Romance Bewafa by Mrindia.only

[Incest]

#82
Maine saamne TV ke saath rakhe huye DVD player mein usko lagaya aur Play kar diya ……………..
Kuchh seconds ke baad jo kuchh mujhe dikhayi pada ………woh mujhe chaunkaane ke liye kaafi tha …………….CD mein kuchh pictures thi , aur unka display saamne screen par ek ke baad ek ho raha tha……..aur har ek picture ke saath mere dil ki dhadkane badhti jaa rahi thi ………..
Pehli kuchh pictures mein main aur Neha saath saath they ……..yeh pictures Shimla ke uss hotel room ki thi , jahaan humne pehli baar saath saath raat bitayi thi ……….bistar par alag-alag position mein hum dono aur woh bhi bina kapdo ke ………
uske baad kuchh aur pictures mere ghar ki thi , iss hi bedroom ki …….jab hum dono doosri baar ek doosre ke saath humbistar huye they …………same waisi hi pictures , jaisi pehle waali thi ……….bina kapok ke humaare shareer , ke doosre mein uljhe huye ……..bilkul jaise kisi porn movie ke still photographs ho ……..
Aur uske baad ki pictures kal raat ki thi …….pehli kuchh picture meri aur Neha ki , humbistar hote huye ………kisi mein main uske oopar chaddha hua dhakka laga raha tha , aur kisi mein woh mere honthon ko choos rahi thi ……aur uske baad ek picture jismein Neeraj mere oopar revolver taane khada hai aur Neha mere pechhe hai ………… uss se agali picture mein main Neeraj ke oopar sawaar tha aur uske chehre par mukka maar raha tha …….uss se agali mein revolver mere haath main tha aur Neeraj saamne jameen par pada huya tha ……….uss se agali mein main Neeraj ke seene par laat maar raha tha ………ek aur picture , jiss mein Neeraj mere saamne khada huya tha , revolver mere haath mein tha aur uski taraf tana huya tha ……saare pictures ek hi angel se liye gaye they ..........jaahir tha ,kisi chhupe huye camera se..............
Pictures dekhte huye mere shareer se paseena chhotne laga tha ………….yeh sab kuchh mere hi saath hua tha , par ab inn pictures ko ek saath dekh kar mujhe khud apne aap par gussa aa raha tha ………..jaahir tha ki yeh pictures mujhe blackmail karne ke liye kheenchi gayi thi , aur iss hi liye mujhe dikhayi gayi thi ……..par kyon ? ………jo bhi koyi iske peechhe hai , woh mujh se kya chahta hai ? …..kya mujhe Kamal ko inform karna chahiye ? ……………….fir mere andar se hi jawaab aaya , abhi nahi …abhi dekh to loon, kya chahte hain yeh log ……….
Iska matlab Neha ko malom tha ki yeh pictures li ja rahi thi ………….. aur iska matlab yeh bhi tha ki woh bhi iss saare khel mein shaamil thi ……par kyon ? ………kya wajah thi ? …….uski koyi majboori , ya koyi laalach ? ……………sab kuchh saamne tha , fir bhi mere dil usko gunehgaar maan-ne ke liye poori tarah se tayyar nahi tha ……….
Maine ghadi mein time dekha ………….12 bajne waale they ……….
Aur tabhi mere mobile ki ghanti fir se bajne lagi ……….maine number check kiya , iss baar bhi koyi unknown number tha , par pehle se alag……..main call receive kar li………
“Hello …………….”
“Ummeed hai aapko mera bheja hua tohfa mil gaya hoga , Rajiv saahab ………aur pasand bhi aaya hoga ……….” Doosri taraf se aawaz aayi ………… …….par iss baar awaaz kuchh badali huyi thi ………shaayad kisi aur doosre aadmi ki .......
“Kya chahte ho tum …………..? “ maine poochha …
“Arrre……….abhi se humaari demand ke baare mein poochhne lage ……..” usne hanste huye kaha “ thoda to sabra karo dost ……..sab kuchh bata denge ……, filhaal to humein aapko ek aur tohfa dena hai ………”
“Kya matlab ………? aur kya dena chahte ho ? “ main gusse mein cheekhte huye bola ………
“ Chillao mat Rajiv ……………dheemi awaaz mein baat karo ……..kisi ne sun liya to tumhaare liye hi musibat paida ho jaayegi …………” woh dheemi awaaz mein bola “ ek aur tohfa tumhaare liye , tumhaari gaadi mein intezar kar raha hai ……….jaakar dekh lo …….main fir se phone karoonga ……….” Usne kaha aur phone disconnect kar diya ………………..
mobile ko wahin bed ke oopar fenk kar ………main lagbahg bhaagta hua flat se baahar aaya , aur fir jaldi se lift mein sawaar hokar neeche parking ki taraf chal diya ……..
parking mein pahunchte hi main apni gaadi ke paas pahuncha aur usko khol kar dash board ki talaashi lene laga ………koyi bhi aisi cheez mujhe dikhayi nahi padi , jo ki mere liye nayi ho ………fir maine saari seats , aur unke neeche bhi dekh liya …..kuchh bhi nahi mila ……..fir aakhir mein main gaadi ke peechhe gaya aur chaabi laga kar diggi khol di ……….. diggi khulte hi jo kuchh mujhe dikhyi pada ,use dekh kar main do kadam peeche ko hat gaya ……maano gaadi mein achanak 440 volt ka current aa gaya ho ……….
Mere saamne , gaadi ki diggi mein ek aadmi pada huya tha ……..khoon se lath-path ..............uski haalat bata rahi thi woh ab jinda nahi hoga ......... yaani woh ek laash thi …….. ………Neha ke pati , Neeraj verma ki laash ………..
______________________________

 

[Incest]

#83
Laash ko dekh kar kuchh second ke liye to main bilkul jad sa ho gaya tha ……fir mujhe hosh aaya ki main iss samay parking mein kahda hoon … aur yahan kisi bhi samay , koyi bhi aa sakta hai..
Maine car ki diggi band kar di ……..aur fir car ko parking area ke ek kone (corner ) mein le jaakar khada kar diya ……….yeh sab isliye ki agar main car ki diggi ko khol kar dekhna chahoon to kisi ki nigaah na pade …………
Car ko wahin parking mein chhod kar , main fir se waapas apne flat mein aa gaya ……mere dil ki dhadkane bahut jyada tez daud rahi thi aur shareer paseene se bilkul tar ho chuka tha …………….
Flat mein aakar maine ek gilaas thanda paani piya aur fir ek kursi par baith kar sochna shuru kiya ……….mere oopar achanak hi yeh musibat aa gayi thi , aur mujhe iss se jald hi nikalne ka koyi intezam karna hoga …………
Tabhi mere mobile ki ghanti bajne lagi ………main furti ke saath apne mobile tak pahuncha aur number dekha ………iss baar bhi ek unknown number tha , pehli dono baar se alag…………maine call receive kar li ………..
“Hello …………….” Iss samay meri awaaz bolte samay bhi kaanp rahi thi ……..
“ humaara doosra tohfa bhi aapko mil hi gaya hoga Rajiv Saahab ………………ab bataiye , yeh bhi pasanad aaya ya nahi …………………” udhar se ek awaaz aayi …….pichli baar se kuchh alag thi yeh awaaz
“U bastard ……………….kya chahte ho tum log ……..kyon kar rahe ho yeh sab ? “ main cheekhta hua bola ………
“arre , arre ……….gaali kyon de rahe ho mere bhai …………..humne to tumhara kaam hi asaan kiya hai ……….tum bhi to chahte they na ki tumhaare aur Neha ke beech ka kanta humesha ke liye nikal jaaye …………ab humne nikaal diya to tum naaraj ho rahe ho …” udhar se aati aawaz kuchh dheemi si thi ………
main chup hi reh gaya ………samajh hi nahi paa raha tha ki kya bolun …….itna to mujhe maloom hi tha ki woh kuchh na kuchh demand karne waale hain …….par kya ? …….yeh to woh log hi bata sakte hain …
“ chup kyon ho gaye Rajiv babu ? ……………… aur gaaliyan nahi denge kya ? “ usne hanste huye kaha …………
“ dekho ……tum jo bhi ho , itna samajh lo ki tum mujhe kisi jhoothe maamle main fansa nahi sakte ho ……..” main dhamki si deta hua bola ..
“ha ha ha ha ….”woh fir hanste huye bola “ kyon bewkoofo waali baaten kar rahe ho Rajiv …………..humaare paas tumhaari photo hain jismein tum aur Neha rang-reliyaan mana rahe ho ……aur uske baad tumne Neeraj ke oopar revolver taana hua hai ………fir revolver ke oopar tumhaari ungliyon ke nishaan , aur tumhaari car mein uski laash …….tum samajh sakte ho ki police ke liye yeh bilkul seedha-sada case hoga……….open & shut…………….”
Kuchh der chup rehkar usne aage kaha “ humein agar tumhe kisi maamle mein hi fansana hota to tumhe phone na karte , balki police ko inform kiya hota ……..”
“to fir kya chahte ho mujh se “ iss baar main kuchh had tak shaant awaaz mein bola ……
“ filhaal to itna ki tum jald se jald iss laash se chutkara paao ………..ab yeh tumhaare oopar hai ki tum yeh kaam kaise karoge ………..aur haan , mujhe kehne ki jaroorat nahi hai ki police ko inform karne ki galti mat karna ……main fir se phone karoonga “ keh kar usne phone disconnect kar diya …………..
main kuchh der ke liye bilkul chup-chap baitha raha ……..samajh mein nahi aa raha tha ki kya karoon ………..jo kuchh uss aadmi ne abhi phone par kaha tha ,bilkul sach tha……….yeh police ke liye bilkul open & shut case tha ………iss lassh ka meri gaadi mein hona hi mere liye ek badi musibat ka samaan tha ……….par agar main iss laash ko thikaane lagata hoon to jaroor ek aur nayi musibat mein fans jaoonga …….mere liye stithi ek taraf pahaar aur doosri taraf khayi waali ho gayi thi ……
kuchh der yun hi baith kar main saari condition par gaur karta raha ……….fir maine decide kiya ki mujhe ek baar to risk lena hi padega aur mere liye aasan yeh rahega ki main police ko inform kar doon ……
yeh khayaal dimaag mein aate hi maine apna mobile uthaya aur Kamal ka number laga diya …………kaafi der tak bell bajti rahi aur fir usne call receive kar li …
“hello ………..”
“hello Kamal …………main Rajiv …” main apni awaaz ko normal rakhne ki koshish karta huya bola ………
“ Haan Rajiv ……….maine tumhara number pehchaan liya tha dost ………….batao , aaj mujhe kaise yaad kiya ? “ usne kaha …….
“Kya tum mere ghar aa sakte ho Kamal ? “ maine dheere se kaha …
“Abhi ..?? “ usne chaunkte huye poochha ……..
“haan abhi ……….jitni jaldi ho sake , utni “ main fir bola ……..na chahte huye bhi meri awaaz mein kanp-kapahat saaf mehsoos ho rahi thi ……….
“Kya baat hai Rajiv .?? sab kuchh theek to hai na …..?? tum kuchh pareshan lag raho ho ? “ usne poocha , kuchh uttezit si awaaz mein ………
“ haan ………….kuchh asia hi samajh lo Kamal ……….tum yahan aao to main batata hoon …….” Maine kaha …….
“Mujhe kuchh der lag sakti hai Rajiv ……..shaayad 2 ghante ke aas-paas ……par main jald se jald pahunchne ki koshi karoonga ……..aur agar koyi emergency hai to main kisi aur ko bhej deta hoon …….”woh bola ……….
“nahi ………kisi aur ko nahi bhejna , tum khud hi aa jao ……..main tumhara wait kar raha hoon ….”maine kaha aur fir phone disconnect kar diya ………….
______________________________

 

[Incest]

#84
Kamal ko phone karne ke baad mere liye ek-ek pal kaatna mushkil ho raha tha …….main balcony par jaakar khada ho gaya , dekhne ke liye ki woh kab aayega ……meri bhookh aur pyas dono gaayab ho chuki thi …….bas ek hi cheez mere dimaag mein ghoom rahi thi ………Neeraj ki laash , jo iss samay meri gaadi ki diggi mein padi huyi thi …….
Baahar mausam kharaab hone laga tha……..baarish kisi bhi samay shuru ho sakti thi ……dheere dheere ek ghanta beet gaya ……fir do ghante …….main baar baar balcony par jaakar dekh leta tha , aur baar baar apne flat ke darwaaze ko khol kar ……..
Ghadi ki suiyan badhti hi jaa rahi thi …..par Kamal ka koyi ataa-pata nahi tha……..maine ghadi par nigaah daali , 4 baj chuke the ………..ek lambi saans lekar maine apna mobile uthaya aur Kamal ka number lagaane laga…….. ki tabhi mere darwaaze ki call bell baj uthi………..
Main lagbhag bhaagta hua darwaaze par aaya aur darwaaza khol diya…………..saamne Kamal khada hua tha ........ without uniform ……….usko yahan dekh kar mujhe jitni khushi aaj huyi thi , itni shaayad pehle kabhi nahi huyi hogi ………..
woh andar aaya aur maine darwaaza band kar diya…………hum dono saath saath chalte huye drawing room mein aa gaye aur sofe par baih gaye …….fir usne hi baat ki shuruaat ki ………
“Kya baat hai Rajiv………..? kyon bulaya tha mujhe ? “ woh meri aankhon mein dekhte huya bola …………….
Maine ek baar uss se nigaah milayi aur fir sar niche jhuka liya …….main jaanta tha ki mere liye usko sab kuchh batana bahut mushkil saabit hoga ……..fir kuchh seconds chup rehne ke baad maine uski taraf dekha aur bola …
“main tumhe kuchh dikhana chahta hoon Kamal……aao mere saath “ keh kar main khada ho gaya , aur woh bhi meri taraf ascharya se dekhta hua apni seat se uth gaya…
main bina uski taraf dekhe darwaaza khol kar apne flat se baahar aa gaya …..woh mere peechhe peechhe aa raha tha ……fir hum dono ek saath lift mein daakhil ho gaye ……….jitni der mein lift ground floor par pahunchi, utni der woh mere chehre ko gaur se dekhta raha …..aur main sar ko jhukaye , uss se nigaah churata raha …
fir lift se baahar aa kar main parking ki taraf chal diya ………apni gaadi ke paas pahunch kar maine ek bar idhar-udhar dekha ……….Kamal mere bilkul peechhe khada hua tha ………fir maine diggi mein chaabi lagayi aur dhadakte dil ke saath usko khol diya ………… jo kuchh mujhe dikhayi pada woh fir se mere liye ek jhatke ke samaan tha …………….thodi der pehle maine khud apni aankho se iss ke andar ek lash dekhi thi , aur ab yeh diggi bilkul khaali thi ……….aur isko saaf bhi kar diya gaya tha ……….bikul pehle ki hi tarah …………….
Main kuchh der uss khaali diggi ko ghoorta raha aur fir gaadi ke andar aur neeche dekha …wahan bhi mujhe kuchh dikhayi nahi pada to main apni nigaah poore parking area mein ghumaane laga …….………….Kamal , jo abhi tak peechhe ko khada hua tha aur meri harkatein dekh raha tha ……mere paas aaya aur mere kandhe par haath rakh kar bola ……
“Kya ho gaya Rajiv ?...........kya dhoondh rahe ho ..? “
“w..woh…..abhi thodi der pehle to yahin tha ……iss diggi ke andar ..” main diggi ki taraf ishara karta huya bola ……….
“Kya yahin tha ? ……….theek theek batao Rajiv , kya kehna chah rahe ho …” Kamal mere chehre ko dekhta hua bola …………
“yahaan ……….diggi mein , thodi der pehle ek laash thi Kamal …” mujhe aakhir usko batana hi pada ………aur sunte hi jaise uske sar ke oopar koyi bomb gira ho ………..kuchh second tak woh mere chehre ko ghoorta raha aur fir usne ek baar khuli huyi diggi par nigaah daudayi ……….fir mera haath pakad kar bola ..
“Kya bol rahe ho Rajiv ……………….tum theek to ho na ………?”
“haan main bilkul theek hoon Kamal ……….abhi 3 ghante pehle hi maine apni aankhon se iss diggi mein ek laash dekhi thi ……….” main jhallata hua bola ….
Usne diggi ko band kiya aur mera haath pakad kar mujhe lagbhag kheenchta hua mere flat ki taraf lakar chal diya …………” aao mere saath ……..hum andar baith kar baat karnege ……”
Do minute baad hi hum dono mere flat mein ek doosre ke saamne baithey huye they……….
Meri taraf dekhta huya woh bola ..
“ab batao Rajiv ………….kya baat thi ? ………tumne doggi mein laash kab dekhi thi ? “
maine uski taraf dekha aur fir kuchh second baad bola “ aaj subah ……….abhi 3-4 ghante pehle hi , jab main tumhe phone kiya tha ..”
“kiski laash thi ?.......kya tum usko jaante they ……?” usne agla sawaal kiya
“nahi ………..” main bilkul saaf jhooth bol gaya ……….na jaane kyon
“tumhe maloom tha ki gaadi ki diggi mein koyi hai ……….ya fir tumne aise hi khol kar check kiya tha ? “ usne agla sawaal kiya ..
“Nahi ……….maine to bas aise hi diggi kholi thi …….tab maine dekha ki uske andar ek laash padi huyi hai ………main ghabra gaya aur tumhe phone kar diya …” main ek kahaani banata huya bola ….
“ tumhe pakka yakeen hai ki woh laash hi thi ?………mera matlab hai ki woh koyi jinda aadmi bhi to ho sakta hai .... jo chhipne ke liye tumhaari diggi mein aakar baith gaya ho …? “ usne sawaal kiya …….aur iss baar main khud bhi soch mein pad gaya ……waakayi maine khud bhi check nahi kiya tha ki woh aadmi , Neeraj verma …mar gaya tha , ya sirf ghaayal tha ……
“nahi ……yeh to maine check nahi kiya tha ……..uske poore shareer par khoon laga huya tha aur shreer mein koyi harkat nahi thi....., isliye mujhe laga ki shaayad woh mara huya hai ….. aur sach kahoon to main ghabra gaya tha , isliye inn baaton par gaur hi nahi kiya ..”maine kaha………
woh kuchh der chup chap baitha meri taraf dekhta raha aur fir bola …..
“tum mujhse kuchh chhipa to nahi rahe ho Rajiv …? “
“Nahi …..kuchh bhi to nahi ………kya tumhe aisa lag raha hai ? “ main sak-pakata hua sa bola ……….
“Maloom nahi ………..khair , main search karwaata hoon hoon……agar woh aadmi keval ghaayal tha , to jaroor kahin aas-paas kisi doctor ke yahan ilaaz karva raha hoga …….dekhte hai ki kisi tarah ki koyi khabar milti hai ,ya nahi …………..” fir woh uth kar khada ho gaya ………..
“ kuchh der baitho Kamal …………main tumhare liye kuchh peene ko laata hoon “ maine kaha aur andar ke kamre mein chala gaya …1 minute baad hi main do cold drink ki cans lekar waapas aa gaya ….ek maine usko de di ,aur doosri khud peeni shuru kar di …………..
______________________________

 

[Incest]

#85
kuchh der ki khamoshi ke baad maine baat shuru ki ………..
“ Tum uss din Neha ke baare mein kuchh keh rahe they Kamal …….woh kya baat thi ?”
woh kuchh second mere chehre ko ghoorta raha fir bola ….” Kyon ? …………tumne hi to kaha tha ki tumhe sab kuchh maloom hai …..? fir ab kyon pooch rahe ho …..?” uski awaaz mein na-raazgi chhupi huyi thi …………
“maloom to hai ……..par socha ki shaayad tumhe mujhe se bhi jyada kuchh pata ho …akhir tum ek police waale ho “ main dheere se hanste huye bola ………woh bhi meri baat sun kar muskura diya …….
Usne 2 sip liye aur fir meri taraf dekh kar bola …………” tumhe maloom hai na ki Neha ek baar jail ja chuki hai ……….? “
Mujh yakeen nahi hua ki woh kya bol raha hai ….. jo kuchh usne poochha , mere liye maano ek tez shock ki tarah tha ……..main kuchh second uska chehra hi dekhta reh gaya ……….fir dheere se sar ko naa mein hila diya ………..
“ tabhi to maine tumse poocha tha ki tum sab kuchh jaante ho ya nahi ……..aur tum meri baat sun-ne ko tayyar hi nahi they ……….”woh meri taraf dekhta hua ek baar fir gusse mein bola ………….
“mujhe poori baat bataao Kamal ……please ” main be-chain hota hua bola…….
“ poori baat to mujhe bhi maloom nahi hai dost ……..bas itna pata hai ki aaj se kareeb 6-7 saal pehle Neha aur uske pati ko ek fraud case mein jail jaana pada tha ……yeh dono dehradoon mein ek chit-fund company chalate they ………jiss mein inn dono par logo ke paise hadapne kaa ilzaam lagaya gaya tha …..aur inn dono miyan-biwi ko jail jaana pada tha ……………Neha ko to 2 mahine baad hi bail mil gayi thi , par uska pati poore 2 saal jail mein reh kar aaya tha ………mujhe laga ki shaayad tumhe yeh baat maloom hogi ………” woh meri taraf dekhta huya bola ………. " uss din tumhaare jaane ke baad Negi ne Neha aur uske pati ke baare mein chaan-been karwayi thi .......tabhi usko yeh baat pata chali thi ......"
Jaahir tha ……..yeh nayi jaankaari mere liye kisi jhatke se kam nahi thi ……. Main bina kuchh bole uski taraf dekhta raha ……. Mere liye iss naye shock se ubarna itna aasan nahi tha …….
Kamal bhi shaayad meri condition samajh gaya …….woh apni seat se utha aur meri taraf haath badhata huya bola ……..” main ab chalta hoon Rajiv …….koyi bhi pareshaani ho to mujhe phone karna ………..”
Maine uska haath pakda aur fir bola “ theek hai ……..agar koyi problem huyi to tumhe hi to yaad karoonga ……..” aur ek feeki si hansi hans diya ….
Usne ek baar fir gaur se mere chehre ko dekha aur bola …….” Maloom nahi ……par mujhe aisa lag raha hai ki tum mujh se abhi bhi kuchh na kuchh chhipa rahe ho ……” aur fir muskurata hua baahar ki taraf chal diya …….uske jaane ke baad main waapas apne bed room mein aaya aur chair par baith gaya ………
Iss saare ghatna-kram ne fir se mujhe nayi uljhan mein dhakel diya tha …….mujhe samjah mein nahi aa raha tha ki laash achanak kahan gaayab ho gayi ..? ……..ya aisa bhi ho sakta hai ki Neeraj mara hi na ho,sirf ghaayal hua ho …aur hosh mein aate hi khud bahhar nikal kar chala gaya ho ? ……..par iss baat ki sambhavna bahut kam thi …….
Kya mujhe fir se unn black mailers ke phone ka wait karna padega …? Par kab tak …..? ……kya maine Kamal ko sab kuchh na bata kar thekk kiya …? …….shaayad nahi …par mere paas abhi koyi chaara bhi nahi tha ……agar main usko kuchh batata to mujhe yeh bhi batana hota ki unn logo ke paas mere aur Neha ko photographs bhi hain………aur yeh bhi ki unn photos mein hum kaisi haalat mein hain ……….
Nahi…….shaayad mujhe abhi unki taraf se kisi demand ka wait karna chahiye ….? Par unki demanad kya ho sakti hai ? ………..Jaahir hai paisa …… par kitna ?
Neha ke baare mein jo nayi baat mujhe maloom padi thi ……..uss se mujhe ab yeh bhi lag raha tha ki shaayad woh khud bhi kisi dabaav mein na ho ……..ho sakta hai ki jo kuchh bhi usne kiya ho ……uss hi blackmailer ke pressure mein aakar kiya ho ………..
Sawaal bahut saare they …….par jawaab ya to Neha ke paas tha , ya fir uss blackmailer ke paas ………..
Maine ghadi par nigaah daali ……….shaam ke 6 baj rahe they …….maine subah se kuchh bhi nahi khaya tha , aur ab mujhe bhookh lagne lagi thi ……….maine phone kar ke restaurant ko khaane ka order diya aur fir andar aakar apne room mein baith gaya ………….. mujhe ab black mailer ke phone ka intezar tha ……
5 minute bhi nahi beete they ki mera mobile baj utha ………….maine number dekha , ek aur unknown number …….. maine call receive ki aur udher se awaaz aate hi main ek aur baar chaunk gaya …………….yeh Neha ki awaaz thi ………….
“Hello ………….Rajiv !! ……..main Neha bol rahi hoon Rajiv ……” uski awaaz bahut dheemi thi aur bahut jyada ghabrayi huyi si thi …………
“haan bolo……….ab kya chahti ho ………” maine gusse mein kaha ……..
“ tum mujhe galat samajh rahe ho Rajiv ………….main unn logo ke saath nahi hoon … “ woh fir boli ……….
“ tum kitna jhoot bologi Neha …….?...tumhara asli chehra mere saamne aa chukka hai …………….ab main tumhaari kisi baat mein nahi aane waala …………” main jhallate huye bola
“p…please Rajiv ………….meri baat ko samajhne ki koshish karo ………..m…meri jaan khtre mein hai ……..y..yeh log mujhe maar denge …..mujhe bacha lo Rajiv ……….please mujhe bacha lo …….”woh bolti bolti ro padi thi …..ab phone par uske subakne ki awaaz aa rahi thi ………
main kuchh kehta , uss se pehle hi mujhe Neha ki ek cheekh sunayi padi ……….fir kisi aadmi ke bolne ki dheemi si awaaz aayi …………..
“ Saali raand …………tujhe kaha tha na , koyi galat harkat nahi honi chahiye ……..jaroor apne yaar ko phone kar rahi hogi ……….saali …maadar …..” aur fir kuchh awaazein , jaise do log aapas mein lad rahe ho ……..aur fir phone disconnect ho gaya …………..
main phone ki haath mein pakde huye dekhta hi reh gaya …………pal pal mere saamne ek nayi baat nikal kar aa rahi thi ………pehle mujhe yeh laga tha ki Neha kisi laalach mein unke saath kaam kar rahi hai ……fir Kamal se jab Neha ke past ke baare mein pata chala to yeh laga ki kahin woh blackmail to nahi ho rahi hai ……….aur ab yeh uska phone ……….kya woh bhi unn logo ke changul mein fansi huyi hai ? ….
Darwaaze ki ghanti baji ………maine jaakar darwaaza khola , yeh restaurant waala aadmi thi ………andar aakar usne khana dining table par laga diya …….aur fir waapas baahar chala gaya………..
Main chair par baith gaya…..par khana khane ki meri ichchha mar chuki thi ………khaane ki hi kya , meri to bhookh aur pyas dono gaayab thi …….samajh nahi aa raha tha ki mujhe kya karna chahiye …….meri stithi bilkul aisi thi jaise kisi gehri andheri surang mein fans gaya hoon ……..aur charo taraf sirf andhere hi andhera nazar aa raha tha ……………
______________________________

 

[Incest]

#86
Pal pal badalte haalat mujhe paagal banaye de rahe they ………abhi Neha se baat karne ke baad mujhe aisa lagne laga tha ki woh bhi iss khel mein shaamil hai , par kisi majboori ki wajah se ……….aur shaayad uska pati Neeraj bhi iss khel ka hi ek mohra hai …….par agar aisa hai to jaroor inn sab ki dor kisi aur ke haatho mein hogi …..aur woh kaun ho sakta hai , yeh filhaal to meri samajh se baahar tha …..
Ab mujhe Neha ki fikra bhi hone lagi thi ……..jo kuchh maine abhi phone par suna tha , uss se mujhe yeh bhi lagne laga tha ki kahin waakayi woh kisi museebat mein to nahi hai……..
Sochta hua main balcony par aakar khada ho gaya ……..baahar ab baarish hone lagi thi ……….paani ki tez bauchhare mere oopar aa rahi thi , aur ek bahut sakoon bhara sa ehsaas mujhe ho raha tha ……..
Tabhi mere mobile ki ghanti fir se bajne lagi ……..main kamre ke andar gaya aur mobile utha kar dekha ……….fir se ek anjaan number se call……..jaroor uss hi black-mailer ki hogi ……..maine socha aur ek lambi saans lekar call receive kar li …
“Hello …………”
“ humne tumse kaha tha na ki police ko iss maamle mein involve nahi karna …………tum fir bhi nahi maane ………..” udhar se ek gurrati huyi awaaz aayi ……… ek khaas baat yeh thi ki har baar phone karne waale ki awaaz , pichhli baar se alag hoti thi ………shayad 2-3 logo ka ek group tha , jo mujhe phone karta tha ..
“maine police ko inform nahi kiya tha ……….”main bhi tez aawaz mein bola ….
“ jhooth bol rahe ho !!........aisa tha to fir woh ASP tumhaare saath kya kar raha tha ……” usne aage kaha ……….pehle ki hi tarah , gusse mein ..
“ woh mera dost hai ………. “ main bola ..
“par hai to police waala hi na ………….dekho Rajiv , yeh maamla humaare aur tumhaare beech mein hai ……..ismein kisi teesre ko involve karne ki koyi jaroorat nahi hai…………tum jaante nahi ho ki tumhaari jaan humaari mutthi mein hai……” woh dhamki bhare swar mein bola ……………..
“ mujhe maloom hai yeh sab baatein ……….baar-baar bataane ki koyi jaroorat nahi hai…….” Main jhallata huya bola …………
“Jaroorat hai Rajiv …………kyon ki tum yeh samajh rahe ho ki hum tumhaare photos police ko nahi denge …………tum bilkul theek soch rahe ho ………par saath hi tum yeh bhool rahe ho ki agar humne yeh photos Mr.Vijay Chaudhry ko dikha diye to kya ho jaayega ………….tumhaari image to unki nigaah mein gir hi jaani hai , ho sakta hai ki tumhaare so called God father bechaare yeh sadma bardasht hi na kar paayen ……ki unka sabse pyara aur honhaar Rajiv ……ek do take ki ladki ke liye kisi ka khoon bhi kar sakta hai ………”
“ maine kisi ka khoon nahi kiya hai ………….” Main lagbhag cheekhta huya bola ………
“ yeh baat sirf tum keh rahe ho Rajiv …………” udhar se aati awaaz mein ek halki si hansi bhi shaamil thi “ tumhaare alaawa jisko bhi hum yeh photo dikhayenge , woh yahi maanega ki khoon tumne hi kiya hai ……aur tum yeh bhool rahe ho ki jis revolver se khoon hua hai , woh bhi humaare paas hi hai aur uss par tumhaari ungliyon ke nishaan abhi tak maujood hain ………. “
main kuchh nahi bol paya …….fir kuchh palo ki khamoshi ke baad usne hi kaha ……” ab meri baat gaur se suno ………. Neeraj ki laash humne hi tumhaari gaadi mein se nikalwa li thi ……tum yeh samjhne ki galti mat karna ki hum tumhare oopar nigaah nahi rakhe huye hain …….tumhaare ek ek pal ki khabar humein milti rehti hai ……isliye jo galti aaj ki hai , dobara karne ki bewkoofi mat karna ……...tumhaare saare photographs , tumhaari revolver aur tumhaari mashooka , teeno humaare paas bilkul surakshit hain ………..tumhe bas humaara ek chhota sa kaam karna hai ..uske baad yeh sab kuchh tumhe waapas mil jaayega ………bikul waisa hi , jaisa pehle tha …………koyi kabhi nahi jaan paayega ki Neeraj kahan gaayab ho gaya …………aur agar tumne ek bar bhi aana-kaani ki ti anjaam tum jaante hi ho ………..mujhe shaayad fir se sab kuchh dohraane ki jaroorat nahi hai ……”
“ kya chahte ho tum ………..? “ main bola …………..
“abhi nahi ……………kal tak ka intezar karo dost ……..kal hum fir phone karke tumhe bataayenge ki tumhe kya karna hai ……………aur haan, kal office jaroor chale jaana………….” Usne hanste huye aakhiri baat ki aur phone disconnect kar diya…………
maine phone ko wahin bed ke oopar daal diya aur fir se uth kar baahar balcony mein aa gaya ……….jaisa ki usne abhi kaha tha , woh log mere oopar nigaah rakh rahe hain …....unko yeh bhi maloom tha ki main aaj office nahi gaya hoon ........par kaise ? ………….kya aas-paas kisi building se ? ………maine ek nigaah apne charo taraf bane huye makaano aur buildings par maari ………..sadak ke uss paas kuchh aur buildings thi jin mein se kisi ek mein unn logo ne apna thikana banaya hua ho sakta hai………par kis mein ?.........yeh kehne bahut mushkil tha ………aur yeh bhi ho sakta hai ki unn ka koyi ek aadmi meri building mein hi maujood ho …….aur barabar mere oopar nigaah rakhe huye ho ………….
Uski ek aur baat bilkul sahi thi ………agar yeh photos Mr.Chaudhry ke paas pahunch gaye to woh waakayi yeh baat bardasht nahi kar paayenge ……… mujhe maloom tha ki woh mujh par kitna bharosa karte hain …….aur main kisi bhi haalat mein unka bharosa nahi todna chahta tha ……………
Iske alaawa mujhe Neha ke bare mein bhi sochna tha ………agar Neha sahi thi aur woh waakayi kisi dabaav mein thi , tab to mujhe usko waapas laana hi tha ………meri ek bhi galti usko museebat mein daal sakti thi ..........aur agar jaisa ki mera shaque tha , aur woh iss saare khel ka hi ek hissa thi ………tab bhi main ek baar to uss se jaroor milna chahta tha …….yeh poochhne ke liye ki uski bewafayi ki wajah kya thi…………..
Maine fir se whisky ka hi sahaara liya……….2 chhote chhote peg banaye aur wahin balcony par hi baithe baithey pee gaya………..kuchh thandi hawa ka asar tha , kuchh din bhar ki thakaan ka aur kuchh sharaab ka saroor ………main wahin balcony mein hi baithey baithey so gaya…………..
______________________________

 

[Incest]

#87
Subah main na chahte huye bhi office pahunch gaya………do wajah thi …..ek to blackmailer ne mujhe iss baat ke liye khaas hidayat di thi , aur doosra main nahi chahta tha ki meri absence ki wajah se office mein kisi ko koyi shaque ho ……
Office pahunch kar main seedha apne cabin mein jaakar baith gaya …….mera dimaag waise bhi kisi bhi kaam mein nahi lag raha tha , aur oopar se uss blackmailer ki tension ………..main khaali baitha baitha uske phone ka intezar karne laga ………
Ek ghanta……….do ghante aur fir dheere dheere 3 ghante beet gaye ….par uska koyi phone nahi aaya …………aur fir mere phone ki ghanti baji ……….par mobile ki nahi intercom ki …………maine phone uthaya , udhar Mr.Chaudhry they ……
“Hello ………..”
“Good morning Sir ………..” maine kaha
“Rajiv ……….jara mere paas aa sakte ho ? “ woh bole ..
“ ji haan Sir ……..abhi aata hoon ……..” maine kaha aur phone disconnect kar ke seat se uth gaya aur apne cabin se baahar nikal kar , Mr.Chaudhry ke office ki taraf chal diya …………
2 minute baad hi main unke saamne , ek chair par baitha hua tha ………….mere alaawa wahan Sharad bhi tha ……jo mujhe se pehle wahan aa chukka tha ………
“Rajiv ……..aur Sharad , main kal Delhi jaa raha hoon ……..wahan humare bank ki nayi branch ki opening hai ……..tum mein se kaun mere saath jaana chahega ? “ woh hum dono ki taraf baari baari se dekhte huye bole ……..aur hum dono bhi ek doosre ki taraf dekhne lage …………..
“Mujhe to kal bahut jaroori kaam hai Uncle ………..main shayad nahi jaa paoonga “ Sharad ne kaha aur fir meri taraf dekhne laga …………….
“Theek hai Sir ………main aapke saath chaloonga “ main dheere se bola …..mere paas haan karne ke siva koyi aur chaara bhi nahi tha……..vaise mujhe khud bhi nahi maloom tha ki woh black mailer mujhe kab phone karega aur kya demand karega …..aur yeh bhi ki mujhe us ski demand ko poori karne ke liye yahan Raj nagar mein bhi rukna pad sakta hai……….
“Kya huya Rajiv …….tumhaari tabiyat kuchh sahi nahi lag rahi hai ….? “ Mr.Chaudhry meri taraf gaur se dekhte huye bole ………….
“Ji haan sir …….kal se tabiyat kuchh theek nahi hai …………” maine unki taraf dekhte huye bola ……aur fir sar neeche jhuka liya …………
“theek hai fir ……….kal agar tumhaari tabiyat sahi rahi to hum dono subah 6 baje yahan se chalenge ………….tum mujhe airport par mil jaana ……….” Unhone kaha aur fir apne saamne rakhe monitor ki taraf dekhne lage …….yeh unka ek ishara tha , humein wahan se jaane ke liye kehne ka ……..
hum dono uth gaye aur Sharad mujh se tez chalta hua kamre se baahar nikal gaya …….main bhi dheeme kadmo se darwaaze tak pahuncha hi tha ki unki awaaz sun kar ruk gaya ……..
“Rajiv ………….yeh Neha aajkal kahin dikhayi nahi pad rahi ………kahan hai woh ? “ who meri taraf dekhte huye bole ……………
unka sawaal sun kar hi mere dil ki dhadkane tez ho gayi thi ……main dheere se do kadam waapas unki taraf aaya aur bola “ maloom nahi sir ……….”
“arre wah ..!!..........tumko bhi maloom nahi to kisko pata hoga …? “ woh dheere se hanste huye bole ……….
“mera matlab yeh nahi tha sir …………woh apne ghar gayi thi , aur mujhko bata kar bhi gayi thi …….par ab kahan hain , mujhe bhi nahi maloom ……. “ main baat ko ghumata huya bola……….
“to pata karo yaar ……..abhi se tumhe bina bataye gaayab hone lagi to aage kaise chalega ……….”who muskurate huye bole ……aur fir se monitor ki taraf dekhne lage ……..
main bina kuchh kahe kamre se baahar aa gaya aur apne cabin ki taraf chal diya …………
uske baad fir se wahi ek lamba intezar ……….main uss ke phone ka wait kar raha tha , aur woh aaj kuchh batane ko hi nahi tayyar tha ……..main tay kar chukka tha ki agar usne badi se badu rakam ki bhi maang ki to main uski baat maan loonga ……..par main jald se jald iss musibat se baahar nikalna chahta tha ………
mera intezar shaam ko 5 baje ke kareeb khatam hua ……..main uss samay Karan ke saath baitha huya kuchh discuss kar raha tha jab mera mobile bajne laga …….maine number check kiya …….ek aur unknown number ……hamesha ki tarah mere liye bilkul naya ……..maine Karan ki taraf dekha aur bola …………
“excuse me Karan …………jara 5 minute ke baad aage continue karte hain ………” usne dheere se sar hilaya aur uth kar kamre se baahar chala gaya ……uske baahar nikalte hi maine call receive kar li ……..
“haan bolo ………….. “
“lagta hai tum mere phone ka hi intezar kar rahe they ……..” udhar se awaaz aayi aur fir woh dheere se hansne laga …….
“tum kaam ki baat karo ………….kaise phone kiye tha ……” maine pehle se hi gusse mein tha , isliye jhallata huya bola ………..
“cool down Rajiv…………..gussa ek taraf rakh ke , fir meri baat gaur se suno ……… “ fir kuchh seconds ki khamoshi ke baad woh aage bola ….” Humein tumhaare bank ke vault mein jaane ke liye ek pass chahiye ……..ek authority letter , jo tum humein doge ……….”
“tum paagal to nahi ho gaye ho …………..main aisa nahi kar sakta ……….” Maine lagbahg cheekhta huya bola ……….
“ tum wahi karoge Rajiv …….jo main tum se keh raha hoon …….. “ woh gurrate huye bola ……….
“ tumhe nahi maloom ……main iss tarah ke authority letters dene ke liye authorized nahi hoon …..” maine jhoot bolne ki koshish ki ……..
“ ha ha ha ……….humein sab maloom hai Rajiv ki tum kis cheez ke liye authorized ho aur kiske liye nahi ………meri baat gaur se suno ……ek authority letter banao aur apne sign kar ke apne paas rakh lo ….fir mere agle call ka wait karo “
“par uss letter par entry ka time aur number of person bhi daalna hota hai ……uska kya ?” maine ek aur koshish ki ..
“ woh sab mujhe maloom hai Rajiv ……….tum un sab column ko blanck chod dena , hum khud baad mein fill kar lenge ………”
“par tum uss letter se kya karna chahte ho ? ……….tumhe maloom nahi hai ki tum wahan pahunch kar bhi kuchh nahi kar paaoge ……”maine usko samjhaane ki koshish ki ……aur jo kuchh maine kaha tha , woh sach bhi tha …
“ woh sab tum humaare oopar chhod do ………tum sirf wahi karo , jo tumse kaha gaya hai …….letter bana kar apne saath ghar le jaana …….main tumhe baad mein call karoonga ……….”usne kaha aur fir phone disconnect ho gaya……….
Mujhe maloom tha ki mere paas koyi aur chaara nahi hai …….unki baat maan-ne ke siva ………maine unke kahe anusaar ek authority letter banaya aur apne bag mein rakh liya.....
Thodi hi der baad Karan fir se waapas aa gaya tha ……par maine usse mana kar diya ki abhi meri tabiyat sahi nahi hai ……aur hum baaki ka kaam kal poora karenge ………
Fir maine apna bag uthaya aur office se baahar nikal kar aa gaya …………..dheere dheere chalta hua main building se neeche utra aur apni gaadi nikaal kar apne ghar ki taraf chal diya …………….main abhi tak asmanjas ki haalat mein tha ……yeh to spashth ho chukka tha ki woh log bank vault mein ghusna chahte hain ……..par kyon ? ……..kyon ki agar woh bank ke baare mein itna kuchh jaante hain , jitna daava kar rahe hain , to unko yeh bhi maloom hona chahiye ki unka wahan kuchh bhi galat kaam karna possible nahi tha …………..ek galat harkat unko maut ke muh mein dhakel sakti thi ……..
Waise mere liye to yeh ek achchhi baat hi thi ……par mujhe abhi unke agle phone ka wait karna tha aur fir unki taraf se kisi action ka ……..
______________________________

 

[Incest]

#88
Ghar pahunchne ke baad …….raat ko kareeb 8 baje ke aas-paas mere mobile ki ghanti fir se bajne lagi ……….maine check kiya , ek aur unknown number ………maine call receive kar li ……….
“Hello ……………”
“Letter le aaye ……….? “ udhar se seedha sawaal poochha gaya …….
“hmmm…………mere paas hai “ main dheere se bola ……..
“Good ………..ab se theek 10 minute baad apni building se baahar nikalna aur baahar road par aakar khade ho jaana ……hum tumhe batayenge ki kya karna hai ..” udhar se bataya gaya
“ maine abhi tak woh sab kuchh kiya hai jo tum logo ne mujh se kaha hai …….ab iss letter ke milne ka baad kya guarantee hai ki tum log meri woh sab cheezein mujhe waapas kar doge ….?” Maine poochha ……………
“Guarantee to kisi bhi cheez ki nahi hai mere bhai ……….par tumhaari tasalli ke liye main bata deta hoon ki hum log aaj hi tumhaari saari pictures tumhe waapas kar denge …………….” Usne dheere se hanste huye kaha …
“par Neha aur meri revolver ka kya hoga …………….woh mujhe kab waapas milengi …? “ maine tez awaaz mein poochha …………
“bahut jaldi …………jis din humaara kaam poora ho jaayega , hum woh dono bhi tumhe de denge ………bilkul sahi –salaamat ………ab tum wahi karo jo maine tumhe kaha hai …………….” kuchh second chup rehkar woh aage bola “ aur haan …….mujhe dohraane ki jarrorat nahi hai ki police ko inform mat karna …………………….varna anjaam tum achchhi tarah jaante ho ………..” usne kaha aur phone disconnect kar diya……..
maine phone ko ek baar ghoor kar dekha aur fir bed ke oopar fenk diya……..fir main balcony mein aakar wait karne laga ………theek 10 minute baad maine mobile waapas uthaya aur apne flat se baahar nikla …..aur fir lift mein sawaar hokar neeche aa gaya ……….building se baahar aakar main gate ke saamne khada ho gaya………aur fir kuchh hi second mein mere mobile fir se bajne laga ……….uss hi number se call thi.” Haan bolo ……..?” maine phone receive karte hi poochha ………..
“Ab apni left side mein chalo ………….bus stop ke thodaa aage ek bike khadi hai , wahan tak pahuncho ……..call ko chalu rakhna ……….” usne mujhe samjhaya
main tez kadmo se uss taraf chal diya , jidhar jaane ke liye mujhe kaha gaya tha …………
building se kareeb 100 meter aage ek bus stand bana huya tha …………bus stop se koyi 20 -25 meter aage hi ek black color ki bike khadi huyi thi , bina number ki …..jiss ke baare mein mujhe bataya gaya tha ……..main bike ke paas pahuncha ……..wahan koyi bhi nahi tha …
maine phone ko kaan se lagaya aur bola …..” main bike ke paas pahunch gaya hoon ……..ab batao kya karna hai ………..? “
“ bike ke side mein ek bag laga huya hai………letter ko uss mein daal do , aur fir waapas apne ghar laut jaao …….peeche mud kar mat dekhna…….” Fir phone disconnect ho gaya………….
maine ek baar idhar udhar dekha aur fir bike ke ek side mein lage huye ek kaale bag mein woh letter daal diya……….uske baad main waapas muda aur dheere dheere chalte huye apni building ki traf badhne laga ……….thodi aage jaakar maine fir se mud kar dekha ………..woh kaali bike ab wahan nahi thi …………..
main waapas apne flat mein aa gaya aur restaurant ko phone kar ke khaane ka order de diya …………
15-20 minute baad hi khana aa gaya …………itni der main TV ko khol kar uske channels change karta raha ………..
fir maine khana khaya aur waapas balcony mein jaakar baith gaya……… abhi main wahan pahuncha hi tha ki darwaaze ki ghanti baj uthi ………main pehle to hairaan ho gaya …………….yeh iss time kaun aa gaya ……aur fir mujhe kuchh yaad aaya aur main tezi se bhaagata huya darwaaze par aaya aur usko khol diya ………..wahan koyi nahi tha ……par ek lifaafa darwwze ke paas , jameen par pada hua tha ………maine lifaafa uthaya aur fir ek baar nigaah baahar daudaayi , aur fir ghar ke andar aa gaya …………
apne room mein aakar maine lifaafa khola aur jaisi ki mujhe umeed thi …..ek CD nikal kar baahar mere haath mein aa gayi …………..maine turant CD ko player mein daala aur play kar diya ……….wahi sab pictures jo main pehle bhi dekh chukka tha , fir se ek ek kar ke screen par aane lage ……………..maine poori CD ko play karne ke baad waapas nikaal liya aur almirah mein rakh diya ………….
Fir kuchh hi minutes huye they ki mere mobile ki bell baj uthi ……….maine chaunk kar number dekha …………wahi ek aur anjaana number ………maine call receive kar li ..
“hello ………..”
“CD mil gayi tumhe …..? “ fir se wahi kharkharati huyi awaaz ………..
“ haan mil gayi ………..par tumne iss ki ek copy to kar ke apne paas rakh hi li hogi na ? “ maine majaakiya lehze mein bola ……..
“Bewkoofo jaisi baat mat karo Rajiv………..tumhe shaayad maloom hona chahiye ki be-imaano ke bhi kuchh asool hote hain ………..aur hum to fir bhi bahut imaandar log hain….” aakhiri baat usne hanste huye kahi…………..
“ iska matlab tumhaare paas ab koyi pictures nahi hain ………….” Maine poochha ..
“ haan………nahi hai ”
“main tumhaari baat par kaise yakeen kar loon …….? “ maine fir se sawaal kiya ……
______________________________

 

[Incest]

#89
“jaise hum ne tumhaare diye huye letter par kiya hai…………kya pata iss letter ko bank mein dete hi hum log kisi museebat mein fans jayein …..? “ usne kaha ….aur fir thodi der chup rehkar woh aage bola …” tumne humaara kaam kar diya ….aur humne tumhaara ……..ab humaari agli call ki wait karna …….aur agar humaara kaam ho gaya to shaayad tumhe fir se humaari awaaz sun-ne ko hi na mile ………..” keh kar uss ne phone disconnect kar diya …………..
main kuchh der yun hi khada raha……….mujhe yakeen nahi ho raha tha ki sirf itne se kaam ke liye unn logo ne, itna bada khel khela tha………
main fir se balcony mein aakar baith gaya ……aur saamne badi badi buildings aur unki lightings ko dekhne laga ……..saath hi saath mere dimaag mein woh sab chal raha tha , jo pichhle kuchh hafto mein mere saath huya tha…..
ek baat ka to mujhe poora yakeen ho gaya tha ki Neha iss poore khel mein jaroor shaamil thi ……….chahe kisi laalach ki wajah se , ya kisi majboori vash …………
mujhe woh ek ek pal yaad aa raha tha jo hum dono ne ek saath bitaya tha …………kuchh cheejein aisi bhi thi jo mujhe abhi samajh mein aa rahi thi …….Neha baar baar apne papa ko phone karti thi ……ya unke phone aata tha …..mere khyaal se woh sab uska naatak tha ……..woh phone calls jaroor uske saathi ke hote honge ……..
fir Shimla ke hotel room mein jiss tarah usne mere saamne samarpan karne se pahle mujhe kuchh der ke liye baahar bhej diya tha ……..jaroor usko kuchh time chahiye tha , room mein camera set karne ke liye ……….aur shaayad aisa hi kuchh yahan mere ghar mein bhi huya tha…………..jab main bathroom ke andar tha , tab usne yahan mere kamre mein camera fit kiya hoga……………..
soch soch kar mujhe gussa bhi aa raha tha ,aur apni bewkoofiyon par hansi bhi ……….fir achanak ek khyaal mere man mein aaya ………..Neha ki pichhli jindagi mein shaayad aisa kuchh tha jo abhi bhi humein maloom nahi tha …..mera matlab uski shadi shuda zindagi aur jail jaane ke alaawa ……….iss ke bare mein agar koyi jaanta ho sakta hai ….to woh yaa to Neha khud thi …….ya uska pati , jo ab shaayad iss duniya mein bhi nahi tha ….aur teesre , uske papa…….unse agar ek baar mila jaata, to shaayad Neha ki pichhli jindagi ke baare mein aur jayada pata chal sakta tha ………par kaise ? .....main to abhi Rajnagar chhor kar nahi jaa sakta tha........
waise , kal ke mukaable main aaj kuchh relax feel kar raha tha……..uski wajah yeh thi ki ab mujhe maloom tha ki who log mujh se kya chahte hain …… iske alaawa , apne bank ki security ke baare mein bhi main bilkul sure tha ……….kyon ki kuchh systems wahan aise bhi they jo mere sive koyi nahi jaanta tha …………
sabse pehla , sms alert system ………..bank vault mein jaane ke liye ek authority letter ki jaroorat thi , theek waisa hi jaisa maine abhi unn blackmailers ko diya tha ………jaahir hai , jab woh log vault ke main gate se entry karenge , tab woh yeh letter gate par de denge ……….gate par maujood security supervisor ki yeh duty hai ki woh letter milte hi wahan rakhe ek computer mein uski entry karega ……aur uske entry save karte hi ek sms automatically , mere mobile number par aa jaayega ……..har ek letter ko ek alag number diya gaya tha ………..uss sms mein letter number ke saath , andar jaane waalo ki sankhya (number) , gaadi ka number , jaisi kuchh details bhi aa jaati thi ……….yani un logo ke vault mein entre hote ke 5 minute ke andar mujhe pata chal jaayega ki woh log wahan pahuch chuke hai ………….
woh log andar to pahunch sakte hain , par wahan kisi vault ko kholne unke bas ki baat nahi hai….kyonki passwords aur cards unke paas nahi hain …….aur agar woh jabardasti vault kholne ki koshish karenge to 10 minute se bhi kam samay mein wahan police pahunch jaani thi ………..
iske alaawa ek aur system wahan maine install kiya huya tha ……..mobile operated locking system ………..jiss machine mein master password daal kar hum saare vaults ko ek saath khol sakte they , woh machine wi-fi operated bhi thi …….wi-fi ki range mein aakar mujhe apne mobile se ya Laptop se , ek password uss machine ko transfer karna tha aur saare vaults apne aap band ho jaate …….. fir unko sirf main hi khol sakta tha.......
yeh do facilities sirf mere hi paas thi , aur shaayad aaj mere liye yeh sanjeevani ki tarah saabit ho sakti thi ………..
bank ki security ki taraf se to main bilkul satisfied tha ………par mujhe jyada chinta Neha ki thi ……….. agar woh mere saath wafadaar hai tab bhi ……aur bewafa hai , tab bhi …….mujhe uss se milna to tha hi ……………..
tabhi mere mobile ki bell fir se bajne lagi …….maine number check kiya , yeh Mr.Chaudhry ki call thi …………..
maine call receive ki ……..
”Hello ……….Good evening Sir …………”
“hello Rajiv …………tumhaari tabiyat ab kaisi hai ? “ woh bole ………….. main to bhool hi gaya tha ki mujhe kal unke saath Delhi jaana tha ………
“I am fine Sir ……………main subah time par airport pahunch jaoonga ………….” Main turant bola ………..
“It ok Rajiv …………..maine tumhe yeh bataane ke liye phone kiya tha ki mera prograame change ho gaya hai ……..kal kuchh clients aa rahe hain , humaara vault dekhne ke liye ……..isliye mujhe yahin rukna padega ………….main chahta hoon ki tum Nidhi ke saath delhi chale jaao …….opening ke liye ……..” unhone kaha ….
“OK Sir ………….main chala jaoonga ”
“Thanks Rajiv……….programme wahi hai …….sirf meri jagah Nidhi tumhaare sath jayegi “ woh bole aur fir phone disconnect ho gaya ………..
main khud bhi chahta tha ki main abhi Raj nagar mein hi rahoon …….. pata nahi kab woh log Vault mein ghusne ki koshish karein ……aur main uss samay wahin par maujood rehna chahta tha……..par main Mr.Chaudhry ko mana nahi kar sakta tha …….aur mujhe yeh bhi umeed thi ki woh log bhi wahan tabhi ghusne ki koshish karenge , jab wahan koyi na ho ……….
fir meri nigaah ghadi ki taraf gayi ……..10.30 baj chuke they ……….main sone ki tayyari karne laga……….
______________________________

 

[Incest]

#90
Subah main time se airport pahunch gaya…………Nidhi wahin mera wait kar rahi thi ……7.30 baje humaari flight take off huyi aur 10 baje se pehle hum log Delhi office mein pahunch chuke they……….
Wahan se hum log bank chale gaye …….bank ki opening ke baad ek chhoti si party rakhi gayi thi aur uske baad ek meeting ………….2.00 baje hum log waapas air port pahunch gaye aur shaam ko 4.30 baje humaara plane Raj nagar pahunch chukka tha ……..
Din bhar mera dhyaan sirf mere mobile par hi tha………..Nidhi mere saath hote huye bhi , nahi thi ................jaise hi koyi sms mere mobile par aata tha , mere dil ki dhadkane achanak tez ho jaati thi……….kuchh sms advertising companies ke they……aur kuchh bank vault se related …….subah ek baar vault ke kuchh officers wahan gaye they ….aur uske baad shaam ko Mr.Chaudhry aur Priya ……..uske saath kuchh aur bhi log they…………yeh saari information mujhe sms ke through mil rahi thi ………………..par uss letter ki koyi information abhi nahi aayi thi ……………………… ye yun kahiye ki unn logo ne abhi wahan ghusne ki koshi bhi nahi kit hi ……………
maine waapas apne ghar aa gaya …………. Main jald se jald iss kahani ko khatam hote huye dekhna chahta tha ……
ghar par aakar main fresh hua aur fir apni gaadi lekar baahar ghoomne chal diya…….meri koshish thi ki main bank ke jyada se jyada najdeek rahoon ……….agar koyi message aata hai to main jald se jald wahan pahunch jaoon …….
Raat ke 10 baje tak main wahin market mein ghoomta raha , iss ummeed mein ki shaayad ab kuchh hone waala hai………..par koyi bhi sms nahi aaya ……………
Fir mayoos hokar main waapas apne ghar aa gaya……..ek ajeeb si tention mere sar ke oopar sawaar ho gayi thi …………main iss maamle ko aar ya paar karne ke mood mein tha …par unki taraf se der ho rahi thi …….
Tension bhagaane ke liye maine fir se sharaab ka sahaara liya ……..maine bottle aur gilaas lekar , balcony mein aakar baith gaya …….aur dheere dheere peeta raha………mausam ki thandak aur sharaab ne fir ek baar apna asar dikhaya …..aur jaldi hi meri aankhen neend mein bojhal hone lagi ………fir main kamre ke andar aakar so gaya ……….
Subah fir main jaldi hi uth gaya tha ……….uth-te hi maine mobile check kiya , kahin koyi sms to nahi aa gaya ……..fir mujhe apni bewkoofi par khud hi hansi aane lagi ………..itni subah to bank bhi band hoga ,aur unko bhi yeh baat maloom hogi……
Main apne routine work nipta kar fir se bedroom mein aakar baith gaya…….aaj Saturday tha , aur office staff jyadatar chhutti par hi rehta hai …….mujhe bhi koyi kaam nahi tha , isliye maine bhi ghar par hi rehne ka faisla kiya ………..
Ghadi ki suinyaan apni hi chaal se ghoom rahi thi …..aur main laga taar be-chain hota ja raha tha ……….kal ke muqaable aaj kuchh jyada hi intezar tha mujhe …….kyon ki mujhe ummeed nahi thi ki woh log bahut jyada intezar karenge …….
Do-pahar tak main ghar mein hi raha aur TV dekhta raha ………fir uske baad main apne flat se baahar aaya aur gaadi lekar market ki taraf nikal pada ………..bank se kuchh hi doori par beech tha …….main wahan pahuncha aur samandar ke kinaare ek ekaant jagah dekh kar baith gaya……….yahan se bank pahunchne ke liye sirf 10 minute chahiye they ……………
Samay gujarta ja raha tha …….aur uske saath hi saath intezar ki ghadiyan bhi lambi hoti jaa rahi thi ……..fir woh hua jiska mujhe pichhle do din se intezar tha ……mere mobile mein sms alert bell baji , aur maine furti se usko nikaal kar dekha ……….mera pehle turup ka ikka sahi kaam kar gaya tha .......…….woh log bank mein pahunch chuke they ……….sms ke anusaar , kul 6 log they ……..unke paas ek chhoti van aur kuchh repairing tools they …………..ab yeh tools kis tarah ke they , yeh sms mein nahi aa paya tha ………
Maine jaldi se apni jagah se utha , aur gaadi ki taraf daud pada ………2 minute baad hi meri gaadi poori raftaar se bank vault ki taraf bhaagi ja rahi thi ……………abhi main bank se kuchh hi door par tha ki mera mobile fir se bajne laga………..fir ek naye number se call thi …………… “ ab kya chahiye isse ?” maine socha aur call receive kar li …………..
“hello …………..”
“Rajiv …………..tumhe humaara ek ur chhota sa kaam karna hoga ….” Udhar se fir wahi khar-kharati huyi awaaz aayi …………..
“ ab kya chahte ho ..? “ main jhallata huya bola……….
“kuchh khaas nahi …….humein sirf bank ke vaults ka master pass-word chahiye ……..” usne kaha ……..aur main sunte hi chaunk gaya …………..isko kaise pata ki bank ke vaults ko kholne ke liye ek master password bhi hota hai ………….
“mere pass koyi master-password nahi hai !!” main gusse mein bola…………
“ yeh majaak ka time nahi hai Rajiv …………tum achchhi tarah jaante ho ki tumhari sabse keemti cheej abhi tak mere paas hai…….aur mujhe 2 second bhi nahi lagenge tumhaari Neha ka bheja udaane mein ……….” Usne guraate huye kaha ………
aur waakayi fir mere paas koyi aur chaara bhi nahi tha ………..maine usko password bata diya………
phone disconnect ho gaya ……………aur main fir se bank ki taraf gaadi bhagaane laga…………… mujhe maloom tha ki khaali password se woh kuchh nahi kar sakte ….. mujhe ummeed thi ki ab tak police bhi wahan pahunch chuki hogi , aur bank ko gher liye hoga ……….. iske alaawa mere paas abhi turup ka ek aur ikka tha , jiss par mujhe poora bharosa tha ………………
______________________________

 

[Incest]

#91
Thodi hi der mein main Bank pahunch chukka tha………. Main seedha bank vault ke saamne na jaakar , kuchh door pehle hi apni gaadi rok li …….mujhe ummeed thi ki unka koyi na koyi aadmi bank vault ke baahar jaroor hoga , iss saare khel ke oopar nigaah rakhne ke liye ……..
Mere mobile par sms aaye huye 10 minute ho chuke they …..aur mere hisaab se ab tak police ko wahan pahunch jaana chahiye tha……..main bank ke saamne , road ke paar bane huye ek bus stop par jaakar khada ho gaya ……..aur wahan se bank vault ki position ko dekhne laga …….sab kuchh normal hi lag raha tha …….police ka koyi naam-o-nishaan wahan nahi tha ………..iska matlab unn logo ne abhi tak kisi bhi cheez se koyi ched-khaani nahi ki thi ……….aur kyon ki maine unn ko master password de diya tha , unko chhedkhaani karne ki koyi jaroorat hi nahi thi ………
Ab mujhe kuchh aisa karna tha jiss se woh log andar koyi galat harkat karein , aur police ko yhaan aane ka mauka mile ………main sochh hi raha tha ki kuchh dekh kar mere dil ki dhadkan achaanak badhne lagi …………police ki 2 gaadiyan , pata nahi kahan se aakar , churaahe ke paas khadi ho gayi thi …….ek aur gaadi bank se thoda aage khadi thi …….yeh teeno gaadiyan abhi kuchh hi seconds mein yahaan pahunchi thi …………….
fir ek kaali gaadi bus stop ke paas aayi aur wahin , stop se thoda sa aake jaakar ruk gayi …………..uss gaadi ke peeche meri nigaah gayi aur main ek baar fir se chaunk gaya ………Kamal mujhe uss gaadi mein baitha huya dikhayi pada …….woh bahut gaur se chaaro taraf nigaah dauda raha tha …….jaise kuchh dhoondh raha ho ……..chaaro taraf ghoomti huyi uski nigaah mere oopar padi , aur tab mujhe maloom pada ki woh kya dhoondh raha tha……usne dheere se sar ko hilakar mujhe apni taraf aane ka ishara kiya ………….yeh ek black color ki scorpio thi …..jiska pichhla gate iss samay khula hua tha……..maine idhar udhar dekha ………wahan maujood logo mein se mujhe koyi bhi aisa nahi laga , jiska dhyaan iss samay mere oopar ho ………aur fir dheere se chalta huya main uss gaadi mein ghus gaya………….
Gaadi ke peechhe ki seats par sirf Kamal baitha huya tha , usne apne sar ke oopar ek headphone lagaya huya tha aur dheemi dheemi awaaz mein kuchh baatein kar raha tha ……mere andar aathe hi usne ishara kiya aur fir maine pichhle darwaaza bhi band kar diya ………..gaadi ki front seat bilkul khaali thi …..driver shaayad uth kar baahar chala gaya tha ………….
Usne headphone hataya aur ek taraf rakh diya …..fir meri taraf dekha aur bola
“Kahiye Rajiv Saahab …..aaj yahan bus stop par kaise khade hain ? “
“bas aise hi ……………..kisi ka wait kar raha tha ..” maine baat ko ghumaane ki koshish ki ……..
“Kiska ? ……..blackmailers ka ….? “ usne dheere se kaha ………… meri aankhon mein jhaankte huye ……..
uski baat sun kar main maano uchhal sa pada………..maine uss ke muh se yeh sawaal expect nahi kiya tha ……isliye samajh nahi paa raha tha ki kya jawaab doon …….fir kuchh seconds uss se nazrein churaane ke baad main poochha …..
“Tumhe kaise pata chala ……..? “
“Tumhaare saath dikkat yeh hai ki tum apne aap ko sabse jyada hoshiyaar , aur baaki sabko bilkul bewkoof samajhte ho ……aur sab se jyada police ko ……..iss hi liye aaj tum iss musibat mein fanse huye ho Mr.Rajiv ……………” woh mujhe dant-ta hua bola ………maine chup chap apna sar neeche jhuka liya ………… woh aage bola “ tumhe kya laga tha main yahan kyon khada hoon ? …….sirf tumhaare bank ki security dekhne ke liye ? ……..Rajiv , mujhe maloom hai ki andar bank ke vault mein kuchh log ghuse huye hain ……….”
“ police station mein alarm baja hoga ..? “ maine poochha …….
“nahi Sir …………na hi aapka alarm system kaam kaa raha hai …..aur na hi cctv camera system ………….aapke dushman shaayad aap se bhi jyada samajhdaar hain……unhone saare systems bekaar kar diye hain ………. “
mere liye yeh ek aur buri khabar thi ……..aur meri samajh se baahar bhi ……….main alarm system aur cctv ke baare mein bahut confident tha ……aur inn logo ne uss ko bhi bekaar kar diya …….
“ ab aap bataayein Rajiv saahab ……..humein kya karna chahiye ………? “ usne mere chehre par dekhte huye kaha …………..
“ lekin tum yahan pahunche kaise ? …….tumhe pata kaise chala ki woh log mujhe blackmail kar rahe hain ?? “ maine hairaani se uss se poochha ……
woh kuchh der chup raha aur fir bola ………” uss din mujhe tumhaari harkato se shaque ho gaya tha ki kuchh to gadbad jaroor hai ……….isliye humne tumhaara phone Surveillance par lagaya huya tha ……hum tumhaare phone par hone waali saari baatein sun rahe they ………..aur wait kar rahe they ki woh log koyi harkat karein , aur hum unko daboch lein ……”
main kuchh nahi bol paya ………sirf usko ghoorta raha …………..woh bilkul sahi keh raha tha ki main apne overconfidense ki wajah se hi iss musibat mein fans chukka tha ……… maine uski taraf dekha aur fir sar neeche jhuka diya ……….
Fir jaise mujhe kuchh yaad aaya ………main uss se bola …” par woh log vault ke andar ghus chuke hain Kamal ……aur kisi bhi samay baahar aa sakte hain ……humein unko rokna hoga……..”
“ Yeh baat mujhe maloom hai Rajiv ………woh log kahin nahi jaa paayenge ………jara baahar dekho ……….” Usne kaha aur fir khidki se baahar ki taraf ishara kiya ………
maine baahar jhaank kar dekha ……..police ke kuchh jawaan bank ke saamne waali road ko khaali karwa rahe they …………dono taraf se traffic ko divert kar diya gaya tha ……….sadak dheere dheere khaali hone lagi thi ……..
maine Kamal ki taraf dekha aur bola ……” iss sab ki kya jaroorat thi Kamal ? …….tumhe kya lagta hai , woh log tumse ladaayi karenge ? “
“Kya maloom dost , woh log apne saath kya kya lekar andar gaye honge ? “ usne mazaakiya lehze mein kaha ……..par uski soorat bata rahi thi ki woh kitna sanjeeda hai …….
______________________________