Incest Baadshah ~ The Tales of Debauchery

[Werewolf]

Index​

Full Status and Cards​

Artworks​

Full Characters Guide​

Arcs​

Latest Update ➢ Update 189 ​

 

[Avi Goswami]

Mega Update

Update - 177 ~ Berserk
[Note : Contains Gore related scenes.]​

Ab tak...

Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.

Woh bol the-

'Go and protect your loved one now.'

Ab aage...

Pedo ki daalo ke upar Erica chhalang maarte hue aage badhti jaa rahi thi. Hawa se uske baal lehra rahe the aur bauhe bechaini ke maare kasi hui thi.

'Veer!!!'

Badi mushqil se usne apne darr ke upar qaabu paaya tha. Kahi na kahi mann hi mann woh khud ko dosh bhi de rahi thi ki woh yaha aayi toh Veer ko bachaane thi magar khud hi sakpaka ke baith gayi. Kya aise woh apne pita ko proof karne waali thi ki woh ab frontline missions ke liye taiyaar thi?

Dekha jaaye toh galti uski bhi nahi thi. Woh kabhi bhi aisi paristhiti me padi nahi thi aur na hi usne kabhi aise drishya apni aankhon ke saamne dekhe the. Jis wajah se woh hamesha cheezon ko halke me le liya karti thi. Bilkul waise hi jaise ek kue me baitha mendhak, upar kue ki golayi se dikh rahe aasmaan ko dekh ye samajhne lagta hai ki aasmaan bas itna hi hai. Magar, baad me kue se nikalne ke baad use pata chalta hai ki aasmaan asal me kitna vishal hai. Aaj Erica ko poorn roop se abhaas ho gaya tha ki asli darr kya hota hai, duniya me kitne khatarnak log hote hai, apno ko khone ka bhay kya hota hai aur ek jaan ki qeemat kya hoti hai.

'Hang in there.'

Bhaagte hue use kuch theek sa nahi lag raha tha. Jaise ye khamoshi use bechain kar rahi thi.

'Achanak se itni shaanti kyu chha gayi hai?'

[Something is off.]

Jaw Long ke Animal Kingdom card ka asar khatam hote hi saare janvar waha se afra tafri me dur bhaag chuke the. Toh wahi neeche chal rahi Veer aur Jaw Long ki ladayi bhi Veer ke ghayal hone ke chalte lagbhag samapt ho chuki thi. Yahi kaaran tha ki ab Erica ko koi bhi shor sunayi nahi de raha tha. Magar, jitni vatavaran me khamoshi fel rahi thi Erica ki bechaini utni hi badhti jaa rahi thi. Kahi ye kisi anhoni ke ghatit hone ka sanket toh nahi tha? Woh nahi jaanti thi. Woh toh bas itna jaanti thi ki Veer ko iss daldal se baahar nikaal ke use sahi salamat wapas leke jaana hai.

[Woh dono yaha nahi hai, Erica. Ab ya toh woh pul ke uss paar gaye hai ya fir neeche.]

Erica dusre pul tak pahuch chuki thi jaha se Veer neeche gira tha. Pul ke uss paar se toh use koi bhi dhwani sunayi nahi di. Ab yaha se talashi karne ke do raaste the.

'Kaha gaye honge woh? Aage dekhe Genie?'

[Mere khayal se aage badhne se pehle hume neeche dekh lena chahiye. Neeche bhi kaafi jagah hai. Jangal neeche bhi hai. Neher ke uss orr dekho Erica.]

'Par bhala neeche kyu jayega woh?'

[Kyu nahi jayega woh? Judging by how he was escaping from those animals... There's a high possibility he might have chosen that route. Zara socho. Itne saare janvaro se bachne ka sabse behtar vikalp kya ho sakta hai? Insaan kaha jayega? Seedhe raaste par jaha janvar lagatar uska peechha kare? Ya fir neher ka sahara lete hue dusre chhor par jaha janvar aa hi na paaye?]

'You have a point, Genie! Theek hai toh fir. Pehle neeche hi talashi lete hai.'

Nirnay lete hue Erica pul ke madhya aayi, neeche dekhi, aur bina jhijke iss baar paani me kood gayi.

*Splaaaashhhhh*

Chhapak ki awaaz ke saath girte hi woh tairte hue fauran chhor par aayi aur khud ko neher se nikaalte hue ek gehri saans chhori. Iss baar usne paani me koodne ke liye koi shikayat nahi ki. Woh jaise sthiti ki gambheerta ko ab samajh rahi thi. Woh sambhalte hue aage badhi. Dheere dheere woh jangal ki gehrayiyo me pravesh karne lagi. Daudate daudate hi use kuch derr baad zameen par dur kuch nazar aaya. Aur, jaise hi woh aakriti uski nazro me aur spasht hui uski aankhein darr ke maare fel gayi. Qadmo ki gati aur tez ho gayi.

'N-Noooo-!!!!'

Ghabrahat! Ek ajeeb si ghabrahat uske andar janm li. Seene me vichitr sa ek bharipann mehsoos hua aur geele badan pe raungte khade ho gaye. Dur zameen par Veer ka shareer khoon se lathpath bejaan sa pada hua tha. Erica ki toh jaisi saari umeedein hi toot gayi. Kya usne derr kar di? Kya woh sahi samay par nahi pahuch paayi? Tamaam sawaal uske mastishk aur dil dono par chot karne lage.

Woh tez raftar se Veer ke nazdeek aayi aur ghisatate hue khud ko roki. Jhukte hi usne Veer ke sarr ke peeche ek haath le jaate hue uske sarr ko badi hi savdhani se uthaya aur apne kaan ko neeche uske seene par le jaate hue lagaya. Aur-

*Ba-dump*

*Ba-dump*

Agle hi shan uski aankhon me aansu apne aap panap aaye. Dil dhadak raha tha..! Usne kabhi nahi socha tha ki kabhi kisi ki dhadkan sunn ke use itna sukoon milega, itni khushi milegi, itni raahat milegi. Ek dil ki dhadkan ka mol jaise aaj use pata chal gaya tha.

Kabhi usne nahi socha tha ki Veer jaise ladke ke liye woh aisa kuch mehsoos karegi. Pehle din se hi Veer aur uska rishta koi khaas nahi tha. Magar, iss waqt Veer ke dhadakte dil ki awaaz sunn jo woh mehsoos kar rahi thi, unhe shabdo me bayaa kar paana uske liye behad mushqil tha.

'Thank God-!! Thank God!!! You idiot!!! *sniff* You are alive.'

[Ek minute!! Agar, Veer yaha hai. Toh, Jaw Long kaha hai?]

Genie ke prashn karte hi Erica ko jaise dhyaan aaya. Khatra woh janvar nahi the. Asli khatra toh Jaw Long tha. Uske baare me sochte hi uski aankhein satarkta ke chalte fel gayi.

Woh idhar udhar apni gardan ghumate hue chaaro orr dekhi. Magar, Jaw Long kahi bhi use dikhayi nahi diya. Woh toh aise gayab tha jaise cheel ke ghosle me maans.

Aur, tabhi-

*Booooooooommmmmm*

Dur use kuch shor sunayi diya. Aisa lag raha tha maano do log aapas me lad rahe the.

'What? What's happening?'

Uske sawal ka jawab bhi use jaise agle hi pal mil gaya. Dur jangal ki gehrayiyo se nikalta hua Jaw Long bhayanak tez raftar me uski orr hi aa raha tha. Ek shan pehle uski koi upasthiti nahi thi aur agle hi shan woh khud uski orr pagal saand ki tarah dauda chala aa raha tha.

'Huh!?'

Jab Erica ne danav jaise Jaw Long ko apni orr aata dekha toh maano uski haalat hi patli ho gayi. Jaise jaise woh nazdeek aa raha tha uski aakriti badhti jaa rahi thi. Asal me woh kitna vishal tha ye ab Erica ko samajh aa raha tha. Jaw Long ke haatho me uska wahi bada sa kulhada bhi tha. Ek baar hi uske chalane par Erica ke shareer ke do tukde ho sakte the.

Ye sochte hi woh bechari itna ghabra gayi ki usne neeche letey Veer ko apne seene se lagaya aur aankhein band kar apne haath khade kar diye. Agar, yahi unka ant tha... Toh wahi sahi.

Magar, iss se pehle ki Jaw Long unn tak pahuchta-

*Whooooooosshhhh*

Ek saaya unn dono ke beech aake khada ho gaya. Jab aakriti spasht hui toh pata chala ki ye Ava hi thi. Erica ne jab khamoshi ko mehsoos kar apni aankhein kholi toh apne saamne Ava ko khada dekh dang reh gayi.

Aur, uske hosh aur bhi zyada tab ude jab usne Ava ko check kar ye pata lagaya ki woh bhi ek system holder thi.

'Whattttt!!?? Wh-Who is she!?'

Ava agar chaahti toh camouflage activate kar woh fake status dikha sakti thi. Parantu, usne aisa na kiya. Veer ko dhoka dene ke baad se jaise use iss skill se nafrat si ho gayi thi.

Woh Jaw Long ke saamne nidarta se khadi hui thi. Usne apne kandhe ke upar se peeche halka sa mud Erica ko dekha jisne apne seene se Veer ko laga rakha tha. Uski nazre Erica ke seene aur Veer ke chehre par kuch zyada derr hi tiki rahi. Kuch shan baad woh boli.

Ava : Kuch samjhane ka time nahi hai. Uske wounds deep hai. Uska system andar hi andar bleeding ko rokne ki koshish kar raha hoga. Tab tak uski safety, mein tumhare haatho saunpti hu.

Erica itni zyada confused thi ki use kuch bhi samajh nahi aaya. Kaun thi ye ladki? Kar kya rahi thi ye yaha? Aur, Veer ko kaise jaanti thi?

Erica (frowns) : Who are you?

Ava : I'm... I'm someone who owes him a debt.

Erica (frowns) : Ye mere question ka answer nahi! Who exactly are you? Aur, mein tum par bharosa kyu karu?

Ava (smiles) : Kya waqai iss waqt tum ye sawal puch rahi ho? Saamne dekho apne. Agar, mein yaha se hatt gayi toh anjaam kya hoga?

Erica ne jaise hi Jaw Long ko dekha jo abhi tak satark hue unke saamne khada tha, uski bauhe ghabrahat ke chalte sikud gayi. Ava ki baat sahi thi. Agar, woh unke saamne se hati toh woh dono hi maare jaane waale the.

Ava : Shayad ab tumhe samajh aa gaya hoga ki tumhe mujhpe bharosa kyu karna chahiye. Right?

Erica : ...

Ava (exhales) : Take care of him! Use abhi move mat karna. Warna, blood flow hota rahega. Bleeding ruki nahi hai. Bas, uski hifazat karo. Bleeding ke rukte hi use yaha se leke nikal jaana.

Erica chup chaap sab kuch sunn rahi thi. Sawaal dher saare the uske mann me magar filhal unhe taal dena hi behtar tha. Kya iss ladki par bharosa kiya jaa sakta tha? Uske Dad bhi yaha nahi the. Ek decision hi unn dono ki life ya toh bacha sakta tha ya fir khatam kar sakta tha. Ek bahut badi zimmedari iss samay uske sarr thi.

Usne ek gehri saans lete hue fir apna nirnay liya. Haami bharte hue woh boli,

Erica (nods) : Theek hai! I'm trusting you.

Ava : Good! I will stall him until then. Yaad rakhna! Bleeding band hote hi tumhe use leke yaha se nikalna hai.

Erica : Hmm!

Aur, itna bol Ava wapas se apne saamne khade Jaw Long par focused ho gayi. Jaw Long jaan boojh ke hamla nahi kar raha tha.

Veer ke alawa uske saamne do do system holders maujood the. Zahir hai woh jaldbazi me koi galat qadam nahi uthana chahta tha. Aur, Ava ki woh zordar kick jo use padi thi. Uss se kahi na kahi use andaza lag gaya tha ki ye system holder ladki sirf kehne ki system holder nahi thi.

Woh kehte hai na, 'fook fook kar chalna hi samajhdari hoti hai.' Baad me dukhi hone se behtar tha ki abhi satark raha jaaye. Kisi tareeqe se woh Ava ko chakma deke yaha Veer aur Erica ko maarne ke liye aa toh gaya tha. Par, saamne khadi Ava ko dekh uske qadam sanshay me thame hue the.

Aur, Ava ne bhi jaise uske sanshay ka abhaas kar liya. Woh palak jhapakte apni jagah se gayab hui aur Jaw Long ki taraf lapki. Uske haath me ek katana talwar uski sheath se bahar nikli aur seedhe Jaw Long ke gale ki orr badhi.

Kuch bura abhaas hote hi Jaw Long ki aankhein sankat ke chalte chaudi ho gayi. Bhay ke maare woh peeche hua aur isi prakar Ava Jaw Long ko Veer aur Erica se dur karne me safal ho gayi.

Toh wahi idhar Erica Ava aur Jaw Long ko bhidte dekh ek alag anubhav le rahi thi. Usne apna dhyaan Veer par jaise hi punah daala toh veh ghabra uthi.

'My god...!'

Veer ke zakhm gehre the. Erica ne apne jeevan kaal me kayi maut apni aankhon ke saamne dekhi thi. Par, kabhi bhi kisi system holder ko iss tarah ghayal nahi dekha tha.

Ek system holder ka iss tarah zakhmi hona kis baat ka saboot tha? Iss se ye pata chalta tha ki Jaw Long unke liye kitna bada khatra tha. Agar, Veer unki madad na kar ke Jaw Long ko yaha baandh ke na rakhta toh kya hota? Woh sochna bhi nahi chahti thi.

[He's badly injured.]

'Uss ladki ne kaha ki Veer ka system use heal kar raha hoga andar hi andar.'

[So, he does have a healing skill huh?]

'Pata nahi! Card bhi ho sakta hai. Lekin, ye ghaav...! Kitna dard saha hoga Veer ne Genie?'

Erica Ava ke chehre ko poori tarah se nahi dekh paayi thi. Ava uss se baat karte samay bas halka sa hi mudi thi, jis kaaran vash use Ava ki soorat poori tarah se spasht dikhayi na padi. Parantu, woh Ava ke baare me kaafi kuch jaanti thi.

Woh jaanti thi ki Ava ek system holder thi. Veer ko Crimson se bachane ke baad Renshu ne use kaafi kuch bataya tha. Use ab bhi apne pita ke saath kiya gaya woh sanvaad yaad tha.

'Woh celebrity Natalia Martin bhi ek system holder hai, Erica!'

'Really?'

'Hmm! Aur, uss ladke ki maut ka ek kaaran bhi bann sakti thi. Agar, mein sahi samay par waha na pahuchta toh-'

'Hmph! Aap jab se waha se aaye ho uss ladke ke baare me hi baat kare jaa rahe ho. Akhir kaun hai woh?'

'Haha! Jo bhi hai bahut hi kaabil naujavan hai. Aur, rahi baat ki kaun hai woh? Jald hi tumhe pata lag jayega. Mera ek favour hai uspe ab. Jise chukaane wo zaroor yaha aayega. Tab, tum khud apni aankhon se dekh lena.'

'Hmph! I don't care! Balki, aap celebrity Natalia ke baare me mujhe kuch bataiye.'

'Uske baare me mein zyada nahi jaanta aur na hi uss se mila hu. Lekin, itna zaroor pata hai mujhe ki uss ladke ko shadyantra me phasane waali woh bhi ek thi. Maine itna anuman laga liya tha.'

'Woh kaise?'

'Ladka jab samundar me doob raha tha tab maine use waha se bachaya tha. Uss dauran, woh Natalia Martin helicopter me upar baithi neeche nazre gadayi sab kuch dekh rahi thi.'

'Ohhh-!?'

'Lloyd ne mujhe bata diya tha ki wo bhi ek system holder thi. Mujhe poore shadyantra ke baare me jankari to nahi hai. Lekin, kaafi kuch anumaan mein laga sakta hu.'

'I see!'

'Uske paas camouflage kar ke ek skill hai.'

'Camouflage?'

'Hmm! Uski madad se wo nakli status laga ke ghum rahi thi.'

'Iska matlab-!'

'Haan! Usi ke chakkar me shayad wo naujavan ek khatarnak shadyantra ka shikar ho gaya. Kherr, woh zinda hai abhi yahi acchi baat hai. Shayad, tab uss Natalia ne Camouflage ko band kar rakha tha. Tabhi, Lloyd use check kar paaya tha. Aur, asliyat ka pata laga paaya tha.'

'Hmm! Lekin, aapko kaise pata chala Dad ki Natalia ke paas Camouflage skill hai?'

'Kyuki jab maine use check kiya tha tab uska status mujhe dikhayi de raha tha. Woh nakli tha. Lloyd ne sahi pehchan baad me ki thi.'

'Ahh!'

'Erica!!!'

'Huh!?'

'Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'

'Jii dad. Mein aapki baat ka dhyaan rakhungi.'

Ye baatein use acchi tarah se yaad thi. Magar, uska dhyaan to abhi uski jaangh par sarr rakha yeh naujavan kheenche hue tha.

Genie chup chaap Erica ke emotions ko padh rahi thi. Kaise Erica ke kaanpte hue haath Veer ke zakhmo par haule se fir rahe the. Jaise wo ghaav dekh ke hi unhe mehsoos kar paa rahi thi ki kitna dard hua hoga Veer ko jab ye chotein uske shareer par aayi hongi. Uski sarsari nigaahein Veer ke uttam kataav waale badan par bhi fir rahi thi.

[Tum uski dressing kyu nahi kar deti? Hamare paas rakhi hui hai na?]

'Arrey haan! M-Mujhe to dhyaan hi na raha.'

Usne apni jebo me se dressing ke liye kuch first aid ki pattiyaan nikaali aur Veer ke ghaavo ko saaf kar unn par savdhani se baandhne lagi. Bhale hi inse zyada madad nahi milne wali thi par ghaavo ko khula chorrne se toh ye behtar hi tha.

Dressing baandhte baandhte Erica ki nazre baar baar Veer ke chehre par phir rahi thi.

'G-Genie-! I... I was just thinking... Veer ki kya favorability hai mere liye?'

Sawaal sunte hi mann hi mann jaise Genie muskurayi. Woh jaise bhaanp gayi ki ye sab kis orr jaa raha tha.

[Sach me jaanana hai tumhe?]

'N-Nahi aisi koi khaas wajah nahi hai. M-Mein toh bas yuhi- curious thi...! Isliye- socha ki-'

Apne baalo ki latt ko ungli se ghumate hue woh khusur-pusur karte hue boli.

[Uski favorability tumhare liye 90 hai.]

Ank sunte hi Erica ki jaise aankhein phati ki phati reh gayi.

'Wh-What-!???'

Use pata tha ki 70-80 ke upar favorability ka hona kya darshata tha.

Pyaar!!!

Samajh aate hi uske gaal laal tamatar ki tarah laal hote chale gaye. Par, agle hi shan, maano jaise Genie ne uske sarr par thande paani se bhari balti udel di.

[Hahaha! Just kidding. Asli favorability 22 hai.]

'Y-You-!!! Genieeeeee!!!!'

Woh mann hi mann Genie par barsi. Toh wahi Genie uska reaction dekh aur zyada thahaake lagaane par majboor ho gayi. Genie jaan boojh ke mahaul ko halka karne ki koshish kar rahi thi. Aur, usme woh poori tarah se qamyab thi. Erica ka aisi sthiti me calm hona behad aavashyak tha.

'Ahinda se aisa tumne kabhi kiya na, toh mein tumhe sleep mode me daal dungi.'

[What?? H-Hey! Wait a minute! It was just a joke. Okay? Aur, maine ab bata to di asli favorability. It's 22. Twenty two. Jise dusri bhaasha me-]

'Haan pata hai!! Sunn liya maine. Sunn liya. I-It's not even a good number. Why are you yelling so much??? Enough! Sunn liya maine. 22 hai. I know! Hmph!'

[What? Kya tum chaah rahi thi aur zyada ho?]

'Wh-Who cares? *blushes* Ahem! Anyways! Mera ek sawal hai. System jab ek dusre ko check nahi kar sakta toh ek dusre ki favorability kaise bata deta hai?'

[Hmm! A very good question.]

'Please, ab baatein mat ghumaana.'

[Nahi nahi! I will tell you. Look! Hum sabhi system ek dusre ke prati satark rehte hai. Koi bhi system ye nahi chaahta ki agla system unke stats dekh paaye. We are afraid of each other.]

'Afraid?'

[Hmm! System apne stats ko hide kar sakta hai. Isliye, check karne par hume kuch bhi info haath nahi lagti. Ek prakar se ye hamara defensive mechanism hai. Par, Erica...! Emotions chhipaye nahi jaa sakte.]

'Ah!'

[Bhale hi stats hide kar diye gaye ho par feelings ko hide nahi kiya jaa sakta. Agla system holder tumhare liye kya bhaav rakh raha hai woh asaani se dikh jaata hai. Jaw Long ko dekhte hi uski ill intent humne mehsoos kar li. Zahir hai favorability minus me hai uski.]

'Right!'

[Wahi Veer ki 22 hai. Tumhare Dad ki tumhare prati 90 hai. Of course, it's all fatherly love.]

'Dad to meri chinta hi nahi chorrte. Mein badi ho gayi hu ab. *sighs* Toh aise work karta hai ye. Samajh gayi. Thanks Genie! Ohh! Look, woh ab saansein behtar dhang se le raha hai.'

[Uske system ne blood flow ko control me rakha hai. I think wo neend me hai.]

'Use araam ki sakht zaroorat hai. So, just-'

Iske pehle ki wo apni baat poori keh paati Jaw Long ki tezz dahaad ne uska dhyaan kheencha.

"Shebaaaaaaaaa-!!!!!"

*Keeeeeeaaaaaarrrrr*

Aur, beshaq...! Wahi baaj hawa me apne parr felaaye uske ek bulaave par haazir ho gaya. Sheba udta hua seedhe Erica ki orr aaya.

'Ahhh!'

[Careful!!]

Par, iss baar Erica ghabra ke dur nahi bhaagi. Usne apni peeth par peeche khusi hui kisi cheez ko baahar nikaala. Aur-

'This time...! I won't run!!'

*Fwoosh*

Seedha uss baaj ki orr usne wo fek diya. Wo cheez hawa me sansanati hui gol gol ghoom ke udte Sheba ko giraane ke liye aayi.

Sheba tezz raftaar se apni orr aa rahi cheez ko dekh baukhlate hue hawayi marg se hatt gaya. Aur, woh cheez jo hawa me feki gayi thi woh wapas se ek golaayi ka raasta apnaate-

*Thuck*

Erica ke haatho me aa thami.

Ek boomerang!!! Magar, koi sadharan boomerang nahi. Uske ird gird metal ke kuch nukeele tukde lage hue the. Kisi prakaar ki dhaar-daar blades. Jo nishchit roop se kisi ko ghayal karne ke liye hi lagayi gayi thi.

Metal bhi koi aisa wesa nahi. Ye tha titanium. Sabse halka aur mazboot metal. Aur, iss anokhe boomerang ki rachayita koi aur nahi ~ Swayam Erica thi.

Uska ek maatra card ~ Metallurgy!!!




Ek aisa card jo use saara gyaan, saari kshamtaye aur saara kaushal pradaan karta tha metals se hathyar banaane ke liye. Usne Garofano ke liye bhi kuch needles bana ke use di thi.

Erica ki aankhon me iss baar tej tha. Aur, uske mann me tabhi-

*Ding*

[Mission : Safeguard Veer until he recovers.
Rewards : Skill ~ Basic Seer Vision.
Mission failure penalty :
1) Loss of Order.
2) 10,000 points deduction.]

'Iss baar...! Mein peeche nahi hatne waali. Chaahe kuch bhi ho jaaye. Jab tak Veer recover nahi ho jaata! Mein yahi hu-!!!'

Aur, dur se use Sheba se ladta dekh, idhar Ava ke hontho par ek halki si muskan bikhar gayi.

***

Kintu, hua kya tha? Ava yaha kaise pahuchi? Woh itne din kaha thi? Veer yaha hai iss baare me use kaise pata chala? Aur, yaha aane ka uska maqsad kya tha?

Ye tamaam sawaal Veer ke mann me the behosh hone se pehle. Jinka uttar keval aur keval Ava hi apne muh se de sakti thi.

Kuch derr pehle...

Jab Veer eastside ki entrance se pravesh kar raha tha. Tab, woh nahi jaanta tha ki theek uske peeche Ava bhi use follow kar rahi thi.

[There he is, Miss! Thoda aur nazdeek jaa sakte hai hum. Itna peeche chalne ki zaroorat nahi.]

'Nahi Lily! Veer ke paas Beowulf hai. Senses badh jaate hai uske. Ho sakta hai usne activate kar ke rakha ho. Agar, mein iss se zyada nazdeek gayi toh wo meri presence ko mehsoos kar lega.'

[Ohh!]

Ava ne Veer ki aankhon me woh laal rang ki parat pehle bhi dekhi hui thi. Lily ne hi use khoj ke bataya tha ki Veer ke paas Beowulf card tha.

[Toh ab?]

'I will follow him from a distance.'

[Okay!]

'Lily...! What does he think of me now?'




[His favorability towards you is only 10.]

Ava ke chehre par ek muskan bikhar gayi. Magar, iss muskan me kahi na kahi nirasha bhi chhipi hui thi.

'10... is not a bad number.'

[My dear Miss! Is 10 really a good number?]

'Lily! Jo maine kiya tha...! Uske baad toh iss favorability ko minus me hona chahiye tha. *smiles* 10 is already a great number.'




[You've been smitten by him. *sighs* Kya hoga aage? I don't even know.]

'N-No-! That's not it! I-'

[Jhooth bolne ki zaroorat nahi hai. I can feel your emotions.]

Ava uske jawab me kuch na boli. Woh chupke chupke Veer ka peecha karti rahi. Veer jab uss blood trail ko laangh ke aage gaya toh Ava kuch shan wahi ruk gayi.

[Ye ek sensory type boundary ho sakti hai.]

'Andar jaane ke liye ise cross karna hi hoga.'

Aur, blood trail ko paar karte hue woh khud bhi Veer ki disha ki orr aage badh gayi.

Uske andar aate hi Jaw Long ko do vyaktiyo ke andar ghusne ke baare me pata lag chuka tha. Magar, Ava jaise pehle hi sab kuch plan kar ke chal rahi thi.

Seedhe taur par ladayi me na ghuste hue woh ped ki daali par baithe dur se sab kuch dekhti rahi.

'Yaha se mein uss par nazar rakh sakti hu. Jaise hi situation bigdegi, mein waha pahuch jaungi.'

Sirf Erica hi nahi thi, Veer ko unn janwaro se bhaagta dekh Ava ka badan bhi kaanp utha tha. Akele Veer ka waha ladna...! Woh kisi yoddha se kam nahi lag raha tha. Aur, uski woh nidarta se bhari chhavi Ava ke dil me aur nayi tarange utpann kar rahi thi.

Magar, akhir use Veer ke thikaane ka pata kaise laga? Yeh koi raaz nahi tha.

[Death Flag]

Wahi skill, jo Ava ne Veer par mark ki thi. Tab jab woh aur Suhana Las Vegas me uske concert me pehli baar daakhil hue the. Yeh wo skill thi jo ek vyakti ko mark kar ke rakhti thi. Ek seemit range tak uss vyakti ke zinda ya mrit hone ke baare me batati thi.

Tab se leke ab tak Veer par Death Flag ki woh marking bani hui thi. Kintu, Veer ke ruth ke jaane ke baad, Ava ne kuch kiya tha. Apne system ke saath. Uski system Lily ko bhi saari baatein yaad thi. Island par Veer jab use akela chorr ke chala gaya tha. Uss raat-

'Lily!'

[Yes?]

'Upgrade Death Flag's range!'

[What?]

'Suna nahi tumne? Maximize the range.'

[Jaanti ho na upgrade ke liye kitne points lagte hai? The first upgrade will take 5000 points. And, the second upgrade will take 10,000 points. Total 15,000 points.]

'Yes! Jaanti hu! Do it!'

[My dear Miss! Why are you so determined? Kis liye itne points ikhatta kiye the? Ab jab hum itna close hai Maisie's cure ke liye, you want to waste them on Death Flag's upgradation?]

'Lily!!!'

[Fine then!]

*Ding*

[Death Flag's range has been maxed out.]

'Good!'

Yahi woh pal tha jab Ava ki skill Death Flag ki range maximum ho chuki thi. Na sirf ab woh jeevit ya mrit ke baare me bataane me saksham thi balki, insaan ki ab location bhi woh saaf saaf dekh sakti thi. Veer duniya ke kisi bhi kone me hi kyu na rahe, agar Death Flag uss par marked thi toh Ava uski location ko asaani se dekh sakti thi.

Woh uss tak jab chaahe tab pahuch sakti thi. Aur, isi tarah woh yaha Veer ko dhundh paayi.

Veer ka achanak Mumbai chorr yaha China aana. Woh jaan chuki thi ki kuch gadbad thi. Yahi kaaran tha jo woh khud yaha chali aayi. Aur, uska sanshay ekdum sahi tha.

Aaj woh yaha na hoti toh Veer bahut bade jokhim me pad jaata. Kam se kam ab woh uske liye kuch samay nikaal sakti thi. Aur, yahi uska prayshchit tha. Bhale hi... Uski jaan hi kyu na chali jaaye.

[I just don't understand. Why are you so focused on him? Kya waqai aapko uss se-!?]

'He...! He gave me happiness, Lily. Jab mein use trap me fasaane ke liye uske khilaf chaale chal rahi thi. Tab woh meri khushiyo ka dhyaan rakhte hue mujhe protect kar raha tha. Can you imagine it?'




[...]

'Maine kabhi nahi socha tha unn moments ko mein firse enjoy kar paungi. Meri asli khushiyaan Mumbai me hi thi Lily. Jab mein chhoti thi. Mera bachpan...! Kaera aur Sonia ko chorr ke aane ke baad woh saari khushiyaan jaa chuki thi.'

[...]

'Veer ka saath jaise mujhe unhi lamho me le gaya. Par, kya kiya maine uske saath? I don't deserve his friendship. I don't deserve to be around him.'




Ho na ho, Veer hi woh kaaran tha jiski wajah se aaj Ava jeevit thi. Warna, France ki unn vardato ke baad usne-

[W-Wait!!! What are you doing?]

Uska uss pahaad ki choti par khade hona. Aur, neeche khaayi ki orr dekhna.

[D-Dear! Stop it! What the hell are you doing? H-Hey don't scare me! Please!]

'There's nothing left now! I must go as well! Lily...!'

[W-Wait!! N-Noooooo!]

Woh khud khushi karne jaa rahi thi. Aur usne apna perr aage badha bhi diya tha.

[Noooooooooooooo!!!!!]

Par, usi waqt Veer ke akhiri shabd uske mastishk me punah goonj gaye.

'Go and protect your loved one now.'

Aur, usne apne santulan ko girne se bacha liya.

[You idiot!!! You scared the shit outta me. Ye... Ye kya kar rahi thi dear? Whyyy?]

'I'm sorry-!!! *sniff* I'm sorry, Lily. I'm so sorry!!! Maine tumhare baare me zara bhi nahi socha. N-No-!! I didn't even think of him either-!!'

[Huh!?]

'Usi ne kaha tha na!? Th-Then I must protect him!'

[Y-You-!!!?]

*Clang* *Clang*

Ateet se baahar aate hue Ava ki aankhein saamne Jaw Long ke harr move ko padhne me vyast thi.

Woh prahar karti jaa rahi thi magar Jaw Long peeche fall back karte hue khud ko bacha le raha tha.

Jaw Long uss se direct fight nahi le raha tha. Pata nahi kyu, par woh Ava ke hathyar katana se kaafi bhaybheet sa nazar aa raha tha.

Ava ne apni tactic turant hi badli aur apni jeb se usne handgun nikaal seedha dur khade Jaw Long ki upar taan di.

'Kisi wajah se woh mujhse directly nahi lad raha hai. Agar woh long ranged fight hi chaahta hai toh theek hai. He can have a kiss of my bullet.'




*Bang*

Jaise Jaw Long ne kuch bhaanp liya. Woh tezz raftar me daudta hua apni jagah se bhaagne laga. Aur, Ava ki bullets apne nishaane se choonk gayi.

'Shit!! Kaash mere paas perfect aim ki koi skill hoti.'

*Bang* *Bang* *Bang*

Bullets gun ki nozzle se nikalti jaa rahi thi, par harr baar Jaw Long apni speed ke chalte unse bachta jaa raha tha. Saari bullets ya toh hawa me ya fir pedo ke tane par lag unke parchhatte udhedte hue nikal gayi.

Ava ko bhi mission mila hua tha. Magar, uska mission Jaw Long se bhidant ka nahi tha. Uska mission tha~

[Mission : Stall the time.
Description : Don't let your loved one die.
Rewards : ??]

Koi bhi penalty nahi dikh rahi thi. Iska matlab... Penalty death thi. Aur, system ko kho dena.

'Veer se ladne ke baad lagta hai ye aadmi kaafi thak chuka hai. I might be able to take him down.'

[Filhal toh wo hamari saari bullets se bach raha hai. Hume use jald se jald ghayal karna hoga.]

'Toh ek baar me ek bullet enough nahi haan? Alright then!'

Agle hi shan usne apni jacket khol andar se ek aur handgun nikali. Aur, dono handgun Jaw Long ke bheje ki orr taan usne trigger daba diya.




*Bang* *Bang*

Do sansanati hui bullets guns se nikal Jaw Long ki chithde udaane ko aayi. Lekin, lagatar tez gati se bhaag raha Jaw Long unhe chakma dene me qamyab raha. Magar, khel yahi samapt nahi hua tha. Fire karte hi Ava ne unn dono guns ko upar hawa me ucchaal diya. Guns hawa me upar gol ghumti hui gayi aur tabhi-

Ava ne apni jacket punah khol aur do handguns usme se nikali. Unse fir se bhaag rahe Jaw Long ki taraf nishana lagaya. Aur, iss baar jaise Jaw Long ke chehre par dehshat saaf nazar aa gayi.

*Bang* *Bang*

Hawa ko cheerte hue woh bullets uske maans me dhassne ko aayi aur Jaw Long darr ke chalte ped ke peeche jaa dubka. Woh bullets ped ke tane ko ukhaadte hue usme jaa dhansi.

Idhar Ava ne haath me pakdi dono guns ko bhi turant hi hawa me uchaal diya. Jaise hi usne ye guns hawa me feki, pichhli do guns jo usne pehle se hi hawa me feki hui thi woh gravity ke chalte tezi se neeche aayi.

Unhe punah haath me thaam usne firse-

*Bang* *Bang*

Aur, wapas se unhe hawa me uchhal diya. Upar feki gayi baaki ki do guns fir neeche aayi aur iss baar unhe thaam-

*Bang* *Bang*

Woh do guns hawa me fekti, do se fire karti aur fir unhe hawa me fekti aur pichli do guns se fire karti. Ek baar me hi... Woh 4 handguns istemal kar rahi thi.

Aur, ye sab kuch itni tezi se ho raha tha ki aam insaan ko bas Ava ke haath ki dhundhli aakritiyaan hi nazar aati. Uske haath after images bana rahe the. Guns itni tezi se hawa me uchhal ke neeche gir rahi thi aur wapas se hawa me jaa rahi thi ki pata laga paana mushqil tha kaun si gun pehli waali thi aur kaun si dusri.

Usne itni bullets ped pe daag di ki ped ka tana hi toot ke bikhar gaya. Jaw Long kisi bheegi billi ki tarah ek ped se dusre ped ki aadh me khud ko chhipane par majboor ho gaya.

Ab tak close ranged fight me woh bada hi guroor dikha raha tha. Par, bandook ke saamne aate hi woh dubak ke chhupne par vivash ho gaya.

[Such skill of handling weapons. She's a skilled warrior.]

Yaha tak ki uska khud ka system bhi Ava ki weapon handling ki tareef karne me peeche na raha.

'Kai! Agar, aise hi chalta raha toh-'

Woh mann me kehte hue ek ped ki aadh lene bhaaga jab tabhi-

*Bang*

*Squelch*

"Urrrghhh!"

"Finally! I got him!"

Akhir kaar ek bullet ne apna kaam kar hi diya. Kandhe ke paas aake bullet maans ko cheerte hue andar ghusi. Aur, Jaw Long ki ek dabi dard bhari karah muh se nikal gayi.

'Agility badhani hogi, Kai!'

[Long! Tumhare paas sirf 3000 points hi baaki hai.]

Kehte hue usne uske mann me hi full status dikha diya.







'Jaanta hu! Lekin, Aura vision ko upgrade karne ke liye mere paas paryapt points nahi. Agility ki zyada zaroorat hai.'

[Accha? Aur, sleep ka kya? Bina sleep ke points nahi badhne waale. Stats me points invest karna bekar hai.]

'...'

Jaw Long kuch na bola. Kai ki baat sahi thi. Agar, agility me points invest kar bhi diye to bina neend ke woh nahi badhne waale the.

[Intezar kiska kar rahe ho? Apne trump cards ka istemal karo. Aur, jald se jald ye ladayi khatam karo. Straight way se ghuse Li Renshu aur unke aadmi kahi mine tak na pahuch jaaye.]

'Hmm!'

Kai ki baat maante hi Jaw Long ke ird gird ki hawa badalne lagi. Woh poori tarah se gambheer ho gaya. Wahi, yaha Ava ki bullets ki saari magazines khatam ho chuki thi.

Woh ab apni katana ko haath me pakdi wapas se close combat ke liye taiyaar thi. Magar, Jaw Long ke haav bhaav use satark rehne par majboor kar rahe the.

Aur, fir-

*Ding*

['Berserk' has been equipped.]

*Ding*

['Berserk' has been activated.]




Agle hi shan Jaw Long ka saara intelligence dhadalle se neeche girne laga. Ek ke baad ek uske intelligence ke 150 points girte chale gaye. Aur, usi ke saath ye points uski 180 strength me judne lage. Jaha ek taraf intelligence ghat raha tha toh wahi dusri orr strength badhti jaa rahi thi.

Berserk! Ek aisa card jo intelligence aur strength stat ke beech apna game khelta tha. Ek aisa card jisme intelligence ka balidan dene ke baad uske saare points strength stat me liye jaa sakte the.

*Ding*

[Intelligence has reached zero.]

[Strength stat has reached 330.]

Intelligence ke saare ke saare points strength me jaa chuke the. Jaw Long ke ird gird ki hawa bhaari mehsoos hone lagi. Uske lambe baal hawa me lehrane lage.

330 ki strength. Akhir kitni taqat rakhti thi? Woh kisi pagal khule saand ki tarah ho chuka tha. Jo raaste me aaye kisi bhi insaan ke tukde tukde karne ko taiyaar tha.

[This is bad!!! I can feel it. He's using something. Dear! Distance leke hi fight lena. Woh kisi prakar ka card istemal kar raha hai. Uski taqat badhti hui mehsoos ho rahi hai. Be careful!]

Lily ki chinta janak awaaz Ava ke mann me goonji. Ava ki bauhe bhi bhay aur duwidha ke chalte sikudi hui thi. Jaw Long ka aura woh feel kar paa rahi thi.

Aur, tabhi-

"Haaaaaaaarrrggghhhh!!!"

Jaw Long dahaad maarte hue hawa me uchakta uski orr aaya. Ava ghabrate hue peeche koodi aur Jaw Long ka taqatvar mukka zameen par jaa gira.

*Boom*

Ava ne jaise hi uss jagah ko dekha jaha woh pehle khadi hui thi uski aankhein khauf ke maare fel gayi. Zameen ke chithde udd chuke the. Ek mukke se hi waha par crater bann gaya.

'Wh-What kind of power is he using?'

[Maine kaha tha na. Usne kisi prakar se apni strength badhayi hai. Warna iss tarah ka damage asaani se nahi kiya jaa sakta. Beware! Agar ek bhi attack hume laga, to hamare liye mushqil ho jayegi.]

'Yeah!'

Jaw Long par jaise bhoot sawar ho chuka tha. Ava ko maarne ke liye jaise hi usne dusra mukka feka, Ava peeche gulati maarte hue uss se distance bana ke bachi aur ped ki aadh lete hue peeche ho gayi.

Parantu, ped jaise hi Jaw Long ke mukke ke sampark me aaya-

*Smaaaashhhhh*

Aisa laga maano ped me kisi ne bomb laga ke chorr diya ho. Kyuki, kisi visfot ki tarah hi uske parchhatte udd gaye. Ped tukdo tukdo me toot ke hawa me bikhar gaya. Itna vishalkaay ped yu ek hamle se hi dhwast ho gaya. Ava ki haalat iss samay shabdo me bayaan kar paana mushqil tha. Usne aaj tak aisi taaqat ka namoona nahi dekha tha. Ghabrahat ab uske andar janm le chuki thi.

'Th-That's-!'

Woh abhi koi rann-neeti sochti ki tabhi kisi vyakti ki awaaz aayi.

"Hahaha! Koi bhi bhaag nahi sakta ab Lord. Maine saare pul ki rassiya kaat di hai. Ab sabko-"

Kehte hue woh nadaan tribe ka member jaise hi Jaw Long ke nazdeek aaya. Jaw Long ne uska kandha thaam use wahi jakad liya.

"Huh?"

Apne Lord ki bina aankhon ki putliyo waali chhavi qareeb se dekh uss tribe ke aadmi ka moot uski jaanghiya me hi nikal gaya.

"L-Lord?"

Aur, ye uske akhiri shabd the. Kyuki, palak jhapakte hi-

*Bammmm*

"A-Ah-!!!"

Ava ki aankhon me dehshat saaf nazar aayi. Saamne ka drishya dekh uska badan kaanp utha. Jaw Long ne aisa mukka maara ki uss tribe member ka sarr kisi tarbooj ki tarah fatt gaya. Khoon sahet dimag ke chhote chhote tukde, aur andhruni ang bhi kayi tukdo me vibhajit hote hue chaaro orr fel ke gir gaye. Uska bina sarr ka bacha hua shareer bhi ladkhada ke zameen par dhamm se gir pada.

Aur, vatavaran me khoon ki gandh fel gayi.

*Blurgh*

Ava ko vomiting jaisa feel hua. Usne iss tarah ki maut kabhi nahi dekhi thi. Neeche uss tribe member ke dimaag ke tukde, toh kahi aankh ki putliyaan, uske chehre ke alag alag ang dale hue the jo ab pehchan me bhi nahi aa rahe the.

Yahi tha Berserk card! Jo apno aur dushmano ke beech antar karne me asaksham tha. Jaw Long ne apna intelligence sacrifice kar strength ko apnaya tha. Ab 15 minute tak bas Berserk ka hi prakop chalne wala tha.

[He's a monster!]

'H-How am I gonna fight him?'

[Tabhi toh keh rahi hu. Iski koi zaroorat nahi. Just run and escape.]

'N-No Lily! I can't-! And, I won't! Mein use yaha chorr ke nahi jaa sakti.'

[You-!!!]

'I'm sorry, Lily. But please...! Help me this one last time.'

[ *sighs* Fine!]

*Ding*




['Vinona's Mark' has been equipped.]

['Vinona's Mark' has been activated.]

['Vinona's Mark' has been applied on the target.]

[20 minutes...! Sirf 20 minutes hai. Hume uss se tez rehna hoga. Tabhi uske attacks se bach payenge. Defensive hote hue uss par bas ek ek vaar karti jaana. 10 consequent hits lagte hi use 150% zyada dard pahuchega. Aur, bleed bhi apply ho jayega.]

'I know! Par, uss se bachna hi sabse bada challenge hai.'

[Lekin, hume karna hoga.]

'How many points do I have?'

[See for yourself!]

*Ding*







Ava ka full status uske samaksh tha. Points ki kami dekh usne apne nichle honth ko gusse me daanto tale daba liya.

'Sirf 1500!?'

[You purchased 'Rekkaken' and 'Judo Combat' last month. Aur, Masie's cure ke liye itne saare points Death Flag me istemal ho gaye the. Mission bhi itne time baad mila hai. Of course, we have a shortage of points.]

'Damn it!'

Ava zyada derr tak apni vartalap Lily ke sang na kar paayi kyuki, Jaw Long chhalaang maar apni jagah se uda aur use maarne ke liye aaya.

Vinona's Mark activate hote hi Ava apne Judo combat style ko apnaate hue stance me aa gayi.

'Come!'

Weapon Master card ki wajah se woh harr hathyaar ko chalaane me saksham thi. Magar, Judo Combat usne ab tak kisi pe istemal nahi ki thi. Ye skill nayi thi. Aur, uska pehla hi pratidwandi Jaw Long tha.

Jaw Long ka mukka uski kamar par lagne ko aaya toh Ava chhalaang maarte hue peeche hui aur perr zameen par rakhte hi-

*Whoosh*

Woh jhatke se Jaw Long ke peeche aayi. Aur, ek strike seedhe Jaw Long ki peeth par maari.

*Thuck*

Maarte hi woh hawa ki gati se peeche hatt gayi. Aur, ye ekdum sahi faisla tha. Jaw Long ne apni laat itni tezi me peeche ghumayi ki agar woh waha khadi rehti toh uski haddiya toh tootati hi saath hi woh kayi metre dur jaake girti.

Idhar strike padte hi Jaw Long ko jaise kaafi kshati pahuchi. Vinona's Mark marked target par 120% damage zyada karta tha. Ava ki strength 150 par thi.

150 strength ka 120% zyada damage. Matlab 330 ka physical damage. Ava khud bhi nahi jaanti thi ki woh itna damage kar sakti thi. Usne kabhi bhi Vinona's Mark ka itna istemal nahi kiya tha. Aur, na hi Judo Combat ka.

Woh nahi jaanti thi ki uska damage Jaw Long ke damage ke barabar pahuch chuka tha. Ya yu kahe ki usne uss detail par utna dhyan hi nahi diya tha. Jaw Long ko jaise hi peeth par woh vaar pada, uski peeth ki maans peshiyaan andar hi andar phatne ko ho gayi.

[Bas 9 hits aur...!]

Bleed apply karne ke liye Ava ko 9 baar aur vaar karna tha. Aur, woh bhi bina ek bhi attack apne upar liye. Tabhi, uske attacks consequent kehlaate.

Woh datt kar aage badhi. Magar, pichli baar wali chaal iss baar qamyab na ho saki. Jaisi hi woh Jaw Long ki taraf feint attack karne ko aayi.

Sheba na jaane achanak kaha se uske bagal se apne panje felaata use nochne ko aa gaya. Woh ghabrati hui jaise hi mudi-

Uss se yahi par galti ho gayi. Sheba apne pankh fad-fadata hua wapas upar uda aur Jaw Long ko yaha mauka mil gaya.

[Shit...! Dear, careful!]

Parantu, kaafi derr ho chuki thi. Ava jaisi hi wapas palti-

*Pooooowwwwwww*

Jaw Long ka punch uske pait par pada aur woh hawa me udti hui kayi feet dur jaa giri. Uske muh se khoon nikalne laga.

Internal bleeding!!!

[Dear...!]

Lily chintit swar me chillaayi. Aisa lag raha tha maano andar ki saari atadiyo par 100 kilo ka wazan rakh diya ho. Uski saansein ukhdi ukhdi prateet hone lagi. Jaw Long ka endurance 200 par tha. Magar, wahi Ava ka maatr 150. Zahir hai uski dard sehen karne ki kshamta Jaw Long se kam thi.

"Urgghhh!!!"

[D-Dear-!!]

Na chaahte hue bhi Ava apne ghutno par gir padi.

'It hurts like hell...! Urrghhh! L-Lily!'

[Y-Yes!!?]

'Aisa lag raha hai jaise andar se kisi ne mere ango ko noch ke daba diya ho. Ahhh-!!'

[Bear with it, dear. Just bear with it.]

Magar, use react karne ka samay hi nahi diya gaya. Jaw Long uske saamne aake khada ho gaya.

[N-No-!!! Dear!!! RUNNN!]

***

Jab Jaw Long aur Ava dur ladne me vyast the. Toh wahi Veer apni neend me kaafi recovery kar chuka tha.

Pari ne Beowulf ko kuch derr ON rakh Veer ki healing ko badha diya tha. Aur, jaise hi bleeding band hui, usne use wapas se band kar diya. Kyuki, woh jaanti thi ki Beowulf aage kaam aane waala tha.

Veer ki palke jhapki... Aur, woh apne hosh me aaya. Neend ki wajah se usne jo points pehle add kiye the woh ab invest ho chuke the.

[Are you awake now?]

'Pari-!!!'

Saamne ka dhundhla drishya jaise hi spasht hua toh Veer ne paaya ki uske saamne Erica baithi hui thi. Erica bhi jaise use hosh me aata dekh chehek uthi.

Erica : Ahhh!!! Tumhe hosh aa gaya!!!?

Veer (breathes heavily) : Erica???

Erica (nods) : Haan! Tum theek ho na?

Veer : T-Tum yaha?

Erica : Uh-huh!

Veer : Tum yaha kya kar rahi ho?

Erica : M-Mein tumhe yaha se le jaane aayi hu obviously. Jaw Long bahut zyada shaktishali hai. Hum abhi uske level par nahi hai.

Veer : Jaw Long! Th-That's right! W-Wait-!!! Ava...! Ava kaha hai?

Jaise ab use sahi se hosh aaya. Woh uth ke baitha aur apne shareer ko idhar udhar mod apne dheele aur ghayal purjo ko usne jaise sahi kiya.

Erica : Ava?? Kaun Ava?

Veer : Wahi jisne mujhe bachaya. Jo yaha aayi thi...! Jaw Long mujhe maarna aa raha tha aur woh-

Erica : Oh tumhara matlab woh ladki? System holder?

Veer : Yeah!!

Erica : Wahi toh jab se Jaw Long se bhidi hui hai.

Veer : She's fighting Jaw Long?

Jab Veer ke chehre par uss ladki ke liye chinta ke bhaav Erica ne dekhe toh woh asahaj sa mehsoos karte hue tapaak se puchi,

Erica : K-Kaun hai woh ladki?

Veer : Ava-!!! She's none other than... Natalia Martin!

Erica (stands up) : Whaaatttt???

Apne pita ke wahi bol Erica ko fir yaad aa gaye. Chaahe kuch bhi ho jaaye Natalia Martin par bharosa mat karna. Aur, yaha woh usi Natalia Martin ke bharose pehle hi baithi hui thi.

Erica : U-Uss par bharosa nahi kar sakte hum. Hai na?

Uske sawal par Veer khamosh raha. Uski chuppi ko dekh Pari ne kaha.

[Boy-!!! What are you thinking?]

'Woh move...! Maine wo knife feki thi uss Jaw Long ki taraf.'

[Yeah, so? Pata laga liya hai humne already ki uske paas koi dodging skills nahi hai.]

'Ho sakta hai...! Par-! Maine woh sirf isliye nahi feki thi.'

[Huh!?]

'Aura vision!!! Non living things nahi dekh sakti-!!'

Pari ne jaise hi ye suna uske dil ne jaise ek dhadkan phaand li. Agar woh yaha uske saamne khadi hoti toh uske badan me khade hue raungte Veer saaf saaf dekh paata.

[You fucking-! Hahahahaha!!!!]

Woh zorro se hassne lagi.

Aura vision non living things nahi dekh sakti thi jab tak ki use upgrade na kiya jaaye. Yahi kaaran tha jo Jaw Long Ava ke dwara nikaali gayi katana se itna bhaybheet hoke dur bhaag raha tha.

Kyuki, use katana dikhayi hi nahi de rahi thi. Woh sirf Ava ke haath ke movements ko padh andaaza laga ke uss se ladd raha tha. Ava ke haath me hathyaar kitna lamba tha woh bas iska anumaan hi laga sakta tha. Aur, isliye woh Ava ki guns se bhi bhaagta raha. Na hi woh guns dekh paa raha tha aur na hi bullets. Kyuki, ye sab non living things thi.

Veer ne na sirf woh knife fek ke ye check kiya ki Jaw Long ke paas koi dodging skills thi ya nahi, balki ye bhi check kar liya tha ki Jaw Long ne Aura vision upgrade ki hui thi ya nahi. Aur, isi ke chalte use ye baat bhi pata lag gayi ki Jaw Long ke paas Aura vision ko upgrade karne ke paryapt points nahi the.

[If I would have been in my physical form. I swear I would have crushed your head while hugging you. Hahahahahahaha!!!]

Pari ka excitement iss waqt charam pe tha. Agar woh saamne hoti toh uske chehre par ek khaufnak muskan feli hui hoti.

'It's time for Round 2!'

Gehri saans lete hue Veer uth khada hua. Badan abhi bhi dard kar raha tha. Ghaav abhi bhi gehre the. Magar, samay yaha baith ke araam farmaane ka nahi tha.

Erica : U-Utho mat! Just rest! Bleeding abhi abhi band hui hai. Agar, tum zyada chaloge firoge to ho sakta hai firse shuru ho jaaye.

Veer : I need to go-!

Erica : What???

Veer : Erica! Kya tum mujhe yaha reh ke protect kar rahi thi?

Erica : Uh-huh! M-Mujhe mission bhi mila tha.

Usne jaise hi bola, uske mann me tabhi ghanti bhi baj uthi.

*Ding*

['Mission : Safeguard Veer until he recovers' is completed.]

*Ding*

[You have been rewarded with the skill 'Basic Seer Vision.']

[Skill : Basic Seer Vision.
Description : Allows the host to witness all the events that transpired at a particular place within an hour prior from the running time.]

Erica : O-Oh! Mission poora ho gaya.

Veer : Thanks!

Erica : Ehh??

Veer : Meri safety ka dhyan rakhne ke liye thanks. You... have grown up!

Erica : ...!!!?

Veer : Now I need to fulfill my role.

Erica : Wait-! Tum iss haalat me-

*Whoosh*

Kintu, uski baat adhoori hi reh gayi. Kyuki, Veer hawa ke jhonke ki tarah waha se jaa chuka tha.

Erica (shouts) : Veeeeerrrrrr!!!!

***

'I think... This is the end, Lily!'

[Noooo-!!! Get up and run!!!]

'I... I can't-! Mere perr kaanp rahe hai.'

Jaw Long uske saamne uski maut bann ke khada hua tha. Ek hit me hi Ava ka shareer atyadhik damage le chuka tha. Endurance kam hone ka nateeja tha ye.

Jaw Long bhi kaafi ghayal tha. Magar, Berserk use tike rehne ki himmat de raha tha. Usne apna haath hawa me uthaaya aur uss tribal ke aadmi ki tarah woh Ava ke sarr ke chithde udaane hi wala tha jab-

Bagal se aati ek zordaar kick ne use dur girne par majboor kar diya. Jab Ava ne saari umeedein chorr di thi, tab ek baar fir Veer uske saamne aake khada ho gaya.

Ava : !!!??

Veer uski taraf peeth kar ke khada hua tha. Woh nahi jaanta tha ki iss waqt Ava ki aankhon me aasu the.

Veer : I told you to never show me your face. Right?

Ava : ...!

Woh khamosh rahi. Apna sarr jhukaate hue woh apne hontho ko daanto se kaat khud ko dosh dene lagi. Kya kar sakti thi? Woh apne dil ke aage bebas thi.

Veer ne aage kuch na kaha. Woh bas Jaw Long ki taraf daud pada. Aur, idhar Ava ke chehre ke bhaav taajub me tab badle jab use apne mann me woh notification sunayi diya.

*Ding*

[Veer's favorability has increased to 20.]

Ava bas aashcharya me dur jaate Veer ki peeth ko dekhti reh gayi.

'V-Veer-!!?'

Veer Jaw Long se bhid baitha. Berserk ko khatam hone me abhi 2 minute baaki the. Woh tez raftar ke saath uske paas pahucha. Jaw Long ne jaise hi Veer ki taraf apni kick maarni chaahi-

Veer neeche jhuk gaya. Zordar force waali kick uske sarr ke upar se nikal gayi. Aur, Veer ka taqat se bhara mukka seedha Jaw Long ki jaangh pe jaa ke laga.

*Pooowwww*

Uska santulan bigda aur woh ladkhadaya. Mauka dekh Veer seedhe uske peeche gaya. Uske dono haath Jaw Long ki kamar par lipte-

Aur, agle hi shan itna bhari bharkam Jaw Long hawa me tha. Peeche se Veer ne use uthaaya aur peeche hi le jaate hue-

*Baaaaaaammmmm*

Neeche zameen par use sarr ke bal patak diya. Zameen par ek crater bann gaya.

Haafte hue Veer Jaw Long ki kamar ke peeche se baahar nikla. Sarr par bahut zorr ke padi thi Jaw Long ko.

'Did I... win?'

Veer abhi khade hue ye soch hi raha tha kyuki Jaw Long koi bhi harqat nahi kar raha tha. Par, achanak hi-

'Shit-!!!'

Jaw Long ne akasmat hi uske ankle ko apne haath me jakad liya. Uski pakad itni mazboot thi ki uss se chhootna namumkin sa tha.

Jaw Long uchakta hua Veer ko apne saath hawa me upar le gaya aur fir-

Usne itni zorr se neeche Veer ko patka ki ek shockwave uss poore ilaaqe me fel gayi. Sahi samay par Pari ne Bone Reaper equip kar liya warna Veer ki haddiyon ko aaj choorma bann jaata.

"Veeeeeer-!!", Ava dur se hi kamzor awaaz ke saath uski orr chillaayi. Lekin, koi fayda na tha.

Veer ka ang ang dard se tadap raha tha. Magar, Jaw Long wahi par nahi ruka. Usne punah Veer ke perr ko kheencha aur use-

*Craaaassshhhhh*

Ped se bhedte hue ped ke tukde kar diye. Veer ek baar fir khoon se lathpath dur jaata hua gira.

Jo bhi bleeding pehle ruki thi woh dheere dheere wapas se behna shuru ho rahi thi.

[Agar, aise hi chalta raha toh tum blood loss se hi marr jaoge.]

Tabhi-

*Swoosh* *Swoosh*

*Swoosh* *Swoosh*

Kuch teer Veer ke ird gird golaayi me jaa ke zameen par dhansne lage. Parantu, woh sirf teer nahi the. Unke chorr par insaano ki asli khopdi latki hui thi.

Berserk ka samay samapt ho chuka tha. Jaw Long wapas se apne hosh me aa chuka tha.

"Shebaaaaaa-!!!!"

Baaj ko awaaz lagaate hi woh baaj jaise ishara samajh kahi udta hua chala gaya.

Jaw Long fir Ava ki taraf badhne laga. Usne Ava ke baalo ko apne haath me jakda aur use kheenchte hue le jaane laga.

"Nnnghhh!!!"

Veer ne apni ardh khuli aankhon se jab ye dekha toh himmat kar woh uthne ki koshish karne laga. Magar, dard ke chalte woh wapas se gir gaya.

'N-No-!!!'

[Tumhari chaheeti ko baalo se pakad ke woh le jaa raha hai. Toh? Ab kya karoge tum?]

'Pari-!!'

[Fufu~ Yes?]

Bhaagti hui aayi Erica ne jab ye manzar dekha toh ek sihran uske badan me fel gayi. Ava ko bachaane ke liye usne apna boomerang Jaw Long ki orr feka.

Toh, Jaw Long ne ek haath se uss boomerang ko pakad liya.

Erica : K-Kaise-!?

Woh majbooran uski orr bhaagi. Peeche nahi baith sakti thi. Magar, nateeja wahi. Erica ko pakad ke jaise hi Jaw Long ne ek ped se bheda, bechari Erica ke sarr se khoon behna shuru ho gaya. Sirf do mukke hi kaafi the Erica ko ghaayal karne ke liye. Dono haatho me do sundariyo ke kesho se unhe jakadte hue Jaw Long unhe zameen me ghaseetata hua le jaane laga.

Veer apna haath aage badha ke unki taraf jaane chaahta tha. Lekin, uska shareer jawab de raha tha.

[What are you gonna do now?]

Pari toh jaise uski iss haalat par lutf le rahi thi. Jaise woh kuch soch ke baithi hui thi.

'A-Ava-!! Erica!!!'

Jaw Long ne unn dono ko bhi ek ek jagah par patak diya. Aur, unn dono ke ird gird bhi teer zameen par baari baari khuse hue the. Aur, unke chhor se insaano ki khopdiyaan latak rahi thi.

Jaw Long zameen par baitha. Aur, tabhi-

*Keaaaarrrrrr*

Sheba akaash me udta hua uski orr aane laga. Uske panjo me kuch tha jo bilbila ke tadap raha tha. Ek murga!!!

Murge ko hawa me chorrte hue Sheba wapas se ped ki daali par baithne chala gaya. Toh wahi Jaw Long ne uss murge ko pakda aur apni vidhi ko shuru karne ke liye taiyaar ho gaya.

Uske muh se vichitra bhaasha me bol nikalne lage. Aisi bhaasha... Jise Veer kya, kisi ka bhi system pehchaan na saka.

[He's using Gong Tau!!!]

Pari ke bol tabhi Veer ke mann me goonje.

Gong Tau ek black magic skill thi. Aur, iska upyog karne ke peeche ek hi kaaran tha ~ Laalach!

Gong Tau ek vashikaran ki kriya thi. Jiski madad se targets ko control kiya jaa sakta tha. Vashikaran hone ke baad agar targets ko maar diya jaaye toh unke saare cards aur skills Jaw Long ke paas aa jaane waale the.

Isi laalach ke peeche woh iss kriya ka upyog karne laga. Woh kuch padhta jaa raha tha. Aur, nirantar uski awaaz badhti jaa rahi thi.

Achanak hi-

*Rattle* *Rattle*

Teer par khusi khopdiyaan apne aap kampan karne lagi. Kad-kad ki awaaz ke saath woh thar-tharaane lagi. Hawaaein tezz ho gayi. Aur, Jaw Long ne fir uss murge ko pakda-

*Slit*

Uske gale ke paas ek cut maara...! Murge ko latkaya toh uska khoon neeche tapakte hue kisi vichitra si dikhne waali cheez par girne laga.

Khoon kuch maatra me giraate hi Jaw Long ne uss murge ko feka toh murga apni peeth ke bal hawa me perr kiye zameen par gir pada. Jaw Long ne ye dekh haami bhari. Iska matlab tha ki aatmao ne uski kriya ko sweekar kar liya tha.

Aur tabhi-

Woh murga jiska gala kaata gaya tha woh apne aap uth khada hua aur pankh fad-fadaata hua waha se bhaag utha. Idhar Jaw Long apni kisi prakar ki tantra vidyao me wapas se lag gaya.

Aur, ab Veer ko apne shareer me kuch gadbad mehsoos hone lagi. Sirf Veer hi nahi, Ava aur Erica ka bhi yahi haal tha.

[He's taking control of your body...! Agar tumne kuch nahi kiya. Toh, sab khatam hai.]

'P-Pari-!! Help me-!!!'

Veer ki bahut kamzor awaaz uske mann me aayi.

[Hmm? I didn't hear you-!?]

Jaw Long ke garajte bol apna asar kar rahe the. Veer samet Ava aur Erica ke haath apne aap unke gale par jaake jakad gaye. Woh sabhi apne apne gale ko kass ke dabaane lage. Erica aur Ava dono ki aankhon me aasu the.

Jaha ek taraf Ava haar maante hue sab kuch sweekar kar chuki thi aur mayus aankhein liye Veer ko dekhti jaa rahi thi jaise ye antim shan tha ek dusre ko akhiri baar dekhne ka toh wahi Erica ka chehra kuch aur keh raha tha. Use dekh ke lag raha tha maano jaise woh marrna nahi chaahti thi. Bebasi uske chehre par saaf jhalak rahi thi. Aankhon se mote mote aansu uske gaalo se behte hue gir rahe the.

'Pariiii-!!!'

[Hmm?]

'H-Help me-!!'

[Ohh? Mujhe kuch sunayi nahi de raha! Fufu~]

'I beg you-!! Please!!!'

[Ohh!! Waqai?]

'Please!!'

Veer ki saansein ukhdi ukhdi aa rahi thi. Pari kuch derr shaant rahi. Veer ke haath apne aap gale ko dabaate hue kasste jaa rahe the.

"Urrghhh!"

'P-Pari...!!!'

Agle hi shan Pari ki awaaz thodi badal gayi. Maano jaise woh bhayanak gusse me uss se baat kar rahi thi.

[THEN...! ARE YOU WILLING TO GIVE YOUR BODY TO ME???]

'Huh!??'

[DO YOU WANT ME TO TAKE CONTROL? TO DEFEAT THIS PUNY LITTLE BASTARD?]

'H-Haan-!!'

[ARE YOU WILLING TO HAND OVER YOUR POINTS TO ME???]

Woh chillaayi.

'Haan! *Gwakh* H-Haan!'

[THEN GIVE THEM TO ME-!!!]

'Hmmm!!'

[YOU ARE DOING THIS BY YOUR OWN ACCORD. RIGHT???]

'Y-Yes-!!!'

[THEN GIVE ME... THOSE POINTS!]

'Hmmm-!'

Aur, tabhi Veer ke 5692 points jo usne emergency ke liye bachaaye the. Woh dhadalle se ghatne lage.

[YES...! YES...! GIVE THEM TO ME!! THAT'S RIGHT!!! KEEP IT COMING!! THE MORE THE BETTER...!]

Woh points kaha jaa rahe the, unka istemal kaha ho raha tha Veer kuch nahi jaanta tha. Woh toh Pari ki baat maan vivash hote hue apne saare points daav par laga diya tha.

[YOU MUST THANK ME LATER KID-!!! IT'S YOUR GOOD LUCK THAT I WAS HERE-!!! OTHERWISE, YOU WOULD'VE BEEN DEAD!!!]

Veer ki consciousness dheere dheere jaane lagi. Aur, kuch hi shano me woh behosh ho chuka tha. Pari ne poore shareer pe takeover kar liya tha. Ghatate ghatate Veer ke saare points zero par aake ruk gaye.

[Hahahahahahahaha-!!!]

Pari paaglo ki tarah hass rahi thi.

[Hahahaha-!!! THIS BODY...! IT'S WEAK!!! BUT YOU'RE LUCKY KID-!! BECAUSE I'M THE ONE POSSESSING IT NOW.]

Veer ka badan jab gale ko dabaate hue gir pada toh Erica ne rote hue apni nazre ferr li. Use laga ki Veer iss duniya se jaa chuka hai. Magar, Ava ki nigaahein ekdum Veer ke shareer ke upar sthir tiki hui thi.

Death Flag me aisa koi bhi notification nahi aaya tha. Woh jaanti thi ki Veer zinda tha.

Aur, fir-

Achanak hi Veer ka shareer gravity ke viruddh uski iccha ke bina upar uthne laga. Aas paas ke neeche bikhre sookhe patte kaapne lage. Uske uthate hi uski zulfo ne uski aankhon ko dhak liya.

Ava, Erica samet Jaw Long khud palat ke use dekhne par majboor ho gaya. Ye chal kya raha tha?

Jaw Long ko poora yakeen tha ki Veer kaafi damage le chuka tha. Uske baad bhi iss tarah uth khade hona...! Zaahir hai use hairangi honi hi thi. Use kya, yaha par uski jagah koi bhi system holder maujood hota toh uska bhi yahi reaction hota.

Na pehle kabhi aisa kuch dekha gaya, na suna gaya aur na hi aisa kuch hone ki kisi system holder ne kabhi kalpana bhi kari thi. Kintu, Jaw Long sab kuch mehsoos kar paa raha tha. Aur, ye sab kuch asal me ho raha tha. Uske saamne khada yeh naujavan ladka iska jeeta jaagta udahran tha ki aisa kuch bhi sambhav tha.

Veer utha. Uska muh achanak hi khula aur usne ek gehri saans muh se chorri. Kintu, raat me jangal me thand hone ke chalte uski garam saans dhue me tabdeel ho gayi. Aur, dhua uske chehre se chhatate hi uske hontho par ek bhayanak, daanavi aur kutil muskaan fel gayi.





'Huh!?'

Jaw Long ka badan iss baar ek jhatka khaaya, pal bhar ke liye shareer par ruye khade ho gaye. Thand iska kaaran nahi thi. Uski vidhi beech me hi ruk gayi. Harr insaan ka aura neele rang ka hota tha.

Par... Par kabhi bhi usne aisa kuch aaj tak nahi dekha tha. Veer ka aura...

Veer ke badan se jo aura nikal raha tha. Woh pichli baar ki tarah neele rang ka nahi tha. Uske badan se... Iss baar... Woh bhayanak gehre kaale rang ke aura ki lapto se ghira hua tha. Aura keval andar hi nahi tha. Balki, Veer ke badan ke baahar ird gird bhi lapte maarta hua nikal raha tha.

Aisa lag raha tha jaisa nark se koi bhayanak pishaach dharti par aa gaya ho. Jaw Long ne iske pehle bas aatmao ki nakaratmak urjao ke aura ko hi halke kaale rang se lipta dekha tha. Aura vision urjao ko bhi halke rango se dikhaane me saksham thi.

Bhoot, pret, pishaach jeevit praani nahi hote the lekin nakaratmak urja ka strotra zaroor hote the isliye, unka bhi kahi na kahi thoda bahut aura hota tha. Magar, woh aura itna prachand nahi hota tha. Kaali lapte zaroor hoti thi par behad maamuli si. Par, idhar-

Veer ke badan se bheeshan kaali lapte aise nikal rahi thi jaise maano uss par kisi ne aag laga di ho. Bas, farq itna tha ki lapte peeli nahi kaali thi. Beshaq, ye lapte kisi ko bhi dikhayi nahi de sakti thi.

Veer ke naye roop ko dekh Jaw Long do qadam apne aap peeche ki orr chala gaya. Woh samajh raha tha ki savdhani baratna kitna zaroori tha yaha par.

Kintu, Veer poori tarah se shaant khada hua tha. Uski aankhein uske baalo se chhipi hui thi aur muh se nikalti saans nirantar thand ke chalte bhaap me badalti jaa rahi thi. Uske hontho par saji muskan kahi se bhi uski prateet nahi ho rahi thi. Lag raha tha maano uske andar kisi aur jeev ne apna vaas kar liya ho. Kisi aur ne uske shareer par qabza kar liya ho.

Iss waqt uska roop bhayanak, raudra, aur prachand maalum pad raha tha. Yuhi nahi Jaw Long ne apne qadam peeche liye the. Chaah ke bhi Veer ki iss badli hui sthiti ke baare me use kuch pata nahi lag paa raha tha. Yaha tak ki uska system bhi iss paristhiti se anjaan tha.

[Kuch gadbad hai. Samajh nahi aa raha ki kaun se card ya skill ka istemal kiya gaya hai.]

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"
.
.
.
.
.
.
.
.
.
Aaj ke liye itna hi guys.
This update consists of 10.6k words. Ye thoda aur lamba jaata magar kisi bhi cheez ki zaroorat se zyada maatra haanikarak hoti hai. Isliye, ise yahi rokna sahi tha. Agle update me sab kuch samapt hai. Maine keh hi diya tha ki fight 4 updates legi. Teen update ho chuke hai. Bas ek baaki hai. Aur, uske baad shayad ek update aur rahega jo arc ke closure ke liye rahega. Update bahut late aaya hai jaanta hu. Par, mein vivash hu dosto. Baaki, likes thokne ka aur revos dene ka. Target apna 200 hi hai. Pahucha do. Agla update jald dene ki koshish rahegi.
Dhanyavad!

I never thought that I will read something like this, till now I have also read , this update is the best, I have become a fan of your writing, Werewolf brother, you have influenced me the most among the writers I have read in my life.

 

[kingxlegion]

200 ka target bhi pura ho chuka hy. Ab dekhain k warewolf bhai update kab dety hain...

Jis hisab sy ye update end hui hy tu agli update ka naam ye hona chahiye

"let the darkness take control"

Yaar update jaldi ki koshish karna plz... Wait karna bohat mushkil hy.

 

[Bruce The Bat]

Lagbhag ek saal ho gaya he mujhe wapis aaye iss kahani pe. 1 mahine se bas current update ko hi catch up karne me lag gaya
Amazing work Werewolf bhai. Har ek character bahut achhe se grow kara he ju ne. Ava ka betrayal hard tha par wo bhi fasi hui thi aur usko uske karmo ki saja bhi mil chuki, ab to uske paas koi he nahi jisko wo apna keh sake. Isiliye abhi veer ko bachne aayi he jisse wo mann hi mann apna manti he par dusri side se abhi rashta bandh he. Dhoka to ek tarah se garofano ne bhi diya par usko dosh nahi de sakte kyuki iss baar veer ne outsmart kar diya tha usko aur na garofano ka koi galat intent tha.
Har ek update me tumhari mehnat dikhai deti he. Iss update me bhi bahut badhiya action scene likhe he fir chahe wo veer ke ho ya Ava ke. Ava weapons chalane me expert lag rahi he just like baba yaga .. apni apni speciality he bhai sabki. Veer dimag se kaam leta, ladte samay bhi dushman ki tricks ka counter khojne me laga rehta he aur ye humne har fight me dekha he. Iss me bhi pata laga liya ki jaw long non living things ko nahi dekh sakta. Yahi presence of mind pari ko impress kar gaya jo itna hass rahi thi.
Last me bebas tha veer, kuch kar nahi sakta tha aur ye pari ka attitude ese time me sahi na laga, dusri personality hoti to kabka veer ko bachne ka upay de deti.. par ye wali personality jitni jaldi jaye utna achha.
Ek baat notice ki he yaha iss arc me, sabhi system owners aur unke system ke bich me bond ki. Rensu aur uske system ke bich mutual understanding aur respect he ek dusre ke prati jitna abhi tak dekha, Erica aur uski system ke bich ek caring guardian aur pupil ka bond he kyuki har samay Erica ko uski system salah deti he, usko choti choti details yaad dilati he for example veer ko bandage karna, isse shayad ye sabit hota he ki Erica new he abhi system ki understanding me. Wahi Ava aur uski lily ke bich me ek tarah se master servant type jesa kuch he, maybe I am wrong but something like kaera & Julia, Veer ke case me kuch sahi se clear nahi he kyuki har level pe uski pari ki personality change hoti rehti he. Dekhte he aage, abhi to dher sare secrets khulna baki he..
arc pura hote hi Veer wapis ghar hoga aur tab khas karke Tejal, kavya, Ragini ke liye kuch le jaye to achha he, aur Vese bhi lagta he Neha ki tarah Tejal kahi iss kahani me gift jala na de khair uss me Anshu thi jisko gift me chupa pyaar dikha tha yaha kon hoga ?? Aarohi one of the best character. Aarohi aur bhavna (saas bahu) ki jamne wali he kyuki dono shant swabhav aur dono ki priority veer he.
Ek suggestion bhi he bhai. Kahani me real brand lao, veer ki life ab aur bhi luxurious hogi aage chalke, Rolls Royce padi he ek, to aage Lamborghini, Porsche, Nissan bhi add kardo samay leke…. Aur ek vastu khas add karna bhai wo he watches. Imagine Nidhi ek ek paisa jod ke veer ke liye watch leti he aur veer ko khud pehnati he, kaera to Rolex, AGP ke niche koi lene na wali apne veer ke liye. Aur watch apne partner ko dena ek love ka strong bond bhi show karta he jesa real life me bhi dekha hi hoga.
Well ye sab to mere apne vichar he add karna na karna aap pe.. par itne samay baad kahani padh ke achha laga ab hope ye flow continue rahe..
hopefully ab Veer thoda time family ke bich rahe warna Ese to koi bhi relationship develop nahi hogi uski kisi ke bhi sath. Har samay bahar hi rahega to Ragini biwiyon wale taane hi dengi
Great work Werewolf.
BTW like this style of kiyotaka.

 

[Spiderking69]

Mega Update

Update - 177 ~ Berserk
[Note : Contains Gore related scenes.]​

Ab tak...

Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.

Woh bol the-

'Go and protect your loved one now.'

Ab aage...

Pedo ki daalo ke upar Erica chhalang maarte hue aage badhti jaa rahi thi. Hawa se uske baal lehra rahe the aur bauhe bechaini ke maare kasi hui thi.

'Veer!!!'

Badi mushqil se usne apne darr ke upar qaabu paaya tha. Kahi na kahi mann hi mann woh khud ko dosh bhi de rahi thi ki woh yaha aayi toh Veer ko bachaane thi magar khud hi sakpaka ke baith gayi. Kya aise woh apne pita ko proof karne waali thi ki woh ab frontline missions ke liye taiyaar thi?

Dekha jaaye toh galti uski bhi nahi thi. Woh kabhi bhi aisi paristhiti me padi nahi thi aur na hi usne kabhi aise drishya apni aankhon ke saamne dekhe the. Jis wajah se woh hamesha cheezon ko halke me le liya karti thi. Bilkul waise hi jaise ek kue me baitha mendhak, upar kue ki golayi se dikh rahe aasmaan ko dekh ye samajhne lagta hai ki aasmaan bas itna hi hai. Magar, baad me kue se nikalne ke baad use pata chalta hai ki aasmaan asal me kitna vishal hai. Aaj Erica ko poorn roop se abhaas ho gaya tha ki asli darr kya hota hai, duniya me kitne khatarnak log hote hai, apno ko khone ka bhay kya hota hai aur ek jaan ki qeemat kya hoti hai.

'Hang in there.'

Bhaagte hue use kuch theek sa nahi lag raha tha. Jaise ye khamoshi use bechain kar rahi thi.

'Achanak se itni shaanti kyu chha gayi hai?'

[Something is off.]

Jaw Long ke Animal Kingdom card ka asar khatam hote hi saare janvar waha se afra tafri me dur bhaag chuke the. Toh wahi neeche chal rahi Veer aur Jaw Long ki ladayi bhi Veer ke ghayal hone ke chalte lagbhag samapt ho chuki thi. Yahi kaaran tha ki ab Erica ko koi bhi shor sunayi nahi de raha tha. Magar, jitni vatavaran me khamoshi fel rahi thi Erica ki bechaini utni hi badhti jaa rahi thi. Kahi ye kisi anhoni ke ghatit hone ka sanket toh nahi tha? Woh nahi jaanti thi. Woh toh bas itna jaanti thi ki Veer ko iss daldal se baahar nikaal ke use sahi salamat wapas leke jaana hai.

[Woh dono yaha nahi hai, Erica. Ab ya toh woh pul ke uss paar gaye hai ya fir neeche.]

Erica dusre pul tak pahuch chuki thi jaha se Veer neeche gira tha. Pul ke uss paar se toh use koi bhi dhwani sunayi nahi di. Ab yaha se talashi karne ke do raaste the.

'Kaha gaye honge woh? Aage dekhe Genie?'

[Mere khayal se aage badhne se pehle hume neeche dekh lena chahiye. Neeche bhi kaafi jagah hai. Jangal neeche bhi hai. Neher ke uss orr dekho Erica.]

'Par bhala neeche kyu jayega woh?'

[Kyu nahi jayega woh? Judging by how he was escaping from those animals... There's a high possibility he might have chosen that route. Zara socho. Itne saare janvaro se bachne ka sabse behtar vikalp kya ho sakta hai? Insaan kaha jayega? Seedhe raaste par jaha janvar lagatar uska peechha kare? Ya fir neher ka sahara lete hue dusre chhor par jaha janvar aa hi na paaye?]

'You have a point, Genie! Theek hai toh fir. Pehle neeche hi talashi lete hai.'

Nirnay lete hue Erica pul ke madhya aayi, neeche dekhi, aur bina jhijke iss baar paani me kood gayi.

*Splaaaashhhhh*

Chhapak ki awaaz ke saath girte hi woh tairte hue fauran chhor par aayi aur khud ko neher se nikaalte hue ek gehri saans chhori. Iss baar usne paani me koodne ke liye koi shikayat nahi ki. Woh jaise sthiti ki gambheerta ko ab samajh rahi thi. Woh sambhalte hue aage badhi. Dheere dheere woh jangal ki gehrayiyo me pravesh karne lagi. Daudate daudate hi use kuch derr baad zameen par dur kuch nazar aaya. Aur, jaise hi woh aakriti uski nazro me aur spasht hui uski aankhein darr ke maare fel gayi. Qadmo ki gati aur tez ho gayi.

'N-Noooo-!!!!'

Ghabrahat! Ek ajeeb si ghabrahat uske andar janm li. Seene me vichitr sa ek bharipann mehsoos hua aur geele badan pe raungte khade ho gaye. Dur zameen par Veer ka shareer khoon se lathpath bejaan sa pada hua tha. Erica ki toh jaisi saari umeedein hi toot gayi. Kya usne derr kar di? Kya woh sahi samay par nahi pahuch paayi? Tamaam sawaal uske mastishk aur dil dono par chot karne lage.

Woh tez raftar se Veer ke nazdeek aayi aur ghisatate hue khud ko roki. Jhukte hi usne Veer ke sarr ke peeche ek haath le jaate hue uske sarr ko badi hi savdhani se uthaya aur apne kaan ko neeche uske seene par le jaate hue lagaya. Aur-

*Ba-dump*

*Ba-dump*

Agle hi shan uski aankhon me aansu apne aap panap aaye. Dil dhadak raha tha..! Usne kabhi nahi socha tha ki kabhi kisi ki dhadkan sunn ke use itna sukoon milega, itni khushi milegi, itni raahat milegi. Ek dil ki dhadkan ka mol jaise aaj use pata chal gaya tha.

Kabhi usne nahi socha tha ki Veer jaise ladke ke liye woh aisa kuch mehsoos karegi. Pehle din se hi Veer aur uska rishta koi khaas nahi tha. Magar, iss waqt Veer ke dhadakte dil ki awaaz sunn jo woh mehsoos kar rahi thi, unhe shabdo me bayaa kar paana uske liye behad mushqil tha.

'Thank God-!! Thank God!!! You idiot!!! *sniff* You are alive.'

[Ek minute!! Agar, Veer yaha hai. Toh, Jaw Long kaha hai?]

Genie ke prashn karte hi Erica ko jaise dhyaan aaya. Khatra woh janvar nahi the. Asli khatra toh Jaw Long tha. Uske baare me sochte hi uski aankhein satarkta ke chalte fel gayi.

Woh idhar udhar apni gardan ghumate hue chaaro orr dekhi. Magar, Jaw Long kahi bhi use dikhayi nahi diya. Woh toh aise gayab tha jaise cheel ke ghosle me maans.

Aur, tabhi-

*Booooooooommmmmm*

Dur use kuch shor sunayi diya. Aisa lag raha tha maano do log aapas me lad rahe the.

'What? What's happening?'

Uske sawal ka jawab bhi use jaise agle hi pal mil gaya. Dur jangal ki gehrayiyo se nikalta hua Jaw Long bhayanak tez raftar me uski orr hi aa raha tha. Ek shan pehle uski koi upasthiti nahi thi aur agle hi shan woh khud uski orr pagal saand ki tarah dauda chala aa raha tha.

'Huh!?'

Jab Erica ne danav jaise Jaw Long ko apni orr aata dekha toh maano uski haalat hi patli ho gayi. Jaise jaise woh nazdeek aa raha tha uski aakriti badhti jaa rahi thi. Asal me woh kitna vishal tha ye ab Erica ko samajh aa raha tha. Jaw Long ke haatho me uska wahi bada sa kulhada bhi tha. Ek baar hi uske chalane par Erica ke shareer ke do tukde ho sakte the.

Ye sochte hi woh bechari itna ghabra gayi ki usne neeche letey Veer ko apne seene se lagaya aur aankhein band kar apne haath khade kar diye. Agar, yahi unka ant tha... Toh wahi sahi.

Magar, iss se pehle ki Jaw Long unn tak pahuchta-

*Whooooooosshhhh*

Ek saaya unn dono ke beech aake khada ho gaya. Jab aakriti spasht hui toh pata chala ki ye Ava hi thi. Erica ne jab khamoshi ko mehsoos kar apni aankhein kholi toh apne saamne Ava ko khada dekh dang reh gayi.

Aur, uske hosh aur bhi zyada tab ude jab usne Ava ko check kar ye pata lagaya ki woh bhi ek system holder thi.

'Whattttt!!?? Wh-Who is she!?'

Ava agar chaahti toh camouflage activate kar woh fake status dikha sakti thi. Parantu, usne aisa na kiya. Veer ko dhoka dene ke baad se jaise use iss skill se nafrat si ho gayi thi.

Woh Jaw Long ke saamne nidarta se khadi hui thi. Usne apne kandhe ke upar se peeche halka sa mud Erica ko dekha jisne apne seene se Veer ko laga rakha tha. Uski nazre Erica ke seene aur Veer ke chehre par kuch zyada derr hi tiki rahi. Kuch shan baad woh boli.

Ava : Kuch samjhane ka time nahi hai. Uske wounds deep hai. Uska system andar hi andar bleeding ko rokne ki koshish kar raha hoga. Tab tak uski safety, mein tumhare haatho saunpti hu.

Erica itni zyada confused thi ki use kuch bhi samajh nahi aaya. Kaun thi ye ladki? Kar kya rahi thi ye yaha? Aur, Veer ko kaise jaanti thi?

Erica (frowns) : Who are you?

Ava : I'm... I'm someone who owes him a debt.

Erica (frowns) : Ye mere question ka answer nahi! Who exactly are you? Aur, mein tum par bharosa kyu karu?

Ava (smiles) : Kya waqai iss waqt tum ye sawal puch rahi ho? Saamne dekho apne. Agar, mein yaha se hatt gayi toh anjaam kya hoga?

Erica ne jaise hi Jaw Long ko dekha jo abhi tak satark hue unke saamne khada tha, uski bauhe ghabrahat ke chalte sikud gayi. Ava ki baat sahi thi. Agar, woh unke saamne se hati toh woh dono hi maare jaane waale the.

Ava : Shayad ab tumhe samajh aa gaya hoga ki tumhe mujhpe bharosa kyu karna chahiye. Right?

Erica : ...

Ava (exhales) : Take care of him! Use abhi move mat karna. Warna, blood flow hota rahega. Bleeding ruki nahi hai. Bas, uski hifazat karo. Bleeding ke rukte hi use yaha se leke nikal jaana.

Erica chup chaap sab kuch sunn rahi thi. Sawaal dher saare the uske mann me magar filhal unhe taal dena hi behtar tha. Kya iss ladki par bharosa kiya jaa sakta tha? Uske Dad bhi yaha nahi the. Ek decision hi unn dono ki life ya toh bacha sakta tha ya fir khatam kar sakta tha. Ek bahut badi zimmedari iss samay uske sarr thi.

Usne ek gehri saans lete hue fir apna nirnay liya. Haami bharte hue woh boli,

Erica (nods) : Theek hai! I'm trusting you.

Ava : Good! I will stall him until then. Yaad rakhna! Bleeding band hote hi tumhe use leke yaha se nikalna hai.

Erica : Hmm!

Aur, itna bol Ava wapas se apne saamne khade Jaw Long par focused ho gayi. Jaw Long jaan boojh ke hamla nahi kar raha tha.

Veer ke alawa uske saamne do do system holders maujood the. Zahir hai woh jaldbazi me koi galat qadam nahi uthana chahta tha. Aur, Ava ki woh zordar kick jo use padi thi. Uss se kahi na kahi use andaza lag gaya tha ki ye system holder ladki sirf kehne ki system holder nahi thi.

Woh kehte hai na, 'fook fook kar chalna hi samajhdari hoti hai.' Baad me dukhi hone se behtar tha ki abhi satark raha jaaye. Kisi tareeqe se woh Ava ko chakma deke yaha Veer aur Erica ko maarne ke liye aa toh gaya tha. Par, saamne khadi Ava ko dekh uske qadam sanshay me thame hue the.

Aur, Ava ne bhi jaise uske sanshay ka abhaas kar liya. Woh palak jhapakte apni jagah se gayab hui aur Jaw Long ki taraf lapki. Uske haath me ek katana talwar uski sheath se bahar nikli aur seedhe Jaw Long ke gale ki orr badhi.

Kuch bura abhaas hote hi Jaw Long ki aankhein sankat ke chalte chaudi ho gayi. Bhay ke maare woh peeche hua aur isi prakar Ava Jaw Long ko Veer aur Erica se dur karne me safal ho gayi.

Toh wahi idhar Erica Ava aur Jaw Long ko bhidte dekh ek alag anubhav le rahi thi. Usne apna dhyaan Veer par jaise hi punah daala toh veh ghabra uthi.

'My god...!'

Veer ke zakhm gehre the. Erica ne apne jeevan kaal me kayi maut apni aankhon ke saamne dekhi thi. Par, kabhi bhi kisi system holder ko iss tarah ghayal nahi dekha tha.

Ek system holder ka iss tarah zakhmi hona kis baat ka saboot tha? Iss se ye pata chalta tha ki Jaw Long unke liye kitna bada khatra tha. Agar, Veer unki madad na kar ke Jaw Long ko yaha baandh ke na rakhta toh kya hota? Woh sochna bhi nahi chahti thi.

[He's badly injured.]

'Uss ladki ne kaha ki Veer ka system use heal kar raha hoga andar hi andar.'

[So, he does have a healing skill huh?]

'Pata nahi! Card bhi ho sakta hai. Lekin, ye ghaav...! Kitna dard saha hoga Veer ne Genie?'

Erica Ava ke chehre ko poori tarah se nahi dekh paayi thi. Ava uss se baat karte samay bas halka sa hi mudi thi, jis kaaran vash use Ava ki soorat poori tarah se spasht dikhayi na padi. Parantu, woh Ava ke baare me kaafi kuch jaanti thi.

Woh jaanti thi ki Ava ek system holder thi. Veer ko Crimson se bachane ke baad Renshu ne use kaafi kuch bataya tha. Use ab bhi apne pita ke saath kiya gaya woh sanvaad yaad tha.

'Woh celebrity Natalia Martin bhi ek system holder hai, Erica!'

'Really?'

'Hmm! Aur, uss ladke ki maut ka ek kaaran bhi bann sakti thi. Agar, mein sahi samay par waha na pahuchta toh-'

'Hmph! Aap jab se waha se aaye ho uss ladke ke baare me hi baat kare jaa rahe ho. Akhir kaun hai woh?'

'Haha! Jo bhi hai bahut hi kaabil naujavan hai. Aur, rahi baat ki kaun hai woh? Jald hi tumhe pata lag jayega. Mera ek favour hai uspe ab. Jise chukaane wo zaroor yaha aayega. Tab, tum khud apni aankhon se dekh lena.'

'Hmph! I don't care! Balki, aap celebrity Natalia ke baare me mujhe kuch bataiye.'

'Uske baare me mein zyada nahi jaanta aur na hi uss se mila hu. Lekin, itna zaroor pata hai mujhe ki uss ladke ko shadyantra me phasane waali woh bhi ek thi. Maine itna anuman laga liya tha.'

'Woh kaise?'

'Ladka jab samundar me doob raha tha tab maine use waha se bachaya tha. Uss dauran, woh Natalia Martin helicopter me upar baithi neeche nazre gadayi sab kuch dekh rahi thi.'

'Ohhh-!?'

'Lloyd ne mujhe bata diya tha ki wo bhi ek system holder thi. Mujhe poore shadyantra ke baare me jankari to nahi hai. Lekin, kaafi kuch anumaan mein laga sakta hu.'

'I see!'

'Uske paas camouflage kar ke ek skill hai.'

'Camouflage?'

'Hmm! Uski madad se wo nakli status laga ke ghum rahi thi.'

'Iska matlab-!'

'Haan! Usi ke chakkar me shayad wo naujavan ek khatarnak shadyantra ka shikar ho gaya. Kherr, woh zinda hai abhi yahi acchi baat hai. Shayad, tab uss Natalia ne Camouflage ko band kar rakha tha. Tabhi, Lloyd use check kar paaya tha. Aur, asliyat ka pata laga paaya tha.'

'Hmm! Lekin, aapko kaise pata chala Dad ki Natalia ke paas Camouflage skill hai?'

'Kyuki jab maine use check kiya tha tab uska status mujhe dikhayi de raha tha. Woh nakli tha. Lloyd ne sahi pehchan baad me ki thi.'

'Ahh!'

'Erica!!!'

'Huh!?'

'Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'

'Jii dad. Mein aapki baat ka dhyaan rakhungi.'

Ye baatein use acchi tarah se yaad thi. Magar, uska dhyaan to abhi uski jaangh par sarr rakha yeh naujavan kheenche hue tha.

Genie chup chaap Erica ke emotions ko padh rahi thi. Kaise Erica ke kaanpte hue haath Veer ke zakhmo par haule se fir rahe the. Jaise wo ghaav dekh ke hi unhe mehsoos kar paa rahi thi ki kitna dard hua hoga Veer ko jab ye chotein uske shareer par aayi hongi. Uski sarsari nigaahein Veer ke uttam kataav waale badan par bhi fir rahi thi.

[Tum uski dressing kyu nahi kar deti? Hamare paas rakhi hui hai na?]

'Arrey haan! M-Mujhe to dhyaan hi na raha.'

Usne apni jebo me se dressing ke liye kuch first aid ki pattiyaan nikaali aur Veer ke ghaavo ko saaf kar unn par savdhani se baandhne lagi. Bhale hi inse zyada madad nahi milne wali thi par ghaavo ko khula chorrne se toh ye behtar hi tha.

Dressing baandhte baandhte Erica ki nazre baar baar Veer ke chehre par phir rahi thi.

'G-Genie-! I... I was just thinking... Veer ki kya favorability hai mere liye?'

Sawaal sunte hi mann hi mann jaise Genie muskurayi. Woh jaise bhaanp gayi ki ye sab kis orr jaa raha tha.

[Sach me jaanana hai tumhe?]

'N-Nahi aisi koi khaas wajah nahi hai. M-Mein toh bas yuhi- curious thi...! Isliye- socha ki-'

Apne baalo ki latt ko ungli se ghumate hue woh khusur-pusur karte hue boli.

[Uski favorability tumhare liye 90 hai.]

Ank sunte hi Erica ki jaise aankhein phati ki phati reh gayi.

'Wh-What-!???'

Use pata tha ki 70-80 ke upar favorability ka hona kya darshata tha.

Pyaar!!!

Samajh aate hi uske gaal laal tamatar ki tarah laal hote chale gaye. Par, agle hi shan, maano jaise Genie ne uske sarr par thande paani se bhari balti udel di.

[Hahaha! Just kidding. Asli favorability 22 hai.]

'Y-You-!!! Genieeeeee!!!!'

Woh mann hi mann Genie par barsi. Toh wahi Genie uska reaction dekh aur zyada thahaake lagaane par majboor ho gayi. Genie jaan boojh ke mahaul ko halka karne ki koshish kar rahi thi. Aur, usme woh poori tarah se qamyab thi. Erica ka aisi sthiti me calm hona behad aavashyak tha.

'Ahinda se aisa tumne kabhi kiya na, toh mein tumhe sleep mode me daal dungi.'

[What?? H-Hey! Wait a minute! It was just a joke. Okay? Aur, maine ab bata to di asli favorability. It's 22. Twenty two. Jise dusri bhaasha me-]

'Haan pata hai!! Sunn liya maine. Sunn liya. I-It's not even a good number. Why are you yelling so much??? Enough! Sunn liya maine. 22 hai. I know! Hmph!'

[What? Kya tum chaah rahi thi aur zyada ho?]

'Wh-Who cares? *blushes* Ahem! Anyways! Mera ek sawal hai. System jab ek dusre ko check nahi kar sakta toh ek dusre ki favorability kaise bata deta hai?'

[Hmm! A very good question.]

'Please, ab baatein mat ghumaana.'

[Nahi nahi! I will tell you. Look! Hum sabhi system ek dusre ke prati satark rehte hai. Koi bhi system ye nahi chaahta ki agla system unke stats dekh paaye. We are afraid of each other.]

'Afraid?'

[Hmm! System apne stats ko hide kar sakta hai. Isliye, check karne par hume kuch bhi info haath nahi lagti. Ek prakar se ye hamara defensive mechanism hai. Par, Erica...! Emotions chhipaye nahi jaa sakte.]

'Ah!'

[Bhale hi stats hide kar diye gaye ho par feelings ko hide nahi kiya jaa sakta. Agla system holder tumhare liye kya bhaav rakh raha hai woh asaani se dikh jaata hai. Jaw Long ko dekhte hi uski ill intent humne mehsoos kar li. Zahir hai favorability minus me hai uski.]

'Right!'

[Wahi Veer ki 22 hai. Tumhare Dad ki tumhare prati 90 hai. Of course, it's all fatherly love.]

'Dad to meri chinta hi nahi chorrte. Mein badi ho gayi hu ab. *sighs* Toh aise work karta hai ye. Samajh gayi. Thanks Genie! Ohh! Look, woh ab saansein behtar dhang se le raha hai.'

[Uske system ne blood flow ko control me rakha hai. I think wo neend me hai.]

'Use araam ki sakht zaroorat hai. So, just-'

Iske pehle ki wo apni baat poori keh paati Jaw Long ki tezz dahaad ne uska dhyaan kheencha.

"Shebaaaaaaaaa-!!!!!"

*Keeeeeeaaaaaarrrrr*

Aur, beshaq...! Wahi baaj hawa me apne parr felaaye uske ek bulaave par haazir ho gaya. Sheba udta hua seedhe Erica ki orr aaya.

'Ahhh!'

[Careful!!]

Par, iss baar Erica ghabra ke dur nahi bhaagi. Usne apni peeth par peeche khusi hui kisi cheez ko baahar nikaala. Aur-

'This time...! I won't run!!'

*Fwoosh*

Seedha uss baaj ki orr usne wo fek diya. Wo cheez hawa me sansanati hui gol gol ghoom ke udte Sheba ko giraane ke liye aayi.

Sheba tezz raftaar se apni orr aa rahi cheez ko dekh baukhlate hue hawayi marg se hatt gaya. Aur, woh cheez jo hawa me feki gayi thi woh wapas se ek golaayi ka raasta apnaate-

*Thuck*

Erica ke haatho me aa thami.

Ek boomerang!!! Magar, koi sadharan boomerang nahi. Uske ird gird metal ke kuch nukeele tukde lage hue the. Kisi prakaar ki dhaar-daar blades. Jo nishchit roop se kisi ko ghayal karne ke liye hi lagayi gayi thi.

Metal bhi koi aisa wesa nahi. Ye tha titanium. Sabse halka aur mazboot metal. Aur, iss anokhe boomerang ki rachayita koi aur nahi ~ Swayam Erica thi.

Uska ek maatra card ~ Metallurgy!!!




Ek aisa card jo use saara gyaan, saari kshamtaye aur saara kaushal pradaan karta tha metals se hathyar banaane ke liye. Usne Garofano ke liye bhi kuch needles bana ke use di thi.

Erica ki aankhon me iss baar tej tha. Aur, uske mann me tabhi-

*Ding*

[Mission : Safeguard Veer until he recovers.
Rewards : Skill ~ Basic Seer Vision.
Mission failure penalty :
1) Loss of Order.
2) 10,000 points deduction.]

'Iss baar...! Mein peeche nahi hatne waali. Chaahe kuch bhi ho jaaye. Jab tak Veer recover nahi ho jaata! Mein yahi hu-!!!'

Aur, dur se use Sheba se ladta dekh, idhar Ava ke hontho par ek halki si muskan bikhar gayi.

***

Kintu, hua kya tha? Ava yaha kaise pahuchi? Woh itne din kaha thi? Veer yaha hai iss baare me use kaise pata chala? Aur, yaha aane ka uska maqsad kya tha?

Ye tamaam sawaal Veer ke mann me the behosh hone se pehle. Jinka uttar keval aur keval Ava hi apne muh se de sakti thi.

Kuch derr pehle...

Jab Veer eastside ki entrance se pravesh kar raha tha. Tab, woh nahi jaanta tha ki theek uske peeche Ava bhi use follow kar rahi thi.

[There he is, Miss! Thoda aur nazdeek jaa sakte hai hum. Itna peeche chalne ki zaroorat nahi.]

'Nahi Lily! Veer ke paas Beowulf hai. Senses badh jaate hai uske. Ho sakta hai usne activate kar ke rakha ho. Agar, mein iss se zyada nazdeek gayi toh wo meri presence ko mehsoos kar lega.'

[Ohh!]

Ava ne Veer ki aankhon me woh laal rang ki parat pehle bhi dekhi hui thi. Lily ne hi use khoj ke bataya tha ki Veer ke paas Beowulf card tha.

[Toh ab?]

'I will follow him from a distance.'

[Okay!]

'Lily...! What does he think of me now?'




[His favorability towards you is only 10.]

Ava ke chehre par ek muskan bikhar gayi. Magar, iss muskan me kahi na kahi nirasha bhi chhipi hui thi.

'10... is not a bad number.'

[My dear Miss! Is 10 really a good number?]

'Lily! Jo maine kiya tha...! Uske baad toh iss favorability ko minus me hona chahiye tha. *smiles* 10 is already a great number.'




[You've been smitten by him. *sighs* Kya hoga aage? I don't even know.]

'N-No-! That's not it! I-'

[Jhooth bolne ki zaroorat nahi hai. I can feel your emotions.]

Ava uske jawab me kuch na boli. Woh chupke chupke Veer ka peecha karti rahi. Veer jab uss blood trail ko laangh ke aage gaya toh Ava kuch shan wahi ruk gayi.

[Ye ek sensory type boundary ho sakti hai.]

'Andar jaane ke liye ise cross karna hi hoga.'

Aur, blood trail ko paar karte hue woh khud bhi Veer ki disha ki orr aage badh gayi.

Uske andar aate hi Jaw Long ko do vyaktiyo ke andar ghusne ke baare me pata lag chuka tha. Magar, Ava jaise pehle hi sab kuch plan kar ke chal rahi thi.

Seedhe taur par ladayi me na ghuste hue woh ped ki daali par baithe dur se sab kuch dekhti rahi.

'Yaha se mein uss par nazar rakh sakti hu. Jaise hi situation bigdegi, mein waha pahuch jaungi.'

Sirf Erica hi nahi thi, Veer ko unn janwaro se bhaagta dekh Ava ka badan bhi kaanp utha tha. Akele Veer ka waha ladna...! Woh kisi yoddha se kam nahi lag raha tha. Aur, uski woh nidarta se bhari chhavi Ava ke dil me aur nayi tarange utpann kar rahi thi.

Magar, akhir use Veer ke thikaane ka pata kaise laga? Yeh koi raaz nahi tha.

[Death Flag]

Wahi skill, jo Ava ne Veer par mark ki thi. Tab jab woh aur Suhana Las Vegas me uske concert me pehli baar daakhil hue the. Yeh wo skill thi jo ek vyakti ko mark kar ke rakhti thi. Ek seemit range tak uss vyakti ke zinda ya mrit hone ke baare me batati thi.

Tab se leke ab tak Veer par Death Flag ki woh marking bani hui thi. Kintu, Veer ke ruth ke jaane ke baad, Ava ne kuch kiya tha. Apne system ke saath. Uski system Lily ko bhi saari baatein yaad thi. Island par Veer jab use akela chorr ke chala gaya tha. Uss raat-

'Lily!'

[Yes?]

'Upgrade Death Flag's range!'

[What?]

'Suna nahi tumne? Maximize the range.'

[Jaanti ho na upgrade ke liye kitne points lagte hai? The first upgrade will take 5000 points. And, the second upgrade will take 10,000 points. Total 15,000 points.]

'Yes! Jaanti hu! Do it!'

[My dear Miss! Why are you so determined? Kis liye itne points ikhatta kiye the? Ab jab hum itna close hai Maisie's cure ke liye, you want to waste them on Death Flag's upgradation?]

'Lily!!!'

[Fine then!]

*Ding*

[Death Flag's range has been maxed out.]

'Good!'

Yahi woh pal tha jab Ava ki skill Death Flag ki range maximum ho chuki thi. Na sirf ab woh jeevit ya mrit ke baare me bataane me saksham thi balki, insaan ki ab location bhi woh saaf saaf dekh sakti thi. Veer duniya ke kisi bhi kone me hi kyu na rahe, agar Death Flag uss par marked thi toh Ava uski location ko asaani se dekh sakti thi.

Woh uss tak jab chaahe tab pahuch sakti thi. Aur, isi tarah woh yaha Veer ko dhundh paayi.

Veer ka achanak Mumbai chorr yaha China aana. Woh jaan chuki thi ki kuch gadbad thi. Yahi kaaran tha jo woh khud yaha chali aayi. Aur, uska sanshay ekdum sahi tha.

Aaj woh yaha na hoti toh Veer bahut bade jokhim me pad jaata. Kam se kam ab woh uske liye kuch samay nikaal sakti thi. Aur, yahi uska prayshchit tha. Bhale hi... Uski jaan hi kyu na chali jaaye.

[I just don't understand. Why are you so focused on him? Kya waqai aapko uss se-!?]

'He...! He gave me happiness, Lily. Jab mein use trap me fasaane ke liye uske khilaf chaale chal rahi thi. Tab woh meri khushiyo ka dhyaan rakhte hue mujhe protect kar raha tha. Can you imagine it?'




[...]

'Maine kabhi nahi socha tha unn moments ko mein firse enjoy kar paungi. Meri asli khushiyaan Mumbai me hi thi Lily. Jab mein chhoti thi. Mera bachpan...! Kaera aur Sonia ko chorr ke aane ke baad woh saari khushiyaan jaa chuki thi.'

[...]

'Veer ka saath jaise mujhe unhi lamho me le gaya. Par, kya kiya maine uske saath? I don't deserve his friendship. I don't deserve to be around him.'




Ho na ho, Veer hi woh kaaran tha jiski wajah se aaj Ava jeevit thi. Warna, France ki unn vardato ke baad usne-

[W-Wait!!! What are you doing?]

Uska uss pahaad ki choti par khade hona. Aur, neeche khaayi ki orr dekhna.

[D-Dear! Stop it! What the hell are you doing? H-Hey don't scare me! Please!]

'There's nothing left now! I must go as well! Lily...!'

[W-Wait!! N-Noooooo!]

Woh khud khushi karne jaa rahi thi. Aur usne apna perr aage badha bhi diya tha.

[Noooooooooooooo!!!!!]

Par, usi waqt Veer ke akhiri shabd uske mastishk me punah goonj gaye.

'Go and protect your loved one now.'

Aur, usne apne santulan ko girne se bacha liya.

[You idiot!!! You scared the shit outta me. Ye... Ye kya kar rahi thi dear? Whyyy?]

'I'm sorry-!!! *sniff* I'm sorry, Lily. I'm so sorry!!! Maine tumhare baare me zara bhi nahi socha. N-No-!! I didn't even think of him either-!!'

[Huh!?]

'Usi ne kaha tha na!? Th-Then I must protect him!'

[Y-You-!!!?]

*Clang* *Clang*

Ateet se baahar aate hue Ava ki aankhein saamne Jaw Long ke harr move ko padhne me vyast thi.

Woh prahar karti jaa rahi thi magar Jaw Long peeche fall back karte hue khud ko bacha le raha tha.

Jaw Long uss se direct fight nahi le raha tha. Pata nahi kyu, par woh Ava ke hathyar katana se kaafi bhaybheet sa nazar aa raha tha.

Ava ne apni tactic turant hi badli aur apni jeb se usne handgun nikaal seedha dur khade Jaw Long ki upar taan di.

'Kisi wajah se woh mujhse directly nahi lad raha hai. Agar woh long ranged fight hi chaahta hai toh theek hai. He can have a kiss of my bullet.'




*Bang*

Jaise Jaw Long ne kuch bhaanp liya. Woh tezz raftar me daudta hua apni jagah se bhaagne laga. Aur, Ava ki bullets apne nishaane se choonk gayi.

'Shit!! Kaash mere paas perfect aim ki koi skill hoti.'

*Bang* *Bang* *Bang*

Bullets gun ki nozzle se nikalti jaa rahi thi, par harr baar Jaw Long apni speed ke chalte unse bachta jaa raha tha. Saari bullets ya toh hawa me ya fir pedo ke tane par lag unke parchhatte udhedte hue nikal gayi.

Ava ko bhi mission mila hua tha. Magar, uska mission Jaw Long se bhidant ka nahi tha. Uska mission tha~

[Mission : Stall the time.
Description : Don't let your loved one die.
Rewards : ??]

Koi bhi penalty nahi dikh rahi thi. Iska matlab... Penalty death thi. Aur, system ko kho dena.

'Veer se ladne ke baad lagta hai ye aadmi kaafi thak chuka hai. I might be able to take him down.'

[Filhal toh wo hamari saari bullets se bach raha hai. Hume use jald se jald ghayal karna hoga.]

'Toh ek baar me ek bullet enough nahi haan? Alright then!'

Agle hi shan usne apni jacket khol andar se ek aur handgun nikali. Aur, dono handgun Jaw Long ke bheje ki orr taan usne trigger daba diya.




*Bang* *Bang*

Do sansanati hui bullets guns se nikal Jaw Long ki chithde udaane ko aayi. Lekin, lagatar tez gati se bhaag raha Jaw Long unhe chakma dene me qamyab raha. Magar, khel yahi samapt nahi hua tha. Fire karte hi Ava ne unn dono guns ko upar hawa me ucchaal diya. Guns hawa me upar gol ghumti hui gayi aur tabhi-

Ava ne apni jacket punah khol aur do handguns usme se nikali. Unse fir se bhaag rahe Jaw Long ki taraf nishana lagaya. Aur, iss baar jaise Jaw Long ke chehre par dehshat saaf nazar aa gayi.

*Bang* *Bang*

Hawa ko cheerte hue woh bullets uske maans me dhassne ko aayi aur Jaw Long darr ke chalte ped ke peeche jaa dubka. Woh bullets ped ke tane ko ukhaadte hue usme jaa dhansi.

Idhar Ava ne haath me pakdi dono guns ko bhi turant hi hawa me uchaal diya. Jaise hi usne ye guns hawa me feki, pichhli do guns jo usne pehle se hi hawa me feki hui thi woh gravity ke chalte tezi se neeche aayi.

Unhe punah haath me thaam usne firse-

*Bang* *Bang*

Aur, wapas se unhe hawa me uchhal diya. Upar feki gayi baaki ki do guns fir neeche aayi aur iss baar unhe thaam-

*Bang* *Bang*

Woh do guns hawa me fekti, do se fire karti aur fir unhe hawa me fekti aur pichli do guns se fire karti. Ek baar me hi... Woh 4 handguns istemal kar rahi thi.

Aur, ye sab kuch itni tezi se ho raha tha ki aam insaan ko bas Ava ke haath ki dhundhli aakritiyaan hi nazar aati. Uske haath after images bana rahe the. Guns itni tezi se hawa me uchhal ke neeche gir rahi thi aur wapas se hawa me jaa rahi thi ki pata laga paana mushqil tha kaun si gun pehli waali thi aur kaun si dusri.

Usne itni bullets ped pe daag di ki ped ka tana hi toot ke bikhar gaya. Jaw Long kisi bheegi billi ki tarah ek ped se dusre ped ki aadh me khud ko chhipane par majboor ho gaya.

Ab tak close ranged fight me woh bada hi guroor dikha raha tha. Par, bandook ke saamne aate hi woh dubak ke chhupne par vivash ho gaya.

[Such skill of handling weapons. She's a skilled warrior.]

Yaha tak ki uska khud ka system bhi Ava ki weapon handling ki tareef karne me peeche na raha.

'Kai! Agar, aise hi chalta raha toh-'

Woh mann me kehte hue ek ped ki aadh lene bhaaga jab tabhi-

*Bang*

*Squelch*

"Urrrghhh!"

"Finally! I got him!"

Akhir kaar ek bullet ne apna kaam kar hi diya. Kandhe ke paas aake bullet maans ko cheerte hue andar ghusi. Aur, Jaw Long ki ek dabi dard bhari karah muh se nikal gayi.

'Agility badhani hogi, Kai!'

[Long! Tumhare paas sirf 3000 points hi baaki hai.]

Kehte hue usne uske mann me hi full status dikha diya.







'Jaanta hu! Lekin, Aura vision ko upgrade karne ke liye mere paas paryapt points nahi. Agility ki zyada zaroorat hai.'

[Accha? Aur, sleep ka kya? Bina sleep ke points nahi badhne waale. Stats me points invest karna bekar hai.]

'...'

Jaw Long kuch na bola. Kai ki baat sahi thi. Agar, agility me points invest kar bhi diye to bina neend ke woh nahi badhne waale the.

[Intezar kiska kar rahe ho? Apne trump cards ka istemal karo. Aur, jald se jald ye ladayi khatam karo. Straight way se ghuse Li Renshu aur unke aadmi kahi mine tak na pahuch jaaye.]

'Hmm!'

Kai ki baat maante hi Jaw Long ke ird gird ki hawa badalne lagi. Woh poori tarah se gambheer ho gaya. Wahi, yaha Ava ki bullets ki saari magazines khatam ho chuki thi.

Woh ab apni katana ko haath me pakdi wapas se close combat ke liye taiyaar thi. Magar, Jaw Long ke haav bhaav use satark rehne par majboor kar rahe the.

Aur, fir-

*Ding*

['Berserk' has been equipped.]

*Ding*

['Berserk' has been activated.]




Agle hi shan Jaw Long ka saara intelligence dhadalle se neeche girne laga. Ek ke baad ek uske intelligence ke 150 points girte chale gaye. Aur, usi ke saath ye points uski 180 strength me judne lage. Jaha ek taraf intelligence ghat raha tha toh wahi dusri orr strength badhti jaa rahi thi.

Berserk! Ek aisa card jo intelligence aur strength stat ke beech apna game khelta tha. Ek aisa card jisme intelligence ka balidan dene ke baad uske saare points strength stat me liye jaa sakte the.

*Ding*

[Intelligence has reached zero.]

[Strength stat has reached 330.]

Intelligence ke saare ke saare points strength me jaa chuke the. Jaw Long ke ird gird ki hawa bhaari mehsoos hone lagi. Uske lambe baal hawa me lehrane lage.

330 ki strength. Akhir kitni taqat rakhti thi? Woh kisi pagal khule saand ki tarah ho chuka tha. Jo raaste me aaye kisi bhi insaan ke tukde tukde karne ko taiyaar tha.

[This is bad!!! I can feel it. He's using something. Dear! Distance leke hi fight lena. Woh kisi prakar ka card istemal kar raha hai. Uski taqat badhti hui mehsoos ho rahi hai. Be careful!]

Lily ki chinta janak awaaz Ava ke mann me goonji. Ava ki bauhe bhi bhay aur duwidha ke chalte sikudi hui thi. Jaw Long ka aura woh feel kar paa rahi thi.

Aur, tabhi-

"Haaaaaaaarrrggghhhh!!!"

Jaw Long dahaad maarte hue hawa me uchakta uski orr aaya. Ava ghabrate hue peeche koodi aur Jaw Long ka taqatvar mukka zameen par jaa gira.

*Boom*

Ava ne jaise hi uss jagah ko dekha jaha woh pehle khadi hui thi uski aankhein khauf ke maare fel gayi. Zameen ke chithde udd chuke the. Ek mukke se hi waha par crater bann gaya.

'Wh-What kind of power is he using?'

[Maine kaha tha na. Usne kisi prakar se apni strength badhayi hai. Warna iss tarah ka damage asaani se nahi kiya jaa sakta. Beware! Agar ek bhi attack hume laga, to hamare liye mushqil ho jayegi.]

'Yeah!'

Jaw Long par jaise bhoot sawar ho chuka tha. Ava ko maarne ke liye jaise hi usne dusra mukka feka, Ava peeche gulati maarte hue uss se distance bana ke bachi aur ped ki aadh lete hue peeche ho gayi.

Parantu, ped jaise hi Jaw Long ke mukke ke sampark me aaya-

*Smaaaashhhhh*

Aisa laga maano ped me kisi ne bomb laga ke chorr diya ho. Kyuki, kisi visfot ki tarah hi uske parchhatte udd gaye. Ped tukdo tukdo me toot ke hawa me bikhar gaya. Itna vishalkaay ped yu ek hamle se hi dhwast ho gaya. Ava ki haalat iss samay shabdo me bayaan kar paana mushqil tha. Usne aaj tak aisi taaqat ka namoona nahi dekha tha. Ghabrahat ab uske andar janm le chuki thi.

'Th-That's-!'

Woh abhi koi rann-neeti sochti ki tabhi kisi vyakti ki awaaz aayi.

"Hahaha! Koi bhi bhaag nahi sakta ab Lord. Maine saare pul ki rassiya kaat di hai. Ab sabko-"

Kehte hue woh nadaan tribe ka member jaise hi Jaw Long ke nazdeek aaya. Jaw Long ne uska kandha thaam use wahi jakad liya.

"Huh?"

Apne Lord ki bina aankhon ki putliyo waali chhavi qareeb se dekh uss tribe ke aadmi ka moot uski jaanghiya me hi nikal gaya.

"L-Lord?"

Aur, ye uske akhiri shabd the. Kyuki, palak jhapakte hi-

*Bammmm*

"A-Ah-!!!"

Ava ki aankhon me dehshat saaf nazar aayi. Saamne ka drishya dekh uska badan kaanp utha. Jaw Long ne aisa mukka maara ki uss tribe member ka sarr kisi tarbooj ki tarah fatt gaya. Khoon sahet dimag ke chhote chhote tukde, aur andhruni ang bhi kayi tukdo me vibhajit hote hue chaaro orr fel ke gir gaye. Uska bina sarr ka bacha hua shareer bhi ladkhada ke zameen par dhamm se gir pada.

Aur, vatavaran me khoon ki gandh fel gayi.

*Blurgh*

Ava ko vomiting jaisa feel hua. Usne iss tarah ki maut kabhi nahi dekhi thi. Neeche uss tribe member ke dimaag ke tukde, toh kahi aankh ki putliyaan, uske chehre ke alag alag ang dale hue the jo ab pehchan me bhi nahi aa rahe the.

Yahi tha Berserk card! Jo apno aur dushmano ke beech antar karne me asaksham tha. Jaw Long ne apna intelligence sacrifice kar strength ko apnaya tha. Ab 15 minute tak bas Berserk ka hi prakop chalne wala tha.

[He's a monster!]

'H-How am I gonna fight him?'

[Tabhi toh keh rahi hu. Iski koi zaroorat nahi. Just run and escape.]

'N-No Lily! I can't-! And, I won't! Mein use yaha chorr ke nahi jaa sakti.'

[You-!!!]

'I'm sorry, Lily. But please...! Help me this one last time.'

[ *sighs* Fine!]

*Ding*




['Vinona's Mark' has been equipped.]

['Vinona's Mark' has been activated.]

['Vinona's Mark' has been applied on the target.]

[20 minutes...! Sirf 20 minutes hai. Hume uss se tez rehna hoga. Tabhi uske attacks se bach payenge. Defensive hote hue uss par bas ek ek vaar karti jaana. 10 consequent hits lagte hi use 150% zyada dard pahuchega. Aur, bleed bhi apply ho jayega.]

'I know! Par, uss se bachna hi sabse bada challenge hai.'

[Lekin, hume karna hoga.]

'How many points do I have?'

[See for yourself!]

*Ding*







Ava ka full status uske samaksh tha. Points ki kami dekh usne apne nichle honth ko gusse me daanto tale daba liya.

'Sirf 1500!?'

[You purchased 'Rekkaken' and 'Judo Combat' last month. Aur, Masie's cure ke liye itne saare points Death Flag me istemal ho gaye the. Mission bhi itne time baad mila hai. Of course, we have a shortage of points.]

'Damn it!'

Ava zyada derr tak apni vartalap Lily ke sang na kar paayi kyuki, Jaw Long chhalaang maar apni jagah se uda aur use maarne ke liye aaya.

Vinona's Mark activate hote hi Ava apne Judo combat style ko apnaate hue stance me aa gayi.

'Come!'

Weapon Master card ki wajah se woh harr hathyaar ko chalaane me saksham thi. Magar, Judo Combat usne ab tak kisi pe istemal nahi ki thi. Ye skill nayi thi. Aur, uska pehla hi pratidwandi Jaw Long tha.

Jaw Long ka mukka uski kamar par lagne ko aaya toh Ava chhalaang maarte hue peeche hui aur perr zameen par rakhte hi-

*Whoosh*

Woh jhatke se Jaw Long ke peeche aayi. Aur, ek strike seedhe Jaw Long ki peeth par maari.

*Thuck*

Maarte hi woh hawa ki gati se peeche hatt gayi. Aur, ye ekdum sahi faisla tha. Jaw Long ne apni laat itni tezi me peeche ghumayi ki agar woh waha khadi rehti toh uski haddiya toh tootati hi saath hi woh kayi metre dur jaake girti.

Idhar strike padte hi Jaw Long ko jaise kaafi kshati pahuchi. Vinona's Mark marked target par 120% damage zyada karta tha. Ava ki strength 150 par thi.

150 strength ka 120% zyada damage. Matlab 330 ka physical damage. Ava khud bhi nahi jaanti thi ki woh itna damage kar sakti thi. Usne kabhi bhi Vinona's Mark ka itna istemal nahi kiya tha. Aur, na hi Judo Combat ka.

Woh nahi jaanti thi ki uska damage Jaw Long ke damage ke barabar pahuch chuka tha. Ya yu kahe ki usne uss detail par utna dhyan hi nahi diya tha. Jaw Long ko jaise hi peeth par woh vaar pada, uski peeth ki maans peshiyaan andar hi andar phatne ko ho gayi.

[Bas 9 hits aur...!]

Bleed apply karne ke liye Ava ko 9 baar aur vaar karna tha. Aur, woh bhi bina ek bhi attack apne upar liye. Tabhi, uske attacks consequent kehlaate.

Woh datt kar aage badhi. Magar, pichli baar wali chaal iss baar qamyab na ho saki. Jaisi hi woh Jaw Long ki taraf feint attack karne ko aayi.

Sheba na jaane achanak kaha se uske bagal se apne panje felaata use nochne ko aa gaya. Woh ghabrati hui jaise hi mudi-

Uss se yahi par galti ho gayi. Sheba apne pankh fad-fadata hua wapas upar uda aur Jaw Long ko yaha mauka mil gaya.

[Shit...! Dear, careful!]

Parantu, kaafi derr ho chuki thi. Ava jaisi hi wapas palti-

*Pooooowwwwwww*

Jaw Long ka punch uske pait par pada aur woh hawa me udti hui kayi feet dur jaa giri. Uske muh se khoon nikalne laga.

Internal bleeding!!!

[Dear...!]

Lily chintit swar me chillaayi. Aisa lag raha tha maano andar ki saari atadiyo par 100 kilo ka wazan rakh diya ho. Uski saansein ukhdi ukhdi prateet hone lagi. Jaw Long ka endurance 200 par tha. Magar, wahi Ava ka maatr 150. Zahir hai uski dard sehen karne ki kshamta Jaw Long se kam thi.

"Urgghhh!!!"

[D-Dear-!!]

Na chaahte hue bhi Ava apne ghutno par gir padi.

'It hurts like hell...! Urrghhh! L-Lily!'

[Y-Yes!!?]

'Aisa lag raha hai jaise andar se kisi ne mere ango ko noch ke daba diya ho. Ahhh-!!'

[Bear with it, dear. Just bear with it.]

Magar, use react karne ka samay hi nahi diya gaya. Jaw Long uske saamne aake khada ho gaya.

[N-No-!!! Dear!!! RUNNN!]

***

Jab Jaw Long aur Ava dur ladne me vyast the. Toh wahi Veer apni neend me kaafi recovery kar chuka tha.

Pari ne Beowulf ko kuch derr ON rakh Veer ki healing ko badha diya tha. Aur, jaise hi bleeding band hui, usne use wapas se band kar diya. Kyuki, woh jaanti thi ki Beowulf aage kaam aane waala tha.

Veer ki palke jhapki... Aur, woh apne hosh me aaya. Neend ki wajah se usne jo points pehle add kiye the woh ab invest ho chuke the.

[Are you awake now?]

'Pari-!!!'

Saamne ka dhundhla drishya jaise hi spasht hua toh Veer ne paaya ki uske saamne Erica baithi hui thi. Erica bhi jaise use hosh me aata dekh chehek uthi.

Erica : Ahhh!!! Tumhe hosh aa gaya!!!?

Veer (breathes heavily) : Erica???

Erica (nods) : Haan! Tum theek ho na?

Veer : T-Tum yaha?

Erica : Uh-huh!

Veer : Tum yaha kya kar rahi ho?

Erica : M-Mein tumhe yaha se le jaane aayi hu obviously. Jaw Long bahut zyada shaktishali hai. Hum abhi uske level par nahi hai.

Veer : Jaw Long! Th-That's right! W-Wait-!!! Ava...! Ava kaha hai?

Jaise ab use sahi se hosh aaya. Woh uth ke baitha aur apne shareer ko idhar udhar mod apne dheele aur ghayal purjo ko usne jaise sahi kiya.

Erica : Ava?? Kaun Ava?

Veer : Wahi jisne mujhe bachaya. Jo yaha aayi thi...! Jaw Long mujhe maarna aa raha tha aur woh-

Erica : Oh tumhara matlab woh ladki? System holder?

Veer : Yeah!!

Erica : Wahi toh jab se Jaw Long se bhidi hui hai.

Veer : She's fighting Jaw Long?

Jab Veer ke chehre par uss ladki ke liye chinta ke bhaav Erica ne dekhe toh woh asahaj sa mehsoos karte hue tapaak se puchi,

Erica : K-Kaun hai woh ladki?

Veer : Ava-!!! She's none other than... Natalia Martin!

Erica (stands up) : Whaaatttt???

Apne pita ke wahi bol Erica ko fir yaad aa gaye. Chaahe kuch bhi ho jaaye Natalia Martin par bharosa mat karna. Aur, yaha woh usi Natalia Martin ke bharose pehle hi baithi hui thi.

Erica : U-Uss par bharosa nahi kar sakte hum. Hai na?

Uske sawal par Veer khamosh raha. Uski chuppi ko dekh Pari ne kaha.

[Boy-!!! What are you thinking?]

'Woh move...! Maine wo knife feki thi uss Jaw Long ki taraf.'

[Yeah, so? Pata laga liya hai humne already ki uske paas koi dodging skills nahi hai.]

'Ho sakta hai...! Par-! Maine woh sirf isliye nahi feki thi.'

[Huh!?]

'Aura vision!!! Non living things nahi dekh sakti-!!'

Pari ne jaise hi ye suna uske dil ne jaise ek dhadkan phaand li. Agar woh yaha uske saamne khadi hoti toh uske badan me khade hue raungte Veer saaf saaf dekh paata.

[You fucking-! Hahahahaha!!!!]

Woh zorro se hassne lagi.

Aura vision non living things nahi dekh sakti thi jab tak ki use upgrade na kiya jaaye. Yahi kaaran tha jo Jaw Long Ava ke dwara nikaali gayi katana se itna bhaybheet hoke dur bhaag raha tha.

Kyuki, use katana dikhayi hi nahi de rahi thi. Woh sirf Ava ke haath ke movements ko padh andaaza laga ke uss se ladd raha tha. Ava ke haath me hathyaar kitna lamba tha woh bas iska anumaan hi laga sakta tha. Aur, isliye woh Ava ki guns se bhi bhaagta raha. Na hi woh guns dekh paa raha tha aur na hi bullets. Kyuki, ye sab non living things thi.

Veer ne na sirf woh knife fek ke ye check kiya ki Jaw Long ke paas koi dodging skills thi ya nahi, balki ye bhi check kar liya tha ki Jaw Long ne Aura vision upgrade ki hui thi ya nahi. Aur, isi ke chalte use ye baat bhi pata lag gayi ki Jaw Long ke paas Aura vision ko upgrade karne ke paryapt points nahi the.

[If I would have been in my physical form. I swear I would have crushed your head while hugging you. Hahahahahahaha!!!]

Pari ka excitement iss waqt charam pe tha. Agar woh saamne hoti toh uske chehre par ek khaufnak muskan feli hui hoti.

'It's time for Round 2!'

Gehri saans lete hue Veer uth khada hua. Badan abhi bhi dard kar raha tha. Ghaav abhi bhi gehre the. Magar, samay yaha baith ke araam farmaane ka nahi tha.

Erica : U-Utho mat! Just rest! Bleeding abhi abhi band hui hai. Agar, tum zyada chaloge firoge to ho sakta hai firse shuru ho jaaye.

Veer : I need to go-!

Erica : What???

Veer : Erica! Kya tum mujhe yaha reh ke protect kar rahi thi?

Erica : Uh-huh! M-Mujhe mission bhi mila tha.

Usne jaise hi bola, uske mann me tabhi ghanti bhi baj uthi.

*Ding*

['Mission : Safeguard Veer until he recovers' is completed.]

*Ding*

[You have been rewarded with the skill 'Basic Seer Vision.']

[Skill : Basic Seer Vision.
Description : Allows the host to witness all the events that transpired at a particular place within an hour prior from the running time.]

Erica : O-Oh! Mission poora ho gaya.

Veer : Thanks!

Erica : Ehh??

Veer : Meri safety ka dhyan rakhne ke liye thanks. You... have grown up!

Erica : ...!!!?

Veer : Now I need to fulfill my role.

Erica : Wait-! Tum iss haalat me-

*Whoosh*

Kintu, uski baat adhoori hi reh gayi. Kyuki, Veer hawa ke jhonke ki tarah waha se jaa chuka tha.

Erica (shouts) : Veeeeerrrrrr!!!!

***

'I think... This is the end, Lily!'

[Noooo-!!! Get up and run!!!]

'I... I can't-! Mere perr kaanp rahe hai.'

Jaw Long uske saamne uski maut bann ke khada hua tha. Ek hit me hi Ava ka shareer atyadhik damage le chuka tha. Endurance kam hone ka nateeja tha ye.

Jaw Long bhi kaafi ghayal tha. Magar, Berserk use tike rehne ki himmat de raha tha. Usne apna haath hawa me uthaaya aur uss tribal ke aadmi ki tarah woh Ava ke sarr ke chithde udaane hi wala tha jab-

Bagal se aati ek zordaar kick ne use dur girne par majboor kar diya. Jab Ava ne saari umeedein chorr di thi, tab ek baar fir Veer uske saamne aake khada ho gaya.

Ava : !!!??

Veer uski taraf peeth kar ke khada hua tha. Woh nahi jaanta tha ki iss waqt Ava ki aankhon me aasu the.

Veer : I told you to never show me your face. Right?

Ava : ...!

Woh khamosh rahi. Apna sarr jhukaate hue woh apne hontho ko daanto se kaat khud ko dosh dene lagi. Kya kar sakti thi? Woh apne dil ke aage bebas thi.

Veer ne aage kuch na kaha. Woh bas Jaw Long ki taraf daud pada. Aur, idhar Ava ke chehre ke bhaav taajub me tab badle jab use apne mann me woh notification sunayi diya.

*Ding*

[Veer's favorability has increased to 20.]

Ava bas aashcharya me dur jaate Veer ki peeth ko dekhti reh gayi.

'V-Veer-!!?'

Veer Jaw Long se bhid baitha. Berserk ko khatam hone me abhi 2 minute baaki the. Woh tez raftar ke saath uske paas pahucha. Jaw Long ne jaise hi Veer ki taraf apni kick maarni chaahi-

Veer neeche jhuk gaya. Zordar force waali kick uske sarr ke upar se nikal gayi. Aur, Veer ka taqat se bhara mukka seedha Jaw Long ki jaangh pe jaa ke laga.

*Pooowwww*

Uska santulan bigda aur woh ladkhadaya. Mauka dekh Veer seedhe uske peeche gaya. Uske dono haath Jaw Long ki kamar par lipte-

Aur, agle hi shan itna bhari bharkam Jaw Long hawa me tha. Peeche se Veer ne use uthaaya aur peeche hi le jaate hue-

*Baaaaaaammmmm*

Neeche zameen par use sarr ke bal patak diya. Zameen par ek crater bann gaya.

Haafte hue Veer Jaw Long ki kamar ke peeche se baahar nikla. Sarr par bahut zorr ke padi thi Jaw Long ko.

'Did I... win?'

Veer abhi khade hue ye soch hi raha tha kyuki Jaw Long koi bhi harqat nahi kar raha tha. Par, achanak hi-

'Shit-!!!'

Jaw Long ne akasmat hi uske ankle ko apne haath me jakad liya. Uski pakad itni mazboot thi ki uss se chhootna namumkin sa tha.

Jaw Long uchakta hua Veer ko apne saath hawa me upar le gaya aur fir-

Usne itni zorr se neeche Veer ko patka ki ek shockwave uss poore ilaaqe me fel gayi. Sahi samay par Pari ne Bone Reaper equip kar liya warna Veer ki haddiyon ko aaj choorma bann jaata.

"Veeeeeer-!!", Ava dur se hi kamzor awaaz ke saath uski orr chillaayi. Lekin, koi fayda na tha.

Veer ka ang ang dard se tadap raha tha. Magar, Jaw Long wahi par nahi ruka. Usne punah Veer ke perr ko kheencha aur use-

*Craaaassshhhhh*

Ped se bhedte hue ped ke tukde kar diye. Veer ek baar fir khoon se lathpath dur jaata hua gira.

Jo bhi bleeding pehle ruki thi woh dheere dheere wapas se behna shuru ho rahi thi.

[Agar, aise hi chalta raha toh tum blood loss se hi marr jaoge.]

Tabhi-

*Swoosh* *Swoosh*

*Swoosh* *Swoosh*

Kuch teer Veer ke ird gird golaayi me jaa ke zameen par dhansne lage. Parantu, woh sirf teer nahi the. Unke chorr par insaano ki asli khopdi latki hui thi.

Berserk ka samay samapt ho chuka tha. Jaw Long wapas se apne hosh me aa chuka tha.

"Shebaaaaaa-!!!!"

Baaj ko awaaz lagaate hi woh baaj jaise ishara samajh kahi udta hua chala gaya.

Jaw Long fir Ava ki taraf badhne laga. Usne Ava ke baalo ko apne haath me jakda aur use kheenchte hue le jaane laga.

"Nnnghhh!!!"

Veer ne apni ardh khuli aankhon se jab ye dekha toh himmat kar woh uthne ki koshish karne laga. Magar, dard ke chalte woh wapas se gir gaya.

'N-No-!!!'

[Tumhari chaheeti ko baalo se pakad ke woh le jaa raha hai. Toh? Ab kya karoge tum?]

'Pari-!!'

[Fufu~ Yes?]

Bhaagti hui aayi Erica ne jab ye manzar dekha toh ek sihran uske badan me fel gayi. Ava ko bachaane ke liye usne apna boomerang Jaw Long ki orr feka.

Toh, Jaw Long ne ek haath se uss boomerang ko pakad liya.

Erica : K-Kaise-!?

Woh majbooran uski orr bhaagi. Peeche nahi baith sakti thi. Magar, nateeja wahi. Erica ko pakad ke jaise hi Jaw Long ne ek ped se bheda, bechari Erica ke sarr se khoon behna shuru ho gaya. Sirf do mukke hi kaafi the Erica ko ghaayal karne ke liye. Dono haatho me do sundariyo ke kesho se unhe jakadte hue Jaw Long unhe zameen me ghaseetata hua le jaane laga.

Veer apna haath aage badha ke unki taraf jaane chaahta tha. Lekin, uska shareer jawab de raha tha.

[What are you gonna do now?]

Pari toh jaise uski iss haalat par lutf le rahi thi. Jaise woh kuch soch ke baithi hui thi.

'A-Ava-!! Erica!!!'

Jaw Long ne unn dono ko bhi ek ek jagah par patak diya. Aur, unn dono ke ird gird bhi teer zameen par baari baari khuse hue the. Aur, unke chhor se insaano ki khopdiyaan latak rahi thi.

Jaw Long zameen par baitha. Aur, tabhi-

*Keaaaarrrrrr*

Sheba akaash me udta hua uski orr aane laga. Uske panjo me kuch tha jo bilbila ke tadap raha tha. Ek murga!!!

Murge ko hawa me chorrte hue Sheba wapas se ped ki daali par baithne chala gaya. Toh wahi Jaw Long ne uss murge ko pakda aur apni vidhi ko shuru karne ke liye taiyaar ho gaya.

Uske muh se vichitra bhaasha me bol nikalne lage. Aisi bhaasha... Jise Veer kya, kisi ka bhi system pehchaan na saka.

[He's using Gong Tau!!!]

Pari ke bol tabhi Veer ke mann me goonje.

Gong Tau ek black magic skill thi. Aur, iska upyog karne ke peeche ek hi kaaran tha ~ Laalach!

Gong Tau ek vashikaran ki kriya thi. Jiski madad se targets ko control kiya jaa sakta tha. Vashikaran hone ke baad agar targets ko maar diya jaaye toh unke saare cards aur skills Jaw Long ke paas aa jaane waale the.

Isi laalach ke peeche woh iss kriya ka upyog karne laga. Woh kuch padhta jaa raha tha. Aur, nirantar uski awaaz badhti jaa rahi thi.

Achanak hi-

*Rattle* *Rattle*

Teer par khusi khopdiyaan apne aap kampan karne lagi. Kad-kad ki awaaz ke saath woh thar-tharaane lagi. Hawaaein tezz ho gayi. Aur, Jaw Long ne fir uss murge ko pakda-

*Slit*

Uske gale ke paas ek cut maara...! Murge ko latkaya toh uska khoon neeche tapakte hue kisi vichitra si dikhne waali cheez par girne laga.

Khoon kuch maatra me giraate hi Jaw Long ne uss murge ko feka toh murga apni peeth ke bal hawa me perr kiye zameen par gir pada. Jaw Long ne ye dekh haami bhari. Iska matlab tha ki aatmao ne uski kriya ko sweekar kar liya tha.

Aur tabhi-

Woh murga jiska gala kaata gaya tha woh apne aap uth khada hua aur pankh fad-fadaata hua waha se bhaag utha. Idhar Jaw Long apni kisi prakar ki tantra vidyao me wapas se lag gaya.

Aur, ab Veer ko apne shareer me kuch gadbad mehsoos hone lagi. Sirf Veer hi nahi, Ava aur Erica ka bhi yahi haal tha.

[He's taking control of your body...! Agar tumne kuch nahi kiya. Toh, sab khatam hai.]

'P-Pari-!! Help me-!!!'

Veer ki bahut kamzor awaaz uske mann me aayi.

[Hmm? I didn't hear you-!?]

Jaw Long ke garajte bol apna asar kar rahe the. Veer samet Ava aur Erica ke haath apne aap unke gale par jaake jakad gaye. Woh sabhi apne apne gale ko kass ke dabaane lage. Erica aur Ava dono ki aankhon me aasu the.

Jaha ek taraf Ava haar maante hue sab kuch sweekar kar chuki thi aur mayus aankhein liye Veer ko dekhti jaa rahi thi jaise ye antim shan tha ek dusre ko akhiri baar dekhne ka toh wahi Erica ka chehra kuch aur keh raha tha. Use dekh ke lag raha tha maano jaise woh marrna nahi chaahti thi. Bebasi uske chehre par saaf jhalak rahi thi. Aankhon se mote mote aansu uske gaalo se behte hue gir rahe the.

'Pariiii-!!!'

[Hmm?]

'H-Help me-!!'

[Ohh? Mujhe kuch sunayi nahi de raha! Fufu~]

'I beg you-!! Please!!!'

[Ohh!! Waqai?]

'Please!!'

Veer ki saansein ukhdi ukhdi aa rahi thi. Pari kuch derr shaant rahi. Veer ke haath apne aap gale ko dabaate hue kasste jaa rahe the.

"Urrghhh!"

'P-Pari...!!!'

Agle hi shan Pari ki awaaz thodi badal gayi. Maano jaise woh bhayanak gusse me uss se baat kar rahi thi.

[THEN...! ARE YOU WILLING TO GIVE YOUR BODY TO ME???]

'Huh!??'

[DO YOU WANT ME TO TAKE CONTROL? TO DEFEAT THIS PUNY LITTLE BASTARD?]

'H-Haan-!!'

[ARE YOU WILLING TO HAND OVER YOUR POINTS TO ME???]

Woh chillaayi.

'Haan! *Gwakh* H-Haan!'

[THEN GIVE THEM TO ME-!!!]

'Hmmm!!'

[YOU ARE DOING THIS BY YOUR OWN ACCORD. RIGHT???]

'Y-Yes-!!!'

[THEN GIVE ME... THOSE POINTS!]

'Hmmm-!'

Aur, tabhi Veer ke 5692 points jo usne emergency ke liye bachaaye the. Woh dhadalle se ghatne lage.

[YES...! YES...! GIVE THEM TO ME!! THAT'S RIGHT!!! KEEP IT COMING!! THE MORE THE BETTER...!]

Woh points kaha jaa rahe the, unka istemal kaha ho raha tha Veer kuch nahi jaanta tha. Woh toh Pari ki baat maan vivash hote hue apne saare points daav par laga diya tha.

[YOU MUST THANK ME LATER KID-!!! IT'S YOUR GOOD LUCK THAT I WAS HERE-!!! OTHERWISE, YOU WOULD'VE BEEN DEAD!!!]

Veer ki consciousness dheere dheere jaane lagi. Aur, kuch hi shano me woh behosh ho chuka tha. Pari ne poore shareer pe takeover kar liya tha. Ghatate ghatate Veer ke saare points zero par aake ruk gaye.

[Hahahahahahahaha-!!!]

Pari paaglo ki tarah hass rahi thi.

[Hahahaha-!!! THIS BODY...! IT'S WEAK!!! BUT YOU'RE LUCKY KID-!! BECAUSE I'M THE ONE POSSESSING IT NOW.]

Veer ka badan jab gale ko dabaate hue gir pada toh Erica ne rote hue apni nazre ferr li. Use laga ki Veer iss duniya se jaa chuka hai. Magar, Ava ki nigaahein ekdum Veer ke shareer ke upar sthir tiki hui thi.

Death Flag me aisa koi bhi notification nahi aaya tha. Woh jaanti thi ki Veer zinda tha.

Aur, fir-

Achanak hi Veer ka shareer gravity ke viruddh uski iccha ke bina upar uthne laga. Aas paas ke neeche bikhre sookhe patte kaapne lage. Uske uthate hi uski zulfo ne uski aankhon ko dhak liya.

Ava, Erica samet Jaw Long khud palat ke use dekhne par majboor ho gaya. Ye chal kya raha tha?

Jaw Long ko poora yakeen tha ki Veer kaafi damage le chuka tha. Uske baad bhi iss tarah uth khade hona...! Zaahir hai use hairangi honi hi thi. Use kya, yaha par uski jagah koi bhi system holder maujood hota toh uska bhi yahi reaction hota.

Na pehle kabhi aisa kuch dekha gaya, na suna gaya aur na hi aisa kuch hone ki kisi system holder ne kabhi kalpana bhi kari thi. Kintu, Jaw Long sab kuch mehsoos kar paa raha tha. Aur, ye sab kuch asal me ho raha tha. Uske saamne khada yeh naujavan ladka iska jeeta jaagta udahran tha ki aisa kuch bhi sambhav tha.

Veer utha. Uska muh achanak hi khula aur usne ek gehri saans muh se chorri. Kintu, raat me jangal me thand hone ke chalte uski garam saans dhue me tabdeel ho gayi. Aur, dhua uske chehre se chhatate hi uske hontho par ek bhayanak, daanavi aur kutil muskaan fel gayi.





'Huh!?'

Jaw Long ka badan iss baar ek jhatka khaaya, pal bhar ke liye shareer par ruye khade ho gaye. Thand iska kaaran nahi thi. Uski vidhi beech me hi ruk gayi. Harr insaan ka aura neele rang ka hota tha.

Par... Par kabhi bhi usne aisa kuch aaj tak nahi dekha tha. Veer ka aura...

Veer ke badan se jo aura nikal raha tha. Woh pichli baar ki tarah neele rang ka nahi tha. Uske badan se... Iss baar... Woh bhayanak gehre kaale rang ke aura ki lapto se ghira hua tha. Aura keval andar hi nahi tha. Balki, Veer ke badan ke baahar ird gird bhi lapte maarta hua nikal raha tha.

Aisa lag raha tha jaisa nark se koi bhayanak pishaach dharti par aa gaya ho. Jaw Long ne iske pehle bas aatmao ki nakaratmak urjao ke aura ko hi halke kaale rang se lipta dekha tha. Aura vision urjao ko bhi halke rango se dikhaane me saksham thi.

Bhoot, pret, pishaach jeevit praani nahi hote the lekin nakaratmak urja ka strotra zaroor hote the isliye, unka bhi kahi na kahi thoda bahut aura hota tha. Magar, woh aura itna prachand nahi hota tha. Kaali lapte zaroor hoti thi par behad maamuli si. Par, idhar-

Veer ke badan se bheeshan kaali lapte aise nikal rahi thi jaise maano uss par kisi ne aag laga di ho. Bas, farq itna tha ki lapte peeli nahi kaali thi. Beshaq, ye lapte kisi ko bhi dikhayi nahi de sakti thi.

Veer ke naye roop ko dekh Jaw Long do qadam apne aap peeche ki orr chala gaya. Woh samajh raha tha ki savdhani baratna kitna zaroori tha yaha par.

Kintu, Veer poori tarah se shaant khada hua tha. Uski aankhein uske baalo se chhipi hui thi aur muh se nikalti saans nirantar thand ke chalte bhaap me badalti jaa rahi thi. Uske hontho par saji muskan kahi se bhi uski prateet nahi ho rahi thi. Lag raha tha maano uske andar kisi aur jeev ne apna vaas kar liya ho. Kisi aur ne uske shareer par qabza kar liya ho.

Iss waqt uska roop bhayanak, raudra, aur prachand maalum pad raha tha. Yuhi nahi Jaw Long ne apne qadam peeche liye the. Chaah ke bhi Veer ki iss badli hui sthiti ke baare me use kuch pata nahi lag paa raha tha. Yaha tak ki uska system bhi iss paristhiti se anjaan tha.

[Kuch gadbad hai. Samajh nahi aa raha ki kaun se card ya skill ka istemal kiya gaya hai.]

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"
.
.
.
.
.
.
.
.
.
Aaj ke liye itna hi guys.
This update consists of 10.6k words. Ye thoda aur lamba jaata magar kisi bhi cheez ki zaroorat se zyada maatra haanikarak hoti hai. Isliye, ise yahi rokna sahi tha. Agle update me sab kuch samapt hai. Maine keh hi diya tha ki fight 4 updates legi. Teen update ho chuke hai. Bas ek baaki hai. Aur, uske baad shayad ek update aur rahega jo arc ke closure ke liye rahega. Update bahut late aaya hai jaanta hu. Par, mein vivash hu dosto. Baaki, likes thokne ka aur revos dene ka. Target apna 200 hi hai. Pahucha do. Agla update jald dene ki koshish rahegi.
Dhanyavad!

When a system holder kills another system holder then he gets the skills then. why need black magic??

 

[Werewolf]

When a system holder kills another system holder then he gets the skills then. why need black magic??

Iska jawab already diya hua hai update me. Dhang se nahi padhoge toh kaise kuch samajh aayega?
Normally kill karne par sirf kuch cards ya skills hi praapt hoti hai. Saari nahi. Wahi black magic kyu use Kiya?

Isliye

Gong Tau ek vashikaran ki kriya thi. Jiski madad se targets ko control kiya jaa sakta tha. Vashikaran hone ke baad agar targets ko maar diya jaaye toh unke saare cards aur skills Jaw Long ke paas aa jaane waale the.

Sab update me diya hua tha.

 

[Werewolf]

Chipkali ka free MN mission ho gya
Yh wali pri devil wali feeling y rhi hy
Ava n kafi time dilva diya veer ko
Yh APne ap ko pri k control MN Dena Koch hanikarik sa feel ho rha hy

Chipkali? You mean Erica?

Ding jabardast update tha werewolf bhai complete update.eva, Erica,veer and jaw long ki fight superb i think next update aur ek level hoga badega. keep posting

Thanks a lot.
Keep supporting.

Behad hi khatarnak or bhayanak update bhai rongte khade hogaye ek ke bad ek twist bhai ye last vala to bhot jyada bhayanak lag raha he ab lagta he jaw Lang ki mayyaa ****** gayi majha aagaya ye es kahani ka sabse best update he bhi sare hi update mast he lekin ye vala supar se bhi uppar he

Ava ka bhej shukriya adaa karna hoga. Wahi thi jiski wajah se Veer time leke sleep le paaya aur uske agility me invest kiye hue pehle ke points ab vastav me badh paaye. Ab Veer ne itni maar khaayi hai toh woh ab haalat toh kharab karega hi Jaw Long ki. Pari ne takeover kiya hai toh dekhte hai kya karti hai woh. Thanks btw.

Mai jese jese update padh rha h , ak alg level ka feel aa rha tha
Aisa lg rha tha jese mai koi adventure movie dekh rha hu
[ Bhaisaab aap to Marvel waalo ko fail kr doge ]

Thanks a lot Bhai. Marvel se kaha comparison bhai. Keep supporting.

Update padhte tym y b dar tha ki khi update khtm n ho jaaye
Aur aapne jo update k bd ak short note likha tha ki kisi b cheez ki अति axi n hoti h to y baat glt h kyuki aapke update ki ati axi h

Bilkul. Ek reader ka kisi cheez ko attention Dene ka time span hi kaafi kam hota hai. Aise me agar zaroorat se zyada koi cheez do toh woh fir bore bhi karta hai aur ho sakta hai ki dimag me theek se ghuse bhi na. Mujhe inn baato ka bhi dhyaan rakhna padta hai update ki length decide karte samay.

Next update ka ab bahut besabri se intzaar hai
Veer ka ak nya look dekhne ko milega ya
Yu khe ki pari ka naya roop

Abhi toh likhna hi shuru kiya hai. Mushqil se 200 shabd hi likhe honge. Samay lagega. Sabr rakhne ka.

Vese aapne bola tha ki jo naye villain aayenge vo jaw long se b jyada dangerous honge to ab isse jyada aur kya hi ho skta h

Y to soch k hi maza aa rha h ki kis next level ki fight hogi aur kya kya adventure dekhne ko milega

Ye toh samay hi batayega ki villains kaise honge. Mainstream villains toh saare hi ek se ek hai. Crimson ko dekh lo... Aur uske baad ab Jaw Long ko. Jab kahani shuru hui thi tabhi maine ek baat boli thi. Woh ye ki maine iss kahani me villains dhaakad level ke rakhe hai. Hope ab woh dikh raha hoga.

Abhi Garofano nhi dikhi
Usne to shyd promise kiya tha mine waale matter me help krne ka

Promise zaroor kiya tha. But, unfortunately wo yaha nahi aa saki. Use apne matters sort out karne the. Woh public figure hai ek. Kaafi famous hai. Aise me apni image ko theek karna zaroori hai. Woh aise hi waha ghum fir nahi sakti.

Ak br fir se aapko bahut bahut dhanywaad aise shandaar update k liye

Dhanyavad.

Lovely update. The turn this update has taken after Veer had given up the control to Pari is beyond words! Catch line is "I am the Weapon"!!!!!!!!!

Indeed.

 

[Dragon master]

Yes

Chipkali? You mean Erica?

Her waqt chipki SI rhti hy

 

[Sirphira]

Superb update brother agar ho paye to agla update jaldi dena pari ki power dekhni hai aur first time veer jhuka hai sab kuch sanup diya usko waise dekha jaye to ye theek bhi hai kyunki pari uska hi dusra chehra hai jono sathi ek duje ke.agle update ka intezaar rahega

 

[Werewolf]

Firstly let me take a breathe and cool down my goosebumps hmm now let me start the review werewolf bhai chaahte kya ho readers pagal ho jye kahani padh kar hai

Abhi se ye haal hai toh aage kya hoga? Abhi toh arc hi khatam nahi hua. 2-3 updates bache hai.

bhai sahab mujhe update ke starting padh kar ase bikul nhi laga tha ki end ase aur ase mod par hoyega ek Dum waqt badal diye jazbad badal diya bhai ju ne toh bhai Pura 1 and half hour se jyada lag gya 2 baar update padhne mein lekin Maja ase aaya ki sabhdo mein bataya nhi jaa rha lekin phir bhi kosish hai likhne ki toh phir suru karte hai review bhot karli faltu ki baatein.

Jab padhne me itna samay laga toh socho likhne me kitna laga hoga.
Isliye, harr behtareen cheezein samay leti hai. Mein ek ek chhoti se chhoti cheezon ko baar baar padhta hu aur dekhta hu ki ye sahi baith raha hai ya nahi. Fir chaahe woh shabd ho, punctuations, paragraphs, pictures ya kuch aur.

Maine khud ye update 5-6 baar padha hoga. Taaki grammatical errors kam se kam rahe aur shabdo ka chayan ekdum behtareen dhang se ho sake. Isliye, it takes time.

Sab se pehle Erica aur uss ke system ki conversation se ase laga ki Genie Erica ko nhi mujhe bataa rahi ki Veer pul ke paar nhi niche kyuki bhot detail mein ussne Erica ko samajhya tha aur finally usse veer mila lekin veer ki halat dekh kar usse jesa feel aur woh jese ju ke dwara dikhaya gya woh ekdum real life ki tarah laga

Mein agar environment kuch bana raha hu toh use likh ke nahi batata. Use dikhaata hu. Tabhi toh connected feel karoge. Tabhi toh wo atmosphere imagine kar paoge jo kahani me chal raha hai.

aur uss ke baad Erica aur ava ki conversation se pehle unko ek dusre ko dekh kar mujhe ek Purani film ka title yaad aagya woh film thi na ek phool aur doo Mali ase ava aur erica ki current situation ladka ek aur ladkiyan doo abhi ke liye lekin unne kya pata ki yahn 2 se bhot jyada mali hai iss phool ke liye lekin Garofano ko miss kiya maine warna aur Maja aata tha ab baat karen Erica aur ava ki conversation ki ko Erica apni jagah sahi ki woh ase kisi par bhi barosa nhi kar saki lekin situation se hisab se usne kiya agar koi bhi hota toh usse karna hee padta.

Hua ye ki Erica ne jab Ava pe bharosa kiya tab use pata hi nahi tha ki wo ladki Ava hai.

Par, agar pata chal bhi jaata pehle toh bhi shayad result yahi rehta. Kyuki, jaisa ki Ava ne kaha - Agar mein saamne se hatt gayi toh kya hoga? Erica ye jaanti thi isliye uske paas yahi option tha ki wo Ava pe trust kare.

Baaki, kaun maali phool le paata hai dekhna hoga.

Iss update mein bhot saare past ke raaj aur conversation bhi baar aayi jisme Erica aur renshu ki conversation padh kar saaf pata lag rha ki ek baap yeh koi bhi family wale apne bacho ko pehle ki bataa ke agha kar dete hai ki bacha kis par barosa kar sakta hai aur kis par nhi aur yeh same renshu ne bhi kiya

Bilkul. Renshu toh shuru se hi apni beti ke liye protective raha hai. Toh isme hairani waali koi baat nahi. Abhi uska reaction dekhne layak hoga jab use ye pata chalega ki Erica uske instructions ke viruddh apne hi decisions le rahi hai aur aadmiyon ko akela chhor jaa chuki hai.

Aur kehna padhe ka ki Genie ek smart system hai kyuki usne time time par Erica ko sahi cheezein karne ko bola hai chaye woh veer ki bandaged karna ho aur situation ko dekhte hue Erica ka mood lite karne ka ho.Lekin mujhe laga tha ki yeh tak padhne par ki raaj yeh hai ki systems ek dusre stats kyu nhi dekh pata hai lekin badme yeh Baram bhi tuk gya.

Genie Erica ke liye ek mother figure jaisi hai, ek elder sister ki tarah bhi...! Erica ki maa nahi hai. So, you can take a guess.

Aur uss ke baad finally ava ka past aur usske yeh aane tak ki kahani joki thoda sa last update padh kar samaj aa gyi ki ava bhi pyar mein gir gyi aur bachne aayi hai lekin Pura detail mein padh kar Maja aaya ek ek cheez ek ek emotions mujhe bhi feel ho rha tha kyuki dil toh ju ke bhai ka yani mere bhi tuta hai bas maine kisi ko dokha nhi diya

Ava unn moments ko abhi tak Dil me rakhi hui hai jab usne Veer ke sang wo pal enjoy kiye the. Wese to wo Veer ko trap me fasa rahi thi par kahi na kahi uss dauran usne wo cheezein mehsoos Kari jo wo pehle sirf bachpan me mehsoos karti thi. Khushi... Hasi mazak... Freedom... Dosti... Ye sab usne feel Kiya tha. Jo ki sirf woh pehle Kaera aur Sonia ke sang feel karti thi. Kahani me ye bataya gaya hai ki Ava ki koi dost nahi hai. Charlotte jo uski ek colleague singer thi woh Pitcher ka shikaar ho gayi thi. Toh uska koi nahi tha.

Dosti usne bachpan ke baad se kari hi nahi. Veer hi tha Jo fir aaya aur unn Chand palo me usne apni chhaap chorr di thi. Not to mention ki Ava ye jaanti thi ki Veer Sonia and Kaera dono ka dost hai. Ek aur interesting point tha ye Ava ke liye. Kyuki, woh Kaer aur Sonia ko se bhali bhaanti waqif hai. Uski dost kisi ko bhi apna dost nahi banayengi.

sorry Idher udar chala gya review se bhai sahab ek ek emotions on point tha Maja aa gya. Wese death flag ka idea mujhe tha lekin wahi pichle update mein review nhi diya toh usse liye bhi maafi aur approx 25-27 update Purna rasaiya bhi khul gya ki ava ne jump kyu nhi maara tha.

Yup!!! Aadhe se zyada sawaalo ke jawaab kahani me hi hote hai.
Bas unhe dhundhne ki zaroorat hoti hai.

Aur usske baad ava aur jaw long ki fight bhai ju ne kitna dimag aur time invest kiya hoyega na inn dono ki aur kisi bhi fight ko aur moves ko visualize karne mein aur likhne mein chaye woh katna wala scene ho chaye woh guns wala scene ekdum asi feeling aati hai ki wahi Baath ke dekh rha hu.

Isliye toh time lagta hai bhai. Fight choreography imagine karne me sabse adhik samay jaata hai. Ab kuch bhi thodi dikha sakte hai. Likhne ko toh mein aise bhi likh du ki Ava ne ek punch maara, Jaw Long ne dodge kiya, fir Jaw Long ne maara, Ava dodge nahi kar paayi aur jaa ke gir gayi.

Ye kya hai? Ye toh bakchodi hui. Kuch bhi chal raha hai. Poora imagine kar ke likhni padti hai bhai. Aur, imagine bhi aise hi nahi ho jaata. Main problem aati hai jab system holders ki skills ke hisaab se fight imagine karo. Crimson se ladayi dikhaate waqt mujhe uski aur Veer ki skills ka dhyaan rakhna pada tha. Kya woh dono full potentiometer me apni skills ka istemal kar rahe hai?

Yaha mujhe Jaw Long aur Veer ki full skills ka dhyaan rakhna pada. Saath hi Ava aur Erica bhi thi. Aur udhar Renshu aur unknown system holder ke hisaab se fight likhni padi. Samajh rahe ho na? Mujhe kitna switch karna pad raha hai? It's like mastering a fighting game with every character's move sets and then playing the arcade mode with each one of them.

Aur iss ke baad finally hum sab readers ke samne ju ne Jaw Long ke stats bhi dikha diye bhai fight ek baari ko visualize kar lete hoyege yaar ju ko stats sochne mien kitni dikkat hoti hoyegi na ki konse system holder ke kya cheezein jyada rakhni kya kam rakhni unke cards ke baare mien details dena unki skills ke baare mein batana bhai Kitna dimag laga dekha hai ju aur ek sab se bada sawal aur kitna dimag hai ju ke pass kahi ju ke pass bhi koi system toh nhi hai na

Yup! Exactly! Main problem wahi aati hai ki nayi skills aur cards ke baare me sochna...
Ye bahut hi time consuming hota hai. Avai kuch bhi nahi de sakte hai hum kisi ko bhi. Fir jo de rahe hai woh useful bhi hona chahiye. Ye nahi ki uske baare me aage fir zikr hi na aaye. Veer ka Beowulf card aaj bhi use kaam aa raha hai. Cheezein aisi honi chahiye jo repeatedly utilise ho sake. Aur woh effective bhi rahe.

Full status banana sabse hectic kaam hota hai mere liye. Kyuki, poore scratch se sab build karna padta hai. Character ki age se leke uske contacts aur unki favorabilities ko explore karna... It gets hard. Aur, isliye updates time lete hai. Warna sirf normal ghar to ghar scenes dikhane ho toh fir baat hi kya. Harr 3 din me update aaye fir toh.

Aur uss ke baad finally humare veer bhai bhi uth gye warna ava ka game baj jata jaw Long ke hatho lekin veer ki intelligence ka jawab nhi ki Veer ne chaaku fek ke khali dodging skill ka hee nhi aura vision related information bhi nikal li wese Veer ke iss update mein uthne ki umeed maine kam hee lagyi thi mujhe ju phir ase hee bina uthye update katam kar dega.

Wo fir kaafi boring ho jaata mere khayal se. Ek adrenaline boost dena banta tha. Energize kiya thoda waha pe Maine ju logo ko taaki itne din ye energy sabr banaaye rakhe.

Aur uss ke baad Veer aur jaw Long nhi nhi veer Erica vs jaw Long ki fight mana ki erica ka cameo chota tha lekin tha lekin jab veer jab maar kha rha mujhe laga ki Pari pagal ho gyi hai jo usse bacha nhi rahi lekin badme jo Pari ne kiya uss ke abhi tak mai ubar nhi paya hu review likhe hue ek hour hone wala hai wese ek aur cheez end mien pata lagi ki system can control human body ab yeh kese yeh bhi bataa dena kahi pata lage yeh raaj last update of story tak ponch jye yeh fir next story par.

Nahi! Iska jawaab mil jayega. Agle hi update me ya fir arc ke khatam hone se pehle. So, worry not. Patience rakhe raho, saare sawalo ke jawaab milte jayenge.

Wese ek sawal aaya hai ki agar Pari ne Veer ko control kiya yeh jo bhi kiya ase Genie ne erica ko aur lily ne ava ko aur jaw Long ke system ne jaw Long ko kyu nhi kiya ?? Aur Pari ne hee veer ko control kiya hai yeh kisi aur ne kuch aatma type thing ne ??

Sabhi sawalo ke jawab agle update me hi hai.

Aur Veer ka Naya character dekh kar Maja aagya
In the end mai yeh hee kehna chaunga ki story ke iss update ke end ke baad story kis direction mein change hogyi Kai readers ka pata nhi mai toh bikul bhi tyaar nhi tha sayad koi bhi reader nhi hoyega ju ne as usual hum sab ko end padha kar yaad dila diya ki kahani thik se aur dhyaan se padho warna dimag ke upar ke jayegi aur story pichle update par na review dena ke liye maine baad mein dekha toh bhot kam review aaye tha story ke sab se badhe update par
Aur akhir mai fantastic update...

Bilkul! Isliye toh note de deta hu aksar ki itminaan se padhna. Fir bhi kuch log nahi padhte hai dhyaan se aur fir wahi questions puchte hai jinke answers already updated me diye hue hote hai.
Btw thanks a lot. And, keep supporting as usual.
Aur, revo ki chinta na karne ka... Jab samay mile toh de diya karna. Mein toh yahi dekhne aata hu Bhai. Revos hi meri kamaayi hai. Usme bhi kuch log athhani chavanni gira ke nikal jaate hai. If you know what I mean.
Kherr...! Dhanyavad iss lovely revo ke liye. Aise hi saath bane rehne ka.

 

[Rexd]

Mega Update

Update - 177 ~ Berserk
[Note : Contains Gore related scenes.]​

Ab tak...

Magar, sirf itna hi nahi tha. Ava apni maa ko bachaane ke liye ye sab kari thi. Aur, isliye Island chorr kar jaane se pehle Veer ne ek vaakya aur kaha tha. Itni dheere ki sirf use hi sunaayi de sake. Lekin, Ava ne woh sunn liya tha.

Woh bol the-

'Go and protect your loved one now.'

Ab aage...

Pedo ki daalo ke upar Erica chhalang maarte hue aage badhti jaa rahi thi. Hawa se uske baal lehra rahe the aur bauhe bechaini ke maare kasi hui thi.

'Veer!!!'

Badi mushqil se usne apne darr ke upar qaabu paaya tha. Kahi na kahi mann hi mann woh khud ko dosh bhi de rahi thi ki woh yaha aayi toh Veer ko bachaane thi magar khud hi sakpaka ke baith gayi. Kya aise woh apne pita ko proof karne waali thi ki woh ab frontline missions ke liye taiyaar thi?

Dekha jaaye toh galti uski bhi nahi thi. Woh kabhi bhi aisi paristhiti me padi nahi thi aur na hi usne kabhi aise drishya apni aankhon ke saamne dekhe the. Jis wajah se woh hamesha cheezon ko halke me le liya karti thi. Bilkul waise hi jaise ek kue me baitha mendhak, upar kue ki golayi se dikh rahe aasmaan ko dekh ye samajhne lagta hai ki aasmaan bas itna hi hai. Magar, baad me kue se nikalne ke baad use pata chalta hai ki aasmaan asal me kitna vishal hai. Aaj Erica ko poorn roop se abhaas ho gaya tha ki asli darr kya hota hai, duniya me kitne khatarnak log hote hai, apno ko khone ka bhay kya hota hai aur ek jaan ki qeemat kya hoti hai.

'Hang in there.'

Bhaagte hue use kuch theek sa nahi lag raha tha. Jaise ye khamoshi use bechain kar rahi thi.

'Achanak se itni shaanti kyu chha gayi hai?'

[Something is off.]

Jaw Long ke Animal Kingdom card ka asar khatam hote hi saare janvar waha se afra tafri me dur bhaag chuke the. Toh wahi neeche chal rahi Veer aur Jaw Long ki ladayi bhi Veer ke ghayal hone ke chalte lagbhag samapt ho chuki thi. Yahi kaaran tha ki ab Erica ko koi bhi shor sunayi nahi de raha tha. Magar, jitni vatavaran me khamoshi fel rahi thi Erica ki bechaini utni hi badhti jaa rahi thi. Kahi ye kisi anhoni ke ghatit hone ka sanket toh nahi tha? Woh nahi jaanti thi. Woh toh bas itna jaanti thi ki Veer ko iss daldal se baahar nikaal ke use sahi salamat wapas leke jaana hai.

[Woh dono yaha nahi hai, Erica. Ab ya toh woh pul ke uss paar gaye hai ya fir neeche.]

Erica dusre pul tak pahuch chuki thi jaha se Veer neeche gira tha. Pul ke uss paar se toh use koi bhi dhwani sunayi nahi di. Ab yaha se talashi karne ke do raaste the.

'Kaha gaye honge woh? Aage dekhe Genie?'

[Mere khayal se aage badhne se pehle hume neeche dekh lena chahiye. Neeche bhi kaafi jagah hai. Jangal neeche bhi hai. Neher ke uss orr dekho Erica.]

'Par bhala neeche kyu jayega woh?'

[Kyu nahi jayega woh? Judging by how he was escaping from those animals... There's a high possibility he might have chosen that route. Zara socho. Itne saare janvaro se bachne ka sabse behtar vikalp kya ho sakta hai? Insaan kaha jayega? Seedhe raaste par jaha janvar lagatar uska peechha kare? Ya fir neher ka sahara lete hue dusre chhor par jaha janvar aa hi na paaye?]

'You have a point, Genie! Theek hai toh fir. Pehle neeche hi talashi lete hai.'

Nirnay lete hue Erica pul ke madhya aayi, neeche dekhi, aur bina jhijke iss baar paani me kood gayi.

*Splaaaashhhhh*

Chhapak ki awaaz ke saath girte hi woh tairte hue fauran chhor par aayi aur khud ko neher se nikaalte hue ek gehri saans chhori. Iss baar usne paani me koodne ke liye koi shikayat nahi ki. Woh jaise sthiti ki gambheerta ko ab samajh rahi thi. Woh sambhalte hue aage badhi. Dheere dheere woh jangal ki gehrayiyo me pravesh karne lagi. Daudate daudate hi use kuch derr baad zameen par dur kuch nazar aaya. Aur, jaise hi woh aakriti uski nazro me aur spasht hui uski aankhein darr ke maare fel gayi. Qadmo ki gati aur tez ho gayi.

'N-Noooo-!!!!'

Ghabrahat! Ek ajeeb si ghabrahat uske andar janm li. Seene me vichitr sa ek bharipann mehsoos hua aur geele badan pe raungte khade ho gaye. Dur zameen par Veer ka shareer khoon se lathpath bejaan sa pada hua tha. Erica ki toh jaisi saari umeedein hi toot gayi. Kya usne derr kar di? Kya woh sahi samay par nahi pahuch paayi? Tamaam sawaal uske mastishk aur dil dono par chot karne lage.

Woh tez raftar se Veer ke nazdeek aayi aur ghisatate hue khud ko roki. Jhukte hi usne Veer ke sarr ke peeche ek haath le jaate hue uske sarr ko badi hi savdhani se uthaya aur apne kaan ko neeche uske seene par le jaate hue lagaya. Aur-

*Ba-dump*

*Ba-dump*

Agle hi shan uski aankhon me aansu apne aap panap aaye. Dil dhadak raha tha..! Usne kabhi nahi socha tha ki kabhi kisi ki dhadkan sunn ke use itna sukoon milega, itni khushi milegi, itni raahat milegi. Ek dil ki dhadkan ka mol jaise aaj use pata chal gaya tha.

Kabhi usne nahi socha tha ki Veer jaise ladke ke liye woh aisa kuch mehsoos karegi. Pehle din se hi Veer aur uska rishta koi khaas nahi tha. Magar, iss waqt Veer ke dhadakte dil ki awaaz sunn jo woh mehsoos kar rahi thi, unhe shabdo me bayaa kar paana uske liye behad mushqil tha.

'Thank God-!! Thank God!!! You idiot!!! *sniff* You are alive.'

[Ek minute!! Agar, Veer yaha hai. Toh, Jaw Long kaha hai?]

Genie ke prashn karte hi Erica ko jaise dhyaan aaya. Khatra woh janvar nahi the. Asli khatra toh Jaw Long tha. Uske baare me sochte hi uski aankhein satarkta ke chalte fel gayi.

Woh idhar udhar apni gardan ghumate hue chaaro orr dekhi. Magar, Jaw Long kahi bhi use dikhayi nahi diya. Woh toh aise gayab tha jaise cheel ke ghosle me maans.

Aur, tabhi-

*Booooooooommmmmm*

Dur use kuch shor sunayi diya. Aisa lag raha tha maano do log aapas me lad rahe the.

'What? What's happening?'

Uske sawal ka jawab bhi use jaise agle hi pal mil gaya. Dur jangal ki gehrayiyo se nikalta hua Jaw Long bhayanak tez raftar me uski orr hi aa raha tha. Ek shan pehle uski koi upasthiti nahi thi aur agle hi shan woh khud uski orr pagal saand ki tarah dauda chala aa raha tha.

'Huh!?'

Jab Erica ne danav jaise Jaw Long ko apni orr aata dekha toh maano uski haalat hi patli ho gayi. Jaise jaise woh nazdeek aa raha tha uski aakriti badhti jaa rahi thi. Asal me woh kitna vishal tha ye ab Erica ko samajh aa raha tha. Jaw Long ke haatho me uska wahi bada sa kulhada bhi tha. Ek baar hi uske chalane par Erica ke shareer ke do tukde ho sakte the.

Ye sochte hi woh bechari itna ghabra gayi ki usne neeche letey Veer ko apne seene se lagaya aur aankhein band kar apne haath khade kar diye. Agar, yahi unka ant tha... Toh wahi sahi.

Magar, iss se pehle ki Jaw Long unn tak pahuchta-

*Whooooooosshhhh*

Ek saaya unn dono ke beech aake khada ho gaya. Jab aakriti spasht hui toh pata chala ki ye Ava hi thi. Erica ne jab khamoshi ko mehsoos kar apni aankhein kholi toh apne saamne Ava ko khada dekh dang reh gayi.

Aur, uske hosh aur bhi zyada tab ude jab usne Ava ko check kar ye pata lagaya ki woh bhi ek system holder thi.

'Whattttt!!?? Wh-Who is she!?'

Ava agar chaahti toh camouflage activate kar woh fake status dikha sakti thi. Parantu, usne aisa na kiya. Veer ko dhoka dene ke baad se jaise use iss skill se nafrat si ho gayi thi.

Woh Jaw Long ke saamne nidarta se khadi hui thi. Usne apne kandhe ke upar se peeche halka sa mud Erica ko dekha jisne apne seene se Veer ko laga rakha tha. Uski nazre Erica ke seene aur Veer ke chehre par kuch zyada derr hi tiki rahi. Kuch shan baad woh boli.

Ava : Kuch samjhane ka time nahi hai. Uske wounds deep hai. Uska system andar hi andar bleeding ko rokne ki koshish kar raha hoga. Tab tak uski safety, mein tumhare haatho saunpti hu.

Erica itni zyada confused thi ki use kuch bhi samajh nahi aaya. Kaun thi ye ladki? Kar kya rahi thi ye yaha? Aur, Veer ko kaise jaanti thi?

Erica (frowns) : Who are you?

Ava : I'm... I'm someone who owes him a debt.

Erica (frowns) : Ye mere question ka answer nahi! Who exactly are you? Aur, mein tum par bharosa kyu karu?

Ava (smiles) : Kya waqai iss waqt tum ye sawal puch rahi ho? Saamne dekho apne. Agar, mein yaha se hatt gayi toh anjaam kya hoga?

Erica ne jaise hi Jaw Long ko dekha jo abhi tak satark hue unke saamne khada tha, uski bauhe ghabrahat ke chalte sikud gayi. Ava ki baat sahi thi. Agar, woh unke saamne se hati toh woh dono hi maare jaane waale the.

Ava : Shayad ab tumhe samajh aa gaya hoga ki tumhe mujhpe bharosa kyu karna chahiye. Right?

Erica : ...

Ava (exhales) : Take care of him! Use abhi move mat karna. Warna, blood flow hota rahega. Bleeding ruki nahi hai. Bas, uski hifazat karo. Bleeding ke rukte hi use yaha se leke nikal jaana.

Erica chup chaap sab kuch sunn rahi thi. Sawaal dher saare the uske mann me magar filhal unhe taal dena hi behtar tha. Kya iss ladki par bharosa kiya jaa sakta tha? Uske Dad bhi yaha nahi the. Ek decision hi unn dono ki life ya toh bacha sakta tha ya fir khatam kar sakta tha. Ek bahut badi zimmedari iss samay uske sarr thi.

Usne ek gehri saans lete hue fir apna nirnay liya. Haami bharte hue woh boli,

Erica (nods) : Theek hai! I'm trusting you.

Ava : Good! I will stall him until then. Yaad rakhna! Bleeding band hote hi tumhe use leke yaha se nikalna hai.

Erica : Hmm!

Aur, itna bol Ava wapas se apne saamne khade Jaw Long par focused ho gayi. Jaw Long jaan boojh ke hamla nahi kar raha tha.

Veer ke alawa uske saamne do do system holders maujood the. Zahir hai woh jaldbazi me koi galat qadam nahi uthana chahta tha. Aur, Ava ki woh zordar kick jo use padi thi. Uss se kahi na kahi use andaza lag gaya tha ki ye system holder ladki sirf kehne ki system holder nahi thi.

Woh kehte hai na, 'fook fook kar chalna hi samajhdari hoti hai.' Baad me dukhi hone se behtar tha ki abhi satark raha jaaye. Kisi tareeqe se woh Ava ko chakma deke yaha Veer aur Erica ko maarne ke liye aa toh gaya tha. Par, saamne khadi Ava ko dekh uske qadam sanshay me thame hue the.

Aur, Ava ne bhi jaise uske sanshay ka abhaas kar liya. Woh palak jhapakte apni jagah se gayab hui aur Jaw Long ki taraf lapki. Uske haath me ek katana talwar uski sheath se bahar nikli aur seedhe Jaw Long ke gale ki orr badhi.

Kuch bura abhaas hote hi Jaw Long ki aankhein sankat ke chalte chaudi ho gayi. Bhay ke maare woh peeche hua aur isi prakar Ava Jaw Long ko Veer aur Erica se dur karne me safal ho gayi.

Toh wahi idhar Erica Ava aur Jaw Long ko bhidte dekh ek alag anubhav le rahi thi. Usne apna dhyaan Veer par jaise hi punah daala toh veh ghabra uthi.

'My god...!'

Veer ke zakhm gehre the. Erica ne apne jeevan kaal me kayi maut apni aankhon ke saamne dekhi thi. Par, kabhi bhi kisi system holder ko iss tarah ghayal nahi dekha tha.

Ek system holder ka iss tarah zakhmi hona kis baat ka saboot tha? Iss se ye pata chalta tha ki Jaw Long unke liye kitna bada khatra tha. Agar, Veer unki madad na kar ke Jaw Long ko yaha baandh ke na rakhta toh kya hota? Woh sochna bhi nahi chahti thi.

[He's badly injured.]

'Uss ladki ne kaha ki Veer ka system use heal kar raha hoga andar hi andar.'

[So, he does have a healing skill huh?]

'Pata nahi! Card bhi ho sakta hai. Lekin, ye ghaav...! Kitna dard saha hoga Veer ne Genie?'

Erica Ava ke chehre ko poori tarah se nahi dekh paayi thi. Ava uss se baat karte samay bas halka sa hi mudi thi, jis kaaran vash use Ava ki soorat poori tarah se spasht dikhayi na padi. Parantu, woh Ava ke baare me kaafi kuch jaanti thi.

Woh jaanti thi ki Ava ek system holder thi. Veer ko Crimson se bachane ke baad Renshu ne use kaafi kuch bataya tha. Use ab bhi apne pita ke saath kiya gaya woh sanvaad yaad tha.

'Woh celebrity Natalia Martin bhi ek system holder hai, Erica!'

'Really?'

'Hmm! Aur, uss ladke ki maut ka ek kaaran bhi bann sakti thi. Agar, mein sahi samay par waha na pahuchta toh-'

'Hmph! Aap jab se waha se aaye ho uss ladke ke baare me hi baat kare jaa rahe ho. Akhir kaun hai woh?'

'Haha! Jo bhi hai bahut hi kaabil naujavan hai. Aur, rahi baat ki kaun hai woh? Jald hi tumhe pata lag jayega. Mera ek favour hai uspe ab. Jise chukaane wo zaroor yaha aayega. Tab, tum khud apni aankhon se dekh lena.'

'Hmph! I don't care! Balki, aap celebrity Natalia ke baare me mujhe kuch bataiye.'

'Uske baare me mein zyada nahi jaanta aur na hi uss se mila hu. Lekin, itna zaroor pata hai mujhe ki uss ladke ko shadyantra me phasane waali woh bhi ek thi. Maine itna anuman laga liya tha.'

'Woh kaise?'

'Ladka jab samundar me doob raha tha tab maine use waha se bachaya tha. Uss dauran, woh Natalia Martin helicopter me upar baithi neeche nazre gadayi sab kuch dekh rahi thi.'

'Ohhh-!?'

'Lloyd ne mujhe bata diya tha ki wo bhi ek system holder thi. Mujhe poore shadyantra ke baare me jankari to nahi hai. Lekin, kaafi kuch anumaan mein laga sakta hu.'

'I see!'

'Uske paas camouflage kar ke ek skill hai.'

'Camouflage?'

'Hmm! Uski madad se wo nakli status laga ke ghum rahi thi.'

'Iska matlab-!'

'Haan! Usi ke chakkar me shayad wo naujavan ek khatarnak shadyantra ka shikar ho gaya. Kherr, woh zinda hai abhi yahi acchi baat hai. Shayad, tab uss Natalia ne Camouflage ko band kar rakha tha. Tabhi, Lloyd use check kar paaya tha. Aur, asliyat ka pata laga paaya tha.'

'Hmm! Lekin, aapko kaise pata chala Dad ki Natalia ke paas Camouflage skill hai?'

'Kyuki jab maine use check kiya tha tab uska status mujhe dikhayi de raha tha. Woh nakli tha. Lloyd ne sahi pehchan baad me ki thi.'

'Ahh!'

'Erica!!!'

'Huh!?'

'Agar, kabhi tumhara saamna iss Natalia Martin se ho. Toh uss par bharosa mat karna. Celebrity hone ka matlab ye nahi ki kisi ka dil saaf ho.'

'Jii dad. Mein aapki baat ka dhyaan rakhungi.'

Ye baatein use acchi tarah se yaad thi. Magar, uska dhyaan to abhi uski jaangh par sarr rakha yeh naujavan kheenche hue tha.

Genie chup chaap Erica ke emotions ko padh rahi thi. Kaise Erica ke kaanpte hue haath Veer ke zakhmo par haule se fir rahe the. Jaise wo ghaav dekh ke hi unhe mehsoos kar paa rahi thi ki kitna dard hua hoga Veer ko jab ye chotein uske shareer par aayi hongi. Uski sarsari nigaahein Veer ke uttam kataav waale badan par bhi fir rahi thi.

[Tum uski dressing kyu nahi kar deti? Hamare paas rakhi hui hai na?]

'Arrey haan! M-Mujhe to dhyaan hi na raha.'

Usne apni jebo me se dressing ke liye kuch first aid ki pattiyaan nikaali aur Veer ke ghaavo ko saaf kar unn par savdhani se baandhne lagi. Bhale hi inse zyada madad nahi milne wali thi par ghaavo ko khula chorrne se toh ye behtar hi tha.

Dressing baandhte baandhte Erica ki nazre baar baar Veer ke chehre par phir rahi thi.

'G-Genie-! I... I was just thinking... Veer ki kya favorability hai mere liye?'

Sawaal sunte hi mann hi mann jaise Genie muskurayi. Woh jaise bhaanp gayi ki ye sab kis orr jaa raha tha.

[Sach me jaanana hai tumhe?]

'N-Nahi aisi koi khaas wajah nahi hai. M-Mein toh bas yuhi- curious thi...! Isliye- socha ki-'

Apne baalo ki latt ko ungli se ghumate hue woh khusur-pusur karte hue boli.

[Uski favorability tumhare liye 90 hai.]

Ank sunte hi Erica ki jaise aankhein phati ki phati reh gayi.

'Wh-What-!???'

Use pata tha ki 70-80 ke upar favorability ka hona kya darshata tha.

Pyaar!!!

Samajh aate hi uske gaal laal tamatar ki tarah laal hote chale gaye. Par, agle hi shan, maano jaise Genie ne uske sarr par thande paani se bhari balti udel di.

[Hahaha! Just kidding. Asli favorability 22 hai.]

'Y-You-!!! Genieeeeee!!!!'

Woh mann hi mann Genie par barsi. Toh wahi Genie uska reaction dekh aur zyada thahaake lagaane par majboor ho gayi. Genie jaan boojh ke mahaul ko halka karne ki koshish kar rahi thi. Aur, usme woh poori tarah se qamyab thi. Erica ka aisi sthiti me calm hona behad aavashyak tha.

'Ahinda se aisa tumne kabhi kiya na, toh mein tumhe sleep mode me daal dungi.'

[What?? H-Hey! Wait a minute! It was just a joke. Okay? Aur, maine ab bata to di asli favorability. It's 22. Twenty two. Jise dusri bhaasha me-]

'Haan pata hai!! Sunn liya maine. Sunn liya. I-It's not even a good number. Why are you yelling so much??? Enough! Sunn liya maine. 22 hai. I know! Hmph!'

[What? Kya tum chaah rahi thi aur zyada ho?]

'Wh-Who cares? *blushes* Ahem! Anyways! Mera ek sawal hai. System jab ek dusre ko check nahi kar sakta toh ek dusre ki favorability kaise bata deta hai?'

[Hmm! A very good question.]

'Please, ab baatein mat ghumaana.'

[Nahi nahi! I will tell you. Look! Hum sabhi system ek dusre ke prati satark rehte hai. Koi bhi system ye nahi chaahta ki agla system unke stats dekh paaye. We are afraid of each other.]

'Afraid?'

[Hmm! System apne stats ko hide kar sakta hai. Isliye, check karne par hume kuch bhi info haath nahi lagti. Ek prakar se ye hamara defensive mechanism hai. Par, Erica...! Emotions chhipaye nahi jaa sakte.]

'Ah!'

[Bhale hi stats hide kar diye gaye ho par feelings ko hide nahi kiya jaa sakta. Agla system holder tumhare liye kya bhaav rakh raha hai woh asaani se dikh jaata hai. Jaw Long ko dekhte hi uski ill intent humne mehsoos kar li. Zahir hai favorability minus me hai uski.]

'Right!'

[Wahi Veer ki 22 hai. Tumhare Dad ki tumhare prati 90 hai. Of course, it's all fatherly love.]

'Dad to meri chinta hi nahi chorrte. Mein badi ho gayi hu ab. *sighs* Toh aise work karta hai ye. Samajh gayi. Thanks Genie! Ohh! Look, woh ab saansein behtar dhang se le raha hai.'

[Uske system ne blood flow ko control me rakha hai. I think wo neend me hai.]

'Use araam ki sakht zaroorat hai. So, just-'

Iske pehle ki wo apni baat poori keh paati Jaw Long ki tezz dahaad ne uska dhyaan kheencha.

"Shebaaaaaaaaa-!!!!!"

*Keeeeeeaaaaaarrrrr*

Aur, beshaq...! Wahi baaj hawa me apne parr felaaye uske ek bulaave par haazir ho gaya. Sheba udta hua seedhe Erica ki orr aaya.

'Ahhh!'

[Careful!!]

Par, iss baar Erica ghabra ke dur nahi bhaagi. Usne apni peeth par peeche khusi hui kisi cheez ko baahar nikaala. Aur-

'This time...! I won't run!!'

*Fwoosh*

Seedha uss baaj ki orr usne wo fek diya. Wo cheez hawa me sansanati hui gol gol ghoom ke udte Sheba ko giraane ke liye aayi.

Sheba tezz raftaar se apni orr aa rahi cheez ko dekh baukhlate hue hawayi marg se hatt gaya. Aur, woh cheez jo hawa me feki gayi thi woh wapas se ek golaayi ka raasta apnaate-

*Thuck*

Erica ke haatho me aa thami.

Ek boomerang!!! Magar, koi sadharan boomerang nahi. Uske ird gird metal ke kuch nukeele tukde lage hue the. Kisi prakaar ki dhaar-daar blades. Jo nishchit roop se kisi ko ghayal karne ke liye hi lagayi gayi thi.

Metal bhi koi aisa wesa nahi. Ye tha titanium. Sabse halka aur mazboot metal. Aur, iss anokhe boomerang ki rachayita koi aur nahi ~ Swayam Erica thi.

Uska ek maatra card ~ Metallurgy!!!




Ek aisa card jo use saara gyaan, saari kshamtaye aur saara kaushal pradaan karta tha metals se hathyar banaane ke liye. Usne Garofano ke liye bhi kuch needles bana ke use di thi.

Erica ki aankhon me iss baar tej tha. Aur, uske mann me tabhi-

*Ding*

[Mission : Safeguard Veer until he recovers.
Rewards : Skill ~ Basic Seer Vision.
Mission failure penalty :
1) Loss of Order.
2) 10,000 points deduction.]

'Iss baar...! Mein peeche nahi hatne waali. Chaahe kuch bhi ho jaaye. Jab tak Veer recover nahi ho jaata! Mein yahi hu-!!!'

Aur, dur se use Sheba se ladta dekh, idhar Ava ke hontho par ek halki si muskan bikhar gayi.

***

Kintu, hua kya tha? Ava yaha kaise pahuchi? Woh itne din kaha thi? Veer yaha hai iss baare me use kaise pata chala? Aur, yaha aane ka uska maqsad kya tha?

Ye tamaam sawaal Veer ke mann me the behosh hone se pehle. Jinka uttar keval aur keval Ava hi apne muh se de sakti thi.

Kuch derr pehle...

Jab Veer eastside ki entrance se pravesh kar raha tha. Tab, woh nahi jaanta tha ki theek uske peeche Ava bhi use follow kar rahi thi.

[There he is, Miss! Thoda aur nazdeek jaa sakte hai hum. Itna peeche chalne ki zaroorat nahi.]

'Nahi Lily! Veer ke paas Beowulf hai. Senses badh jaate hai uske. Ho sakta hai usne activate kar ke rakha ho. Agar, mein iss se zyada nazdeek gayi toh wo meri presence ko mehsoos kar lega.'

[Ohh!]

Ava ne Veer ki aankhon me woh laal rang ki parat pehle bhi dekhi hui thi. Lily ne hi use khoj ke bataya tha ki Veer ke paas Beowulf card tha.

[Toh ab?]

'I will follow him from a distance.'

[Okay!]

'Lily...! What does he think of me now?'




[His favorability towards you is only 10.]

Ava ke chehre par ek muskan bikhar gayi. Magar, iss muskan me kahi na kahi nirasha bhi chhipi hui thi.

'10... is not a bad number.'

[My dear Miss! Is 10 really a good number?]

'Lily! Jo maine kiya tha...! Uske baad toh iss favorability ko minus me hona chahiye tha. *smiles* 10 is already a great number.'




[You've been smitten by him. *sighs* Kya hoga aage? I don't even know.]

'N-No-! That's not it! I-'

[Jhooth bolne ki zaroorat nahi hai. I can feel your emotions.]

Ava uske jawab me kuch na boli. Woh chupke chupke Veer ka peecha karti rahi. Veer jab uss blood trail ko laangh ke aage gaya toh Ava kuch shan wahi ruk gayi.

[Ye ek sensory type boundary ho sakti hai.]

'Andar jaane ke liye ise cross karna hi hoga.'

Aur, blood trail ko paar karte hue woh khud bhi Veer ki disha ki orr aage badh gayi.

Uske andar aate hi Jaw Long ko do vyaktiyo ke andar ghusne ke baare me pata lag chuka tha. Magar, Ava jaise pehle hi sab kuch plan kar ke chal rahi thi.

Seedhe taur par ladayi me na ghuste hue woh ped ki daali par baithe dur se sab kuch dekhti rahi.

'Yaha se mein uss par nazar rakh sakti hu. Jaise hi situation bigdegi, mein waha pahuch jaungi.'

Sirf Erica hi nahi thi, Veer ko unn janwaro se bhaagta dekh Ava ka badan bhi kaanp utha tha. Akele Veer ka waha ladna...! Woh kisi yoddha se kam nahi lag raha tha. Aur, uski woh nidarta se bhari chhavi Ava ke dil me aur nayi tarange utpann kar rahi thi.

Magar, akhir use Veer ke thikaane ka pata kaise laga? Yeh koi raaz nahi tha.

[Death Flag]

Wahi skill, jo Ava ne Veer par mark ki thi. Tab jab woh aur Suhana Las Vegas me uske concert me pehli baar daakhil hue the. Yeh wo skill thi jo ek vyakti ko mark kar ke rakhti thi. Ek seemit range tak uss vyakti ke zinda ya mrit hone ke baare me batati thi.

Tab se leke ab tak Veer par Death Flag ki woh marking bani hui thi. Kintu, Veer ke ruth ke jaane ke baad, Ava ne kuch kiya tha. Apne system ke saath. Uski system Lily ko bhi saari baatein yaad thi. Island par Veer jab use akela chorr ke chala gaya tha. Uss raat-

'Lily!'

[Yes?]

'Upgrade Death Flag's range!'

[What?]

'Suna nahi tumne? Maximize the range.'

[Jaanti ho na upgrade ke liye kitne points lagte hai? The first upgrade will take 5000 points. And, the second upgrade will take 10,000 points. Total 15,000 points.]

'Yes! Jaanti hu! Do it!'

[My dear Miss! Why are you so determined? Kis liye itne points ikhatta kiye the? Ab jab hum itna close hai Maisie's cure ke liye, you want to waste them on Death Flag's upgradation?]

'Lily!!!'

[Fine then!]

*Ding*

[Death Flag's range has been maxed out.]

'Good!'

Yahi woh pal tha jab Ava ki skill Death Flag ki range maximum ho chuki thi. Na sirf ab woh jeevit ya mrit ke baare me bataane me saksham thi balki, insaan ki ab location bhi woh saaf saaf dekh sakti thi. Veer duniya ke kisi bhi kone me hi kyu na rahe, agar Death Flag uss par marked thi toh Ava uski location ko asaani se dekh sakti thi.

Woh uss tak jab chaahe tab pahuch sakti thi. Aur, isi tarah woh yaha Veer ko dhundh paayi.

Veer ka achanak Mumbai chorr yaha China aana. Woh jaan chuki thi ki kuch gadbad thi. Yahi kaaran tha jo woh khud yaha chali aayi. Aur, uska sanshay ekdum sahi tha.

Aaj woh yaha na hoti toh Veer bahut bade jokhim me pad jaata. Kam se kam ab woh uske liye kuch samay nikaal sakti thi. Aur, yahi uska prayshchit tha. Bhale hi... Uski jaan hi kyu na chali jaaye.

[I just don't understand. Why are you so focused on him? Kya waqai aapko uss se-!?]

'He...! He gave me happiness, Lily. Jab mein use trap me fasaane ke liye uske khilaf chaale chal rahi thi. Tab woh meri khushiyo ka dhyaan rakhte hue mujhe protect kar raha tha. Can you imagine it?'




[...]

'Maine kabhi nahi socha tha unn moments ko mein firse enjoy kar paungi. Meri asli khushiyaan Mumbai me hi thi Lily. Jab mein chhoti thi. Mera bachpan...! Kaera aur Sonia ko chorr ke aane ke baad woh saari khushiyaan jaa chuki thi.'

[...]

'Veer ka saath jaise mujhe unhi lamho me le gaya. Par, kya kiya maine uske saath? I don't deserve his friendship. I don't deserve to be around him.'




Ho na ho, Veer hi woh kaaran tha jiski wajah se aaj Ava jeevit thi. Warna, France ki unn vardato ke baad usne-

[W-Wait!!! What are you doing?]

Uska uss pahaad ki choti par khade hona. Aur, neeche khaayi ki orr dekhna.

[D-Dear! Stop it! What the hell are you doing? H-Hey don't scare me! Please!]

'There's nothing left now! I must go as well! Lily...!'

[W-Wait!! N-Noooooo!]

Woh khud khushi karne jaa rahi thi. Aur usne apna perr aage badha bhi diya tha.

[Noooooooooooooo!!!!!]

Par, usi waqt Veer ke akhiri shabd uske mastishk me punah goonj gaye.

'Go and protect your loved one now.'

Aur, usne apne santulan ko girne se bacha liya.

[You idiot!!! You scared the shit outta me. Ye... Ye kya kar rahi thi dear? Whyyy?]

'I'm sorry-!!! *sniff* I'm sorry, Lily. I'm so sorry!!! Maine tumhare baare me zara bhi nahi socha. N-No-!! I didn't even think of him either-!!'

[Huh!?]

'Usi ne kaha tha na!? Th-Then I must protect him!'

[Y-You-!!!?]

*Clang* *Clang*

Ateet se baahar aate hue Ava ki aankhein saamne Jaw Long ke harr move ko padhne me vyast thi.

Woh prahar karti jaa rahi thi magar Jaw Long peeche fall back karte hue khud ko bacha le raha tha.

Jaw Long uss se direct fight nahi le raha tha. Pata nahi kyu, par woh Ava ke hathyar katana se kaafi bhaybheet sa nazar aa raha tha.

Ava ne apni tactic turant hi badli aur apni jeb se usne handgun nikaal seedha dur khade Jaw Long ki upar taan di.

'Kisi wajah se woh mujhse directly nahi lad raha hai. Agar woh long ranged fight hi chaahta hai toh theek hai. He can have a kiss of my bullet.'




*Bang*

Jaise Jaw Long ne kuch bhaanp liya. Woh tezz raftar me daudta hua apni jagah se bhaagne laga. Aur, Ava ki bullets apne nishaane se choonk gayi.

'Shit!! Kaash mere paas perfect aim ki koi skill hoti.'

*Bang* *Bang* *Bang*

Bullets gun ki nozzle se nikalti jaa rahi thi, par harr baar Jaw Long apni speed ke chalte unse bachta jaa raha tha. Saari bullets ya toh hawa me ya fir pedo ke tane par lag unke parchhatte udhedte hue nikal gayi.

Ava ko bhi mission mila hua tha. Magar, uska mission Jaw Long se bhidant ka nahi tha. Uska mission tha~

[Mission : Stall the time.
Description : Don't let your loved one die.
Rewards : ??]

Koi bhi penalty nahi dikh rahi thi. Iska matlab... Penalty death thi. Aur, system ko kho dena.

'Veer se ladne ke baad lagta hai ye aadmi kaafi thak chuka hai. I might be able to take him down.'

[Filhal toh wo hamari saari bullets se bach raha hai. Hume use jald se jald ghayal karna hoga.]

'Toh ek baar me ek bullet enough nahi haan? Alright then!'

Agle hi shan usne apni jacket khol andar se ek aur handgun nikali. Aur, dono handgun Jaw Long ke bheje ki orr taan usne trigger daba diya.




*Bang* *Bang*

Do sansanati hui bullets guns se nikal Jaw Long ki chithde udaane ko aayi. Lekin, lagatar tez gati se bhaag raha Jaw Long unhe chakma dene me qamyab raha. Magar, khel yahi samapt nahi hua tha. Fire karte hi Ava ne unn dono guns ko upar hawa me ucchaal diya. Guns hawa me upar gol ghumti hui gayi aur tabhi-

Ava ne apni jacket punah khol aur do handguns usme se nikali. Unse fir se bhaag rahe Jaw Long ki taraf nishana lagaya. Aur, iss baar jaise Jaw Long ke chehre par dehshat saaf nazar aa gayi.

*Bang* *Bang*

Hawa ko cheerte hue woh bullets uske maans me dhassne ko aayi aur Jaw Long darr ke chalte ped ke peeche jaa dubka. Woh bullets ped ke tane ko ukhaadte hue usme jaa dhansi.

Idhar Ava ne haath me pakdi dono guns ko bhi turant hi hawa me uchaal diya. Jaise hi usne ye guns hawa me feki, pichhli do guns jo usne pehle se hi hawa me feki hui thi woh gravity ke chalte tezi se neeche aayi.

Unhe punah haath me thaam usne firse-

*Bang* *Bang*

Aur, wapas se unhe hawa me uchhal diya. Upar feki gayi baaki ki do guns fir neeche aayi aur iss baar unhe thaam-

*Bang* *Bang*

Woh do guns hawa me fekti, do se fire karti aur fir unhe hawa me fekti aur pichli do guns se fire karti. Ek baar me hi... Woh 4 handguns istemal kar rahi thi.

Aur, ye sab kuch itni tezi se ho raha tha ki aam insaan ko bas Ava ke haath ki dhundhli aakritiyaan hi nazar aati. Uske haath after images bana rahe the. Guns itni tezi se hawa me uchhal ke neeche gir rahi thi aur wapas se hawa me jaa rahi thi ki pata laga paana mushqil tha kaun si gun pehli waali thi aur kaun si dusri.

Usne itni bullets ped pe daag di ki ped ka tana hi toot ke bikhar gaya. Jaw Long kisi bheegi billi ki tarah ek ped se dusre ped ki aadh me khud ko chhipane par majboor ho gaya.

Ab tak close ranged fight me woh bada hi guroor dikha raha tha. Par, bandook ke saamne aate hi woh dubak ke chhupne par vivash ho gaya.

[Such skill of handling weapons. She's a skilled warrior.]

Yaha tak ki uska khud ka system bhi Ava ki weapon handling ki tareef karne me peeche na raha.

'Kai! Agar, aise hi chalta raha toh-'

Woh mann me kehte hue ek ped ki aadh lene bhaaga jab tabhi-

*Bang*

*Squelch*

"Urrrghhh!"

"Finally! I got him!"

Akhir kaar ek bullet ne apna kaam kar hi diya. Kandhe ke paas aake bullet maans ko cheerte hue andar ghusi. Aur, Jaw Long ki ek dabi dard bhari karah muh se nikal gayi.

'Agility badhani hogi, Kai!'

[Long! Tumhare paas sirf 3000 points hi baaki hai.]

Kehte hue usne uske mann me hi full status dikha diya.







'Jaanta hu! Lekin, Aura vision ko upgrade karne ke liye mere paas paryapt points nahi. Agility ki zyada zaroorat hai.'

[Accha? Aur, sleep ka kya? Bina sleep ke points nahi badhne waale. Stats me points invest karna bekar hai.]

'...'

Jaw Long kuch na bola. Kai ki baat sahi thi. Agar, agility me points invest kar bhi diye to bina neend ke woh nahi badhne waale the.

[Intezar kiska kar rahe ho? Apne trump cards ka istemal karo. Aur, jald se jald ye ladayi khatam karo. Straight way se ghuse Li Renshu aur unke aadmi kahi mine tak na pahuch jaaye.]

'Hmm!'

Kai ki baat maante hi Jaw Long ke ird gird ki hawa badalne lagi. Woh poori tarah se gambheer ho gaya. Wahi, yaha Ava ki bullets ki saari magazines khatam ho chuki thi.

Woh ab apni katana ko haath me pakdi wapas se close combat ke liye taiyaar thi. Magar, Jaw Long ke haav bhaav use satark rehne par majboor kar rahe the.

Aur, fir-

*Ding*

['Berserk' has been equipped.]

*Ding*

['Berserk' has been activated.]




Agle hi shan Jaw Long ka saara intelligence dhadalle se neeche girne laga. Ek ke baad ek uske intelligence ke 150 points girte chale gaye. Aur, usi ke saath ye points uski 180 strength me judne lage. Jaha ek taraf intelligence ghat raha tha toh wahi dusri orr strength badhti jaa rahi thi.

Berserk! Ek aisa card jo intelligence aur strength stat ke beech apna game khelta tha. Ek aisa card jisme intelligence ka balidan dene ke baad uske saare points strength stat me liye jaa sakte the.

*Ding*

[Intelligence has reached zero.]

[Strength stat has reached 330.]

Intelligence ke saare ke saare points strength me jaa chuke the. Jaw Long ke ird gird ki hawa bhaari mehsoos hone lagi. Uske lambe baal hawa me lehrane lage.

330 ki strength. Akhir kitni taqat rakhti thi? Woh kisi pagal khule saand ki tarah ho chuka tha. Jo raaste me aaye kisi bhi insaan ke tukde tukde karne ko taiyaar tha.

[This is bad!!! I can feel it. He's using something. Dear! Distance leke hi fight lena. Woh kisi prakar ka card istemal kar raha hai. Uski taqat badhti hui mehsoos ho rahi hai. Be careful!]

Lily ki chinta janak awaaz Ava ke mann me goonji. Ava ki bauhe bhi bhay aur duwidha ke chalte sikudi hui thi. Jaw Long ka aura woh feel kar paa rahi thi.

Aur, tabhi-

"Haaaaaaaarrrggghhhh!!!"

Jaw Long dahaad maarte hue hawa me uchakta uski orr aaya. Ava ghabrate hue peeche koodi aur Jaw Long ka taqatvar mukka zameen par jaa gira.

*Boom*

Ava ne jaise hi uss jagah ko dekha jaha woh pehle khadi hui thi uski aankhein khauf ke maare fel gayi. Zameen ke chithde udd chuke the. Ek mukke se hi waha par crater bann gaya.

'Wh-What kind of power is he using?'

[Maine kaha tha na. Usne kisi prakar se apni strength badhayi hai. Warna iss tarah ka damage asaani se nahi kiya jaa sakta. Beware! Agar ek bhi attack hume laga, to hamare liye mushqil ho jayegi.]

'Yeah!'

Jaw Long par jaise bhoot sawar ho chuka tha. Ava ko maarne ke liye jaise hi usne dusra mukka feka, Ava peeche gulati maarte hue uss se distance bana ke bachi aur ped ki aadh lete hue peeche ho gayi.

Parantu, ped jaise hi Jaw Long ke mukke ke sampark me aaya-

*Smaaaashhhhh*

Aisa laga maano ped me kisi ne bomb laga ke chorr diya ho. Kyuki, kisi visfot ki tarah hi uske parchhatte udd gaye. Ped tukdo tukdo me toot ke hawa me bikhar gaya. Itna vishalkaay ped yu ek hamle se hi dhwast ho gaya. Ava ki haalat iss samay shabdo me bayaan kar paana mushqil tha. Usne aaj tak aisi taaqat ka namoona nahi dekha tha. Ghabrahat ab uske andar janm le chuki thi.

'Th-That's-!'

Woh abhi koi rann-neeti sochti ki tabhi kisi vyakti ki awaaz aayi.

"Hahaha! Koi bhi bhaag nahi sakta ab Lord. Maine saare pul ki rassiya kaat di hai. Ab sabko-"

Kehte hue woh nadaan tribe ka member jaise hi Jaw Long ke nazdeek aaya. Jaw Long ne uska kandha thaam use wahi jakad liya.

"Huh?"

Apne Lord ki bina aankhon ki putliyo waali chhavi qareeb se dekh uss tribe ke aadmi ka moot uski jaanghiya me hi nikal gaya.

"L-Lord?"

Aur, ye uske akhiri shabd the. Kyuki, palak jhapakte hi-

*Bammmm*

"A-Ah-!!!"

Ava ki aankhon me dehshat saaf nazar aayi. Saamne ka drishya dekh uska badan kaanp utha. Jaw Long ne aisa mukka maara ki uss tribe member ka sarr kisi tarbooj ki tarah fatt gaya. Khoon sahet dimag ke chhote chhote tukde, aur andhruni ang bhi kayi tukdo me vibhajit hote hue chaaro orr fel ke gir gaye. Uska bina sarr ka bacha hua shareer bhi ladkhada ke zameen par dhamm se gir pada.

Aur, vatavaran me khoon ki gandh fel gayi.

*Blurgh*

Ava ko vomiting jaisa feel hua. Usne iss tarah ki maut kabhi nahi dekhi thi. Neeche uss tribe member ke dimaag ke tukde, toh kahi aankh ki putliyaan, uske chehre ke alag alag ang dale hue the jo ab pehchan me bhi nahi aa rahe the.

Yahi tha Berserk card! Jo apno aur dushmano ke beech antar karne me asaksham tha. Jaw Long ne apna intelligence sacrifice kar strength ko apnaya tha. Ab 15 minute tak bas Berserk ka hi prakop chalne wala tha.

[He's a monster!]

'H-How am I gonna fight him?'

[Tabhi toh keh rahi hu. Iski koi zaroorat nahi. Just run and escape.]

'N-No Lily! I can't-! And, I won't! Mein use yaha chorr ke nahi jaa sakti.'

[You-!!!]

'I'm sorry, Lily. But please...! Help me this one last time.'

[ *sighs* Fine!]

*Ding*




['Vinona's Mark' has been equipped.]

['Vinona's Mark' has been activated.]

['Vinona's Mark' has been applied on the target.]

[20 minutes...! Sirf 20 minutes hai. Hume uss se tez rehna hoga. Tabhi uske attacks se bach payenge. Defensive hote hue uss par bas ek ek vaar karti jaana. 10 consequent hits lagte hi use 150% zyada dard pahuchega. Aur, bleed bhi apply ho jayega.]

'I know! Par, uss se bachna hi sabse bada challenge hai.'

[Lekin, hume karna hoga.]

'How many points do I have?'

[See for yourself!]

*Ding*







Ava ka full status uske samaksh tha. Points ki kami dekh usne apne nichle honth ko gusse me daanto tale daba liya.

'Sirf 1500!?'

[You purchased 'Rekkaken' and 'Judo Combat' last month. Aur, Masie's cure ke liye itne saare points Death Flag me istemal ho gaye the. Mission bhi itne time baad mila hai. Of course, we have a shortage of points.]

'Damn it!'

Ava zyada derr tak apni vartalap Lily ke sang na kar paayi kyuki, Jaw Long chhalaang maar apni jagah se uda aur use maarne ke liye aaya.

Vinona's Mark activate hote hi Ava apne Judo combat style ko apnaate hue stance me aa gayi.

'Come!'

Weapon Master card ki wajah se woh harr hathyaar ko chalaane me saksham thi. Magar, Judo Combat usne ab tak kisi pe istemal nahi ki thi. Ye skill nayi thi. Aur, uska pehla hi pratidwandi Jaw Long tha.

Jaw Long ka mukka uski kamar par lagne ko aaya toh Ava chhalaang maarte hue peeche hui aur perr zameen par rakhte hi-

*Whoosh*

Woh jhatke se Jaw Long ke peeche aayi. Aur, ek strike seedhe Jaw Long ki peeth par maari.

*Thuck*

Maarte hi woh hawa ki gati se peeche hatt gayi. Aur, ye ekdum sahi faisla tha. Jaw Long ne apni laat itni tezi me peeche ghumayi ki agar woh waha khadi rehti toh uski haddiya toh tootati hi saath hi woh kayi metre dur jaake girti.

Idhar strike padte hi Jaw Long ko jaise kaafi kshati pahuchi. Vinona's Mark marked target par 120% damage zyada karta tha. Ava ki strength 150 par thi.

150 strength ka 120% zyada damage. Matlab 330 ka physical damage. Ava khud bhi nahi jaanti thi ki woh itna damage kar sakti thi. Usne kabhi bhi Vinona's Mark ka itna istemal nahi kiya tha. Aur, na hi Judo Combat ka.

Woh nahi jaanti thi ki uska damage Jaw Long ke damage ke barabar pahuch chuka tha. Ya yu kahe ki usne uss detail par utna dhyan hi nahi diya tha. Jaw Long ko jaise hi peeth par woh vaar pada, uski peeth ki maans peshiyaan andar hi andar phatne ko ho gayi.

[Bas 9 hits aur...!]

Bleed apply karne ke liye Ava ko 9 baar aur vaar karna tha. Aur, woh bhi bina ek bhi attack apne upar liye. Tabhi, uske attacks consequent kehlaate.

Woh datt kar aage badhi. Magar, pichli baar wali chaal iss baar qamyab na ho saki. Jaisi hi woh Jaw Long ki taraf feint attack karne ko aayi.

Sheba na jaane achanak kaha se uske bagal se apne panje felaata use nochne ko aa gaya. Woh ghabrati hui jaise hi mudi-

Uss se yahi par galti ho gayi. Sheba apne pankh fad-fadata hua wapas upar uda aur Jaw Long ko yaha mauka mil gaya.

[Shit...! Dear, careful!]

Parantu, kaafi derr ho chuki thi. Ava jaisi hi wapas palti-

*Pooooowwwwwww*

Jaw Long ka punch uske pait par pada aur woh hawa me udti hui kayi feet dur jaa giri. Uske muh se khoon nikalne laga.

Internal bleeding!!!

[Dear...!]

Lily chintit swar me chillaayi. Aisa lag raha tha maano andar ki saari atadiyo par 100 kilo ka wazan rakh diya ho. Uski saansein ukhdi ukhdi prateet hone lagi. Jaw Long ka endurance 200 par tha. Magar, wahi Ava ka maatr 150. Zahir hai uski dard sehen karne ki kshamta Jaw Long se kam thi.

"Urgghhh!!!"

[D-Dear-!!]

Na chaahte hue bhi Ava apne ghutno par gir padi.

'It hurts like hell...! Urrghhh! L-Lily!'

[Y-Yes!!?]

'Aisa lag raha hai jaise andar se kisi ne mere ango ko noch ke daba diya ho. Ahhh-!!'

[Bear with it, dear. Just bear with it.]

Magar, use react karne ka samay hi nahi diya gaya. Jaw Long uske saamne aake khada ho gaya.

[N-No-!!! Dear!!! RUNNN!]

***

Jab Jaw Long aur Ava dur ladne me vyast the. Toh wahi Veer apni neend me kaafi recovery kar chuka tha.

Pari ne Beowulf ko kuch derr ON rakh Veer ki healing ko badha diya tha. Aur, jaise hi bleeding band hui, usne use wapas se band kar diya. Kyuki, woh jaanti thi ki Beowulf aage kaam aane waala tha.

Veer ki palke jhapki... Aur, woh apne hosh me aaya. Neend ki wajah se usne jo points pehle add kiye the woh ab invest ho chuke the.

[Are you awake now?]

'Pari-!!!'

Saamne ka dhundhla drishya jaise hi spasht hua toh Veer ne paaya ki uske saamne Erica baithi hui thi. Erica bhi jaise use hosh me aata dekh chehek uthi.

Erica : Ahhh!!! Tumhe hosh aa gaya!!!?

Veer (breathes heavily) : Erica???

Erica (nods) : Haan! Tum theek ho na?

Veer : T-Tum yaha?

Erica : Uh-huh!

Veer : Tum yaha kya kar rahi ho?

Erica : M-Mein tumhe yaha se le jaane aayi hu obviously. Jaw Long bahut zyada shaktishali hai. Hum abhi uske level par nahi hai.

Veer : Jaw Long! Th-That's right! W-Wait-!!! Ava...! Ava kaha hai?

Jaise ab use sahi se hosh aaya. Woh uth ke baitha aur apne shareer ko idhar udhar mod apne dheele aur ghayal purjo ko usne jaise sahi kiya.

Erica : Ava?? Kaun Ava?

Veer : Wahi jisne mujhe bachaya. Jo yaha aayi thi...! Jaw Long mujhe maarna aa raha tha aur woh-

Erica : Oh tumhara matlab woh ladki? System holder?

Veer : Yeah!!

Erica : Wahi toh jab se Jaw Long se bhidi hui hai.

Veer : She's fighting Jaw Long?

Jab Veer ke chehre par uss ladki ke liye chinta ke bhaav Erica ne dekhe toh woh asahaj sa mehsoos karte hue tapaak se puchi,

Erica : K-Kaun hai woh ladki?

Veer : Ava-!!! She's none other than... Natalia Martin!

Erica (stands up) : Whaaatttt???

Apne pita ke wahi bol Erica ko fir yaad aa gaye. Chaahe kuch bhi ho jaaye Natalia Martin par bharosa mat karna. Aur, yaha woh usi Natalia Martin ke bharose pehle hi baithi hui thi.

Erica : U-Uss par bharosa nahi kar sakte hum. Hai na?

Uske sawal par Veer khamosh raha. Uski chuppi ko dekh Pari ne kaha.

[Boy-!!! What are you thinking?]

'Woh move...! Maine wo knife feki thi uss Jaw Long ki taraf.'

[Yeah, so? Pata laga liya hai humne already ki uske paas koi dodging skills nahi hai.]

'Ho sakta hai...! Par-! Maine woh sirf isliye nahi feki thi.'

[Huh!?]

'Aura vision!!! Non living things nahi dekh sakti-!!'

Pari ne jaise hi ye suna uske dil ne jaise ek dhadkan phaand li. Agar woh yaha uske saamne khadi hoti toh uske badan me khade hue raungte Veer saaf saaf dekh paata.

[You fucking-! Hahahahaha!!!!]

Woh zorro se hassne lagi.

Aura vision non living things nahi dekh sakti thi jab tak ki use upgrade na kiya jaaye. Yahi kaaran tha jo Jaw Long Ava ke dwara nikaali gayi katana se itna bhaybheet hoke dur bhaag raha tha.

Kyuki, use katana dikhayi hi nahi de rahi thi. Woh sirf Ava ke haath ke movements ko padh andaaza laga ke uss se ladd raha tha. Ava ke haath me hathyaar kitna lamba tha woh bas iska anumaan hi laga sakta tha. Aur, isliye woh Ava ki guns se bhi bhaagta raha. Na hi woh guns dekh paa raha tha aur na hi bullets. Kyuki, ye sab non living things thi.

Veer ne na sirf woh knife fek ke ye check kiya ki Jaw Long ke paas koi dodging skills thi ya nahi, balki ye bhi check kar liya tha ki Jaw Long ne Aura vision upgrade ki hui thi ya nahi. Aur, isi ke chalte use ye baat bhi pata lag gayi ki Jaw Long ke paas Aura vision ko upgrade karne ke paryapt points nahi the.

[If I would have been in my physical form. I swear I would have crushed your head while hugging you. Hahahahahahaha!!!]

Pari ka excitement iss waqt charam pe tha. Agar woh saamne hoti toh uske chehre par ek khaufnak muskan feli hui hoti.

'It's time for Round 2!'

Gehri saans lete hue Veer uth khada hua. Badan abhi bhi dard kar raha tha. Ghaav abhi bhi gehre the. Magar, samay yaha baith ke araam farmaane ka nahi tha.

Erica : U-Utho mat! Just rest! Bleeding abhi abhi band hui hai. Agar, tum zyada chaloge firoge to ho sakta hai firse shuru ho jaaye.

Veer : I need to go-!

Erica : What???

Veer : Erica! Kya tum mujhe yaha reh ke protect kar rahi thi?

Erica : Uh-huh! M-Mujhe mission bhi mila tha.

Usne jaise hi bola, uske mann me tabhi ghanti bhi baj uthi.

*Ding*

['Mission : Safeguard Veer until he recovers' is completed.]

*Ding*

[You have been rewarded with the skill 'Basic Seer Vision.']

[Skill : Basic Seer Vision.
Description : Allows the host to witness all the events that transpired at a particular place within an hour prior from the running time.]

Erica : O-Oh! Mission poora ho gaya.

Veer : Thanks!

Erica : Ehh??

Veer : Meri safety ka dhyan rakhne ke liye thanks. You... have grown up!

Erica : ...!!!?

Veer : Now I need to fulfill my role.

Erica : Wait-! Tum iss haalat me-

*Whoosh*

Kintu, uski baat adhoori hi reh gayi. Kyuki, Veer hawa ke jhonke ki tarah waha se jaa chuka tha.

Erica (shouts) : Veeeeerrrrrr!!!!

***

'I think... This is the end, Lily!'

[Noooo-!!! Get up and run!!!]

'I... I can't-! Mere perr kaanp rahe hai.'

Jaw Long uske saamne uski maut bann ke khada hua tha. Ek hit me hi Ava ka shareer atyadhik damage le chuka tha. Endurance kam hone ka nateeja tha ye.

Jaw Long bhi kaafi ghayal tha. Magar, Berserk use tike rehne ki himmat de raha tha. Usne apna haath hawa me uthaaya aur uss tribal ke aadmi ki tarah woh Ava ke sarr ke chithde udaane hi wala tha jab-

Bagal se aati ek zordaar kick ne use dur girne par majboor kar diya. Jab Ava ne saari umeedein chorr di thi, tab ek baar fir Veer uske saamne aake khada ho gaya.

Ava : !!!??

Veer uski taraf peeth kar ke khada hua tha. Woh nahi jaanta tha ki iss waqt Ava ki aankhon me aasu the.

Veer : I told you to never show me your face. Right?

Ava : ...!

Woh khamosh rahi. Apna sarr jhukaate hue woh apne hontho ko daanto se kaat khud ko dosh dene lagi. Kya kar sakti thi? Woh apne dil ke aage bebas thi.

Veer ne aage kuch na kaha. Woh bas Jaw Long ki taraf daud pada. Aur, idhar Ava ke chehre ke bhaav taajub me tab badle jab use apne mann me woh notification sunayi diya.

*Ding*

[Veer's favorability has increased to 20.]

Ava bas aashcharya me dur jaate Veer ki peeth ko dekhti reh gayi.

'V-Veer-!!?'

Veer Jaw Long se bhid baitha. Berserk ko khatam hone me abhi 2 minute baaki the. Woh tez raftar ke saath uske paas pahucha. Jaw Long ne jaise hi Veer ki taraf apni kick maarni chaahi-

Veer neeche jhuk gaya. Zordar force waali kick uske sarr ke upar se nikal gayi. Aur, Veer ka taqat se bhara mukka seedha Jaw Long ki jaangh pe jaa ke laga.

*Pooowwww*

Uska santulan bigda aur woh ladkhadaya. Mauka dekh Veer seedhe uske peeche gaya. Uske dono haath Jaw Long ki kamar par lipte-

Aur, agle hi shan itna bhari bharkam Jaw Long hawa me tha. Peeche se Veer ne use uthaaya aur peeche hi le jaate hue-

*Baaaaaaammmmm*

Neeche zameen par use sarr ke bal patak diya. Zameen par ek crater bann gaya.

Haafte hue Veer Jaw Long ki kamar ke peeche se baahar nikla. Sarr par bahut zorr ke padi thi Jaw Long ko.

'Did I... win?'

Veer abhi khade hue ye soch hi raha tha kyuki Jaw Long koi bhi harqat nahi kar raha tha. Par, achanak hi-

'Shit-!!!'

Jaw Long ne akasmat hi uske ankle ko apne haath me jakad liya. Uski pakad itni mazboot thi ki uss se chhootna namumkin sa tha.

Jaw Long uchakta hua Veer ko apne saath hawa me upar le gaya aur fir-

Usne itni zorr se neeche Veer ko patka ki ek shockwave uss poore ilaaqe me fel gayi. Sahi samay par Pari ne Bone Reaper equip kar liya warna Veer ki haddiyon ko aaj choorma bann jaata.

"Veeeeeer-!!", Ava dur se hi kamzor awaaz ke saath uski orr chillaayi. Lekin, koi fayda na tha.

Veer ka ang ang dard se tadap raha tha. Magar, Jaw Long wahi par nahi ruka. Usne punah Veer ke perr ko kheencha aur use-

*Craaaassshhhhh*

Ped se bhedte hue ped ke tukde kar diye. Veer ek baar fir khoon se lathpath dur jaata hua gira.

Jo bhi bleeding pehle ruki thi woh dheere dheere wapas se behna shuru ho rahi thi.

[Agar, aise hi chalta raha toh tum blood loss se hi marr jaoge.]

Tabhi-

*Swoosh* *Swoosh*

*Swoosh* *Swoosh*

Kuch teer Veer ke ird gird golaayi me jaa ke zameen par dhansne lage. Parantu, woh sirf teer nahi the. Unke chorr par insaano ki asli khopdi latki hui thi.

Berserk ka samay samapt ho chuka tha. Jaw Long wapas se apne hosh me aa chuka tha.

"Shebaaaaaa-!!!!"

Baaj ko awaaz lagaate hi woh baaj jaise ishara samajh kahi udta hua chala gaya.

Jaw Long fir Ava ki taraf badhne laga. Usne Ava ke baalo ko apne haath me jakda aur use kheenchte hue le jaane laga.

"Nnnghhh!!!"

Veer ne apni ardh khuli aankhon se jab ye dekha toh himmat kar woh uthne ki koshish karne laga. Magar, dard ke chalte woh wapas se gir gaya.

'N-No-!!!'

[Tumhari chaheeti ko baalo se pakad ke woh le jaa raha hai. Toh? Ab kya karoge tum?]

'Pari-!!'

[Fufu~ Yes?]

Bhaagti hui aayi Erica ne jab ye manzar dekha toh ek sihran uske badan me fel gayi. Ava ko bachaane ke liye usne apna boomerang Jaw Long ki orr feka.

Toh, Jaw Long ne ek haath se uss boomerang ko pakad liya.

Erica : K-Kaise-!?

Woh majbooran uski orr bhaagi. Peeche nahi baith sakti thi. Magar, nateeja wahi. Erica ko pakad ke jaise hi Jaw Long ne ek ped se bheda, bechari Erica ke sarr se khoon behna shuru ho gaya. Sirf do mukke hi kaafi the Erica ko ghaayal karne ke liye. Dono haatho me do sundariyo ke kesho se unhe jakadte hue Jaw Long unhe zameen me ghaseetata hua le jaane laga.

Veer apna haath aage badha ke unki taraf jaane chaahta tha. Lekin, uska shareer jawab de raha tha.

[What are you gonna do now?]

Pari toh jaise uski iss haalat par lutf le rahi thi. Jaise woh kuch soch ke baithi hui thi.

'A-Ava-!! Erica!!!'

Jaw Long ne unn dono ko bhi ek ek jagah par patak diya. Aur, unn dono ke ird gird bhi teer zameen par baari baari khuse hue the. Aur, unke chhor se insaano ki khopdiyaan latak rahi thi.

Jaw Long zameen par baitha. Aur, tabhi-

*Keaaaarrrrrr*

Sheba akaash me udta hua uski orr aane laga. Uske panjo me kuch tha jo bilbila ke tadap raha tha. Ek murga!!!

Murge ko hawa me chorrte hue Sheba wapas se ped ki daali par baithne chala gaya. Toh wahi Jaw Long ne uss murge ko pakda aur apni vidhi ko shuru karne ke liye taiyaar ho gaya.

Uske muh se vichitra bhaasha me bol nikalne lage. Aisi bhaasha... Jise Veer kya, kisi ka bhi system pehchaan na saka.

[He's using Gong Tau!!!]

Pari ke bol tabhi Veer ke mann me goonje.

Gong Tau ek black magic skill thi. Aur, iska upyog karne ke peeche ek hi kaaran tha ~ Laalach!

Gong Tau ek vashikaran ki kriya thi. Jiski madad se targets ko control kiya jaa sakta tha. Vashikaran hone ke baad agar targets ko maar diya jaaye toh unke saare cards aur skills Jaw Long ke paas aa jaane waale the.

Isi laalach ke peeche woh iss kriya ka upyog karne laga. Woh kuch padhta jaa raha tha. Aur, nirantar uski awaaz badhti jaa rahi thi.

Achanak hi-

*Rattle* *Rattle*

Teer par khusi khopdiyaan apne aap kampan karne lagi. Kad-kad ki awaaz ke saath woh thar-tharaane lagi. Hawaaein tezz ho gayi. Aur, Jaw Long ne fir uss murge ko pakda-

*Slit*

Uske gale ke paas ek cut maara...! Murge ko latkaya toh uska khoon neeche tapakte hue kisi vichitra si dikhne waali cheez par girne laga.

Khoon kuch maatra me giraate hi Jaw Long ne uss murge ko feka toh murga apni peeth ke bal hawa me perr kiye zameen par gir pada. Jaw Long ne ye dekh haami bhari. Iska matlab tha ki aatmao ne uski kriya ko sweekar kar liya tha.

Aur tabhi-

Woh murga jiska gala kaata gaya tha woh apne aap uth khada hua aur pankh fad-fadaata hua waha se bhaag utha. Idhar Jaw Long apni kisi prakar ki tantra vidyao me wapas se lag gaya.

Aur, ab Veer ko apne shareer me kuch gadbad mehsoos hone lagi. Sirf Veer hi nahi, Ava aur Erica ka bhi yahi haal tha.

[He's taking control of your body...! Agar tumne kuch nahi kiya. Toh, sab khatam hai.]

'P-Pari-!! Help me-!!!'

Veer ki bahut kamzor awaaz uske mann me aayi.

[Hmm? I didn't hear you-!?]

Jaw Long ke garajte bol apna asar kar rahe the. Veer samet Ava aur Erica ke haath apne aap unke gale par jaake jakad gaye. Woh sabhi apne apne gale ko kass ke dabaane lage. Erica aur Ava dono ki aankhon me aasu the.

Jaha ek taraf Ava haar maante hue sab kuch sweekar kar chuki thi aur mayus aankhein liye Veer ko dekhti jaa rahi thi jaise ye antim shan tha ek dusre ko akhiri baar dekhne ka toh wahi Erica ka chehra kuch aur keh raha tha. Use dekh ke lag raha tha maano jaise woh marrna nahi chaahti thi. Bebasi uske chehre par saaf jhalak rahi thi. Aankhon se mote mote aansu uske gaalo se behte hue gir rahe the.

'Pariiii-!!!'

[Hmm?]

'H-Help me-!!'

[Ohh? Mujhe kuch sunayi nahi de raha! Fufu~]

'I beg you-!! Please!!!'

[Ohh!! Waqai?]

'Please!!'

Veer ki saansein ukhdi ukhdi aa rahi thi. Pari kuch derr shaant rahi. Veer ke haath apne aap gale ko dabaate hue kasste jaa rahe the.

"Urrghhh!"

'P-Pari...!!!'

Agle hi shan Pari ki awaaz thodi badal gayi. Maano jaise woh bhayanak gusse me uss se baat kar rahi thi.

[THEN...! ARE YOU WILLING TO GIVE YOUR BODY TO ME???]

'Huh!??'

[DO YOU WANT ME TO TAKE CONTROL? TO DEFEAT THIS PUNY LITTLE BASTARD?]

'H-Haan-!!'

[ARE YOU WILLING TO HAND OVER YOUR POINTS TO ME???]

Woh chillaayi.

'Haan! *Gwakh* H-Haan!'

[THEN GIVE THEM TO ME-!!!]

'Hmmm!!'

[YOU ARE DOING THIS BY YOUR OWN ACCORD. RIGHT???]

'Y-Yes-!!!'

[THEN GIVE ME... THOSE POINTS!]

'Hmmm-!'

Aur, tabhi Veer ke 5692 points jo usne emergency ke liye bachaaye the. Woh dhadalle se ghatne lage.

[YES...! YES...! GIVE THEM TO ME!! THAT'S RIGHT!!! KEEP IT COMING!! THE MORE THE BETTER...!]

Woh points kaha jaa rahe the, unka istemal kaha ho raha tha Veer kuch nahi jaanta tha. Woh toh Pari ki baat maan vivash hote hue apne saare points daav par laga diya tha.

[YOU MUST THANK ME LATER KID-!!! IT'S YOUR GOOD LUCK THAT I WAS HERE-!!! OTHERWISE, YOU WOULD'VE BEEN DEAD!!!]

Veer ki consciousness dheere dheere jaane lagi. Aur, kuch hi shano me woh behosh ho chuka tha. Pari ne poore shareer pe takeover kar liya tha. Ghatate ghatate Veer ke saare points zero par aake ruk gaye.

[Hahahahahahahaha-!!!]

Pari paaglo ki tarah hass rahi thi.

[Hahahaha-!!! THIS BODY...! IT'S WEAK!!! BUT YOU'RE LUCKY KID-!! BECAUSE I'M THE ONE POSSESSING IT NOW.]

Veer ka badan jab gale ko dabaate hue gir pada toh Erica ne rote hue apni nazre ferr li. Use laga ki Veer iss duniya se jaa chuka hai. Magar, Ava ki nigaahein ekdum Veer ke shareer ke upar sthir tiki hui thi.

Death Flag me aisa koi bhi notification nahi aaya tha. Woh jaanti thi ki Veer zinda tha.

Aur, fir-

Achanak hi Veer ka shareer gravity ke viruddh uski iccha ke bina upar uthne laga. Aas paas ke neeche bikhre sookhe patte kaapne lage. Uske uthate hi uski zulfo ne uski aankhon ko dhak liya.

Ava, Erica samet Jaw Long khud palat ke use dekhne par majboor ho gaya. Ye chal kya raha tha?

Jaw Long ko poora yakeen tha ki Veer kaafi damage le chuka tha. Uske baad bhi iss tarah uth khade hona...! Zaahir hai use hairangi honi hi thi. Use kya, yaha par uski jagah koi bhi system holder maujood hota toh uska bhi yahi reaction hota.

Na pehle kabhi aisa kuch dekha gaya, na suna gaya aur na hi aisa kuch hone ki kisi system holder ne kabhi kalpana bhi kari thi. Kintu, Jaw Long sab kuch mehsoos kar paa raha tha. Aur, ye sab kuch asal me ho raha tha. Uske saamne khada yeh naujavan ladka iska jeeta jaagta udahran tha ki aisa kuch bhi sambhav tha.

Veer utha. Uska muh achanak hi khula aur usne ek gehri saans muh se chorri. Kintu, raat me jangal me thand hone ke chalte uski garam saans dhue me tabdeel ho gayi. Aur, dhua uske chehre se chhatate hi uske hontho par ek bhayanak, daanavi aur kutil muskaan fel gayi.





'Huh!?'

Jaw Long ka badan iss baar ek jhatka khaaya, pal bhar ke liye shareer par ruye khade ho gaye. Thand iska kaaran nahi thi. Uski vidhi beech me hi ruk gayi. Harr insaan ka aura neele rang ka hota tha.

Par... Par kabhi bhi usne aisa kuch aaj tak nahi dekha tha. Veer ka aura...

Veer ke badan se jo aura nikal raha tha. Woh pichli baar ki tarah neele rang ka nahi tha. Uske badan se... Iss baar... Woh bhayanak gehre kaale rang ke aura ki lapto se ghira hua tha. Aura keval andar hi nahi tha. Balki, Veer ke badan ke baahar ird gird bhi lapte maarta hua nikal raha tha.

Aisa lag raha tha jaisa nark se koi bhayanak pishaach dharti par aa gaya ho. Jaw Long ne iske pehle bas aatmao ki nakaratmak urjao ke aura ko hi halke kaale rang se lipta dekha tha. Aura vision urjao ko bhi halke rango se dikhaane me saksham thi.

Bhoot, pret, pishaach jeevit praani nahi hote the lekin nakaratmak urja ka strotra zaroor hote the isliye, unka bhi kahi na kahi thoda bahut aura hota tha. Magar, woh aura itna prachand nahi hota tha. Kaali lapte zaroor hoti thi par behad maamuli si. Par, idhar-

Veer ke badan se bheeshan kaali lapte aise nikal rahi thi jaise maano uss par kisi ne aag laga di ho. Bas, farq itna tha ki lapte peeli nahi kaali thi. Beshaq, ye lapte kisi ko bhi dikhayi nahi de sakti thi.

Veer ke naye roop ko dekh Jaw Long do qadam apne aap peeche ki orr chala gaya. Woh samajh raha tha ki savdhani baratna kitna zaroori tha yaha par.

Kintu, Veer poori tarah se shaant khada hua tha. Uski aankhein uske baalo se chhipi hui thi aur muh se nikalti saans nirantar thand ke chalte bhaap me badalti jaa rahi thi. Uske hontho par saji muskan kahi se bhi uski prateet nahi ho rahi thi. Lag raha tha maano uske andar kisi aur jeev ne apna vaas kar liya ho. Kisi aur ne uske shareer par qabza kar liya ho.

Iss waqt uska roop bhayanak, raudra, aur prachand maalum pad raha tha. Yuhi nahi Jaw Long ne apne qadam peeche liye the. Chaah ke bhi Veer ki iss badli hui sthiti ke baare me use kuch pata nahi lag paa raha tha. Yaha tak ki uska system bhi iss paristhiti se anjaan tha.

[Kuch gadbad hai. Samajh nahi aa raha ki kaun se card ya skill ka istemal kiya gaya hai.]

Ava jo Veer ko uthata dekh ek raahat ki saans li, usne apni katana ko hawa me feka jo Veer ke bagal se jaa ke zameen par khus gayi.

Ava : Take it... Veer!!!

Magar, Veer ke muh se uske baad jo bol nikle woh uske nahi the. Awaaz uski hi thi, parantu bol Pari ke the.

"I don't need any weapons...! I AM THE WEAPON!!!"
.
.
.
.
.
.
.
.
.
Aaj ke liye itna hi guys.
This update consists of 10.6k words. Ye thoda aur lamba jaata magar kisi bhi cheez ki zaroorat se zyada maatra haanikarak hoti hai. Isliye, ise yahi rokna sahi tha. Agle update me sab kuch samapt hai. Maine keh hi diya tha ki fight 4 updates legi. Teen update ho chuke hai. Bas ek baaki hai. Aur, uske baad shayad ek update aur rahega jo arc ke closure ke liye rahega. Update bahut late aaya hai jaanta hu. Par, mein vivash hu dosto. Baaki, likes thokne ka aur revos dene ka. Target apna 200 hi hai. Pahucha do. Agla update jald dene ki koshish rahegi.
Dhanyavad!

WHAT A TWIST!

Some of it was expected. Nice way to set up veer’s re-entry for round 2! I would have thought he would have been bit smarter for round 2! But heavy damage from earlier not enough to win!

The black aura feels so similar to Naruto’s nine tails! It’ll be interesting to see what happens next! One thing that seemed clear was - if points hit zero - system holder may die. What will happen of veer? Even if he wins, will he be back to as he was? Will Pari now have some sort of permanent partial control on veer all the time? pari’ s expressions are creepy.

Really looking forward to the next chapter!

Great update Werewolf! Looking forward to what you’ve got cooking for us!