• Limted Time Offer!
  • If you are trying to reset your account password then don't forget to check spam folder in your mailbox. Also Mark it as "not spam" or you won't be able to click on the link.

Adultery Bungalow No. 13

Status
Not open for further replies.
Ravi

Ravi

Jahan Chaah Wahan Raah
705
441
64
Update 10​

Agle 2 ghante tak main, Mishra aur 2 constables Bungalow ki talashi lete rahe is ummeed mein ke hamen kuchh aisa mil jaaye jo is baat ki taraf ishara kare ke Manchanda kaun tha par hamen kaamyabhi hasil nahi hui. Koi letter, xforum to door ki baat, hamen poore ghar mein kahin kuchh aisa nahi mila jo Manchanda ne likha ho. Uske drawer mein ek diary thi jo khaali thi. Uske purse se bhi hamen kisi tarah ka koi paper nahi mila. Mobile vo rakhta nahi tha isliye vahan se kisi ka koi phone number milne ka option to kabhi tha hi nahi. Uske kisi kapde par bhi aisa koi nishaan nahi tha jise dekhke ye andaza lagaya ja sake ke vo kapde kahan se kharide gaye the. Vo aadmi to jaise khud ek bhoot tha.
Ye Bungalow ek lambe arse se khaali pada tha. Makaan Malik kahin aur rehta tha aur koi bhoot bungalow ko kiraye par lene ko taiyyar nahi tha. Isliye jab Manchanda ne ghar kiraye par manga to Makaan Malik ne bina kuchh puchhe fauran haan kar di. Hamne usse baat ki to pata chala ke uske paas bhi Manchanda ke naam ki siva koi aur jaankari nahi thi. Manchanda ne jab Bungalow liya tha to 2 mahine ka kiraya advance mein diya tha aur uske baad har mahine kiraya cash mein hi diya. Kabhi kisi kism ka koi cheque Manchanda ne nahi diya tha.
Kamre mein rakha saara furniture naya tha. Uspar lage stickers se hamne dukaan ka number hasil kiya aur phone milaya. Pata chala ke Manchanda ne khud saara furniture kharida tha aur cash mein pay kiya tha. To vahan bhi koi cheque ya credit card ki ummeed khatam ho gayi. Poore ghar mein 2 ghante bhatakne ke baad na to hamen Manchanda ke baare mein kuchh pata chala aur na hi ghar mein aane ka main darwaze ke siwa koi aur rasta mila. Thak haar kar ham dono vahin pade ek sofe par beth gaye.
"Kaun tha ye aadmi yaar" Mishra bola "Naak ka dam ban gaya sala. Aaj ka paper dekha tune. Har taraf yahi chhapa hua hai ke bhoot bungalow mein khoon hua hai"
Maine haan mein sar hilaya
"Samajh nahi aa raha ke kya karun" Mishra bola "Kahan se pata lagaoon ke ye kambakht kaun tha aur yahan kya karne aaya tha. Muder weapon tak nahi mila hai ab tak. Maine pichhle ek saal ki reports dekh daali par kisi Manchanda ke gayab hone ki koi report nahi hai"
"Aur na hi ye samajh aaya ke khoon jisne kiya tha vo ghar se nikla kaise" Maine aage se ek baat aur jod di.
"Haan" Mishra ne haan mein sar hilaya "Vo khooni bhi aur vo 2 log bhi jinhe tune ghar mein dekha tha"
"Kya lagta hai?" Maine Mishra ki aur Dekha "Badle ke liye mara hai kisi ne usko?"
"Lagta to yahi hai. Ghar se kuchh bhi gayab nahi hai isliye chori to maan hi nahi sakte. Aur jis hisaab se tu keh raha tha ke khud Manchanda ne ye kaha tha ke kuchh log usko nuksaan pahcunchana chahte hain to usse to yahi lagta hai ke kisi ne purani dushmani ke chalte maara hai. Par us dushmani ka pata karne ke liye pehle ye to pata laga ke ye aadmi tha kaun"
"Ek kaam ho sakta hai" Maine kaha
"Kya?" Mishra ne furan meri taraf dekha
"Papers mein chhapva de uske baare mein" Maine kaha to Mishra zor zor se hasne laga
"Main chhapva doon? Abey aaj ke papers bhare pade hain is khoon ke baare mein" Usne mera mazak udaate hue kaha
"Haan par sirf khoon hua hai ye likha hai papers mein. Tu ye chhapva de ke police nahi janti ke marne wala kaun hai aur agar koi is aadmi ko pehchanta hai to saamne aaye" Maine kaha
"Baat to teri theek lag rahi hai par yaar jaane kitne log marte hain rozara hamare desh mein. Kisi koi kaise pata chalega ke ye aadmi unka hi rishtedaar tha?" Vo bola
"2 baaten. Uske chehre par ek ajeeb sa nishaan tha jaise kisi ne chaaku mara ho aur doosra uske haath ki chhoti anguli aadhi gayab thi. Ye baat chhapva de. Koi na koi to aa hi jaayega agar iska koi rishtedaar tha to" Maine kaha to Mishra muskurane laga
"Dimag hai tere paas. Kal chhapva deta hoon ", Vo uthte hue bola "Tu abhi ghar jaayega ya office chhodun tujhe"
"Office chhod de" Maine ghadi ki taraf dekhte hue kaha "Kuchh kaam niptana hai"
Ham dono Bungalow se bahar nikle aur police jeep mein mere office ki aur chale. Raaste mein mere dimag mein ek baat aayi.
"Yaar Mishra ek baat bata. Jo aadmi itna chhup kar reh raha ho jaise ke ye Manchanda reh raha tha to kya vo apne asli naam se rahega? Tujhe lagta hai ke Manchanda uska asli naam tha?"
Meri baat sunkar Mishra haan mein sar hilane laga
"Theek keh raha hai tu. Aur isi liye shayad mujhe police reports mein kisi Manchanda ke gayab hone ki koi report nahi mili kyunki shayad Manchanda uska asli naam tha hi nahi." Mishra ne sochte hue jawab diya
Vahan se main office pahuncha to sabse pehle Priya se samna hua.
"Jhooth kyun bola tha?" Usne mujhe dekhte hi sawal daag diya
"Kya jhooth?" Maine anjaan bante hue kaha
"Yahi ke vo aapka dost Mishra aa raha hai" Mere bethte hi vo mere saamne aa khadi hui
Main jawab nahi diya to usne phir apna sawal dohraya
"Are pagli tu samajhti kyun nahi. Vajah thi mere paas jhooth bolne ki" Maine apni files mein dekhne ka bahana karte hue kaha
"Vahi vajah puchhna chahti hoon" Vo apni baat par adi rahi. Maine jawab nahi diya
"Theek hai" Usne mere saamne pada hua paper uthaya aur jeb se pen nikala "Agar aapko mujhpar bharosa nahi aur lagta hai ke aapko mujhse jhooth bolne ki bhi zarooat hai to phir mere yahan hone ka koi matlab hi nahi. Main resign kar rahi hoon"
"Hey bhagwan" Maine apna sar pakad liya "Tu itni ziddi kyun hai?"
"Jhooth kyun bola?" Usne to jaise mera sawal suna hi nahi
"Are yaar tu ek ladki hai aur main ek ladka. Yun tu mere saamne kapde badal rahi thi to mujhe thoda ajeeb sa laga isliye maine tujhe mana kar diya. Bas itni si baat thi" Maine finally jawab diya
"Samne kahan badal rahi thi. Aapne to doosri taraf munh kiya hua tha" Usne nadani se bola
"Ek hi baat hai" Main phir files ki taraf dekhne laga
"Ek baat nahi hai" Vo mere saamne bethte hue boli "Aur aap mujhe kabse ek ladki samajhne lage. Aap to mujhe hamesha kehte the ke main ek ladke ki tarah aapki dost hoon aur aapke baaki doston mein aur mujh mein koi farak nahi"
Mujhe ab thoda gussa aane laga tha par maine jawab nahi diya
"Batao" Vo ab bhi apni zid par adi hui thi
"Farak hai" Maine saamne rakhi files band karte hue bola aur gusse se uski taraf dekha "Tu nahi samajhti par farak hai"
"Kya farak hai?" Usne bhi vaise hi gusse se bola
"Priya farak ye hai ke mere un baaki doston ke seene par 2 chhatiyan nahi hain. Jab vo koi tight shirt pehente hain to unke nipples kapde ke uper se nazar nahi aane lagte"
Ye kehte hi maine apni zubaan kaat li. Main janta tha ke gusse mein main thoda zyada bol gaya tha. Priya meri taraf ektuk dekhe ja rahi thi. Mujhe lag raha tha ke vo ab gusse mein office se nikal jayegi aur phir kabhi nahi ayegi.
 
  • Like
Reactions: Mr.X796
aka3829

aka3829

Prime
3,369
12,319
159
Wah ji wah mast update he . Jha update 9 me aapne priya ki masumiyat ko dikhaya he. Jiske chalte usane Ishan me samne hi kapde badal liye. Aur wahi update 10 me aapne priga ka gyssa aur jiddi pan dikhaya he. Khair khubsurat ladkiyon me thoda bahut masumayat, gussaa aur zidi pan to rehta hi he. Yahi teen gehne to unaki sundarta ko aur jyada bhadate he. Isake alawa aane manchande ke murder ko bhi kafi suspicious bana diya he.

Kahair dekhate he ki aage kya hota he.

Waiting 4 next update
 
  • Like
Reactions: Ravi
Status
Not open for further replies.
Top