- 5,758
- 13,139
- 189
UPDATE 116
Sumit:- Mahadev ka bhakt hun...Saamp se kya darna?
Hanste hue Sumit ne jawaab diya.
Megha:- Bhakt ho...Swayam Mahadev nahi...Aur wo saamp krait hai naag nahi.
Dar mein bhi Megha gusse ho gayi Sumit ko majaak karta dekh...Dar abhi bhi waisa hi tha.
Sumit kuch kehne hi wala tha ki jo saamp ko wo gale mein lapet chuka tha mauka milte hi usne Sumit ko kaat liya.
Ek baar...Do baar...Pure chaar baar Sumit ko kaant liya...Lekin Sumit ne abhi tak saamp ko khud se dur nahi kiya.
Megha ki haalat itna kharab tha ko wo kuch bol nahi paa rahi thi...Dar se pura chehra pasina ho gaya.
Megha:- Hataao usse.
Kisi tarah Megha itna hi bol paayi.
Sumit abb saamp ko gale se utaar kar haath mein hi pakde rehta hai.
Megha:- Chalo hospital.
Sumit ki paas aa kar wo boli.
Sumit:- Kya faaidaa...Kuch der mein uparwale ko pyaara ho jaaunga.
Megha:- Chalo jaldi...Nahi to...
Sumit ka dusra haath pakad kar Megha khichne lagti hai.
Sumit:- Nahi to kya ho jaayega...Tumhare baaho mein apna dum to dunga....
Sumit aage kuch bolta usse pehle hi Megha Sumit ke gaal mein ek jordaar thappad laga deti hai.
Megha:- Majaak lag raha hai tumhe ye...
Megha ko gussa aur itna darte dekh abb Sumit ek lamba saans leta hai.
Sumit:- Ye krait nahi hai?
Megha:- Fir kya hai?
Sumit:- Krait jaisa hi dikhta hai...Band bhi waisa hi hai...Jaanta tha tum isse Krait hi samjhogi issi liye maje le raha tha.
Megha:- Krait hi hai ye...Aur tum kaise yakin ke saath keh sakte ho ki ye krait nahi hai?
Sumit:- Krait ki tarah ye bilkul hi kaala nahi hai...Aur sir bhi thoda chapta hai...Jaha mere gardan par kaata hai wah abhi Krait ki tarah bite mark nahi hoga...Ye krait nahi krait jaisa hi dikhne wala wolf snake hai.
Megha:- Fir bhi hospital chalo.
Sumit:- Kyu?
Megha:- Agar jehtila hoga to anti dote milega...Observation mein rehna bahut jaruri hai.
Sumit:- Jaise ki mujhe to pata hi nahi.
Megha:- Pata hai...Lekin tum kabhi serious rehte ho?
Sumit iss baar kuch nahi kehta...Bas wo saamp ko niche jameen mein rakh deta hai aur wo saamp apna raashta bana kar nikal jaata hai.
Megha:- Chalo abb.
Sumit:- Nahi mera mood nahi hai.
Megha:- Chalo nahi to....
Sumit:- Nahi to kya?
Megha:- Dusra gaal bhi laal kar dungi...Chalo jaldi se.
Sumit:- Gaal hi kyu? Puraa ka puraa tumhara hun...Bas ek baar haa kar do.
Megha:- Agar mere ho to...Meri baat kyu nahi maante?
Sumit:- Tumne haa bhi to nahi kaha?
Megha:- Abb aise emotional blackmail karoge?
Sumit:- Chalo...Ye koshish bhi kar ke dekh kete hai.
Megha:- Bilkul nahi...Jo marji wo karo.
Itna keh kar Megha bhi gusse mein dusri aur mudd jaati hai.
Sumit:- Soch lo...Mai bilkul nahi maanunga.
Megha:- Mujhe kya matlab? Jo marji wo karo.
Sumit:- Accha thik hai fir.
Itna keh kar Sumit niche jameen mein baith jaata hai.
Megha dusri taraf dekh rahi thi...Lekin uski sharir ki halchal se Sumit aasani se andaaja laga sakta tha ki wo kitni bechain hai.
Aur jyaada pareshaan naa karne ka soch kar.
Sumit:- Accha gussa thuk do.
Megha kuch jawaab nahi deti lekin ekdum se uska bechaini bhi band ho jaata hai.
Sumit Megha ke paas jaata hai.
Sumit:- Krait ka jehar neurotoxic hota hai...Laghbhag aadha ghanta se do ghanta tak jehar hoga to signs and symptoms dikh jaayega...Agar signs dikha to hospital jarur jaaunga...Aadha ghanta hai yaha se hospital...15 min mein pahunch jaaunga.
Megha:- Lekin abhi jaane mein kya pareshaani hai?
Sumit:- Mausam dekho...Aas paas ke najaare dekho...Kitne romantic hai? Iss pal ko tumhare saath baatein kar bitaana chaahta hun...Naa ki hospital ke bed mein baith kar bore hona chaahta hun.
Megha:- Saamp ne kaata hai to risk to hai hi.
Sumit:- Krait hai hi nahi to kya risk? Abb bore mat karo yaar tum bhi...Agar jehar ka lakshan dikha to chala jaaunga hospital hawaa ki raftaar mein.
Megha:- Nahi...Hospital to chalna padega hi.
Sumit:- Agar aise hi bore karti rahi to mai chala jaaunga...Hospital nahi...Yahi kheto mein...Abhi to tumhare observation mein hu...Kuch hoga to bacha bhi logi...Socho agar chala gaya aur saamp sach mein jehrila tha to agli din kisi khet se mera laash milega.
Megha gusse se Sumit ko dekhti hai.
Sumit:- Vishwash karo...Kuch nahi hoga.
Fir dono ki baatcheet suru hota hai...Megha suru mein to kam bolti hai...Lekin dhire dhire wo bhi saath dene lagti hai.
Jab 2 ghante beet gaye Megha ki pareshaani kam hone laga.
Lekin tabhi...Sumit ki dono aankhein fadfadaane laga.
Megha:- Delha maine kaha tha...Abb tumhare aankhein fadfadaa raha hai...Ptosis...1st neurotoxic sign of snake bite.
Megha ka dar ekdum se badh gaya.
Sumit:- Uss mein naya kya hai...Tumhe delh kar to hamesha mera aankh fadfadaata hai.
Ek baar firse Sumit ko aisa karta dekh Megha gusse se Sumit ki peeth par mukko ki barsaat suru kar deti hai.
Sumit:- Abhi samay kitna hua?
Megha:- 8 baj chuka hai.
Sumit:- Hum mile kab thhe?
Megha:- 2 baje.
Abb Megha hairaani se Sumit ko ghurti hai.
Sumit:- Matlab 6 ghanta ka milan...Tum to kehti thi 4 ghanta se 1 bhi minute jyada nahi milega...Lekin pehli hi milan mein?
Megha kuch jawaab nahi deti.
Sumit:- Iss pyaar ko kya naam dogi?
Megha:- Koi pyaar wyaar nahi hai.
Sumit:- Accha to saamp ka mujhe kaatne ke baad mujhse jyaada tumhe ghabrahat hona aur ye 6 ghante kab beet gaye iska bhi koi ehsaas naa hona? Iska kya jawaab hai.
Megha:- Pyaar...Jo tum kabhi samajh hi nahi paaye thhe.
Sumit:- Abb samjha hun to khud mujhse dur hote jaa rahi ho.
Megha:- Lekin abb lagta hai ki tumhare saath comfortable nahi hu jo mai pehle bhi bata chuki hu.
Sumit:- Abhi ke liye to tumne maana hai ki tum abhi bhi mujhse pyaar karti ho?
Megha:- Haan.
Sumit:- Thik hai...Mai chaahu to ek din mein hi tumhe comfortable feel karwa du...Lekin itna jaldi bhi kya hai? Thoda iss khel ka majaa liya jaaye.
Megha:- Itna vishwash?
Sumit:- Bilkul.
Megha:- Ek baat bataao...Tum bhi mujhse pyaar karte ho?
Ye puchhte vakt Megha ki hontho mein kuch alag sa muskaan tha.
Sumit:- Yebhi koi puchne ki baat hai?
Megha:- Ek kaam karoge?
Sumit:- Bolo.
Megha:- Snake bite ka jyadatar lakshan 8 ghante mein aate hai...Lekin observation ke liye 24 ghanta best hai.
Issi liye hawaa ke raftaar se hospital jaao aur baaki ke 22 ghante observation mein reh kar apna pyaar saabit karo.
Ye sunte hi Sumit ka chehra utar gaya.
Sumit:- Ye to naa insaafi hai.
Megha:- Mujhe itna daraya tha tumne...Kya wo tumhara insaaf tha?
Sumit kuch bol nahi paaya.
Megha:- Aur haan no cheating...Jitne minute tum waha hospital se bunk karoge...Utne ghante tumse milna kam kar dungi...Faisla tumhara hai.
Itna keh kar Megha waha se chali gayi...Sumit bechara sir khujaate hue apne bike ki aur badhne laga.
Last edited:
fabulous fantastic,
pdte time muskan aa jati h, sabhi stories me ye emojis nhi chal sakti , Sumit Megha to khas h 
