Romance Bewafa by Mrindia.only

[Incest]

#62
Mr.Chaudhry ke room ke baahar jaakar maine knock kiya aur fir dheere se andar jhanka………unke saamne staff ka ek aadmi khada hua tha aur woh kuchh papers sign kar rahe they …….. main andar gaya aur unke saamne padi huyi chairs mein se ek par baith gaya …..
woh papers sign karte rahe aur main sar ko jhukaye baitha raha ………..mere oopar unki shakhsiyat ka ek alag hi asar tha……..bilkul jaise ek chhota bachchha apne ghar ke bade logo se darta hai , theek waisa hi mere saath bhi tha ……….. main unse kabhi faaltu baat nahi karta tha , aur main samajh nahi pa raha tha ki aaj ki iss harkat par main unko kya safaayi doonga ……..
unke saamne khada aadmi files lekar baahar nikal gaya , tab woh mujh se bole …….
“ Bank vault ka kaam kahan tak pahuncha Rajiv ? “
“ Ji , complete ho chukka hai …….maine aaj saari testings bhi kar li hai …” maine dheere se bola…….
“Good ……….aur construction work ? “ woh fir aage bole …..
“ who bhi complte hone wala hai Sir ………..I think , by next couple of days.” Maine bataya…..
“ very good ……….to fir hum unn logo ko demo ke liye kab bula sakte hai ? “ woh meri taraf dekhte huye bole , hamesha ki tarah bilkul shaant swar mein …….
“ kal ke baad jab bhi aap chahein ? …..main chahta hoon ki kal ek baar aap khud sab kuchh check kar kein ? “ maine kaha …..
“ OK ………tum kal ka programme set kar lo , kal hum sab ek baar chal ke dekh lenge ………”
“ OK Sir …………..i will arrange “ maine kaha aur fir chup chap baith gaya ……..mujhe maloom tha ki ab woh kya baat karenge , aur wahi hua ….kuchh seconds apne saamne rakhe laptop ko dekhne ke baad , woh meri taraf dekhne lage aur bole ……..
“ Kal tumhaare oopar kisi ne hamla kiya aur tumne mujhe bataya bhi nahi ? “
“ Ji………aapko kaise pata laga ? “ maine unse ulta sawaal kiya …
“ kaisi baat kar rahe ho Rajiv ? tum jaante ho Raj nagar koi bahut bada shahar nahi hai …, yahan chhoti si baat bhi bahut jyada dino tak chhupi nahi reh sakti , aur yeh to humaare apne bete ke saath ghati ghatna thi ……….tumne uss hi samay humein phone kyon nahi kiya ?” woh thoda naraazgi bhare huye swar mein bole ……
“ Chhoti si baat thi Sir……….mujhe aapko disturb karna sahi nahi laga …” maine kaha aur fir sar neeche jhuke liya ………..unki aankhon ka saamana karne ki himmat mere andar nahi thi …………..
“ chhoti si baat nahi hai Rajiv ………..mere liye yeh jaan-na bahut jaroori hai ki woh kaun hai jo tumhaari jaan ka dushman hai , aur kyon ? “ unhone kaha….fir apne saamne rakhe gilaas mein se paani piya aur bole ..
“ waise kal tumhaare saath Neha bhi thi na ? “
main kuchh seconds chup raha aur fir bola “ Ji haan ……….aur usko hi chot lagi hai ……..mere oopar jo chaku se vaar kiya gaya tha, woh usne apne oopar le liya….”
“ Hmmmm…………..main tumse iss hi baare mein baat karne tumhaare cabin mein aaya tha ………..” woh bole aur fir kuchh seconds laptop ki screen ko dekhne ke baad , meri taraf dekhe bagair bole “ tum Neha ko achchhi tarah se jaante ho na ? “
“ Ji haan ……..” maine jawaab diya …
“ Sab kuchh ……. Mera matlab hai uski pichhli jindagi ke baare mein bhi ?.”
“ Ji haan ……… “
“ Kaise …? “
“ Ji........Usne khud hi bataya tha ……”
woh fir mer taraf ghum gaye aur bole “ tumhe lagta hai ki usne tumhe sab kuchh sach sach bataya hoga ? “
“ Ji haan ……mujhe ummeed to yahi hai …..” main dheere se bola ..
“ aur tumhe kya lagta hai ……..jo kuchh uske saath beeta , uske baad bhi woh tumhaare liye ek sahi choice hai ? “
“ Ji haan Sir , mujhe to aisa hi lagta hai ……..aur jo kuchh bhi uske saath hua Sir , usmein uski to koyi galati nahi hai “
“ tumhe shaayad aisa lagta hai Rajiv ………par har koyi aisa nahi samajhta ……”
kuchh der ke liye hum dono hi chup ho gaye ………aur fir ek lambi saans lekar woh aage bole …………
“ Hmmmm……..main hamesha se tumhe ek samajhdaar aur suljha hua insaan manta hoon ………apne se bhi jyada samajhdaar……par mera yeh tazurba hai ki kabhi kabhi dil dimaag par haavi ho jaata hai aur uss haalat mein samajhdaari kaam nahi aati hai …………… isliye , jo tumhe theek lage , woh hi karna ……..par achchhi tarah sochne aur samajhne ke baad” fir kuchh seconds rukne ke baad woh aage bole …..” waise maine tumhaare liye kuchh aur hi socha hua tha Rajiv …… par yeh tumhaari apni life hai aur main iss ka faisla tumhaare oopar hi chhodta hoon ……..”
“ Thanks Sir …………..”
“ Theek hai fir ……….kal subah saath saath bank chalte hain ………fir next project par discuss karenge …………” kehte huye woh fir se apne laptop ki screen mein busy ho gaye …………aur main uth kar baahar aa gaya…………..
main apne cabin mein waapas aa gaya……. Main bahut khush tha kyon ki main khud bhi Neha ke baare mein Mr.Chaudhry ko batana chahta tha , par samajh nahi paa raha tha ki kaise bataoon……..ab kyon ki saari baat khud-b-khud hi clear ho gayi thi ……..mere liye yeh ek surprise se kam nahi tha ……….
Main kal ke testing ki tayyari karne laga………shaam kareeb 5 baje tak main busy raha aur fir jab main wahan se nikalne ki soch raha tha , tab maine Neha ko phone lagaya ……..uske intercom ki ghanti bajti rahi par phone nahi uthaya …
Fir maine uske mobile par try kiya………kaafi der bell bajne ke baad usne call receive ki ……
“hello ………..”
“Neha…………kahan ho tum ? “ maine poochha..
“main ghar par aa gayi thi Rajiv ……………” udhar se bahut dheemi awaaz aayi ……..
“ achanak !!! ……………kya hua ? “
“ kuchh nahi ………..bas aise hi , tabiyat kuchh theek nahi lag rahi thi ….” Usne jawaab diya…
“ohh………….doctor ke paas chalna ho to batao , main aa jaata hoon ………” maine kaha …
“ Nahi ……….iski jaroorat nahi hai Rajiv……….kuchh der araam karoongi to shayad sahi ho jaayega ……………”
“ Ok……….tkeek hai , tum araam karo …….kisi cheez ki jaroorat ho to mujhe call kar dena , main ab ghar hi ja raha hoon……” maine kaha aur phone disconnect kar diya ………..
fir main apne office se baahar nikal kar , building se neeche aa gaya………thodi der baad hi main apni gaadi mein baitha hua , ghar ki taraf ja raha tha ……….. Mr.Chaudhry se baat karne ke baad aur unki taraf se green signal milne ke baad , mera mood tha ki aaj main Neha ke saath iss ko celebrate karoon , par uski tabiyat achanak kharaab hone ki wajah se mera saara programme chaupat ho gaya tha…….. Mr.Chaudhry ke achanak mere cabin mein aa jane se woh shaayad kaafi darr gayi thi , aur wahi darr ab bhi uski awaaz mein jhalak raha tha ………….
“ chalo koyi baat nahi ……aaj na sahi , fir kabhi sahi “ maine man hi man socha aur fir gaadi tezi se apne ghar ki taraf badha di …………..
______________________________

 

[Incest]

#63
woh poori shaam maine apne ghar mein akele bita di ………ek baar mere dil mein aaya bhi ki kyon na , club chala jaaye …….par fir maine ghar mein hi aaram karne ka faisla kiya…….
agle din subah , main hamesha ki tarah time par office pahunch gaya …fir wahan se kuchh der baad hi hum sab log bank ki taraf chal diye ……..hum sab mein mere alaawa , Mr.Chaudhry , Sharad , Karan , Nidhi , Rajan aur 2 aur log they ……..
subah 11 baje ke aas-paas hum bank pahunche …….. Lakshmi bank , Raj nagar ke sabse shaandar aur vyast ilaake , Bhagat singh chauk par tha …………yeh ek 2 side open building thi ………front mein bank tha aur uske hi ek side mein vault banaya gaya tha……….entrance mein ek bada sa lohe ka gate tha, jahan dono taraf security guards ke liye cabins bane huye they ………uske baad ek bada sa parking place , jahan 2 badi gaadiyan ( trucks ) ek saath khade ho sakte they ……fir uske baad vault ka main entrance gate ……….
Hum sab vault ke main entrance se andar bane huye ek hall mein khade huye they ……… aur main sabko vault ki working ke baare mein samjha raha tha……..
“ main entrance se andar aane ke liye gate par ek special authorization letter dikhana padega , jo government office se ya fir humaare office se issue hoga……….vault ke permanent employees ko bhi special identity cards issue kiye jaayenge , jiski checking ke baad hi woh andar aa sakte hain …………jahan hum khade hain , yahan tak aane ke liye sirf gate par hi apni identity prove karni padegi , par iske aage wahi jaa sakta hai , jisko yahan ke saare gates ke passwords maloom honge ……..”
fir main saamne bane huye ek bade se darwaaze ke paas pahuncha ….wahan par ek machine lagi huyi thi , theek waii hi jaisi attendance machines hoti hain , par uss se thodi badi ………..maine apni jeb se ek card nikala aur uss machine ke saamne le gaya ………turant hi screen par password required likha hua aane laga …….maine 5 digit ka ek password daala , aur fir ek halki si awaaz ke saath , lohe ka bana hua darwaaza ek side mein sarakne laga …………..
hum sab uss darwaaze se andar aa gaye ………..yeh bhi ek aur bada hall tha , jiski 3 sides mein 12 darwaaze bane huye they , sabke baahar waisi hi machines lagi huyi thi , jaisi baahar lagi huyi thi ………
“ friends…………jaisa ki aapne baahar dekha , ek special card aur paasword se hi yeh saare darwaaze khole ja sakte hain ……..aisa hi yahan bhi hai , har ek darwaaze ke liye alag alag card aur alag alag password …….kul milakar 13 alag alag passwords aur card chahiye saare vaults ko kholne ke liye ….. har ek darwaaze ke andar ki side mein bhi same aisi hi machines lagi huyi hain ….aap har ek machine ke liye timer set kar sakte hain ………..for example , agar aapne 5 minute ka time set kiya hai to , 5 minute ke baad woh particular darwaaza apne aap band ho jaayega , aur fir andar se use cards ki help se hi khola jaa sakega …… ”
fir Mr.Chaudhry ne mere haath se ek card liya aur maine unko , uss card se related vault ke saamne khada kar diya …..unhone card ko machine par touch kiya aur fir password maangne par , mere dwara diya gaya PW usmein feed kar diya………ek halki si awaaz huyi aur vault ki deewar ek side mein khisak gayi ………..
“ Very Good Job Rajiv ………………seems very impressive “ Mr.Chaudhry ne kaha…..
“ Thanks Sir …… “ maine kaha…
agla question Rajan ne kiya ………. “ iska matlab , vault open karne ke liye jo bhi yahan aayega , usko 13 alag alag cards saath laane padenge , aur 13 passwords bhi yaad karne padenge ………..? “
“ ji haan …..agar saare vaults kholne hain to ……aur agar kuchh khaas vaults hi kholne hain , jaisa ki aam taur par hota hai , to fir unn vaults se related cards aur passwords hi chahiye…….” Maine unko samjhaya ………
“ aur koyi tareeka , jiss se saare vaults ek saath khul jaayein ? “ iss baar Sharad ne sawaal kiya ………
“ Ji haan ……..ek master paasword bhi hai , jo ek saath saare vaults khol sakta hai ……..uss ke liye aapko iss Locker ko kholna padega “
maine kaha aur ek taraf deewar mein bane huye ek chhote se hole mein haath daal diya ………yeh hole door se bahut mushkil se dikhayi padta tha………andar ek lever laga hua tha , jisko ghumate hi ek chhota sa darwaaza khul jaata tha ……..aur deewar ke andar ek 2’X 2” ka locker nazar aane lagta tha……….yahan bhi ek machine lagi huyi thi …….maine ek 10 digit ka password iss machine mein daala aur fir ek saath saare vaults khulte chale gaye ……………….
Fir main ek aur button dabaya …aur saare vaults apne aap band ho gaye ………..
“ iska matlab , jis aadmi ko iss locker ka password pata hai , woh saare vaults khol sakta hai ……..? “ Sharad ne agla sawaal kiya …………..
“ Ji haan….” Maine sehmati mein sar hilaya……….
“aur yeh password kiske paas rahega ? “
“ filhaal to sirf mere paas hai ……….vault handover karne ke baad hum yeh paasword iss ke owners ko de denge , jo bhi wahan par higher authority hoga ………aur emergency ke liye yeh humaare paas bhi rahega ………. “ maine kaha………
“ par sirf tumhaare paas hi kyon …….?.” yeh sawaal bhi Sharad ki taraf se hi aaya ……….
“ aapne shaayad meri baat sahi se nahi suni Mr.Sharad ……..maine kaha , filahaal mere paas hai ………..aage jaisa sab decide karnege ……” maine muskurate huye jawaab diya ………..
fir wahan maujood sab log ek-ek karke vaults ko khol kar check karne lage ……….fir Rajan ne ek aur sawaal kiya ……….
“ Rajiv………..agar koi jabardasti inn vaults ko kholne ki koshish kare to ? I mean robbery ?
“ uske liye bhi pehle to baahar maujood 12 gaurds se nibatna padega ……….jo aage aur bhi jyada badhaye ja sakte hain ………fir bina passwords aur cards ke koyi in vaults ko khol bhi nahi sakta ……. Iss poore hall ki saari deewarein , 3” moti special steel sheet se bani huyi hai ……...jisko kaatna bhi ek bada kaam hai ……..” maine samjhaya ……
“ par agar koyi jabardasti karna chahe to ……….i mean gas cutter wagairah use karke ?”
“ sabse pehle to inn mein se kisi bhi deewar ko agar jabardasti kaatne ki koshish ki jaayegi to ek alarm paas waale police station mein baj jaayega ……. ek ek wall kaatne mein kam se 2 ghante lag jaayenge ………….aur police ko yahan pahunchne mein sirf 10 minute …………...iske alawa bahut chhote chhote CCTV cameras inn walls mein chhupe huye hain , jo wi-fi se connected hai …………koi bhi aadmi , jisko iss wi-fi router ki access mili hogi , apne ghar par baithey huye hi yahan ki live position check kar sakta hai ………..agar chahein to police station mein bhi ek monitor lagaya ja sakta hai ” maine muskurate huye jawaab diya ………….
“ iska matlab yeh vault bilkul safe hai ………….? “ Mr.Chaudhry ne sawaal kiya ……
“ Ji haan Sir ……..almost “ maine kaha ….” Lekin koi agar sar par kafan baandh ke , marne ke iraade se hi aa jaye to fir maloom nahi woh kya kar sakta hai …….”
Fir uske baad sab log questions karte rahe aur main unke jawaab deta raha ………
______________________________

 

[Incest]

#64
1 ghante baad hum sab log , waapas office pahunch gaye ……….main aur Mr.Chaudhry ek hi gaadi se gaye they …… office mein utarte hi unhone mujhe apne saath , apne office mein aane ke liye kaha…….. main unke peechhe peechhe unke office mein pahunch gaya …….Sharad bhi abhi tak humaare saath hi tha……….
Office mein pahunchne ke baad Mr.chaudhry apni seat par baith gaye aur hum dono unke saamne ………
“ I think , you have done a very good job Rajiv …………I am very impressed and surely you must get a reward for same “ Mr.Chaudhry ne kaha to main sirf Thank you hi bol paya…….
“main aaj shaam ko delhi ja raha hoon …….waapas aakar hum log iss success ko celebrate karenge ……..Sharad , next week ek party ka arrangement karo …….humaare ghar par “ unhone Sharad se kaha …..
“ Theek hai Uncle , main sab kuchh arrange kar doonga…..” Sharad ne kaha
Fir unhone apne side mein bani huyi ek drawer ko khola aur kuchh nikaal kar saamne table par rakh diya ………
Yeh ek revolver tha , chota sa aur ek leather ke case mein band tha………..
Hum dono ne Mr.Chaudhry ki taraf dekha , sawaaliya nigaah se ……..unhone ek haath se revolver ko meri taraf sarkaaya aur bole ……
“ Isse tum rakh lo Rajiv …………”
“ Main !!!.........par kyon Sir ? “ main chaunkte huye bola ……….
“ yeh tumhaari safety ke liye hai Rajiv ……..main nahi jaanta ki woh kaun hai jo tum par hamla kar raha hai ………par jo bhi koyi hai , dobara bhi aisa kar sakta hai , aur iss baar tumko alert rehna hoga …………..” woh badi gambheerta se bole ……
“ aapki baat sahi hai Sir ………par maine kabhi inn chhezo ko istemal nahi kiya “ main dheere se hansta hua bola ………..
“ ismein koyi badi baat nahi hai Rajiv …………” Sharad ne kaha aur reovolver utha kar usko case se baahar nikaal liya aur mujhe dikhaane laga “ dekho …..yeh hai magazine chamber , yahan bullets daalni hoti hain ………….aur yeh iska safety lock hai …….isko aise hataya aur trigger daba diya , bas……”
“par mujhe nahi lagta ki iski koyi jaroorat padne waali hai “ maine fir kaha…….
“Tum shaayad apne dushman ko kam karke aank rahe ho Rajiv …………abhi to humein yeh bhi nahi maloom ki woh kaun hai , aur kya chahta hai …….” Sharad ne kaha aur revolver ko case mein rakh kar meri taraf sarka diya ……..usko shaayad Mr.Chudhry ne hi mere oopar huye hamle ke baare mein bataya hoga ………..
Mr.Chaudhry ne ek chhota sa paper , jo laminated tha……apni drawer se nikala aur meri taraf badhate huye bole “ Yeh bhi rekh lo ……….yeh iska licence hai , jo mere naam par hai …………”
Maine revolver aur licence , dono ko apni jeb mein rakh liya aur fir kuchh hi der ke baad main wahan se nikal kar apne cabin mein aakar baith gaya ………..
______________________________

 

[Incest]

#65
Kuchh der main khali baitha sochta raha ki mujhe kya karna chaiye ……Vault ka kaam complete ho chukka tha aur main ab lagbhag free tha…….fir maine Neha ka phone lagaya………uske phone uthane par main bola ……..
“Hi Neha ………..”
“Hello Rajiv…………kaise ho “
“Fine…..tum batao, tumhari tabiyat ab kaisi hai ? “
“main theek hoon Rajiv ……..” usne kaha ……
“ to fir aaj shaam ko mil rahi ho ? “
“Hmmm………aaj shaam ke baare mein kuchh confirm nahi bata sakti Rajiv ……..aaj meri ek aunty aane waali hai , Delhi se ……..to shaayad …” usne apni baat adhoori chhod di , mere khud samjhne ke liye ……….
“to apni aunty se mujhe nahi milwaaogi ? “ maine mazaak mein poochha….
“ abhi nahi Rajiv …………..jab tak kuchh final na ho jaaye , tab tak nahi …..”
“ Its OK Neha ……..agar free ho jao to phone kar dena……….Bye” maine kaha aur fir phone disconnect kar diya………
“ fir maine apna laptop on kiya aur kuchh pending works nibtaane laga ………..abhi mujhe 25 minute hi huye they ki mera phone fir se bajne laga………maine receiver uthaya , yeh Mr.Chaudhry ki awaaz thi …….
“ Hello !!.........Rajiv ……”
“yes Sir ……..?” main alert awaaz mein bola …….
“ Tumse ek kaam tha beta............kal Priya ne mujhe bataya tha ki ghar ka CCTV security system kaam nahi kar raha hai ……..usne kuchh specialists ko bhi dikhaya tha , par usne bhi problem solve nahi huyi ………….fir mujhe abhi yaad aaya ki humaare apne paas ek expert hai jo iss problem ko handle kar sakta hai …….. “ unhone hanste huya kaha …….” if you don’t mind , kya tum dekh sakte ho ?”
“ Its OK Sir…………main check kar loonga …….. “ maine kaha ….
“ Thanks Rajiv ………tum Priya se hi baat kar lena , main to abhi Delhi ke liye nikal raha hoon “ unhone kaha aur phone disconnect kar diya ………
“ chalo…! koi to kaam mila “ maine man hi man socha aur fir apne cabin se baahar nikal kar , Priya ke office ki taraf chal diya ………
Priya ke office ke saamne jaakar main knock kiya aur darwaaza khol kar andar jhanka …who akeli hi baithi thi aur kuchh kaam kar rahi thi ..
Mujhe dekh kar usne muskurate huye kaha …” Oh ..Rajiv ……aao , baitho please “
Main uske saamne baith gaya aur fir bola “ Priya ……..Sir ne abhi mujhe bataya ki ghar ke security system mein kuchh problem aa rahi hai ……..uss hi ke silsile mein main yahan aaya tha……….”
Priya, Mr.Vijay Chaudhry ki eklauti beti ………….umar lagbahg mere hi barabar thi , lamba kad , teekhe nain naksh , kul milakar ek attractive personality ….bas rang thoda sa daba hua tha ………..main uske saath bahut hi kam baat karta tha , aur woh khud bhi jyada baat karne waalo mein se nahi thi ……..
Usne apna laptop band kiya aur fir meri taraf dekhti huyi boli ….” Tumhe to maloom hi hai ki ghar par cctv cameras lage huye hain , aur saath mein ek advance monitoring system bhi laga hua hai , jismein internet ke through saare cameras ki live position check ki ja sakti hai ……….pichhle 3-4 dino se kuchh problem aa rahi hai , connections chalte chalte achanak disconnect ho jaata hai …… maine service centre mein bhi call kiya tha , unhone aakar check bhi kiya par fault nahi pakad paaye ……….”
“ theek hai ………aap mujhe service centre waalo ka number de deejiye , main unse bat kar leta hoon ………agar jaroorat padi to ghar jaakar check bhi kar loonga ……..” maine kaha …….
“ Thanks Rajiv …..” usne kaha aur fir apne side waali drawer mein se nikaal kar ek card meri taraf badha diya “ yeh unka number hai ……..tum baat kar lena “
“ Thanks Priya …………….main baat kar ke aapko batata hoon “ maine kaha aur uth kar baahar aa gaya aur apne kamre ki taraf chal diya …………
apne cabin mein aakar , maine Priya ke diye huye number par call ki ….unke service engineer se maine baat kari aur problem ko samjha ……….fir maine usko kuchh suggestions diye , aur kaha ki mere bateye huye changes karke dekhe …..agar problem solve hoti hai to theek hai , nahi to fir koyi doosra tareeka dekhenge …………..
fir main apne kaam mein busy ho gaya……..shaam ko 5.30 baje tak main office mein hi baitha raha ….fir jab main bore hone laga to apna bag pack kiya aur uth kar neeche aa gaya ………Mr.Chaudhry ki di huyi revolver bhi mere paas hi thi , jisko maine apni gaadi ke dashboard mein daal diya ……………maine apni gaadi bahar nikali aur fir apne ghar ki taraf chal diya…………
main dheere dheere car drive kar raha tha………main bikkul khaali tha ………..aur kyonki Neha mere saath nahi thi , isliye tanha bhi …….mera abhi ghar jaane ka mood nahi tha , par koyi aur jagah bhi mujhe samajh mein nahi aa rahi thi , jahan main jaa sakoon ……….fir maine Club jaane ka faisla kiya …….
Apne ghar pahunch kar , maine thodi der aaram kiya aur fir kapde change kar ke Club ki taraf chal diya …………..maine abhi gaadi start hi ki thi ki , mera mobile bajne laga ………maine dekha , Priya ki call thi ………maine call receive ki ……..
“Hello ……”
“ Rajiv ……..sorry tumhe disturb kar rahi hoon “
“koyi baat nahi Priya ……”
“maine poochne ke liye phone kiya tha , ki tumhaari service centre par kya baat huyi ? “ usne poochha ………..
“ maine unke enginners se discuss kar liya tha ,aur unko kuchh suggestions bhi diye hain ……..abhi main Royal Club ja raha hoon , waapas aakar fir se confirm kar loonga ………” maine usko samjhaya
“Its OK Rajiv …………..koyi jaldi nahi hai “ usne kaha aur phone disconnect kar diya…..
______________________________

 

[Incest]

#66
mere ghar se Club bahut jyada door nahi tha ,par iss samay bheed ki wajah se roads par jam rahta tha …..aur club pahunchne ke liye kam se kam ½ ghanta chahiye hote tha ……
Club se thoda pehle , raaste mein ….ek 2-lane road padti thi ……… main iss road par abhi pahunch hi tha , ki doosri taraf se ek gaadi bahut tezi se aayi aur mujhe cross kar gayi …………….
Main kisi soch mein dooba hua tha ,isliye mujhe tab uss gaadi ka ehsaas hua jab gaadi mere ekdum paas se guzar gayi ……..mein sirf kuchh palo ke liye hi gaadi ko dekh paya , par itne time mein hi jo kuchh maine dekha , usne mujhe chaunka diya ………. meri nigaah pichhli window se hoti huyi , driver ke paas waali seat par gayi …………uss seat par mujhe aisa laga ki Neha baithi huyi hai ………….. ………main sure nahi tha ki woh Neha hi thi , par jis doosri baat ne mujhe jyada chaunkaya tha , woh thi gaadi ……….red color ki Honda Civic …..main iss gaadi ko pehchanta tha ……Raj nagar mein yeh 1 ya 2 hi hongi .......aur aisi hi ek gaadi Sharad use karta tha……….
Main turant apni gaadi ki speed kam kar di aur jaise hi side mili , gaadi ko U turn de diya……..mere dimaag mein ek saath behut saare sawaal uthne shuru ho gaye they , aur unn ke jawaab uss gaadi ke peechhe jaakar hi mil sakte they …………
Busy road thi ……fir bhi main tezi ke saath gaadi chala raha tha ….kuchh door jaakar maine uss gaadi ko fir se dhoondh liya ………..mere aur uss ke beech mein 5-6 gadiyan aur thi ……main unn gadiyon ko over take karne ki koyi koshish nahi ki …..par main yeh koshish kar raha tha ki gaadi ke andar dekh sakoon , jo ki mujhe asambhav hi lag raha tha ……iske liye mujhe uss gaadi ke paas jana padta , aur main yeh nahi chah raha tha ki uss gaadi mein baithey huye log yeh jaan sakein ki main unke peechhe hoon ………….
Thoda aura age jaane par humaare beech ki 2-3 gaadiyan raaste mein hi mud gayi aur ab mere aur unke beech sirf 2 gaadiyan bachi huyi thi ……… ab mujhe yeh dikhayi de raha tha ki uss gaadi ke andar sirf 2 log baithey huye hain ..ek ladka jo drive kar raha hai , aur ek ladki jo uske side mein baithi huyi hai …….ladki Neha jaisi hi lag rahi thi , par yakeenan kuchh bhi kehna possible nahi tha …….
Fir thodi hi der baad unki gaadi ek chauraahe par pahunchi aur ek side mein bani huyi ek single lane road par mud gayi ……….. maine apni gaadi ko chauraahe par hi rok diya ……jidhar woh gaadi gayi thi , uss se yeh to pakka ho hi gaya tha ki wog gaadi kiski hai ..kyon iss raaste par sirf ek hi ghar tha …..Lakshmi Nivaas………….Vijay Chaudry aur Anil Chaudhry ka ghar ……
Main kuchh seconds wahin khada raha ………ek baar to mere dil mein aaya ki main uske peeche jaakar dekhun ki kya waakayi Neha uss gaadi mein hai , aur agar hai to uske saath kaun hai ……….
Fir maine apni gaadi ko waaps mod liya , iss baar apne ghar ki taraf …..mera mood off ho chukka tha ……… ab maine club jaane ka prograame cancel kar diya tha ……..bahut tez speed se gaadi chalata hua main apne ghar waapas pahunch gaya …….gaadi park karne ke baad main oopar apne flat tak phuncha aur fir andar jaate hi maine Neha ka number lagaya ……….kaafi der ke baad usne call receive kari …
“Haan………bolo Rajiv ? “ uski awaaz bahut dheemi thi ……..
“ Nahi …..koyi khaas baat nahi thi , bas aise hi phone kiya tha…… “ maine hanste huye kaha…….na chahte huye bhi
“Hmmm………maine tumhe bataya tha na ki aunty aane waali hain ……abhi unhi ke saath hoon ……” usne fir se dheemi awwaz mein kaha ……
“ apne ghar mein hi ho na ……..? “ maine fir poochha …….
“ Haan baba ……….ghar mein hi hoon ………” woh jhallati huyi si boli ……..
maine kuchh seconds uske peechhe aa rahi awaaz sun-ne ki koshish ki ……….par samajh nahi paya ki uske aas-paas koyi hai bhi ya nahi ……..fir maine kaha …..
“ koyi ummeed hai …..aaj milne ki ?”
“ possible to nahi lagta yaar ……….dekho , agar ho sakega to main phone kar doongi …….” Usne kaha …..
“Ok ………….Bye jaan “ maine kaha to usne bhi Bye bolker phone disconnect kar diya …………..
______________________________

 

[Incest]

#67
Neha se baat karne ke baad mein aur bhi jyada tense ho gaya tha ……..main apne bed par aakar baith gaya aur TV on kar liya ……….main binawajah channels change karta ja raha tha ……….par mera dimaag kahin aur hi tha …….main samajh nahi pa raha thak iyeh sab kya ho raha hai ……..kyon baar baar mujhe Neha par shaque hone lagta hai …….aur har baar woh yeh saabit kar deti hai ki woh mujh se kitna pyar karti hai …………
Main soch hi raha tha ki fir se mere mobile ki bell bajne lagi ……..maine call check ki …….yeh uss aadmi ka phone tha jiss se maine CCTV system ke baare mein baat kit hi …
Maine call receive ki …” Hello …”
“Hello Sir …………ji main Rajesh bol raha hoon , RU enterprises se ……..”
“ hmmm…..kahiye ? “
“Sir ……….aapka CCTV system ab sahi kaam kar raha hai ……..please , aap check kar lijiye “
“ Theek hai ……..main abhi dekh kar tumhe batata hoon “
maine phone disconnect kar diya ,aur Priya ka number lagaya………..uske call receive karte hi maine kaha
“Priya…………. i think, system sahi ho gaya hai.........kya aap mujhe please check kar ke bata sakti hai ki system sahi kaam kar raha hai ya nahi “
“ Ohhh Rajiv ………Sorry , main jara ek meeting mein busy hoon....aur abhi kuchh der tak to check nahi kar paoongi “ usne kaha …
“ Hmmm…….fir kaise check kar sakte hain ? …..” main bola
“ek kaam ho sakta hai ……..kyon na aap khud hi check kar lein ? “ woh boli …
“ par mere paas uska software installed nahi hoga ….” Main bola
“woh koyi problem nahi hai …..tumhaare paas internet to hai hi , maine tumhe ek website ka address de rahi hoon , tum software install kar sakte ho …” usne kaha aur mujhe ek website ka addres diya , aur saath hi apna username aur password bhi bata diya ………..
maine apna laptop on kiya …..aur fir Priya ki batayi huyi site se software download karne laga…………. Kareeb 10 minute ki downloading thi ……..mere dimag mein abhi tak khalbali si machi huyi thi , aur usko shaant karne ka ek hi tareeka mujhe samajh mein aaya ……..maine fridge khola aur whisky ki bottle nikaal li ……..fir main ek gilaas le aaya aur chair par baith kar peene laga ……..agle 10 minute mein maine dheere dheere 3 chhote choote pag pee liye ………jo mere jaise kabhi kabhi peene waale ke liye kaafi they ……..
fir mujhe apne laptop ka dhyaan aaya ……maine dekha ki software download ho chukka tha…….maine usko install karne laga……….3 peg ke baad mera sar ab bhaari hone laga tha ……….
Maine laptop ko uthaya aur bed par jaakar baith gaya …..tab tak intallation complete ho chukka tha ………maine window open ki aur usmein Priya ka bataya hua user name aur password daal diya…..kuchh hi seconds mein screen par kuchh chhoti chhoti windows si bani huyi dikhne lagi ……yeh unke ghar mein lage huye alag alag cameras ka live view tha …………..
Main ek ek karke saare windows par click karta raha aur fir unko check karta raha …….sab theek hi lag raha tha ………par jaisa ki Priya ne bataya tha ki connection chalte chalte disconnect ho raha tha , mujhe thodi der wait karna tha ……maine screen ko aise hi rehne diya aur apne bed par adhleta sa ho gaya …….
mere dimaag mein fir se Neha ghoomne lagi thi …………kya waakayi woh mujh se kuchh chhipa rahi hai ……? ………kya woh gaadi mein thi ? ……agar haan to kiske sath ? ……kya Sharad uske saath tha…..? …yeh saare sawal mere dimaag ko hila rahe they ……..aur jawaab mere paas nahi tha ………maine ek aur chhota sa peg banaya , aur gale ke andar utaar liya ………..
Nasha mere oopar haavi hota jar aha tha , aur main bhi to yahi chahta tha………ek yahi cheej thi jo iss samay mujhe aaram de sakti thi ……….meri nigaah fir se Laptop ki screen par gayi ……….. abhi tak live display chal raha tha ……iska matlab abhi system koyi problem nahi kara raha tha ……… maine sochha ki Priya ko inform kar doon ….maine apna mobile uthaya aur number laga hi raha tha ki kuchh dekh ke mujhe ruk jaana pada ……….
______________________________

 

[Incest]

#68
Screen par chhote chhote blocks mein alag alag cameras ka display chal raha tha …….kisi mein koyi badi halchal nahi dikh rahi thi , sivaaye ek ke ……maine uss block par click kiya aur fir kuchh hi seconds mein uss ek camera ka view full screen dikhayi dene laga ………..
Main Lakshmi Nivaas mein bahut jyada baar nahi gaya tha …….par fir bhi mein uss ghar ke poore nakshe se waakif tha ………jo view ab screen par dikh raha tha , woh ek terrace garden ka tha …..jahan tak mujhe maloom tha ,aisa garden lakhmi nivaas ke pichhle hisse mein bane huye ek gym ke oopar tha ……..
Screen par ek joda (couple) dikhayi pad raha tha ………camera uss jagah se bahut door tha aur jo kuchh bhi dikh raha tha woh bilkul bhi saaf nahi tha ……par yeh dikh raha tha ki ek ladka , aur ek ladki …bilkul saath saath chipak kar khde huye hain…….terrace par halki si roshini thi aur woh bhi unn dono ke peechhe side mein ….ladki , uss ladke se lipti huyi thi , aur dono khade khade hi ek doosre ke shareer ko sehla rahe they …………..
Jahan tak mujhe maloom tha , Mr.Vijay chaudhry aaj Delhi mein they , Priya abhi meeting mein busy thi , Mr.Anil chaudhry iss time club mein hote hain aur unki wife ghar ke hi kissi doosre hisse mein hongi ………..bache 2 log , Sharad aur Nidhi …….inn dono ke baare mein main sure nahi tha ki woh iss samay kahan honge …….abhi jo kuchh maine thodi der pehle dekha tha, uske baad haalat yeh ishara kar rahe the ki yeh Sharad ho sakta hai ……aur shaayad uske saath Neha thi …….
Par mera dil abhi tak yeh baat maanne ke liye tayyar nahi tha ………maine fir se screen par dekha …….ab scene badal chukka tha ……….ladki ab wahin par pade huye ek bade se table par leti huyi thi ………aur uske dono pairo ke beech mein who ladka khada hua tha …… us ladke ki kamar jis tarah se hil rahi thi woh yeh bataane ke liye kaafi tha ki woh dono kya kar rahe they………….pyar ke jis khel mein who doobe huye they , usmein woh yeh bhi bhool chuke they ki iss ghar mein CCTV cameras bhi lage huye hain …………
Camera kyon ki revolving mode mein tha…..isliye baar baar ghoom raha tha, aur wahan ka scene dekhna aur jyada mushkil ho raha tha……..
Yeh sab kuchh meri bardashat se baahar tha ……ek baar mera dil kiya ki main apne haath mein pakda hua gilaas screen par fenk kar maar doon ……..fir maine apne aap ko control kiya aur wahan se uth kar baahar balcony mein aa gaya ……….
Agle 10 minute main yun hi khade rehkar , neeche sadak par daud rahi gaaadiyon ko dekhta raha ……aur fir waapas andar aa gaya ……. Maine ek aur peg bana kar apne gale ke neeche utaara ……aur fir maine screen par nigaah maari ………
Ab screen par woh dono nazar nahi aa rahe they …..main fir se uss ko group mode me le gaya aur saare chhote blocks ko check karne laga……..ek doosre block par mujhe kuchh harkat hoti huyi dikhi …….maine uss ko click kiya aur full screen mode par kar diya …….
Yeh camera porch aur parking ke beech mein laga hua tha ……….parking area mein ek gaadi khadi huyi thi , jiss ke paas ab mujhe 3 log khade dikhayi de rahe they …….unn done ke alaawa teesra aadmi shaayad security guard tha ……ladki ne car ke darwaaza khola aur andar baith gayi ………ladka aur guard kuchh der saath mein khade rahe , shaayad aapas mein kuchh baatein kar rahe they ………fir ladka bhi gaadi ke andar baith gaya aur fir kuchh hi seconds mein gaadi wahan se chal di …….
Jahir tha , woh dono wahan sirf ekaant ki talaash mein aaye they , aur unko maloom tha ki woh jagah kaun si hai jahan unko koyi disturb nahi karne waala hai …….mere sar ke oopar ab nashe ka asar ho chukka tha , par saath hi ek bechaini si bhi thi …….agar aaj ki saari ghatnao ko jod kar dekhta to woh dono Neha aur Sharad hi hone chahiye they …….par mera dil aur kaafi had tak mera dimaag yeh maanne ko tayyar nahi tha ki Neha mere saath bewafayi kar sakti hai ………
Maine laptop ko switch off kar diya …….ek baar mera dil kiya ki main abhi jakar unn dono ko range haath pakad loon……fir mere andar majood , Neha ke pyar ne mujhe rok liya …….ho sakta hai main bekaar mein hi us par shaque kar raha hoon ………ho sakta hai ki woh koyi aur ladki ho jo Sharad ke saath thi ……..
Maine whisky ki bottle uthayi ……aur usme maujood saari ki saari whisky ek hi baar mein pee gaya…..aaj yeh meri limit se jyada ho gayi thi , par iss samay yahi ek cheez thi jo mera saath desakti thi......……….pichhle kitne hi saal maine sirf kaam hi kaam mein gujaar diye , kabhi koshish bhi nahi ki ek dost banane ki …….aur aaj mujhe mehsoos ho raha tha ki iss duniya mein main kitna akela hoon …….koyi nahi jiss ke saath main apne dil ki baat share kar sakoon …….ek Neha hi thi jisko maine apna samajhna shuru kiya tha , par aaj mujhe lag raha tha ki jaane main abhi usko sahi se samajh paaya bhi hoon ya nahi ………..
Nasha ab poori tarah mere oopar haavi ho chukka tha ………apne dimaag mein uthte huye sawaal aur aankhon ke saamne ghoomti huyi woh baatein jo aaj din bhar mein mare saamne aayi thi ……main kab apne hosh kho baitha mujhe pata hi nahi laga …….
______________________________

 

[Incest]

#69
Aankh khulte hi maine uthne ki koshi ki , par mujhe fir se bistar par letne ke liye majboor hona pada ………. Mere sar mein bahut tez dard ho raha tha aur uthne ki koshish karte hi ghoomne lagta tha ……….
Fir thodi der aankh band kar ke lete rehne ke baad mujhe mehsoos hua ki ab main pehle se behtar hoon ……………. Main sahaara lekar uth gaya aur fir bed ke sirhaane se tek lagakar baith gaya …….
“ Rajiv ……….jab tere bas ki nahi thi to, itna peene ki kya jaroorat thi …..” maine apne aapn se kaha …..aur fir bed se uth kar khada ho gaya ……..ladkhadate huye kadmo ke saath main andar bathroom mein gaya aur shower khol kar uss ke neeche khada ho gaya………sar ke oopar girte thande paani ne apna asar dikhaya aur 5 minute ke andar hi mujhe apne hosh-o-hawaas waapas laut-te huye mehsoos huye ……
maine geele kapde utaar kar , doosre kapde pehne aur fir kitchen mein chala gaya ……wahan par maine apne liye ek cup strong coffee ka banaya aur fir waapas bedroom mein aa gaya ………bed ke paas padi huyi chair par baith kar main coffee peene laga aur tab meri nigaah ghadi par padi……ohh………11.30 baj chuke they …maine fir se ek baar apne aap ko , aur sharaab ko kosa ……..aur coffee ko khatam karne laga ………
coffee peene ke baad maine apna mobile uthaya aur check kiya ……. 16 miss calls thi , jismein se jyadatar Priya ki thi , 2 calls unknown numbers se thi aur ek call MrChudhry ki bhi thi ……………mere sar ka dard halka ho chukka tha , par main abhi kahin jaane ke mood mein nahi tha …….aur waise bhi aaj Saturday tha aur office mein bahut kam kaam hi hota tha ……….
Maine Priya ko phone lagaya ………….usne phone receive kiya aur boli ..
“Hello …………Rajiv ? “
“Hi Priya ……….abhi aapki miss calls dekhi thi ……..isliye aapko phone kiye tha ..” maine kaha ..
“Haan ………kal raat maine tumhe bahut saare calls kiya , par pata nahi tum kahan they ………….” Usne kaha …
“Main yahin tha ………par meri tabiyat kuchh sahi nahi thi , isliye jaldi so gaya tha ……….ji kahiye , kaise phone kiye tha ………? “ main jhooth bolta hua bola ……..
“ maine security system ke baare mein poochhne ke liye phone kiye tha …….par jab tumhaari taraf se reply nahi mila to maine khud hi check kar liya tha ……ab theek kaam kar raha hai ……..” usne kaha …….
“Ji haan ……….maine bhi check kar liya tha , par aapko inform nahi kar paya …….”
“Ok ………Thank Rajiv …..” usne kaha aur phone disconnect kar diya ………
maine phone ko rakh diya aur uth kar baahar balcony par aa gaya ………..dhoop bahut tez thi , par yeh tez dhoop bhi mujhe bahut sakoon pahuncha rahi thi ………
abhi kuchh hi minutes huye honge ki mera mobile fir se bajne laga…..main kamre ke andar gaya aur mobile uthe kar number check kiya……..yeh Sharad ki call………main pehle to chaunk gaya fir kuchh sochte huye call receive kar li ….
“Hello ………..”
“Hi Rajiv ………kaise ho ? “usne kaha …….
“I am fine , Sharad ………..kahiye , kaise yaad kiya ..? “ main bola ..
“Oh ………ek kaam tha tumse yaar , isliye disturb kiya hai ……….” Usne kaha …..
“Ji kahiye ? “
“ aaj meri ek meeting thi , kuchh customers ke saath ……….main to attend nahi kar paaoonga ………please , kya tum meri jagah attend kar sakte ho ? “ usne vinati bhare swar mein kaha ………
“Its OK Sharad ………….main kar loonga , bataiye kab hai meeting ……….” Maine bola ………
“Dopahar ko 2.30 baje ………….. mere assistant Mr.Verma tumhe saari details bata denge ………………..” usne kaha …
“OK Sharad ……….I will manage …….”
“ Thanks Rajiv…..main agar shahar mein hota to tumhe disturb na karta ……..” usne kaha
“Ohh…..app abhi Raj nagar ke baahar hain ? “ main uski baat sunkar chaunk gaya tha …..
“haan ………main to kal shaam ko hi Ahmedabad aa gaya tha………tumhe nahi pata ? “ usne kaha..
“nahi ………mujhe maloom nahi tha ………OK Sharad , main meeting attend karne ke baad aapko report kar doonga ……..”
“ Thanks again Rajiv…….” Usne kaha aur phone disconnect kar diya ………
maine phone rakh diya aur fir se soch mein pad gaya………kal raat ko main yeh soch soch kar halkaan hua ja raha tha ki Neha aur Sharad ek saath hain ……aur abhi Sharad ne mujhe bataya ki woh to kal shaam se hi shahar ke baahar hai…….
To fir kal jo kuchh maine dekha , woh sab mere man ka waham tha ?…….agar main yeh maan bhi loon ki raat ko cctv camera se jo kuchh maine dekha tha , usmein ladka Sharad nahi tha , jo kuchh had tak sambhav bhi tha ……..par shaam ko maine khud uski gaadi , ghar ki taraf jaati huyi dekhi thi …..aur usmein ek ladki ko bhi baithey huye dekha tha , jo kaafi had tak Neha jaisi hi dikhayi pad rahi thi …………..
Agar kal raat ko maine cctv camera mein Sharad ko nahi dekha tha to fir bas ek hi sambhaavna bachti hai , Nidhi ki ……. wahi ho sakti hai jo terrace garden mein , shaayad apne boyfriend ke saath thi .........aur agar yeh sach tha to mere liye koi pareshaani ki baat nahi thi …………yeh Nidhi ka apna personal matter tha , aur mujhe iss se koyi matlab nahi hona chahiye tha ………..
______________________________

 

[Incest]

#70
Main bistar ko chhor kar apne routine kaam mein busy ho gaya ……….1 ghante baad , kareeb 1 baje ke aas-paas main tayaar ho chukka tha , office jaane ke liye …..aur main bas nikalne hi waala tha ki door-bell baj uthi ……..
Maine darwaaze par gaya aur usko khol diya …….baahar Neha khadi thi ……..mere liye yeh ek aur sukhad aashcharya tha ………….. main kuchh seconds ke liye ek tak usko dekhne laga , jaise vishwaas hi nahi kar pa raha ho ki woh iss samay yahan hai …fir uski awaaz se main waapas lauta …
“Heyy ……….kahan kho gaye janaab ? “
“ Kahin nahi yaar ………….zara tumhe fursat se dekh raha tha …….” Maine hanste huye kaha aur usko andar aane ka ishara kiya “ aaao…..andar aa jao “
hum dono saath saath chalte huye bedroom mein aa gaye ……..fir woh bed par baith gayi aur maine poochha ……
“tumhe kaise pata laga ki main iss samay ghar par hoon ……?”
“Bye chance ki baat hai ……….maine office phone kiya tha , pata chala ki tum wahan nahi pahunche …….fir main idhar se guzar rahi thi , socha ek baar pata kar loon ………neeche reception par pata kiya to maloom hua ki tum abhi ghar mein hi ho ……..” usne kaha aur fir saare ghar par ek nigaah maarne lagi ……aur fir boli “ yeh kya haalat bana rakhi hai ghar ki ……? “
“ kuchh nahi yaar …….abhi akela hoon na , to yeh aise hi rehta hai …….jab koyi aa jaayegi iss ghar ko sambhalne waali , yeh apne aap sudhar jaayega ……….” Main hanste huye bola ……..
usne ek aasmani rang ki T-shirt aur jeans pehni huyi thi …….hamesha ki tarah gazab ki khoobsurat lag rahi thi ………….pata nahi yeh mere dil mein maujood uske pyara ka asar tha , ya uske nasheele jism ki pyas ……..usko dekhne ke baad mein apne andar uth rahe saare sawaal bhool chukka tha …………..
woh bhi bed se uthi aur mere paas aa gayi ……….fir mere seene par haath rakh kar boli ..” to jaldi se le ao na ……..iss ghar ko sambhalne waali ko …” kah kar usne apna sar mere seene par tika diya ………..aur apni baahein meri peeth par kas di…….
Uske badan se uthne wali khushbu mujhe hamesha ki tarah madhosh kar rahi thi ……maine uske sar ko oopar uthaya aur uski aankhon mein dekhte huye bola ….” Main to kab se tayyar hoon ……….par woh khud hi abhi aane ke liye tayyar nahi hai ……”
“ tum jaante ho Rajiv ……..meri kuchh majbooriyan hain abhi …….” Usne roni si soorat banate huye kaha ……..
“ waise tumhaare liye ek good news hai ……….Chaudhry saab ne humaare rishte ko apni sehmati de di hai …….” Maine uske chehre ko dono haathon mein bhar ke kaha ……
“Woww……….tumne kab baat kari unse ? “ woh excited hokar boli …….meri aankhon mein dekhte huye ……….
“uss din …….jab hum dono range haath pakde gaye they ….” Main hansta hua bola ….” Unhone khud hi mujhe se saari baat poochhi aur fir unki taraf se humein green signal mil gaya ………”maine kaha aur uska maatha choom liya , iss samay uski aankhon mein sirf pyar hi nazar aa raha tha …………
“ ohhhh Rajiv ……….kitni achchhi news sunayi hai tumne , main to khud bhi pareshan thi ki jab unko iss baat ka pata chalega to na jaane woh kaisa reaction karenge ………” usne kaha aur fir mujhe se kas kar lipat gayi ………..
“ yahi baat to main tumhe batana chahta tha ………par tum itni jyada busy thi ki mere liye time hi nahi nikaal pa rahi thi ……..” maine shikaayati lehze mein kaha …..
“Sorry yaar ……par tumhe bataya tha na …….meri aunty aayi huyi thi......aaj woh gayi hain , to main tumse milne aa payi hoon …….” Usne kaha aur fir apne hontho ko mere hontho se jod diya …………kuchh seconds tak hum dono ek doosre ke honthon ko choomte rahe aur fir kuchh hi der baad humaare honthon ne ek doosre ko choosna shuru kar diya …………...
pichhle kuchh dino se hum dono door door hi rahe , shaayad uska hi asar tha ki mere andar ek aag si lagne lagi thi ……..saare shareer ka khoon ek disha mein daudne laga tha ………..hum dono ke haath ek doosre ke jismon par ghoomne lage they ………mere honthon ko chooste huye hi Neha ne meri shirt ke buttons kholne shuru kar diye ……aur tab maine uske haath par haath rakh kar usko roka ………
“ abhi nahi Neha ……” main ukhadti saanso ke saath bola ……….” Abhi mujhe office jana hai …… “
"Umnnn............kyon jana hai ?? " uske chehre par ek baar narazgi ke bhaav aaye aur fir woh mere seene se lag gayi ………..maine apni baahein uski peeth par kas di …..aur bola ……
“ Aaj shaam hum saath saath guzaarenge ……………aur tum chaho to raat bhi “
usne ek baar sar utha kar meri aankhon mein jhanka …..fir haan mein sar hilakar , dobara se mere gale lag gayi …………..
saare gile shikve door ho gaye they …………..kuchh der baad hum dono meri gaadi mein baith kar jaa rahe they ……….driving karte samay maine uski taraf dekha …….hamesha ki tarah woh baahar sadak par aati-jaati gaadiyon ko dekh rahi thi …………aur main uske chehre ko ……….maloom nahi ki kal raat jo maine dekha tha woh mere dimaag ka dhokha tha , ya jo main ab dekh raha hoon who meri aankhon ka dhokha hai ………par jo bhi hai , yeh to sach hai ki main uss se be-panaah mohabbat karta hoon ……….
Usko ghar chhodne ke baad main office ki taraf chal diya …………shaam ko uss se fir se milne ka vaada karke ………..
Main office pahuncha …………….Sharad ke assistant Mr.Verma ko bulaya aur unke saath meeing ke points discuss kiye ………3 baje ke aas-paas humaare clients aa gaye they aur fir agle 3 ghante tak meeting chalti rahi ………..shaam ko 6 baje main free hua aur maine Sharad ko phone kar ke meeting ke baare mein update kar diya ……………
Maine ghadi mein time dekha ……….shaam ko mujhe Neha se milne tha , aur maine socha hua tha ki agar koyi raaz hai jo woh mujh se chhipaye huye hai to , aaj baato hi baaton mein koshish karoonga , uske andar chhupe huye raaj nikaalne ki …………..
Main apna bag uthaya aur apne office se nikal kar baahar ki taraf chal diya ……main lift mein gusa hi tha ki mere mobile ki ghanti bajne lagi ……..” jaroor Neha ka phone hoga …….” Sochte huye maine mobile jeb se nikaala aur number dekh kar main chaunk gaya …..yeh Mr.Chaudhry ka phone tha ………maine call attend ki …..
“Hello……….Good evening Sir ………”
“ Good evening Rajiv…………Kya kar rahe ho ….? “ unhone kaha……
“Kuchh khaas nahi Sir ……..ek meeting thi , uss se nibat kar bas abhi office se baahar bikal raha tha ……….” Maine kaha ….
“OK……….Rajiv ek kaam karo , tum next flight se Mumbai aa jao ……..” unhone kaha to main ek dum se cahunk gaya ……
“Ji……..???”
“Haan ……..koyi problem hai kya ? “ unhone poochha..
“nahi Sir …………koyi problem nahi hai , par yeh achanak ……..? “ maine hairaani se poochha …….
“ Haan……tumko to maloom hi hai kal meri meeting hai , vault ke silsiley mein …….main chahta hoon ki tum aur Sharad bhi yahan aa jaao ………ho sakta hai kal hi sab final ho jaaye ………” unhone samjhaya ………
“Tum aa rahe ho na Rajiv …..? “ unhone poochha ……
“Ji haan Sir ………..main abhi nikalne ki tayyari karta hoon …..” maine kaha aur phone disconnect kar diya …..……mere paas koyi aur chaara bhi nahi tha , maine unko kabhi kisi kaam ke liye na nahi kiya tha , fir aaj kaise kar sakta tha ……..
abhi thodi der pehle main bade utsaah ke saath jaa raha tha …….par ab mere kadam sust pad gaye they ……main apni gaadi mein baitha aur apne ghar ki taraf chal diya …….gadi chalaate huye hi maine Neha ka phone lagaya …….mujhe usko batana tha ki hum aaj nahi mil paayenge …….nischit taur par woh yeh sun kar niraash hone waali thi …….aur uss se jyada main khud niraash tha ………
______________________________

 

[Incest]

#71
Raat ko 9 baje ke lagbhag main Mumbai pahunch gaya aur 10 baje hotel ……..uss hi hotel mein jahan Mr.Chaudhry pehle se thehre huye they aur Sharad bhi mujh se pehle hi wahan pahunch chukka tha ……main wahan pahunch kar unn dono se mila , fir hum logo ne saath saath dinner kiya aur kal hone waali meeting ke baare mein discuss karte rahe ………..
Raat kareeb 11.30 baje hum log apne apne room main chale gaye ………main bhi apne room mein aa gaya aur fir thodi der tak TV dekhne ke baad so gaya …..
Subah ka schedule bahut busy tha ……….hum teeno tayyaar hokar apne Mumbai office pahunche aur fir wahan se humaare saath 2 staff members bhi ho liye ………hum 5 log ek saath ek doosre hotel mein pahunche , jahan humaari meeting honi thi ……….goverment officials , ministry ke kuchh secretaries aur kuchh bank ke officers ….sab milakar 15-16 log wahan maujood they ………..
Meeting start huyi ……..pehle Mr.Chaudhry ne sabko humaare banaye huye vault ke baare mein brief kiya aur fir maine sabko uss vault ki working ke baare mein samjhaya……..maine vault ki working ka ek animated display tayyar kiya hua tha , jiss se un sab ko working samajhne mein kaafi aasani huyi aur who sab iss se impress bhi dikhe ………..
2 ghante baad meeting khatam ho gayi ………..uske baad lunch ka programme tha …….meeting mein yeh final ho gaya tha ki Tuesday ko ek group aakar vault ki working ko samajh lega aur same day hum unko vault handover kar denge …….uske baad jab woh chaahein , gold stock shift kar sakte hain …………
lunch ke baad hum teeno waapas apne office aa gaye aur fir wahan ke kuchh kaam niptaane ke baad hum waapas hotel ki taraf chal diye ……….hum teeno ek hi car mein they …………raaste mein hi Mr.Chaudhry ne kaha ……….
“ I think , now we have a reason to celebrate …………what is your idea, Sharad ? “
“ Yes Sir …………….aaj ki meeting ke baad to sab kuchh clear hi hai ……..”
“aur iska mostly credit tumhe jaata hai Rajiv ……………” woh meri taraf dekhte huye bole …………
“Thank you Sir …………par mere khyaal se ismein poori team ka contribution tha …….” Maine bola …….
“You are right …………….but your part was most important …….U deserve a special reward for same …….”
“Thanks Sir …………..your appreciation is also a reward for me ………” maine poori vinamrta se bola……….
Fir baat wahin par ruk gayi ……………..mujhe maloom tha ki hamesha ki tarah , meri kaamyabi par woh mujhe koyi na koyi inaam jaroor denge ………par woh kya hoga , mujhe khud bhi maloom nahi tha ………..
Hum teeno hotel waapas aa gaye……..apne rooms ki taraf jaate huye Mr.Chaudhry ne hum dono ko waapas Raj nagar laut jaane ke liye bola aur bataya ki woh kal kuchh aur kaam nipta kar waapas aayenge …………..
aur fir jaise hi hum unke room ke paas pahunche unhone mujhse kaha ………
“tumhaara woh Animated display bahut badhiya tha Rajiv ………. Kya tum woh mujhe de sakte ho ..?”
“ Yes !! sure Sir …………..main abhi aapke laptop mein copy kar deta hoon …” maine kaha to woh mujhe apne saath apne room mein le gaye aur apna laptop mujhe de diya ……..
“main abhi 10 minute mein copy karke aapko waapas deta hoon Sir ………” maine kaha aur apne room mein aa gaya ………….
Maine apna aur unka , dono laptop on kiye aur animated display ki file unke laptop mein copy karne laga ……….kareeb 15 minute lage mujhe file copy karne mein …….fir maine dono laptop off kiye aur unka laptop lekar …..unke room ki taraf chal diya ………….
Unke room ke baahar pahuch kar main knock kiya ………kuchh seconds tak koyi jawaab nahi aaya ……..fir maine bell bajaayi , par fir bhi koyi jawaab nahi aaya …………..maine room ke darwaaze ko dheere se dhakka diya , woh khula hua tha……..maine andar jhanka , wahan koyi dikhayi nahi pada ……main room ke andar aa gaya , aur idhar-udhar dekhte huye laptop ko wahan maujood ek side table par rakh diya ……..main abhi waapas laut hi raha tha ki mujhe kisi ke bolne ki awaaz aayi ……..