh wo bas kabhi MAHI-AV ko to kabhi RAHULWA ko dekh raha tha. In chaaron ko chhodkar baaki sab dekh rahe the ek hi praani ko, are wahi SNOW LEOPARD, (bhai log kamaal ki cheej hai ye ek baar dekhna jarur agar kisi esi jagah jao to.)
Kaafi time tak yeh sab chalta raha fir waapis yeh log apne hotel aa gaye. Kyunki inka hotel National Park se achhi doori par tha toh inhe waapis aane tak shaam ho gayi thi. Aur isiliye sab log waapis apne-apne kamron mein chale gaye. ARYAN AV se aaj ke baare mein puchna chahta tha par AV bahana banakar side ho gaya, kyunki usse abhi zyada important kaam karna tha, kya ek hi to kaam hai is praani ko – MAHIRA.
To ye chal diye garden ki taraf aur bench par baithkar aaj ke baare mein sochne lage. Wahin dusri taraf MAHI bhi apni hi soch mein gum thi AV jab uske paas hota tha to hamesha hi use kuchh alag ehsaas hota tha aur aaj jab usne AV ka haath pakda to usse laga jaisa AV uska koi apna hai. Par usse bhi ghanta kuchh na samajh aa raha tha. And wo bhi chal di bahar garden ki taraf.
Jab usne AV ko bhi garden mein baithe dekha to uska dil zor zor se dhadakne laga. Wo dhire-dhire chalti hui us bench ke paas pahuch gayi or usne dekha ki AV kuchh soch raha hai. Par tabhi use AV ki awaaz aayi,
“ Khadi kyun ho MAHI , aao baitho ”.
Ye usne MAHI ko dekhe bina hi , nazrein saamne ki taraf rakhte hue hi kaha tha. Matlab use bina dekhe hi pata chal gaya tha ki MAHI uske paas khadi hai. MAHI ne uske bagal mein baithte hue kaha,
MAHI – Tumhe kaise pata chala ki main hoon?
AV (dheere se) – Tumhe to main hazaaron mein bhi dhoond sakta hoon.
MAHI – Kya bol rahe ho thoda zor se bolo.
AV – Are kuchh nahi wo chhodo ye batao tum is time yahaan kaise?
MAHI – Kyun main nahi aa sakti kya? Vaise mujhe neend nahi aa rahi thi isliye yahaan aayi.
Jis andaaz mein MAHI ne apni baat kahi AV to uska deewana ho gaya. Jab bhi MAHI usse gusse mein ya chidte hue baat karti thi to use bada maza aata tha.
AV – Nahi, maine esa kab kaha , main to bas puchh raha tha. Achha mujhe apne baare mein batao na, meri history-geography to tumne jaan li thi.
MAHI – Main kya bataun, ghar mein bas Mom-Dad hain , main hun aur mera pyara pet Bruno. Zyada friends bhi nahi hain bas school se ghar, ghar se school. Yahi routine hai mera.
AV – To matlab tum thodi boring ho.
MAHI – Kya kaha??
AV – Kuchh nahi, main to bas yeh puchh raha tha ki tumhe animals pasand hai na.
MAHI – Haan, par tumhe kaise pata.
AV – abhi tumne khud hi bataya ki tumhare paas pet hai, aur aaj SNOW LEOPARD ko dekh kar bhi tum kitni khush thi aur sabse badi baat RAHUL tumhara boyfriend tha.
Iss baat par jo hasi hai MAHI , kya bataun ek to yaar itni khubsurat, upar se aesi jaanlewa smile, apna hero bhi kya hi kare. Haan taoh hero to bas uski smile mein hi kho gaya aur MAHI ne bhi use notice kar liye aur thoda sharma gayi. Usne AV ko hilaya and wo bechara to jhenp gaya. Soch raha tha ki MAHI ne usse ghoorte hue dekh liya hai ab pata nahi iske baare mein kya sochegi.and,
MAHI – Tum mujhe ghoor kyun rahe the.
Yeh fati lounde ki,
AV – Nahi main nahi , main kahaan ghoor….
Bechare ki baat beech mein hi kaatkar MAHI boli
BUDHU, aur haste muskurate Good Night bolkar chali gayi. Aur ye Romeo to abhi bhi uski smile mein khoya hua tha. Apne sar par haath markar utha aur khush hota hua apne room ki taraf chalta bana.
Main bhi jaa raha hun, fir milenge, bye-bye.
(1708 WORDS).
- Status
- Not open for further replies.