- 5,758
- 13,139
- 189
UPDATE 110
Abhi se dhandha suru kar diya aapne jiju?
Sumit ne gaanw ke ek kone mein abhi chhota sa clinic set kiya tha.
Ye Jiju kise bol rahi hai?
Anita ki baat par Megha buri tarah se bhadak gayi.
Anita:- Jiske saath baat kar rahi hu...Saamne hi to hai Sumit SFS.
Sumit:- SFS
...Ye to khud mai bhi bhul gaya tha...Megha tumhe abhi bhi yaad hai aur sabhi ko sunaati bhi ho.Sahi hai.
Megha:- Faaltu cheej par mai dhyan nahi deti.
Anita:- Jhuth bol rahi hai ye jiju.
Anita ki aur Megha gusse se dekhti hai.
Megha:- Pehle to isse jiju kehna band kar...Aur ye jiju bana kab?..Abb sach mein irritate ho rahi hu mai.
Anita:- Jiju to ye ussi din ban gaye hai jis din tere ghar tera haath maangne gaye thhe.
Bilkul hero ki andaaz mein.
Megha:- Uske liye mera manjuri bhi to chahiye...Jo naa mumkin hai.
Sumit:- Waise bhi sasur ji ki manjuri to mil hi chuka hai.
Megha:- Aur jeeyo apne iss Delusion mein.
Sumit:- Delusion
. Delusion of Love ke saath to hamesha jeeyunga...Bas tumhara saath mil jaaye.Megha:- Delusion of Grandiosity.
Anita:- Ye kya baat kar rahe ho tum dono...Kuch samajh mein aaye aisa bolo.
Megha:- Delusion of Grandiosity...Ek aisa psychiatric beemari jismein insaan ko lagta hai uske paas special power hai...Wo bhagwan hai...Wo jo chaahega waisa hi hoga.
Sumit tumhe to hamesha se aisa hi lagta hai naa?
Sumit:- Agar abb bhi mai tumhe explanation du to mai khud hi apne aap ko bewkuf samjhunga...Mujhse bhi jyada jaanti ho tum mujhe...Jo tum kaho wohi sahi.
Anita:- (To Megha) Abb kaam ki baat bhi karegi yaa aise hi ishq ladaati rahegi.
Megha:- Sumit aaj to tumne sach mein hadd paar kar di...Apna naa sahi meri ijjat kaa to khayal karo...Tum to paagal ho bewkuff ho...Pata nahi mere ghar wale kya soch rahe honge? Munh uttha ke aa gaye ghar aur kar diya bakwas ki mera haath maangne aaye ho.
Megha ki gusse mein kahi ye baat Sumit ko chubh gaya...Lekin wo jaanta tha ki aisa kuch jarur hoga...Wo taiyaar tha.
Sumit:- Jab vishwash hota hai to waha par shak nahi hota hai...Aur waise bhi wo tumhare ghar wale hai...Kyu kuch sochenge tumhare baare mein?
Majaak se baahar nikal kar abb serious ho kar Sumit ne kaha.
Megha:- Fir se wohi filmi baatein? Kabhi to dhang se baat karo.
Megha ka gussa badhta hi jaa raha tha.
Sumit:- Sorry.
Megha ne koi jawaab nahi diya.
Sumit:- Sorry tumhare dil dukhaane ke liye...Lekin maine jo kiya sahi kiya.
Megha:- Abhi bhi tumhe aisa lagta hai?
Sumit:- Kabhi na kabhi to kehna hi tha ye baat...Yaa fir bhaag kar shaadi karne ki fantasy hai tumhari?
Megha:- Fir se bakwas
Sumit:- Accha sorry sorry...Chalo abb mudde par aata hun.
Tumhare pariwar mujhe kuch saal pehle se jaante hai...Thik thak jaan pehchaan hai...Mai kaisa hun ye bhi wo jaante hai...Agar wo mujhe apne damaad ke roop mein swikaar karna chahte hai to jarur karenge warna shayad nahi.
Aur tum...Tumse jyada mujhe kaun jaanta hai? Bas naarajgi dur karni hai...To socha agar wo manaa kar dete hai to sabhi ko manaane ke liye jo paapad belna padega wo ek saath bel leta hun.
Anita:- Waah jiju...Kya calculation hai?
Sumit kuch jawaab deta usse pehle Suraj aur Raju bhi waha aa jaate hai.
Suraj:- Ye kya hai?
Sumit ki chhota sa clinic ka setup dekh kar Suraj ne pucha.
Raju:- Dekhne mein hi jhola chhap doctor lag raha hai...Clinic bhi aisa hi hoga na...Aur maje ki baat to ye hai ki iss jhola chaap ke paas koi apna ilaaj ke liye aa bhi nahi raha hai.
Agar koi aur vakt hota to Sumit Raju ko uski baato se hi majaa le leta lekin abhi mood kharab tha Sumit ka.
Sumit:- Kya baat hai Raju...Pura battisi dikha raha hai.
Raju:- Sach mirchi sa lagta hai.
Sumit:- Agar ye battisi hi nahi raha to...Naa rahega daant na sunaayi dega tera ye hansi.
Sumit ka gussa dekh Raju ek pal ke liye chup ho gaya.
Suraj:- Didi...Ye aap ko pareshaan kar raha hai?
Sumit:- Suraj...Abhi mood thik nahi hai...Abhi mai aur tera didi baat kar rahe hai...Tum jaao yaha se.
Suraj:- Ek to mere didi ko pareshan kar rahe ho aur upar se...
Sumit:- Teri didi hai wo...Tujhse bahut samajhdaar...Agar pareshaan hoti to yahi ek pal aur nahi tikti...Abhi ke liye jaao yaha se.
Raju:- Iski jubaan bahut chalti hai...Sabak sikhana padega.
Itna keh kar Raju Sumit ki taraf badhta hai...Paas pahunch kar Sumit ko ek punch maarta hai.
Lekin Raju ka mukka Sumit apne chehre ke paas hi rok leta hai...Aur uske haath ko aise ghumaata hai ki duniya bhar ki dard ka cheekh Raju ke munh se nikalta hai.
Wo jammen par apne haath ko pakad kar cheekhne lagta hai.
Megha:- Kya hua usko? Kahi haath fracture to nahi kar diya?
Megha ki aawaj mein dar tha.
Sumit:- Nahi.
Megha:- Fir?
Raju ko aise tadapta dekh lag raha tha ki kuch jyada ho chot aaya hai usko.
Sumit:- Pehle isko uthaao.
Suraj Raju ko uthaata hai.
Megha:- Kya kiya iske saath...Abb to bataao?
Sumit:- Right arm is in abduction position with external rotation of shoulder joint.
Megha:- Matlab?
Sumit:- Itna bhi nahi pata...Ye to orthopedics ka basics hai. Kya doctor banogi re tum?
Achanak se Sumit ka mood majakiya ho gaya.
Megha:- Iski haalat karab ho rahi hai aur tumhe majaak sujh raha hai.
Sumit:- Anterior Shoulder Joint Dislocation.
Megha ka chinta aur badh gaya.
Sumit:- Orthopedic emergency...Agar kuch ghanta aur ilaaj nahi hua to iska joint kisi kaam ka nahi...Bekaar ho jaayega...Agar kismat aur bhi kharaab raha to iske haath ka hi koi kaam nahi rahega.
Sumit ne to hanste hue kaha lekin waha maujood sabhi ke dar ke maare haalat kharaab tha.
Megha:- Surgery karna padega...Sumit kuch karo...Majaak ka time nahi hai ye.
Sumit:- Lekin mujhe kya milega?
Megha ko pyaar se dekhte hue Sumit ne kaha.
Megha:- Abb blackmailing par utar aaye?
Sumit:- Nahi nahi...Itna bhi kamjor nahi hai mera pyaar.
Jo tum kaho wo bina shart ke kar dunga.
Megha:- Abb dialogue baazi band karo...Jaldi se le chalo hospital..Surgery jaruri hai.
Sumit:- Surgery ki jarurat nahi padega.
Megha:- Joint dislocated hai aur tum keh rahe ho surgery ki jarurat nahi?
Iss baar Megha ki aawaj mein gussa tha.
Sumit:- Surgeon tum ho ya main?
Megha:- Tum..Lekin tum General Surgeon ho Orthopedic Surgeon nahi.
Sumit:- Lekin surgery ka prinxiple bahut hadd tak match karta hai?
Abb Megha Sumit ke saamne haath jod leti hai vyang ke roop mein.
Megha:- Abb tumhara ho gaya to ilaaj par dhyaan doge...Pehle hi time loss ho chuka hai.
Sumit:- Megha Megha Megha...Bahut badi doctor ho tum...Internal Medicine ki...Apni field ki...Lekin orthopedic ka simple sa basic bhul gayi...Ye expectation nahi tha..Khair hota hai...Aage se dhyaan dena.
Megha:- Matlab?
Sumit:- Modified Kocher Maneuver..Kuch yaad aaya?
Megha ekdum se chaunk gayi tab tak Sumit Raju ka haath fir se pakad leta hai.
Sumit:- Traction..Itna keh kar Sumit Raju ka haath jor se baahar khinch leta hai...Raju ka dard sehan shakti ke baahar jaa raha tha.
External Rotation...Raju aur jor se chillaya...Adduction...Abb chikhne ki bhi taakat nahi tha Raju mein...Internal Rotation...Abb Raju niche jameen mein gir gaya.
Fir Sumit Megha ki taraf dekhta hai.
Sumit:- Lo ho gaya kaam.
Raju himmat kar ke apne uss haath ko chalaane ki koshish karta hai...Usse bhi lagta hai shayad thik ho gaya hai...Haath apni jagah par waapas aa gaya hai...Bas dard ke maare haath chala nahi paa raha tha.
Sumit fir prescription ke paper mein kuch likh kar Raju ko deta hai.
Sumit:- Jhola chaap doctor ka ye dawaai jarur kaam karega kuch hi minute mein.
Suraj tu le kar jaa isse aur pharmacy se dawaai kharid kar khila dena.
Suraj Raju ko uthaata hai.
Sumit:- Aur sun be chirkut...Tera soch kya hai aur kyu mujhse panga le raha hai sab samajhta hun...Isse bas warning samajh.
Aur ek baat...Mai hamesha se apne life ka hero hun...Abhi romantic hero bana hun yo romance karne de apne andaaz mein...Action hero ban gaya to tera khair nahi.
Suraj Raju ko le jaata hai.
Anita:- Waah jiju...Kya dialogue hai...Filmi hero wala.
Sumit:- Wo to acting karte hai saali sahiba...Mai natural hun...Apne aur Megha ki life ka hero...Kyu Megha? Yaad aaya kuch...Wo diary? Tumhare life ka hero?
Abb to ye hero villain se bhi lad gaya? Climax aa gaya hai story ka...Kab samjhogi iss hero ke pyaar ko?
Megha:- Tum bilkul hi paagal ho?
Itna keh kar Megha waha se nikal gayi...Saath hi Anita bhi.
Meghaki last ki ye line Sumit ko samajh mein nahi aaya...Megha gussa hai ya khush hai?
Sumit abhi bhi wohi atka tha Megha maan jaayegi yaa naaraj hi rahegi...Lekin aaj ki ghatna ke baad uska confidence jarur badh gaya.
Last edited:
