UPDATE*38
Mai jakar sidha apni gadi ke paas visible hua jise maine ek sunsan jagah par parilok jane se pahle invisible kar gaya tha
Gadi ko visible karke hum dono usme baith kar ghar aa gaye....mere sath sonalika ko dekhte hi mummy bahut khush huyi
Sona ne bhi apni taraf se koi kami nahi chhodi....jakar unke pair chhuye phir kahi gale lagi..uske in sanskaro se mummy bahut impress huyi usse
Urmila—achcha hua beti tu aa gayi....kaisa raha safar....
Mai—badhiya mom
Urmila—tere rishtedar to kuch nahi bol rahe the na
Sona—vo to bas apne matlab ke hain….main jiyu ya maru unki bala se….lekin mummy ji..vo
Urmila—ha…bol beti
Sona—pahle to vo mujhe pahchanne se bhi inkar kar diye….badi mushkil se inke samjhane par ye mane ki mai unki door ki relative hu….lekin…
Urmila—aage bol beti..kya hua phir…
Mai—kuch nahi hua mummy…mujhe khana do..bhukh lagi hai
Urmila—chup kar…ruk thodi der….dekh nahi raha sona beti kitni tension me hai…ha..tu bol beti
Sona –mere relatives ne mujhe inke sath india se yaha tak aane ki baat suni to mujhe ulta sidha bolne lage aur phir jabran meri inse court marriage karwa di
Urmila—kyaaaaaa….
Mai to uski baat sunkar hairat se muh phade use dekhta hi rah gaya….ye isne kya naya drama chalu kar diya
Mai—ye…ye..sab jhuth hai mummy
Urmila—chup…tu beech me mat bol…..kya ye sach hai beti…?
Sona—mujhe maf kar dijiye mummy ji….mai us samay majbur ho gayi thi….darasal jab mere rishtedar inko lekar mere upar galat aarop laga rahe the to mujhse galti se nikal gaya ki mai inki biwi hu
Urmila (shock)—phirrr….?
Sona—inhone mana kar diya…bole ki mai jhuth bolti hu…to unhone jabran hum dono ki shadi kara di lekin aap chinta mat kijiye mai janti hu aap kisi aur ko chahte hain…mai apke raste me rukawat nahi banungi…mai kal hi divorce paper par signature kar dungi…mai india vapis lout jaungi
Mai (shocked)—ye sab kuch jhuth hai mummy…iski kisi baat ka yakin mat karna aap…
Urmila—tum kahi nahi jaogi beti….aaj se ab se tum is ghar ki bahu ho..samjhi
Mai—mummy aisa nahi ho sakta…ye jhuth hai
Urmila—mai janti hu tu margret ki vajah se is bechari ko jabardasti jhuthi sabit karna chahta hai.. lekin kaan khol kar sun le....sona ko maine apni bahu maan liya hai aur tu bhi ise apni patni ka haq de samjha ....nahi to mujhse baat bhi mat karna....chal beti tu mere room me
Mummy apne sath sona ko apne room me le gayi aur yaha mai lute huye musafir ki bhanti thaga khada rah gaya
Mai (mann me)—baap re...kitni chalu ladki hai...margret ko patane ki jagah mummy ko emmotional karke jhuthi kahani sunakar unki nazaro me meri biwi ban baithi...ab margret ka kya hoga...use malum padega to vo mujhe kachcha hi kha jayegi
Mai room me jakar fresh hua aur apna mobile nikal kar check kiya to usme bahut se missed call the.. jinme se kuch mere friends ke , kuch julia ke , 50 margret ke aur karib 150 missed call shree ke the
Mai (mann me)—itne missed call shree didi ke…?..kahi koi phir se lafda to nahi ho gaya….call kar ke dekhta hu
Maine shree ke mobile par isd call laga di…..kuch der me ring jane lagi lekin call pick nahi ho rahi thi do teen baar try kiya..tab jakar call recieve hua…..mai baat karte huye bahar garden me aa gaya
Mai—hello..didi
Udhar se—hello..koun…adi..mai mousi bol rahi hu…
Mai—pranam mousi
Megha—sada khush rah....kaisa hai tu....ek baar bhi call nahi kiya yaha se jane ke baad....jate hi bhul gaya na hame
Mai—nahi mousi...mai bilkul theek hu...agar bhul jata to call karta kya abhi... ?..
Megha—didi kaisi hain... ? mujhe kabhi yaad karti hain ki nahi.. ?
Mai—mai darasal bahar se abhi aaya hu....ghar me ruka nahi tha aane ke baad...aap log kaise hain..sanjay bhaiya ki tabiyat kaisi hai ab aur shree didi kaha hain... ?
Megha—teri meharbani se sab theek hain beta....aur shree bhi yahi hai...tujhse bahut naraz hai
Mai—vo kyo.... ?
Megha—mujhe kya pata beta...bas jab se tu gaya hai raat din teri hi baat karti rahti hai....tujhse baat karne ke liye phone lagati hai aur jab tu nahi uthata to bechari dukhi hokar rone lagti hai....le ab tu hi mana usko
Megha—le kar le baat adi se....
Shree (jor se)—mujhe nahi karna koi baat vaat...jab use meri koi chinta hi nahi hai to mai kyo jabardasti use majbur karu baat karne ke liye...kah do use
Megha—sun liya adi beta....kitni naraz hai
Mai—hunnn...jara phone dijiye didi ko
Megha—shree le adi se baat kar
Shree—mujhe nahi karna hai koi baat
Megha—adi beta ab kya karu…vo bahut gusse me hai abhi
Mai—aap speaker on karo
Megha—kar diya
Mai—mousi …mai to aaj hi ghar louta hu….mobile ghar me hi tha…abhi dekha to maine aate hi pahla call didi ko kiya…khair jab vo mujhse baat hi nahi karna chahti to mai ye sim hi tod deta hu..ok bye
Shree (mann me)—kahi adi ne sach me sim tod di to mai phir baat kaise karungi usse…mere paas to uska yahi ek number hai
Ye sochte hi shree ne turant jhapta maar kar megha mousi ke hath se phone cheen liya…..
Shree (jaldi se)—sim nahi todna adi….nahi to phone ke andar ghuskar teri tange tod dungi mai samjha
Mai (mushkura kar)—jab koi hamse baat hi nahi karna chahta to mai ye sim rakh ke kya karunga
Shree—to tune ek baar bhi call kyo nahi kiya….ulta mai karti hu to call pick bhi nahi karta….ek to khud hi galti karta hai upar se sim todne ki dhamki bhi deta hai
Mai—mai sach me mobile ghar me bhul gaya tha…sorry
Shree—tu sach kah raha hai... ?
Mai—apki kasam...pakka wala sach
Shree—to itne din kaha gaya tha aisa jo dusre mobile se ek call bhi nahi kar sakta
Mai—vo mai sona ko uske ghar drop karne gaya tha…aur apka no. Mobile me feed tha
Shree—kyaaaa... ?sona…ye vahi to nahi sonalika…?.
Mai—ha..vahi hai
Shree—lekin tune to mujhe bataya tha ki uska ghar yaha india me hai….ab uska ghar vaha kaha se aa gaya…? Aur vo vaha gayi kaise…? Tune jate samay kaha tha ki vo apne ghar chali gayi hai…?.. tune mujhse sab jhuth bola na adi….ye sab teri g/f hain ya phir call girls
Mai (mann me)—uuiiima---ye to maine socha hi nahi….ki didi ko to maine kuch aur hi bata kar rakha tha…ab kya bolu unse
Shree—adi…ab bol chup kyo hai…kyo bola tune mujhse jhuth..bol
Mai—didi aap galat samajh rahi ho…actually..vo kya hai na ki sona yaha apne papa ke sath aayi hai.. yaha unke koi relatives rahte hain…to unke papa ne mujhe sona ko chhod ke aane ko kaha
Shree—tu sach kah raha hai
Mai—na…na…mai jhuth bol raha hu
Shree—sorry adi...mera na aaj kal dimag hi kharab ho gaya hai
Mai—its ok…..
Shree—adi….mujhe bhi tere paas aana hai…pls…mai tere sath rahna chahti hu
Mai (bekhayali me)—mere paas already pahle se do do hain…aur main unse hi bahut pareshan hu
Shree—kyaaaa…?
Mai—mmmera matlab…hai ki mai do do padhayi karta hu na…uski baat kar raha hu
Shree—mujhe aana hai tere paas…kuch kar na…nahi to mai ghar se bina kisi ko bataye bhag ke aa jaungi tere paas
Mai—ye galat baat hai didi…ab aisi kya dikkat hai…?..sab to theek kar diya tha maine…?
Shree (mann me)—ab tujhe kaise batau adi….tune sab theek to kar diya…lekin jate jate tu mujhe dil ka rogi bana gaya…
Mai—kya hua didi…chup kyo ho…?
Tabhi mere mobile me margret ka phone aane laga...ab mai kya karta...uska call uthane ke liye shree ko hold me lena padta...uska call mere uthane se pahle hi cut ho gaya
Shree—mujhe yaha kuch bhi achcha nahi lag raha hai...bas teri yaad raat din bahut aati hai..pls..kuch kar na adiii...pls
Mai—ok...ok..mai jaldi hi kuch karta hu...theek hai apna dhyan rakhna mai raat me video call karunga...tab aram se der tak baate karenge
Shree (khush)—sach me karega
Mai—ha...pakka karunga raat me..ok..bye
Shree—ok..bye..adii…mai night me wait karungi
Mai shree didi ka call cut kar ke jaise hi andar jane ko hua ki tabhi koi gate se andar aaya…use dekhte hi maine apna sar pakad liya
Mai—isko bhi abhi hi yaha aana tha….ab mera kya hoga….chal beta ho gaya ab to tera kalyan
