Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 187 ​

 

[kingkhankar]

Likhne me samay toh lagta hi hai.
Khaaskar jab harr update 4 - 4.5k words ka ho.
Not to mention aadmi kaam par bhi jaata hai.
Uske baad personal life, ghar ke kaam, ju logo ki bhabhi, etc. Sab ko dekhna padta hai. Aur fir jab free time mile toh usme story likho.
Plus, likhte waqt kaafi moderations hote hai. Mann me bas rough plot hi rehta hai. Kaafi rough plot. Meaning, without any dialogues and detailing.

You forgot to mention one more thing....."जल्दी का काम शैतान का" aur Werewolf is not a Saitan

 

[Werewolf]

You forgot to mention one more thing....."जल्दी का काम शैतान का" aur Werewolf is not a Saitan

Ju ne keh diya na. Bas!

 

[Lone survivor]

First of all thank you for all the hard work you're doing for us, really appreciating that

This story is going too well, you're explaining everything and that too in a detailed way
But I have few doubts
1- it's been a long time since Kiara asked veer to teach her about life and since then I haven't read anything about that may be I missed something or you didn't write it yet
2- is I'm the only one who is thinking that kiara's father is among one of the main villain?
3- you have given so much importance to Suman and her family there must be something, something really important about them. What is it?
4- veer stats went above 100 so what's the highest level his stats can reach?
5- why veer's father started showing some feelings for veer? What is he hiding?
6- Ma'am? Ohh I love her such a pure character nothing to doubt about
7- are we in the half way through the story?

Bas abhi etna hi yaad aa raha hai. Keep the good work flowing
Love and respect

 

[Curiousbull]

Slogan ka ant uske character ke hisab se kam laga. Uska dar aur karyashaili aatankit karti thi us hisab se ant me minimum chithade udne chahiye the.

Just my thoughts.

Awesome again as always

 

[Fuckingkiller23]

Kamal update

 

[Bilal jan]

Waiting for next update

 

[Xabhi]

Too Emotional To Read..

Slogan : -
Kya Galti thi uski.. jo uski beti ko usse chheen liya gaya, Kitna Khush tha wo apne jeewan me.. Ek din sab kuch khatm ho gaya..
Biwi na rahi , bachhi na rahi.. kya bcha uski jindgi me.. kiski liye wo ye sb kr rha tha.. toot gaya ek dm se Sanjeev.. aur fir jab insaan toot jata hai na sab kuch khone par tab use sirf wahi dikhta hai jo iska kashurbar ho.

Khud ke liye insan itna sab kuch karta hai.. aakhir kare bhi kyu na par dusro ke liye uske apne apne hote hain.

Kishor ne sahi kiya ?? Agar Kishor ke najriye se dekhenge to, Ha bilkul usne sahi kiya qki wo sirf ek ko hi bacha sakta tha.. usne apni beti ko bachana thik samjha.. wahi agar Sanjeev ke najriye se dekho to uski to duniya hi swati thi.. aur bhala jab samne duniya ujde to fir jism me jaan kanha bachti hai.

andhvishwasi hona is jeewan ki sabse bdi durghatna hai. par kya ye kahna sahi h ??
baba ne kaha use khud ko khush rakhkar deal karna hoga grahako ko wo bhi bina chinta ke. ye to jeewan ki sachhai hai. to is hisab se baba ki koi galti nahi.. beshaq wo dhongi hi kyu na ho usne sanjeev ko sahi raah dikhai... par par agar us din wo busy nahi hota to sb kuch esa nahi hota jo hua... jis kaaran se sanjeev ki najro me wo villain ban gaya.. aur uska anjam uski maut.

Insan Bura ya Bhala janm se nahi hota, uske haalat uski majburi use achha ya bura bnati hain.

slogan ka past dekh kar veer ko satya ka pata to lag chuka hai. par ab aage kya veer is satya ke bad khud ko bekasur ki hatya ke arop se mukt kr payega. Jaise last time aatish ka sch samne aaya wese hi aaj Slogan ka bhi satya samne aaya. dono ki hi majburiya thi is raah ko chunne ki..

Wo kahte hain na har bada aadmi mehnat ke sath bada bna ho ye jaruri nahi. unhi me se ek hai Kishor. ab tak ki kahani ke hisab se.. uske sochne ka tariqa ek selfish insan ke jaisa hai.. jo ki normal hai . har koi sirf apna bhala chahta hai.. apno ka bhala chahta hai chahe uske badle use parayo ki jaan bhi leni pade.. jo kishor ne lee hain.. abhi sirf kuch batein hi samne aayi hain. is sb se to yahi lagta hai..

About writer : -

Well.. You have a great mind, emotion, feel.. ek dam realistik feel aa jati hai jab kahani ko padti hu me.. Har ek line ke sath puri kahani aankho ke samne ek video ki tarah play ho jati hai.. esa kar pana hi ek writer ke liye kafi kathin hota hai.. par apke dwara likhi gayi is kahani me mujhe bilkul bhi dekh kar nhi lgta ap ko jyada kathinai hoti hogi is tarah ki kahani likhne me.. qki apke lekhni bahut hi saral samjhne yogya aur real life se judi hui hai.. Har ek bat ko bade dhyan se likha gaya hai taaki agar uska knhi aage connection mile to esa na lage wo bat pahle jo likhi gyi wo alag thi aur aaj alag.. jaise aaj ke update me hua.. Maali ki hatya wala scene... pahle hm use kishor ke najriye se dekh chuke hain aur aaj hmne slogan ke najriye se use dekha... kishor ke najriye wala schene turant dimag me ban gya ise padkar.. yahi kabiliyat mujhe apke lekhni ki prasansa krne ke liye majbur kar di aaj..

From My Side : -

Aap isi tarah apni lekhni ke dwara sabhi ka manoranjan karte rahe is bat ki kaamna karti hu.
you are a gem. ap jaise writer bahut hi rare hote hain.. we are glad ki aap is forum par apna keemti samay dekar kahani likh rahe hain. sabhi readers aur forum staff apka abhari rahega.

​

I respect Werewolf bhaya and I admire your comments also ma'am...

 

[Rajesh]

Mega Update
[Koi itna diler ho sakta hai? Batao?]

Update - 76 ~ SLOGAN!!!

[This update contains gore as well as some disturbing scenes. Please, proceed accordingly.]
​

Ab tak...

Bullet Matthew ke muh ko cheerte hue uske palate ko phaadte hue uske sarr ke peeche se nikal gayi.

*Thud*

Matthew ka shareer bejaan zameen par gir pada. Aur Veer waha ek pal na ruka.

Wo seedha andar kii orr bhaaga. It was time for his main enemy. SLOGAN!!!!

Kahi bui kyu na bhaag jaaye Slogan. Veer uska pata laga lene waala tha. Kyuki usse pata tha ki usse kese dhudna hai Slogan ko.

'I'm coming for you... *smiles* "

Ab aage...

Laal....! Laal rang...!

Khoon!!!

Apne kaanpte hue khoon se sane haanth par rumaal baandhte hue Slogan jungle ke beecho beech andar aa chuka tha. Uska laal laal khoon, haath se raaste me boond boond tapakte jaa raha tha.

Aur yaha aate hi uske saamne gehri khaayi thi. Behad gehri khaayi. Jo jungle ko do bhaago me baate huye thi. Par badqismati se, doosre chorr par jaane ka koi raasta nahi tha.

*Huff* *Huff* *Huff*

Haafte hue wo thakaan ke maare ek bade se patthar par tik ke baith gaya jo zameen me hi dhassa hua tha. Uski saasein boht tezz ho chuki thi.
Unhe durust karne wo yahi baitha aur saamne khaayi ki orr dekhne laga.

Pehle, yaha ek lakdi ka pul hua karta tha. Ek bridge. Jo jungle ke dono bhaago ko jodta tha. Par ab uss pul ka koi naam-o-nishaan nahi tha. Harr jagah bas ghaas, ped aur paudho se hi bhara hua tha jungle. Badi badi bel jo kaafi lambaayi tak bikhri hui thi.

Ye sab dekh Slogan ki aankho me achaanak hi aasu aa gaye. Ye wahi jagah thi. Wahi jagah!!!!

***

20 years ago...

Ye samay tha varsha ritu ke baad ke mausam ka. July, August ke maah me jab zorro se baarish hoti thi, uske baad vataavaran me halki thand sii fel jaati thi.

"Aaahhh~" Mitti par jab bhi baarish ki boonde padti thi, toh woh saundhi saundhi, mehek poore vataavaran ko sugandhit kar deti thi.

Aaj mein ek talaash me nikla tha. Kisi ko dhundne. Boht suna tha inn mahaan vyakti ke baare me. Aur ussi suna suni me mein apne mann ki jigyaasa ko khatam karne ke liye aaj ravaana ho raha tha.

"Sambhal kar jaiyega! Samajh gaye?"

Mein jab apni pant ki button laga raha tha toh meri pyaari patni, Sudha ne aakar mujhse kaha.

"Arre tum chinta kyu karti ho? Kal tak aa jaunga! Aur kal nahi aa paaya toh parso toh kisi bhi haal me aa jaunga."

"F-Fir bhi, a-aap sambhal kar jaana. Aur jitna jaldi ho sake. Ghar laut aana."

Sudha ki chinta dekh mene usse apne seene se laga liya. Mera parivaar ek madhyam vargeeya parivaar tha. Ek middle class family. Uss zamaane me.

Kapdo ka vyapaar shuru kiya tha naya naya. Toh saara paisa vyapaar me laga diya tha. Jis kaaran se ghar ki aarthik sthiti thodi tang chal rahi thi iss waqt. Aur dikkat yahi thi ki mera vyapaar sahi nahi chal raha tha.

Ussi ke nivaaran ke liye mein iss mahaan vyakti se milne jaa raha tha. Aur ek kaaran aur bhi tha.

Mene apni nazre ferr, meri bacchi ki orr dekha. Meri ekmaatr bacchi.

Swati!!! Meri laadli!!!

"Swati~ Pita jii jaa rahe hai tumhaare." Sudha mere seene se alag hote hue Swati ko dekh boli.

Toh Swati, jo kaagaz me chitr bana rahi thi wo langdaate langdaate mere paas aayi aur mujhse chipak gayi.

"Pita jii~ Jaldi aana!!!" Mene Swati ko muskura ke dekha aur pyaar se apni bacchi ke sarr par haath fera.

Kaash meri bacchi pehle jaisi hoti. Sadak haadse ke baad se uska ek perr bilkul hi mud chuka tha. Isliye, wo sadhaaran roop se nahi chal paati thi. Thoda langdaati thi. Meri phool jaisi pyaari bacchi ke liye mein kuch bhi karne ko taiyaar tha.

Phool se yaad aaya, meri bacchi Chitrakala me boht maahir thi. Usse sabse zyaada phool pasand the. Aksar kaagaz me alag alag sundar phulo ke chitr banaaya karti thi. Aur mein usse aksar naye naye rang laake deta tha.

Uske gaalo ko choom kar mein ghar se baahar nikla. Kitne doctors ko nahi dikhaaya tha mene Swati ko. Par sab ka jawaab yahi rehta, ki ab bacchi ke perr ka kuch nahi ho sakta. Saari zindagi wo aisi hi rahegi.

Par mein aisa nahi hone dena chaahta tha. Meri bacchi saari zindagi langda ke chalegi? Bilkul nahi! Kuch bhi ho jaaye, mein usse uska puraana jeevan lauta ke rahunga.

Aur mein nikal pada...

Sheher se dur, kaafi dur aane ke baad, raah chalte logo se kayi baar puchne ke baad mein uss jungle me gaya. Thoda bhatka beech beech me, par baad me mujhe wo mil hi gaya.

Lakdi ka wo jarjar pul. Jo khaayi ke upar bana hua tha. Aur jungle ke dono bhaago ko jodta tha.




'Ye pul toh boht hi kamzor prateet hota hai. Kahi gir vir gaya toh kya hoga?'

Sochte hue mein sambhalte hue aage badha aur pul ki rassi ko pakad pakad dheere dheere kadam badhaaye mene.

Par, kuch bhi nahi hua. Hahaha~
Mein toh khamakha ghabra raha tha. Ye pul toh boht bhaar seh sakta tha. Bilkul! Yaha se log nikalte hi honge praayah toh isme koi shaq hi nahi ki ye jarjar hoga.

Jungle ke dusre chorr par aate hi mein nikal pada apni talaash me. Par aashcharya ki baat thi ki mujhe koi taqleef nahi gayi. Jagah jagah lakdi ke board lage hue the jo mudne ki disha bata rahe the.

Aur jese hi mein ant tak pohucha. Mene dekha ki,
Jagah jagah kuttiya bani hui thi rehne kii. Aur aisa lag raha tha ki jungle me hi kayi log basne aa gaye hai.

"Y-Ye sab??" Mein toh mantramugdh hoke reh gaya tha.

"Kya kaam hai baccha? Mein dekh sakta hu. Tum meri hi talaash me aaye ho. Hai na?"

Tabhi, mere kaano me ek aadmi ki awaaz padi jisse sunn ke mere raungte khade ho gaye. Saamne ek bade se patthar par ek kareeb 55-60 saal ke buzurg aadmi baithe hue the. Bilkul, saaf safed dhoti kapda pehne hue.

"J-Jii! A-Aapko kese pata chala?" Mene pucha.

Unke agal bagal neeche sab haath jod ke baithe hue the. Aur kuttiya ke paas, kuch bacche the jo aapas me khel rahe the. Kuch phal khaa rahe the, toh kuch andar hi so rahe the.

"Mujhe harr baat ka gyaan rehta hai putr! Tum batao! Mein jaanta hu tum samasya me ho. Par fir bhi, mein tumhaare muh se sunn'na chaahta hu."

Mere toh harr pal shareer me ruye khade hote jaa rahe the. Inn sajjan purush ko toh sab pata tha. Inhi ki toh talaash me mein aaya tha yaha. Aakhir mil hi gaye wo mujhe.

Mein haath jod ke unke perro ke paas aaya,
"Guru jii!!! Aap se kya chhupaana. Aur aap toh sab jaante hi honge. Aapko toh ye bhi pata tha ki mein aapko dhundne aaya tha. Meri samasya ka nivaaran bataiye guru jii! Mein aapke perr padta hu. Meri madad kariye... Meri madad kariye..."

Aur mein bebas ho utha.

"Arre baccha!!!" Unhone mujhe pakad ke uthaaya, "Ye kya karte ho? Shaant! Sab samasya ka hal bataunga. Par pehle shaant. Aur ab vistaar me batao."

"J-Jii!" Mein shaant hua aur bolna shuru kiya.

Mene jab apni poori baat guru jii ko bataayi toh wo kuch derr soch me pad gaye. Mein thoda ghabraane laga. Kya wo meri madad kar toh paenge na? Mene boht suna tha ki guru jii ne bade se bade chamatkar kar ke dikhaaye the. Toh meri bacchi ki taang toh wo chutkiyo me sudhaar denge. Hai na? Aur mere girte vyapaar ka bhi hal bata denge.

"Hmm~ Mein toh jaanta tha ye hoga. Baccha! Tumhaare vyapaar me tumhaari galti hai."

"H-Huh?? M-Meri galti? Meri kya galti guru jii!?"

"Tum mann se dhandha nahi kar rahe ho. Harr waqt chinta me doobe rehto ho. Apne graahako se namr vyavhaar me baatein karo. Aur hamesha khush raho. Fir dekhna tumhaare vyavhaar me kitni tarakki aati hai."

Kehte hue unhone mujhe ek phool de diya. Mene bade hi sambhaal kar usse apne rumaal me rakh liya.

"Aur meri bacchi, Swati ka kya guru jii?"

"Hmm! Bacchi ko tumhe yaha laana hoga. Kyuki mein keval kudrat me hi rehta hu baccha! Shehri hawa mujhe pasand nahi. Usse yaha leke aao. Uska perr mein sahi kar dunga."

Ye baat sunn jese mein wahi jamm ke reh gaya. Ek aas! Ek aas jo mere andar ab tak bachi hui thi wo jese guru jii ki baat sunn yakeen me badal gayi.

Meri Swati firse theek ho sakti thi. Jo kaam doctor na kar sake wo guru jii karne waale the.

"Guruuuu jiiiiiiii!!!!!" Mein unke perro par gir pada.

Mein bhaavuk ho gaya. Aur wahi baithe kuch derr baith guru jii ke saath samay guzaara. Jese jese mein unse baatein karta jaa raha tha. Mein jese naya gyaan praapt kar raha tha.

Unki baat maan mein waha se nikla. Aur ghar pohuchne me mujhe poora ek din beet gaya.

Mene unki dakshina me jitna mein de sakta tha utna de diya. Unka kehna tha ki wo paiso ka ek rupaya nahi lete. Jo ki sach tha. Saare paise unn gareeb anaath baccho ki dekhbhaal aur khaan paan me jaate the. Aur ussi me wo sabhi bhi khaate the aur apna jeevan jeete the.

Guru jii ki baat maan, mene wahi kiya. Dhandhe par dhyaan diya. Aur chamatkar hi ho gaya. Mera dhandha jo rukk sa gaya tha wo ekdum se dhadalle se upar uth gaya. Bikri chaugana ho gayi thi.

Aur tabhi, ek din...

Jab mein apni godaam se shutter band kar baahar nikla tabhi ek Cielo mere paas aakar ruki.




Mein bas usse hi dekhta raha. Kam se kam 5-6 lakh ki toh hogi hi. Aur tabhi sheesha neeche hua aur mein andar kya dekhta hu??

"Arreeee???? K-Kishor??? Tum????"

Kishor! Mere school me saath me padha hua tha. Hum school khatam hone ke baad se boht hi kam milte the. Uski apni alag duniya thi. Uska vyapaar itna bada tha ki kehne ke kiye mere paas shabd nahi the.

Andar suit pehne baitha hua tha woh. Kitna bada aadmi bann chuka tha woh. Aaj tak mein uske bangle ke andar bhi nahi gaya tha kabhi. Bas baahar se dekha hua tha.

"Sanjeev!!!" Wo muskuraya aur bola, "Kaafi dino baad mil rahe hai hum. Kaisa chal raha hai dhandha?"

Usne andar se hi pucha. Mene bura nahi maana. Wo mujhse baat kar raha tha itna sab hone ke bawajood, wahi kaafi tha. Kam se kam wo mujhe pehchaan'ne se katra toh nahi raha tha. Warna aaj kal ke raees log apne hi kal ko bhul jaate the.

"Dhandhe me ekdum se munaafa dekhne ko mil raha hai. Sab kuch Guru jii ki den hai!" Mene kaha.

"Guru jii?"

"Haan! Guru jii! Boht hi siddh purush hai. Mahaan vyakti. Chamatkaar karte hai woh. Mera dhandha ruka hua tha. Unke ek upaay se sab kuch jaise badal gaya. Haha~"

Meri baat sunn mene pal bhar ke liye uski aankho me chamak dekhi.

"Toh... Ye... Ye kaha rehte hai Guru jii? Kaha milenge? Kya naam hai inka?"

"Mein bata nahi sakta. Tumhe khud jaana padega Kishor unse milne yadi milna hai toh. Kya baat hai? Kya tumhe bhi koi samasya hai kya? Mujhe toh nahi lagta tum kisi pareshani me hoge. Bhagwan ka diya sab kuch hai tumhaare paas."

"N-Nahii! Mujhe... Darasal! Mujhe apni beti ke baare me... Uska bhavishya jaan'na tha."

"Ohhh! Matlab Kaera bitiya ke baare me? Arre ye kaam toh Guru jii chutkiyo me karte hai."

"Sach me?"

"Haan haan! Mene khud aankho se dekha hai Kishor! Tum mere saath padhe likhe ho isliye tumse ye baat saajha kar diya. Warna, Guru jii ke kaarnaamo ki baatein boht hi kam log bataate hai. Kyuki, Guru jii ne mana kar ke rakha hua hai. Unhe shehri hawa pasand nahi. Isliye wo inn sab se dur rehte hai."

"Ohhh!" Wo kuch derr socha aur fir bola, "Kya tum mujhe inn guru jii se milwaane le chaloge? Badle me meri taraf se ek offer hai tumhaare liye."

"Huh?"

"Tum mere dost ho Sanjeev. Hum dono pehle se ek dusre ko jaante hai. Tumhaare mann me bhi aage badhne ki iccha hogi. Apna vyapaar bada karne ki?"

Usne mujhse pucha. Aur firse bola,

"Mein kya kehta hu? Mene haal hi me ek factory khareedi hai. Wo factory karz ke maare band ho gayi thi. Mein apna paisa lagaunga aur kapde ke liye machines lagwa dunga. Tum ye jo thok me dukaano me kapde bhejte ho. Iss se accha ye nahi ki tum khud ki ek pehchaan banao? Ek brand!!! Fir tum aise me kuch dukaano me nahi, balki alag alag shehro me apne kapde bhej paoge. Kya kehte ho? Usme se 30% mera. Baaki poora 70% tumhaara rahega. Aur jo investment mein abhi karunga. Usse tum samay rehte dheere dheere chuka dena. Koi byaaj nahi lunga."

Kishor ka diya gaya offer sunn mein toh sann reh gaya tha. Guru jii se ek baar mil ke hi aaya tha aur karishma dekho. Kishor khud aake mujhe offer de raha tha.

"Ahahaha~ K-Kyu nahi? B-Bilkul! Mujhe manzoor hai Kishor! Aur tumhe Guru jii se milna hai na? Tum chalo mere saath. Mein issi shanivaar ko nikalne waala hu, apni bitiya Swati ko lekar. Bolo? Kya tum chaloge?"

"Toh theek hai. Toh meri beti Kaera... Kya usse bhi leke chalna hoga?"

"Bilkul! Aur chinta mat karo. Swati bhi rahegi toh Kaera beti bore nahi hoegi. Haha~"

Wo muskuraaya, mera haath milaaya aur usne mujhe shanivaar ko apne ghar par bulaaya saath chalne ke liye.

Aaj mein khushi se fula nahi sama raha tha. Ek ke baad ek khushkhabri mujhe milti hi jaa rahi thi. Aur jald hi ek aur milne waali thi shayad. Meri bacchi Swati firse sahi dhang se chalne waali thi.

Mein ghar pohucha aur jaate se hi mene Sudha ko pakad ke usse gol gol ghumaane laga.

"Hahahaha~"

"Arre arre?? Ye... Ye kya kar rahe ho aap? Mein gir jaungi. Aur kya hua? Kuch bataiye toh sahi?"

Jese hi mene Sudha ko saari baat bataayi wo bhi khushi me mere saath jhoomne lagi. Hamaara parivaar ab se bas khush-haal jeevan jeene waala tha. Mein, Sudha aur Swati!

Sudha meri sab kuch thi. Aur Swati bhi. Ye dono hi meri jaan thi. Ek ke bina bhi mein jee nahi sakta tha.

Dekhte hi dekhte, shanivaar aaya aur mein Swati ko leke nikal gaya. Kishor ke ghar pohuchte hi mein toh dang reh gaya. Jitna bangla baahar se bhavya dikhta tha. Andar se toh aur hi gajab ka tha.

Sofe par baithe the mein aur Swati. Aur fir...

Kishor, ek shirt pant me baahar aaya aur uski beti Kaera ek pyaari sii frock pehne.

Thodi boht baatein hui aur fir Kishor ne Madhav, jo uske ghar me kaam karta tha usse kuch samjhaaya kaam ke baare me aur hum sabhi nikal pade.

Jungle tak baahri road tak ka safar humne Kishor ki gaadi me kiya. Swati itna khush thi car me baithne par ki mene waada kar liya ki mein bhi ek din car lunga. Usme Sudha aur Swati ko sang baitha ke yu ghumunga.

Hum sabhi jab utre toh andar ki orr mein unhe le jaane laga.




"Sambhal kar aana theek? Wo darasal, Guru jii rehte hi aisi jagah hai ki kya kare." Mene kaha.

Aur akhir hum uss pul par pohuche. Dheere dheere ahista ahista hum aage badhe. Jesa ki mene kaha tha. Pul mazboot tha. Bas dikhne me jarjar lagta tha. Haha~

Hum sahi salaamat andar pohuch gaye. Thodi derr araam karne kuch neeche lage pattharo par baith gaye. Beech beech me mein aur Kishor apni apni betiyo ko goad me le lete the.

"Swati Didi? Ye aap kya bana rahi ho?"

Kaera ne meri bacchi se pucha jo lakdi se zameen par kuch bana rahi thi.

"Mein? Mein ye phool bana rahi hu. Kesa hai?"

"Boht sundar hai!!!" Kaera muskuraayi toh Swati bhi khilkhilaate hue uske sang aur khul ke baat karne lagi.

Aur idhar Kishor...

*huff* *huff* *huff*

Haaf raha tha. Toh meri hassi chooth gayi, "Hahaha~ Kyu businessman jii? Itne me hi thak gaye? Kaha gaya wo school ke zamaane ka josh? Isliye zyaada car me nahi ghumna chaahiye. Warna shareer ko chalaane ki aadat khatam ho jaati hai." Mene kaha.

"Aisa... Aisa nahi hai! *huff* Wo toh bas... Kaafi din baad... Aise... Aise aaya hua na. Isliye!"

"Hahaha~" mein fir hassa aur sarr hilaate hue hum sabhi ek baar fir uthe aur andar jaane lage.

Jese hi hum waha pohuche toh waha kayi log maujood the.

"Ye lijiye paise! Ye toh aapko rakhne hi honge mein kuch bhi nahi jaanta. Warna mein kabhi dobaara Guru jii se milne nahi aaunga."

Kehte hue ek aadmi ne noto ki gaddi se bhara ek chota suitcase Guru jii ke chele ke saamne kar diya.

"Par... Par Guru jii ko paisa nahi chahiye."

"Arre mein jaanta hu. Par yaha inn baccho ke liye toh mein kuch kar hi sakta hu na?"

Aur itna bol wo na jaane kitne paise the usme par poora suitcase wo Guru jii ke chele Raman ko thama gaya. Aur waha se haath jod ke nikal gaya.

Mein toh dang reh gaya tha. Itna paisa de gaya woh ek jhatke me? Jaise paisa nahi, haath ka mel ho.

Raman ne hume dekha aur usne fir maayusi bhara chehra banaaya aur bola,

"Maaf kariyega! Par aaj aap log Guru jii se nahi mil sakte."

"Huh? N-Nahi mil sakte se kya matlab hai? Hum boht dur se aaye hai." Mene bola.

"Baat woh nahi hai. Guru jii kisi ka ilaaj kar rahe hai. Aur ye boht hi gambheer ilaaj hai. Unhe aaj poori raat lag jaegi."

"H-Huhhh??? A-Aisa k-kya?? Fir..."

"Maaf karna! Aapko taqleef hui. Par harr ek Zindagi zaroori hai."

Uski baat sunn mujhe andaaza laga ki kisi ki Zindagi ka sawaal tha. Guru jii ilaaj me vyast the. Par... Par meri Swati ka kya?

"Toh? Toh hum yahi ruk jaate hai. Guru jii kal toh Swati ka ilaaj kar paenge na?"

"Dekhiye! Aap khamakha taqleef le rahe hai. Aap jaaiye! Aisa kijiye, aaj ki raat jungle ke baahar jaake kisi hotel ya baahar road me budhi mahila ke ghar me guzaar lijiye. Aur subah aa jaaiyega?"

Mera mann toh nahi tha par uski baat maan'ne ke alaawa aur koi chaara nahi tha.

Tabhi achanak hi kuttiya ka darwaza khula aur Guru jii ne andar se hi jhaaka.

"G-Guruuu jiii!!!" Mein apni jagah se chillaaya.

"Ssshhh~" unhone shaant rehne ke liye kaha. Unhone sirf mujhe dekha aur Kishor ko.

Kyuki, Kaera aur Swati dono hi dusri kuttiya ke paas baithi hui thi.

"Mein jaanta hu tum boht besabar ho Sanjeev!! Aur mein tumhe bhi jaanta hu. Kishor!!!"

Ek baar fir, Kishor ke saath saath mein dang reh gaya. Guru jii ko sab pata rehta tha.

"Par sthiti boht hi naazuk hai idhar. Tum dono abhi waapas laut jao. Kishor!!!"

"Guru jii! Meri beti Kaera! Uska bhavishya... Yadi aap aaj nahi bata sakte toh kya? Mere ghar par... Aap aaenge? Kabhi baad me?"

"Hmm! Theek hai! Mein aaunga. Aaj tum dono mere yaha se khaali haath jaa rahe ho isliye... Mein sheher aaunga. Aur Sanjeev, tumhari beti ka ilaaj bhi tabhi karunga."

Aur itna bol wo andar chale gaye. Idhar Raman ne meri beti ko bula ke usse ek phool thaamaaya aur hum sabhi bemann waapas lautne lage.

Par ek baat ki khushi thi. Wo ye ki, Guru jii sheher aane waale the.

Hum dekhte hi dekhte pul ke paas pohuche. Swati kaafi thak chuki thi. Kaera bhi.

"A-Arree?? P-Pita jiiii!!!" Wo chillaayi.

"Kya huaaa?"

"Pita jii! Unka diya hua phool!!! Kahi... Kahi gir gaya shayad. Mene frock ke jeb me hi rakha tha."

"Ohh hooo~ Tum bhi na... Tum chalo. Mein dekh ke aata hu. Nahi mila toh unse ek dusra maang launga."

Mene Kishor ko Swati ko le jaane diya aur mein daudata bhaagta hua uss phool ko raaste me dhundne laga.

Aur beshaq, kuch hi duri par mujhe wo zameen par pada hua mil gaya. Uska acche se saaf kar uske perr pad mene usse haath me thaama aur waapas aaya.

Waapas aaya hi tha ki mene dekha Swati aur baaki sabhi pul ke dusre side bas pohuchne hi waale the.

Mein aage badha aur tabhi...

*Khaaaaaacchhhhhhhhhhh*

"H-Huhhh???"

"Aaaaaaaaaaaaaaaaaaaaa........!!!!!!"

"Eaaaaarrrrrrggghhhhhhhhh......!!!!!!"

"N-Nahi!"

Kishor, Kaera aur Swati jis pul se jaa rahe the. Wo...

Uska chorr unki taraf se jo kassa hua tha. Wo toot gaya!!!!

Kishor sabse aage tha. Uske side se Kaera aur Swati peeche.

Pul ek jhatke me neeche gaya aur Kishor samet Kaera aur Swati bhi...

"Swaaaaatiiiiiiiiiiiii!!!!!!" Mein chillaaya...

Perro tale zameen khisak gayi thi mere. Kaleja baahar aane ko ho raha tha. Dil aise dhadak raha tha jese abhi phat ke baahar aa jaega. Saas atak gayi thi pal bhar ke liye meri...

Par...

Par shayad ye kismat thi.

Kyuki...

Kishor aage tha aur girte waqt wo bach gaya. Par Kaera aur Swati nahi. Kishor aadha hawa me neeche latka hua tha. Aur usne ek haath se Kaera ko thaame hue tha. Aur dusre se... Meri Swati ko.

"Maaaaaaaaaaaaa..... Pitaaaaaaa jiiiiiiiiii~" Swati chillaayi.

"Swaaaaaaaaatttiiiiiiii!!!!!" Mein apne ghutno par gir pada.

"P-Papaaaaaaa~" Kaera aasu bahaate hue jese hi neeche ki orr khaayi me dekhi. Wo behosh ho gayi.

"Ugggghhhhhh!!!!" Kishor bolne ki haalat me nahi tha. Uska poora chehra laal hua jaa raha tha.

Uske dono baazuo me itni taaqat nahi thi ki wo ek baar me dono ko upar kheech sake. Kyuki, wo khud bhi aadha latka hua tha.

"N-Nahiiii~" Mere shareer me raungte khade ho gaye. Meri bacchi!!!

M-Mein mein... Kya karu?? Kya karu?? Kya kar sakta tha mein? Pul toot chuka tha. Dusri orr kese jaata?
Nahiiiiii!!!

"K-Kishoooorrrrrr!!!!! Upar... Upar kheecho... Jaldi... Meri bacchi ko... Kaera ko... Jaldiiii!!!!" Mein bas chilla hi sakta tha.

Apna poora gala phaad ke mein chillaata raha. Apne aap aasu behne lage meri aankho se. Aisa lag raha tha kisi bhi waqt behosh ho jaunga. Meri bacchi!!! Swati!!!

Samay, ret ki tarah phisalta jaa raha tha. Aur wese hi Kishor ke haatho se Kaera aur Swati bhi.

"N-Nahiiii!!! Kishorrrrr!!! Unn dono ko upar kheech haramkhor.... Kya kar raha hai tuuuu????" Mein iss baar gusse me chillaaya.

Aur tabhi...

"Huh??? Ye Kishor kya bol raha hai? Nahi!!! N-Nahiii!!! Nahiiiiiiiiiiiiiiii"

Dusri orr se Kishor meri orr dekha. Uski aankho me aasu the. Aur wo kuch bol raha tha. Boht dheere.

Par jese mein uske chehre haav bhaav aur uski harqat se padh paa raha tha ki wo kya keh raha tha.

"M-Mujhe maaf kar dena Sanjeev!!!"

'Nahi!!! Ye nahi ho sakta. Ye Kishor aise samay par mazaak kyu kar raha hai? Ye paagal hai kya? Isse toh dono bacchiyo ko upar kheechna chaahiye. Y-Ye meri taraf dekh ke ro kyu raha hai? Y-Ye pagal ho gaya hai.'

Kishor ka toh nahi pata. Par mein zaroor paagal ho raha tha. Mera dimaag kaam karna band karne laga tha.

Aur tabhi...

"Eaaaaaaarrrrrrrrrrggghhhhhhhhhhh.."

"Huh!!!!"

Ek goonj poore jungle me fel gayi. Aas paas ke pakshi pedo se udd ke bhaag gaye. Mere shareer se jaise praan nikal chuke the.

Khatam! Sab kuch khatam!!!

Mein andar se marr chuka tha. Aur mein wahi aankhein khole bas ghutno ke bal baitha raha. Kishor kya bol raha tha mujhe kuch sunaayi nahi de raha tha.

Meri bacchi Swati!!!!

Kishor ne apna haath... Jo usse pakde hue tha...

Chorr diya tha....

Swati ki cheenkh... Wo aakhiri cheenkh thi...

Kishor!!!! Usne apne dusre haath se Kaera ko pakda aur dono haath se pakad usse upar kheecha. Apni peeth par laada aur waha se bhaagte hue nikal gaya.

Mein... Mujhe pata nahi, ye kya anubhuti thi. Aisa lag raha tha mein sab kuch kho chuka hu. Mein zinda bhi nahi hu. Murda laash ban chuka tha jese mein.

Swati... Swati... Meri bacchi... Gayi!!! K-Khaayi me...

"Aaaaaaaaaaaaaaaaaaarrrrghhh~"

Meri cheenkh jungle me goonj gayi. Mein waapas andar ki orr bhaaga. Guru jii ke paas. Andar pohucha toh...

Waha koi nahi tha. Ek shaks ka naam-o-nishaan nahi tha.

'Y-Ye kya ho gaya???? K-Kaha gaye s-sab??? S-Sab toh idhar... idhar hi the...!! K-Kaha gaye sab????'

"Gurrruuu jiiiii!!!!" Mein chillaata raha. Par mujhe koi na mile. Sab ke sab gaayab ho chuke the.

Mein paagal ho raha tha. Paseene se poore kapde bheege hue the. Kisi bhi waqt mujhe dil ka daura bhi aa sakta tha.

Meri bacchi!!!! Swati ke baare me soch mein raasta dhundne laga. Neeche jaane ke liye.

Kahi na kahi se toh koi raasta milega hi. Raat hone ko aa gayi thi.

Mein dhundta raha. Girta raha, bhidta raha. Kharoche mere shareer par bikhar gayi. Par mein ruka nahi. Bhaagta raha.

Jese tese kar, mein latak latak ke, jaanleva raasto se neeche pohucha. Aur Swati ko dhundne laga. Mein jaanta tha ki upar itni uchaayi se girne par kya hota tha. Fir bhi, mein praarthna karta raha.

'Hey bhagwaan! Meri bacchi... Meri bacchi ko bacha lena. Usse kuch na hua ho. Usse bacha lena... Usse bacha lena... Usse bacha lena...'

Iski ratt lagaaye, mein badhta raha. Raat ho chuki thi. Theek se kuch nazar nahi aa raha tha. Aur tabhi... Mujhe kuch awaazein sunaayi dii.

*Crrrrunnnchhhhh*

*Muuuunnncccchhhh*

"H-Huhhhh??" Mene jhaak ke dur dekha toh...

Meri rooh kaanp gayi. Aur mera vishvaash, ussi pal bhagwaan par se uth gaya.

Mein kisi murde ke bhaati wahi jamm gaya tha. Mujhe itna bada jhatka laga tha ki mujhe taajub ho raha tha ki mein hosh me kese tha ab tak?

Saamne... Dur...

Lakadbagghe... W-Wo... Wo... Wo kuch khaa rahe the.

M-Meri nazre jese hi neeche gayi.

*Badump* *Badump*

Mera dil baahar aane ko ho gaya. W-Wo...

Swati!!!

Meri aankho ke saamne meri zindagi ujad chuki thi. Meri bacchi!!!! Uski itni dardnaak maut dekh mein paagal ho chala.

Mann kiya ki unke beech jau aur unn lakadbaggho se bhid uthu aur marr jau saath me.

M-Mujhse kuch bhi dekha na gaya. Mere perr kaanpne lage. Par mein Behosh nahi hua. Mein jaanta tha yadi yaha mein gira, toh... Toh ghar par Sudha ka kya hoga?

Mein bhaaga!!! Sudha!!! Usko kaun sambhaalega? Girte padte chot khaate mein jese tese pohucha. Mein hairaan tha ki abhi tak mera maansik swaasth theek kese tha?

Mene darwaaza peeta. Par Sudha ne nahi khola.

Mene fir peet peet ke darwaaza tod diya. Aur todte hi jhatke se mein andar aaya.

Par andar aate hi mera chehra kisi cheez se takraaya.

Aankhein khol mene dekha toh...

'Huh?? P-Perr???'

Meri nazre upar gayi aur...

'N-Nahiiiiii! Nahiii! Nahi nahi nahi nahi... Nahiiiiiiiiiiiiiiiiiiiiiii!!!!!!!!'

Sudha... Wo...

Wo upar pankhe se latak rahi thi.

Kishor ke ghar se... Kisi ne saari baat usse bata dii thi.

Aur bas... Mera insaani shareer itna hi jhel sakta tha. Mein ussi waqt behosh ho gaya.

Mein mahino tak aspataal me bharti raha. Iss haadse ko mahino guzar chuke the.

Mein na kuch bolta tha na kuch karta tha. Meri do jaan jaa chuki thi. Sudha Swati ke jaane ka gham seh na paayi aur mujhe chorr chali gayi.

Yaha mein sapne sajaata tha. Car me unhe ghumaane ke. Dhandha badhaane ke.

"Kyu Sudha?? Kyu chali gayi mujhe chorr ke??? Kyuuuuu???" Mein subukta raha.

Wahi dusri orr... Mein kyu zinda tha?

Haan! Mein bhi marr jaata hu. Haan! Yahi sahi rahega! Mein zeher kha leta hu. Nahi nahi! Mein phaasi laga leta hu. Nahi!!! Khud ko jala lu? Nahi!!! Haan! Mein bhi uss pul se kood ke marr jaata hu. Hmm~

Par tabhi... Mujhe uska khayaal aaya.

KISHOR!!!!

Aur kuch hi hafto ke baad, mein uske bangle ke baahar maujood tha.

Sab kuch issi ke kaaran hua tha. Na wo meri bacchi ke haath ko chorrta na meri Swati mujhse juda hoti. Aur na hi meri pyaari Sudha... Mujhe chorr kar jaati. Badi mushqil se apni himmat baandh paaya tha mein. Apna badla lene ki. Warna mein khudkhushi kar chuka hota.

Mere paas itni haisiyat nahi thi abhi aur na hi itni aukaat thi ki mein Kishor ko maar saku. Par...

Usse ek jhatka toh de hi sakta tha.

Mein andar ghusa. Uske ghar se mein ab parichit tha. Baahar ek maali gamlo me rang laga raha tha.

Apne jeb me chhupi hui chhuri ko mene nikaala aur apne peeche kar liya.

Mein deewaar phaand ke andar aa gaya. Maali gaana gunguna raha tha. Meri Swati... Usse phool kitne pasand the. Chali gayi woh. Chali gayi...

'Nahi!!! Mein iss waqt bhaavuk nahi ho sakta.'

Soch mein aage badha aur uss maali ke muh ko thaam...

"Mmmphhhh????"

Mene uski awaaz dabaayi aur...

*Spllluuuuuurrrttttttttt*

Churri uske seene me ghused dii.

Firse nikaali aur fir ghused dii. Usse ek pal na diya mene virodh karne ka.

Rang jo neeche pada tha brush ke saath. Mene uthaaya aur tabhi meri nazar wahi pade ek angrezi newspaper par padi.

Jiski headlines me kuch shabd likhe hue the.

"Protesters jailed due to inappropriate Slogans."

Aur mujhe jaise naam mil chuka tha.

Mein baahar nikla. Aur wahi rukk gaya. Andar Kaera ki chillaane ki awaaz mujhe kuch derr me hi sunaayi de gayi.

Mene apni jagah badli aur deewar ke upar chadh jhaak ke andar dekha toh paaya ki...

"Huh!???"

'Guru jii?? W-Wo yaha kya kar rahe the? Aur uss din wo achanak gaayab kese ho gaye the sab ke sab jungle me.' Mere mann me sawaal mandra rahe the. Aur mene tay kar liya, ki mein unka peecha karunga.

Andar Kishor ki haalat kharaab thi. Andar deewaar par ek hi cheez likhi hui thi...

"Killed By Slogan!!!"

Aur mein waha se nikal ek mod pe chhip gaya.

Ye mere badle ki pehli shuruaat thi. Jab tak mein Kishor ko wahi dard, wahi peeda usse nahi de dunga. Tab tak mera gussa shaant nahi hoga.

Kuch derr baad Guru jii aur wo Raman baahar nikle, mein chehre par gamcha baandh unka peecha kiya.

Bus me wo chadhe toh mein bhi chadh gaya. Na jaane kidhar jaa rahe the. Par sheher se thodi dur ek jagah bus aa kar ruki.

Mein unse chhip kar unka peecha karta raha aur fir ek jagah jaa kar wo baith gaye. Deewaar se chhip kar mein unki baatein sunn'ne laga.

"Gajab ho gaya Guru jii! Maan gaye aap ko. Uss Kaera ke chakkar me kitne paise aith liye aapne hahaha~"

"Hmm!"

"Par uska kya hua Guru jii?"

"Kiska?"

"Wo ek Sanjeev naam ka tha na?"

"Kya pata? Mujhe kya karna? Paise se matlab hai hume."

"Wo apni beti ko leke aaya tha na uss din!? Guru ji?"

"Hmm! Usse waha se uss din bhagaana zaroori tha. Saala itne paise aaye the uss din. Mein baith ke andar ginn raha tha aur ye namune ussi samay aa gaye. Hume wo ilaaka jald se jald khaali karna hi tha. Isliye usko ye bol diya tha mene ki mein sheher aaunga. Aur wo toh mein aaya hi... Hahaha~ Uss din mene jhaak ke jab Kishor ko dekha tha. Tab hi samajh gaya tha ki ye raees hai. Haatho me mehngi ghadi, mehnge joote, pant shirt. Toh usko toh lootna banta hi tha na."

"Hmm! Kya baat hai! Unn baccho ka kya?"

"Baccho ka kya?"

"Hum unke naam pe hi paise lete hai na..."

"Haan toh? Wo toh anaath waale hai. Unhe kuch derr ke liye mein apne ilaake me le aata hu. Bas! Baat khatam! Unko saare de baithunga toh mere paas kya bachega? Hahahaha~"

"Hahahaha~"

'Keh do ki ye jhooth hai. Keh do koi ki ye jhooth tha jo mene suna tha.' Mein unn dono ki baat sunn ke sann reh gaya tha.

Na jaane kitne aur jhatke mujhe lagne baaki the.

Mere haath perr kaanp rahe the. Iss baar darr se nahi. Gusse se.

"Accha tum suno! Mein andar ghar me hu. Ye kuch paise leke jao. Waha wo anaath aashram ka jo pradhaan hai. Usse de dena. Theek hai."

"Theek hai Guru jii!"

Raman gaya. Aur Guru jii andar gaye. Aur mein...

Mein apni churri nikaal ke andar chal diya Guru jii ke ghar ki orr...

Wo meri aahat se pare apne kaam me lage hue the. Aur mein dheere dheere badhta raha.

Unhe jhatke se dabocha aur...

"Maar daalunga tujhe aaj meinnn... Haraaam khorrrrrr!!! Aaaaaaaaa~"

Aur...

*Spluuuurrrtttttttt*

*Splurrrrttttttt*

*Ssssspppplluuurrrttttt*

Chaaku pe chaaku maarta raha mein. Gusse me uske seene me. Ye koi Guru jii nahi tha. Ye toh dhongi tha. Isne mera sab kuch loot liya tha.

Tab tak maarta raha mein usse jab tak mere chehre par uske seene se uchle khoon ke daag na chadh gaye.

Aur mein... Apne andar badle ki aag liye. Waha se faraar ho gaya.

Ek saal baad jab mein lauta toh meri mulaqaat uss se hui.

"Kya naam hai tumhara?"

"A-Aashu!!!"

Mein muskuraaya, "Aaj se tum mere saath kaam karoge."

"Mujhe badla lena hai."

"Mujhe bhi... Tum chinta mat karo bacche. Mein tumhe tumhara badla dilwaunga."

Aur mene ek baat seekhi apne iss mukaam ko banaate banaate.

TUM KHUD HI, KHUD KE BHAGWAAN HOTE HO. KOI AUR NAHI!!!!!!

'Kishor!!!! Jaise tumne mujhe dard diya. Mujhse mera sab kuch chheen liya. Wese hi... Wese hi mein bhi tumhaare saath wahi karunga. Wahiii!!!'

***

20 years later...

Kuch aisi thi Slogan ki daastaan...

Haath ko dabaaye wo khoon band karne ki koshish kar raha tha par koi fayda nahi ho raha tha.

'Mujhe yaha se jald se jald... Huh????'

Wo soch hi raha tha jab usse ped paudho me kuch halchal sii hoti nazar aayi aur uski awaaz aayi.

Slogan : K-Kaun hai????

Wo uth ke khada ho gaya. Aur abhi wo aage badh paata tabhi...

*Poooooooooooooowwwww*

"Aaaaarrrghhhhhhhh"

Ek punch right side se achanak hi aake uske gaal par pada. Aur wo seedha zameen par jaa gira.

Upar uth usne dekha toh...

VEER!!!!!!

Slogan : T-Tuuuuu????? Tu idhar....!!!!!

Veer (smiles) : Haan mein!!!

Slogan ne apna jeb tatol revolver nikaala aur bina kuch kahe seedhe Veer ko shoot kar diya.

*BAAAAANNNGGGGGGGG*

Par...

*Whoooooooosssshhhhh*

Slogan : Huhhhhhh???????

Veer ek jhatke me apni position se hatt gaya.

Slogan (screams) : Kaha gaya Veeer??? Saaaamne aaaa!!!!! Aaj mein kisi se nahi darrne wala.... Baahar nikal!!!!

Aur uski khwaaish jese veer ne sunn lii, peeche se ek zordaar kick aayi aur uski back par padi.

"Ugggghhhhhnnnn"

Wo firse gira.

Veer : Aaj tu... Kutte ki maut marega!!!

Slogan (uthate hue) : Ek baat yaad rakhna Veer!!!!!! Underworld me... Insaan ki jaan ek macchar ki jaan ke samaan hoti hai. Tu mera kuch...

*BAAAANGGGGGG*

Slogan : Haaaaahhhh??!? Gwaaakkkkkhhhhhh....

Wo bol raha tha par...

Veer ne fire kar diya tha. Bullet Slogan ke pait ko cheerte hue andar sama gayi.

Uske haath se gun chhitak kar gir gayi aur wo khud ladkhadaate hue uss khaayi ki orr jaane laga.

*BAAAANGGGGGG*

"Haaaaaahhhh huuuuuu~"

Peeche se ek aur bullet jo ki Veer ki akhiri bullet thi wo aake uske shareer me ghus gayi.

Wo ladkhadaate hue fir bhi badhta raha. Bilkul wese hi... Jese uski pyaari Swati ladkhadaaya karti thi.

"Swaaatiiii... Haaaahh haaahhh haaahh S-Sudhaaa..."

Slogan ka plan Kaera ko issi tarah pul se giraane ka tha. Apna badla lene ke liye. Par... Ye uski badqismati thi jo uska paala Veer se pad gaya.

Wo lambi lambi saas lete hue badhta raha. Chorr par pohuchte hi usne apni shirt ki jeb se ek brush nikaala.

Ye wahi brush tha, jis se uski Swati chitra banaaya karti thi. Aur yahi kaaran tha ki Slogan floral shirts pehna karta tha. Phulo waali. Kyuki Swati ko wo pasand the.

Chorr tak aate hi uska perr phisla...

Veer aage badha par tab tak...

"S-Swatiii~" Slogan ka shareer ussi gehri khaayi me gir gaya.

Veer daudate hue aake neeche jhaaka. Toh usse bas, Slogan ka shareer, gehre andhere me gaayab hota hua nazar aaya.

*Ding*

[Mission : Kill Slogan at all cost has been completed.]

[3000 points have been rewarded.]

*Ding*

[System has reached level 6.]

*Ding*

[System's layout has been upgraded]

[Shop prices and Quest hunt prices has been increased.]

*Ding*

[Past illustration has been upgraded.
Bio - You can now see the past. No need to read it.]

[Past illustration function is invoked.]

[Do you want to see Slogan's past???]

Bina koi derr kiye Veer ne Yes ko select kar diya.

Aur ek ke baad ek, Slogan ki saari memories, uska past system ne sab dikha diya. Veer keval maun raha. Par uski aankho se aasu, apne aap nikal rahe the.

[It's been quite a bit time... Master!!!?]

Wahi dusri orr... Jungle ki road waale ilaake par. Jaha halki uchi chotiyaan thi dusri side par ussi ke upri ilaake par...

Ek ladki khadi hui thi. Hawa me lehraate baal aur agle hi pal...

Wo andhere me wahi mudte hue lupt ho gayi.
.
.
.
.
.
.
.
Aaj ke liye itna hi guys!
Ye 6k words ke upar tha. Aur poora past dikha diya hai. Hope kaafi cheeze clear ho gayi hongi.
Toh, like thokne ka yaara aur revos rakhne ka. Bhulne ka nahi. Aur yahi pe samaapt hota hai Slogan Arc. Famiglia arc chalega ab. Aur kuch updates ke baad House of Killers arc shuru hoega.
Bane rahiyega.
Dhanyavaad!

Awesome update bro maza aa gaya

 

[Xabhi]

Outstanding stuff Werewolf bro! Simply amazing... Pichhle teen updates joki Slogan Arc ke antim teen updates bhi the, apne aap mein ek alag hi level ke the... Firstly, jis prakaar se sabhi scenes ko explain kiya gaya, be it the fight with the Assassin or the emotional past of Sanjeev aka Slogan, or the masterplan of Veer through which he finally killed Slogan...

Ek baar firse ye saabit ho gaya ke har criminal ki ek back story hoti hi hai... Afterall koyi bhi by birth criminal nahi hota, either uski parvarish ya fir uski life ke dark experiences use wo ban ne par force kar dete hain jo shayad wo kabhi khud bhi nahi soch paata... Aatish ki kahani apne aap mein hi is baat ki pushti karti thi... Aur ab Slogan.. Slogan ki kahani satya mein behad hi emotional aur dil ko jhakjhor dene waali thi... Afterall, usne to apna sab kuchh hi kho diya tha, aur jab Insaan ke paas khone ko kuchh naa ho to uska aisa ban jaana kaafi obvious sa ho jaata hai... Shayad agar Sudha jeevit rehti tab bhi wo sambhal gaya hota, aur maybe tab Sanjeev Slogan naa bana hota... Ant mein Veer ki aankhon mein bhi aansun aa hi gaye uski kahani dekhne ke baad...

Kishore... The new synonym of Bastardism, haan shayad ek nazariye se jo Kishor ne kiya wo sahi thehraya jaa sakta hai... Wo kewal ek hi ko bacha sakta tha,aur isiliye usne apni beti ko bachana choose kiya but faayeda? Kya faayeda hua Kaera ke Zinda rakhne ka? Afterall, ek tarah se use bhi maar hi chuka hai Kishor... Bina emotions ka insaan zinda hota hai? I don't think so... Iske baad Sudha ko is ghatna ke baare mein inform karne ka kya matlab tha Kishore ka? Jab wo uski beti ko bacha nahi paaya to use kya hakk ki wo iski jaankari Sudha ko de... Yadi wo Swati ko bacha leta tab nischit hi wo ek dum Chaudhary ki tarah phone karke shekhi baghaar sakta tha but... Jo bhi ho Kishore ke sar do logon ki maut hai, directly ya indirectly wahi kaaran hai Sudha aur Swati ki maut ka aur Sanjeev ke Slogan ban ne ka... Let's see ke Kishore ko uske karmon ki saza kaun aur kis prakaar dega... Par fir bhi yadi Kishore thodi koshish karta to dono ladkiyon ko bacha sakta tha... Saath hi ek baar fir andh vishwas ke bure parinaamon ki ek jhalak hame dekhne ko mili... Btw. Kahin Sudha ki maut murder to nahi thi ...

Khair, Slogan ka past dekhne ke baad uske baare mein zyada kuchh baat karne ka ab mann nahi hai warna kaafi gaaliyan dene waala tha main use...Ab dekhte hain Balhaar aur Veer ki next mulakaat mein kya hota hai...

So, Slogan ke ant ke saath kuchh raaz aur mysteries par se parda bhi uth gaya to wahin kuchh naye sawaal khade ho gaye... Ek nazar un sab par daalna banta hi hai...

1.) Slogan ko Veer ke baare mein jo vyakti information de raha tha/rahi thi (Jab Kaera ki gaadi blast huyi thi) & jiss vyakti ke baare mein sochkar pichhle update mein Slogan ne kaha “Nahi - Nahi wo nahi ho sakta”, dono praani ek hi hain and I guess wo Raman hi hoga (Guruji ka chela). Also, I think wahi agla villain hoga story ka (maybe house of killers arc mein).

2.) Saath hi I think ke Raman (Ya fir agar koyi aur ho vo vyakti).. wo Veer par shayad kaafi samay se nigaah rakhe huye hai. Afterall, itni sateek information kaise rehti thi use Veer ki movements ki? Aur ek samay to aisa bhi laga tha ke us vyakti ko Pari ki existence ka bhi pata hai. Definitely, next villain, ek baar firse bahut se raaz apne saath liye hoga.

3.) Btw. ye bhi pata chala ke Guruji ko Slogan maar chuka hai, means ek kameene ke karmon ka hisaab ho hi chuka hai.


4.) Kaafi awaited moment tha ye mere liye is story ka, Pari (or System) reaching the Level 6. Har baar level badhne ke saath hi Pari ka behaviour ya kahun ke attitude badla tha, in other words Veer ke alpha male ban ne ki hi tarah Pari bhi Alpha Female ban gayi thi. And I thought ke shayad is baar Pari aur bhi adhik bossy ho jayegi but as a pleasant surprise...

Old & Cuteness filled Pari is back!!!!

Now, I think ke Pari ke behavioural change ke pichhe definitely koyi bada reason hai. Ye to param satya hai ke Pari & System sada Veer ke bhale ke liye hi har kaam karte hain. So, let's see ke iska kya kaaran tha aur kab wo kaaran pata chalega.

5.) Slogan ke khaatme ke saath hi Veer ko 3,000 points mil gaye hain, and saath hi main shayad ek random skill bhi mil gayi hogi. Mission ke info ke saath mention tha jahaan tak mujhe yaad hai.

6.) System layout has been changed... Iski jaankari to Pari hi degi agle update mein. But jahaan tak main samajhta hoon, ye shayad Features ke show hone ke tareeke se hi related hai. Afterall Suman ki favourability 100 ko cross kar gayi hai to maybe use ek naye tareeke se darshaya jaaye. Maybe, some changes in working of Shop, Quest Hunt & all. Btw. Quest Hunt khelne ki keemat bhi badh chuki hai, but Veer ko ab tak addiction ho gaya hai juye ka. I hope Pari is problem ko jaldi sahi karde anyatha points ki wastage badh jaayegi.

7.) Pahaad par khadi wo ladki jiska zikr aakhir ki lines mein hua tha... Most probably wo in dono mein se hi ek thi... Kaera (very less chances) or that Car Girl (Slogan ko jo Uncle bol rahi thi)... Kyonki ye Fantasy story nahi hai, so Aatma (Swati) wagerah ka chakkar to nahi hi hoga... Haan,in case wo yadi tab zinda reh gayi ho to kuchh keh nahi sakte, but is cheez ke hone ke chances utne hi hain jitne Registan mein baadh aane ke... Ab dekhna ye hai ke yadi wo ladki Kaera thi to uspar is ghatna ka kya prabhaav hoga aur yadi wo Car waali ladki thi (most probably wahi honi chahiye) to wo grey shade mein rahegi ya fir she'll be alongside Veer... Ya fir ek naya character Werewolf dada, Kaahe Veer ke L lagwa rahe ho, itni ladkiyon ke beech... (Btw. I also thought fir a moment ke Pari ka human form ho sakti hai wo, but no, Firstly, Pari ka human form hone ke chances kam hi hain aur yadi ho bhi to itni jaldi uski jhalak story mein mil jaaye... I don't think so!)

8.) Slogan ki maut se Suhana ko bhi Laboratory jaane ki zarurat padne waali hai,to investigate about Veer ... Let's see ke jab use pata chalega ke Veer ne Slogan ko bhi tapka diya hai, Aatish ke baad to Suhana aur haan uski friend Divya (yahi naam tha shayad).. dono ka kya reaction hota hai...

9.) Kaera ko jab iski jaankari milegi... Definitely uski favourability mein rise to hona hi hai... Yadi Kaera hi wo pahaad waali ladki thi, jiske chances kam hi hain,tab to use pata chal hi chuka hoga... Anyatha uska reaction dekhna bahut hi exciting rehne waala hai...

10.) At last, Veer ne Beowulf's Blessings ka use kiya hai for more than 30 minutes, iska uski body par kya impact hoga... I don't think ke abhi uski body ise itni time tak sehen karne ke capable hai... No doubt, ke is baar wo injured nahi tha last time ki tarah par fir bhi...

11.) Karan,Raghu aur Jassi joki baahar hi maujood the jungle ke... Haalanki, Karan gaadi mein hi tha jabki wo dono fight mein uljhe huye the... Dekhna hoga ke teeno sahi salaamat hain ya koyi inmein se bhi ghayal ho gaya hai...

I think, sabhi points cover ho hi gaye hain... Shayad kuchh miss hua ho, but mostly itni hi baatein judi hain Slogan Arc ke end se... Let's see ke filhaal chal rahe Familigia Arc mein kya kya hona baaki hai aur upcoming House Of Killers Arc kis prakaar ka hoga...

Nidhi ka matter, jiska solution shayad Veer dhoond chuka hai... Kaafi time se Kahani se gaayab ho chuki Shreya, Pranjal aur Vivek ki aage ki planning aur inke khilaaf Veer ki taiyaari... Aarohi ka us incident ke baad ka reaction aur saath hi Shweta ka thappad kaand ke baad ka reaction, kaafi saari cheezen hain jo aage ke kuchh updates mein romanch ke level ko badhane waali hain...

And of course, Ragini bhi shayad taiyaar hai Kahani mein ek naya dimension laane ke liye (Btw. Ragini ab Incest mein to count nahi hogi naa )... Suman ka bhi 126 favourability ke baad ka thought process dekhna interesting hoga, similarly 90+ ke saath Aabha ke emotions mein bhi ubaal aana nischit hai...

Amazing Work Bro! Jitni bhi tareef ki jaaye wo kam hi hogi... Slogan ka past jis detailing ke saath darshaya gaya (though it can be a boring job to write that part) wo sach much mein prashansaniya hai... Fight scenes, jaisa Aapne kaha hi tha ke aage chalkar aur bhi intense honge, bilkul wahi hua... The fight scene with Matthew (Assassin) was written beautifully... Har update ke saath kahani ka level apne aap mein ooncha uth ta jaa raha hai... The bar is continuously rising and that's what makes this story a special one!

Outstanding Updates Bro & Waiting For Next...

aapne Lagbhag sabhi points ko beautifully mention kiya hai bhai...

 

[Aj10]

Excellent update... Waiting for famiglia arc