Thriller AV.... UNLOCK THE MYSTERY

Ajay · Oct 13, 2021

Rocky Dsouza said:
PART – I [ DISCOVER THE MYSTERY ]
CHAPTER – 1
“THE TRIP”
UPDATE #7 [VS???]
SAME NIGHT :-

ABBE YE KAUN ITNI RAAT KO CHORO KI TARAH HOTEL SE NIKAL RAHA HAI. O TERI!! YE TO AV HAI.

Lekin ye jaa kahan raha hai. Pichha karte hain. Hotel ke side se hote hue pichhe ki taraf nikal gaye hain ye toh. But kyun? Ye kya yahan to ek Bike khadi hai or to or usmein chaabi bhi hai. Chori hone ka to koi dar hi nahi hai. Par ye ja kahaan raha hai? Let’s find out.

AV ek toote foote raaste par bike daudate hue aage badh raha hai. Ye kya yahaan to jungle ki shuruaat hai aur ye jaanwar, I mean AV, ghus gaya hai jungle main. Kya mast jungle hai yaar, chand aur taaron ki roshni mein badhiya nazara bana hua hai. AV sir aage badhte hue ek jharne ke paas bike rok kar utar jaate hain. Abbe itni raat ko fishing karne to nahi aaya na paagal. Na na ye to paidal hi nikal gaya hai nadi ki doosri taraf. Abbe teri yahan to ek jhonpdi (kutiya) hai. AV aage badhte hue us kutiya ke andar chala gaya. Ye kya andar to ek aadmi bhi hai. Murder to nahi karne waala na bhai tu??

...................
...................

Ye kuchh baat – cheet hui in dono mein jo main aapko baad mein bataunga.

Haan toh yahaan se nikal kar waapis pahunche apni bike ke paas and then back to home, means hotel. Bike ko uski jagah par chhodkar nikal gaye apne room ki taraf. Isko sone do aur main check karta hun ki ye AV kab se ye gul khila raha hai. Yaar iski aur us Aadmi ki baaton se ek baat to clear ho gyi ki ye dono aaj pehli baar nahi mile hain.

FLASHBACK (Usi raat jis din AV MONK AR se milkar aaya tha) :-

Hmmmm, ye to AV hai jo bed par sone ka natak kar raha hai. ARYAN ke sone ke baad bhai sahab uthe or dabe paon kamre se nikal gaye. Dhyan se sab staff ki nazron se bachte hue nikle hotel se baahar aur ussi jungle ki taraf chal pade. Kaafi der ke baad ussi jharne ke paas pahunchne par thoda confuse ho gya AV kyunki pehli baar aaya tha aur diary mein koi GPS location to thi nahi ki jhat se pahunch jaaye. Kaafi mashakat ke baad ye pahunche us jhonpdi ke baahar aur ek chain ki saans li.

Andar jhonpdi ki haalat khasta hi thi. Toota hua smaan aur do laaltein bas yahi tha wahaan par. Arre sorry ye to kuchh juda hua aur sahi salamat samaan bhi hai yahaan. Abbe ye to wahi aadmi hai, maile aur purane kapde, badi daadi, safed baal, waah bhai kya looks hai uncle ke. Jaise hi AV ko andar aate dekha , wo aadmi uth khada hua,

Aadmi – Kaun ho tum aur yahaan kyun aaye ho, chale jayo warna maare jaaoge.

Par ye kya isse darne ki bajaaye AV to apni T-shirt nikal raha hai. (Iraade nek na hain lounde ke.) Jaise hi AV ne T-shirt nikali aur apna right kandha us Aadmi ki taraf kiya , to uski aankhen apni aakhiri had tak phail gayi aur pair ladkhada gaye. Wo tezi se apne ghutnon par aaya aur AV ke saamne sar jhuka liya. Ab ye sab to AV ne expect na kiya tha, wo bhi hairaan ho gaya. But sawaal ye hai ki kya hua jo ye Sher ban raha aadmi chuha ban gaya. To jawaab hai AV ka right kandha. Kaise?

AV ke kandhe par ek SURAJ ka nishaan hai jo thoda special sa lag raha hai. Matlab wo paanch rangon se mil kar bana hai, kaunse, wo jaruri nahi hai, bas number of colours important hain. Aur us nishaan ke thik niche Capital aur Bold mein likha hua hai “VS”. Ab iska kya matlab hai, ye to bhaiya PART-1 ka climax hi batayegaa, abhi is scene pe focus karte hain. Arre ek baat to main bhul hi gaya, AV khud bhi is nishaan ke baare mein kucch nahi jaanta. Jab se hosh sambhaala hai tab se ye nishaan uske saath hai, kai baar apni Maa se iske baare mein pucha bhi AV ne but unhone har baar baat taal di. Haan to kahaan the ham,

AV – Arre baba aap jhuk kyun rahein hain , khade ho jaaiye.

Aadmi – “ MAIN DHANYA HO GAYA MAALIK JO AAJ AAP KO DEKH PAAYA. MAINE TO UMMID HI CHHOD DI THI KI MAIN AAPKO DEKH PAAUNGA. AAGYA DEIN MAALIK KI YE GULAAM AAPKE LIYE KYA KAR SAKTA HAI. ”

AV ko samajh to kuchh nahi aaya but uss diary mein likha hi tha ki kuchh ajeeb hoga isliye wo shaant hi raha. Usne aage badkar us aadmi ko uthaya aur kaha,

AV – Kya aap nahi jaante main yahaan kyun aaya hun??

Aadmi (muskurate hue) – Ab aapse kya chhipaa hai maalik, main aapko aapki amaanat lautane ke liye hi aaj tak zinda hun, ab aap aa gaye hain to main iss zimmedaari se aazaad ho jaaunga.

AV – To laaiye kahaan hai vo??

Aadmi – Maaf karna maalik usse yahaan nahi maine kahin aur chhipaaya hai. Aap parson raat mein aakar le jaaiyegaa. Aur aapki suvidha ke liye main ek bike bhi bhijwa dunga , aap apna pata de dijiye.

AV – Thik hai, main parson aata hun.

Iske baad AV ne us aadmi ko hotel ka naam aur address bataya aur nikal gaya. Jaise gaya tha waise hi chup chap waapis aakar so gaya.

Idhar wo aadmi AV ke jaane ke baad khushi se phula nahi sama raha tha aur iska kaaran to aane waala waqt hi batayegaa. Wo jaldi se khada hua aur laghbhag bhaagte hue jungle ki doosri taraf nikal gaya.

...........

To ab aapko main in dono ki aaj raat ki baat-cheet se bhi waakif karwa deta hoon,

Jaise hi AV jhonpdi mein ghusa who aadmi fir se apne ghutnon par aa gaya. Aaj AV ne ise thoda normally liya.

Aadmi – Ye lijiye maalik yahi hai vo jise sambhalne ki zimmedari mujhe mili thi. Ab aap hi ise sambhaliye.

Ye kehte hue uss aadmi ne AV ko ek metal ka box diya jiske upar same AV ke kandhe jaisa hi Suraj ka nishaan tha aur uspar bhi VS likha hua tha.

AV – Dhanyawaad baba , main ye to nahi jaanta ki aap kaun hai , na hi ye jaanta hoon ki aap mujhe maalik kyun bula rahe hain par main itna samajh gaya hun ki aapne apni zimmedari bahut acchhe se nibhayi. Iske liye bahut-bahut dhanyawaad.

Aadmi – Aap Dhanyawaad na kahen ye to mera kaam tha. Jo ab pura ho chuka hai. Haan maalik ek baat aur ab jab tak aap apne aapko pehchaan nahi lete Ladakh waapas mat aayiega. Aapke liye khatra badh jayegaa.

AV ko samajh to nahi aaya ki usne esa kyun kaha but wo jaanta tha ki yahi uske liye sahi hoga.

AV – Achaa lekin aapne apna naam to bataya hi nahi.

Aadmi – RAJAN SOORI

AV ne us RAJAN se vida li or waapis nikal gaya.

PRESENT TIME ( IN FOREST ) :-

RAJAN ki khushi dekhte hi banti thi, esa lag raha tha ki uske jeene ka maksad poora ho gaya tha. Tabhi achanak kuchh log jo ki kisi pehelwaan jaise lag rahe the jhonpdi mein ghuse aur unke beech se ek aadmi nikal kar aaya. Wo RAJAN ke nazdeek aaya aur jab laaltein ki roshni mein RAJAN ne uska chehra dekha to uski aankhein laal ho gayi, nason mein rakt relgaadi ki speed se dodne laga, aur gussa charam par pahunch gaya.

RAJAN – Kameene tune aaj tak jo bhi paap kiye hain unka hisaab hone ka samay aa gaya hai, hamare Maalik laut aye hain, aur teri maut ki kahani likhna shuru kar chuke hain. Bata dena apne us najayaj baap ko jaakar ki uska samay bhi jald hi aayega.

Itna kehte hi RAJAN ne apni jeb se bandook nikali aur apni kanpati pe rakh ke trigger daba diya. Aur isi ke saath RAJAN mar chuka tha. Wo aadmi hakka-bakka khada dekh raha tha, usne socha tha ki RAJAN ke zariye wo us galti ko sudhar lega jo saalon pehle isne ki thi. But, ab kya kar saktein hain. Waise iss aadmi ki fat to rahi thi, kyunki ye soch raha tha ki ab apne najayaj baap (maalik) ko kya jawaab dega. Ek baar gusse se chillaya aur ye kehte hue apne aadmiyon ke saath bahar nikal gaya.

“ NAHI ISS BAAR NAHI, ISS BAAR TUMHE MARNA HOGA. ISS BAAR TUJHE KOI NAHI BACHA PAYEGAA.”

Isko chhodte hain yahin aur chalte hain waapis hotel. Yaar ye to sab so rahe hain, matlab wait karna padega,

NEXT MORNING :-

AB MERA YAHAAN KA KAAM TO POORA HO CHUKA HAI. BAS AB KUCHH DIN AUR FIR WAAPIS APNE GHAR. AB WAHIN IS PAHELI KO SULJHAUNGA.

Ye AV babu hi the jo apni future planning kar rahe the. Haan to ye to aap samajh hi gaye honge ki AV ko ye do hi kaam the Ladakh mein but kaafi sawaal hain jo yahaan Ladakh mein upje hain jinka jawaab sahi samay par aapko mil hi jayegaa. For example :-

# RAJAN ne apni jaan kyun di???

# AV ne ARYAN se RAJAN waali baat kaahe chhupayi???

# MONK AR se AV ka kya rishta hai???

# ARYAN uss diary ke baare mein kitna jaanta hai , and finally ,

Sabse bada sawaal, us diary mein kya hai???

So, dhire-dhire sab sawaalon ke jawaab milenge tab tak thoda suspense jhelo.

SO, BACK TO STORY :-

Ab thoda fast forward karne ka time aa gaya hai.

AFTER 4 DAYS :-

To aaj inko trip khatam ho rahi hai. In chaar dinon mein in sabne kayi jagah ghumi aur MAHI and AV ki baat-cheet bhi usi tarah chalti rahi. Haan MAHI ab jab bhi AV ke paas hoti thi to usse uski taraf khinchav mehaus hota tha. But wo apni feelings samajh nahi paa rahi thi.

ARYAN & AV ki nok-jhonk bhi as usual hi chalti rahi but haan RAHULWA kuchh planning kar raha hai, kya?? Ab ye to baad mein hi pata chalega. But haan ye tay hai ki AV ke khilaaf hi kucchh karne ki soch raha hoga.

Sab log apni-apni packing kar chuke the and sab hotel ke baahar hi bus mein luggage load karwa rahe the. Again wahi purana route follow hua. To Airport via bus and then Airport of LEH to Airport in DELHI and then back to JAIPUR via bus. To shaam tak sab school pahunch gaye the aur phir sab apne-apne ghar chale gaye. Jinke parents aaye the wo unke saath chale gaye but AV babu ne auto hi kiya ghar jaane ke liye.

Ghar pahunch kar fresh hue fir dinner khud hi banaya aur khud hi khaya.

“ OH SHITTTT!!!! MAIN USKE BAARE MEIN KAISE BHUL GAYA. HAAN WAHI HAI US PAHELI KA MATLAB. KAL SUBAH HI CHECK KARUNGA. JAANA TO NAHI CHAHTA BUT JAANA HI PADEGA.”

Achanak se AV jo ki kaafi der se paheli ke baare mein soch raha tha uthkar baith gaya aur ye vakya chillaya. Aakhir usse paheli ka jawaab mil hi gaya tha. But kahan jaane ki baat ho rahi hai?? Ye to agli subah hi pata chalega. Chalo isse sone do ham chalte hain,

LOCATION :- MAHIRA’S HOUSE (IN HER ROOM)

Ye to MAHIRA hai jo kissi ladki ki photo ko dekh rahi hai aur aansu baha rahi hai. Kaun hai ye photo waali ladki aur kya rishta hai iska MAHIRA ke saath. Pata Nahi. Mujhe to pata hi hai, aapko baad mein pata chalega. But ek baat jaan lijiye ki MAHIRA ke room mein uski khud ki photos se zyaada isi ladki ki photos hain. Abbe yeh kya hai???? Ye to uss ladki se badi mystery hai. Kya matlab hai iska. Esa kya hai MAHIRA ke room mein jo main is tarah chaunka, to uske room main bed ke saamne ki diwar par ek ladke ki photo hai, aur us photo mein ladke ke chehre par cross ka nishaan bana hua hai and uske face par dart bhi gade huen hain. Kiski hai ye photo? Ye hai the one and only

RAHULWA KI.

To guys yahaan CHAPTER-1 – “THE TRIP” khatam hota hai. Milte hain agle update mein ek naye Chapter ke saath.

(2043 WORDS)

Nice update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“THE JOURNEY BEGINS”
UPDATE #8 [THE SOLUTION]
NEXT MORNING :-

LOCATION :- AV’s HOUSE

AAJ 4 SAAL BAAD IS KAMRE MEIN JAUNGAA. JAANA TO NAHI CHAHTA PAR WAAH RE MERI KISMAT TU MUJHE TAKLIF DIYE BINA TO RAHEGI NAHI. HAINA.

Ye the AV jo apne ghar mein ek kamre ke baahar khade apni soch mein gum the. Is kamre ke baahar taala laga hua tha. Darwaaza kaafi purana tha aur saaf pata chal raha tha ki kaafi samay se iss darwaaze ko khola nahi gaya hai.

To jyaada suspense na banate hue bata deta hun ki ye AV ke bachpan ka kamraa hai. Isne ye 4 saal pehle hi jab SANJANA JI ki death hui thi uske kucchh din baad hi band kar diya tha. Jab bhi wo is kamre mein jaata tha to uski apni maa ke saath judi yaadein use bahut pareshan karti thi isiliye AV ne is kamre ko band karne ka faisla kiya. So aap samajh hi gaye honge ki isi kamre mein hai us puzzle ka solution , jo AV raat ko hi samajh gaya tha.

BACK TO STORY :-

AV ne dhadakte dil ke saath us darwaaze ko khola. Jaise-jaise wo andar kadam badha raha tha , uska past uski aankhon ke saamne ek film ki tarah chal raha tha. AV ne nazar bharkar kamre ki har ek cheez ko dekha.

Halanki har cheez par dhool ki parat jami hui thi aur chaaron taraf jaale bhi the but AV sab cheezon ko hatate hue pahuncha us kamre mein pade bed ke saamne. SAAMNE DIWAR PAR EK LOHE KI BANI SHIELD LATKI HUI THI BUT WO AUR KISI NAHI BALKI “SURAJ” KI SHAPE KI HI THI.

Ji haan sahi samjhe yahi hai us paheli ka dusra suraj. AV ne us shield roopi Suraj ke upar se dhool saaf ki and then jaakar khidki khol di. And as a result jaise hi Us shield ke upar Suraj ki roshni padi wo halka glow karne lagi and uske center mein ek dhundhla nishaan dikhne laga. AV ne wahan dhyaan se dekha to paaya ki wo ek keyhole tha. Haan to yahi tha us antique chaabi ka taala. Usne jaise hi us chaabi ki madad se us shield ko khola to wo beech mein se do hisson mein bat gayi and neeche gir gayi.

Aur us shield ke saath hi neeche giri do cheezen – ek letter and ek locket joki same to same AV ke kandhe par bane nishaan jaisa tha. AV ne dono cheezon ko uthaya aur bahar aa gaya.

Aaiye jaante hain ki letter mein kya likha hai,

LETTER :-

VEER,

Tum soch rahe hoge ki tumhari zindagi mein ye sab kya ho raha hai. Tumne ab tak Ladakh jaakar MONK aur RAJAN se mulakaat kar li hogi. Aur tum ye bhi soch rahe hoge ki tumhe vo sab cheezen wahaan jaane par hi kyon mili, jabki vo tumhare ghar par bhi pahunchayi ja sakti thi. Iska kaaran tumhe apne aap hi bhavishya mein mil jaayegaa. Abhi ke liye tum itna samajh lo ki tum dushmano se ghire hue ho jo ki tumhari jaan lene ke liye tayaar baithe hain. Tum abhi apne baare mein naa ke barabar hi jaante ho. Lekin jald hi tumhe sara sach pata chal jaayega. Ek baat yaad rakhna ki kabhi bhi kisi par bhi bharosa mat karna, chahe wo koyi bhi ho, jab tak tum apni manzil tak nahi pahunch jaaye, tum surakshit nahi ho. Haan ek baat aur jab tumhe apni sachayi pata chale to nirash mat hona. Jo locket tumhe is letter ke saath mila hai wahi tumhaari asli pehchaan hai, use hamesha sambhaal kar rakhna aur kuchh bhi ho jaaye kisi ko bhi tumhare kandhe par bane nishaan ke baare mein pata nahi chalna chahiye. Ab tumhe apne aage ke safar ke liye apne aapko takatwar banana padega aur uske liye tumhe guruji se shiksha leni padegi. Tum ...... aashram chale jaayo, joki Jaipur mein hi hai aur wahaan par AACHARYA RAMDAS JI ko ye locket dikha dena , wo tumhara aage ka margdarshan karenge. Tumhe apne maksad mein kamyaab hona hoga , nahi to bahut kuchh galat ho jayegaa. Main dua karunga ki tum kaamyab ho.

Ye letter padhkar AV hairan-pareshaan ho gaya. Use kuchh samajh to aaya nahi but uski pareshaani ki wajah kuchh aur hi thi, aur wo thi ki us letter ke upar naam ABHIMANYU nahi balki VEER likha hua tha. Aap kahenge ki isme kya badi baat hai. Aur saath hi aap soch rahe honge ki ye do-do naam ka kya raaz hai, aaiye aapko bata deta hoon.

AV ko uski Maa hamesha VEER hi bulati thi. Ek baar iska karan puchne par unhone AV ko bataya ki wo uska naam VEER rakhna chahti thi par uske papa ne uska naam ABHIMANYU rakha. Isiliye apni mom ki death ke baad usne apne naam mein VEER jod liya tha. But yahaan par AV hairan isliye tha kyonki uski Maa ke alawa use VEER koi bhi nahi bulata tha jabki ye letter clearly ek aadmi ne hi likha tha.

( Aapko ek baat aur bata doon ki wo diary jo AV ke paas hai wo asal mein uski Mom ki nahi hai. Wo use apne Mom-Dad ke room se mili thi aur uske upar VEER likha hua tha isiliye usne socha ki wo diary uski mom ki hi hai. Ek baat aur , us diary mein kya hai ye aapko dhire-dhire pata chalega. But haan aap itna to samajh hi gaye honge ki usmein Ladakh jaana hi first cheez thi aur wahaan kya-kya hua ye bhi aap jaante hi hain).

AV abhi bhi confused tha lekin wo school ke liye late ho raha tha isiliye usne socha ki wo baad mein is sab ke baare mein shega.

LOCATION :- MAHIRA’s HOUSE (IN HER ROOM)

“ baar-baar uska chehra kyon nazar aa raha hai. Ese to main pagal ho jaaungi.”

Ye thi MAHIRA jo ye sab apne man mein keh rahi thi. But ye kis baare mein soch rahi hai?

To iska jawaab chhipa hai kal raat mein. Asal mein jab kal raat MAHIRA sone ki koshish kar rahi thi to baar-baar uski aankhon ke saamne AV ka chehra aa raha tha, jo use bahut sukoon bhi de raha tha. Wo samajh nahi paa rahi thi ki uske saath kya ho raha hai. Isiliye use kaafi der baad neend aayi. Aaj subah bhi wo der se hi sokar uthi aur abhi bhi lagatar use AV ke baare mein hi khyaal aa rahe the. Asal mein in kucch dinon mein MAHIRA AV ke kaafi close ho gayi thi, jabki pehle wo sirf formal hello-hye tak hi seemit rehte the. MAHIRA ko AV ke saath bitaye waqt ki yaad aa rahi thi, AV ka behaviour use kaafi attract kar raha tha.

Filhaal ke liye apni soch ko rokte hue wo bhi jaldi se school ke liye tayaar hone lagi.

LOCATION :- SCOTTISH INTERNATIONAL SCHOOL

“Kaafi jaldi nahi aa gaya tu esa kya Japan se aa raha hai seedha.”

Ye aur kisi ke nahi balki ARYAN babu ke hi vachan the jo unhone AV ko dekhkar kahe. Kaaran, ye tha ki aaj subah us letter ke chakkar mein AV school pahunchne mein thoda late ho gaya tha and ARYAN uska niche ground mein hi kaafi der se wait kar raha tha.

AV – Aa to gaya na aur time par hi aaya hun, teri tarah yahan jaldi aakar saaf safayi nahi karni hoti mujhe.

ARYAN – Ek to tera wait karo upar se bakwaas bhi suno. Kalyug ghor kalyug .

AV – Chup kar dramebaaz aur class mein chal waise bhi teri favourite teacher ka period hai.

Is baat par ARYAN ka muh ban gaya. Reason –
VANDANA ROY , AV ki class-teacher. Ye Chemistry ki teacher hain aur kaafi strict and gusse waali bhi. Special baat ye hai ki inhe ARYAN se khaas lagaw hai, matlab ye ki ARYAN class mein sabse zyaada shor machane waala baalak hai, aur disturbance create karna uske liye saans lene se bhi zyaada jaruri hai, isiliye MISS VANDANA iske prati zyaada hi strict rehti hain aur ARYAN inse darta bhi hai.

BACK TO STORY:-

To jaise hi ARYAN and AV class mein enter hue dono ka dil khush ho gaya, aur dono ke chehre par smile aa gayi. Kyon, kyonki dono ko darshan ho gaye the apni-apni lifeline ke. Ek taraf ARYAN jahan furti se jaakar ANKITA ke saath baith gaya wahin AV to abhi bhi MAHIRA ko apni aankhon mein utaar raha tha. MAHIRA ne jab AV ko use ghoorte hue dekha to uske gaal laal ho gaye aur usne apni nazren jhuka li. Ek aur shaks bhi tha jo ye sab dekh raha tha aur saath hi jal bhi raha tha, aap samajh hi gaye honge ye RAHUL hi tha.

( Ek baat bata doon ki ARYAN hamesha ANKITA ke saath hi baitha karta hai. Wahin AV ki seat fix hai, AV and ARYAN ke bachpan ke saathi ke saath, Kaun :-

KABIR :- AV and ARYAN ka baalpan se mitr. Ye ek anaath hai aur shuru se hi ek orphanage mein rehta hai. Academics mein average hi hai, but sports mein champion. Athletics ho ya Cricket ho ya fir Basketball he is the best in his school. Kayi tournaments ko jeet chuke hain ye ab tak. AV, ARYAN and KABIR, inki dosti poore school mein famous hai, jab ye teeno saath mein hote hain to koi bhi inse panga nahi leta. Kyonki 6 mahine pehle hi ARYAN ka kisi se panga ho gaya tha aur achhi khaasi dhulayi bhi shuru hi gayi thi, but sahi waqt par ye dono wahaan pahunch gaye aur phir in teenon ne milkar 10 ladkon ko patak diya tha. Haan ek baat ye bhi ki KABIR bhi jaanta hai ki AV MAHIRA se mohabbat karta hai. AV ya ARYAN ne use bataya nahi hai, but AV ki harkaton se ye samajh gaye the ki uske dil mein kya hai. Ab hamesha MAHIRA ko dekh kar muskurata hi rahega to itna to pata chal hi jaayega na. )

BACK TO PRESENT:-

Par aaj ye sitting arrangement change hone waala tha. Kyon , kyonki hamesha RAHULWA ke saath baithne waali MAHIRA aaj akeli baithi thi. Aaj jab subah wo school pahunchi to RAHUL ne us se baat karne ki koshish ki par of course ignorance naam ki cheez hoti hai aur MAHIRA ne behatreen example pesh kiya us cheez ka. To abhi MAHIRA ko akele baithe dekh kar jahaan AV ke man mein laddoo foot rahe the wahin KABIR bhi muskurata hua soch raha tha ki AV ab kahaan virajmaan hoga. Asal mein usne bhi subah ki MAHRA-RAHUL waali ghatna dekh li thi aur use AV ke liye raasta banta hua nazra aa raha tha. Aur sacha dost hone ke naate dua kar raha tha ki AV thodi himmat dikha kar MAHIRA se apne dil ki baat keh hi de.

Haan to MAHIRA ke jaadu mein khoye hue hi AV pahunch gaya uske bench ke paas , aur,

AV – HI MAHI, kya main yahaan baith sakta hun?

Ek pal ko to wo chaunki kyonki usne AV ko hamesha KABIR ke saath hi baithe dekha tha, lekin fir,

MAHI – HI, haan baitho na, usmein puchne waali kya baat hai.

Bas yahi thi wo jannat jo AV ko chahiye thi, bina ek pal gavaaye jhat se baith gaya MAHI ke saath mein. AV ki jald baazi dekh kar ek smile aa gayi thi MAHI aur sath hi KABIR ke face par bhi, wahin dusri aur ARYAN to duniya se be-khabar apni personal duniya ANKITA mein khoya hua tha. Lekin RAHUL to garam hua jaa raha tha , aur lag raha tah ki kabhi bhi blast ho jaayega.

Abhi AV MAHI se kuchh bolne waala hi tha ki, itne mein VANDANA MAM class mein enter hui aur sabhi balakon aur baalikaayon ne kucch der ke liye apne muh ko sil liya. Poora time hi AV MAHI ko chor nazron se dekh raha tha, aur ek-do baar MAHI ne bhi use esa karte dekh liya tha aur uski is harkat par halka sharma bhi rahi thi.

Ese hi classes chal rahi thi, aur AV ka kaam bhi chalu hi tha. Isi beech RAJNEESH SIR ( SUBJECT – MATHS ) , ke period mein wo ek bache ki class laga rahe the , aur usi douran unke dwara us baalak ko kucch pashu-pakshiyon ke naam se sambodhit karne par saari class hasne lagi aur MAHI ke chehre par bhi ek smile aa gayi , aur uski smile ko dekh kar AV ke muh se achanak hi nikal gaya – HAAYE.
Jab MAHI ne ye suna to ek baar AV ki taraf dekha aur fir sharmane lagi.

Isi tarah inka school over ho gaya , aur is beech AV and MAHI ki koi khaas baat nahi hui thi. Wahin KABIR kaafi khush tha aaj AV ko itne time baad hasta hua dekh kar. Kyonki hamesha hi MAHI ko RAHUL ke saath dekh kar dukhi hota rehta tha wo , par aaj to baat hi alag thi.

LOCATION :- AV’s HOUSE

School se waapis lautne ke baad AV jab sab kaamo se free hua to fir se wo us letter ke baare mein sochne laga. Use kuch bhi nahi soojh raha tha to usne decide kiya ki kal wo School naa jaakar AACHARYA RAMDAS JI se milne jaayegaa. Aur isi tarah ye din bhi samapt ho gaya.

NEXT MORNING :-

AV jaldi-jaldi tayaar hua aur sab kaam niptakar nikal pada us aashram ki taraf. Asal mein ye ek bahut famous aashram tha to iska address dhundna koi badi baat nahi thi. AV ne bhi ek-do logon se iske baare mein pucha to use bhi address mil gaya.

LOCATION :- AASHRAM

“Kya aap bata sakte hain ki AACHARYA RAMDAS JI kahaan milenge?”

Aashram mein pahunchkar ye sawaal pucha ARYAN ne ek sadhu se to usne ek kutiya ki taraf ishara kar diya. Jab AV us kutiya ke andar pahuncha to usme dekha ki ek sadhu, bhagwe kapdon mein dhyan mein baitha hua tha. AV ne ye dekh kar unhe aawaaz lagayi,

AV – Pranaam Aacharya.

AACHARYA (aankhen kholte hue) – Aayushman bhava putra. Kaho kaise aana hua?

AV – Aacharya mujhe aapko kuchh dikhana tha.

AACHARYA – Kya??

Tabhi AV ne wo locket apni jeb se nikal kar AACHARYA ko dikhaya. Wo locket dekh kar AACHARYA ki aankhen badi ho gayi. Aur wo AV ke haath se wo locket lekar dekhne lage jaise uski jaanch kar rahe hon. Aur agle hi pal unhone paas rakha chaaku uthakar AV ki gardan par rakh diya aur kaha,

AACHARYA – Sach – sach batao ki ye locket tumhare paas kaise aaya?

Kya kaaran hai jo AACHARYA ne wo locket dekh kar iss tarah react kiya jaise koi saadhu aam taur par nahi karta. Pata chalega agle update mein. Tab tak ke liye bye-bye.

(2451 WORDS)

Mast update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #9 [MAHIRA’S BIRTHDAY]
RECAP :- AB TAK AAPNE DEKHA KI AV LETTER KE MUTABIK HI AASHRAM MEIN PAHUNCH JAATA HAI. PAR JAISE HI WO AACHARYA RAMDAS JI KO WO LOCKET DIKHAATA HAI TO WO AV KI GARDAN PAR CHAAKU RAKH DETE HAIN.

AB AAGE :-

LOCATION :- AASHRAM

AACHARYA – Jawaab do kaun ho tum aur kahaan se aaya ye locket tumhare paas?

AACHARYA ka reaction dekh kar ek baar to AV hadbada gaya, lekin fir usne apne aap ko sambhalte hue vo letter hi AACHARYA ko pakda diya. Letter ko padhte vakt AACHARYA ke face par kayi expressions aa rahe the but ek expression stable tha aur vo tha – Shock.

Letter pura padhne ke baad kabhi vo AV ko dekhte to kabhi fir se letter ko , jaise confirm kar rahe ho ki ye sab sach hai.

AACHARYA – Kya tum sach me VEER ho.

AV – Ji AACHARYA.

AACHARYA ne aage badhkar AV ko gale se laga liya aur unki aankhen nam ho gayi. AV soch raha tha ki kesa aadmi hai, kabhi chaku chalata hai or kabhi gale lagata hai. Kucchh der tak ese hi rehne ke baad vo alag ho gaye.

AACHARYA – To tum samajh hi gaye hoge ki tumhe mere paas kisliye bheja gaya hai.

AV – Ji usmein kisi prakaar ki shiksha lene ke baare mein likha gaya tha.

AACHARYA – Haan main tumhe pracheen yudh-kala ki shiksha dunga taaki tum aane waale khatron ka saamna kar sako.

AV – Dhanyawaad AACHARYA.

AACHARYA – AACHARYA nahi ab se tum mujhe Guru kahoge.

AV – Ji Guruvar.

Iske baad unhone AV se kucchh aur baatein ki aur use bataya ki use har roz shaam ko yahaan aana hoga. Aur agar late ho jaaye to raat ke liye vo yahin ruk sakta hai. Iske baad AV wahaan se chala gaya lekin AACHARYA wahin khade muskurate hue kuchh soch rahe the, kya–

“Aakhir tum itne varshon ke intezaar ke baad waapis aa hi gaye. Bas ab dekhna ye hoga ki kya tum vo sab dobara waapis le paaoge jo tumse chheen liya gaya tha.”

LOCATION :- HOTEL PARADISE [ MUMBAI ]

Yahaan ek kamre mein do aadmi kucch baat kar rahe hain. Ek aadmi aaram se sofe par pasarkar baitha hua hai (AADMI 1), jabki dusra apna sar jhukaye khada hai (AADMI 2). Aaspas kaafi pehelwaan jaise log hai joki sabhi suit-boot mein hain. Kamre ke baahar bhi achhi khaasi security maujood hai. Saaf pata chal raha hai ki jaroor ye koi taaktwar party hai. Aaiye dekhte hain inki baat-cheet, I mean sunte hain,

AADMI 1 – Dekho seedhi si baat ye hai ki tum kisi kaam ke nahi ho. Jo galti tumne 16 saal pehle ki thi wahi ab phir karke aa rhe ho. Pata nahi maine tum jaise kutton ko kyon pala hua hai.

Arre ye AADMI 2 to wahi hai jo us din jungle mein RAJAN ke paas gaya tha, aur usne suicide kar liya tha. Oh! To matlab ye AADMI 1 hi iska boss (najayaz baap , as said by RAJAN),

AADMI 2 – Maalik usne mujhe dekhte hi khudko goli maar li warna main use pakadne hi gaya ….

Iski baat poori hi na hui thi ki AADMI 1 ne iske kaan ke neeche tabla baja diya, aur iski fat ke chaar ho gayi,

AADMI 1 – Mujhe naa sun ne ki aadat nahi hai, aur ye tu bahut acchhi tarah se jaanta hai, mujhe wo kutta chahiye , agar kal ko wo waapis aa gaya na yahaan to meri itne saal ki mehnat par paani fir jaayega.

(Ji sahi samjhe ye AV ki hi baat kar raha hai, aur agar aap soch rahe hain ki ye ek bache ko kyon nahi pakad paa rahe to main bata dun ki ye log jise dhoond rahe hai uska naam sirf VEER tha, but ab vo ABHIMANYU hai, isliye inse naa ho paayega , aur yahi reason hai ki JAIDEV-SANJANA ke jaane ke baad bhi AV zinda hai, balki main to ye kahunga ki agar wo dono iske saath hote to AV zaroor marta.)

Itna kehne ke baad AADMI 1 ne dusre ko baahar jaane ka ishara kiya aur vo bhi sar jhukaye hi nikal gaya. Hotel se bahar aane ke baad usne apna gussa bahar khade apne aadmiyon par utara aur zor se chillaya,

AADMI 2 – Kab tak bachega mujhse tu, ek na ek din tujhe mar kar hi dum loonga, ye mera waada hai aur DEVEN RAJVANSH apna wada har haal mein poora karta hai.....

LOCATION :- MAHIRA’s HOUSE (IN HER ROOM)

Yahaan MAHIRA usi ladki kee tasveer ko dekh rahi hai aur aansoon baha rahi hai, tabhi uske mom-dad room mein aa jaate hain aur wo jhat se tasveer ko pillow ko neeche rakh kar aansoon ponch leti hai, but vo Maa-Baap hi kya jo apne bachon ka dukh na dekh paayein.
Wo dono jaakar MAHIRA ke paas baith gaye.

RAGINI – Beta kyun baar-baar use yaad karke aansoo bahati rehti hai. Wo waapis nahi aayegi ab.

MAHI (rote hue) – Mai kya karun maa mujhe unki bahut yaad aati hai. Kaash wo aaj Zinda hoti.

MAHENDRA – MAHI jo chale jaate hain na wo kabhi waapis nahi aate , lekin tu khud hi soch beta kya wo tujhe ese dekh kar khush hoti hogi?

MAHI kucchh nahi bol rahi thi par uski aankhon mein dukh ke alawa ek aur cheez thi, aur wo tha nischay, dridh – nischay apna badla lene ka, us ladki ka badla lene ka. Kuchh der tak MAHI ko samjhane ke baad wo dono waapis chale jaate hain.

Idhar MAHI apne aap se hi keh rahi thi ,

DIDI aap chinta mat karo , main aapko insaaf dila kar rahungi , Us SARTHAK (ANKITA’s Brother) aur RAHUL ko saja nahi dilwayi to mera naam bhi MAHI nahi.

Chalo isko yahin chhodte hain aur chalte hain , inke paas

LOCATION :- N.K. COMPLEX (SUYASH’S OFFICE )

To ye hain SUYASH SINGHVI, ARYAN ke father saab. Is samay ye apne office mein baithe kuchh kaam kar rahe hain, tabhi inke paas ek call aata hai inke assistant ka,

SHEKHAR – Good afternoon sir.

SUYASH – Afternoon SHEKHAR. Bolo kya hua.

SHEKHAR – Sir koi aapse milne aaya hai.

SUYASH – Tumhe pata hai na bina appointment main kisi se nahi milta.

SHEKHAR – Maine unhe ye baat batayi lekin unhone kaha ki wo aapko jaante hain. Aur apna naam batane ko kaha.

SUYASH – Kya naam hai unka?

SHEKHAR – MAHENDRA SHARMA.

Ye naam sun ne ke baad SUYASH ek baar ko to shock ho gaya lekin fir usne unhe andar bula liya. SUYASH ke shock hone ki wajah ye thi ki ek time par JAIDEV–SUYASH aur MAHENDRA bahut achhe dost hua karte the but JAIDEV ki maut ke baad MAHENDRA ne unse kabhi baat nahi ki. Ek baar SUYASH ne unse milne ki koshish bhi ki but nahi mil paaye. To itne saal baad aaj achanak se prakat kaahe ho gaye?

Ye soch hi rahe the ki itne mein darwaaza khulta hai or MAHENDRA andar aa gaya.

MAHENDRA ke chehre par khushi saaf jhalak rahi thi , apne puraane dost se milne ki but SUYASH kuchh khaas khush nahi hua.

Inki mulaakat ke baare mein agle update mein jaan ne ko milega kyonki inki baat– cheet kholegi story ka pehla raaz.

To is din aur kuchh khaas nahi hua bas shaam ko AV pahunch gaya AASHRAM mein. Pehle din AACHRYA ne us se halki fulki exercise, running hi karwayi but dhyaan lagane par focus karne ko kaha. Aur bhi jaruri baatein batayi unhone AV ko jiske baad wo ghar ki taraf chala gaya. AV sab kuchh jan na chahata tha apne baare mein but abhi use koi raasta nazar nahi aa raha tha, usne AACHRYA se bhi puchha but unhone wahi evergreen dialogue chipka diya “ WAQT AANE PAR APNE AAP PATA CHAL JAAYEGA.”

NEXT MORNING :-

AV ne subah uthkar dhyaan lagaya , thik waise hi jaise AACHARYA ne use bataya tha, ab ye koi halwa kaam to hai nahi , isiliye AV ki timing abhi kam hi thi, but starting ho chuki thi.

LOCATION :- SCOTTISH INTERNATIONAL SCHOOL

“ OHO, AAJ SURAJ KAHAAN SE NIKLA HAI , TU MUJHSE PEHLE SCHOOL MEIN , IMPOSSIBLE ”

To ye the ARYAN babu jo AV ko apne pahunchne se se pehle hi school pahuncha mein dekh kar aascharya chakit ho gaye. But surprisingly AV ne iski baat ka koi jawaab nahi diya.

ARYAN – Tune maun vrat to nahi rakha na. Waise bina bhounke tu rah to nahi sakta.

AV – Dekh aaj mera mood bahut sahi hai, isliye bakwaas mat kar or chup – chaap apni jagah par jaakar baith jaa.

ARYAN – Tera naukar nahi hun main , main to yahin baithunga.

But tabhi ANKITA class mein aa gayi, aur AV ko ghoorkar dekha, jo inki aadat thi, lekin ARYAN sir apni baat se palat te hue bhaagkar ANKITA ke saath baith gaye.

Lekin ab aap soch rahe honge ki AV ka mood achha kyon hai to wo isliye kyonki aaj uski Mom ka birthday hai, joki har saal wo celebrate karta hai.

To iske baad MAHIRA class mein aayi aur AV ke saath hi baithi. Aaj bhi AV MAHIRA Ko chor nazron se dekhta raha aur RAHULWA in dono ko dekhkar chidta raha par aaj uske chehre par beintehaan gussa tha. Aage chalkar zaroor ye koi kaand karega.

Isi tarah inka school off ho gaya and ab AV ki yahi routine ban gayi thi ki subah uthkar dhyaan lagana , then School jaana (ya fir ye kahun ki MAHIRA ko ghoorne jaana) , then to the AASHRAM.

Ab time aa gaya hai thoda skip button dabane ka.

AFTER 1 MONTH :-

LOCATION :- AASHRAM

TANN, TANN

DHABB, DHABB

AAH, AAH

Confused ho gaye kya, ruko samjhata hoon ki ho kya raha hai. To ye ho raha hai AV ka pehla test. Aaj jab AV AASHRAM pahuncha to AACHARYA ne use bataya ki aaj tak usne jo bhi sikha hai uska test hoga. AV iske liye kaafi excited tha. Ab tak usne talwaarbaazi aur thodi fighting techniques bhi seekh li thi. Matlab abhi jyaada nahi par haan 7–8 bando ko aaram se dho sakta tha ye.

To yahi tha aaj ka iska test ek saath do talwaar baazon aur do fighters ko harana tha. Aapko bata doon ki ye chaaron isi AASHRAM ke shishya hain. Aur haan ye bhi apni–apni skills mein master hain.

To fight shuru hui pehle dono talwaarbaaz bhaagte hie aage aaye hain, AV pehle waale ko dodge karta hua doosre ki talwar ko shield se rok deta hai. Fir ek saath do talwaaron ko use karta hua dono ki talwaaron ke saath takra jaata hai.

Usi samay wo donon ke pet par ek saath laat jad deta hai aur dono karahte hue gir jaate hain. Itne mein baaki ke dono fighters bhaagte hue aage aate hain. AV bhi apni talwaare drop kar deta hai. Pehle waale ko ek punch jadne ke baad dusre ke kandhe par jor daalte hue halka jhatka de deta hai. Ye ek special technique thi jisme saamne waale fighter ki muscles ko halka twist kar diya jaata hai, lekin usko dard haddi dislocate hone jitna hi hota hai. Wo karahta hua neeche gir jaata hai. Itne mein baaki teeno uth jaate hain aur ek saath aage badhte hain. Ab AV jaldi se khel khatam karna chahta tha. Isliye wo pehle waale ke ghutne par jordar waar karta hai or uska haal behaal ho jata hai. Bechara khada bhi na ho pa raha tha. Agle waale ke saath bhi yahi hota hai and then last waale ko utha kar patak deta hain aur pichhe se jaakar uski gardan daboch leta hai. It results in Tap Out and the winner is AV.

AACHARYA AV ke pradarshan se bahut khush the aur baaki ke shishya bas muh faade dekh rahe the. Iske baad AACHARYA AV ko shabaashi aur aashirwaad dete hain aur wo ghar ki taraf rawana ho jaata hai.

NEXT MORNING :-

LOCATION :- SCOTTISH INTERNATIONAL SCHOOL

Aaj kuchh khaas hai, kya? MAHIRA ka birthday. Aapko bata dun ki Is 1 mahine mein AV or MAHIRA kaafi close aa gaye the. Dono ki baat–cheet bhi badh gayi thi. Dono roz ek saath baith te the. Ab ARYAN ko bhi sab pata chal gaya tha RAHUL se break-up ke baare mein and wo bhi ab MAHIRA se normal ho gaya tha.

“ YE TUMHE CHOT KAISE LAGI. CHHOTE BACHE HO KYA. APNA DHYAAN BHI NAHI RAKH SAKTE. ”

Ye awaaz thi MAHIRA ki jisne ye baat AV ko dekh kar kahi. Darasal kal ki fight ke dauran AV ke haath par chot lag gayi thi aur abhi wahan patti bandhi hui thi.

Jis tarah MAHIRA ne AV ki chot ko dekh kar ye care dikhayi , uske kaaran wo fula nahi sama raha tha. Bole to dil naach utha lounde ka. Wo bas ek tak MAHIRA ko dekh raha tha aur khush ho raha tha.

MAHI – Jawaab kyon nahi dete aur ye bandar ki tarah has kyon rahe ho.

AV – Haan vo kuchh nahi bas thoda cut lag gaya tha aur kucchh nahi.

MAHI – Tum apna dhyaan rakha karo agar tumhe kuchh ho gaya to,

MAHI bolte–bolte beech mein hi ruk gayi , use ehsaas hua ki wo kya bolne jaa rahi thi aur is baat par AV se nazren churane lagi.

AV to is baat par aur bhi zyadaa khush ho gaya aur smile karne laga. Tabhi teacher class mein aa gaye aur inki padhayi shuru ho gayi. But filhaal MAHI kaafi gusse mein thi kyonki subah se sabne use birthday wish kar diya tha but AV ne use wish nahi kiya tha. Is baat par uska chehra bilkul laal hua pada tha. Aur AV uske expressions dekh kar man hi man has raha tha. Inki classes isi tarah chalti rahi. Beech–beech mein AV ne MAHIRA se baat karne ki koshish ki but MAHIRA ne har baar use ek Khatarnak look dekar chup kara diya.

Jab inka school off hua to AV,ARYAN aur KABIR ek saath khade the, tabhi wahaan MAHIRA aayi or AV ko dekh kar kaha ,

MAHI – Tum , tum na mujhse kabhi baat mat karna, gande, huhh.

Aur gusse me tilmilati hui chali gayi. Pichhe chhod gayi in teeno ko haste hue.

KABIR – Tu na bahot bada kameena hai, saale kyon tang kar raha hai use, bola kyon nahi happy birthday.

AV – Beta esa hai ki jab shaam ko use vo surprise milega na, to jo khushi uske chehre par hogi uske liye itna to chalta hai.

ARYAN – Tujhe jo karna hai kar, par agar tune aaj use propose na kiya na to fir tu gaya.

Iske baad sabhi apne–apne ghar ki taraf chal diye. Aaj AV ko AASHRAM nahi jaana tha kal ki fight ke baad use ek din ki chhuti mil gayi thi.

TIME :- 7:30 p.m.

LOCATION :- MAHIRA’S HOUSE (IN HER ROOM) :-

( Haan aapko ek baat bata doon ki MAHIRA ke ghar par birthday celebrations nahi honge. Last year bhi nahi hue the. Iska kaaran aapko aage chalkar pata chalega. )

Is time MAHIRA apne bed par baithi hui gusse mein badbada rahi thi –

Gande, ek baar bhi wish nahi kiya, dekhna kabhi tumse baat nahi karungi. Par tumse baat kiye bina reh bhi to nahi sakti. Kab samjhoge mere dil ki baat. Main tumse bahut pyaar karti hun. Tumhari caring, tumhara attitude, tumhari baatein sab mujhe bahut pasand hai. I LOVE YOU.

Ye bolkar MAHIRA apna muh takiye mein chhupakar sharmane lagti hai.

Tabhi uske mobile ki ring bajti hai, wo ARYAN ka call tha.

MAHIRA – HI ARYAN.

ARYAN – MAHIRA, meri baat suno, wo AV ka naa accident ho gaya hai, wo jo tumhare ghar ke paas garden hai na wahaan par. Dekho main abhi door hun , tum wahaan jaakar dekho naa.

MAHIRA to ye baat sunkar jad si ho gayi thi, uski aankhon se pani behne laga. Lekin use hosh me laate hue ARYAN ne kaha,

ARYAN – MAHIRA jaldi karo time waste mat karo, jao.

Bas tabhi MAHIRA ban gayi Usain Boult aur bhagti hui chal di. Neeche hall mein hi uski Mom baithi thi,

RAGINI – Beta kahaan ja rahi hai itni jaldi me.

MAHIRA – Mom paas mein hi jaa rahi hun jaldi aa jaungi.

Iske baad wo fatafat bhaagte hue us park ke paas pahunchi , ab tak halka andhera hona shuru ho gaya tha aur chaaron taraf street lights bhi jal rahi thi. But surprisingly garden ke andar poora andhera tha. Ye dekh kar halka hairan hui MAHIRA but fir andar ki taraf badh gayi.

Surprise, surprise, jaise-jaise MAHIRA aage badh rahi thi, waise hi sequence mein garden ke andar lights jalti jaa rahi thi. Ek taraf MAHIRA chinta mein thi wahin dusri taraf ye sab dekh kar hairan bhi. Tabhi pure ground mein ujala ho gaya aur chaaron taraf purple colour theme se decoration ki hui thi. Kyon??? Kyonki ye MAHIRA ka fav Colour hai. Tabhi ground mein HAPPY BIRTHDAY song bajne laga aur MAHIRA ke saamne ki taraf se AV chala aa raha tha haathon mein purple colour ke flowers ka bouquet lekar.

Wo MAHIRA ke kareeb pahunch kar bouquet uski taraf karte hue kehta hai,

HAPPY BIRTHDAY MAHI.

MAHI aankhon mein khushi aur hairangi liye ye sab dekh rahi thi, usne haath aage badhakar wo bouquet le liya aur bas THANK YOU kaha.

Tabhi uske chehre par gusse ke bhaav aa gaye,

MAHI – To ye tum dono ki planning thi, bas yahi bahana mila tha mujhe yahaan bulane ka pata bhi hai main kitna dar gayi thi. Tum sach me bahut gande ho. Bandar.

MAHI ke expressions dekh kar AV ko bahut hasi aa rahi thi but wo kisi tarah control kar raha tha.

AV – Sorry, sorry dekho bura mat mano, mujhe tumhe yahaan bulane ka koi aur idea nahi soojha, to bas isiliye, dekho apna mood kharab mat karo. Aur chalo abhi to aur surprise baaki hain.

Surprise ke baare mein sunkar wo khush ho jaati hai or AV ke saath chalne lagti hai.

( Aapko bata dun ki ye ground 8:00 baje band ho jaata hai isiliye yahaan koi aur nahi hai, but yahaan ka security guard ARYAN ke pitaji ko bahut maanta hai, kyonki unhone uski bahut help ki hai, charity and all, isiliye ARYAN ki request par usne in dono ke liye gate khula rakha.)

Iske baad AV & MAHI aage badhte hue pahunchte hain ek table ke paas. Ye table ground ke center mein rakha hua tha. Aur sab kuchh purple colour ka hi tha. Tabhi AV ne cake ka box khola aur use dekh kar MAHI shocked ho gayi. Kyon?

( Because jab ye log LADAKH gaye the tab wahaan par ek cake shop par MAHI ne yahi cake dekha tha aur use bahut pasand aaya tha. AV ne ye baat notice kar li thi aur us cake ki ek pic le li thi and order dekar same wahi cake banwa liya. )

MAHI aankhon mein khushi liye ye sab enjoy kar rahi thi. Tabhi AV ne uske saamne knife rakh diya. Fir cake cutting ceremony sampoorn hui, then in dono ne ek dusre ko cake khilaya. Is sabke dauran MAHI ke chehre par ek smile bani hui thi aur AV use dekh kar ghayal hua jaa raha tha.

AV – Haaye ab itna bhi zulm mat karo is gareeb par ki ye apna hosh hi kho baithe.

MAHI – Kya bol rahe ho tum?

AV – Ek to itni jaanlewa smile deti ho aur upar se samajhti bhi nahi.

Ab ye sunkar MAHI ke gaal laal ho gaye aur wo aankhen neeche karke sharmane lagi. Tabhi,

MAHI – Tumne koyi gift to diya hi nahi , laayo mera gift do.

AV – Ab gift ki kya zaroorat hai, main hoon na tumhara gift.

MAHI ( aankhen dikhati hui ) – Gift do.

AV – Achha baba deta hoon, ye lo.

Ye kehkar AV ne ek chhota sa box MAHI ko pakda diya. Jab MAHI ne wo khola to usmein ek locket tha aadhe dil ka aur uske upar AV likha hua tha. MAHI Shocked hoakr AV ko dekhne lagi.

AV – MAHI main tumse , main tumse.....

MAHI – Aage bhi bolo.

AV – MAHI main tumse kuchh kehna chahta hoon.

MAHI – Kaho......

To bhailog milte hain next update mein, aage ke scene ke saath, aur haan next update mein saamne aayega JAIDEV se juda ek raaz. Tab tak ke liye bye-bye and take care.

YOURS RD....

(3377 WORDS)

Nice update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #10 [JAIDEV – MARTYRED OR MURDERED]
RECAP :- AB TAK AAPNE DEKHA KI AV AASHRAM MEIN APNE PEHLE TEST MEIN PASS HO JATA HAI, WAHIN MAHENDRA SHARMA, SUYASH SE MILNE UNKE OFFICE PAHUNCH JAATE HAIN. AV NE MAHIRA KO USKE BIRTHDAY KA SURPRISE DIYA.

AB AAGE :-

LOCATION :- IN THE GARDEN :-

AV ne MAHI ke haathon ko apne haathon mein lete hue kaha,

AV – MAHI, main tumse kabse ye baat kehna chahta tha par kabhi himmat hi nahi hui. MAHI maine jabse tumhe dekha hai, sirf tumhare baare mein sochta hun. Tum me wo sab kuchh hai jo ek perfect ladki mein hona chahiye. Tumhari smile, tumhari baatein , tumhara gussa sab kuchh , mujhe mere poore hone ka ehsaas dilata hai.

MERE MUSKURANE KI, WAJAH TUM HO,
MAIN JEE RAHA HUN AAJ, WAJAH TUM HO
MUJHE MUJHSE MILANE KI, WAJAH TUM HO
MERA DIL MERA NA RAHA, WAJAH TUM HO
AB ZINDAGI KI KHAWAHISH, SIRF TUM HO.

Iske baad AV ne apne ghutne par aate hue (typical propose position) kaha,

I LOVE YOU MAHI. I LOVE YOU FROM THE BOTTOM OF MY HEART. YOU’VE BEEN THE REASON OF ALL MY HAPPINESS, WILL YOU LET ME BE THE REASON OF YOURS FROM NOW? WILL YOU BE MINE FOREVER?

AV ne ye sab MAHI ki aankhon mein aankhein dalkar kaha. Aur is samay MAHI ke chehre ki smile bata rahi thi uski khushi, ya kahun ki aseem khushi. Aaj apne birthday ke din use apni life ka best gift mila tha. AV ne apna haath MAHI ki taraf badhaya aur MAHI ne jhat se use tham liya aur bas itna hi kaha,

MAHI – YES. I LOVE YOU TOO AV.

Bas AV pahunch gaya saatve aasmaan mein. Itni khushi, itni khushi ki control hi na ho rahi thi lounde se. Wo utha aur jhat se MAHI ko gale laga liya. Ye dono kitni hi der tak gale lage rahe jaise ek doosre mein sama jaana chahte hon. Tabhi AV ne MAHI ko khudse alag kiya aur uske chehre ko dekhne laga. MAHI AV ke iss tarah dekhne se sharma rahi thi aur uske gaal bhi laal hone lage the. Tabhi achanak,

MAHI – Are main to bhool hi gayi Maa ko thodi der ka bol kar aayi thi aur abhi itni der ho gayi. Main chalti hoon, haan.

AV (mazakiya andaaz mein) – Are re re kaisi girlfriend mili hai do minute pyaar se baat bhi nahi karti.

MAHI uski girlfriend waali baat par aur bhi sharma gayi aur wahaan se bhaagti hui chali gayi. Tabhi wo ruki aur pichhe mudkar boli,

MAHI – Tum bahut kharab ho, bandar. Huhhh.

Aur fir wahaan se chali gayi. AV pichhe khada MAHI ke baare mein sochkar mand-mand muskura raha tha. Aur fir wahaan se samaan lekar ghar ki or nikal gaya.

(Ab se MAHIRA ko MAHI hi likhunga, aakhir ab official heroine jo ban gayi hai wo.)

Chaliye ab chalte hain flashback mein or jaan lete hain SUYASH aur MAHENDRA ki mulakat ke baare mein bhi.

YESTERDAY :-

LOCATION :- SUYASH’s OFFICE

Haan toh jab MAHENDRA andar aaye to unke chehre par khushi saaf jhalak rahi thi but SUYASH ke chehre par khushi se zyada hairangi thi.

Tabhi MAHENDRA ne aage badhkar unhe gale se laga liya par SUYASH ne koi response nahi diya. MAHENDRA ko bhi is baat se koi hairani nahi hui. Kyonki unhone bhi wo kahawat suni hui thi – Boya ped babool ka to aam kahaan se hoye. Jab JAIDEV ki death ke baad MAHENDRA apni marzi se sabse alag ho gaya to ab SUYASH kaahe us se milkar khush hoga. Apni galti ka ehsaas use tha hi aur isiliye wo SUYASH se milne aaya tha,

MAHENDRA – Main jaanta hun bhai ki tu mujhse naaraz hai. Hona bhi chahiye, main maanta hoon meri galti thi par main majboor tha. Ek baar bas meri baat sun le fir teri marzi jo chaahe wo karna.

SUYASH ko uski baat sahi bhi lagi. Wo acchhi tarah jaanta tha ki MAHENDRA uske aur JAIDEV ke liye kuchh bhi kar sakta tha. Teeno ki dosti ki to misaalein di jaati thi. Aur fir ek dam se uska badal jana aasani se hajam hone waali baat to thi nahi.

SUYASH – Bolo kya kehna chahte ho.

MAHENDRA – Tujhe ye to pata hai ki jisne wo sab kiya tha wo ye bhi jaanta tha ki JAIDEV ne ham dono ko uske baare mein bataya hua hai.

SUYASH – Haan pata hai, par us se kya.

MAHENDRA – Us se ye ki JAIDEV ke jaane ke baad mere upar ek ke baad ek hamle hone lage. Ek accident hua, ek baar ghar oar hi goliyan chalne lagi. Par har baar main bach gaya. Dekh mujhe apni chinta na thi or na hai par mujhe meri patni aur betiyon ki chinta thi, isi wajah se maine tumse kinara kar liya tha. Aur dekh mujhe meri karni ka fal bhi mil gaya. Meri bachi , meri KANIKA wo mujhe chhod kar chali gayi. Un darindon ne pehle meri fool si bachi ko bedardi se nocha aur fir uske poore shareer par tezaab daal diya. Par wo haari nahi, haan wo haari nahi, poore 2 din tak wo maut se ladti rahi par fir wo chali gayi, wo hame chhodkar chali gayi.

Itna kehne ke baad MAHENDRA apne ghutno par baithkar foot-foot kar rone laga. SUYASH ki aankhon ne bhi uska saath chhod diya, aur wo bhi MAHENDRA ke dukh mein aansoon bahane laga. Usne aage badhkar MAHENDRA ko gale laga liya aur use shaant karne laga.

SUYASH – Shaant ho ja bhai, shaant ho ja, tune is baare mein mujhe pehle kyun nahi bataya. Akele hi kyun ghut ta raha tu. Aur un kameeno ko to tune saza dilwaayi na, bol dilwaayi na.

MAHENDRA ka rona ye sunkar or bhi badh gaya. Kyonki yahi ek daag tha uski itni saalon ki Vakaalat par. Sabhi gunehgaaron ko sazaa dilwaane waala Advocate MAHENDRA SHARMA apni hi beti ke gunehgaaron ko saza na dilwa paaya. Ab ese mein SUYASH ki baat ka kya jawaab deta wo isiliye chup hi raha. Lekin SUYASH uski chuppi ka matlab acchhe se samajh raha tha.Aur uska gussa bhi badh raha tha kyonki chahe in dono mein tne saal baat na hui ho par KANIKA aur MAHI ko usne apni betiyon ki tarah hi god mein khilaya tha. Wo ek dam se pichhe hua aur,

SUYASH – Teri chuppi ka main kya matlab nikaalun MAHENDRA. Yaani tune un vahashiyon ko sazaa nahi dilwaayi. Kyon , jawaab de kyon.

SUYASH ki baatein MAHENDRA ko poore tareeke se jhanjhor rahi thi. Wo apne aap ko utna hi bebas aur laachaar mehsoos kar raha tha jitna usne ek saal pehle kiya tha. Usne himmat jutate huye kaha,

MAHENDRA – Nahi dilwa paaya main apni bachi ko insaaf. Nahi dilwa paaya, main ek baap ka farz bhi nahi nibha paaya. Na to use un jalladon se bacha paaya na hi unhe sazaa dilwa paaya. Kya faayda meri Vakaalat ka , haan kya faayda jab apni hi beti ko nyay na dilwa paaya.

SUYASH – Lekin kyon, dekh tu sach-sach bata ki kya hua tha.

MAHENDRA – Ye sab ek saal pehle ki baat hai, KANIKA ne 12th pass karne ke baad college jaana shuru kiya tha. Usi College mein ek SARTHAK naam ka ladka bhi padhta tha. KANIKA mujhse aur apni maa se kuchh nahi chhupaati thi. Ek din usne hame bataya ki wo ladka use pareshaan kar raha hai aur roz-roz uska raasta rok kar khada ho jaata hai. Mujhe ye sunkar bahut gussa aaya , main agle din uske saath college gaya aur us ladke ki shikaayat Principal se kar di. Principal ne use fatkaar lagayi aur College se kuchh din ke liye suspend bhi kar diya. Mujhe laga ki ab wo kuchh nahi karega aur fir jab wo waapis College aane laga to KANIKA ne bataya ki ab wo usse pareshaan nahi kar raha. Main iss baat se nischint ho gaya aur yahi meri sabse badi galti thi. Ek din jab kaafi late ho gaya aur KANIKA college se waapis nahi aayi to ham sab bahut chintit ho gaye, uska phone bhi band aa raha tha. Hamne college mein check kiya to pata chala ki wo pehle hi wahaan se ja chuki thi. Hamne bahut dhunda par wo kahin nahi mili. Par agle din Police ka phone aaya aur unhone hame hospital mein bulayaa aur jab main wahaan pahuncha to meri bachi......

Itna bolkar MAHENDRA ka control chhoot gaya aur wo fir se rone laga. Kuchh der mein jab wo shaant hua to,

MAHENDRA – Do din baad wo chali gayi, wo hame chhodkar chali gayi aur tujhe pata hai us din kya tha, meri bachi ka 19 va janamdin tha. Aur usi din vo..... Fir police ne tehkikaat shuru ki aur maine bhi poori koshish ki un gunehgaaron ko khojne ki. Aur fir ek din Inspector ne bataya ki jaanch padtaal mein unhe us ladke SARTHAK ke khilaaf pakke saboot mile hain. Mujhe poori umeed thi ki us se KANIKA ko insaaf zaroor milega. Par court mein wo sab saboot pesh hi nahi huye, naa hi judge ne hame koi mohlat di. Maine high court mein bhi apeel ki par kuchh haasil nahi hua. Aur pata hai kyon, kyonki us ladke ke dost ne apne baap ke sahare Inspector, Commisioner aur yahaan tak ki Judge ko bhi khareed liya tha.

SUYASH ki aankhon se ye sab sunte hue lagaatar aansoon beh rahe the par ye aakhiri baat sun ne ke baad uske jabde sakthi se bhinch gaye aur vo gusse mein garja,

SUYASH – Kaun tha vo kameena?

MAHENDRA – Aur kaun ek hi to grahan hai ham sab ki zindagi mein jisne hamare bhai jaise dost ko maara (JAIDEV) , usi ka kaam tha ye bhi….

MAHENDRA ki baat ko katkar beech mein hi chillaya SUYASH,

DEVEN RAJVANSH......

Iske baad in donon ne ek doosre ko dilasa diya kyunki dono hi jaante the ki us insaan ka na toh ye kabhi kuchh kar paaye the aur shayad aage bhi uske gunaahon ki sazaa use na milegi. (Lekin inko kya pata apna Hero uski bajane ko tatpar baitha hai bas ek baar use sachayi pata lage).

MAHENDRA – ABHIMANYU kaisa hai?

MAHENDRA ka sawaal sunkar SUYASH ke chehre par ek dard bhari muskaan aa gayi,

SUYASH – Kaisa hoga vo ladka jisne apne bachpan mein hi apne maa-baap ki chita ko aag di ho, kaisa hoga vo jo apni behan ki aawaaz bhi na sun paaya, kaisa hoga vo jiska bachpan hi us se chheen liya gaya ho. MAHENDRA vo theek nahi hai, vo apne aap ko Normal dikhata hai, pata nahi kaise us bache mein itni kaabiliyat aa gayi hai chhoti umra mein hi ki wo apne dard ko sabse chhupaana bhi seekh gaya hai. Par uski aankhon mein mujhe kuchh alag dikhta hai, uske baat karne ka tareeka , uski soch , uske sanskaar, sab bahut alag hai, dekhna ek din vo zaroor apne naam ko sahi saabit karega.

MAHENDRA – Kaisi zindagi hai meri pehle JAIDEV aur KANIKA ne mera saath chhod diya aur fir main ABHIMANYU ke dukh mein bhi uske saath na reh paaya. Pata nahi kab in paapon ke bojh se mukti milegi mujhe.

SUYASH – Tu esa mat soch , aur chal tujhe us se milwaata hun.

MAHENDRA – Milna to main bhi chahta hun us se lekin aaj MAHI ka birthday hai, usne pichhle saal bhi nahi manaya tha aur iss saal bhi nahi manayegi, ulta dukhi ho jaati hai KANIKA ko yaad karke. Main kal aata hun fir chalenge. Vaise kaunse school mein hai vo aur haan ARYAN aur RAGHAV kaise hain.

SUYASH – RAGHAV to MBA kar raha hai aur ARYAN aur ABHIMANYU 11th mein hain, SCOTTISH INTERNATIONAL SCHOOL main.

MAHENDRA – Are usi school main to MAHI bhi hai. Par yaar wo school to kaafi mehenga hai fir ABHI.......

Uski baat ke beech mein hi,

SUYASH – Abbe wo bilkul apne baap jaisa hai padhayi mein, All India topper hai wo , scholarship se help ho jaati hai uski. But haan hai to bilkul JAIDEV jaisa hi, khuddar hai poora, aaj tak ek paise ki madad bhi nahi li mujhse , hamesha keh deta hai ki agar zaroorat hogi to khud maang loonga. Par aaj tak to esa din kabhi nahi aaya.

MAHENDRA – Fir uska baaki ka kharcha kaise hota hai?

SUYASH – Tujhe yaad hai na Bhabhi ABHIMANYU ke liye hamesha paise joda karti thi, bas usi se hi. Unki death ke baad pata chala ki unhone ABHIMANYU ko nominee banakar apne bank account mein 10-12 laakh rupaye jamaa kiye hue the. Aur JAIDEV ne bhi jamaa kiye hue the par wo unhe istemaal nahi karta.

MAHENDRA – Kyon??

Fir SUYASH unhe AV ki JAIDEV se nafrat ke baare mein batate hain, jise sunkar MAHENDRA ko bahut dukh hota hai. Iske baad inmein kuchh normal baatein hi hoti hain, aur agle din school mein hi milne ka plan banate hain ye dono.

BACK TO PRESENT :-

Bas aur kuchh khaas nahi hua aaj , haan RAHUL the great ne poori planning kar li thi AV aur MAHI ke khilaaf jise vo jald hi amal mein laane waala tha. Isi tarah ye din bhi khatam hua.

NEXT MORNING :-

AV subah utha fir dhyaan mein baitha. Ab uski dhyaan ki timing bhi kaafi achhi ho gayi thi. Use dhyaan se kaafi zyaada faayda hota hua bhi nazar aa raha tha. Uski concentration badh rahi thi aur saath hi saath wo ab badi aaram se kisi bhi cheez par focus kar leta tha. Iske baad wo fresh hua and then school ki taraf nikal gaya. Aaj wo kaafi excited tha school jaane ke liye kyonki aaj paheli baar wo MAHI ko ek girlfriend ke roop mein milne waala tha.

LOCATION :- SCOTTISH INTERNATIONAL SCHOOL

“ Waah kya smile aa rahi hai lounde ke chehre par , abhi to aayi bhi nahi hai wo jab aa jayegi tab kya hoga. ”

Ye comment diya tha ARYAN ne AV ko muskurata dekh kar. Asal mein AV jab se class mein enter hua tha tab se hi ek smile thi uske chehre par. MAHI ka intezaar jo kar raha tha lounda. Aur aakhir intezaar khatam hua , jaise hi usne MAHI ko class mein aate hue dekha to smile gehra gayi aur dil mein titliyaan udne lagi. Same haal MAHI ka bhi tha bas ek expression extra tha aur wo thi sharm. Wo aage badhti hui AV ke saath baith gayi par dono mein se koyi kuchh nahi bol raha tha. Bas dono hi ek dusre ko dekh rahe the aur shayad shabdon ki zaroorat bhi nahi thi. Kyonki jab dil baat kar rahe hon tab zuban kya kare. Dusri taraf ARYAN or KABIR in bhaisahab ke liye kaafi khush the. Aakhir itne samay baad iccha jo poori hui thi inki.

Poore din dono ka ek doosre ko apni aankhon mein utaarne ka kaam chalta raha. And then the school was off. Jaise hi ye sab bahar aaye to do log shocked ho gaye. Ye do the ARYAN and MAHI. Kyonki wahaan par maujood the MAHENDRA and SUYASH. Ab aaj se pehle to kabhi inhe pick nahi kiya tha na isiliye.

(Aapko ek baat bata doon ki MAHI ko bilkul bhi nahi pata hai ki uske papa aur ARYAN – AV ke fathers dost the. ARYAN ko sirf JAIDEV ke baare mein pata hai. But AV in dono ko hi by face jaanta hai. Kaise? Chaliye dekhte hain.)

Jaise hi ARYAN – MAHI apne apne papa ke paas pahunche to unhone un dono ko shaant kar diya. Iske baad MAHENDRA ne SUYASH ki taraf dekha to usne AV ki direction mein ishara kar diya. MAHENDRA ne jab AV ko dekha to uski aankhon se do boond aansoon chhalak gaye. Wo tezi se aage badha aur AV ko gale laga liya.

Aur ye BOOOOMM.... Ek bomb hi tha ye baaki sab ke liye, especially MAHI ke liye , (par chalo acha hi hai sasur-damad ek doosre ko pehle se hi jaante hain). AV ne MAHENDRA ko pehchaan to liya tha par hairaan to wo bhi tha, aakhir achanak ese koi prakat ho jayega to kesa lagega. Wo thoda pichhe hua aur MAHENDRA ki taraf swaliya nazron se dekhne laga. MAHENDRA ko laga ki AV ne use pehchana hi nahi,

MAHENDRA – Beta tumne shayad mujhe pehchana nahi, Main......

Beech mein hi,

AV – MAHENDRA SHARMA hain. Haina.

Aur yeh ek or jhatka MAHI ke liye ki AV uske papa ko jaanta hai.

MAHENDRA – Tumne mujhe kese pehchana.

AV – Ghar mein papa, SUYASH uncle or aapki kaafi photos hain aur papa aapke baare mein bataya bhi karte the. Par aap yahaan achanak?

MAHENDRA – Beta mujhe maaf kardo main JAIDEV ki death ke baad kabhi tumse milne nahi aaya, par main majboor tha.

Ye kehkar unhone AV ke saamne haath jod liye par AV ne jhat se unke haath pakad liye. Aur,

AV – Nahi uncle rehne dijiye, aap maafi mat mangiye main samajh sakta hoon.

Par doosri taraf MAHI aur ARYAN ye sab hairan hokar dekh rahe the aur unki shaklein dekh kar MAHENDRA and SUYASH bhi samajh gaye ki inko ghanta kucchh samajh nahi aaya. Isiliye,

SUYASH – Tum dono hairan mat ho. Main , MAHENDRA aur ABHIMANYU ke papa bahut achhe dost the par shayad tum dono ko iske baare mein kuchh yaad nahi. Haina.

ARYAN – Lekin dad main JAIDEV uncle ke baare mein to jaanta hoon fir inke baare mein kyon nahi.

SUYASH – Wo isiliye beta ki JAIDEV apni duty ke liye zyadatar bahar hi rehta tha isiliye ham teeno ka ek dusre ke ghar jaana kam hi hota tha. Jab tum teeno chhote the tab ek dusre ke saath hi khelte the.

Aur ye ek aur jhatka , iske baare mein to AV ko bhi kuchh yaad na tha. Are bhai 4-5 saal ke hi to the ye us samay. Uske baad JAIDEV ne in dono ko kuchh baatein batayi thi aur khud se door karne ka faisla liya tha. Wo nahi chahta tha in dono ki family par koi aanch aaye. Ab esi kya baatein thi wo ye to aapko next update mein is story ke ab tak ke sabse important flashback mein hi pata chalegi. Abhi in logon par dhyaan dete hain.

MAHI – Lekin papa aapne mujhe kabhi kuchh kyon nahi bataya?

MAHENDRA – Beta thi kuchh majboori jiske chalte ham teeno ko ek dusre se alag hona pada. Uske baare mein mat poochna main nahi bata paaunga.

Aur ye baat AV ne pakad li thi. Wo samajh gaya tha ki in dono ko zaroor uski family ke past ke baare mein kuchh pata hoga. Isiliye baad mein inse puchne ka decide kar liya bhai ne.

Isi tarah inka kuchh der bharat milap chalta raha and fir ye apne ghar ki taraf chal diye. MAHENDRA AV ko apne ghar le jana chahta tha but usne baad mein aane ka kehkar taal diya.

Iske baad as usual AV AASHRAM gaya apni training ke liye aur aaj se AACHARYA ne AV ki training ka level bhi badha diya tha. Bas aur kuchh khaas nahi hua.

NEXT DAY :-

Chalo bhai aaj RAHULWA ko bhi theek karne ka time aa gaya hai. Bechara. Wahi ghisi piti planning ki hai usne. Par use kya pata ki AV ab uske jaise 10-15 ko ese hi lamba gira sakta hai. Koi nahi ab pata chal jaayega.

To aaj jab AV school gaya to bas baitha MAHI ka intezaar kar raha tha par aaj wo aayi hi nahi. Aur kamaal ki baat to ye thi ki RAHULWA bhi nahi aaya tha. School off ho gaya tha aur Ab AV ko MAHI ki tension hone lagi thi to usne ARYAN se puchha , aur tension hona laazmi bhi tha kyonki aaj inka test tha aur MAHI ese hi miss to karegi nahi. But ARYAN ko bhi kahaan kuchh pata tha. To usne MAHI ko phone lagana hi behtar samjha.

(Aapko bata doon ki AV mobile use nahi karta hai). Par MAHI Mobile bhi switched off aa raha tha. To usne MAHENDRA ko call lagana hi behtar samjha.

AV – Namaste uncle.

MAHENDRA – Namaste beta, aur batao kese ho?

AV – Main theek hun uncle aap kese ho?

MAHENDRA – Ab tum badiya ho to ham bhi badiya hain. ABHIMANYU beta main na abhi ek important meeting ke liye jaa raha hun to main tumse baad mein baat karunga. Haan mera ek kaam karoge.

AV – Ji uncle boliye.

MAHENDRA – Main kya keh raha hun ki aaj tum teeno kahin ghumne chale jaayo. Wo kya hain na ki MAHI ki mom apne maayke gayi hui hai, to wo akele bor ho jaayegi. Tum logon ke saath rahegi to man bhi laga rahega.

AV ye sunkar blank ho gaya tha. Par abhi usne MAHENDRA ko ye baat batani sahi nahi samjhi. To usne kaha,

AV – Ji uncle thik hai.

Iske baad usne ARYAN ko poori baat batayi to uska bhi dimag kharab ho gaya. Itna to clear tha ki MAHENDRA ke hisaab se MAHI school mein hi hai. Ab in dono ko hi kuchh bhi samajh nahi aa raha tha tabhi AV ke dimag ki batti jali aur usne fatafat ARYAN ko uske bade bhai RAGHAV ko phone milane ko kaha, aur us se phone le liya,

AV – Bhaiya suno aapne bataya tha na ki aapka ek dost ethical hacker hai uska number de do please bahut urgent hai.

RAGHAV – Kyon kya hua tujhe.

AV – Bhaiya abhi kuchh mat pucho please jaldi send kar do or use bhi message kar dena ki wo meri help kare.

RAGHAV – OK bhejta hun.

Iske baad AV ne us hacker ko call kiya aur RAGHAV uska best friend tha isiliye usne bhi help karne ke liye haan keh diya. Fir AV ne use MAHI ka no. track karne ke liye kaha. To usne bataya ki uska mobile off hai but wo last location track kar raha hai. Usne AV ko last location send kar di aur saath hi kaha ki wo Mobile company ke server ko hack karke Mobile on karne ki koshish karta hai. Idhar AV aur ARYAN nikal gaye us location ki taraf.

Jab ye dono wahaan pahunche to wo ek sunsaan ilaaka tha. Chaaron taraf khaali maidaan the. Ye MAHI ke ghar se kuchh do-teen kilometre door tha. Ye dono yahaan Auto se pahunche the par tabhi KABIR ek bike par wahaan pahunch gaya. (KABIR ko in dono hi location send karke bula liya tha kyonki uske paas bike thi. Ab bike isliye thi kyonki uske Orphanage mein ek ladka kaam karta hai. Wo KABIR ko apna chhota bhai manta hai or isiliye KABIR ko apni bike bhi de deta hai. In teeno ne uski bike se hi driving sikhi thi).

Ye teeno aas paas check karne lage to inhe ek direction mein jaate hue tyre marks dikhe. Bas fir kya tha ye teeno unko follow karne lage. Tabhi ARYAN ke mobile par us Hacker ne phone ki current location bhi send kar di. Aur luckily ye log usi taraf badh rahe the. Kuchh aadhe ghante baad ye ek band padi factory ke bahar pahunche aur phone ki location bhi wahin thi.

Ye teeno, chaaron or dhyaan se dekhte hue aage badhne lagte hain. Tabhi inhe aage kuchh gunde type ke log dikhayi dete hain. AV in dono ko wahin rukne ko kehkar aage badhta hai or ek ek kar un teeno gundo ki gardan ki nas dabakar unhe behish kar deta hai. Ye technique bhi AACHARYA ne hi use sikhayi thi. KABIR aur ARYAN to bas mook darshakon ki tarah aankhen faade use dekh rahe the. Bhai ab ek school going ladka in haathinuma raakshason ko ese hi gira dega to hairangi to hogi hi na. Par abhi time nahi tha na is sab ke liye to ye teeno ese hi aage badhne lage. Tabhi unhe ek toote foote kamre ke andar MAHI kursi par bandhi hui dikhayi di. Aur wahin paas hi RAHUL ke saath 10-12 gunde bhi maujood the.

Wahaan par MAHI ki haalat aur RAHUL ko dekhne ke baad AV ka khoon khol gaya. Us se ek pal bhi ruka nahi jaa raha tha. Par use pata tha ki agar wo inpar hamla karega to wo MAHI ko bhi nuksaan pahuncha sakte hain. Isiliye ye apne dimag ke ghode daudane laga. Tabhi MAHI bhi hosh mein aane lagi thi. Aur jab uski aankhein khuli aur usne apni haalat ka jaayza liya to uski rooh kaanp gayi. Use apni behan ke saath huye vaakye ki yaad aane lagi aur uski aankhon se aansoon behne lage.

(Aapko bata doon ki jab RAHUL ne SARTHAK ko bachaya tha kanoon se to use nahi pata tha ki kis ladki ke saath usne wo darindagi ki hai. Usne to bas apne baap se itna hi kaha ki uske dost ko kisi bhi tarah bacha le. Aur DEVEN babu sabse zyada pyaar apni shaan-o-shokat ke baad RAHUL se hi karte hain. To apne bete ki baat ese hi maan li. Isiliye RAHUL ko ye bhi nahi pata ki MAHI usi ladki ki behan hai).

Jab usne apne saamne RAHUL ko hasta dekha to use sara maajra samajh aa gaya. Tabhi,

RAHUL – Are are, ro kyun rahi hai abhi to kuchh bhi nahi hua. Rona lekin baad mein abhi to ye jaanwaron ko dekh rahi hai, ye log tujhe batayenge ki RAHUL RAJVANSH ko thappad marne ka kya anjaam hota hai.

MAHI ka rona badh gaya tha aur wo apne aap ko bebas mehsoos kar rahi thi ki tabhi uska dhyaan piche ki taraf gaya jahaan is waqt wo teeno khade the. MAHI kuchh bolne hi waali thi ki AV ne use shaant rehne ka ishara kar diya. Aur ARYAN–KABIR se plan discuss karne laga.
Wo teeno andar ki taraf jaane ke liye aage badh gaye,

RAHUL kuchh bolne hi waala tha ki tabhi use pichhe se ek laat padi aur wo kursi samet niche gir gaya. Ye laat kisi aur ne nahi AV ne hi maari thi. Ye dekh kar wo gunde bhi harkat mein aa gaye aur AV ki taraf badhne lage. AV ne pehle hi bahar se ek lohe ki rod utha li thi aur ab uska upyog karna tha. Itne mein KABIR ne MAHI ko khol diya aur idhar ARYAN, RAHULWA ko gande kapdon ki tarah dhone mein lag gaya. KABIR ne bhi ek danda uthaya aur AV ke paas pahunch gaya. Abhi tak AV do gundon ko gira chuka tha. Fir shuru hui inki tod–fod. AV and KABIR dana dan dande barsaye jaa rahe the. Idhar ARYAN ne bhi RAHUL ki haalat patli karne ke baad in dono ko join kar liya tha. Ab tak sabhi gunde gir chuke the. And then AV chalte hue RAHUL joki tooti footi haalat mein pada tha uske paas pahuncha aur uska collar pakadkar uthate huye bola,

AV – Sun kutte main sirf ek baar bolunga, dobara tu sun ne ki haalat mein nahi hoga. Sidhi si baat ye hai ki Meri MAHI se door reh warna zinda gaad doonga.

Itna kehne ke baad usne RAHUL ke seene par ek laat jad di or wo pichhe ki taraf gir gaya or behosh ho gaya. Par idhar jab AV ne “Meri MAHI” kaha to MAHI ke dil mein khushi ka sanchar hone laga. Wo dodte hue AV ke lage lag gayi aur rone lagi. Use to vishwas hi nahi ho raha tha ki wo bach gayi. Jis tarah se AV ne sahi waqt par aakar use bachaya use AV par bahut pyaar aa raha tha. Par is samay yahaan se nikalna zaroori tha isiliye AV ne MAHI ko alag karte hue use bahar le jane laga. Ab ek bike or chaar log, bahut naa insaafi hai ye to. So ye idhar udhar dekhne lage tabhi inhein wahaan par RAHUL ki bike dikhayi di. KABIR jaldi se andar gaya aur RAHUL ki jeb se chaabi nikal laaya.

Ab KABIR aur ARYAN ek bike par aur MAHI and AV ek bike par nikal gaye. MAHI AV ke saath chipak kar baithi thi , AV samajh raha tha ki wo abhi bhi dari hui hai to usne abhi baat karna sahi nahi samjha. Unhone RAHUL ki bike raaste mein hi chhod di aur fir auto lekar AV ke ghar pahunch gaye. Ab tak MAHI bhi kaafi had tak normal ho chuki thi.

Jab AV ko laga ki MAHI ab thik hai to usne pucha,

AV – MAHI dekho daro mat ab hum safe hain aur mujhe batao ki tum wahaan kaise pahunchi.

To aaj ke liye itna hi, milenge next update mein aur dekhenge ki JAIDEV ne MAHENDRA aur SUYASH se kya baat ki thi. Tab tak ke liye bye-bye.

YOURS RD.
(4755 WORDS).

Nice update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #11 [THE FIRST TRUTH]
RECAP :- AB TAK AAPNE PADHA KI MAHI & AV EK–DUSRE SE APNA PYAAR CONFESS KARTE HAIN. WAHIN MAHENDRA BHI AV SE MULAKAAT KARTA HAI. IDHAR RAHUL MAHI KO KIDNAP KAR LETA HAI BUT AV KI TIKDI SAHI SAMAY PAR USE BACHA LETI HAI.

AB AAGE :-

LOCATION :- AV’s HOME :-

AV – MAHI dekho daro mat ab ham safe hain aur mujhe batao ki tum wahan kaise pahunchi.

MAHI – Wo jab main school ja rahi thi tab achanak se raaste mein hi driver ne gaadi rok di aur neeche utar gaya. Main kuchh samajh paati us se pehle hi wahan RAHUL aur wo log aa gaye. Unhone zabardasti car ka door khola aur mere face par kuchh spray kar diya , fir main behosh ho gayi aur jab hosh aaya tab wahaan par thi.

MAHI ki awaaz se hi pata chal raha tha ki wo abhi bhi dar rahi hai. Aur ye hona bhi laazmi tha, apni behen ke saath hui us ghatna ke baad se hi MAHI ke man mein ek dar baith gaya tha jo itni aasani se jaane waala nahi tha aur aaj to us dar ko RAHUL ne hawa de di thi. AV bhi MAHI ki haalat samajh raha tha isiliye,

AV – Chalo MAHI kahin ghumne chalte hain. Tumhara mood bhi sahi ho jaayega.

MAHI – Nahi AV mera man nahi hai.

AV – Tum meri itni si baat nahi manogi?

Ye baat AV ne bahot hi masoom shakal banate hue boli thi aur MAHI ab mana nahi kar paayi.
AV ne KABIR se bike li aur ye dono nikal pade. AV ne ek kache raaste par bike douda di. MAHI samajh nahi paa rahi thi ki wo kahaan ja raha hai. Tabhi AV ne bike rok di aur MAHI se utarne ko kaha. Ye ek jungle ka baahri area tha aur aage bike le jaane ke liye sahi raasta nahi tha.

MAHI – Ham yahaan kyun aaye hain?

AV – Tumhe kidnap karke laaya hun, ab Uncle ko phone karke paise mangunga.

MAHI – Very funny, ab batao bhi.

AV – Chup chap chalo abhi pata chal jaayega
.
AV chal pada aage ki taraf aur MAHI bhi uske peeche chalne lagi. Kuchh der chalne ke baad jo nazara MAHI ke saamne tha use dekh kar uski aankhen badi ho gayi. Saamne ek sundar waterfall tha aur usi ke paas ek lakdi ka ghar banaya hua tha. Chaaron aur alag alag prakaar ke phool lage hue the. And wahin kuchh khargosh (rabbit) bhi khel rahe the.

MAHI ne jab AV ki taraf dekha to wo usi ki taraf dekh raha tha,

MAHI – Ye sab kitna sundar hai, kya ye tumhara hi ghar hai.

AV – Yup, ye Mom ne banwaya tha. Sundays ko hamesha wo mujhe yahaan laati thi and I loved this place. Unke jaane ke baad jab bhi mujhe unki yaad aati to main yahaan aa jaya karta tha.

MAHI – Tum apni Mom ko bahot miss karte ho na?

AV ne ek pal MAHI ki aur dekha aur kaha,

AV – Tumhe kya lagta hai.

Jab MAHI ne dekha ki AV dukhi ho raha hai to usne baaton ka rukh mod diya,

MAHI – Waise ek baat batao ki tum mujhe yahaan kyon laaye ho?

MAHI ki baat par AV halka muskurane laga, kyonki wo samajh gaya tha ki MAHI uska mood thik karne ki koshish mein hai,

AV – Ab pehli baar apni girlfriend ko kahin ghumane lana tha, to mujhe yahi jagah sahi lagi. Kyon tumhe pasand nahi aayi?

MAHI – Pasand..... I love it.

AV – Kabhi mujhe dekh kar bhi keh diya karo yahi baat.

Is baat par MAHI blush karne lagi, aur tabhi,

AV –

TERE KAREEB JAANE SE,
KHUD KE KAREEB AATA HUN MAIN.
TUJHE YUN SHARMATA DEKH,
KHUD KO BHUL JAATA HUN MAIN.

MAHI ki aankhon mein dekhte hue kahi thi AV ne ye panktiyaan , aur kye kehte hue hi wo MAHI ke kareeb pahunch gaya tha, aur dono ko hi ek doosre ki saansein shor karti hui sunayi de rahi thi, tabhi,

AV –
MERI SAANSON MEIN TERI SAANSEIN,
KUCHH IS TARAH GHUL GAYI.
TERA CHEHRA DEKH KAR LAGA,
KI SAARI KAYNAAT MUJHE MIL GAYI.

Aur ye sun ne ke baad MAHI ne apne aapko AV ke seene mein chhupa liya and AV ne bhi use apne aagosh mein le liya. Ye dono na jane kitni der tak gale lagkar ek doosre ko mehsoos karte rahe, tabhi kuchh pakshiyon ki awaaz se inka dhyaan toota aur dono alag ho gaye, Is samay MAHI ke chehre par jahaan bhar ki khushi jhalak rahi thi.

AV – Chalo tumhe andar se ghar dikhata hoon.

Ye bolkar AV and MAHI us ghar ke andar chale gaye. Wo ghar baahar se bhale hi ordinary sa lag raha tha but andar se kaafi badiya decorate kiya gaya tha use. MAHI har cheez ko bahut dhyaan se aankhon mein prashansa ke bhaav liye dekh rahi thi, wahin AV sirf apni personal duniya yaani MAHI mein khoya hua tha. Jab MAHI palti aur usne AV ko apni or hi dekhte hue paya to uske chehre par ek bahut hi pyaari muskaan fail gayi.

MAHI – Mujhe ghoorna band karo aur chalo jharne ke paas baithte hain.

Abhi inko yahin par chhodte hain aur chalte hain, yahaan,

LOCATION :- PANDEY NIWAAS (DELHI)

Chalo bhaiya thoda intro se start karte hain,

DCP NARESH PANDEY :- Age – 29. Pata chal hi gaya hoga ki janaab police mein hain. Ek dam kadak aadmi hain, bole to na senior log se darte hain aur gundon ki to pant geeli kar dete hain. Ye sabse zyada pyaar apne desh aur farz se karte hain, bottom line : Inke liye sabse pehle watan, uske baad bhi watan aur end mein bhi watan hi aata hai. Inhone apni zindagi mein sirf ek hi galti ki hai ya yun kahoon ki paap kiya hai. Kya? Baad mein bataunga.

VEDIKA PANDEY :- Age – 28. Inki duniya is equal to inke husband and inki beti. Bahut hi khoobsurat hain par ek paise ka ghamand nahi hai. Peshe se Doctor hain. MBBS karne ke baad khud ka Clinic khol liya tha. Inke patidev bhi inse bahut pyaar karte hain par haan ek sach , joki aage chalkar inki zindagi badal dega, wo chhupaya gaya tha inse. Ab jaan lete hain is ghar ki sabse chhoti member ke baare mein,

KHUSHI PANDEY :- Ek line mein – Cute , little princess. Apne parents ki jaan. Isi saal school mein admission hua hai. Aur jaisa ki aam taur par bacchon ke liye kaha jaata hai, ye bhi apne ghar ki raunak hai.

BACK TO STORY :-

Yahaan DCP Sahab baithe hue hain apne kamre mein , kisi soch mein gum, chaliye jaan lete hain inki soch,

NARESH (mann mein) – Kya maine sahi kiya tha. Haan us samay yahi sahi tha warna shayad main VEDIKA ko kho deta , par “uska” aansuon se bhara chehra mujhe aaj bhi sone nahi deta. Maine uske saath bahut galat kiya, shayad bhagwaan bhi kabhi mujhe maaf na kare. Agar kabhi VEDIKA ko iss baare mein pata chala , to kya wo mujhe maaf karegi ya mujhe chhod ke chali jaayegi. Nahi, nahi main esa nahi hone dunga. Ye baat kisi bhi keemat par saamne nahi aayegi. Par agar “usse” sach pata chala aur wo yahaan aa gaya…..

Abhi ye soch hi rahe the ki inke kamre ka darwaaza khula aur VEDIKA andar aayi. And then inki baat – cheet, apan ko usme ghanta interest na hai.

( Haan guys ek zaroori soochna , dekho inka kahani mein bada hi important role hai. Aaj inka introduction kara diya hai but bahut hi kam dekhne ko milenge ye praani aapko. But haan PART – II mein achha – khaasa role hai inka. )

BACK TO HERO :-

To idhar ye dono baithe hai jharne ke kinaare. MAHI ne AV ke kandhe par sar rakha hua hai aur aankhen band kiye is lamhe ko jee rahi hai. Wahin AV lagatar MAHI ki or dekh raha hai aur kuchh soch raha hai, tabhi,

AV – MAHI....

MAHI ( aankhen kholte hue ) – Hmmm

AV – Dekho meri baat ka koi galat matlab mat nikalna , aur agar sahi lage tabhi mere sawaal ka jawaab dena.

MAHI – Tum ese kyon keh rahe ho?

AV – Wo mere man mein kayi din se ye baat thi, par maine puchha nahi, tumne LADAKH mein mujhe kaha tha ki tumne RAHUL ko apna boyfriend isliye banaya taki baaki ladke tumhe pareshaan na karein. Tumne jhooth kaha tha na?

MAHI hairan hokar AV ko dekhne lagi, uske muh se bol nahi foot rahe the, Par usne himmat karke kaha,

MAHI – Tumhe kaise pata.

AV – MAHI tum jhooth bol sakti ho , tumhaari aankhen nahi aur main tumhari aankhon ko padh sakta hun. Maine hamesha se hi tumhari aankhon mein RAHUL ke liye nafrat dekhi hai. Aur ye koi itni badi bhi problem nahi thi jiske liye tumhe use haan bolna pade. Sahi kaha na maine?

MAHI ne just haan mein sar hila diya, wo yahi sochkar khush thi ki AV use baaki sab se behtar tareeke se samajhta hai. AV ne baat ko aage badhate huye kaha,

AV – To batao mujhe kya wajah thi iske pichhe.

AV ke iss sawaal se MAHI ki aankhon ke saamne KANIKA ka chehra aa gaya aur uski aankhon se paani behne laga. AV samajh gaya ki koi bahut badi baat hai tabhi MAHI ne ese react kiya. Usne MAHI ko apni baahon mein samet liya aur uske sar ko sehlane laga. Kuchh der baad MAHI shaant hui aur fir usne AV ko KANIKA , SARTHAK aur RAHUL ke baare mein bataya. Poori kahani sun ne ke baad AV ki aankhon mein bhi aansoon aa gaye. Ab darindagi ki esi ghatna sunkar to pathar bhi shaant nahi reh sakta fir ye to insaan tha. Par saath hi AV ki aankhon mein ek gussa tha, nafrat thi un bhediyon ke liye jo is kadar gir jaate hain.

MAHI – Main RAHUL Ke kareeb reh kar kuchh saboot jutana chahti thi taaki didu ko insaaf dila sakun. Yahi wajah thi mere esa karne ki.

AV – Lekin fir tum ne LADAKH mein us se doori kyon bana li.

MAHI – Main us kameene ko ek second bhi bardaasht nahi kar sakti. Ye main hi jaanti hoon ki uski shakal dekhne ke baad bhi main kese khud ko rokti hun. Warna to bahot pehle hi maine use maar diya hota. Par maut un logon ki sazaa nahi hai, unhe to utna hi dard aur takleef milni chahiye jitni meri didu ko hui thi. Trip par jaane se do din pehle hi maine SARTHAK aur RAHUL ko baatein karte hue sun liya tha us baare mein aur un dono ki video recording bhi kar li thi. Main aur zyada use bardaasht nahi kar sakti thi isiliye main us se break-up ka bahana dhoond rahi thi aur wo mujhe trip par hi mil gaya. Main Papa ko is baare mein batane hi waali hun aur fir hi meri didu ka badla poora hoga.

Iske baad MAHI foot–foot kar rone lagi and AV ne bhi use rone diya , wo jaanta tha ki MAHI ka dukh bahut bada hai, ab us se behtar kaun samajh sakta tha apno ko khone ka gam. Jab MAHI shaant hui tab AV ne uska haath thamkar kaha,

AV – Tum chinta mat karo main is sab mein tumhara poora saath doonga. Par tumne khud hi kaha tha ki RAHUL ke papa ne tab bhi saare saboot mita diye the, to kya guarantee hai is baar esa kuchh nahi hoga aur ho sakta hai is baar tumhari family ko bhi chot pahunchane ki koshish ki jaaye.

MAHI – To fir mai kya karun ab?

AV – Kuchh nahi. Bas sahi waqt ka intezaar. Hame aur kuchh saboot jama karne honge taaki koi chance na ho un logon ke paas bachne ka. Is video ko wo aasani se jhoota saabit kar denge editing batakar. But tum chinta mat karo , har insaan ko apne karmo ka fal milta hi hai, un logon ko bhi zaroor milega .
AV MAHI ko samjhane ki koshish kar raha tha but MAHI ab bhi kaafi sad dikh rahi thi,

AV – Hey bhagwaan kaisi gf mili hai, hamesha sada sa muh bana ke rakhti hai, lagta hai mujhe koi aur gf dhoondni padegi.

MAHI AV ki baat sunke ek dam gusse mein aa gayi,

MAHI – Zyaada na udo mat tum warna tumhare pankh kaat dungi. Agar mere alawa kisi aur ladki ki taraf dekha bhi na to aankhen nikal loongi tumhari.

AV – Aji mohtarma main to poora ka poora aapka hun, dil to aap le hi chuki ho, aankhen bhi le lo. I won’t mind.

MAHI ye sunke hasne lagti hai aur idhar AV uski muskurahat mein kho jata hai aur kehta hai,

AV – Ab yaar itna zulm to mat karo, main to pehle hi tumhara deewana hun aur upar se tumhari ye smile. Haaye....

Is baat par MAHI ki smile aur gehri ho jaati hai. Tabhi MAHI time dekhti hai to chaunk jaati hai, kyonki in dono ko yahaan aaye hue do ghante ho gaye the aur ab shaam hone lagi thi. To wo AV se ghar chalne ko bolti hai and wo bhi maan jata hai. AV ne MAHI ko bata diya tha ki use apne papa se kya kehna hai. But MAHI ne saaf keh diya tha ki wo apne papa se kuchh nahi chhupaati aur ye baat bhi sahi mauka dekh kar bata degi. Jab ye dono MAHI ke ghar pahunchte hain tabhi wahaan MAHENDRA ki car bhi aa jaati hai aur wo AV ko bhi andar chalne ko kehta hai. MAHI fresh hone ka bolkar apne kamre mein chali jaati hai aur ye dono baatein karne lagte hain. Tabhi,

AV – Uncle mujhe aapse ek baat puchni thi.

MAHENDRA – Haan bolo beta.

AV – Nahi uncle abhi nahi , abhi late ho raha hai. Aap kaho to kal…

MAHENDRA – Thik hai tum kal school ke baad mere office aa jana wahin baat karenge.

Fir wo AV ko apne office ka address deta hai and then AV bye bolkar nikal jata hai.

Fir bas kuchh khaas nahi hota aur ye aaram se so jata hai. Tab tak nazar daal lete hain ki RAHUL & Company ke kya haal hain dhulayi ke baad.

Haan to jab in RAHUL ki servicing ke baad use hosh aaya to uske poore shareer mein kaafi zyaada dard ho raha tha. Jab usne nazar ghumakar dekha to uske aas – paas koi na tha. Asal mein AV and party ke jaane ke thodi der baad hi wo sab nikal gaye the kyonki wo jaante the ki Hosh mein aane ke baad RAHUL saara gussa un logon pe hi utaarega. Isiliye unhone prevention is better than cure, kahawat ko amal mein laate hue wahan se khisakna hi behtar samjha.

So, RAHUL ne kisi tarah apne aap ko sambhala aur jab wo baahar aaya to use apni bike hi wahan se gayab mili. Usne kisiko phone lagaya aur kuchh 30–40 minute baad wahan ek gaadi ruki aur usmein se do bodybuilder type aadmi nikle. Unhone RAHUL ko sahara dekar gaadi mein bithaya aur hospital ki taraf chale gaye. RAHUL ne un dono ko saaf keh diya ki DEVEN ko iss baare mein nahi batana hai aur khud apne baap ko phone karke keh diya ki wo apne doston ke saath ghumne jaa raha hai.

Ab aap kahenge ki RAHUL ne DEVEN ko kyon nahi bataya jabki agar vo use bata deta to wo ek minute mein AV ko tapka deta. Ab iska reason ye hai ki DEVEN ko ek cheez RAHUL se bhi zyaada pyaari hai aur wo hai uska ghamand, uska Ego. Ab agar use pata chalega ki uska beta pitkar aaya hai to wo use Nobel Prize to dega nahi balki kutaayi karega wo alag. Aur doosri baat ye ki RAHULWA bhi koi seedha sada ladka to hai nahi, hai to ye bhi bahut bada kameena, to apna badla khud hi lene ki soch rakhi hui hai isne. Ab kya kar sakte hain isko pitne ka shouk chadh gaya hai to dhulaayi to hogi hi.

NEXT MORNING :-

LOCATION :- SCOTTISH INTERNATIONAL SCHOOL

“So students main aapko bata doon ki aapke exams ab start hone hi waale hain. Next week aapko exams ka schedule mil jaayega and most probably next month se aapke final examination start ho jaayenge. So you all should be fully prepared for that.”

To ye thi AV ki class– teacher MISS VANDANA ROY jo exams ke baare mein in sabko soochit kar rahi thi. To aap samajh hi gaye honge ki bas kuchh samay baad ye sab 12th class mein pahunchne waale hain.

Haan to Aaj bhi AV ka MAHI Ko ghoorna continuously chaalu hi tha aur MAHI ka yeh dekh kar sharmana bhi. Ab mujhe to shak hai ki ye paper mein bhi MAHI ki Kahani na likh kar aa jaye.

Bas kuchh khaas nahi hua inke school mein aaj. School off hone ke baad AV chal pada MAHENDRA ke office ki taraf jahaan ek bahut hi bada jhatka uska intezaar kar raha tha.

LOCATION :- RATHI COMPLEX ( MAHENDRA’s OFFICE )

“ Good Afternoon Sir ”.

Ye awaaz thi MAHENDRA ke assistant ki jo abhi – abhi inke cabin mein enter hua tha.

“Afternoon Vivek. Bolo”

VIVEK – Sir wo koi ABHIMANYU naam ka ladka aapse milne aaya hai. Uske paas appointment bhi nahi hai, waapas bhej doon kya use?

MAHENDRA – Arre nahi , use andar bhej do.

So jaise hi AV MAHENDRA ji ke cabin mein enter hua to wo khade ho gaye aur use gale laga liya.

MAHENDRA – Kaise ho beta?

AV – I’m good uncle. Aap kaise hain?

MAHENDRA – I’m also good. Batao kuchh loge.

AV – Nahi nahi uncle main to bas aapse kuchh puchna chahta hoon.

MAHENDRA – Haan pucho beta kya puchna hai tumhe.

AV – Dekhiye uncle pata nahi kyon mujhe lagta hai ki mujhse bahut si baatein chhupaayi gayi hain, Papa ke baare mein , Maa ke baare mein, Mere baare mein. Mai Aapse jan na chahta hun sab kuchh jo bhi aap jaante hain hamare baare mein. Aur aapne MAHI se bhi kaha tha ki aapki kuchh majboori thi jiski wajah se aap teeno ko alag hona pada. Kya thi wo majboori please bataiye mujhe.

MAHENDRA ko bhi laga ki AV ko sach jan ne ka poora hak hai, isiliye.

MAHENDRA – Batata hoon beta , aaj sab bataunga tumhe. Ye sab 12 saal pehle shuru hua tha. Darasal un dinon JAIDEV achanak se kuchh badla badla sa lagne lag gaya tha. Wo har samay pareshaan rehne laga tha. Humne kayi baar jan ne ki koshish ki par wo kuchh batata hi nahi tha. Fir ek din uska accident ho gaya, jab ham hospital mein us se milne pahunche tab wo SANJANA Bhabhi se keh raha tha,

“ SANJANA ye accident jaan bujh kar kiya gaya hai. Ye usine karwaya hai. Ab mujhe lag raha hai ki khatra badh gaya hai. ”

Ham samajh gaye the ki JAIDEV zaroor kuchh hamse chhipa raha hai. Jab wo discharge hokar ghar louta to hamne use apni kasam dekar sach batane ko kaha.

BHAILOG IS TARAH SAMAJHNE MEIN DIKKAT HOGI , HAM FLASHBACK MEIN HI CHALTE HAIN.

FLASHBACK ( 12 YEARS AGO ) :-

LOCATION :- AV’s HOME (JAIDEV’s ROOM)

JAIDEV – Haan ye sach hai ki kisine mujhe maarne ki koshish ki hai aur ye aaj se nahi 3 saal se jaari hain. Par ab kuchh dinon se mujhe lag raha tha ki wo log mere parivaar ko bhi nuksaan pahunchane ki koshish kar rahen hain, isiliye main pareshaan tha.

SUYASH – Par teri kisise kya dushmani hai?

JAIDEV – Dushmani meri nahi hai par haan kisi aur ki hai aur main unka gulaam hoon aur unke liye apni jaan bhi de sakta hoon.

Wo dono ye sunkar hairaan ho gaye. Jo JAIDEV kisi ke saamne nahi jhukta tha wo khud ko kisi ka gulaam bata raha tha.

MAHENDRA – Ye kya bakwas kar raha hai mujhe kuchh samajh nahi aa raha.

JAIDEV – Dekho main tumhe poora sach nahi bata sakta , kyonki tum use hazam nahi kar paoge aur waise bhi ye sab kisi ko bhi batane ka main risk nahi le sakta.

MAHENDRA – Risk. Matlab tujhe hampar bharosa nahi hai.

JAIDEV – Aaj to keh diya dobara ye baat mat kahiyo. Tum dono par to main aankh band karke bharosa karta hoon par is mamle mein to main khud par bhi bharosa na karoon. Dekho ye bahut bada khel hai jismein na jaane kitno ki bali di jaa chuki hai aur agar “WO” aa gaya na to fir se maut ka khel shuru ho jaayega.

SUYASH – Kaun wo kiski baat kar raha hai?

JAIDEV – Hai ek jallad jo dhan daulat ke liye apne rishton ka bhi khoon kar chuka hai aur ab mere pichhe hai.

( Inko to nahi pata chala par main aapko bata deta hoon ki ye “WO” hamari story ka main villain hai. )

MAHENDRA – Abhi tune kaha ki agar wo aa gaya to, matlab abhi wo kahin aur hai, aur ab keh raha hai ki wo tere pichhe hai. Matlab kya hai iska, aur tu use maar kyon nahi deta ya ham Police ki help lete hai na.

JAIDEV – Pehli baat ka matlab ye hai ki wo abhi videsh mein hai par uske aadmi mere pichhe hain, aur meri jaan lene ko utawale hain.

Aur rahi baat maarne ki ya Police ke kuchh karne ki to, ek baat bata tu JAGDEESHWAR RAJVANSH ( DEVEN ka Baap jo present time mein RIP ho chuka hai ) ko to jaanta hai na.

SUYASH – Abbe use kaun nahi jaanta, RAJASTHAN ka Raja hai wo. Par kya tu isi ki baat kar raha tha. Fir to yaar police shayad hi help karegi.

JAIDEV – Nahi , jiski baat main kar raha hoon uske saamne JAGDEESHWAR ki aukaat ek kutte ki hi hai. To ab soch le ki kya cheez hoga wo.

Ye baat sun kar In dono ke dimag ka fuse ud chuka tha. Samajh nahi paa rahe the ki itne bade aadmi se JAIDEV ki kya dushmani.

MAHENDRA – Kya ye JAGDEESHWAR bhi uske saath mila hua hai.

JAIDEV – Nahi. Par haan uska beta DEVEN zaroor uska khaas aadmi hai. DEVEN ne hi ye accident karwaya tha.

Dono bahut zyada tension mein the , In dono ko hi koi raasta nazar nahi aa raha tha.

JAIDEV – Tum dono kuchh mat socho. Mujhe pata hai maine us DEVEN ke haathon hi marna hai. Par ab se tum dono mujhse milne kam se kam hi aaoge. Dekho agar usne tum dono ko mere saath dekha to tumhe bhi khatra ho sakta hai.

Dono kuchh bolne ko hue par tabhi,

JAIDEV – Mai jaanta hoon ki tum mera saath dena chahte ho par ek baar apne parivaar ke baare mein socho. Aur mujhe iss baat par koi behes nahi chahiye tum dono meri baat manoge, tumhe hamari dosti ka vaasta.

Yahi tha vo reason jiske kaaran ye teeno 12 saal pehle door ho gaye the but JAIDEV ki death ke baad MAHENDRA kaahe sabse alag ho gaya tha. To wo kaaran aage hi hai,

BACK TO PRESENT :-

AV ki aankhen nam thi uske man mein uthal – puthal machi hui thi. Na to wo kuchh samajh pa raha tha aur naahi keh pa raha tha. MAHENDRA bhi AV ki maansik stithi samajh raha tha isliye wo bhi shaant ho gaya.

Kaafi der baad AV ne himmat jutakar kaha ,

AV – Papa ki death Ambush mein hi hui thi na??? Ya.....

MAHENDRA – Nahi wo sab ek jhooth tha , matlab wo Ambush natural nahi tha wo planned tha. Wo sab aadmi DEVEN ke hi the.

Bas ye tha AV ki life ka ab tak sabse bada dhamaka , jisne uske dimag mein ek ke baad ek, kayi short circuit kar diye. Agar ye purana AV hota to abhi ye Nikal jaata DEVEN se badla lene ke liye, ye jaante hue bhi ki uske sar ka baal todna bhi iske bas ka nahi hai. Par itne samay se dhyaan lagane ke kaaran AV ka man ab uske control mein tha, wo har situation ko sahi dhang se analyse karke hi faisla karta tha.

AV – Aapko kaise pata chala.

MAHENDRA – JAIDEV ki death ke baad uske ek fauji saathi hame ek letter dekar gaye the. Unhone hame bataya ki JAIDEV ne ye hamare liye hi diya tha.

LETTER :-

Tum dono ko jab ye letter milega tab main is duniya se jaa chuka hunga. Mujhe pata chal chuka hai ki mere din poore ho gaye hain. Maine DEVEN aur uske saathiyon ko aaj hamare camp se thodi door dekha hai. Ye pakka hai ki ab wo mujhe markar hi dam lega. Mujge apni chinta nahi hai, par mere baad tum dono ABHIMANYU aur SANJANA ka dhyan rakhna. Aur main pray karunga ki agle janam mein bhi tum dono mere dost bano.

JAIDEV.

BACK TO STORY :-

MAHENDRA ne batana chaalu rakha,

MAHENDRA – JAIDEV ki death ke baad mujhe dhamki bhare phone aane lage kyonki maine is letter ke dam par DEVEN par case karne ki sochi thi. Aur shayad mere office mein se kisine ye khabar us tak pahuncha di. Main pichhe nahi hata lekin jab ek din mere ghar par firing hui to main apni betiyon ke liye dar gaya. Main unhe maut ke kuh me nahi dhakel sakta tha. Isiliye maine wo case nahi kiya. Par uske baad main khud se nazren nahi mila paa raha tha aur tumhare saamne aane ki himmat bhi nahi ho rahi thi. Mujhe maaf kardo beta main sawarthi ho gaya tha.

AV – Nahi uncle aap maafi mat maangiye. Aapne to poori koshish ki thi par shayad kismat mein yahi likha tha.

Itna kehkar AV utha aur tez kadmon se bahar chala gaya. Uska chehra bilkul sapaat tha, koi expression nahi tha uspar but uski aankhon mein pratishosdh ki, badle ki aag dehek rahi thi aur dil mein sirf ek hi khyaal tha,

DEVEN KI BARBAADI.......

So guys ye raha is story ka pehla secret , jo aapke saamne hai. But of course abhi bhi bahut se sawaal baaki hain, jinke jawaab aapko aage ke updates mein mil jaayenge. Tab tak ke liye Bye-bye.

YOURS RD.

(4367 WORDS).

Nice update bhai

HPR 2020 · Oct 13, 2021

awesome update bhai
waiting for next one

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #12 [THE DIARY]
RECAP :- AB TAK AAPNE DEKHA KI AV & MAHI SAATH MEIN KUCHH KHUSHNUMA PAL BITATE HAIN WAHIN APNE DAD KI MAUT KI ASLIYAT JAN NE KE BAAD AV KO EK BAHUT BADA JHATKA LAGTA HAI.

AB AAGE :-

LOCATION :- SCOTTISH INTERNATIONAL SCHOOL

“Aesa muh kyon bana rakha hai jaise MAHIRA ne tujhse break-up kar liya ho.”

Ye comment tha ARYAN babu ka jo inhone AV ki sad shakal ko dekh kar kiya tha. Asal mein kal se hi AV bahut dukhi tha. Jab se MAHENDRA ne use sachayi batayi thi tabhi se uske dil mein badle ki bhavna ne janam le liya tha par wo bhi bhali bhanti jaanta tha ki DEVEN ka kuchh bigad pana uske bas ka nahi hai. Isiliye uska man bahut dukhi tha.

Par ARYAN ke comment par turant bhadak pada ladka,

AV – Manhooson jaisi shakal hai aur baatein bhi waisi hi karni hai. Jab kuchh achha nahi bol sakta to chup hi raha kar na.

Inki nok jhonk to hamesha ke jaisi hi chalti rahi jab tak AV ki jaan class mein enter na ho gayi. Aur hamare ARYAN sir bhi samajhdar nikle, chup chaap apni jagah par jakar baith gaye wo bhi.

MAHI – Kya hua kuchh problem hai kya?

Jab kaafi der tak AV kuchh nahi bola to MAHI ne us se ye sawaal kiya.

AV – Nahi kuchh nahi. Tumhe esa kyon laga.

MAHI – Aankhen padhna sirf tumhe hi nahi aata. Aur kisi ka to pata nahi par tum apni pareshaani mujhse to nahi chhipa sakte.

AV – Jaanta hoon par main abhi tumhe kuchh nahi bata sakta but trust me sahi waqt aane par main tumhe hi sabse pehle bataunga.

MAHI – Wo sab chhodo aur thoda smile karo, ese udaas mat raha karo mujhe achha nahi lagta.

Inki baat cheet band hui teacher ke class mein aane se. Aaj ka din bhi baaki dinon jaisa hi lag raha tha par AV ke liye esa nahi tha. Har pal use yaad aa rahi thi MAHENDRA se ki gayi baatein. Aur ab usne decide kar liya tha ki wo DEVEN se badla lekar rahega. Aur iske liye sabse pehle use apni training complete karni thi and then diary mein likhi huyi dusri baat ko follow karna tha. AV samajh raha tha ki bahut badi badi shaksiyat uske khilaaf hongi is jung mein par koi aur raasta uske paas nahi tha.

Aaj se hi AV ne decide kar liya ki ab wo na sirf shaam ko balki subah jaldi uthkar bhi training ke liye jaayega.

LOCATION :- AASHRAM

AV – Guruji main aapse kuchh kehna chahta hoon.

AACHARYA – Kaho putra.

AV – Guruji kya main aaj se subah shaam dono time training ke liye aa sakta hoon.

AACHARYA hairan to huye AV ki baat par kyonki unhone uski training pehle ke mukaable hard kar di thi aur ab ye extra bhi karna chahta tha par fir bhi wo khush the. Wo khud bhi chahte the ki AV jald se jald apne lakshya ko paa le. Isiliye unhone haami bhar di.

AFTER 45 DAYS :-

Haan to yahaan par hamne liya hai ek jump.

Aaiye aapko bata deta hoon ki in dinon mein kya kuchh hua hai. Jahaan ek taraf RAHUL poori tarah se thik hokar ghar pahunch gaya wahin saath mein hi apna badla lene ki planning bhi shuru kar di jise wo jald hi amal mein laane wala hai. Iske liye kya hi kahen bas laaton ke bhoot baaton se nahi maante, ye kaise maanega.

Idhar AV aur MAHIRA ka pyaar bhi parwan chadhne laga hai. Dono hi ek doosre ko bahut achhe se samajhne lage hain. Aur in dono ne saath mein kayi khushnuma pal bhi bitaye.

Wahin sabse zaroori ghatna jo huyi wo ye ki AV ki training apne end ki taraf hai, Aaj last day hai iska yahaan. Ab tak AACHARYA ne AV ko bahut si fighting skills and techniques mein master kar diya tha. AV bhi poore man se sab seekh raha tha, wo jald se jald sach ka pata lagana chahta tha , wo sach jisne uski hasti khelti zindagi tabah kar di thi.

AACHARYA bhi hairan the uski vilakshanta dekh kar kyunki jis prakar ki training wo karwa rahe the us se achhe achhon ki fat jaye par ye alag hi scene chal raha tha. Aaj AV ki training ka last day tha aur wo is baat se kaafi khush tha ki uska pehla target ab poora hone ja raha hai. But saath hi wo us box ke baare mein bhi soch raha tha jo use RAJAN ne LADAKH mein diya tha. Uski chaabi ke baare mein use koi idea na tha. Par saath hi use bharosa tha ki aage chalkar wo raaz bhi saamne aa hi jaayega.

Wahin AV ke exams bhi khatam ho gaye aur filhaal uski vacations chal rahi thi aur is free time ka istemaal usne bahut achhe se kiya. Kaise ? To jaise ki AACHARYA to use sab sikha hi rahe the par wo apne aap bhi alag alag cheezen sikh raha tha. RAGHAV ke dost ( wahi hacker jisne MAHI ki location dhoondi thi) se wo computer and hacking wagera bhi seekh raha tha. Abhi of course itni jaldi to hoga nahi par starting ho chuki thi. Ab next week hi uska result aane waala tha 11th class ka par us se pehle AV ki zindagi mein ek aur musibat dastak dene waali thi. Aur us musibat ka naam tha , the one and only RAHUL. Guys ab iska achhe wala intezaam hone wala hai warna baar – baar fudakta hi rahega.

LOCATION :- AASHRAM

Haan to subah ka samay hai , aur AV ne apni training bhi complete kar li hai. Is samay wo AACHARYA RAMDAS JI ke saath ek ped ke neeche baitha hai.

AACHARYA – VEER ab mera karya poora ho chuka hai. Ab tumhe apne marg par aage badhna hoga. Ek baat hamesha yaad rakhna ki kuchh bhi ho , kesi bhi musibat aaye tum apne vishwas aur sayyam ko banaye rakhna. Main janta hoon ki tumhare man mein bahut se sawaal chal rahe honge ki ye sab tumhare saath kyon ho raha hai par yakeen rakho aage chalkar tumhe apne saare sawalon ke jawaab mil jaayenge. Batane ko to main bhi tumhe sab bata sakta hoon par tum khud hi sach ko dhoondo to hi behtar hoga kyonki hame apni ladayi swayam hi ladni padti hai.

AV – Ji Guruji main poori koshish karunga ki jis bhi kaam ke liye ye sab ho raha hai wo mai poora kar paaun.

AACHARYA – Ab tumhare jaane ka samay ho gaya hai beta, aage bahut si mushkilein aayengi par tum haar mat man na. Kyonki koi hai jo kitne saalon se tumhara intezaar kar raha hai.

Ye baat AV ke sar ke upar se chali gayi par wo jaanta tha ki puchne ka koi faayda nahi hai, kuchh batane waale to hai nahi ye.
Iske baad wo wahaan se nikal gaya aur AACHARYA use jaate hue dekh kar man hi man soch rahe the,

“Ab bahut jald hi us paapi ko apne karmo ka fal milega. Hey Ishwar is baalak ko kaamyabi dena.”

LOCATION :- AV’s HOME

AV ghar pahunch chuka tha aur fresh wagera hokar wo diary kholkar baith gaya tha. Wese to wo pehle bhi poori diary padh chuka tha par ab time aa gaya tha usmein likhi agli baat ko follow karne ka. Aur uske liye AV ko jaana tha AJMER. Ab wahaan kya hoga ye to samay aane par hi pata chalega par haan itna bata sakta hoon ki wahaan AV jaayega to akela par apne saath DEVEN RAJVANSH naam ki musibat ko lekar aayega.

AV ne soch liya tha ki wo kal hi nikal jaayega aur isliye usne decide kiya ki aaj ka din wo spend karega with someone special , aur iski zindagi mein to ek hi special praani hai. To nikal gaya uske ghar ki taraf. (Waise kya life hai is ladke ki bina dar ke gf ke ghar pahunch jaata hai. )

LOCATION :- MAHI’s HOME

Haan to AV pahunch gaya MAHI ke ghar. Jab wo wahaan pahuncha to unke ghar ke teeno sadasya hall mein hi virajmaan the. Aur AV ko dekh kar teeno ke hi chehron par muskaan fail gayi. Par sabse zyada khush to wahi thi , AV ki heroine. AV ne apne saas – sasur (I mean hone waale) ke pair chhue aur MAHI se haath milaya aur unke saath baith gaya. Ab wo soch raha tha ki MAHI ko kaise yahaan se le jaye tabhi uske dimag ki batti jali.

Kuchh der tak normal baatein karne ke baad apna asli maksad shuru kiya bhai ne.

AV – Uncle main kya keh raha tha ki ab hamare vacations bhi khatam hone waale hain aur abhi tak ham kahin ghumne bhi nahi gaye. To kyon na Main , MAHI aur ARYAN aaj kahin outing par jayen.

Ye baat sunkar MAHI ke chehre par ek smile gayi kyonki wo samajh gayi thi ki ye achanak kyon prakat hua hai.

MAHENDRA – Are ye to bahut badiya idea hai, ye bhi poora din ghar mein bor hoti rehti hai. Isi bahane thoda mood bhi change ho jaayega.

Aur thodi der baad ye dono nikal jaate hain. AV bahut khush nazar aa raha tha but saath hi thoda pareshaan bhi tha. Aur MAHI ne uske wo expressions note kar liye the. Ye dono usi jungle waale ghar ke paas pahunch gaye aur jharne ke kinaare virajmaan ho gaye. AV MAHI ki god mein sar rakh kar leta hua tha aur MAHI uska sar sehla rahi thi. Is samay AV ke chehre par jahaan bhar ka sukoon tha. Tabhi,

MAHI – AV kya hua hai , aaj se pehle to tum kabhi ese mujhe ghar se lene nahi aaye, aur tum thode pareshaan bhi dikh rahe the. Kuchh problem hai kya?

AV – Nahi to esa kuchh bhi nahi hai.

MAHI – Dekho ek to tum na mujhse ye baatein chhupana band kar do warna main tumse baat nahi karungi.

Aur itna bolkar MAHI ne apna chehra doosri taraf ghuma liya. MAHI ke expressions dekh kar AV ko uspar bahut pyaar aa raha tha aur saath hi hasi bhi. Par usne apne aap ko control karte hue kaha,

AV ( bahut masoom aawaz mein ) – Tum sach mein mujhse baat nahi karogi?

Jab MAHI ne AV ki taraf dekha to usne bahut hi udaas face bana rakha tha aur MAHI samajh gayi ki ye nautanki kar raha hai.

MAHI – Ye dramebaazi band karo aur mere sawaal ka jawaab do.

AV – Dekho main tumhe kuchh samjha nahi paaunga kyonki mujhe khud bhi bahut kuchh pata lagana hai. Bas itna jan lo ki mere papa ki death ek planned murder tha aur jin logon ne wo kiya tha ab unke nishaane par main hoon....

MAHI to ye sunkar jad ho gayi thi saath hi dar bhi gayi thi ki kahin AV ko kuchh ho gaya ,

MAHI – Tum kya keh rahe ho mujhe kuchh samajh nahi aa raha.

AV – Main samjha bhi nahi paaunga abhi. Dekho mujhe khud nahi pata ki ye sab kyon ho raha hai. Bas itna pata hai ki un logon ke mujh tak pahunchne se pehle mujhe un tak pahunchna hoga. Aur isiliye main kuchh din ke liye AJMER ja raha hoon kyonki agla clue mujhe wahin milega.

MAHI – Dekho mujhe ab bhi kuchh samajh nahi aa raha hai tum mujhe poori baat bataoge.

AV MAHI ko sab kuchh shuru se batane lagta hai or jaise jaise wo batata ja raha tha MAHI ki hairaangi badhti ja rahi thi.

Sab kuchh sun ne ke baad MAHI shocked ho gayi thi. Wo sach ko hajam karne ki koshish mein lagi aur saath hi AV ke liye uske man mein dar bhi baith gaya tha,

MAHI – Tumne wo diary ka zikr kiya , kya hai us diary mein?

AV – Wo meri Mom ki diary hai. Pichhle saal main store room ki safayi kar raha tha tab mujhe wo wahaan rakhi hui mili. Usmein first page par likha hai,

“ VEER agar tum ye diary padh rahe ho to tum bahut khush kismat ho. Kyonki iske zariye hi tum apni sachayi ka pata laga paaoge. Dekho mujhe pata hai ki tumhare man mein bahut se sawaal aayenge is diary ko poora padhne ke baad aur yakeen maano ke ek din tumhe sabhi jawaab bhi mil jaayenge. Tum bas ek baat yaad rakhna ki sachayi kabhi bhi nahi badalti , jo sach hai wo tumhe man na hi padega , use badla nahi ja sakta. Haan ho sakta hai ki sach jankar tumhe jhatka lage par use badla nahi ja sakta. Tum agar ek hasti khelti zindagi bitana chahte ho to tumhe ‘USSE’ maarna padega warna agar usne tumhe dhoond liya to wo ek second bhi nahi lagayega tumhe maarne mein. Ab tum is diary ko poora padho aur ismein likhi baaton ko amal mein laayo. Jaise jaise tum aage badhte jaoge to tumhare sabhi sawaalon ke jawaab bhi tumhe mil jaayenge.”

MAHI bahut dhyaan se AV ki baat sun rahi thi aur poori baat sun ne ke baad uske man mein ek baat aayi,

MAHI – Tumhe kaise pata ki wo diary tumhaari Mom ki thi.

AV – Are tumhe bataya to tha ki Mom hi mujhe VEER bulati thi aur us diary ke cover par yahi likha tha.

MAHI – Lekin abhi to tumne kaha ki us letter par bhi VEER hi likha hua tha.

Ye baat sunkar AV bhi soch mein pad gaya. Us time ye baat uske man mein bhi aayi thi ki letter par ye kyon likha hai aur fir AACHARYA ne bhi use VEER hi kahkar sambodhit kiya tha. Par kabhi usne is tarah se nahi socha tha. Ab use lag raha tha ki wo diary kisi or ki hi hai.

MAHI – Tum writing se bhi to pehchaan sakte ho na ki wo tumhari Mom ne hi likhi hai ya nahi.

AV – Nahi MAHI usmein sab kuchh ese likha gaya hai jaise Calligraphy competition chal raha ho. Har word ko alag alag styles mein likha hai. Writing pehchan ne ka koi chance nahi hai.

Par mujhe tumhaari baat sahi lag rahi hai , shayad wo diary Mom ki nahi hai. Ye sab zaroor kuchh bahut bada game chal raha hai, shayad meri soch se bhi zyada. Aur waise bhi agar wo diary Mom ki hoti to wo sab cheezen lene ke liye mujhe Bharat Darshan pe kyon bhejti. Wo sab ghar mein hi rakha mil sakta tha. Meri to kuchh samajh nahi aa raha ki ye sab kya ho raha hai or kyon.

MAHI – Dekho ab agar uss diary ki baat mane to tumhare paas aur koyi raasta nahi hai. Tum use follow karte jaao shayad aage chalkar cheezen clear hoti jaayengi. Par apna dhyaan rakhna, apne liye nahi to kam se kam mere liye hi.

AV ne bhi ab apne mind ko shaant kar liya tha kyonki wo bhi jaanta tha ki ye sab sochne se dimaag hi kharab hoga aur kuchh nahi. To usne bhi apni baaton ka rukh mod diya.

AV – Aur agar maine apna khyaal nahi rakha to?

MAHI – To main tumhe kacha chabaa jaaungi.

AV – Aur mere to haath bandhe hue hai na , haath to laga ke dikhao bahut maarunga.

MAHI ( bahut hi masoom shakal banate hue ) – Tum mujhe maaroge?

AV ne bhi usi lehze mein jawaab diya – Haan.

Aur dono hi khilkilakar hasne lage. Kuchh aur samay saath mein bitane ke baad AV ne MAHI ko uske ghar par chhoda aur fir apne ghar ki aur nikal gaya. Isko chhodo or ye bhai ki planning dekho,

LOCATION :- FARMHOUSE (OUTSKIRTS OF JAIPUR )

To ye Farmhouse hai DEVEN babu ka , aur filhaal yahaan par maujood hain the greatest RAHULWA aur saath hi iska jodi dar SARTHAK bhi. Ye dono aaram se sofe par baithkar kuchh planning kar rahe hain. Aaiye jaante hain,

RAHUL – Us saale kutte ko to aesa sabak sikhaunga na ki dobara mujhse panga nahi lega. Saale ne mujhpe haath uthaya , RAHUL RAJVANSH pe, saala bhikhari aukaat kya hai uski mere saamne.

( Ye bahut hi nadaan hai , babu jab AV ki asliyat saamne aayegi na to tujhe teri aukaat pata chal jaayegi. )

SARTHAK – Us kameene se to mujhe bhi apni beizzati ka badla lena hai, saale ne sabke saamne thappad mara tha chhodunga nahi usko.

( Haan to guys masla ye hai ki ANKITA ne AV ke school mein isi saal admission liya tha. To jab pehle din SARTHAK use school drop karne aaya to uski KABIR se kaha suni ho gayi. Asal mein ghamandi to ye shuru se hi hai. Pehle to iska baap kaafi paise wala hai aur fir RAHULWA ki bhi support hai isko. To jab ye school se ANKITA ko drop karke wapas ja raha tha tab iski bike disbalance hokar KABIR se takrayi. Abhi bike start hi ki thi to KABIR ko zyada lagi to nahi par gir gaya tha bechara. Aur ye manhoos SARTHAK ismein bhi KABIR ki galti nikaal raha tha. Aur tabhi isne KABIR par haath chhod diya. Usi samay school mein enter ho raha tha ek sacha mitr AV aur usne ye dekh liya aur laga diya ek kaan ke neeche is jaanwar ke. Aur AV ke dwara SARTHAK ko thappad padte huye dekh liya ANKITA ne. Poora matter to usne dekha nahi tha , so yahi reason hai ki wo AV se hamesha jhagda karne ko tatpar rehti hai. Kyonki wo apne bhai se bahut pyaar karti hai , asal mein SARTHAK ne ghar mein apni image SHRAVAN KUMAR ki bana rakhi hai jaise is se zyada achha insaan exist hi nahi karta. Isiliye ANKITA ise extremely shareef samajhti hai. Aur haan ye to main bhool hi gaya, ANKITA , MAHI se bhi door hi rehti hai kyonki wo jaanti hai KANIKA ke case ke baare mein aur use yahi lagta hai ki uske masoom bhai ko jhoote case mein fasane ki koshish ki gayi thi. Par don’t worry hero ke dost ki hone waali biwi hai jaldi hi iske saamne sachayi le aayenge. )

BACK TO STORY :-

RAHUL :- Maine sab soch liya hai pichli baar wo teen the isliye bach gaye ab usko akela dekh kar pakdenge aur achhi tarah khaatir daari karunga uski. Aur uspe nazar rakhne ke liye do bande bhi laga dunga kal se taaki khabar milti rahe. Aur uski wo chhamiya ko bhi sabak sikhaana hai.

SARTHAK – Are haan main to bhool hi gaya uski behen ko bhi to achha sabak sikhaya tha.

RAHUL – Kiski baat kar raha hai tu?

SARTHAK – Arre bhool gaya kya ye MAHIRA usi KANIKA ki chhoti behen he jiske chakkar mein mujhe andar karwa diya tha pichhle saal.

RAHUL – Abbe kya bakwaas kar raha hai tu wo uski behan kaise ho sakti hai.

SARTHAK – Sach bol raha hoon main saali jab bhi mili hai aaj tak ese ghoorti hai jaise abhi goli maar degi mujhe. Tere baare mein bhi to pata hai use tujhse bhi to akadti hogi wo.

Ye sunkar RAHUL ko ek tagda jhatka laga , wo samajh nahi paa raha tha ki agar ye sach hai to MAHI uski gf kyon bani thi. Use lag raha tha ki zaroor kuchh gadbad hai par samajh nahi paa rha tha. To usne socha ek baar AV ki dhulayi ho jaaye fir MAHI ko dobara kidnap karke usi se puchh lega. Par ise kya pata iske saath kya hone waala hai. Poor Child.

NEXT DAY :-

LOCATION :- BUS STAND (AJMER)

To yahaan par maujood hai AV , subah uthkar regular chores poore karne ke baad AJMER nikalne ke liye taiyaar tha AV. Kal hi usne bank se kuchh paise nikalwa liye the ab wahaan rukega to paise to lagenge hi na. Fir ye Bus Stand par bus ki wait kar raha tha joki jald hi ise mil bhi gayi. Aur ye nikal pada AJMER ki taraf. Kuchh der baad ye pahunch gaya apni manzil par. Bus se utarne ke baad ye bahar aaya to wahin par se ek taxi mein baithkar ek address ki taraf nikal gaya. Chalo jab tak ye wahaan pahunchta hai ham kahin aur nazar maar lete hain.

LOCATION :- RAJVANSH MAHAL (JAIPUR)

So jaisa aap samajh hi gaye honge ki ye kiska ghar hai , oh sorry sorry, I mean Mahal hai. To ab jaan lete hain ki ham yahaan kyon aaye hain. To guys baat ye hai ki DEVEN babu ne itne din ki kadi mehnat ke baad VEER ka pata laga hi liya hai. Kyon bhai shock laga sunkar. Par sach yahi hai. Chaliye dekhte hain ki isne ye kaise kiya. To guys aapko bata doon ki jab VEER 1 saal ka tha tab JAIDEV & SANJANA use lekar gayab ho gaye the. Aur tab se hi “WO” ( DEVEN KA NAJAYAJ BAAP ) aur DEVEN lage huye the use dhoondne mein. Ab aap kahenge ki jab isne laghhag 13 saal pehle hi JAIDEV ko dhoond liya tha aur fir use tapka bhi diya tha to fir AV kaise abhi tak inse chhipaa hua tha. To iska jawaab aapki samajh mein aayega to nahi fir bhi main bata deta hoon. To jawaab ye hai ki “WO” aur DEVEN sahab soch bhi nahi sakte ki ABHIMANYU hi VEER hai. Nahi samjhe na , pata hai, PART – I ka Climax padhne ke baad samajh jaaoge.

To abhi aate hain point par asal mein DEVEN ne RAJAN ke suicide ke waqt kahi gayi baat ki uska maalik waapas aa chuka hai se itna to samajh hi liya tha ki wo VEER se mil chuka hai. But ab use bhi VEER ka pata lagana tha, to CCTV cameras are the best for that. LADAKH mein us jungle ke aane waale raaste par kuchh CCTV lage hue the aur unhi mein use AV ki bike par jaate hue clip bhi mil gayi. Ab aap kahenge ki uss raaste to bahut log jaate honge fir isne kaise pehchana. To jawaab ye hai ki ise VEER ki age to pehle se hi pata hai, to ek clue to ye ho gaya. Aur doosra ye ki AV ko do baar us taraf jaate hue CCTV ne capture kiya tha wo bhi dono baar aadhi raat ko jabki wo raasta kaafi sunsaan hai or zyada log wahaan se aate jaate bhi nahi. Aur us age group mein to bas yahi praani maujood tha. Ab jab DEVEN RAJVANSH jaise aadmi ko kisi ki photo mil jaaye to kitna hi time lagega uske baare mein pata karne mein.

So usne poori jaankari niikaal li AV ke baare mein aur jab use pata chala ki uska poora naam ABHIMANYU VEER hai aur wo JAIDEV ka hi beta hai to DEVEN ne apna maatha peet liya. Wo soch raha tha ki apne father saab ko wo kya muh dikhayegaa ki usne itni badi galti kaise kardi. To usne decide kiya ki sidhe ab to AV ki laash hi le jaakar dikhayegaa use. Taaki uske gusse ka saamna na karna pade. To abhi filhaal usne apne gundon ko bhej diya tha AJMER ki taraf taaki wo AV ko uthakar la saken. Dekhte hain ki iska plan kaamyab hota hai ya nahi.

BACK TO HERO :-

To AV pahunch gaya apni manzil par. Ye ek sunsaan sa hi ilaaka tha. Aas paas teen – chaar ghar hi the. Aur unmein se sabse purane dikh rahe ghar ke bahar khada tha AV. Jab usne darwaaza khatkhataya to kuchh der baad ek 40 – 45 saal ke aadmi ne darwaaza khola. AV ab tak ke apne safar se kaafi samajhdar ho gaya tha to usne kuchh bolne ki bajay sidha apna wo SURAJ ki shape ka locket dikha diyaa. Aur use dekhne ke baad us aadmi aankhen apni aakhiri hadh tak phail gayi thi aur uske muh se nikle ye shabd,

CHHOTE MAALIK......

So guys aaj ke update mein definitely aap confused huye honge DEVEN waale segment mein but trust me jab aap is PART ke climax ka end padhenge to aapka dimag ghoom jayega aur wahin aapke sawaalon ke jawaab bhi mil jaayenge. And Don't worry about SARTHAK uski to aesi saza hogi ki aap bhi padhkar khush ho jaayenge. To milte hain agle update mein tab tak le liye bye-bye.

YOURS RD.

(3990 WORDS).

Mast update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #13 [THE FIRST FIGHT]
RECAP :- AB TAK AAPNE DEKHA KI AV KO MALOOM CHAL JATA HAI KI WO DIARY USKI MOM KI NAHI HAI. WO APNE AGLE STEP KE LIYE AJMER KISISE MILNE PAHUNCH JATA HAI. WAHIN RAHUL BHI APNA BADLA LENE KA PLAN BANA LETA HAI. IDHAR DEVEN KO AV KI SACHAYI PATA LAG JAATI HAI AUR WO BHI APNI PLANNING BANA LETA HAI.

AB AAGE :-

LOCATION :- HOUSE NO. 4 (MAYUR VIHAR , AJMER)

CHHOTE MAALIK.....

Yahi wo shabd the jo us vyakti ke muh se nikle the wo locket dekh kar aur agle hi pal wo apne ghutnon par tha. Sar jhukakar AV ko samman dene ke baad wo khada huya aur uske chehre par ek muskaan thi jo saaf darsha rahi thi ki wo kitna prasann hai. Iska reaction hajam to hua nahi tha AV ko but esa hi kuchh RAJAN ne bhi kiya tha to thoda normally hi liya Is sabko usne.

Us aadmi ne AV ko andar aane ko kaha aur AV bhi uske saath aage badh gaya. Jab wo andar pahunche to AV ne dekha ki ye ek bahut hi sadharan sa ghar tha. Koyi khaas cheezen na thi usmein. Lag raha tha ki saaman kaafi puraana hai. AV wahin chair par baith gaya par wo aadmi khada hi raha. AV ne use baithne ko kaha bhi par wo na maana.

Aadmi – Chhote Maalik main kitne saalon se aapke aane ka intezaar kar raha tha aur aakhir aaj bhagwan ne meri sun hi li. Bataiye main aapke liye kya kar sakta hoon.

Ye baat kehte hue uski aankhon mein ek nischay ka bhaav tha jaise agar AV use marne – maarne ke liye bhi kahega to bhi wo peeche na hatega.

AV – Shayad aap mujhse behtar jaante hain ki main yahaan kyon aaya hoon.

Aadmi – Ji Bilkul main abhi aata hoon.

Aur ye bolkar wo andar ek kamre ki taraf badh gaya. Jab wo baahar aaya to uske haath mein ek bag tha. Usne wo bag AV ki taraf badha diya. Jab Av ne use khola to wo hairaan reh gaya. Uske andar 5–6 guns aur kaafi saara gold tha. Saath hi ek envelope bhi tha jise usne baad mein kholne ka socha. AV ne bag side mein rakha aur us aadmi ki taraf sawaaliya nazron se dekhne laga.

Aadmi – Maaf kijiyega par main aapke sawalon ka jawaab nahi de paaunga. Mujhe saaf kaha gaya tha ki main aapko is sab ke baare mein aur aapke baare mein na bataun. Wo aapko khud hi pata karna hoga. Iska kaaran main bhi nahi jaanta par vishwas kariye ki ye pakka zaroori hi hoga.

AV – As expected. Chaliye jitna bhi aap bata sakte hain wo to bata dijiye.

Aadmi – Mera naam KESHAV hai. Main aapka ek gulaam hoon aur mujhe ye kaam diya gaya tha ki jab aap yahaan aayenge to mujhe aapko ye sab dena hai. Dekhiye aapke oopar ek bahut bada khatra hai aur uske baare mein main khud bhi nahi jaanta. Iss bag mein jo sona hai use ab bechna hoga aur isiliye aapko ek – do din tak yahaan rukna padega. Main tab tak ise bechkar aapko paise laa doonga. Ye sab aapko aage chalkar kaam aayega.

AV – Arre yaar ek to koyi bhi poori baat nahi bata raha. Mujhe to ab ye bhi shakh hone laga hai ki main khud ko bhi jaanta hu ya nahi. Par ye khatre se aapka matlab DEVEN RAJVANSH hai kya?

KESHAV AV ki baat sun ne ke baad use aankhen faade ghoorne laga. Use bilkul bhi umeed nahi thi ki AV uske baare mein jaanta hoga.

KESHAV – Aa.. aa.. aap uske baare mein kaise jaante hain.

AV – Bahut achhe se jaanta hoon use. Aur jaldi hi mulaakat bhi hogi us se. Purana hisaab kitaab jo baaki hai.

KESHAV – Dekhiye chhote maalik main aapko samjhane ya kuchh kehne waala koyi nahi hoon par meri baat maniye wo sahi aadmi nahi hai. Wo bahut Khatarnak hai. Aur wo jiske liye kaam karta hai wo to aur bhi zyada.

AV – Jaanta hoon ki wo kisi aur ke liye kaam karta hai ya fir ye kahun ki uska naukar hai par uska naam nahi jaanta , aap kuchh bata sakte hain us baare mein.

KESHAV – Nahi, main nahi jaanta kuchh bhi uske baare mein bas itna pata hai ki wo ek raakshas hai jo kisi ko maarne mein koyi sankoch nahi karta.

AV – Chaliye fir thik hai aap paison ka kaam kijiye tab tak main shehar ghoom leta hoon. Aapke paas koyi bike wagairah hogi.

KESHAV – Ji bilkul hai.Aap aaiye mere saath.

Fir KESHAV AV ko lekar ghar ke peeche ki side gaya aur ek chaabi use di wo wahin maujood bike ki hi thi. AV ne bike uthaayi aur nikal gaya ghoomne. Par usse kya pata tha ki aaj uspar do taraf se vaar hone waala hai.

LOCATION :- FARMHOUSE (OUTSKIRTS OF JAIPUR)

Yahaan wahi dono jaanwar maujood hain – RAHULWA aur SARTHAK. Aur dono hi bahut zyada khush lag rahen hain lekin kya kaaran hai inki khushi ka. Aaiye jaante hain.

RAHUL – Saale ne khud hi hamara kaam aasan kar diya. Ab saale ko aisa maarunga na ki zindagi bhar mere raaste mein nahi aayega.

SARTHAK – Bilkul bhai bahut uchhalta hai saala , abhi pata chalega use. Aur wo ladki ka kya karna hai.

RAHUL – Usse bhi utha lete hain , usse bhi to pata chale ki mujhse bhidne ka kya anjaam hota hai.

SARTHAK – Bas ab aur intezaar nahi hota saale ko aise zaleel karunga na ki saat janam tak mere aas paas bhi nahi bhatkega. Bas koyi gadbad na ho.

RAHUL – Nahi hogi ab koyi gadbad nahi hogi. Apne aap hi jaakar AJMER mein baith gaya hai wo wahaan dekhta hoon ki kaun usse bachayega.

Itna bolkar ye dono wahaan se uthe aur nikal gaye apni manzil ki taraf.

Chalo bhailog inki planning to full proof ban gayi hai. Par kya kaamyab hogi? Chhodo isse abhi chalte hain inke father saab ke paas.

LOCATION :- RAJVANSH MAHAL (JAIPUR )

Yahaan ek shahee kursi par baitha hai DEVEN aur uske saamne khada hai ek saand jaisa aadmi. Chaliye sunte hain inki baatcheet,

DEVEN – Kya khabar hai RAKA?

[ INTRODUCTION :- RAKA – Most wanted criminal of RAJASTHAN. Aesa koyi police station nahi hai poore RAJASTHAN mein jahaan iske khilaf case darj na ho. DEVEN ka khaas aadmi hai ye bole to right hand. Jitni bhi kidnapping, murders ya gair kanooni kaam DEVEN ke hain wo sab RAKA hi sambhalta hai. Aur DEVEN bhi ispar poora bharosa karta hai kyonki RAKA use apna bhagwaan manta hai. Asal mein RAKA apni patni se bahut pyaar karta hai. Ek baar wo kidnap ho gayi thi aur uske saath rape kiya gaya tha tab DEVEN ne hi use bachaya tha isiliye RAKA uski har baat ko patthar ki lakeer manta hai. Par iss bechare ko kya pata ki wo sab DEVEN ka hi kiya dhara tha. Asal mein us samay RAKA ka khauf poore RAJASTHAN mein charam par tha. Aur DEVEN ko laga ki agar wo RAKA ko apne saath mila le to uski baadshahat hamesha kaayam rahegi. So usne wo sab dhong kiya. RAKA ki biwi ab bhi coma mein hai ya yun kahoon ki DEVEN ne hi doctors ko kaha hai ki uska ilaaj sahi se na karen kyonki agar wo hosh mein aa gayi to RAKA hosh kho dega because wo jaanti hai ki uske saath wo sab DEVEN ne hi kiya tha. But don’t worry jald hi iske paap ka ghada footne wala hai. ]

BACK TO STORY :-

RAKA – Sarkaar wo launda AJMER mein kisi se milne gaya tha. Pata nahi kaun hai wo. Aas paas sabse poochha par koyi uss aadmi ke baare mein zyada nahi jaanta. Hamare aadmi wahin chaaron taraf hain jaise hi wo baahar niklega use dhar lenge.

DEVEN – RAKA ek baat yaad rakhna wo marna nahi chahiye, use main apne haathon se maarunga.

RAKA – Ji Sarkaar aisa hi hoga.

Itna bolkar RAKA wahaan se nikal gaya aur DEVEN wahi baithkar sharab peene laga aur uske chehre par is samay ek badi hi kameeni smile thi. Sorry Sir par aaj aapka plan aapka pyara beta hi fail karne wala hai.

LOCATION :- COFFEE CAFE (AJMER)

Is samay AV yahaan baitha coffee ka anand utha raha hai aur kisi ki yaadon mein khoya hua hai , aap samajh hi gaye honge main kiski baat kar raha hoon. Aur MAHI ji ke baare mein sochte huye bahut hi khush lag raha hai AV.

Par zyada der na rehne waali hai teri khushi bhai. Ek baar Cafe se baahar nikal kar dekh , DEVEN ke aadmi nazar lagaye baithe hain. Aur wahin RAHUL ka khabri bhi maujood hai. Asal mein RAHUL ne apne gunde thodi der se bheje. Ab DEVEN to DEVEN hai do minute mein pata laga liya ki AV kahan hai par us choohe ko to time lagna hi tha.

To jaise hi AV ne baahar nikal kar bike start ki lag gayi teen gaadiyan uske peeche. Kuchh der tak aise hi chalta raha aur fir AV bhi samajh gaya ki uska peecha kiya jaa raha hai. Par kyon iska jawaab na tha uske paas. Isiliye usne in sab ko thikane lagane ki sochi. Aapko bata doon ki do gaadiyon mein DEVEN ke log hain aur ek main RAHUL ka khabri.

AV ne yahi sochkar paas mein hi maujood ek khali maidaan ki taraf bike mod li aur wahin bike rok kar khada ho gaya. Aur fir villain party ki bhi entry huyi. Dono gaadiyan rooki aur unmein se prakat huye 10 hatte – katte aadmi. Shaklein suar jaisi aur Shareer saand jaise. Yahi the in sab ke features. Tabhi un gundon ka leader bola,

LEADER – Ae Pakia mujhe samajh nahi aaya ki is chhote se chooze ke liye dada (RAKA) ne hamein kyon bheja. Isko uthaane ke liye to ek aadmi bahut hai.

Sabhi gunde uski baat par daant faade hasne lage. Don’t worry zyada der na rahegi inki ye hasi.

Uski baat sunkar AV ke face par ek halki si smile aa gayi joki kaafi thi in gadhon ka future batane ke liye. Tabhi unmein se ek aadmi aage badne lagta hai wahin AV bhi tayar ho jaata hai use maza chakhane ke liye. Jaise hi wo Aadmi AV ki taraf haath badhata hai AV uska haath pakad kar ek tagda jhatka deta hai aur wo aadmi gala faad chillane lagta hai. AV yahin nahi ruka usne doosre haath ke saath bhi yahi kiya. Ab wo aadmi neeche pada cheekhe jaa raha tha. Baaki sab gunde to aankhen faade ye sab dekh rahe the. Tabhi AV bhaagte huye aage ki aur jaata hai aur ek gunde ko chehre par jabardast kick jad deta hai. Uske teen daant shaheed ho jaate hain aur wo bhi apna muh pakde chillane lagta hai.

Himmat karke chaar gunde ek saath aage ki aur badhne lagte hain. AV sabse pehle aage waale dono ko ek ek punch jad deta hai aur tessre ko ek kick. Aur chauthe waale ke dono haathon ka wahi haal ho jaata hai jo sabse pehle waale ka huya tha. Uske paas ek hockey stick bhi thi, AV use utha leta hai aur un teeno par dhada dhad barsaane lagta hai. Un gundon ka leader ye sab dekh kar sakte mein aa gaya tha aur RAKA ko yahaan ke haalat ke baare mein message kar deta hai. RAKA 10 minute mein aur aadmi bhejne ka keh deta hai. Tabhi AV baaki bache teen praaniyon ki taraf badhta hai aur un sabke saath badhiya se hockey khelta hai. Ab last mein jaise jaise wo Leader ke kareeb jaa raha tha us Leader ki pant geeli ho rahi thi. AV uske kareeb pahuncha aur uspar laat ghunson ki baarish kar di. Aur uska ek haath pakadkar tod diya.

Leader – Chhod do mujhe chhod do. Please bahut dard ho raha hai.

AV – Chhod doonga par pehle bata mujhe maarne kyon aaya tha.

Leader – Nahi agar maine unka naam bataya to vo mujhe maar denge.

Itna sunkar AV ne uska doosra haath pakad liya aur uspar pressure dene laga. Tabhi,

Leader – Ruk jaao batata hoon. Mujhe aur mat maaro. Mujhe yahaan RAKA bhai ne bheja tha.
Unhone kaha tha tumhe uthaane ke liye.

Itna sun ne ke baad AV ne uske sar par hockey de maari. Aur wo wahin gir gaya. Abhi AV kuchh aur sochta ki tabhi uske sar par peeche se vaar hota hai. AV ko uska sar ghoomta hua mehsoos hota hai. Jab wo peeche muda to usse dikhayi deta hai ki wahaan kuchh aadmi khade hain aur itne mein AV behosh ho gaya. Wo aadmi AV ko uthakar gaadi mein daalte hain aur gaadi bhaga dete hain. Jab ye wahaan road se mud rahe the tabhi wahaan doosri taraf se paanch Black Scorpio aati huyi dikhayi di. Wo sabhi gaadiyan us maidaan ke andar chali gayi.

LOCATION :- ABANDONED FACTORY (SOMEWHERE BETWEEN JAIPUR & AJMER)

Jab AV ko hosh aaya to usne apne aap ko ek kursi par bandha hua paaya. Usne aas – paas nazar ghumayi to uski aankhon mein khoon utar aaya. Kyonki uske paas hi ek doosri kursi par MAHI bandhi huyi thi aur uske chehre par thappadon ke nishaan the aur saath hi aansuon ke nishaan bhi the. Ye manzar dekh kar AV ke dil mein ek tezz dard ka ehsaas huya. Wo MAHI ko hosh mein laana chahta tha par uske muh se aawaz hi nahi nikal rahi thi. AV ki aankhon se aansoon beh rahe the par chehre par bahut zyada gussa tha. Tabhi MAHI bhi dheere – dheere aankhen kholne lagi aur uske muh se ek dheemi aawaz nikli,

MAHI – Mujhe aur mat maaro please mujhe bahut dard ho raha hai.

Ye baat sunkar AV ka kaleja fat pada. Wo samajh gaya ki MAHI ko bahut maara gaya hai. Aur ye sochte huye uski aankhon ke saamne RAHUL ka chehra aa gaya. Wo samajh gaya ki ye sab usi ka kiya dhara hai.

Jab MAHI ne theek se aankhen kholi aur idhar udhar dekha to usne wahaan AV ko paaya jo MAHI ki hi taraf dekh raha tha aur uski aankhon mein aansoon the. MAHI ne usse dekh kar na mein gardan hila di aur AV ne use halki si smile de di. Is se pehle ki ye dono kuchh baat karte kamre ka darwaaza khula aur 10 – 12 gunde type log andar aaye aur unhi ke peeche aaye RAHUL aur SARTHAK aur dono ke hi chehron par kameeni hasi thi. Idhar in dono ko dekh kar MAHI seham gayi aur AV ki aankhon mein khoon utar aaya. Wo dono chalte huye inke kareeb aaye.

RAHUL – Arre re re dekho to ye jhansi ki rani ban ne waali ladki kaise dari huyi baithi hai. Kitne dukh ki baat hai.

SARTHAK – Kyun saale chanta maara tha na mujhe aaj tujhe Bataunga ki main kya cheez hoon.

RAHUL – Arre ye kuchh bol kyun nahi raha sadma lag gaya kya. Waise yaar man na padega tujhe. Bataya mere aadmiyon ne ki tune akele hi 10 gundon ko gira diya tha wahaan. Par bad luck in logon ke aane ki khabar nahi thi tujhe. Waise kin kin logon se dushmani kar rakhi hai tune jo itni zyada demand mein hai tu.

SARTHAK – Abbe chhod na ye baatein isko to baad mein dekhenge pehle ye madam ko to maza chakha den. Iska bhi wahi haal karunga jo iski behan ka kiya....

Iski baat poori bhi nahi hui thi ki tabhi iske muh par ek zordar waar hua. Asal mein jaise hi isne MAHI ke baare mein bolna shuru kiya AV ka gussa apni charam seema paar kar gaya. In dono ko jin kursiyon par bandha gaya tha wo puraani aur kamzor si hi thi. AV ne poora zor lagate huye apna haath jhatka aur kursi ka handle toot gaya. Aur usne doosre haath ko ghumakar kursi SARTHAK ke muh par de maari.

AV ne apna doosra haath bhi azaad kiya aur SARTHAK ke upar toot pada. Uske upar baithkar uske chehre par mukkon ki barsaat kar di. AV ka chehra gusse se laal hua pada tha. Un gundon ki to wahaan ground mein fight scene dekh kar hi fati padi thi aur ab iska raudra roop dekhne ke baad un logon ki himmat jawaab de gayi thi. Par tabhi RAHUL ne un sabko ghoorkar dekha to wo aage badhe aur AV ko SARTHAK se alag kar diya. Ab tak SARTHAK ka chehra khoon se laal ho gaya tha. MAHI bhi AV ka ye roop dekh kar seham gayi thi.

Ab AV ne apna focus gundon ki taraf kar diya aur un sabko dhona start kar diya. Wo RAHUL & SARTHAK ko sabak sikhana chahta tha isiliye zyadatar ki gardan ke paas ki nas ko dabakar unhe behosh kar raha tha. RAHUL ki to saans hi atak gayi thi ye scene dekh kar aur usne wahaan se khisakne mein hi bhalayi samjhi. Par kismat kharab ho to kya hi kar sakte hain. AV ne use dekh liya aur peeche se pakad kar neeche gira diya aur uspar laatein barsani shuru kar di. Ab tak sabhi gunde so gaye the. Aur ab in dono ki baari thi.

AV ne MAHI ki taraf dekha aur kaha,

AV – Kya kiya MAHI inhone tumhare saath.

Uski aawaz bahut hi kadak thi aur MAHI bhi dar gayi thi. Usne darte huye jawaab diya,

MAHI – Wo .. wo .. ye SARTHAK ne mujhe thappad maare aur RAHUL ne baal pakad kar ghaseeta tha....

Bas itna hi sun na tha ki uska gussa fat pada aur usne RAHUL par mukkon ki barsaat kar di. Wo use utha utha kar patak raha . AV use jitna maar raha tha uska gussa utna hi badhta jaa raha tha. Tabhi usne SARTHAK ki taraf rukh kiya aur uska kalyan shuru ho gaya. Tabhi wahaan KESHAV haath mein gun liye enter hua. MAHI usse dekh kar dar gayi par abhi tak AV ne use nahi dekha tha. Usne sab taraf dekh kar situation ka jaayja liya uar usse maamla samajhte der nahi lagi. Wo aage badha aur usne MAHI ke haath khol diye. MAHI kuchh samajh nahi paa rahi thi tabhi usne dekha ki AV SARTHAK ke pet mein kursi ko toota hua pair ghusane waala hai. Wo zor se chillayi....

RUKO AV .....

Aur dodkar AV ke gale lag gayi. MAHI ke gale lagne se AV ka gussa dheere – dheere kam hone laga. Uske haath bhi MAHI ki peeth par kas gaye. MAHI bahut tezz ro rahi thi. AV uska sar sehlaane laga.

AV – Chup ho jaao MAHI , ab ham safe hain daro mat tumhe kuchh nahi hoga.

MAHI – Main bahut dar gayi thi AV. In dono ne mujhe bahut maara. Main bahut dar gayi thi. Please mujhe yahaan se le chalo.

MAHI ne bilkul kisi chhote bachhe ki tarah ye baat boli aur AV ka dil bhi paseej gaya. Usne MAHI ko khud se alag kiya aur wahin ek table par baitha diya. Usne aas paas dekha to wahin ek paani ki bottle thi. Usne MAHI ko paani pilaaya aur ab wo kuchh shaant lag rahi thi. Tabhi,

KESHAV – Chhote Maalik hame yahaan se chalna chahiye.

AV ne peeche mudkar dekha to wo hairaan ho gaya kyonki use KESHAV ke aane ki bilkul umeed nahi thi. Par abhi is sabka time nahi tha. Tabhi usne KESHAV ke haath mein gun dekhi aur fir ek nazar SARTHAK ki taraf dekha aur uski aankhon mein chamak aa gayi.

AV ne SARTHAK ke muh par paani daala aur hosh mein laaya. SARTHAK ki AV ko dekh kar jaan nikal rahi thi. AV ne use paani diya. Aur fir ek kapde se uska chehra bhi saaf kiya. AV ne KESHAV ki taraf dekha aur apna haath aage kar diya. KESHAV bhi samajh gaya aur usne wo gun AV ki taraf badha di.

AV – Aapke paas ek aur gun hai?

KESHAV – Ji Chhote Maalik.

AV – Dijiye.

Usne apni kamar mein se gun nikalkar AV ki taraf badha di. AV ne SARTHAK ko khada hone ko kaha. SARTHAK ki to guns dekh kar poori fat rahi thi. Use lag raha tha ki uska end time paas aa gaya hai. Tabhi,

AV – KESHAV uncle ab jo kuchh bhi ye kutta karega na aap zara uski recording karna. Aur video mein iska chehra badhiya se dikhna chahiye.

Aur fir SARTHAK ki taraf ek gun badhate huye kaha,

AV – Ye pakad aur inmein se paanch gundon ko goli maar de. Aur goli inke sar ke beechon beech lagni chahiye. Aur koyi bhi hoshiyari ki to usi time tujhe thok doonga.

SARTHAK , KESHAV aur MAHI ye sunkar hairaan ho gaye par koyi kuchh nahi bola. SARTHAK ne kaanpte haathon se gun le li aur jaisa AV ne kaha tha waisa hi kiya. Tabhi,

AV – Chal ab ek goli ye tere RAHUL ki taang par maar.

SARTHAK ki aankhen chaudi ho gayi ye sunkar aur bola – Tum mujhse ye sab kyon karwa rahe ho?

AV – Jitna bola hai utna kar warna khopdi khol doonga teri.

SARTHAK bas kisi tarah yahan se zinda nikalna chahta tha isiliye usne wo bhi kar diya. AV ke chehre par ye sab dekh kar ek smile aa gayi. Aur usne aage badhkar SARTHAK se wo gun chheen li. Aur,

AV – Chalo uncle kaafi hai itni recording iski band bajane ke liye. Ab tu kutte sun meri baat. Tu yahaan se seedha Jaipur jaayega aur Police Station mein jaakar jo bhi tune KANIKA Di ke saath kiya tha wo sab kubool karega. Aur fir Court mein bhi apne bayaan se palatna mat. Yaad rakhiyo idhar tu palta udhar ye paanch murder ki video viral kar doonga. Fir faansi ke liye tayaar rahiyo. Aur agar tu soch raha hai ki tab tujhe iss RAHUL ka baap bacha lega to beta ye jo tune abhi iski taang mein goli maari hai na ye video seedha RAHUL ke baap ke paas jaayegi. Aur tu achhe se jaanta hai ki wo tere aur saath hi tere parivaar ki zindagi maut se bhi zyada badtar bana dega. Ab koyi chalaki nahi. Bus pakad aur nikal Police Station. Agar kal tak mujhe ye khabar na mili ki tune ye kaam kar diya hai to fir you know what I’ll do. Ab tu kya karega ye tere oopar hai. Choice is Completely Yours.

Itna bolkar AV ne usse baahar jaane ka ishara kar diya aur wo bhi gobar jaisi shakal banakar baahar nikal gaya. MAHI ne bhagkar AV ko gale laga liya aur uske chehre par kisses ki bauchhar kar di. Uski khushi saaf dekhi jaa sakti thi. Jis cheez ki koshish wo itne time se kar rahi thi wo finally ho raha tha. Uski behan ko insaaf milne waala tha. AV ne usse apne se alag kiya aur uske kaan mein kaha,

AV – Kya baat hai aaj to meri kismat hi khul gayi. Ek baar fir se karo na. Face par kuchh kuchh part bach gaya hai.

MAHI uski baat sunkar aankhen neeche karke blush karne lagi. AV ne fir ek gunde ki taraf rukh kiya aur uske chehre par paani markar use hish mein laaya.

AV – Dekh ye tere baap ki taang mein goli lagi hai isko utha aur hospital leke jaa. Agar ye mar gaya naa to yaad rakhiyo ki iska baap DEVEN RAJVANSH hai wo teri maar lega.

DEVEN ka naam sunkar uss gunde ki fat ke chaar ho gayi aur KESHAV bhi hairaan ho gaya. AV ne KESHAV ko baahar chalne ka ishara kiya aur MAHI ka haath pakadkar baahar ki taraf chal pada. MAHI lagatar AV ki taraf hi dekh rahi thi.

AV – Aese mat dekh pagli , kuchh kuchh hota hai.

Iss baat par MAHI ke chehre par ek muskaan phail gayi. Jab ye sab us factory se baahar aaye to wahan ek gaadi khadi thi. AV aage baithne ko hua par tabhi KESHAV ne peeche ka darwaza khol diya. AV samajh gaya ki ye maalik – naukar khelna band nahi karne waala. Aur wo MAHI ke saath peeche ki seat par baith gaya. KESHAV ne gaadi start kar di aur ye log wahaan se nikal gaye. Poore raaste MAHI ne AV ke kandhe par sar rakha hua tha aur AV uske baalon mein haath fer raha tha. Dono kisi aur hi duniya mein pahunch gaye the AV ke nazdeek hone par MAHI bahut zyada surakshit mehsoos karti thi. Aur aaj jab SARTHAK ne uske khilaaf kuchh bola to AV ka reaction dekh kar uska pyaar AV ke liye aur zyada badh gaya. Wo jaanti thi ki AV se zyada use is duniya mein koyi pyaar nahi kar sakta aur wo apne aapko khush kismat samajh rahi thi ki AV uski zindagi mein aaya. Ye dono ek – doosre mein khoye huye the ki tabhi gaadi ki break lagne ke kaaran inka dhyaan toota. Aur dono hi ek doosre ko dekh kar muskurane lage. Teenon log gaadi se neeche utar gaye.

LOCATION :- KESHAV’s HOUSE

Teeno hi andar aakar baith gaye, o sorry sorry KESHAV khada hi tha. AV ne usse kaha bhi par wo moti chamdi nikla.

AV – Uncle aap wahaan kaise pahunche?

KESHAV – Maaf karna chhote maalik par jab aapne kaha ki aap DEVEN RAJVANSH se bhidenge to main bahut tension mein aa gaya tha. Aur isiliye maine apne ek aadmi ko aapke peeche nigraani ke liye laga diya tha. Usine mujhe khabar kari thi ki aapko kidnap karke wahaan le gaye hain.

AV KESHAV ki hoshiyaari par man hi man prashansa kar raha tha wahin MAHI ko uska AV ko Chhote Maalik kehna hajam nahi ho raha tha par wo chup hi thi.

KESHAV – Par unhone aesa kiya kyon?

AV – Kuchh nahi uncle uske saath purana hisaab hai , ab wo kuchh nahi karega sahi sabak mil gaya hoga use. Par MAHI tum wahaan kaise pahunchi?

MAHI – Tum wahaan the nahi to main ghar par bor ho rahi thi isiliye maine aur meri friends ne ghoomne jaane ka plan kiya. Aur Papa ne bhi allow kar diya. Jab main uske ghar ki taraf jaa rahi thi to raaste mein hamari gaadi ko kuchh aur gaadiyon ne gher liya. Wo driver bhi unhi ke saath mila huya tha aur fir un logon ne mere muh par rumaal bandh diya aur mujhe uss factory mein le gaye. Wahaan par un dono ne mujhe maara aur fir main behosh ho gayi. Jab hosh aaya to tum wahaan the....

Itna bolkar ek baar fir MAHI ki aankhen nam ho gayi. AV ne use shaant kiya.

KESHAV – Lekin Chhote Maalik wo mere aadmi ne bataya tha ki jab inlogon ne aapko kidnap kiya us se pehle kuchh aur gundon ne bhi aap par hamla kiya tha aur aapne unhein gira diya tha.

MAHI – Haan AV wo RAHUL bhi issi baare mein baat kar raha tha na.

AV – Haan wo jab main Cafe se baahar nikla tab se hi teen gaadiyan mera peecha kar rahi thi. Maine bike us ground ki taraf mod li aur unmein se do gaadiyan bhi andar aa gayi. Teesri mein shayad RAHUL ke log honge. Un gundon ke leader ne bataya ki use kisi RAKA naam ke aadmi ne bheja tha par main kisi RAKA ko nahi jaanta.

KESHAV – R..RA..RAKA.. Ye aap kya keh rahe hain pakka ussne yahi naam liya tha naa.

AV – Haan uncle par aap itna ghabra kyon rahen hain?

KESHAV – Chhote Maalik RAKA DEVEN ka khaas aadmi hai. Matlab ki DEVEN ne hi aap par hamla karwaya tha. Par usne kyon aesa kiya.

MAHI – Shayad RAHUL ne unhe pichli baar bata diya ho tumhare baare mein.

AV – Nahi agar aesa hota to dono alag alag hamla nahi karte aur waise bhi agar RAHUL ne use pehle bata diya hota to wo ab tak shaant nahi baitha hota.

KESHAV – Fir to zaroor use aapke baare mein pata chal gaya hai. Usne aapko dhoond liya hai.

AV – Ye aap kya keh rahen hai. Use kya pata chal gaya hai mere baare mein?

KESHAV – Matlab usse aapke baare mein wahi pata chal gaya hai jo aap dhoond rahen hai. Dekhiye agar usse pata chal gaya hai to wo jald hi aap par aur hamle karega. Aapko uska kuchh karna padega. Aur dua kijiye ki usne ye baat apne boss ko naa batayi ho.

AV – Nahi abhi wo kuchh samay tak shaant hi rahega. RAHUL ko goli lagi hai abhi wo usmein busy rahega. MAHI tum apni friend ko phone kardo ki tum wahaan nahi aa paaogi. Fir ham waapas tumhare ghar chalte hain.

MAHI – Lekin main Papa se kya kahungi ? Dekho main is baar unse kuchh nahi chhupaungi. Main unhe shuru se sab kuchh bata doongi.

AV – Theek hai bata dena par sirf RAHUL ka hi batana wo DEVEN ne mujhpar hamla karwaya ye mat batana. Wo tension mein aa jayenge.

Iske baad MAHI ne waisa hi kiya aur AV & MAHI JAIPUR ki taraf nikalne waale the. KESHAV ne ek aadmi ko bula liya tha gaadi drive karne ke liye. Issi beech,

KESHAV – Ab aap kya karenge chhote maalik. DEVEN bahut Khatarnak hai wo zaroor kuchh na kuchh karega hi.

AV – Aap pehle ye RAKA ki information nikalwayo ki ye DEVEN ke liye kyon aur kabse kaam karta hai. Sab kuchh aur uske baad ek baar is DEVEN se bhi milna hi padega.

Iske baad AV & MAHI apni manzil ki aur nikal gaye aur KESHAV apne kaam mein jut gaya.

Jab tak ye wahaan pahunchenge chaliye ham jaan lete hain ki baaki jagah kya haal chaal hai.

So, jab AV ne uss gunde ko hosh mein laakar RAHUL ko hospital lejaane ko kaha, uske baad usne apne baaki bache paanch saathiyon ko uthaya aur unhe bhi situation batayi. DEVEN ka naam sunkar sabhi dar rahe the tabhi kuchh aesa hua ki un sabki jaan halak mein aa gayi. Asal mein wahan aa gaya tha in sab gundon ka godfather RAKA. Kyon aur kaise ye jaan ne ke liye kuchh peechhe chalte hain.

LOCATION :- RAJVANSH MAHAL

Jab AV ne RAKA ke sabhi aadmiyon ko dho diya aur kuchh der baad wahaan unke liye back up pahunchna to wo sabhi chaunk gaye. Wahaan sabhi gunde buri haalat mein pade the par AV wahaan nahi tha. Unhone RAKA ko saari baat batayi aur RAKA ne apne khabriyon ko kaam par laga diya. Kuchh der baad jab usse sab kuchh pata chala to uski hairaani ki seema nahi rahi. Wo saari baat batane nikal gaya DEVEN ke paas.

RAKA – Sarkaar, wo gadbad ho gayi hai. Jin aadmiyon ko maine bheja tha un sabko us launde ne gira diya. Jab maine aur aadmi bheje to us se pehle hi koyi aur uss launde ko utha kar le gaya tha.

DEVEN – Kaun , kaun aaya hai DEVEN aur uske shikaar ke beech?

RAKA – RAHUL Baba.

DEVEN – Kya bak rahe ho RAKA.

RAKA – Sach keh raha hoon Sarkar. Iske baad RAKA ne pichhli baar jab RAHUL ne kaand kiya tha wo aur aaj ki saari ghatna DEVEN ko bata di. Us samay DEVEN ko RAHUL par bahut gussa aa raha tha. Usne RAKA ko turant RAHUL ke paas jaane ko kaha aur RAKA bhi nikal gaya.

So, yahi thi wo wajah jiske chalte RAKA pahunch gaya tha us factory mein. Jab usne wahan RAHUL ko behosh dekha aur use goli lagi dekhi to usne un paanchon ki taraf gusse se dekha. Un sab ne darte darte jo bhi hua wo sab RAKA ko bata diya. RAKA ne turant un sabko tapka diya aur un sab ki laashein thikaane lagane ka intezaam bhi kar diya. Aur RAHUL ko lekar hospital chala gaya. Usne DEVEN ko bhi phone par saari jaankari dedi thi aur wo bhi wahaan se turant nikal gaya.

LOCATION :- MAHI’s HOME

So raat ka samay ho chuka hai aur ye dono pahunch gaye hain apne gantavya sthan par. Jab ye dono andar gaye to MAHENDRA aur RAGINI sofe par baithe kuchh baat kar rahe the. Jab unki nazar MAHI par padi to vo dono chaunk gaye kyonki unke hisaab se to vo apni saheliyon ke saath thi. Par jab unhone MAHI ke chehre par thappadon ke nishaan dekhe to dono apni jagah se khade ho gaye. Aur tezz kadmon ke saath unke paas pahunche.

MAHENDRA ne MAHI ke gaal par haath rakha aur,

MAHENDRA – Ye kya hua MAHI, bacha batao kisne kiya ye.

MAHI rone lagi aur apne papa ke gale lag gayi. MAHENDRA usse shaant karane laga aur AV ki taraf dekhne laga. Par wo kya hi kehta. Kuchh der mein MAHI shaant huyi to uske Maa Papa ne use baithaya aur fir apna sawaal dohraya. Uske baad MAHI ne shuru se sab kuchh batana shuru kar diya. ( Haan apni aur AV ki love story ko behatreen tareeke se gaayab kar diya. ) Aur keh diya ki usne ek baar RAHUL ko thappad mara tha kyonki wo us se batameezi kar raha tha, usi ka badla lene ke liye usne ye sab kiya.

Poori baat sun ne ke baad MAHENDRA utha aur AV ko gale se laga liya.

MAHENDRA – Thank you beta. Thank you very much tumne do – do baar meri beti ki jaan bachayi aur jo kaam main ab tak nahi kar paaya wo tumne kuchh din mein hi kar diya. Thank you very much KANIKA ko insaaf dilane ke liye. Main tumhara ehsaan kabhi nahi bhoolunga.

AV – Kya uncle beta bhi bolte ho aur ehsaan bhi kehte ho.

Iske baad inki kuchh der tak emotional talks huyi and then AV waapis AJMER ke liye ussi gaadi mein baithkar nikal gaya. MAHENDRA ne usse rokne ki bahut koshish ki par wo nahi maana.

LOCATION :- CITY HOSPITAL (AJMER)

Yahaan pada hua hai RAHUL the jaanwar operation theatre mein. Aur baahar baitha hai RAKA aur tabhi wahan entry huyi DEVEN babu ki. Pehle unhone saari baat RAKA se poochhi aur jab usne bataya ki RAHULWA ne SARTHAK naam ke ladke ke saath milke ye sab kiya tha to use yaad aa gaya ki yeh wahi ladka tha jiski usne pichhle saal help ki thi. Par kis ladki ko kidnap kiya tha ye baat to use bhi samajh na aayi.

DEVEN – Kis ladki ko kidnap kiya tha isne.

RAKA – Wo RAHUL Baba ke saath hi padhti hai wo Vakeel hai na MAHENDRA SHARMA uski beti.

Ye sunkar DEVEN bhi hairaan reh gaya par fir uske chehre par ek kameeni muskurahat aa gayi aur usne kaha,

OH TO AB MERA PURANA DUSHMAN FIR ZINDA HO GAYA HAI , MAZA AAYEGA AB IN SABKO EK SAATH MAARUNGA. SABSE PEHLE US VEER KI MAUT HOGI FIR IN SABKI......

So, guys ye tha aaj ka update. Ye ab tak ka sabse lamba update tha aur isi ke saath story apne original track par aa gayi hai. Ab seedha face – off start ho jaayega AV & DEVEN ke beech. Kaise saamna karega AV apne dushmano ka , jan ne ke liye bane rahiye saath mein.

YOURS RD.

(5796 WORDS.)

Mast update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #14 [THE FIRST STEP]
RECAP :- AB TAK AAPNE DEKHA KI AV KESHAV SE MIL LETA HAI. WAHIN RAHUL AUR DEVEN DONO HI SIMULTANEOUSLY AV PAR ATTACK KARWATE HAIN. RAHUL MAHI & AV KO KIDNAP KAR LETA HAI PAR WO DONO BACH JAATE HAIN AUR AV SARTHAK KO MAJBOOR KAR DETA HAI KI WO APNE GUNAAH KUBOOL KARE. MAHENDRA KO BHI SAARI JANKAARI MIL JAATI HAI.

AB AAGE :-

LOCATION :- KESHAV’s HOUSE (AJMER)

Filhaal AV & KESHAV baithe hue aage ki planning kar rahe the. AV ne soch liya tha ki usse jald hi DEVEN ka game over karna hoga warna vo MAHI & uski family ko bhi nuksaan pahuncha sakta hai.

KESHAV kuchh der se phone par kisi ke saath baat kar raha tha aur call cut karne ke baad,

KESHAV – Chhote Maalik ek bahut kaam ki khabar pata lagi hai.

AV – Kya?

KESHAV – Wo jo RAKA hai na wo DEVEN ke liye isliye kaam karta hai kyonki usse lagta hai ki DEVEN ne uski biwi ki jaan bachayi thi.

AV – Jaan bachayi thi, poori baat bataiye na.

Fir KESHAV AV ko poori kahani bata deta hai, jo kuchh bhi DEVEN ne RAKA ke saath khel khela tha. Ye sab sun ne ke baad AV ki aankhon mein chamak aa gayi kyonki usse khel shuru karne ki chaabi mil chuki thi.

AV – Ek baat bataiye ki aapko ye sab kaise pata chala aur agar aapne sach ka pata laga liya to kya RAKA itna bada gunda hone ke baad bhi sach ka pata nahi laga paaya.

KESHAV – Maine to apne kuchh logon ke zariye pata lagaya hai. Wo kya hai na ki mere kuchh log DEVEN ke liye aur kuchh RAKA Ki gang mein bhi shaamil hain. Aur RAKA isliye sach nahi jaan paya kyonki pehle to usne DEVEN par aankh band karke vishwas kar liya kyonki DEVEN ne uski biwi ke ilaaj ke liye baahar se bade doctors ko bhi bulaane ka naatak kiya tha. Aur doosri baat ye ki DEVEN ne RAKA ke khaas aadmi DEVA ko paise ke dum par apni taraf kar liya. Us din RAKA ki biwi ko bachane sabse pehle DEVA hi pahuncha tha kyonki wo uss jagah ke kareeb tha. Aur DEVA ne RAKA se wahi sab kaha jo usse DEVEN ne kehne ke liye kaha tha. Isiliye RAKA ke paas shakh ki koi gunjaaish na rahi.

AV – Hmm. Thik Hai. Lekin kya aap in sab baaton ka koi saboot la sakte hain.

KESHAV – Ab ye thodi puraani baat hai to iska saboot dhoondna thoda mushkil hai. Haan agar DEVA sach kubool kar le to baat alag hai.

AV – DEVA .... Hame uski koi kamzori dhoondni hogi. Koi parivaar wageraah hai uska?

KESHAV – Nahi parivaar to nahi hai par haan ek ladka hai jise wo apne sage bhai jaisa maanta hai. Aur uske liye ek baar do logon ka khoon bhi kar diya tha DEVA ne.

AV – Kaun hai wo??

KESHAV – --------

AV – Whattttt???

LOCATION :- -------- (JAIPUR)

Yahaan par maujood hai AV aur wo is samay ek ladke ke saath kuchh baat – cheet kar raha hai. Ji haan ye wahi ladka hai jiska zikr KESHAV ne kiya tha. Chaliye sun lete hain inki vaarta,

LADKA – Dekh bhai main jaanta hoon ki wo criminal hain but unhone hamesha mujhe apne sage bhai ki tarah hi maana hai, agar unhe kuchh ho gaya to.

AV – Dekh main tujhe vaada karta hoon ki main DEVA ko kuchh nahi hone doonga. Tu us baare mein bilkul chinta mat kar. Bas jaisa maine kaha hai waisa hi kariyo.

LADKA – Lekin tu ye sab kyon kar raha hai?

AV – Sorry yaar abhi nahi bata sakta par believe me agar tu mujhe zinda dekhna chahta hai to ye sab karna padega.

LADKA – Teri baatein to mere sar ke oopar se nikal rahi hain par agar ye sab itna zaroori hai to theek hai. Main taiyaar hoon.

AV – Okay fir kal ke liye taiyaar rahiyo.

Itna bolkar AV wahaan se baahar aa gaya aur wahin par KESHAV gaadi mein baitha uska intezaar kar raha tha aur AV ko uske ghar par drop karke waapis AJMER ki taraf nikal gaya. Aur AV bhi thoda fresh hokar chehre par ek muskurahat liye nikal gaya apni manzil ki taraf.

LOCATION :- AV’s HOUSE (JUNGLE)

So evening time hai aur MAHI madam khadi hain is Khubsurat si jagah par aankhon mein hairaani ke bhaav liye. Kyon, kyonki poori jagah ko shandaar tareeke se decorate kiya gaya hai.

Chaaron taraf phoolon se behatreen kaarigari ki gayi hai aur khaas baat ye ki sab ke sab MAHI ke pasandida phool hain. Paas hi main ek chhota sa tent types structure banaya hua hai jiske andar ek table rakha hua hai. Tent ki taraf jaane ke poore raaste mein gulaab ke phool bichhaye gaye hain. MAHI ye sab dekh kar hairaan bhi thi aur behad khush bhi tabhi peeche se uski aankhon par kisine haath rakh diye.

Pehle to wo ghabra gayi par turant hi normal hote huye chehre par ek smile liye palatkar us vyakti ke gale lag gayi.

MAHI – Thank you AV. Ye sab bahut sundar hai.

Ji sahi samjhe ye AV mahodaya hi hain.

AV – Hmm hai to par tumse zyada nahi aur waise bhi hamari pehli date hai special to honi hi chahiye.

Ye sunkar MAHI halka blush karne lagi aur tabhi wahaan, sadi ke sabse shandaar romantic track – TUM HI HO, ki dhun bajne lagi. AV ne MAHI ki taraf haath badha diya jisse usne muskurate huye thaam aur dono ke kadam us gaane par thirakne lage. Dono ek dusre ki aankhon mein dekhte huye dance kar rahe the aur us pal ki khushi ke ehsaas mein doobe huye the. Aur is pal ye keh sakte hain ki,

MERE DIL NE TERE DIL KO YE BATA DIYA,
KE TERE ISHQ NE MUJHE
AANKHON KI ZUBAAN BOLNA SIKHA DIYA.

AV ne MAHI ka haath thamkar usse us tent ki taraf chalne ka ishara kar diya. Aur jab MAHI uske andar pahunchi to uske chehre ki muskaan aur bhi gehri ho gayi . Kyonki wahaan uski aur AV ki saath mein kayi photos lagi huyi thi. AV ne usse wahaan baithne ka ishaara kiya aur khud bhi uske saamne virajmaan ho gaya. Aur fir usne table ke neeche se kuchh dishes nikaal kar table par saja di. Ye sabhi dishes MAHI ki favourite thi. Aur dono hi unka lutf uthaane mein jut gaye. Chaliye inhe bhojan karne dete hain aur chalte hain DEVEN babu ki taraf.

LOCATION :- CITY HOSPITAL (AJMER)

So, yahaan par DEVEN saahab maujood hain RAKA aur apne aadmiyon sahit RAHULWA ke room ke andar. Aur inke chehre par hai gussa , kuchh zyada hi gussa. Aur wahin par RAHUL ke chehre par darr apni charam seema par pahunch chuka hai. RAHUL kuchh bolne ko hua par tabhi DEVEN ne uske gaal par ek thappad raseed kar diya.

DEVEN – Apna muh band hi rakh tu gadhe. Jab bolna tha tab to goonga ban kar baitha hua tha. Jab pehle ek baar apni dhulaayi karwa li thi us ladke se to kyun gaya tha dobara meri izzat ka janaaza nikaalne. Mujhe nahi bata sakta tha tu is sabke baare mein.

RAHUL – Sorry Dad. Wo main....

DEVEN – Chup kar aur ye bata ki us ladki ka kya chakkar hai?

RAHUL – Wo usne mujhe thappad maara tha to uska badla lene ke liye maine use kidnap karwaaya tha par tabhi wo ABHIMANYU wahaan pahunch gaya aur usse bacha ke le gaya. Par iss baar sab sahi jaa raha tha par pata nahi kaise usne akele hi 10 gundon ki band baja di.

DEVEN – Hmm.... Ab tu us ladke aur ladki dono se hi door rahega. Ab ye sab main handle karunga.

RAHUL – Nahi Dad. Apna badla main khud hi loonga.

Tabhi DEVEN ne uske gaal par ek aur prashad de diya.

DEVEN – Tu itna bada nahi hua hai ki mujhse zaban ladaye. Aur tu kaise badla leta hai ye dekh liya hai maine. Is baar to hospital tak hi pahuncha hai agli baar kahin oopar na pahunch jaaye. Isliye jo tere karne ke kaam hain wo kiya kar, gundagardi nahi.

Aur ye bolkar DEVEN & party wahaan se baahar chal diye aur andar reh gaya RAHUL apna choohe jaise mooh liye. Asal mein DEVEN zindagi mein doosri baar hi haara tha aur dono baar ek hi insaan ke khilaaf to ye thoda zyada hi gussa ho gaya aur uska nateeja mahashay RAHUL ko bhugatna pada. Chalo ab ye to shaant hi rahega , ab apne baap ke khilaaf to jaane se raha par kutte ki poonch aese hi seedhi bhi to nahi hoti.

BACK TO HERO:-

Is samay AV baitha hua tha us jharne ke kinaare ek jhoole par aur MAHI uski god mein sar rakh kar leti huyi thi. AV uske baalon mein haath ghuma raha tha aur madam aankhen band kiye in sunehre palon ko apne dil mein kaid karne mein lagi huyi thi.

AV – Tumhe ye sab achha to laga na MAHI.

MAHI ne sar oopar karke uske gaal par ek kiss kar diya aur kaha,

MAHI – Mil gaya jawaab.

Aur idhar ye janaab to atyadhik khush the and MAHI sharma rahi thi.

AV – Tum na har baat ka jawaab aise hi diya karo. Ye tareeka kaafi badiya hai.

MAHI – Jitna mil raha hai na usmein hi khush raho kahin bilkul hi milna band ho jaaye. Aur mujhe ye batao ki tumne abhi do ghante pehle hi mujhe phone kiya tha yahaan aane ke liye aur ye sab ready tha. Matlab tumne pehle se hi sab planning karke rakhi thi.

AV – Ji madam ye sab to maine dopahar se hi shuru kar diya tha. You know something special for someone special.

MAHI – Chalo ye sab to thik hai par tumne koyi gift nahi diya abhi tak mujhe.

AV – Wo to main bhool gaya.

MAHI – Zyada naatak mat karo aur laayo idhar.

AV utha aur apne ghutnon ke bal baith gaya aur MAHI ki taraf apna haath badha diya. MAHI ne bhi uska haath thaam liya aur fir AV ne apni jeb mein se ek ring nikalkar MAHI ki ungali mein pehna di. MAHI ki khushi uski aankhon mein saaf saaf dekhi jaa sakti thi. Usne jhat se uss ring ko choom liya.

AV – Ye saubhagya sirf angoothi ke liye hi , angoothi pehna ne waale ke liye kuchh nahi.

MAHI uthi aur AV ko gale laga liya.

MAHI – Thanks AV. Thanks for everything. Ye shaam meri life ki sabse khubsurat shaam hai. Tum sachme bahut achhe ho. I love you so much.

AV ne bhi use kaskar apni baahon mein bheench liya aur kaha,

AV – I love you too MAHI.

NEXT DAY :-

LOCATION :- ABANDONED FACTORY (JAIPUR)

Is samay yahaan maujood hai AV aur wo DEVA ka muh bola bhai. Aur ye dono milkar dene waale hain apne plan ko anjaam.

AV – Chal la apna phone de ab start karte hain.

Wo ladka thoda dara hua to tha par fir bhi usne apna mobile AV ki taraf badha diya. Aur AV ne usmein se kisiko phone laga diya. Jab saamne waale ne call pick kiya,

AV – Aur DEVA bhai kaise ho?

DEVA – Kaun hai be tu aur ye ----- ka phone tere paas kaise aaya?

AV – Wo kya hain na ki tumhare is muhbole bhai ko maine kidnap kar liya hai agar isse zinda dekhna chahta hai to ek address bhej raha hoon wahan akela, bilkul akela pahunch jaa.

DEVA kuchh bolne ko hua par tabhi AV ne phone kaat diya.

Idhar AV aur wo ladka fatafat factory mein ek taraf chale gaye. Wo factory ke kaafi andar ek kamra tha. Jismein computer rakha hua tha. Aur us computer screen par chal rahi thi factory mein AV dwara lagaaye gaye CCTV ke drishya. Kuchh samay baad us factory ke saamne ek gaadi rooki jismein se ek dum aag baboola hua pada DEVA baahar nikla. Par ek doosra drishya dekh kar AV ke chehre par muskaan aa gayi. Wo ye ki factory ke pichhli taraf bhi kuchh gaadiyan ruki aur unmein se kuchh gunde baahar nikle. AV ne ek phone lagaya aur kaha KESHAV UNCLE FACTORY KI BACK SIDE MEIN.

Aur tabhi kuchh second baad factory ke peeche chhupe huye kuchh hatte katte aadmi baahar nikle aur unhone un sab gundo ke gale mein ek ek pin chubha di. Asal mein AV jaanta tha ki DEVA zaroor apne saathiyon ko lekar hi aayega isiliye usne KESHAV ko kehkar behosh karwaane ka intezaam pehle hi karwa diya tha.

Idhar iss sabse be khabar DEVA factory ke andar pahunch chuka tha tabhi ek nazara dekh kar uske kadam wahin rook gaye. Asal mein saamne deewar par ek screen lagi huyi thi jismein ek ladka behoshi ki haalat mein kursi par bandha huya dikhayi de raha tha. Wo koyi aur nahi balki wahi ladka tha.

Ye dekh kar DEVA ki aankhon mein khoon utar aaya aur wo chilaaya,

DEVA – Kaun hai be tu, baahar nikal , maa kasam bahut buri tarah maarunga tujhe.

Tabhi wahaan AV ki awaaz goonji. Ye wahaan par ek speaker ki madad se kiya gaya tha,

AV – Itni bhi kya jaldi hai DEVA babu abhi wo kaam to baaki hai jiske liye aapko yahaan mangaya gaya hai.

DEVA – Kya chahiye tujhe.

AV – Kuboolnaama.

DEVA – Kyaaa???

AV – Kuboolnaama, uss gunaah ka jo tumne aur DEVEN ne kiya tha. Aur ye sach tumhe kubool karna hai RAKA ke saamne.

DEVA (haklate huye) – Kaunsa gunaah? Kya bakwaas kar rahe ho tum?

AV – Arre tumhaari yaad dasht to kaafi kamzor hai. Chalo main yaad karwaata hoon. Wahi gunaah jo DEVEN ne RAKA ki biwi ke saath kiya aur jise tumne chhipaane mein uski madad ki. Zyada baat na karte huye ye ki tumhaare paas 30 minute hain RAKA ko phone karke yahaan bula aur usse sara sach bata. Warna ye Ladka to gaya. Your time starts now and ab koi bakwaas nahi.

DEVA ne aanan faanan mein RAKA ko phone lagaya aur usse jald se jald wahaan pahunchne ko kaha. Ab DEVA, RAKA ka khaas aadmi tha to RAKA bhi uski baat maan jaldi hi wahaan ke liye nikal gaya.

Kuchh der baad RAKA apni sena ke saath wahaan pahunch gaya. Aur usko dekh kar DEVA sir ki jaan sookh gayi. Wo soch hi raha tha ki tabhi wahaan fir se AV ki awaaz goonji,

AV – Shaabash DEVA, ab tumhare paas 10 minute hain, chalo fatafat apna kaam khatam karo.

RAKA – DEVA kya hai ye sab. Kyon bulaaya hai toone mujhe yahaan. Aur ye kiski awaaz thi.

DEVA – Dada..wo..wo..dada

Tabhi,

AV – Yaar aese kya kar raha hai, haklaane ki koi baat nahi hai, jaldi se sach ka bakhaan shuru kar de.

DEVA ne ek lambi saans chhodkar aur parampita parmeshwar ka naam lekar saara ka saara sach RAKA ke saamne ugal diya. Jaise – jaise DEVA bol raha tha, waise hi RAKA ka paara chadhta jaa raha tha. Jaise hi DEVA ne bolna khatam kiya tabhi RAKA ne uska collar pakadkar uske muh par mukkon ki barsaat kar di. Itne mein hi RAKA ne apni kamar mein se bandook nikal kar DEVA ke sar par taan di. Aur ye dekh kar DEVA ki jaan laghbhag nikal hi gayi thi. Tabhi wahaan goli chali.....

Lekin wo kisi aur ko nahi balki factory ki deewar par lagi. Kaise? To jawaab ye hai ki jaise hi AV ne dekha ki RAKA ne DEVA ko dhona shuru kar diya hai wo tezzi se apne kamre se nikal kar uss or chal pada. Jaise hi RAKA ne uss par bandook taani tabhi AV wahaan pahunch gaya aur usne RAKA ka haath doosri taraf mod diya aur goli jaakar deewar se lag gayi.

Ye dekh kar ek taraf jahaan DEVA AV ko aese dekhne laga jaise wo sakshaat bhagwaan ka bhejaa hua farishta ho wahin RAKA usse gusse se ghoorne laga. Jaise hi RAKA apna mooh kholne ko hua tabhi,

AV – O Chacha, kuchh bhi bhonkne se pehle ek baar yaad karle aaj tak toone kitne bekasoor logon ko chot pahunchayi hai, kitne parivaar teri wajah se barbaad huye hain, kitne bachhon ke sar se toone maa–baap ka saaya uthaaya hai. Aur aaj apne par aayi to gussa aa raha hai tujhe. Yaad rakh Karma is a bitch wo kisi ko nahi chhodti.

AV ki baat sunkar RAKA ki aankhon ke saamne uska past ghoomne laga, usne jo kuchh bhi aaj tak kiya tha wo uske zehan mein taaza ho gaya. Aur isi silsile mein uski aankhon se do boond aansoon bhi gir gaye.

AV – Dekho jo kuchh bhi tumhaari wife ke saath hua, main jaanta hun ki tum uska badla DEVEN RAJVANSH se lena chahte ho , par ye tum bhi jaante ho ki tum uss aadmi ka kuchh nahi bigaad paaoge.

RAKA – Bilkul nahi main RAKA hoon RAKA abhi ke abhi ussko jaan se maar doonga.

AV – Haan haan bilkul jaao. Par us se pehle ye DEVA ji se to puchh lo ki jis hospital mein tumhaari biwi hai wahaan DEVEN ne kya security sajaayi huyi hai.

Ye baat sunkar RAKA DEVA ki taraf dekhne laga wahin DEVA aankhen faade AV ki taraf, wo samajh nahi paa raha tha ki AV ko ye sab baatein pata kaise chali.

DEVA – Ji Dada ye ladka sahi keh raha hai unhone wahaan kuchh aadmi rakhe huye hain ki agar kabhi aapko sach pata chale to wo aapko unke zariye blackmail kar sake.

RAKA ye sunkar pareshaan ho gaya aur AV ki taraf dekhne laga, experienced gunda tha samajh gaya tha ki AV koi halki–fulki cheez nahi hai.

AV – To ab bhi jaaoge ya meri baat sunoge.

RAKA – Bolo.

AV – To baat ye hai ki main DEVEN RAJVANSH ko apne haathon se maarna chahta hoon aur agar kisi aur ne mere shikaar mein muh maara to main usse bhi maar doonga.

RAKA & Company ki ye sunkar hairaani ki seema infinity tak pahunch gayi aur,

RAKA – Abbe kya bakwaas kar raha hai jab main usse maarne ki taakat nahi rakhta hoon to tu kaise maarega.

AV – Dekho bhaiye aesa hai ki maarunga to usse main hi par tum dono meri usmein madad karoge aur kaise karoge ye bhi bata deta hoon. To suno, DEVEN ko DEVA par poora bharosa hai ki wo usse dhoka nahi dega. To DEVA ji aap RAKA ki madad karenge taaki wo apni biwi ko safely hospital se nikaal sake kyonki wo sab aadmi tumhaari baat to maan hi lenge. Aur haan kaam khatam hone ke baad un aadmiyon ko gayab zaroor kar dena kahin wo DEVEN tak pahunch gaye to khel khatam samjho. Iske baad RAKA tumhaari biwi ko yahaan se kisi aur shehar mein bhej dena aur apne vishwas ke logon ko security ke liye rakhna. Aur DEVEN ko ye bataya jaayega ki tumhaari biwi ka kisine kidnap kar liya hai. Kyonki tumhaare kaafi saare dushman hain to usse shakh bhi nahi hoga.

Aur ek baar wo safe ho jaayein fir shuru hoga DEVEN ki Barbaadi ka khel. RAKA tum uske liye hi kaam karte rahoge par usse bilkul pata nahi chalna chahiye ki tum sach jaan chuke ho. Uske baad ki baat baad mein karenge pehle itna sab ho jaaye.

AV ki baat khatam hone ke baad jab usne RAKA & DEVA ki taraf dekha to wo dono usse aankhen faade dekh rahe the. Aur ye dekh kar AV ke chehre par ek smile naach uthi.

RAKA – Ae bhai kaun hai kaun tu. Kya gajab ki planning ki hai tune. Aur jo sach aaj tak main nahi jaan paaya wo bhi tujhe pata tha.

AV – Main kaun hoon ye chhodo aur ye batao ki kya tum dono ye kaam karoge ya nahin?

RAKA – Bilkul karoonga. Zindagi mein pehli baar achha kaam karne ka mauka mila hai. DEVEN jaise aadmi ke marne se mere paap ka bojh thoda hi sahi par kam to ho hi jaayega. Par tumhaari us se kya dushmani hai.

Ye sun kar AV ki aankhon ke saamne uski Maa, Papa aur uss behan ka chehra aa gaya jisse wo sirf ek baar hi dekh paaya tha aur uski aankhein bhi bheeg gayi. RAKA & DEVA samajh gaye ki bahut serious maater hai.

AV – Usne mujhse mera sab kuchh chheen liya. Meri maa, mere papa aur meri behan sabko chheen liya usne. Aur mujhe bilkul akela kar diya. Chhodunga nahi tadpa tadpa ke maarunga usse.

Aakhiri line AV ne daant peeste huye boli thi aur ismein uske andar bhara gussa saaf jhalak raha tha. Tabhi ,

RAKA & DEVA – Hum tumhaare saath hain is sabmein.

DEVA – Ab to chhod do mere bhai ko uski kya galti hai is sabme.

Ye sunkar AV ke chehre par muskaan aa gayi aur usne us ladke ko awaaz lagayi, aur DEVA se bola,

AV – Isse maine pakda hi kab tha jo chhod doon.

Ye sunkar DEVA hairaan ho gaya par tabhi wo ladka baahar aa gaya aur usse dekh kar DEVA uski taraf dauda aur uske chehre par haath ferkar bola,

DEVA – Tu thik to hai na , tujhe chot to nahi lagi na,

KABIR.......

So, guys ye haazir hai update. Sach mein iss baar late ho gaya but really aaj kal time ki Bahut shortage chal rahi hai. Iss update mein aap zaroor soch rahein honge ki koyi apne muhbole bhai ke liye itna to nahi karta hai , iska kya Reason hai ye next update mein aapko pata chal jaayega. Tab tak ke liye bye-bye.

YOUR’S RD.

(3516 WORDS).

Superb update bhai

Ajay · Oct 13, 2021

Rocky Dsouza said:
PART – I [ UNFOLD THE MYSTERY ]
CHAPTER – 2
“ THE JOURNEY BEGINS ”
UPDATE #15 [THE GAME IS ON!!!]
RECAP :- AB TAK AAPNE DEKHA KI AV DEVA KE ZARIYE RAKA KE SAAMNE DEVEN KA SACHH LE AATA HAI. AUR SAATH HI DEVEN KE KHILAAF APNI PLANNING SHURU BHI KAR DETA HAI. WAHIN DEVA KA MUHBOLA BHAI AUR KOI NAHI BALKI KABIR HI HAI.

AB AAGE:-

NEXT MORNING:-

LOCATION:- KESHAV’S HOUSE (AJMER)

To, kal ke ghatnakram ke baad KESHAV & AV abhi subah ke samay maujood hain yahaan. KESHAV ke haath mein ek bag hai jismein 1 crore rupay hain. KESHAV ne gold ko paison mein convert karwa liya tha aur abhi wo bag AV ko handover kar raha tha.

AV – Chaliye Uncle ab mujhe ghar waapis jana chahiye.

KESHAV – Ji Chhote Maalik chaliye main aapko chhod aata hoon.

AV – Nahi uncle main bus se chala jaaunga. Aap jald hi yahan se kahin aur chale jaaiye. DEVEN aaj nahi to kal aapka pata laga lega. Fir aapko bhi khatra ho sakta hai.

KESHAV – Lekin...

AV – Maine kaha na Uncle. Aur Thanks iss sabke liye.

AV itna kehkar wahaan se baahar ki taraf chal diya. KESHAV kuchh der khada hokar AV ko jaate huya dekhta raha aur fir wo bhi apne sar ko jhatak kar apni nayi manzil ki taraf nikal gaya.

Chaliye jab tak AV waapis JAIPUR pahunchta hai ham zara chaltein hain last update ke factory waale scene mein.

YESTERDAY (IN THE FACTORY):-

KABIR.....

JI haan wo ladka aur koyi nahi balki KABIR hi tha. Aur yahi wajah thi ki AV pehli baar KESHAV se uske baare mein sunkar shock ho gaya tha par asli shock to AV ko tab laga tha jab usse KABIR & DEVA ki poori sachayi pata chali thi. Chaliye ham bhi jaan lete hain wo sachayi,

KABIR – Ji Bhai main thik hoon.

AV – Ab faaltu baatein band aur DEVA ji aap ye batane ka kasht karenge ki koi apne muhbole bhai ke liye do logon ka khoon kaise kar sakta hai.

DEVA ye sunkara hadbada gaya par fir sambhalte huye bola,

DEVA – Isme kya hai , maine KABIR ko apna saga bhai hi maana hai to usmein kya problem hai.

AV – Na na asli baat batao cousin brother waali. Ese na aayega maza.

Ye sunkar DEVA ki aankhen apni aakhiri hadh tak phail gayi wahin KABIR ko kuchh bhi samajh nahi aa raha tha, wo kuchh bolne ko hua apr AV ne haath dikha kar usse beech mein hi rok diya. DEVA kuchh pal rooka aur fir,

DEVA – Sachmein tumhe maine jitna chaalak samjha tha tum uss se bhi aage ho. Haan ye sach hai ki KABIR sach mein mera bhai hai.

Aur ye tha ek bahut bada jhatka KABIR ke liye. Bachpan se anaathon ki zindagi jeene waala KABIR, usse umeed hi nahi thi ki uska koyi rishtedaar hoga. Par....

KABIR – Kaise??

DEVA – Tum mere Chacha ji ke bete ho. Tumhare paida hone ke kuchh mahine baad hi Chacha – Chachi ki maut ek accident mein ho gayi thi. Mujhe bhi unhone hi paala tha. Kyonki maa to mujhe janam dete hi guzar gayi thi wahin Baba ne to kabhi mujhe apna beta maana hi nahi. Unke liye to main ek bojh tha. Fir jab main bada hua to galat logon ke saath ne mujhe bhi galat raaste par badha diya aur main jurm ki duniya mein dhansta chala gaya. Chacha ji ki maut ke baad tumahri zimmedari mere oopar thi par us samay tak mere bahut se dushman ban gaye the aur main nahi chahta tha ki meri wajah se tumhe koi nuksaan ho. Isiliye maine tumhe apne se door karne ka faisla liya. Mujhe maaf kar do , mujhe uss waqt jo sahi laga maine wahi kiya.

DEVA ne haath jodkar ye baat kahi thi wahin KABIR ne aage badhkar usse gale laga liya. Inka bharat milaap kuchh der yun hi chalta raha, fir,

DEVA – Lekin tumhe ye saari baatein kahan se pata chali. Tum aakhir ho kaun?

DEVA ke iss sawaal par RAKA bhi AV ki taraf sawaaliya nazron se dekhne laga.

AV – Wo sab chhodo. Na tum samajh paaoge na main samjha paaunga. RAKA tum ye batao ki kya DEVEN Advocate MAHENDRA SHARMA ke khilaaf bhi kuchh karne waala hai?

RAKA – Haan wo uski beti ko bhi RAHUL ne kidnap kiya tha na tumhaare saath isiliye DEVEN ne kaha tha ki pehle wo tumhe maarega fir un sabko. Aur MAHENDRA ko apna puraana dushman bhi bata raha tha.

AV – Dekho agar DEVEN unke khilaaf kuchh bhi planning kare to tum mujhe zaroor bataoge. Aur sab kuchh bahut hoshiyaari se karna DEVEN ko tum dono par bilkul shakh nahi hona chahiye. Aur DEVA abhi KABIR ko apne saath mat rakho. Ye mere ghar par reh lega ab se. Ek baar DEVEN ka khel khatam ho jaaye to fir tum bhi normal zindagi guzaar paaoge.

DEVA ko ye baat thik lagi aur usne haan mein sar hila diya wahin KABIR kuchh bolne ko hua,

AV – Saale kuchh mat boliyo kitni baar pehle bhi kaha hai tujhe har baar mana kar deta hai. Par iss baar ek na sununga main teri.

Ab wo bhi chup ho gaya wahin AV ke dimag mein ek baat aayi,

AV – RAKA kya tumne kabhi DEVEN ko uske Boss ya Maalik ke baare mein baat karte suna hai?

Ye sunkar RAKA thoda hairaan hua kyonki DEVEN jaisa aadmi kisi ko boss kahe ye usski soch se pare tha. Par fir bhi wo yaad karne ki koshish karne laga aur tabhi usse yaad aaya,

RAKA – Poora to nahi pata par haan sirf ek baar maine DEVEN ko kisi se phone par kehte suna tha ki Maalik Mumbai mein hain.

AV – Hmm. Thik hai. Chalo ab main chalta hoon. KABIR tu inke saath hi chala jaa. Mujhe kuchh kaam hai.

Ye bolkar wo wahaan se nikal gaya. Wahin Factory se thoda door hi KESHAV gaadi lekar khada tha. Aur dono wahaan se aage badh gaye.

BACK TO PRESENT:-

LOCATION:- AV’s HOUSE

Haan to AV pahunch gaya hai apne ghar. Aur uska AJMER mein jo bhi karyakram tha wo poora ho chuka hai. Iss samay wo wahi diary kholkar baitha tha. Aur usme likhe huye aakhiri note ko padh raha tha.

“ Bas yahin tak ke safar mein main tumhe raasta dikha sakta tha. Tumhe ab apne pehle dushman ko khatam karna hoga. Uske baare mein tumhe pata chal hi chuka hoga ab tak to. Aur jab tak tum usse maar nahi dete tab tak tum aage nahi badh paaoge. Uska raaste se hatna bahut zaroori hai. Yaad rakhna tumhari ki gayi ek bhi galti tumpar aur saath hi kisi aur par joki tunhare intezaar mein hai uspar bhi bahut bhaari padegi. Haan usski maut ke baad agar koyi sawaal tumhaare saamne ho to uske jawaab tumhe ek hi aadmi ke paas milenge aur us se milne ke liye tumhe DELHI jaana hoga. ”

Iske neeche ek address likha hua tha. AV ye pehle bhi padh chuka tha par ab wo samajh gaya tha ki DEVEN ko thikaane lagane ke baad wo apne sabhi sawaalon ke jawaab dhoond paayega. Par wo bhi jaanta tha ki DEVEN ko maarna itna aasan nahi hone waala hai. Iske liye usse thos planning ki jaroorat thi. Waise to RAKA aur DEVA ke roop mein usse bahut takatwar saathi mil gaye the par wo ek back up plan bhi ready rakhna chahta tha aur issi baat par vichaar kar raha tha.

Chaliye isse sochne dete hain ham thoda nazar daal lete hain ki SARTHAK ka kya hua.

SARTHAK’s MATTER:-

So, jis din AV ke saath SARTHAK ki fight huyi uss din wo ghar na jaakar kisi dost ke yahaan chala gaya. Wo jaanta tha ki ek baar ko wo un paanch murders se DEVEN ki help se bach sakta hai par jo ussne RAHUL ko goli maari thi uska anjaam na sirf usse balki uske poore pariwaar ko bhi bhugatna hoga. Aur tabhi usse yaad aaya ki usne KANIKA ke saath kya kiya tha aur agle hi pal uski aankhon ke saamne uski behan ANKITA ka chehra aa gaya aur uski reedh ki haddi mein ek sard lehar daud gayi. Wo jaanta tha ki DEVEN uske parivaar ke saath darindagi ki hadd se bhi bura vyavahar karega kyonki wo DEVEN ke egoistic nature se bakhoobi waakif tha. Aur iss samay usse AV ko jaan se maar dene ka mann kar raha tha. Yaani ki abhi bhi apne raakshasi paap ki realisation nahi huyi hai isse.

Par wo bhi jaanta tha ki usske paas AV ki baat maan ne ke siva koyi raasta nahi hai.

Agle din wo Police Station gaya aur wahaan surrender kar diya. Apne us gunaah ko ussne swikaar kar liya par iss baat ka dhyaan rakha ki RAHUL ya DEVEN ka naam beech mein na aaye. Ab chaliye ek aur character se aapko parichit karwa doon, in bhaisahab ka bada important role rahega AV ki DEVEN ke khilaaf ladayi mein,

[ INTRO:- ACP AKRAM SHEIKH :- Age – 28 Years. Ek deshbhakt , imaandar aur diler officer. Apne farz ko hi apna khuda maan ne waala ek insaan. But jaisa ki aam taur par imaandar officers ke saath hota hai waisa hi inke saath bhi hai, seniors ke dabaav ke chalte kayi baar inhe apne dil par patthar rakh kar gunehgaaron ko chhodna padta hai. Par unofficially ye poori koshish karte rehte hain ki unke khilaaf koyi pukhta saboot dhoondkar un logon ko saza dilwa saken.

KANIKA ka case bhi yahi handle kar rahe the. Aur uss case ki poori shiddat se tehqiqaat karne ke baad inhone saboot bhi jutaaye par again as usual inke saath wahi hua jo pehle se hota aa raha hai. Aur aaj jab SARTHAK ne apne aap ko surrender kar diya to inki hairaani ki koyi seema na rahi. ]

So, SARTHAK ko court mein pesh kiya gaya aur pehle hi hearing mein case uda diya gaya. Bhai ab culprit khud hi gunaah accept kar raha tha aur kya hi chahiye. Aur waise bhi jo saboot like mobile location ACP sahab ne uss waqt jama kiye the wo bhi ab pesh kiye jaa rahe the. Hence, SARTHAK apni sahi jagah jail mein pahunch gaya tha par kya uska kissa khatam ho gaya tha. Shayad nahi.

Idhar MAHIRA ke ghar khushiyan laut aayi thi. Aakhir kar unhe insaaf mil gaya tha aur gunehgar ko saza.

BACK TO PRESENT:-

NEXT DAY:-

LOCATION:- SCOTTISH INTERNATIONAL SCHOOL

Aaj tha yahaan par Result Declaration. Aur jaisa ki aap andaza laga hi sakte hain topper apna AV hi tha aur second apni MAHI madam. Aur sabhi khush lag rahe the, ek ko chhodkar. Aur wo thi ANKITA. Apne bhai ki asliyat saamne aane ke baad wo khud bhi bahut guilty feel kar rahi thi. Wo khud ko bhi ek tarah se gunehgaar hi maan rahi thi. Especially jis tarah ka behaviour uska MAHI ke liye the iss ek saal mein uske kaaran. Aur AV ne ye baat note kar li thi aur ussne MAHI ko ANKITA se baat karne ko kaha.

Aur ussne bhi ANKITA se baat karke usse comfortable karne ki koshish ki. Aur ek naya naam ANKITA Ke roop mein jud gaya tha inke group mein. Chaliye inhe Chhodte hain yahin aur chalte hain villain uncle ki taraf.

LOCATION :- RAJVANSH MAHAL

To bhailog yahaan maujood hain DEVEN babu aur inke saath hi yahaan par hain RAKA sahab. Aur ye kar rahen hain koi planning. Lekin kya,

DEVEN – RAKA ab uss ladke ka kaam khatam karne ka time aa gaya hai. Uss par kuchh din nazar rakh. Aur jo bhi sahi Time lage usse uthwa le. Par iss baar bande thode zyada bhejiyo.

RAKA – Ji Maalik. Aur uss Wakeel ka kya karna hai?

DEVEN – Socha hai. Uske liye bhi maine kuchh socha hai. Tum ye kaam karo usse main dekh loonga.

Itna kehne ke baad DEVEN ne RAKA ko baahar jaane ka ishaara kiya aur wo bhi chup chaap chala gaya.

Par ye baat sunkar RAKA thodi tension mein aa gaya tha. Aaj hi wo apni biwi ko hospital se nikaalne waala tha. Aur yahi AV ka plan tha ki is chakkar mein DEVEN ka dhyaan thode samay ke liye MAHENDRA par se hatt jaayega. Ab bas kuchh derr ka intezaar tha fir is khel ki shuruaat ho jaani thi.

IN THE EVENING:-

LOCATION:- HOSPITAL

To, yahaan par DEVA ne sab set kar diya tha. Ussne un sab aadmiyon ko jo wahaan nigraani ke liye maujood the unhe thikaane lagane ki tarkeeb soch li thi. Jaise hi RAKA Hospital mein enter hua wo sab satark ho gaye par DEVA ne unse kaha ki usse koyi shakh nahi hua hai aur wo aise hi aaya hai. Iss baat se wo log thoda casual ho gaye aur yahi unki galti thi. Unke peechhe se DEVA ke kucchh aadmiyon ne unhe chloroform sunghakar un sabko behosh kar diya.

Baahar hi ek Van maujood thi aur un sabhi ko uss Van mein daalkar wahaan se le jaaya gaya. In sabko UDAIPUR mein maujood RAKA ke ek khufiya thikaane par le jaaya jaa raha tha. Us jagah ke baare mein DEVEN bhi nahi jaanta tha. Waise to RAKA & DEVA in sabko maarkar bhi thikaane laga dete par AV ne unhe saaf hidayat di thi ki bina baat se kisi ko nahi maarna hai. Uska target to DEVEN hi tha.

Idhar RAKA ke hi kuchh aadmi nakaab pehankar andar aaye aur RAKA aur DEVA ke sar par bandook rakh di. Aur fir wahaan ke doctor logon ke saath bhi yahi hua. Iske baad un logon ne RAKA ki biwi ko kidnap karne ka naatak karke usse bhi UDAIPUR rawaana kar diya. Asal mein UDAIPUR mein RAKA ka network kaafi strong tha. Ye bhi keh sakte hain ki RAJASTHAN mein wahi ek jagah thi jahaan shayad agar DEVEN aur RAKA aamne saamne hon to RAKA hi baazi maar jaayega.

Idhar ye sab hone ke baad RAKA ne bhi doctors ke saamne thoda naatak kiya aur wahaan se nikal gaya. Kyonki wo sab doctors DEVEN ke kehne par hi wahaan maujood the aur jaisa ki RAKA ne socha tha wahi hua. Jaise hi wo wahaan se nikla unn doctors ne DEVEN ko phone karke sab jankari de di. Ussne ek baar DEVA ko phone karke bhi poori baat pata ki. Yahaan DEVEN ab chinta mein aa gaya tha kyonki RAKA ki biwi hi ek esi kadi thi jiske zariye wo RAKA se kuchh bhi karwa sakta tha. Ussne bhi apne aadmiyon ko kaam par laga diya.

RAKA & DEVA ko pehli kaamyabi mil gayi thi aur unhone ye khabar AV tak pahuncha di. Aur AV bhi khush tha ki ab jald hi wo apne pita ki maut ka badla le sakega aur shayad apne zindagi ke rahasya se bhi parda utha paayega.
Wahin ek doosri jagah,

LOCATION:- UNKNOWN (JAIPUR)

“ To Kya khayal hai lena chahoge apni haalat ka badla uss ABHIMANYU se.”

Yahaan par maujood hai DEVEN aur uske saamne hai ek doosra shaks. Ye sawaal DEVEN ka hi tha jo ussne poocha tha. Jispar us shakhs ka jawaab tha,

“BILKUL, CHHODUNGA NAHI USSE. JAB TAK USKI ZINDAGI TABAH NA KAR DOON MUJHE CHAIN NAHI MILEGA.”

DEVEN – Bas fir taiyaar ho jaao bahut jald hi tumhe ye mauka bhi milegaa aur fir poora hoga mera

SAALON PURANA ADHURA KAAM....

So, guys aaj ka update waise to 2500 words ke kareeb hai par comparatively chhota hi hai. Ye update shayad aapko halka lage kyonki maine ismein bas ek tarah ki closing di hai sab incidents ki. Wo isiliye kyonki ye PART–I ke CHAPTER – 2 ka last update tha. Next update se third chapter shuru ho jaayega. Stay Tuned.

YOUR'S RD.

(2516 WORDS).

Nice update bhai

Search

Thriller AV.... UNLOCK THE MYSTERY

Ajay

Well-Known Member

Ajay

Well-Known Member

Ajay

Well-Known Member

Ajay

Well-Known Member

Ajay

Well-Known Member

HPR 2020

Member

Ajay

Well-Known Member

Ajay

Well-Known Member

Ajay

Well-Known Member

Ajay

Well-Known Member