- 5,758
- 13,139
- 189
UPDATE 122
Vivek se alag hone ke baad mai bilkul toot gayi...Pyaar to tha usse lekin usse jyaada ye baat bardaast nahi ho raha tha ki usne mujhe dhokha diya.
Na jaane kitne ladko ko reject kar chuki thi...Tumhe bhi...Aisa kabhi nahi hua ki mujhe kabhi koi proper attention na mila ho...Alag hi khushi alag hi confidence milta tha isse mujhe.
Bachpan se le kar jo bhi chaaha tha sab pura hua...Aisa kuch nahi tha jisse maine chaaha ho aur wo naa mila ho...Lekin ekdum se kisi ne mere saath cheat kiya bardaast nahi hua.
Bahut din laga iss sadma se ubharne me...Vishwash hi nahi ho raha tha ki mere saath bhi aisa ho sakta tha.
Jab isse ubharne lagi to socha abb aur nahi....Bahut time waste kar liya...Abb aage badhna hai...Jitna bura hona tha ho chuka hai...Abb isse nahi...Lekin kya pata tha ye bas suruwaat hai...Dhire dhire baaki doston ka saath chhutne laga...Apne paraaye hone lage...Uss vakt to mujhe parwah nahi tha...Lekin dhire dhire ye sabhi baatein ek saath mil kar pareshaan karne lage.
Maa aur Papa to saath thhe lekin man ekdum ashaant tha...Kisi cheej mai man nahi lagta tha...Iska asar padhaai mein bhi dikhne laga.
MBBS to top college se kiya tha wo bhi scholarship mein...Uss waqt tumhara yaad aaya...Tumne jab padhaya tha aur tips diya uska bahut yogdaan tha mera padhaai mein...Lekin meri hi ghamand ne ye baat maanne nahi diya...Sochti thi ki kuch pal ka padhaai mein tumhara kya credit? Mehnat meri...Talent meri...Fir tumhara kya credit?...Gyaan to har koi deta hai aaj kal bhale hi usne jindagi mein kuch ukhaada bhi hai ya nahi... Lekin ye bhul gayi thi ki raasta dikhaane ka kaam to tumhara hi tha...Jo bahut der se samajh me aayi.
Uss vakt bhi tum mere liye nakara nikamma insaan thhe jiska jindagi mein koi makshad nahi...Jo sirf mere piche hi ghumta firta tha...Aur wo khud MBBS padh raha hai to uss college mein jiska level mere college se kaafi niche hai...Hamaara koi mel tha hi nahi.
Jo pareshaani mere jeevan mein Vivek se suru hua tha uska asar mere padhaai mein aise pada ki 3 baar PG entrance mein fail ho gayi...Donation mein bhi padh nahi sakti thi koi subject.
Kaha sapna tha ki topper ki tarah Radiology padhungi aur kyaa haal ho gaya...3 saal ke depression ke baad kisi tarah se padhaai mein thoda jor lagaa kar thoda bahut marks laa paayi aur Dermatology ka seat mila.
Iss bich jindagi bahut bure daur se beeta....Maa aur Papa ne har tarike se saath diya lekin ashaant aur bhatkaa hua man ka koi kya hi kuch kare?
Residency bhi kuch khaas nahi beeta...Jindagi mein shaanti to pata nahi kaha kho si gayi thi..Koi dost nahi bana...Shayad abb kisi ko mera vyabahar pasand nahi tha...Har koi mujhse dur hi rehta.
Baat kuch mahine pehle ki hai.
Professor Dr. Rahul Mishra jo mere Papa ke dost thhe hamaare ghar aaye ekdin...Papa se baat karne... Mai bhi wohi bahithi thi.
K. Dad:- Kya baat hai Professor...Bahut din baad time mila.
Dr. Rahul:- Vakt hi kaha milta hai...Abb thoda free hu to socha mil lu.
K. Dad:- Issi liye kehta tha Doctor i chhod de...Mil kar business karte hai...Koi stress nahi aur time hi time hoga tere paas.
Iss baat ka Dr. Rahul ne koi jawaab nahi diya.
K. Dad:- Abhi to itna paisa kama hi liya hoga tune ki sahi jagah par invest kar sake?
Dr. Rahul:- Paisa ki kami to kabhi nahi tha...Abhi bhi accha khaasa hai...Business se koi problem nahi...Lekin abhi apna kaam chhodne ka kuch socha nahi hai...Kuch saal aur kaam karunga jab tak sharir saath naa chhod de.
K. Dad:- Budhaape mein bhi doctori hadd hai.
Dr. Rahul :- Doctori to aakhiri saans tak rahega...Bas surgery ke liye hi kuch saal baaki hai.
K. Dad:- Kitna kaam karega yaar...Pata nahi itna kaam kaise kar leta hai? Aur kya majaa aata hai...Mujhe to sochte hi ajeeb lagta hai.
Dr. Rahul:- Majaa aata hai issi liye hi karta hu...Hajaaron surgery kiya hai aaj tak...Lekin kuch surgery aise bhi kiya hai jisse sach mein khud par garv ho...Mushkil se mushkil surgery ko successfully kiya hai aur kuch case to aise jismein khud patient ka relatives ne bhi ummeed chhod diya tha.
Jindagi mein khushi bhi milti hai aur dukh bhi...Dukh chaahe kitna bhi ho lekin kisi ko maut ke munh se bachane ka yaa fir kisi ki dard dukh ko kam kar paane ki santuahti hamesha saath rehta hai.
K. Dad:- Soch to bahut accha hai tera...Lekin issi soch ki vajah se sirf yahi tak hai...Tere saath wale videsh me masti se jee rahe hai...Paise chaap rahe hai...Mauj masti kar rahe hai...Aur tu hai ki sirf yahi par...
Dr. Rahul ne bich mein hi baat kaat kar bola.
Dr. Rahul:- Kisne kaha mai khush nahi hun...Bhagya accha hai ki paise ki kabhi koi kami nahi hai...Paisa itna to kamaya hai ki sabhi ki icchaa pura kar saku...Bacche settled hai...Accha khaasa kamaate hai...Aur mai bhi itna kamaata hun ki jisse mera khushi ka sab kuch acche se mil jaata hai.
Abhi bhi bank mein kuch crore paise deposit hai...Agar jarurat pada bhi to koi samasya nahi.
K. Dad:- Bas?
Dr. Rahul:- Matlab?
K. Dad:- Mera hi bank balance 15 crore hai...Tu to famous surgeon hai...Din raat kaam karta hai...Mujhse to jyada hi hona chahiye tha.
Dr. Rahul:- Ek baat bataa...Tu khush hai?
K. Dad:- Bahut...Paise se aakhir kya khushi nahi milta?
Dr. Rahul:- Bura mat manna dost...Jo bhi aage kahu usse shayad tujhe bura lag sakta hai.
K. Dad:- Teri baat ka kya bura maanna? Bol.
Dr. Rahul:- Paise se hi sabhi khushi mil sakti hai to teri beti ka depression kyu thik nahi hua? Sabhi dawaai kharid sakta hai...Aur depression mein medical therapy ke alawa aur bhi therapy modalities hai....Wo bhi afford kar sakta hai.
Unke iss baat par Kirti unhe hairaani se dekhti hai aur udke Papa ekdum se chup ho jaate hai.
Dr. Rahul:- Kaha tha maine...Bura lag sakta hai...Lekin tujhe chot pahuchaane ke liye nahi kaha hai...Samajh nahi raha tha issi kiye ye kehna pada.
Maanta hun oaisa bahut jaruri hai...Paagal hi hoga wo jo kahega paisa ki koi mahatwa nahi hai...Paise se khushi milti hai lekin ek hadd tak.
Tujhe hi dekh le...Paisa kamaane ki chakkar me hai...Lekin ussi paise se kabhi apna jindagi jee paaya hai...Sochta hai ki kal bahut paisa hoga to jindagi enjoy karega...Lekin kab....1 crore se 15 crore ho gaya...15 se kitna? Maan le paisa kamaate kamaate funiya ka sabse dhani insaan ban gaya...Uske baad kya? Uske baad fir alag target hoga.
Agar paisa kharch nahi hua to bas wo kaagaz ka tukda hai...Paisa kamaate jaa lekin saath hi uska istemaal bhi kar...Jo jindagi jeena chaahta hai mauka rehte hi jee...Apne pariwaar ke sath hansi khushi jindagi bitaa...Kahi aisa naa ho ki jo tera ye soch hai bas accha khaasa paisa ho jaaye fir mauj karunga.
Jindagi ka koi bharosha nahi...Agle pal kya ho jaaye kuch nahi pata...Aise aise sharir ke ang hai jinka tujhe naam bhi pata nahi agar unme cancer ho gaya to? Paisa to rahega lekin kuch kar nahi paayega.
Paisa aata rahega jaata rahega lekin abhi jo pal hai hansi khushi jeene ka wo nahi milega...Aur khush rehne ka koi umar hota hai kya? Jo soch raha hai budhaape mein mauj karenge.
Ek baccha ko hi dekh le....Kitna khush rehta hai wo....Jab bada hota hai to kuch jyada hi sochne lagta hai...Aur soch itna bada ho jaata hai ki overthinking ke chakkar mein jindagi jeena hi bhul jaata hai.
Paisa kamaa mere dost lekin uss paise ke chakkar mein apna vartamaan ko to kharaab mat kar.
Kirti aur uske Papa ke paas koi jawaab nahi tha iss baat ki.
Kuch der baad.
K. Dad:- Thoda ajeeb jarur lag raha hai ki ek doctor ye keh raha hai...Baaki ko to mai paisa kamaane ke liye overduty tak karte dekha hai.
Dr. Rahul:- Fir galat baat...Paisa to mai bhi kamaata hu lekin itna bhi jyada nahi ki mera jindagi par asar karne lage.
Doctor bhi insaan hi hai ... Aur har insaan alag hota hai...Paiso ki jarurat apni jagah par hai...Aur issi ke saath kuch doctors aise bhi hote hai jinhe sach mein patient ki taklif samajh mein aate hai...Wo patient ki sirf laboratory values aur symptoms ko hi treat nahi karta balki patient ko hi treat karta hai...Apne knowledge ke saath saath vyabahaar se bhi sahi maaine mein doctor hote hai.
Aur ek professor ke roop mein mai apne residents mein yahi cheej dhundh raha hu abhi ke liye...Mera samay to kam hai lekin jo bhi accha kaam karna chaahte hai unhe sahi disha dikhaana chaahta hun...Jo bhi mujhe aata hai aur jo jaruri hai ek acche doctor banne mein yahi unhe sikhaa raha hun...Mere baad wohi to surgeon hai...Maine jitna kiya hai mai chaahta hu mere students mujhse bhi accha kare...Yahi mere liye guru dakshina hoga...Issi liye pichhle kuch saal se practice ke saath saath padhaane mein bhi active hu.
K. Dad:- Aur tujhe mil jaata hai aise students?
Dr. Rahul:- Bilkul...Kabhi kabhi sone ki khoj mein heera bhi mil jaata hai...Ek aisa student bhi tha jo ummeed se bhi kahi aage ka tha...Aur abhi bhi uske baare mein acche cheej hi sunne ko mil raha hai.
K. Dad:- Naam kya hai uska? Agar itna hi accha hai to kya pata kabhi jarurat pad jaaye...Acche doctors ka bhi saath rehna jaruri hi hai.
Dr. Rahul:- Sumit Dutta
Ye sunte hi Kirti aur uske Papa hairaan reh gaye...Kirti kuch bolti usse pehle uske Papa jo Sumit ko jaante thhe uske baare mein Dr. Rahul se puchne lage.
Dr. Rahul:- Haan wohi hai...Tu bhi jaanta hai?
Kirti:- Impossible...Wo to ekdum naalaayak tha...Padhaai se le kar sab cheez mein.
Bich mein Kirti ekdum se boli.
Dr. Rahul:- Sab cheej mein naa laayak...Kaise?
Kirti:- Uska bolne ka tarika, rehne ka tarika faaltu ki herogiri...Sabkuch bekaar hai.
Dr. Rahul:- Kaise? Mujhe to kuch bura nahi laga...Baat karne ka tarika to sabse accha quality kahunga mai uska...Pehle fin jab usse mila tha usse suspend karne wala tha college se...Lekin yski baaton ki jaadu hi tha jisne usse bacha liya.
Kisi ko bhi apni baatein manwa leta hai...Patient se bhi OPD mein acche se baatein karte dekha hai...Aur surgery ke waqt bhi patient relative ko surgery ke liye manaa leta tha sahi jaankaari de kar.
Abb Kirti ko samajh mein nahi aa raha tha ki kya jawaab de...Ekdum se josh mein na jane kya kya bol diya tha Sumit ke baare mein.
Kirti:- Mujhe accha nahi lagta hai uski baatein.
Dr. Rahul:- Bas iss vajah se to bura nahi ban jaata hai wo...Aur padhaai mein kya kami hai?
Kirti:- MBBS entrance mai mujhse kaafi low ranking tha uska...College rank bhi bahut low tha...Aur uske exams mein performance...Mushkil se pass hota tha...Pata nahi surgery kaise mil gaya usse pg mai?
Iss baat par Dr. Rahul hasne lage.
Dr. Rahul:- Knowledge ka reflection hamesha marks nahi hota hai...Specially Sumit ke case mein to bilkul nahi.
Chalo Suru se sunaata hun.
Maine Sumit se baat kiya tha...MBBS entrance mein jis rank ki baat kar rahi ho wo usne sirf 4 mahine ki padhaai karke laaya tha...Wo MBBS se pehle B Pharmacy ki padhaai kar raha tha...Ek Ladki ke liye usne apna field hi badal liya.
Ekdum se naya course aur kam samay uss mein bhi nashe ki lat...Kitna marks expect kar sakti ho?
Aur rahi baat uske college exams performance ki...Suruwaat mein to yssi pyaar ke chakkar mein padhaai bigaad liya...Baad mein exam marks uske liye koi maaine nahi rakhta tha...Bas pass marks solve kar leta tha.
Marks dekhna hai to uska PG entrance ki karks dekho...Radiology mil sakta tha usse lekin usne Surgery choose kiya...Aur PG mein bhi marks jaan bujh kar chhod deta tha...Sabse toughest question solve karta tha aur easy chhod deta tha...Mai khud uska marks kaatne ki jagah dhundta tha lekin jo bhi question solve karta tha wo usse full marks diye bina nahi reh paata tha.
Maine pehle bhi kaha tha marks knowledge ka 100% reflection nahi hota...Jab mai pehle class mai usse suspend karne wala tha usne mujhe confidently kaha ki usse sab kuch aata hai issi liye theory class attend karne ki jarurat nahi hai...Socha do chaar tough question pucch ke suspend kar dunga.
Lekin uska answer karne ka tarika aur knowledge aisa tha jo aadhe se jyaada final year resident nahi kar paate thhe.
Ye hai uska knowledge ka level.
Dr. Rahul ki har ek shabd mein Sumit ke liye taarif tha aur yahi baat Kirti aur uske Papa ko vishwash nahi ho raha tha.
K. Dad:- Lekin ghamand bahut hai usmein...Ye baat bhi sahi nahi hai.
Dr. Rahul:- Ghamand se jyada confidence kahunga usse mai...3 saal mere saath raha hai wo...Knowledge ke saath skills bhi sahi tha...Final year mein aane ke baad mai khud usse surgery karne deta aur side mein khada ho kar assist karta taaki koi galti na ho jaaye.
Lekin uski jarurat kabhi nahi pada...Mushkil se mushkil surgery wo khud handle kar leta bas side mein thoda assist karne ke liye koi hona chahiye.
Itna talented aur skillful hone ke baad thoda to attitude aa hi jaata hai...Lekin utna jyada bhi nahi tha uss mein...Haan uska confidence ko koi ghamand samajh sakta hai agar acche se naa jaanta ho to.
Kirti to bilkul chup ho gayi...Wo Sumit ke baare mein jo bhi sochti thi Sumit usse bilkul hi alag nikla...Jisse wo nikamma sochti thi aaj uski kaabiliyat par vishwash nahi ho raha tha...Jis Sumit ko padhaai ke maamle mein apne se bahut piche sochti thi aaj wo uske aas paas bhi khud ko nahi dekh paa rahi thi.
Dr. Rahul:- Abhi wo jaha kaam kar raha tha waha se bhi uske talent aur skill ki positive baatein sunne ko mil raha hai.
Bas aise hi aur students chaahiye...Talented aur skillfull hone ke saath hi behavior aur attitude se bhi sahi doctor ban sake...Aise hi students ko guide karna hai kuch saal aur.
Abb Kirti se raha nahi gaya...Wo waha se apne room chali gayi...Uske Papa aur Dr. Rahul ki baat jaari rahi.
Kuch din baad jab maine apne book rack mein se ek book uthaaya to uske pages ke bich mein bahut se papers thhe.
Paper ulta kar dekha to vishwaas nahi hua.
Itna keh kar Kirti Sumit ko dekhne lagi.
Sumit:- Kya tha uss main?
Kirti:- Accha tum nahi jaante...Tumne bahut galat kiya Sumit.
Iss baar Kirti ki aawaj mein gussa ke saath saath dard tha...Aur side mein baithi Megha muskura rahi thi.
