up-----------3
surya komal rani ko lekar apni heli force ke sath uttarakhand ke pahadon me ja pohncha tha. komal rani itni der se khamosh bethi rahi thi. bohut kuchh uske mann me chal raha tha. zindagi me pahli bar wo khud ko mabzut hathu me feel kar rahi thi. warna jab tab raj laxmi ki kothi me rahi thi. har dum dhadka laga rahta tha. jane kab uske sath kya ho jaaye. surya ka sath pa kar usay wo khud ko bohut surakshit feel kar rahi thi. bohut kuchh surya bare sochti ja rahi thi. surya ne jitni bhi baaten kothi par kari thi. komal rani un sari baaton ko yaad kar rahi thi. surya ke uske liye vicharon ne komal rani ke andr hulchal macha di thi. wo bhi kabhi is layak ho sakti ha. khud ki kabhi raksha kar sakegi. apni maa ko talash kar sakegi. apne parivar ke katilon se inteqam le sakegi. ye sari baaten ek deewane ka khawab hi samjhi ja sakti thi. lekin komal rani ka dil bol betha tha. wo surya ke ek shabd par ankh band kar ke bharosa kar le. aur usne kar lia tha.
jab heli force apni manzil pohnchi. to surya ne usay mukhatib kia
surya -- hamari manzil aa gai hai komal rani ji.
komal khayalon se bahar aai. surya ko dekh neeche dekhne lagi. fir charon orr dekhne lagi. hairat se boli -- tum yahan in pahadon me rahte ho.
surya muskuraya -- haan... ye bhi mera ek thikana hai.
komal rani -- ek thikana. matlab kya hua tumhara is baat ka
surya serious hota hua bola -- komal ji.. aap ne apni zindagi ke 19 saal apne parivar ke sath guzare. baki ka sara samay dadi maa ke charno me guzara.. hamari dunya sadharan nahi hai. kisi ek bande ko power mil jaaye to uski zindagi me aane wala har dushman ser par sawa ser bankar saamne aata hai
komal rani uljhi nazron se surya ko dekhne lagi -- mai abhi bhi nahi samjhi hon surya
surya ke honto par meethi muskan ubhar aai -- thanks. aapke honto ne mera nam lia.
komal rani jhat se apne hont bhench gai. wo aisi to nahi thi. surya ki baaton par wo bar bar hadbadane lagi thi. apne hont aise band kar gai. jaise galati se surya ke bol gaye the.
surya -- nahi.. komal ji.. aap ke in honto se nikla ek ek shabd mere liye amrit ha. mere nam ka aapke honto se nikalna to mere liye saanson ke jitna khas hai.. plz apne in payare honto par sakhti mat kariye.
komal rani surya ki ankhon me dekhne lagi.. itni der me helicopter force land kar chuki thi. surya pahle utra.. fir komal rani ko ek mallika ke jaise protocal deta hua jhuk kar ek hath badha gaya..
tabhi komal ne dekha.. helicopters me aane wali force me pilot tak female thi. wahan pahle se bhi kuchh females maujud thi. wo sab ki sab do sides me khadi ho gai. pahle se maujud females ke hathu me phuloon se bhare tokde maujud the. komal rani ko kadam kadam kar hairat ke jhatke lag rahe the.
surya ka hath abhi tak badha hua tha. komal rani ne apne sawagat ke liye khadi females ko dekh kar surya ko dekha.. komal rani ko sach me aisa laga. jaise wo is chhoti se riyasat ki mallika ho. komal rani ne apna hath surya ke hath me de dia..
helicopters ke par tham chuke the. pahadon me ab sannane ka raj tha. koi awaz thi to surya ke dil ke dhadakne ki awaz komal rani ke kaano me sunai de rahi thi. komal rani ne bade aitmad ke sath apna hath surya ke hath me de dia. aur badi shan ke sath heli se neeche utarne lagi..
jaise hi wo neeche utari. usne chaha apna hath surya ke hath se hata le. lekin yahan koi mard nahi tha. yahan sab surya ki force se wabasta ladies hi thi.. aur fir wo surya ka dil nahi dikha sakti thi. uska maan gira nahi sakti thi.. usne apna hath nahi hataya.
surya ko laga.. jaise wo komal rani ko jeetne ki pahli seedhi paar kar chuka ho.
wahan kabhi kai females ne phoolon ki barish shuru kar di.. kuchh lady force ne gun se firing karni shuru kar di.....
sach me komal rani ka sawagat QUEEN ke jaise kia ja rha tha.. komal rani sab ko ek nazar dekhti hui surya ke sath chalti hui ek gufa ke andr ja pohnchi. gufa ko andr se dekh komal rani hairan rah gai..
komal rani ke moh se tareefi shabd nikalne lage -- woww.. surya ye to sach me dunya ki sabse amazing place ha. kitna sundr ha cave... kitna decorate kia hai ise tumne. shayad hi kisi king ka aisa palace ho.
surya ke sath keval 4 ladkiyan han. baki sari bahar hi ruk gai thi.
surya -- ye to kuchh bhi nahi hai komal rani ji.. apke liye aisa palace banaya ja raha hai. dunya me kisi shah ne apni rani ke liye nahi banaya hoga.
komal rani -- lekin mai to tumhari rani nahi hon.
surya -- nahi.. rani to aap han mere dil ki. mai badshah hon. aapke dil ka badshah ban saka ya na ban saka. lekin aap umar ki akhri manzil tak RANI bankar jiyengi. mai khud ko khush naseeb samjhonga. agar mai aapke dil me utar saka to.. lekin fir bhi ek chahne wala bankar, aapka hamesha saya bankar jeeta rahunga. dil par zor nahi chalta.. dil ko zor zabardasti apne vash me nahi kia ja sakta. mai us din ka besabri se intezar kar raha hon. jis din aap ke dil ki ek ek dhadkan mera naam pukaregi.
komal rani ko ab sharam si aane lagi.. surya ki regular prem bhari baten usay ajib si lagne lagi thi. pahle kothi thi. ab surya ki rajdhani me thi. ye baat bhi uski sharam ko bohut badha rahi thi. wo apne premi ke paas thi. jahan sab ye janti thi. wo yahan ke badshah ke premika hai..
wo surya ki baat ka jawab na de kar idhar udhar tahal kar gufa ko andr se dekhne lagi. surya ko talne ka usay yehi bahana mila.. surya komal rani ko katrate dekh mand mand muskurane laga.
gufa ko achhe se dekhne ke bad komal rani mudi aur surya ko dekh palken jhuka kar dhire se boli -- yahan sari females hi kyun ha. koi bhi male kyun nahi hai yahan.
surya apne sath khade 4 girls ko dekh kar muskuraya -- fir komal rani se wahin khade khade bola -- mere dil me aap hi aap han. jab se aap ko dekha. maine jana ye dunya bohut sundr ha. warna to pahle mujhe shabd sundrta ka bhi pata nahi tha. aap ko dekh lene ke bad mujhe dunya bhar ki sundrta se prem ho gya. mujhe mardon se nafrat nahi hai. haan par mujhe mahilaon se lagao zayada ho gaya hai..
komal rani ko surya ki ye baat ajib lagi.. wo khamosh rahi
surya dhire dhire chalta hua komal rani ke saamne aa khada hua -- aap ka prem mere dil me jaga to mujhe sivaye prem ke kuchh nahi soojha. yahan jitni bhi mahilaen maujud han. wo isliye nahi han.. mai un sabhi se prem karta hon. ye sab kisi na kisi angle se pahle se kamzor thi. in ka dunya me koi nahi tha. koi inki sahayata karne wala nahi tha. dunya ke powerful log mardon ki force bana kar hukumat kar rahe han. aise me mai dunya se nirali force bana raha hon. ek to apke prem ke chalte dunya ki har nari mere liye samman layak hai. dusre jaise aap abhi kamzor ha. khud ki raksha nahi kar sakti. desh bhar me, dunya bhar me kai ap jaisi kai aisi han. jo apni izzat tak ki raksha nahi kar sakti. main aisi kamzor mahilaon ko strong kar khud ke dum par jeena sikha raha hon.
komal rani ko khud par jaise garv hone laga. ek aisa ladka usay chahta ha. jiska dil aur vichar sundr bhi han aur strong bhi.
komal rani - kya yahan mujhe koi khatra nahi ho sakta
surya -- nahi. yahan aap ko koi khatra nahi ho sakta.
komal rani -- itni badi heli force ke sath hum yahan aaye han. kaise army walun se, hamare desh ki secret agencies se ye baat chhupi rah sakti ha. wo jaan gaye to mere dushman bhi jaan sakte han. aise me wo sab ekjut hokar attack kar sakte han. ab tak maine ye jana ha. mere dushman bohut powerful han. kamzor hote to kabke fanaa ho chuke hote.
surya -- aap chinta mukt rahiye komal rani ji.. mai bhi dushman ko kabhi kamzor nahi samjhta. mai to pahle se jaan chuka hon. aaj ka insan powerfull banne ke liye najane kya kuchh karta fir raha ha. meri nazar hr ek baat par hai. ab rahi baat.. hamari army aur secret agencies ki.. to is area me 100km ki range me koi bhi detector kaam nahi kar sakta.. jaanne walun ne ye to jana hoga. hamara route kahan ha. lekin hamari manzil wo kabhi nahi pa sakte. haan agar wo hamari technology ko takkar de sake. to fir zarur hum unki nazron me aa sakte han.. ye mera ek chhota sa headquarter ha.. ise abhi banaya ja raha ha. warna main headquater kahin aur banaya ja raha ha.. jis find out kar pana, ya wahan mujhe ya mere kisi chahne wale ko nuksan pohncha pana kisi ke liye mumkin nahi rahega.. sabse khas baat. mere rahte ya meri force ke rahte koi aap ka baal bhi baka nahi kar sakta.
komal rani gahri nazron se surya ko dekhti hui ekdum se nazren fer gai. surya ki ankhon me usay apne liye chahat ke hazaron jungo jagamate hue dikhai diye the.
komal rani -- mai fresh hona chahti hon..
surya ne force ki ladkiyon ko ishara kia. wo komal ko sath liye ek side me aage badh gayi.
-----
vijay pratap singh ghayal sher ki tarah tadap raha tha. ab tak jane kitne hi doston ne fone par bazahir hamdardi se baat kari thi. lekin dar parda vijay pratap singh ko ye bata dia tha. us jaise jayale ke moh se uska apna hi bhai niwala chheen kar le gaya tha. ye baat vijay pratap singh bardasht nahi kar pa raha tha. theek ha surya komal ko isiliye sath nahi le kar gaya tha. wo komal rani se shadi karne ja rha tha. lekin wo komal se maom se pathar banane, fir uski komal ki maa ki talash aur dushmano se badla lene layak banane ke liye le gaya tha. ye baat bhi vijay pratap singh jaise mard ke liye ek challenge ka darja rakhti thi. wo konsa sa kisi se kam tha.. wo bhi to komal se shadi karne ke bad usay strong bana sakta tha. uski maa ko talash kar sakta tha. uske dushmano se badla le sakta tha. power me wo kisi se kam tha kyaaaa...
daru ke glass par glass gale me undelte hue vijay pratap singha aisi hi baaten soch rha tha.
fir wo kisi se faisle par pohnchne ke bad mobile nikal ek bande ko call karne laga
vijay -- surya kothi se nikal kar kahan kahan gaya. kya kuchh krta raha ha. mujhe ek ek baat ki report chahiye. kaise wo itna powerful ban gaya. kuchh bhi chhupa nahi rahna chahiye...
order dene ke bad wo kamre se nikla.. drawing room me usay apni dono bahne aur chacha ki betiyan dikhi.. vijay ko dekh sab uth kar khadi ho gai. vijay ne laal laal ankhon se sabko ghoora.
vijay -- kya tum sab bhi samjhti ho.. mai kayar hon. komal par mera nahi us useless surya ka haq hai.. nahi.. komal meri thi meri hai aur meri hi rahegi.. suna tum sab ne.. komal se shadi keval mai hi karunga. wo surya jo tees maar khan bankar aaya tha. mai dhund nikalunga.. komal ko usse chheen laaunga.. jaisa surya ne kaha. vaisa hi mai sab kar ke dikhaunga.. suna tum sabne.. meri is baat ko likh kar rakhna tum sab..
sari bahne vijay ko bada samman deti thi. usse darti bhi thi. jaisi insult uski hui thi. wo sab aur bhi usse khaufzada ho gai thi. payal singh karate me black belt thi. lekin vijay se chhoti hone ki bina usse darti thi.
payal singh kabhi surya ke karib nahi rahi thi. wo aaj surya ka badshah wala roop dekh pagal ho gai thi. usay yakeen hi nahi raha tha. uska bhai jo dabbo aur useless ladka hua karta tha. wo ek king bankar kitne shahana andaz me heli force ke sath kothi par aaya aur bade hi dabang tarike se khud ko introduce karwata komal ko filmi style me apne sath le gaya tha. jahan payal hairan thi. wohi usay apne kiye par badi sharmindgi bhi ho rahi thi.
vijay wahan se chal pada. payal ne apni bahan priya aur cousins ko dekha. uske andr ghutan badhi. wo wahn se jane lagi.
priya -- didi. kahan ja rahi ho
priya boli to to uski awaz me dard tha. haare hue jawari ka sa swar tha.
payal apne hont bhench nam ankhon ke sath 'naah' me sar hila kar wahan se chalti bani.
priya sisak padi -- haaye.. main apne bhai ke sath kaisi nainsafi karti rahi.. kaise mai uska saamna kar paaongi.
chacha ki betiyan kiran aur avantika ek sath boli -- hum ne bhi hamare bhai ko hamesha ek naukar se zayada ahmiyat nahi di.
priya khud ko hi laan taan karti hui boli -- mera to saga bhai tha. hum ek maa se the. fir bhi mai usse door rahi. usay ek naukar se zayada nahi jana. wo humse naraz hokar humen chhod kar chala gaya tha. ek bar bhi mere dil ne uski chah nahi kari.. shame on me.. mujhe to sharam se doob marna chahiye..
koi kisi se nazar nahi mila pa rha tha. mahindr aur sunrinder apne kamron me band the. surya ke bhai aur chacha ke bete bhi soch rahe the. kitna galat kia sabne surya ke sath.
vijay pratap singh raj laxmi ke pass ja pohncha. door knock karne laga
raj laxmi -- kon?
vijay -- badi maa.. mai hon vijay.
raj laxmi ne door khola. vijay raj laxmi ka khushi se damakta chahra dekh hairan rah gaya.
vijay - badi maa.. mera dil khun khun ho raha ha aur aap han kitni khush dikh rahi han. kyun.. mujhe bataiye badi maa. kyaa meri shadi toot jane par apko zara bhi dukh nahi hua. wo kal ka do takey ka surya meri hone wali patni ko sath le gaya. kahan gai aap ki aan baan aur shan. kahan gaye aap ke adarsh.. kahan gaye aap ke rules.. mujhe bataiye badi maa.. maine hamesha aapke har faisle par sar jhukaya ha. aap ne bhi kabhi koi nirnay aisa nahi lia. jisse hamare dilon ko thes pohnchi ho. lekin aaj.. badi maa.. aaj aap ne sahi nahi kia. surya ki tarafdari karke apne rules hi nahi tode han aapne. mujhe bhi meri nazron me do kodi kar dia hai..
raj laxmi shant khadi vijay pratap singh ki kadwi baaten sun rahi thi. vijay khamosh hua to wo boli -- jaao.. sab ko haal me ikatha hone ko bola. mai aa rahi hon. wahan tumhe tumhari baaton ka jawab bhi dungi. aur apne ek ahm elaan bhi karungi..
vijay jo bade josh me raj laxmi ke pass aaya tha. raj laxmi ka thanda mizaj jaan hairan rah gaya.
raj laxmi -- jaao.. jan kar sabse kah do.. aaj ka din bohut khas hai.
raj laxmi ne darwaza band kar dia. vijay pratap singh kuchh shan band door ko ghoorta raha.. fir wahan se chal pada..
---------
kothi ka haal sabhi family membres ke sath khas banaya gaya tha. jab bhi sabhi ko ek sath salah mashwara karna hota tha. wahin beth kar kia karte the..
raj laxmi ek badi chair par bethi thi. parivar ke sabhi sadasy uske saamne sofon par bethe hue raj laxmi ko dekh rahe the.
raj laxmi bari bari sab ko nazar bhar kar dekhne ke bad unche swar me boli
raj laxmi -- jab tak mere sar ka taj bhano salamat raha. mai ek sanskari patni bani rahi. jahan meri zaruart hui. wahan maine apna role ada kia.. bhano pratap singh jab tak rahe. parivar me sare faisle wahi lete rahe.. mai aur tum sab unke har faisle par sar jhuka kar amal kia karte the. unke dehant ke bad tum sab ne mujhe parivar ka mukhiya maan lia. unke jane ke bad maine koi bhi faisla apni ichha anusar nahi lia. parivar ki bhalai ke liye mujhe jo sahi laga. maine wo kia. bhagwan ki kripya aur tum sab ke pyar ke karan mai apni zimmedari nibhati rahi. lekin....
raj laxmi itna bol khamosh hui. fir kuchh shan sabhi ko dekhne ke bad boli
raj laxmi -- lekin.. parivar ki mukhe sadasy hote hue bhi maine kuchh galiyan ki. tum sab ne bhi ki. surya bete ke sath insaf nahi kar pai. wo mera pota tha. usay na pyar de saki aur na hi samay. parivar ke dusre ladkon ki tarah usay ladka na samjh kar, parivar ka sadasy na samjh kar naukaron ka sa bartav karti aai.
raj laxmi ki is baat par shalini singh sisak padi. rah rah kar wo khud ko koos rahi thi.
raj laxmi -- aksar insan ki zindagi me achanak na samjh me aane wale badlav aa jaya karte han. aise bhi badlav aa jaya karte han. jinhe hamare mann hamare vichar sweekar nahi kar pate. lekin badlav aane par khud ko badle bina rah pana mumkin nahi rahta. mujhse pahle bhano pratap singh is parivar ke HEAD the. unke bad main HEAD bani.. aaj achanak se surya ne aa kar mujhse meri post chheen li. usne khud ko mujhse bartar sabat kar dikhaya. ye kothi nahi hai. ek aisa qila ha. jiske andr ghus pana mumkin nahi. lekin surya pratap singh ne qile jaisi kothi ki sari suraksha ko mitti me mila kar, komal rani ko leja kar khud ko sabat kar dikhaya. woh mera hi ek ang ha.. mujhe meri haar par dukhi hona chahiye. sharam se mar jana chahiye. lekin koi bahar ka aisa karta to zarur mai sharam se mar jati. lekin surya jaisa bhi hai. isi parivar ka beta hai. surya ne khud ko sabse bartar sabat karke mujhse meri post chheen li hai.
itna bol raj laxmi apni chair se uth khadi hui..
raj laxmi -- main ab tak is chair par isliye bethi thi. kyunki bhano ke bad ye mere bhage me aa gai thi. lekin surya ne mujhse is kursi par bethne ka adhikar chheen lia ha. so ye HEAD OF THE FAMILY wali CHAIR mai uske liye chhod rahi hon. woh jab kabhi bhi aayega. is chair usay khali milegi.
itna bol raj laxmi sab ko bari bari dekhne lagi. sab raj laxmi ki baat par hairan the. lekin vijay pratap singh ke andr hi andr jwalamukhi dahakne laga tha.
vijay -- nahi.. badi maa.. nahi.. mujhe aapna ye faisla sweekar nahi hai.. aap is kursi par nahi bethna chahti.. na sahi.. lekin surya hi is chair par bethne ka iklota haqdar hai.. mai nahi maan sakta.
raj laxmi ne hath utha dia..
raj laxmi -- abhi meri baat khatam nahi hui hai vijay..
vijay na chahte hue bhi khamosh ho gaya
raj laxmi -- bhano ke bad mai hi ab tak is parivar ki raksha karti aai hon. HEAD OF THE FAMILY hone ke bate main hi sare faisle leti aai hon. lekin ab mai HEAD OF THE FAMILY nahi rahi. meri nazar me surya HEAD OF THE FAMILY hai.. tumme se koi agar khud ko is kursi ke layak samjhta hai to woh khud ko sabat kar sakta ha. khud ko surya se bartar sabat kar ke dikha de. mai khushi khushi usay ye chair sonp dungi.
vijay - wo kal ka ladka surya kya bechta hai mere saamne. aur fir usne abhi tak khud ko sabat hi kahan kia ha. wo ab tak kahan raha. kiske under raha. humme koi nahi janta.. aapne ye chair surya ke liye chhod di hai. lekin aap ne is baat par dhayan nahi dia. kyaa waaki me surya badshah ha. kya wo waaki me itna powerful ha. jaisa yahan aa kar woh khud ko show karwa gaya ha. kyaa wo kisi ka paltu nahi ho sakta.
paltu shabd par shalini ka kaleja jaise chhalni ho gaya. woh apni chair par uth kar cheekh padi
shalini singh -- vijay!!.. sharam karo apne hi chhote bhai ke liye aise shabd istemal kar rahe ho.
vijay -- mai aap se maafi maang loonga maa. lekin maine jo kaha. usay aap ya koi bhi galat sabat kar de.. surya ko humne dekha. uske sath keval ladkiyan hi dikhai deen. dunya me kitni organizations han.. jo dunya par raj karne ke liye apne mohre dunya bhar me nahi phelaya karti. kyaa pata.. surya bhi kisi organization ka mohra ho.. wo khud me kuchh na ho.. uski lagaam kisi aur ke hath me ho. wo khud ko badshah kah raha tha. kyaa aap kah sakti han maa. uske sath aane wali sari ladkiyan uske under kaam kar rahi han. kyaa aisa nahi ho sakta.. surya aur wo sari ladkiyan aur sare helicoptres ki dushman desh ki orgazination ya fir kisi gangster gang ke ho sakte han.. aise me surya na keval HEAD OF THE FAMILY wali kursi ke layak nahi ha. woh hamare parivar me wapis se shamil hone layak bhi nahi hai.. barson se hamara parivar rajaon maharajaon ki tarah jeeta aaya hai.. rajaon ke jaise humen samman dia jata ha. hum bhi raja bankar praja ki dekh rekh karte han. jitna khud khate han.. usse kahin badhkar daan kar dete han.. kyaa surya daan karne layak ha.. kyaa wo khud ke dumm par bhi kuchh hai.. kyaa woh kisi ka kharida hua mohra to nahi.. hai kyaaa aapke pass mere kisi bhi uttar ka.. kyaaa koi aur mujhe mere uttar ka jawab de sakta hai...
vijay pratap singh ki baaten sun raj laxmi samet sabke vicharon me jaise tufani hawaon ke jhakkad chalne lage. pahle surya ko dekh aur jaan kaise wo sab aatmaglani me vyast ho gaye the. apne kiye par sharamsar the. khud ko apni hi nazron me gira hua mahsus kar rahe the.
lekin ab.. ab halat ka dusra rukh saaamne aaya to surya ke liye apne bartav ko soch surya ke badle roop ko zayada soch rahe the...
mahindr pratap singh uth kar khada ho gaya.. sab ko dekhta hua bola -- sab ki tarah main bhi khud ki nazron me jaise gir gaya tha. apne ek bete ko beta na maan kar khud par afsos kar raha tha. aaj surya ek naye roop me aaya ha. agar to uska ye naya roop uska khud ke dum par hasil kia hua hai to main ek baap hone ke bate usse apne kiye ki maafi maang lunga. bhale uske liye mujhe kitna bhi jhukna pade.. lekin agar vijay bete ki baton ke anusar surya agar kisi dushman desh ki org ya gangster gang ka koi mohra hai to main usay kabhi apna beta sweekar nahi karunga. surya ko khud ko sabat karna hoga.
surindr -- hamare adarsh ek samman han. hamara jeena bhale hi alag ho. lekin hamari soch ek hai. hum kuchh bhi aisa nahi karenge. jisse hamare purkho ki nek nami par koi ungli uthaye. main bhi surya pratap singh se prem karta hon. uske sath hui zayadtiyon par sharminda hon.. lekin .. agar mera bhatija surya ek bura ladka hai. dushman desh se mila hua hai to mai uska chacha bankar nahi.. usse ek desh premi bankar milunga.. hamare beech woh tabhi shamil ho sakta hai.. jab woh sacha aur khara sabat hoga..
shalini singh ab dohre dard se tadapne lagi thi. ek to bete se barson door rahi thi. usay uske hisse ka pyar nahi de saki thi. upar se jaisi baaten sun rahi thi. uska dil ro raha tha. kahin uska surya buron me mil kar bura to nahi ban gaya. kahin wo parivar ki nek nami par dhabba to nahi bann kar laut aya..
raj laxmi ke bhi vicharon me vijay pratap singh aur mahindr surindr ki baaten sun hulchal mach uthi thi..
woh mann me badbada rahi thi.. nahi.. hamara khun itna gandha nahi ho sakta.. nahi.. mera dil nahi manta.. surya bete.. kab firse rabta karoge.. dekho.. yahan tumhare charitr par hi ungli nahi uth rahi. sab ko lag raha hai. tum mujrim ban khandani khun me gandh milane ka karan ban rahe ho.. aa jaao. khud ko sabat kar dikhao. bata do.. tum bhano pratap singh ke sache janasheen ho..
raj laxmi samjh rahi thi. uske jaise sab ke mann me surya ke prati galat fahmiyan janam lene lagi han. lekin usay yahan kuchh to bolta tha..
raj laxmi -- vijay.. surya ki tarah tum bhi mere bete ho.. surya komal rani ko le ja kar usse shadi nahi kar raha.. tumhari shadi tooti ha. lekin tum chaho to ab bhi tum komal ko apni bana sakte ho
sab firse raj laxmi ko dekhne lage.
vijay pratap singh khil utha tha. usay laga.. wo haqiqat ka sahi rukh sabko dikhane me kamyab raha hai
raj laxmi -- vijay.. maine ye kursi surya ke liye chhod di hai.. ab is kursi par ya to surya bethega.. ya wo.. jo khud ko is ke kaabil sabat kar dikhayega. komal ko gudiya se lohe ki banane ke liye, komal ki maa ki talash aur komal ke khandan ke katilon ke sarvanash ke liye surya komal rani ko lekar gaya hai.. mai tumhe khuli chhoot deti hon.. khud ko sabat kar dikhaao.. surya tumhe jahan kahin bhi mile.. usse komal rani ko apne kabze me karo.. jaise vichar surya komal rani ke liye rakhta hai.. jaise irade surya ne komal rani ke liye zahir kiye han.. tum bhi khud ko surya ke mukable par khada kar sakte ho. lekin meri ek baat kaan khol kar sun lena.. is ladai me tum dono bhaiyon ka khun nahi bahega.. komal rani par halki si bhi aanch nahi aayegi..
vijay pratap singh jaise jung jeet gaya tha. wo khushi se deewana ho gaya.
vijay -- badi maa.. sach kahta hon. aaj se pahle maine aap ke har faisle par hamesha sar jhukaya.. aap ke har faisle ko palan kia.. mujhe kabhi bhi aapke kisi faisle par aisa nahi laga. aap ke moh se nikle shabd galat han.. surya komal rani ko lekar gaya. lekin aap kuch nahi kar saki. mujhe aapke faisle aur power ki kami par dukh hua.. lekin aap ki ab ki baaten sun aapke liye mere vichar firse pahle jaise ho gaye han.. mai bohut khush hon. aap ne pahle ki tarah is baar bhi fark kiye bina insaf kia hai.. mai aap se wada karta hon. surya ko dhund nikalunga.. komal rani ko usse hasil karonga.. mujhe bhi ab komal rani se shadi ki koi jaldi nahi hai.. ab meri zindagi ka sabse bada laksh hoga.. komal rani ko faulad bana.. uski maa ki talash aur uske parivar ki dushman nash..
shalini singh aur sab kabhi vijay ko dekhte. kabhi raj laxmi ko..
raj laxmi -- ab akhri baat.. chunki mai ab HEAD OF THE FAMILY wali chair chhod chuki hon. isliye ab se parivar ki raksha aur dushman se ladai tum sab karoge.. tum se har ek ki responsibility banti hai.. woh parivar ke ek sadasy ki suraksha par pura pura dhayan de.. surya ke khul kar saamne aane se, komal rani ke surya ke sath jane se, dushman ab khul kar war karenge..
mahindr pratap singh -- maa.. hum na pahle kabhi kayar the. na hi ab han.. dushman ko eent ka jawab pathar se dena jante han.
surinder -- maa... hamare liye khandan ki izzat aur aan baan shaan se badhkar kuchh nahi.. aap bharosa kijiye.. khandan ke kisi sadasy par aanch nahi aane di jayegi.
raj laxmi -- bat HEAD OF THE FAMILY wali kursi ki hi nahi hai. khandan ki izzat ki bhi hai. meri kai betiyan han. dushman bohut neech hai. barson se peeth peeche war par war karta chala aa raha ha. ladiyon ki suraksha badha do. neech dushman war khali jate dekh kar neech harkat kar sakta hai.
-------
shalini singh apne kamre me akeli thi. door band karti hui wo dressing table ke saamne bethi khud ko aaine me dekh rahi thi.
shalini singh -- shalini singh.. kabhi tumne socha tha. zindagi tumse aisi priksha bhi le sakti. ek side tum bete ke sath ki gai na-insafi par tadap rahi ho. dusri orr jis bete ko apne anchal ki thandi mamta bhari chhaon me nahi sula saki. aaj uske badle roop par shak me pad gai ho.
shalini singh khud ko aaine me dekhti sawal jawab kar rahi thi..
shalini singh -- mai manti hon maine bohut galat kia. par kya karti. meri mat maari gai thi. mujhe kyaa pata tha. halat ka dusra rukh aisa bhi ho sakta ha. mai to samjhti thi. mere surya jaisa bhi hai. dunya me kahin na kahin hoga. jab bhi kabhi aayega to laut par mere hi paas aayega
shalini singh ke dusre vichar -- kyaa sach me tumne itna hi socha tha..
"to aur kyaa sochti"
"fir tumhare andr ye jung kaisi chhidi hui hai.... agar sab kuchh normal hi tha. to tum itni bechain kyu ho rahi ho.. kyun tum apne andr ghutan mahsus kar rahi ho"
"ghutan.. kaisi ghutan"
"kya kabhi aisi chinta me tum aai ho.. beta chuha tha. to dhayan nahi dia. ab woh sher bankar aaya hai to tum soch rahi ho. wo desh sevak bankar lauta hai ya desh darohi.."
"nahi.. nahi.. mai aisa nahi soch rahi"
"kyun khud ko fareb de rahi ho shalini.. aaj bhi tum utni hi galat ho. jitni ki pahle thi. bete ko sheron ki tarah aate dekh tumhare andr uske liye mohabbat umad aai thi. tum usay seene se lagane ke liye tadap uthi thi.. ab jab vijay ne shak ki neev dali hai to tum dorahe par aa khadi hui ho... kyaa surya tumhari kokh se nahi janma... kyaa tumne usay doodh nahi pilaya.. kyaa hua.. jo tumne uspar dusre beton ke jaise dhayan nahi dia.. lekin uski ragon me khun ki surat tumhara doodh daud raha hai.. bhano pratap singh ka khun aur tumhara doodh kyaa hua.. kyaa doodh pani ban gaya hai.. kyaaa khun me milawat ho gai hai..."
shalini singh cheekh padi -- nahi nahi.. mera doodh pani nahi ho sakta.. ek bar bhi maine upare mann se surya ko doodh nahi pilaya.. pata nahi kyu meri matti mari gai thi. bada hone par jab pata chala. woh mand budhi hai. aise me uspar zayada dhayan na deti hui dusre bachhon pr dhayan de gai thi.. ye meri galati hai"
"fir dusri galati kyu kar rahi ho.. kyu apne doodh par shak kar rahi ho"
"shak.. mai kahan shak kar rahi hon"
"shak nahi kar rahi ho.. to kyun nahi tumne vijay ko moh tod jawab dia.. kyu nahi kaha.. surya mar to sakta hai.. lekin mujrim nahi ban sakta.. wo jaisa bhi hai.. janam to usne tumhari hi kokh se lia hai... hazaron logo ki duaon ke anchal me tum log jeete ho.. fir surya par shak kaisa..."
"nahi nahi.. mai kabhi mere bete par shak nahi karungi.."
"kyaa ek maa hokar bina kuchh bhi surya ke baare me jaane uspar yakeen kar sakti ho"
" haan kar sakti hon!"
"to fir sab ko bata do.. tumhara surya kabhi galat nahi ho sakta.. wahi hai parivar ka asli rakshak.. wahi hai.. parivar ka iklota aur sacha mahaan waris.. koi uski jaga nahi le sakta.. wahi hai.. jis ke hone se parivar ka nam parivar ki aan baan aur shaan hazaron guna badhne wali hai"
shalini singh ek jhatke me uth khadi hui -- mai sabko bataongi.. mai bataungi.. maa ka dil kabhi usay dhoka nahi de sakta. ek maa ka doodh kabhi pani nahi ho sakta. mai sabko bataungi.. surya ke prati kisi bhi mann me doubt hai to wo apne mann ko dho dale.. surya sacha bhi hai aur khara bhi....
shalini singh apne ansu poche bina kamre ka darwaza dhadake ke sath khol karme se bahar nikalne lagi...
tabhi jaise uske kadmon me bediyan pad gai... wo tham gai.. khud se badbadane lagi.. lekin kis ko safaiyan dungi.. kisse kahungi.. mera surya galat nahi ho sakta.. kyaaa mai ab tak sahi thi.. ek maa hokar apne bete ka haq maarti aai.. ab agar maine kisi ko safai di.. to sab mujhpar hasenge. kahenge. tum wahi maa ho na.. jo apne hi bete se begani bani rahi.. doodh kyaa pilana band kia.. tab se leke ab tak usay ek bar bhi nazar bhar kar nahi dekha....
shalini singh ki sari takat jaise ek hi pal me dhay gai.. uske ab ke vichar uske iradon par bhari pad gaye.. shalini singh wahi gir padi .. apna seena peetne lagi..
"haaye maine ye kyaaaa kar dia.. mere bete mujhe maaf kardo.. mai tumhari maa banne layak nahi thi.. kyu bhagwan ne tumhe meri kokh me utaar dia.. thuuu hai mujhpar... thu hai.. jo mai ek maa ke naam par kalank ban gai...."
shalini buri tarah se rone lagi.. uska rona sun sare bhagam bhag uske paas aaye. usay khule darwaze ke beech o beech rote dekh sab pareshan ho gaye..
sab ne shalini se rone ka karan poocha. lekin wo chah kar bhi kisi ko kuchh bata nahi paai.. kis moh se apna dard bayan karti... ek matra khamoshi aur andr hi andr tapak rahe ansu uska mukdar the.
