- 3,246
- 6,774
- 159
Update 4
Mene waha ek budhau se puchha ,
Me : Tau ye police aur ambulance kyu aayi he idhar ? koi chakkar aake gir gaya kya ?
Budhau : Khun hua he beta idhar !
Continued…
Bass yahi sunana baki tha jindagi me! Budhau to khun wali baat bol ke nikal liya lekin meri laga ke gaya. Mere pair jaha the wahi jamm gaye ,hathh hil nahi rahe the ,kano ko kuchh sunai nahi de raha tha ,aankho ke samne bas raat ka wo scene yaad aa raha tha, jab me meri futi kismat leke isi garden ke bench pe aa ke baitha aur kaise mere hatho pe khun laga !
Kisi ne mere gaal pe halke se thappad maare to me hosh me aaya.
Bhai : Akash,Kidhar gum ho gaya tha ?
Me : kahi nahi bhai bas wo murder ka sun ke shock ho gaya tha ,chalo wapas chalte he apne ghar ,nahi to police wale fokat me panchayat karenge aur aapko to office bhi jana he na.
Bhai : Dhyan kaha rehta he tera ,aaj Saturday he, aaj off rehta he mera .
Me : sorry bhai ,wo bhul gaya tha .
Iske baad koi baat nahi hui aur hum aise he ghar return hue, ghar pe mummy table pe nashta laga rahi thi, pappa unke shoe polish kar rahe the .
Pappa : Akash idhar aa ,ye joote polish kar ke rakh muze office jane me der ho rahi hai .
Me bhi subah subah koi jhamela nahi chahta tha isliye chupchap papa ke joote chamkaane laga. Kuchh minute me papa office bag leke aaye aur muzse kaha,
Pappa : Aaj shanivaar (Saturday ) he to jaldi he aana wala hoga tu college se he na ? College se siddha ghar aana aur mummy ko saman pack karne me help karna ,hume aaj gaon jaana he kuchh kaam se aur college me bhi arji daal dena 5 din chhutti ki .
Me : Wo lectures miss honge mere …
Pappa : Konsa college jake roj padhai karte ho barkhurdaar ,aapke bhai sa jaate the roj aur aaj koi 20-22 hajar ki job kar rahe he jisme pata nahi kab company wale laat maar ke nikal de. Ek govt exam tak clear na ho pata tum logo se aur baate badi badi karte ho.
College se jaldi aa jana, bass !
Me ispar kuchh nahi bola , aur bolta bhi to kya , har taraf yahi haal hai ,idhar bhai apni taraf se mehnat kar rahe he aur college ke time bhi engineering ki study aur govt job ki preparation ki lekin jab job nahi mili to kahi na kahi to kaam pe lagna he tha na .
Bhai to waise bhi papa ki baato ko ignore karte he ,college tak wo ek aadarsh bete the hamare pure khaandan ke par jaise he bahar nikle aur dunia ka saamna karna shuru kiya wo iss kadar badle ke bass ab kya he kahe.
Mummy : Raj ,Akash nashta kar lo jaldi se. aur Raj tumne apply kiya office me chhutti ke liye ?
Bhaiya(Rajesh) : Nahi mumma, boss nahi maan raha, keh raha he abhi probation period khatam hue 4 mahine bhi nahi hue aur chhutti chahiye . Wese bhi udhar gaon me mera konsa koi khas kaam he jo aa ke kuchh ukhad lunga .
Mummy : Jabaan ko lagaam do beta ji, aap kamane lage ho iska matlab ye nahi ke jo muh me aaye bakk do .
Bhaiya : Wo sorry maa, galti se nikal gaya , bas me ye bol raha tha aap ja ke aaiye, aur muze Soni(chacha ki beti) ke shadi ke liye holidays leni he to ab leke koi fayda nahi he .
Mummy : Thik he, waise abhi shadi me time he ,Soni ko dekhne ladke wale aane wale he gaon me aur sath he sath jameen ke kuchh kaam dekhne he hume isiliye ja rahe he .
Me : waise gaon me hamari kitni jameen hogi mumma ?
Mummy : hogi koi 60-65 acre, lekin ye jameen jaydaad ke maamle se tu dur he reh, gaon me aise mamlo me khuna-khuni tak hoti he isliye waha jake kisise bhi iska jikar tak na karna , samze ?
Ispe maine ha me mundi hilayi to sahi par 60-65 acre jameen ka naam sun ke meri ankhe kaisi chamak rahi thi wo me he janta hu.
Jaldi jaldi me maine nashta thusa aur nahane chala gaya, fir ready hoke college pohocha. Yu to Saturday ko college off rehta he ,par iss din bhi ikka dukka ladke log laboratory ya kisi na kisi kaam se college me milte he hai. Me bhi library me book return karne aaya tha.
College me sab normal he hua, crush aaj bhi bhaav nahi de rahi thi wo bhi tab jab usko mere alava aur koi shayad he puchhta ho
HOD se 5 day leave ki approval lene gaya to wo bhi bakchodi he karne laga par end me kuchh research papers aur magazine me kaam karna padega bol ke approve kiya
.Ghar aaya aur bass sofe pe leta he tha ke…
Mummy : Papa ne car me petrol bharne ko aur oil-air check karne ko bola hai, aur ye snacks bhi leke aana sath me raaste ke liye aur jaldi aana aur khana wapas aane baad khana.
Matlab hadd hai bhai koi khaneke liye bhi nahi puchh raha ab to
Bas fir waise he muh utha ke gaya petrol bharane aur isi sab me ek ghanta lag gaya, ghar aaya to pet me aag lagi padi thi aur jo dimag kharab kar diya tha garage wale ne wo to puchho he mat.
Me aise he direct plate me khana parosa aur sofe pe he baith ke khane laga he tha ke doorbell baji…
Gand maraye jo bhi ho, aise bhi bhaiya aur papa ke paas khud ke chabi he to wo honge nahi jo bhi hoga important hoga to rukega warna bhaad me jaaye.
Kuchh 2 minute baad mummy ne aake Darwaja khola to aawaj se pata chala pados ke patel uncle aur aunty log he sath me unki beti Lavanya bhi thi.
Patel uncle : Wo Bhabhi ji hum thode kaam ke liye Surat ja rahe he to bas Lavanya ke liye aaye the.
Mummy : aap pehle andar aaiye aur baithiye, aise khade khade baat karne ke liye aap kya paraye he hume ?
Fir sablog andar aaye aur fir mahol uncomfortable ho gaya kyonki me sofe pe he khana kha raha tha ,to me unke andar aate he uth ke andar dining table jaane laga to uncle jhat se pakad liya …
Patel uncle : rrre chhote sher, kyo paap kara rahe ho humse ,baitho aur khana khao hum 2 min ke he baat karne aaye hai.
Ab muze unhone baju se pakad ke sofe ke bich me bitha diya aur side me baith gaye aur meri dusre side me Lavanya baith gayi , ek chair pe mummy ne aunty ko bithaya aur khud kitchen me chali gayi par jaate jaate muze aankhe dikha ke he gayi.
Ab meri haalat aise thi ke me table pe plate rakh ke unke bich me baitha tha aur na kuchh kha sakta tha bol sakta tha
aur isi ke bich mere pet se chuho ne guhaar lagani shuru ki jo bahar un dono ko sunai di.Patel uncle : tum khana jaari rakho bhai, humse kya sharmana ?
Mene khana shuru he kiya tha right side se Lavanya ne uske mobile me dekhte dekhte mere kaan me kaha,
Lavanya : Aajkal dikh bhi nahi rahe ho tum, Olympics ki taiyari chalu ki he kya abhi ?
Me : Nahi to bas study kar raha hu aur kuchh extra course bhi to hai..
Lavanya : Uss extra course me aadhi raat ko humare terrace se jump karna bhi sikha rahe he ?
Ussne jaise ye kaha mere gale ka nivala wahi ka wahi atak gaya aur hichki shuru hui.
Patel U : Are aram se khao beta jaldi kya hai.
Tabtak mummy ne tray me chips aur cold drinks laayi aur table par rakhi ,tab uncle glass uthate hue baat shuru ki.
Patel U : Bhabhi ji me aur Lavanya ki mummy surat jane wale he aaj raat ko ,hamare ek rishtedaar ko hospital me admit kiya he,aur aane me 2 din lagenge isi liye aapko kasht dene aaye, aise to Lavanya ko bhi sath le jana tha par sirf 2 he ticket ka reservation hua to ise nahi le ja rahe he.
Mummy : Wo asal me hum log yahi paas me humare gaon ja rahe the aaj sham ko he ,bas Raj ghar pe rehne wala hai. Aap ek kaam kyu nahi karte , aap jaiye surat ko aur Lavanya ko hum apne sath Bijapur leke jate he, 3-4 din ke he to baat hai ,kyu Bhabhi ji ?
Ab ispe sabke chehre pe bada sa question mark aa gaya tha ke bich me Lavanya tapaak se boli…
Lavanya : Me ruk jati hu na ghar pe, me khana wagera bana lungi aur Raj bhaiya bhi to honge yaha pe .
Lavanya ki maa : Nahi, bilkul nahi . tuze akele chhod ke hum nahi ja rahe ,aur Raj waise bhi uske office me he rehta he dinbhar to bilkul bhi nahi !
Ispe uncle bole
Uncle : Aap ko bina wajah kasht hoga isse fir to …
Mummy : Arre bilkul bhi nahi, Lavanya kya parayi he kya hume ,ulta uska bhi ghumna ho jayega hamare sath aur bass 3 din ko to baat hai, me aur Akash 5 din baad aa rahe hai ,par iske papa 3re din he aayenge to unke sath he Lavanya aayegi. Kyo ?
Ispar wo dono ek dusre ka muh dekhne lage, fir,
Uncle : Thik he agar aisa he to beta Lavanya aap abhi se packing karo jo bhi kapde wagera lena ho, fir inke sath he jana Bijapur .
Lavanya to kuchh nahi boli bas hmm kar gayi aur wo log chale gaye, mumma ne bhi sab nashta uthaya aur andar le gayi.
Sham ko hum log ready the ,bhaiya raat ko aaj late aayenge mast apna saman leke, ab 3 din tak unko khula maidan jo mila tha.
Papa ke office se aate he humlog nikal liye ,sath Lavanya bhi thi. Papa drive karne lage,unka chehra hamesha ke jaisa nahi lag raha tha ,uspe ek side wali halki si muskaan bhi thi aur wo apne pasand ke gaane chala kar drive kar rahe the. Mummy unke side me baithi koi book padh rahi thi , me aur Lavanya pichhe baithe the chup chap kaano me earphones daal ke apni he duniya me mast.
Kuchh der me hamara sheher pichhe chhuta aur highway shuru hua to papa ne gaadi side me laga di.
Papa : Vinita, vinita (maa ko jagate hue) pichhe jake so jao aur Akash ko aage aane do,tumhe dekh ke muze bhi nind aane lagti hai.
Tab humne seats change kiye, ye safar lamba hone wala tha to maine bhi apne sath who garden ke bahar mili hui diary laayi thi ,kyonki bich raaste me network aata jata rehta he to kuchh to timepass ho jaye, aur muze bhi use padhna tha.
Diary page 1
Agar koi ye diary padh raha he iska matlab ye he ke me mar chuka hu, ab diary ko padhna ya aise dekhna ya Jalana tumhare hatho me hai, aur agar padh bhi li to bhi me konsa kuchh ukhad sakta hu.
-By Arman
Me apne Maa aur Baba ko hamesha apne dil se yaad karta rahunga kyonki muz me jitni bhi achhai thi aur aaj jo bhi thodi bohot baki he wo unhi ki di hui den he.
Aur me apne survival instinct, galat decisions, galat vichar aur thoda bahut paristhiti ko dosh dunga jiske karan aaj me yaha khada hu.
Day 1
.
.
.
To be continued
Word count :2000
Last edited:
kyonki 
: मूज़े हिन्दी फ़ॉन्ट मे लिखने की आदत नही हे पर उस्स साइट से देवनागरी मे अच्छे से ट्रॅनस्लेट हो जाता हे, बॅस थोड़ी ग़लतिया होंगी उन्हे इग्नोर कर देना
